മനുഷ്യ-വന്യജീവി സംഘർഷം ലഘൂകരിക്കുന്നതിന് കർമ്മപദ്ധതി

*61  ശ്രീമതി ഉഷ വിജയൻ
ശ്രീ. കെ. പ്രവീൺ കുമാർ
ശ്രീ. കെ. എം. അഭിജിത്ത്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  മനുഷ്യ-വന്യജീവി സംഘർഷം ലഘൂകരിക്കുന്നതിന് നടപ്പാക്കാൻ ഉദ്ദേശിക്കുന്ന കാര്യങ്ങൾ എന്തൊക്കെയാണെന്ന് വ്യക്തമാക്കുമോ;

(ബി)  വന്യജീവികൾ ജനവാസ മേഖലയിലേക്ക് കടന്നുവരുന്നതിന്റെ കാരണം ശാസ്ത്രീയമായി പഠനവിധേയമാക്കി പരിഹാരമാർഗ്ഗങ്ങൾ നടപ്പാക്കാൻ നടപടി സ്വീകരിക്കുമോ; വ്യക്തമാക്കുമോ;

(സി)  ആധുനിക സാങ്കേതികവിദ്യയുടെ സഹായത്തോടെ വന്യജീവി സാന്നിധ്യം സംബന്ധിച്ച് ജനങ്ങൾക്ക് മുന്നറിയിപ്പുകൾ നൽകുന്നതിലൂടെ മനുഷ്യ-വന്യജീവി സംഘർഷം ലഘൂകരിക്കുന്നതിന് കർമ്മപദ്ധതി ആവിഷ്കരിക്കുമോ; വിശദാംശം നല്‍കുമോ?

ഗോത്രബന്ധു പദ്ധതി

*62  ശ്രീ. കെ. വി. സുമേഷ്
ശ്രീ. വി. കെ. സനോജ്
ശ്രീ. എ. പ്രഭാകരന്‍
പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികവർഗ്ഗ വിഭാഗം വിദ്യാർത്ഥികളുടെ വിദ്യാഭ്യാസ പുരോഗതിക്കായി മുന്‍ സർക്കാർ ആവിഷ്കരിച്ച ഗോത്രബന്ധു പദ്ധതി ഈ അധ്യയനവർഷം മുതൽ നിർത്തലാക്കിയിട്ടുണ്ടോ; എങ്കിൽ കാരണം വ്യക്തമാക്കാമോ;

(ബി)  സംസ്ഥാനത്ത് എത്ര മെന്റർ അധ്യാപകരെയാണ് ഈ പദ്ധതിയ്ക്കായി നിയമിച്ചിട്ടുള്ളത്; പ്രസ്തുത അധ്യാപകർ ഇപ്പോഴും തുടരുന്നുണ്ടോ; ഇല്ലെങ്കിൽ കാരണം വ്യക്തമാക്കാമോ;

(സി)  ഗോത്രബന്ധു പദ്ധതിയിലൂടെ സ്കൂളുകളിൽ നിന്നുള്ള ഗോത്രവിഭാഗം വിദ്യാർത്ഥികളുടെ കൊഴിഞ്ഞുപോക്ക് കുറഞ്ഞതായി ശ്രദ്ധയിൽപ്പെട്ടിട്ടുണ്ടോ;

(ഡി)  ഈ പദ്ധതി തുടരുന്നില്ലെങ്കിൽ തൊഴിൽ നഷ്ടപ്പെട്ട മെന്റർ അധ്യാപകരുടെ പുനരധിവാസത്തിനും കുട്ടികളുടെ കൊഴിഞ്ഞുപോക്ക് തടയുന്നതിനും എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

കുടിവെള്ളത്തിന്റെ ഗുണനിലവാരം ഉറപ്പുവരുത്തുന്നതിന് നടപടി

*63  ശ്രീ. പി. എ. മുഹമ്മദ് റിയാസ്
ശ്രീ. സി. കെ. ഹരീന്ദ്രന്‍
ശ്രീ. പി. മമ്മിക്കുട്ടി
ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ജലജന്യരോഗങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ അവ പ്രതിരോധിക്കുന്നതിന് എന്തെല്ലാം നടപടികളാണ് ജലവിഭവ വകുപ്പ് സ്വീകരിച്ചിരിക്കുന്നത്; വിശദമാക്കാമോ;

(ബി)  കുടിവെള്ളം ശുദ്ധമാണെന്ന് ഉറപ്പുവരുത്തുന്നതിന് എന്തെല്ലാം തരത്തിലുള്ള പരിശോധനകള്‍ നിലവില്‍ നടത്തിവരുന്നുണ്ടെന്ന് വിശദമാക്കാമോ;

(സി)  കുടിവെള്ളത്തിന്റെ ഗുണനിലവാരം പരിശോധിക്കാനായി മുൻ സര്‍ക്കാര്‍ സ്ഥാപിച്ച സ്റ്റേറ്റ്, ജില്ലാ, ഉപജില്ലാ ലാബുകളുടെ വിശദാംശങ്ങളും പ്രയോജനങ്ങളും അറിയിക്കാമോ;

(ഡി)  കേരള വാട്ടർ അതോറിറ്റിയുടെ അംഗീകൃത ലാബുകളില്‍ ഓണ്‍ലൈനായി പണമടച്ച് വെള്ളം പരിശോധിക്കാനും ഫലം ലഭ്യമാക്കാനും കഴിഞ്ഞ സര്‍ക്കാര്‍ ഏര്‍പ്പെടുത്തിയ സംവിധാനം നിലവില്‍ എത്രത്തോളം ഫലപ്രദമാണ്; വിശദമാക്കാമോ?

പട്ടികജാതി വിഭാഗം വിദ്യാര്‍ത്ഥികള്‍ക്കുള്ള പ്രോത്സാഹനങ്ങള്‍

*64  ശ്രീ. എ. കെ. എം. അഷ്റഫ്
പ്രൊഫ. ആബിദ് ഹുസൈന്‍ തങ്ങള്‍
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പഠനത്തിലും കലാപ്രവര്‍ത്തനങ്ങളിലും മികവ് തെളിയിക്കുന്ന പട്ടികജാതി വിഭാഗത്തിലെ വിദ്യാര്‍ത്ഥികള്‍ക്ക് എന്തെല്ലാം പ്രോത്സാഹനമാണ് നല്‍കി വരുന്നത്; വിശദമാക്കാമോ;

(ബി)  എസ്.എസ്.എല്‍.സി., പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് നേടുന്ന വിദ്യാര്‍ത്ഥികള്‍ക്ക് നല്‍കിവരുന്ന സ്വര്‍ണ്ണമെഡല്‍ പദ്ധതി നിലച്ചതായുള്ള ആക്ഷേപം പരിശോധിക്കുമോ;

(സി)  സ്കൂള്‍ കലോത്സവങ്ങളില്‍ എ ഗ്രേഡ് നേടുന്ന പട്ടികജാതി വിഭാഗത്തിലെ വിദ്യാര്‍ത്ഥികള്‍ക്ക് നല്‍കിവരുന്ന പതിനായിരം രൂപയുടെ പ്രോത്സാഹന സമ്മാന വിതരണത്തില്‍ കുടിശ്ശിക വരുത്തിയിട്ടുണ്ടോ; വിശദമാക്കാമോ;

(ഡി)  മെഡലുകളും സമ്മാനത്തുകയും കുടിശ്ശിക സഹിതം എന്നത്തേക്ക് വിതരണം ചെയ്യാന്‍ കഴിയുമെന്ന് വ്യക്തമാക്കുമോ?

ഗുണനിലവാരമുള്ള കുടിവെള്ളം ലഭ്യമാക്കാന്‍ നടപടി

*65  ശ്രീ. പാറക്കൽ അബ്‌ദുല്ല
ശ്രീ. കല്ലട്ര മാഹിൻ
ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഗുണനിലവാരമുള്ള കുടിവെള്ളം ലഭ്യമാക്കാൻ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ;

(ബി)  ദുര്‍ബല വിഭാഗത്തില്‍പ്പെട്ടവര്‍ക്ക് സൗജന്യമായി കുടിവെള്ളം നല്‍കാന്‍ എന്തെങ്കിലും പദ്ധതി ആവിഷ്കരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

(സി)  റോഡ് വെട്ടിപ്പൊളിച്ച് പെെപ്പിടുന്നതു മൂലമുള്ള പ്രശ്നങ്ങള്‍ പരിഹരിക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

ജൽ ജീവൻ മിഷനുമായി ബന്ധപ്പെട്ട് തകർന്ന റോഡുകളുടെ പുനരുദ്ധാരണം

*66  ശ്രീ. വി. പി. സജീന്ദ്രൻ
ശ്രീ. സേനാപതി വേണു
ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് ജൽ ജീവൻ മിഷൻ പൈപ്പുകൾ സ്ഥാപിക്കുന്നതിനായി പൊതുമരാമത്ത് വകുപ്പിന്റെയും തദ്ദേശ സ്ഥാപനങ്ങളുടെയും റോഡുകൾ വെട്ടിപ്പൊളിച്ചതുമൂലം ജനങ്ങൾ നേരിടുന്ന യാത്രാക്ലേശം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

(ബി)  പൈപ്പിട്ട ശേഷം റോഡുകൾ പൂർവ്വസ്ഥിതിയിലാക്കാൻ മുൻ സർക്കാരിന്റെ കാലത്ത് വാട്ടർ അതോറിറ്റി മറ്റ് വകുപ്പുകൾക്ക് കൃത്യമായി ഫണ്ട് കൈമാറിയിട്ടുണ്ടോ; വിശദാംശം വ്യക്തമാക്കാമോ;

(സി)  റോഡുകൾ പൂർവ്വസ്ഥിതിയിലാക്കി യാത്രാക്ലേശം ഒഴിവാക്കാൻ പൊതുമരാമത്ത് വകുപ്പുമായി ഫലപ്രദമായ ഏകോപനത്തിലൂടെ നടപടി സ്വീകരിയ്ക്കുമോ; വ്യക്തമാക്കുമോ?

മത്സ്യബന്ധന മേഖലയുടെ സുസ്ഥിര വികസനത്തിനായി പദ്ധതി

*67  ശ്രീ. സേനാപതി വേണു
ശ്രീ. വി. പി. സജീന്ദ്രൻ
ശ്രീ. അബിൻ വർക്കി കോടിയാട്ട്
ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മിഷൻ സമുദ്രയുടെ കീഴിൽ മത്സ്യബന്ധന തൊഴിലാളികൾക്ക് സഹായകരമായിട്ടുള്ള പദ്ധതികൾ ഏതെല്ലാമാണെന്ന് വ്യക്തമാക്കാമോ; ആയതിൽ മത്സ്യബന്ധന യാനങ്ങളുടെ നവീകരണത്തിന് സാമ്പത്തിക പിന്തുണ ലഭ്യമാക്കുമോയെന്ന് വ്യക്തമാക്കാമോ;

(ബി)  സമുദ്ര സമ്പദ് വ്യവസ്ഥയുടെ സുസ്ഥിര വികസനത്തിനായി എന്തെല്ലാം പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(സി)  ഉള്‍നാടന്‍ മത്സ്യബന്ധനം ശക്തിപ്പെടുത്തുന്നതിനായി എന്തെല്ലാം നടപടികളാണ് ആസൂത്രണം ചെയ്തിട്ടുള്ളതെന്ന് വിശദമാക്കുമോ?

മത്സ്യത്തൊഴിലാളികളുടെ ഉന്നമനത്തിനായി നടപ്പിലാക്കിയ പദ്ധതികൾ

*68  ശ്രീ. കാരായി രാജൻ
ശ്രീ. എ. സി. മൊയ്തീന്‍
ശ്രീ. കെ. പ്രേംകുമാര്‍
ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യ ഉല്പാദനം വർദ്ധിപ്പിക്കുന്നതിനായി മുൻ സർക്കാർ നടപ്പിലാക്കിയ പദ്ധതികളും തന്മൂലം കൈവരിച്ച നേട്ടങ്ങളും വ്യക്തമാക്കാമോ;

(ബി)  മത്സ്യത്തൊഴിലാളികൾക്ക് ന്യായവില ഉറപ്പാക്കുന്നതിനും മത്സ്യവിപണന ശൃംഖല ശക്തിപ്പെടുത്തുന്നതിനുമായി മുൻ സർക്കാർ സ്വീകരിച്ച നടപടികൾ വ്യക്തമാക്കാമോ;

(സി)  പ്രസ്തുത തൊഴിലാളികളുടെ ഉപജീവനവും സ്വയംതൊഴിലും പ്രോത്സാഹിപ്പിക്കുന്നതിനായി മുൻ സർക്കാർ ആരംഭിച്ച പദ്ധതികൾ ഏതൊക്കെയാണെന്ന് വിശദമാക്കാമോ;

(ഡി)  മത്സ്യമേഖലയിൽ യുവജന പങ്കാളിത്തം വർദ്ധിപ്പിക്കുന്നതിനായി മുൻ സർക്കാർ നടപ്പിലാക്കിയ പരിശീലന, സംരംഭകത്വ പദ്ധതികളുടെ വിശദാംശം നൽകാമോ?

സമഗ്ര വനം-വന്യജീവി നയം

*69  ശ്രീ. സുധീർഷാ പാലോട്
ശ്രീ. ആര്യാടന്‍ ഷൗക്കത്ത്
ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  മനുഷ്യ-വന്യജീവി സംഘർഷം തടയുന്നതിന് സമഗ്ര വനം-വന്യജീവി നയം രൂപീകരിക്കുവാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ;

(ബി)  സംസ്ഥാനത്തെ വനമേഖലയിലെ വന്യജീവികളുടെ വർദ്ധനവിന്റെ കണക്കെടുക്കാൻ ഉദ്ദേശിക്കുന്നുണ്ടോ; വിശദാംശം നല്‍കുമോ;

(സി)  വന്യജീവി ആക്രമണം നേരിടുന്ന പ്രദേശങ്ങളിലുള്ളവർക്കും മലയോരമേഖലയിലെ കർഷകർക്കും പ്രത്യേക ഇൻഷുറൻസ് പദ്ധതി നടപ്പാക്കുമോയെന്ന് വ്യക്തമാക്കുമോ?

വനനിയമം കര്‍ഷകരെ പ്രതികൂലമായി ബാധിക്കാതിരിക്കാനുള്ള നടപടികള്‍

*70  ശ്രീ. സനീഷ്‌കുമാര്‍ ജോസഫ്
ശ്രീ. രമേഷ് പിഷാരടി
ശ്രീ. സുമേഷ് അച്ചുതൻ
ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  പഴയ റിസര്‍വ് വന വിജ്ഞാപനങ്ങള്‍ പ്രതികൂലമായി ബാധിക്കപ്പെട്ട കര്‍ഷകരുടെ ഭൂമിയിന്മേലുള്ള അവകാശം സംരക്ഷിച്ചുകൊണ്ട് വനഭൂമിയും കൃഷിഭൂമിയും തമ്മിൽ അതിര്‍ത്തി നിര്‍ണയിക്കുന്നതിനുള്ള നടപടികള്‍ കൈക്കൊള്ളുമോ;

(ബി)  വനസമ്പത്ത് സംരക്ഷിച്ചുകൊണ്ട് വനസമ്പത്തിനെ ആശ്രയിച്ചുകഴിയുന്ന ഗോത്രവിഭാഗങ്ങള്‍ക്ക് സുസ്ഥിരമായ വരുമാനമാര്‍ഗ്ഗങ്ങള്‍ ലഭ്യമാക്കുന്നതിന് വനവിഭവശേഖരണത്തിനും വിപണനത്തിനുമുള്ള സാധ്യതകള്‍ വിപുലീകരിക്കുമോ;

(സി)  വന്യജീവികളുടെ ആക്രമണം മൂലം ദുരിതമനുഭവിക്കുന്ന വനമേഖലയിലെ കര്‍ഷകര്‍ക്ക് പലിശരഹിത വായ്പകളും വിളകള്‍ക്ക് ഇന്‍ഷുറന്‍സ് പരിരക്ഷയും ലഭ്യമാക്കാന്‍ നടപടി സ്വീകരിക്കുമോ; വ്യക്തമാക്കുമോ;

(ഡി)  വന്യജീവി ആക്രമണത്തിൽ നിന്നും വിളകളെ സംരക്ഷിക്കാന്‍ വിളകളിലും കൃഷിരീതികളിലും ബദല്‍ മാര്‍ഗ്ഗങ്ങളുടെ സാധ്യതകള്‍ കൃഷിവകുപ്പുമായി ചേർന്ന് പരിശോധിക്കുമോ?

വന്യജീവി സംഘർഷം ലഘൂകരിക്കാൻ നടപടി

*71  ശ്രീ. വിഷ്ണു മോഹൻ
ശ്രീ. ഉല്ലാസ് കോവൂർ
ശ്രീ. വി. കുഞ്ഞികൃഷ്ണൻ : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  വന്യജീവി സംഘർഷം കുറയ്ക്കുന്നതിനായി വനാതിർത്തികളിൽ ആധുനികവും ശാസ്ത്രീയവുമായ സ്ഥിരസംവിധാനങ്ങൾ ഏർപ്പെടുത്താൻ എന്തെല്ലാം അടിയന്തര നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ;

(ബി)  വന്യജീവി സംഘർഷം ലഘൂകരിക്കുന്നതിനായി വനം വകുപ്പ് ആവിഷ്കരിച്ചു നടപ്പാക്കുന്ന ത്രീ ടയർ സ്ട്രാറ്റജി (കണ്ടൈൻമെന്റ്, മിറ്റിഗേഷൻ, കോംബൻസേഷൻ)യുടെ ലക്ഷ്യങ്ങൾ എന്തെല്ലാമെന്ന് വിശദമാക്കാമോ;

(സി)  വന്യജീവികളുടെ സാന്നിധ്യം മുൻകൂട്ടി അറിയുന്നതിനായി ആര്‍ട്ടിഫിഷ്യൽ ഇന്റലിജൻസ് സെൻസർ അധിഷ്‌ഠിത മുന്നറിയിപ്പ് സംവിധാനങ്ങൾ, ഡ്രോൺ സ്‌ക്വാഡുകൾ എന്നിവ രൂപീകരിക്കുവാൻ തീരുമാനിച്ചിട്ടുണ്ടോ; വ്യക്തമാക്കാമോ;

(ഡി)  വനാതിർത്തികളിൽ ദ്രുതകർമസേനയുടെ പ്രവർത്തനം ശക്തമാക്കാൻ എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കാമോ?

മത്സ്യത്തൊഴിലാളികളുടെ ക്ഷേമത്തിനും പുരോഗതിക്കും നടപടികൾ

*72  ശ്രീമതി കെ. കെ. രമ
ശ്രീ. ടി. ജെ. വിനോദ്
ശ്രീ. ടി .ഒ. മോഹനൻ
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളി സമൂഹത്തിന്റെ ക്ഷേമത്തിനും പുരോഗതിക്കുമായി എന്തെല്ലാം നടപടികൾ സ്വീകരിക്കാൻ ഉദ്ദേശിക്കുന്നുവെന്ന് വ്യക്തമാക്കുമോ;

(ബി)  തീരദേശ സംരക്ഷണം, ദുർബലമായ തീരദേശ സമൂഹങ്ങളുടെ പുനരധിവാസം, തീരദേശ മേഖലയിലെ കാലാവസ്ഥയ്ക്ക് അനുയോജ്യമായ വികസനം തുടങ്ങിയ കാര്യങ്ങളിൽ സർക്കാരിന്റെ നയസമീപനം എന്താണെന്ന് വ്യക്തമാക്കുമോ;

(സി)  മത്സ്യത്തൊഴിലാളി സമൂഹത്തിന് ഗുണകരമാകുന്ന രീതിയിൽ ഈ മേഖലയിലെ നിക്ഷേപതാൽപര്യങ്ങളെ പ്രോത്സാഹിപ്പിക്കുന്നതിനായി എന്തെല്ലാം നടപടി സ്വീകരിക്കുമെന്ന് വ്യക്തമാക്കുമോ?

ഗോത്ര വിഭാഗം മെന്റര്‍ അധ്യാപകരുടെ സേവനം നിലനിര്‍ത്താന്‍ നടപടി

*73  ശ്രീ. പി. പി. സുമോദ്
ശ്രീ. കെ. എന്‍. ബാലഗോപാല്‍
ശ്രീ. ജി. സ്റ്റീഫന്‍
ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ഗോത്ര മേഖലയിലെ വിദ്യാര്‍ത്ഥികളുടെ സ്കൂള്‍ പ്രവേശനം ഉറപ്പാക്കുക, പഠനത്തില്‍ അവര്‍ക്ക് പിന്തുണ നല്‍കുക, ഗോത്രവിഭാഗത്തിലെ അഭ്യസ്തവിദ്യരായ യുവാക്കള്‍ക്ക് തൊഴില്‍ നല്‍കുക തുടങ്ങിയ ലക്ഷ്യങ്ങളുമായി കഴിഞ്ഞ സര്‍ക്കാര്‍ നിയമിച്ച ഗോത്ര വിഭാഗം മെന്റര്‍ അധ്യാപകരെ പിരിച്ചുവിടുന്നതിന് തീരുമാനിച്ചിട്ടുണ്ടോ; വ്യക്തമാക്കാമോ;

(ബി)  ഗോത്രവിഭാഗം മെന്റര്‍ അധ്യാപകരെ പിരിച്ചു വിടുന്നതുവഴി ആദിവാസി മേഖലയിലെ വിദ്യാഭ്യാസ രംഗത്തും കുട്ടികളുടെ സാമൂഹിക ജീവിതത്തിലും ഉണ്ടാകാനിടയുള്ള ഗുരുതരമായ പ്രത്യാഘാതങ്ങള്‍ ഉള്‍ക്കൊണ്ട് പ്രസ്തുത അധ്യാപകരെ പിരിച്ചുവിടാനുള്ള തീരുമാനം പിന്‍വലിക്കാമോ; വ്യക്തമാക്കാമോ?

ഗോത്രഭൂമിയുടെ ഉടമസ്ഥാവകാശം ഉറപ്പാക്കുന്നതിന് നടപടി

*74  ശ്രീ. ഐ. സി. ബാലകൃഷ്ണന്‍
ശ്രീ. വി. ടി. സൂരജ്
ശ്രീമതി വിദ്യാ ബാലകൃഷ്ണൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഗോത്ര സമൂഹങ്ങൾക്ക് ഭൂമിയിന്മേലുള്ള അവകാശം ഉറപ്പാക്കുന്നതിനായി വനാവകാശ നിയമം പൂർണ്ണമായി നടപ്പാക്കാൻ തയ്യാറാകുമോ; വിശദാംശം വ്യക്തമാക്കുമോ;

(ബി)  ദീർഘകാലമായി മുടങ്ങിക്കിടക്കുന്ന വ്യക്തിഗത വനാവകാശ വാദങ്ങളും സാമൂഹിക വനാവകാശവാദങ്ങളും തീർപ്പാക്കിക്കൊണ്ട് ഗോത്രഭൂമിയുടെ ഉടമസ്ഥാവകാശം അർഹതപ്പെട്ടവർക്ക് നൽകുന്നതിന് പ്രത്യേക കർമ്മപദ്ധതി തയ്യാറാക്കുമോ; വ്യക്തമാക്കുമോ;

(സി)  ഗോത്രവർഗ ഭൂമിയുടെ തുടർകൈമാറ്റവും ഗോത്രവർഗ്ഗ ഭൂമിയിലെ കയ്യേറ്റങ്ങളും തടയുന്നതിന് നടപടി സ്വീകരിക്കുമോ; വ്യക്തമാക്കുമോ?

ആശ്വാസകിരണം പദ്ധതി

*75  ശ്രീ. ടി. പി. അഷ്റഫ് അലി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ആശ്വാസകിരണം പദ്ധതിയുടെ ധനസഹായ തുക വർഷങ്ങളായി കുടിശ്ശികയായിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)  എങ്കില്‍ എത്ര മാസത്തെ കുടിശ്ശികയാണ് നിലവിലുള്ളതെന്ന് വ്യക്തമാക്കാമോ;

(സി)  കുടിശ്ശിക പൂര്‍ണ്ണമായും കൊടുത്ത് തീർക്കുന്നതിനായി സത്വര നടപടി സ്വീകരിക്കുമോ;

(ഡി)  ആശ്വാസ കിരണം പദ്ധതിയുടെ ധനസഹായ തുക ആയിരം രൂപയായി വര്‍ദ്ധിപ്പിക്കുന്നതിന് നടപടി സ്വീകരിക്കുമോ?

കേരളാ മറൈൻ ഫിഷിംഗ് റെഗുലേഷൻ ആക്ട് , 1980

*76  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. എം. വിന്‍സെന്റ്
ശ്രീ. എ. ഡി. തോമസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  1980-ലെ കേരളാ മറൈൻ ഫിഷിംഗ്‌ റെഗുലേഷൻ ആക്ടില്‍, 2018-ല്‍ വരുത്തിയ ഭേദഗതിയുടെ ഭാഗമായി നിശ്ചിത യന്ത്രശേഷിയുള്ള മത്സ്യബന്ധന യാനങ്ങള്‍ക്ക് തീരത്തുനിന്ന് പന്ത്രണ്ട് നോട്ടിക്കല്‍ മൈല്‍ പരിധിക്കുള്ളില്‍ മത്സ്യബന്ധനം നടത്തുന്നതിന് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ടോ; വിശദമാക്കുമോ;

(ബി)  ഇത്തരത്തിൽ നിയന്ത്രണം ഏര്‍പ്പെടുത്തിയത് മത്സ്യത്തൊഴിലാളികൾക്ക് വളരെ ബുദ്ധിമുട്ടുണ്ടാക്കുന്നതായി ശ്രദ്ധയിൽപ്പെട്ടിട്ടുണ്ടോ; ഇക്കാര്യം ഗൗരവമായി പരിശോധിക്കുമോ;

(സി)   പ്രസ്തുത ഭേദഗതി പുന:പരിശോധിക്കാൻ അടിയന്തര നടപടി സ്വീകരിക്കുമോ?

പട്ടികവർഗ്ഗ ഉന്നതികളിൽ അടിസ്ഥാന സൗകര്യ വികസനം

*77  ശ്രീ. നാട്ടകം സുരേഷ്
ഡോ. മാത്യു കുഴൽനാടൻ
ശ്രീ. സിറിയക് തോമസ്
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പട്ടികവർഗ്ഗ ഉന്നതികളിൽ ഗതാഗത സൗകര്യവും ചികിത്സാ സൗകര്യങ്ങളും ലഭ്യമാകാത്തതുമൂലമുള്ള പ്രതിസന്ധി ഗൗരവത്തോടെ കാണുന്നുണ്ടോ; വ്യക്തമാക്കാമോ;

(ബി)  റോഡ് ഇല്ലാത്തതുമൂലം അടിയന്തര ഘട്ടങ്ങളിൽ രോഗികളെയും ഗർഭിണികളെയും ആശുപത്രിയിലെത്തിക്കാൻ സാധിക്കാതെ മരണപ്പെടുന്ന സംഭവങ്ങൾ മുൻകാലങ്ങളിൽ ആവർത്തിക്കപ്പെട്ടതായുളള ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ പട്ടികവർഗ്ഗ ഉന്നതികളിൽ റോഡ് സൗകര്യവും ചികിത്സാ സൗകര്യങ്ങളും ലഭ്യമാക്കുന്നതിന് ഒരു പ്രത്യേക കർമ്മപദ്ധതി തയ്യാറാക്കുമോ; വിശദമാക്കാമോ?

ജൽ ജീവൻ മിഷൻ പദ്ധതി

*78  ശ്രീ. സെബാസ്റ്റ്യൻ. എം. ജെ
ശ്രീമതി ഉമ തോമസ്
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജൽ ജീവൻ മിഷൻ പദ്ധതി പ്രകാരം ഗാർഹിക കുടിവെള്ള കണക്ഷനുകൾ നൽകുന്ന പദ്ധതി നിർവഹണത്തിൽ അതിയായ കാലതാമസം നേരിട്ടതിനാലുണ്ടായ പ്രതിസന്ധി ഗൗരവത്തോടെ കാണുന്നുണ്ടോ; ഈ പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദാംശം നല്കുമോ;

(ബി)  പദ്ധതി നിർവഹണത്തിൽ കാലതാമസം നേരിട്ടതിനുള്ള കാരണങ്ങൾ വിലയിരുത്തിയിട്ടുണ്ടോ; വിശദമാക്കുമോ; ഈ പദ്ധതിക്കായി മുൻ സർക്കാർ കാലയളവിൽ കേന്ദ്ര-സംസ്ഥാന സർക്കാരുകൾ അനുവദിച്ച തുകയും ചെലവഴിച്ച തുകയും വ്യക്തമാക്കുമോ;

(സി)  ജൽ ജീവൻ മിഷൻ പദ്ധതിയുടെ നിർവ്വഹണം കാര്യക്ഷമമാക്കാൻ എന്തൊക്കെ നടപടി സ്വീകരിയ്ക്കുമെന്ന് വ്യക്തമാക്കുമോ?

മത്സ്യമേഖലയുടെ വികസനം

*79  ശ്രീ. സി. വി. ശാന്തകുമാർ
ശ്രീ. വി. പി. സജീന്ദ്രൻ
ശ്രീ. സേനാപതി വേണു
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യമേഖലയുടെ വികസനത്തിനും മത്സ്യത്തൊഴിലാളി കുടുംബങ്ങളുടെ ക്ഷേമത്തിനുമായി പദ്ധതികൾ ആവിഷ്കരിച്ചിട്ടുണ്ടോ; എങ്കിൽ ഏതെല്ലാം മേഖലകളിലാണ് വികസനപദ്ധതികൾ ആവിഷ്കരിച്ചിട്ടുള്ളതെന്ന് വ്യക്തമാക്കാമോ;

(ബി)  മത്സ്യത്തൊഴിലാളികൾക്ക് ട്രോളിംഗ് നിരോധന കാലയളവിൽ എന്തെല്ലാം സഹായങ്ങളാണ് നൽകിവരുന്നതെന്ന് വ്യക്തമാക്കാമോ?

ട്രോളിംഗ് നിരോധനം

*80  ശ്രീ. മുഹമ്മദ് മുഹസിന്‍
ശ്രീ. പി. പ്രസാദ്
ശ്രീ. ജി. ആര്‍. അനില്‍
ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ട്രോളിങ് നിരോധനകാലത്ത് വറുതിയിലാകുന്ന മത്സ്യത്തൊഴിലാളികൾക്കുണ്ടാകുന്ന ബുദ്ധിമുട്ടുകൾ പരിഹരിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദീകരിക്കുമോ;

(ബി)  ട്രോളിംഗ് നിരോധന കാലത്ത് കടലിൽ പോകുന്ന പരമ്പരാഗത മത്സ്യത്തൊഴിലാളികളുടെ സുരക്ഷക്കായി സ്വീകരിച്ചിട്ടുള്ള നടപടികൾ എന്തെല്ലാമെന്ന് വിശദമാക്കുമോ;

(സി)  ട്രോളിംഗ് നിരോധന കാലത്ത് ആധുനിക സൗകര്യങ്ങളുള്ള വിദേശ ട്രോളറുകൾ കേരളതീരത്ത് മത്സ്യബന്ധനം നടത്തുന്നത് നിയന്ത്രിക്കുന്നതിനുവേണ്ടി സ്വീകരിച്ചിട്ടുള്ള സംവിധാനങ്ങൾ എന്തെല്ലാമെന്ന് വിശദമാക്കുമോ;

(ഡി)  മത്സ്യത്തൊഴിലാളികൾ വിവിധ ധനകാര്യസ്ഥാപനങ്ങളിൽ നിന്നെടുത്തിട്ടുള്ള വായ്‌പകളിന്മേൽ ട്രോളിംഗ് നിരോധന കാലത്ത് മൊറട്ടോറിയം ഉൾപ്പെടെയുള്ള സാമ്പത്തികാശ്വാസം അനുവദിക്കുമോ; എങ്കിൽ വിശദാംശം ലഭ്യമാക്കുമോ;

(ഇ)  ട്രോളിംഗ് നിരോധന കാലത്തും മത്സ്യം സുലഭമായി പ്രാദേശിക വിപണികളിൽ ലഭ്യമാക്കുന്നതിന് വേണ്ടി ഉൾനാടൻ ശുദ്ധജല മത്സ്യസമ്പത്ത് വർദ്ധിപ്പിക്കുന്നതിന് വേണ്ടി സ്വീകരിച്ചുവരുന്ന നടപടികൾ വിശദമാക്കുമോ?

കുടിവെള്ള പദ്ധതികള്‍

*81  ശ്രീ. എം. വിജിന്‍
ശ്രീ. കെ. യു. ജനീഷ് കുമാര്‍
ശ്രീ. യു. ആര്‍. പ്രദീപ്
ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ കുടിവെള്ള പദ്ധതികള്‍ പൂര്‍ത്തീകരിക്കുന്നതിനായി മുൻ സര്‍ക്കാര്‍ നടപ്പിലാക്കിയ പദ്ധതികളുടെ വിശദാംശങ്ങള്‍ ലഭ്യമാക്കുമോ;

(ബി)  ജല്‍ ജീവന്‍ മിഷന്‍ പദ്ധതിയുടെ നിലവിലെ പുരോഗതി ജില്ലാടിസ്ഥാനത്തില്‍ വിശദമാക്കാമോ;

(സി)  മുൻ സർക്കാരിന്റെ കാലയളവിൽ പദ്ധതിക്ക് കേന്ദ്ര വിഹിതമായി ലഭ്യമായ തുകയുടെ വിശദാംശങ്ങള്‍ വിവരിക്കുമോ;

(ഡി)  മുൻ സർക്കാരിന്റെ കാലയളവിൽ സംസ്ഥാന വിഹിതമായി എത്ര തുക അനുവദിക്കപ്പെട്ടിട്ടുണ്ട്; പദ്ധതിക്കായി വായ്പ എടുക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

(ഇ)  പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ?

പട്ടികജാതി-പട്ടികവര്‍ഗ്ഗ വിഭാഗത്തിനുള്ള ഭവനനിര്‍മ്മാണ പദ്ധതി

*82  ശ്രീ. നീലകണ്ഠൻ
ശ്രീ. അൻവർ സാദത്ത്
ശ്രീ. സന്ദീപ് വാര്യർ
ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി-പട്ടികവര്‍ഗ്ഗ വിഭാഗത്തിലെ ഭവനരഹിതരെയും ഭൂരഹിതരെയും കണ്ടെത്തി അവര്‍ക്ക് ഭവനം ലഭ്യമാക്കുന്നതിനായി ഭവനനിര്‍മ്മാണ പദ്ധതി നടപ്പിലാക്കുമോയെന്നും എങ്കിൽ ആയതിന്റെ നടപടിക്രമങ്ങളെക്കുറിച്ചും വിശദമാക്കാമോ;

(ബി)  പട്ടികജാതി നഗറുകളിലും ഉന്നതികളിലും അടിസ്ഥാനസൗകര്യ വികസനം ഉറപ്പാക്കുമോ; വ്യക്തമാക്കാമോ;

(സി)  ലൈഫ് മിഷന്റെ കീഴിലുള്ള ഭവനനിര്‍മ്മാണ പദ്ധതിയിൽ പട്ടിക ജാതി-പട്ടിക വർഗ്ഗ വിഭാഗക്കാർക്ക് മതിയായ പരിഗണന ലഭിക്കുന്നില്ലെന്നുള്ള ആക്ഷേപം ഗൗരവമായി പരിശോധിക്കുമോ; ഇക്കാര്യത്തിൽ ആവശ്യമായ നടപടി സ്വീകരിക്കുമോ; വ്യക്തമാക്കാമോ?

വന്യജീവി ആക്രമണങ്ങള്‍ക്ക് ഇരയാകുന്നവര്‍ക്കുളള സഹായം

*83  ശ്രീ. കല്ലട്ര മാഹിൻ
ശ്രീ. കുറുക്കോളി മൊയ്തീന്‍
ശ്രീ. പാറക്കൽ അബ്‌ദുല്ല
പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  വന്യജീവി ആക്രമണത്തില്‍ മരണമടയുന്നവരുടെയും പരിക്ക് ഏല്‍ക്കുന്നവരുടെയും കുടുംബങ്ങള്‍ക്ക് നിലവില്‍ നല്‍കി വരുന്ന സഹായങ്ങള്‍ എന്തെല്ലാമാണെന്ന് വിശദമാക്കാമോ;

(ബി)  പ്രസ്തുത ആക്രമണങ്ങളില്‍ ജീവന്‍ നഷ്ടപ്പെടുന്നവരുടെ കുടുംബാംഗങ്ങള്‍ക്ക് ജോലി നല്‍കാനും കുട്ടികളുടെ വിദ്യാഭ്യാസ ചെലവ് ഏറ്റെടുക്കാനും ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

(സി)  വന്യജീവി ആക്രമണത്തില്‍ സ്വകാര്യ ആശുപത്രികളില്‍ ചികിത്സ തേടുന്നവരുടെ പൂര്‍ണ്ണ ചെലവും ഏറ്റെടുക്കാന്‍ തയ്യാറാകുമോയെന്ന് അറിയിക്കാമോ;

(ഡി)  വന്യജീവി ആക്രമണവുമായി ബന്ധപ്പെട്ട് നിലവില്‍ നല്‍കി വരുന്ന നഷ്ടപരിഹാര തുക വര്‍ദ്ധിപ്പിച്ചു നല്‍കാന്‍ നടപടി സ്വീകരിക്കുമോ?

ട്രോളിംഗ് നിരോധനം

*84  ശ്രീ. ദീപക് ജോയ്
ശ്രീമതി രമ്യ ഹരിദാസ്
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ട്രോളിംഗ് നിരോധനം ഫലപ്രദമായി നടപ്പിലാക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)  ട്രോളിംഗ് നിരോധന കാലയളവിൽ തൊഴിൽ നഷ്ടപ്പെടുന്ന മത്സ്യത്തൊഴിലാളികൾക്കും അനുബന്ധ തൊഴിലാളികൾക്കും എന്തെല്ലാം ആനുകൂല്യങ്ങളാണ് നൽകാൻ ഉദ്ദേശിക്കുന്നതെന്ന് വ്യക്തമാക്കാമോ;

(സി)  ട്രോളിംഗ് നിരോധന കാലയളവിൽ ഇതര ഉപജീവനമാർഗ്ഗങ്ങൾ ലഭ്യമാക്കുന്നതിനായി എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വ്യക്തമാക്കാമോ?

ഗോത്രസാരഥി പദ്ധതി

*85  ശ്രീ. സി. കെ. കാസിം
ശ്രീ. നജീബ് കാന്തപുരം
ശ്രീമതി ഫാത്തിമ തഹിലിയ
ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  വിദൂരവും ദുര്‍ഘടവുമായ പട്ടികവര്‍ഗ്ഗ സങ്കേതങ്ങളില്‍ നിന്നും വിദ്യാര്‍ത്ഥികളെ സ്കൂളുകളില്‍ എത്തിക്കുന്നതിനായുള്ള ഗോത്രസാരഥി പദ്ധതി കാര്യക്ഷമമായി നടക്കുന്നുണ്ടോയെന്ന് പരിശോധിക്കുമോ;

(ബി)  ഗുണഭോക്താക്കളായ എല്ലാ കുട്ടികളും വിദ്യാലയങ്ങളിലേക്ക് തിരികെ എത്തിയോ എന്ന് ഉറപ്പാക്കാറുണ്ടോ;

(സി)  ഇവരുടെ യാത്രയ്ക്കാവശ്യമായ സൗകര്യങ്ങള്‍ ഏര്‍പ്പെടുത്തിയിട്ടുണ്ടോ; വിശദമാക്കാമോ?

പാരിസ്ഥിതിക സംവേദ മേഖല

*86  ശ്രീ. ടി. എം. ശശി
ശ്രീ. കെ. എന്‍. ബാലഗോപാല്‍
ശ്രീ. കെ. യു. ജനീഷ് കുമാര്‍
ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വനം, വന്യജീവി - നൈപുണ്യ വികസന വകുപ്പ് മന്ത്രി സദയം മറുപടി നല്‍കുമോ:

(എ)  വന്യജീവി സങ്കേതങ്ങള്‍ക്കും ദേശീയോദ്യാനങ്ങള്‍ക്കും ചുറ്റുമുള്ള പാരിസ്ഥിതിക സംവേദ മേഖല നിശ്ചയിക്കുമ്പോള്‍ ജനവാസ മേഖലകളെയും സ്ഥാപനങ്ങളെയും ഒഴിവാക്കാന്‍ മുൻ സര്‍ക്കാരിന്റെ കാലത്ത് സ്വീകരിച്ച നിയമപരമായ നടപടികള്‍ എന്തെല്ലാമായിരുന്നു എന്ന് വിശദമാക്കാമോ;

(ബി)  ജനങ്ങളുടെ ആശങ്കകള്‍ പരിഹരിക്കാനായി മുന്‍ സര്‍ക്കാര്‍ സ്വീകരിച്ച ഇത്തരം ഇടപെടലുകളുടെ ഫലമായി ബഹു. സുപ്രീം കോടതിയില്‍ നിന്നും സംസ്ഥാനത്തിന് അനുകൂല വിധി ലഭിച്ചിട്ടുണ്ടോ; ഉണ്ടെങ്കിൽ ഈ അനുകൂല വിധിയുടെ പശ്ചാത്തലത്തില്‍ ഒഴിവാക്കപ്പെട്ട സര്‍ക്കാര്‍, അര്‍ദ്ധ സര്‍ക്കാര്‍ സ്ഥാപനങ്ങളുടെ വിശദാംശങ്ങള്‍ ലഭ്യമാക്കാമോ;

(സി)   സംസ്ഥാനത്തെ വനാതിര്‍ത്തികളില്‍ ഇരുപത് വര്‍ഷത്തിലധികമായി നിലനിന്നിരുന്ന പാരിസ്ഥിതിക സംവേദ മേഖല എന്ന ഭീഷണി ഏതൊക്കെ പ്രദേശങ്ങളിലെ ജനങ്ങളെയാണ് ബാധിച്ചിരുന്നതെന്ന് വ്യക്തമാക്കാമോ?

തീരദേശമേഖലയുടെ സംരക്ഷണത്തിന് നടപടി

*87  ശ്രീ. ആര്യാടന്‍ ഷൗക്കത്ത്
ശ്രീ. സുധീർഷാ പാലോട്
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ട്രോളിങ് നിരോധനകാലയളവിലും മറ്റ് തൊഴില്‍ -സാമ്പത്തിക പ്രതിസന്ധികള്‍ നേരിടുമ്പോഴും മത്സ്യത്തൊഴിലാളികളെ സംരക്ഷിക്കുന്നതിന് എന്തെല്ലാം നടപടികളാണ് സ്വീകരിക്കുകയെന്ന് വ്യക്തമാക്കാമോ;

(ബി)  തീരദേശസംരക്ഷണത്തിനും മത്സ്യസമ്പത്ത് സംരക്ഷിക്കുന്നതിനും എന്തെല്ലാം പദ്ധതികളാണ് സംസ്ഥാന സര്‍ക്കാര്‍ വിഭാവനം ചെയ്തിരിക്കുന്നത് എന്ന് വിശദീകരിക്കാമോ;

(സി)  തീരദേശ മേഖലയിലെ ജനങ്ങളുടെ നൈപുണ്യവികസനത്തിനും ടൂറിസം അടക്കമുള്ള മേഖലകളില്‍ തൊഴിലവസരങ്ങള്‍ കണ്ടെത്താനും സഹായകരമായ എന്തെങ്കിലും പദ്ധതികള്‍ ആസൂത്രണം ചെയ്യുവാൻ ഉദ്ദേശിക്കുന്നുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ?

ഭവനനിർമ്മാണ ബോർഡിനെ പുനഃസംഘടിപ്പിക്കുന്നതിനായി പ്രത്യേക പാക്കേജ്

*88  ശ്രീ. എം. ആർ. ബൈജു
ശ്രീ. എൻ. ശക്തൻ
ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള സംസ്ഥാന ഭവനനിർമ്മാണ ബോർഡിന്റെ സാമ്പത്തിക സ്ഥിതി സംബന്ധിച്ച് ഈ സർക്കാർ വിലയിരുത്തൽ നടത്തിയിട്ടുണ്ടോ; വ്യക്തമാക്കുമോ;

(ബി)  ബോർഡിന്റെ പക്കലുള്ള ഭൂമിയും കെട്ടിടങ്ങളും വാണിജ്യാടിസ്ഥാനത്തിൽ വിനിയോഗിച്ച് വരുമാനം വർദ്ധിപ്പിക്കുന്നതിന് പദ്ധതികൾ ആവിഷ്കരിക്കുമോ; വ്യക്തമാക്കുമോ;

(സി)  സർക്കാരിന്റെ ഭവന നിർമ്മാണ പദ്ധതികളിൽ കൂടുതൽ പങ്കാളിത്തം നൽകി ഭവനനിർമ്മാണ ബോർഡിനെ പുനഃസംഘടിപ്പിക്കുന്നതിനായി പ്രത്യേക പാക്കേജ് തയ്യാറാക്കുമോ; വ്യക്തമാക്കുമോ?

ശ്രുതിതരംഗം പദ്ധതി

*89  ശ്രീ. എഫ്. രാജ
ശ്രീ. ചാണ്ടി ഉമ്മന്‍
ശ്രീ. റോയി. കെ. പൗലോസ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  'ശ്രുതിതരംഗം' പദ്ധതി നിലവിൽ കാര്യക്ഷമമായി നടപ്പാക്കപ്പെടുന്നില്ലെന്ന കാര്യം ഗൗരവത്തോടെ കാണുന്നുണ്ടോ; വ്യക്തമാക്കാമോ;

(ബി)  മുൻപ് ശസ്ത്രക്രിയയ്ക്ക് വിധേയരായ കുട്ടികളുടെ സ്പീച്ച് പ്രൊസസ്സറുകളുടെ അറ്റകുറ്റപ്പണികൾക്കും അപ്‌ഗ്രഡേഷനും വേണ്ടി മാതാപിതാക്കൾ വലിയ തുക കണ്ടെത്തേണ്ടിവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് അടിയന്തരനടപടി സ്വീകരിക്കുമോയെന്ന് വ്യക്തമാക്കുമോ;

(സി)  പ്രസ്തുത പദ്ധതി നടപ്പിലാക്കുന്നതിന് എംപാനൽ ചെയ്ത ആശുപത്രികൾക്ക് ഈ സർക്കാർ അധികാരത്തിൽ വരുമ്പോൾ നൽകാനുള്ള കുടിശ്ശിക തുക എത്രയായിരുന്നു എന്നത് വ്യക്തമാക്കാമോ;

(ഡി)  'ശ്രുതിതരംഗം' പദ്ധതി പുനരുജ്ജീവിപ്പിച്ച് കാര്യക്ഷമമായി നടപ്പാക്കാൻ നടപടി സ്വീകരിക്കുമോയെന്ന് വ്യക്തമാക്കാമോ?

പട്ടികജാതി പട്ടികവര്‍ഗ്ഗ വിഭാഗങ്ങളിലെ താെഴിലില്ലായ്മ പരിഹരിക്കാന്‍ നടപടി

*90  ശ്രീ. പി. കെ. ഫിറോസ്
ശ്രീ. ഫൈസൽ ബാബു
ശ്രീ. മഞ്ഞളാംകുഴി അലി
ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവര്‍ഗ്ഗ വിഭാഗങ്ങളില്‍ പ്രാെഫഷണല്‍ കാേഴ്സുകള്‍ ഉള്‍പ്പെടെ ഉന്നത വിദ്യാഭ്യാസം നേടിയവരുടെ ഇടയില്‍ താെഴില്‍രഹിതരായവരുടെ എണ്ണം വര്‍ദ്ധിച്ചുവരുന്നതായി കണ്ടെത്തിയിട്ടുണ്ടാേ; വ്യക്തമാക്കുമോ;

(ബി)  ഇവര്‍ക്ക് സര്‍ക്കാര്‍ വകുപ്പുകളിലും പാെതുമേഖലാ സ്ഥാപനങ്ങളിലും താെഴില്‍ നല്‍കുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടാേ; വിശദമാക്കാമോ;

(സി)  പട്ടികജാതി പട്ടികവര്‍ഗ്ഗ വിഭാഗങ്ങളില്‍പ്പെട്ടവരുടെ താെഴിലില്ലായ്മ പരിഹരിക്കാന്‍ ആവിഷ്ക്കരിച്ചിട്ടുള്ള പദ്ധതിയുടെ വിശദാംശം വ്യക്തമാക്കുമാേ?