ഈ സര്‍ക്കാര്‍ അധികാരത്തില്‍ വന്നതിനു ശേഷം മട്ടന്നൂര്‍ മണ്ഡലത്തില്‍ ആര്‍ദ്രം പദ്ധതിയില്‍ ഉള്‍പ്പെടുത്തി ഏതൊക്കെ പി. എച്ച്. സി. കള്‍ക്കാണ് ഫണ്ട് ലഭ്യമാക്കിയിട്ടുള്ളതെന്ന് അറിയിക്കാമോ; പ്രസ്തുത പദ്ധതികളുടെ വിശദാംശങ്ങള്‍ നല്‍കാമോ?

കാരുണ്യ ആരോഗ്യ ഇന്‍ഷുറന്‍സ് പദ്ധതിയിലൂടെ 2011 മുതല്‍ 2025 വരെ എത്ര കോടി രൂപയുടെ സൗജന്യചികിത്സയാണ് നൽകിയതെന്ന് ജില്ല തിരിച്ചുള്ള കണക്ക് വ്യക്തമാക്കാമോ;

ഇക്കാലയളവില്‍ കാസ്പ് പദ്ധതിയിലൂടെ എത്ര ഗുണഭോക്താക്കള്‍ക്ക് ചികിത്സ ലഭ്യമായിട്ടുണ്ടെന്ന് ജില്ല, വര്‍ഷം തിരിച്ചുള്ള കണക്ക് ലഭ്യമാക്കുമോ;

2011 മുതല്‍ 2025 വരെയുള്ള കാലയളവില്‍ കാസ്പ് പദ്ധതി പ്രകാരം സംസ്ഥാനത്തെ എത്ര ആശുപത്രികളിലാണ് ചികിത്സാ ആനുകൂല്യം ലഭ്യമാകുന്നതെന്ന് വര്‍ഷം, ജില്ല തിരിച്ചുള്ള കണക്ക് ലഭ്യമാക്കുമോ;

കാസ്പ് പദ്ധതി പ്രകാരം ആനുകൂല്യം നല്‍കിയ വകയില്‍ ആശുപത്രികള്‍ക്ക് പണം നല്‍കാനുണ്ടോ എന്നും എത്ര തുകയാണ് ആകെ നല്‍കാനുള്ളതെന്നും വിശദമാക്കുമോ?

സംസ്ഥാനത്ത് അതിദരിദ്രരെന്ന് കണ്ടെത്തിയിട്ടുള്ളവർക്ക് ആരോഗ്യ സംബന്ധമായ ആവശ്യങ്ങള്‍ നിറവേറ്റുന്നതിന് എന്തെല്ലാം സൗകര്യങ്ങളാണ് ഏർപ്പെടുത്തിയിട്ടുള്ളതെന്ന് അറിയിക്കാമോ;

ഏതെല്ലാം വകുപ്പുകളുടെ സഹകരണത്തോടെയാണ് ഇത് നടപ്പാക്കുന്നത്; ആരോഗ്യ ഇന്‍ഷുറന്‍സ് പദ്ധതി ഇതിനായി നടപ്പാക്കുന്നതിന് തീരുമാനിച്ചിട്ടുണ്ടോ; വിശദാംശം അറിയിക്കാമോ;

കിടപ്പുരോഗികളായ അതിദരിദ്രർക്കും ഒറ്റയ്ക്ക് കഴിയുന്നവർക്കുമായി നല്കി വരുന്ന ആരോഗ്യ സേവനങ്ങള്‍ വിശദമാക്കാമോ?

108 ആംബുലന്‍സ് പദ്ധതിയിൽ 2019 മുതൽ 2024 വരെയുള്ള കാലയളവിൽ ഓരോ വർഷവും ജി. വി. കെ. എമർജൻസി മാനേജ്മെന്റ് ആൻഡ് റിസർച്ച് ഇൻസ്റ്റിറ്റ്യൂട്ട് (ഇ. എം. ആര്‍. ഐ.) എന്ന സ്ഥാപനത്തിന് എത്ര രൂപയാണ് കരാർ പ്രകാരമുള്ള കിലോമീറ്ററുകൾക്ക് പുറമെ അധിക കിലോമീറ്ററുകൾക്ക് കേരള മെഡിക്കൽ സർവീസസ് കോർപ്പറേഷൻ നൽകിയത് എന്ന വിവരം വർഷം തിരിച്ചു നൽകാമോ?

ശ്രവണ വൈകല്യമുള്ള കുട്ടികളുടെ ചികിത്സയുമായി ബന്ധപ്പെട്ട് സംസ്ഥാനത്ത് നിലവിലുള്ള സഹായ പദ്ധതികൾ ഏതൊക്കെയാണെന്നും അവയുടെ മാനദണ്ഡങ്ങള്‍ എന്തൊക്കെയാണെന്നും വിശദമാക്കുമോ;

നിശ്ചിത പ്രായപരിധി കഴിഞ്ഞാലും ചികിത്സാ പുരോഗതി ഉണ്ടാകുന്ന കേസുകൾക്ക് പ്രത്യേക പരിഗണന നൽകുന്ന കാര്യം പരിഗണിക്കുമോ; വിശദമാക്കുമോ?

108 ആംബുലന്‍സ് പദ്ധതിയിൽ 2019 മുതൽ 2024 വരെയുള്ള കാലയളവിലെ കരാർ പ്രകാരം ഏത് പ്രവർത്തനങ്ങള്‍ക്കാണ് സർവീസ് നടത്തേണ്ടതെന്ന് വിശദമാക്കാമോ;

കരാർ പ്രകാരമുള്ള സർവീസിന് പുറമെ വാഹനങ്ങൾ ഓടിയതിന് കമ്പനിക്ക് കെ. എം. എസ്‌. സി. എൽ. പണം നൽകിയിട്ടുണ്ടോ; എങ്കിൽ ഏതൊക്കെ സർവീസുകൾക്ക് എത്ര തുകയാണ് നൽകിയതെന്ന് വിശദമാക്കാമോ;

108 ആംബുലന്‍സ് പദ്ധതിയിൽ 2019 മുതൽ 2024 വരെയുള്ള കാലയളവിലെ കരാർ പ്രകാരം ഓരോ വർഷവും എത്ര ആംബുലൻസുകൾ സർവീസ് നടത്തിയിട്ടുണ്ടെന്ന വിവരം ലഭ്യമാക്കാമോ;?

എല്ലാ കുട്ടികൾക്കും മതിയായ മെഡിക്കൽ സഹായവും ആരോഗ്യസംരക്ഷണവും നൽകണമെന്ന് കുട്ടികളുടെ അവകാശം സംബന്ധിച്ച യു.എൻ. കൺവൻഷൻ വ്യവസ്ഥ ചെയ്തിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കുട്ടികളിലെ മാനസികവും ശാരീരികവുമായ വളർച്ചയും വികാസവുമായി ബന്ധപ്പെട്ട ആരോഗ്യ പ്രശ്നങ്ങളും വൈകല്യങ്ങളും നേരത്തെ കണ്ടെത്താനും സമയബന്ധിതമായി മെച്ചപ്പെട്ട ചികിത്സ ഉറപ്പുവരുത്തുന്നതിനും നടപടി സ്വീകരിച്ചിട്ടുണ്ടോ; വിശദമാക്കാമോ;

കിടപ്പു രോഗികളായ കുട്ടികൾ, ഭിന്നശേഷിക്കാരായ കുട്ടികൾ എന്നിവർക്കായി പ്രത്യേക ഗൃഹകേന്ദ്രീകൃത ആരോഗ്യപരിചരണം നടപ്പിലാക്കാൻ പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;

നവജാതശിശു പരിചരണത്തിന് മികച്ച സൗകര്യങ്ങൾ സംസ്ഥാനം ഒരുക്കിയിട്ടുണ്ടോ; ഈ സര്‍ക്കാര്‍ എല്ലാ താലൂക്ക്‌ ആശുപത്രികളിലും നവജാതശിശു പരിചരണ യൂണിറ്റുകള്‍ ആരംഭിച്ചിട്ടുണ്ടോ; വിശദമാക്കാമോ?

അപൂര്‍വ രോഗമായ സ്പൈനല്‍ മസ്കുലാര്‍ അട്രോഫി ബാധിതര്‍ക്കായി കേരളം ആരംഭിച്ച കെ. എ. ആർ. ഇ. (കേരള എഗൈൻസ്റ്റ് റെയർ ഡിസീസസ്) പ്രോഗ്രാം എന്താണെന്നും ഇതിലൂടെ എത്ര കുട്ടികള്‍ക്ക് മരുന്ന് നല്‍കാനായെന്നും വിശദീകരിക്കാമോ;

ഭാരിച്ച ചെലവ് വരുന്ന ഈ രോഗികളുടെ തുടര്‍ ചികിത്സ ഉറപ്പുവരുത്താന്‍ സര്‍ക്കാര്‍ നടപ്പിലാക്കിയ വിഷുകൈനീട്ടം, ക്രൗഡ് ഫണ്ടിംഗ് എന്നിവയിലൂടെ എത്ര രൂപ നാളിതുവരെ സ്വരൂപിച്ചെന്നും ഇതിന്റെ ഭാഗമായി നല്‍കിയ ചികിത്സയുടേയും വിവരങ്ങള്‍ വിശദമാക്കാമോ;

മരണനിരക്ക് 60 ശതമാനത്തിനു മുകളില്‍ ഉള്ള ഈ രോഗത്തിന് മരുന്ന് തുടര്‍ച്ചയായി ലഭിക്കുന്ന സാഹചര്യം ഉറപ്പുവരുത്താനും ചികിത്സ മുടങ്ങിയാല്‍ മാസങ്ങള്‍ക്കുള്ളില്‍ രോഗാവസ്ഥ മൂര്‍ച്ഛിച്ചു കുഞ്ഞുങ്ങള്‍ മരിക്കുന്ന അവസ്ഥ ഒഴിവാക്കുന്നതിനുമായി ബന്ധപ്പെട്ട വകുപ്പുകളുമായി യോജിച്ച് ഒരു ബഡ്ജറ്റ് ലൈന്‍ കൊണ്ടുവരുന്ന കാര്യം സര്‍ക്കാര്‍ പരിഗണിക്കുമോ; ഇവര്‍ക്കാവശ്യമായ മരുന്നുകള്‍ കൃത്യമായി വിതരണം ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ?

ഇ-ഹെൽത്ത് പദ്ധതി തുടങ്ങിയത് എന്ന് മുതലാണെന്നും ഇതിന്റെ നടത്തിപ്പിനായി ഓരോ വർഷവും ചെലവാക്കിയ തുകയുടെ വിശദാംശങ്ങളും നൽകാമോ;

നിലവിൽ എത്ര ആശുപത്രികളാണ് ഇ ഹെൽത്ത് പദ്ധതി നടപ്പാക്കിയിട്ടുള്ളതെന്നും ഇതിൽ എത്ര സ്ഥലങ്ങളിൽ എല്ലാ മോഡ്യൂളും പൂർണമായി പ്രവർത്തിക്കുന്നുണ്ടെന്നും വ്യക്തമാക്കാമോ;

ഇതുവരെ സ്ഥിര യു.എച്ച്.ഐ.ഡി.യും താൽക്കാലിക യു.എച്ച്.ഐ.ഡി.യും നൽകിയിട്ടുള്ളത് എത്ര ആളുകള്‍ക്കാണെന്ന് വ്യക്തമാക്കാമോ; രോഗികൾക്ക് താൽക്കാലിക യു.എച്ച്.ഐ.ഡി. നൽകുന്നത് ഒരേ രോഗിക്ക് നിരവധി ആരോഗ്യ രേഖകൾ ആയി മാറുന്നതിലേക്ക് നയിക്കുന്നു എന്നത് ശ്രദ്ധയില്‍പ്പെട്ടിട്ടുണ്ടോ;

ഇത് ഒഴിവാക്കാൻ എന്തെല്ലാം നടപടികളാണ് നിലവിൽ സ്വീകരിച്ചിരിക്കുന്നതെന്ന് വ്യക്തമാക്കാമോ;

ഇ-ഹെൽത്ത് ഉപയോഗിക്കുന്ന രോഗികളെ പ്രാഥമിക ആരോഗ്യ കേന്ദ്രത്തിൽ നിന്നും റഫർ ചെയ്യുമ്പോൾ അവരുടെ ആരോഗ്യ രേഖകൾ, റഫറൽ ആശുപത്രിയിൽ ഓൺലൈൻ ആയി ഡോക്ടര്‍ക്ക് കാണുവാനുള്ള സൗകര്യം നിലവിലുണ്ടോ; ഉണ്ടെങ്കിൽ ഏതെല്ലാം റഫറൽ ആശുപത്രികളിലാണ് ഉള്ളത്; വിശദമാക്കാമോ;

ഇ-ഹെൽത്ത് ഡോക്ടർ മൊഡ്യൂൾ, ലബോറട്ടറി മൊഡ്യൂൾ, ഫർമസി മൊഡ്യൂൾ എന്നിവയുടെ ഉപയോഗം നിലവിൽ എത്ര ശതമാനം ആണ്; ഇതിന്റെ ആശുപത്രി തിരിച്ചുള്ള കണക്ക് നൽകാമോ;

ഇ-ഹെൽത്ത് പ്രൊജക്ട് യൂണിറ്റിൽ എത്ര ജീവനക്കാരാണ് ഉള്ളതെന്നും പ്രൊജക്റ്റ് യൂണിറ്റിന്റെ ഓരോ വർഷത്തെയും പ്രവർത്തന ചെലവുകളുടെയും വിവരം വിശദമാക്കാമോ?

നിലവിലെ സര്‍ക്കാര്‍ കാന്‍സര്‍ ചികിത്സയ്ക്കും പ്രതിരോധത്തിനും പരിഗണന നല്‍കി വരുന്നുണ്ടോ; വ്യക്തമാക്കുമോ;

"കാരുണ്യ സ്പര്‍ശം-സീറോ പ്രോഫിറ്റ് ആന്റി കാന്‍സര്‍ ഡ്രഗ്സ്" പദ്ധതി വഴി മരുന്നുകള്‍ വിതരണം ചെയ്തിട്ടുണ്ടോ; വിശദാംശം ലഭ്യമാക്കുമോ;

"കാരുണ്യ സ്പര്‍ശം-സീറോ പ്രോഫിറ്റ് ആന്റി കാന്‍സര്‍ ഡ്രഗ്സ്" പദ്ധതി കൂടുതല്‍ സ്ഥലങ്ങളിലേയ്ക്ക് വ്യാപിപ്പിക്കാനുള്ള നടപടി സ്വീകരിച്ചിട്ടുണ്ടോയെന്ന് വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം എന്‍. എച്ച്. എം. (നാഷണല്‍ ഹെല്‍ത്ത് മിഷന്‍) മുഖേന അരുവിക്കര മണ്ഡലത്തിലെ വിവിധ ആരോഗ്യസ്ഥാപനങ്ങളില്‍ നടപ്പിലാക്കിയിട്ടുള്ളതും നടപ്പിലാക്കി വരുന്നതുമായ പദ്ധതികളെക്കുറിച്ചുള്ള വിശദാംശങ്ങള്‍ അറിയിക്കാമോ?

ആരോഗ്യകിരണം പദ്ധതിയിൽ എന്തൊക്കെ ചികിത്സകളാണ് ഉൾപ്പെടുത്തിയിട്ടുള്ളതെന്ന് വ്യക്തമാക്കുമോ;

ഈ പദ്ധതിപ്രകാരം നിലവിൽ സൗജന്യ ചികിത്സ അനുവദിക്കുന്നുണ്ടോ; എത്ര രൂപയുടെ ചികിത്സാസഹായമാണ് പരമാവധി നൽകുന്നത്; എത്ര രൂപ വരെയുള്ള ലബോറട്ടറി പരിശോധനകൾ ഈ പദ്ധതി പ്രകാരം നടത്തുവാൻ സാധിക്കുമെന്ന് വ്യക്തമാക്കാമോ;

ഈ പദ്ധതി പ്രകാരം ഈ വർഷം നാളിതുവരെ എത്ര കുട്ടികൾക്ക് ചികിത്സാസഹായം നൽകിയിട്ടുണ്ട്; ആശുപത്രി തിരിച്ചുള്ള വിശദാംശം നല്‍കാമോ?

ആരോഗ്യകിരണം പദ്ധതിയിൽ കുടിശിക വിതരണം ചെയ്യാത്തതിനാൽ അർഹതപ്പെട്ട കുട്ടികൾക്ക് ചികിത്സ നിഷേധിക്കപ്പെടുന്ന ഗുരുതരമായ സാഹചര്യം ഒഴിവാക്കുന്നതിന് അടിയന്തര നടപടി സ്വീകരിക്കുമോ; വിശദമാക്കാമോ?

കാരുണ്യ പദ്ധതിയിൽ എന്തൊക്കെ ചികിത്സകളാണ് ഉൾപ്പെടുത്തിയിട്ടുള്ളത്; വിശദമാക്കുമോ;

ഈ പദ്ധതി പ്രകാരം നിലവിൽ സൗജന്യ ചികിത്സ അനുവദിക്കുന്നുണ്ടോ; എത്ര രൂപയുടെ ചികിത്സാസഹായം വരെയാണ് ഈ പദ്ധതി പ്രകാരം പരമാവധി നൽകുന്നത്; ഈ പദ്ധതി പ്രകാരം എത്ര രൂപയുടെ വരെ ലബോറട്ടറി പരിശോധനകൾ നടത്തുവാൻ സാധിക്കുന്നതാണ്;

ഈ പദ്ധതി പ്രകാരം ഈ വർഷം നാളിതുവരെ എത്ര കുട്ടികൾക്കു ചികിത്സാസഹായം നൽകിയിട്ടുണ്ട്; വിശദാംശങ്ങൾ ആശുപത്രി തിരിച്ചു വ്യക്തമാക്കുമോ;

കുടിശിക വിതരണം ചെയ്യാത്തതിനാൽ അർഹതപ്പെട്ടവർക്ക് ചികിത്സ നിഷേധിക്കപ്പെടുന്ന ഗുരുതരമായ സാഹചര്യം ഒഴിവാക്കുന്നതിന് അടിയന്തര നടപടികൾ സ്വീകരിക്കുമോ; വ്യക്തമാക്കുമോ?

സംസ്ഥാനത്ത് ആരോഗ്യ വകുപ്പിന് കീഴില്‍ എത്ര ഡയാലിസിസ് കേന്ദ്രങ്ങള്‍ പ്രവര്‍ത്തിക്കുന്നുണ്ടെന്നുള്ള വിശദാംശം ജില്ല തിരിച്ച് വ്യക്തമാക്കാമോ;

ആരോഗ്യ വകുപ്പില്‍ ഡയാലിസിസ് ടെക്നീഷ്യന്‍ ഗ്രേഡ്-II തസ്തിക സൃഷ്ടിക്കുന്നതിനായി പ്രൊപ്പോസല്‍ പരിഗണനയില്‍ ഉണ്ടോ; വിശദമാക്കാമോ;

പ്രസ്തുത തസ്തിക സൃഷ്ടിക്കുന്നതിനുവേണ്ട നടപടി സ്വീകരിക്കുമോ; വ്യക്തമാക്കാമോ?

ഷൊർണ്ണൂർ മണ്ഡലത്തിലെ ഗ്രാമീണ മേഖലകളില്‍ നിത്യരോഗങ്ങള്‍, മാതൃശിശു സംരക്ഷണം, പോഷകാഹാരം എന്നിവയെക്കുറിച്ച് സാധാരണ ജനങ്ങള്‍ക്ക് ബോധവല്‍ക്കരണം നടത്താൻ എന്തൊക്കെ പദ്ധതികൾ സ‍ർക്കാർ ഈ വർഷം ആസൂത്രണം ചെയ്തിട്ടുണ്ടെന്ന് വിശദമാക്കാമോ?

ദേശീയ ആരോഗ്യ പദ്ധതി (എൻ. എച്ച്. എം.) മുഖാന്തരം വാമനപുരം മണ്ഡലത്തില്‍ എന്തെല്ലാം പദ്ധതികളാണ് ഈ സര്‍ക്കാരിന്റെ കാലം മുതല്‍ നടപ്പിലാക്കിയിട്ടുള്ളതെന്നും അതിനായി ചെലവാക്കിയ തുക എത്രയാണെന്നും പ്രവൃത്തികളുടെ പുരോഗതിയും അറിയിക്കാമോ?

ഉടുമ്പൻചോല മണ്ഡലത്തില്‍ 2016 മുതല്‍ നാളിതുവരെ നടപ്പാക്കിയതും നടപ്പാക്കാൻ തീരുമാനിച്ചിട്ടുള്ളതുമായ വിവിധ ആരോഗ്യ പദ്ധതികളുടെ വിശദാംശം നല്‍കാമോ;

പ്രസ്തുത മണ്ഡലത്തിൽ 2016 മുതല്‍ നാളിതുവരെ എൻ. എച്ച്. എം. ഫണ്ട് പ്രയോജനപ്പെടുത്തി വിവിധ ആരോഗ്യ സ്ഥാപനങ്ങളിൽ നടപ്പാക്കിയതും നടപ്പാക്കാൻ തീരുമാനിച്ചിട്ടുള്ളതുമായ പദ്ധതികളുടെ പേരുൾപ്പെടെയുള്ള വിശദാംശം ലഭ്യമാക്കാമോ;

പ്രസ്തുത പദ്ധതികളുടെ പ്രവര്‍ത്തന പുരോഗതി സംബന്ധിച്ച വിശദാംശം നല്‍കാമോ?

ഈ സർക്കാർ അധികാരമേറ്റശേഷം ആരോഗ്യ വകുപ്പിന് കീഴിലുള്ള ആശുപത്രികളും മെഡിക്കൽ കോളേജുകളും അടക്കമുള്ള സ്ഥാപനങ്ങളിലെ ഏതെല്ലാം വീഴ്ചകളെ പറ്റി ആരോഗ്യ മന്ത്രി റിപ്പോർട്ട് തേടിയിട്ടുണ്ട് എന്ന് വ്യക്തമാക്കാമോ; കണ്ടെത്തിയ വീഴ്ചകളും കിട്ടിയ റിപ്പോർട്ടിന്റെ പകർപ്പും സ്വീകരിച്ച നടപടികളുടെ വിവരങ്ങളും ലഭ്യമാക്കാമോ?

സംസ്ഥാനത്തെ സർക്കാർ ആശുപത്രികളിൽ എത്ര ഡയാലിസിസ് കേന്ദ്രങ്ങൾ നിലവിലുണ്ട്; വിശദാംശം നൽകാമോ;

സർക്കാർ ആശുപത്രികളിൽ പുതിയ ഡയാലിസിസ് കേന്ദ്രങ്ങൾ ആരംഭിക്കുന്നതിനു തീരുമാനിച്ചിട്ടുണ്ടോ;

മലപ്പുറം ജില്ലയിൽ എത്ര സർക്കാർ ആശുപത്രികളിൽ ഡയാലിസിസ് യൂണിറ്റുകൾ പ്രവർത്തിക്കുന്നുവെന്നും എവിടെയെല്ലാമെന്നും വ്യക്തമാക്കുമോ;

മലപ്പുറം താലൂക്ക് ഹെഡ് ക്വർട്ടേഴ്‌സ് ആശുപത്രിയിൽ ഡയാലിസിസ് യൂണിറ്റ് ആരംഭിക്കുന്നതിനുള്ള നടപടി സ്വീകരിക്കുമോ?

കൂത്തുപറമ്പ് താലൂക്ക് ആശുപത്രി പൂർണ്ണ തോതിൽ പ്രവർത്തന സജ്ജമാക്കുന്നതിന് സ്വീകരിച്ചുവരുന്ന നടപടി എന്തൊക്കെയാണെന്ന് വിശദമാക്കുമോ;

അനിവാര്യമായ തസ്തികകൾ സൃഷ്ടിച്ചും ജീവനക്കാരെ ക്രമീകരിച്ചും ആശുപത്രി പ്രവർത്തന സജ്ജമാക്കാൻ നടപടി സ്വീകരിക്കുമോ; വിശദമാക്കുമോ;

കൂത്തുപറമ്പ് താലൂക്ക് ആശുപത്രി എന്ന് ഉദ്ഘാടനം ചെയ്യാനാവുമെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം കേന്ദ്ര ധനകാര്യ കമ്മീഷന്‍ ഗ്രാന്റ് മുഖേന അരുവിക്കര നിയോജകമണ്ഡലത്തിലെ വിവിധ ആരോഗ്യസ്ഥാപനങ്ങളുടെ നിര്‍മ്മാണ പ്രവര്‍ത്തനങ്ങള്‍ക്കായി ചെലവഴിച്ച തുക സംബന്ധിച്ച വിവരങ്ങള്‍ സ്ഥാപനം തിരിച്ച് അറിയിക്കാമോ?

പിറവം നിയോജക മണ്ഡലത്തിലെ കൂത്താട്ടുകുളം, മുളന്തുരുത്തി എന്നീ ആരോഗ്യ കേന്ദ്രങ്ങളിൽ പോസ്റ്റ്മോർട്ടം നടത്തുന്നതിനുള്ള സംവിധാനം നിലവിൽ ഉണ്ടോ,വിശദമാക്കാമോ;

ഇതുമൂലം പൊതുജനങ്ങൾ നേരിടുന്ന ബുദ്ധിമുട്ട് പരിശോധിച്ചിട്ടുണ്ടോ, വിശദമാക്കാമോ;

പ്രസ്തുത ആരോഗ്യ കേന്ദ്രങ്ങളിൽ പോസ്റ്റുമോർട്ടം നടത്തുന്നതിന് ആവശ്യമായ നടപടികൾ സ്വീകരിക്കാൻ ഉദ്ദേശിക്കുന്നുണ്ടോ,വിശദമാക്കാമോ;

പ്രസ്തുത കേന്ദ്രങ്ങളിൽ പോസ്റ്റ്മോർട്ടം സംവിധാനം ഏർപ്പെടുത്താൻ കഴിയാത്തതിന്റെ നിയമപരവും സാങ്കേതികപരവുമായ കാരണങ്ങൾ എന്തെല്ലാമാണെന്ന് അറിയിക്കാമോ?

സര്‍ക്കാര്‍ ആശുപത്രികളില്‍ നിന്ന് ലഭ്യമാകുന്ന സൗജന്യ ചികിത്സകള്‍ ( മരുന്ന്, എക്സ്റേ, സി.ടി.സ്കാന്‍ അടക്കം) കേരളത്തിലെ എല്ലാ സർക്കാർ ആശുപത്രികളിലും ലഭ്യമാണോ എന്ന് വ്യക്തമാക്കാമോ;

സർക്കാർ ആശുപ​ത്രികളിൽ ഏതെല്ലാം സൗകര്യങ്ങൾക്കും ചികിത്സയ്ക്കും വേണ്ടിയാണ് പണം നൽകേണ്ടി വരുന്നതെന്ന് വ്യക്തമാക്കാമോ;

കാസർകോട് ജനറൽ ആശുപത്രിയിൽ ജനങ്ങൾക്ക് ലഭ്യമാകുന്ന ചികിത്സാ സൗകര്യങ്ങളും സംവിധാനങ്ങളും എന്തൊക്കെയാണെന്ന് വ്യക്തമാക്കാമോ; ഇതിൽ ഏതെല്ലാം ചികിത്സകൾക്കും സംവിധാനങ്ങൾക്കുമാണ് പണം നൽകേണ്ടി വരുന്നതെന്ന് വ്യക്തമാക്കാമോ;

കാസർകോട് ജനറൽ ആശുപത്രിയിൽ പരിശോധനയ്ക്കും ചികിത്സയ്ക്കുമായി എത്തുന്ന ഒരു രോഗി ഏതെല്ലാം ചികിത്സകൾക്ക് പണം നൽകേണ്ടി വരുന്നുണ്ടെന്ന് വ്യക്തമാക്കാമോ; കേരളത്തിലെ മറ്റ് സർക്കാർ ആശുപത്രികളിലെയും സ്ഥിതി ഇതു തന്നെയാണോ എന്ന് വ്യക്തമാക്കാമോ?

ചേലക്കര താലൂക്കാശുപത്രിയില്‍ ഒരു ദിവസം എത്ര വൃക്കരോഗികള്‍ക്ക് ഡയാലിസിസ് ചെയ്യുന്നതിനുള്ള സൗകര്യം നിലവിലുണ്ടെന്ന് അറിയിക്കാമോ;

നിലവില്‍ എത്ര പേര്‍ ചേലക്കര താലൂക്കാശുപത്രിയില്‍ ഡയാലിസിസ് ചികിത്സാ സൗകര്യം ലഭിക്കുന്നതിനായി ബുക്ക് ചെയ്തു വെയിറ്റിംഗ് ലിസ്റ്റിലുണ്ട് എന്ന വിവരം അറിയിക്കാമോ;

പ്രസ്തുത ചികിത്സാ സൗകര്യം ഒറ്റദിവസം കൂടുതല്‍ പേര്‍ക്ക് ലഭ്യമാക്കുന്നതിനാവശ്യമായ സൗകര്യം ഒരുക്കുന്നതിന് നടപടി സ്വീകരിക്കാമോ;

എങ്കില്‍ അതിന്റെ വിശദാംശം ലഭ്യമാക്കാമോ?

അഴീക്കോട് മണ്ഡലത്തിൽ ഈ സർക്കാരിന്റെ കാലത്ത് ആരോഗ്യവകുപ്പ് മുഖേന നടപ്പിലാക്കിയ പദ്ധതികളുടെ വിശദാംശം നൽകാമോ;

പ്രസ്തുത പദ്ധതികളില്‍ പ്രവൃത്തി പൂർത്തിയായതിന്റെയും നടന്നുകൊണ്ടിരിക്കുന്നതിന്റെയും വിശദാംശം പ്രത്യേകം ഇനം തിരിച്ച് ലഭ്യമാക്കാമോ?

കോന്നി താലൂക്ക് ആശുപത്രിയിലെ വിവിധ നിർമ്മാണ പ്രവൃത്തികളുടെ പുരോഗതി വിശദമാക്കാമോ;

കോന്നി മണ്ഡലത്തിലെ സർക്കാർ ആരോഗ്യ കേന്ദ്രങ്ങളായ മലയാലപ്പുഴ, കൂടല്‍, മൈലപ്ര, കൊക്കാത്തോട് എന്നിവയുടെ നിർമ്മാണ പുരോഗതിയും നിർമ്മാണ പ്രവൃത്തിക്ക് ഭരണാനുമതി ലഭിച്ച 8 ജനകീയ ആരോഗ്യ കേന്ദ്രങ്ങളുടെ നിർമ്മാണ പുരോഗതിയുടെ നിലവിലെ സ്ഥിതിയും വിശദമാക്കാമോ?

നെടുങ്ങോലം രാമ റാവു മെമ്മോറിയൽ ഗവ. താലൂക്ക് ആശുപത്രിയിൽ നിലവിൽ അനുവദനീയമായ ഡോക്ടർമാരുടെ തസ്തികകൾ എത്രയെന്നും ഏതെല്ലാം വിഭാഗങ്ങളിലാണ് ഡോക്ടർമാരുടെ അംഗീകൃത തസ്തികകൾ ഉള്ളതെന്നും അംഗീകൃത തസ്തികകളിലെല്ലാം ഡോക്ടർമാരുടെ സേവനം നിലവിലുണ്ടോയെന്നും വ്യക്തമാക്കാമോ;

പ്രസ്തുത ആശുപത്രിയിൽ താത്കാലികാടിസ്ഥാനത്തിൽ എത്ര ഡോക്ടർമാരുടെ സേവനം ഇപ്പോൾ ലഭിക്കുന്നുണ്ടെന്നും ആയത് ഏതെല്ലാം വിഭാഗങ്ങളിലാണെന്നും പ്രസ്തുത ഡോക്ടർമാരുടെ സേവനം നിലവിൽ ലഭ്യമാണോയെന്നും അറിയിക്കാമോ;

നെടുങ്ങോലം ഗവ. താലൂക്ക് ആശുപത്രിയിൽ അനിവാര്യമായതും എത്രയും വേഗം സൃഷ്ടിക്കേണ്ട തസ്തികകൾ സംബന്ധിച്ചും അതിൽ സത്വരമായി നിയമനം നടത്തേണ്ടതിന്റെ ആവശ്യകത സംബന്ധിച്ചും എം.എൽ.എ. നൽകിയ നിവേദനം ശ്രദ്ധയിൽപ്പെട്ടിട്ടുണ്ടോയെന്ന് അറിയിക്കാമോ; ഉണ്ടെങ്കിൽ പ്രസ്തുത നിവേദനത്തിന്മേൽ സ്വീകരിച്ച നടപടികൾ വിശദമാക്കാമോ?

2022-23 വര്‍ഷത്തെ ബജറ്റില്‍ ഉള്‍പ്പെടുത്തി നാലു കോടി രൂപ അനുവദിച്ചതും ആറ്റിങ്ങല്‍ നിയോജകമണ്ഡലത്തിലെ മണമ്പൂര്‍ കമ്മ്യൂണിറ്റി ഹെല്‍ത്ത് സെന്ററിന് പുതിയ മന്ദിരം നിര്‍മ്മിക്കുന്നതുമായ പ്രവൃത്തിയുമായി ബന്ധപ്പെട്ട് വകുപ്പ് സ്വീകരിച്ച തുടര്‍ നടപടികള്‍ വിശദമാക്കാമോ?

ഇടയാഴം ഫാമിലി ഹെൽത്ത് സെന്ററിൽ നിർമ്മിച്ചുകൊണ്ടിരിക്കുന്ന ഐസൊലേഷൻ വാർഡിന്റെ നിർമ്മാണ പുരോഗതി വ്യക്തമാക്കാമോ;

ഐസൊലേഷൻ വാർഡ് നിർമ്മാണം പൂർത്തീകരിച്ച് ജനങ്ങൾക്ക് എന്നത്തേക്ക് തുറന്നു കൊടുക്കുവാൻ കഴിയുമെന്ന് വ്യക്തമാക്കാമോ;

പ്രസ്തുത വാർഡ് നിർമ്മാണവുമായി ബന്ധപ്പെട്ട് എന്തെങ്കിലും തടസ്സങ്ങൾ നിലവിലുണ്ടോ; ഉണ്ടെങ്കിൽ അത് വ്യക്തമാക്കാമോ?

2016-ന് ശേഷം ഇരവിപുരം മണ്ഡലത്തില്‍ എത്ര പ്രാഥമിക ആരോഗ്യ കേന്ദ്രങ്ങളാണ് കുടുംബാരോഗ്യ കേന്ദ്രങ്ങളായി ഉയര്‍ത്തിയത്; വിശദമാക്കാമോ;

ഇത്തരത്തിൽ ഉയര്‍ത്തുമ്പോള്‍ പ്രസ്തുത ആരോഗ്യ കേന്ദ്രങ്ങള്‍ക്ക് എന്തൊക്കെ അടിസ്ഥാന സൗകര്യങ്ങളാണ് കൂടുതലായി ലഭിക്കുന്നതെന്ന് വിശദമാക്കാമോ?

2021-22 ലെ ബജറ്റിൽ ഉൾപ്പെടുത്തി അഞ്ചു കോടി രൂപ അനുവദിച്ച് ഭരണാനുമതി ലഭ്യമാക്കിയ, ആറ്റിങ്ങല്‍ മണ്ഡലത്തിലെ കേശവപുരം കമ്മ്യൂണിറ്റി ഹെല്‍ത്ത് സെന്ററിന് പുതിയ മന്ദിരം നിർമ്മിക്കുന്നതിന് സ്വീകരിച്ച നടപടികൾ വിശദമാക്കാമോ?

ഈ സർക്കാർ അധികാരത്തിൽ വന്നശേഷം ആറ്റിങ്ങൽ നിയോജക മണ്ഡലത്തിലെ വലിയ കുന്ന് താലൂക്ക് ആശുപത്രിയിൽ നടപ്പിലാക്കിയിട്ടുള്ള വികസന പ്രവർത്തനങ്ങൾ എന്തെല്ലാമാണ്; പുതിയ എന്തെല്ലാം വികസന പ്രവർത്തനങ്ങളാണ് വകുപ്പിന്റെ പരിഗണനയിലുള്ളതെന്ന് വെളിപ്പെടുത്താമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കല്യാശ്ശേരി മണ്ഡലത്തിലെ പഴയങ്ങാടി താലൂക്ക് ആശുപത്രിയുടെ അടിസ്ഥാന സൗകര്യ വികസനത്തിന് അനുവദിച്ച ഫണ്ടുകളുടെ വിശദാംശം ലഭ്യമാക്കാമോ?

മലയിന്‍കീഴ് താലൂക്കാസ്ഥാന ആശുപത്രിയുടെ നിര്‍മ്മാണ പ്രവര്‍ത്തനങ്ങള്‍ അടിയന്തരമായി പൂര്‍ത്തിയാക്കാനുള്ള നടപടി സ്വീകരിക്കാമോ; വിശദമാക്കാമോ?

പുതുക്കാട് താലൂക്ക് ആശുപത്രിയിലെ ഗൈനക്കോളജി വിഭാഗത്തിന്റെ പ്രവര്‍ത്തനം കാര്യക്ഷമമാക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഇല്ല എങ്കില്‍ ഇതിനാവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ;

പുതുക്കാട് താലൂക്ക് ആശുപത്രിയില്‍ കൂടുതല്‍ ഡോക്ടര്‍മാരുടെയും, സ്റ്റാഫിന്റെയും സേവനം ലഭ്യമാക്കുന്നതിന് ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

നെയ്യാറ്റിൻകര ജനറൽ ആശുപത്രിയുടെ വിവിധ ആവശ്യങ്ങൾ പരിഹരിക്കന്നതിനുവേണ്ടി ബഹു. ആരോഗ്യവകുപ്പ് മന്ത്രിയുടെ ചേമ്പറിൽ നടന്ന യോഗ തീരുമാനത്തിന്റെ അടിസ്ഥാനത്തിൽ തിരുവനന്തപുരം ജനറൽ ആശുപത്രിയിലെ നെഫ്രോളജിസ്റ്റിന്റെ സേവനം ആഴ്ചയിൽ ഒരു ദിവസം നൽകാമെന്ന തീരുമാനത്തിന്റെ അടിസ്ഥാനത്തിൽ എന്ത് നടപടി സ്വീകരിച്ചുവെന്ന് വിശദമാക്കാമോ?

കോട്ടക്കല്‍ നിയോജകമണ്ഡലത്തിലെ കുറ്റിപ്പുറം ഗവ. താലൂക്ക് ആശുപത്രിയിൽ ദിനംപ്രതി ചികിത്സ തേടിയെത്തുന്ന സാധാരണക്കാരും പാവപ്പെട്ടവരുമായ ജനങ്ങൾക്ക് ഡോക്ടർമാരുടെയും അനുബന്ധ ജീവനക്കാരുടെയും കുറവ് മൂലം ഉണ്ടാകുന്ന ബുദ്ധിമുട്ടുകൾ പരിഹരിക്കാൻ നിലവിൽ എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ; ജീവനക്കാരുടെ കുറവ് പരിഹരിക്കുന്നതിന് സ്റ്റാഫ് പാറ്റേൺ പുതുക്കി നിശ്ചയിച്ച് നിയമനങ്ങൾ നടത്തുവാന്‍ നടപടി സ്വീകരിക്കുമോ;

പ്രസ്തുത ആശുപത്രിയിൽ മാസ്റ്റര്‍ പ്ലാന്‍ അനുസരിച്ചുള്ള പശ്ചാത്തല സൗകര്യ വികസനത്തോടൊപ്പം താലൂക്ക് ആശുപത്രി നിലവാരത്തിൽ ആവശ്യമായ ഡോക്ടർ, നഴ്സ്, പാരാമെഡിക്കൽ സ്റ്റാഫ് തുടങ്ങിയ തസ്തികകള്‍ സൃഷ്ടിക്കുന്നതിനായി ഇതിനകം സ്വീകരിച്ച നടപടികൾ വ്യക്തമാക്കാമോ;

പുതിയതായി ആരംഭിച്ച കുറ്റിപ്പുറം ഗവൺമെന്റ് കണ്ണാശുപത്രിയുടെ സുഗമമായ പ്രവര്‍ത്തനത്തിനായി ഒരു ഒപ്റ്റോമെട്രിസ്റ്റ്, 4 സ്റ്റാഫ് നഴ്സുമാര്‍, 2 നഴ്സിംഗ് അസിസ്റ്റന്റുമാർ, 2 അറ്റന്‍ഡന്റുമാർ എന്നീ തസ്തികകള്‍ അനുവദിക്കുന്നതിനായി ലഭിച്ച നിവേദനത്തിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ?

ആലപ്പുഴ മണ്ഡലത്തിലെ ഏതൊക്കെ ആശുപത്രികളുടെ നിര്‍മ്മാണ പ്രവര്‍ത്തനമാണ് ഈ സര്‍ക്കാര്‍ അധികാരത്തില്‍ വന്നതിനുശേഷം നടന്നുവരുന്നതെന്നും അവയുടെ നിലവിലെ സ്ഥിതി സംബന്ധിച്ചും വിശദവിവരം ലഭ്യമാക്കാമോ;

പ്രസ്തുത പദ്ധതികള്‍ക്കായി എത്ര തുകയാണ് ചെലവഴിക്കുന്നതെന്ന് അവയ്ക്ക് ഭരണാനുമതി ലഭിച്ച തീയതി, പൂര്‍ത്തീകരിക്കേണ്ട സമയം എന്നിങ്ങനെ പട്ടിക തിരിച്ചു വിശദ വിവരം ലഭ്യമാക്കാമോ;

പ്രസ്തുത പദ്ധതികൾ സമയബന്ധിതമായി പൂര്‍ത്തീകരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

അമീബിക് മസ്തിഷ്കജ്വരം പരിശോധിക്കാനുളള ലാബ് ടെസ്റ്റ് നടത്തുന്നതിന് നിലവിൽ എവി​ടെയെല്ലാം സൗകര്യങ്ങൾ ഒരുക്കിയിട്ടുണ്ട്; അറിയിക്കാമോ;

ഈ സൗകര്യം കോഴിക്കോട് മെഡിക്കൽ കോളേജിൽ ലഭ്യമാണോ;

അടുത്തിടെ സംസ്ഥാനത്ത് റിപ്പോർട്ട് ചെയ്ത മസ്തികജ്വരം മൂലമുളള മരണങ്ങളിൽ ഏറ്റവും അധികം മലബാർ മേഖലയിൽ ആണെന്നിരിക്കെ, കോഴിക്കോട് മെഡിക്കൽ കോളേജിൽ ഈ സൗകര്യം ഒരുക്കാൻ നടപടികൾ സ്വീകരിക്കുമോയെന്ന് വ്യക്തമാക്കാമോ?

കോഴിക്കോട് ബീച്ച് ജനറല്‍ ആശുപത്രിയില്‍ ഡോക്ടർമാർ, നഴ്സുമാർ, മറ്റ് പാരമെ‍ഡിക്കല്‍ ജീവനക്കാർ‍ എന്നിവരുടെ എത്ര ഒഴിവുകള്‍ നിലവിലുണ്ട്; വിശദാംശങ്ങള്‍ ലഭ്യമാക്കുമോ;

ഒഴിവുകള്‍ നികത്തുന്നതിന് എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കുമോ?

നിരവധി പ്രസവം പ്രതിദിനം നടക്കുന്ന പൊന്നാനി അമ്മയും-കുഞ്ഞും ആശുപത്രിയിൽ സ്റ്റാഫ് പാറ്റേൺ അനുസരിച്ചുള്ള ജീവനക്കാരില്ലായെന്നത് ശ്രദ്ധയിൽപെട്ടിട്ടുണ്ടോയെന്ന് അറിയിക്കാമോ;

കഴിഞ്ഞ 2 വർഷം മുൻപ് വരെ അധിക ജീവനക്കാരെ വെച്ചാണ് ആശുപത്രി പ്രവർത്തിച്ചിരുന്നതെന്നും ഇപ്പോൾ 24 ജീവനക്കാരുടെ കുറവുണ്ടെന്നതും ശ്രദ്ധയിൽപെട്ടിട്ടുണ്ടോയെന്ന് വ്യക്തമാക്കാമോ;

പൊന്നാനി അമ്മയും-കുഞ്ഞും ആശുപത്രിയിൽ കുഞ്ഞുങ്ങളെ ചികിത്സിക്കുന്നതിന് പീഡിയാട്രീഷ്യൻ ഡോക്ടർ ഇല്ലായെന്ന സ്ഥിതി ശ്രദ്ധയിൽപെട്ടിട്ടുണ്ടോയെന്ന് അറിയിക്കാമോ;

മേൽപറഞ്ഞ വിഷയങ്ങൾ അടിയന്തരമായി പരിഹരിക്കുന്നതിന് നടപടികൾ സ്വീകരിക്കുമോയെന്ന് വ്യക്തമാക്കുമോ?

നെയ്യാറ്റിന്‍കര ജനറല്‍ ആശുപത്രിയുടെ വിവിധ ആവശ്യങ്ങള്‍ പരിഹരിക്കുന്നതിനുവേണ്ടി ബഹുമാനപ്പെട്ട ആരോഗ്യ വകുപ്പ് മന്ത്രിയുടെ ചേമ്പറില്‍ നടന്ന യോഗതീരുമാനത്തിന്റെ അടിസ്ഥാനത്തില്‍ തിരുവനന്തപുരം ജനറല്‍ ആശുപത്രിയിലെ നെഫ്രോളജിസ്റ്റിന്റെ സേവനം ആഴ്ചയില്‍ ഒരു ദിവസം നല്‍കാമെന്ന തീരുമാനത്തിന്മേൽ എന്ത് നടപടി സ്വീകരിച്ചുവെന്ന് വിശദമാക്കാമോ?

തിരൂരങ്ങാടി ഗവൺമെന്റ് താലൂക്ക് ആശുപത്രിയിൽ വർക്ക് ലോഡിനനുസരിച്ച് ജീവനക്കാർ ഇല്ലാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

മറ്റു ജില്ലകളിലെ ഗവൺമെന്റ് ആശുപത്രികളിലുള്ള സ്റ്റാഫുകളുടെ എണ്ണത്തിനനുസൃതമായി തിരൂരങ്ങാടി മണ്ഡലത്തിലെ താലൂക്ക് ആശുപത്രി അടക്കമുള്ള ആശുപത്രികളിൽ അധിക സ്റ്റാഫുകളെ നിയമിക്കുന്നതിന് നടപടി സ്വീകരിക്കുമോ; വിശദമാക്കാമോ;

മറ്റ് ജില്ലകളിലെ ആശുപത്രികളിലെ സ്റ്റാഫ് പാറ്റേണും മലപ്പുറം ജില്ലയിലെ ആശുപത്രികളിലെ സ്റ്റാഫ് പാറ്റേണും തമ്മിലുള്ള അന്തരം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

ആരോഗ്യ ഇൻഷുറൻസ് ചികിത്സയുമായി ബന്ധപ്പെട്ട് എറണാകുളം ജനറൽ ആശുപത്രിക്ക് സർക്കാരിൽ നിന്നും ലഭിക്കാനുള്ള തുക എത്രയാണെന്ന് വ്യക്തമാക്കാമോ;

കാസ്പ്, കാരുണ്യ ബെനവലന്റ് ഫണ്ട് എന്നീ സ്കീമുകളിലായി എത്ര രൂപയാണ് എറണാകുളം ജനറൽ ആശുപത്രിക്ക് നല്‍കുവാനുള്ളതെന്ന് അറിയിക്കാമോ;

പ്രധാനമന്ത്രിയുടെ ചികിത്സാ പദ്ധതിയിൽ ഉൾപ്പെടുത്തി പ്രസ്തുത ആശുപത്രിക്ക് തുക നൽകാനുണ്ടോ; വിശദാംശം നല്‍കാമോ;

ഈ തുകകൾ സമയത്ത് നൽകാത്തത് മൂലം പാവപ്പെട്ട രോഗികളുടെ ചികിത്സ മുടങ്ങുന്നത് തടയാൻ എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദമാക്കാമോ;

എറണാകുളം ജനറൽ ആശുപത്രിയിലെ വിവിധ സേവനങ്ങൾക്ക് വേണ്ടി ഉപകരണങ്ങൾ വാങ്ങിയ ഇനത്തിൽ (പർച്ചേസ് ഇനത്തിൽ കൺസ്യൂമബിൾസ് ഉൾപ്പടെ) എത്ര രൂപ സർക്കാരില്‍ നിന്ന് ആശുപത്രിയിലേക്ക് നൽകാനുണ്ടെന്ന് വ്യക്തമാക്കാമോ?

ബാലുശ്ശേരി മണ്ഡലത്തിലെ വിവിധ സര്‍ക്കാര്‍ ആശുപത്രികളില്‍ വിവിധ വകുപ്പുകളുടെ ഫണ്ട് വിനിയോഗിച്ച് എന്തെല്ലാം നിര്‍മ്മാണ പ്രവൃത്തികളാണ് നിലവില്‍ നടന്ന് വരുന്നതെന്നും പ്രസ്തുത പ്രവൃത്തികള്‍ എപ്പോള്‍ പൂര്‍ത്തീകരിക്കാന്‍ കഴിയുമെന്നും വിശദമാക്കാമോ;

പ്രസ്തുത മണ്ഡലത്തിലെ വിവിധ സര്‍ക്കാര്‍ ആശുപത്രികളില്‍ 2017 മുതല്‍ 2025 വരെയുള്ള കാലത്ത് പുതുതായി അനുവദിച്ച തസ്തികകൾ, അവയുടെ എണ്ണം എന്നിവ ആശുപത്രികള്‍ തിരിച്ച് വിശദമാക്കാമോ?

നെയ്യാറ്റിന്‍കര ജനറല്‍ ആശുപത്രിയുടെ വിവിധ ആവശ്യങ്ങള്‍ പരിഹരിക്കുന്നതിനു വേണ്ടി ബഹു. ആരോഗ്യവകുപ്പ് മന്ത്രിയുടെ ചേമ്പറില്‍ നടന്ന യോഗ തീരുമാനത്തിന്റെ അടിസ്ഥാനത്തില്‍ തിരുവനന്തപുരം ജനറല്‍ ആശുപത്രിയിലെ നെഫ്രോളജിസ്റ്റിന്റെ സേവനം ആഴ്ചയില്‍ ഒരു ദിവസം നല്‍കുന്നതിന് എന്ത് നടപടി സ്വീകരിച്ചു എന്ന് വിശദമാക്കാമോ?

മലപ്പുറം ജില്ലയിൽ 2021-22 മുതൽ നവീകരണത്തിന് വേണ്ടി തെരഞ്ഞെടുത്ത ഹെൽത്ത് സബ് സെന്ററുകളുടെ വിശദാംശം വർഷം തിരിച്ച് നൽകാമോ; ഓരോ സെന്ററും നവീകരിക്കുന്നതിന് എത്ര തുകയാണ് അനുവദിച്ചിട്ടുള്ളതെന്ന് വ്യക്തമാക്കാമോ;

പ്രസ്തുത പദ്ധതി നിർവഹണം നടത്തുന്ന ഏജൻസി ഏതാണെന്നും പ്രവൃത്തി പൂർത്തീകരിച്ച സബ് സെന്ററുകൾ ഏതെല്ലാമാണെന്നും വ്യക്തമാക്കാമോ;

ശേഷിക്കുന്നവയുടെ പ്രവൃത്തി ആരംഭിക്കുന്നതിനും തുക അനുവദിക്കുന്നതിനുമുള്ള കാലതാമസത്തിന്റെ കാരണം വ്യക്തമാക്കാമോ?

പേരാമ്പ്ര സി.എച്ച്.സി-യെ താലൂക്ക് ആശുപത്രിയായി ഉയർത്തിയെങ്കിലും താലൂക്ക് ആശുപത്രിയുടെ സ്റ്റാഫ് പാറ്റേൺ അനുവദിക്കപ്പെട്ടിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ആശുപത്രിയില്‍ ഓരോ വിഭാഗത്തിലും നിലവില്‍ എത്ര സ്റ്റാഫ് ഉണ്ടെന്നും എത്ര ഒഴിവുകളുണ്ടെന്നും വ്യക്തമാക്കാമോ;

പ്രസ്തുത ഒഴിവുകള്‍ നികത്തുന്നതിനും താലൂക്ക് ആശുപത്രിയുടെ സ്റ്റാഫ് പാറ്റേൺ അനുവദിക്കുന്നതിനും നടപടി സ്വീകരിച്ചിട്ടുണ്ടോ; ഇല്ലെങ്കില്‍ നടപടി സ്വീകരിക്കുമോയെന്ന് വ്യക്തമാക്കാമോ?

പൊന്നാനി മണ്ഡലത്തില്‍പ്പെട്ട മാറഞ്ചേരി സി.എച്ച്.സി.യില്‍ സ്റ്റാഫ് സ്ട്രെങ്ത് അനുസരിച്ച് ഡോക്ടർമാരും ജീവനക്കാരുമില്ലാത്തതിനാല്‍ കിടത്തിചികിത്സ നടക്കുന്നില്ലായെന്നത് ശ്രദ്ധയില്‍പ്പെട്ടിട്ടുണ്ടോ;

ജീവനക്കാരെ അടിയന്തരമായി നിയമിച്ച് കിടത്തി ചികിത്സക്കുള്ള സൗകര്യം ഒരുക്കുമോ; വിശദമാക്കുമോ?

കുട്ടനാട് പുളിങ്കുന്ന് താലൂക്ക് ആശുപത്രിയുടെ നിർമ്മാണം സമയബന്ധിതമായി പൂർത്തീകരിക്കാൻ സ്വീകരിച്ചുവരുന്ന നടപടികൾ വിശദമാക്കാമോ;

പ്രസ്തുത ആശുപത്രിയിൽ എന്തെല്ലാം സൗകര്യങ്ങളാണ് ഏർപ്പെടുത്തുന്നതെന്ന് വ്യക്തമാക്കാമോ;

പ്രസ്തുത ആശുപത്രിയിൽ എല്ലാ ആധുനിക സൗകര്യങ്ങളും ലഭ്യമാക്കുന്നതിന് നടപടി സ്വീകരിക്കുമോ; എങ്കിൽ വിശദമാക്കുമോ?

2016-17 വര്‍ഷം കണ്ണൂര്‍ പരിയാരം ദന്തല്‍കോളേജില്‍ ബി. ഡി. എസ്. ന് പ്രവേശനം നേടിയ ഓമശ്ശേരി സ്വദേശിനി ഫാത്തിമത്ത് സുഹറ ആരോഗ്യ കാരണങ്ങളാല്‍ പഠനം തുടരാന്‍ കഴിയാത്ത സാഹചര്യത്തില്‍ ലിക്വിഡ് ഡാമേജ് ഒഴിവാക്കി സര്‍ട്ടിഫിക്കറ്റുകള്‍ തിരികെ നല്‍കണമെന്നാവശ്യപ്പെട്ട് അപേക്ഷ നല്‍കിയിട്ടുണ്ടോയെന്ന് വ്യക്തമാക്കാമോ;

നിര്‍ദ്ധന കുടുംബത്തിലെ അംഗമായതിനാല്‍ ടിയാൾക്ക് പ്രത്യേക പരിഗണന നല്‍കി ലിക്വിഡ് ഡാമേജ് ഒഴിവാക്കുന്നതിനും സര്‍ട്ടിഫിക്കറ്റുകള്‍ തിരികെ നല്‍കുന്നതിനും നടപടികള്‍ സ്വീകരിക്കുമോ?

സംസ്ഥാനത്ത് എത്രപേർക്ക് അമീബിക് മസ്തിഷ്ക ജ്വരം സ്ഥിരീകരിച്ചിട്ടുണ്ടെന്നും എത്രപേർ മരണപ്പെട്ടുവെന്നും ജില്ലതിരിച്ച് വ്യക്തമാക്കാമോ?

24.03.2021 -ന് പാമ്പ് കടിയേറ്റ് കൊടുങ്ങല്ലൂര്‍ താലൂക്കാസ്ഥാന ആശുപത്രിയില്‍ എത്തിച്ച മൂന്ന് വയസുകാരി യഥാസമയം ചികിത്സ ലഭിക്കാത്തതിനെ തുടര്‍ന്ന് മരണപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

അന്നേ ദിവസം ഡ്യൂട്ടിയിലുണ്ടായിരുന്ന ഡോക്ടറുടെ പേര് വിവരവും നിലവില്‍ ഈ ഡോക്ടര്‍ ഏത് തസ്തികയില്‍ ഏത് ആശുപത്രിയില്‍ ജോലി ചെയ്തുവരുന്നുവെന്നും അറിയിക്കുമോ;

പ്രസ്തുത സംഭവത്തിൽ ചികിത്സാ വീഴ്ച്ച സംബന്ധിച്ച് അന്വേഷണം നടത്തിയിട്ടുണ്ടോ; എങ്കിൽ കണ്ടെത്തലുകള്‍ എന്താണെന്ന് വിശദമാക്കുമോ;

അന്വേഷണത്തില്‍ കുറ്റക്കാര്‍ക്കെതിരെ നടപടിക്ക് ശിപാര്‍ശ ചെയ്തിട്ടുണ്ടോ; എങ്കിൽ ആര്‍ക്കെതിരെയാണ് നടപടിക്ക് ശിപാര്‍ശ ചെയ്തിട്ടുള്ളതെന്ന് വെളിപ്പെടുത്തുമോ;

കുറ്റക്കാരാണെന്ന് അന്വേഷണത്തില്‍ കണ്ടെത്തിയവര്‍ക്കെതിരെ നടപടികള്‍ സ്വീകരിച്ചിട്ടുണ്ടോ; എങ്കില്‍ അതിന്റെ വിശദാംശങ്ങളും ഇല്ലെങ്കില്‍ എന്തു കൊണ്ടാണ് നടപടികള്‍ സ്വീകരിക്കാത്തതെന്നും വ്യക്തമാക്കാമോ?

സർവീസിൽ നിന്നും അനധികൃതമായി നിലവിൽ വിട്ടുനിൽക്കുന്ന എത്ര ഡോക്ടർമാരുണ്ട്; അവരുടെ പേരുൾപ്പെടെയുള്ള വിശദാംശവും അവർക്കെതിരെ നാളിതുവരെ സ്വീകരിച്ചിട്ടുള്ള നടപടികളും വ്യക്തമാക്കുമോ?

ആരോഗ്യ സ്ഥാപനങ്ങളുടെ നിലവാരം മെച്ചപ്പെടുത്തുന്നതിലൂടെ സമഗ്രവും ഗുണനിലവാരമുള്ളതുമായ സേവനങ്ങള്‍ എല്ലാവർക്കും ലഭ്യമാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

വിവിധ തലങ്ങളിലെ സര്‍ക്കാര്‍ ആശുപത്രികളുടെ ഭൗതിക സാഹചര്യങ്ങൾ മെച്ചപ്പെടുത്തി അവയെ ജനസൗഹൃദ സ്ഥാപനങ്ങളായി പരിവർത്തനം ചെയ്യാനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

ആരോഗ്യമാനദണ്ഡങ്ങളിൽ ലോകരാഷ്ട്രങ്ങളോട് കിടപിടിക്കുന്ന മികച്ച നേട്ടങ്ങള്‍ കേരളം കൈവരിച്ചിട്ടുണ്ടോ; നിർമ്മിതബുദ്ധിയും മെഷീൻ ലേണിംഗും ഉള്‍പ്പെടെയുള്ള നൂതന സാങ്കേതികവിദ്യകൾ ചികിത്സാരംഗത്ത്‌ പ്രയോജനപ്പെടുത്താനുള്ള ശ്രമങ്ങൾ ആരംഭിച്ചിട്ടുണ്ടോ; വിശദമാക്കാമോ;

കേരളത്തിന്റെ ആരോഗ്യമേഖലയെ അന്താരാഷ്‌ട്ര നിലവാരത്തിലേക്ക്‌ ഉയർത്താൻ ലക്ഷ്യമിട്ട്‌ കേരള ഹെൽത്ത് സിസ്റ്റം ഇംപ്രൂവ്മെന്റ്‌ പ്രോഗ്രാം എന്ന പദ്ധതിക്ക്‌ അനുമതി നൽകിയിട്ടുണ്ടോ; വിശദമാക്കാമോ?

സംസ്ഥാനത്ത് പേവിഷ വാക്സിൻ കൈകാര്യം ചെയ്യുന്നതിൽ അപാകതകൾ ഉണ്ടായിട്ടുള്ളതായി കണ്ടെത്തിയിട്ടുണ്ടോയെന്ന് വ്യക്തമാക്കുമോ;

പേവിഷ ബാധയ്ക്കുളള വാക്സിന്റെ ഗുണനിലവാരം സംബന്ധിച്ചുളള ആശങ്കകൾ പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ?

സംസ്ഥാനത്ത് ചെറുപ്പക്കാരുള്‍പ്പെടെയുള്ളവരുടെ കുഴഞ്ഞുവീണുള്ള മരണം കൂടി വരുന്നതായി ശ്രദ്ധയില്‍പ്പെട്ടിട്ടുണ്ടോ; ഇത്തരത്തില്‍ മരണം സംഭവിക്കുന്നതിനുള്ള കാരണങ്ങള്‍ പരിശോധിച്ചിട്ടുണ്ടോ; എങ്കില്‍ അവ എന്തൊക്കെയെന്ന് അറിയിക്കാമോ;

2024-വർഷത്തില്‍ സംസ്ഥാനത്ത് കുഴഞ്ഞുവീണ് മരിച്ചവരുടെ പ്രായപരിധിയും മരണപ്പെട്ടവരുടെ എണ്ണവും അറിയിക്കാമോ;

കുഴഞ്ഞുവീണുള്ള മരണം തടയുന്നത് സംബന്ധിച്ച് ആരോഗ്യ കേന്ദ്രങ്ങള്‍ വഴി ജനങ്ങള്‍ക്ക് പ്രത്യേക നിർദ്ദേശങ്ങള്‍ നല്‍കാമോ;

ഹ‍ൃദയസ്തംഭനം, സ്ട്രോക്ക് എന്നിവ തടയുന്നതിനായുള്ള ഏതൊക്കെ ശാരീരിക പരിശോധനകള്‍ സംസ്ഥാനത്തെ സർക്കാർ/സ്വകാര്യ ആരോഗ്യ കേന്ദ്രങ്ങള്‍ വഴി ലഭ്യമാക്കുന്നുണ്ടെന്ന് വിശദമാക്കാമോ;

ജങ്ക് ഭക്ഷണങ്ങള്‍ക്ക് പകരം സ്കൂളുകളിലും കോളജുകളിലും അവയുടെ പരിസരങ്ങളിലും ആരോഗ്യകരമായ ഭക്ഷണം വിതരണം ചെയ്യുന്നതിനുള്ള നിർദേശങ്ങള്‍ ആരോഗ്യ വകുപ്പ് വഴി നല്‍കുന്നുണ്ടോ; വിശദമാക്കാമോ?

അപൂർവ്വരോഗം പിടിപെട്ട കുട്ടിയുടെ ചികിത്സക്ക് നടപടി സ്വീകരിക്കണമെന്നാവശ്യപ്പെട്ട് സർപ്പിച്ച നിവേദനത്തിന്മേൽ അനന്തര നടപടികൾക്കായി കേരള സാമൂഹ്യ സുരക്ഷാ മിഷൻ 19.06.2025-ൽ കെ.എസ്.എസ്.എം 467/2025/പി9 നമ്പർ പ്രകാരം ആരോഗ്യ കുടുംബക്ഷേമ വകുപ്പ് പ്രിൻസിപ്പൽ സെക്രട്ടറിക്ക് അയച്ച കത്തിന്മേൽ സത്വര നടപടി സ്വീകരിക്കുമോ; വ്യക്തമാക്കാമോ;

ഈ വിഷയത്തിന്മേൽ വിവിധ കാര്യാലയങ്ങളിൽ നിന്നും റിപ്പോർട്ട് ആവശ്യപ്പെട്ടിട്ടുള്ളതിന് മറുപടി ലഭിച്ചിട്ടുണ്ടോ; ഇല്ലെങ്കിൽ മറുപടി നല്കുന്നതിനുള്ള കാലതാമസത്തെക്കുറിച്ച് വകുപ്പ് മേധാവികളോട് വിശദീകരണം ആവശ്യപ്പെടുമോ; വ്യക്തമാക്കുമോ?

ആശുപത്രികള്‍ക്ക് നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് അംഗീകാരം ലഭിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കുമോ;

ഈ അംഗീകാരം ലഭിക്കുന്ന ആശുപത്രികള്‍ക്ക് എന്തെല്ലാം ആനുകൂല്യങ്ങള്‍ ലഭിക്കുമെന്ന് വിശദീകരിക്കാമോ;

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് സര്‍ക്കാര്‍ മേഖലയിലും സ്വകാര്യ മേഖലയിലും എത്ര ആശുപത്രികള്‍ക്ക് ഈ അംഗീകാരം ലഭിച്ചിട്ടുണ്ടെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പാറശ്ശാല മണ്ഡലത്തിൽ വിവിധ പഞ്ചായത്തുകളിലെ ആയുര്‍വേദം, ഹോമിയോ എന്നീ വിഭാഗങ്ങളിലെ ആശുപത്രികളുടെ വികസനത്തിനായി സ്വീകരിച്ച നടപടികള്‍ വിശദമാക്കാമോ;

ആയതിലേയ്ക്കായി എത്ര തുക ചെലവഴിച്ചിട്ടുണ്ടെന്ന് ആശുപത്രി തിരിച്ചുളള വിശദാംശം ലഭ്യമാക്കാമോ; പ്രസ്തുത പ്രവര്‍ത്തനങ്ങളുടെ പുരോഗതി അറിയിക്കാമോ;

2016 സാമ്പത്തിക വര്‍ഷം മുതല്‍ ദേശീയ ആരോഗ്യദൗത്യം ഫണ്ട്, സംസ്ഥാന ആരോഗ്യവകുപ്പിന്റെ പ്ലാന്‍ ഫണ്ട് എന്നിവ വിനിയോഗിച്ച് പാറശ്ശാല മണ്ഡലത്തിലെ വിവിധ ആരോഗ്യകേന്ദ്രങ്ങളില്‍ നടപ്പിലാക്കിയ പദ്ധതികള്‍, പ്രസ്തുത പദ്ധതികള്‍ക്കായി അനുവദിച്ച തുക, പദ്ധതികളുടെ പുരോഗതി എന്നിവ വിശദമാക്കാമോ?

പ്രായഭേദമെന്യേ മനുഷ്യര്‍ കുഴഞ്ഞ് വീണ് മരിക്കുന്ന സംഭവങ്ങള്‍ വര്‍ദ്ധിച്ചു വരുന്നതായി ശ്രദ്ധയിൽപ്പെട്ടിട്ടുണ്ടോ എങ്കിൽ ഇതു സംബന്ധിച്ച് ആരോഗ്യ വകുപ്പ് അവലോകനം നടത്തിയിട്ടുണ്ടോ; എങ്കില്‍ വിശദീകരിക്കാമോ;

കോവിഡാനന്തരമാണ് ഇത്തരത്തിലുള്ള മരണങ്ങള്‍ വ്യാപകമായി കണ്ടുവരുന്നതെന്നുള്ള അഭിപ്രായങ്ങള്‍ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇതിന്റെ നിജസ്ഥിതി വ്യക്തമാക്കാമോ;

പ്രസ്തുത സംഭവത്തില്‍ നിന്നും മുക്തി നേടുന്നതിന് രോഗം മുന്‍കൂട്ടി കണ്ടെത്തി ചികിത്സിക്കുന്നതിനുള്ള എന്തെങ്കിലും സംവിധാനങ്ങള്‍ സംസ്ഥാനത്തെ സര്‍ക്കാര്‍/സ്വകാര്യ ആരോഗ്യ കേന്ദ്രങ്ങളില്‍ നിലവില്‍ ലഭ്യമാണോയെന്ന് അറിയിക്കുമോ;

ഇതു സംബന്ധിച്ച് എന്തെങ്കിലും ഗവേഷണങ്ങള്‍ ആരംഭിച്ചിട്ടുണ്ടോ; എങ്കില്‍ എന്തെങ്കിലും പ്രാഥമിക നിഗമനത്തില്‍ എത്തിച്ചേരുവാന്‍ സാധിച്ചിട്ടുണ്ടോ;

ഇതു സംബന്ധിച്ച് പൊതുജനങ്ങളില്‍ ബോധവല്‍ക്കരണ പ്രവര്‍ത്തനം നടപ്പാക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

കോഴിക്കോട് മെഡിക്കൽ കോളേജ് ആശുപത്രിയിലെ പ്രധാനമന്ത്രി സ്വാസ്ഥ്യ സുരക്ഷായോജന ബ്ലോക്കിലെ അത്യാഹിത വിഭാഗത്തിൽ ഉണ്ടായ പൊട്ടിത്തെറിയുടെയും ഇതേ കെട്ടിടത്തിലെ മറ്റൊരു നിലയിൽ തീപിടിത്തം ഉണ്ടായതിന്റെയും കാരണം എന്താണെന്ന് കണ്ടെത്തിയിട്ടുണ്ടോ; വ്യക്തമാക്കാമോ;

ഇക്കാര്യത്തിലെ അന്വേഷണം നടത്തിയത് ആരാണെന്നും അവരുടെ നിഗമനങ്ങൾ എന്തെല്ലാമാണെന്നും വ്യക്തമാക്കാമോ;

ആശുപത്രികളിലെ സുരക്ഷാക്രമീകരണങ്ങൾ ശക്തിപ്പെടുത്തുന്നതിന് എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുളള കെട്ടിടങ്ങളുടെ ഫിറ്റ്നസ് വർഷം തോറും പരിശോധിക്കാറുണ്ടോയെന്ന് വ്യക്തമാക്കാമോ;

പ്രസ്തുത കെട്ടിടങ്ങളുടെ ഫിറ്റ്നസ് പരിശോധിക്കാൻ ചുമതലപ്പെടുത്തിയിരിക്കുന്നത് തദ്ദേശ സ്വയംഭരണ സ്ഥാപനങ്ങളെയാണോ; അല്ലെങ്കിൽ മറ്റ് ഏത് ഏജൻസിയെയാണെന്ന് വ്യക്തമാക്കാമോ;

പ്രസ്തുത കെട്ടിടങ്ങളിൽ നിലവിൽ ഫിറ്റ്നസ് ഇല്ലാത്ത കെട്ടിടങ്ങളുടെ വിവരം ജില്ല തിരിച്ച് ആശുപത്രി തിരിച്ച് ലഭ്യമാക്കാമോ;

ഫിറ്റ്നസ് ഇല്ലാത്ത കെട്ടിടങ്ങളിൽ ആശുപത്രികളിലെ ഏതെങ്കിലും വിഭാഗങ്ങൾ പ്രവർത്തിക്കുന്നുണ്ടോ; എങ്കിൽ അതിന്റെ വിവരം ലഭ്യമാക്കാമോ;

പ്രസ്തുത കെട്ടിടങ്ങളിൽ 2016 മുതൽ നാളിതുവരേയ്ക്കും പൂർണ്ണമായോ ഭാഗികമായോ തകർന്ന കെട്ടിടങ്ങളുടെ വിവരം ലഭ്യമാക്കാമോ;

പ്രസ്തുത സംഭവത്തിൽ മരിച്ചവരുടെയും പരിക്കേറ്റവരുടെയും വിവരം ലഭ്യമാക്കാമോ?

കേരളത്തിൽ എയിംസ് സ്ഥാപിക്കുന്നതിനായി കേന്ദ്രസർക്കാരിന് അപേക്ഷ സമർപ്പിച്ചിട്ടുണ്ടോ; ഇതിനായി ഭൂമി കണ്ടെത്തുന്നതിനുള്ള മാനദണ്ഡം സംബന്ധിച്ച കേന്ദ്രസർക്കാർ നിർദേശം എന്താണെന്നും ഏതൊക്കെ സ്ഥലങ്ങളാണ് സംസ്ഥാന സർക്കാർ എയിംസ് സ്ഥാപിക്കുന്നതിന് ഉചിതമായിരിക്കുമെന്ന് നിർദ്ദേശിച്ചിട്ടുള്ളതന്നും വ്യക്തമാക്കാമോ;

കോട്ടയം വെള്ളൂരിൽ ഹിന്ദുസ്ഥാൻ ന്യൂസ് പ്രിന്റ് ഫാക്ടറിയുടെ അധികമുള്ള ഭൂമിയിൽ എയിംസ് സ്ഥാപിക്കുന്നതിനുള്ള നടപടികൾ സ്വീകരിക്കാമോ; വിശദാംശം ലഭ്യമാക്കാമോ?

ആലപ്പുഴ ബീച്ച് വനിതാ ശിശു ആശുപത്രിയിലെ ചികിത്സ പിഴവ് മൂലം അസാധാരണ രൂപത്തിൽ കുഞ്ഞു പിറക്കാൻ ഇടയായത് സംബന്ധിച്ച പരാതിയിൽ ആരോഗ്യവകുപ്പ് അന്വേഷണം നടത്തിയിട്ടുണ്ടോ; എങ്കിൽ കണ്ടെത്തലുകൾ എന്തൊക്കെയാണ് വിശദമാക്കുമോ;

പ്രസ്തുത വിഷയത്തിൽ ഉത്തരവാദികളായവർക്കെതിരെ സ്വീകരിച്ച നടപടി വ്യക്തമാക്കുമോ;

കുഞ്ഞിന്റെ തുടർ ചികിത്സ സർക്കാർ ഏറ്റെടുക്കുന്നതിനും കുടുംബത്തിന് നഷ്ടപരിഹാരം നൽകുന്നതിനും നടപടി സ്വീകരിച്ചിട്ടുണ്ടോ; വ്യക്തമാക്കുമോ;

ഇത്തരം സംഭവങ്ങൾ ആവർത്തിക്കാതിരിക്കാൻ എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

നെന്മാറ മണ്ഡലത്തില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം ആരോഗ്യ മേഖലയില്‍ നടത്തിയ വികസന പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കുമോ;

സര്‍ക്കാര്‍ അനുമതി ലഭിച്ച എത്ര കെട്ടിടങ്ങളാണ് ഇനി പൂര്‍ത്തീകരിക്കാൻ ഉള്ളതെന്നും അവ ഏതെല്ലാം പഞ്ചായത്തുകളിലാണെന്നും വിശദമാക്കുമോ?

സംസ്ഥാനത്ത് എലിപ്പനിയും മരണ നിരക്കും വർദ്ധിച്ചു വരുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ;

രോഗപ്രതിരോധ പ്രവർത്തനങ്ങളിൽ വീഴ്ച ഉണ്ടാകാതിരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ;

ഈ രോഗബാധ പടർന്നുപിടിക്കാതിരിക്കാൻ എന്തെല്ലാം മുൻകരുതലുകളാണ് സ്വീകരിച്ചു വരുന്നത്; രോഗബാധയെക്കുറിച്ച് കൂടുതൽ അവബോധം സൃഷ്ടിക്കുന്നതിന് സ്വീകരിച്ചു വരുന്ന നടപടികൾ വിശദമാക്കാമോ?

സംസ്ഥാനത്ത് പ്രതിവര്‍ഷം പതിനായിരക്കണക്കിന് കാൻസര്‍ രോഗികൾ പുതുതായി രജിസ്റ്റര്‍ ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

വര്‍ദ്ധിച്ചുവരുന്ന ഈ രോഗത്തെ തടയുന്നതിനായി കാൻസര്‍ സ്ട്രാറ്റജി ആക്ഷൻ പ്ലാൻ നടപ്പിലാക്കി വരുന്നുണ്ടോയെന്ന് വിശദമാക്കാമോ;

സംസ്ഥാനത്ത് കാൻസര്‍ രോഗ നിയന്ത്രണ പ്രവര്‍ത്തനങ്ങള്‍ ഏകോപിപ്പിക്കുന്നതിന് കാൻസര്‍ കെയര്‍ ബോര്‍ഡ് രൂപീകരിച്ചിട്ടുണ്ടോയെന്ന് വിശദമാക്കാമോ;

നിലവിലുള്ള റീജിയണല്‍ കാൻസര്‍ സെന്ററുകളെയും മെഡിക്കല്‍ കോളേജുകളിലെ കാൻസര്‍ ചികിത്സ വിഭാഗങ്ങളെയും ശാക്തീകരിക്കുന്നതിന് സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ സർക്കാർ - സ്വകാര്യ ആശുപത്രികളിൽ വിവിധ ചികിത്സകൾക്ക് നിശ്ചിത ഫീസ് ഏർപ്പെടുത്തുന്നതിനും അവ ആശുപത്രികളിൽ പ്രദർശിപ്പിക്കുന്നതിനും നടപടികൾ ഉണ്ടാകുമോ; എങ്കിൽ വിശദാംശം ലഭ്യമാക്കുമോ;

ആശുപത്രികൾ വ്യത്യസ്‍തമായ ചികിത്സാ ഫീസ് ഏർപ്പെടുത്തുന്നത് മൂലം സാധാരണക്കാർ അനുഭവിക്കുന്ന ബുദ്ധിമുട്ടുകൾ പരിഹരിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ;

ആരോഗ്യ മേഖലയിൽ കൂടുതൽ അവസരങ്ങൾ ലഭ്യമാക്കുന്നതിന് സർക്കാർ - സ്വകാര്യ മേഖലകളിൽ കൂടുതൽ സ്ഥാപനങ്ങൾ ആരംഭിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

കൊരട്ടി ഗാന്ധിഗ്രാം ത്വക്ക് രോഗാശുപത്രി കോമ്പൗണ്ടിലെ‍ ആരോഗ്യ പ്രവര്‍ത്തകര്‍ക്കായുള്ള പരിശീലന കേന്ദ്രത്തിന്റെ നിര്‍മ്മാണം നിലവില്‍ ഏത് ഘട്ടത്തിലാണ്; വ്യക്തമാക്കാമോ;

അവശേഷിക്കുന്ന നിര്‍മ്മാണ പ്രവൃത്തികള്‍ എന്തൊക്കെയാണെന്നും ഇത് എന്ന് പൂര്‍ത്തീകരിക്കുമെന്നും വിശദമാക്കുമോ;

എന്തൊക്കെ സൗകര്യങ്ങളാണ് ഈ പരിശീലന കേന്ദ്രത്തില്‍ ഒരുക്കിയിട്ടുള്ളതെന്ന് അറിയിക്കുമോ;

പരിശീലന കേന്ദ്രത്തിന്റെ നിര്‍മ്മാണത്തിനായി നാളിതുവരെ എത്ര രൂപ ചെലവഴിച്ചുവെന്ന് അറിയിക്കാമോ;

പരിശീലന കേന്ദ്രത്തിന്റെ നടത്തിപ്പിന് എത്ര തസ്തികകള്‍ ആവശ്യമായിട്ടുണ്ടെന്നും ഇത് ഏതൊക്കെയാണെന്നും എപ്രകാരമാണ് നിയമിക്കാന്‍ ഉദ്ദേശിക്കുന്നതെന്നും വിശദമാക്കാമോ?

സംസ്ഥാനത്ത് പേവിഷബാധയ്ക്ക് ഉപയോഗിക്കുന്ന പ്രതിരോധ മരുന്നുകള്‍ ഏതെല്ലാമാണ്; വ്യക്തമാക്കാമോ;

പ്രസ്തുത മരുന്നുകളുടെ ഗുണനിലവാരം പരിശോധിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ;

സര്‍ക്കാര്‍ മേഖലയിലുള്ള എല്ലാ ആശുപത്രികളിലും പേവിഷബാധയ്ക്കുള്ള പ്രതിരോധ മരുന്നുകളായ ആന്റി റാബിസ് വാക്സിനുകളും, ഇമ്മ്യൂണോഗ്ലോബിനുകളും ലഭ്യമാക്കിയിട്ടുണ്ടോ; വ്യക്തമാക്കുമോ;

ഇല്ല എങ്കില്‍ സംസ്ഥാനത്തെ എല്ലാ സര്‍ക്കാര്‍ ആശുപത്രികളിലും ഇവ ലഭ്യമാക്കാന്‍ നടപടി സ്വീകരിക്കുമോ; വിശദാംശം ലഭ്യമാക്കുമോ?

സംസ്ഥാനത്ത് ഡയാലിസിസിന് വിധേയരാകുന്ന കിഡ്നി രോഗികളുടെ എണ്ണത്തില്‍ ക്രമാതീതമായ വര്‍ദ്ധനവുണ്ടാവുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

മെഡിക്കല്‍ കോളേജുകള്‍ക്ക് കീഴിലുള്ള ഡയാലിസിസ് യൂണിറ്റുകളുടെ എണ്ണവും സൗകര്യങ്ങളും വര്‍ദ്ധിപ്പിക്കുന്നതിന് എന്തൊക്കെ നടപടികളാണ് സര്‍ക്കാര്‍ സ്വീകരിച്ചുവരുന്നത്; വിശദമാക്കാമോ;

ഡയാലിസിസ് ലാബ് അസിസ്റ്റന്റ് തസ്തികയിലെ ജീവനക്കാരുടെ എണ്ണത്തിലെ കുറവ് ഡയാലിസിസ് യൂണിറ്റുകളുടെ പ്രവര്‍ത്തനത്തെ ദോഷകരമായി ബാധിക്കുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ലാബ് അസിസ്റ്റന്റ് (ഡയാലിസിസ്) തസ്തികകള്‍ സൃഷ്ടിക്കുന്നത് സംബന്ധിച്ച വിഷയം പരിഗണനയിലുണ്ടോ; എങ്കില്‍ ഇക്കാര്യത്തില്‍ സ്വീകരിച്ചുവരുന്ന നടപടികള്‍ വിശദമാക്കാമോ?

2025-26 ബജറ്റില്‍ പ്രഖ്യാപിച്ച കോഴിക്കോട് മെഡിക്കല്‍ കോളേജിലെ ആധുനിക ലാബ് സ്ഥാപിക്കല്‍ പദ്ധതിയുടെ നിലവിലെ സ്ഥിതി വിശദമാക്കാമോ;

കഴിഞ്ഞ ബജറ്റില്‍ പ്രഖ്യാപിച്ച കോഴിക്കോട് മെഡിക്കല്‍ കോളേജിലെ മജ്ജ മാറ്റിവയ്ക്കല്‍ ശസ്ത്രക്രിയാ സൗകര്യം സ്ഥാപിക്കുന്നതിന്റെ നിലവിലെ സ്ഥിതി വിശദമാക്കാമോ?

തിരുവനന്തപുരം മെഡിക്കൽ കോളേജിൽ ഫ്ലെക്സിബിൾ യൂറിട്ടറോസ്കോപ് എന്ന ഉപകരണമില്ലാത്തതിനാൽ വൃക്കയിലും സമീപവുമുള്ള കല്ലുകൾ നീക്കം ചെയ്യുന്ന ശസ്ത്രക്രിയ മുടങ്ങി എന്നത് ശ്രദ്ധയിൽപ്പെട്ടിട്ടുണ്ടോ; ഇവ പരിഹരിക്കാൻ നടപടി സ്വീകരിക്കുമോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കണ്ണൂര്‍ മെഡിക്കല്‍ കോളേജില്‍ അടിസ്ഥാന സൗകര്യ വികസനത്തിന് അനുവദിച്ച ഫണ്ടുകളുടെ വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ മെഡിക്കൽ കോളേജുകൾക്കും ജില്ലാ ആശുപത്രികൾക്കും ശസ്ത്രക്രിയാ ഉപകരണങ്ങൾ വിതരണം ചെയ്ത കമ്പനികൾക്ക് സർക്കാരിന്റെ ഭാഗത്ത് നിന്നും എത്ര തുക കുടിശികയുണ്ടെന്ന് അറിയിക്കാമോ;

ഏത് മെഡിക്കൽ കോളേജിനാണ് പ്രസ്തുത കുടിശിക ഏറ്റവും കൂടുതലുള്ളതെന്നും ആയതിന്റെ തുക എത്രയാണെന്നും അറിയിക്കാമോ;

ഏറ്റവുമധികം കുടിശികയുള്ള മെഡിക്കൽ കോളേജിൽ 2024 ജൂലൈ മുതൽ 2025 ജൂൺ വരെയുള്ള കാലയളവിൽ മാത്രം സർക്കാർ നൽകാനുള്ള കുടിശിക എത്രയാണെന്ന് അറിയിക്കാമോ;

അടിയന്തര ചികിത്സയ്ക്കായി ആവശ്യമുള്ള ഏതൊക്കെ പ്രധാന ഉപകരണങ്ങളുടെ വിതരണമാണ് തടസ്സപ്പെട്ടിരിക്കുന്നതെന്ന് വ്യക്തമാക്കുമോ;

ശസ്ത്രക്രിയാ ഉപകരണങ്ങളുടെ വിതരണക്കാരുടെ സംഘടനയായ "ചേംബർ ഓഫ് ഡിസ്‌ട്രിബ്യൂട്ടേഴ്‌സ് ഓഫ് മെഡിക്കൽ ഇംപ്ലാന്റ്സ് ആൻഡ് ഡിസ്പോസബിൾസ് എന്തൊക്കെ ആവശ്യങ്ങളാണ് സർക്കാരിനോട് ഉന്നയിച്ചിരിക്കുന്നതെന്ന് വ്യക്തമാക്കാമോ?

സർക്കാർ മെഡിക്കൽ കോളേജുകളിൽ കഴിഞ്ഞ രണ്ടു വർഷം കാർഡിയോളജി ഡിപ്പാർട്മെന്റിൽ നടത്തിയ ബൈപാസ്, ആൻജിയോപ്ലാസ്റ്റി ഉൾപ്പെടെയുള്ള ശസ്ത്രക്രിയകളുടെ എണ്ണം എത്രയാണെന്നുള്ളത് ഓരോ മാസത്തേയും കണക്കു തിരിച്ചു നൽകാമോ?

തിരുവനന്തപുരം മെഡിക്കൽ കോളേജ് ആശുപത്രിയിലെ ഹൃദയശസ്ത്രക്രിയയ്ക്ക് ആവശ്യമായ ഉപകരണങ്ങൾ ലഭ്യമല്ലാത്തതു കാരണം ശസ്ത്രക്രിയ മുടങ്ങിയതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ; വിശദമാക്കാമോ;

ഇത് സംബന്ധിച്ച് സുപ്രണ്ടിന് വകുപ്പ് മേധാവിയുടെ കത്ത് ലഭിച്ചിട്ടുണ്ടോ; ഉണ്ടെങ്കിൽ ഇതിന്മേൽ സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ വിവിധ മെഡിക്കൽ കോളേജുകളിലെ അസിസ്റ്റന്റ് പ്രൊഫസർ തസ്തികയിലെ അദ്ധ്യാപകർക്ക് കാസർഗോഡ് മെഡിക്കൽ കോളേജിലേക്ക് ജോലി ക്രമീകരണ വ്യവസ്ഥയിൽ സ്ഥലംമാറ്റം അനുവദിച്ചതിനെ തുടർന്ന് പ്രസ്തുത അദ്ധ്യാപകർ ജോലി ചെയ്തിരുന്ന മെഡിക്കൽ കോളേജ് ആശുപത്രികളിൽ നേരിടുന്ന പ്രതിസന്ധി സർക്കാർ ഗൗരവത്തോടെ കാണുന്നുണ്ടോ; വിശദാംശം നൽകാമോ;

മെഡിക്കൽ കോളേജിലെ ഡോക്ടർമാരെ ഇപ്രകാരം ജോലി ക്രമീകരണ വ്യവസ്ഥയിൽ സ്ഥലം മാറ്റുന്നത് ചികിത്സ സംവിധാനങ്ങളെ ദോഷകരമായി ബാധിക്കുമെന്നതിനാൽ ഇത് ഒഴിവാക്കുന്നതിന് നടപടി സ്വീകരിക്കാമോ;

കാസർഗോഡ് ഉൾപ്പെടെയുള്ള എല്ലാ മെഡിക്കൽ കോളേജുകളിലും ആവശ്യാനുസരണം അദ്ധ്യാപകരുടെ ഉൾപ്പെടെയുള്ള തസ്തികകൾ സൃഷ്ടിച്ച് പി. എസ്. സി. മുഖേന നിയമനം നടത്തുന്നതിന് അടിയന്തര നടപടി സ്വീകരിക്കുമോ; വിശദാംശം നൽകുമോ;

സംസ്ഥാനത്തെ മെഡിക്കൽ കോളേജുകളിൽ സ്റ്റാഫ് ക്വാർട്ടേഴ്സുകളും വിദ്യാർത്ഥികളുടെ ഹോസ്റ്റൽ സൗകര്യങ്ങളും ഉൾപ്പെടെ ആവശ്യമായ അടിസ്ഥാന സൗകര്യങ്ങളും ചികിത്സാ സംവിധാനങ്ങളും ഏർപ്പെടുത്തുന്നതിനു നടപടി സ്വീകരിക്കുമോ; വ്യക്തമാക്കുമോ?

സൂപ്പർ സ്പെഷ്യാലിറ്റി ചികിത്സാസൗകര്യം സംസ്ഥാനത്ത് ഏതെല്ലാം മെഡിക്കൽ കോളേജുകളിലാണ് ഉള്ളത്; ഇതിന്റെ വിശദാംശം നൽകാമോ;

സൂപ്പർ സ്പെഷ്യാലിറ്റി ചികിത്സാ സൗകര്യമുള്ള പല ഹോസ്പിറ്റലുകളിലും മതിയായ ജീവനക്കാരും സ്പെഷ്യലൈസ്ഡ് ഡോക്ടർമാരും ഇല്ലാത്തതുമൂലം ചികിത്സാ സൗകര്യങ്ങൾ ലഭിക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്റെ വിശദാംശം നൽകാമോ;

പ്രസ്തുത ഹോസ്പിറ്റലുകളിൽ ഓരോന്നിലും ഏതെല്ലാം തസ്തികയിലാണ് ഡോക്ടർമാർ ഇല്ലാത്തതെന്ന് വിശദമാക്കാമോ?

സർക്കാർ മെഡിക്കൽ കോളേജുകൾക്ക് കാസ്‌പിൽ (കാരുണ്യ ആരോഗ്യ സുരക്ഷാ പദ്ധതി) നൽകാനുള്ള കുടിശ്ശികയുടെ വിശദാംശങ്ങൾ വർഷം തിരിച്ച് നൽകാമോ;

സർക്കാർ മെഡിക്കൽ കോളേജുകൾ മരുന്നും ഉപകരണങ്ങളും വാങ്ങിയ ഇനത്തിൽ നൽകാനുള്ള കുടിശ്ശികയുടെ വിശദാംശങ്ങൾ നൽകാമോ;

സർക്കാർ മെഡിക്കൽ കോളേജുകളിൽ പ്രവർത്തിക്കുന്ന കാരുണ്യ ഫാർമസിക്ക് ആവശ്യമുള്ള മരുന്ന് വാങ്ങിയതിൽ മരുന്ന് കമ്പനികൾക്ക് കൊടുക്കാനുള്ള കുടിശ്ശികയുടെ വിശദാംശങ്ങൾ നൽകാമോ?

സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യുക്കേഷൻ ആൻഡ് ടെക്നോളജിക്ക് കീഴിൽ പ്രവർത്തിക്കുന്ന കേരളത്തിലെ വിവിധ നഴ്സിംഗ് കോളേജുകളിലായി എത്ര കരാർ ജീവനക്കാരുണ്ട്; പേരും തസ്തികയും ലഭ്യമാക്കാമോ;

പ്രസ്തുത സ്ഥാപനത്തിനു കീഴിൽ വിവിധ ജില്ലകളിലുള്ള നഴ്സിംഗ് കോളേജുകളിലെ സ്ഥിരമോ കരാർ വ്യവസ്ഥയിലോ ഉള്ള ജീവനക്കാരിൽ അവധിയിൽ പ്രവേശിച്ചവരുടെ പേര്, തസ്തിക, എത്ര കാലം അവധിയിലാണ് എന്നീ വിവരങ്ങൾ ലഭ്യമാക്കാമോ?

സംസ്ഥാനത്ത് ജനറൽ/ജില്ല/താലൂക്ക് ആശുപത്രികളിൽ G.O. (MS) No.136/2017/H&FWD ഉത്തരവ് പ്രകാരം സൃഷ്ടിച്ച 68 ഡയാലിസിസ് ടെക്നീഷ്യൻ ഗ്രേഡ്-2 തസ്തികകളിൽ തിരൂരങ്ങാടി താലൂക്ക് ആശുപത്രിയിൽ അനുവദിച്ചത് വെറും രണ്ട് തസ്തിക മാത്രമാണെന്നത് സർക്കാറിന്റെ ശ്രദ്ധയിൽ വന്നിട്ടുണ്ടോ; വിശദമാക്കാമോ;

നൂറിൽപ്പരം രോഗികൾക്ക് ഡയാലിസിസ് ചെയ്തുകൊണ്ടിരിക്കുന്ന ഈ ആശുപത്രിയിൽ ജോലിക്ക് കുറഞ്ഞത് 16 ജീവനക്കാർ ആവശ്യമാണെന്നത് സർക്കാർ പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത ആശുപത്രിയിൽ കൂടുതൽ ഡയാലിസിസ് ടെക്നീഷ്യൻ തസ്തികകൾ സൃഷ്ടിക്കുന്നതിനുള്ള നടപടികൾ സർക്കാർ സ്വീകരിക്കുമോ; വിശദമാക്കാമോ?

ആലപ്പുഴ ജില്ലയിൽ 2018നു ശേഷം ഹോസ്പിറ്റൽ അറ്റൻഡർ ഗ്രേഡ് - 2 തസ്‌തികയിലെ ജീവനക്കാരുടെ പ്രൊമോഷൻ നടത്താത്തത് സംബന്ധിച്ച വിശദവിവരങ്ങൾ ലഭ്യമാക്കാമോ;

മറ്റു ജില്ലകളിലെ പ്രസ്‌തുത തസ്തികയിലെ എല്ലാ ജീവനക്കാരുടെയും പ്രൊമോഷൻ യഥാസമയം നടത്തിയിട്ടും ആലപ്പുഴ ജില്ലയിൽ മാത്രം പ്രൊമോഷൻ നടത്താത്തതിന്റെ കാരണങ്ങൾ വ്യക്തമാക്കുമോ;

ഇവരുടെ പ്രൊമോഷൻ കാലതാമസം കൂടാതെ നടത്തുന്നതിന് എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കാമോ?

പയ്യന്നൂര്‍ മണ്ഡലത്തിലെ പെരിങ്ങോം താലൂക്ക് ആശുപത്രിയില്‍ സ്റ്റാഫ് പാറ്റേണ്‍ നടപ്പിലാക്കുന്നതിന് വേണ്ട തസ്തികകള്‍ അനുവദിക്കുന്ന കാര്യം പരിഗണനയിലുണ്ടോ; വ്യക്തമാക്കാമോ?

കോഴിക്കോട് ഗവണ്‍മെന്റ് ദന്തല്‍ കോളേജില്‍ പീരിയോഡോന്റിക്‌സ് ഡിപ്പാര്‍ട്ട്മെന്റില്‍ ലെക്ചറര്‍ തസ്തികയില്‍ സൂപ്പര്‍ ന്യൂമററിയായി നിയമിക്കപ്പെട്ട് ജോലി ചെയ്തു വരുന്ന ഡോ. സക്കീര്‍ ഹുസൈന്‍ അരിമ്പ എന്നയാള്‍ 2021-ല്‍ എം. ഡി. എസ്. പൂര്‍ത്തിയാക്കിയ സാഹചര്യത്തില്‍ അസിസ്റ്റന്റ് പ്രൊഫസര്‍ ആയി തസ്തിക മാറ്റി നല്‍കുന്നതിന് അപേക്ഷ സമര്‍പ്പിച്ചിട്ടുണ്ടോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ;

സൂപ്പര്‍ ന്യൂമററിയായി ലെക്ചറര്‍ തസ്തികയില്‍ ജോലി ചെയ്തു വരവെ അസിസ്റ്റന്റ് പ്രൊഫസര്‍ തസ്തികയിലേക്ക് തസ്തിക മാറ്റി നല്‍കിക്കൊണ്ട് സര്‍ക്കാര്‍ ആര്‍ക്കെങ്കിലും ഉത്തരവ് നല്‍കിയിട്ടുണ്ടോ; എങ്കില്‍ സമാനമായ രീതിയില്‍ ഡോ. സക്കീര്‍ ഹുസൈന്‍ അരിമ്പ എന്നയാള്‍ക്കും തസ്തിക മാറ്റി നല്‍കാന്‍ നടപടി സ്വീകരിക്കുമോ; വിശദമാക്കാമോ?

പാലക്കാട് ജില്ലയില്‍ നിലവിലുള്ള ഫാര്‍മസിസ്റ്റ് ഗ്രേഡ് - II റാങ്ക് ലിസ്റ്റില്‍ നിന്നും എത്ര ഉദ്യോഗാര്‍ത്ഥികള്‍ക്ക് നാളിതുവരെ നിയമനം നല്‍കിയിട്ടുണ്ടെന്ന് വിശദമാക്കാമോ;

നിലവില്‍ എത്ര ഒഴിവുകള്‍ റിപ്പോര്‍ട്ട് ചെയ്തിട്ടുണ്ടെന്നും ഒഴിവുകള്‍ സമയബന്ധിതമായി റിപ്പോര്‍ട്ട് ചെയ്യുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വിശദമാക്കാമോ?

നെന്മാറ മണ്ഡലത്തിലെ സർക്കാർ ആശുപത്രികളിൽ ഏതെല്ലാം തസ്തികകളാണ് ഒഴിഞ്ഞുകിടക്കുന്നതെന്ന് വിശദമാക്കുമോ;

ഒഴിഞ്ഞുകിടക്കുന്ന തസ്തികകളിൽ നിയമനം നടത്താൻ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

കേരള സര്‍ക്കാരിന്റെ ആരോഗ്യ വകുപ്പിനു കീഴിലുള്ള ഏതെങ്കിലും ഓഫീസുകളില്‍ നിര്‍മ്മിതബുദ്ധി (എ. ഐ.) ഉപയോഗിക്കാനുള്ള ആലോചനയുണ്ടോ; വ്യക്തമാക്കാമോ;

ആരോഗ്യ വകുപ്പിനു കീഴില്‍ പ്രവര്‍ത്തിക്കുന്ന ഡോക്ടര്‍മാരും ഉദ്യോഗസ്ഥരും കൃത്യനിര്‍വഹണത്തിന്റെ ഭാഗമായി നിര്‍മ്മിതബുദ്ധി ഉപയോഗിക്കുന്നതിന് നടപടികള്‍ പരിഗണിക്കുന്നുണ്ടോ; വ്യക്തമാക്കാമോ;

നിര്‍മ്മിതബുദ്ധി ഉപയോഗിക്കുന്ന സാഹചര്യത്തില്‍ രോഗികളുടെ വ്യക്തിഗത വിവരങ്ങളും തിരിച്ചറിയലും സംരക്ഷിക്കുന്നതിനായി ശക്തമായ മാനദണ്ഡങ്ങള്‍ സ്വീകരിക്കുന്നുണ്ടോ; വ്യക്തമാക്കാമോ;

നിര്‍മ്മിതബുദ്ധിയെ അടിസ്ഥാനമാക്കിയോ അതുമായി ബന്ധപ്പെട്ടോ കേന്ദ്രസര്‍ക്കാര്‍ പാസാക്കിയിട്ടുള്ള ഡിജിറ്റല്‍ വ്യക്തിഗത ഡാറ്റാ സംരക്ഷണ നിയമം, 2023 പോലുള്ള നിയമങ്ങള്‍ ദുര്‍ബലമാണെന്നുള്ളത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

പെരിന്തല്‍മണ്ണ ജില്ലാ ആശുപത്രിയില്‍ ഡി. എന്‍. ബി. (ഡിപ്ലോമേറ്റ് ഓഫ് നാഷണൽ ബോർഡ്) കോഴ്സ് ആരംഭിക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ;

മലപ്പുറം ജില്ലയില്‍ നിലവില്‍ സര്‍ക്കാര്‍ മേഖലയില്‍ ഡി. എന്‍. ബി കോഴ്സ് ഇല്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

ഈ സർക്കാർ അധികാരത്തില്‍ വന്നതിനുശേഷം ഇരവിപുരം മണ്ഡലത്തില്‍ ആരോഗ്യ വകുപ്പ് മുഖേന നടപ്പാക്കിയ പ്രവൃത്തികളുടെ വിശദാംശം ലഭ്യമാക്കാമോ;

ഇനി ഏതെങ്കിലും പ്രവൃത്തികള്‍ നടപ്പിലാക്കുവാൻ ഉദ്ദേശിക്കുന്നുണ്ടോ; വിശദമാക്കാമോ?

സൗന്ദര്യവർദ്ധക ചികിത്സയുടെ പേരിൽ അനധികൃത കേന്ദ്രങ്ങൾ വ്യാപകമായി പ്രവർത്തിക്കുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;

ഇത്തരം കേന്ദ്രങ്ങൾ തുടങ്ങുന്നതിന് എന്തെങ്കിലും അനുമതി ആവശ്യമുണ്ടോ; വിശദവിവരം നൽകാമോ;

ഈ സ്ഥാപനങ്ങളിൽ ചികിത്സ തേടുന്നവർ ഗുരുതര ആരോഗ്യ പ്രശ്നങ്ങൾ നേരിടുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ; വിശദമാക്കാമോ;

വ്യാജ സൗന്ദര്യവർദ്ധക വസ്തുക്കളെയും അനധികൃത കേന്ദ്രങ്ങളെയും നിയന്ത്രിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

കേരള മെഡിക്കൽ സർവീസസ് കോർപ്പറേഷന്റെ കോഴിക്കോട് ജില്ലയിലെ മരുന്ന് സംഭരണശാല എത്ര കാലമായി വാടക കെട്ടിടത്തിൽ പ്രവർത്തിക്കുന്നുവെന്നും നിലവിലെ മരുന്ന് സംഭരണശാല എവിടെയാണെന്നും ഇത് നഗരപരിധിയിൽ നിന്നും എത്ര കിലോമീറ്റർ അകലെയാണെന്നുമുള്ള വിവരങ്ങൾ ലഭ്യമാക്കുമോ;

പ്രസ്തുത മരുന്ന് സംഭരണശാലയുടെ കെട്ടിടത്തിന്റെ ഉടമകളുടെ പേര് അറിയിക്കുമോ;

നിലവിലെ വാടക കെട്ടിടത്തിന് നാളിതുവരെയായി എത്ര തുക വാടകയായി നൽകിയിട്ടുണ്ടെന്ന വിവരം ലഭ്യമാക്കുമോ;

പ്രസ്തുത കെട്ടിടം കോഴിക്കോട് ജില്ലയിലെ കെ. എം. എസ്. സി. എൽ. ന്റെ മരുന്ന് സംഭരണശാലയ്ക്ക് വാടകയ്ക്ക് നൽകുവാൻ ഉടമകൾക്ക് സഹകരണ വകുപ്പിന്റെ അനുമതി ലഭിച്ചിട്ടുണ്ടോ;

പ്രസ്തുത വാടക കെട്ടിടത്തിന് ഫയർഫോഴ്‌സിന്റെ എൻ. ഒ. സി. ലഭിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത മരുന്ന് സംഭരണശാലയ്ക്ക് സ്വന്തമായി കെട്ടിടം നിർമ്മിക്കുവാൻ സർക്കാർ ഭൂമി അനുവദിച്ച് നൽകിയിട്ടുണ്ടോയെന്ന് വ്യക്തമാക്കുമോ; സ്വന്തമായി കെട്ടിടം നിർമ്മിക്കുവാൻ സർക്കാർ ഭൂമി അനുവദിച്ച് നൽകുവാൻ ആവശ്യപ്പെട്ടുകൊണ്ട് കെ. എം. എസ്. സി. എൽ. സർക്കാരിന് കത്ത് നൽകിയിട്ടുണ്ടോയെന്ന് വ്യക്തമാക്കുമോ; എങ്കിൽ പ്രസ്തുത കത്തിന്റെ പകർപ്പ് ലഭ്യമാക്കുമോ;

പ്രസ്തുത മരുന്ന് സംഭരണശാലയ്ക്ക് സ്വന്തമായി കെട്ടിടം പണിയുവാൻ സർക്കാർ/ ഏജൻസി തുക അനുവദിച്ചിട്ടുണ്ടോ; എങ്കിൽ അനുവദിച്ച തുക എത്രയാണെന്ന് വ്യക്തമാക്കുമോ; പ്രസ്തുത സംഭരണശാലയ്ക്ക് സ്വന്തമായി കെട്ടിടം പണിയുവാൻ ഏതെങ്കിലും കമ്പനി / ഏജൻസികളുമായി കരാറിൽ ഏർപ്പെട്ടിട്ടുണ്ടോ?

കാഞ്ഞങ്ങാട് മണ്ഡലത്തിൽ ആരോഗ്യവകുപ്പ് 2021 മുതൽ വിവിധ പദ്ധതികള്‍ പ്രകാരം നടപ്പിലാക്കിയിട്ടുള്ളതും നടപ്പിലാക്കി വരുന്നതുമായ വികസന പദ്ധതികൾ ഏതെല്ലാമാണെന്നും പ്രസ്തുത പദ്ധതികളുടെ നിലവിലെ സ്ഥിതിയെന്തെന്നും വിശദമാക്കാമോ?

2021 - 22 വര്‍ഷത്തെ എം.എല്‍.എ. ആസ്തി വികസന ഫണ്ട് വിനിയോഗിച്ച് ഐസൊലേഷന്‍ വാര്‍ഡ് നിര്‍മ്മിക്കുന്നതിനായി കോട്ടക്കല്‍ മണ്ഡലത്തില്‍ നിന്ന് നിലവില്‍ ഏത് ആശുപത്രിയെയാണ് തെരഞ്ഞെടുത്തിരിക്കുന്നതെന്ന് വ്യക്തമാക്കാമോ;

കോട്ടക്കല്‍ മണ്ഡലത്തില്‍ ഐസൊലേഷന്‍ വാര്‍ഡ് നിര്‍മ്മിക്കുന്ന പ്രവൃത്തിയുടെ നിലവിലെ സ്ഥിതി വ്യക്തമാക്കാമോ; ഐസൊലേഷൻ വാർഡ് നിർമ്മിക്കുന്നതുമായി ബന്ധപ്പെട്ട് എന്തെങ്കിലും തടസ്സമുണ്ടോയെന്ന് വ്യക്തമാക്കുമോ; എങ്കിൽ ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പ്രസ്തുത നിർമ്മാണവുമായി ബന്ധപ്പെട്ട് സ്വീകരിച്ച തുടർനടപടികളുടെ വിശദാംശം ലഭ്യമാക്കാമോ; നിര്‍മ്മാണം വേഗത്തില്‍ പൂര്‍ത്തീകരിക്കുന്നതിനുള്ള നടപടി സ്വീകരിക്കുമോയെന്ന് വിശദമാക്കാമോ?

ആലത്തൂര്‍ മണ്ഡലത്തില്‍ 2016 മുതല്‍ 2025 വരെ ആരോഗ്യ വകുപ്പ് മുഖേന നടപ്പാക്കിയ വികസന പ്രവര്‍ത്തനങ്ങളുടെ വിശദമായ റിപ്പോര്‍ട്ട് ലഭ്യമാക്കാമോ?

കേരളത്തിലെ ഏതെല്ലാം നഴ്സിംഗ് സ്ക്കൂളുകൾക്കാണ് ബസ് അനുവദിച്ച് ഉത്തരവായിട്ടുള്ളതെന്ന് വ്യക്തമാക്കാമോ;

ഓരോ സ്ക്കൂളിനും അനുവദിച്ച ബസ്സുകളുടെ സീറ്റ് കപ്പാസിറ്റി, തുക എന്നിവ സഹിതം വിശദവിവരം ലഭ്യമാക്കാമോ;

കണ്ണൂർ നഴ്സിംഗ് സ്ക്കൂളിന് ബസ് അനുവദിച്ച് ഉത്തരവായിട്ടുണ്ടോ; വിശദാംശം നൽകാമോ;

ഇല്ലെങ്കിൽ സ്ക്കൂളിന് ബസ് അനുവദിക്കുന്നതിനുള്ള പ്രൊപ്പോസൽ നൽകിയിട്ടുണ്ടോ; എങ്കിൽ അതിന്മേൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

പ്രസ്തുത സ്കൂളിന് ബസ് അനുവദിക്കുന്നതിന് എന്തെങ്കിലും തടസങ്ങളുണ്ടോ; വിശദാംശം നൽകാമോ?

2021-22 സാമ്പത്തിക വര്‍ഷം മുതല്‍ ഒറ്റപ്പാലം മണ്ഡലത്തില്‍ ആരോഗ്യ വകുപ്പ് മുഖേന നടന്നിട്ടുള്ളതും ഇനി നടക്കാനിരിക്കുന്നതുമായ പ്രവൃത്തികള്‍ ഏതെല്ലാമെന്നും അവയ്ക്ക് അനുവദിച്ചിട്ടുള്ള തുക എത്രയെന്നും വിശദമാക്കാമോ?

തിരുവനന്തപുരം മെഡിക്കൽ കോളേജിൽ സ്ഥാപിച്ച വൈറോളജി ആൻഡ് മോളിക്യുലാർ ബയോളജി ലാബ് രണ്ടുവർഷം കഴിഞ്ഞിട്ടും പ്രവർത്തനം ആരംഭിക്കാത്തതിന്റെ പ്രധാന കാരണം എന്താണ്; വിശദമാക്കുമോ;

ലാബിന്റെ നിർമ്മാണവും സൗകര്യങ്ങളും (സിവിൽ ജോലികൾ, ഫർണിച്ചർ) പൂർത്തിയായിട്ടും യന്ത്രങ്ങൾ വാങ്ങാൻ വൈകിയതിന്റെ കാരണം വിശദമാക്കാമോ;

ആദ്യ ടെണ്ടർ പ്രക്രിയയിൽ ഒരു കമ്പനി മാത്രമാണോ പങ്കെടുത്തത്; തുടർന്ന് റീടെണ്ടർ നടത്താത്തതിന്റെ കാരണങ്ങൾ എന്തൊക്കെയാണെന്ന് വ്യക്തമാക്കാമോ;

ലാബിന്റെ ചുമതലയിലേക്ക് പരിഗണിച്ച വ്യക്തിയുടെ യോഗ്യതയെക്കുറിച്ച് ഉണ്ടായ തർക്കം പ്രവർത്തനം വൈകാൻ കാരണമായോ; വിശദമാക്കാമോ;

ഗുരുതര വൈറസ് രോഗങ്ങൾ (നിപ്പ, ഹെപ്പറ്റൈറ്റിസ്, എച്ച്‌. ഐ. വി. തുടങ്ങിയവ) നിർണയിക്കാൻ ആവശ്യമായ ലാബുകളുടെ സൗകര്യം സംസ്ഥാനത്തുതന്നെ ഒരുക്കുന്നതിന് പകരം ഇപ്പോഴും എന്തുകൊണ്ടാണ് പുണെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയെ ആശ്രയിക്കേണ്ടി വരുന്നത്; വിശദമാക്കാമോ;

സംസ്ഥാനത്തിലെ മറ്റ് കേന്ദ്രങ്ങളിൽ (തോന്നയ്ക്കൽ ലൈഫ് സയൻസ് പാർക്ക്, ആലപ്പുഴ മെഡിക്കൽ കോളേജ്) വൈറോളജി ലാബുകൾ പ്രവർത്തിക്കുന്നുണ്ടെങ്കിലും തിരുവനന്തപുരം മെഡിക്കൽ കോളേജിൽ മാത്രം ലാബിന്റെ പ്രവർത്തനം വൈകാൻ പ്രത്യേക കാരണമുണ്ടോ; വ്യക്തമാക്കാമോ;

സർക്കാർ 180 കോടി രൂപയുടെ വികസന പദ്ധതികൾ മെഡിക്കൽ കോളേജിൽ പ്രഖ്യാപിച്ചിട്ടും അതിൽ വൈറോളജി ലാബ് ഉൾപ്പെടാത്തത് എന്തുകൊണ്ടാണെന്ന് വിശദമാക്കാമോ?

സംസ്ഥാനത്തെ എത്ര പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രമാക്കി ഉയര്‍ത്തിയിട്ടുണ്ട്;

ഇനി എത്ര എണ്ണം കുടുംബാരോഗ്യ കേന്ദ്രമാക്കി ഉയര്‍ത്താനുണ്ട്;

എത്ര കുടുംബാരോഗ്യ കേന്ദ്രങ്ങള്‍ക്കാണ് ദേശീയ ഗുണനിലവാര സൂചികയായ നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് സര്‍ട്ടിഫിക്കേഷന്‍ ലഭിച്ചത്; അവയുടെ പേരുവിവരം വ്യക്തമാക്കുമോ?

സ്ത്രീകൾക്കെതിരായ വിവേചനങ്ങൾ ഇല്ലാതാക്കുന്നതിനും അവരുടെ സമഗ്രമായ ശാക്തീകരണം ഉറപ്പാക്കുന്നതിനുമായി ക്രിയാത്മകമായ ഇടപെടലുകൾ ഉണ്ടാകേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഗാർഹിക പീഡന നിരോധന നിയമത്തിന്റെ ഫലമായി നമ്മുടെ സമൂഹത്തിലെ സ്ത്രീകളുടെ ജീവിതങ്ങളിൽ ഗുണപരമായ മാറ്റമുണ്ടായിട്ടുണ്ടോയെന്ന പരിശോധന നടത്തിയിട്ടുണ്ടോ; ഗാർഹിക പീഡന പരാതിയുമായി എത്തുന്ന പെൺകുട്ടികള്‍ക്കും സ്ത്രീകള്‍ക്കും തുടർപിന്തുണ ഉറപ്പാക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

സ്ത്രീകൾക്കും കുട്ടികൾക്കുമെതിരെ അതിക്രമങ്ങൾ തടയുന്നതിനും അതിജീവതർക്ക് ആവശ്യമായ കൗൺസിലിംഗ്, വൈദ്യസഹായം, നിയമസഹായം എന്നീ സേവനങ്ങൾ ഒരു കുടക്കീഴിൽ ഉറപ്പുവരുത്തുന്നതിനുമായി പദ്ധതി നടപ്പിലാക്കിയിട്ടുണ്ടോ; വിശദമാക്കാമോ;

അക്രമം നേരിടുന്ന സ്ത്രീകളുടെ മാനസികവും സാമൂഹികവുമായ ആവശ്യങ്ങൾ കൈകാര്യം ചെയ്യുന്നതിന് സഖി വൺ സ്റ്റോപ്പ് സെന്ററുകളിലെ ജീവനക്കാർക്ക് അടിസ്ഥാനപരവും നൂതനവുമായ പരിശീലനം നൽകിയിട്ടുണ്ടോ; വിശദമാക്കാമോ?

പിഞ്ചുകുഞ്ഞുങ്ങളെ പരിപാലിച്ചിരുന്ന ക്രഷുകൾ അടച്ചുപൂട്ടി അംഗൻവാടികൾക്ക് കീഴിലാക്കിയപ്പോൾ ക്രഷുകളിലെ ജീവനക്കാരെ മുഴുവൻ സാമൂഹ്യ നീതി വകുപ്പിലേക്ക് പുനർവിന്യസിച്ചിട്ടുണ്ടോയെന്ന് വ്യക്തമാക്കുമോ;

ഇപ്രകാരം പുനർവിന്യസിച്ചപ്പോൾ ജീവനക്കാർക്ക് നേരത്തെ ലഭിച്ചിരുന്ന ശമ്പളം/ അലവൻസ് നിരക്കുകൾ കുറഞ്ഞിട്ടുണ്ടോ; ഉണ്ടെങ്കിൽ ഇതിന്റെ സാഹചര്യം വ്യക്തമാക്കാമോ; കുറവുണ്ടായിട്ടുണ്ടെങ്കിൽ ആയത് പരിഹരിക്കാൻ എന്ത് നടപടിയാണ് സ്വീകരിച്ചതെന്ന് വിശദമാക്കുമോ;

ക്രഷുകളിലെ അദ്ധ്യാപകർക്കും ആയമാർക്കും എത്ര തുക വീതമാണ് ഇപ്പോൾ ശമ്പളം നൽകുന്നതെന്നും ഇതിൽ കേന്ദ്ര വിഹിതവും സംസ്ഥാനം വിഹിതവും എത്ര വീതമാണെന്നും വ്യക്തമാക്കുമോ; നിലവിൽ ജീവനക്കാർക്ക് നൽകുവാനുള്ള ശമ്പള കുടിശിക എത്രയാണെന്നും ഇത് എന്നത്തേക്ക് വിതരണം ചെയ്യാനാകുമെന്നും വ്യക്തമാക്കാമോ?

ആശാവർക്കർമാരുടെ വിവിധ ആവശ്യങ്ങൾ സംബന്ധിച്ച് പഠിക്കാൻ നിയോഗിച്ച സമിതിയുടെ റിപ്പോർട്ടിലെ ശിപാർശകൾ നടപ്പിലാക്കാൻ ഉദ്ദേശിക്കുന്നുണ്ടോ; വിശദമാക്കാമോ;

ആശാവർക്കർമാരുടെ ജോലികൾ ഏകീകരിക്കാനും വേതനം കൃത്യമായി നൽകുന്നതിനും എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നശേഷം മെഡിക്കല്‍ കോളേജുകളിലെ പി. ജി. സീറ്റുകളുടെ എണ്ണത്തിനുണ്ടായ വര്‍ദ്ധനവ് വിലയിരുത്തിയിട്ടുണ്ടോ; വിശദ വിവരം നൽകുമോ;

സംസ്ഥാനത്ത് പുതുതായി ആരംഭിച്ച മെഡിക്കല്‍ ഗവേഷണ കേന്ദ്രങ്ങളെക്കുറിച്ച് വിശദമാക്കാമോ;

മെഡിക്കല്‍ വിദ്യാഭ്യാസ രംഗത്ത് ഗവേഷണത്തിലും ചികിത്സാ രംഗങ്ങളിലും കൈവരിച്ച മുന്നേറ്റങ്ങള്‍ വിലയിരുത്തിയിട്ടുണ്ടോ; വിശദീകരിക്കാമോ?

കാസർഗോഡ്, വയനാട് സർക്കാർ മെഡിക്കൽ കോളേജുകളിൽ പുതിയ എം. ബി. ബി. എസ്. സീറ്റുകൾ ലഭ്യമായതിനെത്തുടർന്ന് ഇവിടെ പുതിയ അദ്ധ്യാപക തസ്തികകൾ സൃഷ്ടിച്ചിട്ടുണ്ടോ; എത്ര അദ്ധ്യാപക തസ്തികകൾ ഇപ്രകാരം പുതുതായി ആവശ്യമുണ്ടെന്ന് വിശദമാക്കുമോ;

നിലവിൽ മറ്റു മെഡിക്കൽ കോളേജുകളിൽ നിന്ന് ഇവിടേക്ക് അദ്ധ്യാപകരെ താത്കാലികമായി സ്ഥലംമാറ്റി കൊണ്ടുവന്നിട്ടുണ്ടോ; ആയതിന്റെ വിശദാംശങ്ങൾ നൽകാമോ;

എങ്കിൽ എത്ര കാലത്തേക്കാണ് താത്കാലിക സംവിധാനം ഏർപ്പെടുത്തുന്നതെന്നും സ്ഥലം മാറ്റം ലഭിച്ച അദ്ധ്യാപകർ ജോലി ചെയ്തിരുന്ന മെഡിക്കൽ കോളേജുകളിൽ അവർ നിർവഹിച്ചിരുന്ന അക്കാദമികവും ക്ലിനിക്കലുമായ ജോലികൾ പ്രസ്തുത ട്രാൻസ്ഫർ വഴി തടസ്സപ്പെടാതിരിക്കുന്നതിന് എന്തെല്ലം മുൻകരുതലുകൾ സ്വീകരിച്ചിട്ടുണ്ടെന്നും വിശദമാക്കുമോ;

ഇപ്രകാരമുള്ള താത്കാലിക സ്ഥലംമാറ്റങ്ങൾ വിദ്യാർത്ഥികളുടെ പഠനം തടസ്സപ്പെടാനും രോഗികളുടെ ചികിത്സ മുടങ്ങാനും കാരണമാകുമെന്ന് കണ്ട് ആവശ്യമായ തസ്തികകൾ എത്രയും വേഗം സൃഷ്ടിച്ച് നിയമനങ്ങൾ നടത്തുന്നതിനുവേണ്ട നടപടികൾ സ്വീകരിക്കാമോ?

കേരള അക്കാദമി ഓഫ് ഫാർമസിയുടെ ലോഗോ സംസ്ഥാന സർക്കാരിന്റേതിന് സമാനമാണെന്ന പരാതി ലഭിച്ചിട്ടുണ്ടോ; ഉണ്ടെങ്കിൽ എന്ത് നടപടിയാണ് കൈക്കൊണ്ടിട്ടുള്ളത്; ഒരു സ്വകാര്യ സ്ഥാപനത്തിന് കേരള എന്നു തുടങ്ങുന്ന പേരിടാൻ നിയമാനുസൃതം അനുമതിയുണ്ടോ; വ്യക്തമാക്കാമോ;

അഡ്മിഷൻ എടുക്കുന്ന വിദ്യാർത്ഥികളിൽ നിന്നും പുതിയതായി ജോലിക്ക് എത്തുന്ന ഉദ്യോഗാർത്ഥികളിൽ നിന്നും സർട്ടിഫിക്കറ്റുകൾ പിടിച്ചു വയ്ക്കാൻ കോളേജ് അധികൃതർക്ക് അവകാശമുണ്ടോ; അഞ്ച് (05) ടെമ്പററി അഡ്മിഷൻ മാത്രമുള്ള കോളേജിൽ വിദ്യാർത്ഥികളെ യൂണിവേഴ്സിറ്റി പരീക്ഷ എഴുതിക്കാൻ നിയമാനുസൃതം അനുമതിയുണ്ടോ; ഇല്ലെങ്കിൽ പ്രസ്തുത കോളേജിലെ ടെമ്പററി അഡ്മിഷൻ മാത്രമുള്ള വിദ്യാർത്ഥികൾക്ക് എങ്ങനെ യൂണിവേഴ്സിറ്റി ഹാൾടിക്കറ്റ് വിതരണം ചെയ്തു; നിയമപ്രകാരം അതിന് തെറ്റില്ലെങ്കിൽ പ്രസ്തുത കോളേജിലെ പരീക്ഷ എഴുതിയ ടെമ്പററി വിദ്യാർത്ഥികളുടെ റിസൾട്ട് എന്തുകൊണ്ടാണ് യൂണിവേഴ്സിറ്റി തടഞ്ഞു വച്ചത്; അങ്ങനെ തടഞ്ഞുവച്ച റിസൾട്ട് എന്തടിസ്ഥാനത്തിലാണ് പിന്നീട് പ്രസിദ്ധീകരിച്ചത്; വിശദമാക്കാമോ ;

2025 ഓഗസ്റ്റ് ഒന്നാം തീയതി ഡി.എം.ഒ. ഓഫീസിൽ നിന്നും ടി കോളേജിൽ നടത്തിയ ഇൻസ്പെക്ഷൻ റിപ്പോർട്ട് പ്രസിദ്ധീകരിച്ചിട്ടുണ്ടോ; റിപ്പോർട്ടിന്മേൽ എന്ത് നടപടി സ്വീകരിച്ചു; വ്യക്തമാക്കാമോ;

കാട്ടാക്കട കേരള അക്കാദമി ഓഫ് ഫാർമസി കോളേജിലെ വിദ്യാർത്ഥി സമരത്തെ തുടർന്ന് അനിശ്ചിതകാലത്തേക്ക് കോളേജ് അടച്ചിട്ടത് ശ്രദ്ധയിൽപ്പെട്ടിട്ടുണ്ടോ; തുടർന്ന് വിദ്യാർത്ഥികളുമായി ചർച്ച ചെയ്തു പ്രശ്നം പരിഹരിക്കാൻ എ.ഡി.എം. നിർദേശിച്ച പ്രകാരം തഹസിൽദാർ നടത്തിയ ഇടപെടലിൽ മുഴുവൻ വിദ്യാർത്ഥികളുടെയും പ്രശ്നങ്ങൾ പരിഹരിക്കപ്പെട്ടിട്ടുണ്ടെന്ന് ഉറപ്പാക്കാൻ കഴിഞ്ഞിട്ടുണ്ടോ; വിശദമാക്കാമോ;

കേരള ആരോഗ്യ സർവകലാശാലയുടെയും ഇന്ത്യൻ ഫാർമസി കൗൺസിലിന്റെയും മാനദണ്ഡ പ്രകാരമുള്ള അദ്ധ്യാപകരല്ല കോളേജിൽ ക്ലാസ് എടുക്കുന്നതെന്ന പരാതിയെപ്പറ്റി അന്വേഷിച്ചിട്ടുണ്ടോ; ഒരു ഫാർമസി കോളേജിൽ അദ്ധ്യയനം നടത്തുന്നതിനായുള്ള സർക്കാർ നിർദ്ദേശിച്ചിരിക്കുന്ന സൗകര്യങ്ങൾ ഈ കോളേജിൽ ഉള്ളതായി ഇൻസ്പെക്ഷനുകളിൽ കണ്ടെത്തിയിട്ടുണ്ടോ; വിവരങ്ങൾ ലഭ്യമാക്കാമോ;

2024 ൽ ഈ സ്ഥാപനത്തിൽ നിന്നും രാജിവച്ച പ്രിൻസിപ്പലിന്റെ വ്യാജ ഒപ്പിട്ട് 2025 ജൂണിലും വ്യാജരേഖ ചമച്ചിട്ടുണ്ടെന്ന പരാതിയിൽ അന്വേഷണം നടന്നിട്ടുണ്ടോ; സർക്കാർ അംഗീകരിച്ചതിൽ കൂടുതൽ ഫീസ് വിദ്യാർത്ഥികളിൽ നിന്നും ഈടാക്കുന്നതായുള്ള പരാതികളിന്മേൽ എന്തുനടപടിയാണ് കൈക്കൊണ്ടിട്ടുള്ളത്; വിശദമാക്കാമോ?

മെഡിക്കല്‍ വിദ്യാഭ്യാസ വകുപ്പിന് കീഴിലുള്ള ഏതെല്ലാം സര്‍ക്കാര്‍ സ്ഥാപനങ്ങളില്‍ എത്ര വീതം തിയേറ്റര്‍ ടെക്നീഷ്യന്‍/ അനസ്തേഷ്യ ടെക്നീഷ്യന്‍ അംഗീകൃത അനുവദനീയ തസ്തികകള്‍ ഉണ്ടെന്ന വിവരം സ്ഥാപനത്തിന്റെ പേര്‌, തസ്തികകളുടെ എണ്ണം, പ്രസ്തുത തസ്തികകളില്‍ ജോലി ചെയ്യുന്നവരുടെ എണ്ണം, ഒഴിഞ്ഞു കിടക്കുന്ന തസ്തികകളുടെ എണ്ണം എന്നിവ ഉൾപ്പെടെ ലഭ്യമാക്കുമോ;

മെഡിക്കല്‍ വിദ്യാഭ്യാസ വകുപ്പിന് കീഴിലുള്ള ഏതെല്ലാം സര്‍ക്കാര്‍ സ്ഥാപനങ്ങളില്‍ എത്ര ആളുകള്‍ തിയേറ്റര്‍ ടെക്നീഷ്യന്‍/ അനസ്തേഷ്യ ടെക്നീഷ്യന്‍ തസ്തികയില്‍ താല്‍ക്കാലിക ജീവനക്കാരായി ജോലി ചെയ്യുന്നുണ്ടെന്ന വിവരം ലഭ്യമാക്കുമോ;

പ്രസ്തുത തസ്തികയില്‍ പി. എസ്. സി. യ്ക്ക് റിപ്പോര്‍ട്ട് ചെയ്യുന്നതിനുള്ള എത്ര ഒഴിവുകള്‍ നിലവിലുണ്ടെന്ന വിവരം ലഭ്യമാക്കുമോ;

പ്രസ്തുത ഒഴിവുകള്‍ പി. എസ്. സി. യ്ക്ക് റിപ്പോര്‍ട്ട് ചെയ്യുന്നതിനുള്ള അടിയന്തര നടപടി സ്വീകരിക്കുമോ; വ്യക്തമാക്കാമോ;

പ്രസ്തുത ഒഴിവുകള്‍ പി. എസ്. സി. യ്ക്ക് സമയബന്ധിതമായി റിപ്പോര്‍ട്ട് ചെയ്യുന്നതില്‍ വീഴ്ച സംഭവിച്ചിട്ടുണ്ടോയെന്നത് പരിശോധിക്കുമോ; വ്യക്തമാക്കാമോ?

2020 ജൂൺ 22-ലെ ഡബ്ല്യൂ.പി.(സി)1464 ഓഫ് 2019 നമ്പർ കേസിന്മേല്‍ കേരള ഹൈക്കോടതി വിധി പ്രകാരം ചക്കാല നായർ സമുദായത്തിന് ഹോമിയോ മെഡിക്കല്‍ കോളേജ് അനുവദിക്കുന്നത് സംബന്ധിച്ച അപേക്ഷ ആയുഷ് വകുപ്പ് സെക്രട്ടറി പരിശോധിച്ച് തീരുമാനമെടുത്തിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കാമോ; ഇല്ലെങ്കിൽ കോടതി വിധിപ്രകാരം പ്രസ്തുത അപേക്ഷയിന്മേല്‍ നാളിതുവരെ നടപടി സ്വീകരിക്കാതിരുന്നതിന്റെ കാരണം വ്യക്തമാക്കാമോ?

മലപ്പുറം ജില്ലയില്‍ ആകെ എത്ര ഹോമിയോപ്പതി ഡിസ്പെന്‍സറികളാണുള്ളതെന്ന് വിശദമാക്കാമോ;

മലപ്പുറം ജില്ലയിൽ ഹോമിയോപ്പതി ഫാര്‍മസിസ്റ്റ് തസ്തികയിൽ എത്ര ഒഴിവുകള്‍ നിലവിലുണ്ടെന്ന് വിശദമാക്കാമോ;

പ്രസ്തുത ഒഴിവുകള്‍ നികത്തുന്നതിന് നടപടി സ്വീകരിക്കാമോ?

കാട്ടാക്കട മണ്ഡലത്തിലെ വിളവൂര്‍ക്കല്‍ ഹോമിയോ ആശുപത്രിയെ താലൂക്കാസ്ഥാന ആശുപത്രിയായി ഉയര്‍ത്തണമെന്ന നിര്‍ദേശം പരിഗണനയിലുണ്ടോ; ഇല്ലെങ്കില്‍ ഇതിനായുള്ള നടപടി സ്വീകരിക്കുമോ?

ഹോമിയോപ്പതി വകുപ്പിലെ ഡിസ്പെൻസറികൾ, ആശുപത്രികൾ ഉൾപ്പെടെയുള്ള മുഴുവൻ സ്ഥാപനങ്ങളിലും നിശ്ചിത യോഗ്യതയുള്ള ഫാർമസിസ്റ്റുകൾ നിലവിലുണ്ടോ; ഇല്ലെങ്കിൽ പ്രസ്തുത സ്ഥലങ്ങളിൽ ഫാർമസിസ്റ്റുകളെ നിയമിക്കുന്നതിന് നടപടികൾ സ്വീകരിക്കുമോ; വ്യക്തമാക്കാമോ;

ഹോമിയോ ഫാർമസിസ്റ്റുകൾ ഇല്ലാത്ത സ്ഥാപനങ്ങളിൽ തസ്തികകൾ സൃഷ്ടിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

കോട്ടക്കല്‍ കേന്ദ്രീകരിച്ച് അന്താരാഷ്ട്ര നിലവാരത്തിലുള്ള ആയുര്‍വേദ സർവകലാശാല സ്ഥാപിക്കുന്നതുമായി ബന്ധപ്പെട്ട് സമര്‍പ്പിച്ച പ്രൊപ്പോസലിന്മേല്‍ സ്വീകരിച്ച നടപടികള്‍ വിശദമാക്കാമോ;

പ്രസ്തുത വിഷയത്തിന്മേല്‍ കേരള ആയുര്‍വേദ പഠന ഗവേഷണ സൊസൈറ്റി സമര്‍പ്പിച്ച റിപ്പോര്‍ട്ടിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കാമോ;

പ്രസ്തുത ആയുര്‍വേദ സർവകലാശാല സ്ഥാപിക്കുന്നതിന് ആവശ്യമായ നടപടി സ്വീകരിക്കാമോ; വിശദമാക്കാമോ?

കോതമംഗലം മണ്ഡലത്തിലെ ചെറുവട്ടൂര്‍ ആയുര്‍വേദ ആശുപത്രി അപ്‍ഗ്രേഡ് ചെയ്യുന്നതുമായി ബന്ധപ്പെട്ട് ഇതുവരെ സ്വീകരിച്ച നടപടി വിശദമാക്കാമോ;

ഇതുമായി ബന്ധപ്പെട്ട തുടര്‍ നടപടികള്‍ വേഗത്തിലാക്കുന്നതിനാവശ്യമായ നടപടി സ്വീകരിക്കാമോ; വ്യക്തമാക്കാമോ?

നെയ്യാറ്റിന്‍കര കുളത്തൂര്‍ ഗ്രാമപഞ്ചായത്തിലെ മാവിളക്കടവില്‍ പ്രവര്‍ത്തിക്കുന്ന ഗവ.ആയുര്‍വേദ ആശുപത്രിയില്‍ രോഗികളെ കിടത്തി ചികിത്സിക്കുന്നതിനുള്ള നടപടി സ്വീകരിച്ചിട്ടുണ്ടോയെന്ന് വിശദമാക്കാമോ;

രോഗികളെ കിടത്തി ചികിത്സ നടത്തുന്നതിന് ഏതൊക്കെ നടപടിക്രമങ്ങള്‍ ആണ് പൂര്‍ത്തീകരിക്കേണ്ടതെന്ന് വിശദമാക്കാമോ?

2023-ല്‍ ഫണ്ട് അനുവദിച്ച ഗുരുവായൂര്‍ ആയുര്‍വേദാശുപത്രി കെട്ടിട നിര്‍മ്മാണം വൈകുന്നത് ശ്രദ്ധയില്‍പ്പെട്ടിട്ടുണ്ടോ; അടിയന്തരമായി കെട്ടിട നിര്‍മ്മാണം ആരംഭിക്കുന്നതിന് നടപടികള്‍ സ്വീകരിക്കുമോയെന്ന് വിശദമാക്കാമോ;

ഗുരുവായൂര്‍ ആയുര്‍വേദാശുപത്രിക്ക് 2023-ല്‍ ആരോഗ്യവകുപ്പിന്റെ പ്ലാന്‍ ഫണ്ടില്‍ നിന്നും അനുവദിച്ച 2.11 കോടി രൂപ ആശുപത്രി കെട്ടിട നിര്‍മ്മാണത്തിന് അപര്യാപ്തമാണെന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ കൂടുതല്‍ തുക അനുവദിക്കുന്നതിന് നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കാമോ?

കേരള സർക്കാർ ആയുഷ് ഹോമിയോപ്പതി വകുപ്പിന് കീഴിൽ 709 ഹോമിയോ ഡിസ്പെൻസറികളിലും 34 ആശുപത്രികളിലും 407 എൻ. എച്ച്. എം. ഡിസ്പെൻസറികളിലും 29 എസ്. സി. ഡിസ്പെൻസറികളിലും 3 ഫ്ലോട്ടിംഗ് ഡിസ്പെൻസറികളിലും 4 മൊബൈൽ ഡിസ്പെൻസറികളിലും ഫാർമസിസ്റ്റിന്റെ റെഗുലർ തസ്തിക ഉണ്ടോയെന്ന് അറിയിക്കാമോ; വിശദവിവരങ്ങൾ നൽകാമോ;

മേൽപ്പറഞ്ഞ ആരോഗ്യ സ്ഥാപനങ്ങളിൽ നിലവിൽ റെഗുലർ ഫാർമസിസ്റ്റ് തസ്തിക ഇല്ലാത്തവയിൽ തസ്തിക സൃഷ്ടിക്കുന്നതിന് നടപടികൾ സ്വീകരിക്കാമോ; വിശദമാക്കാമോ?

സംസ്ഥാനത്ത് അന്യം നിന്നുപോകുന്ന ആയുര്‍വേദ ഔഷധ സസ്യങ്ങള്‍ സംരക്ഷിക്കുന്നതിനും ആയുര്‍വേദ സസ്യങ്ങളുടെ ദൗര്‍ലഭ്യം പരിഹരിക്കുന്നതിനും എന്തെല്ലാം പദ്ധതികളാണ് ഈ സർക്കാർ ആവിഷ്കരിച്ച് നടപ്പിലാക്കുന്നതെന്ന് വിശദമാക്കാമോ;

മെഡിസിനല്‍ പ്ലാന്റ് ബോര്‍ഡിന്റെ സഹായത്തോടെ സംസ്ഥാനത്ത് എത്ര ഔഷധസസ്യ നഴ്സറികളും ഗവേഷണ സ്ഥാപനങ്ങളും പ്രവര്‍ത്തിക്കുന്നുണ്ടെന്ന് അറിയിക്കാമോ;

ഔഷധ സസ്യങ്ങളുടെ ശേഖരണം, കൃഷി, വിതരണം എന്നിവ വിപുലപ്പെടുത്തുന്നതിനായി എന്തെല്ലാം പദ്ധതികളാണ് നടപ്പിലാക്കി വരുന്നതെന്ന് വിശദമാക്കുമോ;

ഔഷധ സസ്യങ്ങളുടെ വിത്തുകള്‍ ശേഖരിക്കുന്നതിനും കര്‍ഷകര്‍ക്ക് സമയബന്ധിതമായി വിതരണം ചെയ്യുന്നതിനും വിത്തുസംഭരണ വിതരണ കേന്ദ്രങ്ങള്‍ നിലവിലുണ്ടോ; എങ്കില്‍ വ്യക്തമാക്കാമോ;

ആയുര്‍വേദ മേഖലയിലെ സ്ഥാപനങ്ങള്‍, അഭ്യുദയകാംഷികള്‍, സന്നദ്ധസംഘടനകള്‍, സഹകരണ സ്ഥാപനങ്ങള്‍ തുടങ്ങിയവയുമായി ചേര്‍ന്ന് ആയുര്‍വേദ ഔഷധ കൃഷി വ്യാപകമാക്കുന്നതിന് നടപടി സ്വീകരിക്കുമോ?

കാസർകോട് ജില്ലയിലെ മൊഗ്രാൽ ഗവ. യുനാനി ആശുപത്രിയിൽ നിന്നും നിലവിൽ ലഭ്യമാകുന്ന സേവനങ്ങൾ എന്തൊക്കെയാണെന്ന് വിശദമാക്കാമോ;

പ്രസ്തുത ആശുപത്രിയിൽ ശരാശരി പ്രതിദിന ഔട്ട് പേഷ്യന്റ് എത്രയാണെന്ന് വ്യക്തമാക്കാമോ;

പ്രസ്തുത ആശുപത്രിയെ കിടത്തി ചികിത്സ നൽകുന്ന ആശുപത്രിയായി ഉയർത്തുന്നതിന് നടപടി സ്വീകരിക്കുമോ?

തദ്ദേശസ്വയംഭരണ സ്ഥാപനങ്ങളുടെ പദ്ധതിയിൽ ഉൾപ്പെടുത്തി മുൻകൂർ പണമടച്ചിട്ടും കാരുണ്യഫാർമസിയിൽ നിന്ന് മരുന്നുകൾ കൃത്യമായി വിതരണം ചെയ്യുന്നില്ലെന്ന വ്യാപക പരാതികൾ ശ്രദ്ധയിൽപ്പെട്ടിട്ടുണ്ടോ;

സർക്കാർ ഫണ്ടിൽ നിർധന രോഗികൾക്ക് സൗജന്യമായി നൽകേണ്ട മരുന്നുകളുടെ വിതരണം തടസ്സപ്പെട്ടിട്ടുള്ള സാഹചര്യം പരിശോധിക്കുമോ;

ജീവിതശൈലി രോഗങ്ങൾക്ക് സർക്കാർ ആശുപത്രികളെ ആശ്രയിക്കുന്ന സാധാരണക്കാരുടെ പ്രയാസങ്ങൾ കണക്കിലെടുത്ത് കാരുണ്യഫാർമസികൾ വഴി എത്രയും വേഗം മരുന്ന് വിതരണം നടത്തുവാൻ നടപടി സ്വീകരിക്കുമോയെന്ന് വ്യക്തമാക്കുമോ?

നിലമ്പൂര്‍ നിയോജകമണ്ഡലത്തില്‍ ഉപയോഗയോഗ്യമല്ലാത്ത എത്ര അങ്കണവാടികള്‍ ഉണ്ട്; ഇവ പുനര്‍നിര്‍മ്മിക്കാനായി നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ ആയത് വിശദമാക്കാമോ;

നിലമ്പൂർ നഗരസഭയിൽ വൃന്ദാവനിലെ 63-ആം നമ്പർ അങ്കണവാടിക്ക് പുതിയ കെട്ടിടം നിർമ്മിക്കുന്നതിനായി നൽകിയിട്ടുള്ള അപേക്ഷയിന്മേൽ എന്തെങ്കിലും നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

അങ്കണവാടികൾക്ക് സ്വന്തമായി കെട്ടിടം നിർമ്മിക്കുന്നതിന് സർക്കാരിൽ നിന്നും ധനസഹായം ലഭ്യമാകുന്ന പദ്ധതികൾ നിലവിലുണ്ടോ; ഉണ്ടെങ്കില്‍ ആയത് വിശദമാക്കാമോ?

മട്ടന്നൂര്‍ മണ്ഡലത്തില്‍ നിലവില്‍ എത്ര അങ്കണവാടികള്‍ ഉണ്ടെന്നും പ്രസ്തുത അങ്കണവാടികളില്‍ സ്വന്തമായി കെട്ടിടമില്ലാത്തവ എത്രയെണ്ണമുണ്ടെന്നുമുള്ള വിശദാംശങ്ങള്‍ ലഭ്യമാക്കാമോ?

മാവേലിക്കര മണ്ഡലത്തിലെ അങ്കണവാടികള്‍ 'സ്മാര്‍ട്ട് അങ്കണവാടികള്‍' ആയി ഉയര്‍ത്തുന്നതിനായി സ്വീകരിച്ച നടപടികള്‍ വിശദമാക്കുമോ;

മാവേലിക്കര മണ്ഡലത്തിലെ അങ്കണവാടികളില്‍ സ്വന്തമായി സ്ഥലം ഉള്ളവ, കെട്ടിടങ്ങള്‍ ഉള്ളവ, സ്ഥലം ഇല്ലാത്തവ, കെട്ടിടങ്ങള്‍ ഇല്ലാത്തവ എന്നിങ്ങനെ ഏതെല്ലാമെന്ന് അറിയിക്കാമോ?

2016 മുതല്‍ നാളിതുവരെ ഇരവിപുരം മണ്ഡലത്തിലെ ഏതൊക്കെ അങ്കണവാടികളെ സ്മാർട്ട് അങ്കണവാടികളാക്കുന്നതിന് ഫണ്ട് അനുവദിച്ചിട്ടുണ്ടെന്ന് വർഷം, അനുവദിച്ച തുക എന്നിവ തിരിച്ച് വിശദമാക്കാമോ;

ഇനി ഏതെങ്കിലും അങ്കണവാടികളെ സ്മാർട്ട് അങ്കണവാടികളാക്കുന്നതിനുള്ള പ്രൊപ്പോസല്‍ നിലവിലുണ്ടോ; വിശദമാക്കാമോ?

2024-25 സാമ്പത്തിക വര്‍ഷത്തിലെ ബജറ്റില്‍ 20% ടോക്കണ്‍ പ്രൊവിഷനില്‍ 10 കോടി രൂപ ഉള്‍പ്പെടുത്തിയിട്ടുള്ള പൂഞ്ഞാർ നിയോജക മണ്ഡലത്തിൽ സ്വന്തമായി കെട്ടിടം ഇല്ലാത്ത മുഴുവൻ അംഗൻവാടികൾക്കും കെട്ടിട നിർമ്മാണത്തിന് സമ്പൂർണ അംഗൻവാടി കെട്ടിടനിർമ്മാണ പദ്ധതി (2024-25 -ലേക്കുള്ള വിശദമായ ബജറ്റ് എസ്റ്റിമേറ്റുകളുടെ അനുബന്ധം II വാല്യം II ക്രമനമ്പർ 973) എന്ന പ്രവൃത്തി നടപ്പിലാക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ?

നാഷണൽ ക്രഷ് പദ്ധതി റദ്ദാക്കി അംഗണവാടികളുമായി ചേർന്ന് അങ്കണവാടി കം ക്രഷ് പദ്ധതിയായി നടപ്പിലാക്കിയിട്ടുണ്ടോ; വിശദാംശങ്ങൾ വ്യക്തമാക്കുമോ;

നാഷണൽ ക്രഷ് പദ്ധതിയിൽ പ്രവർത്തിച്ചിരുന്ന മുഴുവൻ ക്രഷുകളെയും അങ്കണവാടി കം ക്രഷ് പദ്ധതിയിൽ ഉൾപ്പെടുത്തിയിട്ടുണ്ടോ; ഇല്ലെങ്കിൽ ആയതിന് നടപടി സ്വീകരിക്കുമോ; മേൽപ്പറഞ്ഞ പദ്ധതിയിൽ പ്രവർത്തിച്ചിരുന്ന മുഴുവൻ ജീവനക്കാർക്കും അംഗണവാടി കം ക്രഷ് പദ്ധതിയിൽ ജോലി നൽകിയിട്ടുണ്ടോ ; ഇല്ലെങ്കിൽ വർഷങ്ങളോളം പ്രവർത്തി പരിചയം ഉള്ള ഈ ജീവനക്കാരെ മുഴുവൻ പേരെയും പ്രസ്തുത പദ്ധതിയുടെ ഭാഗമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

നാഷണൽ ക്രഷ് പദ്ധതിയിൽ നിന്നും 62 വയസ്സ് തികഞ്ഞതിനെ തുടർന്ന് പിരിച്ചുവിടപ്പെട്ട ജീവനക്കാർക്ക് എന്തെങ്കിലും തരത്തിലുള്ള വിരമിക്കൽ ആനുകൂല്യങ്ങൾ നൽകിയിട്ടുണ്ടോ; ഇല്ലെങ്കില്‍ ജീവനക്കാർക്ക് വിരമിക്കൽ ആനുകൂല്യവും പെൻഷനും അനുവദിക്കുന്നതിന് സംസ്ഥാന സർക്കാർ മുൻകൈയെടുക്കുമോ; വിശദാംശം വ്യക്തമാക്കുമോ;

അംഗനവാടി കം ക്രഷ് പദ്ധതിയിലെ ജീവനക്കാരുടെ ഹോണറേറിയം അംഗനവാടി ജീവനക്കാരുടെതിന് തുല്യമായി വർധിപ്പിക്കുന്നതിനും ഉത്സവത്ത ഉൾപ്പെടെയുള്ള ആനുകൂല്യങ്ങൾ അനുവദിക്കുന്നതിനും അംഗനവാടി ജീവനക്കാർക്കും അംഗനവാടി കം ക്രഷ് ജീവനക്കാർക്കും ആരോഗ്യ ഇൻഷുറൻസ് പദ്ധതി നടപ്പാക്കുന്നതിനും നടപടി സ്വീകരിക്കുമോ; വ്യക്തമാക്കുമോ ;

അംഗനവാടി കം ക്രഷ് പദ്ധതിയിലെ കുട്ടികൾക്ക് പോഷകാഹാരം നൽകുന്നതിനായി എന്ത് സ്കീം ആണ് നടപ്പിലാക്കിയിട്ടുള്ളത്; എന്തൊക്കെ പോഷകാഹാരങ്ങൾ ആണ് നൽകുന്നത്; ഇതിനായി ഓരോ കുട്ടിക്കും പ്രതിദിനം എത്ര തുകയാണ് വകയിരുത്തിയിട്ടുള്ളത്; വിശദാംശങ്ങൾ വ്യക്തമാക്കുമോ?

അങ്കണവാടി ജീവനക്കാരെ തൊഴിലാളികളായി അംഗീകരിക്കുവാനും നിലവിലുള്ള ഓണറേറിയം വർദ്ധിപ്പിക്കുവാനും നടപടികൾ സ്വീകരിക്കുമോ; വിശദമാക്കാമോ;

ക്ഷേമനിധി, യാത്രാ ആനുകൂല്യങ്ങൾ, വിവാഹം, അസുഖങ്ങൾ, വീടു നിർമ്മാണം ഉൾപ്പെടെ വിവിധ ആവശ്യങ്ങൾക്കുള്ള സഹായം എന്നിവ സമയബന്ധിതമായി നൽകുവാൻ നടപടി സ്വീകരിക്കുമോ; വിശദമാക്കാമോ?

വിരമിച്ച അംഗനവാടി ജീവനക്കാര്‍ക്കുള്ള ക്ഷേമനിധി ആനുകൂല്യങ്ങള്‍ മുടങ്ങിയിട്ട് എത്രമാസമായെന്നും എത്ര തുക കുടിശികയുണ്ടെന്നും വ്യക്തമാക്കാമോ;

പ്രസ്തുത ആനുകൂല്യങ്ങള്‍ ഉടന്‍ കൊടുത്തു തീര്‍ക്കാന്‍ കഴിയുമോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി മണ്ഡലത്തിലെ ഏതെല്ലാം അങ്കണവാടികളാണ് നവീകരിച്ചിട്ടുള്ളതെന്ന് വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ;

ചങ്ങനാശ്ശേരി മണ്ഡലത്തില്‍ സ്വന്തമായി സ്ഥലവും കെട്ടിടവും ഇല്ലാത്ത എത്ര അങ്കണവാടികളുണ്ടെന്നും അവ ഏതെല്ലാമെന്നും വ്യക്തമാക്കുമോ?

വിധവകളുടെ മക്കള്‍ക്ക് ഉന്നത വിദ്യാഭ്യാസത്തിന് ധനസഹായം നല്‍കുന്ന പടവുകള്‍ പദ്ധതിയ്ക്ക് 2022-23 മുതലുള്ള ധനസഹായം അനുവദിച്ചോ എന്ന് വ്യക്തമാക്കാമോ;

പ്രസ്തുത പദ്ധതിയുടെ കുടിശ്ശിക തുക മുഴുവന്‍ എന്നത്തേയ്ക്ക് കൊടുത്തുതീര്‍ക്കാന്‍ സാധിക്കുമെന്ന് വ്യക്തമാക്കാമോ?

ഭക്ഷ്യ വസ്തുക്കളിൽ വ്യാപകമായ തോതിൽ നിരോധിത നിറങ്ങൾ, കീടനാശിനികൾ, പ്രിസർവേറ്റീവുകൾ, മാലിന്യങ്ങൾ എന്നിവ ചേർക്കുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;

ഭക്ഷ്യസുരക്ഷാ വകുപ്പ് ഇതു സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കിൽ കണ്ടെത്തലുകൾ വിശദമാക്കുമോ;

ഭക്ഷ്യ വസ്തുക്കളിൽ ആരോഗ്യത്തിന് ഹാനികരമായ മായം ചേർക്കുന്നത് തടയാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

ഹോട്ടലുകളുടെ ശുചിത്വവും ഗുണനിലവാരവും ഉറപ്പാക്കുന്നതിന് എന്തെല്ലാം നടപടികളാണ് വകുപ്പ് കൈക്കൊണ്ടിട്ടുള്ളത്; വിശദമാക്കാമോ;

കൈപ്പമംഗലം നിയോജക മണ്ഡലത്തിൽ ഹോട്ടലുകളുടെ പരിശോധന ഊർജിതമാക്കുന്നതിനായി നിലവിൽ എന്തെല്ലാം പ്രവർത്തനങ്ങളാണ് വകുപ്പ് നടത്തിവരുന്നതെന്ന് വിശദമാക്കാമോ?