2021-22 സാമ്പത്തിക വര്‍ഷം മുതല്‍ ഒറ്റപ്പാലം മണ്ഡലത്തില്‍ ഭക്ഷ്യ-പൊതുവിതരണ വകുപ്പ് മുഖേന നടപ്പിലാക്കി വരുന്ന പദ്ധതികള്‍ ഏതെല്ലാമെന്നും അവയുടെ വിശദാംശവും വ്യക്തമാക്കാമോ?

കഴിഞ്ഞ ഓണക്കാലത്ത് പൊതുവിപണി പരിശോധനയുടെ ഭാഗമായി സംസ്ഥാനത്ത് എത്ര കടകളിൽ സിവിൽ സപ്ലൈസ് പരിശോധന നടത്തിയെന്ന് അറിയിക്കാമോ;

ഇതിൽ വില വിവര പട്ടിക പ്രദർശിപ്പിക്കാത്ത എത്ര കടകൾ കണ്ടെത്തിയെന്ന് അറിയിക്കാമോ; വിലവിവരപട്ടിക പ്രദർശിപ്പിക്കാത്ത കടകൾക്കെതിരെ എന്തു നടപടിയാണ് സ്വീകരിച്ചു വരുന്നതെന്ന് വ്യക്തമാക്കാമോ?

കേരളത്തിന് കേന്ദ്രം അനുവദിച്ച എ.എ.വൈ. കാർഡുകളുടെ ആകെ എണ്ണം എത്രയാണ്; നിലവിലെ സർക്കാർ അധികാരത്തിൽ വരുമ്പോൾ കേരളത്തിൽ ആകെയുള്ള എ.എ.വൈ. കാർഡുകളുടെ എണ്ണം എത്രയായിരുന്നു; ഈ സർക്കാർ അധികാരത്തിൽ വന്ന ശേഷം 2024 മെയ് 31 വരെ എത്ര എ.എ.വൈ. കാർഡുകൾ അനുവദിച്ചു; വിശദമാക്കാമോ ;

സമയ ബന്ധിതമായി എ.എ.വൈ. കാർഡുകൾ അനുവദിക്കാത്തതിനാൽ ഈ സർക്കാർ അധികാരത്തിൽ വന്ന ശേഷം 2024 മെയ് 31 വരെയായി എത്ര ടൺ അരി നഷ്ടമായി; ആയതിന് ഉത്തരവാദിയായ ഉദ്യോഗസ്ഥൻ ആരാണെന്നും കേന്ദ്ര അരി വിഹിതം ലാപ്സാക്കിയ ഉദ്യോഗസ്ഥനെതിരെ എന്തു നടപടിയാണ് സ്വീകരിച്ചതെന്നും വിശദമാക്കാമോ;

2024 ജനവരി 31 വരെ അനുവദിച്ച എ.എ.വൈ. കാർഡുകളുടെ എണ്ണം എത്രയാണ്; ഈ കാലയളവിൽ മാനദണ്ഡങ്ങൾ പ്രകാരം എത്ര കാർഡുകൾ കൂടി അനുവദിക്കാമായിരുന്നു; ഇതുപ്രകാരം 2024 മെയ് 31 നുള്ളിൽ എത്ര എ.എ.വൈ. കാർഡുകൾ അനുവദിച്ചു; വിശദമാക്കാമോ;

എ.എ.വൈ. കാർഡുകൾ അനുവദിക്കുന്നതിനുള്ള യോഗ്യതകൾ എന്തെല്ലാമാണ് ; പി. എച്ച്. എച്ച്. കാർഡുകളെപ്പോലെ എന്തുകൊണ്ടാണ് എ.എ.വൈ. കാർഡുകളുടെ അപേക്ഷകളും ഓൺലൈനായി സ്വീകരിക്കാത്തത്; വിശദമാക്കാമോ;

എ. എ. വൈ. കാർഡുകളുടെ അപേക്ഷ എന്നു മുതലാണ് ഓൺലൈനായി സ്വീകരിച്ച് തുടങ്ങുന്നത്; എ. എ. വൈ. മാനദണ്ഡങ്ങൾ പ്രകാരം ഉണ്ടാവുന്ന ഒഴിവുകൾ തൊട്ടടുത്ത മാസം തന്നെ നികത്തുന്നതിനായി ഓൺലൈനായി അപേക്ഷ സ്വീകരിച്ച് പട്ടിക തയ്യാറാക്കുന്ന നടപടി എന്നു മുതലാണ് ആരംഭിക്കുന്നതെന്ന് വ്യക്തമാക്കാമോ?

2021 മുതൽ മണ്ണാർക്കാട് മണ്ഡലത്തിൽ നിന്നും എത്ര റേഷൻ കാർഡുകൾ മുൻഗണന പട്ടികയിലും അന്ത്യോദയ അന്ന യോജന വിഭാഗത്തിലും ഉൾപ്പെടുത്തുന്നതിനായുളള അപേക്ഷകൾ ലഭിച്ചു എന്നതിന്റെ വിവരം നൽകാമോ;

ഇതിൽ എത്ര അപേക്ഷകളിൽ തീരുമാനമെടുത്തുവെന്നും എത്ര അപേക്ഷകൾ നിരസിച്ചുവെന്നതിന്റെയും വിവരം നൽകാമോ;

ഇനിയും തീരുമാനമെടുത്തിട്ടില്ലാത്ത അപേക്ഷകളിൽ അടിയന്തര നടപടി സ്വീകരിക്കുവാൻ ബന്ധപ്പെട്ടവർക്ക് നിർദേശം നൽകുമോ?

സംസ്ഥാനത്ത് അതിദരിദ്ര വിഭാഗത്തില്‍പ്പെട്ടവര്‍ക്കുള്ള റേഷന്‍കാര്‍ഡുകള്‍ എത്ര പേര്‍ക്ക് നിലവിലുണ്ടെന്ന് വിശദമാക്കാമോ;

ഇതില്‍ പാലക്കാട് ജില്ലയിലും ഷൊര്‍ണ്ണൂര്‍ മണ്ഡലത്തിലുമുള്ള കണക്ക് ലഭ്യമാക്കാമോ;

അതിദരിദ്ര വിഭാഗത്തില്‍പ്പെട്ടവര്‍ക്കുള്ള റേഷന്‍കാര്‍ഡുകള്‍ക്ക് വേണ്ടി പുതിയ അപേക്ഷകള്‍ സ്വീകരിക്കുന്നുണ്ടോ; അതിന്റെ നടപടിക്രമങ്ങള്‍ എന്തൊക്കെയാണെന്ന് വ്യക്തമാക്കാമോ?

സംസ്ഥാനത്തെ ഗുണഭോക്താക്കളെ തിരിച്ചറിഞ്ഞ് ഭക്ഷ്യധാന്യ വിതരണം നടത്തണമെന്ന് ദേശീയ ഭക്ഷ്യ ഭദ്രതാ നിയമം വ്യവസ്ഥ ചെയ്തിട്ടുണ്ടോ; എങ്കിൽ ഇതനുസരിച്ച് സംസ്ഥാനത്ത് പൊതുവിതരണ ഉപഭോക്തൃകാര്യ വകുപ്പ് നടത്തിയ പ്രവർത്തനങ്ങൾ എന്തെല്ലാമാണെന്ന് വിശദമാക്കാമോ;

തെരുവോരങ്ങളില്‍ അധിവസിക്കുന്നവർക്കും വാടക വീടുകളില്‍ മാറിമാറിത്താമസിക്കുന്നവർക്കും റേഷൻകാർഡ് ലഭ്യമാക്കാൻ എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ;

ഈ സർക്കാർ അധികാരത്തിൽ വന്നതിനു ശേഷം സംസ്ഥാനത്ത് എത്ര പുതിയ റേഷൻകാർഡുകൾ വിതരണം ചെയ്തിട്ടുണ്ടെന്നുള്ള വിശദാംശം അറിയിക്കാമോ;

കേന്ദ്രസർക്കാർ സ്വീകരിച്ച അശാസ്ത്രീയമായ സമീപനം സംസ്ഥാനത്തെ മുൻഗണനാ കാർഡുകൾക്ക് അർഹതയുള്ളവരെ ദോഷകരമായി ബാധിച്ചിട്ടുണ്ടോ; എങ്കിൽ ഇത് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ?

സംസ്ഥാനത്ത് റേഷൻ കാർഡ് വിതരണവുമായി ബന്ധപ്പെട്ട ഓൺലൈൻ സേവനങ്ങളുടെ ഫീസിനെ കുറിച്ച് സർക്കാർ എടുത്ത പുതിയ തീരുമാനം എന്താണെന്ന് അറിയിക്കാമോ;

റേഷൻ കാർഡുകൾ മുൻഗണനാ വിഭാഗത്തിലേക്ക് മാറ്റുന്നതിനുള്ള അപേക്ഷകളിൽ ഫീസ് വീണ്ടും ഈടാക്കാൻ കാരണം എന്താണ്; വ്യക്തമാക്കാമോ;

ഏതു വിഭാഗത്തിലെ ഗുണഭോക്താക്കളെയാണ് ഫീസ് അടയ്ക്കുന്നതിൽ നിന്ന് ഒഴിവാക്കിയിരിക്കുന്നതെന്ന് വ്യക്തമാക്കാമോ;

ഭക്ഷ്യ പൊതുവിതരണ കമ്മീഷണർ സമർപ്പിച്ച ശിപാർശയെ അടിസ്ഥാനമാക്കിയുള്ള സർക്കാർ ഉത്തരവിന്റെ പ്രധാന നേട്ടം എന്താണെന്ന് വിശദമാക്കാമോ?

അതിദരിദ്ര വിഭാഗക്കാര്‍ക്ക് റേഷന്‍കാര്‍ഡ് ലഭ്യമാക്കുന്നതിന് എന്തൊക്കെ നടപടികളാണ് സര്‍ക്കാര്‍ സ്വീകരിച്ചുവരുന്നത്; വിശദമാക്കാമോ;

ഈ സര്‍ക്കാരിന്റെ കാലയളവില്‍ എത്ര പേര്‍ക്കാണ് ഇപ്രകാരം കാര്‍ഡ് നല്‍കിയിട്ടുള്ളതെന്ന് വ്യക്തമാക്കാമോ;

ഇതുപോലെ പ്രത്യേക പരിഗണന നല്‍കി റേഷന്‍ കാര്‍ഡുകള്‍ അനുവദിച്ച മറ്റ് വിഭാഗക്കാര്‍ ആരൊക്കെയാണെന്ന് വിശദമാക്കാമോ?

റേഷൻ കാർഡുമായി ബന്ധപ്പെട്ട് വിവിധ ആവശ്യങ്ങൾക്കായി ഒരു മാസം ശരാശരി എത്ര അപേക്ഷകൾ ലഭിക്കുന്നും ഇവയിൽ എത്ര അപേക്ഷകള്‍ക്ക് പരിഹാരം കാണാറുണ്ടെന്നും വ്യക്തമാക്കാമോ;

ഈ സർക്കാർ അധികാരത്തിൽ വന്ന ശേഷം എത്ര മുന്‍ഗണന കാർഡുകൾ അനുവദിച്ചുവെന്ന് അറിയിക്കാമോ;

അനർഹരായ ആളുകളെ മുന്‍ഗണന വിഭാഗത്തിൽ നിന്നും ഒഴിവാക്കുവാൻ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ; അനർഹരായ ആളുകളില്‍ നിന്നും പിഴ ഇനത്തിൽ സ്വീകരിച്ച തുകയുടെ വിവരങ്ങൾ ലഭ്യമാക്കാമോ?

അരൂര്‍ മണ്ഡലത്തില്‍ നിലവില്‍ എത്ര കെ-സ്റ്റോറുകള്‍ പ്രവര്‍ത്തിക്കുന്നുണ്ട് എന്ന് പഞ്ചായത്തടിസ്ഥാനത്തില്‍ വിശദമാക്കാമോ;

കെ-സ്റ്റോര്‍ വഴി ജനങ്ങള്‍ക്ക് ഏതെല്ലാം സാധനങ്ങള്‍ സബ്സിഡി നിരക്കില്‍ കൊടുക്കുന്നുണ്ട് എന്ന് വിശദമാക്കാമോ?

റേഷൻ ലൈസൻസികൾക്ക് സംസ്ഥാന സർക്കാർ ഉത്സവബത്ത നൽകുന്നുണ്ടോ; മുൻ വർഷങ്ങളിൽ ഉത്സവബത്തയായി പ്രഖ്യാപിച്ച തുക നൽകാൻ ബാക്കിയുണ്ടോ; റേഷൻ ലൈസൻസികൾക്ക് ഈ ഓണക്കാലത്ത് ഉത്സവബത്ത നൽകിയില്ല എന്ന പരാതി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഓണക്കാലത്ത് കിറ്റ് നൽകിയതിന് റേഷൻ ലൈസൻസികൾക്ക് കമ്മിഷൻ നൽകാൻ ബാക്കിയുണ്ടോ; എത്ര തുകയാണു നൽകാനുള്ളത്; 2025 ലെ ഓണക്കാലത്ത് കിറ്റ് നൽകിയ ഇനത്തിൽ എത്ര രൂപയാണ് നൽകാനുള്ളത്; വ്യക്തമാക്കാമോ;

റേഷൻ വ്യാപാരികൾക്കായി ക്ഷേമനിധി നിലവിലുണ്ടോ; എന്നു മുതലാണ് ക്ഷേമനിധി ആരംഭിച്ചത്; എത്ര പേരാണ് അംഗങ്ങളായിട്ടുള്ളത്; എന്തെല്ലാം ആനുകൂല്യങ്ങളാണ് നൽകുന്നത്; വ്യാപാരികളും സർക്കാരും ഇതിൽ നൽകുന്ന വിഹിതം എത്രയാണ്; വിശദാംശം ലഭ്യമക്കാമോ;

റേഷൻ വ്യാപാരി ക്ഷേമനിധിയിൽ ഏതെല്ലാം ആനുകൂല്യങ്ങളിൽ എത്ര തുകയാണ് നൽകാൻ ബാക്കിയുള്ളത്; ഏതു വർഷം മുതലുള്ള തുകയാണ് കുടിശികയുള്ളത്; വ്യാപാരി ക്ഷേമനിധി ഓഫിസിൽ ജോലി ചെയ്യുന്ന എത്ര ഉദ്യോഗസ്ഥരാണ് ഉള്ളത്; ഇവർക്കു ശമ്പളം നൽകാൻ എത്ര രൂപയാണ് പ്രതിമാസം ചെലവിടുന്നത്; ഈ തുക ക്ഷേമനിധിയിൽ നിന്നാണോ നൽകുന്നത്; വ്യക്തമാക്കാമോ?

ഈ സർക്കാരിന്റെയും മുൻസർക്കാരിന്റെയും (2016-21) കാലത്ത് വർക്കല മണ്ഡലത്തിൽ എത്ര പുതിയ റേഷൻ കടകൾക്ക് അപേക്ഷ ലഭിച്ചിട്ടുണ്ടെന്നും അവയിൽ എത്രയെണ്ണത്തിന് അനുമതി നല്കിയിട്ടുണ്ടെന്നും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ഗുരുവായൂര്‍ മണ്ഡലത്തില്‍ അനുവദിച്ച പുന്ന, മാട്ടുമ്മല്‍ പ്രദേശങ്ങളിലെ റേഷന്‍കടകള്‍ പ്രവർത്തനം ആരംഭിക്കുന്നതിന് സ്വീകരിച്ച നടപടികള്‍ വിശദമാക്കാമോ?

നിലവിലെ സര്‍ക്കാര്‍ വന്നതിനു ശേഷം കുന്നത്തുനാട് മണ്ഡലത്തില്‍ എത്ര റേഷന്‍കടകളില്‍ കെ സ്റ്റോര്‍ പദ്ധതി നടപ്പാക്കിയിട്ടുണ്ടെന്ന് വ്യക്തമാക്കാമോ;

കെ സ്റ്റോര്‍ വഴി നല്കി വരുന്ന സേവനങ്ങൾ എന്തെല്ലാമെന്ന് വ്യക്തമാക്കാമോ;

കൂടുതല്‍ റേഷന്‍ കടകളിലേക്ക് കെ സ്റ്റോര്‍ പദ്ധതി വ്യാപിപ്പിക്കുന്നതിനു വേണ്ട നടപടികൾ സ്വീകരിക്കാമോ?

കാസര്‍ഗോഡ് ജില്ലയില്‍ നിലവിലെ സര്‍ക്കാരിന്റെ കാലത്ത് അനുവദിച്ച റേഷന്‍ കടകളുടെ പേരുവിവരം ലഭ്യമാക്കാമോ;

കാസര്‍ഗോഡ് ജില്ലയില്‍ പുതുതായി റേഷന്‍ കടകള്‍ അനുവദിക്കുന്നതിനുള്ള പ്രൊപ്പോസല്‍ പരിഗണനയിലുണ്ടോ; വിശദാംശം ലഭ്യമാക്കാമോ?

ജീവിതശൈലീ രോഗങ്ങൾ കാരണം ഭക്ഷണത്തിനായി ഗോതമ്പിനെ ആശ്രയിക്കുന്ന വലിയൊരു വിഭാഗം ജനങ്ങൾ സംസ്ഥാനത്തുണ്ട് എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കേരളത്തിന് ടൈഡ് ഓവർ വിഹിതമായി പ്രതിമാസം ലഭിച്ചു കൊണ്ടിരുന്ന ഗോതമ്പ് കേന്ദ്രസർക്കാർ നിർത്തലാക്കിയിട്ടുണ്ടോ; ഉണ്ടെങ്കില്‍ ആയത് പുനഃസ്ഥാപിക്കണമെന്നാവശ്യപ്പെട്ടിട്ടുണ്ടോ; വിശദമാക്കാമോ;

പ്രധാനമന്ത്രി ഗരീബ് കല്യാൺ അന്നയോജന പദ്ധതി പ്രകാരം കേരളത്തിലെ മുൻഗണനാ വിഭാഗത്തിന് അധിക വിഹിതമായി ലഭ്യമായിക്കൊണ്ടിരുന്ന ഭക്ഷ്യധാന്യങ്ങളിൽ നിന്നും ഗോതമ്പ് പൂർണ്ണമായി കേന്ദ്ര സർക്കാർ ഒഴിവാക്കിയിട്ടുണ്ടോ; പൊതുവിതരണ സമ്പ്രദായത്തിലൂടെ മുൻഗണനേതര വിഭാഗങ്ങൾക്ക് ലഭ്യമായിക്കൊണ്ടിരുന്ന ഗോതമ്പു വിതരണം ഇതോടെ പൂർണ്ണമായും നിലച്ചിട്ടുണ്ടോ; വിശദമാക്കാമോ;

സംസ്ഥാനത്ത് മുൻഗണനേതര വിഭാഗത്തിൽപ്പെട്ട അന്‍പത് ലക്ഷത്തിലധികം കാർഡുടമകൾക്ക് ഇനിമുതൽ പൊതുവിതരണ സമ്പ്രദായത്തിൽ നിന്നും ഗോതമ്പ് ലഭ്യമാകാത്ത ഗൗരവതരമായ ഒരു സാഹചര്യം ഉണ്ടായിട്ടുണ്ടോ; വിശദമാക്കാമോ?

സംസ്ഥാനത്ത് റേഷന്‍ കടകളില്‍ യഥാസമയം സാധനങ്ങള്‍ ലഭ്യമാക്കാത്തതുമൂലം ജനങ്ങള്‍ ബുദ്ധിമുട്ടുന്നകാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ റേഷന്‍ സാധനങ്ങള്‍ ജനങ്ങള്‍ക്ക് യഥാസമയം ലഭ്യമാക്കി ബുദ്ധിമുട്ട് പരിഹരിക്കുവാന്‍ സര്‍ക്കാര്‍ നടപടി സ്വീകരിക്കുമോ ; വിശദമാക്കാമോ ?

മട്ടന്നൂര്‍ നിയോജക മണ്ഡലത്തില്‍ എവിടെയൊക്കെയാണ് കെ-സ്റ്റോറുകള്‍ അനുവദിച്ചിട്ടുള്ളതെന്ന് വിശദമാക്കാമോ; കെ-സ്റ്റോറുകള്‍ വഴി ഏതൊക്കെ സാധനങ്ങളാണ് ലഭ്യമാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

റേഷൻ കടകളിൽ വിതരണം ചെയ്യാനുളള അരി സിവിൽ സപ്ലൈസിന്റെ ഗോഡൗണിൽ നിന്നും കടത്തിക്കൊണ്ടു പോകുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ; വിശദമാക്കാമോ;

അടുത്ത കാലത്തായി ഇത്തരം സംഭവങ്ങൾ എവിടെയെല്ലാം നടന്നതായി റിപ്പോർട്ട് ചെയ്യപ്പെട്ടിട്ടുണ്ടെന്ന് വിശദമാക്കാമോ;

റേഷൻ സാധനങ്ങൾ കടത്തിക്കൊണ്ടു പോകുന്നതിന് കൂട്ടുനിന്നവർക്കെതിരെ അന്വേഷണം നടത്തിയിട്ടുണ്ടോ; വ്യക്തമാക്കാമോ;

കുറ്റക്കാരായവർക്കെതിരെ എന്തെല്ലാം നടപടികൾ സ്വീകരിച്ചുവെന്ന് വ്യക്തമാക്കാമോ?

ഈ സ‍ർക്കാർ അധികാരത്തിൽ വന്നതിന് ശേഷം ഭക്ഷ്യപൊതു വിതരണ വകുപ്പ് മുഖേന അരുവിക്കര മണ്ഡലത്തിൽ നടപ്പിലാക്കിയ പദ്ധതികളും അവയ്ക്ക് അനുവദിച്ച തുകയും ഇപ്പോഴത്തെ സ്ഥിതിയും സംബന്ധിച്ച വിവരങ്ങൾ അറിയിക്കുമോ?

സംസ്ഥാനത്ത്‌ എത്ര ക്ഷേമ സ്ഥാപനങ്ങൾക്കാണ് പൊതുവിതരണവകുപ്പ് നിലവിൽ റേഷൻ വിതരണം നടത്തുന്നതെന്നും പ്രതിവർഷം എത്ര അളവ് അരി ഇപ്രകാരം വിതരണം നടത്തുന്നുവെന്നും വിശദമാക്കാമോ;

ചാത്തന്നൂർ മണ്ഡലത്തിൽ പ്രവർത്തിക്കുന്ന ഏതെങ്കിലും ക്ഷേമസ്ഥാപനങ്ങൾക്ക് റേഷൻ വിതരണം നടത്തുന്നുണ്ടോയെന്നും എങ്കിൽ ആയത് ഏതെല്ലാം ക്ഷേമസ്ഥാപനങ്ങൾക്കാണെന്നും പ്രതിവർഷം എത്ര അളവ് അരി വിതരണം നടത്തുന്നുവെന്നും വ്യക്തമാക്കാമോ?

റേഷൻ വിതരണത്തിനുള്ള ഇ-പോസ് യന്ത്രസംവിധാനത്തിൽ മാറ്റങ്ങൾ വരുത്തിയിട്ടുണ്ടോ; ഇതിന്റെ അറ്റകുറ്റപ്പണി കരാർ ഇപ്പോഴും നിലവിലുണ്ടോ; എന്നാണ് കരാർ നിലവിൽ വന്നത്; ഈ കരാർ പലവട്ടം പുതുക്കി നൽകിയിട്ടുണ്ടോ; വ്യക്തമാക്കാമോ;

കരാർ നിരക്കുകൾ പുതുക്കുന്നത് സംബന്ധിച്ച ടെണ്ടര്‍ നടപടികൾ മുൻപ് നടത്തിയ ശേഷം ഉപേക്ഷിക്കുകയുണ്ടായോ; അന്ന് ടെണ്ടറില്‍ പങ്കെടുത്ത കമ്പനികളും അവർ ക്വോട്ട് ചെയ്ത തുകയും എത്രയാണ്; എന്തു കൊണ്ടാണ് ടെണ്ടര്‍ നിർത്തിവച്ചത്; പുതിയ ടെൻഡർ ക്ഷണിച്ചിട്ടുണ്ടോ; അതിന്റെ വിശദാംശം വ്യക്തമാക്കാമോ;

റേഷൻകടയിലെ ഇ-പോസ് യന്ത്രവും അളവുതൂക്ക യന്ത്രവും ബന്ധിപ്പിക്കാൻ പദ്ധതിയുണ്ടോ; ഇതിന്റെ നടപടികൾ ഏതു വരെയായി; ഇതിനായി തുക അനുവദിച്ചിട്ടുണ്ടോ; വിശദാംശം വ്യക്തമാക്കാമോ?

കുണ്ടറ മണ്ഡലത്തിന്റെ പരിധിയില്‍ എത്ര മാവേലി സ്റ്റോറുകളാണ് നിലവില്‍ പ്രവര്‍ത്തിക്കുന്നതെന്നും എതൊക്കെയാണെന്നും വിശദമാക്കാമോ;

2021-22 സാമ്പത്തിക വര്‍ഷം മുതല്‍ നാളിതുവരെ കുണ്ടറ മണ്ഡലത്തിന്റെ പരിധിയില്‍ അനുവദിച്ചിട്ടുളള മാവേലി സ്റ്റോറുകൾ എത്രയെണ്ണമുണ്ട്; ഏതൊക്കെയാണെന്ന് പഞ്ചായത്ത് തിരിച്ച് നല്‍കാമോ;

കുുണ്ടറ മണ്ഡലത്തിലെ പേരയം പഞ്ചായത്തില്‍ മാവേലി സ്റ്റോര്‍ അനുവദിക്കണമെന്ന നിവേദനത്തിന്മേല്‍ എന്തൊക്കെ നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ; പേരയത്ത് മാവേലി സ്റ്റോര്‍ അനുവദിക്കുന്നതിനുളള നടപടി സ്വീകരിക്കുമോ?

സിവിൽ സപ്ലൈസ് കോർപറേഷന്റെ വിപണി ഇടപെടൽ പ്രവർത്തനങ്ങൾക്കായി 2016 –17 മുതൽ 2024–25 വരെ ഓരോ വർഷവും അനുവദിച്ച തുക എത്രയാണ് ; 2025–26 സാമ്പത്തിക വർഷം ഇതു വരെ എത്ര തുകയാണ് നൽകിയത്;

സിവിൽ സപ്ലൈസ് കോർപറേഷൻ വഴി വിൽപന നടത്തുന്ന സബ്ഡിസി സാധനങ്ങളുടെ വില ഇപ്പോൾ എത്രയാണ്; കഴിഞ്ഞ വർഷം ഫെബ്രുവരിക്കു ശേഷം എത്ര തവണ ഏതെല്ലാം സാധനങ്ങളുടെ വില പരിഷ്കരിച്ചിട്ടുണ്ട്;

സബ്സിഡി വെളിച്ചെണ്ണയും നോൺ സബ്സിഡി വെളിച്ചെണ്ണയും ഒന്നിച്ച് ഒരു കിലോയായി ആണോ സപ്ലൈകോ വഴി നൽകുന്നത് ; ഇതിൽ സബ്സിഡി, നോൺ സബ്സിഡി ഇനങ്ങളുടെ വേർതിരിച്ചുള്ള വില എത്രയാണ് ; വെളിച്ചെണ്ണയുടെ സബ്സിഡി വില ഈയിടെ പരിഷ്കരിച്ചിരുന്നോ ; അതിനു മുൻപ് എത്ര രൂപയായിരുന്നു വില;

ഓണക്കാലത്ത് സപ്ലൈകോ വഴി എത്ര രൂപയുടെ എത്ര അളവ് വെളിച്ചെണ്ണയാണ് വിറ്റഴിച്ചത് ; ഇതിൽ ‘കേര’ ഉൾപ്പെടെ വിവിധ ബ്രാൻഡുകളുടെ വിലയും അളവും എത്രയായിരുന്നു ; കേര വെളിച്ചെണ്ണ മറ്റ് ബ്രാൻഡുകളെ അപേക്ഷിച്ച് കൂടിയ വിലയ്ക്കാണു സപ്ലൈകോയ്ക്കു നൽകിയത് എന്നതു ശരിയാണോ ; വില കുറയ്ക്കാൻ എന്തെല്ലാം നടപടികളാണു സ്വീകരിച്ചത്;

ഓണക്കാലത്ത് സപ്ലൈകോയുടെ ആകെ വിൽപന എത്രയായിരുന്നു ; ഇതിൽ സബ്സിഡി സാധനങ്ങളുടെ വിൽപന എത്ര തുകയുടേതായിരുന്നു; എത്ര കാർഡ് ഉടമകളാണു സാധനങ്ങൾ വാങ്ങാൻ എത്തിയത്; വിശദമാക്കുമോ?

സിവിൽ സപ്ലൈസ് കോർപറേഷന്റെ 2016–17 മുതൽ 2024–25 സാമ്പത്തിക വർഷം വരെയുള്ള ലാഭവും നഷ്ടവും എത്രയാണ്; റേഷൻ വിതരണം നെല്ലു സംഭരണം എന്നീ ഇനങ്ങളിൽ കേന്ദ്ര, സംസ്ഥാന സർക്കാരുകൾ എത്ര രൂപയാണ് ഈ വർഷങ്ങളിൽ സപ്ലൈകോയ്ക്കു നൽകിയത്; പ്രസ്തുത വർഷങ്ങളിൽ എത്ര തുക ഏതൊക്കെ ഇനങ്ങളിൽ ഇനി കേന്ദ്ര സംസ്ഥാന സർക്കാരുകൾ സപ്ലൈകോയ്ക്കു നൽകാനുണ്ടെന്ന് വ്യക്തമാക്കാമോ;

സംഭരിച്ച നെല്ല് മില്ലുകൾക്കു നൽകുന്ന സി. എം. ആർ പദ്ധതി പ്രകാരം എത്ര രൂപയാണ് സപ്ലൈകോ 2016 ഏപ്രിൽ മുതൽ 2025 മാർച്ച് 31 വരെ ഓരോ വർഷവും മില്ലുകൾക്കു നൽകിയത്; എത്ര കിലോ നെല്ലാണ് ഓരോ വർഷവും നൽകിയതെന്നും അതിന് എത്ര അരിയാണ് തിരിക ലഭിച്ചതെന്നും വ്യക്തമാക്കാമോ;

എത്ര മില്ലുകളാണ് ഇപ്പോൾ സപ്ലൈകോയുമായി സഹകരിക്കുന്നത്; ഇവയിൽ സർക്കാർ സ്വകാര്യ സഹകരണ മേഖലയിലെ മില്ലുകളുടെ പട്ടിക നൽകാമോ;

2016 മുതൽ എത്ര കിലോ റേഷൻ ഗോതമ്പാണ് ഓരോ വർഷവും കേന്ദ്രം സംസ്ഥാന സർക്കാരിന് അനുവദിക്കുന്നത്; ഈ ഗോതമ്പിൽ എത്ര അളവാണ് മില്ലുകൾക്കു നൽകി ഓരോ വർഷവും പൊടിച്ച് ആട്ടയാക്കി മാറ്റുന്നത്; ഇതിന് സംസ്ഥാന സർക്കാർ ചുമതലപ്പെടുത്തിയിട്ടുള്ള മില്ലുകൾ ഏതൊക്കെയാണ്; അവർക്ക് എത്ര തുകയാണ് 2016 മുതൽ നൽകിയത്; റേഷൻ കട വഴി വിൽക്കുന്ന ആട്ടയുടെ തുക കഴിഞ്ഞ 10 വർഷത്തിനിടെ എപ്പോഴെല്ലാമാണ് വർധിപ്പിച്ചത്; വിശദമാക്കാമോ?

2025-ല്‍ നെയ്യാറ്റിൻകര മണ്ഡലത്തില്‍ പുതിയ മാവേലിസ്റ്റോറുകള്‍ അനുവദിച്ചിട്ടുണ്ടോ എന്ന് വ്യക്തമാക്കാമോ;

നിലവില്‍ എത്ര മാവേലിസ്റ്റോറുകള്‍ ആണ് നെയ്യാറ്റിൻകര മണ്ഡലത്തില്‍ പ്രവ‍‍‍‍ർത്തിക്കുന്നത് എന്ന് വിശദമാക്കാമോ?

ഈ സർക്കാർ അധികാരത്തിൽ വന്നതിന് ശേഷം നാളിതുവരെ പാറശാല മണ്ഡലത്തിൽ വിവിധ പഞ്ചായത്തുകളിലെ കർഷകരിൽ നിന്നും എത്ര നെല്ല് സംഭരിച്ചിട്ടുണ്ടെന്ന് സീസൺ അടിസ്ഥാനത്തിൽ പഞ്ചായത്ത് തിരിച്ച് വിവരം വ്യക്തമാക്കാമോ;

നെല്ല് സംഭരണവുമായി ബന്ധപ്പെട്ട് നാളിതുവരെ മണ്ഡലത്തിലെ കർഷകർക്ക് എത്ര രൂപ കൊടുത്ത് തീർത്തിട്ടുണ്ടെന്നും ഇനി എത്ര കൊടുക്കാനുണ്ടെന്നും നെല്ല് സംഭരിച്ച വകയിൽ കേന്ദ്ര സർക്കാരിൽ നിന്ന് എത്ര രൂപ ലഭിക്കാനുണ്ടെന്നും വിശദമാക്കാമോ;

പാറശാല മണ്ഡലത്തിലെ കൊല്ലയിൽ ഗ്രാമപഞ്ചായത്ത് കളത്തറയ്ക്കൽ നെൽപാടശേഖരസമിതി 17.04.2024-ന് പി.ആ‍ർ.എസ് നമ്പർ 2233036805 ആയി കയറ്റിവിട്ട 28324 കിലോ നെല്ലിന് ലഭിക്കേണ്ട തുക പൂർണ്ണമായും നാളിതുവരെ ലഭിച്ചിട്ടില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ; പ്രസ്തുത തുക ലഭ്യമാക്കാൻ ആവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

ഈ സർക്കാര്‍ കാലയളവില്‍ അഴീക്കോട് മണ്ഡലത്തിലെ അഞ്ചു പഞ്ചായത്തുകളിലും രണ്ടു കോർപ്പറേഷൻ സോണുകളിലുമായി ഭക്ഷ്യപൊതുവിതരണ രംഗം ശക്തിപ്പെടുത്തുന്നതിനായി സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ?

കല്ല്യാശ്ശേരി മണ്ഡലത്തില്‍ എവിടെയെല്ലാമാണ് കെ-സ്റ്റോറുകള്‍ ആരംഭിച്ചിട്ടുള്ളതെന്ന് വിശദമാക്കാമോ?

ഭക്ഷ്യ പൊതുവിതരണ വകുപ്പിന് കേന്ദ്രസർക്കാർ എത്ര തുക വീതം നല്കാനുണ്ടെന്ന് ഇനം തിരിച്ചു വിശദമാക്കാമോ?

സംസ്ഥാന ഭക്ഷ്യ കമ്മീഷനെ സർക്കാർ പുനഃസംഘടിപ്പിച്ചിട്ടുണ്ടോ; ചെയർമാനും അംഗങ്ങളും ഉൾപ്പെടെ എത്ര പേരാണ് കമ്മിഷനിലുള്ളതെന്നും ഇവരുടെ സേവനവേതന വ്യവസ്ഥകൾ എപ്രകാരമാണെന്നും അറിയിക്കാമോ;

ഭക്ഷ്യ കമ്മീഷനിലെ അംഗങ്ങളുടെ ഒഴിവുകൾ നികത്താനുണ്ടോ; എങ്കിൽ എന്ന് മുതലാണ് ഒഴിവുകൾ ഉണ്ടായതെന്ന് അറിയിക്കുമോ; ആരൊക്കെയാണ് കാലാവധി പൂർത്തിയാക്കി ഒഴിവായതെന്ന് വ്യക്തമാക്കാമോ;

ഭക്ഷ്യ കമ്മീഷൻ പുനഃസംഘടിപ്പിച്ചശേഷം നടത്തിയ പ്രവർത്തനങ്ങൾ വ്യക്തമാക്കുമോ; കമ്മീഷൻ എത്ര കേസുകൾ തീർപ്പാക്കിയെന്നും അവശേഷിക്കുന്നവ എത്രയാണെന്നും അറിയിക്കാമോ; കമ്മീഷൻ സ്വമേധയാ എത്ര കേസുകൾ രജിസ്റ്റർ ചെയ്തുവെന്ന് വ്യക്തമാക്കാമോ;

സംസ്ഥാന ഭക്ഷ്യ കമ്മീഷനിൽ എത്ര ജീവനക്കാരാണുള്ളതെന്ന് അറിയിക്കാമോ; ഇവർ അന്യത്ര സേവന വ്യവസ്ഥയിൽ സർക്കാർ വകുപ്പുകളിൽ നിന്ന് എത്തിയവരാണോ കമ്മീഷൻ നേരിട്ടു നിയമിച്ചവരാണോ എന്നത് വ്യക്തമാക്കാമോ;

കമ്മീഷൻ എത്ര വാഹനങ്ങളാണ് ഉപയോഗിക്കുന്നതെന്ന് അറിയിക്കാമോ; ഇവ സ്വന്തം വാഹനങ്ങളാണോ കരാർ അടിസ്ഥാനത്തിൽ ഉള്ളതാണോ; വിശദാംശങ്ങൾ നൽകാമോ?;

കമ്മീഷന്റെ വാഹനങ്ങൾ ഓടിക്കാൻ പുതുതായി ഡ്രൈവർമാരെ നിയമിച്ചിട്ടുണ്ടോ; എങ്കിൽ നിയമന നടപടികൾ വ്യക്തമാക്കാമോ; മുൻപ് ഉണ്ടായിരുന്ന ഡ്രൈവർമാരെ മാറ്റിയതിന്റെ കാരണം അറിയിക്കാമോ ?

ഉപഭോക്തൃ തർക്ക പരിഹാര കമ്മീഷന്റെ സംസ്ഥാന തലത്തിലും ജില്ലാ തലത്തിലുമുള്ള ഓഫീസുകളിൽ എത്ര പരാതികൾ തീർപ്പാക്കാനുണ്ടെന്ന് ജില്ല തിരിച്ചും വർഷം തിരിച്ചും വ്യക്തമാക്കാമോ; വിശദാംശങ്ങൾ ലഭ്യമാക്കാമോ;

എത്ര നാളിനകം പരാതികളിന്മേൽ തീർപ്പ് കൽപ്പിക്കണമെന്നാണ് വ്യവസ്ഥ ചെയ്തിട്ടുള്ളതെന്ന് വ്യക്തമാക്കാമോ;

കമ്മിഷനിൽ നിയമിക്കുന്നതിനു മുൻപായി ജീവനക്കാർക്ക് പ്രത്യേക പരിശീലനം നൽകാറുണ്ടോ; വിശദമാക്കാമോ?

ഈ സർക്കാർ അധികാരത്തിൽ വന്ന ശേഷം സംസ്ഥാനത്ത് എത്ര പെട്രോൾ പമ്പുകളിൽ പരിശോധന നടന്നിട്ടുണ്ട്; താലൂക്കടിസ്ഥാനത്തിൽ വിശദാംശം നല്‍കുമോ;

ഏതെല്ലാം പെട്രോൾ പമ്പുകളിൽ ക്രമക്കേടുകൾ കണ്ടെത്തിയിട്ടുണ്ട്; അവയ്ക്കെതിരെ എന്തു നടപടിയാണ് സ്വീകരിച്ചതെന്നുള്ള വിശദാംശം താലൂക്കടിസ്ഥാനത്തിൽ ലഭ്യമാക്കാമോ;

പെട്രോൾ പമ്പുകളിൽ ഉപഭോക്താക്കൾക്കും പൊതുജനങ്ങൾക്കും കുടിവെള്ളം, സുരക്ഷിതവും സൗകര്യപ്രദവുമായ സ്ഥലത്ത് വൃത്തിയുള്ളതും അടച്ചുറപ്പുള്ളതും ഉള്ളിൽ വെളിച്ചമുള്ളതുമായ ടോയ്‍ലെറ്റ് സൗകര്യം എന്നിവ ഉറപ്പാക്കുന്നതിലും ഇവ ലഭ്യമാണെന്ന ബോർഡ് പ്രദർശിപ്പിക്കുന്നതിനും നിലവിൽ സ്വീകരിച്ചു വരുന്ന നടപടി വിശദീകരിക്കാമോ;

പൊതുജനങ്ങൾക്ക് മേൽ പറഞ്ഞ സൗകര്യങ്ങൾ ലഭ്യമാക്കാത്ത പെട്രോള്‍ പമ്പുകൾക്കെതിരെ എന്തു നടപടിയാണ് സ്വീകരിച്ചു വരുന്നതെന്ന് വിശദീകരിക്കുമോ?

ഈ സര്‍ക്കാരിന്റെ കാലയളവില്‍ ആലത്തൂര്‍ മണ്ഡലത്തില്‍ ലീഗല്‍ മെട്രോളജി വിഭാഗം നടത്തിയ പരിശോധനകള്‍ എത്രയാണെന്ന് വിശദമാക്കാമോ; അതില്‍ എത്ര നിയമലംഘനങ്ങള്‍ നടത്തിയതായി കണ്ടെത്തിയിട്ടുണ്ടെന്നും എത്ര തുക പിഴ ഈടാക്കിയിട്ടുണ്ടെന്നും വിശദമാക്കുമോ;

റമദാന്‍, വിഷു, ഓണം പോലുള്ള ഉത്സവകാലത്ത് ആലത്തൂരില്‍ നടത്തിയ പ്രത്യേക പരിശോധന റെയ്‌ഡുകളിൽ എത്ര വ്യാപാരികള്‍ക്കെതിരെയാണ് നടപടി സ്വീകരിച്ചിരിക്കുന്നതെന്ന് വിശദമാക്കാമോ?