നാലാം ഭരണപരിഷ്കാര കമ്മീഷന്റെ നാലാം ശിപാര്‍ശ പ്രകാരം സ.ഉ.(കൈ) 24/2024/പി&എ.ആർ.ഡി. തീയതി 09/12/2024 ഉത്തരവ് പ്രകാരം സബോര്‍ഡിനേറ്റ് സര്‍വീസിലും സ്റ്റേറ്റ് സര്‍വീസിലും ജീവനക്കാര്‍ക്ക് ഒരു പ്രൊബേഷന്‍ എന്നുള്ള ശിപാര്‍ശ നടപ്പാക്കാനുള്ള നടപടി സ്വീകരിച്ചിട്ടുണ്ടോ; എങ്കില്‍ അതിന്റെ നിലവിലെ സ്ഥിതി വിശദീകരിക്കാമോ;

എത്ര സമയത്തിനുള്ളില്‍ ഇതുമായി ബന്ധപ്പെട്ട പരിശോധന പൂര്‍ത്തീകരിച്ച് നടപടി സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

പ്രസ്തുത ശിപാര്‍ശ നടപ്പാക്കുന്നതിന് എന്തെങ്കിലും സാങ്കേതിക തടസ്സം ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്നശേഷം ഏതൊക്കെ വകുപ്പുകളിൽ എത്ര കോൺക്ലേവുകൾ നടത്തിയിട്ടുണ്ട്; കണക്കുകൾ ലഭ്യമാക്കാമോ;

ഓരോ വകുപ്പുകളും ഏതൊക്കെ വർഷങ്ങളിൽ എന്തൊക്കെ വിഷയത്തിൽ കോൺക്ലേവുകൾ നടത്തി എന്നുള്ളതിന്റെ വിശദാംശങ്ങൾ ലഭ്യമാക്കാമോ;

പ്രസ്തുത കോൺക്ലേവുകൾക്കായി ഓരോ വകുപ്പുകളും എത്ര തുക വീതം ചെലവഴിച്ചു എന്നുള്ളതിന്റെ കണക്ക് ഇനം തിരിച്ച് ലഭ്യമാക്കാമോ;

ഓരോ വകുപ്പിലും കോൺക്ലേവ് നടത്തിയപ്പോൾ സ്പോൺസർഷിപ്പ് ഇനത്തിൽ ഏതൊക്കെ കമ്പനിയിൽ നിന്നും തുക കൈപ്പറ്റിയിട്ടുണ്ട്; വിശദമായ വിവരങ്ങൾ ലഭ്യമാക്കാമോ;

പ്രസ്തുത തുക സൂക്ഷിക്കുന്നതിനും വിനിയോഗിക്കുന്നതിനുമായി ബാങ്ക് അക്കൗണ്ട് തുടങ്ങുന്നതിനായി എല്ലാ വകുപ്പുകളും ധനകാര്യ വകുപ്പിൽനിന്നും അനുമതി വാങ്ങിയിരുന്നോ; എങ്കിൽ അനുമതി ലഭിച്ച വകുപ്പുകളുടെ വിശദവിവരങ്ങളും ധനവകുപ്പ് നൽകിയ അനുമതി ഉത്തരവിന്റെ പകർപ്പുകളും ഉൾപ്പെടെയുള്ള വിശദാംശങ്ങൾ ലഭ്യമാക്കാമോ?

ബഹുമാനപ്പെട്ട കേരള ഹൈക്കോടതിയുടെ 2020 ജൂൺ 22ലെ WP(C) 1464 of 2019 നമ്പർ കേസിലെ വിധി അനുസരിച്ച് നിർദേശം ഉണ്ടായിട്ടും ചക്കാല നായർ സമുദായത്തിന് ഹോമിയോ കോളേജ്, ആർട്സ് ആൻഡ് സയൻസ് കോളേജ് അനുവദിച്ചു നൽകുന്ന കാര്യത്തിൽ തീരുമാനമെടുത്തിട്ടില്ല എന്ന കാര്യം ഗൗരവത്തോടെ കാണുന്നുണ്ടോ; വ്യക്തമാക്കുമോ;

ചക്കാല നായർ സമുദായത്തിന് ഹോമിയോ കോളേജ്, ആർട്സ് ആൻഡ് സയൻസ് കോളേജ് എന്നിവ അനുവദിച്ചു നൽകുന്നതിന് നടപടി സ്വീകരിക്കുമോ; വ്യക്തമാക്കുമോ?

ഈ സർക്കാർ അധികാരമേറ്റശേഷം റീബിൽഡ് കേരള പദ്ധതിയിൽ ഉള്‍പ്പെടുത്തി ഒറ്റപ്പാലം മണ്ഡലത്തിൽ ഏതെല്ലാം പദ്ധതികൾ അനുവദിച്ചിട്ടുണ്ടെന്നും അവയുടെ തുക എത്രയൊക്കെയാണെന്നും വിശദമാക്കാമോ?

നിലവിലെ സർക്കാർ അധികാരത്തില്‍ വന്നശേഷം റീബില്‍ഡ് കേരള പദ്ധതിയില്‍ ഉള്‍പ്പെടുത്തി നടപ്പാക്കിയ പദ്ധതികള്‍ എന്തെല്ലാമെന്ന് വിശദമാക്കാമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തിയ തൃക്കൂര്‍ ഗ്രാമപഞ്ചായത്തിലെ എസ്. എം. എസ്. റോഡിന്റെ മൂന്നാം ഘട്ട നിര്‍മ്മാണത്തിനായി അനുമതി ലഭ്യമാക്കാമോ;

റീബില്‍ഡ് കേരള പദ്ധതിയുടെ ഭാഗമായി പുതിയ പ്രൊപ്പോസലുകള്‍ ഏറ്റെടുത്ത് നടപ്പാക്കുന്നതിനുള്ള നടപടി സ്വീകരിക്കുന്നുണ്ടോ; വ്യക്തമാക്കാമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി കുന്നത്തുനാട് മണ്ഡലത്തില്‍ നടപ്പാക്കുന്ന പദ്ധതികൾ ഏതെല്ലാമെന്ന് വ്യക്തമാക്കാമോ;

പ്രസ്‌തുത പദ്ധതികളിൽ ഓരോ പദ്ധതിക്കും അനുവദിച്ചിട്ടുള്ള തുക എത്രയെന്നും നിലവിലെ സ്ഥിതിയെന്തെന്നും വ്യക്തമാക്കാമോ;

പ്രസ്‌തുത പദ്ധതികളിൽ പൂര്‍ത്തീകരിക്കാത്തവ എന്നത്തേക്ക് പൂര്‍ത്തീകരിക്കാനാകുമെന്ന് വ്യക്തമാക്കാമോ?

ഒന്നാം ലോക കേരളസഭയുടെ ശിപാര്‍ശ പ്രകാരം ആരംഭിച്ച ഒ. കെ. ഐ. എച്ച്. (ഓവർസീസ് കേരളൈറ്റ്സ് ഇൻവെസ്റ്റ്മെന്റ് ആന്‍ഡ് ഹോൾഡിംഗ്) എന്ന കമ്പനിയുടെ കീഴില്‍ അന്താരാഷ്ട്ര നിലവാരത്തില്‍ റസ്റ്റ്സ്റ്റോപ്പുകള്‍ ആരംഭിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

ആലപ്പുഴ മണ്ഡലത്തില്‍ പ്രസ്തുത പദ്ധതി നടപ്പാക്കുന്നതിനായി എന്തൊക്കെ നടപടികളാണ് നാളിതുവരെ സ്വീകരിച്ചിട്ടുള്ളത്; വ്യക്തമാക്കാമോ?

ഭരണസിരാകേന്ദ്രമായ സെക്രട്ടേറിയറ്റിൽ തൊഴിൽ നിയമങ്ങൾ ലംഘിക്കുന്നത് ശ്രദ്ധയിൽപ്പെട്ടിട്ടുണ്ടോയെന്ന് അറിയിക്കാമോ;

പങ്കാളിത്ത പെൻഷൻ പദ്ധതി പ്രകാരം വിരമിച്ച ജീവനക്കാർക്ക് 1972-ലെ പേയ്‌മെന്റ് ഓഫ് ഗ്രാറ്റുവിറ്റി ആക്ടിന്റെ അടിസ്ഥാനത്തിലുള്ള ഗ്രാറ്റുവിറ്റി നിഷേധിക്കുന്നതായി ശ്രദ്ധയിൽപ്പെട്ടിട്ടുണ്ടോ;

ഇന്ത്യൻ പാർലമെന്റ് പാസാക്കിയ 1972-ലെ പേയ്‌മെന്റ് ഓഫ് ഗ്രാറ്റുവിറ്റി ആക്ടിന്റെ അടിസ്ഥാനത്തിൽ ഗ്രാറ്റുവിറ്റി അനുവദിക്കണമെന്ന ശ്രീമതി രത്നകുമാരിയുടെ അപേക്ഷ (സി എം ഒ 25009011) നിരസിച്ചതിന് കാരണമായ നിയമത്തിലെ വ്യവസ്ഥ അറിയിക്കാമോ; നിയമപിൻബലമില്ലാതെയാണ് പ്രസ്തുത അപേക്ഷ നിരസിച്ചതെങ്കില്‍ ബന്ധപ്പെട്ട ഉദ്യോഗസ്ഥർക്കെതിരെ നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്ത് നിലവില്‍ സിവില്‍ സര്‍വീസ് ഉദ്യോഗസ്ഥരുടെ കുറവ് ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

ഒരു വകുപ്പ് മേധാവിക്ക് ഒട്ടനവധി വകുപ്പുകളുടെ അധിക ചുമതലകള്‍ നല്‍കിയിട്ടുള്ള സാഹചര്യം ഒഴിവാക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

അഖിലേന്ത്യാ സര്‍വീസില്‍ കേരള കേഡറിലുള്ള എത്ര ഓഫീസര്‍മാര്‍ അന്യത്രസേവന വ്യവസ്ഥയില്‍ ജോലി ചെയ്തുവരുന്നുണ്ടെന്ന് അറിയിക്കുമോ;

സംസ്ഥാനത്ത് സിവില്‍ സര്‍വീസ് ഉദ്യോഗസ്ഥരുടെ കുറവുകള്‍ പരിഹരിക്കുന്നതിന് എന്തു നടപടി സ്വീകരിക്കുവാൻ ഉദ്ദേശിക്കുന്നുവെന്ന് വിശദമാക്കുമോ?

സംസ്ഥാനത്ത് സർക്കാർ ജീവനക്കാരുടെ സ്ഥലം മാറ്റവുമായി ബന്ധപ്പെട്ട് ഓൺലൈൻ സംവിധാനം നടപ്പിലാക്കിയിട്ടുണ്ടോ; എങ്കിൽ ഏതൊക്കെ വകുപ്പുകളിലാണ് നടപ്പിലാക്കിയിട്ടുള്ളതെന്നും ഏതു സോഫ്റ്റ് വെയർ ഉപയോഗിച്ചാണ് നടപ്പാക്കുന്നതെന്നും സ്പാർക്ക് മുഖേന നടപ്പിലാക്കുന്നവ ഏതൊക്കെയാണെന്നും വകുപ്പ് തിരിച്ചു അറിയിക്കാമോ;

ഓൺലൈൻ സംവിധാനം നടപ്പാക്കാത്ത വകുപ്പുകളിൽ അതിനുള്ള കാരണവും അത് പരിഹരിക്കുന്നതിന് സ്വീകരിച്ചിട്ടുള്ള നടപടികളും വിശദമാക്കാമോ?

ഗവണ്‍മെന്റ് സെക്രട്ടേറിയറ്റ് ഉൾപ്പെടെ സർക്കാർ സർവീസ്/പൊതുമേഖല/ അർദ്ധസർക്കാർ സ്ഥാപനങ്ങളിൽനിന്നും വിരമിച്ച ജീവനക്കാരെ 2016 മുതൽ 2025 വരെയുള്ള കാലയളവിൽ സർക്കാർ വകുപ്പുകളിലോ പൊതുമേഖലാ സ്ഥാപനങ്ങളിലോ അർദ്ധ സർക്കാർ സ്ഥാപനങ്ങളിലോ കരാർ അടിസ്ഥാനത്തിലോ സ്ഥിരനിയമനമായോ ഏതെങ്കിലും തസ്തികകളിൽ നിയമിച്ചിട്ടുണ്ടോ;

അപ്രകാരം നിയമിച്ചിട്ടുണ്ടെങ്കിൽ അവരുടെ പേര്, തസ്തിക, സ്ഥാപനം, കാലയളവ് എന്നിവ സംബന്ധിച്ച വിശദ വിവരങ്ങൾ ലഭ്യമാക്കുമോ;

സർക്കാർ, പൊതുമേഖല, അർദ്ധസർക്കാർ മേഖലയിൽ നിന്നും വിരമിച്ച എത്ര ജീവനക്കാർക്കാണ് 2016 -2025 വരെ പുനർനിയമനം നൽകിയിട്ടുള്ളത്; നൽകിയിട്ടുണ്ടെങ്കിൽ പ്രസ്തുത നിയമനം ലഭിച്ച ജീവനക്കാരുടെ പേര്, തസ്തിക, സ്ഥാപനം, കാലയളവ് തുടങ്ങിയ വിശദവിവരങ്ങൾ ലഭ്യമാക്കുമോ?

നിലവിലെ സർക്കാർ അധികാരത്തിൽ വന്നശേഷം വിരമിച്ച സിവിൽ സർവീസ് ഉദ്യോഗസ്ഥർക്ക് പുനർനിയമനം നൽകിയിട്ടുണ്ടോ; അതുവഴി സംസ്ഥാന സർക്കാരിനുവന്നിട്ടുളള ബാധ്യത കണക്കാക്കിയിട്ടുണ്ടോ; വിശദമാക്കാമോ;

ഇത്തരം പുനർനിയമനങ്ങൾ സംസ്ഥാന സർക്കാരിനുണ്ടാക്കിയ നേട്ടം എന്തെല്ലാമാണെന്ന് വിശദമാക്കുമോ?

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2, കമ്പ്യൂട്ടര്‍ അസിസ്റ്റന്റ് ഗ്രേഡ്-1, കമ്പ്യൂട്ടര്‍ അസിസ്റ്റന്റ് സീനിയര്‍ ഗ്രേഡ്, കമ്പ്യൂട്ടര്‍ അസിസ്റ്റന്റ് സെലക്ഷന്‍ ഗ്രേഡ്, ഓഫീസ് സൂപ്രണ്ട് തസ്തികകളില്‍ സെക്രട്ടേറിയറ്റിലെ വിവിധ വകുപ്പുകളില്‍ അനുവദനീയമായ എത്ര തസ്തികകള്‍ വീതമാണ് നിലവിലുള്ളതെന്ന് വ്യക്തമാക്കാമോ; ഇതില്‍ എത്ര ആളുകള്‍ ഇപ്പോള്‍ ജോലി ചെയ്യുന്നുണ്ടെന്നും എത്ര തസ്തികകള്‍ ഒഴിഞ്ഞു കിടക്കുന്നുണ്ടെന്നും അറിയിക്കാമോ; കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ പി.എസ്.സി.യ്ക്ക് റിപ്പോര്‍ട്ട് ചെയ്യാനുള്ള എത്ര ഒഴിവുകളാണ് നിലവിലുള്ളതെന്നും പറയാമോ;

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് തസ്തികയില്‍ നിന്നും സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ കാറ്റഗറി മാറ്റത്തിലൂടെ സെക്രട്ടേറിയറ്റ് അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്‍റ്, മറ്റ് തസ്തികകള്‍ എന്നിവയിലേക്ക് എത്രപേര്‍ മാറിയിട്ടുണ്ടെന്ന വിവരം വര്‍ഷവും തസ്തികയും തിരിച്ച് ലഭ്യമാക്കുമോ; ഇപ്രകാരം സെക്രട്ടേറിയറ്റ് കമ്പ്യൂട്ടര്‍ അസ്തിസ്റ്റന്റ് ഗ്രേഡ് 2 & 1 തസ്തികകളില്‍ എത്ര ഒഴിവുകളാണ് നിലവില്‍ വന്നതെന്നും, കാറ്റഗറി മാറ്റത്തിലൂടെ വന്ന കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലെ ഒഴിവുകള്‍ സമയബന്ധിതമായി പി.എസ്.എസി.യ്ക്ക് റിപ്പോര്‍ട്ട് ചെയ്തിട്ടുണ്ടോയെന്നും ഓരോ വര്‍ഷവും എത്ര ഒഴിവുകള്‍ വീതം റിപ്പോര്‍ട്ട് ചെയ്തിട്ടുണ്ടെന്നും വ്യക്തമാക്കാമോ;

ഇപ്രകാരം തസ്തിക മാറിയതിന്റെ അടിസ്ഥാനത്തില്‍ സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലുണ്ടായ ഒഴിവുകള്‍ ഈ വര്‍ഷങ്ങളില്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടില്ലെങ്കില്‍ ആയതിന്റെ കാരണം വ്യക്തമാക്കാമോ;

സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ വിരമിക്കല്‍ മൂലം സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ എത്ര ഒഴിവുകള്‍ ഉണ്ടായിട്ടുണ്ടെന്ന വിവരം വര്‍ഷം തിരിച്ച് ലഭ്യമാക്കുമോ; ഇതില്‍ എത്ര ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടെന്നും ഇനി എത്ര ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്യാനുണ്ടെന്നും വ്യക്തമാക്കാമോ;

സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ സെക്രട്ടേറിയേറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ നിന്നും ഗ്രേഡ്-1 ലേയ്ക്ക് സ്ഥാനക്കയറ്റം അനുവദിച്ചതിന്റെ അടിസ്ഥാനത്തില്‍ കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ എത്ര ഒഴിവുകള്‍ ഉണ്ടായിട്ടുണ്ടെന്ന് വ്യക്തമാക്കാമോ; ഈ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോ; എങ്കില്‍ ഒരോ വര്‍ഷവും എത്ര ഒഴിവുകള്‍ വീതമെന്നും ഇനി എത്ര ഒഴിവുകള്‍ പി.എസ്.സി യ്ക്ക് റിപ്പോര്‍ട്ട് ചെയ്യാനുണ്ടെന്നം വ്യക്തമാക്കാമോ;

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ നിലവില്‍ നിയമന നിരോധനം ഏര്‍പ്പെടുത്തിയിട്ടുണ്ടോ എന്ന് വ്യക്തമാക്കാമോ; കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലെ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ?

കഴിഞ്ഞ പത്തു വർഷക്കാലങ്ങളായി ന്യൂഡൽഹി ട്രാവൻകൂർ പാലസിൽ നടപ്പാക്കിയിട്ടുള്ളതും നടന്നുവരുന്നതുമായ പ്രവൃത്തികൾ ഏതൊക്കെയെന്നും അവയുടെ നിർവഹണ ഏജൻസിയുടെയും ഭരണാനുമതിയുടെയും വിവരങ്ങളും വ്യക്തമാക്കുമോ;

ഇപ്രകാരം പൂർത്തീകരിച്ചതും നടപ്പാക്കി കൊണ്ടിരിക്കുന്നതുമായ വർക്കുകൾ സംബന്ധിച്ച കണക്കുകൾ അക്കൗണ്ടന്റ് ജനറലിന്റെ ഓഡിറ്റിങ്ങിന് വിധേയമാക്കിയിട്ടുണ്ടോ; എങ്കിൽ വിശദവിവരങ്ങൾ അറിയിക്കാമോ;

ട്രാവൻകൂർ പാലസിലെ പ്രവൃത്തികൾ ഏജൻസികൾക്ക് നൽകുന്നത് ടെൻഡർ അക്രഡിറ്റഡ് ഏജൻസി വഴിയാണോ; വ്യക്തമാക്കാമോ; ഇപ്രകാരം പൂർത്തീകരിക്കപ്പെട്ട പ്രവൃത്തികൾ ഏതെന്നും പൂർത്തികരിച്ച തീയതിയെന്നാണെന്നും അറിയിക്കാമോ;

ഇവിടെ നടപ്പാക്കേണ്ട പ്രവൃത്തികൾ വിഭാവനം ചെയ്യുന്നതിനും പ്രോജക്ട് തയ്യാറാക്കി ശിപാർശ ചെയ്യുന്നതിനും ഏതെങ്കിലും സർക്കാർ/സ്വകാര്യ ഏജൻസിയുടെ സഹായം തേടിയിട്ടുണ്ടോ; ഇപ്രകാരമുള്ള പദ്ധതികൾ വിഭാവനം ചെയ്യുന്നത് മലയാളികൾക്ക് ഉപകാരപ്പെടുന്ന രീതിയിലാണെന്ന് ഉറപ്പാക്കുന്നതിന് എന്ത് സംവിധാനമാണുള്ളത്‌; വ്യക്തമാക്കാമോ?

ആശ്രിതനിയമനത്തിലെ വ്യവസ്ഥകള്‍ പരിഷ്കരിക്കുന്നതിന് എന്തു നടപടിയാണ് സ്വീകരിച്ചിട്ടുള്ളത്; വിശദമാക്കാമോ?

സംസ്ഥാന കേഡറിലുള്ള എത്ര ഐ. എ. എസ്‌., ഐ. പി. എസ്‌. ഉദ്യോഗസ്ഥർ കേന്ദ്ര ഡെപ്യൂട്ടേഷനിൽ പോയിട്ടുണ്ടെന്നും അവർ ആരൊക്കെയാണെന്നുമുള്ള വിശദാംശം നൽകാമോ;

കേന്ദ്ര സർവീസിൽ നിയമനം ലഭിക്കുന്നതിന് വിജിലൻസ് ക്ലിയറൻസ് റിപ്പോർട്ട് ആവശ്യമുണ്ടോ; എങ്കിൽ 2024 ജനുവരിക്ക് ശേഷം ഇതിനായി ഏതെല്ലാം ഐ. പി. എസ്‌. ഉദ്യോഗസ്ഥർ അപേക്ഷ നൽകിയിട്ടുണ്ട്; ആർക്കൊക്കെ വിജിലൻസ് ക്ലിയറൻസ് നൽകാതിരുന്നിട്ടുണ്ട്; വിശദമാക്കുമോ;

പ്രസ്തുത ഉദ്യോഗസ്ഥർക്ക് വിജിലൻസ് ക്ലിയറൻസ് റിപ്പോർട്ട് നൽകാതിരിക്കാനുള്ള കാരണം എന്താണെന്ന് വിശദമായി വ്യക്തമാക്കുമോ?

ഇടുക്കിയുടെ സമഗ്ര വികസനം ലക്ഷ്യമിട്ട് 12,000 കോടി രൂപയുടെ ഇടുക്കി പാക്കേജില്‍ നാളിതുവരെ എത്ര രൂപ ചെലവഴിച്ചിട്ടുണ്ട്; വിശദാംശം നല്‍കാമോ;

ഈ പാക്കേജില്‍ ഉള്‍പ്പെടുത്തി വിവിധ വകുപ്പുകളിലായി നടപ്പിലാക്കിയ പ്രവൃത്തികളുടെ വിശദാംശം നല്‍കാമോ?

സംസ്ഥാനത്ത് റീബിൽഡ് കേരള പദ്ധതി പ്രകാരം നാളിതുവരെ നൽകിയ തുക മണ്ഡല അടിസ്ഥാനത്തിൽ ലഭ്യമാക്കാമോ?

റീബില്‍ഡ് കേരള പദ്ധതിയിൽ ഉള്‍പ്പെടുത്തി കോതമംഗലം മണ്ഡലത്തില്‍ ഏതെല്ലാം പദ്ധതികളാണ് നടപ്പിലാക്കുവാന്‍ തീരുമാനിച്ചിട്ടുള്ളത്; പ്രസ്തുത പദ്ധതികളുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

പ്രസ്തുത പദ്ധതികള്‍ അടിയന്തരമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോയെന്ന് അറിയിക്കാമോ?

2011-2016 സർക്കാരിന്റെ കാലഘട്ടത്തിൽ എക്കണോമിക്സ് ആന്റ് സ്റ്റാറ്റിസ്റ്റിക്സ് വകുപ്പിന് കീഴിൽ 2015-ൽ പ്രവർത്തനമാരംഭിച്ച സ്റ്റേറ്റ് അക്കാഡമി ഓൺ സ്റ്റാറ്റിസ്റ്റിക്കൽ അഡ്മിനിസ്ട്രേഷൻ (എസ്.എ.എസ്.എ.) എന്ന സ്ഥാപനത്തെ ഡേറ്റ റിസർച്ച് ആൻഡ് അനാലിസിസ് കേന്ദ്രമാക്കി ഉയർത്തണമെന്ന 21/01/2025-ൽ 54/എല്‍ഒപി/2025 നമ്പർ കത്ത് പ്രകാരമുള്ള പ്രതിപക്ഷ നേതാവിന്റെ ആവശ്യത്തിന്മേൽ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ?

കേരള സ്റ്റേറ്റ് കൗൺസിൽ ഫോർ സയൻസ്, ടെക്‌നോളജി ആൻഡ് എൻവയോൺമെന്റ് (കെ . എസ്. സി. എസ്. ടി. ഇ. )ന്റെ കീഴില്‍ കേരളത്തില്‍ എത്ര സയന്‍സ് പാര്‍ക്കുകളാണ് നിലവിലുള്ളതെന്നും ഏതൊക്കെ ജില്ലയിലാണ് ഇവ സ്ഥിതി ചെയ്യുന്നതെന്നും വിശദമാക്കാമോ;

ശാസ്ത്ര പഠനത്തിനും ഗവേഷണത്തിനും ഉതകുന്ന രീതിയില്‍ മറ്റ് ജില്ലകളില്‍ കൂടി സയന്‍സ് പാര്‍ക്കുകള്‍ ആരംഭിക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നത് എന്ന് വ്യക്തമാക്കാമോ;

പ്രസ്തുത സയന്‍സ് പാര്‍ക്കുകളില്‍ നൂതന സാങ്കേതികവിദ്യകളായ വെര്‍ച്വല്‍ റിയാലിറ്റി, ആര്‍ട്ടിഫിഷ്യല്‍ ഇന്റലിജന്‍സ് എന്നീ സംവിധാനങ്ങള്‍ ഒരുക്കിയിട്ടുണ്ടോ; എങ്കില്‍ അവയുടെ വിശദവിവരം ലഭ്യമാക്കാമോ;

പ്രസ്തുത സ്ഥാപനം വഴി ഓരോ നിയോജക മണ്ഡലത്തിലെയും ഓരോ സ്കൂളുകളിലെങ്കിലും സയന്‍സ് പാര്‍ക്കുകള്‍ ആരംഭിക്കുവാന്‍ സര്‍ക്കാര്‍ നടപടി സ്വീകരിക്കുമോ; വ്യക്തമാക്കാമോ?

എറണാകുളത്തെ നിരവധി ഫ്ലാറ്റുകളിൽ സീവേജ് ട്രീറ്റ്മെന്റ് പ്ലാന്റുകൾ സ്ഥാപിക്കാത്തതിനാൽ വൈദ്യുതി ബന്ധം വിച്ഛേദിക്കണമെന്ന് കാണിച്ചുകൊണ്ട് പൊലൂഷൻ കൺട്രോൾ ബോർഡ് വൈദ്യുതി ബോർഡിന് നിർദ്ദേശം നൽകിയിട്ടുള്ളത് ശ്രദ്ധയിൽപ്പെട്ടിട്ടുണ്ടോ; വെറും ഏഴു ദിവസത്തെ സാവകാശം മാത്രം നൽകിയാണ് ഇപ്രകാരം ഇപ്പോൾ നിർദേശം നൽകിയതെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കനാല്‍ റീജനറേഷന്‍ പദ്ധതിയുടെ ഭാഗമായി നഗരത്തില്‍ കേന്ദ്രീകൃത എസ്. ടി. പി. സ്ഥാപിക്കുന്നതിന് പദ്ധതിയുണ്ടോ എന്നതറിയിക്കുമോ; ഈ പദ്ധതിയില്‍ ഈ ഫ്ലാറ്റുകളെക്കൂടി ഉള്‍പ്പെടുത്തുന്നതിന് നടപടി സ്വീകരിക്കുമോ; അല്ലെങ്കില്‍ സീവേജ് പ്ലാന്റുകൾ സ്ഥാപിക്കുന്നതിനായി മതിയായ സാവകാശം അനുവദിച്ച് മലിനീകരണ നിയന്ത്രണ ബോര്‍ഡിന്റെ നിര്‍ദേശം നടപ്പിലാക്കുന്നതിന് സാവകാശം നൽകുന്നതിന് നടപടിയെടുക്കുമോ; വ്യക്തമാക്കാമോ?

2016 മെയ് മാസത്തിന് ശേഷം സംസ്ഥാനത്ത് എത്ര പി. എസ്. സി. റാങ്ക് പട്ടികകളുടെ കാലാവധി നീട്ടി നല്‍കിയിട്ടുണ്ട്; കാലാവധി നീട്ടി നല്‍കിയതിന്റെ അടിസ്ഥാനത്തില്‍ എത്ര ഉദ്യോഗാര്‍ത്ഥികള്‍ക്ക് നിയമന ശിപാര്‍ശ നല്‍കാന്‍ കഴിഞ്ഞിട്ടുണ്ട്; വിശദാംശം ലഭ്യമാക്കുമോ;

ഒരു ഉദ്യോഗാര്‍ത്ഥിയ്ക്ക് പോലും നിയമന ശിപാര്‍ശ നല്‍കാത്ത എത്ര റാങ്ക് പട്ടികകള്‍ 2016 മെയ് മാസത്തിന് ശേഷം കാലഹരണപ്പെട്ടിട്ടുണ്ട്; ഏതെല്ലാം റാങ്ക് പട്ടികകളാണ് ഇത്തരത്തില്‍ കാലഹരണപ്പെട്ടത്; വിശദാംശം ലഭ്യമാക്കുമോ;

ഈ കാലയളവിനുള്ളില്‍ നിലവില്‍ വന്ന സിവില്‍ പോലീസ് ഓഫീസര്‍മാരുടെ റാങ്ക് പട്ടികകളില്‍ ഓരോ ജില്ലയിലും എത്ര ഉദ്യോഗാര്‍ത്ഥികളെ വീതമാണ് ഓരോ വര്‍ഷവും ഉള്‍പ്പെടുത്തിയിരുന്നത്; അതില്‍ ഓരോ റാങ്ക് പട്ടികയില്‍ നിന്നും എത്ര പേര്‍ക്ക് നിയമന ശിപാര്‍ശ നല്‍കാന്‍ കഴിഞ്ഞിട്ടുണ്ട്; വര്‍ഷം തിരിച്ചും ജില്ല തിരിച്ചുമുള്ള കണക്ക് ലഭ്യമാക്കുമോ;

ഒഴിവുകള്‍ നിലവിലില്ലാത്ത തസ്തികകളില്‍ റാങ്ക് പട്ടിക പ്രസിദ്ധീകരിക്കാറുണ്ടോ; എങ്കില്‍ ഈ കാലയളവില്‍ എത്ര റാങ്ക് പട്ടികകള്‍ വകുപ്പില്‍ നിന്നും യാതൊരു ഒഴിവും റിപ്പോര്‍ട്ട് ചെയ്യാതെ പ്രസിദ്ധീകരിച്ചിട്ടുണ്ടെന്നത് സംബന്ധിച്ച വിശദാംശം ലഭ്യമാക്കുമോ;

2016 മെയ് മാസത്തിന് ശേഷം സംസ്ഥാനത്ത് എത്ര ഉദ്യോഗാര്‍ത്ഥികള്‍ക്ക് നിയമന ശിപാര്‍ശ നല്കാൻ കഴിഞ്ഞിട്ടുണ്ട്; വര്‍ഷം തിരിച്ചുള്ള കണക്ക് ലഭ്യമാക്കുമോ?

ക്ലാർക്ക് ടൈപ്പിസ്റ്റ് /ടൈപ്പിസ്റ്റ് ക്ലാർക്ക് (വിവിധ വകുപ്പുകൾ) തസ്തികയിലേക്ക് നിലവിലുള്ള റാങ്ക് ലിസ്റ്റിൽ നിന്നും വളരെ പരിമിതമായി മാത്രമേ നിയമനങ്ങൾ നടക്കുന്നുള്ളൂവെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണം വ്യക്തമാക്കാമോ;

പ്രസ്തുത തസ്തിക തുടരേണ്ടതിന്റെ അനിവാര്യതയെക്കുറിച്ച് വകുപ്പുകളിൽ പ്രവൃത്തി പഠനം നടക്കുന്നതിനാൽ അതു പൂർത്തിയാകുന്നത് വരെ 21-08-2025 -ലെ ഉപ. സി3/59/2024/പി & എ. ആർ. ഡി. നമ്പർ കത്ത് പ്രകാരം പി.എസ്. സി. പുതിയ നോട്ടിഫിക്കേഷൻ വിളിക്കാത്ത സാഹചര്യത്തിൽ നിലവിലുള്ള റാങ്ക് ലിസ്റ്റിൽ നിന്നും പരമാവധി നിയമനം നടത്തുന്നതിന് വേണ്ട നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ?

വകുപ്പ് മേധാവികൾക്കോ ഉയർന്ന ഉദ്യോഗസ്ഥർക്കോ താൽപര്യമില്ലാത്ത സർക്കാർ ജീവനക്കാരുടെ പ്രൊമോഷനും മറ്റ് ആനുകൂല്യങ്ങളും നിയമവിരുദ്ധമായി തടയുന്നത് നിയന്ത്രിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കാമോ;

ഇത്തരം സംഭവങ്ങൾ ആവർത്തിക്കാതിരിക്കാൻ സംസ്ഥാന തലത്തിൽ ഒരു ഉന്നത സമിതി രൂപീകരിക്കുന്നതിന് നടപടികൾ സ്വീകരിക്കുമോ; എങ്കിൽ വിശദാംശം ലഭ്യമാക്കാമോ;

ഇങ്ങനെ ലഭിക്കുന്ന അപേക്ഷകൾ രണ്ടു മാസത്തിനുള്ളിൽ തീർപ്പാക്കാൻ നടപടികൾ സ്വീകരിക്കാമോ; എങ്കിൽ വിശദവിവരം ലഭ്യമാക്കാമോ?

ആസൂത്രണ സാമ്പത്തികകാര്യ വകുപ്പിന് കീഴിലുള്ള സാമ്പത്തിക സ്ഥിതിവിവരകണക്ക് വകുപ്പിൽ 2009-ല്‍ സ്പെഷ്യൽ റൂൾ നിലവിൽ വന്നതിന് ശേഷവും അക്കൗണ്ട് ടെസ്റ്റ് പാസ്സാകാതെ പല ജീവനക്കാരും അനർഹമായി സ്ഥാനക്കയറ്റവും തുടർ സ്ഥാനക്കയറ്റങ്ങളും നേടിയതിനാൽ പ്രസ്തുത സീനിയോറിറ്റി ലിസ്റ്റിലെ അർഹതപ്പെട്ട ജീവനക്കാരുടെ അവകാശങ്ങൾ തടഞ്ഞുവയ്ക്കപ്പെട്ടു എന്നുള്ള അക്കൗണ്ടന്റ് ജനറലിന്റെ കണ്ടെത്തലുകള്‍ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ഇത്തരത്തില്‍ അക്കൗണ്ട് ടെസ്റ്റ് ലോവർ/ഹയർ പാസ്സാകാതെ സ്റ്റാറ്റിസ്റ്റിക്കൽ അസിസ്റ്റന്റ് ഗ്രേഡ് II/ഇൻവെസ്റ്റിഗേറ്റർ ഗ്രേഡ് II തസ്തികയിൽ സേവനമനുഷ്ഠിക്കുന്ന ചില ജീവനക്കാർക്ക് സ്റ്റാറ്റിസ്റ്റിക്കൽ അസിസ്റ്റന്റ് ഗ്രേഡ് I/ഇൻവെസ്റ്റിഗേറ്റർ ഗ്രേഡ് I തസ്തികയിലേക്കും തുടര്‍ന്നു റിസർച്ച് അസിസ്റ്റന്റ്/സ്റ്റാറ്റിസ്റ്റിക്കൽ ഇൻസ്പെക്ടർ/എക്സ്റ്റൻഷൻ ഓഫീസര്‍(പി&എം) തസ്തികയിലേക്കും അനർഹമായ സ്ഥാനക്കയറ്റം നൽകിയിട്ടുള്ളത് ഏത് റൂൾ/സർക്കാർ ഉത്തരവ് പ്രകാരമാണെന്നും അത്തരത്തില്‍ അനര്‍ഹമായ പ്രൊമോഷന്‍ നേടിയ ജീവനക്കാര്‍ ആരെല്ലാമാണെന്നും അറിയിക്കാമോ; പ്രസ്തുത ഉത്തരവുകളുടെ പകര്‍പ്പ് ലഭ്യമാക്കുമോ ;

സർക്കാർ ഉത്തരവ് പ്രകാരം ഇളവ് അനുവദിച്ചിരുന്ന 2013 ആഗസ്റ്റ് വരെ അക്കൗണ്ട് ടെസ്റ്റ് പാസ്സാകാത്ത സ്റ്റാറ്റിസ്റ്റിക്കൽ അസിസ്റ്റന്റ് ഗ്രേഡ് I/ഇൻവെസ്റ്റിഗേറ്റർ ഗ്രേഡ് I ജീവനക്കാരെ സ്റ്റാറ്റിസ്റ്റിക്കൽ അസിസ്റ്റന്റ് ഗ്രേഡ് II/ഇൻവെസ്റ്റിഗേറ്റർ ഗ്രേഡ് II തസ്തികയിലേക്ക് തരംതാഴ്ത്തുന്നതിനും അനർഹമായി കൈപ്പറ്റിയ ആനുകൂല്യങ്ങൾ റീഫണ്ട് ചെയ്യുന്നതിനും അക്കൗണ്ടന്റ് ജനറലിന്റെ പരാമർശ പ്രകാരം നടപടി സ്വീകരിച്ചിട്ടുണ്ടോ; ഇല്ലെങ്കില്‍ എന്താണ് കാരണമെന്ന് വിശദമാക്കാമോ;

ടെസ്റ്റ് പാസ്സാകുന്നതിന് സർക്കാർ ഉത്തരവ് പ്രകാരം ഇളവ് വാങ്ങിയവര്‍ക്ക് അക്കൗണ്ട് ടെസ്റ്റ് പാസ്സായ തീയതി മുതലാണോ ഗ്രേഡ്-I തസ്തികയിലേക്ക് സ്ഥാനക്കയറ്റത്തിന് അർഹതയുള്ളതെന്ന് വ്യക്തമാക്കാമോ;

പി. എസ്. സി. പരീക്ഷ എഴുതി ജോലിയിൽ പ്രവേശിക്കുന്ന ജീവനക്കാരില്‍ കുറച്ച് ജീവനക്കാർക്ക് മാത്രം അക്കൗണ്ട് ടെസ്റ്റ് പാസാകുന്നതില്‍ നിന്നും തുടർച്ചയായി ഇളവ് അനുവദിക്കുകയും പ്രൊമോഷന്‍ നല്കുകയും ചെയ്യുന്നതും മറ്റുള്ളവര്‍ക്ക് ഇളവ് അനുവദിക്കാത്തതും എന്തു അടിസ്ഥാനത്തിലാണെന്ന്/മാനദണ്ഡപ്രകാരമാണെന്ന് വ്യക്തമാക്കുമോ?

സാമ്പത്തിക സ്ഥിതിവിവരക്കണക്ക് വകുപ്പിൽ ക്ലറിക്കൽ തസ്തികയായ മിനിസ്റ്റീരിയൽ വിഭാഗം ജീവനക്കാർ നിർവഹിക്കേണ്ട ജോലികൾ അവരുടെ അഭാവത്തിൽ ടെക്നിക്കൽ കേഡറിലെ ജീവനക്കാർ നിർവഹിക്കുന്നതിന് ചുമതലപ്പെടുത്തിയിട്ടുണ്ടോ; ഉണ്ടെങ്കിൽ എന്ന് മുതലാണ് ഇത്തരമൊരു ഉത്തരവ് നൽകിയിട്ടുള്ളതെന്നും അതിന് ആധാരമായ സാഹചര്യം എന്തായിരുന്നുവെന്നും വ്യക്തമാക്കാമോ; ക്ലറിക്കൽ വിഭാഗം തസ്തികക്ക് യോഗ്യതയുള്ള നിരവധി ഉദ്യോഗാർത്ഥികളുള്ള സാഹചര്യത്തിൽ ഈ ഉത്തരവ് പരിഷ്‍കരിക്കുന്നതിന് നടപടി സ്വീകരിക്കാമോ;

സ്ഥിതി വിവരക്കണക്കുകൾ ക്രോഡീകരിക്കേണ്ട ടെക്നിക്കൽ കേഡറിലെ ജീവനക്കാർ ക്ലറിക്കൽ ജോലികളാണ് നിർവഹിക്കുന്നതെന്നും ഇതിന് മാത്രമായി ടെക്നിക്കൽ വിഭാഗം ജീവനക്കാർ ആവശ്യമില്ലെന്നും കാണിച്ച് ഉദ്യോഗസ്ഥ ഭരണപരിഷ്കാര വകുപ്പ് (എ.ആർ.4) ഏതെങ്കിലും റിപ്പോർട്ട് തയ്യാറാക്കി ശിപാർശ നൽകിയിട്ടുണ്ടോ; ഉണ്ടെങ്കിൽ ആയതിന്മേൽ സ്വീകരിച്ച നടപടികൾ എന്തൊക്കെയെന്ന് വ്യക്തമാക്കാമോ;

മറ്റു വകുപ്പുകളെ അപേക്ഷിച്ച് ക്ലറിക്കൽ വിഭാഗം ജീവനക്കാർക്ക് ചെയ്യാൻ പറ്റാത്ത എന്തെല്ലാം ജോലികളാണ് ക്ലർക്കിനെക്കാൾ ഉയർന്ന ശമ്പളത്തിലുള്ള ടെക്നിക്കൽ വിഭാഗം ജീവനക്കാർ ഈ വകുപ്പിൽ ചെയ്യുന്നതെന്നും വകുപ്പിലെ ഏതെല്ലാം ജോലികളാണ് നിലവിൽ അവരിൽ നിക്ഷിപ്‍തമാക്കിയിരിക്കുന്നതെന്നും വിശദീകരിക്കാമോ;

സർക്കാരിന്റെ എല്ലാ വകുപ്പുകളിലും ക്ലർക്ക് തസ്തികയിലെ ജോലിക്ക് പത്താം ക്ലാസ്സും അസിസ്റ്റന്റ് തസ്തികയിലെ ജോലിക്ക് ബിരുദവും നിശ്ചയിച്ചിട്ടും ഇതേ ജോലികൾ തന്നെ നിർവഹിക്കുന്ന സാമ്പത്തിക സ്ഥിതിവിവരക്കണക്ക് വകുപ്പിലെ ടെക്നിക്കൽ വിഭാഗം ജീവനക്കാർക്ക് നിശ്ചിത വിഷയങ്ങളിലുള്ള ബിരുദം യോഗ്യതയാക്കി നിശ്ചയിച്ചിരിക്കുന്നതിന്റെ മാനദണ്ഡം വ്യക്തമാക്കുമോ?

സംസ്ഥാനത്തെ വോട്ടർ പട്ടികയിൽ സ്പെഷൽ ഇന്റെൻസീവ് റിവിഷൻ നടത്താൻ കേന്ദ്ര തിരഞ്ഞെടുപ്പ് കമ്മീഷൻ തീരുമാനിച്ചിട്ടുണ്ടോ; ഇതു സംബന്ധിച്ച് തയാറെടുപ്പുകൾക്കായി എന്നാണ് ആദ്യമായി സംസ്ഥാനത്തിന് കത്തയച്ചതെന്ന് അറിയിക്കാമോ; ഇതേ തുടർന്ന് സ്വീകരിച്ച നടപടികൾ വിശദമാക്കാമോ;

സംസ്ഥാനത്ത് എസ്. ഐ. ആർ. ഇതിനു മുൻപ് പൂർണമായി നടന്നത് ഏതൊക്കെ വർഷങ്ങളിലാണ്; പ്രസ്‌തുത വോട്ടർ പട്ടിക പരിഷ്കരണം എന്തെല്ലാം രേഖകളുടെ അടിസ്ഥാനത്തിലാണ് നടത്തിയതെന്ന് അറിയിക്കുമോ;

പ്രസ്‌തുത പരിഷ്കരണങ്ങൾ എസ്. ഐ. ആർ. നടപടി ക്രമങ്ങൾ പാലിച്ചാണോ അതോ സാധാരണ വോട്ടർ പട്ടിക പരിഷ്കരണ നടപടികളനുസരിച്ചാണോ നടത്തിയതെന്ന് അറിയിക്കാമോ; പ്രസ്‌തുത വർഷങ്ങളിലെ എസ്. ഐ. ആർ. നടപടികൾ ബി. എൽ. ഒ.മാർ വീടുകൾ സന്ദർശിച്ചാണോ നടത്തിയതെന്ന് അറിയിക്കുമോ;

സംസ്ഥാനത്ത് ഏറ്റവും ഒടുവിൽ എസ്. ഐ. ആർ. നടന്നത് 2002-ലാണോ; പ്രസ്‌തുത പരിഷ്കരണം നടത്തിയത് എത്ര നാൾ നീണ്ട നടപടികളിലൂടെയാണെന്ന് അറിയിക്കാമോ; എന്നാണ് 2002ലെ എസ്. ഐ. ആർ. പട്ടിക പ്രസിദ്ധീകരിച്ചതെന്ന് വ്യക്തമാക്കാമോ;

ഈ പട്ടിക ഇപ്പോൾ കേരളത്തിലെ മുഖ്യ തിരഞ്ഞെടുപ്പ് ഓഫിസറുടെ വെബ്സൈറ്റിൽ പുനഃപ്രസിദ്ധീകരിച്ചിട്ടുണ്ടോ; എങ്കിൽ എന്നാണ് പുനഃപ്രസിദ്ധീകരിച്ചത്; ആയതുമായി ബന്ധപ്പെട്ട് നൽകിയ പ്രധാന അറിയിപ്പുകളും ഉത്തരവുകളും ലഭ്യമാക്കാമോ; പ്രസ്‌തുത വിവരം ജനങ്ങളെ അറിയിക്കാനായി സ്വീകരിച്ച നടപടികൾ അറിയിക്കാമോ;

എസ്. ഐ. ആർ. നടപടികൾക്കായി ഏതെങ്കിലും രേഖകൾ കൂടുതലായി ഉൾപ്പെടുത്തണമെന്ന് സംസ്ഥാന സർക്കാർ കേന്ദ്ര തിരഞ്ഞെടുപ്പ് കമ്മീഷന് കത്തെഴുതിയിട്ടുണ്ടോ; എങ്കിൽ അതിന്റെ വിവരങ്ങൾ നൽകാമോ;

ഇന്ത്യൻ പൗരത്വം ഉപേക്ഷിച്ച് സംസ്ഥാനത്തുനിന്ന് വിദേശത്തേക്കു കുടിയേറിയവരുടെ കണക്കുകളുണ്ടോ; എങ്കിൽ വിവരം ലഭ്യമാക്കുമോ; കേരളത്തിൽ കലക്ടർമാർ 2002-നുശേഷം ഇന്ത്യൻ പൗരത്വം നൽകിയത് എത്ര പേർക്കാണ്; ആയതിന്റെ നടപടിക്രമങ്ങൾ വിശദമാക്കാമോ;?

കോഴിക്കോട് സൈബർ പാർക്കിനോടനുബന്ധിച്ച് 2 വീട്ടുകാരുടെ ഭൂമി ഏറ്റെടുക്കുന്നതിൽ താമസം നേരിടുന്നത് ശ്രദ്ധയിൽപ്പെടിട്ടുണ്ടോ; വ്യക്തമാക്കാമോ;

ഈ വിഷയത്തിൽ ഇലക്ട്രോണിക്സ് & ഐ. ടി. വകുപ്പിൽ നിലവിലുള്ള A1 /37/2022 എന്ന ഫയലിൽ തീർപ്പുണ്ടാക്കുന്നതിന് സ്വീകരിച്ച നടപടികൾ വിശദമാക്കാമോ?

കെ-ഫോൺ പദ്ധതി പ്രകാരം അരൂർ മണ്ഡലത്തില്‍ എത്ര പേർക്ക് സൗജന്യ കണക്ഷൻ നല്കിയിട്ടുണ്ട് എന്നത് പഞ്ചായത്തടിസ്ഥാനത്തില്‍ വിശദമാക്കാമോ?

പുതിയ ആശയങ്ങളും സാങ്കേതികവിദ്യയും വിപണിയിലെത്തുന്നത് സമ്പദ്‌വ്യവസ്ഥയ്ക്കും സേവനമേഖലയ്ക്കും പുതു ഊർജ്ജമാകുമെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഐ. ടി. അധിഷ്ടിത സ്റ്റാർട്ടപ്പുകളുടെ ഉല്പന്നവികസനത്തിന് സഹായകരമായ ഗവേഷണം നടത്തുവാനും ഗവേഷണ സ്ഥാപനങ്ങളിൽ വികസിപ്പിച്ചെടുത്ത സാങ്കേതികവിദ്യകള്‍ സ്റ്റാർട്ടപ്പുകളുടെ സഹായത്തോടെ വിപണിയിലേക്ക് എത്തിക്കുന്നതിനും നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കേരള സ്റ്റാര്‍ട്ടപ്പ് മിഷന്റെ കീഴിൽ വിദ്യാർത്ഥി സംരംഭകരെ വാർത്തെടുക്കാനുള്ള പദ്ധതിയായി കോളേജുകള്‍ കേന്ദ്രീകരിച്ച് ഇന്നൊവേഷൻ ആൻഡ് എന്റർപ്രണർഷിപ്പ് ഡെവലപ്‌മെന്റ് സെന്ററുകൾ വികസിപ്പിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

പട്ടികജാതി, പട്ടികവർഗ വിഭാഗത്തിലെ യുവജനങ്ങളെ സംരംഭകരും തൊഴിൽദാതാക്കളുമായി മാറ്റാൻ സ്റ്റാർട്ടപ് സിറ്റി പദ്ധതി ആരംഭിച്ചിട്ടുണ്ടോ; വിശദമാക്കാമോ?

സംസ്ഥാനത്ത് നൽകിയ സൗജന്യ കെ-ഫോൺ കണക്ഷനുകളുടെയും ഇനി നൽകാൻ ബാക്കിയുളള സൗജന്യ കണക്ഷനുകളുടെയും കണക്ക് മണ്ഡലം തിരിച്ച് വ്യക്തമാക്കാമോ;

സംസ്ഥാനത്ത് കെ-ഫോൺ കണക്ഷൻ ഇനി നൽകാൻ ബാക്കിയുളള സർക്കാർ ഓഫീസുകളുടെ കണക്ക് മണ്ഡലം തിരിച്ച് വ്യക്തമാക്കാമോ;

സംസ്ഥാനത്ത് കെ-ഫോൺ കണക്ഷൻ നൽകിയ വിദ്യാഭ്യാസ സ്ഥാപനങ്ങളുടെ കണക്ക് മണ്ഡലം തിരിച്ച് വ്യക്തമാക്കാമോ; ഇനി എത്ര വിദ്യാഭ്യാസ സ്ഥാപനങ്ങൾക്ക് കെ-ഫോൺ കണക്ഷൻ നൽകാൻ ബാക്കിയുണ്ടെന്ന് മണ്ഡലം തിരിച്ച് വ്യക്തമാക്കാമോ;

വിദ്യാഭ്യാസ സ്ഥാപനങ്ങൾക്ക് കണക്ഷൻ സൗജന്യമാണോ എന്ന് വ്യക്തമാക്കാമോ?

ജനങ്ങൾക്ക് നൽകി വന്ന സർക്കാർ സേവനങ്ങളിൽ ഏതൊക്കെ സേവനങ്ങളാണ് 2021 വർഷം മുതൽ നാളിതുവരെയായി ഓൺലൈൻ മുഖാന്തിരം ലഭ്യമാക്കിയതെന്നത് വകുപ്പിന്റെ പേര് സഹിതം വിശദമാക്കാമോ?

ഡിജിറ്റൽ യൂണിവേഴ്‍സിറ്റി കേരള സർക്കാരുമായി യോജിച്ച് ഇന്ത്യയിൽ ആദ്യമായി കൈരളി ചിപ്പ് നിർമ്മിച്ചതായി പ്രഖ്യാപിച്ചിട്ടുണ്ടോ;

ഡിജിറ്റൽ യൂണിവേഴ്‍സിറ്റിക്ക് സെമികണ്ടക്ടർ ചിപ്പുകൾ രൂപകല്പന ചെയ്യാനും നിർമ്മിക്കാനും ആവശ്യമായ അടിസ്ഥാന സൗകര്യങ്ങൾ നിലവിലുണ്ടോയെന്ന് വ്യക്തമാക്കാമോ;

ഇല്ലെങ്കിൽ സെമികണ്ടക്ടർ കെ-ചിപ്പ് വിദേശത്ത് നിന്ന് ഇറക്കുമതി ചെയ്തതാണെന്ന ആക്ഷേപം സർക്കാരിന്റെ ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

സ്വന്തമായി ചിപ്പ് നിർമ്മാണത്തിന് മേൽനോട്ടം വഹിച്ച യൂണിവേഴ്സിറ്റിയിലെ ഒരു പ്രൊഫസർക്ക് മുഖ്യമന്ത്രിയുടെ കീഴിലുള്ള ഇൻഫർമേഷൻ ടെക്നോളജി വകുപ്പ് 25 ലക്ഷം രൂപ പാരിതോഷികമായി അനുവദിച്ചിട്ടുണ്ടോയെന്ന് അറിയിക്കാമോ;

കേരളം ആദ്യമായി കൈവരിച്ച കെ-ചിപ്പ് നിർമ്മാണ നേട്ടത്തിന് ദേശീയതലത്തിൽ അംഗീകാരം ലഭിച്ചിട്ടുണ്ടോ; ഇല്ലെങ്കിൽ എന്തുകൊണ്ടെന്ന് വ്യക്തമാക്കാമോ?

സി. സി. ടി. വി. ഉൾപ്പെടെയുള്ള സെക്യൂരിറ്റി സിസ്റ്റം മേഖലയിൽ രജിസ്റ്റേർഡ് സംഘടനകൾ ഉണ്ടെങ്കിലും സർക്കാരിലെ ഏതെങ്കിലും സംവിധാനങ്ങളുമായി അവർക്ക് അഫിലിയേറ്റ് ചെയ്യുവാൻ ഉള്ള അവസരം കൊടുക്കുന്നുണ്ടോ എന്നത് അറിയിക്കാമോ;

സി. സി. ടി. വി. ഉൾപ്പെടെയുള്ള സെക്യൂരിറ്റി സിസ്റ്റം മേഖലയിൽ രജിസ്റ്റേർഡ് സംഘടനകൾ ഉണ്ടെങ്കിലും വ്യക്തികളുടെ സ്വകാര്യത സംരക്ഷിക്കപ്പെടുന്നുണ്ടെന്ന് ഉറപ്പുവരുത്തുന്നതിനായി ആ മേഖലയിൽപെട്ടവർക്ക് ഗവണ്മെന്റ് ഏതെങ്കിലും രീതിയിൽ ലൈസൻസ് ഉൾപ്പടെ നൽകുന്നതിനായി ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

സ്വകാര്യ വ്യക്തികൾ സർവൈലൻസ് ക്യാമറ സ്ഥാപിക്കുന്നതിൽ ഗവണ്മെന്റ് എന്തെങ്കിലും മാനദണ്ഡം പുറപ്പെടുവിച്ചിട്ടുണ്ടോ; ഇല്ലെങ്കിൽ അപ്രകാരം മാനദണ്ഡം ഇറക്കുവാൻ ഉദ്ദേശിക്കുണ്ടോ; വിശദമാക്കാമോ;

കേരളത്തിൽ നിലവിൽ ഇൻസ്റ്റാൾ ചെയ്യുന്ന സി. സി. ടി. വി. ക്യാമറകൾക്ക് ഇലക്ട്രോണിക് സ് ആൻഡ് ഇൻഫർമേഷൻ ടെക്നോളോജി മന്ത്രാലയം പുതുതായി പുറത്തിറക്കിയ സ്റ്റാൻഡേർഡൈസേഷൻ ടെസ്റ്റിംഗ് ആൻഡ് ക്വാളിറ്റി സർട്ടിഫിക്കേഷൻ കേരളത്തിൽ പ്രാബല്യത്തിൽ വരുത്തിയോ എന്നറിയിക്കാമോ; ഗവൺമെന്റ് സ്ഥാപനങ്ങളിലും കെ. എസ്. ആർ. ടി. സി. ബസുകളിലും ഉപയോഗിക്കുന്ന ക്യാമറകളിൽ ഈ മാനദണ്ഡം പാലിക്കുന്നുണ്ടോ എന്ന് വിശദമാക്കാമോ;

സ്വകാര്യ വ്യക്തികൾ ഉൾപ്പെടെയുള്ളവർ സ്ഥാപിക്കുന്ന സർവൈലൻസ്/സി. സി. ടി. വി. ഇൻസ്റ്റലേഷനുകളിൽ പൗരന്മാരുടെ സ്വകാര്യത ലംഘിക്കുന്നില്ല എന്ന് ഉറപ്പുവരുത്തുന്നതിന് സർക്കാർ എന്തെല്ലാം നടപടികൾ സ്വീകരിച്ചിട്ടുണ്ടെന്ന് അറിയിക്കാമോ?

മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള ധനസഹായ വിതരണം കാര്യക്ഷമതയോടെയും വേഗത്തിലുമാക്കുന്നതിനുമായി സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം ഇതുവരെയായി മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ആകെ എത്ര പേര്‍ക്ക് തുക അനുവദിച്ചുവെന്നും 2016 മുതല്‍ 2021 വരെയും 2011 മുതല്‍ 2016 വരെയും ഉള്ള സർക്കാരുകളുടെ കാലഘട്ടങ്ങളിൽ പ്രസ്തുത ദുരിതാശ്വാസ നിധിയില്‍ നിന്നും ആകെ എത്ര പേര്‍ക്ക് എത്ര തുക വീതം അനുവദിച്ചിരുന്നു എന്നും വിശദമാക്കാമോ?

2016 മുതൽ നാളിതുവരെ സംസ്ഥാനത്ത് ഉണ്ടായ പ്രകൃതിദുരന്തങ്ങളിൽ ഓരോന്നിലും മരണമടഞ്ഞവര്‍ എത്രയെന്നും ഗുരുതരമായി പരിക്കേറ്റവര്‍ എത്രയെന്നും കാണാതായവര്‍ എത്രയെന്നും ഇതില്‍ എത്ര പേര്‍ക്ക് നഷ്ടപരിഹാരം നല്‍കിയിട്ടുണ്ടെന്നും എത്ര പേരുടെ ആശ്രിതർക്ക് നഷ്ടപരിഹാരം നല്‍കിയിട്ടുണ്ടെന്നും ഇനി എത്ര പേര്‍ക്ക് നഷ്ടപരിഹാരം നല്‍കാന്‍ അവശേഷിക്കുന്നുവെന്നുമുള്ള വിശദാംശം തരം തിരിച്ച് ലഭ്യമാക്കാമോ;

പ്രസ്തുത കാലയളവിൽ ഉണ്ടായ പ്രകൃതി ദുരന്തങ്ങള്‍ ഓരോന്നിലും സംസ്ഥാനത്ത് എത്ര പേര്‍ക്ക് വീട് നഷ്ടപ്പെട്ടിട്ടുണ്ടെന്നും ഇതില്‍ എത്ര പേര്‍ക്ക് വീട് പുനര്‍നിര്‍മ്മിച്ച് നല്‍കാന്‍ സാമ്പത്തിക സഹായം നല്‍കിയിട്ടുണ്ടെന്നും സാമ്പത്തിക സഹായം ലഭിക്കാത്തവര്‍ എത്രയെന്നും സര്‍ക്കാര്‍ പുനര്‍നിര്‍മ്മിച്ചു നല്‍കുമെന്ന് പ്രഖ്യാപിച്ച വീടുകള്‍ എത്രയെന്നും അതില്‍ എത്രയെണ്ണം പുനര്‍നിര്‍മ്മിച്ചു നല്കിയിട്ടുണ്ടെന്നുമുള്ള വിശദാംശം തരം തിരിച്ച് ലഭ്യമാക്കുമോ;

പ്രസ്തുത കാലയളവിൽ ഉണ്ടായ പ്രകൃതി ദുരന്തങ്ങള്‍ ഓരോന്നിനു ശേഷവും മുഖ്യമന്ത്രിയുടെ ദുരിതാശ്വാസ നിധിയില്‍ സംഭാവനയായി സമാഹരിച്ച തുകയെത്രയെന്നും ഇതില്‍ നിന്നും വിവിധ ദുരന്തത്തില്‍ ഇരയായവര്‍ക്ക് നഷ്ടപരിഹാരമായി എത്ര തുക വിതരണം ചെയ്തിട്ടുണ്ടെന്നും നഷ്ടപരിഹാരം പൂര്‍ണ്ണമായും വിതരണം ചെയ്യുന്നതിന് എത്ര തുക കൂടി ആവശ്യമുണ്ടെന്നും മുഖ്യമന്ത്രിയുടെ ദുരിതാശ്വാസ നിധിയിലെ നീക്കിയിരിപ്പ് തുക എത്രയാണെന്നതും സംബന്ധിച്ച വിശദാംശം ലഭ്യമാക്കുമോ?

പരിസ്ഥിതി സൗഹൃദവും അപകടങ്ങള്‍ താരതമ്യേന കുറവുള്ളതും സര്‍ക്കാരിന്റെ സ്വപ്ന പദ്ധതികളിലൊന്നുമായ ദേശീയ ജലപാതയുടെ നിലവിലെ നിര്‍മ്മാണ പുരോഗതി അവലോകനം ചെയ്തിട്ടുണ്ടോ; എങ്കില്‍ വ്യക്തമാക്കാമോ;

ദേശീയ ജലപാതയുടെ ഏതെല്ലാം റീച്ചുകളുടെ നിർമ്മാണം ഇതിനകം പൂര്‍ത്തീകരിച്ചിട്ടുള്ളതെന്ന് വ്യക്തമാക്കാമോ;

സംസ്ഥാനത്തെ ദേശീയ ജലപാതയുടെ ഏതെല്ലാം റീച്ചുകളുടെ നിര്‍മ്മാണമാണ് പൂര്‍ത്തീകരിക്കാനുള്ളതെന്നും ഓരോ റീച്ചിലും എത്ര ശതമാനം പൂര്‍ത്തീകരിച്ചിട്ടുണ്ടെന്നും വ്യക്തമാക്കാമോ;

വിഴിഞ്ഞം അന്താരാഷ്ട്ര തുറമുഖം പ്രവര്‍ത്തനസജ്ജമായ സാഹചര്യത്തിലും വിനോദസഞ്ചാര വികസനത്തിന്റെ അനന്തസാധ്യതകളും കണക്കിലെടുത്തും സംസ്ഥാനത്തെ ദേശീയ ജലപാതയുടെ നിര്‍മ്മാണം സമയബന്ധിതമായി പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോ?

പറമ്പിക്കുളം-ആളിയാർ അന്തർസംസ്ഥാന നദീജലകരാർ പുനരവലോകനം ചെയ്യേണ്ടിയിരുന്ന വർഷം ഏതാണെന്ന് വ്യക്തമാക്കാമോ;

കരാർ പുതുക്കുന്നതിന് കേരളത്തിന്റെ ഭാഗത്തുനിന്ന് കഴിഞ്ഞ പത്ത് വർഷം എന്തെല്ലാം ശ്രമങ്ങളാണ് നടത്തിയതെന്ന് വിശദീകരിക്കാമോ?

സംസ്ഥാനത്ത് വിവിധ ജലപാതകളുടെ നിര്‍മ്മാണവുമായി ബന്ധപ്പെട്ട് വീട് നഷ്ടപ്പെട്ട എത്ര പേര്‍ക്ക് വീട് നിര്‍മ്മിക്കുന്നതിനുള്ള സാമ്പത്തിക സഹായം നല്‍കിയിട്ടുണ്ടെന്നത് വിശദമാക്കാമോ;

ആയതില്‍ വര്‍ക്കല മണ്ഡലത്തില്‍ എത്ര പേര്‍ ഉള്‍പ്പെടുന്നു എന്ന് വിശദമാക്കാമോ;

വര്‍ക്കല മണ്ഡലത്തില്‍ എത്ര പേര്‍ക്ക് പ്രസ്തുത ആനുകൂല്യം ലഭിക്കുവാനുണ്ടെന്ന് വിശദമാക്കാമോ?

പറമ്പിക്കുളം-ആളിയാർ കരാർ പ്രകാരം പാലക്കാട്‌ മൂലത്തറ ഡാമിൽ നിന്നും ഓരോ ജലവർഷവും കേരളത്തിന്‌ ലഭിക്കുന്ന 7.25 ടി. എം. സി. ജലത്തിൽ നിന്നും എത്ര അളവ് ജലമാണ് റൈറ്റ് ബാക്ക് കനാലിലൂടെ (ആര്‍. ബി. കനാൽ) വിതരണം ചെയ്യുന്നതെന്ന് വ്യക്തമാക്കാമോ;

2010 മുതൽ 2025 വരെയുള്ള ജലവർഷങ്ങളിൽ ഓരോ വർഷവും എത്ര ദിവസം വീതം ആര്‍. ബി. കനാൽ വഴി ജലവിതരണം നടത്തിയിട്ടുണ്ടെന്ന് വ്യക്തമാക്കുമോ;

2010 മുതൽ 2025 വരെ ഓരോ ജലവർഷവും ആര്‍. ബി. കനാൽ വഴി വിതരണം നടത്തിയ ജലത്തിന്റെ അളവ് ലഭ്യമാക്കുമോ;

ചിറ്റൂർപുഴ പ്രദേശങ്ങളിൽ മൂലത്തറ ഡാമിൽ നിന്നും ജലവിതരണം നടത്തി വരുന്നത് ഏതു സർക്കാർ ഉത്തരവ് പ്രകാരമാണെന്ന് വ്യക്തമാക്കാമോ?

കൈപ്പമംഗലം മണ്ഡലത്തിൽ അഴീക്കോട് മുനമ്പം പാലത്തിന്റെ നിർമ്മാണത്തെ തുടർന്ന് സർവീസ് മതിയാക്കിയ അഴീക്കോട് മുനമ്പം ജങ്കാർ കോസ്റ്റൽ പോലീസ് സ്റ്റേഷന് സമീപത്തായി തുരുമ്പെടുത്ത് നശിച്ചുകൊണ്ടിരിക്കുന്നതിനാൽ ആയത് കൊണ്ട് കൂടുതൽ അപകടങ്ങൾ ഒഴിവാക്കുന്നതിനും പ്രദേശവാസികൾക്ക് ഉണ്ടായിട്ടുള്ള ഭീതി പരിഹരിക്കുന്നതിനുമായി എത്രയും വേഗം നീക്കം ചെയ്യുന്നതിനായി എടുത്തിട്ടുള്ള നടപടികൾ വിശദമാക്കാമോ?

ഈ സർക്കാർ അധികാരത്തിൽ വന്ന ശേഷം ചാത്തന്നൂർ മണ്ഡലത്തിൽ ഇൻലാൻഡ് നാവിഗേഷൻ വകുപ്പിന്റെ കീഴില്‍ എന്തെല്ലാം പ്രവൃത്തികൾ പൂർത്തീകരിച്ചിട്ടുണ്ടെന്നും ഓരോ പ്രവൃത്തികളുടെ അടങ്കൽ തുക എത്രയെന്നും പൂർത്തീകരിക്കാത്ത പ്രവൃത്തികളുണ്ടെങ്കിൽ അവ ഏതെല്ലാമെന്നും അവയുടെ അടങ്കൽ തുക എത്രയെന്നും വിശദമാക്കാമോ?

ചവറ നിയോജക മണ്ഡലത്തിൽ അഷ്ടമുടിക്കായലിൽ ആഴം കൂട്ടുന്നതിനായി കരാർ എടുത്ത കമ്പനി ദേശീയ ജലപാതയുടെ അതിർത്തിവിട്ട് മത്സ്യബന്ധനത്തിന് തടസ്സമുണ്ടാകുന്ന തരത്തിൽ ഡ്രെഡ്ജിംഗ് നടത്തുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഡ്രെഡ്ജിംഗ് നടത്തേണ്ട സ്ഥലം അടയാളപ്പെടുത്തി നൽകുന്നതിന് നടപടി സ്വീകരിയ്ക്കുമോ?

എറണാകുളം മണ്ഡലത്തിലെ ഏതൊക്കെ കനാലുകളെയാണ് കനാൽ നവീകരണ പദ്ധതിയിൽ ഉൾപ്പെടുത്തിയിട്ടുള്ളതെന്ന് അറിയിക്കുമോ; ഓരോ കനാലുകളും എവിടെ നിന്നാരംഭിക്കുന്നുവെന്നും എവിടെ അവസാനിക്കുന്നുവെന്നും ഓരോന്നിനും എത്ര നീളമുണ്ടെന്നുമുള്ള ഇനം തിരിച്ചുള്ള വിവരങ്ങൾ നൽകാമോ;

ഈ പദ്ധതിയുടെ ഭാഗമാകുന്നതിന് പ്രസ്തുത കനാലുകൾക്കുള്ള നിലവിലെ വീതി പര്യാപ്തമാണോ; ഇനിയും വീതി വർദ്ധിപ്പിക്കേണ്ടതായ കനാലുകളുണ്ടെങ്കിൽ അവയേതൊക്കെയെന്നും അവയുടെ നിലവിലെ വീതിയും വര്‍ദ്ധിപ്പിക്കേണ്ടതായ വീതിയും തരം തിരിച്ചുള്ള വിവരങ്ങളും ലഭ്യമാക്കാമോ;

ഇതിനായി കനാലിന്റെ വശങ്ങളില്‍ എത്ര ഭൂമി ഏറ്റെടുക്കേണ്ടതായി വരുമെന്നും എത്ര വീടുകള്‍ അതിലുണ്ടെന്നതും സംബന്ധിച്ച വിശദവിവരം ഓരോ കനാലിന്റെയും പേരിനോടൊപ്പം തരംതിരിച്ച് ലഭ്യമാക്കുമോ;

ഈ പദ്ധതിയിൾപ്പെടുന്ന ഏതൊക്കെ കനാലുകളിലൂടെ വിനോദ സഞ്ചാരികളെ ആകർഷിക്കുന്ന തരത്തിൽ ബോട്ട് സർവീസ് ആരംഭിക്കുന്നതിനുദ്ദേശിക്കുന്നുവെന്ന് വിശദമാക്കുമോ?

വൈപ്പിൻ മണ്ഡലത്തിലെ വാട്ടർ മെട്രോ ടെർമിനലുകൾ ഏതെല്ലാമാണെന്നും പ്രസ്തുത ടെർമിനലുകളുടെ പ്രവർത്തന പുരോഗതി എന്തെന്നും വിശദമാക്കാമോ;

ഓരോ ടെർമിനലുകളുടേയും നിർമ്മാണത്തിനായി വകയിരുത്തിയ തുക എത്രയെന്നും ചെലവായ തുക എത്രയെന്നും വ്യക്തമാക്കാമോ?

കോവളം - ബേക്കൽ വെസ്റ്റ് കോസ്റ്റ് ജലപാതയുടെ നിർമ്മാണ പുരോഗതി വ്യക്തമാക്കുമോ ; ഏത് സ്ഥാപനമാണ് നിർമ്മാണ പ്രവർത്തനങ്ങൾ നടത്തുന്നത്; നിർദിഷ്ട ജലപാതയുടെ ആകെ നീളം എത്ര കിലോമീറ്ററാണ്; ഈ പദ്ധതിക്ക് എത്ര രൂപയാണ് ചെലവ് പ്രതീക്ഷിക്കുന്നത്; നാളിതുവരെ എത്ര തുക ചെലവഴിച്ചു; എത്ര കിലോമീറ്റർ ജലപാതയുടെ നിർമ്മാണം പൂർത്തിയായിട്ടുണ്ട്; വിശദാംശം ഇനം തിരിച്ച് ലഭ്യമാക്കാമോ;

ജലപാതയുടെ നിർമ്മാണം എന്തുകൊണ്ടാണ് സമയത്തിന് പൂർത്തിയാക്കാൻ കഴിയാത്തതെന്ന് വ്യക്തമാക്കാമോ;

കേരളത്തിന്റെ ടൂറിസം സാധ്യതകൾ വർദ്ധിപ്പിക്കുന്ന പ്രസ്തുത പദ്ധതി വേഗത്തിൽ പൂർത്തിയാക്കാൻ അടിയന്തര നടപടികൾ സ്വീകരിക്കുമോ; വിശദാംശം നൽകാമോ?

പ്രവാസി മലയാളികള്‍ക്കായി ആരോഗ്യ - അപകട ഇന്‍ഷുറന്‍സ് പദ്ധതിക്ക് രൂപം നല്കിയിട്ടുണ്ടോ; ഏത് ഏജന്‍സി മുഖേനയാണ് പ്രസ്തുത പദ്ധതി നടപ്പാക്കുന്നത്; വിശദാംശങ്ങൾ ലഭ്യമാക്കാമോ;

പ്രസ്തുത പദ്ധതിയിലൂടെ ക്യാഷ്‍ലെസ് ചികിത്സ ലഭ്യമാണോ; വിശദമാക്കാമോ;

പ്രസ്തുത ഇന്‍ഷുറന്‍സ് പദ്ധതിയിലൂടെ വിദേശത്തും മറ്റ് സംസ്ഥാനങ്ങളിലുമുള്ള മലയാളികൾക്ക് ലഭിക്കുന്ന പ്രയോജനങ്ങള്‍ വ്യക്തമാക്കാമോ?

സുരക്ഷിതവും വ്യവസ്ഥാപിതവും ഗുണനിലവാരമുളളതുമായ തൊഴിൽ കുടിയേറ്റം പ്രോത്സാഹിപ്പിക്കുന്ന കാര്യത്തില്‍ നോർക്ക റൂട്ട്സിന്റെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

ഉന്നതവിദ്യാഭ്യാസം നേടിയ കേരളത്തിലെ യുവതീയുവാക്കൾക്ക് ലോകത്തെവിടെയും തൊഴിലവസരം ലഭ്യമാക്കുന്നതിനുളള നടപടി സ്വീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കുടിയേറ്റ ഏജന്റുമാരുടെ വഞ്ചനയും തട്ടിപ്പും കുറയ്ക്കുന്നതിനായി ഭാഷാ പരിശീലന കേന്ദ്രങ്ങളെയും റിക്രൂട്ട്മെന്റ് ഏജന്‍സികളെയും കൃത്യമായി നിരീക്ഷിക്കുകയും നിയന്ത്രിക്കുകയും ചെയ്യാന്‍ തീരുമാനിച്ചിട്ടുണ്ടോ; വിശദമാക്കാമോ;

കേരളത്തിന്റെ മുന്നോട്ടുള്ള പ്രയാണത്തിൽ വിശ്വമാകെ വ്യാപിച്ചുകിടക്കുന്ന പ്രവാസി സമൂഹത്തിന് വലിയ പങ്കുണ്ട് എന്നത് പരിഗണിച്ച് പ്രവാസി മിഷൻ രൂപീകരിക്കുന്നത് പരിഗണനയിലുണ്ടോ; വിശദമാക്കാമോ?

പ്രവാസികൾക്ക് ധനസഹായം ലഭ്യമാക്കുന്ന സാന്ത്വനം പദ്ധതി പ്രകാരമുള്ള ആനുകൂല്യങ്ങൾ ലഭിക്കുന്നതിന് നിലവിലുള്ള മാനദണ്ഡങ്ങൾ എന്തെല്ലാമാണെന്ന് വിശദമാക്കുമോ;

പത്ത് വർഷം വിദേശത്ത് ജോലി ചെയ്ത ഒരു പ്രവാസി തിരികെ വന്ന് പത്ത് വർഷം നാട്ടിൽ താമസിച്ച ശേഷം വീണ്ടും വിദേശത്ത് പോകുമ്പോൾ പുതിയ പ്രവാസി എന്ന നിലയിൽ വീണ്ടും കുറഞ്ഞത് രണ്ടുവർഷമെങ്കിലും വിദേശത്ത് നിന്നെങ്കിൽ മാത്രമേ നോര്‍ക്ക ആനുകൂല്യങ്ങള്‍ക്ക് പ്രവാസിയായി പരിഗണിക്കുകയുള്ളൂ എന്ന് നിലവിലെ മാനദണ്ഡങ്ങൾ നിഷ്കർഷിക്കുന്നുണ്ടോ;

ഇപ്രകാരം നീണ്ട ഇടവേളക്കു ശേഷം വിദേശത്ത് പോയ വ്യക്തി അവിടെ ജോലിയിൽ ആയിരിക്കെ മരണപ്പെട്ടാല്‍‌ വിദേശത്ത് രണ്ടു വർഷക്കാലയളവ് പൂർത്തിയാക്കിയിട്ടില്ല എന്ന കാരണത്താൽ സാന്ത്വനം പദ്ധതി പ്രകാരമുള്ള ആനുകൂല്യങ്ങൾ നിഷേധിക്കുന്ന സാഹചര്യം നിലവിലുണ്ടോ;

എങ്കില്‍ ഇത്തരം നിബന്ധനകൾ സാമാന്യനീതിക്ക് നിരക്കാത്തതാണെന്ന് കരുതുന്നുണ്ടോ; ഇത്തരം നിബന്ധനകൾ പരിഷ്കരിക്കുന്നതിന് നടപടി സ്വീകരിക്കുമോ?

നോർക്ക മുഖേന പ്രവാസികളുടെ ക്ഷേമത്തിനായി നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

പുതുതായി പ്രഖ്യാപിച്ച ഇൻഷ്വറൻസ്/അപകട ഇൻഷ്വറൻസ് പദ്ധതിയുടെ വിശദാംശം ലഭ്യമാക്കുമോ;

പദ്ധതി എപ്പോൾ ആരംഭിക്കുമെന്ന് വ്യക്തമാക്കാമോ?

കോഴിക്കോട് ജില്ലയിൽ പ്രവാസി ക്ഷേമ ബോർഡ് വഴി നൽകുന്ന പെൻഷൻ യഥാസമയം നൽകുന്നതിന് തടസ്സങ്ങൾ നേരിടുന്നുണ്ടോ; എങ്കിൽ ആയത് പരിഹരിക്കുന്നതിന് നടപടികൾ സ്വീകരിക്കുമോ; വിശദമാക്കാമോ?

പ്രവാസികൾക്കായി നോർക്ക കെയർ എന്ന പേരിൽ ആരോഗ്യ അപകട ഇൻഷുറൻസ് പദ്ധതി ആരംഭിക്കുന്നതിന് ഉദ്ദേശിക്കുന്നുണ്ടോയെന്നും എന്നുമുതൽക്കാണ് ഇത് പ്രാബല്യത്തിൽ വരുന്നതെന്നും പദ്ധതിയിൽ ചേരുന്നതിന് നിശ്ചയിച്ചിട്ടുള്ള നിബന്ധനകളും വ്യവസ്ഥകളും എന്തെല്ലാമാണെന്നും അറിയിക്കുമോ;

വിദേശത്തുനിന്നും തിരികെ നാട്ടിലെത്തി സ്ഥിരതാമസമാക്കിയ പ്രവാസികൾക്ക് ഈ പദ്ധതിയിൽ ചേരാൻ കഴിയുമോ; നിലവിലെ വ്യവസ്ഥകൾ പ്രകാരം ഇവർക്ക് പുതുതായി നോർക്ക അംഗത്വം ലഭിക്കുന്നതിനോ നോർക്ക ഐ. ഡി. കാർഡ് ലഭിക്കുന്നതിനോ നിലവിലെ അംഗത്വം പുതുക്കുന്നതിനോ കഴിയുമോ;

വിദേശത്തായിരിക്കുമ്പോൾ പ്രവാസികൾക്കും 60-70 വയസ്സ് പ്രായമുള്ള ആരോഗ്യപ്രശ്നമുള്ള മുതിർന്നവർക്കും റസിഡന്‍സ് ഐ. ഡി പുതുക്കുമ്പോൾ നിർബന്ധിത ഇൻഷുറൻസ് എടുക്കേണ്ട സാഹചര്യം നിലവിലുള്ളതായി ശ്രദ്ധയില്‍പ്പെട്ടിട്ടുണ്ടോ;

എങ്കിൽ പ്രവാസം പൂർത്തിയാക്കി തിരികെ നാട്ടിൽ വന്ന് സ്ഥിരതാമസമാക്കുന്നവർക്കാണ് ഇൻഷുറൻസ് പരിരക്ഷ ഏറ്റവും കുടുതൽ ആവശ്യമായിവരുന്നത് എന്നത് പരിശോധിക്കുകയുണ്ടായോ;

എങ്കിൽ പ്രവാസം മതിയാക്കി തിരിക നാട്ടിൽ സ്ഥിര താമസമാക്കുന്ന പ്രവാസികൾക്കൂകൂടി ഉപയോഗപ്പെടുത്താൻ കഴിയുന്ന തരത്തിൽ പദ്ധതിയുടെ മാനദണ്ഡങ്ങൾ പുതുക്കി നിശ്ചയിക്കുന്നതിന് നടപടി സ്വികരിക്കുമോ?

നോർക്ക റൂട്ട്സ് സാന്ത്വന സഹായം പദ്ധതി പ്രകാരം കോഴിക്കോട് ജില്ലയില്‍ ഈ സർക്കാർ കാലയളവില്‍ എത്ര അപേക്ഷകള്‍ ലഭിച്ചു എന്ന് വിശദമാക്കാമോ; ഇതില്‍ എത്ര പേ‍ർക്ക് ധനസഹായം ലഭ്യമാക്കി എന്ന് വ്യക്തമാക്കാമോ;

ഇതില്‍ ഏതു വർഷം വരെ അപേക്ഷ നല്‍കിയവർക്ക് സഹായം ലഭ്യമാക്കി എന്ന് വിശദമാക്കാമോ?

പ്രവാസികൾക്കും നാട്ടിൽ തിരികെ എത്തുന്ന പ്രവാസികൾക്കുമായി നോർക്ക റൂട്ട്സ് മുഖേന നടപ്പിലാക്കുന്ന വിവിധ ക്ഷേമ പദ്ധതികൾ ഏതെല്ലാമാണെന്ന് വ്യക്തമാക്കുമോ;

നോർക്ക കെയർ ആരോഗ്യ ഇൻഷുറൻസ് പദ്ധതി എന്ന് മുതലാണ് നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ; ഇതിൽ അംഗത്വം എടുക്കാനുള്ള അർഹതയും പോളിസി എടുത്തവരുടെ ഏതെല്ലാം കുടുംബാംഗങ്ങൾക്ക് ഇൻഷുറൻസ് പരിരക്ഷ ലഭിക്കുമെന്നും വ്യക്തമാക്കുമോ;

ഈ ഇൻഷുറൻസ് പോളിസി എടുക്കുന്നവരുടെ മാതാപിതാക്കൾക്ക് ഇൻഷുറൻസ് പരിരക്ഷ ലഭിക്കുന്നില്ലെങ്കില്‍ അത് ഉൾപ്പെടുത്തുന്നതിനുള്ള നടപടി സ്വീകരിക്കുമോ;

തിരികെ എത്തിയ പ്രവാസികളെ ആരോഗ്യ ഇൻഷുറൻസ് പദ്ധതിയിൽ ഉൾപ്പെടുത്തിയിട്ടുണ്ടോ; ഇല്ലെങ്കിൽ കാരണം വ്യക്തമാക്കുമോ; അവരെ പ്രസ്തുത പദ്ധതിയില്‍ ഉൾപ്പെടുത്താൻ നടപടി സ്വീകരിക്കുമോ;

തിരികെയെത്തുന്ന പ്രവാസികൾക്ക് വേണ്ടിയുള്ള സാന്ത്വനം പദ്ധതിയിൽ മരണമടഞ്ഞ പ്രവാസികളുടെ ബന്ധുക്കൾക്ക് ലഭിക്കേണ്ട ധനസഹായത്തിനും തിരികെയെത്തിയ പ്രവാസികളുടെ വിവിധ രോഗങ്ങൾക്ക് നൽകുന്ന ചികിത്സാധന സഹായത്തിനും എത്ര അപേക്ഷകൾ തീർപ്പാകാതെ കിടക്കുന്നുണ്ടെന്നും ഇവയിൽ എത്ര രൂപ കുടിശ്ശികയുണ്ടെന്നും വ്യക്തമാക്കുമോ?

പ്രവാസി ക്ഷേമനിധിയിൽ അംഗത്വം പുനസ്ഥാപിക്കാനുള്ള അംശദായ കുടിശികയ്ക്ക് ഇളവ് അനുവദിക്കുമോയെന്ന് വ്യക്തമാക്കാമോ;

പ്രവാസി ക്ഷേമനിധി പെൻഷൻ വർദ്ധിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

എസ്.എൻ.ഡി.പി. വടകര യൂണിയൻ ഭാരവാഹികളുടെ വീടുകൾ നിരന്തരമായി ആക്രമിക്കപ്പെടുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

ഇതുമായി ബന്ധപ്പെട്ട പരാതികളിൽ സ്വീകരിച്ച നടപടികളുടെ വിശദാംശം വ്യക്തമാക്കുമോ;

ഈ അക്രമസംഭവങ്ങൾക്ക് പിന്നിലെ കാരണങ്ങൾ എന്തെല്ലാമാണെന്ന് പരിശോധിച്ചിട്ടുണ്ടോയെന്ന് വ്യക്തമാക്കുമോ?

അടൂരിൽ ഭരണകക്ഷിയിൽപ്പെട്ട പ്രമുഖ രാഷ്ട്രീയ കക്ഷിയുടെ യുവജന സംഘടനയുടെ പ്രവർത്തകനെ പൊലീസ് മർദ്ദിച്ച് കൊലപ്പെടുത്തി എന്ന പ്രസ്‌തുത വ്യക്തിയുടെ കുടുംബത്തിന്റെ ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്മേല്‍ സ്വീകരിച്ച നടപടി വ്യക്തമാക്കാമോ;

അടൂരിലെ ജോലിത്തട്ടിപ്പുമായി ബന്ധപ്പെട്ട ആരോപണങ്ങൾ സംബന്ധിച്ച വിവരം പ്രസ്‌തുത വ്യക്തി പുറത്തുപറയുമോ എന്ന ഭയംമൂലം പ്രമുഖ രാഷ്ട്രീയകക്ഷി നേതാക്കളുടെ നിർദേശ പ്രകാരമാണ് പോലീസ് മർദ്ദനം നടത്തിയതെന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് സംബന്ധിച്ച് അന്വേഷണം നടത്തിയിട്ടുണ്ടോ;

പ്രസ്തുത സംഭവത്തിൽ ഉൾപ്പെട്ടതായി ആരോപിക്കപ്പെട്ട പൊലീസുകാർക്കെതിരെ നടപടി സ്വീകരിച്ചിട്ടുണ്ടോ; ഇല്ലെങ്കിൽ കാരണം വിശദമാക്കാമോ?

നിയമസഭാ പെറ്റിഷൻ കമ്മിറ്റി മുൻപാകെ നൽകിയ 22327/B3/2017 നമ്പർ പരാതിയിന്മേൽ സമിതിയുടെ ശിപാർശയിൽ ഡി. വൈ. എസ്. പി. ക്ക് എതിരെ ആഭ്യന്തരവകുപ്പ് എന്തെല്ലാം നടപടികൾ സ്വീകരിച്ചു; വ്യക്തമാക്കാമോ;

പ്രസ്തുത ഉദ്യോഗസ്ഥനെതിരെ എത്ര പോലീസ് കേസ് നിലവിലുണ്ട്; വിശദമാക്കാമോ; T8 /12787 /2009 ഉത്തരവ് പ്രകാരം സസ്‌പെൻഡ് ചെയ്ത വിവരം ടിയാന്റെ സർവീസ് ബുക്കിൽ രേഖപ്പെടുത്തിയത് എന്നാണ്; വ്യക്തമാക്കാമോ; ഇത് വൈകാനുണ്ടായ കാരണം വിശദമാക്കാമോ?

മികച്ചരീതിയില്‍ ക്രമസമാധാനം നിലനില്‍ക്കുന്ന സംസ്ഥാനമായി കേരളം മാറിയതിന്റെ പിന്നില്‍ കേരളപോലീസിന്റെ പ്രവര്‍ത്തന മികവ് ഒരു കാരണമാണ് എന്ന് വിലയിരുത്തിയിട്ടുണ്ടോ;

പോലീസിന്റെ പ്രവര്‍ത്തനം കൂടുതല്‍ മെച്ചപ്പെടുത്തുന്നതിനുള്ള സാഹചര്യം ഒരുക്കുന്നതിന്റെ ഭാഗമായി എത്ര പുതിയ തസ്തികകളാണ് പോലീസിന്റെ വിവിധ വിഭാഗങ്ങളിലായി സൃഷ്ടിച്ചിട്ടുള്ളത്; വിശദാംശം വ്യക്തമാക്കാമോ?

പോലീസ് കസ്റ്റഡിയിൽ എടുക്കുന്ന പ്രതികൾക്കു നേരെ മൂന്നാം മുറ പ്രയോഗിച്ചതായി പരാതിപ്പെടുന്ന കേസുകളിൽ പോലീസ് സ്റ്റേഷനിലെ സി. സി. ടി. വി. ദൃശ്യങ്ങൾ നൽകുന്നതിന് എന്തെങ്കിലും നിയമതടസ്സമുണ്ടോയെന്ന് വ്യക്തമാക്കാമോ;

നിയമ തടസ്സമില്ലെങ്കിൽ എത്ര ദിവസത്തിനകം സി. സി. ടി. വി. ദൃശ്യങ്ങൾ നൽകണമെന്ന് നിഷ്കർഷിക്കുവാൻ സാധിക്കുമോ; വ്യക്തമാക്കാമോ;

ദൃശ്യങ്ങളിൽ ക്രൂരമായ പീഡനം നടന്നതായി കണ്ടെത്തുന്ന പക്ഷം കുറ്റക്കാരായ പോലീസുകാർക്കെതിരെ എന്തെല്ലാം നടപടികളാണ് സ്വീകരിച്ചു വരുന്നത്; കുറ്റക്കാരായവരെ സർവീസിൽ നിന്ന് പിരിച്ചുവിടാൻ ആവശ്യമായ നിർദേശം നൽകുമോ; വിശദമാക്കാമോ?

കേരളാ പൊലീസില്‍ കമ്പ്യൂട്ടര്‍ അധിഷ്ഠിതമായ എന്തെല്ലാം സംവിധാനങ്ങളാണ് പുതുതായി നിലവില്‍ വന്നിട്ടുള്ളതെന്ന് വെളിപ്പെടുത്താമോ;

സൈബര്‍ സംവിധാനങ്ങൾ ഉള്‍പ്പെടെ ഉപയോഗിച്ച് നടത്തുന്ന സാമ്പത്തിക കുറ്റകൃത്യങ്ങള്‍ തടയുന്നതിനായി രൂപം നല്‍കിയിരിക്കുന്ന പദ്ധതികള്‍ എന്തെല്ലാമാണ്; വിശദമാക്കാമോ;

മൊബൈല്‍ ഫോറന്‍സിക് ലാബുകള്‍ ഉള്‍പ്പെടെ നടപ്പിലാക്കിയ പുതിയ സംവിധാനങ്ങള്‍ എന്തെല്ലാമാണെന്നും ഇവയെ കമ്പ്യൂട്ടര്‍ അധിഷ്ഠിതമാക്കുന്നതിലൂടെ പ്രതീക്ഷിക്കുന്ന നേട്ടങ്ങള്‍ എന്തൊക്കെയാണെന്നും വിശദീകരിക്കാമോ;

ആർട്ടിഫിഷ്യൽ ഇന്റലിജൻസ് അധിഷ്ഠിതമായ എന്തെല്ലാം സംവിധാനങ്ങള്‍ക്കാണ് സംസ്ഥാന പൊലീസില്‍ തുടക്കം കുറിച്ചിട്ടുള്ളതെന്ന് വ്യക്തമാക്കാമോ?

വെള്ളറട ഗ്രാമപഞ്ചായത്തിലെ ആനപ്പാറയിൽ ആഭ്യന്തര വകുപ്പിന്റെ ഉടമസ്ഥതയിൽ എത്ര സ്ഥലമാണുള്ളത്; വിശദാംശം അറിയിക്കാമോ;

നിലവിൽ കാടുകയറി അന്യാധീനപ്പെട്ടുകിടക്കുന്ന പ്രസ്തുത സ്ഥലം സംരക്ഷിക്കുന്നതിനുള്ള നടപടി സ്വീകരിക്കാമോ;

നെയ്യാർഡാം പോലീസ് സ്റ്റേഷൻ കെട്ടിടം കാലഹരണപ്പെട്ടതും അടിസ്ഥാന സൗകര്യങ്ങളുടെ അപര്യാപ്തത നേരിടുകയുമാണെന്നതുമായ വിവരം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത കെട്ടിടം നവീകരിക്കാനുള്ള നടപടി സ്വീകരിക്കാമോ;

നിലവിൽ വാടകകെട്ടിടത്തിൽ പ്രവർത്തിച്ചു വരുന്ന പ്രസ്തുത പോലീസ് സ്റ്റേഷന് പുതിയ കെട്ടിടം നിർമ്മിച്ചു നൽകുന്നതിനുള്ള നടപടികൾ സ്വീകരിക്കാമോ?

പോലീസ് കംപ്ലൈന്റ്സ് അതോറിറ്റിയുടെ പ്രവർത്തനങ്ങൾ വിശദമാക്കാമോ;

പ്രസ്തുത അതോറിറ്റിയിൽ ലഭിക്കുന്ന പരാതികളുടെ എണ്ണം ഗണ്യമായി കുറയുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ; വ്യക്തമാക്കാമോ;

പോലീസ് കംപ്ലൈന്റ്സ് അതോറിറ്റിയുടെ പ്രവർത്തനങ്ങൾ കാര്യക്ഷമമാക്കാൻ നടപടി സ്വീകരിക്കുമോ?

കുന്നംകുളത്ത് പ്രമുഖ രാഷ്ട്രീയപാർട്ടിയുടെ പ്രവർത്തകനെ പൊലീസ് മർദ്ദിച്ച കേസ്, ഇൻസ്പെക്ടർ പത്തു ലക്ഷം രൂപ നൽകി ഒതുക്കിയെന്ന് കുന്നംകുളം നഗരസഭയിലെ ഒരു കൗൺസിലർ നടത്തിയ വെളിപ്പെടുത്തൽ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവമായി കാണുന്നുണ്ടോ;

പ്രസ്തുത സംഭവത്തിൽ സർക്കാർ അന്വേഷണം നടത്തിയിട്ടുണ്ടോ; വിശദമാക്കാമോ;

പോലീസ് പണം വാങ്ങി കേസ് ഒതുക്കിത്തീർക്കുന്നു എന്ന ആരോപണങ്ങളിൽ കർശന നടപടി സ്വീകരിക്കുമോ?

ആര്യനാട് പഞ്ചായത്ത് അംഗം ജീവനൊടുക്കിയ സംഭവം ശ്രദ്ധയിൽപ്പെട്ടിട്ടുണ്ടോ;

പ്രസ്തുത സംഭവത്തിൽ ഉൾപ്പെട്ടതായി ആരോപിക്കപ്പെട്ട പഞ്ചായത്ത് പ്രസിഡന്റിനും പ്രമുഖ രാഷ്ട്രീയ കക്ഷിയുടെ നേതൃത്വത്തിനുമെതിരെ കേസ് എടുത്തിട്ടുണ്ടോ; ഇല്ലെങ്കിൽ കേസ് എടുക്കാൻ നടപടി സ്വീകരിക്കുമോ; വ്യക്തമാക്കാമോ?

പുനർഗേഹം, ലൈഫ് ഭവന പദ്ധതി പ്രകാരം ഒട്ടേറെ ആളുകളെ തീരപ്രദേശത്തുനിന്നും മാറ്റി താമസിപ്പിച്ചപ്പോളുണ്ടായ ആളൊഴിഞ്ഞ സ്ഥലങ്ങളിലും വീടുകളിലും ഇവിടങ്ങളിലെ ലഹരി മാഫിയകളും മറ്റ് അസാന്മാർഗിക പ്രവർത്തനങ്ങളില്‍ ഏര്‍പ്പെടുന്നവരും തമ്പടിക്കുന്നത് തടയുന്നതിന് എന്തു നടപടിയാണ് വകുപ്പ് സ്വീകരിച്ചിരിക്കുന്നത്; വിശദീകരിക്കാമോ;

സുരക്ഷയുടെ ഭാഗമായി തീരപ്രദേശ വിദ്യാലയമായ എസ്. എം. എച്ച്. എസ്. എസ്. അഴിക്കോട് വിദ്യാലയത്തിൽ സ്റ്റുഡൻറ് പോലീസ് കേഡറ്റ് സംവിധാനം തുടങ്ങുന്നതിന് എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത്;

സുരക്ഷയുടെ ഭാഗമായി കൈപ്പമംഗലം മണ്ഡലത്തിലെ വിദ്യാലയങ്ങളിൽ ലഹരി മാഫിയകളുടെ പ്രവർത്തനം തടയുന്നതിന് എന്തെല്ലാം നടപടികളാണ് വകുപ്പ് സ്വീകരിക്കുന്നത്; വിശദമാക്കാമോ?

കണ്ണൂർ ജില്ലാ പഞ്ചായത്ത് മുൻ പ്രസിഡണ്ട് പി. പി. ദിവ്യക്കെതിരെ 2024 ഒക്ടോബർ 1 മുതൽ നാളിതുവരെ ലഭിച്ച പരാതികൾ ഏതൊക്കെയാണെന്ന് അറിയിക്കാമോ; പ്രസ്തുത പരാതികളിന്മേൽ സ്വീകരിച്ച തുടർനടപടികൾ വിശദാംശം സഹിതം വ്യക്തമാക്കാമോ;

ടിയാൾക്കെതിരെ വിജിലൻസിന് ലഭിച്ചിട്ടുള്ള പരാതികൾ സംബന്ധിച്ച വിശദാംശങ്ങൾ അറിയിക്കാമോ; പ്രസ്തുത പരാതികളിന്മേൽ സ്വീകരിച്ച നടപടികൾ, അന്വേഷണ റിപ്പോർട്ടുകൾ, തുടർനടപടി ശിപാർശകളുടെ വിശദാംശം എന്നിവ ബന്ധപ്പെട്ട രേഖകളും തീയതികളും സഹിതം വ്യക്തമാക്കാമോ;

എ.ഡി.എം. നവീൻ ബാബുവിന്റെ മരണവുമായി ബന്ധപ്പെട്ട് നാളിതുവരെ വിവിധ കോടതി വ്യവഹാരങ്ങൾക്കായി ഫീസിനത്തിലും ചെലവിനത്തിലും ഉൾപ്പെടെ സർക്കാർ ചെലവഴിച്ച തുകയുടെ വിശദവിവരങ്ങൾ ലഭ്യമാക്കാമോ?

ആലപ്പുഴ മണ്ഡലത്തില്‍ സ്റ്റുഡന്‍സ് പോലീസ് കേഡറ്റ് യൂണിറ്റുകള്‍ ആരംഭിക്കുന്നതിന് എത്ര അപേക്ഷകളാണ് നാളിതുവരെ ലഭിച്ചിട്ടുള്ളത്; ഇവയില്‍ എത്ര എണ്ണത്തിന് അനുമതി നല്‍കിയിട്ടുണ്ട്; വ്യക്തമാക്കാമോ?

പൗരത്വ ഭേദഗതി നിയമത്തിനെതിരെ സംസ്ഥാനത്ത് നടന്ന പ്രക്ഷോഭങ്ങളുമായി ബന്ധപ്പെട്ട് പോലീസ് എടുത്തിട്ടുള്ള കേസുകളുടെ എണ്ണവും അവയുടെ വിശദാംശവും ലഭ്യമാക്കാമോ;

അതിൽ പിൻവലിക്കപ്പെട്ട കേസുകളുടെ എണ്ണവും അവയുടെ വിശദാംശവും ലഭ്യമാക്കാമോ;

നാളിതുവരെ പിൻവലിക്കപ്പെടാത്ത കേസുകളുടെ എണ്ണം അറിയിക്കാമോ; പ്രസ്തുത കേസുകൾ പിൻവലിക്കാത്തതിന് കാരണമെന്തെന്ന് വിശദമാക്കാമോ?

കഴി‍ഞ്ഞ സർക്കാരിന്റെ കാലം മുതൽ നാളിതുവരെ സംസ്ഥാനത്ത് എത്ര ആളുകൾ ഗാർഹികപീഢനത്തിന് ഇരയായിട്ടുണ്ട്; ഗാർഹികപീഢനത്തെ തുടർന്ന് എത്ര പേർ ആത്മഹത്യ ചെയ്തിട്ടുണ്ട്; എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ട്; വിശദാംശം വർഷം തിരിച്ച് വ്യക്തമാക്കുമോ;

കഴി‍ഞ്ഞ സർക്കാരിന്റെ കാലം മുതൽ നാളിതുവരെ സ്ത്രീകൾ കുഞ്ഞുങ്ങളോടൊപ്പം ആത്മഹത്യ ചെയ്ത എത്ര കേസുകൾ ഉണ്ടായിട്ടുണ്ട്; ഇതിൽ എത്ര കേസുകൾ ഗാർഹിക പീഢനത്തെ തുടർന്നാണ്; ഇത്തരം എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ട്; വിശദാംശം വർഷം തിരിച്ചു വ്യക്തമാക്കുമോ?

തിരുവനന്തപുരത്ത് മോഷണക്കുറ്റം ആരോപിച്ച് ദളിത് യുവതിയെ പോലീസ് സ്റ്റേഷനിൽ മാനസികമായി പീഡിപ്പിച്ച സംഭവം സർക്കാർ ഗൗരവത്തോടെ കാണുന്നുണ്ടോയെന്നും ഇക്കാര്യത്തിൽ വകുപ്പ് എന്തൊക്കെ നടപടികൾ സ്വീകരിച്ചിട്ടുണ്ടെന്നും വ്യക്തമാക്കുമോ; ഉത്തരവാദികളായ പോലീസ് ഉദ്യോഗസ്ഥർക്കെതിരെ പട്ടികജാതി പട്ടികവർഗ്ഗ വിഭാഗങ്ങൾക്കെതിരായ അതിക്രമങ്ങൾ തടയൽ നിയമപ്രകാരം നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കുമോ;

സംസ്ഥാനത്ത് മുൻ സർക്കാരിന്റെ കാലം മുതൽ നാളിതുവരെ പട്ടികജാതി പട്ടികവർഗ്ഗ വിഭാഗങ്ങൾക്കെതിരായ അതിക്രമങ്ങൾ സംബന്ധിച്ച് എത്ര കേസുകൾ റിപ്പോർട്ട് ചെയ്തിട്ടുണ്ടെന്നും എത്ര കേസുകളിൽ കുറ്റക്കാർക്കെതിരെ ശിക്ഷാനടപടി സ്വീകരിച്ചിട്ടുണ്ടെന്നും വ്യക്തമാക്കുമോ?

സംസ്ഥാനത്ത് വ്യാജ ജി.എസ്.ടി. രജിസ്ട്രേഷനുമായി ബന്ധപ്പെട്ട് രജിസ്റ്റർ ചെയ്ത കേസുകളുടെ എഫ്.ഐ.ആര്‍. നമ്പര്‍ അറിയിക്കാമോ; അന്വേഷണത്തിന്റെ നിലവിലെ അവസ്ഥ വിശദമാക്കാമോ;

വ്യാജ ജി.എസ്.ടി. രജിസ്ട്രേഷനിൽ ഉൾപ്പെട്ട മ്യൂൾ ബാങ്ക് അക്കൗണ്ടുകൾ മരവിപ്പിക്കുന്നതിന് പോലീസ് എന്തെങ്കിലും നടപടി സ്വീകരിച്ചിട്ടുണ്ടോ; എങ്കിൽ എത്ര അക്കൗണ്ടുകൾ മരവിപ്പിച്ചെന്നും എത്ര തുക കണ്ടുകെട്ടിയെന്നും വിശദമാക്കാമോ;

സൈബർ ക്രൈമുകളുടെയും വ്യാജ ജി.എസ്.ടി. രജിസ്ട്രേഷനുകളുടെയും എണ്ണം വർദ്ധിച്ചുകൊണ്ടിരിക്കുന്ന പശ്ചാത്തലത്തിൽ ഭാവിയിൽ ഇത്തരം പ്രവർത്തനങ്ങൾ തടയുന്നതിന് ആഭ്യന്തര വകുപ്പ് സ്വീകരിക്കാൻ ഉദ്ദേശിക്കുന്ന പ്രതിരോധ നടപടികൾ എന്തെല്ലാമെന്ന് വിശദമാക്കാമോ;

വ്യാജ രേഖകൾ ഉപയോഗിച്ച് ജി.എസ്.ടി. രജിസ്ട്രേഷൻ നടത്തുന്നതിൽ ഉൾപ്പെട്ട സംഘങ്ങളെ തിരിച്ചറിയുന്നതിനും അവർക്കെതിരെ നിയമനടപടി സ്വീകരിക്കുന്നതിനുമായി പോലീസിന് ലഭ്യമായ സാങ്കേതിക സൗകര്യങ്ങളും വിദഗ്ദ്ധ സേവനങ്ങളും മതിയായതാണോ എന്ന് വ്യക്തമാക്കാമോ; ഇല്ലെങ്കിൽ ഈ മേഖലയിൽ കൂടുതൽ സാങ്കേതിക പിന്തുണ ലഭ്യമാക്കാൻ സർക്കാർ നടപടി സ്വീകരിക്കുമോ;

2025 - ൽ കോട്ടയം ജില്ലാ പോലീസ് മേധാവിയുടെ മുമ്പാകെ ഇത്തരം വ്യാജ ജി.എസ്.ടി. രജിസ്ട്രേഷൻ തട്ടിപ്പിന് ഇരയായ ഏതെങ്കിലും വ്യക്തി സമർപ്പിച്ച പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്യാതിരുന്നിട്ടുണ്ടോ; എങ്കിൽ അതിന്റെ കാരണങ്ങൾ വിശദമാക്കാമോ?

പൂക്കോട് സർവകലാശാലയിലെ വെറ്റിനറി വിദ്യാർത്ഥി സിദ്ധാർത്ഥന്റെ കൊലപാതകവുമായി ബന്ധപ്പെട്ട് എന്തൊക്കെ നടപടികളാണ് നാളിതുവരെ സ്വീകരിച്ചിട്ടുള്ളത്;

ഈ കൊലപാതകത്തില്‍ ആരെയൊക്കെയാണ് കുറ്റക്കാരായി കണ്ടെത്തിയിട്ടുള്ളത്?

കോതമംഗലം മണ്ഡലത്തിലെ അയിരൂര്‍പാടം ആമിന അബ്ദുള്‍ഖാദര്‍ കൊലപാതക കേസിന്റെ അന്വേഷണ പുരോഗതി വിശദമാക്കുമോ;

പ്രസ്തുത കൊലപാതക കേസിന്റെ തുടര്‍നടപടി വേഗത്തിലാക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

കോഴിക്കോട് ജില്ലയിലെ വളയം പോലീസ് സ്റ്റേഷൻ പരിധിയിൽ ഓണത്തിനോടനുബന്ധിച്ച് ഉണ്ടായ പ്രശ്നത്തിൽ രജിസ്റ്റർ ചെയ്ത കേസിന്റെ വിശദാംശം നൽകുമോ;

റിമാൻഡ് റിപ്പോർട്ടിൽ വർഗീയ പരാമർശം ചേർത്തുവെന്ന പരാതി ശ്രദ്ധയിൽപ്പെട്ടിട്ടുണ്ടോ; എഫ്. ഐ. ആർ. ന്റെയും റിമാൻഡ് റിപ്പോർട്ടിന്റെയും പകർപ്പുകൾ ലഭ്യമാക്കുമോ?

കണ്ണനല്ലൂർ പൊലീസ് മർദിച്ചെന്ന ആരോപണം ഉന്നയിച്ച പ്രമുഖരാഷ്ട്രീയകക്ഷിയുടെ നെടുമ്പന നോർത്ത് ലോക്കൽ സെക്രട്ടറിക്കെതിരേ പൊലീസ് രജിസ്റ്റർ ചെയ്ത കേസുകളുടെ എഫ്. ഐ. ആർ. രേഖകളുടെ പകർപ്പ് ലഭ്യമാക്കാമോ?

മലപ്പുറം ജില്ലയിലെ കുറുവ വില്ലേജിൽപ്പെട്ട കരിഞ്ചാപ്പാടി പ്രദേശത്തെ ഷഫീഖ്, മുബഷിർ, നിഷാദ്, ഉബൈദ് എന്നിവരുടെ പേരിൽ മേലാറ്റൂർ പോലീസ് 25.10.2022 -ല്‍ 580/2022 നമ്പരായി എന്‍.ഡി.പി.എസ്. ആക്ട് പ്രകാരം രജിസ്റ്റർ ചെയ്തിരുന്ന കേസില്‍, കെമിക്കല്‍ എക്സാമിനേഷന്‍ ലാബില്‍ നിന്നും പരിശോധനാ റിപ്പോർട്ട് വന്നപ്പോൾ അത് പോലീസ് പറഞ്ഞപ്രകാരമുള്ള എം.ഡി.എം.എ. ആയിരുന്നില്ലെന്നും 'വുഡ് റോസിന്‍' എന്നൊരു വസ്തു മാത്രമാണെന്നും തെളിഞ്ഞ സംഭവം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

കേസിൽ അകപ്പെട്ടതുകൊണ്ടുണ്ടായ മാനസികപ്രയാസത്തില്‍ ഹൃദയാഘാതം ഉണ്ടായി ഷഫീഖ് മരണമടയുകയും ഈ നാല് കുടുംബങ്ങൾക്കും സമൂഹമദ്ധ്യത്തിൽ മാനഹാനിയുണ്ടാവുകയും വലിയ തോതിലുള്ള സാമ്പത്തികനഷ്ടങ്ങളും തൊഴില്‍ നഷ്ടങ്ങളും ഉണ്ടാവുകയും ചെയ്തതായ പരാതികളില്‍ എന്തെല്ലാം നടപടി സ്വീകരിച്ചിട്ടുണ്ട്;

കൃത്രിമമായി കേസുണ്ടാക്കിയ പോലീസ് ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടോ; ഇല്ലെങ്കില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ഇവര്‍ക്കെതിരെ കര്‍ശന നടപടി സ്വീകരിക്കുമോ; വിശദമാക്കുമോ?

അരിമ്പൂർ സ്വദേശിയായ യുവാവിന് അന്തിക്കാട് പോലീസ് സ്റ്റേഷനിൽനിന്ന് മർദ്ദനമേറ്റ സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ;

പ്രസ്തുത സംഭവത്തിൽ അന്വേഷണം നടത്തിയിട്ടുണ്ടോയെന്ന് വിശദമാക്കാമോ;

പ്രസ്തുത സംഭവത്തിൽ കുറ്റക്കാരായ പൊലീസുകാർക്കെതിരെ എന്തൊക്കെ നടപടി സ്വീകരിച്ചിട്ടുണ്ടെന്ന് വിശദമാക്കാമോ?

അമ്പലപ്പുഴ പുറക്കാട് ഒറ്റപ്പന സ്വദേശിനിയായ മധ്യവയസ്കയുടെ കൊലപാതകവുമായി ബന്ധപ്പെട്ട് നിരപരാധിയായ വ്യക്തിയെ അറസ്റ്റ് ചെയ്ത് മാനസിക പീഡനത്തിന് ഇരയാക്കിയത് ഗൗരവത്തോടെ കാണുന്നുണ്ടോ; വ്യക്തമാക്കുമോ ;

നിരപരാധിയെ കേസിൽ കുടുക്കുന്നതിനുവേണ്ടി വ്യാജ തെളിവുകൾ സൃഷ്ടിച്ച് ഗുരുതര കൃത്യവിലോപം നടത്തിയ പോലീസ് ഉദ്യോഗസ്ഥർക്കെതിരെ സ്വീകരിച്ച നടപടി വിശദമാക്കുമോ; ഇവർക്കെതിരെ നാളിതുവരെ സ്വീകരിച്ച അച്ചടക്ക നടപടികളുടെ പകർപ്പ് ലഭ്യമാക്കുമോ;

പ്രസ്തുത കേസിൽ യഥാർത്ഥ പ്രതികളെ പോലീസ് പിടികൂടിയിട്ടുണ്ടോ; നിരപരാധിയെ കൊലക്കുറ്റത്തിൽ പ്രതിയാക്കി പീഡിപ്പിച്ച പോലീസ് ഉദ്യോഗസ്ഥർക്കെതിരെ കർശനനടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് 2016 മുതൽ നാളിതുവരെ കസ്റ്റഡി മർദ്ദനവുമായി ബന്ധപ്പെട്ട് എത്ര പോലീസ് ഉദ്യോഗസ്ഥർക്ക് ശിക്ഷ ലഭിച്ചിട്ടുണ്ട് എന്നുള്ളതിന്റെ വിശദാംശം കേസ് അടിസ്ഥാനത്തില്‍ വ്യക്തമാക്കുമോ?

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും പോലീസ് മർദനത്തിന് ഇരയായവരുടെ വിവരം പോലീസ് സ്റ്റേഷൻ അടിസ്ഥാനമാക്കി ലഭ്യമാക്കാമോ;

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും പോലീസ് മർദനത്തിന് ഇരയായവർ സർക്കാറിനും പോലീസിനും കോടതികളിലും ഇതുമായി ബന്ധപ്പെട്ട് പരാതികൾ നൽകിയിട്ടുണ്ടെങ്കിൽ പ്രസ്തുത പരാതികളുടെ വിശദവിവരം ലഭ്യമാക്കാമോ; പ്രസ്തുത പരാതികളിൽ പരിഹരിക്കപ്പെട്ടവയുടെ വിവരം വിശദമാക്കാമോ;

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും പോലീസ് മർദനത്തിന് വിധേയരായി മരണപ്പെട്ടവരുടെ വിവരം ലഭ്യമാക്കാമോ;

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും പോലീസ് മർദനത്തിന് ഇരയായി മരണപ്പെട്ടവരുടെ ആശ്രിതർക്കും പരിക്കേറ്റവർക്കും സർക്കാർ നഷ്ടപരിഹാരവും മറ്റ് സമാശ്വാസ നടപടികളും നൽകിയിട്ടുണ്ടെങ്കിൽ അതിന്റെ വിശദവിവരങ്ങൾ ലഭ്യമാക്കാമോ;

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും ഉണ്ടായിട്ടുള്ള പോലീസ് മർദനത്തിന് കാരണക്കാരായ പോലീസുകാർക്കെതിരെ സ്വീകരിച്ച അച്ചടക്ക നടപടി എന്തെല്ലാമാണെന്ന് വിശദമാക്കാമോ?

പോലീസ് കംപ്ലയിന്റ് അതോറിറ്റിയുടെ പ്രവര്‍ത്തനം വിലയിരുത്തിയിട്ടുണ്ടോ; എങ്കിൽ അതു സംബന്ധിച്ച വിശദവിവരം അറിയിക്കാമോ;

പോലീസ് കംപ്ലയിന്റ് അതോറിറ്റിയുടെ പ്രവര്‍ത്തനം കാര്യക്ഷമമല്ലെന്നുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

മുൻ സര്‍ക്കാരിന്റെ കാലം മുതല്‍ നാളിതുവരെ പോലീസുദ്യോഗസ്ഥര്‍ക്കെതിരെ ലഭിച്ച പരാതികളുടെ എണ്ണം എത്രയെന്നും എത്ര റിപ്പോര്‍ട്ടുകള്‍ സര്‍ക്കാരിന് നല്‍കിയിട്ടുണ്ടെന്നും അതില്‍ എത്രയെണ്ണം തീര്‍പ്പാക്കിയെന്നും തീര്‍പ്പാക്കിയ പരാതികളില്‍ എത്ര അപ്പീലുകള്‍ ലഭിച്ചിട്ടുണ്ടെന്നുമുള്ള വിവരം ലഭ്യമാക്കാമോ;

പോലീസ് കംപ്ലയിന്റ് അതോറിറ്റിയുടെ ശിപാര്‍ശകളില്‍ സര്‍ക്കാര്‍ കൃത്യമായി നടപടി സ്വീകരിക്കുന്നില്ലായെന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;വിശദമാക്കുമോ;

പോലീസ് മര്‍ദ്ദനം, കസ്റ്റഡി മരണം തുടങ്ങിയ ഗൗരവമേറിയ കുറ്റങ്ങളില്‍ സ്വതന്ത്രമായി തീരുമാനമെടുക്കാനുള്ള അധികാരം പോലീസ് കംപ്ലയിന്റ് അതോറിറ്റിക്ക്‌ നല്‍കണമെന്ന ആവശ്യത്തില്‍ എന്തു നടപടിയാണ് സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കാമോ?

തിരുവനന്തപുരത്തെ പൂഴനാട് എന്ന സ്ഥലത്ത് വിഷാദരോഗിയായ ചെറുപ്പക്കാരൻ പോലീസ് മര്‍ദ്ദനത്തിന് ഇരയായ സംഭവത്തിൽ, ബന്ധപ്പെട്ടവർക്കെതിരെ കേസ് രജിസ്റ്റർ ചെയ്തിട്ടുണ്ടോയെന്ന് വ്യക്തമാക്കുമോ?

നെടുമ്പന സ്വദേശിയെ കൊല്ലം കണ്ണനല്ലൂർ പൊലീസ് മർദ്ദിച്ചു എന്ന ആരോപണം ശ്രദ്ധയിൽപ്പെട്ടിട്ടുണ്ടോ;

പോലീസ് സ്റ്റേഷനിലെത്തിയ ഈ വ്യക്തി സംഘർഷമുണ്ടാക്കി എന്നതു കാണിച്ച് പോലീസ് കേസ് രജിസ്റ്റർ ചെയ്തിരുന്നോ; വിശദാംശം നൽകാമോ;

ഒരു കേസിന്റെ മധ്യസ്ഥചർച്ചയ്ക്കായി സ്റ്റേഷനിലെത്തിയ ഈ വ്യക്തിയെ സി. ഐ. ഒരു കാരണവുമില്ലാതെ ഉപദ്രവിച്ചെന്ന ഇയാളുടെ ആരോപണത്തിൽ സർക്കാർ അന്വേഷണം നടത്തിയിട്ടുണ്ടോയെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നശേഷം സംസ്ഥാനത്ത് പോലീസ് സ്റ്റേഷനിൽ പൊതുജനങ്ങൾക്കെതിരെ ഉണ്ടായ അതിക്രമങ്ങൾ സംബന്ധിച്ച് വിവരശേഖരണം നടത്തിയിട്ടുണ്ടോ; വിശദമാക്കാമോ;

ഈ സർക്കാർ അധികാരത്തിൽ വന്നശേഷം എത്ര കസ്റ്റഡി മരണങ്ങൾ നടന്നിട്ടുണ്ട്; വിശദാംശം ലഭ്യമാക്കാമോ;

ഈ സർക്കാർ അധികാരത്തിൽ വന്ന ശേഷം എത്ര പോലീസ് ഉദ്യോഗസ്ഥരെ പിരിച്ചു വിട്ടിട്ടുണ്ട്; വിശദമാക്കാമോ?

സംസ്ഥാന പാതയില്‍ (പി. യു. കെ. സി.) നടുവണ്ണൂർ മുതല്‍ ചെറിയ കുമ്പളം വരെയുള്ള പേരാമ്പ്ര പോലീസ് സ്റ്റേഷൻ പരിധിയില്‍ 22 കി.മീ. ദൂരം വരുന്ന റോഡില്‍ നിരന്തരമുണ്ടാകുന്ന വാഹനാപകടങ്ങള്‍ ശ്രദ്ധയില്‍പെട്ടിട്ടുണ്ടോ;

പേരാമ്പ്ര നഗരത്തിലുണ്ടാകുന്ന ഗതാഗത തിരക്ക് ശ്രദ്ധയില്‍പെട്ടിട്ടുണ്ടോ;

പേരാമ്പ്രയിലെ പഴയ പോലീസ് സ്റ്റേഷൻ കെട്ടിടം ഉപയോഗപ്പെടുത്തികൊണ്ട് ഒരു ട്രാഫിക് യൂണിറ്റ് അനുവദിക്കുന്നതിന് ഉദ്ദേശിക്കുന്നുണ്ടോ; ഇല്ലെങ്കില്‍ അതിന് നടപടി സ്വീകരിക്കുമോ ; വിശദമാക്കുമോ?

കേരളത്തില്‍ ആകെയുള്ള പോലീസ് സ്റ്റേഷനുകളില്‍ എത്രയെണ്ണത്തില്‍ നിരീക്ഷണ ക്യാമറകള്‍ സ്ഥാപിച്ചിട്ടുണ്ടെന്ന് വ്യക്തമാക്കാമോ;

നിരീക്ഷണ ക്യാമറകള്‍ സ്ഥാപിച്ചിട്ടുള്ള പോലീസ് സ്റ്റേഷനുകളില്‍ അവ പ്രവര്‍ത്തിക്കുന്നുണ്ടോയെന്ന് പരിശോധിച്ചിട്ടുണ്ടോ; എങ്കില്‍ പരിശോധന നടത്തിയ പോലിസ് സ്റ്റേഷനുകളുടെ എണ്ണവും ഏത് ഏജന്‍സിയാണ് പരിശോധന നടത്തിയതെന്നും വ്യക്തമാക്കാമോ;

നിരീക്ഷണ ക്യാമറകള്‍ സ്ഥാപിച്ചിട്ടുള്ള മുഴുവന്‍ പോലീസ് സ്റ്റേഷനുകളിലും അവ കാര്യക്ഷമമായി പ്രവര്‍ത്തിക്കുന്നുണ്ടോയെന്ന് പരിശോധിച്ച് റിപ്പോര്‍ട്ട് സമര്‍പ്പിക്കുവാന്‍ ധനകാര്യ വകുപ്പിലെ പരിശോധനാ വിഭാഗത്തോട് ശുപാര്‍ശ ചെയ്യാമോ; വിശദമാക്കുമോ?

അട്ടപ്പാടി അഗളി പോലീസ് 22.09.2023-ന് രജിസ്റ്റർ ചെയ്ത 153/2023 നമ്പർ എഫ്.ഐ.ആർ.മായി ബന്ധപ്പെട്ട് ആഭ്യന്തര വകുപ്പിന് എത്ര അന്വേഷണറിപ്പോർട്ടുകൾ ലഭിച്ചുവെന്നും റിപ്പോർട്ടുകളിൽ എന്തെല്ലാം കാര്യങ്ങൾ ചൂണ്ടിക്കാണിച്ചുവെന്നും വിശദമാക്കാമോ;

അന്വേഷണ റിപ്പോർട്ടുകളിന്മേൽ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ; അന്വേഷണ റിപ്പോർട്ടുകളുടെ പകർപ്പ് ലഭ്യമാക്കുമോ;

അട്ടപ്പാടി അഗളി പോലീസ് സ്റ്റേഷനുമായി ബന്ധപ്പെട്ട് ഈ സർക്കാരിന്റെ കാലത്ത് എത്ര വിജിലൻസ് കേസുകൾ എടുത്തുവെന്നും അതിൽ എത്ര റിപ്പോർട്ടുകൾ സമർപ്പിച്ചുവെന്നും അറിയിക്കാമോ; പ്രസ്തുത റിപ്പോർട്ടുകളുടെ പകർപ്പ് ലഭ്യമാക്കുമോ?

ആലത്തൂർ മണ്ഡലത്തിലെ ആലത്തൂർ, മംഗലംഡാം, കുഴല്‍മന്ദം പോലീസ് സ്റ്റേഷനുകളില്‍ 2016 മുതല്‍ നാളിതുവരെ എന്തെല്ലാം വികസന പ്രവർത്തനങ്ങളാണ് നടത്തിയിട്ടുള്ളതെന്ന് വിശദമാക്കാമോ?

കേരള അക്കാദമി ഓഫ് ഫാർമസിയുമായി ബന്ധപ്പെട്ട് മാറനല്ലൂർ പോലീസ് സ്റ്റേഷനിലും സമീപസ്റ്റേഷനുകളിലും എത്ര പരാതികൾ ലഭിച്ചിട്ടുണ്ട്; പ്രസ്തുത പരാതികളിൽ സ്വീകരിച്ച നടപടി വ്യക്തമാക്കുമോ?

താലൂക്ക് ആസ്ഥാനമായ നിലമ്പൂരില്‍ ട്രാഫിക് പോലീസ് സ്‌റ്റേഷന്‍ സ്ഥാപിക്കുവാൻ നടപടി സ്വീകരിക്കുമോ; വിശദമാക്കുമോ?

കായംകുളം മണ്ഡലത്തിലെ കരീലക്കുളങ്ങര പോലീസ് സ്റ്റേഷന്റെ നിര്‍മ്മാണവുമായി ബന്ധപ്പെട്ട നടപടികളുടെ നിലവിലെ സ്ഥിതി വിശദമാക്കാമോ?

പൂഞ്ഞാർ നിയോജകമണ്ഡലത്തിലെ കൂട്ടിക്കൽ ഗ്രാമപഞ്ചായത്തിൽ നിർത്തലാക്കിയ പോലീസ് ഔട്ട് പോസ്റ്റ് പുനഃസ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

തിരൂരങ്ങാടി മണ്ഡലത്തിലെ ചെമ്മാട് പോലീസ് ക്വാർട്ടേഴ്സുകൾ സ്ഥിതിചെയ്യുന്ന ഭൂമിയിൽ ബസ് സ്റ്റാൻഡ് വിത്ത്‌ പോലീസ് കോംപ്ലക്സ് നിർമ്മിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ;

ഉപയോഗശൂന്യമായി കിടക്കുന്ന ഈ സ്ഥലത്ത് അണ്ടർഗ്രൗണ്ട് പാർക്കിംഗ്, ബസ് സ്റ്റാൻഡ്, വശങ്ങളിലുള്ള കെട്ടിടങ്ങളിൽ പോലീസിന്റെ ഓഫീസ് കെട്ടിടങ്ങളും പോലീസ് ക്വാർട്ടേഴ്സുകളും നിർമ്മിക്കുന്നതിനുള്ള സാധ്യതകൾ സർക്കാരിന്റെ പരിഗണനയില്‍ വന്നിട്ടുണ്ടോ; വിശദമാക്കാമോ;

പ്രസ്തുത നിർമ്മാണം നടത്തുകയാണെങ്കിൽ സർക്കാരിന് ലഭിക്കുന്ന വരുമാനം എത്രയാണെന്ന് കണക്കാക്കിയിട്ടുണ്ടോ; വിശദമാക്കാമോ?

തിരൂരങ്ങാടി നിയോജകമണ്ഡലത്തിലെ കോഴിച്ചെന ആർ. ആർ. ആർ. എഫ്. (റാപ്പിഡ് റെസ്പോൺസ് ആൻഡ് റെസ്ക്യൂ ഫോഴ്സ്) ക്യാമ്പിലെ കെട്ടിടങ്ങൾ 100 വർഷത്തിലധികം പഴക്കമുള്ളതാണെന്നും ഏതുസമയത്തും ഇടിഞ്ഞുവീഴാവുന്ന അവസ്ഥയിലാണെന്നുള്ളതും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

100 വർഷത്തിലധികം പഴക്കമുള്ള ഈ കെട്ടിടങ്ങൾക്ക് പകരം പുതിയ കെട്ടിടങ്ങൾ നിർമ്മിക്കുന്നതിനുള്ള അനുമതി സർക്കാർ ലഭ്യമാക്കുമോ; വിശദമാക്കാമോ;

കാലപ്പഴക്കത്താൽ ഉപയോഗശൂന്യമായ ഈ കെട്ടിടങ്ങൾ ഇടിഞ്ഞുവീഴുകയാണെങ്കിൽ ഉണ്ടാകാവുന്ന അപകടസ്ഥിതി നേരിടാൻ ആലോചനയുണ്ടോ; വിശദമാക്കാമോ;

100 വർഷങ്ങൾ പിന്നിട്ട ഈ കെട്ടിടങ്ങൾക്ക് നിലവിൽ ഫിറ്റ്നസ് ലഭ്യമാണോ; വിശദമാക്കാമോ;

പ്രസ്തുത കെട്ടിടങ്ങൾ ഉപയോഗശൂന്യമായിട്ടും ഇവ പുനർ നിർമ്മിക്കുന്നതിന് ആവശ്യമായ നടപടി സ്വീകരിക്കാത്തതിന്റെ കാരണങ്ങൾ വിശദമാക്കാമോ?

മറൈൻ ഡ്രൈവിൽ പണിയുന്ന എറണാകുളം സിറ്റി പോലീസ് കമ്മീഷണർ ഓഫീസിന്റെ നിർമ്മാണ പ്രവർത്തനങ്ങൾ ഏതു ഘട്ടത്തിലാണെന്ന് അറിയിക്കുമോ; പ്രസ്തുത നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് പൂർത്തീകരിക്കും എന്ന് അറിയിക്കുമോ;

ഇതിന്റെ നിർമ്മാണം ആരെയാണ് ഏൽപ്പിച്ചിരിക്കുന്നത്; ഇതിനാവശ്യമായ ഫണ്ടിന്റെ ലഭ്യത ഉറപ്പുവരുത്തി നിർമ്മാണം യുദ്ധകാലാടിസ്ഥാനത്തിൽ പൂർത്തീകരിക്കാൻ നടപടി സ്വീകരിക്കുമോ; വിശദമാക്കാമോ?

വടക്കാഞ്ചേരി മണ്ഡലത്തിലെ മെഡിക്കല്‍ കോളേജ് പോലീസ് സ്റ്റേഷന്‍ നിര്‍മ്മാണത്തിന് ആവശ്യമായ ഫണ്ട് അനുവദിക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

മാവേലിക്കര പോലീസ് സ്റ്റേഷൻ പരിധിയിലുള്ള പോലീസ് ക്വാർട്ടേഴ്സ് ശോചനീയാവസ്ഥയിൽ ആയത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

പ്രസ്തുത സ്ഥലത്ത് പോലീസ് ക്വാർട്ടേഴ്സിനായി ആധുനിക നിലവാരത്തിലുള്ള ബഹുനില മന്ദിരം നിർമ്മിക്കുന്നത് പരിഗണിക്കുമോ; ഇതിന് ആവശ്യമായ നടപടി സ്വീകരിക്കുമോയെന്ന് വിശദമാക്കുമോ?

2024-25 ബജറ്റിൽ 20% തുക വകയിരുത്തിയ ചാവക്കാട് പോലീസ് സ്റ്റേഷന്‍ കെട്ടിട നിര്‍മ്മാണത്തിനുള്ള ഭരണാനുമതി ലഭ്യമായിട്ടുണ്ടോ; വിശദാംശം ലഭ്യമാക്കാമോ;

പ്രസ്‌തുത പദ്ധതിക്കായി 2024-25 ബജറ്റിൽ അനുവദിച്ച 2 കോടി രൂപയ്ക്ക് പുറമേവരുന്ന തുക ആഭ്യന്തരവകുപ്പിന്റെ പ്ലാന്‍ ഫണ്ടില്‍ നിന്നും വകയിരുത്തുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

കൂത്തുപറമ്പ് നിയോജകമണ്ഡലത്തിലെ പാട്യം ഗ്രാമ പഞ്ചായത്തില്‍ കണ്ണവം സങ്കേതത്തില്‍ നരിക്കോടൻ മേൽവിലാസത്തിൽ താമസിച്ചിരുന്ന 40 വയസ്സുള്ള സിന്ധു എന്‍. എന്ന പട്ടികവര്‍ഗ്ഗ വിഭാഗത്തില്‍പ്പെട്ട യുവതിയെ 31-12-2024 മുതല്‍ കാണാതായത് സംബന്ധിച്ച പോലീസ് അന്വേഷണ പുരോഗതി വിശദമാക്കാമോ?

കേരളത്തിലെ പോലീസ് ആശുപത്രികളിൽ നിലവിൽ ഒഴിഞ്ഞുകിടക്കുന്ന മെഡിക്കൽ ഓഫീസർ തസ്തികയിലേക്കുള്ള നിയമനം നടത്താൻ നടപടി സ്വീകരിച്ചിട്ടുണ്ടോ; എങ്കില്‍ എത്ര അപേക്ഷകൾ ലഭിച്ചിട്ടുണ്ട്; ജില്ലാടിസ്ഥാനത്തില്‍ കണക്ക് ലഭ്യമാക്കാമോ;

അന്യത്ര സേവനവ്യവസ്ഥ ചട്ടങ്ങൾ പാലിച്ചാണോ നിയമനം നടത്തുന്നത്; വിശദമാക്കാമോ; പ്രസ്തുത നിയമനത്തിൽ സൂതാര്യത ഉറപ്പുവരുത്തുന്നതിന് എന്തുനടപടി സ്വീകരിച്ചിട്ടുണ്ടെന്ന് വ്യക്തമാക്കാമോ;

മുൻ കാലങ്ങളിൽ മെഡിക്കൽ ഓഫീസർമാർ ട്രാൻസ്ഫർ & പോസ്റ്റിങ്ങ്‌ വഴി വർഷങ്ങളായി വിവിധ സ്ഥാപനങ്ങളിൽ തുടരുന്നതിൽ അഴിമതി നടന്നിട്ടുണ്ടോ എന്നുള്ള കാര്യം അന്വേഷണത്തിന് വിധേയമാക്കുമോ; വ്യക്തമാക്കുമോ;

ട്രാൻസ്ഫർ വഴി നിയമിതരായ മെഡിക്കൽ ഓഫീസർമാർ എത്ര വർഷം വരെ ഇങ്ങനെ വിവിധ സ്ഥാപനങ്ങളിൽ തുടർന്നു എന്നുള്ള കാര്യം വ്യക്തമാക്കാമോ; ജില്ലാടിസ്ഥാനത്തില്‍ കണക്ക് ലഭ്യമാക്കാമോ?

കേരള പോലീസ് ഫോറന്‍സിക് വിഭാഗത്തില്‍ ആകെ എത്ര സ്ഥിരം തസ്തികകളുണ്ട്;

പ്രസ്തുത തസ്തികകളുടെ പേരും എണ്ണവും നിലവിലുള്ള ഒഴിവുകളുടെ എണ്ണവും നല്‍കാമോ;

2025 ഒക്ടോബര്‍ 1 മുതല്‍ 2028 ഓഗസ്റ്റ് 31 വരെ സയന്റിഫിക് ഓഫീസര്‍ (കെമിസ്ട്രി), സയന്റിഫിക് ഓഫീസര്‍ (ഫിസിക്സ്), സയന്റിഫിക് ഓഫീസര്‍ (ബയോളജി), സയന്റിഫിക് ഓഫീസര്‍ (ഡോക്യുമെന്റ്സ്) എന്നീ തസ്തികകളില്‍ നിലവിലെ ഉദ്യോഗസ്ഥര്‍ വിരമിക്കുന്നതുമൂലം എത്ര ഒഴിവുകള്‍ പ്രതീക്ഷിക്കുന്നു; തസ്തിക, വര്‍ഷം, മാസം എന്നിവ തിരിച്ച് വിവരം നല്‍കാമോ?

തിരുവനന്തപുരം ശ്രീ അവിട്ടം തിരുനാൾ ആശുപത്രിയിലെ നിയമനങ്ങളുമായി ബന്ധപ്പെട്ട വിജിലൻസ് അന്വേഷണം പൂർത്തിയായിട്ടുണ്ടോ; എങ്കിൽ അന്വേഷണ റിപ്പോർട്ടിന്റെ പകർപ്പ് ലഭ്യമാക്കാമോ;

പ്രസ്തുത അന്വേഷണ റിപ്പോർട്ടിന്റെ അടിസ്ഥാനത്തിൽ എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യകതമാക്കാമോ;

പ്രസ്തുത അന്വേഷണത്തിന്മേൽ തുടര്‍ നടപടികൾ സ്വീകരിച്ചില്ലായെങ്കിൽ ആയത് എന്ത് കാരണത്താലാണെന്ന് വ്യക്തമാക്കാമോ;

പ്രസ്തുത അന്വേഷണ റിപ്പോർട്ട് സമർപ്പിച്ചിട്ടില്ല എങ്കിൽ എന്ത് കാരണത്താലാണ് അന്വേഷണം വൈകുന്നതെന്ന് വ്യക്തമാക്കാമോ?

രാജ്യത്ത് ഏറ്റവും അഴിമതി കുറഞ്ഞ സംസ്ഥാനമായി കേരളം മാറുന്നതിന് എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചതെന്ന് വ്യക്തമാക്കുമോ;

വിജിലന്‍സിന്റെ പ്രവര്‍ത്തനം കൂടുതല്‍ ഊര്‍ജ്ജസ്വലമാക്കി അഴിമതി കുറച്ചുകൊണ്ടുവരുന്നതിന് വിഭാവനം ചെയ്ത പദ്ധതികൾ എന്തെല്ലാമാണ്; വിശദാംശം വ്യക്തമാക്കുമോ;

സംസ്ഥാന സര്‍ക്കാര്‍ സര്‍വീസില്‍ അഴിമതി നടത്തിയതുമായി ബന്ധപ്പെട്ട് എത്ര ഉദ്യോഗസ്ഥര്‍ക്കെതിരെ വിജിലന്‍സ് കേസ്സെടുത്തിട്ടുണ്ടെന്ന വിവരം വകുപ്പ് തിരിച്ച് വ്യക്തമാക്കാമോ;

സംസ്ഥാനത്ത് പ്രവർത്തിക്കുന്ന കേന്ദ്രസര്‍ക്കാര്‍ ഉദ്യോഗസ്ഥര്‍ക്കെതിരെ അഴിമതിയുമായി ബന്ധപ്പെട്ട് എത്ര കേസ്സുകള്‍ വിജിലന്‍സ് എടുത്തിട്ടുണ്ട്; വിശദാംശം വ്യക്തമാക്കാമോ?

കഴിഞ്ഞ പത്ത് വർഷ കാലയളവിൽ കൈക്കൂലി കേസ്സിൽ പ്രതികളായ ഉദ്യോഗസ്ഥരുടെ വർഷം തിരിച്ചുള്ള കണക്ക് നൽകമോ ; ടി ഉദ്യോഗസ്ഥർ സേവനമനുഷ്ടിക്കുന്ന വകുപ്പുകളുടെ വിശദ വിവരം ലഭ്യമാക്കുമോ;

ഇതുമായി ബന്ധപ്പെട്ട് ഇക്കാലയളവിനുള്ളിൽ ശിക്ഷിക്കപ്പെട്ട ഉദ്യോഗസ്ഥർ എത്ര എന്ന് വ്യക്തമാക്കുമോ;

സർക്കാർ ഉദ്യോഗസ്ഥരുടെ കൈക്കൂലി പൂർണ്ണമായും തുടച്ചു നീക്കാൻ ഈ സർക്കാർ സ്വീകരിച്ച നടപടികളുടെ വിശദാംശം ലഭ്യമാക്കുമോ?

സംസ്ഥാനത്ത് കെട്ടിക്കിടക്കുന്ന കേസുകൾ തീർപ്പാക്കുന്നതിന് കൂടുതൽ കോടതികൾ തുടങ്ങാൻ ഉദ്ദേശിക്കുന്നുണ്ടോ എന്ന് വ്യക്തമാക്കുമോ;

പുതുതായി മജിസ്ട്രേറ്റ് കോടതികൾ തുടങ്ങുന്നതിന് ഏതെങ്കിലും മുൻഗണനാ ലിസ്റ്റ് നിലവിലുണ്ടോ; എങ്കിൽ പകര്‍പ്പ് ലഭ്യമാക്കുമോ;

മലപ്പുറം ജില്ലയിൽ കൊണ്ടോട്ടിയിൽ ഒരു ഫസ്റ്റ് ക്ലാസ്സ് മജിസ്ട്രേറ്റ് കോടതി സ്ഥാപിക്കണമെന്ന ആവശ്യത്തിൽ സ്വീകരിച്ച നടപടി വിശദമാക്കുമോ?

നിലമ്പൂര്‍ കോടതി സമുച്ചയത്തിലെ സ്ഥലപരിമിതികൊണ്ട് ജെ. എഫ്. സി. എം. കോടതിയും മുന്‍സിഫ് മജിസ്ട്രേറ്റ് കോടതിയും കൂടി എം. എം. കോടതിയായിട്ടാണ് പ്രവര്‍ത്തിക്കുന്നത് എന്നതിനാലും ആഴ്ചയിൽ മൂന്ന് ദിവസം വീതം മാത്രമാണ് രണ്ട് കോടതികളിലുമായിട്ട് കേസ് തീര്‍പ്പാക്കല്‍ നടക്കുന്നത് എന്നതിനാലും രണ്ട് കോടതികളിലും കൂടി ഒരു മുന്‍സിഫ് മജിസ്ട്രേറ്റ് മാത്രമാണുള്ളത് എന്നതിനാലും ആയത് ബൈഫര്‍ക്കേഷന്‍ (വിഭജനം) നടത്തുവാനുള്ള നടപടി സ്വീകരിക്കുന്നുണ്ടോ; എങ്കില്‍ വ്യക്തമാക്കാമോ;

നിലമ്പൂർ കോടതി സമുച്ചയത്തിന്റെ കെട്ടിടനിർമാണത്തിനു വേണ്ടി തുക നീക്കിവച്ചിട്ടുണ്ടോ; എങ്കില്‍ നിർമ്മാണത്തിൽ കാലതാമസം വരുന്നത് എന്തുകൊണ്ടാണെന്ന് വ്യക്തമാക്കാമോ;

മുന്‍സിഫ് കോടതിയിലേക്കാവശ്യമായ സ്റ്റാഫ് ഫിക്സേഷൻ നടപ്പാക്കാത്തത് എന്തുകൊണ്ടാണെന്ന് വ്യക്തമാക്കാമോ?

സംസ്ഥാനത്തെ കെട്ടിട നിര്‍മ്മാണ ചട്ടങ്ങള്‍ (കെ.എം.ബി.ആർ./കെ.പി.ബി.ആർ.-2019) നിലവില്‍ വരുന്നതിന് മുമ്പ് നിര്‍മ്മിച്ചതും പ്രവര്‍ത്തനാനുമതി ലഭിച്ചതുമായ കെട്ടിടങ്ങള്‍ക്ക് കേരള ഫയര്‍ ആന്റ് റസ്ക്യൂ സര്‍വ്വീസസ് വകുപ്പില്‍ നിന്ന് ഫയര്‍ എന്‍.ഒ.സി. അനുവദിക്കാന്‍ സാധിക്കുമോ എന്ന് വ്യക്തമാക്കുമോ, സാധിക്കുമെങ്കില്‍ ഏത് ഉത്തരവ് പ്രകാരമാണെന്ന് വ്യക്തമാക്കുമോ; ഉത്തരവിന്റെ പകര്‍പ്പ് ലഭ്യമാക്കുമോ;

ഇല്ലെങ്കില്‍ ഇത്തരം കെട്ടിടങ്ങള്‍ക്ക് ഫയര്‍ എന്‍.ഒ.സി. ലഭ്യമാക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

സംസ്ഥാനത്തെ ഫയര്‍ ആന്റ് റെസ്‍ക്യൂ സര്‍വ്വീസസിന്റെ ആധുനികവല്‍ക്കരണവുമായി ബന്ധപ്പെട്ട് 2016 കാലഘട്ടം മുതല്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

ആലപ്പുഴ ഫയര്‍ സ്റ്റേഷൻ കെട്ടിടനിര്‍മ്മാണം ഉള്‍പ്പെടെയുള്ള ആധുനികവല്‍ക്കരണത്തിന് പദ്ധതികള്‍ ആവിഷ്കരിച്ച് നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ?

ഫയര്‍ ആന്റ് റെസ്ക്യൂ വകുപ്പില്‍ നിലവില്‍ പ്രയോഗത്തിലിരിക്കുന്നതും ഉപയോഗിക്കാന്‍ പദ്ധതിയിട്ടിരിക്കുന്നതുമായ പുതിയ സംവിധാനങ്ങള്‍ ഏതൊക്കെയാണെന്ന് വിശദീകരിക്കാമോ;

ഫയര്‍ ആന്റ് റെസ്ക്യൂ സേനയില്‍ ഡ്രോണ്‍ ഉപയോഗിച്ച് രക്ഷാപ്രവര്‍ത്തനങ്ങള്‍ നടത്തുന്നതിനുള്ള സംവിധാനങ്ങള്‍ നിലവിലുണ്ടോ;

ഇല്ലെങ്കില്‍ ബഹുനില കെട്ടിടങ്ങളില്‍ തീ അണയ്ക്കല്‍ പ്രവര്‍ത്തനങ്ങള്‍ നടത്തുക, രക്ഷാപ്രവര്‍ത്തകര്‍ക്ക് എത്തിപ്പെടാന്‍ സാധിക്കാത്ത സ്ഥലങ്ങളില്‍ അപകടത്തില്‍പ്പെട്ടവരെ കണ്ടെത്തുക തുടങ്ങിയ ആവശ്യങ്ങള്‍ക്കായി ഡ്രോണ്‍ ഉപയോഗിക്കുന്നതിനുള്ള നടപടികള്‍ സ്വീകരിക്കുമോ?

നിലമ്പൂര്‍ ഫയര്‍ സ്റ്റേഷന് സ്വന്തമായി സ്ഥലമോ കെട്ടിടമോ ഇല്ലാതെ ബുദ്ധിമുട്ട് അനുഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുവാൻ നടപടി സ്വീകരിച്ചിട്ടുണ്ടോ; വ്യക്തമാക്കാമോ;

ഇല്ലെങ്കിൽ നിലമ്പൂര്‍ ഫയര്‍ സ്റ്റേഷന് സ്വന്തമായി സ്ഥലവും കെട്ടിടവും അനുവദിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

വനപ്രദേശങ്ങളും ഇടുങ്ങിയ പ്രദേശങ്ങളും ഉൾക്കൊള്ളുന്ന വടക്കാഞ്ചേരി മേഖലയിൽ അപകടങ്ങൾ സംഭവിക്കുമ്പോൾ വലിയ ഫയർ ആൻഡ് റെസ്ക്യൂ വാഹനങ്ങൾ എത്തിച്ചേരുന്നത് പ്രയാസകരമാണെന്നത് ശ്രദ്ധയിൽപ്പെട്ടിട്ടുണ്ടോ;

വടക്കാഞ്ചേരി ഫയർ ആൻഡ് റെസ്ക്യൂ യൂണിറ്റ് വടക്കാഞ്ചേരി, ചേലക്കര എന്നീ രണ്ട് മണ്ഡലങ്ങളിലെ രക്ഷാപ്രവർത്തനങ്ങൾക്കുള്ള ചുമതലയുള്ള ഏക യൂണിറ്റാണെന്നത് പരിഗണിച്ച് പ്രസ്തുത യൂണിറ്റിന് ഒരു മിനി മൾട്ടി-യൂട്ടിലിറ്റി വാഹനം അത്യന്താപേക്ഷിതമാണെന്നത് ശ്രദ്ധയിൽപ്പെട്ടിട്ടുണ്ടോ;

വടക്കാഞ്ചേരി ഫയർ ആൻഡ് റെസ്ക്യൂ യൂണിറ്റിന് മിനി മൾട്ടി-യൂട്ടിലിറ്റി വാഹനം അനുവദിക്കുന്നതിനു് നടപടി സ്വീകരിക്കാമോ; വിശദമാക്കാമോ?

കോതമംഗലം നിയോജക മണ്ഡലത്തിലെ നേര്യമംഗലത്ത് പുതിയ ഫയര്‍ സ്റ്റേഷൻ ആരംഭിക്കുന്നതുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ വ്യക്തമാക്കാമോ;

നടപടിക്രമങ്ങള്‍ പൂര്‍ത്തീകരിച്ച് പ്രസ്തുത ഫയര്‍ സ്റ്റേഷന്റെ പ്രവര്‍ത്തനം ആരംഭിക്കുന്നതിനുള്ള നടപടി സ്വീകരിക്കുമോ; അറിയിക്കാമോ?

നെടുങ്കണ്ടം ഫയര്‍ ആന്റ് റെസ്ക്യൂ സ്റ്റേഷന് കെട്ടിടം നിര്‍മ്മിക്കുന്നതിലേക്കായി എത്ര രൂപയാണ് നവകേരള സദസുമായി ബന്ധപ്പെട്ട് അനുവദിച്ചതെന്ന് വ്യക്തമാക്കുമോ;

ഈ ഫണ്ട് പ്രയോജനപ്പെടുത്തി കെട്ടിടം നിര്‍മ്മിക്കുന്നതുമായി ബന്ധപ്പെട്ട പ്രവര്‍ത്തനങ്ങള്‍ ഏത് ഘട്ടത്തിലാണെന്നുള്ള വിശദാംശം നല്‍കാമോ?

വാമനപുരം മണ്ഡലത്തിലെ പാലോട് അനുമതിയായ അഗ്നിരക്ഷാനിലയം ആരംഭിക്കുന്നതിനായി നാളിതുവരെ സ്വീകരിച്ച നടപടികള്‍ വിശദമാക്കാമോ;

2025-26 സംസ്ഥാന ബഡ്ജറ്റില്‍ വകയിരുത്തിയ ഒരു കോടി രൂപയുടെ പുതിയ കെട്ടിടം നിര്‍മ്മിക്കുന്നതിന്റെ പ്രാരംഭ പ്രവര്‍ത്തനങ്ങളുടെ തല്‍സ്ഥിതി അറിയിക്കാമോ;

പുതിയ കെട്ടിടത്തിനായി മറ്റേതെങ്കിലും ഫണ്ട് വകയിരുത്തിയിട്ടുണ്ടോ; ഉണ്ടെങ്കില്‍ വിശദമാക്കാമോ;

മണ്ഡലത്തില്‍ നിര്‍മ്മാണം നടന്നുകൊണ്ടിരിക്കുന്ന വെഞ്ഞാറമൂട് അഗ്നിരക്ഷാനിലയത്തിന്റെ പ്രവൃത്തി എന്നത്തേക്ക് പൂര്‍ത്തീകരിക്കാൻ കഴിയുമെന്ന് വിശദമാക്കാമോ;

പ്രസ്തുത കെട്ടിടത്തിനായി പൊതുമരാമത്ത് വകുപ്പ് മുഖാന്തരം സമര്‍പ്പിച്ച മിച്ചമുള്ള പ്രവൃത്തികളുടെ അനുമതി ലഭ്യമായിട്ടുണ്ടോയെന്ന് വിശദമാക്കാമോ?

ഗുരുവായൂര്‍ ദേവസ്വം നിര്‍മ്മിച്ചു നല്‍കുന്ന ഗുരുവായൂര്‍ ഫയര്‍ ആന്റ് റെസ്ക്യൂ സ്റ്റേഷന്റെ നിര്‍മ്മാണ പുരോഗതി വിശദമാക്കാമോ;

ഗുരുവായൂര്‍ ഫയര്‍ ആന്റ് റെസ്ക്യൂ സ്റ്റേഷന്‍ നിര്‍മ്മാണം എന്നേയ്ക്ക് പൂര്‍ത്തീകരിക്കാനാകും എന്ന് വിശദമാക്കാമോ?

സംസ്ഥാനത്തെ ജയിലുകളിലെ തടവുകാരുടെ മാനസികാരോഗ്യ പരിശോധനയ്ക്കും കൗൺസിലിംഗ് സേവനങ്ങള്‍ ലഭ്യമാക്കുന്നതിനും എന്തു നടപടി സ്വീകരിച്ചിട്ടുണ്ടെന്ന് വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം ജയിലുകളിൽ നടപ്പാക്കിയ പുതിയ പരിഷ്ക്കാരങ്ങളെ കുറിച്ച് വിശദമാക്കുമോ;

കോഴിക്കോട് ജില്ലാ ജയിൽ നവീകരണത്തിന് പദ്ധതികൾ ആവിഷ്കരിച്ചിട്ടുണ്ടോ; വിശദമാക്കുമോ;

കോഴിക്കോട് ജില്ലയിൽ നിലവിലെ ജയിലുകൾക്കു പുറമേ പുതിയ ജയിലുകൾ ആരംഭിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ?

എഴുന്നൂറ്റി അന്‍പതിലധികം തടവുകാരുള്ള തവനൂര്‍ സെന്‍ട്രല്‍ ജയിലില്‍ നിലവില്‍ ആശുപത്രിയില്ലെന്നത് ശ്രദ്ധയിൽപ്പെട്ടിട്ടുണ്ടോ; തടവുകാരെ സ്ഥിരമായി ചികിത്സയ്ക്ക് പുറത്തുകൊണ്ടുപോകുകയെന്നത് പ്രയാസപ്പെട്ട കാര്യമായതിനാൽ ജയിലില്‍ ആശുപത്രി നിര്‍മ്മിക്കുവാന്‍ നടപടി സ്വീകരിക്കുമോ; വിശദമാക്കുമോ;

പ്രസ്തുത ജയിലിലെ ജീവനക്കാര്‍ക്ക് താമസിക്കാന്‍ ക്വാര്‍ട്ടേഴ്സില്ലാത്തതിനാല്‍ പരിസരത്തു നിന്നുമാറി വാടകക്കെട്ടിടങ്ങളിൽ താമസിക്കേണ്ടിവരുന്ന സാഹചര്യത്തിൽ അവിടെ ക്വാര്‍ട്ടേഴ്സ് നിര്‍മ്മിക്കുവാന്‍ ആവശ്യമായ നടപടി സ്വീകരിക്കുമോ; വിശദമാക്കുമോ?

ഗവ.സെൻട്രൽ പ്രസ്സ് ഡെപ്യൂട്ടി സൂപ്രണ്ടിന്റെ 09/09/2025-ലെ 6771/2025/ജി.സി.പി.ഇ.6 നമ്പർ സർക്കുലർ പ്രകാരം ബൈ ട്രാൻസ്ഫർ നിയമനം ലഭിച്ച ജീവനക്കാരുടെ സർട്ടിഫിക്കറ്റുകൾ പരിശോധിക്കണമെന്ന് ആവശ്യപ്പെട്ട് വകുപ്പുതലത്തിൽ എന്തെങ്കിലും പരാതി ലഭിച്ചിട്ടുണ്ടോ; എങ്കിൽ ആയതിന്റെ പകർപ്പും പരാതിയുമായി ബന്ധപ്പെട്ട് നാളിതുവരെ വകുപ്പിൽ നടന്ന നടപടിക്രമങ്ങളുടെ ഫയൽ നോട്ടുകളുടെ പകർപ്പും ലഭ്യമാക്കാമോ;

ഈ സർക്കുലറിൽ (6771/2025/ജി.സി.പി.ഇ.6) പരാമർശിക്കാത്ത സാങ്കേതികവിഭാഗം ജീവനക്കാരുടെ യോഗ്യതാ സർട്ടിഫിക്കറ്റുകൾ, പ്രവൃത്തിപരിചയ സർട്ടിഫിക്കറ്റുകൾ എന്നിവയുടെ ആധികാരികത വകുപ്പുതലത്തിൽ പരിശോധിച്ച് ഉറപ്പ് വരുത്തിയിട്ടുണ്ടോ; എങ്കിൽ അതുമായി ബന്ധപ്പെട്ട ഫയൽ നോട്ടുകളുടെ പകർപ്പ് ലഭ്യമാക്കാമോ; പരിശോധിച്ചിട്ടില്ലെങ്കിൽ ആയത് പരിശോധിക്കേണ്ട എന്ന് വകുപ്പുതലത്തിൽ തീരുമാനം എടുത്തിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ?

കോഴിക്കോട് ഗവ. പ്രസ്സില്‍ നിന്ന് സര്‍ക്കാര്‍ അംഗീകൃത ഏജന്‍സികള്‍ക്ക് നല്‍കാന്‍ ആവശ്യമായ സര്‍വീസ് ബുക്ക്, പെന്‍ഷന്‍ ബുക്ക്, മറ്റു സര്‍വീസ് രജിസ്റ്ററുകള്‍ മുതലായവ ആവശ്യത്തിന് ലഭ്യമാക്കാതിരിക്കുന്നതും ഗുണമേന്മയില്ലാത്ത പേപ്പറുകള്‍, സ്റ്റേഷനറികൾ എന്നിവ സപ്ലൈ ചെയ്യുന്നതും ശ്രദ്ധയില്‍പ്പെട്ടിട്ടുണ്ടോ; എങ്കിൽ വ്യക്തമാക്കുമോ;

ആയത് പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

ഇവിടെ നിന്നും വിതരണം ചെയ്യുന്ന പേപ്പറുകൾ, സ്റ്റേഷനറി സാധനങ്ങൾ മുതലായവയുടെ ഗുണനിലവാരം പരിശോധിക്കുന്നതിന് സംവിധാനമുണ്ടോ; എങ്കിൽ വ്യക്തമാക്കുമോ?

കരി ഓയിൽ കമ്പനിയെക്കുറിച്ച് പ്രമുഖ രാഷ്ട്രീയ പാര്‍ട്ടി നേതാവ് മുഖ്യമന്ത്രിക്ക് നൽകിയ പ്രധാന പരാതി എന്തായിരുന്നു;

2024 ഡിസംബർ 19 മുതൽ 2025 ജനുവരി 20 വരെയുള്ള കാലയളവിൽ ഇദ്ദേഹത്തിന്റെയും സുഹൃത്തിന്റെയും അക്കൗണ്ടുകളിലേക്ക് വന്ന തുക സംബന്ധിച്ച് കമ്പനിയുടെ ആരോപണം എന്താണെന്ന് വ്യക്തമാക്കാമോ;

ഈ കമ്പനിയുടെ പ്രവർത്തനങ്ങളെക്കുറിച്ച് സർക്കാർ അന്വേഷിക്കണമെന്ന് ആവശ്യപ്പെട്ട ഹർജിയിലെ എതിര്‍കക്ഷികൾ ആരെല്ലാമാണെന്ന് വ്യക്തമാക്കാമോ?

വാട്ടർമെട്രോ ടെർമിനലുകളുടെ നിർമാണം മൂലം നിർമാണം ആരംഭിക്കാൻ സാധിക്കാത്ത വൈപ്പിൻ മണ്ഡലത്തിലെ കടമക്കുടി ഗ്രാമപഞ്ചായത്തിലെ പാലം നിർമാണ പ്രവൃത്തികൾ ഏതെല്ലാമെന്ന് വ്യക്തമാക്കാമോ;

ജിഡയും കിഫ്ബിയും തുക വകയിരുത്തിയിട്ടുണ്ടെങ്കിലും പാലങ്ങൾക്കായി നിർദേശിക്കപ്പെട്ട അലൈൻമെന്റുകളിൽ വാട്ടർമെട്രോ ടെർമിനലുകളുടെ നിർമാണത്തിനായി സ്ഥലം ഏറ്റെടുത്തിട്ടുള്ളതിനാൽ പാലം നിർമാണം സാധ്യമാവാത്ത പ്രശ്നം പരിഹരിക്കുന്നതിനായി വാട്ടർമെട്രോ സ്വീകരിച്ചിട്ടുള്ള നടപടി എന്തെല്ലാമെന്ന് വിശദമാക്കാമോ?

സാങ്കേതികത്വത്തിന്റെ പേരിൽ മാത്രം പോസ്റ്റ്മോർട്ടം വേണ്ടിവരുന്ന കേസുകളിൽ മൃതദേഹങ്ങൾ കീറി മുറിക്കാതെയുള്ള വെർച്വൽ ഓട്ടോപ്സി അഥവാ ഡിജിറ്റൽ പോസ്റ്റ്മോർട്ടം എന്ന രീതി സംസ്ഥാനത്ത് നടപ്പിലാക്കുന്നത് സംബന്ധിച്ച് ആലോചിക്കുന്നുണ്ടോ;

ഡെൽഹി എയിംസിൽ വെർച്വൽ ഓട്ടോപ്സിയുടെ നോഡൽ സെന്ററും ബാംഗ്ലൂർ ഉൾപ്പെടെ രാജ്യത്തിന്റെ വിവിധ ഭാഗങ്ങളിൽ പോസ്റ്റുമോർട്ടം ഡിജിറ്റലാക്കിയ കേന്ദ്രങ്ങളും പ്രവൃത്തിച്ചുവരുന്ന സാഹചര്യത്തിൽ സംസ്ഥാനത്തും ഈ സംവിധാനം ഏർപ്പെടുത്താൻ സർക്കാർ നടപടി സ്വീകരിക്കുമോ?

നവകേരള സദസ്സിന്റെ ഭാഗമായി ഇരവിപുരം മണ്ഡലത്തിൽ പ്രഖ്യാപിച്ച പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പദ്ധതികളുടെ നിർവഹണ ഏജൻസികൾ ഏതൊക്കെയാണെന്ന് വ്യക്തമാക്കാമോ;

പ്രസ്തുത പ്രവൃത്തികള്‍ക്ക് ഭരണാനുമതി ലഭിക്കുന്നതിനുള്ള നടപടിക്രമങ്ങൾ എന്തൊക്കെയാണ്; ആയതിന്റെ പുരോഗതി വ്യക്തമാക്കാമോ?

സംസ്ഥാനത്ത് സംഘടിപ്പിച്ച കേരള അർബൻ കോൺക്ലേവ് 2025 -ന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്നും ലക്ഷ്യങ്ങൾ കൈവരിക്കുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ടെന്നും വിശദമാക്കാമോ;

പ്രസ്തുത ലക്ഷ്യങ്ങൾ നിറവേറ്റുന്നതിനായി കേന്ദ്രസർക്കാരുമായി എന്തെങ്കിലും ധാരണയിൽ ഏർപ്പെട്ടിട്ടുണ്ടോയെന്നും ഇക്കാര്യത്തിൽ കേന്ദ്രം നിലപാട് അറിയിച്ചിട്ടുണ്ടോയെന്നും വ്യക്തമാക്കാമോ;

അർബൻ കോൺക്ലേവിന്റെ പ്രഖ്യാപിത ലക്ഷ്യങ്ങളിൽ ഒന്നായ അതി ദാരിദ്ര്യനിർമ്മാർജ്ജനം നടപ്പിലാക്കാൻ സാധിക്കുമോയെന്ന് വ്യക്തമാക്കാമോ; നിലവിൽ സംസ്ഥാനത്ത് അതി ദാരിദ്ര്യ മേഖലയിൽ ഉള്ള കുടുംബങ്ങളുടെ കണക്കുകൾ ശേഖരിച്ചിട്ടുണ്ടോയെന്ന് വിശദമാക്കാമോ;

സംസ്ഥാനം പൂർണമായും നഗരവൽക്കരിക്കപ്പെടുമ്പോൾ ഗ്രാമീണ മേഖലയ്ക്ക് നൽകിവരുന്ന കേന്ദ്രസഹായം നഷ്ടപ്പെടുമോ എന്ന് പരിശോധിച്ചിട്ടുണ്ടോ; ഉണ്ടെങ്കിൽ പ്രസ്തുത പ്രതിസന്ധി മറികടക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

തദ്ദേശ റോഡ് പുനരുദ്ധാരണ പദ്ധതിക്കായി ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും വകയിരുത്തിയ തുകയും ചെലവഴിച്ച തുകയും എത്രയാണെന്ന് വ്യക്തമാക്കാമോ; നടപ്പ് സാമ്പത്തിക വർഷം എത്ര തുക വകയിരുത്തിയിട്ടുണ്ടെന്നും നാളിതുവരെ എത്ര തുക ചെലവഴിച്ചുവെന്നും വ്യക്തമാക്കാമോ;

തദ്ദേശ സ്ഥാപനങ്ങളുടെ ഉടമസ്ഥതയിലുള്ള റോഡുകൾ പുനരുദ്ധരിക്കുമ്പോൾ മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി 2.0 എന്ന ബോർഡ് സ്ഥാപിക്കുവാൻ നിർദേശം നൽകിയതിന്റെ കാരണം വ്യക്തമാക്കുമോ; പ്രസ്തുത പദ്ധതിയുടെ പേര് മേൽപ്പറഞ്ഞ രീതിയിൽ പരിഷ്കരിക്കുന്നത് അധികാര വികേന്ദ്രീകരണത്തിന് വിരുദ്ധമായ സമീപനമാണോ; അങ്ങനെയെങ്കിൽ പ്രസ്തുത നിർദേശം പിൻവലിക്കുവാൻ തയ്യാറാകുമോയെന്ന് വ്യക്തമാക്കാമോ?

ഗെയിൽ പൈപ്പ് ലൈൻ പദ്ധതിയിലൂടെ നാളിതുവരെ സംസ്ഥാനത്തിനുണ്ടായ നേട്ടങ്ങൾ എന്തൊക്കെയെന്ന് വിശദമാക്കാമോ;

പ്രസ്‌തുത പദ്ധതി പ്രകാരം ഏതെല്ലാം നഗരങ്ങളിൽ നേരിട്ട് പ്രകൃതിവാതക വിതരണം നടത്തുന്നുണ്ടെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം എന്നത്തേക്ക് സംസ്ഥാനത്തെ എല്ലാ നഗരങ്ങളിലും പ്രകൃതി വാതകം വിതരണത്തിനായി നേരിട്ട് എത്തിക്കാൻ കഴിയുമെന്നാണ് പ്രതീക്ഷിക്കുന്നത്; വിശദാംശം ലഭ്യമാക്കാമോ?

2025 ഏപ്രിൽ 21-ന് കാഞ്ഞങ്ങാട് നടന്ന ബഹു. മുഖ്യമന്ത്രിയുടെ മുഖാമുഖം പരിപാടിയിൽ എത്ര പദ്ധതികളെക്കുറിച്ചാണ് ചർച്ച നടന്നതെന്ന് അറിയിക്കാമോ;

ഓരോ പദ്ധതിയിലും തുടർനടപടികൾ സ്വീകരിച്ചിട്ടുണ്ടോ; വിശദാംശം നൽകാമോ;

പ്രസ്തുത ചർച്ചയിൽ കാഞ്ഞങ്ങാട് ദേശീയ പൈതൃക ഇടനാഴി പദ്ധതിയുമായി ബന്ധപ്പെട്ട് സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

കാഞ്ഞങ്ങാട് ദേശീയ പൈതൃക ഇടനാഴി പദ്ധതിയുടെ തുടർനടപടികൾക്കായി ജില്ലാ ഭരണകൂടത്തെ ചുമതലപ്പെടുത്തുന്നതിന് നിർദേശം നൽകിയിട്ടുണ്ടോ; വ്യക്തമാക്കാമോ?

എല്ലാ തദ്ദേശ സ്വയംഭരണ സ്ഥാപനങ്ങളിലും ഒരു സീറ്റിലേക്ക് ഭിന്നശേഷിക്കാരെ നാമനിർദ്ദേശം ചെയ്യണമെന്ന് ആവശ്യപ്പെട്ട് ഡിഫറെന്റലി ഏബിൾഡ് പീപ്പിൾസ് കോൺഗ്രസ് കമ്മിറ്റി 12.3.25 ന് ബഹു. മുഖ്യമന്ത്രിക്ക് സമർപ്പിച്ച നിവേദനത്തിന്മേൽ നാളിതുവരെ സ്വീകരിച്ച നടപടികൾ വിശദമാക്കുമോ;

തദ്ദേശ സ്വയംഭരണ സ്ഥാപനങ്ങളിൽ ഭിന്നശേഷിക്കാരെ നാമനിർദ്ദേശം ചെയ്യുന്നതിനായി നിയമനിർമാണം നടത്തുവാൻ തയ്യാറാകുമോ; വ്യക്തമാക്കുമോ?

നവകേരള സദസ്സിനോടനുബന്ധിച്ച് കോഴിക്കോട് സൗത്ത് മണ്ഡലത്തില്‍ അനുവദിച്ച എരവത്ത്കുന്ന് ടൂറിസം പദ്ധതി, ചുള്ളിക്കാട് ബ്ര‍ിഡ്ജ് എന്നീ പ്രവര്‍ത്തികളുടെ നിലവിലെ സ്ഥിതി വിശദമാക്കാമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി കായംകുളം മണ്ഡലത്തില്‍ അനുവദിച്ച പദ്ധതികള്‍, അനുവദിച്ച തുക, നിര്‍മ്മാണം പൂര്‍ത്തീകരിച്ചവ, ഇനിയും പൂര്‍ത്തീകരിക്കാനുള്ള പ്രവൃത്തികള്‍ ഏതൊക്കെ എന്നിവ ഇനം തിരിച്ച് ലഭ്യമാക്കാമോ; പ്രസ്‌തുത പ്രവൃത്തികളിൽ ഭരണാനുമതി ലഭിച്ചിട്ടും നിര്‍മ്മാണ പ്രവര്‍ത്തനങ്ങള്‍ ആരംഭിക്കാന്‍ കഴിയാത്തവ ഏതൊക്കെയെന്ന് കാരണസഹിതം വ്യക്തമാക്കാമോ?

കുട്ടനാട്ടിൽ നിർദേശിച്ച എൻ.സി.സി. നാഷണൽ ട്രെയിനിങ് സെന്റർ സമയബന്ധിതമായി പൂർത്തീകരിക്കാൻ സ്വീകരിച്ചു വരുന്ന നടപടികൾ വ്യക്തമാക്കുമോ;

ഈ പ്രവൃത്തി നടപ്പാക്കുന്നതിനുള്ള തടസ്സങ്ങൾ അടിയന്തിരമായി പരിഹരിച്ച് പ്രസ്തുത നിർമ്മാണം പൂർത്തീകരിക്കുന്നതിന് എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

റീബിൽഡ് കേരളയിൽ ഉൾപ്പെടുത്തി നിർമ്മിക്കുന്ന തിരുവല്ല മണ്ഡലത്തിലെ ജനസേവ റോഡ്, പുളിക്കീഴ് റോഡ് എന്നിവയുടെ നിർമ്മാണ പ്രവൃത്തികൾ മുടങ്ങിപ്പോയതിന്റെ കാരണം വ്യക്തമാക്കാമോ;

പ്രസ്തുത പ്രവൃത്തികൾ പുനരാരംഭിക്കുവാൻ സ്വീകരിച്ചിട്ടുള്ള നടപടികൾ വിശദമാക്കാമോ?

ബാലുശ്ശേരി മണ്ഡലത്തിൽ നവകേരള സദസ്സിന്റെ ഭാഗമായി ഏതൊക്കെ പദ്ധതികൾക്കാണ് ഭരണാനുമതി നൽകിയിട്ടുള്ളതെന്ന് വിശദമാക്കാമോ; പ്രസ്തുത പദ്ധതികളുടെ പ്രവൃത്തി എപ്പോൾ ആരംഭിക്കാൻ കഴിയുമെന്ന് വിശദമാക്കാമോ?

ഉദുമ മണ്ഡലത്തില്‍ നിന്ന് നവകേരള സദസ്സിൽ ലഭിച്ച അപേക്ഷകളില്‍ ഇനി എത്ര അപേക്ഷകള്‍ തീര്‍പ്പാക്കാന്‍ ബാക്കിയുണ്ടെന്ന് വ്യക്തമാക്കാമോ;

ഇവ തീര്‍പ്പാക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ;

മണ്ഡലത്തില്‍ നിന്ന് ലഭിച്ചതും തീര്‍പ്പാക്കിയതുമായ അപേക്ഷകളുടെ എണ്ണം വിശദമാക്കാമോ?

ആസ്തി വികസന പദ്ധതിയിലും മറ്റ് പദ്ധതികളിലും തുക വകയിരുത്തിയിട്ടും 10 വര്‍ഷത്തിലധികമായി ടെണ്ടര്‍ എടുക്കുവാന്‍ കരാറുകാര്‍ തയ്യാറാകാത്തതിനാൽ വെള്ളക്കെട്ടു കാരണം റോഡുകളെല്ലാം ഗതാഗത യോഗ്യമല്ലാതായതിനെത്തുടര്‍ന്ന് തീരദേശ മണ്ഡലം കൂടിയായ വൈപ്പിന്‍ മണ്ഡലത്തിന് അനുയോജ്യമായ കോസ്റ്റ് ഇന്‍ഡക്സ് അനുവദിച്ച് കിട്ടുന്നതിനായി 20.04.2024 ന് സ്ഥലം എം.എല്‍.എ ബഹു. മുഖ്യമന്ത്രിക്ക് സമര്‍പ്പിച്ച പരാതിയില്‍ ബന്ധപ്പെട്ട വകുപ്പുകള്‍ നടപടി സ്വീകരിച്ചിട്ടുണ്ടോ ; ഇല്ലെങ്കിൽ നടപടി സ്വീകരിക്കുന്നതിനുള്ള കാലതാമസത്തിന് കാരണം വിശദമാക്കാമോ;

കാലവസ്ഥാ വ്യതിയാനത്തെ തുടർന്നുള്ള ഓരുവെള്ള - കടലാക്രമണ ഭീഷണികളാൽ മണ്ഡലത്തിലെ റോഡുകളെല്ലെം തകര്‍ന്നു കിടക്കുന്നതിനാല്‍ തുക വകയിരുത്തിയിട്ടുള്ള റോഡ് പ്രവൃത്തികളെങ്കിലും പ്രാവര്‍ത്തികമാക്കുന്നതിനായി കോസ്റ്റ് ഇന്‍ഡക്സ് ഉള്‍പ്പെടെയുള്ള റോഡ് പ്രവൃത്തി സംബന്ധിച്ച വിഷയങ്ങളിൽ ധനകാര്യ വകുപ്പിലും പൊതുമരാമത്ത് വകുപ്പിലും കളക്ട്രേറ്റിലും തദ്ദേശസ്വയംഭരണ സ്ഥാപനങ്ങളിലുമുള്ള ഫയലുകളില്‍ ദ്രുതഗതിയിലുള്ള തീരുമാനം ലഭ്യമാക്കാന്‍ നടപടി സ്വീകരിക്കുമോ?

കേരള തീരത്ത് എം. എസ്. സി. എൽസ-3 കപ്പൽ കണ്ടെയിനറുകളുമായി മുങ്ങിയ സംഭവത്തിൽ പരിസ്ഥിതി ആഘാതം കണ്ടെത്തിയിട്ടില്ലെന്ന് മലിനീകരണ നിയന്ത്രണ ബോർഡ് ഹൈക്കോടതിയിൽ നൽകിയ രേഖകളിൽ പ്രതിപാദിച്ചിട്ടുണ്ടോ; വ്യക്തമാക്കാമോ;

പ്രസ്തുത സംഭവത്തിൽ മലിനീകരണ നിയന്ത്രണ ബോർഡ് വിശദമായ അന്വേഷണം നടത്തിയിട്ടുണ്ടോ; വിശദാംശം നൽകാമോ;

മത്സ്യത്തൊഴിലാളികൾക്ക് നഷ്ടപരിഹാരം നൽകുന്നത് സംബന്ധിച്ച കേസിൽ മലിനീകരണ നിയന്ത്രണ ബോർഡ് ഹൈക്കോടതിയിൽ നൽകിയ സത്യവാങ്മൂലം കമ്പനിയെ സഹായിക്കാനാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ എങ്കിൽ ഇത് ഗൗരവത്തോടെ കാണുന്നുണ്ടോ; വ്യക്തമാക്കാമോ?

സി.ആര്‍.ഇസഡ്. മാനദണ്ഡ പ്രകാരം പഞ്ചായത്ത്, മുനിസിപ്പാലിറ്റി, കോ‍ര്‍പ്പറേഷന്‍ പരിധിയിലെ കെട്ടിടനിര്‍മ്മാണത്തിന് അനുമതി ലഭിക്കുന്നതിനുളള പരിധി പുതുക്കി നിശ്ചയിച്ചിട്ടുണ്ടോ; വിശദാംശം നല്‍കുമോ?

കേരള തീരത്ത് എം. എസ്. സി. എൽസ-3 കപ്പൽ കണ്ടെയ്നറുകളുമായി മുങ്ങിയ സംഭവത്തിൽ മലിനീകരണ നിയന്ത്രണ ബോർഡ് ഹൈക്കോടതിയിൽ നൽകിയ രേഖകളുടെ പകർപ്പ് ലഭ്യമാക്കുമോ?