മട്ടന്നൂര്‍ നിയോജക മണ്ഡലത്തില്‍ വൈദ്യുതി വകുപ്പ് മുഖേന പൂര്‍ത്തിയായ പ്രോജക്ടുകള്‍ ഏതൊക്കെയാണെന്ന് വ്യക്തമാക്കാമോ; നിലവില്‍ നടന്നുവരുന്ന പ്രവൃത്തികളുടെ നിര്‍മ്മാണ പുരോഗതി അറിയിക്കാമോ;

പഴശ്ശി സാഗര്‍ ജലവൈദ്യുത പദ്ധതിയുടെ നിര്‍മ്മാണ പുരോഗതിയും വിശദാംശവും ലഭ്യമാക്കാമോ?

2021 വര്‍ഷം മുതല്‍ ഇതുവരെയായി കുറ്റ്യാടി നിയോജകമണ്ഡലത്തിലെ 8 പഞ്ചായത്തുകളിലെ വൈദ്യുതിക്ഷാമം പരിഹരിക്കുന്നതിന് നടപ്പിലാക്കിയ പദ്ധതികൾ ഏതൊക്കെയാണെന്ന് പദ്ധതികളുടെ അടങ്കല്‍ തുക സഹിതം വിശദമാക്കാമോ; ഈ പദ്ധതികള്‍ നടപ്പിലാക്കിയത് വഴി ഏതൊക്കെ പ്രദേശങ്ങളിലെ വൈദ്യുതി ക്ഷാമത്തിനാണ് പരിഹാരം ഉണ്ടായിട്ടുള്ളതെന്ന് വിശദമാക്കാമോ?

2023-24 സാമ്പത്തിക വർഷത്തെ കെഎസ്ഇബി ലിമിറ്റഡിന്റെ അക്കൗണ്ടുകൾ ട്രൂയിംഗ് അപ്പ് ചെയ്യുന്നതിനുള്ള അപേക്ഷയിന്മേലുളള കെഎസ്ഇആർസിയുടെ 30.06.2025-ലെ ഉത്തരവ് ശ്രദ്ധയിൽപ്പെട്ടിട്ടുണ്ടോ;

30.06.2025 ലെ കെ.എസ്.ഇ.ആർ.സി. ഉത്തരവിലെ പട്ടിക 1.1 ഉം പട്ടിക 7.1 ഉം പ്രകാരം താരിഫ് & ബാഹ്യ വിൽപ്പനയിൽ നിന്നുള്ള യഥാർത്ഥ വരുമാനവും ഓഡിറ്റ് ചെയ്ത വരുമാനവും 20441.75 കോടി രൂപയായി കാണിക്കുന്നു. എന്നാൽ പട്ടിക 7.13 കെ‌.എസ്‌.ഇ‌.ബി‌.എല്ലിന്റെ ട്രൂയിംഗ് അപ്പ് പെറ്റീഷൻ പ്രകാരം താരിഫ് & ബാഹ്യ വിൽപ്പനയിൽ നിന്നുള്ള വരുമാനം 19,761.95 കോടി രൂപയാണെന്ന് കുറച്ചു കാണിക്കുകയും കെഎസ്ഇആർസി അത് അംഗീകരിക്കുകയും ചെയ്യുന്നു. യഥാർത്ഥവും ഓഡിറ്റ് ചെയ്തതുമായ വരുമാനത്തേക്കാൾ 679.8 കോടി രൂപ ഇത്തരത്തിൽ കുറവു വരുത്തി കാണിക്കുന്നത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ എന്തു നടപടി സീകരിച്ചു എന്ന് വ്യക്തമാക്കാമോ;

താരിഫ് & ബാഹ്യ വിൽപ്പനയിൽ (താരിഫ് & എക്സ്റ്റേണല്‍ സെയില്‍സ്) നിന്നുള്ള വരുമാന നഷ്ടത്തിൽ ഈ തരത്തിലുള്ള വ്യത്യാസം എല്ലാ വർഷവും ആവർത്തിച്ച് സംഭവിക്കുന്നത് എന്തുകൊണ്ടെന്ന് വിശദമാക്കാമോ; ഇത്തരമൊരു സാഹചര്യം ആവർത്തിക്കാതിരിക്കാൻ എന്തു നടപടികൾ ആണ് സീകരിച്ചിട്ടുളളത്;

കെ.എസ്.ഇ.ബി.എല്‍. ഇത്തരത്തിൽ ഉണ്ടാക്കിയ നഷ്ടങ്ങൾ ഏറ്റെടുക്കുന്നതിന് മുമ്പ് വിശദമായി പരിശോധന നടത്തിയിട്ടുണ്ടോ; വ്യക്തമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം വൈദ്യുതി വകുപ്പ് മുഖേന ദേവികുളം മണ്ഡലത്തില്‍ നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ?

കാസര്‍ഗോഡ് ജില്ലയിൽ നിലവിൽ പ്രൊപ്പോസ് ചെയ്തിട്ടുള്ള അമ്പലത്തറ - ബേളൂർ നിർദ്ദിഷ്ട 33 കെവി ലൈൻ പ്രവൃത്തി എപ്പോൾ യാഥാർത്ഥ്യമാകുമെന്ന് വ്യക്തമാക്കാമോ;

മൈലാട്ടി - വിദ്യാനഗർ മൾട്ടി വോൾട്ടേജ് മൾട്ടി സർക്യൂട്ട് ലൈനിന്റെ പ്രവൃത്തി നിലവിൽ ഏത് ഘട്ടത്തിലാണെന്ന് വ്യക്തമാക്കാമോ; പ്രവൃത്തി എന്നത്തേക്ക് പൂർത്തീകരിക്കാനാവുമെന്ന് വ്യക്തമാക്കാമോ?

കായംകുളം മണ്ഡലത്തില്‍ 2016 മുതല്‍ നാളിതുവരെ വൈദ്യുതി വകുപ്പ് നടപ്പാക്കിയ പദ്ധതികള്‍ ഏതൊക്കെയെന്നും ഓരോ പദ്ധതിക്കുമായി ചെലവഴിച്ച തുക എത്രയെന്നും വിശദമാക്കാമോ?

കിഫ്ബി ധനസഹായം ഉപയോഗിച്ച് സംസ്ഥാനത്ത് നടപ്പിലാക്കപ്പെടുന്ന വൈദ്യുതി പദ്ധതികളുടെ എണ്ണം എത്രയാണെന്ന് വിശദമാക്കാമോ; 2025-ൽ പൂര്‍ത്തിയായതും നടപ്പിലാവുന്നതുമായ പദ്ധതികളുടെ വിവരങ്ങള്‍ എന്തൊക്കെയാണെന്ന് വിശദമാക്കാമോ?

വൈപ്പിൻ മണ്ഡലത്തിൽ ചെറായി- ഞാറക്കൽ 110 കെ.വി. ഡി.സി. ലൈൻ (14.1 കി.മീ.) നിർമ്മാണ പ്രവൃത്തിയുടേയും ഞാറക്കൽ 66 കെ.വി. സബ്സ്റ്റേഷന്റെ ശേഷി 110 കെ.വി. ആയി വർദ്ധിപ്പിക്കുന്ന പ്രവൃത്തിയുടേയും നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിയുടെ നർമ്മാണ കാലാവധി എന്നുവരെ ആണെന്നും കരാർ ഏറ്റെടുത്തിട്ടുള്ളതാരാണെന്നും വ്യക്തമാക്കാമോ;

പ്രസ്തുത പ്രവൃത്തി എന്നത്തേക്ക് പൂർത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

മലപ്പുറം ജില്ലയിൽ വോൾട്ടേജ് കുറവ് ഉൾപ്പെടെയുള്ള വൈദ്യുതി വിതരണ രംഗത്തെ പ്രതിസന്ധികൾ തരണം ചെയ്യുന്നതിനായി മലപ്പുറം സ്പെഷ്യൽ പാക്കേജ് എന്ന പദ്ധതി കെ.എസ്.ഇ.ബി.എൽ. നടപ്പിലാക്കാൻ തീരുമാനിച്ചിരുന്നുവോ; എങ്കിൽ ഇതിന്റെ വിശദാംശങ്ങൾ ലഭ്യമാക്കുമോ;

ഈ പദ്ധതിയിൽ ഓരോ വർഷവും നടപ്പിലാക്കാനായി ഉദ്ദേശിച്ച് ടെൻഡർ ചെയ്ത ഏതെല്ലാം പ്രവൃത്തികളാണ് ഉണ്ടായിരുന്നതെന്നും ഇവയിൽ ഏതെല്ലാം പ്രവൃത്തികൾക്ക് ഏതെല്ലാം തീയതികളിൽ ടെണ്ടർ വിളിച്ചുവെന്നും പ്രസ്തുത ടെണ്ടർ ഉറപ്പിച്ച് പ്രവൃത്തി തുടങ്ങുന്നതിന് ഉണ്ടായ തടസ്സം എന്താണെന്നും ആ തടസ്സം തീർക്കേണ്ടത് ആരാണെന്നും വ്യക്തമാക്കുമോ;

ടെണ്ടർ നടപടി അനന്തമായി നീണ്ടു പോകുന്നതിനു കാരണം കണ്ടെത്തിയിട്ടുണ്ടോ; ഈ പദ്ധതി നടപ്പിൽ വരാതിരിക്കാൻ ഉദ്യോഗസ്ഥതലത്തിൽ എന്തെങ്കിലും അലംഭാവം ഉണ്ടായിട്ടുണ്ടോയെന്ന് പരിശോധിച്ചിട്ടുണ്ടോ; എങ്കിൽ അവരുടെ പേരിൽ നടപടി സ്വീകരിക്കുമോ;

മലപ്പുറം പാക്കേജ് വൈകുന്നത് സംബന്ധിച്ച് ജനപ്രതിനിധികളിൽ നിന്നോ ജില്ലാ വികസന സമിതിയിൽ നിന്നോ മറ്റോ എന്തെങ്കിലും പരാതികൾ സർക്കാറിനോ വകുപ്പ് മന്ത്രിക്കോ ലഭിച്ചിട്ടുണ്ടോ; എങ്കിൽ ഇവയിൽ നാളിതുവരെ എന്തു നടപടി സ്വീകരിച്ചുവെന്ന് വ്യക്തമാക്കുമോ;

ഈ പദ്ധതി അവലോകനം ചെയ്യുന്നതിന് ബഹു. മന്ത്രിയുടെ അധ്യക്ഷതയിൽ എം.എൽ.എ.മാരുടെയും ഉദ്യോഗസ്ഥന്മാരുടെയും ഉന്നതതല യോഗം ചേരുന്നതിന് നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ആലപ്പുഴ മണ്ഡലത്തില്‍ വെെദ്യുതി വകുപ്പ് നടപ്പിലാക്കിയ പദ്ധതികളുടെ വിശദവിവരം, പദ്ധതിക്ക് ചെലവഴിച്ച തുക എന്നിങ്ങനെ പട്ടിക തിരിച്ച് ലഭ്യമാക്കാമോ;

പ്രസ്തുത മണ്ഡലത്തില്‍ സൗജന്യ വെെദ്യുതി കണക്ഷനുകള്‍ നല്‍കിയിട്ടുണ്ടോ; ഉണ്ടെങ്കില്‍ അവയുടെ വിശദവിവരം ലഭ്യമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്ന ശേഷം നാളിതുവരെ വൈപ്പിന്‍ മണ്ഡലത്തില്‍ കെ.എസ്.ഇ.ബി. മുഖാന്തരം നടപ്പിലാക്കിയ പദ്ധതികളുടെ നിലവിലെ സ്ഥിതി, ചെലവഴിച്ച തുക എന്നിവ സംബന്ധിച്ച വിശദാംശം ലഭ്യമാക്കാമോ?

കഴിഞ്ഞ സാമ്പത്തിക വർഷത്തിൽ കെ.എസ്.ഇ.ബി. ലിമിറ്റഡിന്റെ ലാഭം അല്ലെങ്കിൽ നഷ്ടം എത്രയാണ് എന്നതിന്റെ വിശദാംശം നൽകാമോ;

ജീവനക്കാരുടെ ഭീമമായ ശമ്പളവും കെ.എസ്.ഇ.ബി. യുടെ തലപ്പത്തുള്ളവരുടെ കാര്യക്ഷമമല്ലാത്ത പ്രവർത്തന രീതികളും ആസൂത്രണത്തിലെ പിഴവുകളും മൂലമാണ് പ്രതിവർഷ നഷ്ടം കൂടിവരുന്നതെന്നത് പരിശോധിച്ചിട്ടുണ്ടോ; വിശദമാക്കാമോ;

രാജ്യത്ത് പുരപ്പുറ സോളാർ പദ്ധതികൾ പ്രോത്സാഹിപ്പിക്കപ്പെടുമ്പോൾ, പ്രസ്തുത പദ്ധതികൾ കാരണം കെ.എസ്.ഇ.ബി. യ്ക്ക് വൻനഷ്ടമുണ്ടായെന്ന് കരുതുന്നുണ്ടോ; എങ്കിൽ ആയതിന്റെ വിശദാംശങ്ങൾ നൽകാമോ?

ഈ സര്‍ക്കാരിന്റെ കാലത്ത് വൈദ്യുതി വകുപ്പ് മുഖേന കയ്പമംഗലം മണ്ഡലത്തിൽ നടപ്പിലാക്കിയ വികസന പ്രവർത്തനങ്ങൾ എന്തെല്ലാം; വിശദമാക്കാമോ;

കയ്പമംഗലം മണ്ഡലത്തിലെ എത്ര വീടുകള്‍ക്ക് സോളാർ പദ്ധതി മുഖേന പ്രയോജനം ലഭിച്ചിട്ടുണ്ട്; കണക്ക് ലഭ്യമാക്കാമോ;

കയ്പമംഗലം മണ്ഡലത്തിലെ തീരപ്രദേശത്തെ വീടുകളിൽ വോൾട്ടേജ് ക്ഷാമം പരിഹരിക്കുന്നതിന് എന്തെല്ലാം നടപടികളാണ് വകുപ്പ് കൈകൊണ്ടിട്ടുള്ളത്; വിശദമാക്കാമോ?

മാവേലിക്കര മണ്ഡലത്തില്‍ 2021‌-22 സാമ്പത്തിക വര്‍ഷം മുതല്‍ വിവിധ പദ്ധതികളില്‍ ഉള്‍പ്പെടുത്തി കെ.എസ്.ഇ.ബി. നടപ്പിലാക്കിയതും അനുവദിച്ചതുമായ പ്രവൃത്തികളുടെ വിശദവിവരം ലഭ്യമാക്കുമോ?

ഈ സര്‍ക്കാര്‍ അധികാരമേറ്റ ശേഷം എത്ര തവണ വൈദ്യുതി ചാര്‍ജ്ജ് വര്‍ദ്ധിപ്പിക്കുകയുണ്ടായി; ഏതെല്ലാം ഘട്ടത്തില്‍ എത്ര ശതമാനം വീതം ചാര്‍ജ്ജ് വര്‍ദ്ധനവ് വരുത്തുകയുണ്ടായി; വിശദാംശങ്ങള്‍ ലഭ്യമാക്കുമോ;

വൈദ്യുതി ബോര്‍ഡ് ചാര്‍ജ്ജ് വര്‍ദ്ധന ആവശ്യം ഉന്നയിച്ചുകൊണ്ട് ഏറ്റവും ഒടുവില്‍ റഗുലേറ്ററി കമ്മീഷന് നല്‍കിയ മെമ്മോറാണ്ടത്തിലെ വിശദാംശങ്ങള്‍ വെളിപ്പെടുത്തുമോ;

ഇപ്പോള്‍ ഗാര്‍ഹിക ഉപഭോക്താക്കളുടെ വൈദ്യുതി ചാര്‍ജ്ജ് യൂണിറ്റിന് എത്രയാണെന്ന് വ്യക്തമാക്കുമോ;

വൈദ്യുത രംഗത്ത് സ്വയം പര്യാപ്തത കൈവരിക്കാന്‍ കേരളത്തില്‍ ഇനിയും എത്ര മെഗാവാട്ട് വൈദ്യുതി കൂടുതലായി ഉല്‍പാദിപ്പിക്കേണ്ടതുണ്ടെന്ന് വ്യക്തമാക്കാമോ?

കോഴിക്കോട് സൗത്ത് നിയോജക മണ്ഡലത്തില്‍ സ്ഥാപിച്ച ഇലക്ട്രിക് വെഹിക്കിള്‍ ചാര്‍ജ്ജിംഗ് സ്റ്റേഷനുകളുടെ (സെന്ററുകള്‍) വിശദാംശം ലഭ്യമാക്കാമോ;

ഇവിടെ സ്ഥാപിച്ച എല്ലാ സ്റ്റേഷനുകളും സുഗമമായി പ്രവര്‍ത്തിച്ചു വരുന്നുണ്ടോ; വിശദമാക്കാമോ?

വൈദ്യുതി വകുപ്പിന് കീഴിലുള്ള സ്ഥാപനങ്ങളിൽ 2016-ന് ശേഷം എത്ര ആശ്രിത നിയമനങ്ങൾ നടത്തിയിട്ടുണ്ട്; ഇവരുടെ പേരും തസ്തികയും നിയമനം നടത്തിയ തീയതിയും വ്യക്തമാക്കാമോ;

ഓരോ സ്ഥാപനത്തിലെയും ആശ്രിത നിയമനവ്യവസ്ഥകൾ എപ്രകാരമാണെന്നും ഈ നിയമങ്ങൾ പാലിച്ചാണോ അതാത് സ്ഥാപനങ്ങൾ നിയമനം നടത്തിയതെന്നും നിയമനവ്യവസ്ഥകൾ പാലിക്കാത്ത ഏതെങ്കിലും സ്ഥാപനം നിലവിലുണ്ടോയെന്നും അറിയിക്കുമോ; ഇത്തരം ആശ്രിത നിയമനത്തിന്മേൽ പ്രസ്തുത സ്ഥാപനവും സർക്കാരും എടുത്ത തീരുമാനത്തിന്റെ പകർപ്പ് ലഭ്യമാക്കുമോ;

കോടതിവിധി പ്രകാരം എത്ര പേർക്ക് നിയമനം നൽകിയെന്ന് വ്യക്തമാക്കുമോ; പ്രസ്തുത കോടതി വിധിയുടെ പകർപ്പ് ലഭ്യമാക്കുമോ; ആശ്രിത നിയമനത്തിന് സർക്കാർ തലത്തിലുള്ള നിയമനവ്യവസ്ഥകൾ എന്തെല്ലാമാണെന്ന് അറിയിക്കാമോ;

കെ.എസ്.ഇ.ബി-യിൽ ആശ്രിത നിയമനം നടത്തുന്നതിന് 2024-ന് ശേഷം മന്ത്രി തലത്തിൽ എടുത്ത തീരുമാനത്തിന്റെ പകർപ്പ് ലഭ്യമാക്കുമോ?

ഈ സർക്കാർ അധികാരത്തിൽ വന്നശേഷം നാളിതുവരെ ചാത്തന്നൂർ മണ്ഡലത്തിലെ വൈദ്യുതി പ്രസരണ വിതരണ രംഗത്തും വൈദ്യുതിയുമായി ബന്ധപ്പെട്ട മറ്റ് മേഖലകളിലും നടപ്പിലാക്കിയ വികസന പ്രവർത്തനങ്ങൾ എന്തെല്ലാമെന്നും ഓരോ വികസന പ്രവർത്തനങ്ങൾക്കും ചെലവായ തുക എത്രയെന്നും വിശദമാക്കാമോ?

കോങ്ങാട് മണ്ഡലത്തിലെ കാഞ്ഞിരപ്പുഴയില്‍ കെ.എസ്.ഇ.ബി. സബ് സ്റ്റേഷൻ നിര്‍മ്മിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത സബ് സ്റ്റേഷൻ പൂര്‍ത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കാസർഗോഡ് ജില്ലയുടെ വ്യാവസായിക വളർച്ചയ്ക്ക് വൈദ്യുതി പ്രശ്നങ്ങൾ പ്രതിസന്ധി സൃഷ്ടിക്കുന്നുവെന്ന കാര്യം ശ്രദ്ധയിൽപ്പെട്ടിട്ടുണ്ടോ എന്ന് വ്യക്തമാക്കാമോ;

ജില്ലയിലെ വൈദ്യുതി വിതരണത്തിലെ അപര്യാപ്തതയെ കുറിച്ച് പഠനം നടത്തിയിട്ടുണ്ടോ; എങ്കിൽ വിശദമാക്കാമോ;

33 കെവി സബ്സ്റ്റേഷനിൽ നിന്ന് പരമാവധി എത്ര യൂണിറ്റ് വൈദ്യുതിയാണ് ലഭിക്കുന്നത് എന്ന് വ്യക്തമാക്കാമോ; വൻ നിക്ഷേപം നടത്തുന്ന കമ്പനികൾക്ക് ഇത് മതിയാകുമോ എന്ന് വ്യക്തമാക്കാമോ;

ജില്ലയിൽ എത്ര സബ്സ്റ്റേഷനുകൾ ഉണ്ടെന്ന് മണ്ഡലം തിരിച്ചു വ്യക്തമാക്കാമോ; പുതുതായി എത്ര സബ്സ്റ്റേഷനുകൾ സ്ഥാപിക്കാൻ ആലോചനയുണ്ടെന്ന് മണ്ഡലം തിരിച്ചു വ്യക്തമാക്കാമോ;

വ്യവസായ എസ്റ്റേറ്റുകളിൽ വൈദ്യുതി ആവശ്യം കൂടിയിട്ടും വിതരണം പഴയ അവസ്ഥയിൽ തുടരുകയാണെന്ന പരാതിക്ക് എന്ത് പരിഹാരമാർഗ്ഗമാണ് ഉള്ളതെന്ന് വ്യക്തമാക്കാമോ;

കാസർഗോഡ് ജില്ലയുടെ ചെറുതും വലുതുമായ വൈദ്യുതി പ്രശ്നങ്ങൾ പഠിക്കാനും പരിഹാരമാർഗ്ഗങ്ങള്‍ നിർദ്ദേശിക്കാനും ഒരു വിദഗ്ധസമിതിയെ നിയോഗിക്കുമോ എന്ന് വ്യക്തമാക്കാമോ?

നിലവിലുള്ള പുനരുപയോഗ ഊർജ്ജ, നെറ്റ്മീറ്ററിംഗ് റെഗുലേഷൻ 2020 എപ്പോൾ കാലഹരണപ്പെടുമെന്ന് വ്യക്തമാക്കാമോ; കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷൻ കരട് റെഗുലേഷൻ പുറപ്പെടുവിച്ചതായി സർക്കാരിന്റെ ശ്രദ്ധയിൽപെട്ടിട്ടുണ്ടോ; പുതിയ പുനരുപയോഗ ഊർജ്ജ റെഗുലേഷൻ എപ്പോഴാണ് പ്രാബല്യത്തിൽ വരുന്നതെന്ന് വ്യക്തമാക്കാമോ;

കെ‌.എസ്‌.ഇ‌.ആർ‌.സി. പക്ഷപാതപരമായ കരട് റെഗുലേഷൻ പുറപ്പെടുവിച്ചതായി ശ്രദ്ധയിൽപ്പെട്ടിട്ടുണ്ടോ; കരട് റെഗുലേഷൻ സംസ്ഥാനത്തെ പുതിയതും നിലവിലുള്ളതുമായ സോളാർ ഇൻസ്റ്റലേഷനുകളെ ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ സർക്കാർ സ്വീകരിച്ച നടപടി വിശദമാക്കാമോ;

കരട് റെഗുലേഷൻ സംസ്ഥാനത്തെ നിലവിലുള്ള സോളാർ ഇൻസ്റ്റാളേഷനുകളുടെ ബാങ്കിങ് ഫെസിലിറ്റി, നോർമലൈസേഷൻ ഫാക്ടർ (നോർമൽ അവേർസ്, പീക്ക് അവേർസ്, നോൺ-പീക്ക് അവേർസ് ) എന്നിവയെ ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ സ്വീകരിക്കാൻ ഉദ്ദേശിക്കുന്ന നടപടി എന്താണെന്ന് വ്യക്തമാക്കാമോ;

പുതിയ കരട് റെഗുലേഷൻ സംസ്ഥാനത്തെ സോളാർ മേഖലയിൽ ജോലി ചെയ്യുന്ന തൊഴിലാളികളെയും സോളാർ വ്യാപാരത്തെയും സർക്കാരിനുള്ള നികുതി വരുമാനത്തെയും ബാധിക്കുമെന്ന വസ്തുത സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; അങ്ങനെയെങ്കിൽ ഇക്കാര്യത്തിൽ എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കുമോ;

കരട് റെഗുലേഷന്റെ വാദം കേൾക്കുന്ന സമയം 99.99% സ്റ്റോക്ക്ഹോൾഡേഴ്‌സും കരട് റെഗുലേഷനെ എതിർത്തതായി സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

നിലവിലെ കരട് നിയമമാകുമ്പോൾ വൊക്കേഷണൽ ഹയർ സെക്കന്‍ഡറിയിലെ എൻ.എസ്.ക്യു.എഫ്. അംഗീകൃത കോഴ്സ് ആയ സോളാർ & എൽ.ഇ.ഡി. ടെക്‌നീഷ്യൻ പോലെയുള്ള സോളാർ അധിഷ്ഠിത കോഴ്സുകൾ പഠിച്ച് ഇറങ്ങുന്ന വിദ്യാർത്ഥികളുടെ ജോലിസാധ്യതയെ സാരമായി ബാധിക്കുമെന്ന വസ്തുത സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ അവർക്ക് മറ്റ് തൊഴിൽ അവസരങ്ങൾ ഉറപ്പാക്കുമോയെന്ന് അറിയിക്കുമോ?

തിരുവനന്തപുരം ജില്ലയിലെ ചെറുകിട ജലവൈദ്യുതപദ്ധതികളുടെ വിവരങ്ങള്‍, കഴിഞ്ഞ ഒരു വർഷത്തെ അവയുടെ ശരാശരി ഊർജ്ജ ഉൽപ്പാദനം, കമ്മീഷൻ ചെയ്ത വർഷം തുടങ്ങിയ വിവരങ്ങള്‍ തരംതിരിച്ച് നൽകാമോ?

സംസ്ഥാന സർക്കാർ ഓഫീസുകളിലും പൊതുമേഖലാ സ്ഥാപനങ്ങളിലും വിവരാവകാശ അപേക്ഷ സമർപ്പിക്കാൻ ഓൺലൈൻ പോർട്ടൽ സംവിധാനങ്ങൾ ഉണ്ടെങ്കിലും പൊതു ജനങ്ങൾ ആശ്രയിക്കു ന്ന കെ.എസ്.ഇ.ബി.എൽ. -ൽ ഇനിയും വിവരാവകാശ ഓൺലൈൻ പോർട്ടൽ തുടങ്ങാതിരിക്കുന്നത് ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

കെ.എസ്.ഇ.ബി.എൽ.- ലേക്ക് വിവരാവകാശ അപേക്ഷ സമർപ്പിക്കുന്നവർക്ക് ഓൺലൈൻ ആയി പണമടക്കാനുള്ള നിലവിലെ സംവിധാനം സംബന്ധിച്ച് വിശദീകരിക്കാമോ;

മൂന്ന് മാസത്തിനകം ആർ.ടി.ഐ. ഓൺലൈൻ പോർട്ടൽ ആരംഭിക്കണമെന്ന ബഹു: സുപ്രീം കോടതിയുടെ 29.03.23-ലെ wp(c)no.1040/2019 നമ്പർ വിധി നിലനിൽക്കെ കെ.എസ്.ഇ.ബി.എൽ.- ൽ ആയത് നടപ്പാക്കാത്തതിന് കാരണമെന്താണെന്ന് വ്യക്തമാക്കാമോ?

സംസ്ഥാനത്തെ കാര്‍ഷിക മേഖലയ്ക്ക് നല്‍കുന്ന വൈദ്യുതി കണക്ഷനുകൾ തടസ്സങ്ങളില്ലാതെ ലഭ്യമാക്കുന്നതിന് നടപടികള്‍ സ്വീകരിക്കുമോ; വിശദാംശം നല്‍കാമോ;

സംസ്ഥാനത്തെ നെല്‍കൃഷി പരിപോഷിപ്പിക്കാനും നിലനിര്‍ത്താനും പാടശേഖരങ്ങള്‍ക്ക് കുറഞ്ഞ നിരക്കില്‍ വൈദ്യുതി ലഭ്യമാക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ;

എറണാകുളം ജില്ലയിലെ പാടശേഖര സമിതികളില്‍ നിലവില്‍ വൈദ്യുതി ലഭ്യമല്ലാത്ത സമിതികള്‍ക്ക് കണക്ഷന്‍ നല്‍കുന്നതിന് നടപടികള്‍ സ്വീകരിക്കുമോ?

വാഹനങ്ങളില്‍ പകല്‍ ചാര്‍ജ് ചെയ്ത വൈദ്യുതി രാത്രി ഗാര്‍ഹിക ആവശ്യങ്ങള്‍ക്കും ഗ്രിഡിലേക്കും കൈമാറുന്ന സാങ്കേതികവിദ്യ സംബന്ധിച്ച് പഠനം നടത്തിയിട്ടുണ്ടോ; വ്യക്തമാക്കാമോ;

വെഹിക്കിള്‍ ടു ഗ്രിഡ് സാങ്കേതികവിദ്യ ഉപയോഗിക്കുന്നതിന് എന്തെല്ലാം തയ്യാറെടുപ്പുകള്‍ ആവശ്യമായി വരുമെന്ന് വിലയിരുത്തിയിട്ടുണ്ടോ; വ്യക്തമാക്കാമോ;

പ്രസ്തുത സാങ്കേതികവിദ്യയുടെ സാധ്യത വിലയിരുത്തുവാന്‍ ഏതെങ്കിലും ഏജന്‍സിയെ ചുമതലപ്പെടുത്തിയിട്ടുണ്ടോ; വിശദമാക്കാമോ;

കെ. എസ്. ഇ. ബി. നടത്തിവരുന്ന വാഹന ചാര്‍ജിംഗ് സ്റ്റേഷനുകള്‍ മാറുന്ന സാങ്കേതികവിദ്യകള്‍ക്ക് അനുസൃതമായി നവീകരിക്കുവാന്‍ എന്തെല്ലാം നടപടികളാണ് സ്വീകരിക്കുന്നതെന്ന് വിശദമാക്കാമോ?

കോട്ടയം ജില്ലയിലെ രണ്ട് പ്രധാന വൈദ്യുതി സെക്ഷനുകളായ ഈരാറ്റുപേട്ട, പാലാ എന്നീ സെക്ഷനുകളെ സ്മാർട്ട് സെക്ഷൻ പദ്ധതിയിൽ ഉൾപ്പെടുത്തുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കേരളത്തിൽ വൈദ്യുതി ആവശ്യകത നിറവേറ്റാൻ സ്മോൾ മോഡുലർ റിയാക്ടറുകൾ (എസ്. എം. ആര്‍.) സുരക്ഷിതവും പരിസ്ഥിതി സൗഹൃദവുമായ മാർഗമാണോയെന്ന് വ്യക്തമാക്കാമോ;

സാധാരണ ആണവനിലയങ്ങളെ അപേക്ഷിച്ച് സ്മോൾ മോഡുലർ റിയാക്ടറുകൾക്കുള്ള അധിക സുരക്ഷാ സംവിധാനങ്ങൾ എന്തൊക്കെയാണ്;

തോറിയം അധിഷ്ഠിത ആണവനിലയം കേരളത്തിൽ സ്ഥാപിക്കുന്നതിനുള്ള സാധ്യതയും സാങ്കേതിക വെല്ലുവിളികളും എന്തൊക്കെയാണെന്ന് വ്യക്തമാക്കാമോ;

ആണവനിലയങ്ങൾ സ്ഥാപിക്കുമ്പോൾ ജനങ്ങൾക്ക് ഉണ്ടാകുന്ന ആശങ്കകൾ മൂലം ഉണ്ടാകുന്ന പ്രതിഷേധങ്ങൾ എങ്ങനെ ശമിപ്പിക്കാമെന്ന് വ്യക്തമാക്കാമോ;

കേരളത്തിൽ ജലവൈദ്യുതി, കാറ്റാടി, സൗരോർജം തുടങ്ങിയ പരമ്പര്യേതര ഊർജസ്രോതസ്സുകൾ മതിയായ പരിഹാരമാകില്ലെന്ന് പറയുന്നത് എന്തുകൊണ്ടാണെന്ന് വ്യക്തമാക്കാമോ;

സ്മോൾ മോഡുലർ റിയാക്ടറുകൾ സ്ഥാപിക്കുന്നത് കേരളത്തിന്റെ വൈദ്യുതി സ്വയംപര്യാപ്തതയ്ക്കും സാമ്പത്തിക വളർച്ചയ്ക്കും എങ്ങനെ സഹായകരമാകും എന്ന് വിശദമാക്കാമോ;

ആണവനിലയങ്ങളെക്കുറിച്ചുള്ള തെറ്റിദ്ധാരണകളും ഭയങ്ങളും ജനങ്ങളിൽ നിന്ന് മാറ്റാൻ സർക്കാരും കെ.എസ്. ഇ. ബി.യും സ്വീകരിക്കേണ്ട ബോധവൽക്കരണ പ്രവർത്തനങ്ങൾ എന്തൊക്കെയാണെന്ന് വിശദമാക്കാമോ?

വടക്കേ മലബാറിലെ വൈദ്യുതി വിതരണം കൂടുതല്‍ ശക്തിപ്പെടുത്തുന്നതിനുതകുന്ന വയനാട്-കാസര്‍ഗോഡ് പവര്‍ഹൈവേ പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കാമോ;

ടി പദ്ധതി എപ്പോള്‍ പൂര്‍ത്തീകരിക്കാൻ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ; വിശദവിവരം നൽകുമോ?

ഈ സര്‍ക്കാര്‍ നിലവിൽ വന്നതിനുശേഷം കുന്നത്തുനാട് മണ്ഡലത്തില്‍ വൈദ്യുതി വകുപ്പ് ആവിഷ്കരിച്ച് നടപ്പിലാക്കിയതും, നടപ്പിലാക്കി വരുന്നതുമായ പദ്ധതികള്‍ വിശദമാക്കാമോ;

ഓരോ പദ്ധതിയ്ക്കും അനുവദിച്ചിട്ടുള്ള തുക എത്ര വീതമാണെന്നും ഇതില്‍ എത്ര പ്രവൃത്തികള്‍ പൂര്‍ത്തീകരിച്ചുവെന്നും പൂര്‍ത്തീകരിക്കാത്ത പ്രവൃത്തികളുടെ നിലവിലെ സ്ഥിതിയും വ്യക്തമാക്കാമോ;

പൂര്‍ത്തീകരിക്കാത്ത പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാന്‍ കഴിയും എന്ന് വ്യക്തമാക്കാമോ; മുഴുവന്‍ പ്രവൃത്തികളും വേഗത്തില്‍ പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

2016ല്‍ എല്‍.ഡി.എഫ് സര്‍ക്കാര്‍ അധികാരത്തില്‍ വന്നതിനു ശേഷം നാളിതു വരെ പട്ടാമ്പി മണ്ഡലത്തില്‍ ആസ്തി വികസന ഫണ്ടിലോ പ്രാദേശിക ഫണ്ടിലോ ഉൾപ്പെടാത്ത ഏതെല്ലാം പദ്ധതികളാണ് വൈദ്യുതി വകുപ്പ് മുഖേന അനുവദിച്ചിട്ടുള്ളതെന്നു വ്യക്തമാക്കാമോ;

പദ്ധതിയുടെ വിശദ വിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവ്വഹണ ചുമതല നൽകിയിട്ടുള്ള വകുപ്പ് / ഏജൻസി, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ച ഉത്തരവുകളുടെ പകര്‍പ്പ് ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം വൈദ്യുതി വകുപ്പ് മുഖാന്തരം ചങ്ങനാശ്ശേരി നിയോജക മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി, അനുവദിച്ച തുക എന്നിവ വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

പൂഞ്ഞാർ മണ്ഡലത്തിലെ മാർമല ചെറുകിട ജലവൈദ്യുത പദ്ധതിയുടെ നിർമ്മാണവുമായി ബന്ധപ്പെട്ട് എന്തെല്ലാം നടപടികളാണ് പൂർത്തീകരിക്കാനുള്ളതെന്ന് വിശദമാക്കുമോ;

നടപടിക്രമങ്ങൾ ത്വരിതപ്പെടുത്തി പ്രസ്തുത പദ്ധതി യാഥാർത്ഥ്യമാക്കുന്നതിന് ആവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

നാദാപുരം മണ്ഡലത്തിലെ ചാത്തങ്ങോട്ടുനട ജലവൈദ്യുത പദ്ധതി വിപുലീകരിക്കുന്നതിന്റെ ഭാഗമായി നടത്തിയ പഠന റിപ്പോട്ടിന്റെ അടിസ്ഥാനത്തില്‍ വകുപ്പ് ആരംഭിക്കാൻ ഉദ്ദേശിക്കുന്ന പദ്ധതികളുടെ വിശകലനം ലഭ്യമാക്കാമോ?

സംസ്ഥാനത്തെ കര്‍ഷകര്‍ക്ക് സൗരോര്‍ജ പമ്പുകള്‍ നല്‍കാനുള്ള പി. എം. കുസും (പ്രധാനമന്ത്രി കിസാൻ ഊര്‍ജ്ജ സുരക്ഷ ഏവം ഉത്തൻ മഹാഭിയാൻ) പദ്ധതിയുമായി ബന്ധപ്പെട്ട റീടെണ്ടറില്‍ കേന്ദ്ര സർക്കാർ നിർദേശിച്ച ബെഞ്ച് മാര്‍ക്ക് തുകയേക്കാള്‍ ഇരട്ടിയിലേറെ തുകയാണ് കമ്പനികള്‍ ക്വോട്ട് ചെയ്തത് എന്നത് വസ്തുതയാണോ; എങ്കിൽ ഇപ്രകാരം അധികരിച്ച തുകയ്ക്ക് കരാർ നൽകാനുണ്ടായ സാഹചര്യം വിശദമാക്കാമോ;

പ്രസ്തുത ടെന്‍ഡര്‍ തുറന്ന ശേഷം മാറ്റങ്ങള്‍ വരുത്താന്‍ ഒരു കമ്പനിക്ക് അനുമതി നൽകി എന്നത് വസ്തുതയാണോ; എങ്കിൽ കാരണം വ്യക്തമാക്കാമോ;

ടെക്‌നിക്കല്‍ ഗ്രേഡിങ്ങില്‍ പുറത്തായ കമ്പനികള്‍ക്കുവരെ കരാര്‍ നൽകിയിട്ടുണ്ടോ; എങ്കിൽ അതിനുള്ള സാഹചര്യം വിശദമാക്കാമോ?

ആര്‍. ഡി. എസ്. എസ്. വിതരണ ശൃംഖല നവീകരണ പദ്ധതിയിലേക്ക് പുനലൂർ മണ്ഡലത്തിൽ നിന്നും പ്രസരണ/വിതരണ വിഭാഗത്തിന് രണ്ടാം ഘട്ടത്തിൽ ഉൾപ്പെടുത്തിയിട്ടുള്ള പദ്ധതികളുടെ നിലവിലെ പുരോഗതി അറിയിക്കുമോ;

പദ്ധതിയിലുള്‍പ്പെടുത്തിയ 11 കെ.വി ഭൂഗർഭ കേബിളുകൾ സ്ഥാപിക്കുന്ന പ്രവൃത്തി, ലൈൻ റീ കണ്ടക്ടറിംഗ് ചെയ്യുന്ന പ്രവൃത്തി ഏതൊക്കെ സെക്ഷനുകളുടെ പരിധിയില്‍ ഏതൊക്കെ പ്രദേശത്ത് ആണ് അനുവദിച്ചിരിയ്ക്കുന്നതെന്നും ആയതിന്റെ നിലവിലെ പുരോഗതിയും അറിയിക്കുമോ;

അച്ചന്‍കോവില്‍ പ്രദേശത്തെ വൈദ്യുതി തടസ്സം പരിഹരിയ്ക്കുന്നതിനായി, അരുവാപ്പുലം പഞ്ചായത്തിലെ ആവണിപ്പാറ വഴി പുതിയ വൈദ്യുതി ലൈന്‍ സ്ഥാപിയ്ക്കുന്നതിനുള്ള സാധ്യത പരിശോധിച്ചിട്ടുണ്ടോ; ആയതിനു വേണ്ടി തയ്യാറാക്കിയിട്ടുള്ള പ്രൊപോസലുകളുടെ പകര്‍പ്പ് ലഭ്യമാക്കാമോ?

സംസ്ഥാനത്തെ കര്‍ഷകര്‍ക്ക് സൗരോര്‍ജ പമ്പുകള്‍ നല്‍കാനുള്ള കേന്ദ്ര പദ്ധതിയായ പി. എം. കുസും പദ്ധതിയിൽ ആദ്യ ടെൻഡർ പ്രകാരം യോഗ്യരായ ആറ് കമ്പനികളെ പങ്കെടുപ്പിച്ച് ഡിസംബര്‍ 6-ന് അനെര്‍ട്ട് സി.ഇ.ഒ. ഓണ്‍ലൈന്‍ മീറ്റിംഗ് സംഘടിപ്പിച്ചിരുന്നോ;

പ്രസ്തുത മീറ്റിംഗില്‍ ടെന്‍ഡര്‍ ക്യാന്‍സല്‍ ചെയ്ത് റീ-ടെന്‍ഡര്‍ ചെയ്യാന്‍ തീരുമാനിച്ചിരുന്നോയെന്ന് വിശദമാക്കാമോ;

ആദ്യ ടെൻഡറിനെക്കാൾ അധികരിച്ച തുകയ്ക്കാണോ റീ-ടെൻഡർ ചെയ്ത് കരാർ നൽകിയതെന്ന് വ്യക്തമാക്കാമോ; അപ്രകാരം അധികരിച്ച തുകയ്ക്ക് ടെൻഡര്‍ നൽകിയതിന്റെ കാരണം വിശദമാക്കാമോ?

പി.എം. കുസും (പ്രധാനമന്ത്രി കിസാൻ ഊര്‍ജ്ജ സുരക്ഷ ഏവം ഉത്ഥാൻ മഹാഭിയാൻ) പദ്ധതിയിൽ വലിയ തോതിലുള്ള ക്രമക്കേടുകൾ നടന്നു എന്ന ആരോപണം സംബന്ധിച്ച് അന്വേഷണം നടത്തിയതിന്റെ റിപ്പോർട്ട് സർക്കാരിന് ലഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

കൃഷി ആവശ്യത്തിനുള്ള ജലസേചന പമ്പുകൾ സൗരോർജത്തിലേക്കു മാറ്റാനുള്ള കേന്ദ്രപദ്ധതിയായ പി.എം. കുസുമിന്റെ ടെൻഡര്‍ നടപടികള്‍ സംബന്ധിച്ച രേഖകളുടെ പകര്‍പ്പ് ലഭ്യമാക്കാമോ;

പി.എം. കുസും(പ്രധാനമന്ത്രി കിസാൻ ഊര്‍ജ്ജ സുരക്ഷ ഏവം ഉത്ഥാൻ മഹാഭിയാൻ)  പദ്ധതിയിലെ അഴിമതി സംബന്ധിച്ച് എത്ര പരാതികള്‍ ലഭിച്ചിട്ടുണ്ട്; ഈ പരാതികളിന്മേൽ വിജിലന്‍സ്‌ അന്വേഷണത്തിന് നടപടികള്‍ സ്വീകരിക്കുമോ; വിശദമാക്കാമോ?

ഇടുക്കി ജലവൈദ്യുത പദ്ധതിയുടെ ഭാഗമായി രണ്ടാമത്തെ ജലവൈദ്യുത നിലയം സ്ഥാപിക്കുന്നതിന്റെ നടപടിക്രമങ്ങള്‍ ഏത് ഘട്ടത്തിലാണ്; വിശദാംശം നല്‍കുമോ;

ഈ പദ്ധതി നടപ്പാക്കുന്നതിലൂടെ പ്രതീക്ഷിക്കുന്ന വൈദ്യുതി ഉല്‍പ്പാദനം എത്രയാണ്; വിശദാംശം നല്‍കാമോ?

ഭൂതത്താൻകെട്ട് മിനി ജലവൈദ്യുത പദ്ധതിയുടെ നിർമ്മാണവുമായി ബന്ധപ്പെട്ട നിലവിലെ സാഹചര്യം വ്യക്തമാക്കാമോ;

നിർമ്മാണം പൂർത്തീകരിച്ച് പദ്ധതി കമ്മീഷൻ ചെയ്യുന്നത് അനന്തമായി നീട്ടികൊണ്ടു പോകുന്നത് ശ്രദ്ധയിൽപ്പെട്ടിട്ടുണ്ടോ;

തടസ്സങ്ങൾ നീക്കി ശേഷിക്കുന്ന പ്രവൃത്തികൾ പൂർത്തീകരിച്ച് പദ്ധതി കമ്മീഷൻ ചെയ്യുന്നതിനാവശ്യമായ അടിയന്തര നടപടി സ്വീകരിക്കുമോ; വിശദവിവരം നൽകാമോ?

മുടക്കമില്ലാതെ വൈദ്യുതി ലഭ്യമാക്കി പരമാവധി ഉപഭോക്താക്കളുടെ പരാതികള്‍ ഒഴിവാക്കുക എന്ന ലക്ഷ്യത്തോടെ നടപ്പിലാക്കി വരുന്ന 'സ്മാര്‍ട്ട് സെക്ഷന്‍ പദ്ധതി'യുടെ പാലാ നിയോജക മണ്ഡലത്തിലെ നിലവിലെ സ്ഥിതി വ്യക്തമാക്കാമോ;

പാലാ നിയോജക മണ്ഡലത്തില്‍ ഒരു ഫീഡറില്‍ വൈദ്യുതി മുടങ്ങിയാല്‍ ഒരു പ്രദേശമാകെ വൈദ്യുതി തടസ്സപ്പെടുന്ന സാഹചര്യം ഒഴിവാക്കാന്‍ ഈ പദ്ധതി പ്രകാരം നടപടി സ്വീകരിക്കുമോ; വിശദമാക്കാമോ?

മലപ്പുറം ജില്ലയിലെ വൈദ്യുതി വിതരണ മേഖലയിലെ സമഗ്രപുരോഗതി ലക്ഷ്യമിട്ട് പ്രഖ്യാപിച്ച 'മലപ്പുറം പാക്കേജി'ന്റെ നിലവിലെ പുരോഗതി വെളിപ്പെടുത്തുമോ;

പാക്കേജിൽ ഉൾപ്പെടുത്തിയിട്ടുള്ള ഹൃസ്വകാല-ദീർഘകാല പദ്ധതികളുടെ വിശദാംശം നൽകാമോ;

2024-'25 സാമ്പത്തിക വർഷത്തെ 165.26 കോടി രൂപയുടെ പ്രവൃത്തികളും ടെൻഡർ ചെയ്തിട്ടുണ്ടോ; 2025-'26 സാമ്പത്തിക വർഷത്തെ പ്രവൃത്തികളുടെ പുരോഗതി വെളിപ്പെടുത്തുമോ;

പാക്കേജിലെ വിവിധ പദ്ധതികള്‍ക്ക് മുന്‍ഗണനാ ക്രമം നിശ്ചയിച്ചിട്ടുണ്ടോ; പാക്കേജ് പരിപൂർണ്ണമായും എന്നത്തേക്ക് യാഥാർത്ഥ്യമാകുമെന്ന് വെളിപ്പെടുത്തുമോ?

കേരളത്തിൽ പൊതുനിരത്തുകളിലും നിയോജകമണ്ഡലങ്ങളിലുമായി വൈദ്യുത വാഹന ചാർജ്ജിംഗ് സ്റ്റേഷനുകൾ സ്ഥാപിക്കുന്നതിനായി കെ.എസ്.ഇ.ബി.എൽ. സ്വീകരിച്ച നടപടികൾ എന്തെല്ലാമാണ്; കൂടുതല്‍ സ്ഥലങ്ങളിലേക്ക് ചാര്‍ജിംഗ് സ്റ്റേഷനുകള്‍ വ്യാപിപ്പിക്കാന്‍ നടപടി സ്വീകരിക്കുമോ; വിശദമാക്കുമോ;

അനെർട്ട് മുഖേന പൊതുനിരത്തുകളിൽ സ്ഥാപിച്ച ഫാസ്റ്റ് ചാർജ്ജിംഗ് സ്റ്റേഷനുകളെയും EZ4EV മൊബൈൽ ആപ്ലിക്കേഷൻ വഴിയുള്ള സേവനങ്ങളെയും കുറിച്ച് വിശദീകരിക്കുമോ; പി. എം. ഇ-ഡ്രൈവ്-ലെ അപ് സ്ട്രീം ഇന്‍ഫ്രാസ്ട്രക്ചര്‍ സബ്സിഡി പ്രയോജനപ്പെടുത്തുന്നതിനായി കേരളത്തിൽ നാമകരണം ചെയ്യുന്ന നോഡൽ ഏജൻസി ഏതാണെന്ന് വ്യക്തമാക്കാമോ; ഇതിന്റെ അപേക്ഷാ പ്രക്രിയയും സമയക്രമവും എന്താണെന്ന് വിശദമാക്കുമോ;

ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിന് കെ.എസ്.ഇ.ബി. നടപ്പാക്കിയ പൊതു സ്വകാര്യ പങ്കാളിത്ത മാതൃക പോലെ ദേശീയപാതകൾ, നഗര പാർക്കിംഗ്, ബസ്‌സ്റ്റാൻഡുകൾ, റെയിൽവേ സ്‌റ്റേഷനുകൾ തുടങ്ങിയവയില്‍ ഏത് ലൊക്കേഷനുകള്‍ക്ക് മുൻഗണന നൽകുമെന്ന് വിശദമാക്കുമോ; ഓരോ ജില്ലയിലും 50–60 kW- ന് മുകളിലുള്ള DC ഫാസ്റ്റ് ചാർജർ സ്റ്റേഷനുകള്‍ എത്രയെണ്ണമാണ് സ്ഥാപിക്കുന്നത്; ഈ സ്റ്റേഷനുകളില്‍ ചാര്‍ജിംഗ് നടത്തുന്നതിനായി വിവിധ സമയങ്ങളില്‍ വ്യത്യസ്ത നിരക്ക് നിശ്ചയിച്ചിട്ടുണ്ടോ; എങ്കില്‍ നിരക്ക് എത്രയാണെന്ന് വിശദമാക്കുമോ;

കടുത്തുരുത്തി നിയോജക മണ്ഡലത്തില്‍ സ്വകാര്യ ഇലക്ട്രിക് വാഹന ചാർജിംഗ് ഹബ്ബുകൾ സ്ഥാപിച്ചിട്ടുണ്ടോ; ടി ഹബ്ബുകൾ സ്ഥാപിക്കുന്നതിന് എന്തെല്ലാം നടപടിക്രമങ്ങളാണ് പാലിക്കേണ്ടത്; വിശദമാക്കുമോ?

സംസ്ഥാനത്തെ കര്‍ഷകര്‍ക്ക് സൗരോര്‍ജ പമ്പുകള്‍ നല്‍കാനുള്ള പി. എം. കുസും (പ്രധാനമാന്ത്രി കിസാൻ ഉര്‍ജ സുരക്ഷ ഏവം ഉത്ഥാൻ മഹാഭിയാൻ) കേന്ദ്ര പദ്ധതിയുടെ നോട്ട് ഫയൽ ലഭ്യമാക്കാമോ?

കേന്ദ്രാവിഷ്‍കൃത പദ്ധതിയായ റീവാംപ്ഡ് ഡിസ്ട്രിബ്യൂഷൻ സെക്ടർ സ്കീം (ആർ.ഡി.എസ്.എസ്.) പ്രകാരം കെ.എസ്.ഇ.ബി.-ക്ക് 2021 മുതൽ നാളിതുവരെ അനുവദിക്കപ്പെട്ടിട്ടുള്ള തുക എത്രയാണെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം കെ.എസ്.ഇ.ബി.-ക്ക് 2021 മുതൽ നാളിതുവരെ അനുവദിക്കപ്പെട്ടിട്ടുള്ള തുകയിൽ എത്ര ചെലവഴിച്ചു എന്നും ചെലവഴിച്ചത് എന്തിനുവേണ്ടിയാണെന്നും വ്യക്തമാക്കാമോ;

പ്രസ്തുത പദ്ധതി പ്രകാരം കെ.എസ്.ഇ.ബി.-ക്ക് 2021 മുതൽ തുക അനുവദിക്കുന്നതിന് കേന്ദ്രസർക്കാർ നിഷ്കർഷിച്ചിട്ടുള്ള ഉപാധികൾ എന്തെല്ലാമാണെന്നും പ്രസ്തുത ഉപാധികളിൽ നടപ്പിലാക്കിയവയും നടപ്പിലാക്കാത്തവയും പ്രത്യേകം അറിയിക്കാമോ;

പ്രസ്തുത പദ്ധതി പ്രകാരം തുക അനുവദിക്കുന്നതിന് കേന്ദ്രസർക്കാർ നിഷ്കർഷിച്ചിട്ടുള്ള ഉപാധികളിൽ നടപ്പിലാക്കാൻ സാധിക്കില്ല എന്ന് കെ.എസ്.ഇ.ബി. അറിയിച്ചിട്ടുള്ളവ ഏതെല്ലാമാണെന്ന് വ്യക്തമാക്കാമോ?

പാലക്കാട് ജില്ലയില്‍ ഒറ്റപ്പാലം മണ്ഡലത്തിലെ കടമ്പഴിപ്പുറത്ത് ഒരു പുതിയ 33 KV സബ്സ്റ്റേഷന്‍ നിര്‍മ്മിക്കുന്നതിന് ഇറിഗേഷന്‍ വകുപ്പിന്റെ കെെവശമുളള 0.0967 ഹെക്ടര്‍ ഭൂമി പാട്ടത്തിന് ലഭ്യമാക്കുന്നതുമായി ബന്ധപ്പെട്ട ഫയല്‍ നിലവില്‍ ഏത് ഉദ്യോഗസ്ഥന്റെ കെെവശമാണുള്ളതെന്നും എന്ന് മുതലാണെന്നും വ്യക്താമാക്കുമോ ;

സബ്സ്റ്റേഷന്റെ നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് ആരംഭിക്കുവാന്‍ സാധിക്കും; വിശദവിവരങ്ങള്‍ ലഭ്യമാക്കാമോ?

2016 മെയ് മാസം മുതല്‍ നാളിതു വരെ വണ്ടൂര്‍ നിയോജക മണ്ഡലത്തില്‍ വൈദ്യുതി വകുപ്പ് നടപ്പിലാക്കിയ വിവിധ പ്രവൃത്തികളുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തികളുടെ പ്രവര്‍ത്തന പുരോഗതി അറിയിക്കാമോ?

കേരളത്തിൽ നിലവിൽ വൈദ്യുതി പ്രസരണത്തിന് ഉപയോഗിക്കുന്ന വൈദ്യുതി ലൈനിന്റെ ആകെ നീളം എത്രയാണെന്ന് അറിയിക്കാമോ;

നിലവിൽ വൈദ്യുതി പ്രസരണത്തിന് ഉപയോഗിക്കുന്ന അലൂമിനിയം വൈദ്യുതി ലൈനിന്റെ നീളം, എ.ബി.സി കേബിളുകളുടെ നീളം, വൈദ്യുതി പ്രസരണത്തിന് ഉപയോഗിക്കുന്ന മറ്റു വസ്തുക്കളുടെ നീളം എന്നിവ എത്രയാണ് എന്ന് പ്രത്യേകം അറിയിക്കാമോ;

വൈദ്യുതി പ്രസരണത്തിന് ഉപയോഗിക്കുന്ന നിലവിലെ വൈദ്യുതി ലൈൻ പൂർണ്ണമായും എ.ബി.സി കേബിളുകൾ ആക്കുന്നതിനുള്ള ചെലവ് എത്രയാണ് എന്ന് വ്യക്തമാക്കാമോ;

നിലവിൽ വൈദ്യുതി പ്രസരണത്തിന് ഉപയോഗിക്കുന്ന അലൂമിനിയത്തിലുള്ള വൈദ്യുതി കമ്പികളുടെ ഭാരം എത്രയാണ് എന്ന വിവരം ലഭ്യമാക്കാമോ;

2021 മുതൽ നാളിതുവരെ പ്രതിവർഷം വൈദ്യുത കമ്പികളിലേക്ക് വളരുന്ന മരങ്ങളം ചില്ലകളും നീക്കം ചെയ്യുന്നതിന് ചെലവഴിച്ച തുക എത്രയാണെന്ന് വ്യക്തമാക്കാമോ?

മലപ്പുറം മണ്ഡലത്തിൽ എത്ര ഇലക്ട്രിക് വാഹന ചാർജിംഗ് സ്റ്റേഷനുകൾ നിലവിലുണ്ട്; എവിടെയെല്ലാം എന്ന് വ്യക്തമാക്കാമോ;

പുതിയ ചാർജിങ് സ്റ്റേഷനുകൾ അനുവദിക്കുന്നതിനുള്ള മാനദണ്ഡങ്ങൾ വിശദീകരിക്കാമോ;

ഇലക്ട്രിക് വാഹനങ്ങൾ വർദ്ധിച്ചു വരുന്ന സാഹചര്യത്തിൽ മണ്ഡലത്തിലെ കൂടുതൽ കേന്ദ്രങ്ങളിൽ ചാർജിംഗ് പോയിന്റുകള്‍ ആരംഭിക്കുവാൻ നടപടികൾ സ്വീകരിക്കുമോ; വിശദമാക്കാമോ?

ആലത്തൂർ മണ്ഡലത്തിൽ, പുതിയതായി ട്രാൻസ്‍ഫോർമറുകൾ സ്ഥാപിക്കാൻ ഉദ്ദേശിക്കുന്നത് എവിടെയെല്ലാമാണെന്ന് വിശദമാക്കാമോ;

പ്രസ്‌തുത ട്രാൻസ്‍ഫോർമറുകൾ സ്ഥാപിക്കുന്നതിനുള്ള നടപടികൾ ഏതു ഘട്ടത്തിലാണെന്നും അവ എന്നത്തേക്ക് പൂർത്തീകരിക്കാൻ സാധിക്കുമെന്നും വിശദമാക്കാമോ?

സംസ്ഥാനത്തിന്റെ അധിക ഊര്‍ജ്ജ ആവശ്യകത മുന്നില്‍ കണ്ട് നടപ്പിലാക്കി വരുന്ന വിവിധ പദ്ധതികളുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോയെന്ന് വ്യക്തമാക്കാമോ;

സംസ്ഥാനത്ത് ആഭ്യന്തര വൈദ്യുതി ഉല്പാദനത്തില്‍ ഉണ്ടായ വര്‍ദ്ധനവ് എത്രയെന്ന് വിശദമാക്കാമോ;

സംസ്ഥാനത്തിന്റെ തീരപ്രദേശത്തുള്ള മണലില്‍ നിന്നും വേര്‍തിരിച്ചെടുക്കുന്ന തോറിയം ഉപയോഗപ്പെടുത്തിക്കൊണ്ട് കുറഞ്ഞ ചെലവിലുള്ള വൈദ്യുതി ഉല്പാദന സാധ്യത പരിശോധിക്കുന്നത് പരിഗണനയിലുണ്ടോയെന്ന് വിശദമാക്കാമോ?

വൈദ്യുതി തടസ്സം നേരിടുന്ന മലയോര മേഖലയായ നിലമ്പൂരിലേക്ക് അരീക്കോട് 220 കെ.വി. സബ് സ്റ്റേഷനിൽ നിന്നുള്ള സിംഗിൾ സർക്യൂട്ട് ലൈൻ മാത്രം നിലവിലുള്ള സാഹചര്യത്തിൽ പ്രസ്തുത സർക്യൂട്ട് ലൈനിന് തകരാർ സംഭവിച്ചാൽ എന്തെങ്കിലും ബദൽ മാർഗ്ഗം പരിഗണനയിലുണ്ടോ; വിശദമാക്കാമോ;

ആർ.ഡി.എസ്.എസ്. സ്കീമിൽ ഉൾപ്പെടുത്തി എളങ്കൂർ 220 കെ.വി. സബ് സ്റ്റേഷനിൽ നിന്ന് യു.ജി. കേബിൾ വഴി ബദൽ ലൈൻ കൊണ്ടുവരുന്നത് സാധ്യമാകുമോയെന്ന് വ്യക്തമാക്കാമോ?

സംസ്ഥാനത്ത് തടസ്സങ്ങളില്ലാതെ ഗുണമേന്മയുള്ള വൈദ്യുതി ലഭ്യമാക്കുകയെന്ന ലക്ഷ്യം മുൻനിർത്തി വൈദ്യുതി ഉല്പാദനത്തിൽ വർദ്ധനവ് വരുത്തുന്നതിനായി സ്വീകരിച്ചുവരുന്ന പ്രവർത്തനങ്ങൾ വിശദീകരിക്കുമോ;

ഈ സർക്കാരിന്റെ കാലയളവിൽ വൈദ്യുതി സ്ഥാപിത ശേഷിയിൽ ഉണ്ടായ വർദ്ധനവ് എത്രയാണെന്ന് വിശദമാക്കുമോ;

ഈ സർക്കാരിന്റെ കാലയളവിൽ പുനരുപയോഗ ഊർജ്ജ സ്രോതസ്സുകളിൽ നിന്നുള്ള ഉല്പാദനത്തിൽ വർദ്ധനവ് ഉണ്ടായിട്ടുണ്ടോ; വിശദാംശം നൽകുമോ?

കണക്ടഡ് ലോഡിന് ആനുപാതികമായി കെ. എസ്. ഇ.ബി. യിൽ ഡെപ്പോസിറ്റ് ചെയ്യേണ്ട തുക സംബന്ധിച്ച് സ്ലാബ് നിലവിലുണ്ടോയെന്ന് വ്യക്തമാക്കാമോ;

ഡെപ്പോസിറ്റ് തുക അധികമായി കെട്ടിവയ്ക്കുന്നത് സംബന്ധിച്ച് നോട്ടീസ് നൽകുകയോ ബില്ല് നൽകുകയോ ചെയ്യാത്ത സന്ദർഭങ്ങളിൽ ഫൈനായി അധിക തുക ഈടാക്കാൻ വ്യവസ്ഥയുണ്ടോയെന്നത് സംബന്ധിച്ച വിശദാംശം ലഭ്യമാക്കാമോ?

പനങ്ങാട് ഗ്രാമപഞ്ചായത്തിലെ മണിച്ചേരി ആദിവാസി നഗറുകളില്‍ നിലവില്‍ വൈദ്യുതി കണക്ഷൻ ലഭ്യമാക്കിയിട്ടുണ്ടോ; എങ്കില്‍ എത്ര കുടുംബങ്ങള്‍ക്കാണ് കണക്ഷൻ നല്‍കിയിട്ടുള്ളത്; വിശദമാക്കാമോ?

കാസർഗോഡ് അനന്തപുരം വ്യവസായ പാർക്കിലെ വോൾട്ടേജ് ക്ഷാമം മൂലം വ്യവസായ സ്ഥാപനങ്ങൾ വേനൽ കാലത്ത് വലിയ പ്രതിസന്ധി നേരിടുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

അനന്തപുരം വ്യവസായ പാർക്കിലുണ്ടാവുന്ന വോൾട്ടേജ് ക്ഷാമം പരിഹരിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദവിവരങ്ങൾ ലഭ്യമാക്കാമോ?

പാലാ നിയോജക മണ്ഡലത്തിലെ രാമപുരം, കൊണ്ടാട് പ്രദേശവാസികള്‍ വോള്‍ട്ടേജ് ക്ഷാമം മൂലമുള്ള ബുദ്ധിമുട്ടനുഭവിക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ വോള്‍ട്ടേജ് ക്ഷാമം അടിയന്തരമായി പരിഹരിച്ച് ജനങ്ങളുടെ ബുദ്ധിമുട്ട് മാറ്റാന്‍ സര്‍ക്കാര്‍ നടപടി സ്വീകരിക്കുമോ; വിശദമാക്കാമോ?

വീടുകളിലും സ്ഥാപനങ്ങളിലും സൗരോർജം ഉല്പാദിപ്പിക്കുന്നതിന് നടപ്പിലാക്കിയ പുരപ്പുറ സോളാര്‍ പദ്ധതി പ്രോത്സാഹിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ;

പുരപ്പുറ സോളാര്‍ പദ്ധതി മുഖേന ഓണ്‍ ഗ്രിഡ് ആയി കണക്ഷന്‍ എടുത്തവരുടെ നിലവിലെ ബില്ലിംഗ് രീതി എങ്ങനെയാണെന്ന് വെളിപ്പെടുത്തുമോ; ആയത് മാറ്റി പ്രസ്തുത പദ്ധതിയില്‍ ചേര്‍ന്നവര്‍ക്ക് ഒരു പ്രയോജനവും ലഭിക്കാത്ത ഗ്രോസ്സ് ബില്ലിംഗ് സംവിധാനം നടപ്പിലാക്കാന്‍ കെ‌.എസ്‌.ഇ‌.ബി. തീരുമാനിച്ചിട്ടുണ്ടോയെന്ന് വെളിപ്പെടുത്തുമോ; എങ്കില്‍ എന്താണ് കാരണമെന്ന് വ്യക്തമാക്കുമോ;

കെ‌.എസ്‌.ഇ‌.ബി.-യുടെ ഇത്തരത്തിലുള്ള നടപടികള്‍ മൂലം ജനങ്ങള്‍ പാരമ്പര്യേതര ഊര്‍ജസ്രോതസ്സുകളെ പ്രത്യേകിച്ച് പുരപ്പുറ സോളാര്‍ പദ്ധതിയെ ആശ്രയിക്കുന്നതിന് മുന്നോട്ട് വരില്ല എന്നതിനാല്‍ ഇത്തരം പ്രതിലോമകരമായ ശിപാര്‍ശകളും നടപടികളും പിന്‍വലിക്കുന്ന കാര്യം പരിഗണിക്കുമോ; വിശദമാക്കാമോ;

ഈ സർക്കാർ അധികാരത്തില്‍ വന്നതുമുതല്‍ നാളിതുവരെ സംസ്ഥാനത്ത് എത്ര അപേക്ഷകർ പുരപ്പുറ സോളാര്‍/സൂര്യ ഘര്‍ പദ്ധതിക്കായി അപേക്ഷ നൽകിയിട്ടുണ്ട്; അതില്‍ എത്ര പേർ പദ്ധതി നടപ്പിലാക്കിയിട്ടുണ്ട്; ജില്ല തിരിച്ച് വിശദാംശം വെളിപ്പെടുത്തുമോ?

സംസ്ഥാനത്തെ കര്‍ഷകര്‍ക്ക് സൗരോര്‍ജ പമ്പുകള്‍ നല്‍കാനുള്ള കേന്ദ്ര പദ്ധതിയായ പി. എം. - കുസും (പ്രധാൻ മന്ത്രി കിസാൻ ഊർജ സുരക്ഷാ ഏവം ഉത്ഥാൻ മഹാഭിയാൻ) പദ്ധതിയുടെ ആദ്യ ടെൻഡർ റദ്ദാക്കിയിരുന്നോ; എങ്കിൽ അതിനുള്ള കാരണങ്ങൾ വിശദമാക്കാമോ;

കേന്ദ്ര സര്‍ക്കാര്‍ നിശ്ചയിച്ച ബെഞ്ച് മാര്‍ക്ക് നിരക്കില്‍ നിന്ന് അധികം വ്യത്യാസമില്ലാതെ നിരക്ക് സമര്‍പ്പിച്ച കമ്പനിയെ നീക്കം ചെയ്ത് വീണ്ടും ബിഡ് നടത്താന്‍ തീരുമാനിച്ചിരുന്നോ; എങ്കിൽ കാരണം വിശദമാക്കാമോ?

പുരപ്പുറ സോളാർ പ്ലാന്റുകളില്‍ നിന്ന് അധികമായി വൈദ്യുതി ലഭിക്കുന്ന പകല്‍ സമയങ്ങളില്‍ വൈദ്യുതി ബോർഡിന്റെ പരമ്പരാഗത വൈദ്യുതി പദ്ധതികളില്‍ നിന്നുള്ള വൈദ്യുതോല്പാദനം കുറയ്ക്കുകയും സോളാർ വൈദ്യുതി ലഭ്യമല്ലാത്ത അവസരത്തിൽ മാത്രം അത്തരം സ്രോതസ്സുകളില്‍ നിന്നും ഉല്പാദിപ്പിക്കുന്ന വൈദ്യുതി ഉപയോഗിക്കുകയും ചെയ്യുന്നതിന് നടപടി സ്വീകരിക്കാമോ; വിശദാംശം ലഭ്യമാക്കാമോ;

ഉപഭോഗം കുറവുള്ള പകല്‍ സമയങ്ങളില്‍ പരമ്പരാഗത സ്രോതസ്സുകളില്‍ നിന്നും സോളാർ പ്ലാന്റുകളില്‍ നിന്നും ഒരേ സമയം വൈദ്യുതി ഉല്പാദനം നടത്തുന്നതിലൂടെ ലൈനുകളിൽ അമിത ലോഡ് സൃഷ്ടിക്കുന്ന സാഹചര്യം ഒഴിവാക്കുന്നതിന് നടപടി ത്വരിതപ്പെടുത്താമോ; വിശദീകരിക്കാമോ?

സംസ്ഥാനത്ത് പുരപ്പുറ സൗരോർജ പദ്ധതി ​​പ്രോത്സാഹിപ്പിക്കുന്നതിനായി എന്തെല്ലാം സഹായങ്ങളാണ് കെ. എസ്. ഇ. ബി. നൽകി വരുന്നത്;

പുരപ്പുറ സൗരോർജ ഉല്പാദകര്‍ ഗ്രിഡിലേക്ക് നൽകുന്ന വൈദ്യുതിക്ക് വാങ്ങൽ വിലയായി യൂണിറ്റ് ഒന്നിന് നിശ്ചയിച്ചിട്ടുളള 4.36 രൂപ നിരക്കിൽ നൽകാറുണ്ടോ; ഇല്ലെങ്കിൽ കാരണം വ്യക്തമാക്കാമോ;

നിശ്ചിത നിരക്കിൽ ഉല്പാദകർക്ക് വാങ്ങൽ വില നൽകാത്തത് ​കേന്ദ്ര നിയമത്തിലെ ചട്ടങ്ങൾക്കും റഗുലേറ്ററി കമ്മീഷൻ നിർദേശങ്ങൾക്കും അനുസൃതമല്ലെന്ന കാര്യം പരിശോധിച്ചിട്ടുണ്ടോ;

പുന‍‍ഃരുപയോഗ സ്രോതസ്സുകളില്‍ നിന്ന് ഉൽപാദിപ്പിക്കുന്ന വൈദ്യുതിയുടെ മീറ്ററിംഗ് പുതുക്കാൻ ഉദ്ദേശിക്കുന്നുണ്ടോ;

സംസ്ഥാനത്ത് പുന‍‍ഃരുപയോഗ ​​​സ്രോതസ്സുകളില്‍ നിന്നുളള വൈദ്യുത ഉല്പാദനം പ്രോത്സാഹിപ്പിക്കാന്‍ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ?

കേന്ദ്ര - സംസ്ഥാന സർക്കാരുകളുടെ സാമ്പത്തിക സഹായത്തോടെ നടപ്പാക്കി വരുന്ന പുരപ്പുറ സൗരോർജ്ജ (ആർ.ടി.എസ്.) പദ്ധതി നിർത്തലാക്കുവാൻ സർക്കാർ തീരുമാനിച്ചിട്ടുണ്ടോ;

ലക്ഷങ്ങൾ മുടക്കി സൗരോർജ്ജ പ്ലാന്റുകള്‍ സ്ഥാപിച്ച ഉപഭോക്താക്കളെ നിരാശരാക്കുന്ന, ഗ്രിഡിലേക്ക് വൈദ്യുതി വാങ്ങുന്നത് നിർത്തിവെക്കാനുള്ള ഈ നീക്കം പുനഃപരിശോധിക്കുമോ;

സംസ്ഥാനത്തിന്റെ വൈദ്യുതി ഉപഭോഗം വർദ്ധിച്ചു വരുന്ന സാഹചര്യത്തിൽ ഉയർന്ന വിലയ്ക്ക് താപ വൈദ്യുതി വാങ്ങുന്ന സാഹചര്യം ഒഴിവാക്കുവാനും കൂടുതൽ വൈദ്യുതി സംഭരിച്ചു വെക്കാവുന്ന സ്റ്റോറേജ് പ്ലാന്റുകള്‍ സ്ഥാപിക്കുവാനും നടപടി സ്വീകരിക്കുമോ?

പുരപ്പുറ സോളാർ പദ്ധതികളുടെയും മറ്റ് വലിയ സോളാർ പദ്ധതികളുടെയും സ്വഭാവത്തിലോ ഘടനയിലോ ഊർജ്ജപരമായി എന്തെങ്കിലും വ്യത്യാസമുണ്ടോയെന്ന് വിശദീകരിക്കാമോ;

കേരളത്തിൽ ഒരു ദിവസം ശരാശരി എത്ര മില്ല്യണ്‍ യൂണിറ്റ് വൈദ്യുതി ആവശ്യമാണെന്ന് വിശദീകരിക്കാമോ; ഇതിൽ പകൽ സമയത്തെ ഉപഭോഗത്തിന് എത്ര എം.യു. വൈദ്യുതി ആവശ്യമാണ്; ഒരു കിലോവാട്ട് സോളാർ പാനലിൽ നിന്നും ശരാശരി 4 യൂണിറ്റ് ഒരു ദിവസം ഉത്പാദിപ്പിക്കപ്പെടുന്നുവെന്ന് കണക്കാക്കിയാൽ എത്ര എം.യു. സൗരോർജ്ജ വൈദ്യുതി നിലവിൽ ഒരു ദിവസം ഉത്പാദിപ്പിക്കപ്പെടുന്നുവെന്ന് വിശദീകരിക്കാമോ;

2025 ജനുവരി മുതൽ 2025 ജൂലൈ വരെയുള്ള കാലയളവിലെ കേരളത്തിലെ ഗാർഹിക, ഗാർഹികേതര സൗരോർജ്ജ ഉൽപാദനത്തിന്റെയും സൗരോർജ്ജ ഇൻസ്റ്റാളേഷൻ ശേഷിയുടെയും വിശദാംശം തരം തിരിച്ചു പ്രതിമാസ അടിസ്ഥാനത്തിൽ ലഭ്യമാക്കാമോ;

കെ.എസ്.ഇ.ബി.എല്‍-ന്റെ ഉപഭോക്താക്കൾ ആയ 2% ഉത്പാദകർ പകൽ ഉത്പാദിപ്പിച്ച വൈദ്യുതി രാത്രി അവർക്ക് തിരിച്ചുനൽകിയത് മൂലം ₹500 കോടി നഷ്ടം വന്നുവെന്നും സോളാർ പാനൽ വയ്ക്കാത്ത 98% ഉപഭോക്താക്കൾക്ക് 19 പൈസയുടെ അധിക ബാധ്യത ഇതുമൂലം ഉണ്ടായി എന്നുമുള്ള ആക്ഷേപത്തിന്റെ നിജസ്ഥിതി വ്യക്തമാക്കുമോ;

സംസ്ഥാനത്ത് വൈകുന്നേരം 6 മണി മുതൽ 7 മണി വരെയുള്ള സമയത്ത് വൈദ്യുതി ഗ്രിഡിന്റെ അസ്ഥിരത വളരെ കൂടുതലാണെന്നത് ശ്രദ്ധയിൽ പെട്ടിട്ടുണ്ടോ; സോളാർ ഉത്പാദനവുമായി ഗ്രിഡിന്റെ ഈ അസ്ഥിരതയ്ക്ക് ബന്ധമുണ്ടോ എന്ന് വിശദീകരിക്കാമോ;

പകൽ സമയത്തെ സോളാർ വൈദ്യുതി ഉൽപാദനം മൂലം പ്രസരണ-വിതരണ നഷ്ടമില്ലാതെ പലമടങ്ങ് ലാഭത്തോടെ മറ്റു ഉപഭോക്താക്കൾക്ക് വിതരണം ചെയ്യുന്നത് വഴി കെ.എസ്.ഇ.ബി.ക്ക് ഉണ്ടാകുന്ന ലാഭം കണക്കാക്കിയിട്ടുണ്ടോ; ഉണ്ടെങ്കിൽ കഴിഞ്ഞ സാമ്പത്തിക വർഷം ഉണ്ടായ ലാഭം എത്രയാണെന്ന് വിശദീകരിക്കാമോ?

പുരപ്പുറ സൗരോര്‍ജ്ജ പ്ലാന്റുകള്‍ മുഖേന സംസ്ഥാനത്ത് പ്രതിദിനം എത്ര യൂണിറ്റ് വൈദ്യുതി ഉല്പാദിപ്പിക്കാന്‍ സാധിക്കുന്നുണ്ട് എന്ന് വിശദമാക്കാമോ; പൊതുസ്ഥാപനങ്ങള്‍ - വീടുകള്‍ എന്നിവ പ്രത്യേകം തിരിച്ചുള്ള കണക്ക് ലഭ്യമാക്കുമോ;

ഉല്പാദനത്തില്‍ വര്‍ദ്ധനവ് കൈവരിക്കുവാന്‍ സാധിച്ചിട്ടുണ്ടോ; ഉണ്ടെങ്കില്‍ വര്‍ഷം തിരിച്ച് വ്യക്തമാക്കുമോ?

സംസ്ഥാനത്ത് വൈദ്യുത ഉല്പാദനത്തിൽ സ്വയംപര്യാപ്തത നേടുന്നതിനായി തോറിയം ഇന്ധനമാക്കിയുള്ള വൈദ്യുത നിലയങ്ങൾ സ്ഥാപിക്കുന്നത് പരിഗണനയിലുണ്ടോ; എങ്കിൽ പ്രസ്തുത വൈദ്യുത പ്ലാന്റുകൾ എവിടെയൊക്കെ സ്ഥാപിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

തോറിയം ഉപയോഗിച്ചുളള വൈദ്യുതോല്പാദനം സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; വിശദമാക്കാമോ;

തോറിയം അധിഷ്ഠിത പ്ലാന്റുകള്‍ സ്ഥാപിക്കുമ്പോൾ ഉണ്ടായേക്കാവുന്ന പരിസ്ഥിതി പ്രശ്നങ്ങള്‍ വിലയിരുത്തിയിട്ടുണ്ടോ; വിശദമാക്കാമോ?

കെ.എസ്.ഇ.ബി. ആന്റിപവർ തെഫ്റ്റ് സ്ക്വാഡിന്റെ പരിശോധനയിൽ കഴിഞ്ഞ സാമ്പത്തിക വർഷത്തിൽ എത്ര വൈദ്യുതി ദുരുപയോഗങ്ങളാണ് കണ്ടെത്തിയിട്ടുള്ളതെന്നും എത്ര രൂപ പിഴ ചുമത്തിയിട്ടുണ്ടെന്നും വ്യക്തമാക്കാമോ?

2016 മുതൽ സംസ്ഥാനത്ത് പൊട്ടിവീണതും താഴ്ന്നുകിടന്നതുമായ വൈദ്യുതിലൈനിൽനിന്ന് ഷോക്കേറ്റ് എത്രപേർ മരിച്ചുവെന്ന വിവരം ലഭ്യമാക്കാമോ ?

സംസ്ഥാനത്ത് പൊട്ടി വീണതും താഴ്ന്നു കിടക്കുന്നതുമായ വൈദ്യുത ലൈനുകളില്‍ നിന്ന് ഷോക്കേറ്റ് മരണം ഉണ്ടാകുകയോ പരിക്കേല്‍ക്കുകയോ ചെയ്യുന്നവര്‍ക്ക് നഷ്ടപരിഹാരം നല്‍കുന്നതിന് കെ.എസ്.ഇ.ബി വര്‍ഷങ്ങളുടെ കാലതാമസം എടുക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത ആളുകള്‍ക്ക് അടിയന്തിരമായി നഷ്ടപരിഹാരം ലഭ്യമാക്കുവാന്‍ നടപടി സ്വീകരിക്കുമോ; വ്യക്തമാക്കാമോ?

തേവലക്കര ഇലക്ട്രിക്കൽ സെക്ഷന്റെ പരിധിയിൽ വരുന്ന സ്കൂളിൽ നടന്ന വൈദ്യുത അപകടത്തോടനുബന്ധിച്ച് കെഎസ്ഇബി സേഫ്റ്റി ഓഫീസർ തയ്യാറാക്കിയ റിപ്പോർട്ടിന്റെ പകർപ്പ് ലഭ്യമാക്കാമോ; പ്രസ്തുത റിപ്പോർട്ടിൽ എന്തൊക്കെ വീഴ്ചകളാണ് കണ്ടെത്തിയിട്ടുള്ളത്; ആയതിന്റെ അടിസ്ഥാനത്തില്‍ ഉത്തരവാദിത്തപ്പെട്ടവര്‍ക്കെതിരെ എന്തൊക്കെ നടപടികള്‍ സ്വീകരിച്ചു; വ്യക്തമാക്കുമോ;

മേൽപ്പറഞ്ഞ റിപ്പോർട്ടിലെ കണ്ടെത്തലുകൾക്ക് വിരുദ്ധമായി ഏതെങ്കിലും ഉദ്യോഗസ്ഥർക്കെതിരെ വകുപ്പ് നടപടി സ്വീകരിച്ചിട്ടുണ്ടോ; ഉണ്ടെങ്കിൽ കാരണം വ്യക്തമാക്കുമോ?

വൈദ്യുതിമൂലം ഉണ്ടാകുന്ന അപകടങ്ങള്‍ ഒഴിവാക്കാനും ഊര്‍ജ്ജ സംരക്ഷണത്തിനുമായി വകുപ്പ് എന്തെല്ലാം നടപടികളാണ് സ്വീകരിച്ച് വരുന്നതെന്ന് വ്യക്തമാക്കാമോ;

വൈദ്യുതി സുരക്ഷയുമായി ബന്ധപ്പെട്ട് സുരക്ഷാ ഉപദേശക സമിതി ഫലപ്രദമായി യോഗം കൂടി അപകടങ്ങള്‍ ഒഴിവാക്കാന്‍ നടപടികള്‍ സ്വീകരിക്കുന്നുണ്ടോ എന്ന് പരിശോധിക്കാറുണ്ടോ;

അപകടങ്ങള്‍ ഒഴിവാക്കുന്നതിനായി നിലവിലുള്ള മോണിറ്ററിംഗ് സംവിധാനങ്ങള്‍ എന്തൊക്കെയാണെന്ന് വിശദമാക്കാമോ?

2021 മുതൽ നാളിതുവരേക്കും പൊട്ടിവീണ വൈദ്യുതി കമ്പിയിൽ നിന്ന് ഷോക്കേറ്റ് മരിച്ചവർ, പരിക്കേറ്റവർ എന്നിവരുടെ എണ്ണം വർഷം തിരിച്ച് പ്രത്യേകം ലഭ്യമാക്കാമോ;

പ്രസ്തുത കാലയളവിൽ പൊട്ടിവീണ വൈദ്യുത കമ്പിയിൽ നിന്ന് ഷോക്കേറ്റ് മരിച്ചവർക്കും പരിക്കേറ്റവർക്കും കെ.എസ്.ഇ.ബി യും സർക്കാരും നൽകിയിട്ടുള്ള സഹായം എന്തെല്ലാമായിരുന്നു എന്ന് വ്യക്തികൾ തിരിച്ച് അറിയിക്കാമോ;

വൈദ്യുതി കമ്പി പൊട്ടി വീണത് കെ.എസ്.ഇ.ബിയെ അറിയിച്ചിട്ടും കൃത്യസമയത്ത് ശരിയാക്കാത്തത് കൊണ്ട് 2021 മുതൽ നാളിതുവരേക്കും ഉണ്ടായിട്ടുള്ള ഷോക്കേറ്റുള്ള മരണവും അപകടങ്ങളും സംബന്ധിച്ച വിവരം അറിയിക്കാമോ;

വൈദ്യുതി കമ്പി പൊട്ടി വീണത് കൊണ്ട് ഷോക്കേറ്റുണ്ടായ അപകടങ്ങളും മരണങ്ങളും ഉണ്ടായിട്ടുള്ള സംഭവങ്ങളിൽ 2021 മുതൽ നാളിതുവരേക്കും കെ.എസ്.ഇ.ബിയും സർക്കാരും സ്വീകരിച്ചിട്ടുള്ള അച്ചടക്ക നടപടികൾ എന്തൊക്കെയാണെന്ന് വ്യക്തമാക്കാമോ?

തിരുവനന്തപുരം നെടുമങ്ങാട് പൊട്ടിവീണ വൈദ്യുത കമ്പിയിൽ നിന്ന് ഷോക്കേറ്റ് 19 വയസുകാരൻ മരിച്ചതും കോഴിക്കോട് വടകരയിൽ സ്ത്രീ ഷോക്കേറ്റ് മരിച്ചതുമടക്കം ഇത്തരം നിരവധി സംഭവങ്ങൾ സംസ്ഥാനത്ത് നടന്നത് ശ്രദ്ധയിയിൽപ്പെട്ടിട്ടുണ്ടോ; വ്യക്തമാക്കാമോ;

സംസ്ഥാനത്ത് പൊട്ടിവീണതും താഴ്‍ന്ന് കിടന്നതുമായ വൈദ്യുതിലൈനിൽ നിന്ന് ഷോക്കേറ്റ് മരിച്ചവരുടെ കുടുംബത്തിന് സഹായധനം നൽകിയിട്ടുണ്ടോ; ഇല്ലെങ്കിൽ കാരണം വിശദമാക്കാമോ;

വൈദ്യതി കമ്പി പൊട്ടി വീണ് അപകടം സംഭവിക്കുന്നത് തടയാൻ സ്വീകരിച്ച നടപടികൾ വ്യക്തമാക്കാമോ?

മഴക്കാലത്ത് പൊട്ടിവീണ വൈദ്യുത കമ്പികളിൽ നിന്നും വൈദ്യുതാഘാതമേറ്റ് മരണമടയുന്നവരുടെ എണ്ണം വർദ്ധിച്ചു വരുന്നതായി കണ്ടെത്തിയിട്ടുണ്ടോ; വിശദമാക്കാമോ;

വൈദ്യുത കമ്പികളുടെ സുരക്ഷിതത്വം വിലയിരുത്താൻ നിലവിൽ എന്തെല്ലാം സംവിധാനങ്ങളാണുള്ളതെന്ന് വിശദമാക്കാമോ;

ലൈനുകൾ പൊട്ടിവീണാലും ഷോക്ക് ഏൽക്കാതിരിക്കാനുളള ഇൻസുലേറ്റഡ് കേബിൾ ഉപയോഗിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

കാസർഗോഡ് ജില്ലയിൽ കെ. എസ്. ഇ .ബി. യുടെ സെക്ഷൻ , സബ് ഡിവിഷൻ ഓഫീസുകളിൽ സ്വന്തമായി കെട്ടിടമില്ലാത്ത എത്ര ഓഫീസുകൾ ഉണ്ടെന്നും ഇതിനായി എത്ര രൂപ പ്രതിവർഷം വാടക ഇനത്തിൽ ചെലവാക്കുന്നുണ്ടെന്നും അറിയിക്കാമോ?

വിസ്തൃതിയും ഉപഭോക്താക്കളുടെ പെരുപ്പവും മൂലം കാര്യക്ഷമമായ സേവനം ഉറപ്പാക്കാന്‍ പ്രയാസപ്പെടുന്ന കെ.എസ്.ഇ.ബി. പെരിന്തല്‍മണ്ണ സെക്ഷന്‍ വിഭജിക്കണ്ടേതിന്റെ അനിവാര്യത ശ്രദ്ധയില്‍പ്പെട്ടിട്ടുണ്ടോ;

നിരവധി ആശുപത്രി, വാണിജ്യ കേന്ദ്രങ്ങൾ സ്ഥിതി ചെയ്യുന്ന നഗരമായ പെരിന്തല്‍മണ്ണയിലെ കെ.എസ്.ഇ.ബി. സെക്ഷന്‍ വിഭജിക്കുന്നതുമായി ബന്ധപ്പെട്ട് ഇതിനോടകം എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ;

പെരിന്തല്‍മണ്ണ സെക്ഷന്‍ വിഭജിക്കുന്നതിന് അടിയന്തിര നടപടി സ്വീകരിക്കുമോ എന്ന് വിശദമാക്കുമോ?

പെരിന്തല്‍മണ്ണ മണ്ഡലത്തിലെ പട്ടിക്കാട് കെ.എസ്.ഇ.ബി. സബ് സ്റ്റേഷന്‍ ആരംഭിക്കാത്തതുമായി ബന്ധപ്പെട്ട് നിലവിലുള്ള പ്രശ്‌നങ്ങള്‍ ശ്രദ്ധയില്‍പ്പെട്ടിട്ടുണ്ടോ എന്ന് വിശദമാക്കുമോ;

പട്ടിക്കാട് സബ് സ്റ്റേഷന്‍ ആരംഭിക്കുന്നതുമായി ബന്ധപ്പെട്ട നടപടിക്രമങ്ങള്‍ ഏതുഘട്ടത്തിലാണെന്ന് വിശദമാക്കുമോ;

പ്രസ്തുത സബ് സ്റ്റേഷന്‍ യാഥാര്‍ത്ഥ്യമാക്കുന്നതിന് അടിയന്തര നടപടി സ്വീകരിക്കുമോ?

പാറശ്ശാല നിയോജക മണ്ഡലത്തിൽ ആര്യൻകോട്, കള്ളിക്കാട്, പെരുങ്കടവിള, വെള്ളറട, ഒറ്റശേഖരമംഗലം, അമ്പൂരി എന്നീ മലയോര പഞ്ചായത്തുകളിലെ വോൾട്ടേജ് ക്ഷാമം പരിഹരിക്കുന്നതിനായി ഭൂമി ഏറ്റെടുത്ത് സബ്സ്റ്റേഷന്‍ നിര്‍മ്മിക്കുവാനുള്ള നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ;

പ്രസ്തുത പദ്ധതി ആരംഭിക്കുന്നതിന്റെ ഭാഗമായി വൈദ്യുതി വകുപ്പ് സ്വീകരിച്ചിട്ടുള്ള നടപടികൾ എന്തൊക്കെയാണ്; നിർമ്മാണം എന്ന് ആരംഭിക്കാന്‍ കഴിയുമെന്നും എത്ര തുക ചെലവ് പ്രതീക്ഷിക്കുന്നുവെന്നും വിശദീകരിക്കാമോ?

പാലക്കാട്‌ മെഡിക്കല്‍ കോളേജ് സബ് സ്റ്റേഷന്‍ 110 കെ.വി.ആയി ഉയര്‍ത്തേണ്ടതിന്റെ ആവശ്യകത ശ്രദ്ധയില്‍പെട്ടിട്ടുണ്ടോ; ഇപ്രകാരം സബ്സ്റ്റേഷന്റെ ശേഷി ഉയര്‍ത്തിയാല്‍ മെഡിക്കല്‍ കോളേജിനും പാലക്കാട്‌ നഗരത്തിനും കൂടുതല്‍ കാര്യക്ഷമായി വൈദ്യുതി വിതരണം ചെയ്യാനാകുമെന്ന കാര്യം പരിഗണിച്ച് നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

കൂത്തുപറമ്പ് മണ്ഡലത്തിലെ കല്ലിക്കണ്ടി 110 കെ.വി. സബ്സ്റ്റേഷന്‍ നിര്‍മ്മാണവുമായി ബന്ധപ്പെട്ട് നിലവിലുള്ള സ്ഥിതി വിശദമാക്കുമോ;

പ്രസ്തുത സബ്സ്റ്റേഷന്‍ നിര്‍മ്മാണത്തില്‍ നിലവിലുള്ള തടസ്സങ്ങള്‍ എന്തൊക്കെയാണെന്നും ആയത് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്നും വ്യക്തമാക്കുമോ;

പ്രസ്തുത സബ്സ്റ്റേഷന്‍ യാഥാര്‍ത്ഥ്യമാക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ?

കോട്ടക്കല്‍ മണ്ഡലത്തിലെ മരവട്ടം-കാടാമ്പുഴ 110 കെ.വി. സബ്സ്റ്റേഷൻ നിർമ്മാണ പ്രവർത്തനത്തിന്റെ പുരോഗതി വിശദമാക്കുമോ;

ഇനി എന്തെല്ലാം പ്രവൃത്തികള്‍ ശേഷിക്കുന്നുണ്ടെന്നും നിര്‍മ്മാണ പ്രവൃത്തികള്‍ പൂര്‍ത്തീകരിച്ച് സബ്സ്റ്റേഷന്‍ എന്നത്തേക്ക് യാഥാർത്ഥ്യമാക്കാന്‍ കഴിയുമെന്നും അറിയിക്കാമോ?

അതിരപ്പിള്ളിയിലെ വെറ്റിലപ്പാറയില്‍ 110 കെ.വി. സബ്സ്റ്റേഷന്‍ സ്ഥാപിക്കുന്നതിനുള്ള നടപടികള്‍ ഏതു ഘട്ടത്തിലാണെന്ന് വിശദമാക്കുമോ;

പദ്ധതിക്കായി സാങ്കേതിക/സാധ്യതാ പഠനം നടത്തിയിട്ടുണ്ടോ; ആയത് പൂര്‍ത്തിയായിട്ടുണ്ടോ ; വിശദാംശങ്ങള്‍ നല്‍കുമോ;

പദ്ധതിക്ക്‌ സ്ഥലം എറ്റെടുക്കുന്നതിന് സ്വീകരിച്ചിട്ടുള്ള നടപടികളുടെ വിശദവിവരം നല്‍കുമോ?

കോട്ടക്കല്‍ മണ്ഡലത്തില്‍ പുതിയതായി വിഭാവനം ചെയ്യാന്‍ ഉദ്ദേശിക്കുന്ന എടയൂര്‍ 110 കെ.വി., വലിയകുന്ന് 33 കെ.വി. എന്നീ സബ്സ്റ്റേഷനുകളുടെ നിര്‍മ്മാണ പുരോഗതി വിശദമാക്കുമോ;

പ്രസ്തുത സബ്സ്റ്റേഷനുകളുടെ നിര്‍മ്മാണത്തിന് ആവശ്യമായ സ്ഥലം ലഭ്യമാക്കുന്നതിന് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത പദ്ധതികള്‍ ആരംഭിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ; സബ്സ്റ്റേഷനുകളുടെ നിർമ്മാണം എന്നത്തേക്ക് ആരംഭിക്കാനാകുമെന്ന് വ്യക്തമാക്കുമോ?

പൂഞ്ഞാർ മണ്ഡലത്തിലെ പിണ്ണാക്കനാട് 33 കെ.വി. സബ്സ്റ്റേഷനുവേണ്ടി സ്ഥലം ഏറ്റെടുക്കുന്ന നടപടി ഏത് ഘട്ടത്തിലാണെന്ന് അറിയിക്കാമോ;

സ്ഥലം ഏറ്റെടുക്കുന്ന നടപടി വേഗത്തിലാക്കി പ്രസ്തുത സബ്‌സ്റ്റേഷന്റെ നിർമ്മാണം ആരംഭിക്കുന്നതിനാവശ്യമായ നടപടികൾ സ്വീകരിക്കുമോയെന്ന് വ്യക്തമാക്കുമോ?

വാമനപുരം മണ്ഡലത്തില്‍ കല്ലറ മീതൂരില്‍ മൃഗസംരക്ഷണ വകുപ്പ് വിട്ടുനല്‍കിയ സ്ഥലത്ത് അനുവദിച്ച 33 കെ.വി.സബ്സ്റ്റേഷന്റെ നിര്‍മ്മാണം ആരംഭിക്കാന്‍ കാലതാമസം ഉണ്ടാകുന്നതിന്റെ കാരണം വിശദമാക്കാമോ;

പ്രസ്തുത പദ്ധതിക്കായി എത്ര തുകയാണ് ചെലവിടുന്നതെന്നും എന്തെല്ലാം നേട്ടങ്ങളാണ് പദ്ധതി കൊണ്ട് ഉണ്ടാകുന്നതെന്നും വിശദമാക്കാമോ?

മണിയൂര്‍ സബ്സ്റ്റേഷന്‍ നിര്‍മ്മാണം ഏതുഘട്ടത്തിലാണെന്ന് വിശദമാക്കാമോ; ഏതൊക്കെ സര്‍വ്വേ നമ്പറിലെ ഭൂമിയാണ് സബ്സ്റ്റേഷന്‍ നിര്‍മ്മാണത്തിനായി ഏറ്റെടുക്കാന്‍ ഉദ്ദേശിക്കുന്നത് എന്ന് അറിയിക്കാമോ;

മണിയൂര്‍ സബ്സ്റ്റേഷന്‍ നിര്‍മ്മാണം പൂര്‍ത്തിയാകുന്നതോടെ ഏതൊക്കെ പ്രദേശങ്ങളിലെ വൈദ്യുതിക്ഷാമമാണ് പരിഹരിക്കാന്‍ സാധിക്കുക എന്ന് വിശദമാക്കാമോ?

കെ.എസ്.ഇ.ബി. പെരിന്തല്‍മണ്ണ സെക്ഷനില്‍ സ്റ്റാഫ് പാറ്റേണ്‍ നിലവിലുണ്ടോ എന്ന് വിശദമാക്കുമോ;

പെരിന്തല്‍മണ്ണ സെക്ഷനിലെ നിലവിലെ ഉപഭോക്താക്കളുടെ എണ്ണം വിശദമാക്കുമോ;

പെരിന്തല്‍മണ്ണ സെക്ഷനില്‍ നിലവിലുള്ള ജീവനക്കാരുടെ തസ്തിക, എണ്ണം എന്നിവ വ്യക്തമാക്കുമോ;

പെരിന്തല്‍മണ്ണ സെക്ഷനില്‍ ജീവനക്കാരുടെ കുറവ് മൂലമുള്ള പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ;എങ്കിൽ , ജീവനക്കാരുടെ കുറവ് നികത്തുന്നതിന് അടിയന്തര നടപടി സ്വീകരിക്കുമോ?

ഹൈഡൽ ടൂറിസം പദ്ധതിയുടെ ബൈലോയിൽ കെ.എസ്.ഇ.ബി-യിലെ അസിസ്റ്റന്റ് എൻജിനീയർ തസ്തികയിൽ കുറയാത്ത ആൾ ഡയറക്ടർ ആകണമെന്ന മാനദണ്ഡമുണ്ടോയെന്നും എങ്കിൽ അതിനു വിരുദ്ധമായി കെ.എസ്.ഇ.ബി ജീവനക്കാരൻ അല്ലാത്ത അനർട്ട് സി.ഇ.ഒ- യെ ഡയറക്ടറായി നിയമിച്ച സാഹചര്യം വ്യക്തമാക്കുമോ;

ഹൈഡൽ ടൂറിസം പദ്ധതിയുമായി ബന്ധപ്പെട്ട് നടപ്പാക്കിയ ടെൻഡർ നടപടികളുടെ വിശദാംശങ്ങൾ വ്യക്തമാക്കുമോ; ഏത് കമ്പനിക്കാണ് ടെൻഡർ അനുവദിച്ചു നൽകിയതെന്നും പ്രസ്തുത കമ്പനിയുടെ ഡയറക്ടർമാർ ആരെല്ലാമാണെന്നും കെ.എസ്.ഇ.ബിയുടെ സ്വതന്ത്ര ഡയറക്ടർ വി മുരുകദാസിന് പ്രസ്തുത കമ്പനിയിൽ ഷെയറുണ്ടോയെന്നുമുള്ള വിവരങ്ങൾ വിശദീകരിക്കാമോ;

ഹൈഡൽ ടൂറിസം പദ്ധതിയുമായി ബന്ധപ്പെട്ട് അഴിമതി ആരോപണങ്ങൾ ഉയർന്നു വന്ന സാഹചര്യത്തിൽ ഇതുമായി ബന്ധപ്പെട്ട ടെൻഡർ നടപടികൾ ഉൾപ്പെടുത്തിയുള്ള വിശദമായ അന്വേഷണം നടത്തുവാൻ തയ്യാറാകുമോയെന്ന് വ്യക്തമാക്കുമോ?

ആലത്തൂർ മണ്ഡലത്തിൽ ഇലക്ട്രിക് വാഹനങ്ങൾ ചാർജ് ചെയ്യുന്നതിനായി കെ.എസ്.ഇ.ബി. ഒരുക്കിയിട്ടുള്ള സൗകര്യങ്ങൾ എന്തൊക്കെയാണെന്ന് വ്യക്തമാക്കാമോ; വിശദാംശം നൽകാമോ;

മണ്ഡലത്തിൽ നിലവിൽ എത്ര പോൾ മൗണ്ടഡ് ചാർജ്ജിംഗ് പോയിന്റുകൾ സ്ഥാപിച്ചിട്ടുണ്ടെന്നും അത് എവിടെയെല്ലാമാണെന്നും അറിയിക്കാമോ;

കൂടുതൽ പോൾ മൗണ്ടഡ് ചാർജ്ജിംഗ് പോയിന്റുകൾ മണ്ഡലത്തിൽ സ്ഥാപിക്കാൻ നടപടികൾ സ്വീകരിച്ചിട്ടുണ്ടോ; വിശദാംശങ്ങൾ നൽകാമോ?

സംസ്ഥാനത്ത് ഹ്രസ്വകാല വൈദ്യുതി കരാറിന് കെ.എസ്.ഇ.ബി.ക്ക് റെഗുലേറ്ററി കമ്മീഷൻ അനുമതി ലഭ്യമാക്കിയിട്ടുണ്ടോ; വ്യക്തമാക്കുമോ;

ഇതിനായി റഗുലേറ്ററി കമ്മീഷന് അപേക്ഷ നൽകിയത് എന്നാണെന്നും ഇതിൽ പാലിക്കപ്പെടേണ്ട എല്ലാ നിബന്ധനകളും പാലിച്ചാണോ അപേക്ഷ നൽകിയതെന്നും അറിയിക്കുമോ;

അപേക്ഷ ലഭിച്ചതിനു ശേഷം കുറവുകൾ പരിഹരിക്കുന്നതിന് റഗുലേറ്ററി കമ്മിഷൻ ആവശ്യപ്പെട്ടിരുന്നോ; ഏത് നിരക്കിൽ കരാറിലേർപ്പെടുന്നതിനാണ് അനുമതി തേടിയത്; വിശദമാക്കുമോ;

അനുമതി ലഭ്യമാകാത്ത പക്ഷം സംസ്ഥാനത്തുണ്ടാകുന്ന വൈദ്യുത പ്രതിസന്ധി ഏത് രീതിയിൽ തരണം ചെയ്യാനാണ് ഉദ്ദേശിക്കുന്നതെന്ന് വ്യക്തമാക്കുമോ?

കേരളത്തിലെ കർഷകർക്ക് സൗജന്യമായി സൗരോർജ്ജ പമ്പുകൾ നൽകാനുള്ള പി.എം. കുസും (പ്രധാനമന്ത്രി കിസാൻ ഊർജ സുരക്ഷാ ഏവം ഉത്ഥാൻ മഹാഭിയാൻ) കേന്ദ്ര പദ്ധതിയുമായി ബന്ധപ്പെട്ട് അനെർട്ട് നടത്തിയ ടെണ്ടർ നടപടികളുടെ വിശദാംശങ്ങൾ ലഭ്യമാക്കാമോ; ടെണ്ടർ രേഖകളുടെയും ഇത് സംബന്ധിച്ച ഫയലിന്റെയും പകർപ്പുകള്‍ സഹിതം വിശദവിവരം നല്‍കാമോ;

അനെർട്ട് സി.ഇ.ഒ.-യ്ക്ക് എത്ര കോടി രൂപയുടെ ടെണ്ടർ വിളിക്കുന്നതിനാണ് അനുമതി നല്‍കിയിട്ടുള്ളത്; ഇതുമായി ബന്ധപ്പെട്ട് എത്ര കോടി രൂപയുടെ ടെണ്ടറാണ് വിളിച്ചിട്ടുള്ളത്; ഏത് സാഹചര്യത്തിലാണ് ഉയർന്ന തുകയുടെ ടെണ്ടർ വിളിക്കാൻ നടപടി സ്വീകരിച്ചതെന്നുമുള്ള വിവരങ്ങള്‍ ലഭ്യമാക്കാമോ;

ഏറ്റവും കുറഞ്ഞ നിരക്ക് ക്വാട്ട് ചെയ്ത കമ്പനി ടെണ്ടറില്‍ നിന്ന് പിന്മാറിയപ്പോൾ അവരുടെ തുക കണ്ടു കെട്ടിയിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ; റീ-ടെണ്ടർ നടത്തിയപ്പോൾ ആദ്യ കരാറിനേക്കാൾ വൻതുക വ്യത്യാസത്തിൽ കരാർ നൽകുവാൻ ഇടയായ സാഹചര്യം എന്താണെന്ന് വ്യക്തമാക്കുമോ; റീ-ടെണ്ടറിൽ കുറഞ്ഞ തുക കോട്ട് ചെയ്ത സ്ഥാപനത്തെ ഒഴിവാക്കിയതിന്റെ കാരണം വ്യക്തമാക്കാമോ;

ഇ-ടെണ്ടറില്‍ രേഖപ്പെടുത്തിയ തുകയിൽ തിരുത്തൽ വരുത്തി വലിയ അഴിമതി നടത്തിയതായി ആരോപണം ഉയർന്നിരിക്കുന്ന സാഹചര്യത്തിൽ പ്രസ്തുത പദ്ധതി നടത്തിപ്പിനെക്കുറിച്ച് വിശദമായ അന്വേഷണം നടത്തി ഉത്തരവാദികളായവർക്കെതിരെ കർശന നടപടി സ്വീകരിക്കുമോ എന്ന് വ്യക്തമാക്കാമോ?

പുരപ്പുറ സോളാര്‍ പദ്ധതി വഴി എത്ര മെഗാവാട്ട് വൈദ്യുതിയാണ് സംസ്ഥാനത്തുടനീളം ഉല്‍പാദിപ്പിച്ച് വൈദ്യുതി വകുപ്പിന് കൈമാറി വരുന്നതെന്ന് അറിയിക്കാമോ;

ഈ വൈദ്യുതിയ്ക്ക് ഉടമകള്‍ക്ക് യൂണിറ്റിന് എത്ര പൈസയാണ് നല്‍കുന്നതെന്ന് അറിയിക്കാമോ?

പുരപ്പുറ സൗരോർജ്ജ പദ്ധതി, ജലവൈദ്യുത പദ്ധതികൾ, മറ്റ് വൈദ്യുതോല്പാദന മാർഗങ്ങൾ എന്നിവയിലൂടെ 2021 മുതൽ നാളിതുവരെയും സംസ്ഥാനത്ത് ഉല്പാദിപ്പിച്ചിട്ടുള്ള വൈദ്യുതിയുടെ അളവ് വർഷം തിരിച്ച് പ്രത്യേകം ലഭ്യമാക്കാമോ;

മറ്റ് ഏജൻസികളിൽ നിന്ന് 2021 മുതൽ നാളിതു വരെയും സംസ്ഥാനത്തിന് വേണ്ടി കെ.എസ്.ഇ.ബി. വിലകൊടുത്ത് വാങ്ങിയിട്ടുള്ള വൈദ്യുതിയുടെ അളവ്, പ്രസ്തുത വൈദ്യുതിക്ക് യൂണിറ്റൊന്നിന് നൽകുന്ന വില, വർഷം, ഏജൻസി എന്നിവ തിരിച്ച് പ്രത്യേകം ലഭ്യമാക്കാമോ;

പുരപ്പുറ സോളാർ പദ്ധതിയിലൂടെ ഉൽപ്പാദിപ്പിക്കുന്ന വൈദ്യുതിക്ക് കെ.എസ്.ഇ.ബി. യൂണിറ്റ് ഒന്നിന് നൽകുന്ന വില എത്രയാണെന്ന് അറിയിക്കാമോ;

പകൽ സമയം പുരപ്പുറ സൗരോർജ്ജ പദ്ധതിയിലൂടെ ഉൽപ്പാദിപ്പിക്കുന്ന വൈദ്യുതി മാത്രം ഉപയോഗിക്കുകയും രാത്രിയിൽ ജലവൈദ്യുത പദ്ധതിയിലൂടെയും താപനിലയങ്ങളിലൂടെയും ലഭിക്കുന്ന വൈദ്യുതി മാത്രം ഉപയോഗിക്കുകയും ചെയ്താൽ മറ്റ് ഏജൻസികളിൽ നിന്ന് വൈദ്യുതി വാങ്ങാതെ സംസ്ഥാനത്തെ വൈദ്യുതി പ്രതിസന്ധി പരിഹരിക്കാൻ കഴിയുമോ എന്ന് പരിശോധിച്ചിട്ടുണ്ടോ;

പുരപ്പുറ സോളാർ പദ്ധതിയിലൂടെ ഉൽപാദിപ്പിക്കുന്ന വൈദ്യുതി ശേഖരിക്കുന്നതിന് കെ.എസ്.ഇ.ബി. സ്റ്റോറേജ് യൂണിറ്റുകൾ ആരംഭിച്ചിട്ടുണ്ടെങ്കിൽ അത് എവിടെയെല്ലാം ആണെന്ന് വ്യക്തമാക്കാമോ;

പുരപ്പുറ സോളാർ പദ്ധതിയിലൂടെ ഉൽപാദിപ്പിക്കുന്ന വൈദ്യുതി കെ.എസ്.ഇ.ബി. സ്റ്റോറേജ് യൂണിറ്റുകൾ ആരംഭിച്ച് ശേഖരിച്ച് വിതരണം ചെയ്യുകയാണെങ്കിൽ പുറത്തുനിന്നുള്ള ഏജൻസികളിൽ നിന്ന് വാങ്ങുന്നതിനേക്കാൾ കുറഞ്ഞ ചിലവിൽ ഉപഭോക്താക്കൾക്ക് വൈദ്യുതി ലഭ്യമാക്കാൻ സാധിക്കുമോ എന്ന് അറിയിക്കാമോ;

കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷൻ പുറപ്പെടുവിച്ചിട്ടുള്ള റിന്യൂവബിൾ എനർജി ആൻഡ് റിലേറ്റഡ് മാറ്റർ റെഗുലേഷൻ 2025 കരട് ചട്ട പ്രകാരം കേരളത്തിലെ സോളാർ പ്രൊസ്യൂമേഴ്സിന് നിലവിൽ ലഭിച്ചുകൊണ്ടിരിക്കുന്ന ആനുകൂല്യങ്ങൾ നഷ്ടപ്പെടുത്തുകയും കരട് ചട്ടത്തിലെ നിർദ്ദേശങ്ങളിൽ പലതും പുരപ്പുറ സൗരോർജ്ജ പദ്ധതിയിൽ നിന്ന് പൊതുജനങ്ങളെ അകറ്റി നിർത്തുമെന്നുമുള്ള അഭിപ്രായം ഗൗരവത്തിലെടുക്കുന്നുണ്ടോയെന്ന് വ്യക്തമാക്കാമോ?

അനെർട്ടിൽ 1 കിലോവാട്ട് മുതൽ 5 കിലോവാട്ട് വരെയുള്ള സോളാർ പവർ പ്ലാന്റുകൾ സ്ഥാപിക്കുന്നതിന് കമ്പനികളെ എംപാനൽ ചെയ്തിട്ടുണ്ടോ; ആയതുമായി ബന്ധപ്പെട്ട നോട്ട് ഫയലിന്റെയും കറസ്‌പോണ്ടൻസ് ഫയലിന്റെയും പകർപ്പ് ലഭ്യമാക്കാമോ;

ഓരോ കമ്പനികളും ഇതുവരെ പവർപ്ലാന്റ് സ്ഥാപിച്ച സ്ഥാപനങ്ങൾ, കപ്പാസിറ്റി, ഇൻസ്‌പെക്ഷൻ തീയതി എന്നീ വിവരങ്ങൾ ലഭ്യമാക്കാമോ; ഓരോ കമ്പനികൾക്കും നൽകിയ പേയ്‌മെന്റ് റിലീസ് ഓർഡറിന്റെ പകർപ്പ് ലഭ്യമാക്കാമോ;

ഈ പവർ പ്ലാന്റുകൾ ഇൻസ്‌പെക്ഷൻ നടത്തിയ ഉദ്യോഗസ്ഥരുടെ പേര്, തസ്തിക, സ്ഥിരമാണോ താൽക്കാലികമാണോ എന്നീ വിവരങ്ങൾ ലഭ്യമാക്കാമോ; ഇൻസ്‌പെക്ഷൻ റിപ്പോർട്ടിന്റെ പകർപ്പ് ലഭ്യമാക്കാമോ;

2024 മാർച്ച്‌ മുതൽ അനർട്ടിന്റെ തിരുവനന്തപുരം ജില്ലാ ഓഫീസിന് വിവിധ ആവശ്യങ്ങൾക്കായി എത്ര തുക അഡ്വാൻസ് നൽകിയിട്ടുണ്ട്; എത്ര തുക സെറ്റിൽ ചെയ്തിട്ടുണ്ട്; സര്‍ക്കാര്‍ ഉത്തരവിന്റെ പകർപ്പ് സഹിതം വിവരം ലഭ്യമാക്കാമോ?

സ്മാര്‍ട്ട്‌ സിറ്റിയുടെ ഭാഗമായി അനെർട്ട് മുഖേന സര്‍ക്കാര്‍ കെട്ടിടങ്ങളില്‍ സ്ഥാപിച്ച സൗരോര്‍ജ്ജ പ്ലാന്റുകള്‍ക്ക് കമ്പനി നൽകുന്ന വാറന്റി, ഓപ്പറേഷൻ & മെയിന്റനൻസ് എന്നിവയുടെ കാലാവധി എത്ര വർഷമാണ്; ഈ വർഷം കമ്പനികൾ സമർപ്പിച്ച ക്വാട്ടർലി പ്രിവൻറ്റീവ് മെയിൻന്റനൻസ് റിപ്പോർട്ട്, ജനറേഷൻ ഡാറ്റ എന്നിവയുടെ പകർപ്പുകൾ ലഭ്യമാക്കാമോ;

വർക്ക് ഓർഡർ പ്രകാരം ഈ പ്ലാന്റുകൾക്കുള്ള ഇൻഷുറൻസ് കാലാവധി എത്ര വർഷമാണ്; വിവിധ കമ്പനികൾ അനെർട്ടിന് സമർപ്പിച്ച ഇൻഷുറൻസ് പോളിസി, നിലവിലുള്ള വാർഷിക പ്രീമിയം പേയ്‌മെന്റ് രസീത് എന്നിവയുടെ പകർപ്പുകൾ ലഭ്യമാക്കാമോ; വാർഷിക പ്രീമിയം ഒടുക്കാത്ത കമ്പനികളുടെയും സ്ഥാപനങ്ങളുടെയും ലിസ്റ്റ് ലഭ്യമാക്കാമോ;

ഈ പദ്ധതിയില്‍ സൗരോര്‍ജ്ജ പ്ലാന്റുകള്‍ സ്ഥാപിച്ച കമ്പനികള്‍ക്ക് തുക അനുവദിക്കുന്നതിന് സ്മാര്‍ട്ട്‌ സിറ്റി അധികൃതര്‍ക്ക് അനെര്‍ട്ട് നല്‍കിയ പേയ്മെന്റ് ശിപാര്‍ശയുടെ പകര്‍പ്പുകള്‍ ലഭ്യമാക്കാമോ; ഈ പ്ലാന്റുകളുടെ പരിശോധന നടത്തിയ റിന്യൂവബിള്‍ എനര്‍ജി കെയർ അനെർട്ടിന് സമർപ്പിച്ച പരിശോധന റിപ്പോര്‍ട്ടിന്റെ പകർപ്പ് ലഭ്യമാക്കാമോ;

ഈ പദ്ധതിയില്‍ ട്രാവൻകൂർ ടൈറ്റാനിയം പ്രോഡക്ട്സ് ലിമിറ്റഡ് എന്ന സ്ഥാപനത്തിൽ സ്ഥാപിച്ച പ്ലാന്റിന്റെ വർക്ക് ഓർഡർ പ്രകാരമുള്ള ത്രികക്ഷി കരാറിന്റെ പകര്‍പ്പ് ലഭ്യമാക്കാമോ?

ഗ്രീന്‍ ഹൈഡ്രജന്‍ മിഷന്‍ പ്രോജക്റ്റ് മാനേജ്‌മെന്റ് യൂണിറ്റിനായി അനെർട്ട് കണ്‍സല്‍ട്ടന്‍സിയെ നിയമിച്ചിട്ടുണ്ടോ; എങ്കിൽ കണ്‍സല്‍ട്ടന്‍സി കരാർ ലഭിച്ച ഏജൻസി ഏതാണെന്നും , കരാർ തുകയും, ഇതുവരെ നൽകിയ തുകയും എത്രയാണെന്നും വ്യക്തമാക്കാമോ;

ഇതിന് അനെർട്ടിന് നൽകിയ സർക്കാർ അനുമതി ഉത്തരവിന്റെ പകർപ്പ് ലഭ്യമാക്കാമോ; ഇതുമായി ബന്ധപ്പെട്ട ടെൻഡറിന്റെയും നോട്ട് ഫയലിന്റെയും കറസ്പോണ്ടൻസ് ഫയലിന്റെയും പകർപ്പുകൾ ലഭ്യമാക്കാമോ;

2023 ജനുവരി ഒന്നിന് ശേഷം അനെർട്ടിൽ നിയമിച്ച വിവിധ കണ്‍സല്‍ട്ടന്‍സി സ്ഥാപനങ്ങളുടെയും, വ്യക്തികളുടെയും, അവർക്ക് നൽകിയ തുകയുടെയും വിശദാംശങ്ങളും ഇതിനായി അനെർട്ടിന് നൽകിയ സർക്കാർ അനുമതി സംബന്ധിച്ച ഉത്തരവിന്റെ പകര്‍പ്പുകളും ലഭ്യമാക്കാമോ; ഇതുമായി ബന്ധപ്പെട്ട നോട്ട് ഫയലിന്റെയും കറസ്പോണ്ടൻസ് ഫയലിന്റെയും പകർപ്പുകൾ ലഭ്യമാക്കാമോ;

2023 ജനുവരി ഒന്നിന് ശേഷം അനെർട്ടിന്റെ വിവിധ പദ്ധതികളുമായി ബന്ധപ്പെട്ട് നിയമിച്ച കണ്‍സല്‍ട്ടന്‍സി സ്ഥാപനങ്ങൾക്ക് നൽകിയ വർക്ക് ഓർഡർ ഉത്തരവുകളുടെയും, അവർക്ക് തുക അനുവദിച്ച ഉത്തരവുകളുടെയും പകർപ്പ് ലഭ്യമാക്കാമോ;

ഈ സ്ഥാപനങ്ങൾ നിയമിച്ച ജീവനക്കാരുടെ വിവരങ്ങൾ അനെർട്ടിൽ ലഭ്യമാണോ; എങ്കിൽ അവരുടെ വിശദാംശങ്ങള്‍ ലഭ്യമാക്കാമോ?

2025 മാർച്ച് 31-ന് അവസാനിക്കുന്ന വർഷത്തേക്ക് പുരപ്പുറ സോളാർ ഉല്പാദകർ കയറ്റുമതി ചെയ്ത മിച്ച സൗരോർജ്ജത്തിനുള്ള സെറ്റിൽമെന്റ് നിരക്ക് (എപിപിസി) കെഎസ്ഇആര്‍സി പ്രഖ്യാപിച്ചിട്ടുണ്ടോ; എങ്കില്‍ പ്രസ്തുത നിരക്ക് എന്താണെന്ന് വ്യക്തമാക്കാമോ;

പ്രസ്തുത സെറ്റിൽമെന്റ് നിരക്ക് (എപിപിസി) പ്രഖ്യാപിക്കുന്നതിന് കെഎസ്ഇആര്‍സി സ്വന്തം റെഗുലേഷന്‍ ( കെഎസ്ഇആര്‍സി പുനരുപയോഗ ഊർജ്ജ, നെറ്റ്മീറ്ററിംഗ് റെഗുലേഷൻ 2020) ലംഘിച്ചതായി ശ്രദ്ധയില്‍പ്പെട്ടിട്ടുണ്ടോ; എങ്കിൽ, ഇക്കാര്യത്തിൽ സര്‍ക്കാര്‍ സ്വീകരിച്ച നടപടി എന്താണെന്ന് വ്യക്തമാക്കാമോ;

2025 മാർച്ച് 31-ന് അവസാനിക്കുന്ന വർഷത്തേക്ക് അർഹമായ എപിപിസി നിരക്ക് യൂണിറ്റിന് 4.34 രൂപയാണെന്ന് കെഎസ്ഇആര്‍സി-യുടെ കണ്ടെത്തൽ സര്‍ക്കാരിന്റെ ശ്രദ്ധയിൽ പെട്ടിട്ടുണ്ടോ; വ്യക്തമാക്കാമോ;

2020-ലെ പുനരുപയോഗ ഊർജ്ജ, നെറ്റ്മീറ്ററിംഗ് ചട്ടങ്ങളെ മറികടന്ന് കെഎസ്ഇആര്‍സി ഉപഭോക്താക്കൾക്ക് കുറഞ്ഞ സെറ്റിൽമെന്റ് നിരക്ക് പ്രഖ്യാപിച്ചത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച നടപടി എന്താണെന്ന് വ്യക്തമാക്കാമോ;

പുനരുപയോഗ ഊർജ്ജ, നെറ്റ്മീറ്ററിംഗ് റെഗുലേഷൻ 2020 പ്രകാരം സെറ്റിൽമെന്റ് കാലയളവിനുള്ള തീയതി എന്നാണ്; ആയത് പ്രകാരം കെ‌എസ്‌ഇ‌ആർ‌സിയും കെ‌എസ്‌ഇ‌ബി‌എല്ലും ഉത്പാദകർക്ക് സെറ്റിൽമെന്റ് പേയ്‌മെന്റ് വൈകിപ്പിക്കുന്നത് സർക്കാരിന്റെ ശ്രദ്ധയിൽ പെട്ടിട്ടുണ്ടോ; അങ്ങനെയെങ്കിൽ, ഇക്കാര്യത്തിൽ സ്വീകരിച്ച നടപടി എന്താണെന്ന് വ്യക്തമാക്കാമോ?

സംസ്ഥാനത്ത് കെ. എസ്. ഇ. ബി. എൽ. ബാറ്ററി എനർജി സ്റ്റോറേജ് സിസ്റ്റം നടപ്പിലാക്കുന്നതിനുള്ള സ്ഥലങ്ങളായി ശ്രീകണ്ഠപുരം (കണ്ണൂർ ജില്ല), മുള്ളേരിയ (കാസർഗോഡ് ജില്ല), അരീക്കോട് (മലപ്പുറം ജില്ല), പോത്തൻകോട് (തിരുവനന്തപുരം ജില്ല) കൂടാതെ മൈലാട്ടി (കാസർഗോഡ് ജില്ല) എന്നി സ്ഥലങ്ങൾ തെരഞ്ഞെടുക്കാനുള്ള മനദണ്ഡങ്ങൾ വിശദീകരിക്കാമോ; ബാറ്ററി എനർജി സ്റ്റോറേജ് സിസ്റ്റം അനുസരിച്ച്, ഓരോ സിസ്റ്റത്തിലും എത്ര യൂണിറ്റുകൾ വീതം വൈദ്യുതി സംഭരിക്കാൻ കഴിയുമെന്ന് വ്യക്തമാക്കാമോ ;

ബാറ്ററി എനർജി സ്റ്റോറേജ് സിസ്റ്റം അനുസരിച്ച്, ദിവസേനയുള്ള സംഭരണ - വിതരണ - സ്റ്റോറേജ് നഷ്ടം സംഭരണ യൂണിറ്റുകളുടെ എത്ര ശതമാനം ആണെന്ന് വിശദീകരിക്കാമോ; ബാറ്ററി എനർജി സ്റ്റോറേജ് സിസ്റ്റത്തിനായുള്ള വൈദ്യുതിയുടെ ഉറവിടം എവിടെ നിന്ന് എങ്ങനെ ലഭിക്കുമെന്ന് വിശദീകരിക്കാമോ; പ്രസ്തുത ബാറ്ററി എനർജി സ്റ്റോറേജ് സിസ്റ്റം ചാർജ്ജ് ചെയ്യുന്നതിന് ആവശ്യമായ വൈദ്യുതിയുടെ ശരാശരി വില എത്ര എന്ന് വ്യക്തമാക്കാമോ;

സംസ്ഥാനത്തെ വികേന്ദ്രീകൃതമായ പുരപ്പുറ സോളാറിൽ (ഡിസ്ട്രിബ്യൂട്ടഡ് ജനറേഷന്‍ പ്ലാന്റ്) നിന്നു ലഭിക്കുന്ന വൈദ്യുതി ഊർജ്ജം, ബാറ്ററി എനർജി സ്റ്റോറേജ് സിസ്റ്റത്തിനായുള്ള വൈദ്യുതിയുടെ ഉറവിടം ആക്കാൻ പറ്റുമോയെന്ന് വിശദമാക്കാമോ; അങ്ങനെയെങ്കിൽ പ്രസ്തുത വൈദ്യുതി ഉപയോഗിക്കുന്നതിന് വേണ്ടി വരുന്ന പ്രസരണ വിതരണ ചെലവ് എത്ര ആണ് വിശദീകരിക്കാമോ;

താഴ്ന്ന വോൾട്ടേജ്ജ് ഡിസ്ട്രിബ്യൂഷൻ ലൈനുകളിൽ ഘടിപ്പിക്കപ്പെട്ടിരിക്കുന്ന വികേന്ദ്രീകൃതമായ പുരപ്പുറ സോളാർ പ്ലാന്റുകളിൽ നിന്നു ലഭിക്കുന്ന വൈദ്യുതി നിലവിലെ ഡിസ്ട്രിബ്യൂഷൻ ട്രാൻസ്‌ഫോർമറുകൾ ഉപയോഗിച്ച് ഉയർന്ന വോൾട്ടേജ് തലങ്ങളിലേക്ക് കടത്തിവിടുവാൻ കഴിയുമോ എന്ന് വിശദമാക്കാമോ; അതിന് എന്തെങ്കിലും സാങ്കേതിക പ്രശ്നങ്ങൾ ഉണ്ടോയെന്നും ഉണ്ടെങ്കിൽ അതിനെ മറികടക്കുന്നതിന് ചെയ്യേണ്ട കാര്യങ്ങൾ എന്തൊക്കെയാണ് എന്ന് വ്യക്തമാക്കാമോ?

കേരള സർക്കാരിന്റെ ഇലക്ട്രിക് വെഹിക്കിൾ പോളിസി നടപ്പിലാക്കുന്നതിന്റെ ഭാഗമായി അനർട്ട് മുഖേന സ്ഥാപിച്ച ഇവി ചാർജറുകൾ എത്രയെന്നും അത് എവിടെയൊക്കെ സ്ഥാപിക്കുന്നതിനാണ് തീരുമാനം കൈക്കൊണ്ടതെന്നും ഓരോ ചാർജിംഗ് സ്റ്റേഷനായും ചെലവഴിച്ചത് എത്ര തുകയാണെന്നും അതിന് ആവശ്യമായ അനുമതിയും വൈദ്യുതി ലഭ്യതയും ബന്ധപ്പെട്ട വകുപ്പുകളിൽ നിന്നും ഉറപ്പാക്കിയിട്ടാണോ ചാർജറുകൾ സ്ഥാപിക്കാൻ തുടങ്ങിയതെന്നും വിശദമാക്കുമോ ;

ചാർജർ എത്തിച്ചതിന് ശേഷം അവ സ്ഥാപിച്ച് പ്രവർത്തനക്ഷമമാക്കാത്ത സ്ഥലങ്ങള്‍ ഉണ്ടോയെന്നും ചാർജറുകൾ സ്ഥാപിച്ചതിന് ശേഷവും പ്രവർത്തനം ആരംഭിക്കാത്ത ചാർജിംഗ് സ്റ്റേഷനുകൾ ഉണ്ടോയെന്നും വ്യക്തമാക്കുമോ; അതിനുള്ള കാരണം എന്താണെന്നും വിശദമാക്കാമോ; ചാർജറുകൾ സ്ഥാപിച്ച് പ്രവർത്തനം ആരംഭിച്ചതിന് ശേഷം എത്ര സ്ഥലങ്ങളിൽ നിലവിൽ ചാർജിംഗ് സ്റ്റേഷനുകൾ പ്രവർത്തിക്കുന്നുണ്ടെന്നും പ്രവർത്തനക്ഷമമല്ലാത്ത ചാർജിംഗ് സ്റ്റേഷനുകളുടെ വിവരം ജില്ലാ അടിസ്ഥാനത്തിൽ ലഭ്യമാക്കുമോയെന്നും എന്നു മുതലാണ് അവ പ്രവർത്തനരഹിതമായതെന്നും, പ്രവർത്തനക്ഷമമാക്കാനുള്ള സാങ്കേതിക തടസം എന്താണെന്നും വ്യക്തമാക്കാമോ;

ഓരോ ചാർജിംഗ് സ്റ്റേഷനുകളുടെയും ചാർജർ കപ്പാസിറ്റി, കണക്ടർ ടൈപ്പ്, ചാർജർ പ്രവർത്തനക്ഷമമായ തീയതി, നടത്തിയ ആകെ ചാർജിംഗുകളുടെ എണ്ണം, അവസാനമായി ചാർജിംഗ് നടന്ന തീയതി എന്നീ വിവരങ്ങള്‍ ലഭ്യമാക്കുമോ ; പ്രസ്തുത ചാർജറുകളുടെ പരിപാലനവും നടത്തിപ്പും അനർട്ടിന്റെ പൂർണ്ണ ചുമതലയിലാണോ; വിശദമാക്കുമോ?

വടക്കാഞ്ചേരി മണ്ഡലത്തിലെ കാര്‍ഷിക പമ്പുകളുടെ സൗരോര്‍ജ്ജവത്കരണ പദ്ധതിയുടെ പുരോഗതി വിശദമാക്കാമോ;

പ്രസ്തുത മണ്ഡലത്തില്‍ കോള്‍പ്പടവുകളിലെ ഉയര്‍ന്ന ശേഷിയുള്ള പമ്പുകളുടെ സൗരോര്‍ജ്ജവത്കരണ പദ്ധതിയുടെ പുരോഗതി വിശദമാക്കാമോ;

ഈ പദ്ധതികള്‍ നിര്‍വ്വഹിക്കുന്ന അനെര്‍ട്ട് ഉള്‍പ്പെടെയുള്ള ഏജന്‍സികളുമായി പ്രവര്‍ത്തനങ്ങള്‍ ഏകോപിപ്പിച്ച് കാലതാമസം കൂടാതെ പദ്ധതി പൂര്‍ത്തിയാക്കുന്നതിനുള്ള നടപടി സ്വീകരിക്കാമോ?

2024 മാർച്ച് 31 വരെയുളള കാലയളവിൽ സോളാർ സെറ്റിൽമെന്റിനായി കെ.എസ്.ഇ. ബി.എല്ലിൽ നിന്നും ഉത്പാദകർക്ക് നല്കുവാൻ ഉള്ള തുകയിൽ ഇനിയും എന്തെങ്കിലും കൊടുത്തു തീർക്കുവാൻ ബാക്കിയുണ്ടോ എന്ന് വിശദമാക്കാമോ;

ഉണ്ടെങ്കിൽ സെക്ഷൻ ഓഫീസ് തലത്തിൽ എത്ര തുകയാണ് 2024 മാർച്ച് 31 വരെയുളള കാലയളവിൽ ബാക്കി നൽകാനുളളത് എന്നും ആയത് ഇതേവരെ നൽകാതിരുന്നതിന് കാരണം എന്തെന്നും വിശദമാക്കാമോ?

സംസ്ഥാനത്ത് നടപ്പിലാക്കിവരുന്ന സൗരോർജ്ജ പദ്ധതികൾ എന്തെല്ലാമാണെന്ന് വിശദമാക്കാമോ;

പുരപ്പുറ സൗരോർജ്ജ പദ്ധതിയുടെ ഭാഗമായി സംസ്ഥാനത്തെ മുഴുവൻ വീടുകളിലും സൗരോര്‍ജ്ജ പ്ലാന്റ് സ്ഥാപിക്കുന്നതിന് ആവശ്യമായ എന്തൊക്കെ പദ്ധതികളാണ് ആവിഷ്കരിച്ച് നടപ്പിലാക്കുന്നതെന്ന് വ്യക്തമാക്കാമോ;

നിലവില്‍ പുരപ്പുറ സൗരോർജ്ജ പദ്ധതികൾ നടപ്പിലാക്കിയിട്ടുള്ള ഗാർഹിക ഉപഭോക്താക്കൾക്ക് അവർ ഉത്പാദിപ്പിക്കുന്ന സൗരോർജ്ജത്തിന് യൂണിറ്റിന് മതിയായ തുക നൽകി സംസ്ഥാന വൈദ്യുതി വകുപ്പ് സ്വീകരിക്കുന്നില്ലയെന്നുള്ള പരാതികൾ സംബന്ധിച്ച് എന്ത് നിലപാടാണ് സ്വീകരിച്ചിട്ടുള്ളതെന്ന് വിശദമാക്കാമോ;

സൗരോർജ്ജ പദ്ധതികൾ നടപ്പിലാക്കി വൈദ്യുതി ഉത്പാദിപ്പിക്കുന്ന സംസ്ഥാനത്തെ ഉപഭോക്താക്കൾക്ക് നൽകിവരുന്ന കേന്ദ്ര സംസ്ഥാന സർക്കാരുകളുടെ സബ്സിഡി ഉൾപ്പെടെയുള്ള പ്രോത്സാഹനങ്ങൾ എന്തൊക്കെയാണെന്ന് വ്യക്തമാക്കാമോ; വിശദാംശം ലഭ്യമാക്കാമോ;

സംസ്ഥാനത്ത് ഇലക്ട്രിക് വാഹനങ്ങൾ ചാർജ് ചെയ്യുന്നതിന് ആവശ്യമായ സൗരോർജ്ജ ചാർജിങ് സ്റ്റേഷനുകൾ സർക്കാർ മേഖലയിൽ അനർട്ടിന്റെ കീഴിൽ എവിടെയൊക്കെ സ്ഥാപിച്ചിട്ടുള്ളതെന്ന് വിശദമാക്കാമോ;

സംസ്ഥാന സർക്കാർ വകുപ്പുകളിൽ ഉപയോഗിക്കുന്ന മുഴുവൻ വാഹനങ്ങളും ഇലക്ട്രിക് വാഹനങ്ങളായി പരിവർത്തനം ചെയ്യുന്നതിനും വാഹനങ്ങൾക്ക് ചാർജ് ചെയ്യുന്നതിനുള്ള വൈദ്യുതി സൗരോർജ്ജം വഴി ലഭ്യമാക്കുന്നതിനും എല്ലാ സർക്കാർ ഓഫീസുകളുടെയും മേൽക്കൂരകളിൽ സോളാർപാനലുകൾ സ്ഥാപിച്ച് വൈദ്യുതി ഉത്പാദിപ്പിക്കുന്ന രീതിയിലുള്ള പദ്ധതികൾ ആവിഷ്കരിച്ച് നടപ്പിലാക്കാൻ തയ്യാറാകുമോ; വിശദമാക്കാമോ?