സംസ്ഥാനത്ത് പശുക്കൾക്കിടയിൽ വർദ്ധിച്ചുവരുന്ന അകിടുവീക്കം നിയന്ത്രിക്കുന്നതിന് വകുപ്പ് സ്വീകരിച്ചുവരുന്ന നടപടിക്രമങ്ങൾ എന്തെല്ലാമാണ്; വിശദമാക്കാമോ?

ഈ സർക്കാർ അധികാരത്തില്‍ വന്നശേഷം കോട്ടയം, പത്തനംതിട്ട ജില്ലകളില്‍ മൃഗസംരക്ഷണ വകുപ്പ് മുഖേന നടപ്പിലാക്കിയ സവിശേഷ പദ്ധതികള്‍ അറിയിക്കാമോ;

സംസ്ഥാനത്ത് വ്യാവസായികമായി ഫാമുകള്‍ നടത്തുന്നവർക്ക് നല്‍കുന്ന ആനുകൂല്യങ്ങള്‍ വിശദമാക്കാമോ; പ്രസ്തുത ആനുകൂല്യങ്ങള്‍ വർദ്ധിപ്പിക്കുന്നതിന് ഈ സർക്കാർ സ്വീകരിച്ച നടപടികള്‍ അറിയിക്കാമോ;

മൃഗസംരക്ഷണത്തിന്റെ ഭാഗമായി ആട്, കോഴി, പശു, എരുമ എന്നിവയുടെ വിവിധ തദ്ദേശീയ ഇനങ്ങളെ പരിപാലിക്കുന്ന സ്വകാര്യ സംരംഭകർക്ക് എന്തൊക്കെ സവിശേഷ ആനുകൂല്യങ്ങളാണ് നല്കി വരുന്നത്; ഇല്ലെങ്കില്‍ പ്രത്യേക ആനുകൂല്യം പുതുതായി ഏർപ്പെടുത്താന്‍ നടപടി സ്വീകരിക്കാമോയെന്ന് വ്യക്തമാക്കുമോ?

ഈ സർക്കാർ അധികാരത്തില്‍ വന്നശേഷം നാളിതുവരെ മൃഗസംരക്ഷണ-ക്ഷീരവികസന വകുപ്പ് വഴി പൂഞ്ഞാർ മണ്ഡലത്തില്‍ നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികള്‍ക്കായി അനുവദിച്ച തുക, പദ്ധതികളുടെ നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കുമോ?

ഈ സർക്കാർ അധികാരത്തില്‍ വന്നശേഷം കാഞ്ഞിരപ്പള്ളി മണ്ഡലത്തില്‍ മൃഗസംരക്ഷണ വകുപ്പ് അനുവദിച്ച പദ്ധതികളുടെയും പുതുതായി ആരംഭിച്ച കർമ്മപരിപാടികളുടെയും അനുവദിച്ച തുകയടക്കമുള്ള വിശദാംശം അറിയിക്കാമോ?

പുതുതലമുറയിലെ കര്‍ഷകരെയും കര്‍ഷകസംരംഭകരെയും മൃഗസംരക്ഷണമേഖലയിലേയ്ക്ക് ആകര്‍ഷിക്കുന്നതിന് വാണിജ്യാടിസ്ഥാനത്തില്‍ അരുമ മൃഗങ്ങളെ വളര്‍ത്തുന്നതിനുളള സാധ്യതകള്‍ പ്രയോജനപ്പെടുത്തേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കാമോ;

വാണിജ്യാടിസ്ഥാനത്തിലുളള‍ വളര്‍ത്തുമൃഗങ്ങളുടെയും അരുമ മൃഗങ്ങളുടെയും പരിപാലനം കൂടുതല്‍ തൊഴിലവസരങ്ങള്‍ സൃഷ്ടിക്കുമെന്നത് പരിഗണിച്ച് പ്രസ്തുത മേഖലയ്ക്ക് ഉത്തേജനം നല്‍കുന്നതിനായി സ്വീകരിച്ച നടപടികള്‍ വിശദമാക്കാമോ;

അരുമ മൃഗങ്ങളുടെയും വളര്‍ത്തു മൃഗങ്ങളുടെയും വിപണനം പ്രോത്സാഹിപ്പിക്കുന്നതിനായി ഡിജിറ്റല്‍ ഓണ്‍ലൈന്‍ പ്ലാറ്റ്ഫോം രൂപീകരിക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

അരുമ മൃഗങ്ങളുടെയും വളര്‍ത്തു മൃഗങ്ങളുടെയും നിയമ വിരുദ്ധമായ വിപണനം, വളര്‍ത്തു മൃഗങ്ങളെ തെരുവില്‍ ഉപേക്ഷിക്കല്‍, ഇടനിലക്കാരുടെ ചൂഷണം എന്നിവ നിയന്ത്രിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ?

ഈ സർക്കാരിന്റെ കാലയളവിൽ നാളിതുവരെ മൃഗസംരക്ഷണ വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നൽകിയിട്ടുള്ള പരസ്യങ്ങളുടെ വിശദാംശങ്ങൾ, പരസ്യം നൽകിയ സ്ഥാപനം പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തെരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, ഈ കാലയളവിൽ പരസ്യ ഇനത്തിൽ ആകെ ചെലവഴിച്ച തുക എന്നിവയുടെ വിശദാംശം ലഭ്യമാക്കാമോ?

സംസ്ഥാനത്തു ജന്തുക്ഷേമ ബോർഡ് പുനഃസംഘടിപ്പിച്ച് ഏപ്രിൽ മാസം ഉത്തരവ് പുറപ്പെടുവിച്ചിട്ടുണ്ടോ; ആരെല്ലാമാണ് അംഗങ്ങൾ; ബോർഡിന്റെ ഘടന വിശദമാക്കാമോ; ഏതെങ്കിലും അംഗങ്ങളെ ഇനിയും ബോർഡിൽ നോമിനേറ്റ് ചെയ്യാനുണ്ടോ; വിവരങ്ങൾ ലഭ്യമാക്കാമോ;

കേന്ദ്ര ബോർഡിനും സംസ്ഥാന ബോർഡിനും ചുമതലകൾ വിഭജിച്ചു നൽകിയിട്ടുണ്ടോ; എത്ര നാളാണ് ഒരു ബോർഡിന്റെ കാലാവധി; കഴിഞ്ഞ ബോർഡിന്റെ പ്രധാന പ്രവർത്തനങ്ങൾ എന്തെല്ലാമായിരുന്നു; വ്യക്തമാക്കാമോ;

സംസ്ഥാന ബോർഡ് പുനഃസംഘടിപ്പിച്ച ശേഷം എത്ര യോഗങ്ങൾ ചേർന്നു; എന്തെല്ലാം കാര്യങ്ങളാണ് ചർച്ച ചെയ്തത്; സംസ്ഥാനത്തെ തെരുവുനായശല്യം, തെരുവുനായ്ക്കളുടെ സംരക്ഷണം തുടങ്ങിയ വിഷയങ്ങൾ ബോർഡ് ചർച്ച ചെയ്തോ; മുൻപ് ചർച്ച ചെയ്തിട്ടുണ്ടോ; എന്തെല്ലാം നടപടികളാണ് ഈ വിഷയത്തിൽ ബോർഡ് സ്വീകരിച്ചിട്ടുള്ളത്; വിശദമാക്കാമോ?

കുറ്റ്യാടി മണ്ഡലത്തിലെ എട്ട് ഗ്രാമപഞ്ചായത്തുകളിലായി മുട്ട, പാല്‍, ഇറച്ചി എന്നിവയുടെ ഉല്പാദനം വര്‍ദ്ധിപ്പിക്കുന്നതിനായി മൃഗസംരക്ഷണ-ക്ഷീര വികസന വകുപ്പ് നടത്തിയ പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ; ഇത്തരം പ്രവര്‍ത്തനങ്ങളുടെ ഭാഗമായി ഉണ്ടായ നേട്ടങ്ങള്‍ പഞ്ചായത്ത് തിരിച്ച് ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം മൃഗസംരക്ഷണ വകുപ്പ് വഴി കുന്നത്തുനാട് മണ്ഡലത്തില്‍ നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

ഓരോ പദ്ധതിയ്ക്കുമായി ചെലവഴിച്ച തുക എത്ര വീതമാണെന്ന് വിശദമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ?

കഴിഞ്ഞ ഒൻപത് വർഷങ്ങളിൽ സംസ്ഥാനത്ത് ഗോട്ട് സാറ്റലൈറ്റ് പദ്ധതിയിലൂടെ എത്ര രൂപയുടെ ധനസഹായം കർഷകർക്ക് നൽകിയിട്ടുണ്ട്; വ്യക്തമാക്കാമോ?

കന്നുകുട്ടി പരിപാലന പദ്ധതി, ഗോവര്‍ധിനി പദ്ധതി എന്നീ പദ്ധതികളിലൂടെ ഇതിനോടകം എത്ര പശുക്കുട്ടികളെ വകുപ്പ് ഏറ്റെടുത്തിട്ടുണ്ട്; വ്യക്തമാക്കാമോ;

ഏറ്റെടുക്കുന്ന പശുക്കുട്ടികളെ പരിപാലിക്കാൻ എന്തൊക്കെ സംവിധാനങ്ങളാണ് നിലവിൽ ഉള്ളത്; വ്യക്തമാക്കാമോ;

പ്രസ്തുത പദ്ധതികളെ ശക്തിപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ച് വരുന്നത്; വ്യക്തമാക്കാമോ;

എല്ലാ ജില്ലകളിലും പ്രസ്തുത പദ്ധതികള്‍ വ്യാപിപ്പിക്കാൻ ആലോചിക്കുന്നുണ്ടോ; വ്യക്തമാക്കാമോ?

സര്‍ക്കാരിന്റെ വിവിധ പദ്ധതികള്‍ പ്രയോജനപ്പെടുത്തി അന്യസംസ്ഥാനങ്ങളില്‍ നിന്നും കിടാരികളെയും കറവപ്പശുക്കളെയും വാങ്ങുന്ന സംസ്ഥാനത്തെ ക്ഷീരകര്‍ഷകര്‍ക്ക് വാങ്ങുന്നതിനു മുന്‍പ് അവയുടെ ആരോഗ്യ നിലവാരം ഉറപ്പു വരുത്തുന്നതിനുള്ള സംവിധാനം നിലവിലില്ല എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിനായി ക്ഷീരകര്‍ഷകര്‍ക്ക് നല്ലയിനം കിടാരികളെയും കറവപ്പശുക്കളെയും വാങ്ങിക്കൊടുക്കുന്നതിന് സര്‍ക്കാര്‍ തലത്തില്‍ ഒരു വിദഗ്ധ സമിതി രൂപീകരിക്കുന്നതിനാവശ്യമായ നടപടികള്‍ സ്വീകരിക്കുമോ; വിശദമാക്കുമോ;

ഉടമസ്ഥാവകാശം ഒരു വ്യക്തിയില്‍ നിന്നും മറ്റൊരു വ്യക്തിയിലേക്ക് മാറിയാല്‍ മാടുകളുടെ ഇൻഷുറൻസ് പരിരക്ഷ റദ്ദായി പോകുന്ന നിലവിലെ അവസ്ഥ ഒഴിവാക്കി ഉടമസ്ഥന്‍ മാറിയാലും ഇന്‍ഷുറന്‍സ് പരിരക്ഷ നിലനിര്‍ത്തുന്നതിനാവശ്യമായ നടപടികള്‍ സ്വീകരിക്കുമോ;

കയ്പമംഗലം മണ്ഡലത്തിൽ പ്രവർത്തിക്കുന്ന കയ്പമംഗലം ലൈവ്സ്റ്റോക്ക് പ്രൊഡ്യൂസേഴ്സ് കമ്പനിയെ വളർത്തു മൃഗങ്ങളുടെ വിതരണം നടത്തുന്ന സർക്കാർ ഏജൻസിയായി ഉൾപ്പെടുത്തുന്നതിന് എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത്?

സംസ്ഥാനത്ത് മൃഗക്ഷേമ പ്രവർത്തനങ്ങളുമായി ബന്ധപ്പെട്ട് ഏതെല്ലാം സംഘടനകൾ പ്രവർത്തിക്കുന്നുണ്ട്; ആരാണ് ഇത്തരം സംഘടനകൾക്ക് അംഗീകാരം നൽകുന്നത്; പ്രസ്‌തുത സംഘടനകൾ രജിസ്ട്രേഷൻ നടത്തി പ്രവർത്തിക്കുന്നവയാണോ; വ്യക്തമാക്കുമോ;

സർക്കാരിന്റെ മൃഗസംരക്ഷണവുമായി ബന്ധപ്പെട്ട വിവിധ പദ്ധതികളിൽ ഈ സംഘടനകൾ സഹകരിക്കാറുണ്ടോ; എങ്കിൽ നിലവിൽ ഇങ്ങനെ സഹകരിക്കുന്ന എത്ര സംഘടനകൾ ഉണ്ടെന്ന് അറിയിക്കുമോ;

തെരുവുനായ്ക്കളുടെ സംരക്ഷണം, എ.ബി.സി (അനിമല്‍ ബെര്‍ത്ത് കണ്‍ട്രോള്‍), തെരുവുനായ്ക്കളിൽ നിന്നു പൊതുജനങ്ങൾക്കു കടിയേൽക്കുന്ന സംഭവങ്ങൾ തുടങ്ങിയ വിഷയങ്ങളിൽ ഇത്തരം മൃഗക്ഷേമ സംഘടനകൾ എന്തെല്ലാം പരിഹാര മാർഗനിർദേശങ്ങളാണ് രേഖാമൂലം സമർപ്പിച്ചിട്ടുള്ളത്; ഇത്തരം നിർദേശങ്ങളിൽ എന്തെങ്കിലും നടപടികൾ സ്വീകരിച്ചിട്ടുണ്ടോ;

പ്രസ്‌തുത സംഘടനകൾ തെരുവുനായ്ക്കളുടെ വന്ധ്യംകരണം, സംരക്ഷണം, പൊതുജനങ്ങൾക്കു കടിയേൽക്കുന്ന സംഭവങ്ങൾ ചെറുക്കൽ എന്നീ കാര്യങ്ങളിൽ എന്തെല്ലാം ബോധവൽക്കരണ, പ്രതിരോധ നടപടികളാണ് സ്വീകരിച്ചിട്ടുള്ളത്; ഇതിന് സർക്കാർ അനുമതിയുണ്ടോ; ഇതിനു സംഘടനകൾ പണം മുടക്കുന്നുണ്ടോ; വ്യക്‌തമാക്കുമോ?

2016 മേയ് മുതല്‍ 2025 വരെ മൃഗസംരക്ഷണ വകുപ്പിന് കീഴില്‍ പാറശാല മണ്ഡലത്തില്‍ ആവിഷ്കരിച്ച് നടപ്പിലാക്കിയിട്ടുള്ള പദ്ധതികളുടെ പേര്, ഫണ്ട് വിവരം, അവയുടെ നിലവിലെ സ്ഥിതി തുടങ്ങിയ വിവരങ്ങള്‍ വര്‍ഷം തിരിച്ച് ലഭ്യമാക്കാമോ?

2022-23 വർഷത്തെ ബജറ്റ് എസ്റ്റിമേറ്റുകളുടെ അനുബന്ധം-2, വാല്യം-2 ക്രമനമ്പർ 133 ആയി 20% ഫണ്ട് വകയിരുത്തിയിട്ടുള്ള കൊഴിഞ്ഞാമ്പാറ മൃഗാശുപത്രി ഹൈടെക് ലൈഫ് സ്റ്റോക്ക് പ്രൊഡക്ഷൻ ഫസിലിറ്റേഷൻ സെന്റർ കെട്ടിട നിർമ്മാണം എന്ന പ്രവൃത്തി നടപ്പിലാക്കുന്നതിനുള്ള നടപടിക്രമങ്ങൾ ഏതുവരെയായിട്ടുണ്ടെന്ന് വിശദമാക്കുമോ;

പ്രസ്തുത പ്രവൃത്തി അടിയന്തര പ്രാധാന്യത്തോടെ നടപ്പിലാക്കുന്നതിനുള്ള നടപടികൾ സ്വീകരിക്കുമോ; വിശദമാക്കുമോ?

കേരള ചിക്കന്‍ പദ്ധതി പ്രകാരം സംസ്ഥാനത്ത് എത്ര ഔട്ട്‌ലെറ്റുകള്‍ ആരംഭിച്ചിരുന്നുവെന്ന് ജില്ല തിരിച്ചുള്ള കണക്ക് ലഭ്യമാക്കുമോ;

നിലവില്‍ പ്രവര്‍ത്തിക്കുന്ന ഔട്ട്‌ലെറ്റുകളുടെ കണക്ക് ജില്ല തിരിച്ച് ലഭ്യമാക്കുമോ;

പ്രസ്തുത പദ്ധതി പ്രകാരം കൂടുതല്‍ ഔട്ട്‌ലെറ്റുകള്‍ ഇനി ആരംഭിക്കാൻ ഉദ്ദേശിക്കുന്നുണ്ടോ;

കേരള ചിക്കന്‍ ഔട്ട്‌ലെറ്റുകള്‍ ലാഭകരമായാണോ പ്രവര്‍ത്തിക്കുന്നതെന്ന് വിശദമാക്കുമോ;

പെരിന്തല്‍മണ്ണ മണ്ഡലത്തില്‍ പ്രവര്‍ത്തിക്കുന്ന കേരള ചിക്കന്‍ ഔട്ട്‌ലെറ്റുകളുടെ വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ഉടുമ്പന്‍ചോല മണ്ഡലത്തില്‍ മൃഗസംരക്ഷണ വകുപ്പിന് കീഴില്‍ നടപ്പാക്കിയിട്ടുള്ളതും നടപ്പിലാക്കി വരുന്നതുമായ പദ്ധതികളെ സംബന്ധിച്ച വിശദാംശം നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം മൃഗസംരക്ഷണ-ക്ഷീരവികസന മേഖലയില്‍ ആലത്തൂര്‍ മണ്ഡലത്തില്‍ വിവിധ പദ്ധതികള്‍ക്കായി എത്ര രൂപ അനുവദിച്ചിട്ടുണ്ടെന്ന് ഇനം തിരിച്ച് വിശദാംശം നല്‍കുമോ?

എറണാകുളം ജില്ലയിലെ ഏതെല്ലാം ബ്ലോക്ക് പഞ്ചായത്തുകളില്‍ മൊബൈല്‍ വെറ്ററിനറി യൂണിറ്റുകളുടെ സേവനം ലഭിക്കുന്നുണ്ടെന്ന് വ്യക്തമാക്കാമോ;

കോതമംഗലം ബ്ലോക്ക് പഞ്ചായത്തില്‍ മൊബൈല്‍ വെറ്ററിനറി യൂണിറ്റിന്റെ സേവനം ഉറപ്പുവരുത്തുമോ; വ്യക്തമാക്കാമോ;

പ്രസ്തുത യൂണിറ്റുകള്‍ വഴി എന്തെല്ലാം സേവനങ്ങളാണ് ക്ഷീര കര്‍ഷകര്‍ക്ക് ലഭിക്കുന്നതെന്ന് വ്യക്തമാക്കാമോ?

സംസ്ഥാനത്ത് പശുക്കളുടെ കുളമ്പുരോഗം ക്ഷീര കർഷകർക്ക് ഉണ്ടാക്കുന്ന ആശങ്ക ശ്രദ്ധയിൽപ്പെട്ടിട്ടുണ്ടോ; ആയത് പരിഹരിക്കുന്നതിനായി സ്വീകരിച്ചു വരുന്ന നടപടികൾ വിശദമാക്കാമോ?

കുണ്ടറ മണ്ഡലത്തിന്റെ പരിധിയില്‍ വരുന്ന മൃഗാശുപത്രികളുടെ അടിസ്ഥാന സൗകര്യ വികസനത്തിനായി എന്തൊക്കെ പദ്ധതികളാണ് ആവിഷ്കരിച്ച് നടപ്പാക്കിയിട്ടുള്ളതെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ഏതെല്ലാം ബ്ലോക്കുകള്‍ക്കാണ് ആധുനിക സൗകര്യങ്ങളോടു കൂടിയ വെറ്ററിനറി ആംബുലന്‍സുകള്‍ അനുവദിച്ചിട്ടുള്ളതെന്ന് വ്യക്തമാക്കാമോ;

സംസ്ഥാനത്തെ എല്ലാ ബ്ലോക്കുകള്‍ക്കും പ്രസ്തുത ആംബുലന്‍സുകള്‍ അനുവദിക്കുന്നതിനുള്ള നടപടികളുടെ നിലവിലെ സ്ഥിതി വ്യക്തമാക്കാമോ?

സംസ്ഥാനത്ത് മൃഗങ്ങളുടെ സെൻസസ് നടപടികൾ പൂർത്തിയാക്കിയിട്ടുണ്ടോ; എങ്കില്‍ എന്നാണ് പൂർത്തിയാക്കിയത്; കന്നുകാലി സെൻസസ് സംബന്ധിച്ച വിവരങ്ങൾ നേരത്തേ പ്രസിദ്ധീകരിച്ചിരുന്നോ; വിശദമാക്കുമോ;

മൃഗങ്ങളുടെ സെൻസസിന്റെ ഭാഗമായി വളർത്തുനായ്ക്കളുടെയും തെരുവുനായ്ക്കളുടെയും എണ്ണം ശേഖരിച്ചിരുന്നോ; എത്ര വളർത്തുനായ്ക്കളും തെരുവുനായ്ക്കളുമാണ് സംസ്ഥാനത്തുള്ളത്; ഇതിന്റെ ജില്ല തിരിച്ചുള്ള കണക്കുകൾ ലഭ്യമാക്കാമോ;

സെൻസസ് പ്രവർത്തനങ്ങൾക്ക് ഏതൊക്കെ തസ്തികയിലുള്ള ജീവനക്കാരെയാണ് നിയോഗിച്ചത്; എത്ര പേരെ വീതമാണ് സംസ്ഥാന, ജില്ലാ തലങ്ങളിൽ നിയോഗിച്ചത്; തെരുവുനായ്ക്കളുടെ കണക്കെടുപ്പ് നടത്തുന്ന രീതി എങ്ങനെയാണ്; ഇതിന് രാജ്യവ്യാപകമായി അംഗീകരിച്ച മാനദണ്ഡം ഉണ്ടോ; വിശദമാക്കുമോ;

ഇതിനു മുൻപ് കന്നുകാലികളുടെയും തെരുവു/വളർത്തു നായ്ക്കളുടെയും സെൻസസ് നടത്തിയത് എന്നാണ്; അത് പ്രകാരമുള്ള കണക്കുകൾ ലഭ്യമാക്കാമോ?

ക്ഷീരവികസന മേഖലയെ പരിപോഷിപ്പിക്കാൻ ഈ സർക്കാർ സ്വീകരിച്ച നടപടികൾ എന്തെല്ലാമാണെന്നും എന്തെല്ലാം നേട്ടങ്ങളാണ് പ്രസ്തുത മേഖലയിൽ ഉണ്ടായിട്ടുള്ളതെന്നും വിശദമാക്കാമോ?

പാലുൽപ്പാദനത്തിലെ വരുമാനത്തിന്റെ 80 ശതമാനവും കാലികളുടെ തീറ്റയിനത്തിൽ ചെലവാകുന്നതു മൂലം ക്ഷീരകർഷകർ നേരിടുന്ന ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ;

ക്ഷീരവികസന വകുപ്പിന്റെ തീറ്റപ്പുൽക്കൃഷി വികസന പദ്ധതിയുടെ ഭാഗമായി 'സുസ്ഥിര' ഉൾപ്പെടെയുള്ള തീറ്റപ്പുൽ വിഭാഗങ്ങൾ 505 ഹെക്ടർ വിസ്തൃതിയുള്ള മുണ്ടേരി സീഡ് ഫാമിന്റെ കൃഷി ചെയ്യാതെ കിടക്കുന്ന പ്രദേശത്ത് കൃഷി ചെയ്യുന്നതിന് വേണ്ട നടപടികൾ സ്വീകരിക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ക്ഷീര വികസന വകുപ്പ് കുന്നത്തുനാട് മണ്ഡലത്തില്‍ നടപ്പിലാക്കിയ വിവിധ പദ്ധതികളുടെ വിശദാംശം ലഭ്യമാക്കാമോ;

ഓരേ പദ്ധതിയ്ക്കുമായി ചെലവഴിച്ച തുക എത്ര വീതമാണെന്ന് വിശദമാക്കാമോ;

പ്രസ്തുത പദ്ധതികളുടെ നിലവിലെ സ്ഥിതി വ്യക്തമാക്കാമോ?

പയ്യന്നൂര്‍ മണ്ഡലത്തിലെ ഏതെങ്കിലും ഗ്രാമപഞ്ചായത്തില്‍ ക്ഷീരഗ്രാമം പദ്ധതി നടപ്പിലാക്കിയിട്ടുണ്ടോ; എങ്കിൽ വിശദമാക്കാമോ;

2025-26 സാമ്പത്തിക വര്‍ഷത്തെ ക്ഷീര ഗ്രാമ പദ്ധതിയില്‍ പയ്യന്നൂര്‍ മണ്ഡലത്തിലെ ഏതെങ്കിലും ഗ്രാമപഞ്ചായത്തിനെ ഉള്‍പ്പെടുത്തുന്ന കാര്യം പരിഗണനയില്‍ ഉണ്ടോ; എങ്കിൽ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കല്ല്യാശ്ശേരി മണ്ഡലത്തില്‍ ക്ഷീര വികസന വകുപ്പ് മുഖേന നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ?

ഒറ്റപ്പാലം മണ്ഡലത്തിൽ ക്ഷീരഗ്രാമം പദ്ധതി എവിടെയെല്ലാമാണ് നടപ്പിലാക്കിയിട്ടുള്ളത്; വ്യക്തമാക്കാമോ;

ഒറ്റപ്പാലം മണ്ഡലത്തിൽ പുതുതായി ക്ഷീരഗ്രാമം പദ്ധതി ആരംഭിക്കാൻ ഉദ്ദേശിക്കുന്നുണ്ടോ; എങ്കിൽ വിശദ വിവരങ്ങൾ ലഭ്യമാക്കാമോ?

സംസ്ഥാനത്ത് പാൽ ഉല്പാദനം വർദ്ധിപ്പിക്കുന്നതിനും ക്ഷീരകർഷകരെ സഹായിക്കുന്നതിനുമായി ക്ഷീരഗ്രാമം പദ്ധതിക്ക് തുടക്കം കുറിച്ചിട്ടുണ്ടോ; എന്തൊക്കെ കാര്യങ്ങളാണ് പ്രസ്തുത പദ്ധതി മുഖാന്തിരം ലക്ഷ്യമിടുന്നത്; വിശദംശം നൽകാമോ;

പ്രസ്തുത പദ്ധതിയിലൂടെ പുതിയ ഡയറി യൂണിറ്റുകൾ സ്ഥാപിക്കുന്നതിനും കാലിത്തൊഴുത്ത് നിർമ്മാണത്തിനും സാമ്പത്തിക സഹായം ലഭ്യമാക്കുന്നുണ്ടോ; വ്യക്തമാക്കാമോ;

നിലവിലുള്ള കർഷകർക്ക് പശുക്കളുടെ എണ്ണം വർദ്ധിപ്പിക്കുന്നതിനും ഫാമുകൾ ആധുനികീകരിക്കുന്നതിനും പ്രസ്തുത പദ്ധതി സഹായകമാണോ; വ്യക്തമാക്കാമോ;

ക്ഷീരമേഖല സ്വയം പര്യാപ്തത നേടി ക്ഷീരകർഷകരുടെ വരുമാനം വർദ്ധിപ്പിക്കുന്നതിന് പ്രസ്തുത പദ്ധതി എത്രത്തോളം സഹായകരമാണ്; വിശദമാക്കാമോ?

മട്ടന്നൂർ നിയോജകമണ്ഡലത്തിലെ ഏതൊക്കെ പഞ്ചായത്തുകളെയാണ് ക്ഷീരഗ്രാമം പദ്ധതിയിൽ ഉൾപ്പെടുത്തിയിട്ടുള്ളത് എന്ന് വിശദമാക്കാമോ?

സംസ്ഥാനത്ത് ക്ഷീരകര്‍ഷകര്‍ക്ക് ഉദ്യോഗസ്ഥ സംവിധാനത്തോട് അടുത്ത ബന്ധം സ്ഥാപിക്കുവാനും പരമാവധി സേവനങ്ങള്‍ ഉറപ്പുവരുത്തുന്നതിനുമായി എ-ഹെല്‍പ്പ് എന്ന പേരില്‍ പ്രത്യേക പദ്ധതി ആരംഭിച്ചിട്ടുണ്ടോ; മൃഗസംരക്ഷണ പ്രവര്‍ത്തനങ്ങള്‍ ത്വരിതപ്പെടുത്തുന്നതിന് ഇത് എത്രത്തോളം സഹായകമായിട്ടുണ്ട്; വിശദാംശം നല്‍കാമോ;

പ്രസ്തുത പദ്ധതിയുടെ ഭാഗമായി പ്രത്യേക കര്‍മ്മസേനയ്ക്ക് രൂപം കൊടുത്തിട്ടുണ്ടോ; ഇവര്‍ക്ക് പരിശീലനം ലഭ്യമാക്കിയിട്ടുണ്ടോ; ഏതൊക്കെ വിഷയങ്ങളിലാണ് പരിശീലനം നല്‍കുന്നത്; വിശദമാക്കാമോ;

കര്‍ഷകര്‍ക്ക് പ്രസ്‌തുത കര്‍മ്മസേനാംഗങ്ങളുടെ സേവനം ഏതെല്ലാം തരത്തിലാണ് പ്രയോജനപ്പെടുന്നത്; വിശദമാക്കാമോ?

സംസ്ഥാനത്ത് പാലുല്പാദനത്തിന് ആനുപാതികമായി ക്ഷീരകർഷകർക്ക് വില ലഭിക്കാത്തതിനാല്‍ അവർ നേരിടുന്ന പ്രയാസങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കാൻ സ്വീകരിക്കുന്ന നടപടികൾ എന്തൊക്കെയാണെന്ന് വ്യക്തമാക്കുമോ;

പാലുല്പാദനത്തിൽ സ്വയംപര്യാപ്തമാകുവാൻ പ്രസ്തുത മേഖലയിലെ കർഷകർക്കായി എന്തെല്ലാം പുതിയ പദ്ധതികൾ ആരംഭിക്കുമെന്ന് വ്യക്തമാക്കുമോ;

കാലിത്തീറ്റ ഉൾപ്പെടെയുള്ള സാധനങ്ങള്‍ കൂടുതൽ സബ്‌സിഡി നിരക്കിൽ ലഭ്യമാക്കാൻ എന്തെല്ലാം നടപടികൾ സ്വീകരിക്കുമെന്ന് വ്യക്തമാക്കുമോ?

നെയ്യാറ്റിന്‍കര മണ്ഡലത്തില്‍ നെയ്യാറ്റിന്‍കര നഗരസഭയിലും അതിയന്നൂര്‍, തിരുപുറം, ചെങ്കല്‍, കാരോട്, കുളത്തൂര്‍ എന്നീ ഗ്രാമപഞ്ചായത്തുകളിലുമായി എത്ര ക്ഷീരസംഘങ്ങളാണ് പ്രവര്‍ത്തിക്കുന്നതെന്ന് വിശദമാക്കാമോ; ഓരോ സംഘങ്ങളുടെയും പേരു വിവരം വ്യക്തമാക്കാമോ?

ഈ സർക്കാരിന്റെ കാലയളവിൽ നാളിതുവരെ ക്ഷീരവികസന വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, ഈ കാലയളവിൽ പരസ്യ ഇനത്തിൽ ആകെ ചെലവഴിച്ച തുക എന്നിവ വ്യക്തമാക്കാമോ?

സംസ്ഥാനത്ത് പാല്‍ ഉല്പാദനം വർദ്ധിപ്പിക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ;

അയല്‍സംസ്ഥാനത്ത് നിന്ന് കൊണ്ടുവരുന്ന പാലിന്റെ ഗുണമേന്മ ഉറപ്പുവരുത്തുന്നതിന് സ്വീകരിച്ച നടപടികള്‍ എന്തെല്ലാമെന്ന് വിശദമാക്കുമോ?

2016-ല്‍ എല്‍.ഡി.എഫ്. സര്‍ക്കാര്‍ അധികാരമേറ്റതു മുതല്‍ നാളിതുവരെ ക്ഷീരവികസന വകുപ്പ് മാവേലിക്കര മണ്ഡലത്തില്‍ അനുവദിച്ചതും നടപ്പിലാക്കിയതുമായ പദ്ധതികളുടെ വിശദവിവരം ലഭ്യമാക്കാമോ?

കേരള മിൽക്ക് മാർക്കറ്റിംഗ് ഫെഡറേഷൻ വിപണിയിൽ ഇറക്കിയ ചോക്ലേറ്റ് നിർമ്മിച്ചത് ഏത് സംസ്ഥാനത്താണ്; പ്രസ്തുത ചോക്ലേറ്റ് ഉൽപ്പന്നങ്ങളുടെ വ്യാപാരത്തിൽ മിൽമയ്ക്ക് നഷ്ടമുണ്ടായിട്ടുണ്ടോ; വിശദാംശങ്ങൾ ലഭ്യമാക്കാമോ;

ചോക്ലേറ്റ് ഉൽപ്പന്നങ്ങൾക്ക് വില്പന കുറവായത് മൂലം തിരിച്ചെടുക്കേണ്ടി വന്നിട്ടുണ്ടോ; ഈ ഇനത്തില്‍ വന്ന നഷ്ടം എത്രയാണ് എന്ന് വ്യക്തമാക്കാമോ;

കേരള മിൽക്ക് മാർക്കറ്റിംഗ് ഫെഡറേഷൻ വിപണിയിൽ ഇറക്കിയ ചോക്ലേറ്റ് നിർമ്മിച്ചതുമായി ബന്ധപ്പെട്ട് കരാര്‍ നല്‍കിയതിന്റെ പകര്‍പ്പ് ലഭ്യമാക്കാമോ?

മിൽമ ബ്രാൻഡിങ്ങിൽ സർക്കാർ പുറത്തിറക്കുന്ന ഉൽപ്പന്നങ്ങൾ ഏതൊക്കെയാണ്; മിൽമ നേരിട്ട് ഉൽപ്പാദനവും വിപണനവും നടത്തുന്നവയും മറ്റു നിർമ്മാതാക്കളിൽ നിന്ന് സംഭരിച്ച് മിൽമ ബ്രാൻഡിങ്ങിൽ വിൽപ്പന നടത്തുന്നവയും തരം തിരിച്ച് അറിയിക്കുമോ;

മറ്റുള്ള ഉല്‍പ്പാദകരില്‍ നിന്നും സംഭരിച്ച് വിപണനം നടത്തുന്ന ഉൽപ്പന്നങ്ങളുടെ ഗുണനിലവാരം ഉറപ്പാക്കുന്നതിനായി സർക്കാർ എന്തെല്ലാം നടപടികളാണ് സ്വീകരിക്കുന്നത്; വിശദമാക്കുമോ;

ജനങ്ങളുടെ വിശ്വാസ്യത ആര്‍ജ്ജിച്ച മിൽമ പോലൊരു ബ്രാൻഡ് നെയിം ഉണ്ടായിട്ടും മറ്റു പാൽ പാലുൽപ്പന്ന ബ്രാൻഡുകൾ വിപണിയിൽ വൻ വില്പന മൂല്യം നേടുന്നതിന്റെ കാരണങ്ങൾ എന്തെല്ലാമാണെന്ന് സർക്കാർ പരിശോധിച്ചിട്ടുണ്ടോ; വിശദമാക്കുമോ;

സംസ്ഥാനത്തെ എല്ലാ പ്രദേശങ്ങളിലും മിൽമയുടെ മുഴുവൻ ഉൽപ്പന്നങ്ങളും ലഭ്യമല്ലാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

വ്യാപാരി സൗഹൃദമല്ലാത്ത കച്ചവട രീതികളും പരുക്കൻ വിപണന ഇടപെടലുകളും മിൽമ ഉൽപ്പന്നങ്ങൾ വിൽപ്പന നടത്തുന്നതിൽ നിന്ന് വ്യാപാരികളെ പിന്തിരിപ്പിക്കുന്നു എന്ന ആരോപണം സർക്കാർ പരിശോധിച്ചിട്ടുണ്ടോ; വിശദമാക്കുമോ;

എങ്കിൽ വിപണന വിതരണ രംഗത്തെ ജീവനക്കാർക്ക് മതിയായ പരിശീലനം നൽകിയും ആധുനിക വിപണന വിതരണ സങ്കേതങ്ങൾ ഉപയോഗിച്ച് വിപണന വിതരണ രംഗം കൂടുതൽ വ്യാപാരി സൗഹൃദമാക്കിയും മുഴുവൻ മിൽമ ഉൽപ്പന്നങ്ങളും സംസ്ഥാനത്തെ എല്ലാ പ്രദേശങ്ങളിലും വിതരണം ചെയ്യുന്നു എന്ന് ഉറപ്പാക്കുന്നതിന് സർക്കാർ നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ക്ഷീരവികസന വകുപ്പ് ബാലുശ്ശേരി മണ്ഡലത്തില്‍ നടത്തിയ പ്രധാന വികസന പ്രവര്‍ത്തനങ്ങള്‍ ഏതെല്ലാമാണ്; വിശദമാക്കാമോ;

ബാലുശ്ശേരി മണ്ഡലത്തില്‍ എത്ര മില്‍മ സൊസെെറ്റികള്‍ പ്രവര്‍ത്തിച്ചുവരുന്നുണ്ട്; പ്രസ്തുത സൊസെെറ്റികള്‍ ലാഭകരമായിട്ടാണോ പ്രവര്‍ത്തിച്ചുവരുന്നത്; വിശദമാക്കാമോ?

മിൽമ സംഭരിക്കുന്ന പാലിന് ലിറ്ററിന് എത്ര രൂപ വീതമാണ് കർഷകർക്ക് നൽകി വരുന്നതെന്ന് വ്യക്തമാക്കാമോ;

പാല്‍ വിലയ്ക്ക് പുറമെ ക്ഷീരകര്‍ഷകര്‍ക്ക് മറ്റ് എന്തെല്ലാം ആനുകൂല്യങ്ങളാണ് നല്‍കി വരുന്നത്;

തീറ്റ ഉള്‍പ്പെടെയുള്ള സാധനങ്ങള്‍ സബ്സിഡി നിരക്കില്‍ ലഭ്യമാക്കുന്നുണ്ടോ; വിശദമാക്കാമോ?

ഉരുക്കളുടെ വേനല്‍ക്കാല സംരക്ഷണാര്‍ത്ഥം മില്‍മയുടെ സഹായത്തോടെ നടപ്പിലാക്കുന്ന ഉരുക്കളുടെ വേനല്‍ക്കാല ഇന്‍ഷുറന്‍സ് പദ്ധതിയിലൂടെ കഴിഞ്ഞ സാമ്പത്തിക വര്‍ഷത്തില്‍ എത്ര രൂപയുടെ നഷ്ടപരിഹാരം ഉരുക്കളെ നഷ്ടമായ ക്ഷീര കര്‍ഷകര്‍ക്ക് നല്‍കിയിട്ടുണ്ടെന്ന് വ്യക്തമാക്കാമോ?

നെയ്യാറ്റിന്‍കര നിയോജക മണ്ഡലത്തില്‍ നെയ്യാറ്റിന്‍കര നഗരസഭയിലെയും അതിയന്നൂര്‍, തിരുപുറം, ചെങ്കല്‍, കാരോട്, കുളത്തൂര്‍ എന്നീ ഗ്രാമപഞ്ചായത്തുകളിലെയും ക്ഷീര കര്‍ഷകര്‍ക്കായി 2021-22, 2022-23, 2023-24, 2024-25, 2025-26 എന്നീ സാമ്പത്തിക വര്‍ഷങ്ങളില്‍ നടപ്പിലാക്കിയ പദ്ധതികള്‍ ഏതൊക്കെയാണെന്ന് വിശദമാക്കാമോ;

ഓരോ പദ്ധതിയ്ക്കും വിനിയോഗിച്ച തുക എത്ര എന്ന് വ്യക്തമാക്കാമോ?

സംസ്ഥാനത്തെ ദൈനംദിന ഉപയോഗത്തിനായി അന്യ സംസ്ഥാനങ്ങളില്‍ നിന്നും വാങ്ങുന്ന പാലിന്റെ ഗുണനിലവാരം പരിശോധിച്ചിട്ടുണ്ടോ; ഒരു ദിവസം എത്ര ലിറ്റര്‍ പാല്‍ വാങ്ങുന്നുണ്ടെന്ന് വ്യക്തമാക്കാമോ?

നിലവിൽ ഷൊര്‍ണ്ണൂര്‍ മണ്ഡലത്തില്‍ ആകെ എത്ര ക്ഷീര സഹകരണ സംഘങ്ങള്‍ ഉണ്ട്; അവയില്‍ സജീവമായി പ്രവര്‍ത്തിക്കുന്നവ ഏതൊക്കെയാണ്; വിശദമാക്കാമോ?

കര്‍ഷകര്‍ക്ക് തങ്ങളുടെ പക്ഷിമൃഗാദികളെ ബാധിക്കുന്ന രോഗങ്ങളെ പ്രതിരോധിക്കുന്നതിനും യഥാസമയം ചികിത്സ ലഭിക്കുന്നതിനുമായി ഇരുപത്തിനാല് മണിക്കൂറും ചികിത്സാ സൗകര്യം ലഭ്യമാക്കുന്നതിന് സംവിധാനം ഒരുക്കിയിട്ടുണ്ടോ; വിശദാംശം നല്‍കാമോ;

രാത്രികാല അടിയന്തര മൃഗചികിത്സാ സേവനം ലഭ്യമാക്കുന്നതിന് പ്രത്യേക പദ്ധതി ആവിഷ്കരിച്ചിട്ടുണ്ടോ; വിശദാംശം ലഭ്യമാക്കാമോ;

മൃഗചികിത്സയുമായി ബന്ധപ്പെട്ട വിവിധ സേവനങ്ങള്‍ ഏകോപിപ്പിക്കുന്നതിന്റെ ഭാഗമായി പ്രത്യേക കോള്‍ സെന്റര്‍ സംവിധാനത്തിന് രൂപം കൊടുത്തിട്ടുണ്ടോ; വിശദമാക്കാമോ?