ഈ സർക്കാർ അധികാരത്തില്‍ വന്നശേഷം ആലപ്പുഴ മണ്ഡലത്തില്‍ വനം വന്യജീവി വകുപ്പ് മുഖേന നടപ്പാക്കിയ പദ്ധതികള്‍ ഏതെല്ലാമാണെന്ന് വ്യക്തമാക്കാമോ; ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ;

ഇക്കോ ടൂറിസം പദ്ധതി പ്രകാരം ആലപ്പുഴ മണ്ഡലത്തില്‍ എന്തൊക്കെ പദ്ധതികളാണ് നാളിതുവരെ നടപ്പിലാക്കിയത് എന്ന് വിശദമാക്കാമോ?

വിവിധ വികസന നിർമ്മാണ പ്രവർത്തനങ്ങൾക്കായി ഉപയോഗിക്കുന്ന സ്വകാര്യ ഭൂമിയിലെ മരങ്ങൾ മുറിച്ചു മാറ്റുന്നതിനായി വില നിശ്ചയിച്ചുകൊടുക്കുന്നതിന് സോഷ്യൽ ഫോറസ്റ്റ് വകുപ്പ് ഉദ്യോഗസ്ഥർ തയ്യാറാകുന്നില്ല എന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ അവരെ പ്രസ്തുത ജോലിയിൽ നിന്നും ഒഴിവാക്കുന്നതു സംബന്ധിച്ച് എന്തെങ്കിലും ഉത്തരവ് ഇറക്കിയിട്ടുണ്ടോ;

മരത്തിന്റെ വിലനിശ്ചയിച്ചു നൽകുന്നതിന് സമർപ്പിക്കുന്ന അപേക്ഷകളിൽ കാലതാമസം കൂടാതെ തീരുമാനം എടുക്കാൻ വനംവകുപ്പ് ഉദ്യോഗസ്ഥർക്ക് നിർദേശം നൽകുന്നതിനും ആയതിന് ഉത്തരവിറക്കുന്നതിനും നടപടി സ്വീകരിക്കുമോ;

കുറുമാലിപുഴയുടെ കുറുകെ നിർമ്മിക്കുന്ന കാനത്തോട് റെഗുലേറ്റർ കം ബ്രിഡ്ജിന്റെ നിർമ്മാണത്തിനായി ഏറ്റെടുക്കുന്ന സ്വകാര്യവ്യക്തിയുടെ ഭൂമിയിലെ മഹാഗണിമരത്തിന്റെ വില നിശ്ചയിച്ചു നൽകുന്നതിനായുള്ള അപേക്ഷയിൽ സത്വര നടപടി സ്വീകരിക്കുമോ?

ആലുവ-മൂന്നാര്‍ രാജപാതയുടെ പുനര്‍ നിര്‍മ്മാണവുമായി ബന്ധപ്പെട്ട് പൊതുമരാമത്ത് വകുപ്പിന്റെ ആവശ്യത്തിന്മേല്‍ വനം വകുപ്പ് എന്ത് നിലപാടാണ് സ്വീകരിച്ചിട്ടുള്ളത്; വ്യക്തമാക്കാമോ;

രാജപാത തുറന്നു നല്‍കുന്നതിനും പുനര്‍നിര്‍മ്മാണത്തിനും വനം വകുപ്പ് അനുകൂല നിലപാട് സ്വീകരിക്കുമോ; വ്യക്തമാക്കാമോ?

കൂരാച്ചുണ്ട് ഗ്രാമപഞ്ചായത്തിലെ വനാതിർത്തിയിൽ ഫെൻസിംഗ് സ്ഥാപിക്കുന്ന പ്രവൃത്തിക്ക് ഭരണാനുമതി നൽകിയിട്ടുണ്ടോ; എങ്കിൽ വിശദമാക്കാമോ;

പ്രസ്തുത പ്രവൃത്തി എപ്പോൾ തുടങ്ങാൻ കഴിയുമെന്നാണ് കരുതുന്നത്; വിശദമാക്കാമോ?

ഇടുക്കി ജില്ലയിലെ ഏതൊക്കെ പ്രദേശങ്ങളാണ് 2016 മുതൽ നാളിതുവരെ സർക്കാർ സംരക്ഷിത വനമേഖലയായി പ്രഖ്യാപിച്ചിട്ടുള്ളത്; വിശദാംശം അറിയിക്കാമോ;

ഇതുമായി ബന്ധപ്പെട്ട സർക്കാർ ഉത്തരവുകളുടെ പകർപ്പ് ലഭ്യമാക്കാമോ;

ഇതുമായി ബന്ധപ്പെട്ട് പൊതുജനങ്ങളുടെ ഭാഗത്തുനിന്നും പരാതികൾ ഉള്ളത് ശ്രദ്ധയിൽപ്പെട്ടിട്ടുണ്ടോ; ജനങ്ങളുടെ ആശങ്ക പരിഹരിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കാമോ?

അധിനിവേശ സസ്യങ്ങളെയും വൃക്ഷങ്ങളെയും ഒഴിവാക്കി ​സ്വാഭാവിക വനം വികസിപ്പിക്കുവാൻ എന്തെങ്കിലും പദ്ധതി തയ്യാറാക്കിയിട്ടുണ്ടോ; വിശദാംശം നൽകുാമോ;

സ്വാഭാവിക വനശോഷണത്തിന്റെ ഫലമായിട്ടാണോ വന്യമൃഗങ്ങൾ കൃഷിയിടങ്ങളിലേക്ക് ഇറങ്ങുന്നതെന്ന് പരിശോധിക്കുമോ; വിശദാംശം നൽകുാമോ?

വനമേഖലയിലെ തേക്ക് ഉള്‍പ്പെടെയുള്ള തോട്ടങ്ങളിലെ മരങ്ങള്‍ മുറിച്ച് നീക്കുവാന്‍ സാധ്യതാപഠനം നടത്തുന്നുണ്ടോ; വ്യക്തമാക്കാമോ;

ഇതിനായി പ്രത്യേക കമ്മിറ്റി രൂപീകരിച്ചിട്ടുണ്ടോ; വിശദാംശം നല്‍കാമോ; കമ്മിറ്റി അതിന്റെ റിപ്പോര്‍ട്ട് സര്‍ക്കാറിന് സമർപ്പിച്ചിട്ടുണ്ടോ; ഉണ്ടെങ്കില്‍ പ്രധാന ശിപാര്‍ശകള്‍ എന്തെല്ലാമെന്നറിയിക്കാമോ;

വന്യജീവി സങ്കേതങ്ങളിലും ദേശീയോദ്യാനങ്ങളിലും മരം മുറിക്കരുതെന്നും വീണുകിടക്കുന്ന മരം പോലും എടുക്കാന്‍ പാടില്ലെന്നും കേന്ദ്ര നിയമത്തില്‍ വ്യവസ്ഥയുള്ളപ്പോള്‍ ഇത്തരമൊരു പഠനം നടത്തുവാനുള്ള തീരുമാനം ഏത് സാഹചര്യത്തിലാണ് ഉണ്ടായതെന്ന് അറിയിക്കാമോ?

കണ്ടൽകാടുകൾ നിറഞ്ഞുകിടക്കുന്നതിനാൽ കൃഷി ചെയ്യാൻ കഴിയാത്ത പാടങ്ങളിലെ കർഷകർക്ക് വനംവകുപ്പ് മുഖേന സഹായം ലഭ്യമാക്കാൻ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് വനാതിർത്തി നിർണ്ണയിക്കുന്നതിനുളള ജണ്ട നിർമ്മാണത്തിൽ നടന്നതായി പറയപ്പെടുന്ന ക്രമക്കേട് സംബന്ധിച്ച തുടരന്വേഷണം പൊലീസിൽ നിന്നുമാറ്റി വിജിലൻസിന് വിടണമെന്ന നിർദേശം ഉണ്ടായിട്ടുണ്ടോ; എങ്കിൽ പ്രസ്തുത നിർദേശത്തിന്മേൽ എന്തു നടപടി സ്വീകരിച്ചു; വിശദമാക്കാമോ;

സർവേ നടത്താതെ വനഭൂമിയിൽ ജണ്ടകൾ നിർമ്മിച്ചതു മൂലം വനഭൂമിയിൽ കുറവ് ഉണ്ടായിട്ടുണ്ടോ; വിശദമാക്കാമോ;

കുറ്റക്കാരായവർക്കെതിരെ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

ഇ. എഫ്. എൽ. (പരിസ്ഥിതി ദുർബല പ്രദേശം) ആയി ഏറ്റെടുത്ത ഭൂമിയുടെ കസ്റ്റോഡിയൻ വനം വകുപ്പാണോ എന്ന് വ്യക്തമാക്കാമോ; അട്ടപ്പാടി താലൂക്കിൽ മണ്ണാർക്കാട് മൂപ്പിൽ നായരുടെ തണ്ടപ്പേരിലുണ്ടായിരുന്ന എത്ര ഏക്കർ ഭൂമിയാണ് ഇ. എഫ്. എൽ. ആയി ഏറ്റെടുത്തത് എന്ന് വ്യക്തമാക്കാമോ; ഈ ഭൂമിയിൽ നിന്നാണോ 575 ഏക്കർ മൂപ്പിൽ നായരുടെ അവകാശികൾ വിൽപ്പന നടത്തിയത്; ഇത് സംബന്ധിച്ച വിവരങ്ങൾ ലഭ്യമാക്കാമോ;

ഈ സർക്കാറിന്റെ കാലത്ത് അട്ടപ്പാടി താലൂക്കിൽ എത്ര പേർക്ക് പട്ടയം നൽകുന്നതിന് വനംവകുപ്പിൽ നിന്ന് എൻ. ഒ. സി. നൽകി; എൻ. ഒ. സി. നൽകിയതിന്റെ ലിസ്റ്റ് ലഭ്യമാക്കാമോ?

കഴിഞ്ഞ പത്ത് വർഷക്കാലയളവിൽ വിവിധ വികസന പ്രവർത്തനങ്ങൾക്കായി സംസ്ഥാനത്ത് എത്ര വനഭൂമി വിട്ടുകൊടുക്കേണ്ടതായി വന്നിട്ടുണ്ടെന്ന് കണക്കുകൾ സഹിതം വ്യക്തമാക്കുമോ;

1980 -ലെ വനസംരക്ഷണ നിയമ പ്രകാരം ഇപ്രകാരം വിട്ടുകൊടുത്ത വനഭൂമിക്ക് തത്തുല്യമായ അളവിൽ വനവൽക്കരണത്തിന് പകരം ഭുമി ലഭ്യമാക്കിയിട്ടുണ്ടോ; വിശദാംശം നൽകാമോ;

കഴിഞ്ഞ പത്ത് വർഷക്കാലയളവിനുള്ളിൽ സംസ്ഥാനത്തെ വനഭൂമിയിൽ എത്ര വ്യത്യാസം ഉണ്ടായിട്ടുണ്ടെന്നും വനവൽക്കരണത്തിനായി എത്ര ഫണ്ട് ലഭ്യമായിട്ടുണ്ടെന്നും അറിയിക്കുമോ?

വനം വകുപ്പ് നടപ്പിലാക്കുന്ന നഗര വനം, വൃക്ഷ സമൃദ്ധി, വിദ്യാവനം, കല്‍പ്പതരു, ട്രീ ബാങ്കിംഗ് എന്നീ പദ്ധതികളുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദാംശം നല്‍കാമോ;

സംസ്ഥാനത്ത് എവിടെയെല്ലാമാണ് പ്രസ്തുത പദ്ധതികള്‍ നടപ്പിലാക്കിയിട്ടുള്ളതെന്നും പുതുതായി എവിടെയെല്ലാമാണ് നടപ്പിലാക്കുന്നതിന് തീരുമാനം എടുത്തിട്ടുള്ളതെന്നും അറിയിക്കാമോ;

പ്രസ്തുത പദ്ധതികള്‍ കൃത്യമായി മോണിട്ടര്‍ ചെയ്യുന്നുണ്ടോ; നടപ്പിലാക്കിയതിന് ശേഷം ഇവയുടെ പുരോഗതി വിലയിരുത്തിയിട്ടുണ്ടോ; വെളിപ്പെടുത്താമോ;

ഈ സര്‍ക്കാര്‍ നിലവിൽ വന്നതിനുശേഷം പ്രസ്തുത പദ്ധതികള്‍ക്കായി എത്ര തുകയാണ് ഓരോ വര്‍ഷവും ചെലവാക്കിയത്; വിശദാംശം നൽകാമോ?

സാമൂഹിക വനവത്ക്കരണത്തിന്റെ ഭാഗമായി ദേശീയ - സംസ്ഥാന പാതയോരങ്ങളിൽ മരങ്ങൾ നട്ടുപിടിപ്പിക്കാൻ ഒരു പ്രത്യേക പദ്ധതി നടപ്പാക്കുമോ; എങ്കിൽ വിശദാംശം ലഭ്യമാക്കുമോ;

ഇത്തരം പദ്ധതികൾ നടപ്പാക്കുമ്പോൾ ആറ് മാസത്തിൽ ഒരിക്കൽ അവ അവലോകനം ചെയ്യുന്നതിനും കൃത്യമായി നിരീക്ഷിക്കുന്നതിനും നടപടികൾ സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

സാമൂഹ്യ വനവല്‍ക്കരണത്തില്‍ സ്കൂള്‍തല വിദ്യാര്‍ത്ഥികളെ സഹകരിപ്പിക്കുന്നതിനായി എന്തെങ്കിലും പദ്ധതിയ്ക്ക് രൂപം നല്‍കിയിട്ടുണ്ടോ; വിശദമാക്കാമോ;

ഉണ്ടെങ്കില്‍ വിദ്യാഭ്യാസ വകുപ്പുമായി ചേര്‍ന്ന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നതിന് ശേഷം വനം-വന്യജീവി വകുപ്പിന് കീഴിൽ അരുവിക്കര മണ്ഡലത്തിൽ അനുവദിച്ച വിവിധ പദ്ധതികളുടെ ഭരണാനുമതി തുകയും നിലവിലെ സ്ഥിതിയും ഉൾപ്പെടെയുള്ള വിവരങ്ങൾ ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം പാലക്കാട് ജില്ലയില്‍ വനം-വന്യജീവി വകുപ്പിന് കീഴില്‍ അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പ്രവൃത്തികളില്‍ പൂര്‍ത്തിയാക്കിയിട്ടുളളവയുടെ വിശദാംശവും പൂര്‍ത്തീകരിക്കാനുള്ളവയുടെ നിലവിലെ സ്ഥിതിയും അറിയിക്കാമോ;

മനുഷ്യ-വന്യജീവി സംഘര്‍ഷങ്ങള്‍ ഒഴിവാക്കാന്‍ പാലക്കാട് ജില്ലയില്‍ പുതുതായി നടപ്പാക്കാനുദ്ദേശിക്കുന്ന പ്രവൃത്തികള്‍ എന്തെല്ലാമാണ്; വിശദാംശം ലഭ്യമാക്കാമോ?

മനുഷ്യ - വന്യജീവി സംഘര്‍ഷം പരിഹരിക്കുവാന്‍ വനം വകുപ്പ് രൂപീകരിച്ച പത്ത് മിഷനുകളുടെ പ്രവര്‍ത്തനം വിശദമാക്കാമോ;

പ്രസ്തുത മിഷനുകളുടെ പ്രവര്‍ത്തനം വിലയിരുത്തിയിട്ടുണ്ടോ; എങ്കിൽ വിശദമാക്കാമോ;

പ്രസ്തുത മിഷനുകള്‍ രൂപീകരിച്ചതിന് ശേഷം മനുഷ്യ - വന്യ ജീവി സംഘര്‍ഷത്തിന് കുറവ് വന്നിട്ടുണ്ടോ; വ്യക്തമാക്കാമോ?

പാറശ്ശാല മണ്ഡലത്തില്‍ 2016 മുതല്‍ 2025 വരെ ഏതെല്ലാം പദ്ധതികളാണ് വനം വകുപ്പ് മുഖാന്തരം നടപ്പിലാക്കിയിട്ടുള്ളതെന്ന് വ്യക്തമാക്കാമോ;

പദ്ധതിയുടെ വിശദ വിവരങ്ങള്‍, ഓരോ പ്രവൃത്തിക്കും അനുവദിച്ച തുക, നിര്‍വഹണ ചുമതല നല്‍കിയിട്ടുള്ള വകുപ്പ്/ഏജന്‍സി, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ച ഉത്തരവുകളുടെ പകര്‍പ്പ് ലഭ്യമാക്കാമോ;

അമ്പൂരിയില്‍ നിര്‍മ്മാണം പൂര്‍ത്തിയാക്കി വരുന്ന കുമ്പിച്ചല്‍കടവ് പാലത്തില്‍ നിന്നും വിനോദ സഞ്ചാരികള്‍ക്കായി ബോട്ടിംഗ് സൗകര്യം ഏര്‍പ്പെടുത്തുന്നതിനുള്ള നടപടികള്‍ സ്വീകരിക്കാമോ;

വനം വകുപ്പിന്റെ ഫണ്ട് വിനിയോഗിച്ച് നെയ്യാർ ഡാമിലേക്ക് പുതിയ ബോട്ട് വാങ്ങുന്നതിനായി സമര്‍പ്പിച്ചിരുന്ന പ്രൊപ്പോസലിന്മേല്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് അറിയിക്കാമോ?

ആലപ്പുഴ ജില്ലയിലെ കുട്ടനാടൻ പ്രദേശത്ത് സാമൂഹിക വനവൽക്കരണത്തിന്റെ ഭാഗമായി നടപ്പാക്കുന്ന പദ്ധതികൾ എന്തൊക്കെയാണെന്ന് വ്യക്തമാക്കുമോ;

കാവുകൾ സംരക്ഷിക്കുന്നതിന് പ്രത്യേക പദ്ധതി കുട്ടനാട്ടിൽ നടപ്പാക്കുമോ; എങ്കിൽ വിശദാംശം ലഭ്യമാക്കുമോ?

തിരുവമ്പാടി മണ്ഡലത്തിലെ വനാതിര്‍ത്തികളിൽ ഫെന്‍സിംഗിനായി വിവിധ സ്കീമുകളിലായി എത്ര പദ്ധതികള്‍ അനുവദിച്ചുവെന്നും അവ ഏതൊക്കെയാണെന്നും വിശദമാക്കാമോ;

പ്രസ്തുത പദ്ധതികളിൽ ഓരോന്നിന്റെയും പുരോഗതി റിപ്പോര്‍ട്ട് ലഭ്യമാക്കാമോ?

കാലാവസ്ഥാ വ്യതിയാനം മൂലം ഉണ്ടാകുന്ന ദൂഷ്യഫലങ്ങള്‍ പഠിക്കുന്നതിനും പരിഹരിക്കുന്നതിനും വേണ്ടി രൂപീകരിച്ച ഗ്രീൻ ഇന്ത്യ മിഷൻ സംസ്ഥാനത്ത് നടപ്പിലാക്കി വരുന്നുണ്ടോ; വ്യക്തമാക്കാമോ;

പദ്ധതിയുടെ ഉദ്ദേശ്യ ലക്ഷ്യങ്ങള്‍ എന്തെല്ലാമെന്ന് അറിയിക്കാമോ;

സംസ്ഥാനത്ത് ഏതെല്ലാം പ്രദേശങ്ങളിൽ പദ്ധതി നടപ്പാക്കുന്നുവെന്നും പ്രസ്തുത പ്രദേശത്തിന്റെ വിസ്തൃതി, ചെലവഴിച്ച തുക എന്നിവയും സംബന്ധിച്ച വിവരങ്ങൾ ലഭ്യമാക്കാമോ?

വടക്കാഞ്ചേരി മണ്ഡലത്തിലെ മച്ചാട്, വടക്കാഞ്ചേരി റേഞ്ച് ഫോറസ്റ്റ് ഓഫീസുകൾക്കും വാഴാനി ഫോറസ്റ്റ് സ്റ്റേഷനും കെട്ടിടങ്ങളും ക്വാര്‍ട്ടേഴ്സുകളും പുനര്‍നിര്‍മ്മിക്കുന്നതിനായുള്ള, ഡി.പി.ആർ. തയ്യാറാക്കുന്നത് ഉള്‍പ്പെടെയുള്ള പ്രവൃത്തികളുടെ പുരോഗതി വിശദമാക്കാമോ;

പ്രസ്തുത നിര്‍മ്മാണ പ്രവൃത്തികള്‍ നബാർഡിന്റെ ഗ്രാമീണ അടിസ്ഥാന സൗകര്യ വികസന ഫണ്ട് പദ്ധതി പ്രൊപ്പോസലില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കാമോ?

നവകിരണം പദ്ധതി സംബന്ധിച്ച വിശദാംശം ലഭ്യമാക്കാമോ ;

വനാശ്രിതർക്ക് വരുമാനം, തൊഴിൽ അവസരം എന്നിവ ലഭ്യമാക്കുന്നതിന് സ്വീകരിച്ച നടപടികൾ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം വനം വകുപ്പ് മുഖാന്തിരം പട്ടാമ്പി മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി, ഓരോ പ്രവൃത്തിക്കും അനുവദിച്ച തുക എന്നിവ വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

വടക്കാഞ്ചേരി മണ്ഡലത്തിലെ അകമല ഫോറസ്റ്റ് സ്റ്റേഷൻ പ്രവർത്തനം പൂർണ്ണതോതില്‍ പുനഃസ്ഥാപിക്കുന്ന നടപടികളുടെ പുരോഗതി അറിയിക്കാമോ;

മനുഷ്യ-വന്യജീവി സംഘർഷ ലഘൂകരണ തീവ്രയജ്ഞത്തിന്റെ ഭാഗമായി വടക്കാഞ്ചേരി മണ്ഡലത്തില്‍ വിഭാവനം ചെയ്യുന്ന പ്രവൃത്തികള്‍ വിശദമാക്കാമോ;

മനുഷ്യ-വന്യജീവി സംഘർഷം വർദ്ധിച്ചുവരുന്ന സാഹചര്യത്തില്‍ അകമല ഫോറസ്റ്റ് സ്റ്റേഷൻ പ്രവർത്തനം പൂർണ്ണതോതില്‍ പുനഃസ്ഥാപിക്കുന്ന നടപടികള്‍ ഊർജ്ജിതപ്പെടുത്തുമോയെന്ന് വ്യക്തമാക്കാമോ?

വടക്കാഞ്ചേരി മണ്ഡലത്തിലെ കരുതക്കാട് നിര്‍മ്മാണം പുരോഗമിക്കുന്ന സോഷ്യല്‍ ഫോറസ്റ്ററി റേഞ്ച് ഓഫീസിന്റെ നിര്‍മ്മാണ പുരോഗതി വിശദമാക്കാമോ;

സോഷ്യല്‍ ഫോറസ്റ്ററി റേഞ്ച് ഓഫീസ് നിര്‍മ്മാണ പ്രവര്‍ത്തനങ്ങള്‍ എപ്പോള്‍ പൂര്‍ത്തിയാക്കാനാകുമെന്നാണ് കണക്കാക്കിയിട്ടുള്ളതെന്ന് അറിയിക്കാമോ?

പൂഞ്ഞാർ നിയോജക മണ്ഡലത്തില്‍ കാഞ്ഞിരപ്പള്ളി താലൂക്കില്‍ എരുമേലി തെക്ക്, എരുമേലി വടക്ക്, കോരുത്തോട് വില്ലേജുകളില്‍പ്പെട്ട വനമേഖലയോട് ചേര്‍ന്ന് താമസിക്കുന്നവര്‍ക്ക് പട്ടയം വിതരണം ചെയ്യുന്നതിന് വനം വകുപ്പിന്റെ ഭാഗത്ത് നിന്നും എന്തെങ്കിലും തടസ്സങ്ങള്‍ നിലനില്‍ക്കുന്നുണ്ടോ; എങ്കില്‍ വിശദാംശം ലഭ്യമാക്കാമോ;

പ്രസ്തുത തടസ്സങ്ങള്‍ പരിഹരിക്കുന്നതിനായി സ്വീകരിച്ച നടപടികള്‍ വ്യക്തമാക്കാമോ?

സംസ്ഥാനത്ത് വനം വകുപ്പിന്റെ കീഴിലുള്ള ടൂറിസം കേന്ദ്രങ്ങളുടെ ജില്ല തിരിച്ചുള്ള വിവരങ്ങള്‍ ലഭ്യമാക്കാമോ;

പ്രസ്തുത സെന്ററുകളില്‍ നിന്ന് സംസ്ഥാന സര്‍ക്കാരിന് കഴിഞ്ഞ രണ്ടു വര്‍ഷങ്ങളില്‍ ലഭിച്ച വരുമാനം എത്രയാണെന്ന് വിശദമാക്കാമോ;

വനം വകുപ്പിന് കീഴിലുള്ള ടൂറിസം കേന്ദ്രങ്ങളില്‍ ആദിവാസികളുടെ നേതൃത്വത്തിലുള്ള ചികിത്സാ സൗകര്യം ഒരുക്കുന്നതിന് നടപടി സ്വീകരിക്കുമോ; വിശദമാക്കാമോ?

വനമേഖലയിലെ വിവിധ ഇക്കോ-ടൂറിസം, സംരക്ഷണ, വികസന ഏജൻസികളെ ഒരു കുടക്കീഴിൽ കൊണ്ടുവരാൻ സർക്കാർ രൂപീകരിച്ചിരിക്കുന്ന പുതിയ ബോർഡിന്റെ പ്രധാന ലക്ഷ്യമെന്താണെന്ന് അറിയിക്കാമോ;

പുതിയ ബോർഡിന് കീഴിൽ ഉൾപ്പെടുത്താനുദ്ദേശിക്കുന്ന സംഘടനകളിൽ ഏതെങ്കിലും രണ്ടെണ്ണം ഏതൊക്കെയാണെന്ന് വ്യക്തമാക്കാമോ;

പുതിയ ബോർഡിന് സാമ്പത്തിക സഹായം ലഭ്യമാക്കുന്നതിനായി സർക്കാർ ഏതു രീതിയാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കാമോ;

വനത്തിനുള്ളിലെ വിനോദസഞ്ചാര കേന്ദ്രങ്ങൾ മറ്റാരെയും ഏൽപ്പിക്കാനാകില്ലെന്ന് വനംവകുപ്പ് വ്യക്തമാക്കുന്നത് എന്തുകൊണ്ടാണെന്ന് വിശദീകരിക്കാമോ?

സംസ്ഥാനത്ത് വനം വകുപ്പിന്റെ കീഴിലുള്ള ഇന്‍സ്പെക്ഷന്‍ ബംഗ്ലാവുകളില്‍ ആകെ ഉപയോഗയോഗ്യമായ എത്ര മുറികളാണ് ഉള്ളതെന്നതിന്റെ കണക്ക് ലഭ്യമാണോ ; എങ്കില്‍ എവിടെയെല്ലാം എത്ര റൂമുകൾ വീതമാണുള്ളതെന്ന വിവരം അറിയിക്കാമോ;

വനം വകുപ്പിന്റെ കീഴില്‍ പൊതുപണം ഉപയോഗിച്ച് നിര്‍മ്മിച്ച ഇന്‍സ്പെക്ഷന്‍ ബംഗ്ലാവില്‍ അതിഥികളായി വരുന്നവര്‍ക്കും വനം വകുപ്പ് ഒഴികെയുള്ള മറ്റ് വകുപ്പുകളിലെ ഉദ്യോഗസ്ഥര്‍ക്കും പൊതുജനത്തിനും താമസിക്കാന്‍ റൂം അനവദിക്കുന്നതിന്റെ മാനദണ്ഡവും നിശ്ചയിച്ചിട്ടുള്ള ദിവസ വാടകയും വ്യക്തമാക്കാമോ;

വനം വകുപ്പിന്റെ കീഴിലുള്ള ഇന്‍സ്പെക്ഷന്‍ ബംഗ്ലാവിന്റെ നടത്തിപ്പിന്റെ പൊതുചുമതല ആര്‍ക്കാണെന്നും ഓരോ സ്ഥലത്തേയും മുറികള്‍ അനുവദിക്കാന്‍ ചുമതലപ്പെട്ട ഉദ്യോഗസ്ഥന്‍ ആരാണെന്നും പൊതുജനങ്ങള്‍ മുറികള്‍ക്കായി ആരെയാണ് സമീപിക്കേണ്ടതെന്നും വ്യക്തമാക്കുമോ; മുറികളിൽ താമസിക്കാന്‍ അനുവദിക്കുന്ന മാനദണ്‌ഡം വ്യക്തമാക്കുമോ;

വനം വകുപ്പിന് കീഴിലുള്ള ഇന്‍സ്പെക്ഷന്‍ ബംഗ്ലാവുകളില്‍ പൊതുജനങ്ങള്‍ക്ക് ഏതെല്ലാം രീതിയില്‍ റൂമുകള്‍ ബുക്ക് ചെയ്യാന്‍ കഴിയുമെന്ന് വ്യക്തമാക്കാമോ; ഇതിന് ഓണ്‍ലൈന്‍ സംവിധാനം ഏര്‍പ്പെടുത്തിയിട്ടുണ്ടോയെന്ന് അറിയിക്കാമോ?

വനംവകുപ്പ് ജീവനക്കാർക്ക് പരിശീലനം നൽകുന്നതിനായി നിലവിൽ എന്തെല്ലാം സംവിധാനങ്ങൾ പ്രവർത്തിക്കുന്നുണ്ട് ; വിശദാംശം ലഭ്യമാക്കാമോ;

പുതിയ കാലത്തിനനുസരിച്ച് പരിഷ്കാരങ്ങൾ, കോഴ്സുകൾ എന്നിവ വികസിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ;

കാലാവസ്ഥാ വ്യതിയാനം വനത്തിനും വന്യജീവികൾക്കും നിലവിലുള്ള ആവാസ വ്യവസ്ഥക്കും വരുത്തുന്ന മാറ്റങ്ങൾ വിലയിരുത്തി പരിശീലന പരിപാടികളിലും സംരക്ഷണ നടപടികളിലും ആവശ്യമായ നവീകരണം വരുത്തുന്നതിനായുള്ള പദ്ധതികളുണ്ടോ; വിശദമാക്കാമോ;

വനാശ്രിത സമൂഹത്തെ ഉപയോഗപ്പെടുത്തി വനപരിപാലന-ജാഗ്രതാ പരിപാടികൾ സംഘടിപ്പിക്കുന്നതിന്റെ വിശദാംശം നൽകാമോ?

വനം വകുപ്പില്‍ ആദിവാസി യുവാക്കള്‍ക്കായി ഈ സ‍‍ർക്കാരിന്റെ കാലയളവില്‍ പ്രത്യേക സംവരണ പ്രകാരം എത്ര പേർക്ക് ഏതൊക്കെ തസ്തികകളിൽ തൊഴിൽ നല്‍കാൻ കഴിഞ്ഞിട്ടുണ്ടെന്ന് ജില്ല തിരിച്ച് വിശദമാക്കാമോ?

വനം വകുപ്പിലെ വാച്ചർ തസ്തിക പുനർനാമകരണം ചെയ്യുന്നതിന് തീരുമാനിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത തസ്തികയിലെ ഉദ്യോഗസ്ഥർക്ക് നിലവിലുണ്ടായിരുന്ന ചുമതലകളും അധികാരങ്ങളും എന്തൊക്കെയാണെന്ന് വിശദമാക്കുമോ;

തസ്തിക പുനർനാമകരണം ചെയ്യുമ്പോൾ നിലവിലെ അധികാരങ്ങളിലും ചുമതലകളിലും വ്യത്യാസം വരുത്തുമോ; വ്യക്തമാക്കുമോ?

വനം വകുപ്പിൽ താല്കാലികമായി ഇരുപത് വർഷം ജോലി ചെയ്യുകയും സൂപ്പർ ന്യൂമററി തസ്തികയിൽ സ്ഥിരപ്പെടുത്തിയതുമായ ജീവനക്കാർക്ക് വാർഷിക ഇൻക്രിമെന്റും എട്ട് വർഷം സർവീസ് പൂർത്തിയാക്കുമ്പോൾ ലഭിക്കേണ്ട സമയബന്ധിത ഹയർ ഗ്രേഡും നൽകുന്നതിന് വകുപ്പ് വിലക്കേർപ്പെടുത്തിയിട്ടുണ്ടോ; എങ്കിൽ വിശദമാക്കാമോ?

ഈ സർക്കാർ അധികാരത്തില്‍ വന്നതിനു ശേഷം വനം വകുപ്പില്‍ പുതുതായി എത്ര തസ്തികകള്‍ അനുവദിച്ചിട്ടുണ്ടെന്ന് അറിയിക്കാമോ; തസ്തിക തിരിച്ചുള്ള വിവരം നല്‍കാമോ;

ഇത്തരത്തില്‍ അനുവദിച്ച തസ്തികയ്ക്ക് ആനുപാതികമായി മിനിസ്റ്റീരിയല്‍ വിഭാഗത്തിന് പുതിയ തസ്തികകള്‍ അനുവദിച്ചിട്ടുണ്ടോ; ഇല്ലെങ്കില്‍ കാരണം അറിയിക്കുമോ; ആയത് അനുവദിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

പുതുതായി അനുവദിച്ച തസ്തികകളിലെ എസ്റ്റാബ്ലിഷ്മെന്റ് ജോലികള്‍ ഉള്‍പ്പെടെ കൈകാര്യം ചെയ്യുന്നതിന് മിനിസ്റ്റീരിയല്‍ വിഭാഗത്തിന്റെ വർധിച്ച ജോലി ഭാരം കാരണം കഴിയാതെ വരുന്നുവെന്ന കാര്യം ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ?

തിരുവനന്തപുരം വനം ഡിവിഷനിലെ പാലോട് റേഞ്ചിൽ 2019-20, 2020-21 വർഷങ്ങളിൽ ജണ്ട നിർമ്മാണം നടത്തിയതിലെ ക്രമക്കേട് കാരണം സർക്കാരിനുണ്ടായ നഷ്ടം എത്ര കോടി രൂപയാണെന്ന് വെളിപ്പെടുത്താമോ;

വനം വിജിലൻസ് വിഭാഗത്തിന്റെ പരിശോധനയിൽ കണ്ടെത്തിയ നഷ്ടത്തിന് ഉത്തരവാദികളായ ഉദ്യോഗസ്ഥരിൽ നിന്നും തുക വസൂലാക്കിയിട്ടുണ്ടോ; ഇല്ലെങ്കിൽ വസൂലാക്കാത്തതിനുള്ള കാരണം വെളിപ്പെടുത്താമോ;

പ്രസ്തുത വിഷയവുമായി ബന്ധപ്പെട്ട് കുറ്റാരോപിതരായ ഉദ്യോഗസ്ഥരിൽ വിരമിച്ചവർക്ക് ആനുകൂല്യങ്ങൾ ലഭിക്കുന്നതിന് എൻ. എൽ. സി. (നോൺ ലയബിലിറ്റി സർട്ടിഫിക്കറ്റ്) നൽകിയിട്ടുണ്ടോ; വിശദവിവരം വെളിപ്പെടുത്താമോ?

തിരുവനന്തപുരം വനം ഡിവിഷനിലെ പാലോട് റെയ്ഞ്ചിൽ 2019 - 2020, 2020 - 2021 എന്നീ വർഷങ്ങളിൽ ജണ്ട നിർമ്മാണത്തിൽ ക്രമക്കേടുകൾ നടന്നതായി കണ്ടെത്തിയിട്ടുണ്ടോ; എങ്കിൽ സർക്കാരിനുണ്ടായ നഷ്ടം എത്രയാണെന്നാണ് വനം വിജിലൻസ് വിഭാഗത്തിന്റെ പരിശോധനയിൽ കണ്ടെത്തിയതെന്ന് വെളിപ്പെടുത്താമോ;

വനം വിജിലൻസ് വിഭാഗത്തിന്റെ പരിശോധനയിൽ കണ്ടെത്തിയ നഷ്ടത്തിന് ഉത്തരവാദികളായ ഉദ്യോഗസ്ഥരെ കണ്ടെത്തിയിട്ടുണ്ടോ; എങ്കിൽ അവരിൽ നിന്നും നഷ്ടം ഈടാക്കിയിട്ടുണ്ടോ;

പ്രസ്തുത വിഷയത്തിൽ കുറ്റാരോപിതരായ ഉദ്യോഗസ്ഥരിൽ ആർക്കെങ്കിലും പെൻഷൻ നൽകിയിട്ടുണ്ടോ; പെൻഷൻ പറ്റിയവർക്ക് ആനുകൂല്യങ്ങൾ ലഭിക്കുന്നതിന് ബാധ്യതാരഹിത / ബാധ്യത സർട്ടിഫിക്കറ്റ് നൽകിയിട്ടുണ്ടോ; വിശദവിവരം വെളിപ്പെടുത്താമോ?

ഗ്രാമപഞ്ചായത്തുകളില്‍ ഉള്‍പ്പെട്ടതും മറ്റ് വകുപ്പുകളുടെ അധീനതയിലുള്ളതുമായ മരങ്ങള്‍ വികസനാവശ്യങ്ങള്‍ക്കായി മുറിച്ചു മാറ്റുന്നതിനുള്ള നടപടി ക്രമങ്ങള്‍ എന്തെല്ലാമാണെന്ന് വിശദമാക്കാമോ;

ഇതുമായി ബന്ധപ്പെട്ട് പുറപ്പെടുവിച്ചിട്ടുള്ള ഉത്തരവുകളുടെ പകര്‍പ്പ് ലഭ്യമാക്കാമോ?

പുതുക്കാട് മണ്ഡലത്തില്‍പ്പെട്ട വരന്തരപ്പിള്ളി ഗ്രാമപഞ്ചായത്തിലെ ചിമ്മിനി മേഖലയില്‍, വൈദ്യുതി ലൈനില്‍ വീണ മരം വനംവകുപ്പ് ഉദ്യോഗസ്ഥരുടെ നിര്‍ദ്ദേശാനുസരണം മുറിച്ചു മാറ്റുന്നതിനിടയില്‍ മരം ദേഹത്ത് വീണ് 28.07.2025ന് മരണമടഞ്ഞ എച്ചിപ്പാറ നിവാസിയായ ചക്കുങ്ങല്‍ വീട്ടില്‍ ശ്രീ. അബ്ദുള്‍ഖാദറിന്റെ കുടുംബത്തിന് വൈദ്യുതി വകുപ്പിന്റെ ധനസഹായം അനുവദിക്കുന്നതിന് നടപടി സ്വീകരിക്കുമോ;

വൈദ്യുതി ലൈനില്‍ വീഴുന്ന മരങ്ങള്‍ സുരക്ഷിതമായി മുറിച്ചു മാറ്റുന്നതിന് ആവശ്യമായ മാര്‍ഗ്ഗരേഖയും നിര്‍ദ്ദേശങ്ങളും കെ.എസ്.ഇ.ബി. യ്ക്ക് നൽകുന്നതിന് സര്‍ക്കാര്‍ നടപടി സ്വീകരിക്കുമോ?

ഈ സര്‍ക്കാരിന്റെ കാലത്ത് വനം വകുപ്പ് മുഖേന കയ്പമംഗലം നിയോജക മണ്ഡലത്തില്‍ നടപ്പാക്കിയിട്ടുള്ള പദ്ധതികള്‍ ഏതെല്ലാമാണെന്നും; ഓരോ പദ്ധതിക്കുമായി ചെലവാക്കിയ തുക എത്രയാണെന്നും ഇനം തിരിച്ച് വിശദമാക്കാമോ;

വകുപ്പ് പുതുതായി നടപ്പാക്കാനുദ്ദേശിക്കുന്ന പദ്ധതികള്‍ ഏതെല്ലാമാണെന്ന് വിശദമാക്കാമോ?

ഈ സർക്കാരിന്റെ കാലയളവിൽ വനം-വന്യജീവി വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വിവരം ലഭ്യമാക്കാമോ?

ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും വനം വകുപ്പിന് വകയിരുത്തിയ തുക എത്രയാണെന്നും അതിൽ ചെലവാക്കിയ തുക എത്രയാണെന്നും ഇനം തിരിച്ച് വ്യക്തമാക്കുമോ?

പരിസ്ഥിതിയുടെ സന്തുലിതാവസ്ഥ നിലനിർത്തുന്നതായി സംസ്ഥാനത്തെ കാവുകൾ സംരക്ഷിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കാമോ;

കാവുകളുടെ സംരക്ഷണത്തിനായി എന്തെങ്കിലും പദ്ധതികൾ ആവിഷ്ക്കരിച്ചിട്ടുണ്ടോ; ഇല്ലെങ്കിൽ ആവിഷ്ക്കരിക്കുമോ;

കാവുകളുടെ സംരക്ഷണത്തിനും പരിപാലത്തിനുമായി എന്തെങ്കിലും സാമ്പത്തിക സഹായം ഉദ്ദേശിക്കുന്നുണ്ടോ; വിശദാംശം നൽകുമോ?

ഈ സർക്കാരിന്റെ കാലയളവിൽ വനം വകുപ്പിലെ ആഭ്യന്തര വിജിലൻസ് വിഭാഗം എത്ര റിപ്പോർട്ടുകൾ സമർപ്പിച്ചിട്ടുണ്ട്; ഓരോ റിപ്പോർട്ടും സമർപ്പിച്ചതെന്നാണെന്നും ഓരോ റിപ്പോർട്ടിന്മേലും നാളിതുവരെ എന്തൊക്കെ തുടർനടപടികൾ സ്വീകരിച്ചുവെന്നും റിപ്പോർട്ടുകൾ സമയബന്ധിതമായി പരിശോധിച്ച് നടപടി സ്വീകരിച്ചിട്ടില്ലെങ്കിൽ ആയതിന്റെ കാരണം എന്താണെന്നും വ്യക്തമാക്കുമോ;

പ്രസ്തുത റിപ്പോർട്ടുകളിലെ കണ്ടെത്തലുകൾ എന്തൊക്കെയാണെന്നും ക്രമക്കേടുകൾക്ക് ഉത്തരവാദികളായവർക്കെതിരെ എന്തൊക്കെ നടപടി സ്വീകരിച്ചുവെന്നും വ്യക്തമാക്കുമോ?

അപൂർവയിനം ഔഷധസസ്യങ്ങൾ ഉൾപ്പെടെയുള്ള വനവിഭവങ്ങളുടെ ശേഖരണവും വിപണനവും കാര്യക്ഷമമാക്കുന്നതിനുള്ള സാധ്യതകൾ പരിശോധിച്ചിട്ടുണ്ടോ; വിശദമാക്കുമോ;

വനവിഭവങ്ങളുടെ ശേഖരണവും വിപണനവും നടത്തുന്ന വനശ്രീയുടെ പ്രവർത്തനങ്ങൾ കൂടുതൽ കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

വനാശ്രിത സമൂഹത്തിന്റെ പ്രധാന ഉപജീവനമാർഗമായ വനവിഭവങ്ങളുടെ ശേഖരണം പ്രകൃതിക്കും ആവാസവ്യവസ്ഥയ്ക്കും ദോഷകരമാകാത്ത രീതിയിൽ നടപ്പിലാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദ വിവരം നൽകുമോ;

വനാശ്രിത സമൂഹത്തിൽപ്പെട്ട അഭ്യസ്തവിദ്യരായവർക്ക് അനുയോജ്യമായ തൊഴിൽ ലഭിക്കുന്ന വിധത്തിൽ വനശ്രീ ഉല്പന്നങ്ങളുടെ ഓൺലൈൻ വിപണനം ആരംഭിക്കുന്നതിന് ഉദ്ദേശിക്കുന്നുണ്ടോ; വിശദാംശം നൽകുമോ?

കോതമംഗലം മണ്ഡലത്തിലെ പന്ത്രപ്ര ആദിവാസി നഗറിലെ ആദിവാസി വിഭാഗത്തില്‍പ്പെട്ടവര്‍ക്ക് നല്‍കിയിട്ടുള്ള ഭൂമിയിലെ തേക്ക് ഉള്‍പ്പെടെയുള്ള മരങ്ങള്‍ മുറിച്ചുമാറ്റി ഭൂമി കൃഷിയോഗ്യമാക്കുന്നതിന് സ്വീകരിച്ച നടപടികള്‍ വിശദമാക്കാമോ; നടപടികള്‍ വേഗത്തിലാക്കി മരങ്ങള്‍ അടിയന്തരമായി മുറിച്ചുമാറ്റാന്‍ നടപടി സ്വീകരിക്കുമോ; വ്യക്തമാക്കാമോ?

നിലമ്പൂർ ഫോറസ്റ്റ് നോർത്ത്, സൗത്ത്, സെയിൽസ് ഡിപ്പോ തുടങ്ങിയ ഡിവിഷനുകളിൽ നിന്ന് തേക്ക് മരങ്ങളുൾപ്പെടെ കഴിഞ്ഞ മൂന്നു വർഷകാലയളവിൽ എത്ര രൂപയുടെ വിൽപ്പന നടന്നിട്ടുണ്ട്; വിശദമാക്കാമോ?

സംസ്ഥാനത്ത് വന്യജീവി സംരക്ഷണത്തിനും വന സന്ദര്‍ശകര്‍ക്കും വനം വകുപ്പ് ഒരുക്കുന്ന പദ്ധതികള്‍ വിശദമാക്കാമോ;

ഈ സർക്കാരിന്റെ കാലത്ത് വനം വകുപ്പിന്റെ പ്രവര്‍ത്തനങ്ങള്‍ക്ക് ലഭിച്ചിട്ടുള്ള അംഗീകാരങ്ങള്‍ എന്തൊക്കെയാണ്; വ്യക്തമാക്കാമോ;

തടി ഡിപ്പോകള്‍ ആധുനികീകരിച്ച് അവയുടെ കാര്യക്ഷമത വർദ്ധിപ്പിക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

പൂഞ്ഞാർ മണ്ഡലത്തിലെ എരുമേലി ഗ്രാമപഞ്ചായത്തിൽപ്പെട്ട ഏയ്ഞ്ചൽവാലി, പമ്പാവാലി പ്രദേശങ്ങളെ പെരിയാർ കടുവാസങ്കേത പരിധിയിൽ നിന്ന് ഒഴിവാക്കുന്നതിനുള്ള സംസ്ഥാന വന്യജീവി ബോർഡിന്റെ തീരുമാനം കേന്ദ്ര വനം പരിസ്ഥിതി മന്ത്രാലയത്തിന്റെ പരിവേഷ് പോർട്ടലിലൂടെ സമർപ്പിച്ചതിന്റെ അടിസ്ഥാനത്തിൽ കേന്ദ്ര വനം വന്യജീവി ബോർഡിന്റെ നിർദേശ പ്രകാരം സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കാമോ;

ഏയ്ഞ്ചൽവാലി, പമ്പാവാലി പ്രദേശങ്ങളെ പെരിയാർ കടുവാസങ്കേത പരിധിയിൽ നിന്ന് ഒഴിവാക്കുന്നതിനായി കേന്ദ്ര വനം വന്യജീവി ബോർഡിന്റെ നിർദേശ പ്രകാരമുള്ള എന്തെല്ലാം നടപടികളാണ് ഇനിയും പൂർത്തീകരിക്കാനുള്ളതെന്ന് വ്യക്തമാക്കാമോ?

വന്യജീവി സംരക്ഷണത്തിനും വന്യജീവി ആവാസവ്യവസ്ഥയുടെ സമഗ്രവികസനത്തിനുമായി കഴിഞ്ഞ അഞ്ച് വർഷത്തിനിടെ ലഭിച്ച കേന്ദ്ര ഫണ്ടിന്റെ വിശദാംശം നൽകാമോ;

അതിൽ എത്ര തുക ചെലവഴിച്ചിട്ടുണ്ടെന്നും ലാപ്സായ തുകയെത്രയെന്നും അറിയിക്കുമോ; തുക പൂർണ്ണമായും ചെലവഴിക്കാത്തതിന്റെ കാരണം വിശദമാക്കുമോ;

വന്യജീവി ആവാസവ്യവസ്ഥ മെച്ചപ്പെടുത്തുന്നത് വഴി മൃഗങ്ങൾ ജനവാസമേഖലയിലേക്ക് ഇറങ്ങുന്നതുമൂലമുണ്ടാകുന്ന മനുഷ്യ - വന്യജീവി സംഘർഷങ്ങൾ കുറയ്ക്കാമെന്നതിനാൽ പ്രസ്തുത പ്രവർത്തനങ്ങൾ വിപുലമാക്കുന്നതിന് വേണ്ട നടപടി സ്വീകരിക്കുമോ?

മാലിന്യങ്ങളും പ്ലാസ്റ്റിക്കുകളും ഭക്ഷിച്ച് വന്യമൃഗങ്ങള്‍ അപകടത്തില്‍പ്പെടുന്നത് തടയുന്നതിനായി സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കുമോ;

സംസ്ഥാനത്തെ വനമേഖല മാലിന്യമുക്തമാക്കുന്നതിന് വേണ്ടി ഗ്രീന്‍ ഗ്രാസ് പ്രോജക്ട് നടപ്പിലാക്കിയിട്ടുണ്ടോയെന്ന് വിശദമാക്കാമോ;

പരിസ്ഥിതിയെ ഏറ്റവും ദോഷകരമായി ബാധിക്കുന്ന തരത്തില്‍ വനമേഖലയില്‍ മാലിന്യം നിക്ഷേപിക്കുന്നവര്‍ക്കെതിരെ കടുത്ത ശിക്ഷ നല്‍കുന്ന നിയമം നിലവിലുണ്ടോ; ഇല്ലെങ്കില്‍ ആവശ്യമായ നിയമനിര്‍മ്മാണം നടത്തുമോ; വിശദമാക്കുമോ?

ഗുരുവായൂര്‍ മണ്ഡലത്തില്‍ കുറുനരി ആക്രമണം മൂലം എത്ര പേര്‍ക്ക് പരിക്ക് പറ്റിയിട്ടുണ്ടെന്ന് വിശദമാക്കാമോ; അവര്‍ക്ക് ധനസഹായം അനുവദിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്തെ മലയോര മേഖലകളിൽ വന്യജീവി ആക്രമണം മൂലം ജനങ്ങൾ നേരിടുന്ന പ്രധാന പ്രശ്നങ്ങൾ എന്തൊക്കെയാണെന്ന് വ്യക്തമാക്കാമോ;

മനുഷ്യ -വന്യജീവി സംഘർഷം തടയുന്നതിനായി വനം വകുപ്പ് ആരംഭിച്ച തീവ്രയജ്ഞ പരിപാടിയുടെ പ്രധാന ലക്ഷ്യങ്ങൾ എന്തൊക്കെയാണെന്ന് വ്യക്തമാക്കാമോ;

കൃഷിനാശം വരുത്തുന്ന കാട്ടുപന്നികളെ ക്ഷുദ്രജീവികളായി പ്രഖ്യാപിക്കണമെന്ന സംസ്ഥാന സർക്കാരിന്റെ ആവശ്യം കേന്ദ്രം അംഗീകരിക്കാത്തതിന് കാരണമെന്താണെന്ന് പരിശോധിച്ചിട്ടുണ്ടോ; വ്യക്തമാക്കാമോ;

വന്യജീവി ശല്യം കുറയ്ക്കുന്നതിനായി സംസ്ഥാന സർക്കാർ ആസൂത്രണം ചെയ്യുന്ന പരിസ്ഥിതി സൗഹൃദ നടപടികൾ ഏതൊക്കെയാണെന്ന് വ്യക്തമാക്കാമോ;

മനുഷ്യ-വന്യജീവി സംഘർഷം ലഘൂകരിക്കുന്നതിൽ നിലവിൽ രൂപീകരിച്ചുകൊണ്ടിരിക്കുന്ന നിയമത്തിന്റെയും സഹായക സംഘങ്ങളുടെയും പങ്ക് എന്താണെന്ന് വ്യക്തമാക്കാമോ?

സംസ്ഥാനത്ത് വന്യജീവി ആക്രമണം മൂലം 2016 മുതൽ നാളിതുവരെ ഓരോ വർഷവും മരണമടഞ്ഞവരുടെയും പരിക്ക് പറ്റിയവരുടെയും കണക്ക് വർഷം തിരിച്ചുനൽകാമോ; ഇതിൽ എത്രപേർക്ക് സർക്കാർ നഷ്ടപരിഹാരം നൽകി എന്ന കണക്കും വർഷം തിരിച്ചുനൽകാമോ?

സംസ്ഥാനത്ത് വന്യജീവികളുടെ ആക്രമണം മൂലം മനുഷ്യർക്ക് ഉണ്ടാകുന്ന പരിക്ക്, ക്ഷതം, മരണം എന്നിവയ്ക്ക് വനം വകുപ്പ് നഷ്ടപരിഹാരമായി എന്തൊക്കെ ധനസഹായങ്ങളാണ് നൽകുന്നത്; വ്യക്തമാക്കാമോ;

നഷ്ടപരിഹാരമായി ലഭ്യമാക്കുന്ന തുകയുടെ കണക്കുകൾ ഇനം തിരിച്ച് വ്യക്തമാക്കാമോ;

നഷ്ടപരിഹാരം ലഭ്യമാക്കാൻ പ്രത്യേക അപേക്ഷ ഫോറം ഉണ്ടെങ്കിൽ പകർപ്പ് ലഭ്യമാക്കാമോ;

വനംവകുപ്പിന്റെ ഏതൊക്കെ ഓഫീസുകളിൽ നിന്നാണ് നഷ്ടപരിഹാര തുക ലഭിക്കുന്നതെന്ന് വ്യക്തമാക്കാമോ?

ആറളം, വയനാട് മേഖലകളിൽ വന്യമൃഗ ആക്രമണം തടയാൻ സർക്കാർ കാര്യക്ഷമമായി ഇടപെടുന്നില്ലെന്ന ഹൈക്കോടതിയുടെ പരാമര്‍ശം ശ്രദ്ധയിൽപ്പെട്ടിട്ടുണ്ടോ; എങ്കിൽ കാര്യം ഗൗരവത്തോടെ കാണുന്നുണ്ടോ;

ദുരന്ത നിവാരണ നിയമ പ്രകാരമുള്ള അധികാരം ഉപയോഗപ്പെടുത്തി പ്രസ്തുത മേഖലകളിലെ വന്യമൃഗ ആക്രമണം തടയാൻ സർക്കാർ നടപടി സ്വീകരിക്കണമെന്ന കോടതി നിർദേശം ശ്രദ്ധയിൽപ്പെട്ടിട്ടുണ്ടോ;

ഹൈക്കോടതി വിമർശനത്തിന്റെ അടിസ്ഥാനത്തിൽ പ്രസ്തുത വിഷയത്തിൽ സർക്കാർ സ്വീകരിച്ച നടപടികള്‍ വിശദമാക്കാമോ?

വന്യജീവി - മനുഷ്യ സംഘര്‍ഷം ഒഴിവാക്കുന്നതിന് എന്തെല്ലാം നടപടികളാണ് വനം വകുപ്പ് ആവിഷ്കരിച്ച് നടപ്പാക്കാന്‍ തീരുമാനിച്ചിട്ടുള്ളത് എന്ന് വിശദമാക്കാമോ;

പുതുക്കാട് മണ്ഡലത്തില്‍പ്പെട്ട പാലപ്പിള്ളി, എച്ചിപ്പാറ, ചൊക്കന, ശാസ്താംപൂവ്വം, ഇഞ്ചക്കുണ്ട് ഉള്‍പ്പെടെയുള്ള വരന്തരപ്പിള്ളി, മറ്റത്തൂര്‍ ഗ്രാമപഞ്ചായത്തുകളിലെ വിവിധ മലയോര ഗ്രാമങ്ങളില്‍ വന്യജീവി ആക്രമണം മൂലമുണ്ടാകുന്ന കാര്‍ഷിക നാശവും ജനങ്ങളുടെ ജീവനും സ്വത്തിനും നേരെയുള്ള ഭീഷണിയും തടയുന്നതിന് സ്വീകരിക്കുന്ന നടപടികൾ എന്തെല്ലാമെന്ന് വിശദമാക്കുമോ?

വന്യജീവി ആക്രമണങ്ങൾക്കുള്ള നഷ്ടപരിഹാരത്തുക അവസാനമായി പുതുക്കി നിശ്ചയിച്ചത് എന്നാണ്; ആയത് പരിഷ്കരിക്കുന്നതിനു അടിയന്തര നടപടി സ്വീകരിയ്ക്കുമോ; വ്യക്തമാക്കുമോ?

സംസ്ഥാനത്തെ ജനങ്ങൾ നേരിടുന്ന വന്യമൃഗ ആക്രമണങ്ങൾ ഫലപ്രദമായി തടയുന്നതിനായി ഈ സർക്കാർ കൊണ്ട് വരുന്ന ബില്ലുകളുടെ മേന്മകൾ എന്തെല്ലാമാണെന്ന് വ്യക്തമാക്കുമോ;

ആക്രമണകാരികളായ വന്യമൃഗങ്ങളെ കൊല്ലുന്നതിനും കൃഷിയിടങ്ങൾ ആക്രമിക്കുന്നത് തടയുന്നതിനും ശക്തമായ നടപടികൾ സ്വീകരിക്കുവാൻ പുതിയ ബില്ലിൽ വ്യവസ്ഥ ചെയ്യുമോ; എങ്കിൽ വിശദാംശം ലഭ്യമാക്കുമോ;

വന്യമൃഗശല്യം ശാശ്വതമായി പരിഹരിക്കാൻ എന്തെല്ലാം പുതിയ നടപടികൾ സ്വീകരിക്കുമെന്ന് വ്യക്തമാക്കുമോ;

റാപിഡ് റെസ്‌പോൺസ് ടീമിനെ (ആർ. ആർ. റ്റി.) ശക്തിപ്പെടുത്താൻ എന്തെല്ലാം നടപടികൾ സ്വീകരിക്കുമെന്ന് വ്യക്തമാക്കുമോ;

വനമേഖലയോട് ചേർന്ന് താമസിക്കുന്ന കർഷകരെ കള്ളക്കേസുകളിൽ കുടുക്കുന്നതായ പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ അത് പരിഹരിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

സംസ്ഥാനത്തെ വന്യജീവി സംഘര്‍ഷങ്ങളുടെ പശ്ചാത്തലത്തില്‍ കാടുപിടിച്ചു കിടക്കുന്ന എസ്‍റ്റേറ്റുകളുടെ ഉടമകള്‍ക്ക് അടിക്കാട് നീക്കം ചെയ്യുവാന്‍ നിര്‍ദ്ദേശം നല്‍കിയിട്ടുണ്ടോ; വിശദാംശം ലഭ്യമാക്കാമോ;

സംസ്ഥാനത്ത് പ്രവര്‍ത്തിച്ചു വരുന്ന റാപിഡ് റെസ്‍പോണ്‍സ് ടീമുകള്‍ക്ക് ആധുനിക ഉപകരണങ്ങളും മറ്റ് സംവിധാനങ്ങളും ലഭ്യമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

വന്യജീവികളുടെ ആക്രമണത്തില്‍ പരിക്കുപറ്റുന്നവര്‍ക്ക് ഏതെങ്കിലും ധനസഹായം വനം വകുപ്പ് അനുവദിച്ചു വരുന്നുണ്ടോയെന്ന് വ്യക്തമാക്കാമോ;

അത്തരത്തില്‍ ധനസഹായം നല്‍കുന്നതിനുള്ള മാനദണ്ഡങ്ങള്‍ എന്താെക്കെയാണെന്ന് വ്യക്തമാക്കാമോ;

കാസർഗോഡ് ജില്ലയില്‍ വന്യജീവി ആക്രമണത്തില്‍ പരിക്കുപറ്റിയ എത്ര പേര്‍ക്ക് ഈ സര്‍ക്കാരിന്റെ കാലത്ത് ധനസഹായം നല്‍കിയിട്ടുണ്ടെന്ന് വ്യക്തമാക്കാമോ?

വന്യജീവി ആക്രമണത്താൽ മരണമടയുന്നവരുടെയും പരിക്കേൽക്കുന്നവരുടെയും കുടുംബങ്ങൾക്ക് നിലവിൽ നൽകി വരുന്ന സഹായങ്ങൾ എന്തെല്ലാമാണ്; വിശദമാക്കാമോ;

വന്യജീവി ആക്രമണത്തിൽ ജീവൻ നഷ്ടപ്പെടുന്നവരുടെ കുടുംബാംഗങ്ങൾക്ക് ജോലി നൽകാനും കുട്ടികളുടെ വിദ്യാഭ്യാസ ചെലവ് ഏറ്റെടുക്കാനും ഉദ്ദേശിക്കുന്നുണ്ടോ; വിശദമാക്കാമോ;

വന്യജീവി ആക്രമങ്ങൾക്കിരയായി സ്വകാര്യ ആശുപത്രികളിൽ ചികിത്സ ​തേടുന്നവരുടെ മുഴുവൻ ചെലവും ഏറ്റെടുക്കാൻ തയ്യാറാകുമോ;

നിലവിൽ നൽകി വരുന്ന നഷ്ടപരിഹാരത്തുക വർദ്ധിപ്പിച്ചു നൽകാൻ നടപടി സ്വീകരിക്കുമോ?

പേരാമ്പ്ര മണ്ഡലത്തില്‍ അനുഭവപ്പെടുന്ന രൂക്ഷമായ വന്യമൃഗ ശല്യം ജനങ്ങളുടെ ജീവനും സ്വത്തിനും കൃഷിഭൂമികള്‍ക്കും നിരന്തരമായ ഭീക്ഷണി സൃഷ്ടിക്കുന്നത് ശ്രദ്ധയിൽപ്പെട്ടിട്ടുണ്ടോ;

വന്യമൃഗശല്യം നിയന്ത്രിക്കുന്നതിന് പേരാമ്പ്ര മണ്ഡലത്തില്‍ എന്തെല്ലാം പദ്ധതികളാണ് ആസൂത്രണം ചെയ്ത് നടപ്പാക്കിയിരിക്കുന്നത്; 2016 മുതല്‍ 2021 വരെയും 2021 മുതല്‍ നാളിതുവരെയും പ്രസ്തുത ആവശ്യത്തിനായി എത്ര തുക ചെലവഴിച്ചിട്ടുണ്ട്; പദ്ധതികളുടെയും പ്രവൃത്തികളുടെയും ചെലവഴിച്ച തുകയുടെയും വിശദാംശം നല്‍കാമോ;

പേരാമ്പ്ര മണ്ഡലത്തില്‍ ചക്കിട്ടപാറ പഞ്ചായത്തില്‍ പേരാമ്പ്ര എസ്റ്റേറ്റില്‍ കാട്ടാനയുടെ ആക്രമണം മൂലം ഗുരുതരമായി പരിക്കേറ്റ തൊഴിലാളിക്ക് സമാശ്വാസ തുക (നഷ്ടപരിഹാരം) അനുവദിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ?

2021 മുതൽ നാളിതുവരെ കാസർഗോഡ് ജില്ലയിൽ വന്യജീവി ആക്രമണത്തിൽ പരിക്കുപറ്റിയവരുടെയും മരണപ്പെട്ടവരുടെയും എണ്ണം എത്രയെന്ന് പഞ്ചായത്ത് തിരിച്ച് അറിയിക്കാമോ;

ഈ കാലയളവിൽ കാസര്‍ഗോഡ് ജില്ലയിൽ വന്യജീവി ആക്രമണത്തിന് ഇരയായവര്‍ക്കും മരണപ്പെട്ടവരുടെ ആശ്രിതർക്കുമായി എത്ര തുക നഷ്ടപരിഹാരം നൽകിയിട്ടുണ്ട് എന്നും ഇനിയെത്ര തുക നൽകാൻ ബാക്കിയുണ്ടെന്നും അറിയിക്കാമോ?

ഇടുക്കി ജില്ലയില്‍ വന്യമൃഗ ആക്രമണങ്ങളില്‍ കഴിഞ്ഞ 10 വര്‍ഷത്തിനിടെ എത്രപേര്‍ മരണപ്പെട്ടിട്ടുണ്ട്; ഏത്രപേര്‍ക്ക് പരിക്കേറ്റിട്ടുണ്ട്; വിശദാംശം ലഭ്യമാക്കാമോ;

മരണപ്പെട്ടവരുടെ ആശ്രിതര്‍ക്ക് നഷ്ടപരിഹാരമായി എത്ര തുക വിതരണം ചെയ്തിട്ടുണ്ട് എന്ന് അറിയിക്കാമോ;

തൊടുപുഴ മുള്ളരിങ്ങാട് മേഖലയില്‍ കാട്ടാന ശല്യം ഒഴിവാക്കാന്‍ വനം വകുപ്പ് നടപടി കൈക്കൊണ്ടിട്ടുണ്ടോ; വിശദാംശം ലഭ്യമാക്കാമോ?