സംസ്ഥാനത്തെ പാെതുവിതരണ കേന്ദ്രങ്ങള്‍ വഴി മുന്‍ഗണനാ വിഭാഗക്കാര്‍ക്ക് വിതരണം ചെയ്യുന്ന ഭക്ഷ്യധാന്യങ്ങള്‍ക്ക് പകരം റേഷന്‍ സാധനങ്ങളുടെ പണം ഗുണഭാേക്താക്കളുടെ അക്കൗണ്ടില്‍ നല്‍കുന്ന പദ്ധതി (ഡി.ബി.ടി) സംസ്ഥാനത്ത് നടപ്പിലാക്കാന്‍ ഉദ്ദേശിക്കുന്നുണ്ടാേ; വിശദമാക്കാമാേ;d;

സംസ്ഥാനത്ത് നിലവിലുള്ള റേഷന്‍ സംവിധാനങ്ങളില്‍ കാര്യമായ മാറ്റം വരുത്തുന്ന ഈ പദ്ധതിയുടെ ഗുണദാേഷ ഫലങ്ങള്‍ വിലയിരുത്തിയിട്ടുണ്ടാേ; വിശദമാക്കാമാേ;d;

പദ്ധതി നടപ്പാക്കുന്നതാേടെ റേഷന്‍ മസ്റ്ററിംഗ് നടത്താന്‍ സാധിക്കുന്ന മുന്‍ഗണനാ വിഭാഗങ്ങള്‍ക്കും മസ്റ്ററിംഗ് ചെയ്യേണ്ടതില്ലാത്ത മുന്‍ഗണനേതര വിഭാഗങ്ങള്‍ക്കും തുടര്‍ന്നും ഭക്ഷ്യധാന്യങ്ങളുടെ ആനുകൂല്യം ലഭിക്കുന്നതിന് തടസം ഉണ്ടാകാന്‍ സാധ്യതയുണ്ടാേ; ഉണ്ടെങ്കില്‍ എന്തെല്ലാം ബദല്‍ മാര്‍ഗ്ഗങ്ങളാണ് ഇക്കാര്യത്തില്‍ സര്‍ക്കാര്‍ ആലാേചിക്കുന്നത്; വിശദമാddക്കാമോ?

സംസ്ഥാനത്ത് കഴിഞ്ഞ രണ്ടു വര്‍ഷത്തിനിടെ പുതുതായി എത്ര സപ്ലൈകോ സൂപ്പര്‍ മാര്‍ക്കറ്റുകള്‍ ആരംഭിച്ചിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കുമോ;

സംസ്ഥാനത്ത് കഴിഞ്ഞ രണ്ടു വര്‍ഷത്തിനിടെ എത്ര മാവേലി സ്റ്റോറുകള്‍ അടച്ചു പൂട്ടി; ജില്ല തിരിച്ചുള്ള കണക്ക് ലഭ്യമാക്കുമോ;

എന്തു കൊണ്ടാണ് മാവേലി സ്റ്റോറുകള്‍ അടച്ചു പൂട്ടിയതെന്ന് വിശദമാക്കുമോ;

സംസ്ഥാനത്ത് 2024-ല്‍ പുതുതായി എത്ര റേഷന്‍ കടകള്‍ ആരംഭിച്ചിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടാമ്പി മണ്ഡലത്തില്‍ ഭക്ഷ്യ സിവിൽ സപ്ലൈസ് വകുപ്പ് അനുവദിച്ച പദ്ധതികളുടെ വിശദാംശങ്ങള്‍ നല്‍കാമോ;

ഓരോ പ‍ഞ്ചായത്തിലും നടപ്പിലാക്കിയ പദ്ധതികളുടെയും ഭരണാനുമതി നല്‍കിയിട്ടുള്ള തുകയുടെയും വിശദാംശങ്ങള്‍ നല്‍കാമോ;

കേന്ദ്ര വിഹിതവും സംസ്ഥാന സര്‍ക്കാര്‍ വിഹിതവും വച്ച് നടപ്പാക്കുന്ന പദ്ധതികളുടെ വിശദാംശങ്ങള്‍ നല്‍കാമോ;?

ഈ സര്‍ക്കാര്‍ അധികാരത്തില്‍ വന്നതിനു ശേഷം എത്ര എ.പി.എല്‍. കാര്‍ഡുകള്‍ എ.എ.വൈ., പി.എച്ച്.എച്ച് കാര്‍ഡുകള്‍ ആക്കി മാറ്റി വിതരണം ചെയ്തിട്ടുണ്ട്; വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നതിനു ശേഷം അനര്‍ഹമായി കൈവശം വച്ച് ഉപയോഗിച്ചതായി കണ്ടെത്തിയ എത്ര എ.വൈ., പി.എച്ച്.എച്ച് കാര്‍ഡുകള്‍ എ.പി.എല്‍ വിഭാഗത്തിലേയ്ക്ക് തരം മാറ്റി നല്‍കിയിട്ടുണ്ട്; വിശദാംശം ലഭ്യമാക്കുമോ?

2021 ജനുവരി മുതൽ 2025 ജനുവരി വരെ സംസ്ഥാനത്ത് എത്ര വീതം മഞ്ഞ, പിങ്ക് റേഷൻ കാർഡുകളാണ് അനർഹരുടെ കൈയിൽ ഉണ്ടെന്ന് കണ്ടെത്തിയത്; ഇവയിൽ എത്ര വീതം കാർഡുകളാണ് മുൻഗണന ഇതര വിഭാഗത്തിലെ നീല, വെള്ള കാർഡുകളാക്കി മാറ്റിയത്;

മുൻഗണനാ കാർഡുകള്‍ അനർഹമാണെന്ന് കണ്ടെത്തിയതിന്റെ കാരണങ്ങൾ എന്തൊക്കെയാണെന്ന് വ്യക്തമാക്കാമോ; ഈ കാരണങ്ങളുടെ അടിസ്ഥാനത്തിൽ മുൻഗണന ഇതര വിഭാഗത്തിലേക്ക് മാറ്റിയ മഞ്ഞ, പിങ്ക് കാർഡ് ഉടമകളുടെയും ഇവയിലെ അംഗങ്ങളുടെയും എണ്ണം വ്യക്തമാക്കാമോ;

സർക്കാർ, അർദ്ധ സർക്കാർ, സഹകരണ മേഖലകളിൽ ജോലി ലഭിച്ചിട്ടും മഞ്ഞ, പിങ്ക് റേഷൻ കാർഡ് അംഗങ്ങളായി തുടരുന്ന എത്ര പേരെയാണ് 2021 ജനുവരി മുതൽ 2025 ജനുവരി വരെ കണ്ടെത്തിയത്; എന്ത് നടപടികളാണ് ഇവർക്ക് എതിരെ സ്വീകരിച്ചത്; ഇതിൽ എത്ര പേർ സിവി‍ൽ സപ്ലൈസ് വകുപ്പിലെ ജീവനക്കാരാണ്; അനർഹമായി മുൻഗണനാ റേഷൻ കാർഡ് കൈവശം വച്ച സർക്കാർ ജീവനക്കാർക്ക് എതിരെ വകുപ്പുതല നടപടി സ്വീകരിച്ചിട്ടുണ്ടോ?

റേഷൻ കാർഡുകളുടെ മസ്റ്ററിങ് എന്നു മുതലാണ് ആരംഭിച്ചത്; ഇതു വരെ എത്ര പേർ പൂർത്തിയാക്കി; സംസ്ഥാനത്ത് മസ്റ്ററിങ് പൂർത്തിയാക്കാത്തവരെ കണ്ടെത്താൻ പരിശോധന ആരംഭിച്ചിട്ടുണ്ടോ; ഇതിൽ എത്ര പേരെ കണ്ടെത്തിയിട്ടുണ്ട്; വ്യക്തമാക്കാമോ;

മസ്റ്ററിങ് പൂർത്തിയാക്കാത്ത എത്ര പേരാണ് സംസ്ഥാനത്താകെ ഉള്ളത്; ഇതിൽ മഞ്ഞ, പിങ്ക് കാർഡ് അംഗങ്ങളായ എത്ര പേർ വീതം ഉണ്ട്; മസ്റ്ററിങ് പൂർത്തിയാക്കാൻ കേന്ദ്രം അനുവദിച്ച സമയം എന്നു വരെയാണ്; സംസ്ഥാനത്ത് ഇപ്പോഴും മസ്റ്ററിങ് തുടരുന്നുണ്ടോ; അറിയിക്കാമോ;

ഇതര സംസ്ഥാനത്തുള്ള എത്ര കേരളീയർ ഇതു വരെ മസ്റ്ററിങ് നടത്തി; ഇതിൽ എത്ര പേർ ഫെയ്സ് ആപ് വഴി മസ്റ്ററിങ് ചെയ്തു; ഫെയ്സ് ആപിൽ എന്തെങ്കിലും നിയന്ത്രണങ്ങൾ ഏർപ്പെടുത്തിയിട്ടുണ്ടോ; വിശദമാക്കാമോ;

മസ്റ്ററിങ് പൂർത്തിയാക്കാൻ പ്രയാസമുള്ള കുട്ടികൾ, കിടപ്പുരോഗികൾ എന്നിവരുടെ കാര്യത്തിൽ എന്തു നടപടികളാണു സ്വീകരിച്ചത്; ആധാറിൽ ബയോമെട്രിക് വിവരങ്ങൾ ഇല്ലാത്ത എത്ര കുട്ടികളുടെ മസ്റ്ററിങ് നടത്തിയിട്ടുണ്ട്; വെളിപ്പെടുത്തുമോ?

സംസ്ഥാനത്ത് എത്ര റേഷന്‍ കാര്‍ഡുകള്‍ നിലവിലുണ്ട്;

ഈ സര്‍ക്കാര്‍ അധികാരത്തില്‍ വന്നതിനു ശേഷം എത്ര പുതിയ റേഷന്‍ കാര്‍ഡുകള്‍ വിതരണം ചെയ്തിട്ടുണ്ട്;

ബന്ധപ്പെട്ട രേഖകള്‍ സഹിതം റേഷന്‍ കാര്‍ഡിന് അപേക്ഷ സമര്‍പ്പിച്ചാല്‍ എത്ര ദിവസത്തിനകം റേഷന്‍ കാര്‍ഡ് നല്‍കാന്‍ കഴിയും; ഇതു സംബന്ധിച്ച വിശദാംശം വ്യക്തമാക്കുമോ?

കേന്ദ്രസർക്കാർ നിശ്ചയിച്ച മുൻഗണനാ മാനദണ്ഡങ്ങളിൽ ഉൾപ്പെടാത്തതുകാരണം അർഹതയുണ്ടായിട്ടും സംസ്ഥാനത്ത് നിരവധിപേരെ മുൻഗണനാ വിഭാഗത്തിൽ  ഉൾപ്പെടുത്താൻ കഴിഞ്ഞിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കേന്ദ്രസർക്കാർ നിലവിൽ നിശ്ചയിച്ചിട്ടുള്ള മാനദണ്ഡങ്ങളിൽ ഇളവ് വരുത്തിക്കൊണ്ട് കൂടുതൽ കുടുംബങ്ങളെ മുൻഗണനാ പട്ടികയിൽ ഉൾപ്പെടുത്തുന്നതിന് നടപടി സ്വീകരിക്കുമോ; വിശദമാക്കുമോ;

ഈ സർക്കാരിന്റെ കാലയളവിൽ ആളുകള്‍ സ്വമേധയാ തിരിച്ചേൽപ്പിച്ചതും 'ഓപ്പറേഷൻ യെല്ലോ' ഉൾപ്പെടെയുള്ള പരിശോധനകളിലൂടെ കണ്ടെത്തിയിട്ടുള്ളതുമായ മുൻഗണനാ കാർഡുകൾ അർഹരായ കുടുംബങ്ങൾക്ക് നൽകുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കുമോ;

അനർഹമായി കൈവശം വച്ചിരുന്ന മുൻഗണനാ കാർഡുകൾ സർക്കാർ നിർദ്ദേശിച്ച കാലയളവിനുള്ളിൽ സ്വമേധയാ തിരിച്ചേൽപ്പിച്ച കേസുകളിൽ പിഴ ഈടാക്കിയതായി ആക്ഷേപം ഉണ്ടെങ്കിൽ ആയത് പരിശോധിച്ച് ഉചിതമായ നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്തെ റേഷൻ കടകളിൽ സാധനങ്ങൾ എത്തിക്കുന്ന കരാറുകാർക്ക് നിലവിൽ എത്ര തുക കുടിശി ക നൽകാനുണ്ട് എന്ന് അറിയിക്കാമോ; വിശദാംശങ്ങൾ ഇനം തിരിച്ചു വ്യക്തമാക്കുമോ;

കുടിശ്ശിക വിതരണം ചെയ്യാത്തതിനാൽ റേഷൻ കടകളിലേക്ക് ഉള്ള ഭക്ഷ്യസാധനങ്ങളുടെ വിതരണം തടസ്സപ്പെടുന്ന സാഹചര്യം ഉണ്ടായിട്ടുണ്ടോ ; വ്യക്തമാക്കുമോ;

സാധനങ്ങൾ വിതരണം ചെയ്യാത്തതിനാൽ സ്റ്റോക്ക് പൂർണമായും തീർന്ന റേഷൻകടകൾ നിലവിലുണ്ടോ ; ഉണ്ടെങ്കിൽ സംസ്ഥാനത്ത് നിലവിൽ എത്ര റേഷൻ കടകളിൽ ഇപ്രകാരം സ്റ്റോക്ക് പൂർണമായും തീർന്നിട്ടുണ്ട് എന്ന് വ്യക്തമാക്കുമോ ;

സാധാരണ ജനങ്ങളുടെ ജീവിതത്തെ വളരെ ദോഷകരമായി ബാധിക്കുന്ന ഈ പ്രതിസന്ധി അടിയന്തരമായി പരിഹരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

മണിയൂരിലെ തുറശ്ശേരി മുക്കില്‍ റേഷന്‍കട സ്ഥാപിക്കുന്നതിനുള്ള നടപടികള്‍ ഏതു ഘട്ടത്തില്‍ ആണെന്ന് വിശദമാക്കാമോ?

ചാലക്കുടി, മുകുന്ദപുരം താലൂക്ക് സപ്ലെെ ഓഫീസുകള്‍ക്ക് കീഴിലുള്ള വിവിധ റേഷന്‍ കടകളില്‍ ഗോഡൗണുകളില്‍ നിന്നും റേഷന്‍ സാധനങ്ങള്‍ യഥാസമയം എത്തിച്ചു നല്‍കുന്നതില്‍ വീഴ്ച വരുത്തുന്നത് ശ്രദ്ധയില്‍പ്പെട്ടിട്ടുണ്ടോ;

വിതരണ കരാര്‍ കമ്പനികളുടെ വീഴ്ച പരിശോധിക്കുന്നതിനും യഥാസമയം റേഷന്‍ സാധനങ്ങള്‍ റേഷന്‍ കടകളില്‍ എത്തിക്കുന്നതിനും നടപടി സ്വീകരിക്കുമോ;

ഇ-പോസ് മെഷീനുകളുടെ കേബിളുകള്‍ തകരാറിലാണ് എന്ന കാരണത്താല്‍ റേഷന്‍ വിതരണം തടസ്സപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുവാന്‍ ആവശ്യമായ നടപടികള്‍ സ്വീകരിക്കുമോ എന്ന് വിശദമാക്കാമോ?

സംസ്ഥാനത്തെ റേഷന്‍കട ശൃഖലയെ നവീകരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

റേഷന്‍ കടകളുടെ വരുമാനം വര്‍ദ്ധിപ്പിക്കുവാന്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കാമാേ?

വടകര താലൂക്കിൽ എസ്.സി/എസ്.ടി സംവരണ മാനദണ്ഡം അനുസരിച്ച് റേഷൻ ഷോപ്പുകളുടെ ലൈസൻസ് എടുക്കാൻ അനുവാദം നൽകിയിട്ടുണ്ടോ; ഉണ്ടെങ്കിൽ വിശദമാക്കാമോ;

പ്രസ്തുത താലൂക്കിൽ എസ്.സി/എസ്.ടി സംവരണ മാനദണ്ഡം അനുസരിച്ച് എത്ര ഷോപ്പുകൾക്ക് ലൈസൻസ് നൽകിയിട്ടുണ്ടെന്ന് വ്യക്തമാക്കാമോ?

റേഷന്‍ കടയുടമകള്‍ക്ക് ഇനി നല്‍കാനുള്ള 50% കിറ്റ് കമ്മീഷന്‍ തുക സമയബന്ധിതമായി വിതരണം നടത്തുന്നതിന് വകുപ്പ് സ്വീകരിച്ചിട്ടുള്ള നടപടികള്‍ വിശദമാക്കാമോ?

റേഷന്‍ കടകളില്‍ ഉപയോഗിക്കുന്ന ഇ-പോസ് യന്ത്രങ്ങളുടെ നിലവിലുള്ള മെയിന്റനന്‍സ് കരാര്‍ എന്നാണ് അവസാനിക്കുന്നത്; കരാര്‍ പുതുക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കുമോ?

ഈ സർക്കാർ അധികാരത്തിൽ വന്നതിനു ശേഷം പുതിയ റേഷൻ കടകളും മാവേലി സ്റ്റോറുകളും ആരംഭിച്ചിട്ടുണ്ടോ; എങ്കിൽ എവിടെയെല്ലാമെന്ന് വ്യക്തമാക്കുമോ;

നിലവിലുള്ള റേഷൻ കടകളുടെയും മാവേലി സ്റ്റോറുകളുടെയും നിയമസഭാ മണ്ഡലം അടിസ്ഥാനത്തിലുളള കണക്കുകൾ ലഭ്യമാക്കാമോ;

പുതിയ റേഷൻ കടകളും മാവേലി സ്റ്റോറുകളും ആരംഭിക്കുവാൻ നടപടി സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്തെ വാതിൽപടി സേവനം നടത്തുന്ന കരാറുകാർക്ക് എത്ര മാസത്തെ കുടിശ്ശിക തുക നൽകാനുണ്ട്; ഇത് എത്രയാണ് എന്ന് വിശദമാക്കുമോ;

വാതിൽപ്പടി സേവനം നടത്തുന്ന കരാറുകാർക്ക് തുക നൽകാത്തത് മൂലം റേഷൻ വിതരണം പ്രതിസന്ധിയിലേക്ക് നീങ്ങുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത തുക അടിയന്തരമായി നൽകുവാനും റേഷൻ വിതരണം കാര്യക്ഷമമായി നടത്തുവാനും നടപടി സ്വീകരിക്കുമോ; വിശദാംശം ലഭ്യമാക്കാമോ?

ചങ്ങനാശ്ശേരി നഗരസഭയില്‍ റവന്യൂ ടവറിന് സമീപം ഹൗസിംഗ് ബോര്‍ഡിന്റെ അധീനതയിലുള്ള ഭൂമിയില്‍ സിവില്‍ സപ്ലൈസിന്റെ ഗോഡൗണ്‍ നിര്‍മ്മിക്കുന്നതുമായി ബന്ധപ്പെട്ട് വകുപ്പ് മന്ത്രിയുടെ അധ്യക്ഷതയിൽ 09.02.2023-ന് ചേര്‍ന്ന യോഗതീരുമാന പ്രകാരം എന്തെല്ലാം തുടര്‍നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത ഭൂമിയുടെ ഉടമസ്ഥാവകാശവും നിയന്ത്രണാധികാരവും ഹൗസിംഗ്‌ ബോര്‍ഡ് ഉടമസ്ഥതയില്‍ നിലനിര്‍ത്തികൊണ്ട്‌, ഗോഡൗണ്‍ നിര്‍മ്മാണത്തിനായി മാത്രം ഭൂമിയുടെ ഉപയോഗാനുമതിയും കൈവശാനുഭവവും കൈമാറി "ലീസ് ഔട്ട് " വ്യവസ്ഥയില്‍ ശാസ്ത്രീയ ഗോ‍‍‍ഡൗണ്‍ നിര്‍മ്മിക്കുന്നതിനുള്ള സാധ്യത പൊതുവിതരണ ഉപഭോക്തൃകാര്യ കമ്മീഷണര്‍ പരിശോധിച്ചിട്ടുണ്ടോ; വിശദമാക്കുമോ?

സപ്ലൈകോയിൽ നിത്യോപയോഗ സാധനങ്ങളുടെ വില വർദ്ധിപ്പിച്ചിട്ടുണ്ടോ; 2025 ജനുവരി മുതൽ ഇത് പ്രാബല്യത്തിൽ വന്നിട്ടുണ്ടോയെന്ന് അറിയിക്കാമോ;

സപ്ലൈകോയിലെ ശബരി ഉൽപ്പന്നങ്ങളുടെ വിലവർധനവ് വിശദീകരിക്കാമോ; വെളിച്ചെണ്ണ ഉള്‍പ്പടെയുള്ള സാധനങ്ങൾക്ക് മാര്‍ക്കറ്റ് വില ഈടാക്കുന്നത് എന്തടിസ്ഥാനത്തിലാണെന്ന് വ്യക്തമാക്കാമോ;

സപ്ലൈകോയിലെ അരിയുടെ വിലവർദ്ധനവ് വിശദീകരിക്കാമോ;

ശബരി ഉൽപ്പന്നങ്ങളുടെ വില കൂടിയതിനാൽ റേഷൻ കടകളോടു ചേർന്ന് പ്രവർത്തിക്കുന്ന കെ സ്റ്റോറുകളിലെ സാധനങ്ങളുടെ വിലയും കൂടും എന്നതിന് പരിഹാരം കണ്ടെത്തുമോയെന്ന് വ്യക്തമാക്കാമോ;

വിലക്കയറ്റം നിയന്ത്രിക്കേണ്ട സ്ഥാപനം വില കൂട്ടിയാൽ ഉപഭോക്താക്കൾ വരാത്ത സ്ഥിതി ഉണ്ടാകുമെന്ന ആശങ്കയ്ക്ക് എന്ത് നടപടി സപ്ലൈകോ സ്വീകരിക്കും എന്നറിയിക്കാമോ?

സംസ്ഥാനത്തെ അവശ്യസാധനങ്ങളുടെ വില നിയന്ത്രിക്കുന്നതിനായി ഈ സര്‍ക്കാര്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വിശദമാക്കുമോ;

2014 മുതല്‍ 2024 വരെയുള്ള കാലയളവില്‍ സംസ്ഥാനത്തിനു ലഭിച്ചു കൊണ്ടിരുന്ന ഭക്ഷ്യധാന്യ വിതരണ ക്വാട്ട കേന്ദ്രസര്‍ക്കാര്‍ എത്രത്തോളം വെട്ടിക്കുറച്ചുവെന്ന് വിശദമാക്കുമോ;

സംസ്ഥാനത്തെ റേഷന്‍കടകളെയും വിതരണക്കാരെയും സംരക്ഷിക്കുന്നതിനും നിലനിര്‍ത്തുന്നതിനും റേഷന്‍ ഷോപ്പുകളെ കാലാനുസൃതമായി നവീകരിക്കുന്നതിനും സത്വര നടപടികള്‍ കൈക്കൊള്ളുമോ ?

സംസ്ഥാനത്ത് ഏതൊക്കെ സാധനങ്ങളാണ് സബ്സിഡിയോടെ സപ്ലൈകോ വഴി നൽകി വരുന്നത്; ഇവയുടെ വിലയിൽ 2021 മുതൽ വരുത്തിയ മാറ്റങ്ങൾ എന്തൊക്കെയാണ്; സബ്സിഡി സാധനങ്ങളുടെ വില മാസം തോറും പുതുക്കാൻ നടപടികൾ സ്വീകരിച്ചിട്ടുണ്ടോ; വെളിപ്പെടുത്തുമോ;

2021–22, 2022–23, 2023–24, 2024–25 സാമ്പത്തിക വർഷങ്ങളിൽ ഈ 13 ഇനം സബ്സിഡി സാധനങ്ങൾ എത്ര ക്വിന്റൽ വീതമാണു വാങ്ങിയത്; ഇതിൽ ഓരോ സാധനങ്ങളും ഓരോ വർഷവും സബ്സിഡി ഇനത്തിൽ വിൽപന നടത്തിയത് എത്ര അളവിലാണ്; എത്ര രൂപ വീതമാണ് ഓരോ വർഷവും വിൽപന വഴി ലഭിച്ചത്; അറിയിക്കാമോ;

നോൺ സബ്സിഡി ഇനത്തിൽ ഇതേ സാധനങ്ങൾ ഓരോ വർഷവും വിൽപന നടത്തിയത് എത്ര അളവിലാണ്; എത്ര രൂപ വീതമാണ് ഓരോ വർഷവും വിൽപന വഴി ലഭിച്ചത്; വ്യക്തമാക്കാമോ;

സബ്സിഡി അല്ലാത്ത സാധനങ്ങൾ വില കുറച്ചു വിൽക്കുന്നതിനായി സപ്ലൈകോയ്ക്ക് 2021–22, 2022–23, 2023–24, 2024–25 വർഷങ്ങളിൽ എത്ര രൂപ വീതം ചെലവായി എന്ന് അറിയിക്കാമോ;

വിപണി ഇടപെടലിനായി 2021–22, 2022–23, 2023–24, 2024–25 സാമ്പത്തിക വർഷങ്ങളിൽ സപ്ലൈകോയ്ക്കു സർക്കാർ ബജറ്റിൽ നീക്കിവച്ച തുക എത്രയാണ്; ഓരോ വർഷവും എത്ര രൂപ വീതമാണ് അനുവദിച്ചതെന്ന് വ്യക്തമാക്കാമോ;

വിപണി ഇടപെടലിനായി ഏതൊക്കെ ഇനങ്ങളിലാണ് സപ്ലൈകോയ്ക്ക് ചെലവ് വരുന്നത്; 2021–22, 2022–23, 2023–24, 2024–25 സാമ്പത്തിക വർഷങ്ങളിൽ എത്ര രൂപ വീതമാണ് ചെലവ് വന്നത്; ഈ നഷ്ടം നികത്താൻ സർക്കാർ ഇടപെടൽ ഉണ്ടായോ; ഇതു സംബന്ധിച്ച് സപ്ലൈകോ പ്രത്യേക റിപ്പോർട്ട് തയാറാക്കി സർക്കാരിനു സമർപ്പിച്ചിട്ടുണ്ടോ; റിപ്പോർട്ടിലെ വിശദാംശങ്ങൾ എന്തൊക്കെയാണെന്ന് വിശദമാക്കാമോ?

നിലവിൽ സപ്ലൈകോ വഴി വിതരണം ചെയ്തുവരുന്ന സബ്സിഡി ഉൽപ്പന്നങ്ങൾ ഏതെല്ലാമെന്നും അവയുടെ ഓരോന്നിന്റെയും വിൽപ്പനവില എത്രയെന്നും വ്യക്തമാക്കാമോ;

ജനങ്ങൾക്ക് ഉപകാരപ്രദമായ നിലയിൽ സപ്ലൈകോയെ ശാക്തീകരിക്കാൻ ഭക്ഷ്യ - പൊതുവിതരണവകുപ്പ് നിലവിൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

സിവിൽ സപ്ലൈസ് കോർപ്പറേഷൻ മുഖാന്തിരം സപ്ലൈകോ ഔട്ട് ലറ്റുകളിൽ വിതരണം ചെയ്യുന്ന സബ്സിഡി സാധനങ്ങൾ എത്ര ശതമാനം വിലക്കുറവിലാണ് പൊതുവിപണിയിൽ വിതരണം നടത്തുന്നതെന്ന് വിശദമാക്കാമോ;

ഏത് മാനദണ്ഡത്തിന്റെ അടിസ്ഥാനത്തിലാണ് പൊതു വിപണിയിൽ വില കണക്കാക്കുന്നതെന്ന് വിശദമാക്കാമോ;

നിലവിൽ സപ്ലൈകോ മുഖാന്തിരം വിതരണം നടത്തുന്ന സബ്സിഡി സാധനങ്ങളുടെ വിലയും പൊതു വിപണിയിൽ അവയുടെ വിലയും തമ്മിലുള്ള വ്യത്യാസം വിശദീകരിക്കാമോ?

സംസ്ഥാനത്ത് നെല്ല് സംഭരണവുമായി ബന്ധപ്പെട്ടുള്ള പ്രതിസന്ധികൾ എന്തെല്ലാം എന്ന് വിശദമാക്കാമോ;

നെല്ല് വിനിയോഗം സംബന്ധിച്ച ഓഡിറ്റ് റിപ്പോർട്ട് സംസ്ഥാന സർക്കാർ കേന്ദ്ര സര്‍ക്കാരിനു നൽകിയിട്ടുണ്ടോ; വിശദമാക്കാമോ;

നെല്ല് സംഭരണവുമായി ബന്ധപ്പെട്ട് കേന്ദ്ര സർക്കാരിൽ നിന്നും എത്ര തുകയാണ് ഇനി ലഭിക്കാനുള്ളതെന്ന് വിശദമാക്കാമോ;

നെല്ല് വിനിയോഗം സംബന്ധിച്ച് ഏറ്റവും ഒടുവിൽ കേന്ദ്രത്തിന് സമര്‍പ്പിച്ച ഓഡിറ്റ് റിപ്പോർട്ട് എന്താണെന്ന് അറിയിക്കാമോ;

നെല്ല് സംഭരണവുമായി ബന്ധപ്പെട്ട വിഷയത്തില്‍ കേന്ദ്രസർക്കാർ സംസ്ഥാന സര്‍ക്കാരിന് നൽകിയ കത്തിന്റെ പകർപ്പുകൾ ലഭ്യമാക്കാമോ?

സപ്ലൈകോ അവശ്യസാധനങ്ങൾ സംഭരിച്ച വകയിൽ കമ്പനികൾക്ക് എത്ര രൂപ കുടിശിക നൽകാനുണ്ടെന്ന് വ്യക്തമാക്കുമോ;

സപ്ലൈകോ നെല്ല് സംഭരിച്ച വകയിൽ കർഷകർക്ക് എത്ര രൂപ കുടിശിക നൽകാനുണ്ടെന്ന് വ്യക്തമാക്കുമോ;

സപ്ലൈകോ നൽകാനുള്ള ആകെ കുടിശിക ഇനം തിരിച്ച് വ്യക്തമാക്കുമോ?

നെല്ല് സംഭരിച്ചതിന്റെ വിലയായി സപ്ലൈകോ ഇനി എത്ര കർഷകർക്ക് ഏതെല്ലാം ജില്ലകളിൽ എത്ര തുക വീതം നൽകാനുണ്ട്; പ്രസ്തുത തുക അടിയന്തരമായി വിതരണം ചെയ്യുന്നതിന് വേണ്ട നടപടികൾ സ്വീകരിയ്ക്കുമോ; വ്യക്തമാക്കുമോ;

നെല്ല് സംഭരണത്തിനായി കർഷകർക്കു പണം നൽകാൻ 2014–15 മുതൽ 2024–25 വരെ സപ്ലൈകോ എത്ര തുകയാണ് നേരിട്ടു വായ്പയെടുത്തത്; 2014–15 മുതൽ 2024–25 വരെ എത്ര രൂപയാണ് ഈയിനത്തിൽ പി.ആർ.എസ് വായ്പയായി കർഷകർക്ക് ബാങ്കുകൾ വഴി നൽകിയത്;

നെല്ല് സംഭരണത്തിനായി വായ്പയെടുത്ത ഇനത്തിൽ എത്ര തുക 2014–15 മുതൽ 2024–25 വരെ സപ്ലൈകോ തിരിച്ചടയ്ക്കാനുണ്ട്; ഇതിൽ മുതലും പലിശയും എത്ര വീതമാണെന്ന് വേർതിരിച്ചു പറയാമോ; പി.ആർ.എസ് വായ്പയിൽ എത്ര തുക തിരിച്ചടയ്ക്കാനുണ്ട്;

നെല്ല് സംഭരിച്ച വിലയിനത്തിൽ കേന്ദ്ര സർക്കാരിൽ നിന്നും എത്ര രൂപയാണ് കേരളത്തിന് 2014–15 മുതൽ 2024–25 വരെ കുടിശ്ശിക ലഭിക്കാനുള്ളത്; സംസ്ഥാന സർക്കാരിൽ നിന്ന് സപ്ലൈകോയ്ക്ക് ഈ വർഷങ്ങളിൽ ലഭിക്കാനുള്ള കുടിശ്ശിക എത്രയാണ്;

ഒരു കിലോ നെല്ല് സംഭരിക്കാൻ കേന്ദ്ര സർക്കാരും സംസ്ഥാന സർക്കാരും 2006 മുതൽ എത്ര രൂപ വീതമാണ് കർഷകർക്കു നൽകി വരുന്നത്; 2006 മുതൽ കർഷകന് ഒരു കിലോ നെല്ലിന് ആകെ നൽകി വരുന്ന വിഹിതം എത്രയാണ്;

സംഭരിച്ച നെല്ല് അരിയാക്കി മാറ്റുന്നതിന് 2016–17 മുതൽ 2024–25 വരെ എത്ര മില്ലുകളുമായി സപ്ലൈകോ കരാറിൽ ഏർപ്പെട്ടിട്ടുണ്ട്; ഓരോ മില്ലുകൾക്കും നൽകിയ നെല്ല് അവർ തിരിച്ചു നൽകിയ അരി എന്നിവയുടെ അളവും മില്ലുകൾക്കു നൽകിയ പ്രതിഫലവും എത്ര വീതമാണെന്ന് വ്യക്തമാക്കുമോ;

നെല്ല് സംഭരണവും അനുബന്ധമേഖലകളുമായി ബന്ധപ്പെട്ട് സർക്കാർ നിയോഗിച്ച വി.കെ.ബേബി സമിതിയുടെ റിപ്പോർട്ടിലെ വിശദാംശങ്ങളും ശുപാർശകളും എന്തെല്ലാമാണ്; ഈ റിപ്പോർട്ടിലെ എന്തെല്ലാം ശുപാർശകളാണ് നടപ്പാക്കാൻ തീരുമാനിച്ചത്; എന്തെല്ലാം നടപ്പാക്കി; വിശദമാക്കാമോ?

നെല്ല് സംഭരിച്ച ഇനത്തില്‍ സപ്ലൈകോയില്‍ നിന്നും നെല്‍കര്‍ഷകര്‍ക്ക് നല്‍കേണ്ട കുടിശ്ശിക തുകയുടെ ജില്ല തിരിച്ചുള്ള വിശദാംശം അറിയിക്കാമോ;

ഏത് തീയതി വരെയുള്ള കുടിശ്ശിക തുകയാണ് വിതരണം ചെയ്തിട്ടുള്ളതെന്നും ശേഷിക്കുന്ന കുടിശ്ശിക എന്നത്തേക്ക് വിതരണം ചെയ്യാനാവും എന്നത് സംബന്ധിച്ച വിശദാംശം അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം എത്ര പുതിയ മാവേലി സ്റ്റാേറുകള്‍ ആരംഭിച്ചിട്ടുണ്ട്; വിശദമാക്കാമാേ;

പുതിയ മാവേലി സ്റ്റാേറുകള്‍ ആരംഭിക്കുന്നതിന് എന്തെല്ലാം മാനദണ്ഡങ്ങളാണ് പരിഗണിക്കുന്നത്; വിശദമാക്കാമാേ?

സംസ്ഥാനത്ത് എത്ര സിവില്‍ സപ്ലെെസ് മാവേലി സ്റ്റോറുകളാണ് പ്രവര്‍ത്തിക്കുന്നതെന്ന് വ്യക്തമാക്കാമോ;

നിലവിലുള്ള മാവേലി സ്റ്റോറുകളെ മാവേലി സൂപ്പര്‍ മാര്‍ക്കറ്റ് ആയി ഉയര്‍ത്തുന്നത് പരിഗണനയിലുണ്ടോ;

പുതിയ സംരംഭകരെ ഉപയോഗപ്പെടുത്തി മാവേലി സൂപ്പര്‍ മാര്‍ക്കറ്റുകള്‍ ഗ്രാമീണ മാര്‍ട്ടുകള്‍ ആയി നടത്തുന്ന കാര്യം പരിഗണനയിലുണ്ടോ എന്ന് വ്യക്തമാക്കാമോ?

ആലത്തൂര്‍ മണ്ഡലത്തില്‍ സപ്ലൈകോയുടെ കീഴില്‍ എത്ര സ്റ്റോറുകള്‍ നിലവില്‍ ഉണ്ടെന്നും അവ എവിടെയെല്ലാമാണ് പ്രവര്‍ത്തിക്കുന്നതെന്നും വ്യക്തമാക്കാമോ;

പ്രസ്തുത ഓരോ സ്റ്റോറിലേക്കും 2024 വര്‍ഷം എത്ര രൂപയുടെ സബ്സിഡി സാധനങ്ങള്‍ ലഭ്യമാക്കുകയുണ്ടായി; വിശദമാക്കാമോ?

സസ്ഥാനത്തെ നെല്ല് സംഭരണം കാര്യക്ഷമമാക്കുന്നതിന് സര്‍ക്കാര്‍ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമാേ;

നെല്ല് അളവിന്റെ പണം സമയബന്ധിതമായി കര്‍ഷകര്‍ക്ക് നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമാേ;

കഴിഞ്ഞ സീസണില്‍ നെല്ല് അളന്നതിന്റെ പെെസ മുഴുവന്‍ കര്‍ഷകര്‍ക്കും നല്‍കിയിട്ടുണ്ടാേ; ഇല്ലെങ്കില്‍ എന്ന് നല്‍കാന്‍ കഴിയുമെന്ന് വിശദമാക്കാമാേ?

നെയ്യാറ്റിന്‍കര നിയോജക മണ്ഡലത്തിലെ 'സുഭിക്ഷ ഹോട്ടല്‍' ആരംഭിക്കുന്നതിന് എന്തെല്ലാം നടപടികൾ സ്വീകരിച്ചു എന്ന് വ്യക്തമാക്കുമോ;

'സുഭിക്ഷ ഹോട്ടല്‍' ആരംഭിക്കുന്നതിന് എന്തൊക്കെ നടപടികളാണ് പൂര്‍ത്തീകരിക്കേണ്ടതെന്ന് വിശദമാക്കാമോ?

പയ്യന്നൂര്‍ മണ്ഡലത്തിലെ പെരിങ്ങോം വയക്കര ഗ്രാമപഞ്ചായത്തിലെ പാടിയോട്ടുചാല്‍ കേന്ദ്രീകരിച്ച് സപ്ലൈകോ സൂപ്പര്‍ മാര്‍ക്കറ്റ് തുടങ്ങുന്നതിനുള്ള നിര്‍ദ്ദേശം പരിഗണനയില്‍ ഉണ്ടോ എന്ന് അറിയിക്കാമോ?

കോന്നി നിയോജക മണ്ഡലത്തില്‍ കോന്നി എൻ.എഫ്.എസ്.എ. ഗോഡൗണിന്റെ നിര്‍മ്മാണ പ്രവൃത്തിയുടെ നടപടികളുടെ പുരോഗതി വിശദമാക്കാമോ?

പയ്യന്നൂര്‍ മണ്ഡലത്തിലെ എരം-കുറ്റൂര്‍ ഗ്രാമപഞ്ചായത്തില്‍ പുല്ലുപാറയിലെ സിവില്‍ സപ്ലൈസ് വകുപ്പിന്റെ ഗോഡൗണ്‍ നിര്‍മ്മാണത്തിലെ നിലവിലെ സ്ഥിതി എന്താണെന്ന് വിശദമാക്കാമോ;

പദ്ധതിക്ക് ഭരണാനുമതി നല്‍കിയിട്ടുണ്ടെങ്കില്‍ അതിന്റെ പകര്‍പ്പ് ലഭ്യമാക്കാമോ;

പദ്ധതിയുടെ പ്രവൃത്തി ഉദ്ഘാടനം വകുപ്പ് നടത്തിയിട്ടുണ്ടോ; ഉണ്ടെങ്കില്‍ ഏത് തീയതിയിലാണ് നടത്തിയതെന്ന് വ്യക്തമാക്കാമോ;

നിര്‍മ്മാണ പ്രവൃത്തികള്‍ ആരംഭിക്കാന്‍ ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

കേരള റേഷന്‍ വ്യാപാരി ക്ഷേമനിധിയില്‍ നിലവിലുള്ള അംഗങ്ങളുടെ എണ്ണം ജില്ല തിരിച്ച് ലഭ്യമാക്കാമോ;

പ്രസ്തുത ക്ഷേമനിധി അംഗങ്ങള്‍ക്ക് ലഭ്യമാകുന്ന ആനുകൂല്യങ്ങളുടെ വിശദാംശങ്ങള്‍ ലഭ്യമാക്കാമോ;

2023-24, 2024-25 (നാളിതുവരെ) സാമ്പത്തിക വര്‍ഷങ്ങളില്‍ ക്ഷേമനിധിയില്‍ നിന്ന് ലഭ്യമാക്കിയ ആനുകൂല്യങ്ങളുടെ വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ വ്യാപാര സ്ഥാപനങ്ങളിലെ അളവുതൂക്ക സംവിധാനങ്ങള്‍ പരിശോധിക്കുന്നതിനും കാര്യക്ഷമമാക്കുന്നതിനും സ്വീകരിച്ചിട്ടുള്ള നടപടികള്‍ വിശദമാക്കുമോ?