സംസ്ഥാനത്ത് 2023-24, 2024-25 സാമ്പത്തിക വര്‍ഷങ്ങളില്‍ രജിസ്റ്റര്‍ ചെയ്ത ആധാരങ്ങളുടെ എണ്ണം എത്രയാണെന്നും ഈ വര്‍ഷങ്ങളില്‍ രജിസ്ട്രേഷന്‍ ഫീസിനത്തിലും സ്റ്റാമ്പ് ഡ്യൂട്ടിയിനത്തിലും എത്ര തുക ലഭിച്ചിട്ടുണ്ടെന്നും വ്യക്തമാക്കുമോ?

കേരളത്തിലെ ചാരിറ്റബിൾ സൊസൈറ്റികൾ 1980-ലെ സൊസൈറ്റീസ് രജിസ്‌ട്രേഷൻ ആക്‌ട് അല്ലെങ്കിൽ 1955-ലെ ട്രാവൻകൂർ കൊച്ചിൻ ലിറ്റററി സയ്ന്റിഫിക് ആന്റ് ചാരിറ്റബിൾ സൊസൈറ്റീസ് രജിസ്‌ട്രേഷൻ ആക്‌ട് പ്രകാരമാണ് രജിസ്റ്റർ ചെയ്തിരിക്കുന്നതെന്നിരുന്നാലും ഈ രണ്ട് നിയമങ്ങൾക്ക് കീഴിൽ രജിസ്റ്റർ ചെയ്തിട്ടുള്ള സൊസൈറ്റികൾ വാർഷിക റിട്ടേണുകളും ജനറൽ ബോഡി മീറ്റിംഗ് റിപ്പോർട്ടുകളും വൈകി സമർപ്പിക്കുന്നതിനുള്ള വ്യവസ്ഥകളിൽ വ്യത്യാസമുള്ളത് എകീകരിക്കുന്നതിനുള്ള നടപടി സ്വീകരിക്കുമോ?

ഈ സര്‍ക്കാര്‍ അധികാരമേറ്റ ശേഷം രജിസ്ട്രേഷന്‍ വകുപ്പ് നടപ്പിലാക്കിയ വിവിധ പദ്ധതികള്‍ വിശദമാക്കുമാേ?

ആധാരം സ്വയം എഴുതാം എന്ന ഉത്തരവ് പ്രകാരം ആധാരമെഴുത്തുകാരുടെ സഹായമില്ലാതെ ജനങ്ങള്‍ ആധാരങ്ങള്‍ എഴുതി തുടങ്ങിയിട്ടുണ്ടോ എന്ന് വിശദമാക്കുമോ;

ഇത്തരത്തില്‍ എത്ര ആധാരങ്ങള്‍ രജിസ്‌ട്രേഷന്‍ നടത്തിയിട്ടുണ്ടെന്ന് ജില്ല തിരിച്ചുള്ള കണക്ക് ലഭ്യമാക്കുമോ;

പ്രസ്തുത ഉത്തരവ് പ്രകാരം ജനങ്ങള്‍ ആധാരങ്ങള്‍ സ്വയം എഴുതുമ്പോള്‍ തൊഴില്‍ നഷ്ടപ്പെടുന്ന ആധാരമെഴുത്തുകാരുടെ താല്പര്യം സംരക്ഷിക്കുന്നതിന് എന്തു നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

പട്ടാമ്പി മണ്ഡലത്തിലെ വിളയൂര്‍ സബ് രജിസ്ട്രേഷന്‍ ഓഫീസ് കെട്ടിടത്തിന്റെ നിലവിലെ സ്ഥിതി ശ്രദ്ധയില്‍പ്പെട്ടിട്ടുണ്ടോ;

ഈ വിഷയം സംബന്ധിച്ച് സര്‍ക്കാരിന് നിവേദനങ്ങള്‍ ലഭിച്ചിട്ടുണ്ടോ; എങ്കില്‍ എന്തെല്ലാം നടപടികളാണ് സ്വീകരിച്ചിട്ടുള്ളതന്ന് വ്യക്തമാക്കുമോ;

പ്രസ്തുത കെട്ടിടം നവീകരിക്കുന്നതിന് സ്വീകരിച്ച നടപടികളുടെ വിശദാംശം അറിയിക്കാമോ?

പി &എ. ആർ. ഡി. പഠന റിപ്പോർട്ട് പ്രകാരം അഞ്ച് വർഷത്തിൽ കൂടുതൽ രജിസ്ട്രേഷൻ ഐ.ജി ഓഫീസിൽ സേവനം അനുഷ്ഠിക്കുന്ന ജീവനക്കാരെ സ്ഥലം മാറ്റുമെന്ന് ഉറപ്പ് നൽകിയിട്ടും അഞ്ച് വര്‍ഷം കഴിഞ്ഞ ജീവനക്കാരെ ആസ്ഥാന ഓഫീസിൽ തന്നെ നിലനിർത്തിയിരിക്കുന്നതിനുള്ള കാരണം വിശദീകരിക്കാമോ; അഞ്ച് വര്‍ഷം കഴിഞ്ഞും ഐ.ജി. ഓഫീസില്‍ ജോലിചെയ്യുന്ന എത്ര ജീവനക്കാരുണ്ടെന്ന തസ്തിക തിരിച്ചുള്ള വിവരം ലഭ്യമാക്കാമോ;

രജിസ്ട്രേഷൻ വകുപ്പിന്റെ 2024 വർഷത്തിലെ ഓൺലൈൻ സ്ഥലംമാറ്റ പട്ടികയിൽ ധാരാളം ജീവനക്കാർ ഉൾപ്പെട്ടിരുന്നെങ്കിലും അന്തിമ സ്ഥലം മാറ്റ ഉത്തരവിൽ വളരെ ചുരുക്കം ജീവനക്കാർ മാത്രം ഉൾപ്പെട്ടത് എന്ത് കൊണ്ടാണെന്ന് വിശദീകരിക്കാമോ;

വിജിലൻസ് വകുപ്പ് സർക്കാരിന് നൽകിയ റിപ്പോർട്ട് പ്രകാരം അഴിമതിയാരോപണവിധേയനായ രജിസ്ട്രേഷൻ ആസ്ഥാനത്തിലെ ഏതെങ്കിലും ഉദ്യോഗസ്ഥനെ വകുപ്പിൽ ആഭ്യന്തര പരിശോധന നടത്തുവാൻ ചുമതലപ്പെടുത്തിയിട്ടുണ്ടോ; വ്യക്തമാക്കാമോ;

പ്രസ്തുത ഉദ്യോഗസ്ഥന് ഡിപ്പാർട്മെന്റ് ഓഫ്‌ അഡ്മിനിസ്‌ട്രേറ്റീവ് റിഫോംസ് ആന്റ് പബ്ലിക് ഗ്രീവൻസ്‌ (ഡി.എ.ആർ.പി.ജി ) ടാസ്ക് ഫോഴ്സ് നോഡൽ ഓഫീസറുടെ ചുമതല നൽകി നിയമിച്ചതിന്റെ മാനദണ്ഡവും യോഗ്യതയും വിശദീകരിക്കാമോ?

പയ്യന്നൂര്‍ ഗാന്ധിസ്മൃതി മ്യൂസിയം രണ്ടാം ഘട്ട വികസനത്തിന് എസ്റ്റിമേറ്റ് തയ്യാറാക്കിയിട്ടുണ്ടോ; അറിയിക്കാമോ;

പ്രസ്തുത മ്യൂസിയത്തിന്റെ രണ്ടാം ഘട്ട വികസനം സര്‍ക്കാരിന്റെ പരിഗണനയില്‍ ഉണ്ടോ; വ്യക്തമാക്കാമോ?

കോഴിക്കോട് മൊയ്തു മൗലവി സ്മാരകം നവീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

കോഴിക്കോട് കോര്‍പ്പറേഷനുമായി സഹകരിച്ച് മൊയ്തു മൗലവി സ്മാരകത്തിന്റെ നടത്തിപ്പും പരിപാലനവും കൂടുതല്‍ കാര്യക്ഷമമാക്കാന്‍ നടപടി സ്വീകരിക്കുമോ?

കാട്ടാക്കട നിയാേജക മണ്ഡലത്തിലെ അരുവിക്കര ശാസ്താ ക്ഷേത്രത്തില്‍ പുരാവസ്തു വകുപ്പില്‍ നിന്നും അനുമതി ലഭ്യമായ പ്രവൃത്തികളുടെ നിലവിലെ സ്ഥിതി വിശദമാക്കാമാേ; പ്രസ്തുത പ്രവൃത്തി എന്ന് പൂര്‍ത്തിയാക്കാനാകുമെന്ന് വിശദമാക്കാമാേ; പ്രസ്തുത പ്രാേജക്ടിന്റെ ഭരണാനുമതിയുടെ പകര്‍പ്പ് ലഭ്യമാക്കാമാേ?

ചാലക്കുടിയില്‍ ട്രാംവേ റെയില്‍ മ്യൂസിയം സജ്ജീകരിക്കുന്നതിനുള്ള നടപടികള്‍ ഏതുഘട്ടത്തിലാണെന്ന് അറിയിക്കുമോ;

ട്രാംവേ റെയില്‍ മ്യൂസിയം എന്നത്തേക്ക് യാഥാര്‍ത്ഥ്യമാക്കാന്‍ കഴിയുമെന്ന് വ്യക്തമാക്കുമോ?

പുരാവസ്തു വകുപ്പിന്റെ സംരക്ഷിത സ്മാരകങ്ങളുടെ പട്ടികയില്‍, ആലപ്പുഴ മണ്ഡലത്തിലെ ഏതൊക്കെ പദ്ധതികളാണ് ഉള്‍പ്പെട്ടിട്ടുള്ളതെന്ന വിവരം ലഭ്യമാക്കാമോ?

ആലുവ കാഞ്ഞൂർ പഞ്ചായത്തിലെ വലിയ തമ്പുരാൻ കോവിലകം സംരക്ഷിത സ്മാരകമാക്കുന്നതിനുള്ള അന്തിമ വിജ്ഞാപനം പുറപ്പെടുവിക്കുന്നതിന് നിലവിൽ എന്തെങ്കിലും തടസ്സമുണ്ടോയെന്ന് വ്യക്തമാക്കാമോ;

വലിയ തമ്പുരാൻ കോവിലകം സംരക്ഷിത സ്മാരകമാക്കുന്നതിനുള്ള നടപടികൾ ത്വരിതപ്പെടുത്താമോ; വ്യക്തമാക്കാമോ?

കേരള പുരാവസ്തു വകുപ്പിന്റെ സംരക്ഷിത സ്മാരക പട്ടികയിൽ ഉൾപ്പെടുത്തിയ പുതുപ്പള്ളി വെണ്ണിമല ക്ഷേത്രത്തിന്റെ പുനരുദ്ധാരണത്തിന് വകുപ്പ് നാളിതുവരെ സ്വീകരിച്ച നടപടികൾ വിശദമാക്കാമോ;

പ്രസ്തുത ക്ഷേത്രത്തിൽ അവശേഷിക്കുന്ന പുനരുദ്ധാരണപ്രവൃത്തികൾ എന്തൊക്കെയെന്നും അവ എപ്പോൾ പൂർത്തിയാക്കുമെന്നും വിശദമാക്കാമോ;

പ്രസ്തുത ക്ഷേത്രത്തിന്റെ കൂത്തമ്പലം കേന്ദ്ര സാംസ്കാരിക വകുപ്പിന്റെ ഫണ്ട് ഉപയോഗിച്ച് ആർക്കിയോളജിക്കൽ സർവേ ഓഫ് ഇന്ത്യയെ നിർവഹണ ഏജൻസിയാക്കിക്കൊണ്ട് നവീകരണ പ്രവൃത്തികൾ ചെയ്തുതരണമെന്ന ആവശ്യം ഉന്നയിച്ച് വകുപ്പിന്റെ അനുമതിക്കായി അപേക്ഷ ലഭിച്ചിട്ടുണ്ടോ, ഉണ്ടെങ്കിൽ ഈ ഫണ്ട് ലഭ്യമാക്കുന്നതുമായി ബന്ധപ്പെട്ട് സ്വീകരിച്ച നടപടികൾ വിശദമാക്കുമോ?

1921-ലെ മലബാർ കലാപത്തിന്റെ ശേഷിപ്പുകൾ സംരക്ഷിക്കപ്പെട്ടിട്ടുണ്ടോ എന്ന് വ്യക്തമാക്കാമോ; ഉണ്ടെങ്കിൽ അത് എവിടെയെല്ലാമാണ് എന്ന് വിശദമാക്കാമോ;

1921-ലെ മലബാർ കലാപത്തിന്റെ ശേഷിപ്പുകളിൽ സംരക്ഷിത സ്മാരകങ്ങളായി പ്രഖ്യാപിക്കപ്പെട്ട കെട്ടിടങ്ങളോ സ്ഥലങ്ങളോ മറ്റു സ്മാരകങ്ങളോ ഉണ്ടെങ്കിൽ അവ ഏതെല്ലാമാണെന്ന് അറിയിക്കാമോ;

സ്വാതന്ത്ര്യസമര ചരിത്രത്തിൽ മലബാറിലെ സ്വാതന്ത്ര്യസമര സേനാനികളെയും 1921-ലെ മലബാർ കലാപ പോരാളികളെയും സ്വാതന്ത്ര്യവുമായി ബന്ധപ്പെട്ട് മലബാർ മേഖലയിൽ നടന്ന മറ്റ് മുന്നേറ്റങ്ങളെയും കുറിച്ച് പഠിക്കുന്നതിനും ഗവേഷണം നടത്തുന്നതിനും മലബാർ മേഖലയിൽ സ്ഥാപിതമായിട്ടുള്ള സ്ഥാപനങ്ങൾ ഏതെല്ലാമാണ് എന്ന് വ്യക്തമാക്കാമോ;

മലബാറിന്റെ സ്വാതന്ത്ര്യസമര ചരിത്രം സംരക്ഷിക്കുന്നതിനും ഭാവിതലമുറയിലേക്ക് കൈമാറുന്നതിനും മ്യൂസിയം സ്ഥാപിക്കുന്നതിന് സർക്കാരിന്റെ ഭാഗത്തുനിന്ന് നടപടികൾ ഉണ്ടോ എന്ന് അറിയിക്കാമോ?

തിരൂർ നിയോജക മണ്ഡലത്തിലെ തിരുന്നാവായയിൽ മാമാങ്കം നടന്നിരുന്ന നിലപാട് തറയുടെ ഉടമസ്ഥാവകാശം ആർക്കാണെന്ന് വ്യക്തമാക്കാമോ;

നിലപാട് തറയിലേക്ക് സന്ദർശകർക്ക് പ്രവേശിക്കുന്നതിന് അനുമതി നൽകിയിട്ടുണ്ടോ; വ്യക്തമാക്കാമോ;

നിലപാട് തറയിൽ പ്രവേശിക്കുന്നതിന് സന്ദർശകർക്ക് അനുമതി ലഭ്യമാക്കിയിട്ടില്ലെങ്കിൽ അതിനുള്ള കാരണം എന്താണെന്ന് അറിയിക്കാമോ;

നിലപാട് തറയിൽ പ്രവേശിക്കുന്നതിന് സന്ദർശകർക്ക് അനുമതി നൽകുന്നതിന് നടപടി ഉണ്ടാകുമോയെന്ന് അറിയിക്കാമോ?