കുറ്റ്യാടി മണ്ഡലത്തില്‍ മൈനര്‍ ഇറിഗേഷന്‍ വകുപ്പിന്റെ നേതൃത്വത്തില്‍ 2024-25 സാമ്പത്തിക വര്‍ഷം പൂര്‍ത്തിയായതും നടന്നു വരുന്നതുമായ പ്രവൃത്തികള്‍ ഏതൊക്കെയാണെന്ന് ഫണ്ട്, പ്രദേശം, പദ്ധതിയുടെ പ്രത്യേകത എന്നിവ സഹിതം വിശദമാക്കാമോ?

ഗുരുവായൂര്‍ മണ്ഡലത്തിലെ ഏങ്ങണ്ടിയൂര്‍, കടപ്പുറം, ഒരുമനയൂര്‍ പഞ്ചായത്തുകളിലെ കായല്‍ തീരങ്ങളില്‍ ഉപ്പുവെള്ളം കയറുന്നത് തടയുന്നതിന് ഇറിഗേഷന്‍ വകുപ്പ് സ്വീകരിച്ച നടപടികള്‍ വിശദമാക്കാമോ?

ഇറിഗേഷൻ ഇലക്ട്രിക്കൽ വിംഗിന് പ്രൈസ് 3.0 സോഫ്റ്റ്‌വെയർ മുഖേന നിലവിൽ മേലാഫീസിലേക്ക് എസ്റ്റിമേറ്റുകൾ സമർപ്പിക്കാൻ സാധിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇതുമൂലം ഇറിഗേഷൻ പമ്പ് ഹൗസുകളില്‍നിന്നും കൃഷിക്കായുള്ള പമ്പിങ്ങിന് നേരിടുന്ന കാലതാമസം ഒഴിവാക്കുന്നതിന് പകരം സംവിധാനങ്ങള്‍ ഏർപ്പെടുത്തിയിരുന്നോയെന്ന് അറിയിക്കാമോ;

മലപ്പുറം ജില്ലയിലെ ഇറിഗേഷൻ ഇലക്ട്രിക്കൽ പ്രവൃത്തികളുടെ കാലതാമസം ഒഴിവാക്കാൻ ജില്ലയിൽ പുതുതായി ഇറിഗേഷൻ ഇലക്ട്രിക്കൽ സബ് ഡിവിഷൻ ഓഫീസ് അനുവദിക്കുന്നതിന് സങ്കേതിക തടസ്സങ്ങളുണ്ടോ; വ്യക്തമാക്കാമോ;

തൃശ്ശൂർ, മലപ്പുറം, പാലക്കാട് ജില്ലകൾക്കായി ചാലക്കുടിയിൽ ഒരു സബ്ഡിവിഷൻ മാത്രം നിലവിലുള്ള സാഹചര്യത്തില്‍ മലപ്പുറം കേന്ദ്രമായി പുതുതായി ഇറിഗേഷൻ ഇലക്ട്രിക്കൽ സബ് ഡിവിഷൻ ഓഫീസ് അനുവദിക്കുമോ; വിശദമാക്കാമോ?

ഇറിഗേഷന്‍ വകുപ്പിന്റെയും മെെനിങ്ങ് ആന്റ് ജിയോളജി വകുപ്പിന്റെയും തദ്ദേശസ്വയംഭരണ സ്ഥാപനങ്ങളുടെയും സംയുക്ത സഹകരണത്തോടെ പുഴകളിലും തോടുകളിലും അടിഞ്ഞുകൂടിയിരിക്കുന്ന എക്കലും മണലും നീക്കം ചെയ്യുന്നതിനും സ്വകാര്യ വ്യക്തികളുടെ ഭൂമിയില്‍ നിക്ഷേപിക്കുന്നതിനും നിയമപരമായ വിലക്ക് ഏര്‍പ്പെടുത്തിയിട്ടുണ്ടോ; വിശദമാക്കാമോ;

പ്രസ്തുത പ്രവൃത്തി നടപ്പിലാക്കുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോ; ഇല്ലെങ്കില്‍ കാലാവസ്ഥാ വ്യതിയാനം മൂലം വെളളം കയറുന്ന വെെപ്പിന്‍ കര, കൊച്ചി ഉള്‍പ്പെടെയുളള തീരപ്രദേശങ്ങളിലെ ജനങ്ങള്‍ അനുഭവിക്കുന്ന ബുദ്ധിമുട്ടുകള്‍ കണക്കിലെടുത്ത് തണ്ണീര്‍ത്തടം, നിലം തുടങ്ങിയ പ്രദേശങ്ങള്‍ ഒഴിവാക്കി വെളളം കയറി മുങ്ങുന്ന സ്വകാര്യ വ്യക്തികളുടെ ഭൂമിയിലും പൊതുസ്ഥലങ്ങളിലും എക്കലും മണലും നിക്ഷേപിക്കുന്ന പദ്ധതി ആവിഷ്കരിച്ച് നടപ്പിലാക്കാന്‍ നടപടി സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഉദുമ മണ്ഡലത്തില്‍ നടപ്പിലാക്കിയതും പ്രവൃത്തി പുരാേഗമിക്കുന്നതുമായ മെെനര്‍, മേജര്‍ ഇറിഗേഷന്‍ പദ്ധതികളുടെ വിവരങ്ങള്‍ ലഭ്യമാക്കാമാേ;

പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വിശദമാക്കാമാേ?

ചാലക്കുടിപ്പുഴയുടെ പുനരുജ്ജീവനത്തിന് സംയോജിത നദീതട പ്ലാന്‍ തയ്യാറാക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനായി എന്തൊക്കെ നടപടികള്‍ ‍സ്വീകരിച്ചിട്ടുണ്ടെന്ന് വിശദമാക്കാമോ;

ചാലക്കുടിപ്പുഴയില്‍‍ കൂടുതല്‍ തടയണകള്‍ നിര്‍മ്മിച്ച് വേനല്‍ക്കാലത്തും ജല ലഭ്യത ഉറപ്പ് വരുത്തുന്നതിനുള്ള നടപടികള്‍ സ്വീകരിക്കുമോയെന്ന് അറിയിക്കാമോ;

മേലൂർ-പരിയാരം ഗ്രാമപഞ്ചായത്തുകളെ ബന്ധിപ്പിച്ച് ചാലക്കുടിപ്പുഴയിലെ കയ്യാനിക്കടവിൽ തടയണ നിർമ്മാണത്തിന് ഭരണാനുമതി നല്‍കിയിട്ടുണ്ടോ; ഇല്ലായെങ്കില്‍ അതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കുമോ;

റിവർ ബേസിൻ കൺസെർവേഷൻ ആൻഡ് മാനേജ്‌മെന്റ് അതോറിറ്റി രൂപീകരിക്കുവാനുള്ള നടപടികൾ ഏത് ഘട്ടത്തിലാണ്; വിശദാംശം ലഭ്യമാക്കുമോ?

തൃശ്ശൂര്‍ ജില്ലയിലെ ഏനമാവ് കോള്‍ മേഖലയിലേക്ക് ഉപ്പ് വെള്ളം കയറാതിരിക്കുന്നതിനായി അമ്പത് വര്‍ഷത്തോളമായി ഏനാമാവ് റെഗുലേറ്റര്‍ ഫേസ് കനാലില്‍ നിര്‍മ്മിച്ചുവരുന്ന താൽക്കാലിക വളയംകെട്ട് എല്ലാ വര്‍ഷവും മഴക്കാലത്ത് പൊട്ടിച്ച് ഏനമാവ് പുഴയിലേക്കാണ് തള്ളിവിടുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഇത്രയും വര്‍ഷത്തെ ദശലക്ഷക്കണക്കിന് ക്യൂബിക് മീറ്റര്‍ ചരല്‍, മണല്‍, ചെളി, മറ്റ് മാലിന്യങ്ങള്‍ എന്നിവ പുഴയില്‍ അടിഞ്ഞ് കിടക്കുന്നത് വെള്ളം ഒഴുകി പോകുന്നതിന് തടസ്സമാവുകയും പുഴ ആഴം കുറഞ്ഞ് ഇല്ലാതാവുകയും ചെയ്യുന്നതിന് കാരണമാകുന്നതിനാല്‍ പ്രസ്തുത മണലും ചെളിയും നീക്കം ചെയ്യുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കില്‍ ആവശ്യമായ നടപടി സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഗുരുവായൂര്‍ നിയോജക മണ്ഡലത്തില്‍ പൊതു കുളങ്ങളുടെ നവീകരണത്തിന് ഫണ്ട് അനുവദിച്ചിട്ടുണ്ടോ; എങ്കിൽ വിശദമാക്കാമോ;

ഗുരുവായൂര്‍ നിയോജക മണ്ഡലത്തില്‍ നിന്നും പൊതു കുളങ്ങളുടെ നവീകരണത്തിനായി എത്ര പദ്ധതികള്‍ സമര്‍പ്പിച്ചിട്ടുണ്ടെന്ന് വിശദമാക്കാമോ?

ശിരുവാണി ജലസേചനപദ്ധതിയുമായി ബന്ധപ്പെട്ട ഇടക്കുറിശി-കേരളമേട് റോഡ് നവീകരണ പ്രവൃത്തിയുടെ പുരോഗതി സംബന്ധിച്ച വിവരം ലഭ്യമാക്കാമോ; വിശദമാക്കുമോ?

കുറ്റ്യാടി ഇറിഗേഷന്‍ പദ്ധതിയുടെ ഭാഗമായി ജലവിതരണം സുഗമമായി നടത്തുന്നതിന് 2024-25 സാമ്പത്തികവര്‍ഷം കുറ്റ്യാടി മണ്ഡലത്തില്‍ നടത്തിയ പ്രവര്‍ത്തനങ്ങള്‍ എന്തൊക്കെയെന്ന് ചെലവഴിച്ച ഫണ്ട്, പ്രദേശം എന്നിവ സഹിതം വിശദമാക്കാമോ;

കുറ്റ്യാടി ഇറിഗേഷന്‍ കനാലുകള്‍ വഴിയുള്ള ജലവിതരണം കുറ്റ്യാടി മണ്ഡലത്തിലെ വിവിധ പ്രദേശങ്ങളില്‍ എപ്പോള്‍ എത്തിക്കാന്‍ സാധിക്കുമെന്ന് അറിയിക്കാമോ?

തിരൂരങ്ങാടി മണ്ഡലത്തിലെ കുണ്ടൂർ തോട് നവീകരണത്തിനുളള പദ്ധതിയുടെ നടപടികൾ വിശദമാക്കാമോ;

കുണ്ടൂർ തോട് നവീകരിക്കുന്നതിന് കിഫ്‌ബി മുഖേന 15 കോടി രൂപ 2016-ലെ ബജറ്റിൽ അനുവദിച്ചിട്ടും ഇതുവരെ പദ്ധതി ആരംഭിക്കാത്തതിന്റെ കാരണം വിശദമാക്കാമോ;

ഭരണാനുമതി ലഭ്യമാക്കിയ പ്രസ്തുത പദ്ധതിയുടെ ടെൻഡർ നടപടികൾ സ്വീകരിക്കുന്നതിനുള്ള കാലതാമസത്തിന്റെ കാരണങ്ങൾ എന്തെല്ലാമെന്ന് വിശദമാക്കാമോ;

പദ്ധതിയുടെ ടെൻഡർ നടപടികൾ എന്ന് പൂർത്തീകരിക്കാൻ കഴിയുമെന്ന് വിശദമാക്കാമോ?

ശിരുവാണി പദ്ധതിയുമായി ബന്ധപ്പെട്ട് തമിഴ്‍നാട് സര്‍ക്കാരില്‍ നിന്നും ലഭിക്കേണ്ട കുടിശിക തുകയുടെ വിശദാംശം ലഭ്യമാക്കാമോ; കുടിശിക പിരിച്ചെടുക്കുന്നതുമായി ബന്ധപ്പെട്ട് ജലവിഭവ വകുപ്പ് സ്വീകരിച്ചിട്ടുള്ള നടപടികള്‍ എന്തൊക്കെയെന്ന് വിശദമാക്കാമോ?

കണ്ണൂർ ജില്ലയിലെ മടക്കര പുഴയിൽ നിർമ്മിച്ച ഇരിണാവ് ഡാം പാലം കാലപ്പഴക്കത്താൽ തകർന്നതിനാല്‍ പ്രസ്തുത പാലം ഉപ്പുവെള്ള പ്രതിരോധത്തിന് മാത്രം ഉപയോഗിക്കുന്നതിനായി ഷട്ടറുകൾ മാറ്റി പുതിയ ഷട്ടർ സ്ഥാപിക്കുന്നതിന് വിദഗ്ദ്ധ സമിതി പരിശോധന നടത്തിയിട്ടുണ്ടോ; വിശദാംശം ലഭ്യമാക്കാമോ?

2020-21 വര്‍ഷത്തെ സംസ്ഥാന ബജറ്റില്‍ നാല് കോടി രൂപ അനുവദിച്ച മലമ്പുഴ മണ്ഡലത്തിലെ പുതുശ്ശേരി പഞ്ചായത്തിലെ ചെല്ലന്‍കാവ് മിനിഡാം നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിയുടെ ഡ്രോയിംഗ് ഇറിഗേഷന്‍ ഡിസൈന്‍ ആന്റ് റിസര്‍ച്ച് ബോഡ് ചീഫ് എന്‍ജിനീയറില്‍ നിന്ന് 03.10.2024-ന് ലഭിച്ചതിന്റെ അടിസ്ഥാനത്തില്‍ സ്വീകരിച്ച നടപടികള്‍ വിശദമാക്കാമോ;

ഭരണാനുമതി ലഭ്യമാക്കുന്നതിനായി പ്രസ്തുത പ്രവൃത്തിയുടെ വിശദമായ എസ്റ്റിമേറ്റ് സര്‍ക്കാരിലേക്ക് സമര്‍പ്പിച്ചിട്ടുണ്ടോ; എങ്കില്‍ കത്തിന്റെ പകര്‍പ്പ് ലഭ്യമാക്കാമോ?

കോങ്ങാട് മണ്ഡലത്തിലെ കാഞ്ഞിരപ്പുഴ അണക്കെട്ടില്‍ ഡ്രിപ്-2 പദ്ധതി പ്രകാരം നടപ്പിലാക്കുന്ന പുനരുദ്ധാരണ പ്രവൃത്തികളുടെ പുരോഗതി വിവരം ലഭ്യമാക്കാമോ;

പ്രസ്തുത പ്രവൃത്തി നടപ്പിലാക്കുന്നതിന് കാലതാമസം നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഡ്രിപ് പദ്ധതി പ്രകാരമുള്ള പുനരുദ്ധാരണ പ്രവൃത്തികള്‍ വേഗത്തില്‍ പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

ചെളിയും മണലും അടിഞ്ഞ് ഡാമുകളിലെ ജലസംഭരണ ശേഷി ഗണ്യമായി കുറഞ്ഞത് ശ്രദ്ധയിൽപ്പെട്ടിട്ടുണ്ടോ;

ഡാമുകളിലെ ജലസംഭരണശേഷി വർദ്ധിപ്പിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കാമോ;

ഡാമുകളിലെ ചെളിയും മണലും നീക്കി ജലസംഭരണ ശേഷി വർദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ;

ഡാമുകളിലെ ചെളിയും മണലും നീക്കുന്നതിന്റെ നടപടിക്രമങ്ങൾ എന്തൊക്കെയാണ്; വിശദാംശം നൽകാമോ?

അരുവിക്കര ഡാമിലെ ഡീസില്‍റ്റേഷന്‍ പ്രവൃത്തിയുടെ പുരാേഗതി അറിയിക്കുമാേ; പ്രസ്തുത പ്രവൃത്തി എപ്പോൾ പൂര്‍ത്തീകരിക്കാനാകും എന്ന് വ്യക്തമാക്കാമോ?

കേന്ദ്ര ജലകമ്മീഷനിൽ നിന്ന് വാഴാനി അണക്കെട്ടിൽ ഭൂകമ്പമാപിനി സ്ഥാപിക്കുന്നതിന് വേണ്ട മാർഗ്ഗനിർദ്ദേശങ്ങൾ സംബന്ധിച്ച് എന്തെങ്കിലും അറിയിപ്പ് ലഭ്യമായിട്ടുണ്ടോ; വ്യക്തമാക്കാമോ;

ഇല്ലെങ്കില്‍ പ്രസ്തുത മാർഗ്ഗനിർദ്ദേശങ്ങൾ ലഭ്യമാക്കി ഭൂകമ്പമാപിനി സ്ഥാപിക്കുന്നതിനുള്ള നടപടികൾ സ്വീകരിക്കുമോ; വ്യക്തമാക്കാമോ?

ആറ്റിങ്ങല്‍ മണ്ഡലത്തിലെ കാരേറ്റ് പാലത്തിന് സമീപം വാമനപുരം നദിയിൽ തടയണ നിര്‍മ്മിക്കുന്നതിനായി സ്വീകരിച്ച നടപടികള്‍ വിശദമാക്കുമോ;

പദ്ധതിയുടെ കാലതാമസം നിമിത്തം ജലക്ഷാമം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ജലക്ഷാമം പരിഹരിക്കാന്‍ കഴിഞ്ഞ അഞ്ച് വര്‍ഷക്കാലം കാരേറ്റ് മുതല്‍ കൊല്ലമ്പുഴ വരെ വാമനപുരം നദിയിൽ ഓരോ വര്‍ഷവും എത്ര തടയണകള്‍ നിര്‍മ്മിച്ചിട്ടുണ്ടെന്ന് വര്‍ഷവും സ്ഥലവും തരം തിരിച്ച് വ്യക്തമാക്കുമോ;

ആവര്‍ത്തനച്ചെലവ് ഒഴിവാക്കാന്‍ സ്ഥിര തടയണ നിര്‍മ്മിക്കുന്നതിന്റെ പ്രാധാന്യം വകുപ്പ് വിലയിരുത്തിയിട്ടുണ്ടോ; വിശദമാക്കുമോ?

2023-24, 2024-25 സാമ്പത്തിക വർഷങ്ങളിൽ കോട്ടയം മൈനർ ഇറിഗേഷൻ സബ് ഡിവിഷന് കീഴിൽ പുതുപ്പള്ളി മണ്ഡലത്തിലെ തോട് സംരക്ഷണ ഭിത്തി കെട്ടുന്നതിനുള്ള എത്ര പ്രവൃത്തികൾക്ക് എസ്റ്റിമേറ്റ് തയ്യാറാക്കപ്പെട്ടിട്ടുണ്ടെന്നും ഇനി ഏതെല്ലാം പ്രവൃത്തികളുടെ എസ്റ്റിമേറ്റ് തയ്യാറാക്കാനുണ്ടെന്നും അറിയിക്കാമോ; ഇവയിൽ എത്ര പ്രവൃത്തികൾക്ക് ഫണ്ട് അനുവദിച്ചിട്ടുണ്ടെന്ന് വിശദമാക്കാമോ;

ഇപ്രകാരമുള്ള ഓരോ പ്രവൃത്തിയുടെയും വിശദാംശങ്ങളും നിലവിലെ സ്റ്റാറ്റസും ഫയൽ തീർപ്പാക്കാനുള്ള ഉദ്യോഗസ്ഥതലവും ഫയൽ ഏത് തലത്തിലാണ് നിലവിലുള്ളതെന്ന വിവരവും കാലതാമസം ഉണ്ടായിട്ടുണ്ടെങ്കിൽ കാരണവും അറിയിക്കാമോ;

മേൽപ്പറഞ്ഞ പ്രവൃത്തികൾക്കാവശ്യമായ ഫണ്ട് അനുവദിക്കപ്പെട്ടിട്ടില്ലെങ്കിൽ ആയതിന്റെ കാരണവും ഫണ്ടിനായുള്ള പ്രൊപ്പോസലുകൾ സമർപ്പിച്ചിട്ടുണ്ടോയെന്നും ആയതിന്റെ തീയതി ഉൾപ്പെടെയുള്ള വിശദാംശങ്ങളും അറിയിക്കാമോ?

നാദാപുരം മണ്ഡലത്തിൽ നാദാപുരം നഗര മധ്യത്തിലെ പുളിക്കൂല്‍ കക്കം വെള്ളി തോടിന്റെ സൈഡ് പ്രൊട്ടെക്ഷന്‍ സംബന്ധിച്ച് നല്‍കിയ കത്തില്‍ നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

2024-25 വര്‍ഷത്തെ ബഡ്ജറ്റില്‍ 1.5 കോടി രൂപ വകയിരുത്തിയ മലമ്പുഴ മണ്ഡലത്തിലെ അകത്തേത്തറ അമ്പാട്ടുതോട് സംരക്ഷണ ഭിത്തി നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിക്ക് ഭരണാനുമതി ലഭ്യമാക്കുന്നതിനായി വിശദമായ എസ്റ്റിമേറ്റും ഡി.പി.ആറും മൈനര്‍ ഇറിഗേഷന്‍ വകുപ്പ് സര്‍ക്കാരിലേക്ക് സമര്‍പ്പിച്ചിട്ടുണ്ടോ; എങ്കില്‍ കത്തിന്റെ പകര്‍പ്പ് ലഭ്യമാക്കാമോ?

മാവേലിക്കര മണ്ഡലത്തില്‍ ജലവിഭവ വകുപ്പ് മുഖേന നടപ്പിലാക്കുന്നതിനായി 2020-21 വർഷം മുതലുള്ള ബജറ്റില്‍ അനുവദിച്ച വിവിധ പദ്ധതികളുടെ വിശദവിവരം ലഭ്യമാക്കാമോ;

തഴക്കര ഗ്രാമപഞ്ചായത്ത് ഏഴാം വാര്‍ഡിലെ കല്ലുവളയം പള്ളിക്ക് സമീപം അച്ചന്‍കാേവിലാറിന്റെ സംരക്ഷണഭിത്തി നിര്‍മ്മിക്കുവാന്‍ മൂന്ന് കാേടി രൂപ ബജറ്റില്‍ അനുവദിച്ചെങ്കിലും നിര്‍മ്മാണം ആരംഭിക്കാന്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടാേ;

പ്രസ്തുത പ്രവൃത്തി വേഗത്തില്‍ ആരംഭിക്കാന്‍ ആവശ്യമായ നടപടികള്‍ സ്വീകരിക്കുമാേയെന്ന് വ്യക്തമാക്കാമോ?

തൃക്കുന്നപ്പുഴ, ആറാട്ടുപുഴ പഞ്ചായത്തുകളിലെ ഏതെല്ലാം സ്ഥലങ്ങളിലാണ് രൂക്ഷമായ കടലാക്രമണം നേരിടുന്നതെന്ന് അറിയിക്കാമോ;

പ്രസ്തുത പഞ്ചായത്തുകളില്‍ ഇപ്പോള്‍ നടന്നുവരുന്ന കടലാക്രമണ പ്രതിരോധ പ്രവൃത്തികളുടെ വിശദാംശങ്ങള്‍ അറിയിക്കാമോ;

പ്രസ്തുത പ‍ഞ്ചായത്തുകളിലെ ഏതെല്ലം പ്രദേശങ്ങളിലാണ് ജിയോ ബാഗ് സ്ഥാപിക്കുന്ന പ്രവൃത്തികള്‍ക്കുള്ള അനുമതി നല്‍കിയിട്ടുള്ളതെന്നും ഇതിന്റെ പുരോഗതി സംബന്ധിച്ച വിശദാംശങ്ങളും അറിയിക്കാമോ;

ലോകബാങ്കിന്റെയും വിവിധ ധനകാര്യ ഏജന്‍സികളുടെയും സഹായത്തോടെ പ്രസ്തുത പഞ്ചായത്തുകളില്‍ നടപ്പിലാക്കാന്‍ വിഭാവനം ചെയ്തിട്ടുള്ള കടലാക്രമണ പ്രതിരോധ പ്രവൃത്തികളുടെ വിശദാംശങ്ങളും അവയുടെ നിലവിലെ അവസ്ഥ സംബന്ധിച്ച വിവരങ്ങളും പദ്ധതികള്‍ എന്ന് മുതല്‍ പ്രാവര്‍ത്തികമാക്കാന്‍ സാധിക്കുമെന്നുമുള്ള വിവരങ്ങളും അറിയിക്കാമോ?

കല്യാശ്ശേരി മണ്ഡലത്തിലെ മാടായി, മാട്ടൂല്‍ എന്നീ പഞ്ചായത്തുകളിലെ കടല്‍ഭിത്തി പുനരുദ്ധാരണ പ്രവൃത്തികളുടെ നിര്‍മ്മാണ പുരാേഗതി അറിയിക്കാമാേ;

പ്രസ്തുത പ്രവൃത്തി പൂര്‍ത്തിയാക്കേണ്ട കാലാവധി എപ്പാേഴാണ്; വിശദമാക്കാമാേ?

കുന്ദമംഗലം മണ്ഡലത്തിൽ ജല്‍ജീവൻ പദ്ധതിക്കായി കുഴിച്ചതും പഞ്ചായത്തിൽ പണം കെട്ടിവെക്കാത്തതും പൂർവസ്ഥിതിയിലാക്കാത്തതുമായ ഏതൊക്കെ റോഡുകളാണ് നിലവിലുള്ളതെന്ന് വ്യക്തമാക്കാമോ;

ഇവ നന്നാക്കാൻ എന്ത് നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

വരന്തരപ്പിള്ളി - മറ്റത്തൂര്‍ ഗ്രാമ പഞ്ചായത്തുകളെ തമ്മില്‍ ബന്ധിപ്പിച്ചു കൊണ്ട് കുറുമാലിപ്പുഴയില്‍ ആറ്റപ്പിള്ളി റെഗുലേറ്റര്‍ കം ബ്രിഡ്ജിന്റെ അപ്രോച്ച് റോഡ് തകര്‍ന്ന് ഗതാഗതം തടസ്സപ്പെട്ട് വര്‍ഷങ്ങള്‍ പിന്നിട്ട സാഹചര്യത്തില്‍ അപ്രോച്ച് റോഡിന്റെയും റെഗുലേറ്ററിന്റെയും നിര്‍മ്മാണം ഉടന്‍ ആരംഭിക്കുന്നതിന് ആവശ്യമായ അനുമതി നല്‍കുന്നതിനും ഫണ്ട് അനുവദിക്കുന്നതിനും നടപടി സ്വീകരിക്കുമോ; വ്യക്തമാക്കാമോ;

അപ്രോച്ച് റോഡ് ഗതാഗത യോഗ്യമാക്കുന്നതിനുളള നടപടികള്‍ ഒരു ഘട്ടമായും റെഗുലേറ്റര്‍ പ്രവര്‍ത്തന സജ്ജമാക്കുന്നതിനുള്ള നടപടികള്‍ അടുത്ത ഘട്ടമായും നടപ്പാക്കുന്ന തരത്തില്‍ ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

കിഫ്ബിയുടെയും ഗോശ്രീ ഐലന്റ്സ് ഡവലപ്മെന്റ് അതോറിറ്റിയുടെയും ധനസഹായത്തോടെ നിര്‍മ്മിക്കുന്നതിനായി ഭരണാനുമതി ലഭിച്ചിട്ടുള്ള വൈപ്പിന്‍ മണ്ഡലത്തിലെ വല്ലാര്‍പാടം പനമ്പുകാട് റിംഗ് ബണ്ട് റോഡ് നിര്‍മ്മാണത്തിന്റെ നിലവിലെ സ്ഥിതിയും സ്വീകരിച്ചിട്ടുള്ള നടപടികളും വ്യക്തമാക്കാമോ;

2012-ല്‍ ജിഡയുടെയും തുടര്‍ന്ന് കിഫ്ബി അനുവദിച്ച ഇരുപത് കോടി രൂപയുടെയും ധനസഹായം ലഭിച്ച പ്രസ്തുത പദ്ധതി നടപ്പിലാക്കുന്നതില്‍ വരുത്തുന്ന കാലതാമസത്തിനുള്ള കാരണം വിശദമാക്കാമോ;

പദ്ധതിയുടെ ഡിസൈന്‍ എന്നത്തേയ്ക്ക് തയ്യാറാക്കാന്‍ സാധിക്കുമെന്നും എപ്പോള്‍ ആരംഭിക്കാന്‍ സാധിക്കുമെന്നും വ്യക്തമാക്കാമോ;

കാലവര്‍ഷത്തിലും വൃശ്ചിക വേലിയേറ്റത്തിലും താമസസ്ഥലത്തും ഗൃഹങ്ങളിലും ഓരു വെള്ളം കയറി ദ്വീപ് പ്രദേശമായ വല്ലാര്‍പാടത്തെ ജനജീവിതം ദുസ്സഹമാകുന്ന സാഹചര്യം കണക്കിലെടുത്ത് നിര്‍മ്മാണ പ്രവൃത്തി എത്രയും വേഗം ആരംഭിക്കാന്‍ നടപടി സ്വീകരിക്കുമോ; വ്യക്തമാക്കാമോ?

മുന്‍ സര്‍ക്കാരിന്റെ കാലത്ത് ഉദ്ഘാടനം ചെയ്ത പേരാമ്പ്ര, കുറ്റ്യാടി മണ്ഡലങ്ങളില്‍ ഉള്‍പ്പെട്ട പെരിഞ്ചേരിക്കടവ് റെഗുലേറ്റര്‍ കം ബ്രിഡ്ജിന്റെ പ്രവൃത്തി മുടങ്ങിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത പ്രവൃത്തി പുനരാരംഭിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

പ്രവൃത്തി പഴയ കരാറിലാണോ നിലവില്‍ ചെയ്യുന്നതെന്ന് അറിയിക്കാമോ; അല്ലെങ്കില്‍ പുതിയ ടെണ്ടര്‍ ചെയ്യുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ?

മഞ്ചേശ്വരം മണ്ഡലത്തിലെ കുമ്പള കഞ്ചികട്ട വി.സി.ബി. കം ബ്രിഡ്ജ് കാലപ്പഴക്കം മൂലം അപകടാവസ്ഥയിലായതിനാൽ അടച്ചിട്ടിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത സ്ഥലത്ത് പുതിയ റെഗുലേറ്റർ കം ബ്രിഡ്ജ് നിർമ്മിക്കുന്നതിനുളള നടപടികൾ ഏതുഘട്ടത്തിലാണെന്ന് വ്യക്തമാക്കുമോ?

മണലൂര്‍ മണ്ഡലത്തിലെ ഇടിയഞ്ചിറ റെഗുലേറ്റര്‍ നവീകരണം ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പ്രവൃത്തി എന്നത്തേക്ക് പൂര്‍ത്തീകരിക്കാനാകുമെന്ന് അറിയിക്കാമോ;

നിലവില്‍ റെഗുലേറ്ററിന് ഷട്ടര്‍ ഇല്ലാത്തതിനാല്‍ കനാലിലേക്ക് ഉപ്പുവെള്ളം കയറിയിട്ടുണ്ടെന്നത് ശ്രദ്ധയില്‍പ്പെട്ടിട്ടുണ്ടോ;

ഉപ്പുവെള്ളം നീക്കം ചെയ്ത് മേഖലയിലെ കൃഷി സംരക്ഷിക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

കൊടുങ്ങല്ലൂർ മണ്ഡലത്തിലെ കൊടുങ്ങല്ലൂർ നഗരസഭക്കും എറിയാട് ഗ്രാമപഞ്ചായത്തിനും ഇടയിൽ ഉപ്പുവെള്ളം കയറുന്നതുമൂലം ജനങ്ങൾക്കുണ്ടാകുന്ന ബുദ്ധിമുട്ടുകൾ ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇത് തടയുന്നതിന് അഴീക്കോട് പാലത്തിന് സമീപം പെരുംതോട്ടിൽ സ്ലൂയിസ് നിർമ്മിക്കണമെന്ന ആവശ്യം പരിഗണനയിലുണ്ടോ; വ്യക്തമാക്കാമോ;

സ്ലൂയിസ് നിർമ്മിക്കുന്നതിന് എന്ത് നടപടി സ്വീകരിച്ചുവെന്നും നിർമ്മാണ പ്രവൃത്തി എപ്പോൾ ആരംഭിക്കാൻ കഴിയുമെന്നും അറിയിക്കാമോ?

പാലാ മണ്ഡലത്തിലെ അരുണാപുരം റഗുലേറ്റര്‍ കം ബ്രിഡ്‍ജ് പദ്ധതിയുടെ ഡിസൈന്‍ റിവൈസ് ചെയ്ത് ഡീറ്റെയ്ല്‍ഡ് എസ്റ്റിമേറ്റ് ആയി 48.84 കോടി രൂപയുടെ ഡി.പി.ആര്‍. നബാര്‍ഡ് സ്കീമില്‍ ഉള്‍പ്പെടുത്തി അംഗീകാരം ലഭിക്കുന്നതിനായി സമർപ്പിച്ചിട്ടുള്ള പ്രൊപ്പോസലിന്റെ നിലവിലെ സ്ഥിതി വ്യക്തമാക്കാമോ;

വര്‍ഷങ്ങളുടെ കാലതാമസം നേരിടുന്ന പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

മങ്കട മണ്ഡലത്തിലെ മൂര്‍ക്കനാട് കുടിവെള്ള പദ്ധതിയുടെ ഭാഗമായി കേരള ഇറിഗേഷന്‍ ഇന്‍ഫ്രാ സ്ട്രക്ചര്‍ ഡവലപ്പ്മെന്റ് കോര്‍പ്പറേഷന്‍ നിര്‍മ്മിക്കുന്ന കീഴ്മുറിക്കടവ് മൂതിക്കയം റെഗുലേറ്റര്‍ കം ബ്രിഡ്ജ് നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ;

പ്രസ്തുത പ്രവൃത്തി പൂര്‍ത്തിയാക്കുന്നതിന് സമയപരിധി നിശ്ചയിച്ച് നല്‍കിയിട്ടുണ്ടോ; എങ്കില്‍ ഏത് തീയതിയില്‍ പൂര്‍ത്തിയാക്കാന്‍ കഴിയുമെന്നും പദ്ധതി അടിയന്തരമായി പൂര്‍ത്തീകരിച്ച് മണ്ഡലത്തിലെ കുടിവെള്ള പ്രശ്നത്തിന് ശാശ്വത പരിഹാരം കാണുന്നതിന് ആവശ്യമായ നടപടികള്‍ സ്വീകരിക്കുമോയെന്നും അറിയിക്കാമോ?

കോതമംഗലം മണ്ഡലത്തിലെ ആവോലിച്ചാല്‍ ലിഫ്റ്റ് ഇറിഗേഷന്‍ പദ്ധതിയുടെ നിലവിലെ സ്ഥിതി വ്യക്തമാക്കുമോ;

പ്രസ്തുത പദ്ധതിയുടെ സ്റ്റേജ് II- ന് അംഗീകാരം ലഭിക്കുന്നതിനായി പരിവേഷ് പോര്‍ട്ടലില്‍ വകുപ്പ് അടയ്ക്കാനുള്ള 40,39,000/-രൂപ അടച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

എംഎൽഎ ആസ്തി വികസന ഫണ്ട് വിനിയോഗിച്ച് പ്രവൃത്തി പൂർത്തീകരിച്ച തിരൂരങ്ങാടി മണ്ഡലത്തിലെ പാറയിൽ വി.സി.ബി.യിലുണ്ടായ ചോർച്ച ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ;

വി.സി.ബി.യുടെ ചോർച്ച പരിഹരിക്കുന്നതിന് മൈനർ ഇറിഗേഷൻ വിഭാഗവും ഇറിഗേഷൻ മെക്കാനിക്കൽ വിഭാഗവും സംയുക്തമായി നടത്തിയ പരിശോധന പ്രകാരം നിലവിലെ ഫൈബർ ഷട്ടർ മാറ്റി മെക്കാനിക്കൽ ഷട്ടർ സ്ഥാപിക്കുന്നതിനുള്ള തീരുമാനമെടുക്കുകയും ആയതിന്റെ എസ്റ്റിമേറ്റ് ഇറിഗേഷൻ വിഭാഗത്തിന് മെക്കാനിക്കൽ വിഭാഗം ലഭ്യമാക്കുകയും ചെയ്തിട്ടുണ്ടോ; എങ്കില്‍ പ്രസ്തുത പ്രവൃത്തിക്ക് ഭരണാനുമതി ലഭ്യമാക്കുന്നതിന് സ്വീകരിച്ച തുടർനടപടികൾ എന്തെല്ലാമെന്ന് വിശദമാക്കാമോ;

നിലവിൽ സ്ഥാപിച്ചിട്ടുള്ള ഫൈബർ ഷട്ടറുകൾ പ്രസ്തുത പദ്ധതിക്ക് അനുയോജ്യമല്ലെന്ന് കണ്ടെത്തിയത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഫൈബർ ഷട്ടറിന് പകരം മെക്കാനിക്കൽ ഷട്ടർ എന്നേക്ക് സ്ഥാപിക്കാൻ കഴിയുമെന്ന് വിശദമാക്കാമോ ?

വള്ളിക്കുന്ന് മണ്ഡലത്തിലെ മൂന്നിയൂര്‍ ഗ്രാമപഞ്ചായത്തില്‍ ജലസേചന വകുപ്പിന്റെ ഉടമസ്ഥതയിലുള്ള സ്ഥലം അംഗന്‍വാടി കെട്ടിടം നിര്‍മ്മിക്കുവാന്‍ അനുവദിക്കുന്നതുമായി ബന്ധപ്പെട്ട സര്‍ക്കാര്‍ ഫയല്‍ നം ഐ.ആർ 1/106/2022-ഡബ്ല്യു.ആർ.ഡി. ന്മേല്‍ സ്വീകരിച്ചു വരുന്ന നടപടികള്‍ വിശദമാക്കാമോ?

രാമമംഗലം പഞ്ചായത്തിലെ മെതിപാറ ലിഫ്റ്റ് ഇറിഗേഷൻ പദ്ധതി നിലവിൽ പ്രവർത്തനക്ഷമമല്ല എന്ന വസ്തുത പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത പദ്ധതിയുടെ വൈദ്യുതി കണക്ഷൻ പുന:സ്ഥാപിക്കുന്നതിനായി വകുപ്പുതലത്തിൽ എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

പദ്ധതി പ്രവർത്തനക്ഷമമല്ലാത്തത് കാരണം കർഷകർ നേരിടുന്ന ബുദ്ധിമുട്ട് പരിശോധിച്ചിട്ടുണ്ടോയെന്ന് വ്യക്തമാക്കാമോ;

പാടശേഖരത്തേക്ക് കാർഷികാവശ്യത്തിനായി ജലം എത്തിക്കുന്നതിന് മെതിപാറ ലിഫ്റ്റ് ഇറിഗേഷൻ പദ്ധതി അടിയന്തരമായി പ്രവർത്തനക്ഷമമാക്കുന്നതിന് നടപടികൾ സ്വീകരിക്കുമോ; വിശദമാക്കാമോ;

വകുപ്പുകൾ തമ്മിലുള്ള ഏകോപനമില്ലായ്മയാണ് പ്രസ്തുത പ്രതിസന്ധിയ്ക്ക് കാരണമെന്ന് പരിശോധിച്ചിട്ടുണ്ടോ; എങ്കിൽ പ്രതിസന്ധികൾ പരിഹരിച്ച് കാർഷിക ആവശ്യത്തിന് ജലം എത്തിക്കാൻ നടപടികൾ സ്വീകരിക്കുമോ;വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം നടപ്പിലാക്കിയിട്ടുള്ള ജലസേചന പദ്ധതികളുടെ വിശദാംശങ്ങള്‍ നല്‍കാമോ;

പ്രസ്തുത പദ്ധതികളില്‍ പട്ടാമ്പി മണ്ഡലത്തില്‍ അനുവദിച്ച പദ്ധതികളുടെ പേര്, ഭരണാനുമതി നൽകിയ തുക, പദ്ധതികളുടെ പുരോഗതി എന്നിവയെപ്പറ്റിയുള്ള വിശദ വിവരങ്ങൾ പഞ്ചായത്തടിസ്ഥാനത്തില്‍ ലഭ്യമാക്കുമോ;

പട്ടാമ്പി മണ്ഡലത്തില്‍ നവീകരിക്കുവാൻ ബാക്കിയുള്ള ജലാശയങ്ങളുടെ പഞ്ചായത്ത് അടിസ്ഥാനത്തിലുള്ള വിശദാംശങ്ങള്‍ ലഭ്യമാക്കാമോ?

ചാത്തന്നൂർ മണ്ഡലത്തിലുൾപ്പെട്ട പരവൂർ കായലിൽ അടിഞ്ഞുകൂടിയിട്ടുള്ള വലിയ മൺകൂനകൾ നീക്കം ചെയ്യുന്നതിന് മേജർ ഇറിഗേഷൻ വകുപ്പ് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത മൺകൂനകൾ നീക്കം ചെയ്യുന്നതിന് കാലതാമസം നേരിടുന്നത് എന്തുകൊണ്ടാണെന്നും പ്രവൃത്തിയുടെ നിലവിലെ സ്ഥിതി എന്താണെന്നും അറിയിക്കാമോ;

കാലതാമസം ഒഴിവാക്കി എത്രയും വേഗം മൺകൂനകൾ നീക്കം ചെയ്യുന്നതിന് നടപടികൾ സ്വീകരിക്കുമോയെന്ന് വിശദമാക്കാമോ?

തിരൂരങ്ങാടി മണ്ഡലത്തിലെ തെന്നല മറക്കപ്പാടം കാപ്പ് നവീകരണ പദ്ധതിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിക്ക് ഭരണാനുമതി ലഭ്യമായെങ്കിലും കയ്യേറ്റം ഉണ്ടെന്ന പരാതി പ്രകാരം തുടർനടപടി സ്വീകരിക്കാതെ പ്രവൃത്തി മാറ്റിവെച്ചത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സാങ്കേതിക അനുമതി ലഭ്യമാക്കി ടെൻഡർ നടപടികളും പൂർത്തീകരിച്ച് പ്രവൃത്തി ആരംഭിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

ജി.എസ്.ടി. നിരക്കും എസ്റ്റിമേറ്റ് നിരക്കും വർദ്ധിച്ചതിനാൽ എസ്റ്റിമേറ്റിൽ പറയുന്ന പ്രകാരം പ്രവൃത്തി നടപ്പിലാക്കാൻ നിലവിലെ ഭരണാനുമതി തുക പര്യാപ്തമല്ലാത്തതിനാല്‍ എസ്റ്റിമേറ്റ് പുതുക്കി പ്രവൃത്തി മുന്നോട്ടു കൊണ്ടുപോകുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

കാട്ടാക്കട മണ്ഡലത്തിലെ പള്ളിച്ചല്‍ പഞ്ചായത്തില്‍ 2024-25 ബജറ്റില്‍ അനുബന്ധം II വാല്യം II-ല്‍ ക്രമ നമ്പര്‍ 2745 ആയി തുമ്പോട്ടുകോണം പാലം നിര്‍മ്മിക്കുന്ന പദ്ധതിയ്ക്ക് 20 ശതമാനം തുക വകയിരുത്തി തദ്ദേശ സ്വയംഭരണ വകുപ്പില്‍ ഉള്‍പ്പെടുത്തിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പദ്ധതി നടപ്പിലാക്കുന്നതിനുള്ള നിരാക്ഷേപ സാക്ഷ്യ പത്രത്തിനായി തദ്ദേശ സ്വയംഭരണ വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയര്‍ അപേക്ഷ സമര്‍പ്പിച്ചിട്ടുണ്ടോ; എങ്കില്‍ അപേക്ഷയിന്മേല്‍ സ്വീകരിച്ച നടപടികള്‍ എന്താണെന്നറിയിക്കാമോ; പ്രസ്തുത നടപടികളുടെ പകര്‍പ്പ് ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി നിയോജകമണ്ഡലത്തില്‍ ഭൂജല വകുപ്പ് മുഖാന്തിരം എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

പ്രസ്തുത പദ്ധതികളില്‍ ഓരോന്നിനും അനുവദിച്ച തുക, അവയുടെ നിലവിലെ സ്ഥിതി സംബന്ധിച്ച വിവരം എന്നിവ തരം തിരിച്ച് വ്യക്തമാക്കുമോ; ബന്ധപ്പെട്ട ഉത്തരവുകളുടെ പകര്‍പ്പ് ലഭ്യമാക്കുമോ?

കേരള ഇറിഗേഷന്‍ ഇന്‍ഫ്രാസ്ട്രക്ചര്‍ ഡെവലപ്മെന്റ് കോര്‍പ്പറേഷന്‍ ലിമിറ്റഡ് (കെ.ഐ.ഐ.ഡി.സി.) മുഖേന സംസ്ഥാനത്തെ എല്ലാ തദ്ദേശസ്വയംഭരണ സ്ഥാപനങ്ങളിലും ജലഗുണനിലവാര നിർണയ ലാബുകൾ സ്ഥാപിക്കുവാൻ ഉദ്ദേശിക്കുന്നുണ്ടോ; എങ്കിൽ ഇത് സംബന്ധിച്ച് ഇതുവരെ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

മണ്ണാർക്കാട് മണ്ഡലത്തിൽ പ്രസ്തുത പദ്ധതി ഏതെല്ലാം തദ്ദേശസ്വയംഭരണ സ്ഥാപനങ്ങളിലാണ് പൂർത്തിയായത്; വിശദാംശം നൽകാമോ?

സംസ്ഥാനത്ത് ലഭിക്കുന്ന ജലം സംരക്ഷിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കുമോ;

കാലാവസ്ഥാ വ്യതിയാനം മൂലമുണ്ടാകുന്ന ജല ലഭ്യതയുടെ ഏറ്റക്കുറച്ചിൽ തിരിച്ചറിഞ്ഞ് ജല വർദ്ധനവിനും സംരക്ഷണത്തിനും പദ്ധതി തയ്യാറാക്കിയിട്ടുണ്ടോയെന്ന് അറിയിക്കുമോ;

സംസ്ഥാനത്തിന്റെ ജലവിഭവം സംരക്ഷിക്കുന്നതിനായി ജലനയം രൂപീകരിക്കുന്ന കാര്യം പരിഗണനയിലുണ്ടോ; എങ്കില്‍ വിശദാംശം നൽകുമോ?

ചിറ്റൂര്‍ താലൂക്കിലെ ഭൂഗർഭ ജലവിതാനത്തിന്റെ കണക്ക് പരിശോധിച്ചിട്ടുണ്ടോ; അത് മോസ്റ്റ് ക്രിട്ടിക്കല്‍ വിഭാഗത്തില്‍പ്പെട്ട സ്ഥലമാണോ;

പാലക്കാട് ജില്ലയിലെ മഴനിഴല്‍ പ്രദേശങ്ങള്‍ ഏതൊക്കെയാണെന്ന് അറിയിക്കുമോ;

ജലദൗര്‍ലഭ്യം കാരണം പ്ലാച്ചിമടയിൽ കൊക്കകോള കമ്പനിയും പുതുശ്ശേരിയില്‍ പെപ്സികോള കമ്പനിയും പൂട്ടണം എന്ന് ആവശ്യപ്പെട്ട് നടത്തിയ സമരം ശ്രദ്ധയിൽപ്പെട്ടിട്ടുണ്ടോ; അവിടുത്തെ ഇപ്പോഴത്തെ ജലവിതരണം എപ്രകാരമാണ്; വിശദമാക്കുമോ?

നാഷണല്‍ ഹൈവേയുമായി ബന്ധപ്പെട്ട് ചവറ മണ്ഡലത്തില്‍ വാട്ടര്‍ അതോറിറ്റിയുടെ പൈപ്പ് പൊട്ടിച്ച് ജലം പാഴാക്കിയതിന് പിഴയായി നാഷണല്‍ ഹൈവേസ് അതോറിറ്റി ഓഫ് ഇന്ത്യയ്ക്ക് നാളിതുവരെ എത്ര രൂപയുടെ ബില്ലുകള്‍ നല്‍കി എന്നറിയിക്കാമോ;

ചവറ പന്മന കുടിവെള്ള പദ്ധതിയുടെ പൈപ്പ്‍ലൈന്‍ പൊട്ടിച്ച് പാഴാക്കുന്ന ജലത്തിന്റെ കണക്ക് കൂടി ഉള്‍പ്പെടുത്തിയാണോ ബില്ല് നല്‍കുന്നത്; വ്യക്തമാക്കുമോ;

അല്ലെങ്കില്‍ ജലനിധിയുടെ പാഴാകുന്ന വെള്ളത്തിന് നഷ്ടപരിഹാരം ലഭിക്കാന്‍ എന്ത് നടപടിയാണ് സ്വീകരിക്കാന്‍ കഴിയുകയെന്ന് അറിയിക്കാമോ?

എരുമേലി പഞ്ചായത്തിലെ ജലവിതരണ ശൃംഖല നവീകരിക്കുന്നതിനായി സ.ഉ.(സാധാ) നം.799/2018/ഡബ്യു.ആർ.ഡി. പ്രകാരം 07.11.2018 ൽ NABARD TRANCHE–XXIV -ൽ ഉൾപ്പെടുത്തി 12.6 കോടി രൂപയുടെ ഭരണാനുമതി ലഭിച്ച പ്രവൃത്തിയുടെ കാലാവധി 2024 സെപ്റ്റംബർ 30 ന് അവസാനിച്ചതുമൂലം എരുമേലി പഞ്ചായത്തിലെ മൂന്ന് പ്രവൃത്തികൾ സ്തംഭനാവസ്ഥയിലായിരിക്കുന്നത് പരിഹരിക്കുന്നതിന് സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

എരുമേലി ഗ്രാമപഞ്ചായത്തിലെ ജൽജീവൻ മിഷന്റെ നിലവിലെ സ്ഥിതി സംബന്ധിച്ച വിശദാംശം വ്യക്തമാക്കുമോ?

സംസ്ഥാനത്തെ വാട്ടർ ടേബിൾ സംബന്ധിച്ച് ജല വകുപ്പ് പഠനം നടത്തിയിട്ടുണ്ടോ; ഇത് സംബന്ധിച്ച് ഒടുവിൽ നടത്തിയ പഠന റിപ്പോർട്ടിന്റെ പകർപ്പ് ലഭ്യമാക്കാമോ?

കേരള വാട്ടര്‍ അതോറിറ്റിയില്‍ കണക്ഷന് ആനുപാതികമായി മീറ്റര്‍ റീഡര്‍മാര്‍ നിലവിലുണ്ടോ; വിശദമാക്കുമോ;

ഇല്ലെങ്കില്‍ മീറ്റര്‍ റീഡര്‍മാരുടെ ജില്ല തിരിച്ചുള്ള ഒഴിവുകളുടെ കണക്ക് ലഭ്യമാക്കുമോ;

തസ്തിക പരിവര്‍ത്തനത്തിലൂടെ മീറ്റര്‍ റീഡര്‍ തസ്തിക വര്‍ധിപ്പിക്കുന്ന കാര്യം സര്‍ക്കാറിന്റെ പരിഗണനയിലുണ്ടോ?

പുതുക്കാട് മണ്ഡലത്തിലെ വിവിധ പഞ്ചായത്തുകളിൽ വാട്ടർ അതോറിറ്റിയുടെ പൈപ്പുകൾ സ്ഥാപിക്കുന്നതിനും പൈപ്പുകൾ സ്ഥാപിച്ച റോഡുകളിൽ റെസ്റ്റൊറേഷൻ പ്രവൃത്തികൾ നടത്തുന്നതിനും വലിയ കാലതാമസം വരുന്നത് ശ്രദ്ധയിൽപ്പെട്ടിട്ടുണ്ടോ;

പുതുക്കാട്-മുപ്ലിയം-കോടാലി റോഡ്, കുറുമാലി-തൊട്ടിപ്പാൾ-മുളങ്ങ് റോഡ്, ചെങ്ങാലൂർ-മണ്ണംപേട്ട-മാവിൻ ചുവട് റോഡ്, നന്തിപുലം-വരന്തരപ്പിള്ളി റോഡ്, ആമ്പല്ലൂർ-പാലപ്പിള്ളി റോഡ്, കൊടകര-വെള്ളിക്കുളങ്ങര-കോടാലി റോഡ്, തൈക്കാട്ടുശ്ശേരി-തലോർ റോഡ്, പല്ലിശ്ശേരി ചർച്ച് റോഡ് ഉൾപ്പടെയുള്ള വിവിധ റോഡുകളിൽ വാട്ടർ അതോറിറ്റി, ജല്‍ജീവൻ മിഷൻ എന്നിവയുടെ പൈപ്പുകൾ സ്ഥാപിക്കുന്ന പ്രവൃത്തിയും ആയതിന്റെ റെസ്റ്റൊറേഷൻ പ്രവൃത്തികളും ഉടൻ പൂർത്തിയാക്കുന്നതിനാവശ്യമായ അനുമതിയും ഫണ്ടും അനുവദിക്കുവാൻ നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ജലവിഭവ വകുപ്പിന് കീഴില്‍ പയ്യന്നൂര്‍ നിയോജകമണ്ഡല പരിധിയില്‍ അനുവദിച്ച പദ്ധതികള്‍ ഏതൊക്കെയാണെന്നും അവയ്ക്കനുവദിക്കപ്പെട്ട തുകയും നിലവിലെ അവസ്ഥയും തരം തിരിച്ച് വിശദമാക്കാമോ?

അരുവിക്കര നിയാേജകമണ്ഡലത്തിലെ ജല്‍ജീവന്‍ മിഷന്‍ പ്രവര്‍ത്തനങ്ങളുടെ ലക്ഷ്യം, നിലവിലെ നിര്‍വഹണ പുരാേഗതി, പ്രതീക്ഷിക്കുന്ന പൂര്‍ത്തീകരണ തീയതി എന്നീ വിവരങ്ങള്‍ പഞ്ചായത്ത് അടിസ്ഥാനത്തില്‍ നല്‍കുമാേ?

ജൽജീവൻ മിഷൻ കുടിവെള്ള പദ്ധതിയുടെ ഒന്നാം ഘട്ടത്തിന്റെ കേന്ദ്ര വിഹിതവും സംസ്ഥാന വിഹിതവും എത്രയാണ്; കേന്ദ്ര വിഹിതം പൂർണ്ണമായും ലഭിച്ചിട്ടുണ്ടോ; കരാറുകാർക്ക് മുഴുവൻ തുകയും നൽകിയിട്ടുണ്ടോ; അറിയിക്കുമോ;

രണ്ടാം ഘട്ട കേന്ദ്ര വിഹിതവും സംസ്ഥാന വിഹിതവും എത്രയാണ്; കേന്ദ്ര വിഹിതം പൂർണ്ണമായും ലഭിച്ചിട്ടുണ്ടോ; കരാറുകാർക്ക് മുഴുവൻ തുകയും നൽകിയിട്ടുണ്ടോ;

സംസ്ഥാന വിഹിതമായി സർക്കാർ കരാറുകാർക്ക് നൽകാനുള്ള കുടിശ്ശിക എത്രയാണ്; വിശദാംശം നൽകുമോ;

സംസ്ഥാന വിഹിതം നൽകാത്തതിനെ തുടർന്ന് കരാറുകാർ പ്രവൃത്തികൾ നിർത്തിവെക്കുമെന്ന മുന്നറിയിപ്പ് നല്‍കിയ സാഹചര്യത്തിൽ കുടിശ്ശിക തുക കൊടുത്തു തീർക്കുവാൻ എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദാംശം നൽകുമോ?

പുനലൂർ നിയോജകമണ്ഡലത്തിലെ വിവിധ പഞ്ചായത്തുകളിൽ നടപ്പിലാക്കി വരുന്ന വിവിധ കുടിവെള്ള പദ്ധതികളുടെ വിശദാംശം ലഭ്യമാക്കാമോ; ഓരോ പഞ്ചായത്തിലും നടപ്പാക്കിയിട്ടുള്ള പദ്ധതികളുടെ നിലവിലെ സ്ഥിതി വിശദമാക്കാമോ;

പദ്ധതി പൂർണ്ണമായും പൂർത്തീകരിച്ചിട്ടുള്ള പഞ്ചായത്തുകളുടെയും ഇനിയും പൂർത്തിയാക്കാൻ ഉള്ള പഞ്ചായത്തുകളുടെയും വിശദാംശം ലഭ്യമാക്കുമോ;

കരവാളൂർ, ഇടമുളക്കൽ എന്നീ പഞ്ചായത്തുകളിലായി ആകെ എത്ര ഗാർഹിക കണക്ഷനുകൾ കൊടുത്തിട്ടുണ്ടെന്നും ഈ പഞ്ചായത്തുകളിൽ ഇനിയും പൂർത്തിയാക്കാൻ അവശേഷിക്കുന്ന പ്രവൃത്തികളുടെ വിശദാംശങ്ങളും ലഭ്യമാക്കാമോ;

ഏരൂർ ഗ്രാമപഞ്ചായത്തിൽപ്പെട്ട ആയിരനല്ലൂർ കുടിവെള്ള പദ്ധതിയുടെ വിശദാംശങ്ങളും പദ്ധതി നടപ്പാക്കുന്നതിന് നിലവിലെ തടസ്സങ്ങൾ എന്തൊക്കെയാണെന്നും ആയത് പരിഹരിക്കുന്നതിന് വേണ്ടി സ്വീകരിച്ചിട്ടുള്ള നടപടികളും വിശദമാക്കാമോ?

കാസര്‍ഗോഡ് ജില്ലയില്‍ ജൽജീവന്‍ മിഷന്‍ മുഖേനയുള്ള പ്രവൃത്തികള്‍ എപ്പോൾ പൂര്‍ത്തീകരിക്കാന്‍ കഴിയുമെന്നും പ്രസ്തുത പ്രവൃത്തി ജില്ലയില്‍ എത്ര ശതമാനം പൂര്‍ത്തീകരിച്ചിട്ടുണ്ടെന്നും വ്യക്തമാക്കാമോ?

പാറത്തോട് ഗ്രാമപഞ്ചായത്തിലെ പാറത്തോട് - പാലപ്ര - കള്ളുവേലി - വേങ്ങത്താനം റോഡിൽ ജലജീവൻ മിഷന് ആവശ്യമായ പൈപ്പുകൾ ഇടുന്നതിന് റോഡ് കട്ട് ചെയ്യുന്നതിനുള്ള അനുമതിക്കായി പൊതുമരാമത്ത് വകുപ്പ് തയ്യാറാക്കിയിട്ടുള്ള എസ്റ്റിമേറ്റ് പ്രകാരമുള്ള തുക അടയ്ക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം വ്യക്തമാക്കുമോ?

ജല്‍ജീവന്‍ മിഷന്റെ ഭാഗമായി അമ്പലപ്പുഴ നിയാേജക മണ്ഡലത്തില്‍ നാളിതുവരെ നല്‍കിയ കണക്ഷനുകളും ഇനി നല്‍കാനുള്ള കണക്ഷനുകളും സംബന്ധിച്ച വിശദാംശം പഞ്ചായത്ത് തിരിച്ച് ലഭ്യമാക്കുമാേ;

പുതുതായി കുടിവെള്ള ടാങ്ക് സ്ഥാപിക്കുന്നതിന് സ്ഥലം വാങ്ങി ലഭ്യമാക്കിയ പുറക്കാട്, പുന്നപ്ര തെക്ക്, അമ്പലപ്പുഴ തെക്ക്, പുന്നപ്ര വടക്ക് എന്നീ ഗ്രാമപഞ്ചായത്തുകളിലെ ഓവര്‍ ഹെഡ് ടാങ്ക് നിര്‍മ്മാണ പ്രവൃത്തിയുടെ പുരാേഗതിയുടെ വിശദാംശം ലഭ്യമാക്കുമാേ?

വാമനപുരം മണ്ഡലത്തില്‍ ജല്‍ജീവന്‍ മിഷന്‍ മുഖാന്തരം ഇതുവരെ നല്‍കിയ കുടിവെള്ള കണക്ഷനുകളുടെ എണ്ണവും ഇനി നല്‍കാനുള്ള കണക്ഷനുകളുടെ എണ്ണവും ഗ്രാമപഞ്ചായത്തടിസ്ഥാനത്തില്‍ വിശദമാക്കാമോ;

തിരുവനന്തപുരം പ്രോജക്ട് ഡിവിഷന്റെ കീഴില്‍ മണ്ഡലത്തില്‍ ഏതെല്ലാം പദ്ധതികളാണ് സമ്പൂര്‍ണ്ണ കുടിവെള്ള കണക്ഷന്‍ നല്‍കുന്നതിനായി പുരോഗമിക്കുന്നതെന്നും ആയതിന്റെ തല്‍സ്ഥിതിയും വിശദമാക്കാമോ;

പ്രസ്തുത പ്രവൃത്തികള്‍ പൂര്‍ത്തിയാക്കുന്നതിന് എന്തെങ്കിലും തടസ്സങ്ങള്‍ നില നില്‍ക്കുന്നുണ്ടോ; എങ്കിൽ വിശദമാക്കാമോ?

കൊണ്ടോട്ടി മുനിസിപ്പാലിറ്റിയിൽ നടപ്പിലാക്കുന്ന കിഫ്ബി കുടിവെള്ള പദ്ധതിയുടെയും അമൃത് കുടിവെള്ള പദ്ധതിയുടെയും നിലവിലെ പുരോഗതി വിശദമാക്കാമോ;

കോഴിക്കോട് - പാലക്കാട് ദേശീയ പാതയില്‍ പൈപ്പ് ഇടുന്നതിന് നാഷണല്‍ ഹൈവേ അതോറിറ്റിയുടെ അനുമതി ലഭിച്ചിട്ടുണ്ടോ എന്ന് വിശദമാക്കാമോ; എങ്കില്‍ ഇതിന്റെ പ്രവൃത്തി എന്നത്തേക്ക് ആരംഭിക്കുവാന്‍ കഴിയുമെന്ന് അറിയിക്കാമോ;

കേരളത്തിലെ ഏറ്റവും വലിയ പട്ടികജാതി സങ്കേതങ്ങളിലൊന്നായ നെടിയിരുപ്പ് എന്‍.എച്ച്. പട്ടികജാതി സങ്കേതങ്ങളിലേയ്ക്ക് കുടിവെള്ളമെത്തിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

ഇതിനായി അമൃത് പദ്ധതിയില്‍ അഡീഷണല്‍ തുകയ്ക്ക്‌ വേണ്ടി മുനിസിപ്പാലിറ്റി നല്‍കിയ അപേക്ഷയില്‍ തീരുമാനമായിട്ടുണ്ടോ; വിശദാംശം ലഭ്യമാക്കാമോ?

ജൽജീവൻ മിഷനിലൂടെ എത്ര ഗ്രാമീണ വീടുകളിൽ കുടിവെള്ളമെത്തിക്കാനാണ് ലക്ഷ്യമിട്ടതെന്നും എത്ര വീടുകളിൽ കുടിവെള്ളം എത്തിച്ചുവെന്നും ഇനി എത്ര വീടുകളിൽ കുടിവെള്ളം ലഭ്യമാക്കാനുണ്ടെന്നും വ്യക്തമാക്കുമോ?

ചവറ നിയാേജക മണ്ഡലത്തിലെ ജൽജീവന്‍ പദ്ധതിയുടെ ഭാഗമായി പെെപ്പുകള്‍ സ്ഥാപിച്ച പഞ്ചായത്ത് റാേഡുകളുടെ പുനരുദ്ധാരണത്തിനായി എത്ര രൂപയുടെ ഭരണാനുമതി നല്‍കിയിട്ടുണ്ട്; പ്രസ്തുത തുക പഞ്ചായത്തിന് കെെമാറിയിട്ടുണ്ടാേ; പ്രവൃത്തി എത്രയും വേഗം പൂര്‍ത്തീകരിക്കാന്‍ നടപടി സ്വീകരിക്കുമാേ?

മുണ്ടക്കയം, കോരുത്തോട് പഞ്ചായത്തുകളിൽ നടപ്പിലാക്കിവരുന്ന ജല്‍ജീവൻ പദ്ധതിയുടെ പ്രവർത്തന പുരോഗതി വിശദമാക്കുമോ;

മുണ്ടക്കയം ശുദ്ധജല വിതരണ പദ്ധതിയിലെ പാക്കേജ് 2, പാക്കേജ് 6, പാക്കേജ് 7 എന്നിവയിലെ പ്രവൃത്തികളുടെ നിലവിലെ സ്ഥിതി വിശദമാക്കുമോ?

അമൃത് 2.0 പദ്ധതിയില്‍ ഉള്‍പ്പെട്ട പയ്യന്നൂര്‍ നഗരസഭ കുടിവെള്ള പദ്ധതിയുടെ പുരോഗതി അറിയിക്കാമോ;

പ്രസ്തുത പദ്ധതിയുടെ ഭാഗമായുള്ള ചപ്പാരപ്പടവ് കിണര്‍ നിര്‍മ്മാണം ഏത് ഘട്ടത്തിലാണെന്ന് വിശദമാക്കാമോ;

പദ്ധതി കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ പദ്ധതി സമയബന്ധിതമായി പൂര്‍ത്തീകരിക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കേരള വാട്ടര്‍ അതോറിറ്റി കായംകുളം ഡിവിഷന്റെ പരിധിയില്‍ എത്ര കുടിവെള്ള കണക്ഷനുകളാണ് നിലവില്‍ അനുവദിച്ചിട്ടുള്ളത്;

ജല്‍ജീവന്‍ മിഷന്‍, അമൃത് ഭാരത് പദ്ധതി പ്രകാരം കായംകുളം ഡിവിഷന്റെ പരിധിയില്‍ 2025 മാര്‍ച്ച് മാസത്തിനുള്ളില്‍ എത്ര കുടിവെള്ള കണക്ഷനുകള്‍ വിതരണം ചെയ്യാന്‍ കഴിയുമെന്നും ഈ പദ്ധതികള്‍ പൂര്‍ത്തീകരിക്കപ്പെടുമ്പോള്‍ കായംകുളം ഡിവിഷന്‍ ഓഫീസ് പരിധിയില്‍ ആകെ എത്ര കുടിവെള്ള കണക്ഷനുകള്‍ നല്‍കാന്‍ കഴിയുമെന്നും വ്യക്തമാക്കാമോ;

ആലപ്പുഴ ജില്ലയിലെ തെക്കന്‍ പ്രദേശങ്ങളില്‍ ഉള്‍പ്പെട്ടതും കായംകുളം ഡിവിഷന്‍ ഓഫീസിന്റെ പരിധിയില്‍ വരുന്നതുമായ 1.5 ലക്ഷം കുടിവെള്ള കണക്ഷനുകള്‍ ഉള്ള ഉപഭോക്താക്കളുടെ കുടിവെള്ള വിതരണവുമായി ബന്ധപ്പെട്ട പരാതികള്‍ ക്രമാതീതമായി ഉയരുന്ന സാഹചര്യത്തില്‍ റവന്യൂ ഓഫീസര്‍ തസ്തിക കായംകുളം കേന്ദ്ര കാര്യാലയത്തില്‍ നിന്നും ഷിഫ്റ്റ് ചെയ്ത് കായംകുളം ഡിവിഷണല്‍ ഓഫീസിലേയ്ക്ക് അനുവദിക്കുന്നതിനുള്ള നടപടി സ്വീകരിക്കുമോ?

ജൽജീവൻ മിഷന്റെ ഭാഗമായി പുനരുദ്ധാരണ പ്രവര്‍ത്തനങ്ങള്‍ ആവശ്യമായി വന്ന ഗ്രാമീണ റോഡുകളിൽ ആയത് നടത്തുന്നതിനാവശ്യമായ തുക പ്രസ്തുത മിഷനിൽ ഉൾപ്പെടുത്തി ഗ്രാമ പഞ്ചായത്തുകൾ മുഖാന്തരം കരാറുകാർക്ക് നൽകുന്നതിന് കഴിയുമോയെന്ന് വ്യക്തമാക്കാമോ; എങ്കിൽ അതിന്റെ വിശദാംശം നൽകാമോ;

പ്രസ്തുത പ്രവൃത്തികൾക്ക് ആലത്തൂർ മണ്ഡലത്തിലെ ഗ്രാമപഞ്ചായത്തുകളുടെ അടിസ്ഥാനത്തിൽ ജൽജീവൻ മിഷന് അനുവദിക്കേണ്ടി വരുന്ന തുകയുടെ വിശദാംശം നല്‍കുമോ ;

പ്രസ്തുത തുക നൽകുന്നതിന് സ്വീകരിച്ചുവരുന്ന മാനദണ്ഡങ്ങൾ എന്തൊക്കെയാണെന്ന് അറിയിക്കാമോ;

ജൽജീവൻ മിഷൻ പ്രവൃത്തികളുടെ ബില്ലുകൾ പാസ്സാക്കി കിട്ടുന്നതിന് കേരള വാട്ടർ അതോറിറ്റിയുടെ മറ്റ് ബില്ലുകളുടെ സീനിയോറിറ്റി തടസ്സമായി നിൽക്കുമോ; വിശദീകരണം നൽകാമോ?

സാമ്പത്തിക പ്രതിസന്ധി കാരണം 2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള തീരുമാനത്തെ തുടർന്ന് ജലവിഭവ വകുപ്പിലെ ഏതൊക്കെ പദ്ധതികൾക്കാണ് വെട്ടിക്കുറവ് സംഭവിച്ചിരിക്കുന്നതെന്നും എത്ര ശതമാനം വരെ വെട്ടിക്കുറവ് സംഭവിച്ചു എന്നുമുള്ള വിവരം പദ്ധതി തിരിച്ചു ലഭ്യമാക്കാമോ?

സംസ്ഥാനത്ത് ഓരോ ജില്ലയിലും മഴവെള്ള സംഭരണി വഴി എത്ര ലിറ്റർ ജലം സംഭരിക്കാൻ സാധിക്കും എന്ന കണക്ക് ജില്ലാ അടിസ്ഥാനത്തിൽ ലഭ്യമാക്കാമോ;

ഇപ്രകാരം ഓരോ ജില്ലയിലും മഴവെള്ള സംഭരണി വഴി എത്ര ലിറ്റർ ജലം സംഭരിക്കുന്നുണ്ട് എന്ന കണക്ക് ജില്ലാ അടിസ്ഥാനത്തിൽ ലഭ്യമാക്കാമോ?

കുന്നത്തുനാട് മണ്ഡലത്തില്‍ ജൽജീവന്‍ പദ്ധതി പ്രകാരം എത്ര തുകയുടെ പദ്ധതിയാണ് നടപ്പിലാക്കുന്നതെന്ന് പഞ്ചായത്ത് തിരിച്ച് വ്യക്തമാക്കാമോ;

പ്രസ്തുത പദ്ധതി പ്രകാരം എന്തെല്ലാം പ്രവൃത്തികളാണ് നടപ്പിലാക്കുന്നതെന്ന് വ്യക്തമാക്കാമോ;

പ്രസ്തുത പദ്ധതിയില്‍ ഉള്‍പ്പെടുത്തി എത്ര കണക്ഷനുകളാണ് ഈ മണ്ഡലത്തില്‍ നല്കുന്നതെന്ന് പഞ്ചായത്തുകള്‍ തിരിച്ചുളള കണക്കുകള്‍ ലഭ്യമാക്കാമോ;

ഈ പദ്ധതിയില്‍ ഉള്‍പ്പെടുത്തി നിലവില്‍ എത്ര കണക്ഷനുകള്‍ മണ്ഡലത്തില്‍ നാളിതുവരെ നല്‍കിയെന്ന് പഞ്ചായത്ത് തിരിച്ച് വ്യക്തമാക്കാമോ;

പ്രസ്തുത പദ്ധതിയില്‍ ഇനി എത്ര കണക്ഷന്‍ കൂടി മണ്ഡലത്തില്‍ നല്കുവാനുണ്ടെന്നും ഇത് എന്നത്തേയ്ക്ക് പൂര്‍ത്തീകരിക്കുവാന്‍ കഴിയുമെന്നും പഞ്ചായത്ത് തിരിച്ച് വ്യക്തമാക്കാമോ?

ഒറ്റപ്പാലം മണ്ഡലത്തിലെ ജല്‍ജീവന്‍ മിഷന്‍ പ്രവൃത്തികളുടെ പഞ്ചായത്ത് തിരിച്ചുള്ള പുരോഗതി വിശദമാക്കാമോ;

മണ്ഡലത്തിലെ പഞ്ചായത്ത് റോഡുകളുടെ റീസ്റ്റോറേഷന്‍ നടപടികളുടെ പുരോഗതി പഞ്ചായത്ത് അടിസ്ഥാനത്തില്‍ ലഭ്യമാക്കാമോ?

പാലാ നിയോജകമണ്ഡത്തിലെ വിവിധ പഞ്ചായത്തുകളില്‍ രൂക്ഷമായ കുടിവെള്ളക്ഷാമം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കുടിവെള്ളക്ഷാമം സമയബന്ധിതമായി പരിഹരിക്കുവാന്‍ നടപടി സ്വീകരിക്കുമോ; വിശദമാക്കാമോ;

പ്രസ്തുത നിയോജകമണ്ഡലത്തിലെ വിവിധ പഞ്ചായത്തുകളില്‍ പ്രത്യേകിച്ച് വേനല്‍ കാലങ്ങളില്‍ കുടിവെള്ളക്ഷാമം പരിഹരിക്കാന്‍ എന്തെല്ലാം പദ്ധതികളാണ് ആരംഭിച്ചിരിക്കുന്നത്; ഈ പദ്ധതികളുടെ നിലവിലെ സ്ഥിതി വ്യക്തമാക്കാമോ;

പ്രസ്തുത മണ്ഡലത്തില്‍ കുടിവെള്ളക്ഷാമം പരിഹരിക്കാന്‍ എന്തെങ്കിലും പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?

കഞ്ചിക്കോട്ടെ കിൻഫ്ര വ്യവസായ പാർക്കിലേക്ക് മലമ്പുഴയിൽ നിന്നും വെള്ളമെത്തിക്കാനുള്ള പദ്ധതി സംബന്ധിച്ചുള്ള സർക്കാർ രേഖകളുടെ പകർപ്പ് ലഭ്യമാക്കാമോ?

ജല അതോറിറ്റി ചിറ്റൂർ മേനോൻപാറയിലെ മലബാർ ഡിസ്റ്റിലറിക്ക് വെള്ളം നൽകാനുള്ള കരാറിൽ ഏർപ്പെട്ടിട്ടുണ്ടോ; എങ്കിൽ കരാറിന്റെ പകർപ്പ് ലഭ്യമാക്കാമോ?

കുറ്റ്യാടി നിയോജകമണ്ഡലത്തിലെ ജല്‍ജീവന്‍ മിഷന്റെ പുരോഗതി പഞ്ചായത്ത് തിരിച്ച് വിശദമാക്കാമോ;

പ്രസ്തുത മണ്ഡലത്തില്‍ ജല്‍ജീവന്‍ മിഷന് വേണ്ടി റോഡില്‍ കുഴിച്ച കുഴികള്‍ പൂര്‍വസ്ഥിതിയിലാക്കുന്ന പ്രവര്‍ത്തനം ഏത് ഘട്ടത്തിലാണെന്നും ഈ പ്രവര്‍ത്തനം മഴക്കാലത്തിന് മുമ്പ് പൂര്‍ത്തിയാക്കാന്‍ നടപടി സ്വീകരിക്കുമോയെന്നും വിശദമാക്കാമോ?

ജൽജീവൻ കുടി​വെളള പദ്ധതിക്ക് സംസ്ഥാന സർക്കാർ രണ്ടാംഘട്ട വിഹിതം നൽകാൻ ബാക്കിയുണ്ടോയെന്ന് വ്യക്തമാക്കാമോ;

കരാറുകാർക്ക് കോടികളുടെ കുടിശിക ഉണ്ടെന്നുളളത് വസ്തുതയാണോ; വിശദമാക്കാമോ;

കുടിവെളള പദ്ധതിയുടെ നിർമ്മാണ പ്രവൃത്തികൾ നടത്തികൊണ്ടിരിക്കുന്ന സംസ്ഥാനത്തെ മൊത്തം കരാറുകാർക്ക് എത്ര രൂപയാണ് ജല്‍ജീവനിൽ നിന്ന് കുടിശിക ഇനത്തിൽ ലഭിക്കാനുളളതെന്ന് മണ്ഡലം തിരിച്ച് വ്യക്തമാക്കാമോ;

സീനിയോറിറ്റി മറികടന്ന് വൻകിടക്കാർക്ക് അവിഹിതമായി പണം നൽകുന്നുവെന്ന ആരോപണം സാധൂകരിക്കുന്ന തെളിവുകൾ ഉണ്ടൊയെന്ന് വ്യക്തമാക്കാമോ;

ഏത് വർഷമാണ് ജല്‍ജീവൻ പദ്ധതി ആരംഭിച്ചതെന്നും ഏത് വർഷം പൂർത്തിയാക്കാനാണ് ആദ്യ നിർദ്ദേശം എന്നും ഇപ്പോൾ മാറ്റം വന്നിട്ടുണ്ടോയെന്നും അറിയിക്കാമോ;

ആദ്യഘട്ടത്തിൽ സംസ്ഥാന വിഹിതവും കേന്ദ്ര വിഹിതവും എത്ര രൂപയാണ് ലഭ്യമാക്കിയിരുന്നതെന്ന് വ്യക്തമാക്കാമോ;

രണ്ടാംഘട്ടത്തിൽ കേന്ദ്ര സംസ്ഥാന വിഹിതം എത്രയാണെന്ന് വ്യക്തമാക്കാമോ; സംസ്ഥാന സർക്കാർ പണം മുടക്കിയിട്ടുണ്ടോ; ഇല്ലെങ്കിൽ കാരണം വിശദമാക്കാമോ; സംസ്ഥാനത്തിന് പണം മുടക്കാന്‍ കഴിയാത്തത് പദ്ധതിയെ സാരമായി ബാധിച്ചിട്ടുണ്ടെന്നത് വസ്തുതയാണോ; വ്യക്തമാക്കാമോ?

ജല്‍ജീവന്‍ മിഷന്റെ പ്രവര്‍ത്തനം ഇപ്പോള്‍ ഏത് ഘട്ടത്തിലാണ്; വിശദാംശം ലഭ്യമാക്കുമോ;

2020-ല്‍ തുടങ്ങിയ പ്രസ്തുത പദ്ധതി എത്ര ശതമാനം പൂര്‍ത്തിയായെന്നും ബാക്കിയുള്ളത് എപ്പോള്‍ പൂര്‍ത്തീകരിക്കുമെന്നും വ്യക്തമാക്കുമോ;

കേന്ദ്ര - സംസ്ഥാന സര്‍ക്കാരുകള്‍ സംയുക്തമായി നടത്തുന്ന പ്രസ്തുത പദ്ധതി എത്ര തുകയുടേതെന്നും എത്ര തുക നാളിതുവരെ ചെലവാക്കി എന്നും ഇതില്‍ കേന്ദ്ര വിഹിതം എത്ര, സംസ്ഥാന വിഹിതം എത്ര എന്നും വ്യക്തമാക്കുമോ;

പ്രസ്തുത പദ്ധതി വഴി എത്ര ഗ്രാമീണ വീടുകളില്‍ കുടിവെള്ളം എത്തിച്ചെന്നും ഇനി നല്‍കേണ്ടത് എത്രയെന്നും വ്യക്തമാക്കുമോ?

ജല്‍ജീവൻ പദ്ധതി പ്രകാരമുള്ള പ്രവൃത്തികൾ ഏറ്റെടുത്ത കരാറുകാർക്ക് പണി പൂർത്തിയാക്കിയിട്ടും തുക കൈമാറാനാകാത്ത സാഹചര്യം ഉണ്ടായിട്ടുണ്ടോ; എങ്കിൽ വിശദമാക്കുമോ;

ഇപ്രകാരം എത്ര തുക കരാറുകാർക്ക് കുടിശ്ശികയായിട്ടുണ്ട്; അറിയിക്കുമോ;

പൂർത്തീകരിച്ച പ്രവൃത്തികളുടെ ബിൽ തുക കരാറുകാർക്ക് നൽകിയോ; എങ്കില്‍ ഏതെല്ലാം കരാറുകാര്‍ക്കാണ് നല്കിയതെന്ന് ജില്ല തിരിച്ച് വ്യക്തമാക്കാമോ; ആയത് നല്‍കുന്നതിനുള്ള മാനദണ്ഡം എന്താണ്;

ലഭ്യമാകുന്ന ഫണ്ട് സീനിയോറിറ്റി മറികടന്നു ആര്‍ക്കെങ്കിലും ബില്‍ തുക വിതരണം നടത്തിയിട്ടുണ്ടോ; എങ്കില്‍ ആര്‍ക്കാണ് നല്‍കിയതെന്നും എന്താണ് കാരണം എന്നും അവര്‍ ചെയ്ത പ്രവൃത്തികള്‍ ഏതെല്ലാമാണെന്നും അറിയിക്കുമോ;

കരാറുകാരുടെ കുടിശിക അടിയന്തിരമായി കൊടുത്ത് തീര്‍ക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ?

ആലപ്പുഴ നിയോജക മണ്ഡലത്തില്‍ ജൽജീവന്‍ മിഷനു വേണ്ടി പൈപ്പുകള്‍ സ്ഥാപിക്കുന്നതിനായി പ്രാദേശിക റോഡുകളുള്‍പ്പെടെയുള്ള റോഡുകൾ കുഴിച്ചതിന്റെ ഫലമായി പ്രസ്തുത റോഡുകളെല്ലാം സഞ്ചാരയോഗ്യമല്ലാതായിതീര്‍ന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത റോഡുകളെല്ലാം പൂര്‍വ്വസ്ഥിതിയിലാക്കുന്നതിന് ഫണ്ട് ഡെപ്പോസിറ്റ് ചെയ്തിട്ടുണ്ടോ;

പ്രസ്തുത റോഡുകളുടെ പുനരുദ്ധാരണം എപ്പോള്‍ പൂര്‍ത്തീകരിക്കുമെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നശേഷം മഞ്ചേരി നിയോജക മണ്ഡലത്തിൽ നടപ്പിലാക്കിയ ശുദ്ധജല വിതരണ പദ്ധതികൾ ഏതൊക്കെയെന്ന് വ്യക്തമാക്കാമോ;

മഞ്ചേരി മണ്ഡലത്തിലെ എല്ലാ പഞ്ചായത്തുകളിലും നഗരസഭയിലെ എല്ലാ വാർഡുകളിലും പൊതുജനങ്ങൾക്ക് കുടിവെള്ളം ലഭ്യമാക്കുന്നതിന് ആവശ്യമായ പുതിയ സമ്പൂർണ്ണ കുടിവെള്ള പദ്ധതികൾ ആവിഷ്കരിച്ച് നടപ്പിലാക്കാൻ ഉദ്ദേശിക്കുന്നുണ്ടോ; വിശദമാക്കുമോ;

മഞ്ചേരി മണ്ഡലത്തിൽ ജൽജീവൻ മിഷൻ നടപ്പിലാക്കിവരുന്ന പദ്ധതികളുടെ പുരോഗതി സംബന്ധിച്ച് വിശദമാക്കാമോ;

2025-26 വർഷത്തിൽ ജലവിഭവ വകുപ്പ് മഞ്ചേരി മണ്ഡലത്തിൽ നടപ്പിലാക്കാൻ ഉദ്ദേശിക്കുന്ന പുതിയ പദ്ധതികൾ ഏതൊക്കെയാണെന്ന് വിശദമാക്കാമോ?

ജല്‍ജീവൻ മിഷന്റെ പ്രവർത്തനം ഇപ്പോൾ ഏത് ഘട്ടത്തിലാണ്; വിശദാംശം ലഭ്യമാക്കുമോ;

2020-ൽ ആരംഭിച്ച ടി പദ്ധതി എത്ര ശതമാനം പൂർത്തിയായെന്നും എപ്പോൾ പദ്ധതി പൂർത്തീകരിക്കുമെന്നും വ്യക്തമാക്കുമോ;

കേന്ദ്ര-സംസ്ഥാന സർക്കാരുകൾ നടത്തുന്ന സംയുക്ത പദ്ധതിയുടെ വിഹിതം എത്രയാണെന്ന് തരംതിരിച്ച് വ്യക്തമാക്കുമോ;

നാളിതുവരെ എത്ര തുക ചെലവാക്കിയെന്നും ഇതിൽ കേന്ദ്ര-സംസ്ഥാന വിഹിതങ്ങള്‍ എത്രയെന്നും തരംതിരിച്ച് വ്യക്തമാക്കുമോ?

മലമ്പുഴ ഡാമിന്റെ നിലവിലെ സംഭരണ ശേഷി എത്രയാണ്;

പാലക്കാട് ജില്ലയില്‍ പ്രതിദിനം എത്ര ദശലക്ഷം ഘനമീറ്റര്‍ വെള്ളമാണ് ശുദ്ധജല പമ്പിങ്ങിന് ആവശ്യമായി വരുന്നത്; ഒരു മാസത്തേക്ക് ശുദ്ധജല വിതരണത്തിനായി എത്ര ദശലക്ഷം ഘനമീറ്റര്‍ ജലം ആവശ്യമാണന്ന് അറിയിക്കാമോ;

വേനല്‍ കടുക്കുന്ന മാസങ്ങളില്‍ ഭാരതപ്പുഴയിലെ ശുദ്ധജല ലഭ്യത ഉറപ്പാക്കാന്‍ എത്ര ദശലക്ഷം ഘനമീറ്റര്‍ വരെ വെള്ളം കരുതിവെയ്ക്കണമെന്ന് വ്യക്തമാക്കുമോ;

പാലക്കാട് ജില്ലയിലെ കൃഷിയ്ക്കും രണ്ടാം വിള നെല്‍കൃഷിയ്ക്കുമായി എത്ര ദശലക്ഷം ഘനമീറ്റര്‍ വെള്ളം ആവശ്യമാണ്; വിശദമാക്കുമോ;

എത്ര ദശലക്ഷം ലിറ്റര്‍ വെള്ളമാണ് കിന്‍ഫ്ര ആവശ്യപ്പെട്ടതെന്നും നിലവില്‍ എത്ര ദശലക്ഷം ലിറ്റര്‍ വെള്ളമാണ് നല്‍കുന്നതെന്നും അറിയിക്കാമോ;

ഒയാസിസ് കമ്പനി ദിവസേന എത്ര ദശലക്ഷം ലിറ്റര്‍ വെള്ളമാണ് ആവശ്യപ്പെട്ടിരിക്കുന്നതെന്നും എത്ര ദശലക്ഷം ലിറ്റര്‍ വെള്ളം നല്‍കാമെന്നാണ് സര്‍ക്കാര്‍ ഉറപ്പ് നല്‍കിയിട്ടുള്ളതെന്നും അറിയിക്കാമോ?

ജല്‍ജീവന്‍ മിഷന് വേണ്ടിയുള്ള പെെപ്പുകള്‍ സ്ഥാപിക്കുന്നതിനായി ഗുരുവായൂര്‍ നിയോജക മണ്ഡലത്തില്‍ തദ്ദേശ സ്വയംഭരണ സ്ഥാപനങ്ങളുടെ റോഡുകള്‍ കുഴിച്ചത് പൂര്‍വ്വ സ്ഥിതിയിലാക്കാത്തതിനാല്‍ അവ സഞ്ചാരയോഗമല്ലാതായ സാഹചര്യം ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡുകള്‍ പുനര്‍ നിര്‍മ്മാണം നടത്തുന്നതിന് അനുവദിച്ച ഫണ്ടിന്റെ വിവരങ്ങള്‍ പഞ്ചായത്ത് / നഗരസഭ അടിസ്ഥാനത്തില്‍ ലഭ്യമാക്കാമോ;

മേല്‍ പ്രകാരം തകര്‍ന്ന റോഡുകളുടെ വിശദാംശങ്ങളും അവ പൂര്‍ത്തീകരിക്കുന്നതിന് സ്വീകരിച്ച നടപടികളും വിശദമാക്കാമോ?

ഹരിപ്പാട് കുടിവെള്ള പദ്ധതിയുടെ നിര്‍വ്വഹണ പുരോഗതിയും പഞ്ചായത്ത് തലത്തിലുളള വിതരണ ലൈനുകളുടെ നിര്‍മ്മാണം ഉള്‍പ്പെടെയുളള പ്രവർത്തനങ്ങളുടെ പുരോഗതിയും അറിയിക്കാമോ;

ജല്‍ജീവന്‍ മിഷന്റെ നിര്‍വ്വഹണ കാലാവധി അവസാനിച്ച സാഹചര്യത്തില്‍ സംസ്ഥാനത്തുടനീളം ജൽജീവന്‍ മിഷന്‍ പ്രകാരം ടെണ്ടര്‍ ചെയ്ത വിവിധ പ്രവൃത്തികൾക്ക് ലെറ്റർ ഓഫ് അക്‌സെപ്റ്റൻസ് നല്‍കാന്‍ സാധിക്കാത്ത വിഷയം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടിയാണ് സ്വീകരിച്ചതെന്ന് വ്യക്തമാക്കുമോ;

കേന്ദ്ര സര്‍ക്കാരിന്റെ മുന്‍പാകെ ഈ വിഷയം അവതരിപ്പിച്ചിട്ടുണ്ടോ; പ്രത്യേക പ്രതിനിധി സംഘം ഈ വിഷയവുമായി ബന്ധപ്പെട്ട് കേന്ദ്ര സര്‍ക്കാരുമായി ചര്‍ച്ച നടത്തിയിട്ടുണ്ടോ;

ഈ സാങ്കേതിക പ്രശ്നം മറികടക്കുന്നതിന് സര്‍ക്കാര്‍ തലത്തില്‍ തന്നെ പ്രത്യേക അനുമതി നല്‍കി ഈ പ്രശ്നം പരിഹരിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?

തൃക്കാക്കര മണ്ഡലത്തിലെ കടവന്ത്ര കെ.പി. വള്ളോന്‍ റോഡിലൂടെയുള്ള ജല അതോറിറ്റിയുടെ പൈപ്പിടുന്ന പ്രവൃത്തിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിക്കായി അനുവദിച്ച തുക എത്രയെന്നും ആരാണ് കരാര്‍ ഏറ്റെടുത്തിട്ടുള്ളതെന്നും കരാര്‍ പ്രകാരം എന്നാണ് പ്രവൃത്തി പൂര്‍ത്തീകരിക്കേണ്ടതെന്നും വിശദമാക്കാമോ;

പൈപ്പിടല്‍ പ്രവൃത്തിക്കായി പൊളിച്ചിട്ടിരിക്കുന്ന നഗരത്തിലെ തിരക്കേറിയ പ്രസ്തുത റോഡിന്റെ പുനരുദ്ധാരണ പ്രവൃത്തിയുടെ നിര്‍വഹണ ഏജന്‍സി ആരെന്നും പ്രസ്തുത പ്രവൃത്തി എന്നത്തേക്ക് ആരംഭിക്കുന്നുവെന്നും വ്യക്തമാക്കാമോ;

റോഡ് പൊളിച്ചിട്ടിരിക്കുന്നതിനാല്‍ അനുഭവപ്പെടുന്ന പൊടിശല്യവും പ്രദേശവാസികള്‍ രോഗബാധിതരാവുന്നതും കണക്കിലെടുത്ത് റോഡില്‍ വെള്ളം നനയ്ക്കാനും രോഗബാധിതരാവുന്നവര്‍ക്ക് നഷ്ടപരിഹാരം ലഭ്യമാക്കാനും നടപടികള്‍ സ്വീകരിക്കുമോ;

തിരക്കേറിയ പ്രസ്തുത റോഡ് പൊളിച്ചിട്ടിരിക്കുന്നതിനാല്‍ പൊതുജനങ്ങള്‍ നേരിടുന്ന ബുദ്ധിമുട്ടുകള്‍ കണക്കിലെടുത്ത് റോഡിന്റെ പുനരുദ്ധാരണ പ്രവൃത്തി എന്നത്തേക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കാമോ?

ചങ്ങനാശേരി, കാഞ്ഞിരപ്പള്ളി, റാന്നി, പൂഞ്ഞാർ നിയോജകമണ്ഡലങ്ങളിലെ ജല്‍ജീവന്‍ പദ്ധതിയുമായി ബന്ധപ്പെട്ട പ്രവർത്തികളുടെ പുരോഗതി അറിയിക്കാമോ;

ഏതൊക്കെ ഭാഗങ്ങളില്‍ തുക അനുവദിച്ചതിന്‍ പ്രകാരം പദ്ധതി പൂർത്തിയായിട്ടുണ്ടെന്ന് അറിയിക്കാമോ;

ബാക്കിയുള്ള സ്ഥലങ്ങളി‍ല്‍ എത്രയും വേഗം പണികള്‍ പൂർത്തിയാക്കാന്‍ നടപടി സ്വീകരിക്കാമോ?

ചിറ്റൂർ മേനോൻപാറയിലെ മലബാർ ഡിസ്റ്റിലറിയുടെ പ്രവര്‍ത്തനങ്ങള്‍ ജല അതോറിറ്റി വെള്ളം ലഭ്യമാക്കാത്തതുമൂലം പ്രതിസന്ധിയിലായ വിഷയം ഗൗരവത്തോടെ കാണുന്നുണ്ടോ; വിശദമാക്കുമോ;

മലബാര്‍ ഡിസ്റ്റിലറിക്ക് ജല അതോറിറ്റി വെള്ളം നൽകാത്തതിന്റെ കാരണം അറിയിക്കുമോ;

പാലക്കാട് ജില്ലയിലെ കഞ്ചിക്കോട് എഥനോൾ പ്ലാന്റ്, മൾട്ടി ഫീഡ് ഡിസ്റ്റിലേഷൻ യൂണിറ്റ്, ഇന്ത്യൻ നിർമ്മിത വിദേശമദ്യ ബോട്ടിലിങ്ങ് യൂണിറ്റ്, ബ്രൂവറി, മാൾട്ട് സ്പിരിറ്റ് പ്ലാന്റ്, ബ്രാണ്ടി/വൈനറി പ്ലാന്റ് എന്നിവ ആരംഭിക്കുന്നതിന് ഒയാസിസ് കൊമേഴ്ഷ്യല്‍ പ്രൈവറ്റ് ലിമിറ്റഡ് എന്ന സ്ഥാപനത്തിന് ആവശ്യമായ വെള്ളം ലഭ്യമാക്കാൻ ജല അതോറിട്ടിയുമായി ധാരണയിൽ എത്തിയിട്ടുണ്ടോ; വിശദമാക്കുമോ;

സർക്കാർ കമ്പനിക്ക് വെള്ളം നൽകാതെ സ്വകാര്യ കമ്പനിക്ക് വെള്ളം നൽകാൻ എന്തടിസ്ഥാനത്തിലാണ് ജല അതോറിറ്റി ധാരണയിൽ എത്തിയത് എന്നു വ്യക്തമാക്കുമോ?

അമൃത് 2.0 പദ്ധതിയിൽ സ്റ്റേറ്റ് വാട്ടർ ആക്ഷൻ പ്ലാൻ മൂന്നാം ഘട്ട പ്രവൃത്തികളിൽ ഉൾപ്പെടുത്തി മലപ്പുറം നിയോജക മണ്ഡലത്തിൽ അഡീഷണൽ പ്രവൃത്തികൾക്കായി ഭരണാനുമതി നൽകിയ പാണക്കാട്, മേൽമുറി വില്ലേജുകളിലെ മിനി കുടിവെള്ള പദ്ധതികളുടെ പുരോഗതികൾ വ്യക്തമാക്കാമോ;

കേന്ദ്ര-സംസ്ഥാന സർക്കാരുകളുടേയും നഗരസഭയുടെയും സംയുക്ത സംരംഭമായ പ്രസ്തുത കുടിവെള്ള പദ്ധതി എന്നത്തേക്ക് പൂർത്തീകരിക്കാനാവുമെന്ന് വ്യക്തമാക്കാമോ;

അമൃത് 2.0 ഒന്നാം ഘട്ടത്തിൽ ഉൾപ്പെട്ട 7.5 എം.എൽ.ഡി. സംഭരണശേഷിയുള്ള ജലശുദ്ധീകരണശാല നിർമ്മിക്കുന്നതിനായി നേരത്തെ ഭരണാനുമതി നൽകിയ 7.60 കോടി രൂപയുടെ ടെണ്ടർ നടപടികൾ പൂർത്തീകരിച്ചിട്ടുണ്ടോ; വിശദമാക്കാമോ;

ജൽജീവൻ മിഷനു കീഴിൽ പ്രവൃത്തികൾ പുരോഗമിക്കുന്ന പുൽപ്പറ്റ, പൂക്കോട്ടൂർ മൊറയൂർ സമഗ്ര കുടിവെള്ള പദ്ധതി, കോഡൂർ കാലമ്പറമ്പ് കുടിവെള്ള പദ്ധതി, അമൃത് പദ്ധതിക്കു കീഴിലുള്ള ഇരുമ്പുഴി കരുമാഞ്ചേരി പദ്ധതി, മലപ്പുറം നഗരസഭയിലെ പാണക്കാട്, മേൽമുറി പദ്ധതികൾ എന്നിവ വേഗത്തിൽ യാഥാർത്ഥ്യമാക്കി മലപ്പുറം മണ്ഡലത്തിലെ കുടിവെള്ള പ്രശ്നങ്ങൾക്ക് ശാശ്വത പരിഹാരം കാണുന്നതിന് നടപടി സ്വീകരിക്കുമോയെന്ന് അറിയിക്കുമോ?

ആലപ്പുഴ നിയോജകമണ്ഡലത്തിൽ സമ്പൂർണ്ണ കുടിവെള്ളം എത്തിക്കുന്നതിനായി കിഫ്ബി, ജല്‍ജീവൻ, പ്ലാൻ ഫണ്ട്, നബാർഡ്, അമൃത്, മറ്റു ഫണ്ടുകൾ മുഖേന എന്തൊക്കെ പ്രവൃത്തികളാണ് നടന്നു വരുന്നത് എന്ന് വിശദമാക്കാമോ;

പ്രസ്തുത പ്രവൃത്തികൾ ഏതൊക്കെ ഫണ്ട് ഉപയോഗിച്ചാണ് നടപ്പിലാക്കുന്നതെന്നും എത്ര തുകയാണ് ചെലവഴിക്കുന്നതെന്നും വിശദവിവരം ലഭ്യമാക്കാമോ;

സമ്പൂർണ്ണ കുടിവെള്ള പദ്ധതി പൂർത്തീകരിക്കുന്നതിന് കിഫ്ബി, ജല്‍ജീവൻ തുടങ്ങിയ പദ്ധതികളിലൂടെ എത്ര പ്രവൃത്തികളാണ് അവശേഷിക്കുന്നതെന്നും അവ എന്ന് പൂർത്തീകരിക്കാനാകുമെന്നും തദ്ദേശസ്വയംഭരണ സ്ഥാപനങ്ങളുടെ അടിസ്ഥാനത്തിൽ വിശദാംശം ലഭ്യമാക്കാമോ;

പ്രസ്തുത മണ്ഡലത്തിൽ കിഫ്ബി, ജലജീവൻ, പ്ലാൻ ഫണ്ട്, നബാർഡ്, അമൃത്, മറ്റു ഫണ്ടുകൾ മുഖേന എത്ര കണക്ഷനുകളാണ് ഇതുവരെ നൽകിയിട്ടുള്ളതെന്ന് തദ്ദേശസ്ഥാപനങ്ങളുടെ അടിസ്ഥാനത്തിൽ വിശദവിവരം ലഭ്യമാക്കാമോ?

2016-17 ലെ വാട്ടര്‍ അതോറിറ്റി പ്ലാന്‍ ഫണ്ടില്‍ നിന്നും തരൂര്‍, ആലത്തൂര്‍ മണ്ഡലങ്ങളില്‍ ഒന്നാംഘട്ടമായി 20 കോടി രൂപ അനുവദിച്ച് നടപ്പിലാക്കുന്ന വണ്ടാഴി-കിഴക്കഞ്ചേരി-വടക്കഞ്ചേരി-കണ്ണമ്പ്ര കുടിവെളള പദ്ധതിയുടെ നിലവിലെ സ്ഥിതി വ്യക്തമാക്കാമോ?

ജല്‍ജീവന്‍ പദ്ധതിയുടെ നിലവിലെ പുരോഗതി വ്യക്തമാക്കാമോ;

ജല്‍ജീവന്‍ പദ്ധതികള്‍ക്കായി നാളിതുവരെ ലഭിച്ച കേന്ദ്രവിഹിതം എത്രയെന്നും ചെലവഴിച്ചത് എത്രയെന്നും നാളിതുവരെ വകയിരുത്തിയ സംസ്ഥാനവിഹിതം എത്രയെന്നും ചെലവഴിച്ചത് എത്രയെന്നുമുള്ള വിവരങ്ങള്‍ ലഭ്യമാക്കുമോ;

ജല്‍ജീവന്‍ പദ്ധതിയ്ക്കായി വിവിധ കരാറുകാര്‍ക്ക് നല്‍കുവാനുള്ള തുക എത്രയെന്ന് വ്യക്തമാക്കുമോ; ആയത് അടിയന്തിരമായി കൊടുത്തു തീര്‍ക്കുന്നതിനുള്ള നടപടികള്‍ സ്വീകരിക്കുമോ;

ജല്‍ജീവന്‍ പദ്ധതി വഴി നാളിതുവരെ നല്‍കിയ ആകെ കുടിവെള്ള കണക്ഷനുകള്‍ എത്രയെന്നും ഇതില്‍ എത്ര കണക്ഷനുകളില്‍ കുടിവെള്ളം ലഭ്യമാക്കുന്നുണ്ടെന്നും ജില്ല തിരിച്ച് വിവരം ലഭ്യമാക്കുമോ;

ജല്‍ജീവന്‍ പദ്ധതിയില്‍ കരാറുകാര്‍ക്ക് പലതരത്തിലുള്ള മുന്‍ഗണനാ രീതികള്‍ നടപ്പിലാക്കി വരുന്നതായും അത് യഥാര്‍ത്ഥ മുന്‍ഗണനാക്രമം അട്ടിമറിക്കുന്നതായും ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

എൽ.എ.സി. എ.ഡി.എസ്. മുഖേന നടപ്പിലാക്കുന്ന കടുത്തുരുത്തി നിയോജക മണ്ഡലത്തിലെ മയിലാടുംപാറ ശുദ്ധജല വിതരണ പദ്ധതിയുടെ പുരോഗതി വിശദമാക്കാമോ;

പ്രസ്തുത പദ്ധതിക്ക് കെ.എസ്.ഇ.ബി. കണക്ഷന്‍ നല്‍കുന്നതിന് ഉണ്ടായിരിക്കുന്ന കാലതാമസം വിശദീകരിക്കാമോ; പ്രസ്തുത പദ്ധതിക്കായി കേരളാ വാട്ടര്‍ അതോറിറ്റി കെ.എസ്.ഇ.ബി. ക്ക് കണക്ഷന്‍ ചാര്‍ജ് അടച്ചിട്ടുണ്ടോ; ആയത് എന്നേക്ക് അടയ്ക്കുവാന്‍ കഴിയും എന്നറിയിക്കാമോ;

കെ.എസ്.ഇ.ബി. കണക്ഷന്‍ സംബന്ധിച്ച് കേരളാ വാട്ടര്‍ അതോറിറ്റി കടുത്തുരുത്തി എക്സിക്യൂട്ടീവ് എഞ്ചീനീയര്‍ 23/01/2025 ല്‍ നല്‍കിയ കത്തില്‍ സ്വീകരിച്ച നടപടികള്‍ വിശദീകരിക്കാമോ;

പ്രസ്തുത ശുദ്ധജല പദ്ധതി എന്നത്തേക്ക് കമ്മീഷന്‍ ചെയ്യാന്‍ കഴിയും എന്ന് വ്യക്തമാക്കാമോ?

നെയ്യാറ്റിന്‍കര നിയോജകമണ്ഡലത്തിലെ കിഫ്ബി പ്രവൃത്തിയായ കാരോട് കുടിവെള്ള പദ്ധതിയുടെ നാളിതുവരെ നടത്തിയിട്ടുള്ള പ്രവൃത്തികള്‍ എന്തൊക്കെയാണെന്ന് വ്യക്തമാക്കാമോ; ഏതൊക്കെ പ്രവൃത്തികളാണ് ഇനി പൂര്‍ത്തീകരിക്കേണ്ടതെന്ന് വ്യക്തമാക്കാമോ?

കേരള വാട്ടർ അതോറിറ്റിയുടെ ഉടമസ്ഥതയിലുള്ള മാവൂർ ഗ്രാമ പഞ്ചായത്തിലെ പൈപ്പ് ലൈൻ റോഡ് തകർന്ന് കിടക്കുന്നത് ജനങ്ങൾക്ക് ഏറെ പ്രയാസം സൃഷ്ടിച്ചതായി ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത റോഡ് പുനരുദ്ധരിക്കാൻ നടപടി സ്വീകരിക്കുമോ?

ചിറ്റൂർ മേനോൻപാറയിലെ മലബാർ ഡിസ്റ്റില്ലറിക്ക് ജല അതോറിറ്റി വെള്ളം നൽകാൻ പദ്ധതി രൂപീകരിച്ചിരുന്നോയെന്ന് വ്യക്തമാക്കാമോ;

പ്രസ്തുത പദ്ധതി ഇപ്പോൾ പ്രവർത്തനക്ഷമമാണോ എന്ന് അറിയിക്കാമോ; അല്ലെങ്കിൽ കാരണം വിശദമാക്കാമോ?

വാട്ടർ അതോറിറ്റി റോഡിലെ വശങ്ങളിൽ പൈപ്പിട്ടതിനു ശേഷം റീസ്റ്റോറേഷൻ നടത്തുന്നതിനു മുമ്പായി ലീക്കുകൾ പരിശോധിക്കുന്ന സംവിധാനം നിലവിലുണ്ടോ; റീസ്റ്റോറേഷന് മുമ്പ് ലീക്ക് പരിശോധന നടത്തിയില്ലെങ്കിൽ ലീക്ക് ഉണ്ടായാൽ വീണ്ടും റോഡ് കുത്തിപ്പൊളിക്കേണ്ടി വരും എന്നതിനാൽ ഇത്തരം പരിശോധനകൾ കർശനമായി നടത്തുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ;

നാഷണൽ ഹൈവേയുടെ നിർമ്മാണവുമായി ബന്ധപ്പെട്ട് കൈപ്പമംഗലം നിയോജക മണ്ഡലത്തിലെ ശ്രീനാരായണപുരം, മതിലകം, പെരിഞ്ഞനം, കൈപ്പമംഗലം പഞ്ചായത്തുകളിലെ കുടിവെള്ളം ഇടക്കിടെ മുടങ്ങുന്നത് പൊതു ടാപ്പിലെ കുടിവെള്ളം മാത്രം ആശ്രയിച്ച് ജീവിക്കുന്ന ജനങ്ങൾക്ക് വളരെയധികം ബുദ്ധിമുട്ടുളവാക്കുന്നതിനാൽ ആയത് പരിഹരിക്കാൻ എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നതെന്ന് അറിയിക്കുമോ?

ഈ സർക്കാരിന്റെ കാലയളവിൽ എത്ര തവണ വെള്ളക്കരം വർദ്ധിപ്പിച്ചു; അവസാനമായി വെള്ളക്കരം വർദ്ധിപ്പിച്ചത് എന്നാണ്; എത്ര രൂപയാണ് വർദ്ധന ഉണ്ടായത്; വ്യക്തമാക്കുമോ;

വെള്ളക്കരം വര്‍ദ്ധിപ്പിച്ചത് വഴി കേരള വാട്ടര്‍ അതോറിറ്റി നാളിതുവരെ എത്ര തുക അധികം സമാഹരിച്ചിട്ടുണ്ട്; വ്യക്തമാക്കുമോ?

പാലക്കാട് ജില്ലയിലെ കഞ്ചിക്കോട് എഥനോൾ പ്ലാന്റ്, മൾട്ടി ഫീഡ് ഡിസ്റ്റിലേഷൻ യൂണിറ്റ്, ഇന്ത്യൻ നിർമ്മിത വിദേശമദ്യ ബോട്ടിലിങ്ങ് യൂണിറ്റ്, ബ്രൂവറി, മാൾട്ട് സ്പിരിറ്റ് പ്ലാന്റ്, ബ്രാണ്ടി/വൈനറി പ്ലാന്റ് എന്നിവ ആരംഭിക്കുന്നതിന് ഒയാസിസ് കൊമേഴ്ഷ്യല്‍ പ്രൈവറ്റ് ലിമിറ്റഡ് എന്ന കമ്പനിക്ക് ആവശ്യമായ അംഗീകാരമോ സമ്മതമോ ജല അതോറിട്ടി നൽകിയിട്ടുണ്ടോ; അറിയിക്കുമോ;

എങ്കിൽ ഏതൊക്കെ യൂണിറ്റുകൾക്കാണ് ജല അതോറിറ്റി അംഗീകാരം നൽകിയതെന്ന് വ്യക്തമാക്കാമോ;

പ്രസ്തുത പദ്ധതികള്‍ക്ക് വെള്ളം ലഭ്യമാക്കാൻ ഒയാസിസ് കൊമേഴ്ഷ്യല്‍ പ്രൈവറ്റ് ലിമിറ്റഡ് കമ്പനിയുമായി ജല അതോറിറ്റി കരാറിൽ ഏർപ്പെട്ടിട്ടുണ്ടോ; വിശദാംശം ലഭ്യമാക്കുമോ?

സംസ്ഥാന പൊതുമേഖലാ സ്ഥാപനങ്ങൾ, സർക്കാർ ഓഫീസുകൾ, വൻകിട സ്വകാര്യസ്ഥാപനങ്ങൾ, ഗാർഹിക ഉപയോക്താക്കൾ തുടങ്ങിയവ ജല അതോറിറ്റിക്ക് നൽകുവാനുള്ള കുടിശ്ശികയുടെ വിശദാംശം തരംതിരിച്ച് ലഭ്യമാക്കുമോ?

വാട്ടര്‍ അതോറിറ്റിയുടെ ഉടമസ്ഥതയിലുള്ളതും ജപ്പാന്‍ കുടിവെള്ള പദ്ധതിയുടെ മെയിന്‍ പൈപ്പ്‍ലൈന്‍ കടന്നുപോകുന്നതുമായ കോട്ടൂര്‍ ഗ്രാമപഞ്ചായത്തിലെ വേട്ടുണ്ട വരപ്പുറത്തുകണ്ടി റോഡ് ടാറിംഗ് ചെയ്യുന്നതിന് അനുമതി നല്‍കാത്തത് ശ്രദ്ധയില്‍പ്പെട്ടിട്ടുണ്ടോ;

ജപ്പാന്‍ കുടിവെള്ള പൈപ്പ്‍ലൈനിന് യാതൊരുവിധ കേടും സംഭവിക്കാത്ത തരത്തിൽ പൈപ്പ്‍ലൈന് അരികിലൂടെ മൂന്ന് മീറ്റര്‍ വീതിയില്‍ റോഡ് യാത്രാസൗകര്യം ഉണ്ടാക്കുന്നതിന് ടാറിംഗ് ചെയ്യാനായി അടിയന്തരമായി അനുമതി നല്‍കുന്നതിന് നടപടി സ്വീകരിക്കാമോ?

കേരള അർബൻ വാട്ടർ സർവീസസ് ഇംപ്രൂവ്‌മെന്റ് പ്രോജക്റ്റ് വഴി കൊച്ചി നഗരത്തിലെ കുടിവെള്ള വിതരണ ശൃംഖലയുടെ നിയന്ത്രണവും പരിപാലനവും പത്ത് വർഷക്കാലത്തേയ്ക്ക് ബഹുരാഷ്ട്ര കമ്പനിക്ക് കൈമാറാൻ തീരുമാനിച്ചിട്ടുണ്ടോ;

കേരള ജല അതോറിറ്റി ഏറ്റവും കാര്യക്ഷമമായി പ്രവര്‍ത്തിക്കുന്ന കൊച്ചിയില്‍ പ്രസ്തുത പദ്ധതി നടപ്പിലാക്കാന്‍ തീരുമാനിച്ചതിന്റെ കാരണം വിശദമാക്കുമോ;

പ്രസ്തുത പദ്ധതി പത്ത് വര്‍ഷത്തേയ്ക്ക് സ്വകാര്യ കമ്പനിയെ ഏല്‍പ്പിക്കുന്ന നടപടി ജല അതോറിറ്റിയുടെ സ്വകാര്യവല്‍ക്കരണത്തിലേയ്ക്ക് നയിക്കുമെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ?

സംസ്ഥാന സർക്കാർ കേരള വാട്ടർ അതോറിറ്റിക്ക് 2016 മുതൽ ഓരോ വർഷവും എത്ര തുക അനുവദിച്ചു എന്നും ഇതിൽ എത്ര രൂപ നൽകി എന്നും വർഷം തിരിച്ചു ലഭ്യമാക്കാമോ?

ഒയാസിസ്‌ കൊമേർഷ്യൽ പ്രൈവറ്റ് ലിമിറ്റഡ് എന്ന സ്ഥാപനം പാലക്കാട് ജില്ലയിലെ കഞ്ചിക്കോട് മദ്യനിർമ്മാണ യൂണിറ്റിന് ആവശ്യമായ വെള്ളം ലഭ്യമാക്കാൻ ജല അതോറിറ്റിയുമായി ധാരണയിൽ എത്തിയിട്ടുണ്ടോ; എങ്കിൽ ഇത് സംബന്ധിച്ച രേഖകളുടെ പകർപ്പ് ലഭ്യമാക്കാമോ;

പ്രസ്തുത കമ്പനി പ്രതിദിനം എത്ര ലിറ്റർ വെള്ളമാണ് ആവശ്യപ്പെട്ടതെന്നും എത്ര ലിറ്റർ നൽകാനാണ് ജല അതോറിറ്റി സമ്മതിച്ചതെന്നും വ്യക്തമാക്കാമോ?

കഞ്ചിക്കോട് കിൻഫ്ര വ്യവസായ പാർക്കിലേക്ക് മലമ്പുഴയിൽ നിന്നും വെള്ളമെത്തിക്കാനുള്ള പദ്ധതിയുടെ പുരോഗതി വ്യക്തമാക്കാമോ;

ഈ പദ്ധതി പ്രകാരം പ്രതിദിനം എത്ര യൂണിറ്റ് വെള്ളമാണ് കിൻഫ്രയ്ക്ക് നൽകാൻ വിഭാവനം ചെയ്തിരിക്കുന്നത്;

പദ്ധതി എന്നത്തേക്ക് പൂർത്തിയാകുമെന്നും നാല് വർഷത്തോളം പദ്ധതി നീണ്ടുപോകാനുള്ള കാരണം എന്താണെന്നും വിശദമാക്കാമോ?

കോഴിക്കോട് നഗരത്തിലെ കുടിവെളള വിതരണം കാര്യക്ഷമമാക്കുന്നതിനു എന്തെല്ലാം നടപടികളാണ് സ്വീകരിച്ചിട്ടുളളത്;

കുടിവെളള പെെപ്പുകള്‍ പൊട്ടുന്നത് പരിഹരിക്കുന്നതിനു മെൊബെെല്‍ റിപ്പയറിംഗ് യൂണിറ്റ് സംവിധാനം ഒരുക്കുന്നത് പരിഗണനയിലുണ്ടോ;

ഇല്ലെങ്കില്‍ കുടിവെളള പെെപ്പുകള്‍ പൊട്ടുന്നത് മൂലം ഉണ്ടാകുന്ന പരാതികള്‍ അടിയന്തര പ്രാധാന്യത്തോടെ പരിഹരിക്കുന്നതിനു നടപടി സ്വീകരിക്കുമോ?

കോങ്ങാട് മണ്ഡലത്തില്‍ ജല്‍ജീവന്‍ മിഷന്‍ പ്രവൃത്തികളുടെ പുരോഗതി വിവരം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാനാണ് ഉദ്ദേശിച്ചിട്ടുള്ളതെന്ന് വ്യക്തമാക്കാമോ; പദ്ധതിയുടെ കാലാവധി നീട്ടുന്നതിന് നടപടി സ്വീകരിച്ചിട്ടുണ്ടോയെന്ന് വിശദമാക്കാമോ;

കോങ്ങാട് മണ്ഡലത്തില്‍ ജല്‍ജീവന്‍ മിഷനുമായി ബന്ധപ്പെട്ട് NH 966 കോഴിക്കോട്-പാലക്കാട് ദേശീയപാതയില്‍ പൈപ്പ്‍ലൈന്‍ ഇടുന്നതിന് അനുമതി ലഭിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ചിറ്റൂർ മേനോൻപാറയിലെ മലബാർ ഡിസ്റ്റിലറിക്ക് ജല അതോറിറ്റി വെള്ളം നൽകുന്നുണ്ടോ; ഉണ്ടെങ്കിൽ എത്ര യൂണിറ്റ് വെള്ളമാണ് പ്രതിദിനം നൽകുന്നത് എന്ന വിവരം ലഭ്യമാക്കാമോ;

മലബാർ ഡിസ്റ്റിലറിക്കു വെള്ളം നൽകാൻ നാല് വർഷമായിട്ടും ജല അതോറിറ്റിക്ക് സാധിക്കുന്നില്ല എന്നത് വസ്തുതയാണോ; എങ്കിൽ കാരണം വിശദമാക്കാമോ?

പാലക്കാട് ജില്ലയിലെ എലപ്പുള്ളിയിൽ ഒയാസിസ് കൊമേഴ്സ്യൽ എന്ന മദ്യ കമ്പനിക്ക് ജലം വിതരണം ചെയ്യുന്നത് സംബന്ധിച്ച് വ്യവസായ വകുപ്പിന് തീരുമാനമെടുക്കാം എന്ന് ജല അതോറിറ്റി റിപ്പോർട്ട് ചെയ്യുകയുണ്ടായോ; ഉണ്ടെങ്കിൽ ഏത് സാഹചര്യത്തിലാണ് ഇത്തരം ഒരു റിപ്പോർട്ട് നൽകിയതെന്ന് അറിയിക്കുമോ;

ജലം വിതരണം ചെയ്യണമെന്ന് ആവശ്യപ്പെട്ട് കമ്പനി വകുപ്പിന് അപേക്ഷ നൽകിയത് എന്നാണ്; പ്രസ്തുത അപേക്ഷയിന്മേൽ മറുപടി നൽകിയതെന്നാണ്; മറുപടിയുടെ പകർപ്പ് ലഭ്യമാക്കുമോ;

കമ്പനി ഡിസ്റ്റിലറി, ബ്രൂവെറി, വൈനറി യൂണിറ്റുകൾക്കായാണ് ജലം ആവശ്യപ്പെടുന്നതെന്ന വിവരം അപേക്ഷയിൽ പരാമർശിച്ചിട്ടുണ്ടായിരുന്നോ; എങ്കിൽ എത്ര ലിറ്റർ വെള്ളം വേണമെന്നാണ് അപേക്ഷയിൽ ആവശ്യപ്പെട്ടിരുന്നത്; വിശദീകരിക്കാമോ?

കഞ്ചിക്കോട്ടെ കിൻഫ്ര വ്യവസായ പാർക്കിലേക്ക് മലമ്പുഴയിൽ നിന്നും വെള്ളമെത്തിക്കാനുള്ള പദ്ധതിയിൽ നിന്നും ഒയാസിസ്‌ കൊമേർഷ്യൽ പ്രൈവറ്റ് ലിമിറ്റഡ് എന്ന സ്ഥാപനത്തിന്റെ പാലക്കാട് ജില്ലയിലെ കഞ്ചിക്കോട് മദ്യ നിർമ്മാണ യൂണിറ്റിന് ആവശ്യമായ വെള്ളം നൽകുമെന്ന് വാട്ടർ അതോറിറ്റി പ്രസ്തുത സ്ഥാപനവുമായി ധാരണയിൽ എത്തിയിട്ടുണ്ടോ; എങ്കിൽ ഇത് സംബന്ധിച്ച രേഖകളുടെ പകർപ്പ് ലഭ്യമാക്കാമോ?

കാഞ്ഞങ്ങാട് മണ്ഡലത്തിലെ ജലജീവൻ മിഷൻ പ്രവൃത്തികളുടെ പഞ്ചായത്ത് തിരിച്ചുള്ള വിശദാംശങ്ങൾ നൽകാമോ;

ഓരോ പഞ്ചായത്തിലും വിവിധ ഘട്ടങ്ങളിൽ ജലജീവൻ പ്രവൃത്തിക്ക് ലഭിച്ച ഭരണാനുമതി സംബന്ധിച്ച വിശദാംശം നൽകാമോ?

ഒയാസിസ്‌ കൊമേർഷ്യൽ പ്രൈവറ്റ് ലിമിറ്റഡ് എന്ന സ്ഥാപനം പാലക്കാട് കഞ്ചിക്കോട്ടെ മദ്യ നിർമ്മാണ യൂണിറ്റിന് ആവശ്യമായ അംഗീകാരത്തിനായി ജല അതോറിറ്റിക്ക് സമർപ്പിച്ച അപേക്ഷയുടെയും അനുബന്ധ രേഖകളുടെയും പകർപ്പ് ലഭ്യമാക്കാമോ?

ഒയാസിസ്‌ കൊമേർഷ്യൽ പ്രൈവറ്റ് ലിമിറ്റഡ് എന്ന സ്ഥാപനത്തിന്റെ പാലക്കാട് കഞ്ചിക്കോട്ടെ മദ്യ നിർമ്മാണ യൂണിറ്റിന് ആവശ്യമായ അംഗീകാരം ജല അതോറിറ്റി നൽകിയിട്ടുണ്ടോ; എങ്കിൽ അംഗീകാരം/അനുമതിയുടെ പകർപ്പ് ലഭ്യമാക്കാമോ?