തട്ടേക്കാട് പക്ഷിസങ്കേതത്തിന്റെ അതിര്‍ത്തി പുനര്‍ നിര്‍ണ്ണയവുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ വ്യക്തമാക്കാമോ;

പക്ഷിസങ്കേതത്തിനകത്ത് ഉള്‍പ്പെട്ട ജനവാസമേഖലകളെ പൂര്‍ണ്ണമായി ഒഴിവാക്കിയുള്ള അതിര്‍ത്തി പുനര്‍നിര്‍ണ്ണയ നടപടികള്‍ വേഗത്തില്‍ പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

വനം നിയമ ഭേദഗതി ബില്ലിൽ പുതുതായി എന്തൊക്കെ മാറ്റങ്ങളാണ് ഉൾക്കൊള്ളിച്ചിട്ടുള്ളതെന്ന് വ്യക്തമാക്കാമോ;

പ്രസ്തുത നിയമ ഭേദഗതി സംബന്ധിച്ച് പൊതുജനങ്ങൾക്കിടയിലുള്ള ആശങ്ക പരിഹരിക്കാൻ സ്വീകരിച്ചു വരുന്ന നടപടികൾ വിശദമാക്കാമോ?

2013-ൽ വനനിയമം ഭേദഗതി ചെയ്തുകൊണ്ടുള്ള ബിൽ അന്നത്തെ സംസ്ഥാന മന്ത്രിസഭ അനുമതി നൽകി ഗസറ്റിൽ പ്രസിദ്ധീകരിച്ചിരുന്നോ എന്ന് വ്യക്തമാക്കുമോ; എങ്കിൽ ഇതിന്റെ പകർപ്പ് ലഭ്യമാക്കാമോ?

വന്യജീവികള്‍ ജനവാസമേഖലയിലേക്കിറങ്ങുന്നത് കുറയ്ക്കുന്നതിനായി അവക്ക് ഭക്ഷണലഭ്യത, കുടിവെള്ളലഭ്യത എന്നിവ കാടിനുള്ളിൽ ഉറപ്പ് വരുത്താൻ നിലവില്‍ സ്വീകരിച്ചിട്ടുള്ള നടപടികൾ വിശദമാക്കുമോ; പ്രസ്തുത നടപടികൾ എത്രത്തോളം ഫലപ്രദമാണെന്നു വിലയിരുത്തിയിട്ടുണ്ടോ; വിശദമാക്കുമോ;

പരിസ്ഥിതി പുനഃസ്ഥാപനനയപ്രകാരം കാടിനുള്ളിൽ തദ്ദേശീയ ഫലവൃക്ഷങ്ങൾ നട്ടുവളർത്താൻ പദ്ധതി നിലവിലുണ്ടോ; എങ്കിൽ എവിടെയെല്ലാം അത് നടപ്പിലാക്കിയിട്ടുണ്ടെന്ന് വിശദമാക്കുമോ;

സ്വഭാവികവനങ്ങളുടെ പുന:സ്ഥാപനത്തിനായി അധിനിവേശസസ്യങ്ങള്‍ക്ക് പകരമായി ഓരോ പ്രദേശത്തിനും അനുയോജ്യമായ തദ്ദേശീയ സസ്യങ്ങളെ നട്ടുവളര്‍ത്തുന്നതിന് പദ്ധതി രൂപീകരിക്കുമോ; വിശദമാക്കുമോ;

വന്യജീവികള്‍ക്ക് ഉപയോഗപ്രദമല്ലാത്തതും തദ്ദേശയിനം സസ്യങ്ങളുടെ വളര്‍ച്ചയെ മുരടിപ്പിക്കുന്നതും സ്വഭാവികവനത്തിന് ദോഷം വരുത്തുന്നതുമായ അധിനിവേശ സസ്യങ്ങളുടെ വ്യാപനം തടയുന്നതിനും അവ നീക്കം ചെയ്യുന്നതിനും നിലവില്‍ സ്വീകരിച്ചിട്ടുള്ള നടപടികൾ വിശദമാക്കുമോ?

ഇടുക്കി ജില്ലയിൽ ഭൂമി വനഭൂമിയാക്കി പരിവർത്തനം നടത്താൻ തീരുമാനമെടുത്തിട്ടുണ്ടോ; എങ്കിൽ വനഭൂമിയാക്കി പരിവർത്തനം നടത്താനുദ്ദേശിക്കുന്ന ഭൂമിയുടെ വിസ്തീർണ്ണം എത്രയെന്ന് അറിയിക്കുമോ; വിശദീകരിക്കുമോ;

പ്രസ്തുത തീരുമാനപ്രകാരം ഇടുക്കി ജില്ലയിലെ ഏതൊക്കെ താലൂക്കുകളിലാണ് വനഭൂമിയാക്കുന്നതിനായി വിജ്ഞാപനം ചെയ്യാനുദ്ദേശിക്കുന്നത്; വിശദീകരിക്കുമോ;

2010-ൽ കെ.ഡി.എച്ച്. വില്ലേജ് സംരക്ഷിത വനമാക്കുന്നതിന് കരട് വിജ്ഞാപനം ഇറക്കിയിട്ടുണ്ടോ; വിശദീകരിക്കുമോ?

സംസ്ഥാനത്തിന്റെ വനവിസ്തൃതി നിലവില്‍ എത്ര ഹെക്ടറാണെന്നും കഴിഞ്ഞ പത്ത് വര്‍ഷത്തിനുളളില്‍ വനവിസ്തൃതിയില്‍ എത്ര ശതമാനം വര്‍ദ്ധനവ് ഉണ്ടായെന്നുമുള്ള വിശദാംശങ്ങൾ അറിയിക്കാമോ;

കേരളത്തിലെ വനങ്ങളുടെ കാര്‍ബണ്‍ ശേഖരം എത്രയാണെന്ന് കണക്കാക്കിയിട്ടുണ്ടോ; അത് രാജ്യത്തിന്റെ മൊത്തം കാര്‍ബണ്‍ ശേഖരണത്തിന്റെ എത്ര ശതമാനം വരുമെന്ന് വ്യക്തമാക്കുമോ?

നിലവിലുളള നോട്ടിഫിക്കേഷന്‍ പ്രകാരം പാലക്കാട് ജില്ലയിലെ ഇക്കോ-സെന്‍സിറ്റീവ് ഏരിയയില്‍ ഉള്‍പ്പെടുന്ന വില്ലേജുകള്‍ ഏതൊക്കെയാണെന്നും അവയുടെ വിസ്തൃതി എത്രയാണെന്നും തരം തിരിച്ച് വ്യക്തമാക്കാമോ;

ഇക്കോ-സെന്‍സിറ്റീവ് ഏരിയയുടെ വ്യാപ്തി കുറയ്ക്കുന്നതിനായി സര്‍ക്കാര്‍തലത്തില്‍ നടപടികള്‍ സ്വീകരിച്ചിട്ടുണ്ടോ; എങ്കിൽ അതിന്റെ വിശദാംശം ലഭ്യമാക്കാമോ;

ഇക്കാര്യത്തിൽ ജനങ്ങളുടെ ആശങ്ക പരിഹരിക്കുന്നതിന് സ്വീകരിച്ചിട്ടുളള നടപടികള്‍ വ്യക്തമാക്കാമോ?

കുട്ടമ്പുഴ പഞ്ചായത്തിലെ വടാട്ടുപാറ - കുട്ടമ്പുഴ പ്രദേശങ്ങളെ തമ്മില്‍ ബന്ധിപ്പിക്കുന്ന ബംഗ്ലാവ് കടവ് പാലം നിര്‍മ്മാണത്തിന് മുന്നോടിയായി പൊതുമരാമത്ത് വകുപ്പിന്റെ ആവശ്യത്തിന്മേല്‍ വനംവകുപ്പ് ഇതുവരെ സ്വീകരിച്ച നടപടികള്‍ വ്യക്തമാക്കുമോ;

പാലം നിര്‍മ്മാണവുമായി ബന്ധപ്പെട്ട് കേന്ദ്രാനുമതി ലഭ്യമാകാത്ത സാഹചര്യം വ്യക്തമാക്കാമോ?

ചെറു വനങ്ങള്‍ സൃഷ്ടിക്കുന്ന പദ്ധതിപ്രകാരം കോട്ടയം ജില്ലയില്‍ എവിടെയെല്ലാമാണ് നഗരവനങ്ങള്‍ സൃഷ്ടിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത പദ്ധതിയുടെ ഭാഗമായി ഏതെല്ലാം വൃക്ഷതൈകളാണ് നട്ടുപിടിപ്പിക്കുന്നതെന്നും അവയുടെ പരിപാലന ചുമതല ആര്‍ക്കാണെന്നും വിശദമാക്കുമോ?

നഗരങ്ങളില്‍ ചെറുവനങ്ങള്‍ സൃഷ്ടിക്കുന്ന പദ്ധതി പ്രകാരം ഏതൊക്കെ നഗരങ്ങളിൽ നഗരവനങ്ങള്‍ സൃഷ്ടിച്ചുവെന്ന് വ്യക്തമാക്കാമോ;

തീരത്ത് ജെെവകവചം സൃഷ്ടിക്കുന്ന പദ്ധതി പ്രകാരം ആലപ്പുഴ നിയോജകമണ്ഡലത്തില്‍ ഏതൊക്കെ തീരദേശപ്രദേശങ്ങളിലാണ് തീരവനം നടപ്പാക്കിയിട്ടുളളതെന്ന് വ്യക്തമാക്കാമോ;

ആലപ്പുഴ നിയോജകമണ്ഡലത്തില്‍ വനംവകുപ്പിന് കീഴില്‍ ഏതൊക്കെ സ്ഥാപനങ്ങളാണ് പ്രവര്‍ത്തിക്കുന്നതെന്നും വകുപ്പിന് കീഴില്‍ എത്ര സ്ഥലമാണ് ഉളളതെന്നുമുള്ള വിശദവിവരങ്ങൾ ലഭ്യമാക്കാമോ?

പേരാമ്പ്ര നിയമസഭാ മണ്ഡലത്തില്‍ അനുവദിച്ച ഹൊസ്പെെസ് (HOSPICE) സെന്റര്‍, കോഴിക്കോട് ബയോളജിക്കല്‍ പാര്‍ക്ക് എന്നിവയുടെ നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

പിറവം മണ്ഡലത്തില്‍ വനം-വന്യജീവി വകുപ്പിന്റെ കീഴിൽ വിവിധ പദ്ധതികളിലായി കഴിഞ്ഞ സര്‍ക്കാരിന്റെ കാലയളവില്‍ അനുവദിച്ചതും എന്നാല്‍ 2021 മാർച്ചിനു മുന്‍പ് പൂര്‍ത്തിയാക്കാന്‍ കഴിയാത്തതുമായ വിവിധ പ്രവൃത്തികളുടെ/പദ്ധതികളുടെ വിശദാംശം ലഭ്യമാക്കാമോ; പ്രസ്തുത കാലയളവില്‍ അനുവദിച്ച പ്രവൃത്തികളില്‍/പദ്ധതികളില്‍ നിലവില്‍ നടപ്പിലുള്ളവയുടെ വിശദാംശം ലഭ്യമാക്കാമോ;

ഈ സർക്കാർ അധികാരത്തിൽ വന്നശേഷം പ്രസ്തുത മണ്ഡലത്തിൽ വനം-വന്യജീവി വകുപ്പിന് കീഴില്‍ അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശം ലഭ്യമാക്കാമോ; ഓരോ പ്രവൃത്തിയുടെയും പേരും, അനുവദിച്ച തുകയും, പദ്ധതി നിര്‍വഹണ ഏജന്‍സിയുടെ വിവരങ്ങളും ലഭ്യമാക്കാമോ;

പ്രസ്തുത പ്രവൃത്തികളിൽ പൂർത്തിയാക്കിയിട്ടുള്ളവയുടെ വിശദാംശവും നടപ്പിലുള്ളവയുടെ നിലവിലെ സ്ഥിതിയും ലഭ്യമാക്കാമോ; നിലവിൽ നടപ്പിലുള്ളവ എപ്പോള്‍ പൂർത്തിയാക്കാനാകുമെന്ന് വ്യക്തമാക്കാമോ;

വനം-വന്യജീവി വകുപ്പിന് കീഴില്‍ മണ്ഡലത്തില്‍ പുതുതായി നടപ്പാക്കാനുദ്ദേശിക്കുന്ന പ്രവൃത്തികള്‍/പദ്ധതികള്‍ ഉണ്ടെങ്കില്‍ ആവയുടെ വിശദാംശം ലഭ്യമാക്കാമോ?

പുതുക്കാട് മണ്ഡലത്തിൽപ്പെട്ട ചിമ്മിനി ഡാം വനമേഖലയിൽ ചിമ്മിനി ഇക്കോ ടൂറിസം പദ്ധതി നടപ്പാക്കുന്നതിനുള്ള നടപടികൾ ഏത് ഘട്ടത്തിലാണെന്ന് വ്യക്തമാക്കാമോ;

മണ്ഡലം ആസ്തി വികസന ഫണ്ടിൽ നിന്നും 50 ലക്ഷം രൂപ ചിമ്മിനി ഇക്കോ ടൂറിസം പദ്ധതിയുടെ ആദ്യഘട്ടത്തിനായി അനുവദിച്ച് ഭരണാനുമതി ലഭ്യമായ സാഹചര്യത്തില്‍ ടൂറിസം ഫണ്ട് ഉൾപ്പടെയുള്ള ഫണ്ട് വിനിയോഗിച്ച് ചിമ്മിനി ഇക്കോ ടൂറിസം പദ്ധതി യാഥാർത്ഥ്യമാക്കുന്നതിനാവശ്യമായ നടപടികള്‍ വകുപ്പ് സ്വീകരിക്കുമോ?

സാമ്പത്തിക പ്രതിസന്ധി കാരണം 2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള തീരുമാനത്തെ തുടർന്ന് വനം വന്യജീവി വകുപ്പിലെ ഏതൊക്കെ പദ്ധതികൾക്കാണ് വെട്ടിക്കുറവ് വരുത്തിയിരിക്കുന്നതെന്നും എത്ര ശതമാനം കുറവാണ് വരുത്തിയിരിക്കുന്നതെന്നുമുള്ള വിവരം പദ്ധതി തിരിച്ചു ലഭ്യമാക്കാമോ?

അരൂര്‍ മണ്ഡലത്തില്‍ കോടംതുരുത്ത് പഞ്ചായത്തില്‍ 'ചങ്ങരം പക്ഷിസങ്കേതം' ഒട്ടനവധി ദേശാടനപക്ഷികള്‍ എത്തുന്ന സ്ഥലമാണെന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത പ്രദേശത്തെ വികസനത്തിനു വേണ്ടി നടപ്പിലാക്കിയ പദ്ധതികള്‍ എന്തെല്ലാമെന്ന് വിശദമാക്കാമോ;

പ്രസ്തുത പ്രദേശം വനം വകുപ്പിന്റെ നേരിട്ടുളള നിയന്ത്രണമുളള പ്രദേശമാണോ എന്ന് വിശദമാക്കാമോ?

തൃശൂര്‍ വനം ഡിവിഷന്‍ മച്ചാട് റെയിഞ്ച് ആഫീസിനു കീഴില്‍ ഉണ്ടായിരുന്ന അകമല ഡെപ്യൂട്ടി റെയിഞ്ച് ആഫീസ് നിര്‍ത്തലാക്കിയത് എന്നാണ്; ഇത് നിര്‍ത്തലാക്കാനുള്ള സാഹചര്യമെന്തായിരുന്നുവെന്ന് വ്യക്തമാക്കാമോ;

ആയത് നിര്‍ത്തലാക്കിയതിന് ശേഷം അകമല ഫോറസ്റ്റ് സ്റ്റേഷന്‍ പരിധിയില്‍ ചന്ദനമരങ്ങളടക്കമുള്ള വനവിഭവങ്ങള്‍ നഷ്ടപ്പെട്ടതുമായി ബന്ധപ്പെട്ട് എത്ര കേസുകൾ റിപ്പോര്‍ട്ട് ചെയ്തിട്ടുണ്ട് എന്നറിയിക്കുമോ ; കാട്ടാനയും മറ്റു വന്യജീവികളും ജനവാസകേന്ദ്രങ്ങളില്‍ ഇറങ്ങി കൃഷി നശിപ്പിച്ചതായ എത്ര കേസുകൾ റിപ്പോര്‍ട്ടു ചെയ്തിട്ടുണ്ട്;

കൃഷി ഇടങ്ങളും വനവിഭവങ്ങളും സംരക്ഷിക്കുന്നതിനും, ജനങ്ങള്‍ക്ക് ഭയാശങ്കകളില്ലാതെ ജീവിക്കുന്നതിനും അകമല ഫോറസ്റ്റ് സ്റ്റേഷന്‍ പുന:സ്ഥാപിക്കുന്നതിന് നടപടി സ്വീകരിക്കുവാന്‍ ഉദ്ദേശിക്കുന്നുണ്ടോ ; എങ്കിൽ ആയതിന്റെ വിശദാംശം ലഭ്യമാക്കുമോ;

പുനര്‍വിന്യസിച്ച ഉദ്യോഗസ്ഥരെ തിരിച്ചു നിയമിച്ച് അകമല ഫോറസ്റ്റ് സ്റ്റേഷന്‍ പുനസ്ഥാപിക്കുന്നതിന് മുന്തിയ പരിഗണന നല്‍കുമോ; വിശദാംശം ലഭ്യമാക്കുമോ?

പുനലൂർ നിയോജക മണ്ഡലത്തിലെ വിവിധ വനം ഡിവിഷനുകളുടെ കീഴില്‍ വനപാതകളായി പ്രഖ്യാപിക്കപ്പെട്ടിട്ടുള്ള റോഡുകളുടെ വിവരങ്ങൾ നൽകാമോ;

ഓരോ വനപാതയും ഏതൊക്കെ വനം ഡിവിഷനുകളുടെയും ഫോറസ്റ്റ് റേഞ്ചുകളുടെയും കീഴില്‍ ഏതൊക്കെ പ്രദേശത്താണെന്നും , അവ എത്ര മീറ്റർ നീളത്തിൽ ആണെന്നുമുള്ള വിശദവിവരങ്ങൾ ലഭ്യമാക്കാമോ ;

പ്രസ്തുത വനപാതകൾ ഗതാഗത യോഗ്യമാക്കുന്നതിന് വേണ്ടി ഈ സർക്കാരിന്റെ കാലത്ത് സ്വീകരിച്ചിട്ടുള്ള നടപടികൾ അറിയിക്കുമോ; ഇതിനായി ചെലവഴിച്ച തുകയും വിശദവിവരങ്ങളും ലഭ്യമാക്കാമോ;

അലിമുക്ക്-അച്ചൻകോവിൽ വനപാത അവസാനമായി നവീകരിച്ചത് എന്നാണെന്നും, ചെലവഴിച്ച തുക എത്രയെന്നും വ്യക്തമാക്കാമോ; പാത നിലവിൽ തകർച്ചയിലായ പ്രദേശങ്ങളുടെ വിവരങ്ങൾ ലഭ്യമാക്കാമോ; ശബരിമല തീർത്ഥാടന പാതയായി പ്രഖ്യാപിച്ചിട്ടുള്ള ഈ പാത ഗതാഗതയോഗ്യമാക്കുന്നതിന് നടപടികൾ സ്വീകരിക്കുമോ; വിശദമാക്കാമോ;

പുനലൂർ നിയോജക മണ്ഡലത്തിലെ ഗതാഗതയോഗ്യമല്ലാത്ത വനപാതകൾ നിലവിൽ ഏതൊക്കെയെന്ന് വ്യക്തമാക്കാമോ; ഇവ നവീകരിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

പ്രസ്‍തുത നിയോജക മണ്ഡലത്തിലെ വനപാതകളിൽ ടാർ/ കോൺക്രീറ്റ് ചെയ്യാത്ത മൺപാതകൾ ഉണ്ടെങ്കിൽ അവയുടെ വിശദാംശങ്ങൾ ലഭ്യമാക്കാമോ;

പ്രസ്തുത മൺപാതകൾ ടാർ/ കോൺക്രീറ്റ് ചെയ്തു ഗതാഗതയോഗ്യമാക്കുന്നതിന് ഗ്രാമപഞ്ചായത്തുകൾക്ക് അനുവാദം നൽകുന്നതിനുള്ള നടപടിക്രമങ്ങൾ എന്തൊക്കെയാണെന്ന് അറിയിക്കുമോ?

കോഴിക്കോട് ജില്ലയിലെ വിലങ്ങാട്-വയനാട്ടിലെ കുഞ്ഞോം റോഡ്‌ നിര്‍മാണം സംബന്ധിച്ച് നിയമസഭയിൽ ഉന്നയിച്ച സബ് മിഷന്റെ മറുപടിപ്രകാരം റവന്യൂ-പൊതുമരാമത്ത് വകുപ്പുകളുടെ സംയുക്ത വനസര്‍വ്വേയുമായി ബന്ധപ്പെട്ട് വനത്തിലേക്കുളള പ്രവേശനാനുമതിക്കായി വകുപ്പിന് തന്നിട്ടുള്ള കത്തില്‍ നാളിതുവരെ സ്വീകരിച്ച നടപടികള്‍ എന്തൊക്കെയെന്ന് വ്യക്തമാക്കാമോ?

ഒറ്റപ്പാലം നിയോജകമണ്ഡലത്തിലെ വന മേഖലയില്‍ കൂടി കടന്ന് പോകുന്ന റോഡുകളുടെ പേര് , അവയുടെ നീളം, വീതി എന്നീ വിവരങ്ങൾ ലഭ്യമാക്കാമോ;

ഈ റോഡുകളുടെ പുനരുദ്ധാരണത്തിനായി നാളിതുവരെ ചെലവാക്കിയ തുക, വര്‍ഷം, ഏത് ഏജന്‍സി മുഖേനയാണ് നടപ്പിലാക്കിയത് എന്നീ വിവരങ്ങള്‍ ലഭ്യമാക്കാമോ?

മലയോര ഹൈവേ അലൈൻമെന്റിൽ നിന്നും ഒഴിവാക്കിയ ആറാം മൈൽ-എളംപ്ലാശ്ശേരി-കുരുത്തിക്കുടി റീച്ചിലെ പ്രവൃത്തി സംബന്ധിച്ച് മൂവാറ്റുപുഴ-ഇടുക്കി ഡിവിഷനിലെ കെ.ആർ.എഫ്.ബി പ്രൊജക്ട് മാനേജ്മെന്റ് യൂണിറ്റിലെ എക്സിക്യൂട്ടീവ് എഞ്ചീനീയ‍റിൽ നിന്നും 23.12.2024 തീയതിയായി കെ.ആർ.എഫ്.ബി-പി.എം.യു./എം.വി.പി.എ-ഐ.ഡി.കെ/എച്ച്.എച്ച്./2021 എന്ന നമ്പറിൽ മൂന്നാർ ഡിവിഷണൽ ഫോറസ്റ്റ് ഓഫീസർക്ക് നൽകിയ കത്തിൽ വനം വകുപ്പ് സ്വീകരിച്ച നടപടി വ്യക്തമാക്കുമോ;

ഇതു സംബന്ധിച്ച് വനം വകുപ്പ് (ഡി എഫ് ഒ -മൂന്നാർ) കെ.ആർ.എഫ്.ബി- ക്ക് എന്തെങ്കിലും നിർദ്ദേശങ്ങൾ നൽകിയിട്ടുണ്ടോ; വ്യക്തമാക്കാമോ?

സംസ്ഥാനത്തെ ഏതൊക്കെ പഞ്ചായത്തുകളിലാണ് തീരദേശ ഇക്കാേ ടൂറിസം പദ്ധതി നടപ്പിലാക്കുന്നത് എന്നറിയിക്കുമോ;

ആലപ്പുഴ ജില്ലയിൽ ഏതൊക്കെ പഞ്ചായത്തുകളിലാണ് തീരദേശ ഇക്കാേ ടൂറിസം പദ്ധതി നടപ്പിലാക്കുന്നത് എന്നറിയിക്കുമോ;

ആലപ്പുഴ ജില്ലയിലെ പുന്നപ്ര തെക്ക് പഞ്ചായത്തിലെ ഇക്കാേ ടൂറിസം പദ്ധതി നടത്തിപ്പിലെ ഇതുവരെയുള്ള വിശദാംശങ്ങള്‍ ലഭ്യമാക്കുമാേ?

സംസ്ഥാനത്ത് ഇക്കോ ടൂറിസത്തിന്റെ സാധ്യതകള്‍ വിലയിരുത്തിയിട്ടുണ്ടോ; പ്രകൃതി അടിസ്ഥാനമാക്കിയുളള വിനോദ സഞ്ചാരത്തിന്റെ ഭാഗമെന്ന നിലയില്‍ ഇത് സംസ്ഥാനത്തിന് എത്രത്തോളം ഗുണകരമാകും എന്നറിയിക്കുമോ; വിശദാംശം നല്‍കുമോ;

ഇക്കോ ടൂറിസത്തിന്റെ സാധ്യതകള്‍ പ്രയോജനപ്പെടുത്തുന്നതിനായി പ്രത്യേക വികസന അതോറിറ്റി രൂപീകരിക്കുന്ന കാര്യം പരിഗണനയിലുണ്ടോ; വിശദമാക്കുമോ;

പ്രസ്തുത അതോറിറ്റി വഴി എന്തെല്ലാം കാര്യങ്ങളാണ് ലക്ഷ്യമിടുന്നതെന്ന് വെളിപ്പെടുത്തുമോ?

പുനലൂർ മണ്ഡലത്തിൽ നിലവിലുള്ള വനം ടൂറിസം പദ്ധതികളും അവയുടെ വിശദാംശങ്ങളും ലഭ്യമാക്കാമോ;

പ്രസ്തുത ടൂറിസം പദ്ധതികൾക്ക് വേണ്ടി ഈ സർക്കാരിന്റെ കാലത്ത് സ്വീകരിച്ചിട്ടുള്ള നടപടികൾ അറിയിക്കുമോ; ചെലവഴിച്ച തുകയും വിശദവിവരങ്ങളും ലഭ്യമാക്കാമോ;

കുളത്തൂപ്പുഴ വനം മ്യൂസിയത്തിന്റെ രണ്ടാംഘട്ട നവീകരണത്തിന് പദ്ധതി തയ്യാറാക്കിയിട്ടുണ്ടോ; വ്യക്തമാക്കുമോ; അവ നടപ്പിലാക്കുന്നതിന് വേണ്ട നടപടികൾ സ്വീകരിക്കുമോ; വിശദമാക്കാമോ; ;

കുംഭാവുരുട്ടി വെള്ളച്ചാട്ടം, പാലരുവി വെള്ളച്ചാട്ടം എന്നിവയുടെ നവീകരണത്തിന് വേണ്ടി തയ്യാറാക്കിയ പദ്ധതികളും അവയുടെ നിലവിലെ സ്ഥിതിയും അറിയിക്കുമോ; പാലരുവി ജലപാതത്തിലേക്ക് സഞ്ചാരികളെ എത്തിക്കുന്നതിന് വകുപ്പിന്റെ എത്ര വാഹനങ്ങൾ ക്രമീകരിച്ചിട്ടുണ്ടെന്നും നിലവിൽ എത്ര വാഹനങ്ങൾ സേവനം ചെയ്യുന്നുണ്ടെന്നും വ്യക്തമാക്കുമോ ; സഞ്ചാരികളുടെ എണ്ണം വർദ്ധിക്കുന്ന സാഹചര്യങ്ങളിൽ ക്രമീകരിച്ചിട്ടുള്ള ബദൽ മാർഗങ്ങൾ വിശദമാക്കാമോ;

മറ്റു വകുപ്പുകളുമായി ചേർന്ന് പുനലൂർ മണ്ഡലത്തിലെ വനം ടൂറിസത്തിന് സാധ്യതയുള്ള പ്രദേശങ്ങൾ തിരിച്ചറിഞ്ഞിട്ടുണ്ടോ; ഇല്ലെങ്കിൽ ആയതിനുള്ള നടപടികൾ സ്വീകരിക്കുമോ; വിശദമാക്കാമോ;

ആര്യങ്കാവ് പഞ്ചായത്തിൽ ഉൾപ്പെട്ട രാജാത്തോട്ടം, തൂവൽ മല, അച്ചൻകോവിൽ, മാമ്പഴത്തറ തുടങ്ങിയ ടൂറിസം സാധ്യതയുള്ള പ്രദേശങ്ങളെ സഞ്ചാരികൾക്ക് സന്ദർശിക്കാൻ കഴിയുന്ന നിലയിലുള്ള ടൂറിസം കേന്ദ്രങ്ങളായി ഉയർത്തുന്നതിന് സാധ്യതയുണ്ടോ എന്നത് പരിശോധിച്ചിട്ടുണ്ടോ; അതിനുവേണ്ട നടപടികൾ സ്വീകരിക്കുമോ; വിശദമാക്കാമോ?

ഓരോ വനം സർക്കിളിലും സ്ലീപ്പര്‍ സെല്ലുകൾ രൂപീകരിക്കുവാന്‍ നടപടി സ്വീകരിച്ചിട്ടുണ്ടോ; വിശദീകരിക്കാമോ;

സ്ലീപ്പര്‍ സെല്ലുകൾ വനം കുറ്റകൃത്യങ്ങൾ തടയുന്നതിനും ഫീൽഡ് വിഭാഗത്തിന്റെ തുടർച്ചയായ വീഴ്ചകള്‍ തടയുന്നതിനും പര്യാപ്തമാകുമോയെന്ന് വ്യക്തമാക്കാമോ;

ഇത്തരത്തിലുള്ള സ്ലീപ്പര്‍ സെല്ലുകളുടെ ചുമതല ആർക്കാണ് എന്നറിയിക്കുമോ ; ഇതിന്റെ നടപടിക്രമങ്ങൾ ഏത് രീതിയിലാണെന്ന് വിശദമാക്കാമോ?

വനം വകുപ്പിൽ 2011- 16 കാലയളവിൽ വിവിധ തസ്തികകളിൽ 20 വർഷം പൂർത്തിയാക്കിയ താൽക്കാലിക ജീവനക്കാരെ സ്ഥിരപ്പെടുത്തിയ തസ്തികകൾ ഇപ്പോഴും സൂപ്പർ ന്യൂമററി തസ്തികകളായി തുടരുകയാണോ ; എങ്കിൽ ഇവ സൂപ്പർ ന്യൂമററി തസ്തികകളായി തുടരുന്നതിന്റെ കാരണം വിശദമാക്കാമോ;

പി.എസ്.സി മുഖാന്തരം നിയമനം ലഭിച്ച ഫോറസ്റ്റ് വാച്ചർ /ട്രൈബൽ വാച്ചർമാരെ പോലെ യൂണിഫോം ധരിക്കുവാൻ ഇവർക്ക് അനുവാദം നൽകിയിട്ടുണ്ടോ; വിശദമാക്കാമോ?

പൂഞ്ഞാര്‍ മണ്ഡലത്തിലെ എരുമേലി റേഞ്ചിൽ നബാർഡ് പദ്ധതിയിലും, രാഷ്‌ട്രീയ കൃഷി വികാസ് യോജന പദ്ധതിയിലും (ആർ. കെ. വി. വൈ.) ഉൾപ്പെടുത്തി സൗരോർജ്ജ തൂക്കുവേലികളും ആനപ്രതിരോധ കിടങ്ങുകളും നിർമ്മിക്കുന്ന പ്രവൃത്തികളുടെ നിലവിലെ സ്ഥിതി സംബന്ധിച്ച വിശദാംശം ലഭ്യമാക്കുമോ?

സംസ്ഥാനത്ത് വന്യജീവിആക്രമണം മൂലം വനഭൂമിയോട് ചേര്‍ന്ന് കിടക്കുന്ന കൃഷി ഭൂമികളില്‍ കാര്‍ഷിക വിളകള്‍, വസ്തുവകകള്‍ എന്നിവയ്ക്കുണ്ടാകുന്ന നാശവും ആളുകള്‍ക്കുണ്ടാകുന്ന പരിക്ക്, മരണം എന്നിവയും തടയുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ;

സംസ്ഥാനത്തെ മനുഷ്യ-വന്യജീവി സംഘര്‍ഷം ലഘൂകരിക്കുന്നതിന് എന്തെല്ലാം നടപടികള്‍ സ്വീകരിക്കുന്നുണ്ടെന്ന് വിശദമാക്കാമോ; ഇതിനായി വനം വന്യജീവി നിയമത്തില്‍ കാലോചിതമായ മാറ്റം കൊണ്ടുവരുവാന്‍ ശ്രമിക്കുമോ;

വനഭൂമിയോട് ചേര്‍ന്ന് നിയമാനുസൃതം ഉടമസ്ഥാവകാശം സിദ്ധിച്ച ഭൂമികളില്‍ വീട് നിര്‍മ്മിക്കുന്നതിനും കൃഷി ചെയ്യുന്നതിനും ഭൂമി കൈമാറ്റം ചെയ്യുന്നതിനും മറ്റ് ആവശ്യങ്ങള്‍ക്കും വനം വകുപ്പില്‍ നിന്നും ലഭ്യമാക്കേണ്ട നിരാക്ഷേപപത്രത്തിനായി ലഭിക്കുന്ന അപേക്ഷകളില്‍ ഉണ്ടായിരിക്കുന്ന കാലതാമസം ഒഴിവാക്കാന്‍ നടപടി സ്വീകരിക്കുമോ?

ഇടുക്കി ജില്ലയിലെ മറയൂര്‍ ഡിവിഷണല്‍ ഫോറസ്റ്റ് ഓഫീസിനു കീഴിലുളള റേഞ്ച് ഓഫീസുകളില്‍ കഴിഞ്ഞ 45 വര്‍ഷത്തിനുളളില്‍ എത്ര ഒക്വറന്‍സ് റിപ്പോര്‍ട്ട് (ഒ.ആര്‍) കേസുകളാണ് രജിസ്റ്റര്‍ ചെയ്തിരിക്കുന്നത്; വര്‍ഷവും ഓഫീസുകളും തിരിച്ച് വിശദമാക്കാമോ;

ഇതില്‍ ചന്ദനമരം കടത്തലുമായി ബന്ധപ്പെട്ട് എത്ര കേസുകള്‍ ഉണ്ടെന്ന് വര്‍ഷവും ഓഫീസും തിരിച്ച് വിശദമാക്കാമോ;

ചന്ദനമരം കടത്തുകേസുമായി ബന്ധപ്പെട്ട പ്രതികള്‍ക്ക് അന്തര്‍സംസ്ഥാന ബന്ധമുളളതായി കണ്ടെത്തിയിട്ടുണ്ടോ; ഉണ്ടെങ്കില്‍ ഇതുമായി ബന്ധപ്പെട്ട് ആരുടെയെങ്കിലും അറസ്റ്റ് രേഖപ്പെടുത്തിയിട്ടുണ്ടോ; വ്യക്തമാക്കാമോ?

തിരുവനന്തപുരം വനം ഡിവിഷനിലെ പാലോട് റേഞ്ചിൽ, ജണ്ട നിർമ്മാണം നടത്തിയതിലെ അഴിമതി അന്വേഷിക്കണം എന്ന് ആവശ്യപ്പെട്ടുകൊണ്ട് സി. എം. ഒ. പോർട്ടലിൽ നാളിതുവരെ ലഭിച്ച പരാതികളുടെ ഡോക്കറ്റ് നമ്പറും ലഭിച്ച തിയതിയും വെളിപ്പെടുത്താമോ;

അതിൽ എത്ര പരാതികളിന്മേലുള്ള അന്വേഷണം നിശ്ചിത സമയത്തിനുള്ളിൽ പൂർത്തിയാക്കിയെന്നും ഓരോ പരാതിയുടെയും അനേഷണം പൂർത്തിയാക്കാൻ വേണ്ടി വന്ന സമയം എത്രയെന്നും വെളിപ്പെടുത്താമോ;

പരാതികളിന്മേലുള്ള അന്വേഷണ റിപ്പോർട്ടിന്മേൽ സ്വീകരിച്ച തുടർ നടപടികൾ വിശദീകരിക്കാമോ?

വിദ്യാലയങ്ങളാേട് ചേര്‍ന്ന് അപകടകരമായ നിലയിൽ നില്ക്കുന്ന വൃക്ഷങ്ങള്‍ മുറിച്ചു മാറ്റുന്നതിന് വനം വകുപ്പ് സ്വീകരിച്ചിട്ടുള്ള നടപടികള്‍ വിശദമാക്കാമാേ?

ഈ സർക്കാർ അധികാരത്തിൽ വന്നതിന് ശേഷം വന്യമൃഗങ്ങളുടെ ആക്രമണത്തിൽ നിന്നും പൊതുജനങ്ങളുടെ ജീവനും സ്വത്തും സംരക്ഷിക്കുന്നതിന് വേണ്ടി ആവിഷ്കരിച്ച് നടപ്പിലാക്കിയ പദ്ധതികൾ എന്തൊക്കെയാണെന്ന് വിശദമാക്കാമോ;

മഞ്ചേരി നിയോജകമണ്ഡലത്തിന്റെ മലയോരമേഖലയിൽ വന്യമൃഗങ്ങളുടെ ശല്യം കാരണം പൊതുജനങ്ങളുടെ ജീവനും സ്വത്തിനും വ്യാപകമായി നാശനഷ്ടങ്ങൾ ഉണ്ടായിട്ടുള്ളത് ശ്രദ്ധയിൽപ്പെട്ടിട്ടുണ്ടോ; എങ്കിൽ സ്വീകരിച്ച പരിഹാര മാർഗങ്ങൾ വിശദമാക്കാമോ;

വന്യമൃഗങ്ങളിൽ നിന്നും പൊതുജനങ്ങളുടെ ജീവനും സ്വത്തിനും സംരക്ഷണം നൽകുന്നതിന് ആവശ്യമായ എന്തൊക്കെ നടപടികളാണ് മഞ്ചേരിയിൽ നടപ്പിലാക്കിയിട്ടുള്ളതെന്ന് വിശദമാക്കാമോ?

സംസ്ഥാനത്ത് വന്യജീവി ആക്രമണം മൂലം 2016 മുതൽ നാളിതുവരെ ഓരോ വർഷവും ഉണ്ടായ കൃഷി നാശത്തിന്റെ അളവും, അതുമൂലം നഷ്ടമായതായി കണക്കാക്കിയ തുകയും, സർക്കാർ നൽകിയ നഷ്ടപരിഹാരവും വർഷം തിരിച്ചു നൽകാമോ?

കേരളത്തിൽ ആനയെഴുന്നള്ളിപ്പിന് നിർദ്ദേശിച്ചിട്ടുള്ള നിയന്ത്രണങ്ങൾ എന്തൊക്കെയെന്ന് വ്യക്തമാക്കാമോ;

ആനയെഴുന്നള്ളിപ്പിനുള്ള നിയന്ത്രണങ്ങൾ പാലിക്കാത്തതിനാൽ എഴുന്നള്ളിപ്പ് നിർത്തിവെച്ചിട്ടുള്ള സംഭവങ്ങൾ കേരളത്തിൽ ഉണ്ടായിട്ടുണ്ടോ എന്ന് അറിയിക്കാമോ; വ്യക്തമാക്കാമോ;

കേരളത്തിൽ ആനയെഴുന്നള്ളിപ്പിന് മുൻകൂട്ടി അനുമതി വാങ്ങണ്ടതുണ്ടോ ; ഉണ്ടെങ്കിൽ അതിനുള്ള നടപടിക്രമം എന്തൊക്കെയെന്ന് അറിയിക്കാമോ?

അരുവിക്കര നിയോജക മണ്ഡലത്തിലെ വനമേഖലയോട് ചേര്‍ന്നുകിടക്കുന്ന ജനവാസ കേന്ദ്രങ്ങളില്‍ ഫെന്‍സിംഗ്, കിടങ്ങുകള്‍ എന്നിവ നിര്‍മ്മിക്കുന്നതിന് സ്വീകരിച്ചിട്ടുളള നടപടികള്‍ വ്യക്തമാക്കുമോ?

സംസ്ഥാനത്ത് വന്യജീവി ആക്രമണം അതിരൂക്ഷമായി തുടരുകയും എട്ടു വര്‍ഷത്തിനിടെ വന്യജീവി ആക്രമണങ്ങളില്‍ ആയിരത്തോളം മനുഷ്യര്‍ കൊല്ലപ്പെടുകയും ചെയ്ത സ്ഥിതിവിശേഷം ഗൗരവത്തോടെ കാണുന്നുണ്ടോ; വിശദമാക്കുമോ;

ഓരോ നിമിഷവും ഭീതിയുടെ മുൾമുനയിൽ നിൽക്കുന്ന വനയോര മേഖലയിലെ ജനങ്ങളുടെ പ്രശ്നങ്ങൾക്ക് പരിഹാരം കാണാൻ കഴിഞ്ഞിട്ടില്ലെന്നുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വന്യജീവി ആക്രമണം തടയുന്നതിനു ബജറ്റിൽ വകയിരുത്തിയ തുക കാര്യക്ഷമമായി ചെലവഴിക്കാൻ സാധിക്കാത്തതിന്റ കാരണം വിശദമാക്കുമോ;

പ്രസ്തുത തുക കാര്യക്ഷമമായി ചെലവഴിക്കാൻ നടപടി സ്വീകരിക്കുമോയെന്ന് വ്യക്തമാക്കുമോ?

വന്യജീവി ആക്രമണത്തിൽ മരണമടയുന്നവരുടെ ആശ്രിതർക്ക് നിലവിൽ എത്ര രൂപയാണ് നഷ്ടപരിഹാരം നൽകുന്നതെന്ന് വ്യക്തമാക്കാമോ;

വന്യജീവി ആക്രമണത്തിൽ മരണമടയുന്നവരുടെ ആശ്രിതർക്കുള്ള നഷ്ടപരിഹാരം കേന്ദ്ര സർക്കാർ വർദ്ധിപ്പിച്ചിട്ടുണ്ടോ; എത്ര തുകയാണ് കേന്ദ്ര സർക്കാർ നിലവിൽ നൽകുന്നത്;

വന്യജീവി ആക്രമണത്തിൽ മരണമടയുന്നവരുടെ ആശ്രിതർക്കുള്ള നഷ്ടപരിഹാരമായി നിലവിൽ സംസ്ഥാന സർക്കാർ നൽകുന്നത് എത്ര രൂപയാണെന്നറിയിക്കുമോ;

വന്യജീവി ആക്രമണത്തിൽ മരണമടയുന്നവരുടെ ആശ്രിതർക്ക് നഷ്ടപരിഹാരം ഇരട്ടിയാക്കാൻ തയ്യാറാകുമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും കടുവ ആക്രമണത്തിൽ മരണമടഞ്ഞവരുടെയും, പരിക്ക് പറ്റിയവരുടെയും വിവരങ്ങള്‍ വർഷം, ജില്ല എന്നിവ തിരിച്ച് നൽകുമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും കാട്ടാന ആക്രമണത്തിൽ മരണമടഞ്ഞവരുടെയും, പരിക്ക് പറ്റിയവരുടെയും വിവരങ്ങള്‍ വർഷം, ജില്ല തിരിച്ചുനൽകാമോ?

വയനാട്ടിൽ 2016 മുതൽ നാളിതുവരെ ഓരോ വർഷവും കടുവ ആക്രമണത്തിൽ മരണമടഞ്ഞവരുടെയും പരിക്ക് പറ്റിയവരുടെയും സർക്കാർ നഷ്ടപരിഹാരം നൽകിയവരുടെയും കണക്ക് വർഷം തിരിച്ചുനൽകുമോ?

സംസ്ഥാനത്ത് വന്യജീവി ആക്രമണം മൂലം 2010 മുതൽ നാളിതുവരെ ഓരോ വർഷവും മരണമടഞ്ഞവരുടെയും, പരിക്ക് പറ്റിയവരുടെയും കണക്ക് വർഷം തിരിച്ചു നൽകുമോ?

വന്യജീവികള്‍ കൂട്ടത്തോടെ ജനവാസകേന്ദ്രങ്ങളില്‍ എത്തുന്നത് തടയാനായി കൂരാച്ചുണ്ട്-കക്കയം കരിയാത്തുംപാറ വനമേഖലകളില്‍ ഫെന്‍സിംഗ് ചെയ്യാന്‍ തീരുമാനിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

കക്കയം-കരിയാത്തുംപാറ വനമേഖലകളില്‍ ജനങ്ങള്‍ക്ക് ഭീഷണിയാവുന്ന വന്യമൃഗങ്ങളെ നേരിടുന്നതിനും ജനവാസ കേന്ദ്രങ്ങളില്‍ അവ എത്താതിരിക്കുന്നതിനും എന്തെല്ലാം നടപടികളാണ് സ്വീകരിച്ചു വരുന്നത്; വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് മനുഷ്യ- വന്യജീവി സംഘർഷങ്ങളിൽ എത്രപേർ കൊല്ലപ്പെട്ടിട്ടുണ്ട്; എത്രപേർക്ക് പരിക്കേറ്റിട്ടുണ്ട്; വിശദാംശം ലഭ്യമാക്കുമോ;

പ്രസ്തുത കാലയളവില്‍ വന്യജീവി ആക്രമണത്തിന് ഇരയായവര്‍ക്കും മരണപ്പെട്ടവരുടെ ആശ്രിതര്‍ക്കുമായി എത്ര പേർക്ക് നഷ്ടപരിഹാരം നല്‍കാന്‍ അവശേഷിക്കുന്നുണ്ടെന്നും ആയതിന് കാലതാമസം നേരിടുന്നതിന് കാരണമെന്താണെന്നും വിശദമാക്കാമോ;

സ്ഥിരമായി വന്യജീവികള്‍ കാടിറങ്ങുന്നതും സ്ഥിരം വന്യ ജീവി ആക്രമണം ഉണ്ടാകുന്നതുമായ ഹോട്ട് സ്പോട്ടുകള്‍ കണ്ടെത്തുന്നതിനും പ്രതിരോധ മാര്‍ഗ്ഗങ്ങള്‍ സ്വീകരിക്കുന്നതിനും പദ്ധതികള്‍ ആവിഷ്കരിക്കുമോ;

വന്യജീവികള്‍ നാട്ടിലിറങ്ങുന്നത് തടയുന്നതിനും മനുഷ്യ-വന്യജീവി സംഘര്‍ഷം ഒഴിവാക്കുന്നതിനും എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

കാസര്‍ഗാേഡ് ജില്ലയിലെ വിവിധ പഞ്ചായത്തുകളില്‍ പുലിശല്യമുള്ളതായി ശ്രദ്ധയില്‍പ്പെട്ടിട്ടുണ്ടാേ; വ്യക്തമാക്കാമാേ;

പുലി, ആന തുടങ്ങിയ വന്യമൃഗങ്ങളുടെ ആക്രമണത്തെ പ്രതിരാേധിക്കാന്‍ വനം വകുപ്പ് എന്തൊക്കെ പ്രവര്‍ത്തനങ്ങളാണ് നടത്തിയിട്ടുളളതെന്ന് വിശദമാക്കാമാേ;

കാസര്‍ഗാേഡ് ജില്ലയില്‍ ഉദുമ മണ്ഡലത്തില്‍ പുതുതായി ഫാേറസ്റ്റ് സ്റ്റേഷന്‍ അനുവദിക്കുന്ന കാര്യം വനം വകുപ്പിന്റെ പരിഗണനയിലുണ്ടാേ; വ്യക്തമാക്കാമാേ;

ജില്ലയില്‍ വനം വകുപ്പിന് ആവശ്യമായ വാഹനങ്ങൾ ഉള്‍പ്പെടെയുള്ള സുരക്ഷാ ഉപകരണങ്ങള്‍ അനുവദിക്കുന്നതിന് നടപടി സ്വീകരിക്കുമാേ; വിശദമാക്കുമോ?

വയനാട് ജില്ലയിലെ പഞ്ചാരക്കൊല്ലിയിൽ രാധ എന്ന സ്ത്രീയെ കടുവ കൊന്ന സംഭവത്തെത്തുടർന്ന് ഈ മേഖലയിലുണ്ടായ ആശങ്കകൾ പരിഹരിക്കാൻ സ്വീകരിച്ച നടപടികൾ സംബന്ധിച്ച വിശദാംശം നല്‍കുമോ;

വയനാട് ദേശീയ കടുവ സംരക്ഷണ മേഖലയിൽ കടുവകൾ ഉൾപ്പെടെയുളള വന്യജീവികളുടെ എണ്ണം കാടിന് താങ്ങാവുന്നതിൽ അധികമാണോ എന്നത് പരിശോധിച്ചിട്ടുണ്ടോ;

കടുവകളുടെ നിരന്തര ആക്രമണത്തിൽനിന്നും കർഷകരുടെ ജീവനും സ്വത്തും സംരക്ഷിക്കുന്നതിന് ഏർപ്പെടുത്താനുദ്ദേശിക്കുന്ന സ്ഥിരം സംവിധാനങ്ങൾ സംബന്ധിച്ച് വിശദമാക്കുമോ;

നാട്ടിലേക്കിറങ്ങാൻ സാധ്യതയുളള കടുവകളെ നിരീക്ഷിച്ച് ആക്രമണങ്ങൾ തടയുന്നതിന് അടിയന്തര നടപടി സ്വീകരിക്കുമോ?

മനുഷ്യ-വന്യമൃഗ സംഘര്‍ഷം ലഘൂകരിക്കുന്നതിനായി വടക്കാഞ്ചേരിയിലെ വാഴാനി ഉള്‍പ്പെടെയുള്ള പ്രദേശങ്ങള്‍ കൂടി ഉള്‍പ്പെടുത്തി ആര്‍.കെ.വി.വെെ (രാഷ്ട്രീയ കൃഷി വികാസ് യോജന) പദ്ധതി പ്രകാരം തയ്യാറാക്കി സമര്‍പ്പിച്ച പ്രൊപ്പോസലിന്റെ നിലവിലുള്ള സ്ഥിതി വ്യക്തമാക്കാമോ?

2016 മുതൽ നാളിതുവരെ ഓരോ വർഷവും സംസ്ഥാനത്ത് വന്യജീവി ആക്രമണം മൂലം പരിക്ക് പറ്റിയവരിൽ, എത്ര പേരുടെ ചികിത്സ സർക്കാർ പൂർണമായും ഏറ്റെടുത്തിട്ടുണ്ട് എന്ന് അറിയിക്കാമോ ; ഇത് സംബന്ധിച്ച കണക്ക് വർഷം തിരിച്ചു നൽകാമോ ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും ഉണ്ടായ വന്യജീവി ആക്രമണത്തിൽ പരിക്കേറ്റവരുടെ എണ്ണവും, ഇതിൽ എത്രപേർക്ക് സർക്കാർ നഷ്ടപരിഹാരം നൽകി എന്ന കണക്കും വർഷം തിരിച്ചുനൽകാമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും വന്യജീവികൾ മൂലം ഉണ്ടായ വാഹന അപകടങ്ങളിൽ മരണമടഞ്ഞവരുടെയും, പരിക്ക് പറ്റിയവരുടെയും കണക്ക് വർഷം തിരിച്ചു നൽകുമോ?

വന്യജീവി ആക്രമണങ്ങളിൽ ജീവഹാനി സംഭവിക്കുന്നവരുടെ ആശ്രിതർക്കും പരിക്കേൽക്കുന്നവർക്കും നൽകി വരുന്ന ധനസഹായം എന്തെല്ലാമാണ് ;

പ്രസ്തുത ധനസഹായം അപര്യാപ്തമാണെന്ന് കരുതുന്നുണ്ടോ; ഉണ്ടെങ്കിൽ അത് വർദ്ധിപ്പിക്കാൻ നടപടി സ്വീകരിക്കുമോ?

കൃഷിസ്ഥലങ്ങളില്‍ കാട്ടുപന്നികള്‍ അടക്കമുള്ള വന്യമൃഗങ്ങളുടെ ശല്യം കൂടി വരുന്നു എന്ന വസ്തുത ശ്രദ്ധയിൽപ്പെട്ടിട്ടുണ്ടോ;

കാട്ടുപന്നികളെ വെര്‍മിന്‍ വിഭാഗത്തില്‍പ്പെടുത്തണം എന്ന കര്‍ഷകരുടെ ആവശ്യം ശ്രദ്ധയില്‍പ്പെട്ടിട്ടുണ്ടോ; ഈ ആവശ്യം അനുഭാവപൂര്‍വ്വം പരിഗണിക്കാന്‍ ഉദ്ദേശിക്കുന്നുണ്ടോ;

വന്യമൃഗങ്ങളുടെ ശല്യം നിയന്ത്രിക്കുന്നതിന് കര്‍മ്മസേന രൂപീകരിക്കാന്‍ വനംവകുപ്പ് ആലോചിക്കുന്നുണ്ടോ; എങ്കില്‍ വിശദാംശം അറിയിക്കുമോ?

സംസ്ഥാനത്ത് വന്യജീവി ആക്രമണം മൂലം 2016 മുതൽ നാളിതുവരെ മരണമടഞ്ഞവരുടെയും പരിക്ക് പറ്റിയവരുടെയും കണക്ക് വർഷം തിരിച്ചു നൽകാമോ?

നരഭോജികളായ വന്യമൃഗങ്ങളുൾപ്പെടെയുള്ളവയുടെ ആക്രമണത്തിൽ അതിദാരുണമായി മനുഷ്യർ മരിക്കുകയും അനവധി കുടുംബങ്ങൾ അനാഥമാകുകയും ചെയ്യുന്ന സാഹചര്യം വളരെ ഗൗരവത്തോടെ കാണുന്നുണ്ടോ; വിശദീകരിക്കുമോ;

അപകടകാരികളായ വന്യമൃഗങ്ങൾ ജനവാസ മേഖലയിലേക്ക് കടക്കുന്നത് തടയുന്നതിനുവേണ്ടി ഹൈടെക് പ്രതിരോധ സംവിധാനങ്ങൾ നടപ്പിലാക്കുന്നതിന് ഉദ്ദേശിക്കുന്നുണ്ടോ; വിശദീകരിക്കുമോ;

ജനവാസമേഖലയിലെ വന്യജീവികളുടെ സാന്നിധ്യം മനസ്സിലാക്കുന്നതിന് നിർമ്മിത ബുദ്ധിയിൽ പ്രവർത്തിക്കുന്ന ക്യാമറകളും അലാറം സംവിധാനവും നിരന്തരം വന്യജീവി ആക്രമണം ഉണ്ടാകുന്ന സ്ഥലങ്ങളിൽ സ്മാർട്ട് റെയിൽവേലിയും സ്ഥാപിക്കുന്ന കാര്യം പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ?

സംസ്ഥാനത്തെ വനാതിര്‍ത്തികളില്‍ താമസിക്കുന്നവര്‍ നേരിടേണ്ടി വരുന്ന വന്യജീവിയുടെ ആക്രമണവും കൃഷി നശിപ്പിക്കലും സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കാമോ;

ഇതില്‍ നിന്നും ജനത്തെ രക്ഷിക്കാനും ഒപ്പം വന്യജീവികളെ സംരക്ഷിക്കുന്നതിനുമുള്ള മാസ്റ്റര്‍ പ്ലാന്‍ നടപ്പിലാക്കല്‍ ഇപ്പോള്‍ ഏത് ഘട്ടത്തിലാണ്; വിശദാംശം ലഭ്യമാക്കുമോ;

കഴിഞ്ഞ 5 വര്‍ഷ കാലയളവില്‍ ഓരോ വര്‍ഷവും എത്ര ആക്രമണങ്ങള്‍ രജിസ്റ്റര്‍ ചെയ്തു എന്നും എത്ര പേര്‍ ആക്രമണത്തിന് ഇരയായി എന്നും എത്ര പേര്‍ക്ക് ജീവഹാനി സംഭവിച്ചു എന്നും എത്ര ഹെക്ടര്‍ കൃഷിയിടം നശിപ്പിച്ചുവെന്നുമുള്ള വിശദാംശങ്ങൾ ലഭ്യമാക്കുമോ?

സംസ്ഥാനത്ത് 2010 മുതൽ നാളിതുവരെ ഓരോ വർഷവും ഉണ്ടായ വന്യജീവി ആക്രമണത്തിന്റെ കണക്ക് വർഷം തിരിച്ചുനൽകുമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും വന്യജീവി ആക്രമണം തടയാൻ അനുവദിച്ച തുകയും ചെലവഴിച്ച തുകയും വർഷം തിരിച്ചു നൽകാമോ?

വന്യജീവി ആക്രമണം അനുഭവപ്പെടുന്ന സെറ്റില്‍മെന്റില്‍ നിന്നും കുടുംബങ്ങള്‍ക്ക് നഷ്ടപരിഹാരം നല്‍കി മാറ്റി പാര്‍പ്പിക്കുന്ന പദ്ധതി ആവിഷ്ക്കരിച്ചിട്ടുണ്ടോ;എങ്കിൽ ഇതിനകം എത്ര കുടുംബങ്ങളെ ഇപ്രകാരം മാറ്റി പാര്‍പ്പിച്ചുവെന്ന് അറിയിക്കുമോ;

ഇനി എത്ര കുടുംബങ്ങളെ ഇത്തരത്തില്‍ മാറ്റി പാര്‍പ്പിക്കുവാനുണ്ടെന്ന് വ്യക്തമാക്കുമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും ഉണ്ടായ വന്യജീവി ആക്രമണത്തിൽ മരണമടഞ്ഞവരുടെ എണ്ണവും, ഇതിൽ എത്ര പേരുടെ കുടുംബത്തിന് സർക്കാർ നഷ്ടപരിഹാരം നൽകിയെന്ന കണക്കും വർഷം തിരിച്ചു നൽകാമോ?

2021 മെയ് മുതൽ കേരളത്തിൽ നടന്ന വന്യജീവി ആക്രമണത്തിന് കാരണമായ ജീവികളിൽ വനം വകുപ്പ് ജീവനോടെ പിടികൂടിയവയുടെ വിവരം ലഭ്യമാക്കാമോ; വിശദമാക്കാമോ;

2021 മെയ് മുതൽ നടന്ന വന്യജീവി ആക്രമണത്തിന് കാരണമായ ജീവികളിൽ ചത്തതിനുശേഷം വനം വകുപ്പ് കണ്ടെത്തിയവയെക്കുറിച്ചു വിശദമാക്കാമോ;

2021 മെയ് മുതൽ മനുഷ്യർക്കും വളർത്തുമൃഗങ്ങൾക്കും നേരെ നടന്ന വന്യജീവി ആക്രമണങ്ങൾക്ക് കാരണമായ ജീവികളിൽ വനം വകുപ്പ് ജീവനോടെ പിടികൂടിയവയിൽ വനത്തിൽ തിരികെ വിട്ടയച്ചവയുടെ വിവരം വിശദമാക്കാമോ;

2021 മെയ് മുതൽ മനുഷ്യർക്കും വളർത്തുമൃഗങ്ങൾക്കും നേരെ നടന്ന വന്യജീവി ആക്രമണത്തിന് കാരണമായ ജീവികളിൽ വനം വകുപ്പ് ജീവനോടെ പിടികൂടിയവയിൽ തിരികെ വനത്തിൽ വിട്ടയച്ച ജന്തുക്കളിൽ തുടർന്നും ആക്രമണത്തിന് കാരണമായവയുണ്ടെങ്കിൽ അവയുടെ വിശദാംശങ്ങൾ ലഭ്യമാക്കാമോ;

2021 മെയ് മുതൽ കേരളത്തിൽ മനുഷ്യർക്കും വളർത്തുമൃഗങ്ങൾക്കും നേരെ നടന്ന വന്യജീവി ആക്രമണത്തിന് കാരണമായിട്ടുള്ള ജീവികളിൽ സർക്കാർ വെടിവെച്ചു കൊന്നിട്ടുള്ളവയുടെ വിവരം ലഭ്യമാക്കാമോ ?

സംസ്ഥാനത്ത് നിരന്തരമായി ഉണ്ടാകുന്ന വന്യജീവി ആക്രമണം തടയാന്‍ സര്‍ക്കാര്‍ എന്തെല്ലാം പ്രതിരോധമാര്‍ഗ്ഗങ്ങളാണ് സ്വീകരിച്ചിരിക്കുന്നതെന്ന് വിശദമാക്കാമോ ;

വന്യജീവി ആക്രമണം മൂലം കഴിഞ്ഞവര്‍ഷം സംസ്ഥാനത്ത് മരണപ്പെട്ട ആളുകള്‍ക്ക് നഷ്ടപരിഹാരവും മറ്റ് ആനുകൂല്യങ്ങളും യഥാസമയം ലഭ്യമാക്കുവാന്‍ കാലതാമസം നേരിടുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; മരണപ്പെട്ടവരുടെ ആശ്രിതര്‍ക്ക് സമയബന്ധിതമായി നഷ്ടപരിഹാരം ഉള്‍പ്പെടെയുള്ള ആനുകൂല്യങ്ങള്‍ ലഭ്യമാക്കാന്‍ നടപടി സ്വീകരിക്കുമോ; വിശദമാക്കാമോ ?

ഈ സര്‍ക്കാര്‍ അധികാരത്തില്‍ വന്നതിനുശേഷം പാലക്കാട് ജില്ലയിലെ വിവിധ പ്രദേശങ്ങളില്‍ രൂക്ഷമായ വന്യമൃഗശല്യം തടയുന്നതിനായി സ്വീകരിച്ച നടപടികള്‍ വ്യക്തമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം പാലക്കാട് ജില്ലയില്‍ വന്യജീവി ആക്രമണങ്ങളില്‍ കൊല്ലപ്പെടുകയോ പരിക്കേല്‍ക്കുകയോ കൃഷിനാശം സംഭവിക്കുകയോ ചെയ്തിട്ടുളളതിന് നല്‍കിയ നഷ്ടപരിഹാര തുകയുടെ വിശദാംശം നല്‍കാമോ;

വന്യമൃഗശല്യത്തിനെതിരെ കൂടുതല്‍ ഫലപ്രദമായ നടപടികള്‍ സ്വീകരിക്കുമോ; വ്യക്തമാക്കുമോ?

സംസ്ഥാനത്ത് വന്യജീവി ആക്രമണം മൂലം 2010 മുതൽ നാളിതുവരെ ഓരോ വർഷവും ഉണ്ടായ കൃഷി നാശത്തിന്റെ അളവും, തുകയും വർഷം തിരിച്ചു നൽകുമോ?

മനുഷ്യ-വന്യജീവി സംഘർഷം നേരിടാൻ നിലവിൽ കേന്ദ്രസഹായം ലഭിക്കുന്നുണ്ടോ; ഇക്കാര്യത്തിനായി കേന്ദ്രത്തെ സമീപിച്ചിരുന്നോ; വിശദമാക്കുമോ;

ഈ വിഷയത്തിൽ കേന്ദ്രസഹായം ലഭിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത് ; വിശദമാക്കുമോ?

ജനങ്ങളുടെ ജീവന് ഭീഷണിയാകുന്നതും കൃഷിയിടങ്ങള്‍ നശിപ്പിക്കുന്നതുമായ വന്യമൃഗങ്ങളെ പ്രതിരോധിക്കുന്നതിന് വനംവകുപ്പ് സ്വീകരിച്ചിട്ടുള്ള നടപടികളുടെ വിശദാംശങ്ങള്‍ ലഭ്യമാക്കുമോ; ഈ നടപടികളുടെ ലക്ഷ്യം പൂര്‍ണ്ണമായും ഫലപ്രദമാകാത്തതിന്റെ കാരണങ്ങള്‍ എന്താണെന്നത് പഠന വിധേയമാക്കിയിട്ടുണ്ടോ;

മുന്‍കാലങ്ങളെ അപേക്ഷിച്ച് വന്യജീവി ആക്രമണങ്ങളും അവ മൂലമുള്ള കൃഷിനാശങ്ങളും വര്‍ദ്ധിച്ചുവരുന്നതിനുള്ള കാരണം കണ്ടെത്തിയിട്ടുണ്ടോ;

കൃഷികള്‍ വ്യാപകമായി നശിപ്പിക്കുന്ന കാട്ടുപന്നികളെ വെടിവയ്ക്കുന്നതിന് തദ്ദേശസ്ഥാപനങ്ങള്‍ക്ക് അധികാരം നല്‍കിയിട്ടുണ്ടെങ്കിലും ചില നിബന്ധനകള്‍ കാരണം ഫലപ്രദമാകുന്നില്ല എന്നതിനാല്‍ പ്രസ്‌തുത നിബന്ധനകള്‍ ലഘൂകരിക്കുന്നതിന് നടപടി സ്വീകരിക്കുമോ?

വയനാട്ടിൽ 2016 മുതൽ നാളിതുവരെ ഓരോ വർഷവും കാട്ടാന ആക്രമണത്തിൽ മരണമടഞ്ഞവരുടെയും പരിക്ക് പറ്റിയവരുടെയും സർക്കാർ നഷ്ടപരിഹാരം നൽകിയവരുടെയും കണക്ക് വർഷം തിരിച്ചുനൽകാമോ?

വന്യജീവികളുടെ ആക്രമണത്തില്‍ പരിക്കേൽക്കുന്നവര്‍ക്ക് നല്‍കുന്ന നഷ്ടപരിഹാരം സംബന്ധിച്ച് ഇനം തിരിച്ചുള്ള വിശദാംശങ്ങള്‍ നല്‍കാമോ;

ഇത്തരത്തില്‍ നഷ്ടപരിഹാരം നല്‍കുന്നതിന്റെ നടപടിക്രമങ്ങളുടെ വിശദാംശങ്ങള്‍ ലഭ്യമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്നതിന് ശേഷം വനത്തില്‍ താമസിക്കുന്ന ആദിവാസി വിഭാഗങ്ങളിലെ ആളുകള്‍ക്ക് വന്യമൃഗാക്രമണം മൂലം മരണം സംഭവിച്ചിട്ടുണ്ടാേയെന്ന് വ്യക്തമാക്കുമോ;

എങ്കില്‍ എത്ര പേരാണ് മരണപ്പെട്ടതെന്നും ഇങ്ങനെ മരിച്ചവരുടെ ബന്ധുകള്‍ക്ക് എന്തെല്ലാം സാമ്പത്തിക സഹായം ഉള്‍പ്പടെ ചെയ്തിട്ടുണ്ടെന്നും വിശദമാക്കാമാേ; പ്രസ്തുത സഹായത്തിന് അപേക്ഷിച്ചിട്ടും നല്‍കാന്‍ കഴിയാത്തത് എത്ര പേര്‍ക്കാണെന്ന് വിശദമാക്കാമാേ?

സംസ്ഥാനത്ത് 2015 മുതല്‍ നാളിതു വരെ വന്യമൃഗ ആക്രമണത്തിൽ കൊല്ലപ്പെട്ട ആദിവാസികളുടെയും ആദിവാസികളല്ലാത്തവരുടെയും എണ്ണം വര്‍ഷവും ജില്ലയും തിരിച്ചു ലഭ്യമാക്കുമോ;

ഈ കാലയളവില്‍ വന്യമൃഗ ആക്രമണത്തിൽ കൊല്ലപ്പെട്ട എത്രപേര്‍ക്കാണ് ധനസഹായം ലഭ്യമാക്കിയിട്ടുള്ളത് എന്നറിയിക്കുമോ ;

ധനസഹായം ലഭ്യമാക്കിയിട്ടില്ലാത്തവരുടെ എണ്ണം എത്രയാണ്; ഇവര്‍ക്ക് ധനസഹായം ലഭ്യമാക്കാതിരുന്നതിനുള്ള കാരണങ്ങൾ വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം 2016 മുതല്‍ നാളിതുവരെ വന്യജീവി ആക്രമണങ്ങളില്‍ എത്ര പേര്‍ക്ക് ജീവഹാനി സംഭവിച്ചിട്ടുണ്ടെന്നും എത്ര പേര്‍ ചികിത്സയിലായിട്ടുണ്ടെന്നും വ്യക്തമാക്കാമോ;

ഇവര്‍ക്കായി നാളിതുവരെ എത്ര രൂപ ധനസഹായമായി അനുവദിക്കപ്പെട്ടിട്ടുണ്ടെന്നും അറിയിക്കാമോ?

വന്യജീവി ആക്രമണം രൂക്ഷമായതോടെ വനമേഖലയോടുചേര്‍ന്ന് താമസിക്കുന്ന ജനങ്ങളുടെ ആശങ്ക പരിഹരിക്കാൻ സ്വീകരിച്ച നടപടികൾ വിശദമാക്കുമോ;

വന്യജീവി ആക്രമണം തടയുന്നതിനും വന്യമൃഗങ്ങള്‍ ജനവാസ മേഖലകളിലേക്ക് ഇറങ്ങി ജനങ്ങളുടെ ജീവന് ഭീഷണി ഉയര്‍ത്തുന്നതുമായ സാഹചര്യങ്ങള്‍ ഒഴിവാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത് എന്നറിയിക്കുമോ; ആയത് എത്രത്തോളം ഫലപ്രദമാണെന്ന് വിലയിരുത്തിയിട്ടുണ്ടോ;

എത്ര വനം ഡിവിഷനുകളില്‍ സ്ഥിരം റാപ്പിഡ് റെസ്പോൺസ് ടീം (ആർ.ആർ.ടി.) ഉണ്ടെന്ന് അറിയിക്കുമോ; വന്യ മൃഗങ്ങൾ കാടിറങ്ങുന്ന സംഭവങ്ങള്‍ വർദ്ധിക്കുന്ന സാഹചര്യത്തില്‍ മനുഷ്യ - വന്യജീവി സംഘര്‍ഷം പരമാവധി ലഘൂകരിക്കുന്നതിനായി മുഴുവന്‍ വനം ഡിവിഷനുകളിലും സ്ഥിരം ആർ.ആർ.ടി.കള്‍ രൂപീകരിക്കുവാന്‍ നടപടി സ്വീകരിക്കുമോ ?

കാസർഗോഡ് ജില്ലയിൽ കഴിഞ്ഞ നാലു വർഷത്തിനിടയിൽ വന്യജീവികളുടെ ആക്രമണത്തിൽ എത്രപേർക്ക് ജീവഹാനി സംഭവിച്ചിട്ടുണ്ടെന്നും എത്രപേർക്ക് പരിക്ക് പറ്റിയിട്ടുണ്ടെന്നും മണ്ഡലം തിരിച്ചുള്ള കണക്ക് വ്യക്തമാക്കാമോ;

മരണപ്പെട്ടവരുടെ കുടുംബാംഗങ്ങൾക്കും പരിക്കു പറ്റിയവരുടെ കുടുംബാംഗങ്ങൾക്കും സർക്കാർ നൽകിയ സഹായങ്ങൾ സംബന്ധിച്ച് മണ്ഡലം തിരിച്ചുള്ള കണക്ക് വ്യക്തമാക്കാമോ;

വന്യജീവികളുടെ ആക്രമണം മൂലം കാസർഗോഡ് ജില്ലയിൽ സംഭവിച്ച കൃഷി നാശം എത്രയാണെന്ന് വിലയിരുത്തിയിട്ടുണ്ടോ; വിശദാംശം നൽകാമോ; അതിന്റെ നഷ്ടപരിഹാരം ഇതിനകം നൽകിയിട്ടുണ്ടോ; ഇല്ലെങ്കിൽ നഷ്ടപരിഹാരം നൽകുന്നതിനെക്കുറിച്ച് ആലോചിക്കുന്നുണ്ടോ എന്ന് വ്യക്തമാക്കാമോ;

വന്യജീവി ആക്രമണത്തിൽ നിന്നും നാടിനെയും നാട്ടുകാരെയും രക്ഷിക്കുന്നതിന് കാസർഗോഡ് ജില്ലയിൽ സ്വീകരിച്ചതും സ്വീകരിക്കാൻ ഉദ്ദേശിക്കുന്നതുമായ നടപടികൾ മണ്ഡലം തിരിച്ചു വ്യക്തമാക്കാമോ?

സംസ്ഥാനത്ത് വന്യജീവി ആക്രമണങ്ങൾക്ക് ഇരയാവുന്നവർക്ക് നൽകുന്ന നഷ്ടപരിഹാരത്തിന്റെ കണക്കുകൾ വിശദമാക്കുമോ; ഇതിന് ആധാരമായ സർക്കാർ ഉത്തരവുകളുടെ പകർപ്പുകൾ കൂടി നൽകാമോ;

കഴിഞ്ഞ 5 വർഷത്തിനിടെ സംസ്ഥാനത്ത് വന്യജീവി ആക്രമണങ്ങളിൽ പരിക്കേറ്റവരുടെയും കൊല്ലപ്പെട്ടവരുടെയും ആകെ കണക്കുകൾ വിശദമാക്കുമോ; ഇതിനായി എത്ര തുക നഷ്ടപരിഹാരമായി വിതരണം ചെയ്തുവെന്നും ഇനി വിതരണം ചെയ്യാനുള്ള തുകയെത്രയെന്നും വ്യക്തമാക്കാമോ;

വന്യജീവി ആക്രമണത്തിൽപ്പെട്ട് ആജീവനാന്തം കിടപ്പുരോഗികളായിത്തീർന്നവർക്ക് അധികമായി എന്തെങ്കിലും നഷ്ടപരിഹാരം നൽകുന്നതിന് വ്യവസ്ഥയുണ്ടോ; ഇപ്രകാരമുള്ള എത്ര പേർ ഉണ്ടെന്ന കണക്കുകൾ നൽകാമോ;

വന്യജീവി ആക്രമണങ്ങൾക്കുള്ള നഷ്ടപരിഹാരത്തുക അവസാനമായി പുതുക്കി നിശ്ചയിച്ചത് എന്നാണ്; ആയത് പരിഷ്കരിക്കുന്നതിനുള്ള തീരുമാനം ഉണ്ടോ; വന്യജീവി ആക്രമണത്തിൽപ്പെട്ട് ആജീവനാന്തം കിടപ്പുരോഗികളായിത്തീർന്നവർക്ക് നഷ്ടപരിഹാരത്തുക വർദ്ധിപ്പിച്ചു നൽകുന്നതിന് വേണ്ട അടിയന്തര നടപടികൾ സ്വീകരിക്കാമോ?

ഏറനാട് മണ്ഡലത്തിൽ രൂക്ഷമായ വന്യമൃഗശല്യം പരിഹരിക്കുന്നതിനായി ആവിഷ്കരിച്ച പദ്ധതികളുടെ വിശദാംശം ലഭ്യമാക്കുമോ;

ഈ സര്‍ക്കാര്‍ അധികാരത്തില്‍ വന്നത് മുതല്‍ പ്രസ്തുത പദ്ധതിയ്ക്കായി നാളിതുവരെയായി എത്ര തുക അനുവദിച്ചുവെന്നും എന്തെല്ലാം പ്രവര്‍ത്തികളാണ് ചെയ്തതെന്നുമുള്ള വിശദാംശങ്ങൾ വെളിപ്പെടുത്തുമോ;

നിലമ്പൂര്‍ നോര്‍ത്ത് ഡിവിഷനിലെ വഴിക്കടവ് പുഞ്ചക്കൊല്ലി എന്ന സ്ഥലത്തു വെച്ച് വന്യ ജീവി ആക്രമണത്തില്‍ പരിക്കേറ്റ കരുളായി പുലിമുണ്ട നഗര്‍ ആദിവാസി കോളനിയിലെ കാട്ടുനായിക്കന്‍ വിഭാഗത്തില്‍പ്പെട്ട ശ്രീ സുരേഷ് എന്നയാളിന് നഷ്ടപരിഹാരം നല്‍കിയിട്ടുണ്ടോ; ഇല്ലെങ്കില്‍ നഷ്ടപരിഹാരം നല്കാത്തതിന്റെ കാരണം എന്താണെന്നും അടിയന്തരമായി നഷ്ടപരിഹാരം നല്‍കുന്നതിന് നടപടി സ്വീകരിക്കുമോയെന്നും അറിയിക്കുമോ?

കഴിഞ്ഞ നാല് വര്‍ഷത്തിനുള്ളില്‍ വന്യജീവി ആക്രമണത്തില്‍ മരിച്ചവരുടേയും ഗുരുതരമായി പരിക്കേറ്റവരുടേയും വിശദാംശം ലഭ്യമാക്കുമോ;

ഇക്കാലയളവിൽ വന്യജീവി ആക്രമണങ്ങള്‍മൂലം കര്‍ഷകര്‍ക്ക് സംഭവിച്ചിട്ടുള്ള കൃഷിനാശം, വന്യജീവികളുടെ ആക്രമണത്തില്‍ വളര്‍ത്തുമൃഗങ്ങള്‍ കൊല്ലപ്പെട്ടത് മൂലമുണ്ടായ നാശനഷ്ടം എന്നിവ എത്രയെന്ന് അറിയിക്കുമോ; ഇതുമായി ബന്ധപ്പെട്ട് എന്തെങ്കിലും നഷ്ടപരിഹാരം കര്‍ഷകര്‍ക്ക് അനുവദിച്ചിട്ടുണ്ടോ; എങ്കില്‍ വിശദമാക്കുമോ;

വന്യജീവി ആക്രമണങ്ങളെ പ്രതിരോധിക്കുന്നതിനും, ജനവാസ മേഖലകളില്‍ പ്രവേശിക്കുന്ന വന്യമൃഗങ്ങളെ എത്രയും വേഗം കാടുകയറ്റുന്നതിനും പര്യാപ്തമാകുന്ന വിധത്തില്‍ കൂടുതല്‍ ക്വിക്ക് റിയാക്ഷന്‍ ടീമുകള്‍ രൂപീകരിക്കുന്നതിനും, കൂടുതല്‍ വാഹനങ്ങളും, അത്യാധുനിക സംവിധാനങ്ങളും അടക്കം അവര്‍ക്ക് ലഭ്യമാക്കുന്നതിനും നടപടി സ്വീകരിക്കുമോ;

വന്യജീവി ആക്രമണത്തില്‍ മരിക്കുന്നവർക്കും ഗുരുതരമായി പരിക്കേല്‍ക്കുന്നവര്‍ക്കുമുള്ള നഷ്ടപരിഹാര തുക വര്‍ദ്ധിപ്പിക്കുന്നതിനും, പരിക്കേറ്റവര്‍ക്ക് സ്വകാര്യ ആശുപത്രികളില്‍ അടക്കം സൗജന്യ വിദഗ്ധ ചികിത്സ ഉറപ്പാക്കുന്നതിനും അടിയന്തിര നടപടി സ്വീകരിക്കുമോ; ഇക്കാര്യത്തില്‍ പ്രത്യേക കര്‍മ്മപദ്ധതി ആവിഷ്കരിക്കുമോ; വിശദമാക്കുമോ ?

ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ പാലാേട് ഫാേറസ്റ്റ് റേഞ്ചിന്റെ ദ്രുതകര്‍മ്മ സേന (ആർ. ആർ. ടി) മുഖാന്തിരം ജനവാസ മേഖലയില്‍ നിന്നും പിടിച്ച് സുരക്ഷിതമേഖലയിലേക്ക് മാറ്റിയ വന്യജീവികളുടെ വിവരങ്ങള്‍ വര്‍ഷാടിസ്ഥാനത്തില്‍ ഇനം തിരിച്ച് ലഭ്യമാക്കാമാേ;

വാമനപുരം നിയാേജക മണ്ഡലത്തിലെ വനമേഖലയാേട് ചേര്‍ന്ന ജനവാസമേഖലകളില്‍ അതിരൂക്ഷമായിക്കാെണ്ടിരിക്കുന്ന കുരങ്ങുശല്യം പരിഹരിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടാേ; വിശദമാക്കാമാേ;

വന്യജീവികൾ നാട്ടിലിറങ്ങി കാര്‍ഷികവിളകള്‍ നശിപ്പിക്കുന്നത് ഒഴിവാക്കുന്നതിനായി വനത്തിനുള്ളില്‍ അവയ്ക്ക് ഭക്ഷണവും വെള്ളവും ലഭ്യമാക്കുന്ന പദ്ധതി ആവിഷ്കരിച്ചിട്ടുണ്ടാേ; ഉണ്ടെങ്കില്‍ പദ്ധതി എവിടെയെല്ലാം നടപ്പാക്കിയിട്ടുണ്ടെന്ന് വിശദമാക്കാമാേ?

വനാതിർത്തികളിൽ വന്യജീവി ആക്രമണങ്ങള്‍ വര്‍ദ്ധിച്ചു വരുന്നതും തന്മൂലം നിരവധി മനുഷ്യര്‍ക്ക് ജീവാപായം ഉണ്ടാകുന്നു എന്നുമുള്ള ഗുരുതര സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ; എങ്കിൽ വിശദമാക്കുമോ;

മനുഷ്യ-വന്യജീവി സംഘര്‍ഷങ്ങള്‍ക്ക് ഒരു പരിധിവരെ കാരണമാകുന്ന വനങ്ങളിലെ അധിനിവേശ സസ്യങ്ങളും, ദോഷകരമായ വൃക്ഷങ്ങളും ഒഴിവാക്കുന്നതിന് ഈ സർക്കാർ വന്നശേഷം സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് അറിയിക്കുമോ; വിശദമാക്കുമോ;

വന്യജീവി ആക്രമണങ്ങളില്‍ നിന്നും ജനങ്ങളുടെ ജീവനും സ്വത്തിനും സംരക്ഷണം നല്‍കുന്നതിനും വന്യജീവികളെ സംരക്ഷിക്കാനുമായുള്ള മാസ്റ്റർപ്ലാൻ നടപ്പിലാക്കൽ പ്രവൃത്തി ഇപ്പോൾ ഏതു ഘട്ടത്തിലാണ്; വിശദമാക്കുമോ;

കഴിഞ്ഞ അഞ്ച് വർഷ കാലയളവിൽ ഓരോ വർഷവും എത്ര വന്യജീവി ആക്രമണങ്ങൾ രജിസ്റ്റർ ചെയ്തു; എത്ര പേർ ആക്രമണത്തിന് ഇരയായി; എത്ര പേര്‍ക്ക് ജീവഹാനി സംഭവിച്ചു; എത്ര ഹെക്ടർ കൃഷി നശിപ്പിച്ചു; ജില്ല തിരിച്ചുള്ള വിശദാംശം ലഭ്യമാക്കുമോ?

സംസ്ഥാനത്ത് കാട്ടാന ആക്രമണം വർധിച്ചു വരുന്ന സാഹചര്യം ഗൗരവമായി കാണുന്നുണ്ടോ; വിശദമാക്കുമോ ;

നിലമ്പൂർ മുത്തേടത്ത് കാട്ടാന ആക്രമണത്തിൽ സരോജിനി എന്ന സ്ത്രീയും, കുരുളായിയിൽ മണി എന്ന ആദിവാസി യുവാവും, കോതമംഗലത്ത് ക്ണാച്ചേരി സ്വദേശി കൊടിയാട്ട് എല്‍ദോസും, ആൻമേരിയും അടക്കം നിരവധി പേർ കാട്ടാന ആക്രമണത്തിൽ കഴിഞ്ഞ രണ്ട് മാസത്തിനുള്ളിൽ മരിച്ച സംഭവങ്ങൾ ഗൗരവത്തോടെ കാണുന്നുണ്ടോ; വ്യക്തമാക്കുമോ ;

സംസ്ഥാനത്ത് കാട്ടാന ആക്രമണം തടയാൻ സ്വീകരിച്ച നടപടികൾ വിശദമാക്കാമോ?

സംസ്ഥാനത്തു വന്യജീവി ആക്രമണങ്ങൾ വർദ്ധിച്ചു വരുന്ന ഗുരുതര സാഹചര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ജനവാസമേഖലകളും വനവും തമ്മിൽ വേര്‍തിരിക്കുന്നതിന് ഭിത്തി, വേലി എന്നിവ നിര്‍മ്മിക്കുന്നതിനായി നടപടി സ്വീകരിക്കുന്നുണ്ടോ; വിശദമാക്കുമോ;

വനത്തിനുള്ളില്‍ തീറ്റയും കുടിവെള്ളവും ലഭ്യമല്ലാതെ വരുന്ന സാഹചര്യത്തിലാണ് വന്യജീവികള്‍ നാട്ടിലേക്ക് ഇറങ്ങുന്നത് എന്നത് പരിശോധിച്ചിട്ടുണ്ടോ;

വന്യജീവികള്‍ക്ക് വനത്തിനുള്ളില്‍ തീറ്റയും കുടിവെള്ളവും ഉറപ്പാക്കാന്‍ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

മനുഷ്യ - വന്യജീവി സംഘർഷം രൂക്ഷമായതും സംഘർഷത്തിന് കൂടുതൽ സാധ്യതയുളളതുമായ സ്ഥലങ്ങൾ കണ്ടെത്തിയിട്ടുണ്ടോ; വിശദമാക്കുമോ;

ഈ സ്ഥലങ്ങളിൽ നടപ്പാക്കുന്നതിനായി കർമ്മ പദ്ധതികൾ ആസൂത്രണം ചെയ്തിട്ടുണ്ടോ; വിശദമാക്കുമോ;

ഈ പ്രദേശങ്ങളിലെ സൗ​രോർജ്ജവേലികൾ പ്രവർത്തനക്ഷമമാണെന്ന് ഉറപ്പുവരുത്തിയിട്ടുണ്ടോ; വിശദമാക്കുമോ;

വനാന്തർഭാഗത്ത് വന്യമൃഗങ്ങൾക്കാവശ്യമായ ജലം, തീറ്റ എന്നിവ ഉറപ്പാക്കാൻ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്; വിശദാംശം നൽകുമോ?

ഭക്ഷണ ആവശ്യങ്ങൾക്കായി ജനവാസ മേഖലകളെയും കൃഷിയിടങ്ങളെയും വന്യമൃഗങ്ങൾ ആശ്രയിക്കുന്നത് തടയുന്നതിന്റെ ഭാഗമായി വന്യമൃഗങ്ങൾക്ക് ജലലഭ്യതയും ഭക്ഷണലഭ്യതയും ഉറപ്പുവരുത്തുന്നതിന് വനംവകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കാമോ;

ഈ സർക്കാർ പ്രസ്തുത പ്രവൃത്തികൾക്കായി ചെലവഴിച്ച തുക എത്രയെന്നും എന്തെല്ലാം പദ്ധതികളാണ് നടപ്പാക്കിയിട്ടുള്ളതെന്നും വിശദമാക്കാമോ?

സംസ്ഥാനത്ത് വന്യജീവി ആക്രമണംമൂലം കൃഷിനാശം നേരിടേണ്ടിവരുന്ന കര്‍ഷകര്‍ക്ക് യുദ്ധകാലാടിസ്ഥാനത്തിൽ നഷ്ടപരിഹാരം നല്‍കുാന്‍ വനം വകുപ്പ് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ;

വന്യജീവികളുടെ ആക്രമണത്തില്‍ നിന്നും കര്‍ഷകരേയും കാർഷിക വിളകളേയും സംരക്ഷിക്കുന്നതിന് സ്വീകരിച്ചിട്ടുള്ള നടപടികൾ അറിയിക്കുമോ;

കാട്ടുപന്നികളെ വെർമിൻ ആയി പ്രഖ്യാപിക്കുന്നതിന് സ്വീകരിച്ച നടപടികൾ വിശദമാക്കുമോ?