സഹകരണ സ്ഥാപനങ്ങൾ പിന്തുടരുന്ന സിംഗിൾ എൻട്രി അക്കൗണ്ടിംഗ് സിസ്റ്റം മാറ്റി ഡബിൾ എൻട്രി അക്കൗണ്ടിംഗ് സിസ്റ്റത്തിലേക്ക് മാറാൻ ഉദ്ദേശിക്കുന്നുണ്ടോയെന്ന് അറിയിക്കാമോ;

സഹകരണ സ്ഥാപനങ്ങളിലേക്ക് ഏകീകൃത സോഫ്റ്റ് വെയർ തയ്യാറാക്കി നൽകുവാൻ തീരുമാനിച്ചിട്ടുണ്ടോ; വിശദാംശം നൽകാമോ?

സംസ്ഥാനത്ത് എത്ര സഹകരണ സ്ഥാപനങ്ങൾ നിലവിലുണ്ടെന്നുള്ള കണക്ക് ജില്ല തിരിച്ച് ലഭ്യമാക്കാമോ;

പ്രതിവർഷം ഓഡിറ്റ് നടത്തുന്നതിലേക്കും മറ്റുമായി സഹകരണ സ്ഥാപനങ്ങളിൽ നിന്നും വകുപ്പ് ഈടാക്കുന്ന തുക എത്രയാണെന്ന് വ്യക്തമാക്കാമോ;

പ്രസ്തുത ഇനത്തിൽ കഴിഞ്ഞ സാമ്പത്തിക വർഷം വകുപ്പ് എത്ര രൂപ ഈടാക്കിയിട്ടുണ്ടെന്ന് അറിയിക്കുമോ; ജില്ല തിരിച്ചുള്ള കണക്ക് ലഭ്യമാക്കാമോ?

സംസ്ഥാനത്തെ സഹകരണ ശൃംഖല ഉപയോഗപ്പെടുത്തി പൊതു വിപണിയില്‍ ഇടപെടലുകള്‍ നടത്തുന്നതിന്റെ സാധ്യത പരിശോധിച്ചിട്ടുണ്ടോയെന്ന് അറിയിക്കാമോ;

സാധാരണക്കാരായ പൊതുജനങ്ങള്‍ ആശ്രയിക്കുന്ന സഹകരണ മാവേലി സ്റ്റോറുകളില്‍ വീട്ടാവശ്യത്തിനുള്ള സാധനങ്ങള്‍ ലഭിക്കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ എന്തെല്ലാം നടപടി സ്വീകരിച്ചിട്ടുണ്ടെന്ന് വ്യക്തമാക്കാമോ?

നിക്ഷേപകര്‍ക്ക് നിക്ഷേപം തിരികെ നല്‍കുന്നതിന് സാധിക്കാത്ത സഹകരണ സംഘങ്ങള്‍ക്ക്, നിക്ഷേപം തിരികെ നല്‍കുന്നതിനായി കേരള സഹകരണ നിക്ഷേപ ഗ്യാരന്റി ഫണ്ട് ബോര്‍ഡ് മുഖേന പദ്ധതി ആവിഷ്കരിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് സഹകരണ മേഖലയുടെ അധികാരത്തിന്മേല്‍ കടന്നുകയറും വിധമുളള കേന്ദ്രസര്‍ക്കാരിന്റെ ഇടപെടല്‍ ഏതെല്ലാം തരത്തിലാണ് പ്രയാസമുണ്ടാക്കുന്നതെന്നും അത്തരം ഇടപെടലുകൾ ഏതൊക്കെയാണെന്നും പരിശോധിച്ചിട്ടുണ്ടോ; വ്യക്തമാക്കുമോ;

ഇതുവരെ ഏതെല്ലാം മള്‍ട്ടി സ്റ്റേറ്റ് സൊസെെറ്റികള്‍ കേരളത്തില്‍ ആരംഭിച്ചിട്ടുണ്ട്; വിശദാംശങ്ങള്‍ ലഭ്യമാക്കുമോ?

സംസ്ഥാനത്തെ സഹകരണ മേഖലയിലെ ജീവനക്കാര്‍ക്കും പെന്‍ഷന്‍കാര്‍ക്കും മെഡിസെപ് മാതൃകയില്‍ ആരാേഗ്യ ഇന്‍ഷുറന്‍സ് പരിരക്ഷ ഏര്‍പ്പെടുത്തുന്നത് വകുപ്പിന്റെ പരിഗണനയിലുണ്ടാേയെന്ന് അറിയിക്കാമോ;

സഹകരണ മേഖലയിലെ ജീവനക്കാരുടെയും പെന്‍ഷന്‍കാരുടെയും മെഡിക്കല്‍ അലവന്‍സ് തുക ഉപയാേഗിച്ച് ഇന്‍ഷുറന്‍സ് ഏര്‍പ്പെടുത്താനുള്ള പ്രസ്തുത പദ്ധതിയുടെ നിലവിലെ സ്ഥിതി വ്യക്തമാക്കാമാേ?

ലക‍്നൗ ഇന്ദിരാഗാന്ധി ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‍മെന്റില്‍നിന്നുള്ള എച്ച്.ഡി.സി.എം. സര്‍ട്ടിഫിക്കറ്റ് കേരളത്തിലെ സഹകരണ സ്ഥാപനങ്ങളിലെ നിയമനത്തിന് അപേക്ഷിക്കുന്നതിനുള്ള യോഗ്യതയായി കണക്കാക്കിയിട്ടുണ്ടോയെന്ന് അറിയിക്കുമോ?

വയനാട് ജില്ലയിലെ വിവിധ സഹകരണ ബാങ്കുകളില്‍ ഉണ്ടായതായി പറയപ്പെടുന്ന നിയമനക്കാേഴ സംബന്ധിച്ച വിവാദങ്ങള്‍ ഗൗരവമായി കാണുന്നുണ്ടാേ; പ്രസ്തുത വിവാദത്തിനിടയാക്കിയ സാഹചര്യം എന്തായിരുന്നുവെന്ന് അറിയിക്കുമോ;

നിയമനക്കാേഴ സംബന്ധിച്ച് സഹകരണ വകുപ്പുതല പ്രാഥമിക അന്വേഷണം നടത്തിയിട്ടുണ്ടാേ; എങ്കില്‍ ആയതിന്റെ വിശദാംശം ലഭ്യമാക്കുമാേ;

പ്രാഥമിക റിപ്പാേര്‍ട്ടിന്റെ അടിസ്ഥാനത്തിലും നിലവിലെ സാഹചര്യം കണക്കിലെടുത്തും വിശദമായ അന്വേഷണത്തിന് നിര്‍ദ്ദേശം നല്കിയിട്ടുണ്ടാേ; എങ്കില്‍ അന്വേഷണപരിധിയില്‍ എന്തെല്ലാമാണ് ഉള്‍ക്കാെള്ളിച്ചിട്ടുള്ളതെന്ന് വ്യക്തമാക്കുമാേ;

ഈ വിഷയം സംബന്ധിച്ച് എന്തെല്ലാം തുടര്‍ നടപടികളാണ് വകുപ്പ് കെെക്കാെള്ളാന്‍ ഉദ്ദേശിക്കുന്നതെന്ന് വിശദമാക്കുമാേ?

സഹകരണ സ്ഥാപനങ്ങളിൽ ജി.എസ്.ടി. ഓഡിറ്റ് വിഭാഗം 2024 ലും 2025 ലും നടത്തിയ പരിശോധനകളിൽ കണ്ടെത്തിയ നികുതി വെട്ടിപ്പ് എത്രയാണെന്ന് ജില്ല തിരിച്ചുള്ള കണക്ക് ലഭ്യമാക്കാമോ;

തുക ഈടാക്കി വർഷംതോറും നിർബന്ധിത ഓഡിറ്റ് നടത്തി റിപ്പോർട്ട് തയ്യാറാക്കിയിട്ടും ഇത്തരത്തിലുള്ള തെറ്റുകൾ കണ്ടെത്താൻ സാധിക്കാത്തത് എന്തുകൊണ്ടാണെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സഹകാരി സാന്ത്വനം പദ്ധതി പ്രകാരം എത്ര സഹകാരികള്‍ക്ക് ധനസഹായം നല്‍കിയിട്ടുണ്ടെന്ന് വിശദമാക്കാമാേ?

സഹകരണ മേഖലയുടെ വികസനത്തിന് ഹ്രസ്വകാല പ്രവര്‍ത്തനങ്ങളായി സര്‍ക്കാര്‍ മുന്നാേട്ട് വച്ച നാലാം നൂറ് ദിന കർമ്മ പരിപാടിയുടെ ഭാഗമായി ഏറ്റെടുത്ത മുഴുവന്‍ പദ്ധതികളും പൂര്‍ത്തീകരിക്കുവാന്‍ സാധിച്ചിട്ടുണ്ടാേ; എങ്കിൽ വിശദമാക്കുമാേ;

പ്രസ്തുത പദ്ധതിയുടെ ഭാഗമായി മലയാള ഭാഷയുടെ പെെതൃകം അടുത്ത തലമുറയ്ക്ക് പകര്‍ന്നു നല്‍കുന്നത് ലക്ഷ്യമിട്ട് അക്ഷരം മ്യൂസിയം സ്ഥാപിക്കാന്‍ നടപടിയെടുത്തിരുന്നാേ; എങ്കില്‍ വിശദാംശം നല്‍കുമോ;

നിര്‍മ്മാണ സാമഗ്രികളുടെ വിലക്കയറ്റം തടയുന്നതിനായി സഹകരണ മേഖലയില്‍ മെറ്റീരിയല്‍ ബാങ്ക് സ്ഥാപിക്കുന്ന പദ്ധതി പൂര്‍ത്തിയായിട്ടുണ്ടാേ; വിശദമാക്കുമാേ?

ഈ സര്‍ക്കാര്‍ റിസ്ക് ഫണ്ട് ഇനത്തില്‍ എത്ര കോടി രൂപയുടെ ആനുകൂല്യമാണ് വിതരണം ചെയ്തതെന്ന് അറിയിക്കുമോ;

റിസ്ക് ഫണ്ട് ലഭിക്കുന്നതിനായുളള അപേക്ഷയില്‍ തീരുമാനം എടുക്കാന്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഏത് വര്‍ഷം, ഏത് മാസം വരെ ലഭിച്ച അപേക്ഷകളാണ് തീര്‍പ്പാക്കിയിട്ടുളളതെന്നും എത്ര അപേക്ഷകളാണ് നിലവില്‍ ബാക്കിയുളളതെന്നും വിശദമാക്കാമോ?

ഈ സര്‍ക്കാര്‍ അധികാരമേറ്റ ശേഷം സഹകരണ വകുപ്പ് നടപ്പിലാക്കിയ പദ്ധതികള്‍ എന്തൊക്കെയാണെന്ന് വിശദമാക്കുമോ?

കേരള ബാങ്കിൽ വിവിധ തസ്തികകളിലായി എത്ര ഒഴിവുകൾ നിലവിലുണ്ടെന്ന് അറിയിക്കുമോ;

പ്രസ്തുത ഒഴിവുകൾ നികത്തുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കാമോ;

കേരള ബാങ്കിൽ ഏതെങ്കിലും തസ്തികയില്‍ താൽക്കാലിക നിയമനം നടത്തുന്നതിന് നിർദ്ദേശം നൽകിയിട്ടുണ്ടോയെന്ന് അറിയിക്കാമോ?

സഹകരണ ബാങ്കുകളിലെ അംഗങ്ങള്‍ക്ക് റിസ്ക് ഫണ്ടില്‍ നിന്നും ധനസഹായം ലഭിക്കുന്നതിനുളള മാര്‍ഗ്ഗനിര്‍ദേശങ്ങള്‍ പരിഷ്കരിച്ചിട്ടുണ്ടോയെന്ന് അറിയിക്കാമോ;

ഏതെല്ലാം വിഭാഗത്തിലാണ് റിസ്ക്ഫണ്ടില്‍ നിന്നും ധനസഹായം അനുവദിക്കുന്നതെന്നറിയിക്കാമോ;

സഹകരണ ബാങ്കില്‍ നിന്നും ലോണ്‍ എടുത്ത അംഗം മരണമടഞ്ഞാല്‍ ആറ് മാസത്തില്‍ താഴെ കുടിശികയുള്ളവര്‍ക്കുമാത്രമാണ് റിസ്ക് ഫണ്ടില്‍ നിന്നും ധനസഹായം ലഭിക്കുക എന്ന നിര്‍ദേശം പരിഷ്കരിച്ച് കുടിശിക കാലയളവ് ചുരുങ്ങിയത് ഒരു വര്‍ഷക്കാലമെങ്കിലുമായി മാറ്റം വരുത്തുന്നതിന് നടപടി സ്വീകരിക്കുമോ; വ്യക്തമാക്കാമോ;

ഈ സർക്കാർ അധികാരത്തില്‍ വന്ന ശേഷം റിസ്ക് ഫണ്ട് ആനുകൂല്യത്തിനായി പിറവം മണ്ഡലത്തിൽ നിന്ന് എത്ര അപേക്ഷകൾ ലഭിച്ചിട്ടുണ്ടെന്നും അവ ഏതെല്ലാമാണെന്നും അവയിൽ എത്രപേർക്ക് ധനസഹായം നൽകിയിട്ടുണ്ടെന്നും എത്ര അപേക്ഷകൾ തീർപ്പാക്കാനുണ്ടെന്നും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ കുന്നത്തുനാട് മണ്ഡലത്തിലെ സഹകരണ ബാങ്കുകളില്‍ നിന്നും റിസ്ക് ഫണ്ട് ആനുകൂല്യത്തിനായി സഹകരണ ബോര്‍ഡില്‍ എത്ര അപേക്ഷകള്‍ ലഭ്യമായിട്ടുണ്ടെന്നും ഇതില്‍ എത്ര പേര്‍ക്ക് റിസ്ക് ഫണ്ട് ആനുകൂല്യം ലഭ്യമാക്കിയിട്ടുണ്ടെന്നും വിശദമാക്കാമോ;

കുന്നത്തുനാട് മണ്ഡലത്തില്‍ റിസ്ത് ഫണ്ട് ആനുകൂല്യമായി എത്ര പേര്‍ക്ക് എത്ര തുകയാണ് അനുവദിച്ചിട്ടുള്ളതെന്ന് വിശദമാക്കാമോ;

പ്രസ്തുത മണ്ഡലത്തില്‍ റിസ്ക് ഫണ്ട് ആനുകൂല്യത്തിനായുള്ള അപേക്ഷകളിന്മേല്‍ എത്ര പേര്‍ക്ക് ആനുകൂല്യങ്ങള്‍ ലഭ്യമാക്കുവാന്‍ ബാക്കിയുണ്ടെന്നും എത്ര അപേക്ഷകള്‍ മാനദണ്ഡങ്ങള്‍ പാലിക്കാത്തതിനാല്‍ നിരസിച്ചിട്ടുണ്ടെന്നും വ്യക്തമാക്കാമോ;

അര്‍ഹരായ മുഴുവന്‍ അപേക്ഷകര്‍ക്കും റിസ്ക് ഫണ്ട് ആനുകൂല്യം വേഗത്തില്‍ ലഭ്യമാക്കുവാന്‍ നടപടി സ്വീകരിക്കുമോ; വിശദമാക്കുമോ?

2008-13, 2013-18 കാലയളവുകളില്‍ മുക്കം സര്‍വീസ് സഹകരണ ബാങ്കില്‍ നടന്ന ക്രമക്കേടുകളെ സംബന്ധിച്ച് സഹകരണ വിജിലന്‍സ് വിഭാഗം അന്വേഷണം നടത്തിയിട്ടുണ്ടാേയെന്നും അന്വേഷണത്തിലെ പ്രധാന കണ്ടെത്തലുകള്‍ എന്തൊക്കെയാണെന്നും വിശദമാക്കുമാേ;

അന്വേഷണത്തിന്മേല്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമാേ?

കോവിഡാനന്തരം സഹകരണ ബാങ്കുകളിലെ വായ്പ തിരിച്ചടവിൽ വീഴ്ച വരുത്തിയ ധാരാളം പേർക്ക് വകുപ്പിന്റെ കാര്യക്ഷമമായ ഇടപെടൽ മൂലം സമാശ്വാസം ലഭിക്കുന്നുണ്ടെങ്കിലും ചില ബാങ്കുകളുടെ പെരുമാറ്റം പൊതുജനങ്ങളിൽ ഭീതി ഉളവാക്കുന്നത് ഒഴിവാക്കാന്‍ ബാങ്കുകൾക്ക് നിർദ്ദേശം കൊടുക്കുന്നതിനുവേണ്ട നടപടികൾ സ്വീകരിക്കാമോ;

വായ്പ തിരിച്ചടവ് ദീര്‍ഘിപ്പിക്കാമെന്ന് പറഞ്ഞ് ചില ഏജൻസികൾ ഇത്തരം കടക്കാരെ സമീപിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് തടയുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ?

സംസ്ഥാനത്തെ സഹകരണ ബാങ്കുകളില്‍ നിന്ന് വിരമിച്ച ജീവനക്കാരുടെ പെന്‍ഷന്‍ സംബന്ധിച്ച് പഠിക്കുന്നതിന് നിയോഗിച്ച കമ്മിറ്റിയുടെ റിപ്പോര്‍ട്ടിന്മേല്‍ സ്വീകരിച്ച നടപടികളുടെ വിശദവിവരം നല്‍കുമോ?

മണലൂര്‍ മണ്ഡലത്തിലെ വിവിധ സഹകരണ ബാങ്കുകളില്‍ നിന്നും 2021-22 സാമ്പത്തിക വര്‍ഷം മുതല്‍ നാളിതുവരെ വായ്പ എടുത്തവരില്‍ എത്ര പേര്‍ക്ക് റിസ്ക് ഫണ്ട് പദ്ധതി പ്രകാരമുള്ള ആനുകൂല്യം നല്‍കിയിട്ടുണ്ട്; വ്യക്തമാക്കുമോ;

ഏതെല്ലാം സഹകരണ ബാങ്കുകളില്‍ നിന്നും എത്ര രൂപ വീതമാണ് ആനുകൂല്യമായി നല്‍കിയിട്ടുള്ളതെന്ന് വിശദമാക്കുമോ;

പ്രസ്തുത മണ്ഡലത്തില്‍ റിസ്ക് ഫണ്ടിനായുള്ള എത്ര അപേക്ഷകള്‍ തീര്‍പ്പാക്കാന്‍ ബാക്കിയുണ്ടെന്നും അവ എന്നത്തേയ്ക്ക് തീര്‍പ്പാക്കാനാകുമെന്നും അറിയിക്കുമോ;

റിസ്ക് ഫണ്ട് തുക അനുവദിക്കുന്നതിന്റെ മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കുമോ?

കേരള സംസ്ഥാന സഹകരണ കാർഷിക ഗ്രാമവികസന ബാങ്കിൽ അസിസ്റ്റൻറ് തസ്തികയിൽ നിന്നും അസിസ്റ്റൻറ് മാനേജർ തസ്തികയിലേക്ക് ഉദ്യോഗക്കയറ്റം ലഭിക്കുന്നതിനായി മൂന്ന് വർഷത്തെ പ്രവ‍‍‍‍‍ൃത്തി പരിചയം വേണമെന്ന മാനദണ്ഡം ഒരു വർഷമാക്കി കുറയ്ക്കുന്നതിനുള്ള ഭേദഗതി വരുത്തുന്നതിന് നടപടി സ്വീകരിക്കുന്നുണ്ടോ; വിശദമാക്കുമോ;

പ്രസ്തുത ബാങ്കിൽ അസിസ്റ്റൻറ് മാനേജർ തസ്തികയിൽ നിലവിൽ ജോലി ചെയ്യുന്നവരുടെ എണ്ണം എത്രയാണെന്ന് അറിയിക്കാമോ;

അസിസ്റ്റൻറ് മാനേജർ തസ്തികയിൽ നിലവിലുള്ള ഒഴിവുകളില്‍ അസിസ്റ്റന്റുമാരിൽ നിന്നും ഉദ്യോഗക്കയറ്റം വഴി നിയമനം നടത്താൻ മാറ്റിവെച്ചിരിക്കുന്ന തസ്തികകളുടെ എണ്ണം ലഭ്യമാക്കുമോ?

സഹകരണ കാർഷിക ഗ്രാമ വികസന ബാങ്കിൽ നിന്ന് അനുവദിക്കുന്ന വായ്പകളിൽ, തവണ മുടങ്ങി കുടിശ്ശിക വരുത്തി തുക തിരിച്ചടക്കാതെ ഉപേക്ഷിക്കുന്ന ഈട് വസ്തുക്കൾ ലേലത്തിൽ ഏറ്റെടുക്കാനാളില്ലാത്ത സാഹചര്യത്തിൽ നിയമപരമായ നടപടികൾ പൂർത്തിയാക്കി ബാങ്ക് തന്നെ ലേലം കൊള്ളുന്ന വസ്തുക്കൾക്ക് സഹകരണ രജിസ്ട്രാറുടെ ലേല സ്ഥിരീകരണം ലഭിക്കുന്നതിന് എന്തെങ്കിലും തടസ്സം നിലവിലുണ്ടോയെന്ന് വ്യക്തമാക്കുമോ;

സഹകരണ രജിസ്ട്രാറുടെ ലേല സ്ഥിരീകരണം ലഭിക്കുന്നതിന് കാലതാമസം നേരിടുന്നതുമൂലം വായ്പാ കുടിശ്ശിക തുക ദിനംപ്രതി വർദ്ധിച്ചുവരുമെന്നതിനാൽ ലേല സ്ഥിരീകരണം വേഗത്തിലാക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

വയനാട് ജില്ലയിലെ ബ്രഹ്മഗിരി ഡെവലപ്മെന്റ് സൊസൈറ്റി സ്ഥാപകരുടെയും നിലവിലുള്ള ഭരണസമതി അംഗങ്ങളുടെയും മുൻകാല അംഗങ്ങളുടെയും വിശദവിവരങ്ങള്‍ ലഭ്യമാക്കാമോ;

പ്രസ്തുത സൊസൈറ്റിക്ക് നാളിതുവരെ സർക്കാർ നൽകിയ ഗ്രാന്റും സൊസൈറ്റിയുടെ വിവിധ പദ്ധതികൾക്കായി നൽകിയ സാമ്പത്തിക സഹായങ്ങളും സംബന്ധിച്ച വിശദവിവരങ്ങൾ ലഭ്യമാക്കാമോ;

പ്രാഥമിക സഹകരണ സംഘങ്ങൾ, കേരള ബാങ്ക് (മുൻ ജില്ല/സംസ്ഥാന സഹകരണ ബാങ്ക്) എന്നിവിടങ്ങളിൽ നിന്നും എത്ര തുക നിക്ഷേപമായും കടമായും പ്രസ്തുത സൊസൈറ്റി സ്വീകരിച്ചിട്ടുണ്ടെന്നുള്ള വിശദ വിവരങ്ങൾ നൽകുമോ;

പ്രസ്തുത സൊസൈറ്റിയുടെ ഷെയർ ഏതൊക്കെ തരത്തിലാണെന്നും ആരൊക്കെയാണ് ഷെയർ ഹോൾഡർമാരെന്നുമുള്ള പൂർണ്ണ വിവരം നൽകാമോ;

കുടുംബശ്രീ യൂണിറ്റുകളിൽ നിന്നും പ്രസ്തുത സൊസൈറ്റി പണം സ്വീകരിച്ചിട്ടുണ്ടോ; എങ്കില്‍ സ്വീകരിച്ച തുക യുണിറ്റ് അടിസ്ഥാനത്തില്‍ വേർതിരിച്ച് ലഭ്യമാക്കാമോ;

പൊതുജനങ്ങളിൽ നിന്ന് എത്ര തുക വായ്പയായും ഡെപ്പോസിറ്റായും സമാഹരിച്ചിട്ടുണ്ട്; വിശദവിവരം നൽകാമോ;

നിലവിൽ സൊസൈറ്റിക്ക് എത്ര രൂപയുടെ ബാധ്യതയുണ്ടെന്നുള്ള വിവരം വ്യക്തികൾ, സഹകരണ സംഘങ്ങൾ, സ്ഥാപനങ്ങൾ എന്നിവയുടെ അടിസ്ഥാനത്തിൽ തരം തിരിച്ച് നൽകാമോ?

സംസ്ഥാന കോ-ഓപ്പറേറ്റീവ് വര്‍ക്കേഴ്സ് വെല്‍ഫയര്‍ ഫണ്ട് ബോര്‍ഡില്‍ അംഗങ്ങളായിട്ടുള്ള സഹകരണ ജീവനക്കാര്‍ എത്രയാണെന്നും ഇവരെ നിയമിക്കുന്നതിനുള്ള മാനദണ്ഡം എന്താണെന്നും വിശദമാക്കാമോ;

നാളിതുവരെയുള്ള കണക്കുകള്‍ പ്രകാരം ബോര്‍ഡിന്റേതായി വിവിധ സ്ഥാപനങ്ങളില്‍ നിക്ഷേപിക്കപ്പെട്ട ആകെ തുക എത്രയാണെന്നും ഏതെല്ലാം സ്ഥാപനങ്ങളില്‍ എത്ര കാലത്തേയ്ക്കാണ് നിക്ഷേപിച്ചിട്ടുള്ളതെന്നും വ്യക്തമാക്കാമോ;

ബോര്‍ഡിന്റെ ഹെഡ് ഓഫീസ്, റീജിയണല്‍ ഓഫീസുകള്‍ തുടങ്ങിയവയ്ക്ക് വാടകയിനത്തില്‍ പ്രതിവര്‍ഷം എത്ര തുക ചെലവ് പ്രതീക്ഷിക്കുന്നുവെന്നും മുന്‍ വര്‍ഷം പ്രസ്തുത ഇനത്തിലെ ചെലവ് എത്രയായിരുന്നുവെന്നും അറിയിക്കാമോ;

2024-25 സാമ്പത്തിക വര്‍ഷം എത്രപേര്‍ക്ക് റിസ്ക് ഫണ്ട് വഴി ധനസഹായം നല്‍കിയിട്ടുണ്ടെന്നും കോട്ടയം ജില്ലയില്‍ എത്രപേർക്ക് ധനസഹായം നല്‍കിയിട്ടുണ്ടെന്നും ധനസഹായം നല്‍കുന്നതിന് മാനദണ്ഡങ്ങളില്‍ എന്തെല്ലാം മാറ്റങ്ങളാണ് വരുത്തിയിട്ടുള്ളതെന്നും വിശദമാക്കാമോ?

ബാലുശ്ശേരി നിയോജക മണ്ഡലത്തില്‍ എത്ര എസ്.സി., എസ്.ടി. സഹകരണ സംഘങ്ങള്‍ പ്രവര്‍ത്തിക്കുന്നുണ്ടെന്നും അവ ഏതൊക്കെ ഗ്രാമപഞ്ചായത്തുകളിലാണെന്നും വ്യക്തമാക്കാമോ;

ബാലുശ്ശേരി മണ്ഡലത്തില്‍ എത്ര എസ്.സി., എസ്.ടി. സഹകരണ സംഘങ്ങളാണ് ഇതുവരെ രജിസ്റ്റര്‍ ചെയ്തിട്ടുള്ളതെന്നും ഇവയില്‍ എത്ര സൊസൈറ്റികള്‍ ഇപ്പോള്‍ പ്രവര്‍ത്തനക്ഷമമല്ല എന്നും അറിയിക്കാമോ;

ബാലുശ്ശേരി മണ്ഡലത്തില്‍ ഏതൊക്കെ എസ്.സി., എസ്.ടി. സൊസൈറ്റികള്‍ക്കാണ് സര്‍ക്കാര്‍ വിവിധ പദ്ധതികള്‍ക്കായി ധനസഹായം നല്‍കിയിട്ടുള്ളത്; വിശദമാക്കാമോ?

സഹകരണ ബാങ്കുകളിലെ വായ്പ കുടിശ്ശിക ഒറ്റത്തവണ തീര്‍പ്പാക്കുന്നതിനായി നവകേരളീയം കുടിശ്ശിക നിവാരണത്തിന് സര്‍ക്കാര്‍ നടപടി സ്വീകരിച്ചിട്ടുണ്ടാേ; എങ്കില്‍ പ്രസ്തുത പദ്ധതിയുടെ വിശദാംശം ലഭ്യമാക്കാമാേ?

ഈ സര്‍ക്കാരിന്റെ കാലത്ത് കുടിശ്ശിക നിവാരണ പദ്ധതിയുമായി ബന്ധപ്പെട്ട് സഹകരണ സംഘങ്ങള്‍ വഴിയുള്ള ഒറ്റത്തവണ തീര്‍പ്പാക്കലിലൂടെ എത്രയാളുകള്‍ക്ക് പ്രയോജനം ലഭിച്ചിട്ടുണ്ടെന്ന് വിശദമാക്കാമോ;

പ്രസ്തുത കാലയളവില്‍ ഒറ്റത്തവണ തീര്‍പ്പാക്കലിലൂടെ എത്ര തുക സഹകരണ സംഘങ്ങള്‍ക്ക് ഇതുവരെ ലഭിച്ചിട്ടുണ്ടെന്നും പലിശ, പിഴപലിശ എന്നിവ ഒഴിവാക്കിയതിലൂടെ സംഘങ്ങള്‍ക്ക് ലഭിക്കേണ്ടിയിരുന്ന തുകയില്‍ എത്ര രൂപയുടെ കുറവ് ഉണ്ടായിട്ടുണ്ടെന്നും വിശദമാക്കാമോ;

പ്രസ്തുത പദ്ധതി ഇപ്പോഴും തുടരുന്നുണ്ടോ; വിശദമാക്കാമോ?

കേരള സഹകരണ സംഘം (ഭേദഗതി) നിയമം, 2022-ന് അനുസൃതമായി കേരള സഹകരണ സംഘം ചട്ടത്തിൽ ഭേദഗതി വരുത്തുന്നതിന് നടപടി സ്വീകരിക്കുമോ, വിശദമാക്കാമോ?

വിവിധ സഹകരണ സ്ഥാപനങ്ങളില്‍ കുടിശ്ശിക വരുത്തിയ സഹകാരികള്‍ക്ക് കടാശ്വാസ കമ്മീഷന്‍ ഇളവ് അനുവദിച്ചതുമായി ബന്ധപ്പെട്ട് സഹകരണ സംഘങ്ങള്‍ക്ക് വലിയ തുക നല്‍കാനുള്ള വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് നാളിതുവരെ സ്വീകരിച്ച നടപടികള്‍ വിശദീകരിക്കാമോ;

കാര്‍ഷിക വായ്പകള്‍ക്ക് ഉത്തേജന പലിശയിളവ് നല്‍കിയ ഇനത്തിൽ കാര്‍ഷിക വായ്പ സഹകരണ സംഘങ്ങള്‍ക്കും സര്‍വ്വീസ് സഹകരണ ബാങ്കുകള്‍ക്കും നല്‍കാനുള്ള കുടിശ്ശിക സംബന്ധിച്ച വിശദാംശം ജില്ല തിരിച്ച് നല്‍കാമോ;

പ്രസ്തുത കുടിശ്ശികകള്‍ സഹകരണ മേഖലയെ പ്രതികൂലമായി ബാധിക്കുമെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്തെ നെല്‍കര്‍ഷകരുടെ ഉന്നമനത്തിനായി രൂപീകരിച്ചിട്ടുളള സഹകരണ സംഘങ്ങളുടെ പ്രവര്‍ത്തനം സംബന്ധിച്ച വിശദാംശം ലഭ്യമാക്കുമോ?

കേരളത്തിലെ സഹകരണ ബാങ്ക് ജീവനക്കാരുടെ പെന്‍ഷന്‍ പദ്ധതി പരിഷ്കരിക്കുന്നതിനുവേണ്ടി നിയോഗിച്ച രാജേന്ദ്രന്‍ നായര്‍ കമ്മിറ്റിയുടെ റിപ്പോര്‍ട്ട് പെന്‍ഷന്‍ സംഘടനകളുമായി ചര്‍ച്ച ചെയ്ത് അപാകതകള്‍ പരിഹരിച്ച് നടപ്പാക്കുമോ; വ്യക്തമാക്കാമോ;

സഹകരണ പെന്‍ഷന്‍കാര്‍ക്ക് ലഭിച്ചുകൊണ്ടിരുന്ന ഡി.എ. പുന:സ്ഥാപിക്കുമോയെന്ന് അറിയിക്കാമോ;

രാജേന്ദ്രന്‍ നായര്‍ കമ്മിറ്റി ശിപാര്‍ശ ചെയ്ത 2% വര്‍ദ്ധനവ് ഉടൻ നല്‍കുവാന്‍ നടപടിയെടുക്കുമോ; വ്യക്തമാക്കാമോ;

കേരള ബാങ്കില്‍ നിന്നും റിട്ടയര്‍ ചെയ്തവരുടെ പ്രതിനിധികളെ സഹകരണ പെന്‍ഷന്‍ ബോര്‍ഡില്‍ ഉള്‍പ്പെടുത്തുവാനുള്ള നടപടികള്‍ സ്വീകരിക്കുമോയെന്ന് അറിയിക്കാമോ;

സഹകരണ പെന്‍ഷന്‍കാര്‍ക്കായി പെന്‍ഷന്‍ ബോര്‍ഡിന്റെ നേതൃത്വത്തില്‍ മെഡിക്കല്‍ ഇന്‍ഷ്വറന്‍സ് പദ്ധതി നടപ്പാക്കുമോ; വ്യക്തമാക്കാമോ?

സഹകരണ സംഘങ്ങളിലെ ഒറ്റത്തവണ തീര്‍പ്പാക്കല്‍ പദ്ധതി സംബന്ധിച്ച വിശദാംശങ്ങള്‍ നല്‍കുമോ; ഇതിനായി എന്തെല്ലാം മാര്‍ഗ്ഗനിര്‍ദ്ദേശങ്ങളാണ് പുറപ്പെടുവിച്ചിട്ടുളളതെന്ന് അറിയിക്കുമോ?

വിഴിഞ്ഞം അന്താരാഷ്ട്ര തുറമുഖം വാണിജ്യാടിസ്ഥാനത്തില്‍ പ്രവര്‍ത്തനമാരംഭിച്ചിട്ടുണ്ടോ; തുറമുഖത്തിന്റെ നാളിതുവരെയുള്ള പ്രവര്‍ത്തനം വിലയിരുത്തിയിട്ടുണ്ടോ; വിശദമാക്കുമോ;

പ്രസ്തുത തുറമുഖത്തിന് കേന്ദ്ര സര്‍ക്കാരില്‍നിന്നും വയബിലിറ്റി ഗ്യാപ് ഫണ്ട് ലഭ്യമായിട്ടുണ്ടോ; എങ്കിൽ ഈ ഫണ്ട് പല മടങ്ങായി തിരിച്ചടയ്ക്കണമെന്ന നിബന്ധന നിലവിലുണ്ടോ; വിശദമാക്കുമോ;

രാജ്യത്തെ മറ്റ് തുറമുഖങ്ങള്‍ക്ക് അനുവദിച്ചിട്ടുള്ള വയബിലിറ്റി ഗ്യാപ് ഫണ്ട് തിരിച്ചടക്കേണ്ടതില്ലാത്ത സാഹചര്യത്തില്‍ കേന്ദ്രനിലപാട് സംസ്ഥാന താല്‍പര്യത്തിന് വിഘാതമാകുമോ; വിശദീകരിക്കുമോ;

വയബിലിറ്റി ഗ്യാപ് ഫണ്ടിന്റെ മാനദണ്ഡങ്ങള്‍ അനുസരിച്ച് ഒറ്റത്തവണ ഗ്രാന്റായി ലഭിക്കേണ്ട തുക മാനദണ്ഡങ്ങള്‍ക്ക് വിരുദ്ധമായി തിരിച്ചടയ്ക്കണമെന്ന കേന്ദ്രസര്‍ക്കാര്‍ നിലപാടിനെതിരെ സ്വീകരിച്ച നടപടികള്‍ എന്തെല്ലാം; വ്യക്തമാക്കുമോ?

കോഴിക്കോട് ശാന്തിനഗര്‍ കോളനിയില്‍ ഗ്രൗണ്ട് നിര്‍മ്മിക്കുന്നതിന് തുറമുഖ വകുപ്പ് പദ്ധതി തയ്യാറാക്കിയിട്ടുണ്ടോ;

ഏത് ഏജന്‍സിയെയാണ് പ്രവൃത്തി നടത്താന്‍ ചുമതലപ്പെടുത്തിയിട്ടുള്ളത്;

എന്തെല്ലാം നടപടികളാണ് ഇക്കാര്യത്തിൽ സ്വീകരിച്ചിട്ടുള്ളത് വ്യക്തമാക്കാമോ?

കോഴിക്കോട് ബീച്ചില്‍ വഴിയോര വിശ്രമ കേന്ദ്രം നിര്‍മ്മിക്കുന്നതിന് എം.എല്‍.എ. ആസ്തി വികസന ഫണ്ടില്‍ നിന്നും തുക വിനിയോഗിക്കുന്നതിന് മാരിടൈം ബോര്‍ഡിനെ ചുമതലപ്പെടുത്തിയത്‌ പ്രകാരം എന്തെല്ലാം നടപടികളാണ് സ്വീകരിച്ചത് എന്ന് വ്യക്തമാക്കുമോ?

ചവറ മണ്ഡലത്തിലെ നീണ്ടകരയില്‍ പ്രവര്‍ത്തിക്കുന്ന മാരിടെെം ഇന്‍സ്റ്റിറ്റ്യൂട്ടിന്റെ പ്രവര്‍ത്തനം വിപുലപ്പെടുത്തുന്നതിനായി സ്വീകരിച്ച നടപടികള്‍ അറിയിക്കുമോ;

പ്രസ്തുത സ്ഥാപനത്തിലെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് സമയക്രമം നിശ്ചയിച്ചിട്ടുണ്ടോ എന്ന് അറിയിക്കുമോ?

സംസ്ഥാനത്തെ ക്ഷേത്രങ്ങളെ സംബന്ധിച്ച വിശദാംശങ്ങളെല്ലാം ഒരു കുടക്കീഴില്‍ ലഭ്യമാകുന്ന വിധത്തില്‍ ഒരു പൊതു വെബ്സൈറ്റ് സ്ഥാപിക്കാന്‍ നടപടി സ്വീകരിക്കുമോയെന്ന് വിശദമാക്കുമോ;

പ്രസ്തുത വെബ്സൈറ്റില്‍ ഓരോ ക്ഷേത്രങ്ങളുടെയും ആചാരവിധികള്‍, ഐതിഹ്യങ്ങള്‍, വഴിപാടുകളുടെയും ഉത്സവങ്ങളുടെയും വിശദാംശങ്ങള്‍ എന്നിവ ഉള്‍പ്പെടുത്താന്‍ നടപടി സ്വീകരിക്കുമോ;

പില്‍ഗ്രിം ടൂറിസത്തിന് ഏറെ ഗുണകരമായ ഈ വെബ്സൈറ്റ് അടിയന്തരമായി സ്ഥാപിക്കാന്‍ നടപടി സ്വീകരിക്കുമോ; വ്യക്തമാക്കാമോ?

"ശബരിമലയിൽ നിന്ന് സർക്കാരിന്റെ ഖജനാവിലേക്ക് ഇത്തവണ എത്തിയത് 440 കോടി രൂപ" എന്ന് മനോരമ ഓൺലൈൻ 23.01.2025-ന് നൽകിയ വ്യാജ വാർത്ത ശ്രദ്ധയിൽപ്പെട്ടിട്ടുണ്ടോയെന്ന് അറിയിക്കാമോ;

പ്രസ്തുത വാർത്തക്കെതിരെ നിയമ നടപടി സ്വീകരിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കുമോ?

ശബരിമല തീര്‍ത്ഥാടകര്‍ക്കുളള സൗകര്യങ്ങള്‍ വര്‍ദ്ധിപ്പിക്കുന്നതിന് എത്ര രൂപയുടെ വികസന പദ്ധതികളാണ് ആവിഷ്കരിച്ചിട്ടുളളത്; ഓരോ പദ്ധതികളുടെയും വിശദാംശം ലഭ്യമാക്കുമോ;

വരുമാനം കുറഞ്ഞ ക്ഷേത്രങ്ങളുടെ പ്രവര്‍ത്തനങ്ങള്‍ക്ക് ഏതുതരത്തിലുളള സഹായമാണ് സര്‍ക്കാരും ദേവസ്വം ബോര്‍ഡുകളും നല്‍കുന്നതെന്ന് വ്യക്തമാക്കുമോ?

തിരുവിതാംകൂര്‍ ദേവസ്വം ബോര്‍ഡിന്റെ മേല്‍നോട്ടത്തിലുള്ള ക്ഷേത്രങ്ങളെ എത്ര വിഭാഗമായി തരം തിരിച്ചിട്ടുണ്ടെന്നും അവ ഏതെല്ലാമാണെന്നും വ്യക്തമാക്കുമോ;

ഇതിനായി സ്വീകരിച്ചുവരുന്ന മാനദണ്ഡങ്ങള്‍ എന്തൊക്കെയാണ്; വിശദമാക്കുമോ?

കാട്ടാക്കട മണ്ഡലത്തിലെ ആറ് പഞ്ചായത്തുകളിലായി ദേവസ്വം ബോര്‍ഡിന് കീഴിലുള്ള ക്ഷേത്രങ്ങള്‍ ഏതൊക്കെയാണെന്നും പ്രസ്തുത ക്ഷേത്രങ്ങളുടെ ഭൂമിയുടെ അളവ് സംബന്ധിച്ചും പഞ്ചായത്ത് തിരിച്ച് വിവരം ലഭ്യമാക്കുമോ?

മലബാര്‍ ദേവസ്വം ബോര്‍ഡില്‍ സി, ഡി ക്ലാസ്സുകളില്‍ നിലവില്‍ എത്ര ജീവനക്കാര്‍ ജോലിചെയ്തുവരുന്നുണ്ടെന്ന് അറിയിക്കാമോ;

പ്രസ്തുത ജീവനക്കാരുടെ ശമ്പളം സമയബന്ധിതമായി കൊടുത്തു തീര്‍ക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

ഗുരുവായൂര്‍ ദേവസ്വം നിര്‍മ്മിച്ച് നല്‍കുന്ന ഗുരുവായൂര്‍ ഫയര്‍ സ്റ്റേഷന്‍ കെട്ടിട നിര്‍മ്മാണത്തിന്റെ നിലവിലെ സ്ഥിതി എന്താണെന്നും എന്നത്തേയ്ക്ക് പൂര്‍ത്തീകരിക്കുമെന്നും വിശദമാക്കുമോ?

സംസ്ഥാനത്തെ വിവിധ ദേവസ്വം ബോർഡ് ഭരണ സമിതികളുടെ നിലവിലെ കാലാവധി എത്രയാണെന്നും പ്രസ്തുത കാലാവധി നീട്ടുന്നത് സംബന്ധിച്ച് ആലോചിച്ചിട്ടുണ്ടോയെന്നും അറിയിക്കുമോ;

ഭരണ സമിതികളുടെ കാലാവധി കുറയുന്നത് വികസന പ്രവർത്തനങ്ങള്‍ക്കും പദ്ധതികളുടെ ആവിഷ്കരണത്തിലും തടസ്സമാകുന്നത് കണക്കിലെടുത്ത് കാലാവധി ഏകീകരിച്ച് ഉത്തരവാകുന്നതിന് നടപടി സ്വീകരിക്കുമോ?

മലബാര്‍ ദേവസ്വം ബോര്‍ഡിന് ഗ്രാന്റ് ഇനത്തില്‍ 2024-25 സാമ്പത്തിക വർഷം എത്ര തുകയാണ് ബജറ്റില്‍ വകയിരുത്തിയിട്ടുളളതെന്ന് അറിയിക്കുമോ;

പ്രസ്തുത ഇനത്തില്‍ ഇതേവരെ എത്ര തുക അനുവദിച്ചുവെന്നും ബാക്കി തുക എന്നത്തേയ്ക്ക് അനുവദിക്കുമെന്നും വ്യക്തമാക്കുമോ;

മലബാര്‍ ദേവസ്വം ബോര്‍ഡിന് കീഴിലുളള ക്ഷേത്ര ജീവനക്കാര്‍ക്ക് എല്ലാ മാസവും കൃത്യമായി ശമ്പളം ലഭിക്കുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

തിരുവിതാംകൂർ ദേവസ്വം ബോർഡിൽ സ്പെഷ്യൽ റൂൾ നിലവിൽ വന്നശേഷം ക്ഷേത്ര ജീവനക്കാരിൽ നിന്നും എത്ര പേരെ തസ്തിക മാറ്റം വഴി പ്യൂൺ തസ്തികയില്‍ നിയമിച്ചിട്ടുണ്ട്; വിശദാംശങ്ങൾ ലഭ്യമാക്കുമോ;

തസ്തിക മാറ്റം വഴി ക്ഷേത്ര ജീവനക്കാരെ നിയമിച്ചിട്ടുണ്ടെങ്കിൽ ആനുപാതികമായി എത്ര ഭിന്നശേഷിക്കാർക്ക് നിയമനം നൽകിയിട്ടുണ്ട്; ഇപ്രകാരം നിയമിച്ചവരുടെ പട്ടിക ലഭ്യമാക്കുമോ;

ക്ഷേത്ര ജീവനക്കാരിൽ എത്ര ഭിന്നശേഷി ജീവനക്കാരുണ്ടെന്നും സ്പെഷ്യൽ റൂൾ നിലവിൽ വന്നശേഷം പ്രസ്തുത ജീവനക്കാർക്ക് പ്യൂൺ തസ്തികയിൽ ആനുപാതികമായോ അല്ലാതെയോ നാളിതുവരെ നിയമനം നൽകിയിട്ടില്ലെങ്കിൽ ബാക്ക് ലോഗ് കണക്കിലെടുത്ത് അർഹതപ്പെട്ട ഭിന്നശേഷിക്കാർക്ക് നിയമനം നൽകാൻ ഉദ്ദേശിക്കുന്നുണ്ടോയെന്നുമുള്ള വിശദാംശങ്ങൾ ലഭ്യമാക്കാമോ?

മലബാര്‍ ദേവസ്വം ബോര്‍ഡിന്റെ കീഴിലുള്ള ക്ഷേത്രങ്ങളുടെ നിയന്ത്രണത്തില്‍ എത്ര വിദ്യാഭ്യാസ സ്ഥാപനങ്ങള്‍ പ്രവര്‍ത്തിക്കുന്നുണ്ടെന്നും അവ ഏതെല്ലാമാണെന്നും വിശദമാക്കുമോ?

കാട്ടാക്കട നിയാേജക മണ്ഡലത്തിലെ തൃക്കാഞ്ഞിരപുരത്ത് തിരുവിതാംകൂർ ദേവസ്വം ബാേര്‍ഡിന് കീഴില്‍ ആര്‍ട്സ് ആന്റ് സയന്‍സ് കാേളേജ് ആരംഭിക്കുന്നതിനുള്ള നടപടികളുടെ നിലവിലെ സ്ഥിതിയും ഇതിനായി ബാേര്‍ഡ് സ്വീകരിച്ച നടപടികളും ആയതിന്റെ പകര്‍പ്പുകളും ലഭ്യമാക്കാമാേ;

ബാേര്‍ഡിന് കീഴില്‍ സ്വാശ്രയ മേഖലയില്‍ പ്രസ്തുത കാേളേജ് ആരംഭിക്കാനാകുമാേ; വിശദാംശങ്ങള്‍ ലഭ്യമാക്കാമാേ?

തിരൂർ മണ്ഡലത്തിലെ തിരുനാവായ ക്ഷേത്രത്തിൽ ബലിതർപ്പണത്തിനായി നിലവിൽ നിർമ്മിച്ചിട്ടുള്ള കടവിന്റെ നീളം എത്രയാണെന്ന് അറിയിക്കുമോ;

കടവിന്റെ നീളം വർദ്ധിപ്പിക്കുന്നതിന് സർക്കാരിന്റെ ഭാഗത്തുനിന്നോ ദേവസ്വം ബോർഡിന്റെ ഭാഗത്തുനിന്നോ നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കുമോ;

കർക്കിടക വാവിലെ ബലിതർപ്പണത്തിന് പ്രസ്തുത ക്ഷേത്രത്തിൽ എത്തുന്ന ആളുകളുടെ എണ്ണം ഏകദേശം എത്രയാണെന്ന് അറിയിക്കുമോ;

ക്ഷേത്രക്കടവിന്റെ നീളം അപര്യാപ്തമായതിനാൽ കർക്കിടക വാവിലെ ബലിതർപ്പണത്തിന് ഉണ്ടാകുന്ന തിക്കും തിരക്കും കാരണം അപകടങ്ങൾ റിപ്പോർട്ട് ചെയ്തിട്ടുണ്ടെങ്കിൽ ആയതിന്റെ വിശദാംശം ലഭ്യമാക്കുമോ?

കഴക്കൂട്ടം മഹാദേവ ക്ഷേത്രാങ്കണത്തില്‍ നടന്നു വരുന്ന ശബരിമല ഇടത്താവളം പ്രോജക്ടിന്റെ നിര്‍മ്മാണ പുരോഗതി വിശദമാക്കാമോ;

പ്രസ്തുത നിർമ്മാണ പ്രവൃത്തി പൂര്‍ത്തിയാക്കി ഉദ്ഘാടനം നിര്‍വ്വഹിക്കുന്നതിന് ഉദ്ദേശിക്കുന്ന തീയതി വ്യക്തമാക്കാമോ?

ചാവക്കാട് നഗരസഭയിലെ ദ്വാരക ബീച്ചില്‍ താമസിക്കുന്നവര്‍ക്ക് ഗുരുവായൂർ ദേവസ്വം ബോർഡിന്റെ സ്ഥലം വഴിയ്ക്കായി വിട്ടുകൊടുക്കുന്നത് സംബന്ധിച്ച് നാളിതുവരെ സ്വീകരിച്ച നടപടികള്‍ വിശദമാക്കുമോ;

സ്ഥലം വിട്ടുകൊടുക്കുന്നതിന് ദേവസ്വം കമ്മീഷണര്‍ അനുമതി നല്‍കിയിട്ടുണ്ടോ; എങ്കിൽ കമ്മീഷണര്‍ നല്‍കിയ ഉത്തരവിന്റെ പകര്‍പ്പ് ലഭ്യമാക്കുമോ?

പുതുക്കാട് മണ്ഡലത്തിലെ കുടുംബശ്രീ അയല്‍ക്കൂട്ടങ്ങള്‍ വഴി കോവിഡ് കാലം വരെ മികച്ച രീതിയില്‍ നടപ്പാക്കിയിരുന്നതും പിന്നീട് നിര്‍ത്തിവച്ചതുമായ ഗുരുവായൂര്‍ ദേവസ്വത്തിന്റെ കദളീവനം പദ്ധതി പുനരാരംഭിക്കുന്നതിന് ആവശ്യമായ അടിയന്തര നടപടികള്‍ സ്വീകരിക്കുമോ; വ്യക്തമാക്കാമോ?

പുതുക്കാട് മണ്ഡലത്തിലെ കദളീവനം പദ്ധതിയില്‍ ഉള്‍പ്പെടുത്തി കുടുംബശ്രീ അയല്‍ക്കൂട്ടങ്ങള്‍ വഴി ഉല്പാദിപ്പിക്കുന്ന കദളിപ്പഴം ഗുരുവായൂര്‍ ക്ഷേത്രത്തില്‍ വിതരണം ചെയ്യുന്നത് നിര്‍ത്തിവച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

കോവിഡിനെ തുടര്‍ന്ന് നിര്‍ത്തിവച്ച പ്രസ്തുത പദ്ധതി പുനരാരംഭിച്ച് കുടുംബശ്രീ അയല്‍ക്കൂട്ടങ്ങള്‍ വഴിയുള്ള കദളിപ്പഴ വിതരണം തുടരുന്നതിന് അനുമതി നല്‍കുന്നതിനാവശ്യമായ നടപടികള്‍ സ്വീകരിക്കുമോയെന്ന് അറിയിക്കാമോ;

മുന്‍പ് റവന്യൂ(ദേവസ്വം) വകുപ്പിന്റെ അനുമതി ലഭിച്ച പ്രസ്തുത പദ്ധതിക്ക് തുടര്‍ന്നും അനുമതി ലഭ്യമാക്കുന്നതിനാവശ്യമായ നടപടികള്‍ സ്വീകരിക്കുമോ; വ്യക്തമാക്കുമോ?