കാസർഗോഡ് ജില്ലയിലെ ഉദുമ നിയോജകമണ്ഡലത്തിൽ ഭവന-ഭൂരഹിതരായ പട്ടികജാതി പട്ടികവർഗ്ഗ വിഭാഗങ്ങളുടെ ലിസ്റ്റ് പഞ്ചായത്തടിസ്ഥാനത്തിൽ ലഭ്യമാക്കുമോ;

പ്രസ്തുത വിഭാഗക്കാർ ലൈഫ് പദ്ധതിയുടെ ലിസ്റ്റിൽ ഉൾപ്പെട്ടിട്ടുണ്ടോ എന്നുള്ള വിവരം അറിയിക്കുമോ; വിശദമാക്കുമോ?

കാസർഗോഡ് ജില്ലയിലെ ഭവന ഭൂരഹിതരായ പട്ടികവർഗ്ഗ വിഭാഗങ്ങളുടെ ലിസ്റ്റ് പഞ്ചായത്ത്/നഗരസഭ അടിസ്ഥാനത്തിൽ ലഭ്യമാക്കാമോ;

പ്രസ്തുത വിഭാഗക്കാർക്ക് ഭൂമിയും വീടും നൽകുന്നതിന് സ്വീകരിച്ച നടപടികൾ വിശദമാക്കാമോ?

വൈപ്പിൻ നിയോജകമണ്ഡലത്തിൽ ഭൂരഹിതരും ഭവനരഹിതരുമായ എത്ര പട്ടികജാതി പട്ടികവർഗ്ഗ കുടുംബങ്ങൾ ഉണ്ടെന്ന് പഞ്ചായത്ത് അടിസ്ഥാനത്തിൽ വിശദാംശം ലഭ്യമാക്കാമോ;

പ്രസ്തുത കുടുംബങ്ങൾക്ക് ഭൂമിയും ഭവനവും ലഭ്യമാക്കാൻ സ്വീകരിച്ചിട്ടുളള നടപടികൾ വിശദമാക്കാമോ?

സംസ്ഥാനത്ത് ഭൂരഹിതർക്ക് ഭവന നിർമ്മാണത്തിനുള്ള ഭൂമി നൽകുന്ന പദ്ധതി പ്രകാരം നടപ്പ് സാമ്പത്തിക വർഷത്തെ ബജറ്റിൽ പട്ടികജാതി പട്ടികവർഗ്ഗ വകുപ്പിന് വകയിരുത്തിയിട്ടുള്ള തുക എത്രയാണ്; ഇതിൽ എത്ര തുക നാളിതുവരെ ചെലവഴിച്ചിട്ടുണ്ട്; വകുപ്പ് മുഖേന ഭൂമി വാങ്ങുന്നതിനായി എത്ര തുക ചെലവഴിച്ചിട്ടുണ്ടെന്നും എത്ര പേർക്ക് ഭുമി വാങ്ങി നൽകിയിട്ടുണ്ടെന്നും വ്യക്തമാക്കുമോ;

പ്രസ്തുത പദ്ധതിയില്‍ നിന്നും ലൈഫ് പദ്ധതിയിലേക്ക് തുക കൈമാറിയിട്ടുണ്ടോ; എങ്കിൽ കൈമാറിയ തുക എത്രയാണെന്ന് വ്യക്തമാക്കുമോ?

മാവേലിക്കര മണ്ഡലത്തില്‍ പട്ടികജാതി പട്ടികവര്‍ഗ്ഗ വിഭാഗങ്ങളില്‍പ്പെട്ട ഭൂരഹിതരും ഭവനരഹിതരുമായ എത്ര കുടുംബങ്ങള്‍ നിലവില്‍ ഉണ്ടെന്ന് ഗ്രാമപഞ്ചായത്ത്/മുന്‍സിപ്പാലിറ്റി അടിസ്ഥാനത്തില്‍ അറിയിക്കുമോ;

പ്രസ്തുത മണ്ഡലത്തില്‍ 2016 മുതല്‍ 2022 വരെയുള്ള കാലയളവില്‍ എത്ര പട്ടികജാതി പട്ടികവര്‍ഗ്ഗ കുടുംബങ്ങള്‍ക്ക് വിവിധ പദ്ധതികളില്‍ ഉള്‍പ്പെടുത്തി ഭവനം അനുവദിച്ചിട്ടുണ്ടെന്നും എത്ര കുടുംബങ്ങള്‍ക്ക് ഭൂമി അനുവദിച്ചിട്ടുണ്ടെന്നും ഗ്രാമപഞ്ചായത്ത്/മുന്‍സിപ്പാലിറ്റി അടിസ്ഥാനത്തില്‍ വിശദമാക്കുമോ?

പട്ടികജാതി പട്ടികവർഗ്ഗ വികസന വകുപ്പ് മുഖേന പട്ടികജാതിക്കാർക്കും പട്ടികവർഗ്ഗക്കാർക്കും നടപ്പാക്കുന്ന ഭവന നിർമ്മാണ പദ്ധതികൾ ഏതൊക്കെയാണെന്നും പ്രസ്തുത പദ്ധതികൾക്കായി കഴിഞ്ഞ അഞ്ച് സാമ്പത്തിക വർഷങ്ങളിൽ നീക്കിവെച്ച തുകയും ചെലവഴിച്ച തുകയും എത്രയാണെന്നും ഇനം തിരിച്ച് വ്യക്തമാക്കുമോ?

മുൻ സർക്കാരിന്റെ കാലം മുതൽ നാളിതുവരെ പ്ലാൻ ഫണ്ടിലെ അടങ്കൽ തുകയിലെ കുറവ് മൂലം എസ്.സി., എസ്.ടി. വിഭാഗങ്ങൾക്കായുള്ള പദ്ധതികൾ പ്രതിസന്ധിയിലായ കാര്യം ഗൗരവത്തോടെ കാണുന്നുണ്ടോ;

കിഫ്ബിയുടെ പ്രോജക്ടുകളിൽ എസ്.സി.പി., ടി.എസ്.പി. പദ്ധതിക്ക് സമാനമായി തുക നീക്കിവച്ചിട്ടുണ്ടോയെന്ന് വ്യക്തമാക്കാമോ;

ഇല്ലെങ്കിൽ പ്ലാൻ ഫണ്ടിലെ അടങ്കൽ തുക കുറയ്ക്കുകയും കിഫ്ബി വഴി പദ്ധതികൾ നിർവഹിക്കുകയും ചെയ്യുന്നത് മൂലം വികസന പ്രവർത്തനങ്ങളിൽ എസ്.സി., എസ്.ടി. വിഭാഗങ്ങൾക്കായുള്ള അർഹമായ വിഹിതം ലഭിക്കാതെ പോകുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിഹരിക്കാൻ നടപടികൾ കൈക്കൊള്ളുമോയെന്ന് വിശദമാക്കുമോ?

അംബേദ്കര്‍ ഗ്രാമവികസന പദ്ധതിയിലുള്‍പ്പെട്ട പട്ടികജാതി കോളനികളുടെ പദ്ധതി നിര്‍വ്വഹണം ഏറ്റെടുത്ത തൃശൂര്‍ ജില്ലാ നിര്‍മ്മിതി കേന്ദ്രത്തിന് എ.ജി.യുടെ ഓഡിറ്റ് തടസ്സം മൂലം പദ്ധതികള്‍ പൂര്‍ത്തീകരിക്കാന്‍ കഴിയുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത പ്രവൃത്തികള്‍ ഏറ്റെടുത്ത് നടത്താന്‍ മറ്റേതെങ്കിലും ഏജന്‍സിയെ ചുമതലപ്പെടുത്തിയിട്ടുണ്ടോ എന്ന് വ്യക്തമാക്കാമോ; വിശദാംശം നല്‍കാമോ?

മട്ടന്നൂർ മണ്ഡലത്തിലെ കോളയാട് ഗ്രാമപഞ്ചായത്തിലെ കൊളപ്പ ട്രൈബൽ സെറ്റിൽമെന്റ് കോളനിയിലേക്കുള്ള മൂന്ന് റോഡുകളുടെ നവീകരണത്തിന് പട്ടികജാതി വികസന വകുപ്പ് ഡയറക്ടറേറ്റിൽ നിന്ന് ഫണ്ട് അനുവദിച്ചിട്ടുണ്ടോ; എങ്കിൽ വിശദാംശം നൽകാമോ;

പട്ടികജാതി വികസന വകുപ്പ് വർക്കിംഗ് ഗ്രൂപ്പ് യോഗത്തിൽ പ്രസ്തുത നവീകരണ പദ്ധതിയുടെ പ്രൊപ്പോസൽ പരിഗണിച്ചിട്ടുണ്ടോ; എങ്കിൽ പദ്ധതിയുടെ നിലവിലെ സ്ഥിതി വ്യക്തമാക്കാമോ;

ട്രൈബൽ സെറ്റിൽമെന്റ് കോളനികളിലേക്കുള്ള റോഡുകൾ നവീകരിക്കുന്നതിന് പ്രത്യേക പദ്ധതികൾ ആവിഷ്കരിച്ചിട്ടുണ്ടോ; എങ്കിൽ വിശദാംശം നൽകാമോ?

പട്ടികജാതി, പട്ടികവർഗ്ഗ കോളനികളെ ശാക്തീകരിക്കുവാൻ സ്വീകരിച്ച നടപടികൾ വിശദമാക്കാമോ;

കോളനികളിലെ കുട്ടികൾ പ്രാഥമിക വിദ്യാഭ്യാസം നേടിയെന്ന് ഉറപ്പുവരുത്താൻ വകുപ്പ് സ്വീകരിച്ച നടപടികൾ വിശദമാക്കാമോ;

കോളനിവാസികളുടെ അടിസ്ഥാന സൗകര്യ വികസനത്തിനായി മറ്റ് വകുപ്പുകളുടെ സഹകരണം ഉറപ്പുവരുത്താൻ സ്വീകരിച്ച നടപടികൾ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കൊല്ലം മണ്ഡലത്തില്‍ അംബേദ്‌കര്‍ സ്വയംപര്യാപ്തത ഗ്രാമം പദ്ധതിയില്‍ ഉള്‍പ്പെടുത്തിയ കോളനികളുടെ വികസന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദാംശം വ്യക്തമാക്കുമോ;

ഓരോ കോളനിയിലും നടപ്പാക്കിയ വികസന പ്രവര്‍ത്തനങ്ങളും അവ എന്നത്തേയ്ക്ക് പൂര്‍ത്തിയാക്കുമെന്നതും സംബന്ധിച്ച വിശദാംശം നല്‍കുമോ?

തിരുവമ്പാടി നിയോജക മണ്ഡലത്തില്‍ പിന്നാക്കാവസ്ഥയിലുള്ള ആദിവാസി കോളനികളുടെ സമഗ്ര വികസനത്തിന് മാസ്റ്റര്‍ പ്ലാന്‍ തയ്യാറാക്കുന്നതിനും പിന്നാക്കാവസ്ഥ പരിഹരിക്കുന്നതിനും എന്തൊക്കെ നടപടികളാണ് ആവിഷ്കരിക്കുന്നതെന്ന് വ്യക്തമാക്കുമോ?

മലമ്പുഴ മണ്ഡലത്തില്‍ ആകെ എത്ര പട്ടികജാതി കോളനികള്‍ ആണ് നിലവിലുള്ളതെന്ന് അറിയിക്കാമോ;

മുപ്പതില്‍ കൂടുതല്‍ പട്ടികജാതി കുടുംബങ്ങള്‍ ഉള്ള കോളനികളുടെ പേരും കുടുംബങ്ങളുടെ എണ്ണവും സംബന്ധിച്ച വിവരം പഞ്ചായത്ത് തിരിച്ച് ലഭ്യമാക്കാമോ?

അംബേദ്‍കര്‍ ഗ്രാമം പദ്ധതി പ്രകാരം കുറ്റ്യാടി നിയോജകമണ്ഡലത്തിലെ ഏതൊക്കെ പട്ടികജാതി കോളനികളുടെ പുനരുദ്ധാരണ പ്രവൃത്തികളാണ് നടന്നുവരുന്നതെന്ന് വിശദമാക്കാമോ; ഈ പ്രവൃത്തികളുടെ നിലവിലെ അവസ്ഥ എന്താണെന്നും അവ എന്നത്തേക്ക് പൂര്‍ത്തിയാക്കാനാണ് ഉദ്ദേശിക്കുന്നതെന്നും വ്യക്തമാക്കാമോ;

സേഫ് പദ്ധതി പ്രകാരം കുറ്റ്യാടി മണ്ഡലത്തിലെ ഏതൊക്കെ കോളനികളിലെ എത്ര കുടുംബങ്ങള്‍ക്ക് ഭവന പുനരുദ്ധാരണത്തിന് ധനസഹായം ലഭിച്ചിട്ടുണ്ടെന്ന് അറിയിക്കാമോ; പ്രസ്തുത പദ്ധതിയില്‍ അപേക്ഷിക്കുന്നതിനുള്ള മാനദണ്ഡങ്ങള്‍ വിശദമാക്കാമോ?

ആദിവാസി ഊരുകളുടെ അടിസ്ഥാന സൗകര്യ വികസനത്തിനായി ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചത് എന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം എത്ര ആദിവാസി കോളനികളുടെ അടിസ്ഥാന സൗകര്യ വികസനം പൂര്‍ത്തീകരിച്ചുവെന്ന് വ്യക്തമാക്കാമോ?

തരൂര്‍ മണ്ഡലത്തിലെ കോളക്കോട് അംബേദ്ക്കര്‍ കോളനിയുടെ നിര്‍മ്മാണം ഏത് ഘട്ടത്തിലാണെന്ന് വിശദമാക്കാമോ?

തരൂര്‍ മണ്ഡലത്തിലെ കൊന്നഞ്ചേരി കിഴക്കുമുറി അംബേദ്ക്കര്‍ കോളനിയുടെ നിര്‍മ്മാണം വൈകുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത അംബേദ്ക്കര്‍ കോളനിയുടെ നിര്‍മ്മാണം എന്ന് തുടങ്ങാന്‍ സാധിക്കുമെന്ന് വ്യക്തമാക്കാമോ?

മലമ്പുഴ മണ്ഡലത്തിലെ പട്ടികവര്‍ഗ്ഗ കോളനികളുടെ എണ്ണം എത്രയാണ്; പ്രസ്തുത കോളനികളുടെ പേര്, ഓരോ കോളനിയിലും ഉള്ള കുടുംബങ്ങളുടെ എണ്ണം എന്നീ വിവരങ്ങള്‍ പഞ്ചായത്ത് തിരിച്ച് ലഭ്യമാക്കാമോ?

ഒറ്റപ്പാലം നിയോജക മണ്ഡലത്തിലെ പട്ടികജാതി കോളനികളിലെ മുഴുവന്‍ വീടുകളിലും വെെദ്യുതി കണക്ഷന്‍ ലഭിച്ചിട്ടുണ്ടോ; ഇല്ലെങ്കില്‍ ഓരോ കോളനിയിലും എത്ര കുടുംബങ്ങള്‍ക്ക് വെെദ്യുതി കണക്ഷന്‍ ലഭിക്കാനുണ്ടെന്ന് അറിയിക്കുമോ;

പ്രസ്തുത മണ്ഡലത്തില്‍ വെെദ്യുതി കണക്ഷന്‍ ഇനിയും ലഭിക്കാത്ത പട്ടികജാതി കോളനിയിലെ കുടുംബങ്ങള്‍ക്ക് ആയത് അടിയന്തരമായി ലഭ്യമാക്കുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ ആദിവാസി സമൂഹത്തോട് വിവേചനം കാട്ടുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ അവസാനിപ്പിക്കാൻ സ്വീകരിച്ച നടപടികൾ വിശദമാക്കാമോ;

അരി മോഷ്ടിച്ചു എന്ന കുറ്റത്തിന് ആൾകൂട്ട ആക്രമണത്തിന് വിധേയനായി കൊല്ലപ്പെട്ട ആദിവാസി യുവാവിന്റെ കേസ് അടക്കം നിരവധി കേസുകളിൽ വിചാരണ നടപടികൾ വൈകുന്നത് കുറ്റവാളികൾ രക്ഷപെടാൻ കാരണമാകുന്നുണ്ടോയെന്ന് പരിശോധിച്ചിട്ടുണ്ടോ;

ആദിവാസി സമൂഹത്തിനെതിരെയുള്ള കേസുകളിൽ ആഭ്യന്തര വകുപ്പുമായി ചേർന്ന് സമയബന്ധിതമായി വിചാരണ പൂർത്തിയാക്കാൻ നടപടി സ്വീകരിക്കുമോ എന്ന് വ്യക്തമാക്കാമോ?

പട്ടികജാതി പട്ടികവർഗ്ഗക്കാർക്ക് എതിരായുള്ള അതിക്രമങ്ങൾ തടയൽ നിയമപ്രകാരം 2016-17 മുതൽ നാളിതുവരെ എത്ര കേസുകൾ രജിസ്റ്റർ ചെയ്തിട്ടുണ്ട് ; എത്ര തുക നഷ്ടപരിഹാരമായി നൽകിയിട്ടുണ്ട്; വർഷം തിരിച്ചുള്ള വിശദവിവരം ലഭ്യമാക്കുമോ?

കോഴിക്കോട് മെഡിക്കൽ കോളേജ് ആശുപത്രി പരിസരത്ത് വിശ്വനാഥൻ എന്ന ആദിവാസി യുവാവ് തൂങ്ങിമരിച്ചതിന് പിന്നിൽ ജനമധ്യത്തിൽ അപമാനിതനായതിന്റെ മാനസിക വിഷമമാണെന്ന മെഡിക്കൽ കോളേജ് അസിസ്റ്റൻറ് കമ്മീഷണറുടെ റിപ്പോർട്ട് വകുപ്പ് പരിശോധിക്കുകയുണ്ടായോ; വിശദമാക്കുമോ;

ആളുകൾ തടഞ്ഞു നിർത്തുകയും മോഷണക്കുറ്റം ആരോപിച്ച് സഞ്ചി പരിശോധിക്കുകയും ചെയ്തതിന്റെ വിഷമത്തിലാണ് വിശ്വനാഥൻ ആത്മഹത്യ ചെയ്തതെന്ന് റിപ്പോർട്ടിൽ സൂചിപ്പിക്കുന്നുണ്ടോ; വ്യക്തമാക്കുമോ;

പ്രസ്തുത സംഭവത്തിൽ കുറ്റക്കാരായവർക്കെതിരെ ശിക്ഷാനടപടികൾ ഉറപ്പാക്കുന്നതിനായി വകുപ്പ് എന്തെല്ലാം അടിയന്തര നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

സാമൂഹികമായ പിന്നോക്കാവസ്ഥ പരിഹരിക്കപ്പെടാത്തതിന്റെ ഇരയായി തീർന്ന വിശ്വനാഥന്റെ കുടുംബത്തിന് സാമ്പത്തിക സഹായം അനുവദിക്കാൻ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് പട്ടികജാതി പട്ടികവർഗ്ഗ വിഭാഗങ്ങളിൽപ്പെട്ടവർ ആള്‍ക്കൂട്ട ആക്രമണങ്ങൾക്കിരയാകുമ്പോൾ നിയമ സഹായവും പരിരക്ഷയും പുനരധിവാസവും ഉറപ്പാക്കുന്നതിന് നടപ്പിലാക്കുന്ന പദ്ധതികള്‍ എന്തെല്ലാമെന്ന് വിശദമാക്കുമോ;

ഇത്തരം ആക്രമണങ്ങളിലെ ഇരകൾക്ക് കോടതികളില്‍ നിന്ന് നീതി ഉറപ്പാക്കുന്നതിനായി പട്ടികജാതി പട്ടികവർഗ്ഗ വിഭാഗങ്ങളിൽപ്പെട്ട യുവ അഭിഭാഷകർക്ക് പരിശീലനം നൽകുന്നതിനായി ജ്വാല പദ്ധതി നടപ്പിലാക്കിയിട്ടുണ്ടോ; എങ്കിൽ വിശദമാക്കുമോ;

പ്രസ്തുത പദ്ധതി മുഖേന പട്ടികജാതി പട്ടികവർഗ്ഗ വിഭാഗങ്ങളിൽപ്പെട്ടവർക്ക് നിയമ ബോധവൽകരണം നല്‍കുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

പട്ടികജാതി പട്ടികവർഗ്ഗ വിഭാഗത്തിലെ നിയമ ബിരുദധാരികൾക്ക് മെച്ചപ്പെട്ട തൊഴിലും വരുമാനവും ഉറപ്പാക്കുന്നതിന് ഈ പദ്ധതി സഹായിക്കുമോ; വിശദമാക്കാമോ?

അരുവിക്കര നിയോജകമണ്ഡലത്തില്‍ വനാവകാശ നിയമപ്രകാരം കൈവശരേഖ ലഭിക്കാനുള്ള അപേക്ഷകരെ സംബന്ധിച്ച വിവരങ്ങൾ പഞ്ചായത്ത് അടിസ്ഥാനത്തില്‍ ലഭ്യമാക്കാമോ?

സംസ്ഥാനത്ത് എസ്.സി., എസ്.ടി. വിഭാഗത്തിലുള്ള വിദ്യാര്‍ത്ഥികള്‍ക്കായി സിവില്‍ സര്‍വീസ് കോച്ചിംഗ് സെന്ററുകള്‍ പ്രവർത്തിക്കുന്നുണ്ടോ എന്ന് വ്യക്തമാക്കാമോ;

പ്രസ്തുത സെന്ററുകളിലേക്കുള്ള അപേക്ഷാ രീതിയും അഡ്‍മിഷന്റെ മാനദണ്ഡവും വ്യക്തമാക്കുമോ;

പ്രസ്തുത കോച്ചിംഗ് സെന്ററുകളുടെ കാര്യക്ഷമത പരിശോധിച്ചിട്ടുണ്ടോ; വിശദമാക്കാമോ?

പട്ടികജാതി പട്ടികവർഗ്ഗ വികസന വകുപ്പ് മുഖേന നടപ്പാക്കുന്ന പ്രധാന വിദ്യാഭ്യാസ പദ്ധതികൾ ഏതൊക്കെയാണ്; പ്രസ്തുത പദ്ധതികൾക്കായി കഴിഞ്ഞ അഞ്ച് സാമ്പത്തിക വർഷങ്ങളിൽ നീക്കിവെച്ച തുകയും ചെലവഴിച്ച തുകയും ഇനം തിരിച്ച് വ്യക്തമാക്കുമോ?

പട്ടികജാതി വിദ്യാര്‍ത്ഥികള്‍ക്കിടയിലെ പരീക്ഷാ പരാജയത്തിന്റെയും സ്കൂളുകളില്‍ നിന്നുള്ള കൊഴിഞ്ഞു പോക്കിന്റെയും നിരക്ക് കുറക്കുന്നതിനായി സര്‍ക്കാര്‍ എന്തെങ്കിലും പദ്ധതികള്‍ നടപ്പാക്കിയിട്ടുണ്ടോ; എങ്കിൽ എന്തെല്ലാമാണെന്ന് വിശദമാക്കാമോ?

കേരളത്തിലെ കോളേജുകളില്‍ പ്രൊഫഷണല്‍ കോഴ്സുകളില്‍ പഠിച്ച പട്ടികജാതി വിദ്യാര്‍ത്ഥികളില്‍ കഴിഞ്ഞ പത്ത് വര്‍ഷത്തിനിടയ്ക്ക് പഠനം പൂര്‍ത്തിയാക്കാതെ ഇടയ്ക്ക് വച്ച് പഠനം അവസാനിപ്പിച്ച വിദ്യാര്‍ത്ഥികളുടെ എണ്ണം എത്രയെന്ന് വിശദമാക്കാമോ?

സംസ്ഥാനത്തെ പട്ടികവര്‍ഗ്ഗ മേഖലയിലെ കുട്ടികളുടെ പഠനവുമായി ബന്ധപ്പെട്ട് വിവിധ ഏജന്‍സികള്‍ നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ;

അരുവിക്കര നിയോജക മണ്ഡലത്തില്‍ പട്ടികവര്‍ഗ്ഗ മേഖലയിലെ കുട്ടികളുടെ വിദ്യാഭ്യാസ മാനേജ്മെന്റ് സംബന്ധിച്ച് സീമാറ്റ്-ന്റെ നേതൃത്വത്തില്‍ നടന്നു വരുന്ന പ്രവര്‍ത്തനങ്ങളുടെ പുരോഗതി സംബന്ധിച്ച വിവരങ്ങള്‍ നല്‍കാമോ?

പട്ടികവർഗ്ഗ വിഭാഗത്തിൽപ്പെട്ട എസ്.എസ്.എൽ.സി. വിദ്യാർത്ഥികളുടെ റസിഡൻഷ്യൽ ക്യാമ്പിനായി ഒരു കുട്ടിക്ക് എത്ര തുകയാണ് നല്കി വരുന്നതെന്നും പ്രസ്തുത തുക അവസാനമായി പുനർനിശ്ചയിച്ചത് ഏത് വർഷത്തിലാണെന്നും വ്യക്തമാക്കാമോ;

നിലവിൽ ഒരോ വിദ്യാർത്ഥിക്കും നൽകുന്ന തുക അപര്യാപ്തമാണെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് വർദ്ധിപ്പിക്കുന്ന വിഷയം പരിഗണനയിലുണ്ടോ; വിശദമാക്കുമോ;

2019 മുതൽ 2022 വരെ എത്ര വിദ്യാർത്ഥികൾക്കാണ് ഇത്തരത്തിലുള്ള റസിഡൻഷ്യൽ ക്യാമ്പ് അനുവദിച്ചിട്ടുള്ളതെന്ന് ജില്ല തിരിച്ച് വ്യക്തമാക്കാമോ?

വിദ്യാര്‍ത്ഥികള്‍ക്ക് ഇ-ഗ്രാന്റ്സ് സ്‌കോളര്‍ഷിപ്പ് ലഭിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

ഒ.ബി.സി./ഒ.ഇ.സി. വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് ലഭിക്കേണ്ട സ്കോളര്‍ഷിപ്പുകള്‍ യഥാസമയം വിതരണം ചെയ്യുന്നതിനാവശ്യമായ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ഹരിപ്പാട് മണ്ഡലത്തിലെ സൈബര്‍ശ്രീ പ്രോജക്ടിന്റെ പ്രവര്‍ത്തനങ്ങള്‍ പുനരാരംഭിക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

പുതിയ തൊഴില്‍ സാഹചര്യങ്ങള്‍ക്കും സാധ്യതകള്‍ക്കും അനുസൃതമായി സൈബര്‍ശ്രീ പ്രോജക്ടുകളുടെ പ്രവര്‍ത്തനം വിപുലപ്പെടുത്തുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

സി.എ, സി.എസ്, ഐ.സി.ഡബ്ല്യു.എ. എന്നീ പ്രൊഫഷണൽ കോഴ്സുകള്‍ക്കും ഐ.ഐ.എം, ഐ.ഐ.ടി, കൽപ്പിത സർവകലാശാല എന്നിവിടങ്ങളിലെ കോഴ്സുകളിലും പഠിക്കുന്ന പട്ടികജാതി, പട്ടികവർഗ്ഗ വിദ്യാർത്ഥികൾക്ക് സ്കോളർഷിപ്പ് നൽകുന്ന വിഷയം പരിഗണനയിലുണ്ടോ; എങ്കിൽ വ്യക്തമാക്കാമോ;

മേൽപ്പറഞ്ഞ വിദ്യാർത്ഥികൾക്ക് അടുത്ത അദ്ധ്യയന വർഷം മുതൽ ഫീസ് അടയ്ക്കാതെ പ്രവേശനം ലഭിക്കുന്ന തരത്തിൽ ഫ്രീഷിപ്പ് കാർഡ് സമ്പ്രദായം ഏർപ്പെടുത്താൻ ഉദ്ദേശിക്കുന്നുണ്ടോ;

വിവിധ കോഴ്സുകൾ പഠിക്കുന്ന പട്ടികജാതി, പട്ടികവർഗ്ഗ വിഭാഗത്തിൽപ്പെട്ട വിദ്യാർത്ഥികൾക്ക് വർഷംതോറും വരുമാന സർട്ടിഫിക്കറ്റ് ഹാജരാക്കുന്നതിലുള്ള ബുദ്ധിമുട്ട് പരിഗണിച്ച് ഒരു കോഴ്സിന് ഒരിക്കൽ മാത്രം പ്രസ്തുത സർട്ടിഫിക്കറ്റ് ഹാജരാക്കിയാൽ മതിയെന്ന നിർദേശം പ്രാവർത്തികമാക്കുമോ; എങ്കിൽ വിശദമാക്കുമോ?

നെയ്യാറ്റിന്‍കര നിയോജകമണ്ഡലത്തിലെ മര്യാപുരത്ത് പട്ടികജാതി വകുപ്പിന്റെ കീഴില്‍ പ്രവർത്തിക്കുന്ന ഐ.ടി.ഐ. യുടെ വികസന പ്രവൃത്തികള്‍ക്കായി 2021-22, 2022-23 വര്‍ഷങ്ങളിൽ എത്ര തുകയാണ് അനുവദിച്ചതെന്ന് വിശദമാക്കാമോ; ഏതൊക്കെ പ്രവൃത്തികള്‍ക്കാണ് തുക അനുവദിച്ചതെന്ന് വ്യക്തമാക്കാമോ?

കിളിമാനൂർ അയ്യപ്പൻ കാവ് നഗറിൽ സ്ഥിതി ചെയ്യുന്ന പ്രീമെട്രിക് ഹോസ്റ്റലിലെ എട്ടാം ക്ലാസ് വിദ്യാർത്ഥിനി ആത്മഹത്യയ്ക്ക് ശ്രമിച്ച സംഭവം ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിഷയം സംബന്ധിച്ച് അന്വേഷണം നടത്തിയിട്ടുണ്ടോ; എങ്കിൽ ആത്മഹത്യയ്ക്കായി പ്രേരിപ്പിച്ച കാരണങ്ങൾ എന്തെല്ലാമാണെന്നാണ് അന്വേഷണത്തിൽ കണ്ടെത്തിയിട്ടുള്ളത്; വിശദമാക്കുമോ;

മാതാപിതാക്കളിൽ നിന്നും മാറി താമസിക്കേണ്ടിവരുന്ന വിദ്യാർത്ഥികളുടെ മാനസിക സംഘർഷം ഇല്ലാതാക്കുന്നതിനും അവരെ പഠനോത്സുകരാക്കുന്നതിനും സംസ്ഥാനത്തെ പ്രീമെട്രിക് ഹോസ്റ്റലുകളിൽ എന്തൊക്കെ സംവിധാനങ്ങളാണ് ഒരുക്കിയിട്ടുള്ളത്; വിശദാംശം ലഭ്യമാക്കുമോ;

പ്രസ്തുത ഹോസ്റ്റലുകളിലെ ഭൗതിക സൗകര്യങ്ങളുടെ അപര്യാപ്തത മൂലം പല വിദ്യാർത്ഥികളും ബുദ്ധിമുട്ടുകൾ അനുഭവിക്കുന്ന സാഹചര്യം പരിശോധിച്ചിട്ടുണ്ടോ;

എങ്കിൽ വിദ്യാർത്ഥികളുടെ ഭൗതികവും മാനസികവുമായ ഉന്നമനത്തിനും മാനസിക സംഘർഷങ്ങൾ ലഘൂകരിക്കുന്നതിനും ഉതകുന്ന തരത്തിൽ സംസ്ഥാനത്തെ പ്രീമെട്രിക് ഹോസ്റ്റലുകളിലെ ഭൗതിക സൗകര്യങ്ങൾ രാജ്യാന്തര നിലവാരത്തിലേക്ക് ഉയര്‍ത്തുന്നതിനും വികസിപ്പിക്കുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ?

പ്രൊഫഷണല്‍ മേഖലയില്‍ പട്ടികവര്‍ഗ്ഗ വിഭാഗത്തിലുള്ള ഉദ്യോഗാര്‍ത്ഥികള്‍ വളരെ കുറവാണെന്ന കാര്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിഭാഗത്തില്‍പ്പെട്ടവരെ പ്രൊഫഷണല്‍ മേഖലയിലെ തൊഴിലുകളില്‍ എത്തിക്കുന്നതിന് വകുപ്പ് പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കുമോ;

പ്രസ്തുത പദ്ധതികള്‍ വിജയപ്രദമാണോ; എങ്കില്‍ കഴിഞ്ഞ മൂന്ന് വര്‍ഷത്തിനുള്ളില്‍ എത്രപേര്‍ക്ക് പ്രൊഫഷണല്‍ മേഖലയില്‍ തൊഴില്‍ ലഭിച്ചുവെന്ന് വ്യക്തമാക്കുമോ?

പട്ടികജാതി/പട്ടികവർഗ്ഗക്കാർക്ക് നടപ്പാക്കുന്ന സ്വയംതൊഴിൽ പദ്ധതികൾ ഏതൊക്കെയാണ്; പ്രസ്തുത പദ്ധതികൾക്കായി കഴിഞ്ഞ അഞ്ച് സാമ്പത്തിക വർഷങ്ങളിൽ നീക്കിവെച്ച തുകയും ചെലവഴിച്ച തുകയും ഇനം തിരിച്ച് വ്യക്തമാക്കുമോ?

കാട്ടാക്കട മണ്ഡലത്തിൽ കോർപ്പസ് ഫണ്ട് ഉപയോഗിച്ച് നടപ്പിലാക്കുന്ന പ്രവൃത്തികൾക്കായി എസ്റ്റിമേറ്റ് തയ്യാറാക്കി ജില്ലാ പട്ടികജാതി വികസന ഓഫീസർക്ക് സമർപ്പിച്ചിട്ടുണ്ടോയെന്നും ആയതിന്മേൽ എന്ത് നടപടി സ്വീകരിച്ചുവെന്നും വ്യക്തമാക്കാമോ?

പട്ടികവര്‍ഗ്ഗവിഭാഗത്തിനുള്ള കോര്‍പ്പസ് ഫണ്ടില്‍ ഉള്‍പ്പെടുത്തി 2022-23 വര്‍ഷത്തില്‍ മലപ്പുറം ജില്ലയില്‍ അനുമതി നല്‍കിയ പ്രവൃത്തികളുടെ വിവരങ്ങളും തുകയും പ‍ഞ്ചായത്തുകള്‍ തിരിച്ച് ലഭ്യമാക്കാമോ; ഏതെല്ലാം വിഭാഗം പ്രവൃത്തികള്‍ക്കാണ് നടപ്പുവര്‍ഷം മുന്‍ഗണന നല്‍കിയതെന്ന് അറിയിക്കാമോ;

മലപ്പുറം ജില്ലയിലെ പോത്തുകല്‍ ഗ്രാമപഞ്ചായത്തിലെ ഏതെങ്കിലും പ്രവൃത്തികള്‍ നടപ്പുവര്‍ഷം പട്ടികവര്‍ഗ്ഗവിഭാഗത്തിനുള്ള കോര്‍പ്പസ് ഫണ്ടിലേക്ക് പരിഗണിച്ചിരുന്നോ എന്ന് അറിയിക്കാമോ; പോത്തുകല്‍ ഗ്രാമപഞ്ചായത്തില്‍ നിന്നുള്ള അപേക്ഷകള്‍ പട്ടികവര്‍ഗ്ഗ വികസന വകുപ്പില്‍ ലഭിച്ചോ; ഏതെല്ലാം പ്രവൃത്തികളുടെ അപേക്ഷകളാണ് ലഭിച്ചതെന്നും ആവശ്യപ്പെട്ട തുക എത്രയെന്നും അറിയിക്കാമോ;

നിലമ്പൂര്‍ എം.എല്‍.എ.യുടെ ശിപാര്‍ശകളോടെ എത്ര പ്രവൃത്തികളാണ് നടപ്പുവര്‍ഷം പട്ടികവര്‍ഗ്ഗ വിഭാഗത്തിനുള്ള കോര്‍പ്പസ് ഫണ്ടിലേക്ക് ലഭിച്ചതെന്നും അവയുടെ വിശദാംശങ്ങളും എം.എല്‍.എയുടെ ശിപാര്‍ശ പരിഗണിച്ചിട്ടുണ്ടോയെന്നും അറിയിക്കാമോ?

കുണ്ടറ നിയോജകമണ്ഡലത്തിലേയ്ക്ക് 2021-22, 2022-23 സാമ്പത്തിക വര്‍ഷങ്ങളില്‍ പട്ടികജാതി പട്ടികവര്‍ഗ്ഗ വികസന വകുപ്പ് അനുവദിച്ച കോര്‍പ്പസ് ഫണ്ട് ഏതൊക്കെ പദ്ധതികള്‍ക്കാണ് ഉപയോഗിച്ചിട്ടുളളതെന്നും അതിനായി അനുവദിച്ചിട്ടുളള തുക എത്രയാണെന്നും പഞ്ചായത്ത് അടിസ്ഥാനത്തില്‍ വിശദമാക്കാമോ?

നാദാപുരം നിയോജക മണ്ഡലത്തിലെ വളയം-ചെക്ക്യട് ഗ്രാമ പഞ്ചായത്തുകളിലെ ചിറ്റാരി കണ്ടിവാതുക്കള്‍ റോഡ് നിര്‍മ്മാണത്തിന് നിലവില്‍ എന്തൊക്കെ നടപടികളാണ് സ്വീകരിച്ച് വരുന്നതെന്ന് അറിയിക്കാമോ;

പദ്ധതി പൂര്‍ത്തീകരണത്തിന് കോര്‍പ്പസ് ഫണ്ടില്‍ നിന്നും തുക വകയിരുത്തുവാന്‍ നടപടി സ്വീകരിച്ചിട്ടുണ്ടോ; എങ്കില്‍ ആയതിന്റെ വിശദവിവരം ലഭ്യമാക്കാമോ?

2022-23 സാമ്പത്തിക വര്‍ഷം കണ്ണൂര്‍ ജില്ലയില്‍ പട്ടികജാതിവിഭാഗത്തിനുള്ള കോര്‍പ്പസ് ഫണ്ട് ഉപയോഗിച്ച് നടപ്പാക്കിയ പദ്ധതികള്‍ ഏതെല്ലാമാണെന്ന് വിശദമാക്കാമോ;

കോര്‍പ്പസ് ഫണ്ടില്‍ ഉള്‍പ്പെടുത്താന്‍ പദ്ധതികള്‍ തെരഞ്ഞെടുത്തതിനുള്ള മാനദണ്ഡങ്ങള്‍ എന്താണെന്ന് വിശദമാക്കാമോ?

പാറശ്ശാല മണ്ഡലത്തിലെ തൊടുമല വാര്‍ഡില്‍ പട്ടികവര്‍ഗ്ഗ വികസന വകുപ്പിന്റെ കീഴില്‍ സിദ്ധ ക്ലിനിക്ക് സ്ഥാപിക്കുന്നതിനായി സമര്‍പ്പിച്ചിരുന്ന പ്രൊപ്പോസലിന്റെ നിലവിലെ സ്ഥിതി അറിയിക്കുമോ;

പ്രസ്തുത ക്ലിനിക്കില്‍ ജീവനക്കാരെ നിയമിക്കുന്നതിനും മറ്റ് ആവര്‍ത്തന ചെലവുകള്‍ നിര്‍വഹിക്കുന്നതിനും കോര്‍പ്പസ് ഫണ്ടില്‍ നിന്ന് തുക വിനിയോഗിക്കുന്നതിന് തീരുമാനിച്ചിട്ടുണ്ടോ; എങ്കിൽ വിശദമാക്കാമോ?

2016 മുതല്‍ നാളിതുവരെ ഗുരുവായൂര്‍ മണ്ഡലത്തില്‍ എസ്.സി. കോര്‍പ്പസ് ഫണ്ട് വിനിയോഗിച്ച് ചെയ്ത പ്രവൃത്തികളുടെ വിശദാംശം അറിയിക്കുമോ?

പട്ടികവര്‍ഗ്ഗ വിഭാഗക്കാര്‍ക്കായി നടപ്പിലാക്കിയിട്ടുള്ള അക്ഷയ ബിഗ് ക്യാമ്പയിന്‍ ഫോര്‍ ഡോക്യുമെന്റ് ഡിജിറ്റൈസേഷന്‍ (എ.ബി.സി.ഡി.) പദ്ധതി സംസ്ഥാനം മുഴുവന്‍ വ്യാപിപ്പിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത പദ്ധതി പട്ടികജാതി വിഭാഗക്കാര്‍ക്കായി നടപ്പിലാക്കുന്നതിന് ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

ചെറുപുഴ ഗ്രാമ പഞ്ചായത്തിലെ കാനം വയല്‍ പട്ടികജാതി പട്ടികവര്‍ഗ്ഗ കോളനിയിലെ സാംസ്കാരിക നിലയം നിര്‍മ്മിക്കുന്നതിന്റെ നിലവിലെ അവസ്ഥ എന്താണെന്ന് വിശദമാക്കാമോ;

ഇതിന്റെ നിര്‍മ്മാണം പൂര്‍ത്തീകരിക്കാന്‍ വെെകുന്നത് എന്തുകൊണ്ടാണെന്ന് വിശദമാക്കാമോ;

പ്രസ്തുത നിര്‍മ്മാണം പൂര്‍ത്തീകരിച്ച് സാംസ്കാരിക നിലയത്തിന്റെ ഉദ്ഘാടനം അടിയന്തരമായി നടത്താന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

പട്ടികജാതി പട്ടികവര്‍ഗ്ഗ ക്ഷേമ വകുപ്പു മന്ത്രിയുടെ ദുരിതാശ്വാസ നിധിയില്‍ നിന്നും ഈ സാമ്പത്തിക വര്‍ഷം അനുവദിച്ച തുക എത്രയെന്ന് വെളിപ്പെടുത്തുമോ ;

കഴിഞ്ഞ സാമ്പത്തിക വര്‍ഷം പ്രസ്തുത ഇനത്തില്‍ അനുവദിച്ച തുകയുടെ ജില്ല തിരിച്ചുള്ള വിശദാംശം ലഭ്യമാക്കുമോ;

പ്രസ്തുത ഇനത്തില്‍ ഈ സാമ്പത്തിക വര്‍ഷം കോട്ടയം ജില്ലയില്‍ അനുവദിച്ച തുകയുടെ താലൂക്ക് അടിസ്ഥാനത്തിലുളള വിശദാംശം ലഭ്യമാക്കുമോ; കടുത്തുരുത്തി, ഉഴവൂര്‍ ബ്ലോക്കുകളില്‍ ആര്‍ക്കൊക്കെ ധനസഹായം ലഭിച്ചു എന്നതിന്റെ ലിസ്റ്റ് നല്‍കാമോ; പ്രസ്തുത ബ്ലോക്കുകളില്‍ ഇനി എത്രപേര്‍ക്ക് ധനസഹായം നല്‍കാനുണ്ടെന്നും അവര്‍ ആരെല്ലാമെന്നും അവര്‍ക്ക് ധനസഹായം എന്നത്തേക്ക് നല്‍കുവാന്‍ കഴിയുമെന്നും അറിയിക്കാമോ;

പട്ടികജാതി വികസന വകുപ്പില്‍ നിന്നും കടുത്തുരുത്തി നിയോജക മണ്ഡലത്തിലെ കടുത്തുരുത്തി, ഉഴവൂര്‍ ബ്ലോക്കുകളിലായി കഴിഞ്ഞ സാമ്പത്തിക വര്‍ഷം എത്ര പേര്‍ക്ക് ചികില്‍സാ ധനസഹായം ലഭ്യമാക്കിയിട്ടുണ്ട്; ലിസ്റ്റ് നല്‍കാമോ; ഇനി എത്ര പേര്‍ക്ക് ധനസഹായം നല്‍കാനുണ്ട് എന്ന് വ്യക്തമാക്കാമോ; എം.എല്‍.എ.യുടെ ശിപാര്‍ശ പ്രകാരം നല്‍കുന്ന അപേക്ഷകളില്‍ എം.എല്‍.എ.യ്ക്ക് മറുപടി നല്‍കാറുണ്ടോ; ഇല്ലെങ്കില്‍ കാരണം വ്യക്തമാക്കാമോ?

അരുവിക്കര നിയോജക മണ്ഡലത്തില്‍ അംബേദ്കര്‍ സെറ്റില്‍മെന്റ് ഡെവലപ്മെന്റ് സ്കീം പ്രകാരം നിലവിൽ നടന്നുകൊണ്ടിരിക്കുന്ന പ്രവൃത്തികളെയും അവയുടെ പ്രവര്‍ത്തന പുരോഗതിയെയും കുറിച്ച് വിശദമാക്കാമോ?

സംസ്ഥാനത്ത് എത്ര മാതൃകാ റസി‍‍ഡന്‍ഷ്യല്‍ സ്കൂളുകള്‍ (എം.ആര്‍.എസ്.) ഉണ്ടെന്ന് വെളിപ്പെടുത്താമോ;

എം.ആര്‍.എസ്.- കളുടെ ലക്ഷ്യങ്ങളും പ്രവര്‍ത്തനവും വിശദമാക്കാമോ;

മുന്‍വര്‍ഷങ്ങളെ അപേക്ഷിച്ച് എം.ആര്‍.എസ്.-കളില്‍ വിദ്യാര്‍ത്ഥികളുടെ കുറവ് അനുഭവപ്പെടുന്നുണ്ടോ; പ്രസ്തുത മേഖല അഭിമുഖീകരിക്കുന്ന പ്രശ്നങ്ങള്‍ വിലയിരുത്തിയിട്ടുണ്ടോയെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം പൂഞ്ഞാർ നിയോജകമണ്ഡലത്തില്‍ പട്ടികജാതി-പട്ടികവർഗ വിഭാഗങ്ങളില്‍ ഉള്‍പ്പെട്ടവരുടെ ചികിത്സാധനസഹായത്തിനായി എത്ര അപേക്ഷകള്‍ ലഭിച്ചിട്ടുണ്ടെന്നും അതില്‍ എത്രപേര്‍ക്ക് ധനസഹായം ലഭ്യമായിട്ടുണ്ടെന്നും എത്ര രൂപ ഇതിനായി അനുവദിച്ചിട്ടുണ്ടെന്നും വ്യക്തമാക്കാമോ?

സേഫ് പദ്ധതി നടപ്പാക്കുന്നതിനായി സ്വീകരിച്ച നടപടികൾ വിശദമാക്കാമോ;

വൈപ്പിൻ നിയോജക മണ്ഡലത്തിൽ പ്രസ്തുത പദ്ധതി പ്രകാരം എത്ര അപേക്ഷകള്‍ ലഭ്യമായിട്ടുണ്ടെന്ന് പഞ്ചായത്ത് അടിസ്ഥാനത്തിൽ വ്യക്തമാക്കാമോ;

പ്രസ്തുത അപേക്ഷകളിന്മേല്‍ സ്വീകരിച്ച നടപടി എന്തെന്നും എത്ര പേര്‍ക്ക് നാളിതുവരെ തുക ലഭ്യമാക്കിയിട്ടുണ്ടെന്നും ബ്ലോക്ക്, പഞ്ചായത്ത് എന്നിവയുടെ അടിസ്ഥാനത്തിൽ വ്യക്തമാക്കാമോ;

സ്ഥല ലഭ്യതക്കുറവുമൂലം മുകളിൽ പഠനമുറി നിർമ്മിച്ച വീട് ഇരുനില വീടായി കണക്കാക്കി പദ്ധതിയിൽ നിന്നും ഒഴിവാക്കിയിട്ടുണ്ടോ; വിശദമാക്കാമോ?

സർക്കാരിന്റെ അധീനതയിലുള്ളതും നിയമവിരുദ്ധമായി കൈവശം വച്ചതിന് സർക്കാർ പിടിച്ചെടുത്തതുമായ ഭൂമിയിൽ നിന്നും ഭൂരഹിതരായ പട്ടികജാതി പട്ടികവർഗ്ഗ കുടുംബങ്ങൾക്ക് ഒന്നു മുതൽ അഞ്ചേക്കർ വരെ സ്ഥലം അനുവദിക്കുന്നതിന് നടപടി സ്വീകരിക്കുമോ;

ഇത് സംബന്ധിച്ച എന്തെങ്കിലും നിർദ്ദേശം സർക്കാരിന്റെ പരിഗണനയിലുണ്ടോ; വിശദാംശം ലഭ്യമാക്കുമോ;

തരിശായി കിടക്കുന്ന ഭൂമിയും സർക്കാർ നിയന്ത്രണത്തിലുള്ള മറ്റു കൃഷിഭൂമിയും പട്ടികജാതി പട്ടികവർഗ്ഗ തൊഴിലാളി കുടുംബങ്ങൾക്ക് പാട്ട വ്യവസ്ഥയിൽ നൽകുന്നതിന് പദ്ധതി ആവിഷ്ക്കരിക്കുമോ; വിശദാംശം നൽകുമോ?

മതിയായ രേഖകള്‍ ഇല്ലാത്തതും രേഖകള്‍ നഷ്ടപ്പെട്ടതുമായ കാരണത്താല്‍ പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് ആനുകൂല്യങ്ങള്‍ ലഭിക്കാതെ പോകുന്ന സാഹചര്യം ഒഴിവാക്കാനായി ആധുനിക രേഖകള്‍ ഡിജിറ്റൈസ് ചെയ്ത് സൂക്ഷിക്കുവാന്‍ അക്ഷയ ബിഗ് ക്യാമ്പയിന്‍ ഫോര്‍ ഡോക്യുമെന്റ് ഡിജിറ്റലൈസേഷന്‍ പദ്ധതി ആരംഭിച്ചിട്ടുണ്ടോ; വിശദമാക്കാമോ;

പ്രസ്തുത പദ്ധതി ഏതൊക്കെ ജില്ലകളിലാണ് പരീക്ഷണാടിസ്ഥാനത്തില്‍ നടപ്പിലാക്കിയതെന്നും മറ്റ് ജില്ലകളിൽ വ്യാപിപ്പിക്കാന്‍ ഉദ്ദേശിക്കുന്നുണ്ടോയെന്നും അറിയിക്കാമോ?

സംസ്ഥാനത്തെ പട്ടികജാതി വിഭാഗത്തില്‍പ്പെട്ട എഞ്ചിനീയറിംഗ് ബിരുദധാരികളായ യുവതീ യുവാക്കളെ അക്രെഡിറ്റഡ് എഞ്ചിനീയര്‍മാരായി നിയമിക്കുന്ന പദ്ധതി നിലവില്‍ ഉണ്ടോ; എങ്കിൽ വിശദാംശം ലഭ്യമാക്കാമോ?

സംസ്ഥാനത്ത് 2016 മുതല്‍ നാളിതുവരെ പട്ടികവര്‍ഗ്ഗ വിഭാഗങ്ങള്‍ക്ക് ചികിത്സാ ധനസഹായമായി എത്ര കോടി രൂപ അനുവദിച്ചിട്ടുണ്ടെന്ന് വ്യക്തമാക്കാമോ;

പട്ടികവര്‍ഗ്ഗ സങ്കേതങ്ങളിലെ ആതുരാലയങ്ങളില്‍ ചികിത്സാ സൗകര്യങ്ങള്‍ മെച്ചപ്പെടുത്തിയിട്ടുണ്ടോയെന്ന് വ്യക്തമാക്കാമോ?

മോഡൽ റസിഡൻഷ്യൽ സകൂളുകളിൽ കഴിഞ്ഞ അഞ്ച് അദ്ധ്യയന വർഷങ്ങളിൽ പുതിയതായി പ്രവേശനം നേടിയ വിദ്യാർത്ഥികളുടെ എണ്ണം സംബന്ധിച്ച വിവരം, ക്ലാസ്സുകളിലെ അനുവദനീയമായ പരമാവധി വിദ്യാർത്ഥികളുടെ എണ്ണം, പ്രവേശനം നേടിയ ക്ലാസ്സ്, പ്രവേശനം നേടിയ വർഷം, പ്രവേശനം നേടിയ സ്കൂൾ എന്നിവ തിരിച്ച് ലഭ്യമാക്കാമോ;

പ്രസ്തുത വിദ്യാലയങ്ങളിൽ പുതിയതായി പ്രവേശനം നേടുന്ന കുട്ടികളുടെ എണ്ണത്തിൽ കുറവ് വന്നിട്ടുണ്ടോ; എങ്കിൽ അതിന്റെ കാരണം എന്താണെന്ന് വ്യക്തമാക്കാമോ;

പ്രസ്തുത മോഡൽ റസിഡൻഷ്യൽ സ്കൂളുകളിലേക്ക് പട്ടികവർഗ്ഗ വിഭാഗത്തിൽപ്പെട്ട കുട്ടികളെ കൂടുതൽ ആകർഷിക്കുന്നതിന് വകുപ്പ് സ്വീകരിച്ചു വരുന്ന നടപടികൾ എന്തെല്ലാമെന്ന് വിശദമാക്കാമോ?

ഭവന രഹിതർക്കുള്ള ഭവന നിർമ്മാണ പദ്ധതി പ്രകാരം പട്ടികജാതി പട്ടികവർഗ്ഗ വകുപ്പിന് നടപ്പ് സാമ്പത്തിക വർഷത്തെ ബജറ്റിൽ വകയിരുത്തിയിട്ടുള്ള തുക എത്രയാണ്; ഇതിൽ എത്ര തുക നാളിതുവരെ ചെലവഴിച്ചിട്ടുണ്ടെന്നും വകുപ്പ് മുഖേനയുള്ള ഭവന നിർമ്മാണത്തിനായി എത്ര തുക ചെലവഴിച്ചിട്ടുണ്ടെന്നും എത്ര ഭവനങ്ങൾ നിർമ്മിച്ചുവെന്നുമുള്ള വിവരം ലഭ്യമാക്കുമോ;

പ്രസ്തുത ഫണ്ടിൽ നിന്നും ലൈഫ് പദ്ധതിയിലേക്ക് തുക കൈമാറിയിട്ടുണ്ടോ; എങ്കിൽ കൈമാറിയ തുക എത്രയാണ്; പ്രസ്തുത പദ്ധതി പ്രകാരം ഈ നടപ്പ് സാമ്പത്തിക വർഷം നാളിതുവരെ എത്ര പട്ടികജാതി പട്ടികവർഗ്ഗ വിഭാഗക്കാര്‍ക്ക് വീട് നിർമ്മിച്ചു നൽകി; ഇനം തിരിച്ചുള്ള വിവരം ലഭ്യമാക്കുമോ?

ഈ സര്‍ക്കാരിന്റെ കാലത്ത് പട്ടികജാതി വിഭാഗത്തില്‍പ്പെട്ടവര്‍ക്ക് വിവാഹ ധനസഹായമായി നല്‍കുന്ന തുക വര്‍ദ്ധിപ്പിച്ചത് എത്രയെന്ന് അറിയിക്കുമോ;

ഈ സര്‍ക്കാര്‍ അധികാരമേറ്റ ശേഷം എത്ര മിശ്ര വിവാഹിതര്‍ ആനുകൂല്യത്തിനായി അപേക്ഷ നല്‍കിയെന്നും അപേക്ഷകര്‍ക്കായി എത്ര തുക വീതം നല്‍കിയെന്നും വെളിപ്പെടുത്തുമോ;

ഈ സര്‍ക്കാരിന്റെ കാലത്ത് മിശ്രവിവാഹിതര്‍ക്കുള്ള വിവാഹ ധനസഹായം വര്‍ദ്ധിപ്പിച്ചിട്ടുണ്ടോ; എങ്കില്‍ എത്രയെന്ന് വ്യക്തമാക്കുമോ;

മിശ്രവിവാഹിതര്‍ക്കുള്ള വിവാഹ ധനസഹായം നല്‍കുന്നതിനുള്ള മാനദണ്ഡം വ്യക്തമാക്കാമോ; ആയതിന് അപേക്ഷ സമര്‍പ്പിക്കുന്നതിനുള്ള നടപടിക്രമങ്ങള്‍ വിശദമാക്കാമോ;

2020 വര്‍ഷം കൊല്ലം ജില്ലയില്‍ എത്ര മിശ്രവിവാഹ അപേക്ഷകള്‍ ലഭിച്ചുവെന്നും അവയില്‍ എത്രയെണ്ണത്തിന് ധനസഹായം നല്‍കിയെന്നും അറിയിക്കാമോ; ഇനി എത്ര അപേക്ഷകളിന്മേല്‍ ധനസഹായം നല്‍കുവാനുണ്ട്; ബ്ലോക്ക് തിരിച്ചുള്ള കണക്ക് ലഭ്യമാക്കാമോ; ധനസഹായം ലഭിക്കാനുള്ളവര്‍ക്ക് എത്രയും വേഗം ആയത് നല്‍കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കരിന്തളം ഏകലവ്യ മോഡൽ റസിഡൻഷ്യൽ സ്പോർട്സ് സ്കൂൾ കെട്ടിടം നിർമ്മിക്കുന്നതിന്റെ നടപടികൾ ഏത് ഘട്ടത്തിലാണെന്ന് വിശദമാക്കാമോ ?

ആലുവ നിയോജകമണ്ഡലത്തിലെ കാഞ്ഞൂർ പഞ്ചായത്തിലുളള തിരുനാരായണപുരം പട്ടികജാതി കോളനിയിലെ വിജ്ഞാൻ വാടി നിലവിൽ പ്രവർത്തിക്കുന്നുണ്ടോയെന്ന് വ്യക്തമാക്കാമോ;

പ്രസ്തുത വിജ്ഞാൻ വാടിയിലേക്കായി കഴിഞ്ഞ വർഷം അനുവദിച്ച പ്രിന്ററും കമ്പ്യൂട്ടറും സ്ഥാപിച്ചിട്ടുണ്ടോയെന്നും ഇല്ലെങ്കിൽ ആയതിന്റെ കാരണവും വ്യക്തമാക്കാമോ; എത്രയും വേഗം ഇത് സ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

പ്രസ്തുത വിജ്ഞാൻ വാടിയിലെ ഇന്റർനെറ്റ് കണക്ഷൻ പുന:സ്ഥാപിക്കുന്നതിനായി എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കിൽ ആയത് അടിയന്തരമായി പുനസ്ഥാപിക്കാനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

ആലത്തൂര്‍ മണ്ഡലത്തില്‍ വിവിധ ഭവന പദ്ധതി പ്രകാരം ധനസഹായം ലഭിച്ചിട്ടും വീട് നിര്‍മ്മാണം പൂര്‍ത്തീകരിക്കാന്‍ സാധിക്കാത്ത പട്ടികജാതി കുടുംബങ്ങളുടെ വിശദാംശം തദ്ദേശസ്വയംഭരണ സ്ഥാപന അടിസ്ഥാനത്തില്‍ ലഭ്യമാക്കാമോ;

സേഫ് പദ്ധതിയില്‍ ഉള്‍പ്പെടുത്തുന്നതിനായി പ്രസ്തുത മണ്ഡലത്തില്‍ നിന്നും തെരഞ്ഞെടുത്തിട്ടുള്ള ഗുണഭോക്താക്കളുടെ വിശദാംശം നല്‍കുമോ?

മഞ്ചേശ്വരം മണ്ഡലത്തിൽ അംബേദ്ക്കർ ഗ്രാമം പദ്ധതിയിൽ ഉൾപ്പെടുത്തിയ കോളനികളുടെ വിശദ വിവരങ്ങൾ ലഭ്യമാക്കുമോ;

ഓരോ കോളനിയിലും വിഭാവനം ചെയ്തിട്ടുള്ള പ്രവൃത്തികൾ എന്തൊക്കെയെന്ന് വിശദമാക്കുമോ;

പ്രസ്തുത പദ്ധതി എന്നത്തേക്ക് പൂർത്തീകരിക്കാൻ സാധിക്കുമെന്ന് അറിയിക്കുമോ?

കൂത്തുപറമ്പ് നിയോജകമണ്ഡലത്തിലെ പാട്യം ഗ്രാമപഞ്ചായത്തിലെ മുണ്ടയാട്, കടവ് എന്നീ ആദിവാസി കോളനികളുടെ അടിസ്ഥാന സൗകര്യങ്ങള്‍ വികസിപ്പിക്കുന്നതിന് നടപടി സ്വീകരിക്കുമോ; എങ്കില്‍ എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ;

പ്രസ്തുത കോളനികളിൽ അംബേദ്‌കര്‍ സെറ്റില്‍മെന്റ് പദ്ധതിയിലെ പ്രവൃത്തികള്‍ക്ക് അനുവദിച്ച ഫണ്ടിന്റെ അപര്യാപ്തത ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പ്രസ്തുത മണ്ഡലത്തിലെ കാലപ്പഴക്കമുള്ള സാംസ്കാരിക നിലയം പൊളിച്ചുമാറ്റി ആധുനിക സൗകര്യത്തോട് കൂടിയ ഒരു വായനശാല ഉള്‍പ്പെടുന്ന സാംസ്കാരിക നിലയം പുനര്‍നിര്‍മ്മിക്കുന്നതിന് പട്ടികവര്‍ഗ്ഗ ക്ഷേമത്തിനുള്ള പദ്ധതികളില്‍ ഉള്‍പ്പെടുത്തി പ്രത്യേക ഫണ്ട് അനുവദിക്കുന്ന കാര്യം പരിശോധിക്കുമോ; വിശദമാക്കുമോ?

പൂഞ്ഞാർ നിയോജകമണ്ഡലത്തില്‍ സേഫ്, പഠനമുറി എന്നീ പദ്ധതികൾ മുഖേന പട്ടികജാതി പട്ടികവർഗ്ഗ വിഭാഗങ്ങളിലെ എത്ര പേർക്ക് ധനസഹായം അനുവദിച്ചിട്ടുണ്ടെന്നും അതിൽ എത്ര പേർ നിർമ്മാണം പൂർത്തീകരിച്ചു എന്നുമുള്ള വിവരങ്ങള്‍ ലഭ്യമാക്കുമോ?

പാലക്കാട് ജില്ലയില്‍ പട്ടികജാതി പട്ടികവര്‍ഗ്ഗ വികസന വകുപ്പ് മുഖേന 2016 മുതല്‍ 2022 വരെ പട്ടികജാതി പട്ടികവര്‍ഗ്ഗ വിഭാഗങ്ങള്‍ക്കായി നിര്‍മ്മിച്ച് നല്‍കിയ വീടുകളുടെ എണ്ണവും ഇതിനായി ചെലവഴിച്ച തുകയും വ്യക്തമാക്കുമോ;

പ്രസ്തുത ജില്ലയില്‍ മേല്‍പ്പറഞ്ഞ കാലയളവില്‍ എത്ര പട്ടികജാതി കുടുംബങ്ങള്‍ക്ക് ഭവന പുനരുദ്ധാരണത്തിനായി വായ്പ അനുവദിച്ചിട്ടുണ്ടെന്നും പ്രസ്തുത ഇനത്തില്‍ ആകെ എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ; വിശദാംശം നല്‍കുമോ?

കുന്നത്തുനാട് നിയോജക മണ്ഡലത്തിൽ വിവിധ ഭവന നിർമ്മാണ പദ്ധതികൾ പ്രകാരം ധനസഹായം ലഭിച്ചിട്ടും വീട് നിര്‍മ്മാണം പൂര്‍ത്തീകരിക്കാന്‍ സാധിക്കാത്ത പട്ടികജാതി കുടുംബങ്ങളുടെ വിശദാംശം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത നിയോജക മണ്ഡലത്തില്‍ നിന്ന് സേഫ് പദ്ധതിയില്‍ ഉള്‍പ്പെടുത്തുന്നതിന് തെരഞ്ഞെടുത്തിട്ടുള്ള ഗുണഭോക്താക്കളുടെ വിശദാംശം ലഭ്യമാക്കാമോ?

പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് സാമ്പത്തിക ശാക്തീകരണം ഉറപ്പാക്കി മുഖ്യധാരയില്‍ എത്തിക്കുന്നതിന് എന്തൊക്കെ പുതിയ പദ്ധതികളാണ് സര്‍ക്കാര്‍ നടപ്പിലാക്കുന്നതെന്നതിന്റെ വിശദവിവരം ലഭ്യമാക്കുമോ;

പ്രസ്തുത വിഭാഗത്തിലെ ദുര്‍ബല കുടുംബങ്ങള്‍ക്ക് കൃഷിഭൂമി വാങ്ങുന്നതിനും സ്വയം തൊഴില്‍ കണ്ടെത്തുന്നതിനും ധനസഹായം അനുവദിക്കുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

ബാങ്ക് വായ്പകൾ തിരിച്ചടയ്ക്കാൻ സാധിക്കാതെ ജപ്തി നടപടി നേരിടുന്ന പട്ടികജാതി പട്ടികവർഗ്ഗ വിഭാഗത്തിൽപ്പെട്ട താഴ്ന്ന വരുമാനക്കാരായ കുടുംബങ്ങൾക്ക് പലിശ ഒഴിവാക്കി വായ്പ ഗഡുക്കളായി തിരിച്ചടയ്ക്കുന്നതിനുള്ള എന്തെങ്കിലും പദ്ധതി ആവിഷ്കരിക്കുമോയെന്ന് വ്യക്തമാക്കുമോ?

പട്ടികജാതി വിഭാഗക്കാർക്ക്, അപേക്ഷ സമർപ്പിച്ച് എത്ര ദിവസത്തിനുള്ളിലാണ് ചികിത്സ ധനസഹായം അനുവദിക്കുന്നതെന്ന് വ്യക്തമാക്കുമോ; പ്രസ്തുത വിഭാഗക്കാർക്ക് ചികിത്സാ ധനസഹായം അനുവദിക്കുന്നതിന്റെ വ്യവസ്ഥകൾ അടങ്ങിയ സർക്കാർ ഉത്തരവിന്റെ പകർപ്പുകൾ ലഭ്യമാക്കാമോ;

ടി-ഗ്രാന്റ്സ് പദ്ധതി മുഖേന ധനസഹായം അനുവദിച്ച് ഉത്തരവ് പുറപ്പെടുവിച്ചിട്ടുള്ള എത്ര അപേക്ഷകർക്ക് ധനസഹായം അനുവദിക്കാൻ അവശേഷിക്കുന്നുണ്ട്; പ്രസ്തുത അപേക്ഷകരുടെ ജില്ല തിരിച്ചുള്ള എണ്ണം,ആവശ്യമായ തുക എന്നീ വിവരങ്ങൾ അറിയിക്കുമോ;

വകുപ്പ് മന്ത്രിയുടെ ഔദ്യോഗിക നാമധേയത്തിലുള്ള ദുരിതാശ്വാസ നിധിയിൽ നിന്നും / വകുപ്പിൽ നിന്നും യഥാസമയം ധനസഹായം ലഭിക്കാത്തതിനാൽ പട്ടികജാതി വിഭാഗക്കാരുടെ തുടർ ചികിത്സ മുടങ്ങുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികൾ വിശദമാക്കാമോ;

നടപ്പ് സാമ്പത്തിക വർഷത്തിൽ നാളിതുവരെ ലഭിച്ച എത്ര അപേക്ഷകർക്ക് ധനസഹായം അനുവദിച്ച് ഉത്തരവ് നൽകാനുണ്ട്; വിവിധ ഓഫീസുകളിൽ തീർപ്പിനായി അവശേഷിക്കുന്ന അപേക്ഷകളുടെ എണ്ണം അറിയിക്കാമോ;

ധനസഹായ വിതരണത്തിന് കാലതാമസം നേരിടുന്നതിനുള്ള കാരണം എന്താണെന്ന് വിശദമാക്കാമോ; അർഹരായ മുഴുവൻ അപേക്ഷകർക്കും എന്ന് ധനസഹായം പൂര്‍ണ്ണമായും വിതരണം ചെയ്യാന്‍ സാധിക്കുമെന്ന് വ്യക്തമാക്കാമോ?

സംസ്ഥാനത്ത് പട്ടികജാതി വിഭാഗത്തില്‍പെട്ട രോഗികള്‍ക്കും പ്രായമായവര്‍ക്കും അര്‍ഹമായ ചികിത്സാ സഹായം ലഭ്യമാക്കുന്നതിനായി ആരോഗ്യ പരിരക്ഷാ പദ്ധതി നിലവിലുണ്ടോ; പ്രസ്തുത പദ്ധതിയനുസരിച്ച് പട്ടികജാതി കുടുംബത്തിലെ വരുമാനദായകന്റെ മരണത്തോടനുബന്ധിച്ച് ആശ്വാസ ധനസഹായം നല്‍കുന്നുണ്ടോ; വിശദാംശം ലഭ്യമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷവും കഴിഞ്ഞ സര്‍ക്കാരിന്റെ കാലത്തും പ്രസ്തുത പദ്ധതിക്കായി വകയിരുത്തിയ തുക, ചെലവായ തുക എന്നിവയുടെ വിശദാംശം നൽകാമോ; പ്രസ്തുത പദ്ധതി മുഖേന പട്ടികജാതി വിഭാഗത്തില്‍പെട്ടവരുടെ ആരോഗ്യപരിരക്ഷ ഉറപ്പുവരുത്തുന്നതിനായി എന്തെല്ലാം നടപടികള്‍ സ്വീകരിക്കാന്‍ കഴിഞ്ഞിട്ടുണ്ട്; വിശദാംശം നൽകുമോ?

പിറവം നിയോജക മണ്ഡലത്തിലെ ഏതെല്ലാം പട്ടികജാതി കോളനികളിലാണ് കുടിവെളള പദ്ധതികള്‍ നിലവിലില്ലാത്തതെന്ന് അറിയിക്കുമോ;

ജലജീവന്‍ മിഷൻ പദ്ധതിയില്‍ ഉള്‍പ്പെടുത്താനാകാത്തതും വാട്ടര്‍ ടാങ്കുകളെക്കാള്‍ ഉയര്‍ന്ന പ്രദേശമായതിനാല്‍ സാങ്കേതിക ബുദ്ധിമുട്ടുകള്‍ നിമിത്തം പദ്ധതി പ്രാവര്‍ത്തികമാക്കാന്‍ സാധിക്കില്ല എന്ന് വാട്ടര്‍ അതോറിറ്റി അറിയിച്ചതുമായ പട്ടികജാതി കോളനികൾ മണ്ഡലത്തിലുണ്ടെങ്കില്‍ ആയതിന്റെ വിശദാംശം ലഭ്യമാക്കാമോ;

പ്രസ്തുത മേഖലയിലെ കുടിവെള്ള ക്ഷാമം പരിഹരിക്കുന്നതിന് വകുപ്പുതലത്തില്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കാമോ?

2021-22 സാമ്പത്തിക വർഷത്തിൽ പട്ടികജാതി പട്ടികവർഗ്ഗ വകുപ്പുകൾക്ക് അനുവദിച്ചിരുന്ന ബജറ്റ് വിഹിതം എത്രയെന്ന് അറിയിക്കുമോ; ഇതിൽ ചെലവഴിച്ച തുക എത്രയെന്ന് വിശദമാക്കുമോ;

ചെലവഴിച്ച തുക ഏതെല്ലാം പദ്ധതികൾക്ക് വേണ്ടി എത്ര വീതം എന്നത് തുക സഹിതം വിശദാംശം നൽകുമോ?

നിയമ വിദ്യാഭ്യാസം നേടിയ പട്ടിക വിഭാഗത്തിൽപ്പെട്ടവർക്ക് വേണ്ടത്ര പിന്തുണ കിട്ടാത്തതിനാൽ അഭിഭാഷകരംഗത്തുനിന്നും മറ്റ് തൊഴിൽമേഖല തേടി പോകുന്ന സ്ഥിതി പരിശോധിച്ചിട്ടുണ്ടോ;

ഇവർക്ക് മികച്ച രീതിയിൽ അഭിഭാഷകവൃത്തി ചെയ്യുന്നതിന് എന്തെല്ലാം സഹായങ്ങളാണ് ചെയ്യുവാൻ ഉദ്ദേശിക്കുന്നത്; വിശദമാക്കുമോ?

മുൻ സർക്കാരിന്റെ കാലം മുതൽ നാളിതുവരെ പട്ടികജാതി പട്ടിക ഗോത്രവർഗ്ഗ കമ്മീഷൻ ഓരോ വർഷവും നടത്തിയ അദാലത്തുകളുടെ വിശദാംശം വർഷം തിരിച്ച് വ്യക്തമാക്കുമോ;

ഓരോ അദാലത്തിലും എത്ര കേസുകൾ തീർപ്പാക്കിയെന്നും എത്ര പുതിയ പരാതികൾ ലഭിച്ചുവെന്നും നിലവിൽ എത്ര പരാതികൾ കമ്മീഷന്റെ പരിഗണനയിലുണ്ടെന്നും അറിയിക്കുമോ; കമ്മീഷന്റെ പ്രവർത്തനങ്ങൾക്കായി പ്രസ്തുത കാലയളവിൽ ചെലവഴിച്ച തുക എത്രയാണെന്ന് വ്യക്തമാക്കാമോ?

ചാത്തന്നൂർ നിയോജകമണ്ഡലത്തിൽ എത്ര വിജ്ഞാൻവാടികൾ പ്രവർത്തിച്ചു വരുന്നുണ്ടെന്നും അവ ഏതെല്ലാമെന്നും വ്യക്തമാക്കാമോ;

2017-18 മുതൽ 2022-23 വരെയുള്ള സാമ്പത്തിക വർഷങ്ങളിലോരോന്നിലും പ്രസ്തുത വിജ്ഞാൻവാടികൾക്ക് സർക്കാർ അനുവദിച്ച തുക എത്രയെന്നും ഓരോ വർഷങ്ങളിലും ചെലവാക്കിയ തുകയെത്രയെന്നും എന്തെല്ലാം ആവശ്യങ്ങൾക്ക് എത്ര തുക ചെലവഴിച്ചു എന്നും ഇനം തിരിച്ച് വിശദമാക്കാമോ;

പ്രസ്തുത സാമ്പത്തിക വർഷങ്ങളിലോരോന്നിലും ചാത്തന്നൂർ മണ്ഡലത്തിലെ വിജ്ഞാൻവാടികൾക്ക് സർക്കാർ അനുവദിച്ച ധനസഹായത്തിൽ ചെലവഴിക്കാത്ത തുകയുണ്ടെങ്കിൽ ആയതെത്രയെന്ന് ഇനം തിരിച്ച് വ്യക്തമാക്കാമോ; തുക ചെലവഴിക്കാനാകാത്തതിന്റെ കാരണം അറിയിക്കാമോ;

ചാത്തന്നൂർ മണ്ഡലത്തിലെ വിജ്ഞാൻവാടികളുടെ പ്രവർത്തനം മികവുറ്റതാക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ?

പട്ടികജാതികളിലും പട്ടികഗോത്രവര്‍ഗങ്ങളിലുംപെട്ട അതിദരിദ്രരുടെ ഉന്നമനത്തിനായി കുടുംബ കേന്ദ്രീകൃത പദ്ധതി തയ്യാറാക്കിയിട്ടുണ്ടോ;

ഹൗസ്ഹോള്‍ഡ് ഓറിയന്റഡ് മൈക്രോപ്ലാനിങ് ഫോര്‍ എംപവര്‍മെന്റ് (ഹോം) പദ്ധതിയില്‍ പട്ടികജാതി വിഭാഗങ്ങളിലെ ദുര്‍ബല വിഭാഗങ്ങളില്‍പെട്ടവരുടെ ദാരിദ്ര്യ നിര്‍മ്മാര്‍ജനത്തിന് ഊന്നല്‍ നല്‍കുന്നുണ്ടോ;

പ്രസ്തുത പദ്ധതിയില്‍ അതിദരിദ്രരെ സ്വയംപര്യാപ്തരാക്കുന്നതിനായി അവര്‍ക്ക് സുസ്ഥിര വരുമാനം ഉറപ്പുവരുത്തുന്നതിന് പ്രാധാന്യം നല്‍കുന്നുണ്ടോ? പദ്ധതിയുടെ വിശദാംശം ലഭ്യമാക്കാമോ?

സാമൂഹിക വികസന രംഗത്ത് ഏറ്റവും പിന്നാക്കം നില്‍ക്കുന്ന പ്രാക്തന ഗോത്രങ്ങളില്‍പെട്ടവരുടെയും സമാന അവസ്ഥയിലുള്ള പട്ടികജാതിയിലെ ദുര്‍ബല വിഭാഗക്കാരുടെയും ഉന്നമനത്തിനായി ആവിഷ്കരിച്ചിട്ടുളള പ്രത്യേക പദ്ധതികള്‍ എന്തെല്ലാമാണ്;

പട്ടികജാതിയിലെ അതിദുര്‍ബല വിഭാഗത്തില്‍പ്പെട്ടവര്‍ക്ക് വീടിനും തൊഴിലിനും നൽകുന്ന പ്രത്യേക ധനസഹായം വര്‍ദ്ധിപ്പിച്ചിട്ടുണ്ടോ;

ഇത്തരക്കാര്‍ക്ക് വീടും അടിസ്ഥാന സൗകര്യങ്ങളും ലഭ്യമാക്കി ഇവരെ വിദ്യാഭ്യാസപരമായും തൊഴില്‍പരമായും മുഖ്യധാരയിലേക്കെത്തിക്കുന്നതിനുളള പ്രവര്‍ത്തനങ്ങള്‍ക്ക് പ്രത്യേകം പ്രാധാന്യം നല്‍കുന്നുണ്ടോയെന്ന് വിശദമാക്കുമോ?

പട്ടികജാതി, പട്ടികവർഗ്ഗ വിഭാഗങ്ങൾക്ക് അനുവദിക്കുന്ന ധനസഹായങ്ങൾ സമയബന്ധിതമായി വിതരണം ചെയ്യുന്നു എന്ന് ഉറപ്പ് വരുത്തുന്നതിന് സ്വീകരിച്ച നടപടികൾ വിശദമാക്കാമോ;

മലപ്പുറം ജില്ലയിൽ അനുവദിച്ച ചികിത്സാധനസഹായം നല്‍കാതെ കുടിശ്ശികയായത് എത്ര പേർക്കാണെന്നും പ്രസ്തുത കുടിശ്ശിക എത്ര രൂപയാണെന്നും വ്യക്തമാക്കുമോ;

മലപ്പുറം ജില്ലയിൽ ഏകവരുമാനദായകൻ മരണപ്പെട്ട പട്ടികജാതി, പട്ടികവർഗ്ഗ കുടുംബത്തിന് നൽകുന്ന ധനസഹായത്തില്‍ എത്ര കുടിശ്ശികയുണ്ട്; അവയുടെ ബ്ലോക്ക് തിരിച്ചുള്ള കണക്ക് ലഭ്യമാക്കുമോ;

പ്രസ്തുത വിഭാഗത്തിന് അനുവദിക്കാൻ ഉത്തരവായ ചികിത്സാധനസഹായം, ഏകവരുമാനദായകൻ മരണപ്പെട്ട കുടുംബത്തിന് നൽകുന്ന ധനസഹായം, ഭൂരഹിത പട്ടികജാതി/പട്ടികവർഗ്ഗ വിഭാഗക്കാര്‍ക്ക് വീട് വയ്ക്കുന്നതിന് ഭൂമി രജിസ്റ്റർ ചെയ്ത് നൽകിയവർക്ക് നൽകേണ്ട തുക എന്നിവയെല്ലാം കുടിശ്ശികയില്ലാതെ അടിയന്തരമായി അനുവദിക്കുന്നതിനും അവ നല്‍കുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ?

ഏകവരുമാനദായകൻ മരണപ്പെട്ട പട്ടികജാതി കുടുംബങ്ങൾക്ക് ധനസഹായം അനുവദിക്കുന്ന പദ്ധതിയുടെ മാനദണ്ഡങ്ങൾ വിശദമാക്കുമോ; ഇതുമായി ബന്ധപ്പെട്ട സർക്കാർ ഉത്തരവുകളുടെ പകർപ്പ് ലഭ്യമാക്കുമോ;

പ്രസ്തുത പദ്ധതി പ്രകാരം ധനസഹായം യഥാസമയം വിതരണം ചെയ്യുന്നുണ്ടോ; ഇല്ലെങ്കിൽ കാരണം വിശദമാക്കാമോ;

ഏത് സാമ്പത്തിക വർഷം മുതൽ അപേക്ഷ സമർപ്പിച്ചവർക്കാണ് നിലവിൽ ധനസഹായം നൽകാനുള്ളത്; ഓരോ സാമ്പത്തിക വർഷത്തിലും ലഭിച്ച അപേക്ഷകളുടെ എണ്ണം, അനുവദിച്ച തുക, ധനസഹായം നൽകാൻ അവശേഷിക്കുന്ന അപേക്ഷകളുടെ എണ്ണം, ധനസഹായ വിതരണത്തിന് ഇനി ആവശ്യമായ തുക എന്നിവയുടെ ജില്ല തിരിച്ചുള്ള കണക്ക് ലഭ്യമാക്കാമോ;

പ്രസ്തുത പദ്ധതിയ്ക്കായി സമര്‍പ്പിച്ച അപേക്ഷകളില്‍ എത്ര അപേക്ഷകൾ നിരസിച്ചിട്ടുണ്ടെന്നും നിരസിക്കാനുണ്ടായ കാരണങ്ങളും വിശദമാക്കാമോ;

നാളിതുവരെ ലഭ്യമായ അപേക്ഷകളിലെ അർഹരായ മുഴുവൻ പേർക്കും നടപ്പ് സാമ്പത്തിക വർഷത്തിൽ തന്നെ ധനസഹായം വിതരണം ചെയ്യാൻ ഉദ്ദേശിക്കുന്നുണ്ടോ; വിശദമാക്കാമോ?

വാത്സല്യനിധി പദ്ധതി പ്രകാരം പട്ടികജാതി വിഭാഗത്തില്‍പ്പെട്ട എത്രപേര്‍ക്ക് ധനസഹായം ലഭിക്കുന്നതിനായി എൽ.ഐ.സി.യില്‍ തുക നിക്ഷേപിച്ചിട്ടുണ്ട്; ഗുണഭോക്താക്കളുടെ ജില്ല തിരിച്ചുള്ള എണ്ണം, നിക്ഷേപിച്ച തുക എന്നിവ വിശദമാക്കാമോ;

പ്രസ്തുത പദ്ധതിയുടെ നിലവിലുള്ള അവസ്ഥ എന്താണെന്ന് വിശദമാക്കാമോ?

പട്ടിക വർഗ്ഗ വിഭാഗത്തിലുൾപ്പെട്ടവർക്ക് 2010 ന് മുൻപ് അനുവദിച്ച വീടുകളിൽ വാസയോഗ്യമല്ലാത്ത വീടുകളുള്ളതായി കണ്ടെത്തിയിട്ടുണ്ടോ; എങ്കിൽ അത്തരം വീടുകളുടെ എണ്ണം ട്രൈബൽ എക്സ്റ്റെൻഷൻ ആഫീസ് തിരിച്ച് ലഭ്യമാക്കാമോ;

പട്ടിക വർഗ്ഗ വിഭാഗത്തിലുൾപ്പെട്ടവർക്ക് 2010 ന് മുൻപ് അനുവദിച്ചതും എന്നാൽ വാസയോഗ്യമല്ലായെന്ന് കണ്ടെത്തിയിട്ടുള്ളതുമായ വീടുകൾ വാസയോഗ്യമാക്കുന്നതിന് സർക്കാർ സ്വീകരിക്കുന്ന നടപടികൾ വിശദമാക്കാമോ?

സംസ്ഥാനത്തെ പട്ടിക വർഗ്ഗ വിദ്യാർത്ഥികളിൽ അണ്ടർ ഗ്രാജ്വറ്റ്, പി.ജി., പി.എച്ച് .ഡി. തലത്തിലേക്ക്‌ എത്ര പേർ എത്തുന്നുവെന്ന് എണ്ണം തിരിച്ച് വിലയിരുത്തിയിട്ടുണ്ടോ; എങ്കിൽ വിശദാംശം നൽകാമോ;

പട്ടിക വർഗ്ഗ വിദ്യാർത്ഥികളുടെ ഉന്നത വിദ്യാഭ്യാസത്തിന് സഹായകരമാകുന്ന സർക്കാർ പദ്ധതികൾ സംബന്ധിച്ച വിശദവിവരങ്ങൾ നൽകുമോ?

പട്ടികജാതി വിഭാഗത്തില്‍പ്പെട്ട പെണ്‍കുട്ടികളുടെ ആരോഗ്യപരവും വിദ്യാഭ്യാസപരവും സാമ്പത്തികപരവുമായ വികസനം ലക്ഷ്യമിട്ട് എന്തെങ്കിലും പദ്ധതി ആവിഷ്കരിച്ചിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പദ്ധതിയുടെ മാനദണ്ഡം എന്താണെന്ന് അറിയിക്കുമോ;

പ്രസ്തുത പദ്ധതി കാര്യക്ഷമമാണോ എന്ന് പരിശോധിച്ചിട്ടുണ്ടോ; എങ്കിൽ കാര്യക്ഷമമാക്കാൻ സ്വീകരിച്ച നടപടികൾ വിശദമാക്കാമോ?

പട്ടികജാതി പട്ടികവര്‍ഗ്ഗ വിഭാഗക്കാര്‍ക്ക് നടപ്പിലാക്കി വരുന്ന സേഫ് പദ്ധതിയുടെ വിശദാംശം ലഭ്യമാക്കാമോ; പ്രസ്തുത പദ്ധതിക്കായുള്ള അപേക്ഷകള്‍ എപ്പോഴാണ് സ്വീകരിക്കുന്നതെന്ന് അറിയിക്കാമോ; അപേക്ഷ സമര്‍പ്പിക്കാന്‍ കഴിയാത്തവര്‍ക്ക് അപേക്ഷ സമര്‍പ്പിക്കുന്നതിനുള്ള അവസരം നല്‍കാമോ;

ബാലുശ്ശേരി മണ്ഡലത്തില്‍ നിന്നും നാളിതുവരെ സേഫ് പദ്ധതിയില്‍ ഉള്‍പ്പെടുത്തുന്നതിനായി എത്ര അപേക്ഷകളാണ് ലഭിച്ചതെന്നും എത്ര പേര്‍ക്ക് ആനുകൂല്യം ലഭിച്ചുവെന്നും അറിയിക്കാമോ; വിശദാംശം ലഭ്യമാക്കാമോ?

സംസ്ഥാനത്തെ പട്ടികവർഗ്ഗ കുടുംബങ്ങൾക്കായി സമഗ്ര ആരോഗ്യ പരിരക്ഷാ പദ്ധതി നടപ്പിലാക്കിയിട്ടുണ്ടോ;എങ്കിൽ വിശദാംശം ലഭ്യമാക്കുമോ;

നടപ്പിലാക്കിയിട്ടില്ലെങ്കില്‍ ഒരു സമഗ്ര ആരോഗ്യ പരിരക്ഷ പദ്ധതി തയ്യാറാക്കുന്നതിന് വകുപ്പ് മുൻകൈയെടുക്കുമോ; വിശദാംശം നൽകുമോ?

സംസ്ഥാനത്ത് പട്ടികജാതി പട്ടികവർഗ വികസന വകുപ്പ് മുഖേന പട്ടികജാതി പട്ടികവർഗ്ഗ വിഭാഗത്തിൽപ്പെട്ടവർക്ക് ഭവന നിർമ്മാണ പദ്ധതി നടപ്പാക്കുന്നുണ്ടോ; എങ്കിൽ എത്ര തുകയാണ് ഭവന നിർമ്മാണത്തിനായി അനുവദിക്കുന്നതെന്ന് വ്യക്തമാക്കുമോ; പ്രസ്തുത വിഹിതം ഉയർത്താൻ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ പട്ടികവർഗ്ഗ വിഭാഗക്കാർക്ക് ലഭിക്കുന്ന പൊതുസേവനങ്ങളുടെ ഗുണനിലവാരം പരിശോധിക്കുന്നതിന് എന്ത് സംവിധാനമാണ് നിലവിലുള്ളതെന്ന് വ്യക്തമാക്കാമോ;

പ്രസ്തുത വിഭാഗക്കാർക്ക് ലഭിക്കുന്ന പൊതു സേവനങ്ങളുടെ ഗുണനിലവാരം ഉറപ്പാക്കുന്നതിന് ഒരു കർമ്മപദ്ധതി ആവിഷ്കരിക്കുമോയെന്ന് വ്യക്തമാക്കാമോ?

പട്ടികവര്‍ഗ വിഭാഗത്തിലെ ഭിന്നശേഷിക്കാരുടെ ക്ഷേമത്തിനായി നടപ്പിലാക്കുന്ന കാറ്റാടി പദ്ധതിയുടെ വിശദാംശം ലഭ്യമാക്കാമോ?

സംസ്ഥാനത്ത് പട്ടികജാതി പട്ടികവർഗ്ഗ വിഭാഗക്കാര്‍ക്കായി ഉപപദ്ധതികള്‍ തയ്യാറാക്കുന്നതിന്റെ മാനദണ്ഡം വിശദമാക്കാമോ;

മുൻ സർക്കാരിന്റെ കാലം മുതൽ നാളിതുവരെ പ്രസ്തുത ഉപപദ്ധതികൾ പ്രകാരം ഓരോ സാമ്പത്തിക വർഷവും അനുവദിച്ച തുകയും ചെലവഴിച്ച തുകയും വ്യക്തമാക്കുമോ?

2016-17 സാമ്പത്തിക വർഷം മുതൽ നാളിതുവരെ പട്ടികജാതി/പട്ടികവർഗ്ഗ വിഭാഗങ്ങളുടെ ഉപപദ്ധതികൾക്കുള്ള പ്രത്യേക കേന്ദ്രസഹായ വിഹിതമായി ലഭിച്ച തുകയും അതിൽ ഓരോ സാമ്പത്തിക വർഷവും ചെലവഴിച്ച തുകയും ഇനം തിരിച്ച് വ്യക്തമാക്കുമോ?

സംസ്ഥാനത്തെ വിവിധ പട്ടികജാതി കോളനികളില്‍ നടപ്പാക്കി വരുന്ന സമഗ്ര കോളനി വികസന പദ്ധതിയുടെ നടത്തിപ്പില്‍ ഉണ്ടാകുന്ന കാലതാമസം ശ്രദ്ധയില്‍പ്പെട്ടിട്ടുണ്ടോ; എങ്കിൽ പദ്ധതി വേഗത്തില്‍ പൂര്‍ത്തീകരിക്കുന്നതിനായി നടപടികള്‍ സ്വീകരിക്കുമോയെന്ന് വ്യക്തമാക്കുമോ?

പിന്നാക്ക വിഭാഗങ്ങളുടെ വിദ്യാഭ്യാസ, സാമ്പത്തിക ഉന്നമനത്തിനായി നടത്തി വന്നിരുന്ന പല പദ്ധതികളില്‍ നിന്നും കേന്ദ്രം പിന്‍വാങ്ങുന്ന സാഹചര്യത്തില്‍ സംസ്ഥാനത്തെ പിന്നാക്ക വിഭാഗങ്ങളുടെ ഉന്നമനത്തിനായി തുടര്‍ന്നുവരുന്ന പ്രവര്‍ത്തനങ്ങള്‍ കൂടുതല്‍ ഊര്‍ജ്ജിതപ്പെടുത്തുന്നതിനായി നടത്തുന്ന ഇടപെടലുകളെക്കുറിച്ച് വിശദമാക്കുമോ;

പിന്നാക്ക വിഭാഗങ്ങള്‍ക്ക് സ്ഥിരവരുമാനം കണ്ടെത്തുന്നതിനും സംരംഭങ്ങള്‍ ആരംഭിക്കുന്നതിനും ധന സഹായം ഉറപ്പുവരുത്തുന്നതിന് ലക്ഷ്യമിട്ട് നടപ്പാക്കുന്ന മെെക്രോ ക്രെഡിറ്റ് പദ്ധതി സംബന്ധിച്ച് വിശകലനം നടത്തിയിട്ടുണ്ടോ; വിശദാംശം നല്‍കുമോ;

പ്രസ്തുത പദ്ധതി പ്രകാരം സംസ്ഥാനത്തെ മതന്യൂനപക്ഷങ്ങള്‍ക്ക് സാമ്പത്തിക സഹായം നല്‍കുന്നതിനുപുറമെ സമൂഹത്തിന്റെയാകെ ഉന്നമനം ലക്ഷ്യമിട്ട് എന്‍.ജി.ഒ. കള്‍, കുടുംബശ്രീ സി.ഡി.എസുകള്‍ എന്നിവ മുഖാന്തിരം വരുമാന പരിധിയോ സാമുദായിക പരിഗണനയോ കണക്കാക്കാതെ ധനസഹായം നല്‍കി വരുന്നുണ്ടോ; എങ്കിൽ വിശദമാക്കുമോ;

ഇത്തരത്തില്‍ എന്‍.ജി.ഒ. കള്‍, കുടുംബശ്രീ സി.ഡി.എസുകള്‍ എന്നിവയ്ക്ക് നല്‍കുന്ന ലിങ്കേജ് വായ്പയിന്മേല്‍ പൊതുമേഖലാ ബാങ്കുകള്‍ ഈടാക്കുന്ന പലിശയും സര്‍വീസ് ചാര്‍ജ്ജും പിന്നാക്ക വിഭാഗ വികസന കോര്‍പ്പറേഷന്‍ ഈടാക്കുന്ന തുകയും തമ്മില്‍ സാരമായ വ്യത്യാസം ഉണ്ടോ എന്ന് പരിശോധിച്ചിട്ടുണ്ടോ; എങ്കിൽ വിശദമാക്കുമോ?

സംസ്ഥാനത്ത് പിന്നാക്ക വിഭാഗ വികസന കോര്‍പ്പറേഷന്‍ മുഖേന നടത്തിവരുന്ന ക്ഷേമ പ്രവര്‍ത്തനങ്ങളുടെ വിശദാംശം ലഭ്യമാക്കാമോ;

സംസ്ഥാനത്ത് പ്രസ്തുത കോര്‍പ്പറേഷന്റെ എത്ര ഓഫീസുകൾ പ്രവര്‍ത്തിക്കുന്നുണ്ടെന്നും അവിടെ എത്ര ജീവനക്കാരാണ് ഉള്ളതെന്നും തസ്തിക തിരിച്ച് അറിയിക്കാമോ;

പ്രസ്തുത ജീവനക്കാര്‍ ഓഫീസില്‍ എത്തുന്ന പൊതുജനങ്ങളോട് അപമര്യാദയായി പെരുമാറുന്നു എന്ന പരാതികള്‍ ലഭിച്ചിട്ടുണ്ടോ; എങ്കില്‍ ഇത്തരം ജീവനക്കാര്‍ക്കെതിരെ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

സംസ്ഥാനത്തെ മറ്റ് പിന്നോക്ക വിഭാഗത്തിൽപ്പെട്ട പ്രൊഫഷണൽ കോഴ്‌സിന് പഠിക്കുന്ന വിദ്യാർത്ഥികൾക്ക് ഇ-ഗ്രാന്റ് ലഭ്യമാകാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഒ.ബി.സി. വിഭാഗത്തിൽപ്പെട്ട വിദ്യാർത്ഥികൾക്ക് ഇ-ഗ്രാന്റ് ലഭ്യമാക്കാൻ സ്വീകരിച്ച നടപടികൾ വിശദമാക്കാമോ;

വിദ്യാർത്ഥികൾക്ക് അടിയന്തരമായി ഇ-ഗ്രാന്റ് ലഭിക്കാൻ നടപടി സ്വീകരിക്കുമോയെന്ന് വ്യക്തമാക്കുമോ?

കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ മുഖാന്തിരം നടപ്പിലാക്കി വരുന്ന വിവിധ പദ്ധതികളുടെ വിശദാംശം ലഭ്യമാക്കാമോ;

പ്രസ്തുത സ്ഥാപനത്തിന് ലഭിക്കാനുള്ള വായ്പാ കുടിശ്ശിക തീര്‍ക്കുന്നതിനായി ഒറ്റത്തവണ തീര്‍പ്പാക്കല്‍ പദ്ധതി പോലുള്ള പദ്ധതി നടപ്പിലാക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ?

കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന് ലഭിക്കാനുളള വായ്പാകുടിശിക എത്രയാണെന്ന് അറിയിക്കുമോ; പ്രസ്തുത തുക ഏത് രീതിയിലാണ് കോര്‍പ്പറേഷന്‍ ഈടാക്കാന്‍ ഉദ്ദേശിക്കുന്നത്; വ്യക്തമാക്കാമോ;

കുടിശിക തിരിച്ചടയ്ക്കാന്‍ നിര്‍വാഹമില്ലാത്തവര്‍ക്ക് ആശ്വാസം നല്കുന്നതിനായി ഏതെങ്കിലും പദ്ധതി ആലോചിക്കുന്നുണ്ടോ; വിശദാംശം നല്കുമോ;

കോര്‍പ്പറേഷന്‍ മുഖേന നല്കുന്ന വ്യക്തിഗത വായ്പകളുടെ നിലവിലുള്ള പരിധി ഉയര്‍ത്തുന്നതിന് പദ്ധതിയുണ്ടോ; വിശദാംശം നല്കുമോ;

വിദ്യാഭ്യാസ വായ്പ എടുത്തവര്‍ക്ക് തിരിച്ചടവിനുള്ള സമയവും തവണകളും വർദ്ധിപ്പിച്ച് നല്കു‍വാന്‍ നടപടി സ്വീകരിക്കുമോ; വായ്പയുടെ പരിധി വര്‍ദ്ധിപ്പിക്കുന്ന കാര്യം പരിഗണിക്കുമോയെന്ന് വ്യക്തമാക്കുമോ?

മലപ്പുറം ജില്ലയിൽ കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ വഴി ഈ സാമ്പത്തിക വർഷം നൽകിയ വായ്പകളുടെ വിശദാംശം ഇനം തിരിച്ച് വെളിപ്പെടുത്തുമോ;

പല പദ്ധതികളിലും ഫണ്ടിന്റെ അപര്യാപ്തത മൂലം അപേക്ഷകർക്ക് കൃത്യ സമയത്ത് വായ്പ ലഭിക്കാത്ത സാഹചര്യമുള്ളതായി ശ്രദ്ധയിൽപ്പെട്ടിട്ടുണ്ടോ;

എങ്കിൽ ഫണ്ട് അലോട്ട്മെന്റ് നൽകി പ്രസ്തുത വായ്പകൾ കൃത്യമായി വിതരണം ചെയ്യുവാൻ നടപടി സ്വീകരിക്കുമോ ?

സംസ്ഥാനത്തെ പിന്നാക്ക വിഭാഗ വികസന കോര്‍പ്പറേഷന്‍ മുഖേന അയല്‍ക്കൂട്ടങ്ങള്‍ക്ക് മൈക്രോ ക്രെഡിറ്റ് വായ്പ നല്‍കിയിട്ടുണ്ടോ;

എങ്കില്‍ പ്രസ്തുത വായ്പ എത്ര അയല്‍ക്കൂട്ടങ്ങള്‍ക്കാണ് നല്‍കിയിട്ടുള്ളതെന്ന് അറിയിക്കാമോ;

ഈ ഇനത്തില്‍ എത്ര കോടി രൂപ എത്ര ഗുണഭോക്താക്കള്‍ക്ക് നല്‍കിയെന്നും വ്യക്തമാക്കാമോ?

ശബരിമല സീസണില്‍ ഇടത്താവളമായ കുറ്റിപ്പുറം മിനി പമ്പയില്‍ സുരക്ഷാ ക്രമീകരണങ്ങളുടെ ചുമതല ഡി.റ്റി.പി.സി-യെയാണ് ഏല്‍പ്പിച്ച് വരുന്നതെന്നത് ശ്രദ്ധയില്‍പ്പെട്ടിട്ടുണ്ടോ;

എങ്കിൽ ഏത് വര്‍ഷം മുതലാണ് ഡി.റ്റി.പി.സി. യ്ക്ക് ഈ ചുമതല നൽകിയതെന്ന് വ്യക്തമാക്കാമോ;

ഈ ഇനത്തില്‍ ഡി.റ്റി.പി.സി-യ്ക്ക് സര്‍ക്കാര്‍ തുക അനുവദിച്ച് നല്‍കിയിട്ടുണ്ടോ; വിശദമാക്കാമോ;

ഇല്ലെങ്കില്‍ എത്ര രൂപയാണ് നല്‍കാനുള്ളതെന്നും എന്നത്തേക്ക് നല്‍കാന്‍ കഴിയുമെന്നും വ്യക്തമാക്കാമോ?

ദേവസ്വം വകുപ്പിന് കീഴിലുള്ള ശബരിമല വനഭൂമിയുടെ വിസ്തീർണ്ണം തീരുമാനിക്കുന്നതിനായി നടത്തിയ സർവ്വേ പൂർത്തീകരിച്ചിട്ടുണ്ടോ;

എങ്കിൽ ഭൂമി സംബന്ധമായി നിലനിന്നിരുന്ന പൊരുത്തക്കേടുകൾ പരിഹരിക്കാൻ സാധിച്ചിട്ടുണ്ടോ; വിശദാംശം ലഭ്യമാക്കുമോ?

തിരുവിതാംകൂർ ദേവസ്വം ബോർഡിലെ ഭിന്നശേഷിക്കാരായ താഴ്ന്ന വിഭാഗം ജീവനക്കാരെ നിരന്തരം ട്രാൻസ്ഫർ ചെയ്ത് ബുദ്ധിമുട്ടിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ വ്യക്തമാക്കുമോ;

പ്രസ്തുത ജീവനക്കാരെ പ്രത്യേക ഡ്യൂട്ടി വ്യവസ്ഥയിൽ ദേവസ്വം ബോർഡ് ഹെഡ് ക്വാർട്ടേഴ്സിൽ നിയമിക്കുവാൻ നിലവിൽ വ്യവസ്ഥ ഉണ്ടോ; എങ്കിൽ ആയതിന്റെ വിശദാംശം അറിയിക്കുമോ?

തിരുവിതാംകൂർ ദേവസ്വം ബോർഡിലെ സ്റ്റാൻഡിങ് കമ്മിറ്റിയുടെ അധികാരം വിഭജിച്ചു നൽകുന്ന 1950-ലെ ട്രാവൻകൂർ കൊച്ചിൻ ഹിന്ദു റിലീജിയസ് ഇൻസ്റ്റിറ്റ്യൂഷൻ ആക്ട് സെക്ഷൻ 15 ഡി ഒഴിവാക്കിയതിന്റെ കാരണം വ്യക്തമാക്കുമോ;

തിരുവിതാംകൂർ ദേവസ്വം ബോർഡിൽ സ്പെഷ്യൽ റൂൾ പ്രകാരമാണോ പ്രമോഷൻ നൽകുന്നതെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി മണ്ഡലത്തില്‍ ദേവസ്വം വകുപ്പിന്റെ ഫണ്ട് ഉപയോഗിച്ച് നടപ്പിലാക്കുന്നതിന് അനുമതി ലഭ്യമായിട്ടുള്ള പ്രവൃത്തികള്‍, അനുവദിച്ച തുക, അവയുടെ നിലവിലെ സ്ഥിതി എന്നിവ വ്യക്തമാക്കുമോ; ബന്ധപ്പെട്ട ഉത്തരവുകളുടെ പകര്‍പ്പ് ലഭ്യമാക്കുമോ?

ഉത്തര മലബാർ തീയ്യ സമുദായ ക്ഷേത്ര സംരക്ഷണ സമിതിയിലെയും മറ്റ് സമുദായങ്ങളിലെയും ആചാര സ്ഥാനികർക്കും കോലധാരികൾക്കും നിലവിൽ നൽകി വരുന്ന വേതനം എത്രയാണെന്ന് വ്യക്തമാക്കാമോ;

പ്രസ്തുത വേതനം മുടങ്ങിക്കിടക്കുകയാണോയെന്നും എങ്കിൽ എത്ര മാസത്തെ കുടിശിക ഉണ്ടെന്നും വ്യക്തമാക്കാമോ;

കുടിശിക നിവാരണത്തിനുള്ള തടസ്സം എന്താണെന്നും എപ്പോൾ കൊടുത്ത് തീർക്കുമെന്നും നിലവിൽ നൽകിവരുന്ന വേതനം വർദ്ധിപ്പിക്കാൻ ആലോചനയുണ്ടോയെന്നും വ്യക്തമാക്കാമോ;

വേതനം ലഭിച്ചുകൊണ്ടിരിക്കെ ആചാരസ്ഥാനികർ മരണപ്പെട്ടാൽ ആ സ്ഥാനത്ത് പുതിയതായി കലശം കുളിച്ച ആചാരം വഹിച്ച സ്ഥാനികന്മാരുടെ അപേക്ഷ സ്വീകരിക്കാറുണ്ടോ; ഇല്ലെങ്കിൽ ഇത്തരത്തിലുള്ള അപേക്ഷ സ്വീകരിക്കാത്തത് എന്ന് മുതലാണെന്നും ഇക്കാര്യത്തിൽ അനുകൂല നടപടി സ്വീകരിക്കുമോയെന്നും വ്യക്തമാക്കാമോ?

ഗുരുവായൂര്‍ ഫയര്‍സ്റ്റേഷന്‍ കെട്ടിടം നിര്‍മ്മിക്കുന്നതിനായി ദേവസ്വം ഭൂമി സൗജന്യമായി തരംമാറ്റ‍ുന്നതിന് സ്വീകരിച്ച നടപടിയുടെ നിജസ്ഥിതി അറിയിക്കുമോ;

പ്രസ്തുത ഭൂമി തരംമാറ്റ‍ുന്നതുമായി ബദ്ധപ്പെട്ട് ദേവസ്വം വകുപ്പ് സ്വീകരിച്ച് വരുന്ന നടപടികളും അവ എപ്പോൾ പൂര്‍ത്തീകരിക്കാന്‍ സാധിക്കുമെന്നുള്ള വിവരങ്ങളും വിശദമാക്കാമോ?

ഈ സർക്കാരിന്റെ കാലയളവിൽ കാസര്‍ഗോഡ് ജില്ലയിൽ ദേവസ്വം വകുപ്പിന്റെ ഫണ്ട് ഉപയോഗിച്ച് അനുമതി നൽകിയ പ്രവൃത്തികളുടെ വിശദാംശം ലഭ്യമാക്കാമോ;

ഓരോ പ്രവൃത്തികളുടെയും നിലവിലെ സ്ഥിതി വിശദമാക്കാമോ?

ഗുരുവായൂര്‍ ദേവസ്വം ആശുപത്രി നവീകരണത്തിന് പദ്ധതി തയ്യാറാക്കിയിട്ടുണ്ടോ; എങ്കിൽ പ്രസ്തുത പദ്ധതിയുടെ നിലവിലെ സ്ഥിതി വിശദീകരിക്കാമോ;

പ്രസ്തുത ആശുപത്രിയില്‍ നിലവില്‍ നല്‍കിവരുന്ന സേവനങ്ങള്‍ വിശദമാക്കാമോ?

തിരുവിതാംകൂര്‍ ദേവസ്വം ബോര്‍ഡ് വക വിദ്യാഭ്യാസ സ്ഥാപനങ്ങളിലെ അ‌ദ്ധ്യാപക, അനദ്ധ്യാപക തസ്തികകളിലേയ്ക്ക് വിജ്ഞാപനം പുറപ്പെടുവിച്ച് നിയമനം നടത്തുന്നത് ദേവസ്വം റിക്രൂട്ട്മെന്റ് ബോര്‍ഡ് മുഖേനയാണോ എന്ന് വിശദമാക്കാമോ;

റിക്രൂട്ട്മെന്റ് ബോര്‍ഡ് വഴിയല്ലാതെ നിയമനം നടത്തുന്നതിന് ബോര്‍ഡ് നടപടി സ്വീകരിച്ചിട്ടുണ്ടോ; എങ്കില്‍ 2021 മുതല്‍ പുറപ്പെടുവിച്ച വിജ്ഞാപനങ്ങളുടെ പകര്‍പ്പ് ലഭ്യമാക്കാമോ;

വിജ്ഞാപന പ്രകാരം ഉദ്യോഗാര്‍ത്ഥികള്‍ക്ക് അപേക്ഷ സമര്‍പ്പിക്കുവാന്‍ എത്ര ദിവസമാണ് നല്‍കിയിട്ടുള്ളതെന്ന് വ്യക്തമാക്കാമോ;

വിവിധ ദേവസ്വം ബോര്‍ഡുകളുടെ കീഴില്‍ വരുന്ന വിദ്യാഭ്യാസ സ്ഥാപനങ്ങളില്‍ നിലവില്‍ എത്ര അദ്ധ്യാപക ഒഴിവുകള്‍ ഉണ്ടെന്ന് വിദ്യാഭ്യാസ സ്ഥാപനം, വിഷയം, തസ്തിക എന്നിവ തിരിച്ച് കണക്ക് ലഭ്യമാക്കാമോ?

സംസ്ഥാനത്തെ സർക്കാർ ജീവനക്കാർക്കിടയിലും സ്കൂൾ കോളേജ് വിദ്യാർത്ഥികൾക്കിടയിലും ഭരണഘടനയുടെ അവബോധം വർധിപ്പിക്കുന്നതിനായി എന്തെങ്കിലും പദ്ധതികൾ പാർലമെന്ററികാര്യ വകുപ്പ് നടപ്പിലാക്കിയിട്ടുണ്ടോ; എങ്കിൽ വിശദമാക്കാമോ;

സംസ്ഥാനത്തെ സർക്കാർ ഓഫീസുകളിലും ഭരണഘടനാ സ്ഥാപനങ്ങളിലും ഭരണഘടനാ ശില്പിയായ അംബേദ്ക്കറിന്റെ ചിത്രം സ്ഥാപിക്കുവാൻ നിർദേശം നൽകിയിട്ടുണ്ടോ; ഇല്ലെങ്കിൽ എന്തുകൊണ്ടെന്ന് വിശദമാക്കാമോ;

സംസ്ഥാനത്തെ കോളേജുകളിലും സ്കൂളുകളിലും ഉള്ള കോൺസ്റ്റിറ്റ്യൂഷൻ ക്ലബ്ബുകൾക്ക് ഏത് വിധത്തിൽ ഉള്ള സഹായങ്ങൾ ആണ് നൽകുന്നതെന്ന് വ്യക്തമാക്കാമോ?

2022-23 അധ്യയന വര്‍ഷത്തിൽ സ്കൂള്‍/കോളേജ് തല പരിപാടികളുടെ ഭാഗമായി വള്ളിക്കുന്ന് മണ്ഡലത്തിലെ വിദ്യാഭ്യാസ സ്ഥാപനങ്ങളില്‍ ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്സ് നടത്തിയ പ്രവര്‍ത്തനങ്ങളുടെ വിശദാംശം അറിയിക്കാമോ;

പ്രസ്തുത പരിപാടികളുടെ ഭാഗമായി വിദ്യാര്‍ത്ഥികളില്‍ നിന്ന് ലഭിച്ച ആശയങ്ങള്‍ ക്രോഡീകരിച്ചിട്ടുണ്ടോ;

ഓരോ നിയോജകമണ്ഡലങ്ങളിലും ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്സ് നടത്തിയ പ്രവര്‍ത്തനങ്ങളുടെ അന്തിമ റിപ്പോര്‍ട്ട് പ്രസിദ്ധീകരിച്ചിട്ടുണ്ടോ; എങ്കിൽ ലഭ്യമാക്കുമോ?

ആലത്തുര്‍ മണ്ഡലത്തിലെ സ്കൂള്‍, കോളേജ് വിദ്യാര്‍ത്ഥികള്‍ക്കായി ഇന്‍സ്റ്റിറ്റ്യൂട്ട് ഓഫ് പാർലമെന്ററി അഫയേഴ്സ് നടത്തിയ വിവിധ പരിപാടികളുടെ വിശദാംശം ലഭ്യമാക്കുമോ;

ആലത്തുര്‍ എം.എൽ.എ. നിര്‍ദേശിച്ച ഏതൊക്കെ വിദ്യാലയങ്ങളിലാണ് പ്രസ്തുത പ്രോഗ്രാം നടത്തിയിട്ടുള്ളതെന്ന് വ്യക്തമാക്കുമോ?