സംസ്ഥാനത്തെ ആദിവാസികള്‍ ഉള്‍പ്പെടെയുള്ള പട്ടികജാതി പട്ടികവർഗ്ഗ വിഭാഗക്കാരെ പരമ്പരാഗത കാര്‍ഷിക രീതികളും ആധുനിക കൃഷിയും പരിശീലിപ്പിച്ച് അവരുടെ ജീവിത പ്രയാസങ്ങള്‍ പരിഹരിക്കുന്നതിനായി കൃഷി വകുപ്പ് പദ്ധതികള്‍ ആവിഷ്കരിച്ചിട്ടുണ്ടോ; വ്യക്തമാക്കുമോ;

പ്രസ്തുത വിഭാഗക്കാർ വസിക്കുന്ന മേഖലകളിൽ നദി സംരക്ഷണവും ജലസേചന പദ്ധതികളും നടപ്പാക്കി കൃഷി ശക്തിപ്പെടുത്താന്‍ നടപടി സ്വീകരിക്കുമോ?

കാര്‍ഷിക സേവന കേന്ദ്രങ്ങളുടെയും കാര്‍ഷിക കര്‍മ്മ സേനകളുടെയും പ്രവര്‍ത്തനങ്ങള്‍ നിരീക്ഷിക്കുന്നതിനും അവലോകനം നടത്തുന്നതിനും ജില്ലാ തലത്തിലും സംസ്ഥാന തലത്തിലും ഏര്‍പ്പെടുത്തിയിരിക്കുന്ന സംവിധാനങ്ങള്‍ എന്തെല്ലാമാണെന്ന് വിശദമാക്കുമോ;

പ്രസ്തുത മേഖലയില്‍ കൂടുതലായി നടപ്പിലാക്കാന്‍ ഉദ്ദേശിക്കുന്ന മോണിറ്ററിംഗ് സംവിധാനങ്ങള്‍ എന്തെല്ലാമാണെന്ന് അറിയിക്കുമോ; വിശദമാക്കുമോ?

കര്‍ഷക കടാശ്വാസ കമ്മിഷന്‍ നല്‍കിയ ശിപാര്‍ശകളുടെ അടിസ്ഥാനത്തില്‍ പ്രാഥമിക സഹകരണ സംഘങ്ങള്‍ക്കും ബാങ്കുകള്‍ക്കും സർക്കാർ ഭീമമായ കുടിശിക നൽകാനുണ്ട് എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

സര്‍ക്കാരിന്റെ പണം ലഭിക്കാത്തതിനാല്‍ കര്‍ഷകര്‍ അവരുടെ വിഹിതം അടച്ചാലും സംഘങ്ങള്‍ ആധാരങ്ങള്‍ അടക്കം വിട്ടുനല്‍കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

സഹകരണ സംഘങ്ങള്‍ക്കും ബാങ്കുകള്‍ക്കും പ്രസ്തുത കുടിശിക നൽകി കർഷകരുടെ ബുദ്ധിമുട്ട് പരിഹരിക്കാൻ നടപടി സ്വീകരിക്കുമോ?

സംസ്ഥാനത്ത് കാര്‍ഷികോല്പാദനവും കര്‍ഷകരുടെ വരുമാനവും വര്‍ദ്ധിപ്പിക്കുന്നതിന് ശാസ്ത്രീയവും നവീനവുമായ കൃഷി രീതികള്‍ വ്യാപിപ്പിക്കുന്നതിന് പദ്ധതിയുണ്ടോ;

ഉല്പാദന പ്രവര്‍ത്തനങ്ങളിലും സംസ്കരണ പ്രക്രിയയിലും സാങ്കേതിക വിദ്യയുടെ പ്രയോഗം വിപുലമാക്കിക്കൊണ്ട് യുവസംരംഭകരെ അധികമായി ആകര്‍ഷിക്കാന്‍ ഉദ്ദേശ്യമുണ്ടോ;

കാര്‍ഷിക യന്ത്രങ്ങള്‍ പ്രചാരത്തിലാക്കുന്നതിനും അവയുടെ ലഭ്യത ഉറപ്പ് വരുത്തുന്നതിനും പരിശീലനം സിദ്ധിച്ച തൊഴില്‍ സേന രൂപീകരിക്കുന്നതിനും സ്വീകരിച്ചുവരുന്ന നടപടികൾ അറിയിക്കാമോ?

സംസ്ഥാന വിള ഇന്‍ഷുറന്‍സ് പദ്ധതിയുടെ വിശദാംശം ലഭ്യമാക്കാമോ;

ഈ സാമ്പത്തിക വര്‍ഷം പ്രസ്തുത പദ്ധതിയുടെ ഭാഗമായി ഇതുവരെ എത്രപേര്‍ക്ക് ആനുകൂല്യം ലഭ്യമാക്കിയിട്ടുണ്ടെന്ന് വിശദമാക്കാമോ?

കാർഷിക കമോഡിറ്റി ബോർഡുകൾ കാര്യക്ഷമമല്ലെന്നും അവ പിൻവലിക്കണമെന്നും നിതി ആയോഗ് ശിപാർശ ചെയ്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ; വിശദാംശം നൽകുമോ;

റബ്ബർ ബോർഡ്, സ്പൈസസ് ബോർഡ് തുടങ്ങിയവയുടെ പ്രവർത്തനം അവസാനിപ്പിക്കുന്നതിലേക്ക് നയിക്കുന്ന ഈ തീരുമാനം നടപ്പാക്കരുതെന്ന് കേന്ദ്ര സർക്കാരിനോട് ആവശ്യപ്പെട്ടിട്ടുണ്ടോ; എങ്കിൽ കേന്ദ്ര സർക്കാരിന്റെ പ്രതികരണം എന്തായിരുന്നുവെന്ന് അറിയിക്കാമോ; ഇല്ലെങ്കിൽ പ്രസ്തുത വിഷയത്തിൽ അടിയന്തര നടപടി സ്വീകരിക്കുമോ;

സംസ്ഥാനത്ത് പ്രവർത്തിക്കുന്ന പ്രധാന കമ്മോഡിറ്റി ബോർഡുകൾ ഏതൊക്കെയാണെന്നും ഇവയുടെ പ്രവർത്തനങ്ങൾ എന്തൊക്കെയാണെന്നും വിശദമാക്കുമോ?

സംസ്ഥാനത്ത് പഴവര്‍ഗ്ഗങ്ങളുടെ വില ക്രമാതീതമായി വർദ്ധിച്ച് വരുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ആയത് പരിഹരിക്കുവാന്‍ കൃഷി വകുപ്പ് സ്വീകരിച്ചുവരുന്ന നടപടി എന്തെല്ലാമെന്ന് വിശദമാക്കുമോ;

നിലവില്‍ ദൈനംദിനം സംസ്ഥാനത്തിനാവശ്യമായ പഴവര്‍ഗ്ഗങ്ങളുടെ തോത് എത്ര എന്നും അവയില്‍ എത്രത്തോളം സംസ്ഥാനത്ത് ഉല്പാദനം നടത്തുന്നു എന്നും ഇതര സംസ്ഥാനങ്ങളെ ആശ്രയിക്കേണ്ടതിന്റെ തോത് എത്ര എന്നും വ്യക്തമാക്കുമോ;

പഴവര്‍ഗ്ഗങ്ങളുടെ ഉല്പാദനത്തില്‍ സ്വയംപര്യാപ്തത കൈവരിക്കുന്നതിനായി എന്തെല്ലാം പദ്ധതികളാണ് വിഭാവനം ചെയ്തിട്ടുള്ളതെന്നും ആയത് എന്നത്തേക്ക് പ്രാവര്‍ത്തികമാക്കാന്‍ സാധിക്കുമെന്നും വ്യക്തമാക്കുമോ?

സംസ്ഥാനത്ത് പച്ചക്കറിയുടെ വില ക്രമാതീതമായി കൂടി വരുന്നതായി ശ്രദ്ധയില്‍പെട്ടിട്ടുണ്ടോ;

എങ്കില്‍ ഇത് പരിഹരിക്കുവാന്‍ കൃഷി വകുപ്പ് സ്വീകരിച്ചുവരുന്ന നടപടികള്‍ എന്തൊക്കെയാണ്; വിശദാംശം വ്യക്തമാക്കാമോ;

നിലവില്‍ ദൈനംദിനം സംസ്ഥാനത്തിനാവശ്യമായ പച്ചക്കറി ഉള്‍പ്പെടെയുള്ള മറ്റ് കാര്‍ഷികോല്പന്നങ്ങളുടെ തോത് എത്രയെന്നും അവയില്‍ എത്രത്തോളം സംസ്ഥാനത്ത് ഉല്പാദനം നടത്തുന്നുവെന്നും ഇതരസംസ്ഥാനങ്ങളെ ആശ്രയിക്കേണ്ടതിന്റെ തോത് എത്രയെന്നും വ്യക്തമാക്കുമോ;

സംസ്ഥാനത്ത് പച്ചക്കറി ഉല്പാദനത്തില്‍ സ്വയം പര്യാപ്തത കൈവരിക്കുന്നതിനായി എന്തെല്ലാം പദ്ധതികളാണ് വിഭാവനം ചെയ്തിട്ടുള്ളതെന്നും ആയത് എപ്പോള്‍ മുതല്‍ നടപ്പില്‍ വരുമെന്നും വ്യക്തമാക്കാമോ?

സംസ്ഥാനത്തെ കർഷകരെ ആധുനിക കൃഷി രീതികൾ പഠിപ്പിക്കുന്നതിനായി വകുപ്പ് മന്ത്രി ഉൾപ്പെടുന്ന സംഘം വിദേശ പര്യടനം നടത്തുന്നതിന് തീരുമാനിക്കുകയുണ്ടായോ; വ്യക്തമാക്കാമോ;

എവിടെല്ലാം സന്ദർശിക്കുന്നതിനാണ് നിലവിൽ പദ്ധതി ഇട്ടിട്ടുള്ളതെന്നും പര്യടനത്തിൽ ആരൊക്കെയാണ് മന്ത്രിയെ അനുഗമിക്കുന്നതെന്നും ഉദ്യോഗസ്ഥർ അടക്കം ആകെ എത്ര പേർ അടങ്ങുന്ന സംഘമാണ് വിദേശ പര്യടനം നടത്താൻ ഉദ്ദേശിക്കുന്നതെന്നും വിശദമാക്കാമോ;

എന്തൊക്കെ കൃഷി രീതികൾ പഠിക്കുന്നതിനാണ് സംഘം ആലോചിക്കുന്നതെന്ന് അറിയിക്കുമോ; സംസ്ഥാനത്തെ കാലാവസ്ഥയ്ക്ക് സമാനമായ കാലാവസ്ഥയുള്ള സ്ഥലങ്ങളാണോ സംഘം സന്ദർശിക്കുന്നതെന്നും വ്യത്യസ്തമായ കാലാവസ്ഥയിലെ കൃഷി രീതികൾ ഇവിടെ പ്രാവർത്തികമാക്കാൻ കഴിയുമെന്ന് സർക്കാർ കരുതുന്നുണ്ടോയെന്നും വിശദമാക്കാമോ;

പ്രസ്തുത സന്ദർശനത്തിനായി സർക്കാർ ഖജനാവിൽ നിന്നും ആകെ എത്ര രൂപ ചെലവ് വരും എന്നാണ് കണക്കാക്കിയിട്ടുള്ളതെന്ന് അറിയിക്കുമോ; ഇനം തിരിച്ചുള്ള കണക്ക് ലഭ്യമാക്കുമോ;

സംസ്ഥാനം കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തിൽ പ്രസ്തുത വിദേശ പര്യടനം സർക്കാരിനെ കൂടുതൽ പ്രതിസന്ധിയിലാക്കുമെന്ന് കരുതുന്നുണ്ടോ; വിശദമാക്കുമോ?

നീര പദ്ധതികളുടെ നിലവിലെ സ്ഥിതി വിലയിരുത്തിയിട്ടുണ്ടോ;

വൻ തുക വായ്പയെടുത്ത നീര സംഘങ്ങള്‍ വലിയ കടക്കെണിയിലാണെന്ന വിവരം ശ്രദ്ധയിൽപ്പെട്ടിട്ടുണ്ടോ;

പ്രസ്തുത പ്രശ്നം പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്; വിശദമാക്കുമോ?

തിരൂരങ്ങാടി നിയോജക മണ്ഡലത്തിലെ നന്നമ്പ്ര പഞ്ചായത്തിൽപ്പെട്ട തിരുത്തി മോര്യാകാപ്പ് കാർഷിക പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട് പൂർത്തീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ഈ പ്രവൃത്തിയുടെ പ്രൊപ്പോസൽ ഇപ്പോൾ ഏത് ഓഫീസിലാണെന്നും ആയതിന്റെ ഫയൽ നമ്പർ ഏതാണെന്നും വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം സംസ്ഥാനത്ത് ഏതൊക്കെ കൃഷി ഭവനുകളെയാണ് സ്മാർട്ട് കൃഷി ഭവനുകൾ ആക്കിയിട്ടുള്ളതെന്ന് ജില്ല തിരിച്ചുള്ള വിവരം ലഭ്യമാക്കുമോ;

പ്രസ്തുത പദ്ധതിയിലൂടെ എന്തൊക്കെ നേട്ടങ്ങളാണ് കർഷകർക്ക് അധികമായി ലഭിക്കുന്നതെന്ന്‌ വിശദമാക്കാമോ?

കാര്‍ഷിക മേഖലയുടെ വികസനത്തിനായി സംസ്ഥാനത്ത് നടപ്പാക്കി വരുന്ന പദ്ധതികള്‍ ഏതൊക്കെയെന്ന് വിശദമാക്കാമോ;

പാറശ്ശാല മണ്ഡലത്തില്‍ 2016 മുതല്‍ നാളിതുവരെ കാര്‍ഷിക മേഖലയുടെ വികസനത്തിനായി ഭരണാനുമതി നല്‍കിയ പദ്ധതികള്‍ ഏതൊക്കെയാണെന്നും ആയതിലേക്കായി വകയിരുത്തിയ തുക എത്രയാണെന്നും അവയുടെ നിലവിലെ സ്ഥിതി എന്താണെന്നും വ്യക്തമാക്കാമോ;

മുന്‍ സര്‍ക്കാരിന്റെ കാലഘട്ടത്തില്‍ പ്രസ്തുത മണ്ഡലത്തില്‍ ആര്‍.കെ.വി.വൈ., ആര്‍.ഐ.ഡി.എഫ്. XXVI എന്നീ പദ്ധതികളിള്‍ ഉള്‍പ്പെടുത്തി അനുവദിച്ചിട്ടുള്ള പ്രവൃത്തികൾ ഏതെല്ലാമെന്നും ഇവയുടെ നിലവിലെ സ്ഥിതി എന്താണെന്നും വ്യക്തമാക്കാമോ?

സംസ്ഥാനത്ത് തോട്ടവിളകളുടെ സംരക്ഷണത്തിനും മൂല്യവർദ്ധനവ് ഉറപ്പാക്കുന്നതിനും കാര്യക്ഷമമായ പദ്ധതികൾ നിലവിലില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ ;

ഏലം, റബ്ബർ, കാപ്പി, തേയില തുടങ്ങിയ തോട്ടവിളകളുടെ കൃഷി വിസ്തൃതി സംസ്ഥാനത്ത് കുറഞ്ഞുവരുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദാംശം നൽകുമോ;

തോട്ടവിളകളുടെ സംരക്ഷണത്തിനും മൂല്യ വർദ്ധനവിനും ഉല്പാദനക്ഷമത വർദ്ധനവിനും ഉതകുന്ന പദ്ധതികൾ ആവിഷ്കരിച്ച് നടപ്പാക്കുമോ; വിശദാംശം നൽകുമോ?

ഇരിക്കൂർ മണ്ഡലത്തിൽ കേരഗ്രാമം പദ്ധതി പ്രകാരം എന്തെല്ലാം സേവനങ്ങളാണ് കർഷകർക്ക് ലഭിക്കുന്നത്; വിശദമാക്കുമോ;

പ്രസ്തുത മണ്ഡലത്തിലെ ഓരോ കൃഷി ഭവനിലും എത്ര കർഷകർക്കാണ് ഇതിന്റെ ഗുണഫലം ലഭിക്കുന്നത്; വിശദമാക്കുമോ?

തൃശൂർ ജില്ലയിൽ കേരള ലാൻഡ് ഡെവലപ്മെന്റ് കോർപ്പറേഷൻ മുഖേന നടപ്പാക്കി വരുന്ന പൊന്നാനി കോള്‍ കൃഷി വികസന പദ്ധതിയുടെ പ്രവര്‍ത്തന പുരോഗതി അറിയിക്കുമോ?

ഈ സര്‍ക്കാര്‍ അധികാരത്തിൽ വന്നതിനുശേഷം മാവേലിക്കര മണ്ഡലത്തില്‍ കാര്‍ഷിക വികസന വകുപ്പ് അനുവദിച്ച വിവിധ പദ്ധതികളുടെയും തുകയുടെയും വിശദവിവരം ലഭ്യമാക്കുമോ;

പ്രസ്തുത പദ്ധതികളുടെ നിലവിലെ സ്ഥിതി വിശദമാക്കുമോ?

തൃശ്ശൂര്‍ ജില്ലയില്‍ ആര്‍.ഐ.ഡി.എഫ്., ആര്‍.കെ.ഐ., ആര്‍.കെ.വി.വൈ. എന്നിവ മുഖേന നടപ്പിലാക്കിയ തോടുകളും കുളങ്ങളും മറ്റ് ജലസ്രോതസ്സുകളും സംരക്ഷിക്കല്‍ പദ്ധതിയുടെ വിശദവിവരം അറിയിക്കുമോ;

പ്രസ്തുത പദ്ധതികളില്‍ ഉള്‍പ്പെടുത്തി ഗുരുവായൂര്‍ മണ്ഡലത്തില്‍ നടപ്പിലാക്കുന്നതും നടപ്പിലാക്കാന്‍ ഉദ്ദേശിക്കുന്നതുമായ തോടുകള്‍, കുളങ്ങള്‍, മറ്റ് ജലസ്രോതസ്സുകള്‍ എന്നിവ സംരക്ഷിക്കല്‍ പദ്ധതിയുടെ വിശദവിവരം അറിയിക്കുമോ?

സംസ്ഥാനത്ത് വിളകൾക്ക് താങ്ങുവിലയും സ്ഥിര വിലയും ലഭിക്കാത്തതിനാൽ കർഷകർ പ്രതിസന്ധിയിൽ ആയിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവമായി കാണുന്നുണ്ടോ; വിശദാംശം നൽകുമോ;

ആവശ്യത്തിന് സംഭരണ സംവിധാനങ്ങൾ ഇല്ലാത്തതിനാൽ ബഹുഭൂരിപക്ഷം കർഷകരും ന്യായവിലയേക്കാൾ കുറഞ്ഞ വിലയ്ക്ക് വിളകൾ വിറ്റഴിക്കുവാൻ നിർബന്ധിതരാകുന്ന നിലവിലെ സാഹചര്യം ഒഴിവാക്കാൻ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

കാർഷിക മേഖലയിൽ സഹകരണ സംഘങ്ങളെ പ്രോത്സാഹിപ്പിച്ചുകൊണ്ട് സംഭരണത്തിനും മൂല്യവർദ്ധനവിനുമുള്ള പദ്ധതികൾ ഒരുക്കി കാർഷികവൃത്തി ലാഭകരമാക്കുന്നതിന് കർമ്മപദ്ധതി ആവിഷ്കരിച്ച് നടപ്പാക്കുമോ; വിശദാംശം നൽകുമോ?

ഈ സര്‍ക്കാര്‍ അധികാരത്തില്‍ വന്ന ശേഷം കൃഷി വകുപ്പില്‍ പുതുതായി ആവിഷ്കരിച്ച പദ്ധതികളുടെ വിശദാംശം ലഭ്യമാക്കാമോ;

വകുപ്പിന്റെ കീഴില്‍ നിലവിലുണ്ടായിരുന്നതും നൂതനവുമായ പദ്ധതികളില്‍ വള്ളിക്കുന്ന് നിയോജക മണ്ഡലത്തില്‍ നടപ്പാക്കി വരുന്ന പദ്ധതികളുടെ വിശദവിവരം പഞ്ചായത്ത് അടിസ്ഥാനത്തില്‍ ലഭ്യമാക്കാമോ;

പ്രസ്തുത പദ്ധതികള്‍ക്കായി എത്ര രൂപ ചെലവഴിച്ചു എന്ന് പഞ്ചായത്ത് തിരിച്ചുള്ള കണക്കുകള്‍ ലഭ്യമാക്കാമോ?

കുണ്ടറ നിയോജക മണ്ഡലത്തിലെ വിവിധ പഞ്ചായത്തുകളിലായി നടപ്പിലാക്കി വരുന്ന കേരഗ്രാമം പദ്ധതിയുടെ വിശദാംശം നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കൃഷി വകുപ്പ് നടപ്പിലാക്കി വരുന്ന പുതിയ പദ്ധതികള്‍ എന്തെല്ലാമെന്ന് വിശദമാക്കുമോ;

നെല്ലുല്പാദനത്തില്‍ എത്രമാത്രം വിജയം കൈവരിക്കാന്‍ കഴിഞ്ഞിട്ടുണ്ടെന്ന് വിശദമാക്കുമോ?

കാര്‍ഷികോല്പന്നങ്ങളുടെ വിളവെടുപ്പ് കാലത്ത് വിലയിലുണ്ടാകുന്ന അസ്ഥിരത കാരണം കൃഷി നഷ്ടത്തിലാകുന്നുവെന്ന പ്രശ്നം പരിഹരിക്കാന്‍ സ്വീകരിച്ചിട്ടുള്ള നടപടികളെക്കുറിച്ച് അറിയിക്കാമോ;

കാര്‍ഷികോല്പന്നങ്ങള്‍ കേടുവരാത്ത വിധത്തില്‍ സംഭരിച്ചുവയ്ക്കുന്നതിന് ശീതീകരണ സൗകര്യവും നൂതന സാങ്കേതികവിദ്യാധിഷ്ഠിത സംവിധാനവും ജില്ല തലത്തിലെങ്കിലും ഏര്‍പ്പെടുത്തുന്ന കാര്യം പരിഗണിക്കുമോ;

ഇടനിലക്കാരുടെ ചൂഷണം ഒഴിവാക്കുന്നതിന് കാര്‍ഷിക ഉല്പന്നങ്ങളുടെ വിപണനത്തിനും സംഭരണത്തിനും പര്യാപ്തമായ തോതിലുള്ള സംവിധാനം ഏര്‍പ്പെടുത്തുന്ന കാര്യം പരിശോധിക്കുമോ?

കാര്‍ഷിക മേഖലയുടെ പുരോഗതിക്കും കര്‍ഷകരുടെ അഭിവൃദ്ധിക്കുമായി നടപ്പിലാക്കുന്ന പദ്ധതികളെക്കുറിച്ച് വിലയിരുത്തിയിട്ടുണ്ടോ; വിശദമാക്കുമോ;

നാണ്യവിളകളുടെ കൃഷി പ്രോത്സാഹിപ്പിക്കുന്നതിനും കര്‍ഷകര്‍ക്ക് സഹായസഹകരണങ്ങള്‍ നല്‍കുന്നതിനുമായി സംഘടിപ്പിച്ചിട്ടുള്ള കമോഡിറ്റി ബോര്‍ഡുകളുടെ പ്രവര്‍ത്തനം അവസാനിപ്പിക്കുന്നതിന് കേന്ദ്ര സര്‍ക്കാര്‍ തീരുമാനമെടുത്തിട്ടുണ്ടോ; എങ്കിൽ ഈ തീരുമാനം നടപ്പിലാക്കുന്നതോടുകൂടി കാർഷിക മേഖല അഭിമുഖീകരിക്കേണ്ടി വന്നേക്കാവുന്ന പ്രതിസന്ധികള്‍ വിലയിരുത്തിയിട്ടുണ്ടോ; വിശദമാക്കാമോ?

കാര്‍ഷിക മേഖലയില്‍ നിന്നുള്ള വരുമാനം വര്‍ദ്ധിപ്പിക്കുക എന്ന ലക്ഷ്യത്തോടെ സംസ്ഥാനത്ത് വാല്യു ആഡഡ് അഗ്രിക്കള്‍ച്ചര്‍ മിഷന്‍ (വാം) പദ്ധതി ആരംഭിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

കാര്‍ഷികമേഖല നേരിടുന്ന പ്രതിസന്ധിക്കുള്ള മുഖ്യകാരണം ഉല്പന്നങ്ങളുടെ നേരിട്ടുള്ള വിപണനമാണെന്നിരിക്കെ അവ മൂല്യവര്‍ദ്ധിത ഉല്പന്നങ്ങളാക്കി വിപണനം ചെയ്യുന്നതിന് നൂതന സ്വഭാവത്തോടെയുള്ള യന്ത്രവല്‍ക്കരണവും സാങ്കേതിക വിദ്യകളുടെ ഉപയോഗവും ഉറപ്പുവരുത്തുമോയെന്ന് വ്യക്തമാക്കുമോ;

മൂല്യവര്‍ദ്ധിത കൃഷി മിഷന്റെ ഘടന എപ്രകാരമാണെന്ന് വിശദമാക്കാമോ?

വടക്കാഞ്ചേരി നിയോജക മണ്ഡലത്തില്‍ 2016-21 കാലയളവില്‍ ആര്‍.ഐ.ഡി.എഫ്. ല്‍ ഉള്‍പ്പെടുത്തിയ ഏതെല്ലാം പ്രവൃത്തികൾക്കാണ് ഭരണാനുമതി നല്‍കിയിട്ടുള്ളത്;

പ്രസ്തുത പ്രവൃത്തികള്‍ക്കായി എത്ര തുക ചെലവഴിച്ചുവെന്ന് വിശദമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ?

ആദിവാസി ജനതയുടെ പരമ്പരാഗത കൃഷിരീതികളും കൃഷിയിടങ്ങളും യുവകര്‍ഷകര്‍ക്ക് പകര്‍ന്ന് കൊടുക്കാന്‍ എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ; എങ്കില്‍ ആയതിന്റെ വിശദാംശം അറിയിക്കാമോ?

മറ്റ് സംസ്ഥാനങ്ങളിൽ നിന്നും കേരളത്തിലേക്ക് എത്തിക്കുന്ന പച്ചക്കറികളില്‍ കീടനാശിനികളുടെ സാന്നിദ്ധ്യം കണ്ടെത്തിയിട്ടുണ്ടോ; വ്യക്തമാക്കുമോ;

പച്ചക്കറി കൃഷിയിൽ കീടബാധ തടയുന്നതിന് കര്‍ഷകര്‍ ഉപയോഗിക്കുന്ന കീടനാശിനികളും പച്ചക്കറികള്‍ കൂടുതൽ സമയം കേടുകൂടാതെ ഇരിക്കുന്നതിനായി പ്രയോഗിക്കുന്ന മരുന്നുകളും മനുഷ്യ ശരീരത്തിന് ഹാനികരമാകുന്നുണ്ടോ എന്ന് പരിശോധന നടത്തുന്നതിനുള്ള സംവിധാനം അതിര്‍ത്തി ചെക് പോസ്റ്റുകളിൽ ഏര്‍പ്പെടുത്തിയിട്ടുണ്ടോ; വിശദമാക്കുമോ;

വിഷരഹിത പച്ചക്കറിയാണ് സംസ്ഥാനത്തേക്ക് എത്തിക്കുന്നതെന്ന് ഉറപ്പുവരുത്താൻ എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

ഈ സര്‍ക്കാരിന്റെ കാലത്ത് സപ്ലൈക്കോ മുഖേന കര്‍ഷകരില്‍ നിന്നും സംഭരിച്ച നെല്ലിന്റെ അളവ് വ്യക്തമാക്കാമോ;

സംഭരിച്ച നെല്ലിന്റെ വില യഥാസമയം നല്‍കുന്നതിന് സ്വീകരിച്ച നടപടി വിശദമാക്കാമോ?

സംസ്ഥാനത്ത് നെല്ല് സംഭരണത്തിനായി ഏർപ്പെടുത്തിയിട്ടുള്ള സംവിധാനങ്ങൾ എന്തൊക്കെയെന്ന് അറിയിക്കുമോ; നെല്ലിന് നിർണയിച്ചിട്ടുള്ള താങ്ങുവില എത്രയെന്ന് വ്യക്തമാക്കുമോ;

സംസ്ഥാനത്ത് കഴിഞ്ഞവർഷം ആകെ ഉത്പാദിപ്പിച്ച നെല്ല് എത്രയാണെന്നും ഇതിൽ എത്ര നെല്ല് മേൽപ്പറഞ്ഞ സംവിധാനങ്ങളിലൂടെ സംഭരിക്കാൻ കഴിഞ്ഞിട്ടുണ്ടെന്നും വിശദമാക്കുമോ; ഇതിനായി ചെലവഴിച്ച തുക സംബന്ധിച്ച വിശദാംശം നൽകുമോ;

സംസ്ഥാനത്ത് ഉല്പാദിപ്പിക്കുന്ന മുഴുവൻ നെല്ലും താങ്ങുവില നൽകി സംഭരിക്കുവാൻ സാധിക്കുന്നുണ്ടോ; ഇല്ലെങ്കിൽ കാരണം വ്യക്തമാക്കുമോ; ഇക്കാര്യത്തിൽ സ്വീകരിക്കാന്‍ ഉദ്ദേശിക്കുന്ന പരിഹാര നടപടി എന്തെല്ലാമെന്ന് അറിയിക്കുമോ?

ആലത്തൂര്‍ നിയോജക മണ്ഡലത്തില്‍ നടപ്പിലാക്കുന്ന കേരഗ്രാമം പദ്ധതിയുടെ പുരോഗതി വിശദമാക്കാമോ;

ഏതെല്ലാം പ്രദേശത്ത് എത്ര ഏക്കര്‍ സ്ഥലത്താണ് പ്രസ്തുത പദ്ധതി നടപ്പിലാക്കുന്നതെന്നും ഇതിനായി ചെലവഴിച്ച തുക എത്രയെന്നും വിശദമാക്കാമോ?

മാവേലിക്കര നിയോജക മണ്ഡലത്തിലെ ഏതെല്ലാം പഞ്ചായത്തുകളിലാണ് കേരഗ്രാമം പദ്ധതി നടപ്പിലാക്കിയിട്ടുള്ളതെന്നും പ്രസ്തുത പദ്ധതികളുടെ നിലവിലെ സ്ഥിതിയും അതിനുവേണ്ടി ചെലവഴിച്ച തുകയുടെ വിശദാംശവും ലഭ്യമാക്കാമോ?

സംസ്ഥാനത്ത് റബ്ബര്‍ കൃഷി പ്രോത്സാഹിപ്പിക്കുന്നതിനായി ആവിഷ്കരിച്ച് നടപ്പിലാക്കിക്കൊണ്ടിരിക്കുന്ന പദ്ധതികൾ ഏതൊക്കെയാണെന്ന് വിശദമാക്കാമോ;

റബ്ബര്‍ വില സ്ഥിരതാ ഫണ്ട് നിലവിലുണ്ടോ; എങ്കില്‍ ഈ സര്‍ക്കാര്‍ അധികാരത്തില്‍ വന്നതിന് ശേഷം ഇതുവഴി കർഷകർക്ക് ലഭ്യമാക്കിയിട്ടുള്ള സഹായങ്ങള്‍ എന്തൊക്കെയാണെന്ന് വിശദമാക്കാമോ;

റബ്ബർ വില സ്ഥിരതാ ഫണ്ട് കിലോയ്ക്ക് 250 രൂപയാക്കാൻ നടപടി സ്വീകരിക്കുമോ എന്ന് വ്യക്തമാക്കാമോ?

നാളികേര കര്‍ഷകരെ സഹായിക്കാന്‍ എന്തെല്ലാം നടപടികളാണ് സ്വീകരിച്ച് വരുന്നതെന്ന് വ്യക്തമാക്കാമോ?

സംസ്ഥാനത്ത് കാർഷിക മേഖലയിൽ പ്രത്യകിച്ചും ഭക്ഷ്യ,നാണ്യവിള മേഖലയിൽ ഉല്പാദനം വർദ്ധിപ്പിക്കാനും കാർഷിക മേഖലയിൽ തൊഴിൽ സൃഷ്ടിക്കാനും സ്വീകരിച്ചുവരുന്ന നടപടികള്‍ എന്തെല്ലാമെന്ന് വിശദമാക്കാമോ;

കാർഷിക മേഖലയിലേക്ക് പുതുതലമുറയെ ആകർഷിക്കുന്നതിന് നടപ്പിലാക്കുന്ന പരിഷ്‌കാരങ്ങളും ഈ മേഖലയിലെ പുതിയ കാഴ്ചപ്പാടും വിശദമാക്കാമോ;

കർഷകരുടെ ഉല്പന്നങ്ങൾക്ക് ന്യായമായ വില ലഭ്യമാക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമെന്ന് വിശദമാക്കാമോ?

സംസ്ഥാനത്ത് കാര്‍ഷിക അനുബന്ധ മേഖലകളുടെ വളര്‍ച്ചാനിരക്ക് എത്ര ശതമാനമാണെന്ന് വെളിപ്പെടുത്താമോ;

സംസ്ഥാനത്തെ കാര്‍ഷിക വിളകളുടെ കാര്യത്തിലുള്ള കുറഞ്ഞ ഉല്പാദനക്ഷമത വിലയിരുത്തപ്പെട്ടിട്ടുണ്ടോ; വിവിധ വകുപ്പുകളുടെ ഏകോപനത്തിലൂടെ ഈ മേഖലയിലെ ഉല്പാദനക്ഷമത വര്‍ദ്ധിപ്പിക്കാന്‍ നടപടി സ്വീകരിക്കുമോ;

വിപണനം, സംഭരണം തുടങ്ങിയ മേഖലകളില്‍ ശാസ്ത്രീയ സംവിധാനങ്ങള്‍ പ്രാവര്‍ത്തികമാക്കുന്നതിന് കാര്യക്ഷമമായ പദ്ധതികള്‍ ആവിഷ്കരിക്കുമോ;

കൃഷി, തദ്ദേശസ്വയംഭരണം, സഹകരണം എന്നീ വകുപ്പുകളെ ഉള്‍പ്പെടുത്തി വിപണന ശൃംഖല ശക്തിപ്പെടുത്താന്‍ നടത്തിവരുന്ന പദ്ധതികളുടെ പുരോഗതി വ്യക്തമാക്കാമോ;

കാര്‍ഷിക ഉല്പന്നങ്ങളെ മൂല്യവര്‍ദ്ധിത ഉല്പന്നങ്ങളാക്കുന്ന പദ്ധതികളുടെ കുറവ് പരിശോധനയ്ക്ക് വിധേയമാക്കിയിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് കശുവണ്ടി കര്‍ഷകരെ പ്രോത്സാഹിപ്പിക്കുന്നതിന് എന്തെല്ലാം പദ്ധതികളാണ് നിലവിലുള്ളത്; വിശദാംശം അറിയിക്കാമോ?

വന്യമൃഗ ശല്യത്തില്‍ നിന്നും കൃഷിയെ സംരക്ഷിക്കുന്നതിന് സോളാര്‍ വേലികള്‍ സ്ഥാപിക്കുന്നതിനായി കര്‍ഷകര്‍ക്ക് സാമ്പത്തിക സഹായം നല്‍കുന്നതിന് കൃഷി വകുപ്പ് നടപടി സ്വീകരിക്കുമോയെന്ന് വിശദമാക്കാമോ?

സംസ്ഥാനത്ത് കാര്‍ഷിക ഉല്പാദനം വര്‍ദ്ധിപ്പിക്കുന്നതിനും കര്‍ഷകരുടെ വരുമാനം വര്‍ദ്ധിപ്പിക്കുന്നതിനും എന്തൊക്കെ നടപടികളാണ് സര്‍ക്കാര്‍ സ്വീകരിച്ചിട്ടുള്ളതെന്ന് വിശദമാക്കാമോ?

പ്രകൃതിക്ഷോഭം മൂലം കൃഷി നശിച്ച കര്‍ഷകര്‍ക്ക് നഷ്ടപരിഹാരമായി നല്‍കുന്ന തുക ഏത് വര്‍ഷം വരെ നല്‍കിയിട്ടുണ്ടെന്ന് വ്യക്തമാക്കുമോ;

നഷ്ടപരിഹാരത്തുക നല്‍കുന്നതിന് കാലതാമസം നേരിടുന്നത് എന്തുകൊണ്ടാണെന്ന് വ്യക്തമാക്കുമോ;

കാലവിളംബമില്ലാതെ നഷ്ടപരിഹാരം വിതരണം ചെയ്യുന്നതിന് നടപടികള്‍ സ്വീകരിക്കുമോ?

ഈ സര്‍ക്കാരിന്റെ കാലത്ത് കര്‍ഷക കടാശ്വാസ കമ്മീഷന് തുക അനുവദിച്ചിട്ടുണ്ടോ എന്ന് വിശദമാക്കാമോ;

കടക്കെണിയിലായ കര്‍ഷകരുടെ ഈട് വച്ച ആധാരങ്ങള്‍ ബാങ്കുകളില്‍ നിന്നും തിരിച്ചെടുക്കാന്‍ കഴിയാത്ത സ്ഥിതിവിശേഷം സംസ്ഥാനത്ത് നിലനില്‍ക്കുന്നുണ്ടോ എന്ന് വിശദമാക്കാമോ;

കര്‍ഷക കടാശ്വാസ കമ്മീഷന്റെ ശിപാര്‍ശയുടെ അടിസ്ഥാനത്തില്‍ സംസ്ഥാനത്തെ കര്‍ഷകര്‍ക്ക് സഹകരണ ബാങ്കുകൾ ധനസഹായം അനുവദിച്ചിട്ടുണ്ടോ; വിശദമാക്കാമോ;

കൃഷി മുഖ്യ വരുമാനമായിട്ടുള്ളവർ കാർഷിക ആവശ്യത്തിന് എടുത്ത് കുടിശികയായിട്ടുള്ള വായ്പകളില്‍ ഇളവ് അനുവദിക്കുന്നതിനായി കമ്മീഷന്‍ സിറ്റിംഗ് നടത്തുന്നുണ്ടോ; പ്രസ്തുത കമ്മീഷനിലെ ജീവനക്കാരുടെ ശമ്പളവും അലവന്‍സുകളും മുടങ്ങുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

പുതുപ്പാടി കൃഷിഭവൻ പരിധിയിൽ 2019 ഓഗസ്റ്റ് മാസത്തിൽ ഉണ്ടായ പ്രകൃതിക്ഷോഭം മൂലം വിളകൾക്ക് നാശനഷ്ടം സംഭവിച്ച അഹമ്മദ് നാഗാളിക്കാവ് എന്ന കർഷകന് നഷ്ടപരിഹാരത്തുക നൽകുന്നതിന് നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ;

കർഷകന്റെ ബാങ്ക് അക്കൗണ്ട് സംബന്ധിച്ച പിഴവുമൂലം പണം നൽകാൻ കഴിഞ്ഞിട്ടില്ല എന്ന് ചൂണ്ടിക്കാട്ടി പുതുപ്പാടി കൃഷി ഓഫീസർ, കൃഷി വകുപ്പ് ഡയറക്ടർക്ക് നൽകിയ കത്തിൽ എന്തെങ്കിലും നടപടികൾ സ്വീകരിച്ചിട്ടുണ്ടോ എന്ന് വ്യക്തമാക്കുമോ;

കൃഷി വകുപ്പിന്റെ 02/11/22 ലെ 871/വി.ഐ.പി./എം./(അഗ്രി.)/22 നമ്പർ ഫയലിന്മേൽ സ്വീകരിച്ച നടപടി എന്തെല്ലാമെന്ന് വിശദമാക്കുമോ?

സംസ്ഥാനത്ത് പ്രകൃതി ക്ഷോഭത്തില്‍ കൃഷി നശിച്ചവര്‍ക്കുള്ള നഷ്ടപരിഹാരവും വിള ഇന്‍ഷ്വറന്‍സ് പദ്ധതി പ്രകാരമുള്ള നഷ്ടപരിഹാരവും സമയബന്ധിതമായി ലഭിക്കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

കൃഷിനാശ നഷ്ടപരിഹാരത്തിനായി ഈ സര്‍ക്കാരിന്റെ കാലത്തും കഴിഞ്ഞ സര്‍ക്കാരിന്റെ കാലത്തുമായി എത്ര അപേക്ഷകള്‍ ലഭിച്ചിട്ടുണ്ടെന്നും ആയതില്‍ എന്ന് വരെ ലഭിച്ച അപേക്ഷകള്‍ക്ക് നഷ്ടപരിഹാരം അനുവദിച്ചിട്ടുണ്ടെന്നും അറിയിക്കാമോ;

ഈ സര്‍ക്കാരിന്റെ കാലത്തും കഴിഞ്ഞ സര്‍ക്കാരിന്റെ കാലത്തും കര്‍ഷകര്‍ക്കുണ്ടായ കൃഷിനാശത്തിന് നഷ്ടപരിഹാരമായി എത്ര തുക വിതരണം ചെയ്യാന്‍ ബാക്കിയുണ്ടെന്നും എത്ര അപേക്ഷകള്‍ തീര്‍പ്പാക്കാന്‍ ഉണ്ടെന്നും വിശദമാക്കുമോ; ജില്ല തിരിച്ചുള്ള വിശദാംശം ലഭ്യമാക്കുമോ;

കര്‍ഷക ജീവിതം കടുത്ത പ്രതിസന്ധി നേരിടുന്നത് കണക്കിലെടുത്ത് നഷ്ടപരിഹാരം സമയബന്ധിതമായി അനുവദിക്കുന്നതിന് നടപടി സ്വീകരിക്കുമോ; വിശദമാക്കുമോ?

കണ്ണൂർ മണ്ഡലത്തിൽ നടപ്പിലാക്കാൻ ഉദ്ദേശിക്കുന്ന മുണ്ടേരി അഗ്രി ഫാമിന്റെ നിലവിലെ സ്ഥിതി വിശദീകരിക്കാമോ; അഗ്രി ഫാം ആരംഭിക്കുവാൻ നേരിടുന്ന കാലതാമസം വ്യക്തമാക്കുമോ; അഗ്രി ഫാം എന്നത്തേക്ക് ആരംഭിക്കുവാൻ സാധിക്കുമെന്ന് വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് എത്ര സ്മാര്‍ട്ട് കൃഷി ഭവനുകളാണ് ആരംഭിച്ചിട്ടുള്ളതെന്ന് വ്യക്തമാക്കാമോ;

ആലപ്പുഴ ജില്ലയില്‍ പുതുതായി എത്ര സ്മാര്‍ട്ട് കൃഷി ഭവനുകള്‍ക്കാണ് ഭരണാനുമതി നല്‍കിയിട്ടുള്ളതെന്ന് അറിയിക്കുമോ; അവയുടെ നിലവിലെ സ്ഥിതി സംബന്ധിച്ച വിശദവിവരം മണ്ഡലാടിസ്ഥാനത്തില്‍ ലഭ്യമാക്കുമോ;

പ്രസ്തുത കൃഷി ഭവനുകളില്‍ എന്തെല്ലാം സൗകര്യങ്ങളാണ് ഒരുക്കിയിട്ടുള്ളതെന്നും പൊതുജനങ്ങള്‍ക്ക് കൃഷി അറിവ് പ്രദാനം ചെയ്യുന്നതില്‍ സ്മാര്‍ട്ട് കൃഷി ഭവനുകള്‍ മുഖേന നടപ്പിലാക്കുന്ന പദ്ധതികളെക്കുറിച്ചും വിശദീകരിക്കാമോ?

മണലൂര്‍ മണ്ഡലത്തില്‍ 2021-22 ൽ വിള ഇന്‍ഷ്വറന്‍സ് പദ്ധതി പ്രകാരം രജിസ്റ്റര്‍ ചെയ്ത വിളനാശം സംഭവിച്ച എല്ലാ കര്‍ഷകര്‍ക്കും ഇന്‍ഷ്വറന്‍സ് തുക നല്‍കിയിട്ടുണ്ടോ; എങ്കില്‍ എത്ര കര്‍ഷകര്‍ക്ക് തുക അനുവദിച്ചുവെന്നും ആകെ എത്ര തുക വിതരണം ചെയ്തുവെന്നും വ്യക്തമാക്കാമോ;

പ്രസ്തുത വര്‍ഷത്തെ വിള ഇന്‍ഷ്വറന്‍സ് തുക ഇനത്തില്‍ കുടിശ്ശികയുള്ളതായി ശ്രദ്ധയിൽപ്പെട്ടിട്ടുണ്ടോ; എങ്കിൽ കുടിശ്ശിക തീര്‍ക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ;

മണ്ഡലത്തില്‍ വിള ഇന്‍ഷ്വറന്‍സ് പദ്ധതിയില്‍ ചേരാത്ത കര്‍ഷകരുടെ വിളനാശത്തിന് 2021-22 ൽ നഷ്ടപരിഹാരം നല്‍കിയിട്ടുണ്ടോ; വിശദാംശം നൽകുമോ?

സംസ്ഥാനത്ത് ഏറ്റവും അധികം വാഴ കൃഷി ചെയ്യുന്ന പഞ്ചായത്തുകളിലൊന്നായ മടിക്കൈയിലെ വാഴ കർഷകർക്ക് സാങ്കേതിക പ്രശ്നങ്ങൾ മൂലം വിള ഇൻഷ്വർ ചെയ്യാൻ കഴിയാത്തത് ശ്രദ്ധയിൽപ്പെട്ടിട്ടുണ്ടോ;

മടിക്കൈയിലെ വാഴ കർഷകർക്ക് വിള ഇൻഷ്വർ ചെയ്യാൻ പ്രത്യേക നടപടി സ്വീകരിക്കുമോ എന്ന് വിശദമാക്കാമോ?

സ്വാഭാവിക റബ്ബറിന്റെ അനിയന്ത്രിതമായ ഇറക്കുമതി സംസ്ഥാനത്ത് റബ്ബര്‍ വിലയിടിവിന് കാരണമായിട്ടുള്ളതിനാല്‍ കേന്ദ്ര സര്‍ക്കാരിനോട് പരിഹാര നടപടികള്‍ സ്വീകരിക്കാന്‍ ആവശ്യപ്പെട്ടിട്ടുണ്ടോയെന്ന് വ്യക്തമാക്കുമോ;

റബ്ബറിന്റെ ഉല്പാദന ചെലവ് കിലോയ്ക്ക് 250 രൂപയോളം വരുമെന്ന് കണക്കാക്കിയിട്ടുള്ളതിനാല്‍ പ്രൊ‍ഡക്ഷന്‍ ഇന്‍സെന്റീവ് 250 രൂപ ആക്കുന്നതിന് വേണ്ട ധനസഹായം അനുവദിക്കാന്‍ കേന്ദ്ര സര്‍ക്കാരിനോട് ആവശ്യപ്പെട്ടിരുന്നോ; എങ്കില്‍ ഇതുസംബന്ധിച്ച പ്രതികരണം അറിയിക്കാമോ;

റബ്ബര്‍ ബോര്‍ഡിന്റെ പ്രവര്‍ത്തനങ്ങള്‍ അപ്രസക്തമാക്കുന്ന തരത്തില്‍ കേന്ദ്ര സര്‍ക്കാര്‍ റബ്ബര്‍ നിയമത്തില്‍ ഭേദഗതി വരുത്താന്‍ പോകുന്നതായ വാര്‍ത്ത ശ്രദ്ധയില്‍പ്പെട്ടിരുന്നോ; എങ്കില്‍ വ്യക്തമാക്കുമോ?

ഹോര്‍ട്ടികോര്‍പ്പിൽ നിന്നും പച്ചക്കറി വിറ്റ വകയിൽ മറ്റത്തൂര്‍ വി.എഫ്.പി.സി.കെ. യ്ക്ക് നൽകുവാനുള്ള തുക നാളിതുവരെ നല്കിയിട്ടില്ലെന്നുള്ള വിവരം ശ്രദ്ധയിൽപ്പെട്ടിട്ടുണ്ടോ;

കുടിശ്ശിക സംഖ്യ ലഭിയ്ക്കുന്നതിനായി സമര്‍പ്പിച്ചിട്ടുള്ള അപേക്ഷ പരിഗണിച്ച് തുക ഉടൻ അനുവദിക്കുന്നതിനാവശ്യമായ നടപടികള്‍ സ്വീകരിക്കുമോ;

പച്ചക്കറികളും പഴവര്‍ഗ്ഗങ്ങളും ഹോര്‍ട്ടികോര്‍പ്പ് സമാഹരിക്കുമ്പോള്‍ ആയതിന്റെ വില കാലതാമസം കൂടാതെ കൃഷിക്കാര്‍ക്ക് ലഭ്യമാക്കുന്നതിനാവശ്യമായ നടപടികളും ക്രമീകരണങ്ങളും സ്വീകരിക്കുമോ?

പെരുമ്പാവൂർ മണ്ഡലത്തിൽ കേരള ലാൻഡ് ഡെവലപ്മെൻറ് കോർപ്പറേഷൻ മുഖേന നടപ്പിലാക്കുന്ന ജല, മണ്ണ് സംരക്ഷണ പദ്ധതികളിൽ ഓരോന്നിന്റെയും നിലവിലെ സ്ഥിതി അറിയിക്കുമോ; പ്രസ്തുത പ്രവൃത്തികൾ പൂർത്തിയാക്കുവാൻ സ്വീകരിച്ചുവരുന്ന നടപടി വിശദമാക്കാമോ ;

ആർ.ഐ.ഡി.എഫ്. ൽ ഉൾപ്പെടുത്തി മണ്ഡലത്തിലെ കുളങ്ങളുടെ നവീകരണ പദ്ധതികൾ നടപ്പിലാക്കിയിട്ടുണ്ടോയെന്ന് അറിയിക്കുമോ; ആയതിന്റെ വിശദാംശം ലഭ്യമാക്കുമോ;

ആർ.ഐ.ഡി.എഫ്. മുഖേന ഈ വർഷം നടപ്പിലാക്കാൻ ഉദ്ദേശിക്കുന്ന പദ്ധതികൾ ഏതെല്ലാമെന്ന് വിശദമാക്കുമോ?

2022-23 വര്‍ഷത്തില്‍ പാലക്കാട് ജില്ലയില്‍ ആരംഭിക്കുന്ന ആഗ്രോ സര്‍വ്വീസ് സെന്ററുകള്‍ ഏതൊക്കെയെന്ന് വ്യക്തമാക്കുമോ;

ഓരോ ആഗ്രോ സര്‍വ്വീസ് സെന്ററിനും എത്ര തുകയാണ് അനുവദിക്കുന്നതെന്ന് വിശദമാക്കാമോ;

ആഗ്രോ സര്‍വ്വീസ് സെന്റര്‍ ആരംഭിക്കാന്‍ ഉദ്ദേശിക്കുന്ന ബ്ലോക്കുകളുടെ പേരുവിവരം വിശദമാക്കാമോ?

കൂത്തുപറമ്പ് നിയോജക മണ്ഡലത്തിലെ ബയോ റിസോഴ്സ് കം അഗ്രോ സര്‍വ്വീസ് സെന്റര്‍ എന്ന സ്ഥാപനത്തിന്റെ പ്രവര്‍ത്തനത്തിന്റെ നിലവിലെ സ്ഥിതി വിശദമാക്കുമോ;

പ്രസ്തുത സ്ഥാപനം പൂര്‍ണ്ണ തോതില്‍ പ്രവര്‍ത്തന സജ്ജമാക്കുന്നതിന് വേണ്ട നടപടി സ്വീകരിക്കുമോ; വ്യക്തമാക്കുമോ;

അഗ്രോ പ്രോസസിംഗ്, അനിമല്‍ ന്യൂട്രിഷന്‍ എന്നിവയ്ക്ക് സര്‍ട്ടിഫിക്കറ്റ് കോഴ്സ് നടത്തുന്നതിന് സര്‍ക്കാര്‍ ഉത്തരവ് പ്രകാരം സെന്ററിന് അനുമതി ലഭിച്ചിട്ടുണ്ടെങ്കിലും പ്രസ്തുത കോഴ്സുകള്‍ക്ക് കേരള പി.എസ്.സി. യുടെ അംഗീകാരം ലഭിച്ചിട്ടില്ലെന്ന വിവരം ശ്രദ്ധയിൽപ്പട്ടിട്ടുണ്ടോ; ആയത് പരിഹരിക്കുവാൻ നടപടി സ്വീകരിക്കുമോ; വിശദമാക്കുമോ;

സൊസൈറ്റി ആക്റ്റ് പ്രകാരം പ്രവര്‍ത്തിക്കുന്ന സെന്ററിന്റെ രജിസ്ട്രേഷന്‍ പുതുക്കിയിട്ടുണ്ടോ; ഇല്ലെങ്കില്‍ ആയതുമായി ബന്ധപ്പെട്ട നടപടികളുടെ പുരോഗതി വിശദമാക്കുമോ;

കൂത്താട്ടുകുളത്തെ മീറ്റ്‌ പ്രൊഡക്ഷന്‍ ഓഫ് ഇന്ത്യയുമായി ചേര്‍ന്ന് ബുച്ചറി മാനേജിംഗ് മീറ്റ്‌ പ്രോസസിംഗ് കോഴ്സ് പോലെയുള്ള കൂടുതല്‍ തൊഴില്‍ സാധ്യതയുള്ള കോഴ്സുകള്‍ ഇവിടെ ആരംഭിക്കാന്‍ നടപടി സ്വീകരിക്കുമോ; വിശദമാക്കുമോ?

കൃഷി വകുപ്പിന് കീഴിൽ കാസർഗോഡ് ജില്ലയിൽ പ്രവർത്തിക്കുന്ന ഓഫീസുകളുടെ വിശദവിവരം നൽകാമോ; ഏതെല്ലാം ഓഫീസുകൾ ഏതെല്ലാം സ്ഥലങ്ങളിലാണ് പ്രവർത്തിക്കുന്നതെന്ന് വ്യക്തമാക്കാമോ;

എത്ര കാലമായി ഈ ഓഫീസുകൾ പ്രവർത്തിക്കുന്നുണ്ടെന്നും അനുവദിച്ച തസ്തികകൾ ഏതൊക്കെയാണെന്നും ഓഫീസ് തിരിച്ച് വ്യക്തമാക്കാമോ;

ഈ ഓഫീസുകളിൽ ഒഴിഞ്ഞുകിടക്കുന്ന തസ്തികകൾ ഏതൊക്കെയാണെന്നും എത്രകാലമായി ഒഴിവുകൾ തുടരുന്നു എന്നും ഓഫീസ് തിരിച്ച് വ്യക്തമാക്കാമോ?

വയനാട് ജില്ലയില്‍ കാര്‍ഷിക വികസന വകുപ്പില്‍ ആകെ എത്ര തസ്തികകള്‍ ഒഴിഞ്ഞ് കിടക്കുന്നുവെന്നും അത് ഏതെല്ലാമാണെന്നും വ്യക്തമാക്കാമോ;

ഇതില്‍ ആറ് മാസത്തിലധികമായി ഒഴിഞ്ഞ് കിടക്കുന്ന തസ്തികകള്‍ ഏതെല്ലാമാണെന്നും ഇങ്ങനെ ഒഴിവ് വരാനുണ്ടായ കാരണം എന്താണെന്നും വ്യക്തമാക്കാമോ;

ജില്ലയില്‍ കാര്‍ഷിക വികസന വകുപ്പില്‍ ഒഴിവുള്ള തസ്തികകളില്‍ നിയമനം നടത്താന്‍ സ്വീകരിച്ച നടപടി വ്യക്തമാക്കാമോ?

മലപ്പുറം ജില്ലയിലെ വാഴയൂർ കൃഷി ഭവനിൽ ഏതെല്ലാം തസ്തികകളാണ് നിലവിലുള്ളതെന്നും അതിൽ നിലവിൽ ആരെല്ലാമാണ് ജോലി ചെയ്യുന്നതെന്നും വ്യക്തമാക്കുമോ;

പ്രസ്തുത കൃഷി ഭവനിലെ കൃഷി ഓഫീസർ തസ്തിക എന്ന് മുതൽ ഒഴിഞ്ഞ് കിടക്കുകയാണെന്ന് വ്യക്തമാക്കുമോ; ഈ കാലയളവിൽ ആർക്കെല്ലാം ചാർജ് നൽകിയിരുന്നുവെന്ന് വ്യക്തമാക്കുമോ;

നിലവിൽ ഏതെല്ലാം ഉദ്യോഗസ്ഥർക്ക് സ്ഥലംമാറ്റ ഉത്തരവ് ലഭിച്ചുവെന്നും ഇനിയും എത്ര പേർ സ്ഥലം മാറ്റത്തിന്റെ ലിസ്റ്റിലുണ്ടെന്നും വ്യക്തമാക്കുമോ; സ്ഥലം മാറ്റിയവര്‍ക്ക് പകരം ഉദ്യോഗസ്ഥരെ നിയമിച്ചിട്ടുണ്ടോ;

കൃഷി ഓഫീസർ അടക്കം ഒഴിഞ്ഞ് കിടക്കുന്ന മുഴുവൻ തസ്തികകളിലേയ്ക്കും നിയമനം നടത്തി ഓഫീസ് പ്രവർത്തനം സുഗമമായി നടത്തുന്നതിന് നടപടി സ്വീകരിക്കുമോ?

കുന്നംകുളം നിയോജക മണ്ഡലത്തിലെ ഏതെല്ലാം കൃഷി ഭവനുകളിലാണ് കൃഷി ഓഫീസർമാരുടെയും മറ്റ് ഉദ്യോഗസ്ഥരുടെയും തസ്തികകള്‍ ഒഴിഞ്ഞു കിടക്കുന്നത്; വിശദാംശം നൽകാമോ;

ഈ തസ്തികകളിലെ ഒഴിവുകൾ നികത്തുവാന്‍ സ്വീകരിച്ച നടപടികള്‍ വിശദമാക്കാമോ?

കോട്ടയം ജില്ലയിലെ വിവിധ കൃഷി ഭവനുകളിൽ കൃഷി ഓഫീസര്‍ തസ്തികകള്‍ ഒഴിഞ്ഞുകിടക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത ഒഴിവുകൾ ഏതെല്ലാം കൃഷി ഭവനുകളിലാണെന്ന് വ്യക്തമാക്കുമോ;

പ്രസ്തുത തസ്തികകളില്‍ ഓഫീസര്‍മാരെ നിയമിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

തൃശ്ശൂര്‍ ജില്ലയില്‍ എത്ര കൃഷി ഓഫീസുകള്‍ നിലവിലുണ്ടെന്ന് വ്യക്തമാക്കുമോ;

ഇതില്‍ എത്ര ഓഫീസുകളില്‍ കൃഷി ഓഫീസര്‍ തസ്തിക ഒഴിഞ്ഞുകിടക്കുന്നുവെന്നും അവ എന്നുമുതലാണ് ഒഴിഞ്ഞുകിടക്കുന്നതെന്നും അറിയിക്കുമോ;

ഒഴിവുള്ള തസ്തികകളില്‍ എന്നത്തേക്ക് നിയമനം നടത്താനാകുമെന്ന് വിശദീകരിക്കുമോ?

കുന്നത്തുനാട് മണ്ഡലത്തില്‍ കൃഷി വകുപ്പ് നേരിട്ടും വിവിധ ഏജന്‍സികള്‍ മുഖാന്തിരവും നടപ്പിലാക്കുന്ന പദ്ധതികളുടെ വിശദവിവരവും നിര്‍വഹണ പുരോഗതിയും വ്യക്തമാക്കുമോ;

പ്രസ്തുത മണ്ഡലത്തില്‍ തദ്ദേശസ്വയംഭരണ സ്ഥാപനങ്ങളുടെ ഫണ്ട് ഉപയോഗിച്ച് കൃഷി ഭവനുകള്‍ മുഖേന നടപ്പിലാക്കുന്ന കാര്‍ഷിക പദ്ധതികളുടെ വിശദ വിവരം, നിര്‍വഹണ പുരോഗതി എന്നിവ വിശദമാക്കുമോ?

പുതുക്കാട് മണ്ഡലത്തിലെ നാല്പതിനായിരത്തോളം വനിതകളെ കൃഷിയിലേയ്ക്ക് നയിക്കുന്ന പൊലിമ പുതുക്കാട് കാര്‍ഷിക പദ്ധതിയ്ക്കായി വിത്ത്, പച്ചക്കറി തൈകള്‍, വളം, ജൈവ കീടനാശിനികള്‍, ധനസഹായം എന്നിവ അനുവദിയ്ക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

പ്രസ്തുത മണ്ഡലത്തിലെ എട്ട് പഞ്ചായത്തുകളിലായി കുടുംബശ്രീ അംഗങ്ങളുടെ നേതൃത്വത്തിൽ സംഘടിപ്പിച്ചിട്ടുള്ള പൊലിമ പുതുക്കാട് കാര്‍ഷിക പദ്ധതിയ്ക്കായി പ്രത്യേക ഫണ്ട് അനുവദിക്കുമോ; വിശദമാക്കുമോ?

ഗുരുവായൂര്‍ നിയോജക മണ്ഡലത്തിലെ ഏതെല്ലാം പ്രദേശങ്ങളില്‍ ഡ്രിപ്പ് ഇറിഗേഷന്‍ പദ്ധതി നടപ്പിലാക്കിയിട്ടുണ്ടെന്ന് വിശദമാക്കാമോ;

പ്രസ്തുത പദ്ധതി പ്രകാരം മണ്ഡലത്തില്‍ സബ്സിഡി ലഭിച്ച ഗുണഭോക്താക്കളുടെ വിവരങ്ങള്‍ ലഭ്യമാക്കാമോ?

മഞ്ചേശ്വരം നിയോജക മണ്ഡലത്തിലെ പുത്തിഗെ കൃഷി ഓഫീസിനെ സ്മാർട്ട് ഓഫീസ് ആക്കി മാറ്റുന്ന പദ്ധതി നിലവിൽ ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത പദ്ധതിയിൽ എന്തൊക്കെ പ്രവൃത്തികളാണ് വിഭാവനം ചെയ്തിട്ടുള്ളതെന്ന് അറിയിക്കുമോ;

പദ്ധതി എപ്പോൾ പൂർത്തീകരിക്കാനാകുമെന്ന് വിശദമാക്കുമോ?

ഈ സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് സംഘടിപ്പിച്ച നൂറ് ദിന പരിപാടിയുമായി ബന്ധപ്പെട്ട് പട്ടാമ്പി മണ്ഡലത്തിൽ വകുപ്പ് നടപ്പിലാക്കാൻ ഉദ്ദേശിക്കുന്ന പദ്ധതികളുടെ വിശദാംശം ലഭ്യമാക്കാമോ;

പ്രസ്തുത മണ്ഡലത്തില്‍ വകുപ്പിന്റെ ഉടമസ്ഥതയില്‍ പ്രവര്‍ത്തിച്ച് വരുന്ന സെന്‍ട്രല്‍ ഓര്‍ച്ചാഡ് എന്ന സ്ഥാപനത്തില്‍ നിന്ന് മെച്ചപ്പെട്ട സേവനം പൊതുജനങ്ങള്‍ക്ക് ലഭിക്കുന്നതിന് കര്‍മ്മപദ്ധതികള്‍ ആവിഷ്കരിച്ചിട്ടുണ്ടോ; എങ്കില്‍ വിശദാംശം നല്‍കാമോ;

കര്‍ഷകര്‍ക്കും പൊതുജനങ്ങള്‍ക്കും പ്രയോജനം ലഭിക്കുന്ന പദ്ധതികള്‍ തയ്യാറാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

കൃഷി വകുപ്പിന്റെ കീഴിൽ 2016 മുതല്‍ നാളിതുവരെയായി എത്ര കോടി രൂപയുടെ സിവിൽ നിർമ്മാണ പ്രവൃത്തികൾ (ബിൽഡിംഗ്, റോഡ്, ഇറിഗേഷൻ, പൈപ്പ് ലൈൻ, ഫാബ്രിക്കേഷൻ വർക്ക് ഉൾപ്പെടെ) നടത്തിയിട്ടുണ്ട്; ആയതിന്റെ വിശദാംശം ജില്ല തിരിച്ച് നൽകാമോ;

പ്രസ്തുത പ്രവൃത്തികൾക്ക് അനുവദിച്ച തുകയുടെ വിശദാംശം (ഡിപ്പാർട്ട്മെന്റ്, നബാഡ്, ജില്ലാ പഞ്ചായത്ത് ഫണ്ട് അടക്കം) ജില്ല തിരിച്ച് ലഭ്യമാക്കുമോ;

പ്രസ്തുത പ്രവൃത്തികൾ ചെയ്യുന്നതിനായി (എസ്റ്റിമേറ്റ് എടുക്കുന്നതിനും മെഷർമെന്റ് രേഖപ്പെടുത്തുന്നതിനും) നിലവിൽ എത്ര അസിസ്റ്റന്റ് എൻജിനീയർ (സിവിൽ), ഓവർസീയർ, വർക്ക് സൂപ്രണ്ട് നിലവിലുണ്ട്; വിശദാംശം നൽകാമോ;

പ്രസ്തുത നിർമ്മാണ പ്രവർത്തനങ്ങൾ ചെയ്യുന്നത് പി‌.ഡബ്ല്യു‌.ഡി. ഷെഡ്യൂള്‍/മാനുവല്‍ അനുസരിച്ചാണോ; വ്യക്തമാക്കുമോ;

1998-2000 കാലഘട്ടത്തിൽ കൃഷിവകുപ്പ് ഡയറക്റ്റേറ്റിലും മലപ്പുറം ജില്ലയിലെ മുണ്ടേരി സ്റ്റേറ്റ് സീഡ് ഫാം കോംപ്ലക്സിലും നിലവിലുണ്ടായിരുന്ന അസ്സിസ്റ്റന്റ് എൻജിനീയർ (സിവിൽ) തസ്തികയും ഡയറക്റ്റേറ്റിലുണ്ടായിരുന്ന അസ്സിസ്റ്റന്റ് എക്സിക്യൂട്ടീവ് എൻജിനീയർ (സിവിൽ) തസ്തികയും നിലവിലുണ്ടോ; ഇല്ലെങ്കില്‍ എന്താണ് കാരണമെന്ന് അറിയിക്കുമോ?

കാർഷിക വികസന കര്‍ഷക ക്ഷേമ വകുപ്പിന് കീഴിലെ ഫാമുകളിലെ കാഷ്വല്‍ തൊഴിലാളികൾക്ക് മെഡിക്കല്‍ സര്‍ട്ടിഫിക്കറ്റ് സഹിതമുളള ശൂന്യവേതന അവധി അനുവദിക്കേണ്ടതില്ല എന്ന ഉത്തരവ് നിലവിലുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കാമോ; പ്രസ്തുത ഉത്തരവിറങ്ങിയത് എന്നാണെന്നും ഉത്തരവിറങ്ങിയതിന് മുമ്പ് പ്രാബല്യത്തിലുണ്ടായിരുന്ന ഉത്തരവുകളുടെ പകര്‍പ്പും ലഭ്യമാക്കാമോ;

09.04.1975 ലെ സ.ഉ.(ആര്‍.ടി) നം.1035/75 എന്ന കൃഷി വകുപ്പ് ഉത്തരവ് ഇപ്പോള്‍ നിലവിലുണ്ടോ; പ്രസ്തുത ഉത്തരവിലെ നിര്‍ദ്ദേശങ്ങള്‍ ഇപ്പോഴും വകുപ്പിന് ബാധകമാണോ; ഈ ഉത്തരവിലെ നിര്‍ദ്ദേശങ്ങള്‍ മറ്റേതെങ്കിലും ഉത്തരവുകള്‍ വഴി റദ്ദ് ചെയ്തിട്ടുണ്ടോ; അറിയിക്കാമോ;

കാഷ്വല്‍ തൊഴിലാളികള്‍ക്ക് ശൂന്യവേതന അവധി അനുവദിക്കേണ്ടതില്ല എന്ന കൃഷി ഡയറക്ടറുടെ 11.01.2023 ലെ എ.ഡി.എഫ്.ഡബ്ല്യു. 2816/2022-എൽ.ഡബ്ല്യു.സി.ഡി. നമ്പര്‍ കത്ത്, തൊഴിലാളി വിരുദ്ധവും ദൂരവ്യാപക പ്രതികാര നടപടികള്‍ക്കായി ദുരുപയോഗം ചെയ്യാന്‍ സാധ്യതയുളളതുമാണെന്നത് ശ്രദ്ധയിൽപ്പെട്ടിട്ടുണ്ടോ; പ്രസ്തുത കത്ത് പുന:പരിശോധിക്കുമോ; ആയതിന് നിര്‍ദ്ദേശം നല്‍കുമോ;

അസുഖത്തെ തുടര്‍ന്നോ അപകടത്തെ തുടര്‍ന്നോ കൃഷി ഫാമുകളിലെ കാഷ്വല്‍ തൊഴിലാളികള്‍ക്ക് ജോലിക്ക് ഹാജരാകാന്‍ പറ്റാത്ത സാഹചര്യമുണ്ടായാല്‍ മെഡിക്കല്‍ സര്‍ട്ടിഫിക്കറ്റ് ഹാജരാക്കിയാലും ശൂന്യവേതന അവധിക്ക് അര്‍ഹതയില്ലെന്നും അതിനാല്‍ മുന്‍കാല പ്രാബല്യത്തോടെ പിരിച്ചുവിടണമെന്നുമുളള തൊഴിലാളി വിരുദ്ധ നയം സര്‍ക്കാര്‍ പ്രഖ്യാപിച്ചിട്ടുണ്ടോ; ഇല്ലെങ്കില്‍ പ്രസ്തുത നയത്തിന് വിരുദ്ധമായ ഇത്തരം ഉത്തരവുകള്‍ പുന:പരിശോധിക്കാന്‍ തയ്യാറാകുമോ; വിശദാംശം ലഭ്യമാക്കാമോ?

കോഴിക്കോട് നോര്‍ത്ത് നിയോജക മണ്ഡലത്തിൽ സ്ഥിതി ചെയ്യുന്ന വേങ്ങേരി പച്ചക്കറി മാര്‍ക്കറ്റ് ആധുനികവൽക്കരിക്കുന്നതിന് തീരുമാനമെടുത്തിട്ടുണ്ടോ;

ഉണ്ടെങ്കിൽ എന്തെല്ലാം പദ്ധതികളാണ് ആവിഷ്കരിച്ചതെന്നും അവയുടെ നിലവിലെ സ്ഥിതി സംബന്ധിച്ച വിവരവും വ്യക്തമാക്കാമോ?

സംസ്ഥാനത്ത് ഭൗമ സൂചിക ലഭിച്ചിട്ടുള്ള തിരൂര്‍ വെറ്റില കൃഷി ചെയ്യുന്ന കര്‍ഷകരെ സഹായിക്കുന്നതിന് എന്തെങ്കിലും പദ്ധതി ആവിഷ്കരിക്കുന്നുണ്ടോ;

തിരൂര്‍ വെറ്റില നിലവില്‍ കൃഷി ചെയ്യുന്നവര്‍ക്കും പുതുതായി കൃഷി ചെയ്യാൻ തുടങ്ങുന്നവര്‍ക്കും പ്രത്യേക സഹായങ്ങള്‍ നല്‍കുന്നതിന് നടപടി സ്വീകരിക്കുമോ;

വെറ്റിലക്ക് മെച്ചപ്പെട്ട വിപണി കണ്ടെത്തുന്നതിനായി കര്‍ഷകരെ സഹായിക്കാന്‍ നടപടി സ്വീകരിക്കുമോ?

സംസ്ഥാനത്ത് കാര്‍ഷിക അനുബന്ധ മേഖലകളിലെ വളര്‍ച്ച നിരക്ക് എത്ര ശതമാനമാണെന്ന് വെളിപ്പെടുത്താമോ;

കാര്‍ഷിക വിളവുകളുടെ കുറഞ്ഞ ഉത്പാദനക്ഷമത വിലയിരുത്തിയിട്ടുണ്ടോ; വിപണനം, സംഭരണം തുടങ്ങിയ മേഖലകളിൽ ശാസ്ത്രീയമായ സംവിധാനങ്ങള്‍ പ്രാവര്‍ത്തികമാക്കുന്നതിന് കാര്യക്ഷമമായ പദ്ധതികള്‍ നടപ്പിലാക്കിയിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്തെ എല്ലാ കൃഷി ഭവനുകളും സ്മാര്‍ട്ടാക്കുന്നതിന് സര്‍ക്കാര്‍ തീരുമാനിച്ചിട്ടുണ്ടോ; വിശദാംശം നല്‍കാമോ;

കൃഷി ഭവനുകള്‍ സ്മാര്‍ട്ടാകുന്നതോടെ എന്തെല്ലാം സൗകര്യങ്ങളാണ് കര്‍ഷകര്‍ക്ക് ലഭിക്കുന്നത്; വിശദവിവരം അറിയിക്കുമോ;

ബാലുശ്ശേരി മണ്ഡലത്തില്‍ ഏതെല്ലാം കൃഷി ഭവനുകളെയാണ് ആദ്യ ഘട്ടത്തില്‍ സ്മാര്‍ട്ടാക്കാന്‍ തീരുമാനിച്ചിട്ടുളളത്; ഇത് എപ്പോള്‍ പ്രാവര്‍ത്തികമാക്കാന്‍ കഴിയുമെന്നാണ് കരുതുന്നത്; വിശദമാക്കുമോ?

കുണ്ടറ ഗ്രാമപഞ്ചായത്തിലെ ചിറയില്‍കുളം നവീകരണത്തിന്റെ ഭാഗമായി മണ്ണുമാറ്റല്‍ സംബന്ധിച്ച് സമര്‍പ്പിച്ചിട്ടുളള നിവേദനത്തിന്മേല്‍ എന്തൊക്കെ നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ?

മണ്ണ് സംരക്ഷണത്തിന്റെ ഭാഗമായി സര്‍ക്കാര്‍ നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

മണ്ണ് സംരക്ഷണത്തിന്റെ ഭാഗമായി ആലപ്പുഴ ജില്ലയില്‍ നടപ്പിലാക്കിയ വിവിധ പദ്ധതികള്‍ നിയോജക മണ്ഡലാടിസ്ഥാനത്തില്‍ വിശദമാക്കാമോ?

തവനൂര്‍ കേളപ്പജി മെമ്മോറിയല്‍ കാര്‍ഷിക എഞ്ചിനീയറിംഗ് കോളേജില്‍ വകുപ്പ് മുഖേന സ്പോര്‍ട്സ് ഗ്രൗണ്ട് പുനരുദ്ധാരണ പ്രവൃത്തികള്‍ക്കായി ഒരു കോടി രൂപ അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇതുമായി ബന്ധപ്പെട്ട് എം.ഒ.യു. നല്‍കുന്നതിനായി കത്ത് ലഭിച്ചിട്ടുണ്ടോ;

ഉണ്ടെങ്കില്‍ ഇതിന്മേലുള്ള നടപടി ഏത് ഘട്ടത്തിലാണെന്ന് വിശദമാക്കാമോ?