സംസ്ഥാനത്ത് ആദിവാസികൾ ആൾക്കൂട്ട ആക്രമണങ്ങൾക്കും അധിക്ഷേപങ്ങൾക്കും വിധേയമാകുന്ന സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ സർക്കാർ ഗൗരവത്തോടെ കാണുന്നുണ്ടോയെന്ന് വിശദമാക്കുമോ;

മോഷണക്കുറ്റം ആരോപിച്ച് ആൾക്കൂട്ട ആക്രമണത്തിന് വിധേയനായതായി പറയപ്പെടുന്ന വയനാട് സ്വദേശിയായ ആദിവാസി യുവാവ് ജീവനൊടുക്കിയ സംഭവത്തിൽ വകുപ്പ് സ്വീകരിച്ച നടപടികൾ വിശദമാക്കാമോ;

സമാനമായ സംഭവങ്ങൾ ആവർത്തിക്കാതിരിക്കാൻ വകുപ്പുതലത്തില്‍ ശക്തമായ നടപടികൾ സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്ത് 2026 വർഷാവസാനത്തോടെ നഗര കുടിവെള്ള വിതരണ രംഗത്ത് കെെവരിക്കേണ്ട ലക്ഷ്യങ്ങള്‍ മുന്‍ഗണനാടിസ്ഥാനത്തില്‍ തയ്യാറാക്കിയിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

ജലവിഭവ മേഖലയില്‍ അയ്യായിരത്തി എണ്ണൂറ്റി എൺപത്തിയഞ്ച് കോടിയില്‍ പരം രൂപയുടെ തൊണ്ണൂറ്റിമൂന്ന് പദ്ധതികള്‍ കിഫ്ബി തുക വിനിയോഗിച്ച് നടപ്പിലാക്കാന്‍ അനുമതി ലഭിച്ചിട്ടുണ്ടോ; എങ്കിൽ ഇവയില്‍ പുതിയ ജലവിതരണ പദ്ധതികളും ജലവിതരണ നവീകരണ പദ്ധതികളും ഏതെല്ലാമാണെന്ന് അറിയിക്കുമോ;

പ്രസ്തുത പദ്ധതികളുടെ നിലവിലെ പുരോഗതി വിശദമാക്കാമോ?

എട്ട് ലക്ഷത്തിലധികം വരുന്ന കടല്‍ മത്സ്യബന്ധന തൊഴിലാളികളുടെ പ്രതിശീര്‍ഷ വരുമാനം സംസ്ഥാനത്തെ പ്രതിശീര്‍ഷ വരുമാനത്തിന്റെ പകുതിയോളം മാത്രമേ വരുന്നുള്ളൂ എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് ആവിഷ്കരിച്ചിട്ടുള്ള പ്രധാന പദ്ധതികള്‍ ഏതെല്ലാമാണെന്ന് വിശദമാക്കുമോ;

മത്സ്യബന്ധനോപാധികളുടെ ഉടമസ്ഥതയില്ലാത്തത് മൂലം പരമ്പരാഗത മത്സ്യബന്ധന തൊഴിലാളികള്‍ നേരിടുന്ന പ്രതിസന്ധി പരിഹരിക്കാന്‍ മത്സ്യഫെഡ് നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ;

മത്സ്യക്കച്ചവടം നടത്തുന്ന വനിതകള്‍ക്ക് പലിശരഹിത വായ്പയും മൈക്രോഫിനാന്‍സ് വായ്പയും മത്സ്യഫെഡ് മുഖേന നല്‍കി വരുന്നുണ്ടോ; വിശദമാക്കുമോ?

സംസ്ഥാനത്ത് അന്യമായിക്കൊണ്ടിരിക്കുന്ന പരമ്പരാഗത കലകളെ സംരക്ഷിക്കുവാൻ നടപടി സ്വീകരിക്കുമോ;

അവശ കലാകാരൻമാരെ സംരക്ഷിക്കുവാൻ സർക്കാർ നടത്തുന്ന പ്രവർത്തനങ്ങൾ വിശദമാക്കാമോ?

കേന്ദ്ര സര്‍ക്കാരിന്റെ കടല്‍ മത്സ്യബന്ധന കരട് നിയമം സംസ്ഥാനത്തെ പരമ്പരാഗത മത്സ്യബന്ധന മേഖലയില്‍ ആശങ്ക സൃഷ്ടിച്ചിട്ടുണ്ടോ; എങ്കിൽ സംസ്ഥാനത്തെ പരമ്പരാഗത മത്സ്യബന്ധനത്തെ പ്രതികൂലമായി ബാധിക്കുന്ന വ്യവസ്ഥകള്‍ ഇതില്‍ നിന്ന് ഒഴിവാക്കണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ;

ഉണ്ടെങ്കിൽ അപ്രകാരം നിര്‍ദേശിച്ചതിന്റെ അടിസ്ഥാനത്തില്‍ കരട് ബില്ലില്‍ കേന്ദ്ര സര്‍ക്കാര്‍ മാറ്റം വരുത്തിയിട്ടുണ്ടോ;

ആഴക്കടല്‍ മത്സ്യബന്ധനത്തിനുള്ള അവകാശം പരമ്പരാഗത മത്സ്യത്തൊഴിലാളികള്‍ക്കായി പരിമിതപ്പെടുത്തണമെന്ന് സംസ്ഥാനം ആവശ്യം ഉന്നയിച്ചിട്ടുണ്ടോ; വിശദമാക്കാമോ;

ആഴക്കടല്‍ മത്സ്യബന്ധനത്തിന് സംസ്ഥാനത്തെ പരമ്പരാഗത മത്സ്യത്തൊഴിലാളികളെ പ്രാപ്തരാക്കുന്നതിന് പദ്ധതി ആവിഷ്കരിച്ചിട്ടുണ്ടോ?

സംസ്ഥാനത്ത് പട്ടികജാതി, പട്ടികഗോത്ര വര്‍ഗ്ഗ വിഭാഗങ്ങളിൽപ്പെട്ടവർക്ക് വിദ്യാഭ്യാസപരമായി ഏറെ മുന്നേറാന്‍ കഴിഞ്ഞിട്ടുണ്ടെങ്കിലും അതിന് ആനുപാതികമായി മികച്ച തൊഴിലവസരങ്ങള്‍ കരസ്ഥമാക്കാന്‍ കഴിയാത്ത പ്രശ്നം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പട്ടികജാതി, പട്ടികഗോത്ര വര്‍ഗ്ഗ വിഭാഗങ്ങളിൽ ഉൾപ്പെട്ട എല്ലാ അഭ്യസ്തവിദ്യര്‍ക്കും തൊഴില്‍ ലഭ്യമാക്കുന്നതിനായി ട്രെയിനിംഗ് ഫോര്‍ കരിയര്‍ എക്സലന്‍സ് പദ്ധതിക്ക് രൂപം നല്‍കിയിട്ടുണ്ടോ;

രാജ്യത്തിനകത്തും പുറത്തുമുളള ആധുനിക തൊഴില്‍ മേഖലകളിലേക്ക് പട്ടികജാതി, പട്ടികഗോത്ര വർഗ്ഗ യുവതയെ എത്തിച്ച് സുസ്ഥിര വരുമാനം ലഭ്യമാക്കുന്നതിന് പ്രത്യേകം പരിശീലനം നല്‍കാന്‍ ട്രേസ്‌ പദ്ധതി പ്രകാരം ഉദ്ദേശിക്കുന്നുണ്ടോ; പ്രസ്തുത പദ്ധതിയുടെ വിശദാംശം ലഭ്യമാക്കാമോ?

സംസ്ഥാനത്ത് കടുവ, ആന തുടങ്ങിയ വന്യജീവികളുടെ ആക്രമണത്തില്‍ ജീവനാശം സംഭവിക്കുന്നത് പൂര്‍ണ്ണമായും തടയുന്നതിന് ആവശ്യമായ നടപടികള്‍ സ്വീകരിക്കുമോ;

വന ആവാസവ്യവസ്ഥയില്‍ ഉണ്ടായ മാറ്റവും വന്യജീവി വംശവര്‍ദ്ധനയുമാണ് പ്രശ്നകാരണമെന്നത് ശ്രദ്ധയിൽപ്പെട്ടിട്ടുണ്ടോ; പ്രസ്തുത വിഷയം സംബന്ധിച്ച് ശാസ്ത്രീയ പഠനം നടത്തുന്നതിന് കേരള ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ടിനെ ചുമതലപ്പെടുത്തിയിട്ടുണ്ടോ;

കേന്ദ്ര സര്‍ക്കാര്‍ വന്യജീവി സംരക്ഷണ നിയമം ഭേദഗതി ചെയ്ത് കൂടുതല്‍ കര്‍ക്കശമാക്കിയതോടെ വന്യമൃഗ ആക്രമണം മൂലം ജനജീവിതം കൂടുതല്‍ ദുരിതത്തിലാകുമെന്നതിനാല്‍ യുക്തമായ തിരുത്തല്‍ നടപടി ആവശ്യപ്പെടുമോ;

വന്യജീവികളുടെ എണ്ണം വർദ്ധിക്കുന്നത് നിയന്ത്രിക്കുന്നതിനായി നിയമ നടപടികള്‍ ഉള്‍പ്പെടെയുളള മാര്‍ഗം അവലംബിക്കുമോ എന്ന് വ്യക്തമാക്കാമോ?

കേന്ദ്ര സര്‍ക്കാര്‍ തീരക്കടല്‍ മത്സ്യബന്ധന അനുമതി വിദേശ കുത്തകകള്‍ക്ക് നല്‍കുന്നുവെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ സംസ്ഥാനത്തിന്റെ മത്സ്യസമ്പത്ത് സുസ്ഥിരമായ തോതില്‍ പരിപാലിക്കുന്നതിന് 1980-ലെ കെ.എം.എഫ്.ആര്‍. ആക്ടില്‍ പങ്കാളിത്ത വിഭവ സമാഹരണത്തിനും നിയന്ത്രണത്തിനുമായി കാലോചിതമായ ഭേദഗതികള്‍ വരുത്തിയിട്ടുണ്ടോ; വിശദമാക്കുമോ;

ആയതിന്റെ അടിസ്ഥാനത്തില്‍ സംസ്ഥാന, ജില്ല, മത്സ്യഗ്രാമ തലങ്ങളില്‍ ത്രിതല ഫിഷറീസ് മാനേജ്മെന്റ് കൗണ്‍സിലുകളുടെ പ്രവര്‍ത്തനം ആരംഭിച്ചിട്ടുണ്ടോ;

പ്രസ്തുത കൗണ്‍സിലുകള്‍ വഴി ഏതെല്ലാം തരത്തിലുളള വിഭവ പരിപാലനവും നിയന്ത്രണങ്ങളുമാണ് സര്‍ക്കാര്‍ ലക്ഷ്യം വയ്ക്കുന്നതെന്ന് വ്യക്തമാക്കാമോ;

തീരക്കടല്‍ മത്സ്യസമ്പത്ത് വര്‍ദ്ധിപ്പിക്കുന്നതിന് എന്തെല്ലാം പദ്ധതികളാണ് നിലവിലുളളതെന്നും ഏതെങ്കിലും പുതിയ പദ്ധതികള്‍ ആവിഷ്കരിച്ച് നടപ്പാക്കാന്‍ ഉദ്ദേശിക്കുന്നുണ്ടോയെന്നും അറിയിക്കാമോ?

സംസ്ഥാനത്ത് ഗോത്ര പൈതൃകത്തിന്റെ ഭാഗമായുളള പരമ്പരാഗത അറിവുകളും ചികിത്സാരീതികളും അന്താരാഷ്ട്ര തലത്തിൽ പ്രചരിപ്പിക്കുന്നതിന് നടപടി സ്വീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വിനോദസഞ്ചാര വികസനത്തിന് കൂടി ഇത്തരം അറിവുകൾ സഹായകമാകുന്ന തരത്തിൽ എൻ ഊര് ഗോത്ര പൈതൃക ഗ്രാമം പദ്ധതി വിനോദസഞ്ചാര വകുപ്പുമായി സഹകരിച്ച് നടപ്പിലാക്കിയിട്ടുണ്ടോ; എങ്കിൽ വിശദമാക്കുമോ;

പ്രസ്തുത പദ്ധതിയിലൂടെ ഗോത്രവിഭാഗങ്ങളുടെ പരമ്പരാഗത ഉല്പന്നങ്ങളുടെ ഉല്പാദനവും വിപണനവും മെച്ചപ്പെടുത്തുന്നതിനും അതിലൂടെ ഗോത്ര വിഭാഗങ്ങൾക്ക് സ്ഥിരം തൊഴിലും മെച്ചപ്പെട്ട വരുമാനവും ലഭിക്കുന്നതിനും അവസരം ലഭിക്കുമോ; വിശദമാക്കാമോ;

പ്രസ്തുത പദ്ധതി എല്ലാ ജില്ലകളിലും ആരംഭിക്കാൻ ഉദ്ദേശിക്കുന്നുണ്ടോ; എങ്കിൽ വിശദമാക്കുമോ?

സംസ്ഥാനത്ത് ദളിത്, ആദിവാസി വിഭാഗങ്ങൾക്ക് നേരെയുള്ള അതിക്രമങ്ങൾ വർദ്ധിക്കുന്നതായ സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കില്‍ പ്രസ്തുത വിഭാഗങ്ങൾക്ക് നേരെയുള്ള അതിക്രമങ്ങൾ തടയാൻ സ്വീകരിച്ച നടപടികൾ വിശദമാക്കാമോ;

ആൾക്കൂട്ട ആക്രമണത്തെത്തുടര്‍ന്ന് അട്ടപ്പാടിയിൽ മധു മരണപ്പെട്ടതും ഇപ്രകാരം വയനാട്ടിൽ വിശ്വനാഥന്‍ മരണപ്പെട്ടതായി ആരോപിക്കപ്പെടുന്നതുമായ സാഹചര്യത്തില്‍ സമാനമായ അക്രമങ്ങൾ തടയാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

പരിഷ്കൃത സമൂഹത്തിന്റെ അപഭ്രംശങ്ങളായി അനാചാരങ്ങളും ആഭിചാരങ്ങളും വളര്‍ന്നുവരുന്ന സാഹചര്യത്തില്‍ പ്രതിലോമശക്തികളെ ചെറുക്കുന്നതിന് സാംസ്കാരിക രംഗത്തെ പ്രവര്‍ത്തനങ്ങള്‍ കൂടുതല്‍ ജനകീയമാക്കേണ്ടതിന്റെ ആവശ്യകത കണക്കിലെടുത്ത് പരിപാടികള്‍ ആവിഷ്കരിച്ചിട്ടുണ്ടോ;

കലയിലൂടെയും സാംസ്കാരിക കൂട്ടായ്മയിലൂടെയും ശാസ്ത്രചിന്തയും യുക്തിബോധവും വളര്‍ത്തുകയെന്ന ലക്ഷ്യത്തോടെയുള്ള പരിപാടികള്‍ ആവിഷ്കരിച്ചിട്ടുണ്ടോ;

യുവജനങ്ങളുടെ ഇടയില്‍ ഭരണഘടനാ സാക്ഷരത വര്‍ദ്ധിപ്പിക്കേണ്ടതിന്റെ ആവശ്യകത പരിഗണിച്ച് എന്തെങ്കിലും പരിപാടികള്‍ സാംസ്ക്കാരികകാര്യ വകുപ്പ് സംഘടിപ്പിക്കുന്നുണ്ടോ; വിശദമാക്കുമോ?

അട്ടപ്പാടി മേഖലയിൽ ശിശുമരണങ്ങൾ ആവർത്തിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ സർക്കാർ ഗൗരവത്തോടെ കാണുന്നുണ്ടോ;

2023 ജനുവരി മാസത്തിൽ പുതൂർ പഞ്ചായത്തിലെ ചാളയൂർ ഊരിൽ ഉമപ്രിയ, അപ്പു ദമ്പതികളുടെ കുഞ്ഞ് മരിച്ച സംഭവം ശ്രദ്ധയിൽപ്പെട്ടിട്ടുണ്ടോ;

സമാനമായ സംഭവങ്ങൾ ആവർത്തിക്കാതിരിക്കാനായി ഗർഭിണികൾക്കും കുട്ടികൾക്കും മതിയായ ചികിത്സയും പോഷകാഹാരവും ലഭ്യമാക്കാനും ആയത് ഉറപ്പുവരുത്തുവാനും വകുപ്പ് കൈക്കൊണ്ട നടപടികൾ എന്തെല്ലാമാണെന്ന് വിശദമാക്കുമോ?

സംസ്ഥാനത്ത് കുടിവെള്ള പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

മുടങ്ങിക്കിടക്കുന്ന കുടിവെള്ള പദ്ധതികള്‍ എല്‍.ഐ.സി., ജെ.ഐ.സി.എ. തുടങ്ങിയ ഏജൻസികളുടെ സഹായത്തോടെ പൂര്‍ത്തീകരിക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കുമോ?

സംസ്ഥാനത്ത് പ്രാദേശിക മത്സ്യകൃഷി പ്രോത്സാഹിപ്പിക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

തദ്ദേശീയ മത്സ്യകര്‍ഷകര്‍ക്ക് മത്സ്യക്കുഞ്ഞുങ്ങളെ വിതരണം ചെയ്തുവരുന്നുണ്ടോ; എങ്കിൽ ഏതൊക്കെയിനം മത്സ്യക്കുഞ്ഞുങ്ങളെയാണ് വിതരണം ചെയ്യുന്നതെന്ന് അറിയിക്കാമോ;

അപ്രകാരം വിതരണം ചെയ്യുന്ന മത്സ്യക്കുഞ്ഞുങ്ങളില്‍ ചിലയിനത്തിന് രുചി കുറവാണെന്നതിനാല്‍ അത്തരം മത്സ്യങ്ങള്‍ക്ക് വിപണി ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

പൊതുസ്വീകാര്യമായതും രുചികരമായതുമായ ഇനത്തില്‍പ്പെട്ട മത്സ്യക്കുഞ്ഞുങ്ങളെ വിതരണം ചെയ്യുന്നതിന് നടപടി സ്വീകരിക്കുമോ;

പ്രാദേശികമായി ഉല്പാദിപ്പിക്കുന്ന മത്സ്യങ്ങള്‍ക്ക് വേണ്ടത്ര വിപണി ലഭിക്കാത്തതിനാല്‍ ഫിഷറീസ് വകുപ്പിന്റെ തന്നെ ആഭിമുഖ്യത്തില്‍ സംസ്ഥാന തലത്തില്‍ വിപണി വ്യാപിപ്പിക്കുന്നതിന് നടപടി സ്വീകരിക്കുമോ?

കേരള അർബൻ വാട്ടർ സർവീസസ് ഇംപ്രൂവ്‌മെന്റ് പ്രോജക്ടിന്റെ വിശദാംശം ലഭ്യമാക്കുമോ;

തിരുവനന്തപുരം, എറണാകുളം ജില്ലകളിലെ കുടിവെള്ള വിതരണവും വെള്ളക്കരം പിരിക്കാനുള്ള ചുമതലയും സ്വകാര്യകമ്പനിക്ക് കൈമാറാൻ പ്രസ്തുത പദ്ധതിയുടെ ഭാഗമായി ധാരണയായിട്ടുണ്ടോ; വ്യക്തമാക്കുമോ;

എങ്കിൽ പ്രസ്തുത കരാറിലെ പ്രധാനപ്പെട്ട വ്യവസ്ഥകൾ എന്തൊക്കെയാണെന്ന് വിശദമാക്കുമോ?

വനത്തിനുളളിലും വനാതിർത്തിയിലും താമസിച്ചുവരുന്ന, വന്യജീവി ആക്രമണത്തിന് ഇരയാകുന്ന പട്ടികജാതി, പട്ടികവർഗ്ഗ വിഭാഗത്തിൽപ്പെട്ടവർക്ക് വനം വകുപ്പ് ഏർപ്പെടുത്തിയിരുന്ന ഇൻഷുറൻസ് പദ്ധതി നിർത്തലാക്കിയിട്ടുണ്ടോ;

പ്രസ്തുത പദ്ധതി മുഖേന ലഭിച്ചിരുന്ന ആനുകൂല്യങ്ങൾ എന്തെല്ലാമാണെന്ന് വ്യക്തമാക്കുമോ;

വന്യജീവി ആക്രമണം വർദ്ധിച്ചുവരുന്ന ഈ കാലത്ത് മുൻകാല പ്രാബല്യത്തോടെ പ്രസ്തുത പദ്ധതി പുന:സ്ഥാപിക്കാൻ നടപടി സ്വീകരിക്കുമോ; വിശദാംശം അറിയിക്കുമോ?

സംസ്ഥാനത്ത് അര്‍ഹതപ്പെട്ട ബി.പി.എല്‍. വിഭാഗക്കാര്‍ക്ക് സൗജന്യമായി കുടിവെള്ള കണക്ഷന്‍ നല്‍കുന്നുണ്ടോ; എങ്കിൽ കൂടുതല്‍ ബി.പി.എല്‍. കുടുംബങ്ങള്‍ക്ക് കുടിവെള്ള കണക്ഷന്‍ നല്‍കുന്നതിന് പദ്ധതിയുണ്ടോ; വിശദാംശം ലഭ്യമാക്കാമോ;

അര്‍ഹരായവർക്ക് കുടിവെള്ള കണക്ഷന്‍ ബി.പി.എല്‍. വിഭാഗത്തിലേക്ക് മാറ്റാനായി അപേക്ഷ നല്‍കുന്നതിന് അവസരം നല്‍കിയിട്ടുണ്ടോ; വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടികഗോത്ര വര്‍ഗ്ഗ വിഭാഗത്തിൽപ്പെട്ടവര്‍ക്ക് വനാവകാശനിയമം, ലാന്‍ഡ് ബാങ്ക്, നിക്ഷിപ്‌ത വനഭൂമി എന്നിവയില്‍ ഉള്‍പ്പെടുത്തി ഭൂമി ലഭ്യമാക്കിയിട്ടുണ്ടോ; വിശദാംശം നൽകുമോ;

പട്ടികഗോത്ര വര്‍ഗ്ഗ വിഭാഗത്തിൽപ്പെട്ടവര്‍ക്ക് ഭൂമി ലഭ്യമാക്കുന്നതുമായി ബന്ധപ്പെട്ട് പ്രത്യേക മിഷന് രൂപം കൊടുത്തിട്ടുണ്ടോ; എങ്കിൽ ഇതിന്റെ പ്രവര്‍ത്തനം വിശദമാക്കാമോ?

സംസ്ഥാനത്ത് പട്ടികജാതി, പട്ടികഗോത്ര വര്‍ഗ്ഗ വിഭാഗത്തിൽപ്പെട്ട യുവജനങ്ങളുടെ തൊഴില്‍ പങ്കാളിത്തം വര്‍ദ്ധിപ്പിക്കുന്നതിനായി മാനവവിഭവശേഷി വികസനത്തിനുള്ള എന്തൊക്കെ പരിപാടികളാണ് നടപ്പിലാക്കിയിട്ടുള്ളത്; അവയുടെ ഫലപ്രാപ്തി അവലോകനം ചെയ്തിട്ടുണ്ടോ; വിശദമാക്കാമോ;

പ്രസ്തുത വിഭാഗങ്ങളില്‍പ്പെട്ട യുവജനങ്ങള്‍ക്ക് സംരംഭകത്വ പരിശീലനം നല്‍കുന്നതിനും സംരംഭങ്ങള്‍ ആരംഭിക്കാന്‍ വേണ്ട മൂലധന വായ്പ ലഭ്യമാക്കുന്നതിനുമുള്ള പദ്ധതി കാര്യക്ഷമമായി നടക്കുന്നുവെന്ന് ഉറപ്പ് വരുത്താന്‍ കഴിഞ്ഞിട്ടുണ്ടോ; എങ്കിൽ ഇത്തരം പദ്ധതികളില്‍ വനിതകളുടെ പങ്കാളിത്തം ഉറപ്പാക്കാന്‍ കഴിഞ്ഞിട്ടുണ്ടോ;

പട്ടികഗോത്ര വര്‍ഗ്ഗ വിഭാഗങ്ങളില്‍പ്പെട്ട യുവതികളില്‍ താെഴില്‍, വ്യാപാര മേഖലകളിൽ നെെപുണ്യം വളര്‍ത്തുന്നതിന് വനിതാ വികസന കോർപ്പറേഷന്റെ ആഭിമുഖ്യത്തില്‍ സംയോജിത വനിതാ നെെപുണ്യ വികസന കേന്ദ്രങ്ങള്‍ ആരംഭിക്കാന്‍ ഉദ്ദേശിക്കുന്നുണ്ടോ; എങ്കിൽ വിശദമാക്കാമോ?

കേരള സംസ്ഥാന യുവജന കമ്മീഷന്റെ ഉദ്ദേശ്യലക്ഷ്യങ്ങൾ എന്തെല്ലാമാണ്; വിശദമാക്കുമോ;

പ്രസ്തുത ഉദ്ദേശ്യലക്ഷ്യങ്ങൾ കൈവരിക്കുന്നതിന് കമ്മീഷന് കഴിയുന്നുണ്ടോ എന്ന് പരിശോധിച്ചിട്ടുണ്ടോ; വ്യക്തമാക്കുമോ;

കമ്മീഷന്റെ പ്രവർത്തനം മെച്ചപ്പെടുത്തുന്നതിനും യുവജന പങ്കാളിത്തം ഉറപ്പാക്കുന്നതിനും സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ?

സംസ്ഥാനത്ത് പട്ടികജാതി യുവാക്കൾക്ക് വിദേശത്ത് ഉൾപ്പെ​ടെ തൊഴിൽ മേഖല കണ്ടെത്തി സുസ്ഥിര വരുമാനം സാധ്യമാക്കുന്നതിന് പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ;

എങ്കിൽ പ്രസ്തുത പദ്ധതിയിൽ ഏതെല്ലാം തൊഴിൽ മേഖലകളെയാണ് ഉൾപ്പെടുത്തിയിരിക്കുന്നതെന്ന് അറിയിക്കാമോ;

പ്രസ്തുത പദ്ധതിയുടെ ഗുണം ലഭിക്കുന്നതിനായി എല്ലാ ജില്ലകളിലും പരിശീലന കേന്ദ്രങ്ങൾ ആരംഭിക്കുന്ന കാര്യം പരിഗണിക്കുമോ എന്ന് വ്യക്തമാക്കാമോ?

സംസ്ഥാനത്ത് പട്ടികജാതി, പട്ടികഗോത്ര വര്‍ഗ്ഗ സമൂഹങ്ങളുടെ ശാക്തീകരണത്തിന് വിഘാതമായിട്ടുള്ള പ്രധാന ഘടകം ആധുനിക തൊഴില്‍ മേഖലയിലെ പങ്കാളിത്തക്കുറവാണെന്നത് വസ്തുതയാണോ; എങ്കിൽ പ്രസ്തുത പ്രശ്നം പരിഹരിക്കുന്നതിന് നടപടി സ്വീകരിച്ചിട്ടുണ്ടോ;

എസ്.സി., എസ്.ടി. വിഭാഗക്കാരെ സംരംഭകരാക്കുകയെന്ന ലക്ഷ്യത്തോടെ കേരള എംപവര്‍മെന്റ് സൊസൈറ്റി രൂപീകരിച്ചിട്ടുണ്ടോ; എങ്കിൽ അതിന്റെ പ്രവര്‍ത്തനം വിശദമാക്കാമോ; പ്രസ്തുത സൊസൈറ്റിയുടെ ഭാഗമായി ടാലന്റ് സെന്ററുകള്‍ രൂപീകരിക്കാന്‍ ഉദ്ദേശിക്കുന്നുണ്ടോ;

ഇത്തരത്തില്‍ സംരംഭങ്ങള്‍ ആരംഭിക്കുന്നതിന് ആവശ്യമായ സാമ്പത്തിക സഹായം ലഭ്യമാക്കാന്‍ പദ്ധതിയുണ്ടോ; എങ്കിൽ വിശദമാക്കാമോ?

വാട്ടർ അതോറിറ്റിയുടെ കേരള അർബൻ വാട്ടർ സർവീസസ് ഇംപ്രൂവ്‌മെന്റ് പ്രോജക്ടിന്റെ ഭാഗമായി എ.ഡി.ബി. യിൽ നിന്ന് വായ്പ ലഭ്യമാക്കാൻ തീരുമാനിച്ചിട്ടുണ്ടോ;

പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങൾ വിശദമാക്കാമോ;

പ്രസ്തുത പദ്ധതി പത്ത് വർഷത്തേക്ക് സ്വകാര്യ കമ്പനിയെ ഏൽപ്പിക്കാൻ തീരുമാനമെടുത്തിട്ടുണ്ടോ; എങ്കിൽ വിശദമാക്കുമോ?

സംസ്ഥാനത്ത് വനങ്ങൾക്ക് ചുറ്റുമുള്ള കരുതൽ മേഖലയുമായി ബന്ധപ്പെട്ട അന്തിമ റിപ്പോർട്ട് എന്നത്തേക്ക് തയ്യാറാകുമെന്ന് അറിയിക്കുമോ;

പ്രസ്തുത വിഷയവുമായി ബന്ധപ്പെട്ട്‌ തദ്ദേശ സ്വയംഭരണ സ്ഥാപനങ്ങളിലെ ഹെൽപ് ഡെസ്കുകളിൽ ലഭിച്ച പരാതികള്‍ സൂക്ഷ്മപരിശോധന നടത്തിയിട്ടുണ്ടോയെന്ന് വ്യക്തമാക്കാമോ; വിശദാംശം നൽകുമോ;

വനങ്ങൾക്ക് ചുറ്റുമുള്ള കരുതൽ മേഖലയുമായി ബന്ധപ്പെട്ട് സുപ്രീം കോടതി 2022 ജൂണിൽ വിധി പ്രഖ്യാപിച്ച് എട്ട് മാസം കഴിഞ്ഞിട്ടും അന്തിമ റിപ്പോർട്ട് തയ്യാറാക്കാൻ കാലതാമസം വരുന്നതിന്റെ കാരണം വിശദമാക്കാമോ?

സംസ്ഥാനത്ത് പുതിയ വന്യജീവി സങ്കേതങ്ങള്‍ രൂപീകരിക്കാനുള്ള നടപടി ആരംഭിച്ചിട്ടുണ്ടോ; എങ്കിൽ അവ ഏതെല്ലാമാണെന്ന് ജില്ല തിരിച്ചുള്ള കണക്കുകള്‍ ലഭ്യമാണോ; എങ്കില്‍ നൽകുമോ;

സംസ്ഥാനത്ത് പുതിയ വനമേഖലകള്‍ സൃഷ്ടിക്കാനുള്ള തീരുമാനം എടുത്തിട്ടുണ്ടോ; എങ്കിൽ ഏതൊക്കെ ജില്ലകളിലെ ഏതൊക്കെ പഞ്ചായത്തുകളിലാണെന്ന് അവയുടെ വിസ്ത‍ൃതി ഉൾപ്പടെ വ്യക്തമാക്കാമോ;

കഴിഞ്ഞ പത്ത് വര്‍ഷത്തിൽ സംസ്ഥാനത്തെ വനവിസ്തൃതിയില്‍ ഉണ്ടായിട്ടുള്ള വര്‍ദ്ധനവിന്റെ വിശദാംശം ലഭ്യമാണോ; എങ്കില്‍ നൽകുമോ; പരിഹാര വനവല്‍ക്കരണത്തിന്റെ ഭാഗമായി ഉണ്ടായ വര്‍ദ്ധനവ് എത്രയാണെന്ന് അറിയിക്കാമോ;

2022 ജൂണ്‍ 3-ലെ സുപ്രീം കോടതി വിധിയുടെ അടിസ്ഥാനത്തില്‍ സംരക്ഷിത വനമേഖലയ്ക്ക് ഒരു കിലോമീറ്റര്‍ ചുറ്റളവിൽ ബഫര്‍സോണ്‍ നടപ്പിലാക്കിയാല്‍ എത്ര ഏക്കര്‍ കൃഷി ഭൂമി വനമായി മാറും എന്നത് സംബന്ധിച്ച് പഠനം നടത്തിയിട്ടുണ്ടോ; എങ്കിൽ വിശദാംശം നൽകാമോ?

സംസ്ഥാനത്ത് വന്‍കിട ജലസേചന പദ്ധതികള്‍ യഥാസമയം പൂർത്തീകരിക്കാന്‍ കഴിയാത്തതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിഹരിക്കാന്‍ സ്വീകരിച്ച നടപടികള്‍ എന്തെല്ലാമാണ്;

പദ്ധതികളുടെ പൂർത്തീകരണം ഇപ്രകാരം നീണ്ടുപോകുന്നതുകൊണ്ടും ഭൂവിനിയോഗരീതിയിലുണ്ടായ മാറ്റങ്ങള്‍ പരിഗണിച്ചുകൊണ്ടും ഇത്തരം പദ്ധതികള്‍ പുനഃക്രമീകരിക്കുവാനും സമയബന്ധിതമായി പൂര്‍ത്തീകരിക്കുവാനും നടപടി സ്വീകരിക്കുമോ; വ്യക്തമാക്കാമോ;

മൂവാറ്റുപുഴ വാലി, ഇടമലയാര്‍ വാലി എന്നീ ജലസേചന പദ്ധതികളുടെ നിലവിലെ പുരോഗതി അറിയിക്കാമോ; പ്രസ്തുത പദ്ധതികള്‍ വഴി ലക്ഷ്യമിടുന്ന നേട്ടങ്ങള്‍ എന്തെല്ലാമെന്ന് വിശദമാക്കാമോ?

സംസ്ഥാനത്ത് നഗര പ്രദേശങ്ങളിലെ എല്ലാ വീടുകളിലും കുടിവെള്ള കണക്ഷൻ നൽകാനായി ആവിഷ്കരിച്ചിട്ടുള്ള പദ്ധതിയുടെ വിശദാംശം ലഭ്യമാക്കാമോ;

സംസ്ഥാനത്തെ ഏതെല്ലാം നഗരങ്ങളെയാണ് പ്രസ്തുത പദ്ധതിയിൽ ഉൾപ്പെടുത്തിയിരിക്കുന്നത്;

അമൃത് ഒന്നാംഘട്ട പദ്ധതിയുടെ ഭാഗമായി ഏതെല്ലാം നഗരങ്ങളിലെ കുടിവെള്ള ലഭ്യത കാര്യക്ഷമമാക്കാൻ സാധിച്ചുവെന്ന് വ്യക്തമാക്കുമോ;

തിരുവനന്തപുരം, കൊച്ചി നഗരങ്ങളിൽ സദാസമയവും കുടിവെള്ളം ലഭ്യമാക്കുന്നതിനായി പ്രത്യേക പദ്ധതി ഉദ്ദേശിക്കുന്നുണ്ടോ; എങ്കിൽ വിശദാംശം അറിയിക്കാമോ?

സംസ്ഥാനത്ത് മത്സ്യത്തൊഴിലാളികള്‍ക്ക് സുരക്ഷിത ഭവനമൊരുക്കുന്നതിന് കഴിഞ്ഞ സര്‍ക്കാരിന്റെയും ഈ സര്‍ക്കാരിന്റെയും കാലത്ത് നടത്തിയ പ്രവര്‍ത്തനങ്ങളുടെ ഫലമായി വിവിധ പദ്ധതികളിലൂടെ ഇതുവരെ എത്ര വീടുകള്‍ നല്‍കാനായിട്ടുണ്ട് എന്നതിന്റെ കണക്ക് ലഭ്യമാണോ;

സംസ്ഥാനത്തെ തീരദേശ മേഖലയിലുള്ളവരുടെ വാസം സുരക്ഷിതമാക്കുന്നതിന് ആവിഷ്കരിച്ചിട്ടുള്ള പുനര്‍ഗേഹം പദ്ധതി യാഥാര്‍ത്ഥ്യമാക്കുന്നതിന് നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ;

സര്‍വേയുടെ അടിസ്ഥാനത്തില്‍ മാറ്റി പാര്‍പ്പിക്കേണ്ടതായി കണ്ടെത്തിയ മത്സ്യത്തൊഴിലാളി കുടുംബങ്ങള്‍ എത്രയെന്നും അതില്‍ എത്ര കുടുംബങ്ങള്‍ മാറിത്താമസിക്കുന്നതിന് സന്നദ്ധത അറിയിച്ചിട്ടുണ്ടെന്നും വ്യക്തമാക്കാമോ?

കഴിഞ്ഞ മണ്ഡലകാല തീര്‍ത്ഥാടനം കുറ്റമറ്റതും പരാതിരഹിതവുമാക്കി മാറ്റുന്നതിന് ശബരിമലയിൽ എന്തെല്ലാം മുന്നൊരുക്കങ്ങളാണ് നടത്തിയത്; വിശദാംശം നല്‍കാമോ;

എല്ലാ വകുപ്പുകളെയും ഏകോപിപ്പിച്ചുകൊണ്ട് മികച്ച നിലയില്‍ ചുമതലകള്‍ നിര്‍വഹിക്കുന്നതിന് കഴിഞ്ഞിട്ടുണ്ടോ; വിശദമാക്കാമോ;

ഇതര സംസ്ഥാനങ്ങളില്‍ നിന്നെത്തിയ തീര്‍ത്ഥാടകര്‍ക്ക് സൗകര്യം ഒരുക്കുന്നതിനായി പ്രത്യേക മുന്നൊരുക്കങ്ങള്‍ നടത്തിയിരുന്നോ; വിശദമാക്കാമോ;

മികച്ച രീതിയില്‍ ശുചീകരണ പ്രവര്‍ത്തനങ്ങള്‍ നടത്തുന്നതിനായി പവിത്രം ശബരിമല എന്ന ശുചീകരണ പദ്ധതി എത്രത്തോളം പ്രയോജനം ചെയ്തിട്ടുണ്ടെന്ന് വ്യക്തമാക്കാമോ?

സമുദ്ര മത്സ്യബന്ധനത്തിലെ അശാസ്ത്രീയ രീതികള്‍ തടഞ്ഞുകൊണ്ടും ശാസ്ത്രീയ മത്സ്യബന്ധന രീതികളില്‍ മത്സ്യത്തൊഴിലാളികളെ പ്രാവീണ്യരാക്കിക്കൊണ്ടും സമുദ്ര മത്സ്യോല്പാദനം വര്‍ദ്ധിപ്പിക്കുന്നതിന് നടത്തുന്ന പ്രവര്‍ത്തനങ്ങളെക്കുറിച്ച് വിശദമാക്കാമോ;

കേരളവും നോര്‍വെയും തമ്മില്‍ സഹകരണത്തിന് ധാരണയായിട്ടുള്ള കടല്‍ മത്സ്യബന്ധനത്തിലെ നൂതന രീതികളും സാങ്കേതിക മികവുകളും സംസ്ഥാനത്തെ മത്സ്യത്തൊഴിലാളികള്‍ക്ക് സ്വായത്തമാക്കാന്‍ ഉതകുമോ എന്ന് വ്യക്തമാക്കുമോ;

സംസ്ഥാനത്ത് കടല്‍ മത്സ്യബന്ധന രംഗത്തെ ഗവേഷണ, വികസന സാധ്യതകള്‍ക്ക് കുഫോസുമായി സഹകരിക്കാന്‍ നോര്‍വെ തയ്യാറായിട്ടുണ്ടോ; വ്യക്തമാക്കുമോ?