സംസ്ഥാനത്ത് മഴക്കെടുതികള്‍ നേരിടുന്നതിന് ജില്ലാ ദുരന്തനിവാരണ അതോറിറ്റികളെ മുന്‍കൂട്ടി സജ്ജമാക്കിയതുവഴി കെടുതിയുടെ ആഘാതം കുറയ്ക്കാന്‍ കഴിഞ്ഞിട്ടുണ്ടോ;

കാലാവസ്ഥാ മുന്നൊരുക്കങ്ങള്‍ നടത്തുകയും ദുരന്ത സാഹചര്യങ്ങളില്‍ ഇടപെടേണ്ടതിനുവേണ്ട മാര്‍ഗനിര്‍ദേശങ്ങള്‍ ഉള്‍ക്കൊള്ളുന്ന ഓറഞ്ച് ബുക്ക് ഓഫ് ഡിസാസ്റ്റര്‍ മാനേജ്മെന്റ് പുതുക്കി പ്രസിദ്ധീകരിക്കുകയും ചെയ്തിരുന്നോ; അവശ്യഘട്ടത്തില്‍ ഒഴിപ്പിക്കല്‍ ഉള്‍പ്പെടെ അടിയന്തര ഇടപെടലിനുവേണ്ട കാര്യക്ഷമമായ സംവിധാനം ഒരുക്കിയിരുന്നോ എന്ന് വ്യക്തമാക്കാമോ;

കൃത്യമായ മുന്നറിയിപ്പ് യഥാസമയം നല്‍കുന്നതിന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് സംവിധാനം കൂടുതല്‍ ആധുനികീകരിക്കുന്നതിനും വിപുലീകരിക്കുന്നതിനും വേണ്ട നടപടി സ്വീകരിക്കാന്‍ കേന്ദ്ര സര്‍ക്കാരിനോട് ആവശ്യപ്പെടുമോ എന്ന് വ്യക്തമാക്കാമോ?

ടൂറിസത്തിന്റെ വലിയ സാദ്ധ്യത കണക്കിലെടുത്ത് കേരളത്തെ ഇന്ത്യയുടെ ടൂറിസം ഹബ്ബാക്കി മാറ്റുന്നതിന് സ്വീകരിച്ചുവരുന്ന നടപടികള്‍ വ്യക്തമാക്കുമോ;

കായല്‍ ടൂറിസം, ഫാം ടൂറിസം, പില്‍ഗ്രിം ടൂറിസം, ബീച്ച് ടൂറിസം തുടങ്ങി എല്ലാ ടൂറിസം മേഖലകളെയും അതിന്റെ പ്രാധാന്യം ഉള്‍ക്കൊണ്ട്‌ ആകര്‍ഷകമാക്കുന്നതിന് പ്രത്യേക മാസ്റ്റര്‍ പ്ലാന്‍ തയ്യാറാക്കി നടപ്പിലാക്കാൻ നടപടി സ്വീകരിക്കുമോ;

ടൂറിസം കേന്ദ്രങ്ങളില്‍ സ്റ്റാര്‍ കാറ്റഗറിയിലുള്ള ടോയ‍്‍ലെറ്റ് സൗകര്യങ്ങളും കഫെറ്റീരിയ ഉള്‍പ്പെടെ മറ്റ് അടിസ്ഥാന സൗകര്യങ്ങളും അടിയന്തരമായി ലഭ്യമാക്കാന്‍ പ്രത്യേക പദ്ധതി നടപ്പാക്കുമോ; എങ്കില്‍ വിശദാംശം ലഭ്യമാക്കുമോ?

സംസ്ഥാനത്തെ ഐ.ടി.ഐ.കളെ അന്തര്‍ദേശീയ നിലവാരത്തിലേക്ക് ഉയര്‍ത്തുന്നതിനുള്ള പദ്ധതിയെക്കുറിച്ച് അറിയിക്കാമോ;

സംസ്ഥാനത്തെയും ഇതര പ്രദേശങ്ങളിലെയും വ്യവസായ മേഖലയുടെ ആവശ്യകതയ്ക്ക് അനുസരിച്ചുള്ള നെെപുണ്യ വികസന കേന്ദ്രങ്ങളാക്കി ഐ.ടി.ഐ.കളെ മാറ്റിത്തീര്‍ക്കാന്‍ പരിപാടിയുണ്ടോ; കാലഹരണപ്പെട്ട കോഴ്സുകള്‍ നിര്‍ത്തലാക്കാനും കോഴ്സുകളില്‍ കാലാനുസൃതമായ മാറ്റം ഉള്‍ക്കൊള്ളിക്കാനും ആവശ്യമായ നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ;

ഐ.ടി.ഐ.കളില്‍ നിന്ന് നെെപുണ്യശേഷി ആര്‍ജിക്കുന്നവര്‍ക്കെല്ലാം താെഴില്‍ ലഭ്യമാകുന്ന തരത്തില്‍ ഐ.ടി.ഐ.കളെ വ്യവസായ മേഖലയുമായി നേരിട്ട് ബന്ധപ്പെടുത്താന്‍ പദ്ധതിയുണ്ടോ; വ്യക്തമാക്കുമോ?

സംസ്ഥാനത്ത് റോഡപകടങ്ങൾ ദിനംപ്രതി വർദ്ധിക്കുന്നുവെന്നും ആയത് അനുവദിക്കാനാകില്ലെന്നുമുള്ള ഹൈക്കോടതിയുടെ വിമർശനം ശ്രദ്ധയിൽപ്പെട്ടിട്ടുണ്ടോ;

റോഡുകളുടെ അറ്റകുറ്റപ്പണികൾ സമയബന്ധിതമായി തീര്‍ക്കണമെന്ന് ആവശ്യപ്പെട്ടിട്ടും ആയത് അർഹിക്കുന്ന ഗൗരവത്തിൽ പരിഗണിച്ചില്ലെന്ന ഹൈക്കോടതിയുടെ നിരീക്ഷണം ഗൗരവത്തോടെ കാണുന്നുണ്ടോ എന്ന് വ്യക്തമാക്കുമോ;

ഹൈക്കോടതിയുടെ വിമർശനത്തിന്റെ അടിസ്ഥാനത്തിൽ പ്രസ്തുത പ്രശ്നം പരിഹരിക്കുന്നതിന് സ്വീകരിച്ച നടപടികൾ വിശദമാക്കാമോ?

വിഴിഞ്ഞം തുറമുഖ നിര്‍മാണം തീരശോഷണത്തിന് കാരണമാകുന്നുണ്ടോയെന്ന് പഠനം നടത്താൻ നിയോഗിച്ച വിദഗ്ദ്ധ സ്ഥാപനങ്ങള്‍ ഏതെല്ലാമെന്നും അവ എത്തിച്ചേർന്ന നിഗമനം എന്തെന്നും വെളിപ്പെടുത്താമോ;

വിഴിഞ്ഞം തുറമുഖ പദ്ധതി പ്രതികൂലമായി ബാധിക്കുന്നവരെ പുനരധിവസിപ്പിക്കാനും ജീവനോപാധി നഷ്ടപ്പെടുന്ന പരമ്പരാഗത മത്സ്യത്തൊഴിലാളികള്‍ക്ക് നഷ്ടപരിഹാരം നല്‍കുന്നതിനും നടപടിയെടുത്തിട്ടുണ്ടോ; പ്രദേശവാസികളുടെ ജീവിതമാര്‍ഗം മെച്ചപ്പെടുത്തുന്നതിന് പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ;

പ്രദേശവാസികളുടെ ആശങ്ക പരിഹരിക്കുന്നതിനും പദ്ധതി ഈ വര്‍ഷം തന്നെ പൂര്‍ത്തിയാക്കുന്നതിനും നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വ്യക്തമാക്കാമോ?

സംസ്ഥാനത്തെ കളക്ടറേറ്റുകളും വില്ലേജ് ഓഫീസുകള്‍ ഉള്‍പ്പെടെയുള്ള റവന്യൂ ഓഫീസുകളും നവീകരിക്കാനുള്ള പദ്ധതിക്ക് രൂപം കൊടുത്തിട്ടുണ്ടോ എന്ന് വ്യക്തമാക്കാമോ;

വില്ലേജ് ഓഫീസുകളുടെ സേവനം ജനസൗഹൃദമാക്കുന്നതിന് സ്വീകരിച്ച നടപടികള്‍ എന്തെല്ലാമാണ്;

അടിസ്ഥാന സൗകര്യം മെച്ചപ്പെടുത്തുന്നതിനോടൊപ്പം ഓഫീസ് സംവിധാനത്തിന്റെ ആധുനികീകരണത്തിനായി നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ;

സ്മാര്‍ട്ട് റവന്യൂ ഓഫീസ് പദ്ധതിയുടെ നിലവിലെ പുരോഗതി വിശദമാക്കാമോ?

സംസ്ഥാന പാതയുടെ ഗണത്തില്‍പ്പെട്ട പാതകള്‍ സംസ്ഥാനത്ത് എത്രയെണ്ണമുണ്ടെന്ന് വ്യക്തമാക്കാമോ; വിശദാംശം ലഭ്യമാക്കാമോ;

പ്രധാനപ്പെട്ട റോഡുകളെ സംസ്ഥാന പാതയാക്കുന്ന പദ്ധതിയില്‍ അവസാനമായി പുതിയ റോഡുകള്‍ ഉള്‍പ്പെടുത്തിയത് എന്നാണെന്ന് വ്യക്തമാക്കാമോ; റോഡുകളെ സംസ്ഥാന പാതയാക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ;

കേരളത്തിലെ പ്രധാനപ്പെട്ട ടൂറിസം, തീര്‍ത്ഥാടനം, വിദ്യാഭ്യാസം, തൊഴില്‍ എന്നീ മേഖലകളെ ബന്ധിപ്പിക്കുന്ന വിധത്തില്‍ നിലവിലെ വിവിധ റോഡുകള്‍ ഉള്‍പ്പെടുത്തി പുതിയ സംസ്ഥാന പാതകള്‍ നിര്‍മിക്കാന്‍ നടപടി സ്വീകരിക്കുമോ?

സംസ്ഥാനത്ത് ദേശീയ പാതകളിലെ കുഴി അടയ്ക്കല്‍, അറ്റകുറ്റപ്പണി നടത്തല്‍ എന്നിവ ചെയ്യാനുള്ള ഉത്തരവാദിത്തം സംസ്ഥാന സര്‍ക്കാരിനാണെന്ന് വ്യാപകമായി പ്രചരിപ്പിക്കുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ ഇതുസംബന്ധിച്ച നിജസ്ഥിതി അറിയിക്കാമോ;

ദേശീയപാത നിര്‍മാണം, കുഴി അടയ്ക്കല്‍, അറ്റകുറ്റപ്പണികള്‍ എന്നിവയുടെ നിലവാരം ഉറപ്പുവരുത്തേണ്ട ഉത്തരവാദിത്തം ദേശീയപാത അതോറിറ്റിയില്‍ നിക്ഷിപ്തമാണോ; വിശദമാക്കാമോ;

സി.ആര്‍.ഐ.എഫ്.ല്‍ ഉള്‍പ്പെടുത്തി സംസ്ഥാനത്തെ പ്രധാനപ്പെട്ട റോഡ് നവീകരണത്തിനായി പ്രത്യേക പദ്ധതി കേന്ദ്ര സര്‍ക്കാരിന് സമര്‍പ്പിച്ചിട്ടുണ്ടോ; പ്രസ്തുത പദ്ധതിക്ക് കേന്ദ്ര സര്‍ക്കാരിന്റെ അംഗീകാരം ലഭ്യമായിട്ടുണ്ടോ; വിശദാംശം നല്‍കാമോ?

ദേശീയപാതകളുടെ നിര്‍മാണത്തിലും പരിപാലനത്തിലും കേന്ദ്ര സര്‍ക്കാര്‍ ഏജന്‍സികളുടെ ഭാഗത്തുനിന്നും ഉണ്ടാകുന്ന ഗുരുതരമായ അനാസ്ഥ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദമാക്കുമോ;

ഔട്ട്പുട്ട് ആൻഡ് പെർഫോമൻസ് ബേസ്ഡ് റോഡ് കോൺട്രാക്ട് സംവിധാനം ഉള്‍പ്പെടെ സംസ്ഥാനത്തെ മരാമത്ത് റോഡുകളുടെ പരിപാലനം കാര്യക്ഷമമാക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുളളത്; വിശദമാക്കുമോ;

പ്രസ്തുത സംവിധാനത്തിലൂടെ ഏതെല്ലാം മേഖലയിലുള്ള റോഡുകളാണ് പുനർനിർമിക്കാൻ ഉദ്ദേശിക്കുന്നത് എന്ന് വ്യക്തമാക്കുമോ;

ഈ സംവിധാനത്തിലൂടെ ടെൻഡർ നടപടി പൂർത്തീകരിക്കുന്ന റോഡുകളുടെ വാർഷിക അറ്റകുറ്റപ്പണികൾ കരാറുകാർതന്നെ നിശ്ചിത കാലത്തേക്ക് നടപ്പിലാക്കുമോ; വിശദീകരിക്കുമോ;

ഇത്തരം സംവിധാനത്തിലൂടെ നിർമിക്കപ്പെടുന്ന റോഡുകൾക്ക് പ്രതികൂല കാലാവസ്ഥയില്‍ തകര്‍ച്ച സംഭവിച്ചാലും അറ്റകുറ്റപ്പണികൾ നടപ്പിലാക്കുന്നതിന് കരാർ ഏറ്റെടുത്ത കമ്പനിക്ക് ഉത്തരവാദിത്തമുണ്ടോ; വിശദമാക്കുമോ?

വിഴിഞ്ഞം തുറമുഖ നിർമാണവുമായി ബന്ധപ്പെട്ട് തദ്ദേശീയരായ മത്സ്യത്തൊഴിലാളികളുടെ പുനരധിവാസം, ഉപജീവനം, തൊഴിൽ, സുരക്ഷ തുടങ്ങിയ മേഖലകളിലെ പ്രശ്നങ്ങൾ പരിഹരിക്കുന്നതിന് നാളിതുവരെ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

2015-ൽ വിഴിഞ്ഞം തുറമുഖ കമ്പനി സമർപ്പിച്ച ഉപജീവന ആഘാത നിർണയ സമിതി റിപ്പോർട്ടിലുൾപ്പെട്ട നഷ്ടപരിഹാര, പുനരധിവാസ പാക്കേജിലെ ഏതൊക്കെ കാര്യങ്ങളാണ് ഇതിനകം നടപ്പിലാക്കിയതെന്ന് വ്യക്തമാക്കുമോ;

തുറമുഖ നിർമാണത്തിന്റെ ഫലമായി മത്സ്യബന്ധനത്തിനിടെ സംഭവിക്കുന്ന അപകടങ്ങൾ തടയുന്നതിന് ശാശ്വത നടപടികൾ സ്വീകരിച്ചിട്ടുണ്ടോയെന്ന് അറിയിക്കുമോ?

സംസ്ഥാനത്ത് ഭൂമിയുടെ തരം മാറ്റുന്നതിനായി സമർപ്പിച്ചിരിക്കുന്ന അപേക്ഷകൾ തീർപ്പാക്കുന്നതിൽ വലിയ കാലതാമസം നേരിടുന്നു എന്ന പരാതി ഉയർന്നിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിശോധിച്ചിട്ടുണ്ടോ;

പ്രസ്തുത അപേക്ഷകൾ വേഗത്തിൽ തീർപ്പാക്കുന്നതിന് എന്തെല്ലാം ക്രമീകരണങ്ങൾ ഏർപ്പെടുത്താനാണ് ഉദ്ദേശിക്കുന്നത്; വിശദമാക്കുമോ;

ലൈഫ് പദ്ധതിക്കായി വാങ്ങിയ ഭൂമിയുടെ തരംമാറ്റലിനുള്ള അപേക്ഷകൾക്ക് മുൻഗണന നൽകുന്നതിന് നിർദ്ദേശം നൽകുമോയെന്ന് അറിയിക്കുമോ?

പൊതുവിദ്യാഭ്യാസ സംരക്ഷണ യജ്ഞത്തിലൂടെ വന്‍ മികവ് കൈവരിച്ച സര്‍ക്കാര്‍ സ്കൂളുകള്‍ക്ക് അധിക സഹായം ആവശ്യപ്പെട്ടതിനോട് കേന്ദ്ര സര്‍ക്കാര്‍ അനുകൂലമായി പ്രതികരിച്ചിട്ടുണ്ടോ എന്ന് അറിയിക്കാമോ;

സംസ്ഥാനത്തെ വിദ്യാഭ്യാസ മികവിന്റെ അടിസ്ഥാനത്തില്‍ ലോകബാങ്ക് സഹായത്തോടെയുള്ള സ്റ്റാര്‍സ് പദ്ധതിയില്‍ എത്ര തുകയാണ് അനുവദിച്ചിരിക്കുന്നത്; ഈ പദ്ധതി പ്രകാരം അദ്ധ്യാപന, പഠന പ്രവര്‍ത്തനങ്ങളില്‍ കൂടുതല്‍ മികവിനായി എന്തെല്ലാം പരിപാടികളാണ് ആസൂത്രണം ചെയ്തിരിക്കുന്നത്;

സ്കൂള്‍തല അക്കാദമിക മാസ്റ്റര്‍ പ്ലാനിന് അന്തിമ അംഗീകാരമായിട്ടുണ്ടോ; ഓരോ വിദ്യാലയത്തെയും ഉത്കൃഷ്ട സ്ഥാപനമാക്കുന്ന തരത്തിലാണോ മാസ്റ്റര്‍ പ്ലാന്‍ വിഭാവനം ചെയ്തിരിക്കുന്നതതെന്ന് വ്യക്തമാക്കാമോ?

സംസ്ഥാനത്ത് പൊതുമരാമത്ത് വകുപ്പിന്റെ നടപ്പ് വർഷത്തെ മഴക്കാല പൂർവ പ്രവൃത്തികൾക്ക് പണം അനുവദിച്ചെങ്കിലും പണികൾ നടക്കാത്തതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിശോധിച്ചിട്ടുണ്ടോ;

ഇക്കാര്യത്തിൽ റോഡ്, പരിപാലന വിഭാഗങ്ങൾ തമ്മിൽ തർക്കം ഉണ്ടായിട്ടുണ്ടോ;

എങ്കില്‍ ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

നവകേരളം കര്‍മപദ്ധതിയുടെ ഭാഗമായ വിദ്യാകിരണം പദ്ധതി പ്രകാരം സ്കൂളുകളെ സാങ്കേതികവിദ്യാ സൗഹൃദമാക്കുന്നതിനായി നടത്തിയ പ്രവര്‍ത്തനങ്ങളെ കുറിച്ച് വിശദമാക്കാമോ;

നിലവിലുള്ളതിന്റെ പതിന്മടങ്ങിലധികം വേഗതയുള്ള ബ്രോഡ്ബാന്റ് ഇന്റര്‍നെറ്റ് സൗകര്യം ഹൈസ്കൂള്‍, ഹയര്‍സെക്കന്ററി, വി.എച്ച്.എസ്.ഇ. സ്കൂളുകളിലെല്ലാം ഏര്‍പ്പെടുത്താന്‍ തീരുമാനമായിട്ടുണ്ടോ; ഇതുവഴി എന്തെല്ലാം നേട്ടങ്ങളാണ് ലക്ഷ്യമിടുന്നതെന്ന് വിശദമാക്കാമോ;

ഡിജിറ്റല്‍ വിഭവങ്ങളുടെ സമാഹാരമായ സമഗ്ര പോര്‍ട്ടലിലെ വിഭവങ്ങള്‍ ഫലപ്രദമായി വിനിയോഗിക്കാന്‍ ഇതുവഴി സൗകര്യം ലഭ്യമാകുമെന്ന് വിലയിരുത്തുന്നുണ്ടോ?

റോഡുകൾ ടാർ ചെയ്തതിന് പിന്നാലെ വെട്ടിപ്പൊളിച്ച് കുടിവെള്ള പൈപ്പ് ഇടുന്ന രീതിക്ക് മാറ്റം വരുത്തുന്നതിന് വകുപ്പ് നടപടി സ്വീകരിക്കുമോ;

പുതുതായി ടാർ ചെയ്ത റോഡുകൾ പൊളിക്കുന്നതിനുള്ള പുതിയ മാനദണ്ഡങ്ങള്‍ എന്തെല്ലാമെന്ന് വിശദീകരിക്കാമോ;

പുതിയ വാട്ടർ കണക്ഷൻ എടുക്കുന്നതിനും പുതുതായി പൈപ്പ് ഇടുന്നതിനുമായി അറ്റകുറ്റപ്പണികൾ ചെയ്തുതീർത്തതിനുശേഷം റോഡ് പൂര്‍വ സ്ഥിതിയിലാക്കുന്നതിന്റെ ഉത്തരവാദിത്തം ആർക്കാണെന്ന് അറിയിക്കാമോ?

പൊതുമരാമത്ത് വകുപ്പിലെ മെയിന്റനന്‍സ്, റോഡ്‌സ് വിഭാഗങ്ങള്‍ തമ്മിലുള്ള തര്‍ക്കമാണ് പ്രീ മണ്‍സൂണ്‍ അറ്റകുറ്റപ്പണികള്‍ വൈകാനുളള കാരണം എന്ന ആക്ഷേപം വസ്തുതാപരമാണോ;

എങ്കില്‍ ഇക്കാരണത്താൽ റോഡുകളിൽ മഴക്കാലത്തിന് മുമ്പ് അറ്റകുറ്റപ്പണികള്‍ നടത്താനുള്ള ടെൻഡർ നടപടികൾ വൈകിയിരുന്നോ; വിശദാംശം നൽകാമോ;

സംസ്ഥാനത്തെ റോഡുകളിലെ കുഴികള്‍ നികത്തുന്നതിന് അടിയന്തര നടപടികൾ സ്വീകരിക്കുമോ?

സംസ്ഥാനത്തെ പൊതുവിദ്യാഭ്യാസ മേഖലയെ അന്തർദേശീയ നിലവാരത്തിലേക്ക് ഉയർത്തുന്നതിന് എന്തെല്ലാം നടപടികൾ സ്വീകരിക്കാൻ ഉദ്ദേശിക്കുന്നുവെന്ന് വിശദമാക്കാമോ;

വിവര സാങ്കേതികവിദ്യയുടെ സഹായത്തോടെ ലോകോത്തര നിലവാരത്തിലുള്ള ബോധന സമ്പ്രദായവും പാഠ്യപദ്ധതിയും സംസ്ഥാനത്ത് നടപ്പിലാക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

സംസ്ഥാനത്തെ എല്ലാ പൊതുവിദ്യാലയങ്ങൾക്കും ഹൈസ്പീഡ് ഇന്റർനെറ്റ് കണക്റ്റിവിറ്റി ഉള്‍പ്പെടെയുളള ആധുനിക സാങ്കേതിക സൗകര്യങ്ങള്‍ ഉറപ്പാക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

ഹൈടെക് സ്കൂൾ പദ്ധതി പ്രകാരം പൊതുവിദ്യാലയങ്ങൾക്ക് ലഭിച്ച ഉപകരണങ്ങളുടെ മികച്ച പരിപാലനം ഉറപ്പുവരുത്തുന്നതിനുവേണ്ടി സ്വീകരിച്ചിട്ടുള്ള നടപടികള്‍ വിശദീകരിക്കുമോ?

സഹവിദ്യാഭ്യാസം നിഷേധിക്കുന്നത് ബാലാവകാശങ്ങളുടെയും ഭരണഘടന ഉറപ്പാക്കുന്ന ലിംഗ സമത്വത്തിന്റെയും ലംഘനമാണെന്ന് കണ്ട് അടുത്ത അദ്ധ്യയന വര്‍ഷം മുതല്‍ ആണ്‍, പെണ്‍ സ്കൂളുകള്‍ നിര്‍ത്തലാക്കണമെന്ന ശിപാർശ സര്‍ക്കാരിന് ലഭിച്ചിട്ടുണ്ടോ; വിശദാംശം ലഭ്യമാക്കാമോ;

സ്കൂള്‍ വിദ്യാര്‍ത്ഥികള്‍ക്ക് യൂണിഫോം കോഡ് ഏര്‍പ്പെടുത്തുന്നതിന് തീരുമാനിച്ചിട്ടുണ്ടോ; എങ്കിൽ വിശദമാക്കാമോ;

ചില സ്കൂളുകളില്‍ അധികൃതര്‍ സ്വമേധയാ ജെൻഡർ ന്യൂട്രല്‍ യൂണിഫോമുകള്‍ നടപ്പിലാക്കിവരുന്നത് സംബന്ധിച്ച് പ്രത്യേകമായ നിലപാട് സ്വീകരിച്ചിട്ടുണ്ടോ; എങ്കിൽ വിശദമാക്കാമോ?

ഇടപ്പളളി-മണ്ണുത്തി ​ദേശീയപാതയില്‍ നെടുമ്പാശ്ശേരിയിൽ രണ്ടടിയോളം ആഴമുളള കുഴിയിൽ വീണ് ബൈക്ക് യാത്രക്കാരന്‍ മരിച്ചതിനെ തുടർന്ന് സംസ്ഥാനത്തെ വിവിധ റോഡുകളുടെ നിലവിലെ അവസ്ഥ പരിശോധിച്ചിട്ടുണ്ടോ;

ദേശീയ പാതകളിലെയും പൊതുമരാമത്ത് റോഡുകളിലെയും കുഴികൾ മൂടി ഗതാഗത യോഗ്യമാക്കാൻ നടപടി സ്വീകരിച്ചിട്ടുണ്ടോ;

പൊതുമരാമത്ത് റോഡുകളുടെ നടപ്പുവർഷത്തെ അറ്റകുറ്റപ്പണികള്‍ക്കായി അനുവദിച്ച തുക മഴക്കാലത്തിന് മുൻപ് ഉപയോഗിക്കുന്നതിൽ ഉദ്യോഗസ്ഥർക്ക് വീഴ്ച ഉണ്ടായിട്ടുണ്ടോ; എങ്കിൽ അതിന്റെ കാരണം കണ്ടെത്തിയിട്ടുണ്ടോ;

മഴക്കാലത്തിന് മുൻപ് റോഡുകൾ അറ്റകുറ്റപ്പണി നടത്താത്തവർ​ക്കെതിരെ എന്തെല്ലാം നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

ദേശീയപാതയിലും പൊതുമരാമത്ത് റോഡുകളിലും ഉണ്ടാകുന്ന കുഴികളില്‍ വീണ് നിരവധി പേര്‍ക്ക് ജീവന്‍ നഷ്ടപ്പെടുകയും സാരമായി പരിക്കേല്‍ക്കുകയും ചെയ്യുന്ന സംഭവങ്ങൾ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

സംസ്ഥാനത്തെ റോഡുകളിൽ മഴയ്ക്ക് മുന്‍പുള്ള അറ്റകുറ്റപ്പണികള്‍ സമയബന്ധിതമായി നടത്തുന്നതിൽ വീഴ്ച വന്നിട്ടുണ്ടോ; എങ്കില്‍ കാരണം വിശദമാക്കാമോ?

ഒഡെപെക് മുഖേന വിദേശ ജോലി ലഭിക്കുന്നത് സംബന്ധിച്ച് കോവിഡാനന്തരം എന്തൊക്കെ മാറ്റങ്ങളാണ് ഉണ്ടായിട്ടുള്ളത് എന്ന് അറിയിക്കാമോ; ജോലി ലഭ്യതയില്‍ വര്‍ദ്ധനയുണ്ടായിട്ടുണ്ടോ എന്ന് വ്യക്തമാക്കാമോ;

വിദഗ്ദ്ധ വിഭാഗം തൊഴിലന്വേഷകര്‍ക്ക് പുറമേ അര്‍ദ്ധവിദഗ്ദ്ധ, അവിദഗ്ദ്ധ തൊഴിലാളികളടക്കമുള്ള മറ്റ് തൊഴിലാളികള്‍ക്കും ഒഡെപെക് മുഖേന വിദേശ തൊഴില്‍ ലഭ്യമാക്കാന്‍ നടപടി സ്വീകരിക്കുമോ;

വിദേശത്ത് ഉപരിപഠനത്തിനുള്ള സൗകര്യം ഒഡെപെക് ഏര്‍പ്പെടുത്തുന്നുണ്ടോയെന്ന് വിശദമാക്കാമോ;

വിദേശത്ത് തൊഴിലിനും ഉപരിപഠനത്തിനും ആവശ്യമായ ഭാഷാപഠനങ്ങള്‍ക്ക് ഒഡെപെക് സൗകര്യം ചെയ്തുനല്‍കുന്നുണ്ടോ; ഇല്ലെങ്കിൽ ഇതിനായി സംവിധാനം ഏര്‍പ്പെടുത്തുമോ?

സംസ്ഥാനത്തിന്റെ വാണിജ്യ വ്യവസായ പുരോഗതിയിൽ ചരിത്രാതീത കാലം മുതൽ നിർണായക പങ്ക് വഹിച്ച ചെറുകിട തുറമുഖങ്ങളുടെ അടിസ്ഥാന സൗകര്യ വികസനത്തിനുവേണ്ടി നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

വിനോദസഞ്ചാര വികസനത്തിനും ചരക്ക് നീക്കത്തിനും നിർണായക പങ്കുവഹിക്കാൻ ഉതകുന്ന തരത്തിൽ സംസ്ഥാനത്തെ തുറമുഖങ്ങളെ ബന്ധിപ്പിച്ചുകൊണ്ട് കപ്പൽ സർവീസ് വർദ്ധിപ്പിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

ചെറുകിട, ഇടത്തരം തുറമുഖങ്ങൾ കൂടുതൽ ഉപയോഗപ്പെടുത്തി കണ്ടെയ്‍നർ സർവീസ് വർദ്ധിപ്പിക്കുന്നതിനുവേണ്ടി നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

ഭാരത് മാല പരിയോജന പദ്ധതിയിലൂടെ റോഡ് മാർഗം വിവിധ തുറമുഖങ്ങളെ തമ്മിൽ ബന്ധിപ്പിക്കുന്നതിനുള്ള പദ്ധതി പുരോഗമിക്കുന്ന സാഹചര്യത്തിൽ തുറമുഖങ്ങളുടെ വികസന പ്രവർത്തനങ്ങൾ ത്വരിതപ്പെടുത്തുന്നതിനായുള്ള സാധ്യതകൾ പരിശോധിക്കുമോ; വിശദാംശം ലഭ്യമാക്കുമോ?

സംസ്ഥാനത്ത് ദേശീയപാതകളില്‍ തുടരെയുണ്ടാകുന്ന അപകടങ്ങളെയും കുഴിയില്‍ വീണ് ഒരാള്‍ മരണപ്പെട്ടതിനെയും തുടര്‍ന്ന് ദേശീയപാതകളുടെ അറ്റകുറ്റപ്പണി നടത്തേണ്ടത് സംസ്ഥാന സര്‍ക്കാരാണെന്നുള്ള നിലയില്‍ ചിലര്‍ ചില മാധ്യമങ്ങളുടെ സഹായത്തോടെ നടത്തുന്ന ദുഷ്‌പ്രചരണങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതുസംബന്ധിച്ച വസ്തുതാപരമായ യാഥാര്‍ത്ഥ്യമെന്തെന്ന് വിശദമാക്കുമോ;

സംസ്ഥാനത്തെ ദേശീയപാതകളിലെ കുഴികള്‍ അടിയന്തരമായി അടയ്ക്കണമെന്ന് ദേശീയപാത അതോറിറ്റിയോട് ഹെെക്കോടതി ആവശ്യപ്പെട്ടിരുന്നോ; റോഡിലെ കുഴികള്‍ അടയ്ക്കുന്നതിനായി ദേശീയപാത അതോറിറ്റി സഹായം അഭ്യര്‍ത്ഥിച്ചിരുന്നോ; വിശദമാക്കാമോ;

സംസ്ഥാനത്തെ ദേശീയപാതയില്‍ ഇടപ്പള്ളി മുതല്‍ മണ്ണുത്തി വരെയുള്ള റോഡ് നിര്‍മാണത്തില്‍ വന്‍ ക്രമക്കേട് നടന്നിട്ടുള്ളതായി സി.ബി.ഐ. അന്വേഷണത്തില്‍ കണ്ടെത്തിയിട്ടുണ്ടോ; എങ്കില്‍ ഇതില്‍ കുറ്റക്കാരായവര്‍ക്കെതിരെ നിയമ നടപടികള്‍ പൂര്‍ത്തിയായിട്ടുണ്ടോ; വിശദമാക്കാമോ?

സംസ്ഥാനത്ത് പ്രകൃതി ദുരന്തത്തില്‍പ്പെട്ടവര്‍ക്കുള്ള നഷ്ടപരിഹാരം കണക്കാക്കുന്ന രീതി വ്യക്തമാക്കാമോ; സമീപ കാലത്ത് കാലാവസ്ഥാ ദുരന്തങ്ങള്‍ തുടരെയുണ്ടാകുന്ന സാഹചര്യത്തില്‍ അതു സംബന്ധിച്ച് മാനദണ്ഡം തയ്യാറാക്കാന്‍ പ്രത്യേക സമിതിയെ നിയോഗിക്കാന്‍ ഉദ്ദേശിക്കുന്നുണ്ടോ;

നിലവില്‍ ഇപ്രകാരമുള്ള സമിതിയെ നിയോഗിച്ചിട്ടുണ്ടെങ്കില്‍ പ്രസ്തുത സമിതിയുടെ പ്രധാന നിരീക്ഷണങ്ങളും ശിപാര്‍ശകളും വിശദമാക്കാമോ;

വിവിധ വകുപ്പുകളെ ഏകോപിപ്പിച്ച് ദുരന്തബാധിതരുടെ നഷ്ടം കൃത്യമായി കണക്കാക്കി അര്‍ഹതപ്പെട്ട നഷ്ടപരിഹാരം കാലതാമസമില്ലാതെ വിതരണം ചെയ്യാന്‍ നടപടി സ്വീകരിക്കുമോ?

കഴിഞ്ഞ സര്‍ക്കാരിന്റെയും ഈ സര്‍ക്കാരിന്റേയും ക്രിയാത്മക നിലപാടുകാെണ്ട് സംസ്ഥാനത്ത് ദേശീയപാതാ വികസനം മികച്ച രീതിയില്‍ നടക്കുന്നതായി ദേശീയപാതയുടെ ചുമതല വഹിക്കുന്ന കേന്ദ്ര മന്ത്രി പ്രസ്താവിച്ചതായുള്ള വാര്‍ത്ത ശ്രദ്ധയില്‍പ്പെട്ടിരുന്നാേ; വ്യക്തമാക്കുമോ;

കഴിഞ്ഞ സര്‍ക്കാരിന്റെ കാലത്ത് ദേശീയപാതാ വികസനം അട്ടിമറിക്കാന്‍ ചില രാഷ്ട്രീയ കക്ഷികള്‍ ശ്രമം നടത്തിയിരുന്നതായി ശ്രദ്ധയിൽപ്പെട്ടിട്ടുണ്ടോ; ഇത്തരക്കാരില്‍ ചിലര്‍ രാഷ്ട്രീയ ലക്ഷ്യത്താേടെ ദേശീയപാതാ വികസനത്തിന്റെ യശസ്സ് അവകാശപ്പെടാൻ നടത്തുന്നതായി പറയപ്പെടുന്ന ശ്രമങ്ങള്‍ ശ്രദ്ധയില്‍പ്പെട്ടിട്ടുണ്ടാേ;

ഭൂമി ഏറ്റെടുക്കലിന് സംസ്ഥാന വിഹിതം നല്കികാെണ്ടും ഭൂമി ഏറ്റെടുക്കലില്‍ നേരിട്ട എതിര്‍പ്പുകളെ അനുഭാവപൂര്‍ണ്ണമായ ഇടപെടലിലൂടെ മറികടന്നും ഭൂമിയേറ്റെടുക്കല്‍ പൂര്‍ത്തിയാക്കാനായിട്ടുണ്ടാേ;

ദേശീയപാത 66-ന്റെ വികസനത്തില്‍ നിലവില്‍ കെെവരിച്ചിട്ടുള്ള പുരാേഗതി അറിയിക്കാമാേ?

വിഴിഞ്ഞം തുറമുഖ ആദ്യഘട്ട നിർമാണ കാലയളവ് പൂർത്തിയായി വർഷങ്ങൾ കഴിഞ്ഞിട്ടും ആദ്യഘട്ട നിർമാണം പൂര്‍ത്തിയാകാത്ത സാഹചര്യത്തില്‍ കരാർ പ്രകാരം കമ്പനിയിൽ നിന്നും പ്രതിദിനം പന്ത്രണ്ട് ലക്ഷം രൂപ പിഴ ഈടാക്കാൻ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

എങ്കില്‍ ഏത് തീയതി മുതൽ പിഴ ഈടാക്കാനാണ് തീരുമാനിച്ചിരിക്കുന്നതെന്ന് വെളിപ്പെടുത്താമോ;

കരാർ വ്യവസ്ഥകൾ ലംഘിച്ചതിനെത്തുടർന്ന് അദാനി കമ്പനിക്കെതിരെ കരാർ പ്രകാരമുള്ള നിയമ നടപടി സ്വീകരിച്ചിട്ടുണ്ടോയെന്നും എങ്കില്‍ അവ എന്തായിരുന്നുവെന്നും വിശദമാക്കാമോ;

പ്രശ്ന പരിഹാരത്തിനുള്ള ആർബിട്രേഷൻ നടപടികളിൽ കമ്പനിയുടെയും സർക്കാരിന്റെയും നിലപാടുകള്‍ എന്തായിരുന്നുവെന്ന് വ്യക്തമാക്കാമോ?

സംസ്ഥാനത്ത് ലൈസന്‍സുള്ളതിനെക്കാള്‍ പത്തിരട്ടിയോളം അനധികൃത ക്വാറികൾ പ്രവർത്തിക്കുന്നതായി കണ്ടെത്തിയിട്ടുണ്ടോ; എങ്കില്‍ വ്യക്തമാക്കാമോ;

ക്വാറികളുടെ എണ്ണം വർദ്ധിപ്പിച്ചതിനാൽ അവ ഉരുൾപൊട്ടലിനും ഭൂകമ്പത്തിനും കാരണമാകുന്നുണ്ടോ എന്ന് പരിശോധിച്ചിട്ടുണ്ടോ; വിശദമാക്കാമോ;

അനധികൃത ക്വാറികളുടെ പ്രവർത്തനം തടയുന്നതിനും ലൈസൻസുളള ക്വാറികളുടെ പ്രവർത്തനം നിയന്ത്രിക്കുന്നതിനും നടപടി സ്വീകരിക്കാൻ ഉദ്ദേശിക്കുന്നുണ്ടോ; വിശദാംശം നൽകുമോ?

സംസ്ഥാനത്ത് ഇടിമിന്നൽ മൂലമുണ്ടാകുന്ന ദുരന്തങ്ങളും മരണങ്ങളും വർദ്ധിച്ച് വരുന്നതായി കണ്ടെത്തിയിട്ടുണ്ടോ;

ഇടിമിന്നൽ മൂലമുണ്ടാകുന്ന ദുരന്തങ്ങൾ ലഘൂകരിക്കാൻ എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശം നൽകുമോ;

ഇക്കാര്യത്തിൽ സ്വീകരി​ക്കേണ്ട സുരക്ഷാ നിർദ്ദേശങ്ങൾ സംബന്ധിച്ച് ബോധവല്‍ക്കരണം നടത്താൻ നടപടി സ്വീകരിക്കുമോ?

സംസ്ഥാനത്തിന്റെ തനത് സംസ്കാരവും കലയും ഭക്ഷ്യ വിഭവങ്ങളും വിദേശ, ആഭ്യന്തര വിനോദസഞ്ചാരികള്‍ക്ക് അനുഭവവേദ്യമാക്കി വിനോദസഞ്ചാരം പ്രോത്സാഹിപ്പിക്കുന്നതിന് പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കുമോ;

ഓണാഘോഷത്തിന് ഉത്സവഛായ പകര്‍ന്നുകൊണ്ട് ലോക പൂക്കള മത്സരവും പാചക മത്സരവും നടത്തി കൂടുതല്‍ വിനോദസഞ്ചാരികളെ ആകര്‍ഷിക്കാന്‍ പദ്ധതി തയ്യാറാക്കിയിട്ടുണ്ടോ;

സംസ്ഥാനത്തെ വിനോദസഞ്ചാര കേന്ദ്രങ്ങള്‍ ആകര്‍ഷകവും എത്തിപ്പെടാന്‍ അനായാസകരവും ആക്കുന്നതിനോടൊപ്പം വിനോദസഞ്ചാരികൾക്ക് സുരക്ഷയും കാഴ്ചകള്‍ നിര്‍ഭയമായി ആസ്വദിക്കാനുള്ള സാഹചര്യവും ഒരുക്കാൻ നടത്തുന്ന പ്രവര്‍ത്തനങ്ങള്‍ വിശദമാക്കാമോ?

സംസ്ഥാനത്ത് പൊതുമരാമത്ത് വകുപ്പിന്‍ കീഴിലുള്ള റോഡുകളുടെ പരിപാലനം കാര്യക്ഷമമാക്കാന്‍ സര്‍ക്കാര്‍ നടത്തിയ പ്രവര്‍ത്തനങ്ങള്‍ വിശദമാക്കാമോ;

റോഡ് മെയിന്റനന്‍സ് മാനേജ്മെന്റിന്റെ ഭാഗമായും മഴക്കാല പൂര്‍വ്വ അറ്റകുറ്റപ്പണികളായും എത്ര കിലോമീറ്റര്‍ റോഡ് ഗതാഗതയോഗ്യമാക്കിയിട്ടുണ്ടെന്ന് അറിയിക്കാമോ;

അറ്റകുറ്റപ്പണിക്ക് പ്രത്യേക കര്‍മസംഘത്തിന് രൂപം നല്‍കിയിട്ടുണ്ടോ;

പൊതുജനങ്ങളില്‍ നിന്നും ലഭിക്കുന്ന പരാതികള്‍ ഉടനടി പരിഹരിക്കാന്‍ സംവിധാനം ഏര്‍പ്പെടുത്തിയിട്ടുണ്ടോ; അറ്റകുറ്റപ്പണികളുടെ പുരോഗതി വിലയിരുത്താന്‍ നിയോജക മണ്ഡലാടിസ്ഥാനത്തില്‍ നോഡല്‍ ഓഫീസര്‍മാരെ നിയോഗിച്ചിട്ടുണ്ടോ; വിശദമാക്കാമോ?