മുന്‍സര്‍ക്കാരിന്റെ കാലത്ത് മണലൂര്‍ മണ്ഡലത്തിൽ ലൈഫ് പദ്ധതിയിലും മറ്റ് പദ്ധതികളിലുമായി എത്ര പട്ടികജാതി കുടുംബങ്ങള്‍ക്ക് വീട് നിര്‍മ്മിച്ച് നല്‍കിയെന്ന് അറിയിക്കുമോ;

എത്ര വീടുകളുടെ നിര്‍മ്മാണം പുരോഗമിക്കുന്നുവെന്ന് അറിയിക്കാമോ?

ആലപ്പുഴ മണ്ഡലത്തില്‍ നിലവില്‍ ഭവനരഹിതരായ എത്ര പട്ടികജാതി/പട്ടികവര്‍ഗ്ഗ കുടുംബങ്ങളാണുളളതെന്നും ഇതില്‍ ഭൂരഹിതരായവര്‍ എത്രയെന്നുമുളള വിവരം പഞ്ചായത്ത്, മുനിസിപ്പാലിറ്റി അടിസ്ഥാനത്തില്‍ ലഭ്യമാക്കുമോ;

ഇവരില്‍ എത്രപേര്‍ ലെെഫ് മിഷന്‍ പദ്ധതി മുന്‍ഗണനാപട്ടികയില്‍ ഉള്‍പ്പെട്ടിട്ടുണ്ട്; വിശദാംശം നല്‍കുമോ;

മുന്‍ സര്‍ക്കാരിന്റെ കാലത്ത് പ്രസ്തുത മണ്ഡലത്തില്‍ ലെെഫ് മിഷന്‍ പദ്ധതി, മറ്റ് ഭവനപദ്ധതികള്‍ എന്നിവയില്‍ ഉള്‍പ്പെടുത്തി എത്ര പട്ടികജാതി, പട്ടികവര്‍ഗ്ഗ കുടുംബങ്ങളുടെ ഭവന നിര്‍മ്മാണമാണ് പൂര്‍ത്തീകരിച്ചിട്ടുളളതെന്ന വിവരം പഞ്ചായത്ത്, മുനിസിപ്പാലിറ്റി അടിസ്ഥാനത്തില്‍ ലഭ്യമാക്കാമോ?

സംസ്ഥാനത്ത് സ്വന്തമായി വീടില്ലാത്ത പട്ടികജാതി, പട്ടികവര്‍ഗ്ഗ വിഭാഗത്തില്‍പ്പെട്ട കുടുംബങ്ങള്‍ എത്രയാണെന്ന് ജില്ല തിരിച്ച് കണക്ക് ലഭ്യമാക്കാമോ ;

തിരൂര്‍ നിയോജക മണ്ഡലത്തില്‍ സ്വന്തമായി വീടില്ലാത്ത പട്ടികജാതി, പട്ടികവര്‍ഗ്ഗ വിഭാഗത്തില്‍പ്പെട്ട എത്ര കുടുംബങ്ങളുണ്ടെന്ന് പഞ്ചായത്തുകള്‍ തിരിച്ച് കണക്ക് ലഭ്യമാക്കാമോ;

സംസ്ഥാനത്ത് പട്ടികജാതി, പട്ടികവര്‍ഗ്ഗ വിഭാഗത്തിലെ സ്വന്തമായി വീടില്ലാത്ത കുടുംബങ്ങള്‍ക്ക് വീട് ഉറപ്പാക്കുന്നതിന് സ്വീകരിച്ചു വരുന്ന നടപടികള്‍ എന്തൊക്കെയാണ്; വിശദവിവരം അറിയിക്കാമോ?

കൽപ്പറ്റ മണ്ഡലത്തില്‍ നിലവില്‍ ഭവനരഹിതരായ എത്ര പട്ടികജാതി, പട്ടികവര്‍ഗ്ഗ കുടുംബങ്ങൾക്കാണ് ലൈഫ് പദ്ധതിയിൽ ഉൾപ്പെടുത്തി ഭവനം നിർമ്മിച്ചു നൽകുന്നതിനുള്ള നടപടി സ്വീകരിച്ചിട്ടുള്ളത്; വിവരങ്ങൾ പഞ്ചായത്ത് അടിസ്ഥാനത്തില്‍ ലഭ്യമാക്കാമോ;

ഭൂരഹിതരായ പ്രസ്തുത വിഭാഗത്തിൽപ്പെട്ട എത്ര പേർക്ക് 2016 മുതൽ 2021 വരെ ഭവനം നിർമ്മിക്കുന്നതിന് വേണ്ടി ഭൂമി അനുവദിച്ചിട്ടുണ്ട്; പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

പ്രസ്തുത വിഭാഗത്തിൽപ്പെട്ടവർക്ക് ഭവനം നിർമ്മിക്കുന്നതിനായി സ്ഥലം വാങ്ങുന്നതിന് സ്വീകരിക്കേണ്ട നടപടി ക്രമങ്ങൾ എന്തെല്ലാം; ഇതിനായി അനുവദിക്കുന്ന തുകയെത്ര; വിശദാംശങ്ങൾ ലഭ്യമാക്കാമോ?

സംസ്ഥാനത്ത് പട്ടികജാതി- പട്ടികവര്‍ഗ്ഗ വിഭാഗത്തിൽപ്പെട്ട ഭവനരഹിതര്‍ക്ക് വീട് നിർമ്മാണത്തിനായി നൽകിയ തുക പര്യാപ്തമല്ലാത്തതിനാൽ നിര്‍മ്മാണം പൂര്‍ത്തീകരിക്കാന്‍ സാധിച്ചില്ല എന്നത് പരിശോധനാ വിധേയമാക്കിയിട്ടുണ്ടോ; എങ്കില്‍ ഇത് പരിഹരിക്കാന്‍ സ്വീകരിച്ച നടപടികള്‍ വിശദമാക്കുമോ;

വീട് നിര്‍മ്മാണത്തിനായി അനുവദിക്കുന്ന തുക വര്‍ദ്ധിപ്പിക്കുകയും പലിശരഹിത വായ്പ നല്‍കി പൂര്‍ത്തീകരിക്കാത്ത വീടുകള്‍ പൂര്‍ത്തിയാക്കാന്‍ ആവശ്യമായ സാഹചര്യം സൃഷ്ടിക്കുകയും ചെയ്യുമോ എന്ന് വ്യക്തമാക്കാമോ; ?

കരുനാഗപ്പള്ളി നിയോജകമണ്ഡലത്തിലെ ഭൂരഹിതരും ഭവനരഹിതരുമായ പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ടവരുടെ എണ്ണം തിട്ടപ്പെടുത്തിയിട്ടുണ്ടോ; ഉണ്ടെങ്കില്‍ എത്രയെന്ന് അറിയിക്കുമോ?

സംസ്ഥാനത്ത് ഭൂമിയുള്ള ഭവനരഹിതരായി കണ്ടെത്തിയിട്ടുള്ള പട്ടികവർഗ്ഗ കുടുംബങ്ങളുടെ എണ്ണം എത്രയാണെന്ന് വ്യക്തമാക്കാമോ;

ഇവര്‍ ലൈഫ് പദ്ധതി പ്രകാരം ഭൂമിയുള്ള ഭവനരഹിതർ എന്ന വിഭാഗത്തിൽ ഉൾപ്പെടുന്നുണ്ടോ; വ്യക്തമാക്കാമോ;

ഇല്ലെങ്കില്‍ ലൈഫ് പദ്ധതിയിൽ നിന്നും ഒഴിവാക്കപ്പെട്ടവർക്കായി പ്രത്യേക ഭവന നിർമ്മാണ പദ്ധതി ആവിഷ്കരിക്കുമോ; വിശദാംശം നൽകാമോ?

പാറശ്ശാല നിയോജകമണ്ഡലത്തില്‍ ഭവനം നിര്‍മ്മിക്കാന്‍ സ്വന്തമായി ഭൂമിയില്ലാത്ത എത്ര ആദിവാസി കുടുംബങ്ങള്‍ ഉണ്ടെന്നതിന്റെ വിശദാംശങ്ങള്‍ പഞ്ചായത്ത് അടിസ്ഥാനത്തില്‍ ലഭ്യമാക്കാമോ;

ഇവരില്‍ എത്ര കുടുംബങ്ങള്‍ ലെെഫ് മിഷന്‍ മുന്‍ഗണന പട്ടികയില്‍ ഉള്‍പ്പെട്ടിട്ടുണ്ടെന്ന് വ്യക്തമാക്കുമോ?

സംസ്ഥാനത്ത് ഭൂരഹിതരായ പട്ടികജാതി പട്ടികവര്‍ഗ്ഗത്തില്‍പ്പെട്ടവര്‍ക്കായി പുറമ്പോക്ക് ഭൂമി, മിച്ചഭൂമി എന്നിവ കണ്ടെത്തി വിതരണം ചെയ്യുന്ന പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

ഭൂരഹിതരായവര്‍ക്ക് എന്നത്തേക്ക് ഭൂമി വിതരണം ചെയ്യാനാകുമെന്നാണ് പ്രതീക്ഷിക്കുന്നത്; വിശദമാക്കുമോ?

ആലപ്പുഴ നിയോജകമണ്ഡലത്തില്‍ എത്ര പട്ടികജാതി പട്ടികവര്‍ഗ്ഗ കോളനികളാണുള്ളതെന്ന് വ്യക്തമാക്കാമോ;

പ്രസ്തുത കോളനികളുടെ നവീകരണത്തിനായി എന്തൊക്കെ പ്രവൃത്തികളാണ് നടത്തിവരുന്നതെന്നും അതിന്റെ നിലവിലെ സ്ഥിതിയെന്താണെന്നും വിശദീകരിക്കുമോ;

ഇനിയും നവീകരിക്കേണ്ട കോളനികളില്‍ പുതുതായി എന്തൊക്കെ പദ്ധതികള്‍ ആരംഭിക്കാന്‍ ഉദ്ദേശിക്കുന്നുവെന്ന് വ്യക്തമാക്കാമോ ?

കൊണ്ടോട്ടി ബ്ലോക്കിലെ ചേലേമ്പ്ര ഗ്രാമ പഞ്ചായത്തിലെ പത്താം വാര്‍ഡിലെ ചീനാടം കോളനിയെ അംബേദ്‌കര്‍ ഗ്രാമം പദ്ധതിയില്‍ ഉള്‍പ്പെടുത്തുന്നത്തിനുള്ള നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത വിഷയവുമായി ബന്ധപ്പെട്ട് പട്ടികജാതി വികസന വകുപ്പില്‍ സ്വീകരിച്ച് വരുന്ന നടപടികള്‍ എന്തെല്ലാമാണ് വിശദമാക്കാമോ?

തിരൂര്‍ നിയോജകമണ്ഡലത്തിലെ പട്ടികജാതി-പട്ടികവര്‍ഗ്ഗ കോളനികളിലേക്കുളള തകരാറിലായ ഏതെല്ലാം റോഡുകള്‍ അറ്റകുറ്റപ്പണികൾ നടത്താനുണ്ടെന്നും ഏതെല്ലാം റോഡുകളുടെ പ്രവൃത്തികൾക്ക് ഭരണാനുമതി ലഭിച്ചിട്ടുണ്ടെന്നും വ്യക്തമാക്കുമോ;

പ്രസ്തുത പ്രവൃത്തികള്‍ ഓരോന്നും നിലവില്‍ ഏത് ഘട്ടത്തിലാണെന്നും ഏതൊക്കെ ഏജന്‍സികളാണ് പ്രവൃത്തികള്‍ ഏറ്റെടുത്ത് ചെയ്യുന്നതെന്നുമുള്ള വിശദവിവരം ലഭ്യമാക്കുമോ?

അംബേദ്കര്‍ സ്വയം പര്യാപ്ത ഗ്രാമ പദ്ധതി എല്ലാ പട്ടികജാതി കോളനികളുടേയും സമഗ്ര വികസനത്തിനായി നടപ്പിലാക്കുവാന്‍ നടപടി സ്വീകരിക്കുമോ;

കോളനികളിലെ കുടുംബങ്ങളുടെ എണ്ണം മാനദണ്ഡമാക്കുന്നതിനു പകരം പിന്നോക്കാവസ്ഥ കണക്കിലെടുത്ത് വ്യത്യസ്ത പദ്ധതി നടപ്പാക്കുവാന്‍ ആവശ്യമായ നടപടികള്‍ സ്വീകരിക്കുമോ?

കണ്ണൂർ ജില്ലയിലെ കല്ല്യാശ്ശേരി മണ്ഡലത്തിലെ അംബേദ്കർ സ്വയംപര്യാപ്ത ഗ്രാമം പദ്ധതിയിൽ ഉൾപ്പെടുത്തിയ പട്ടുവം ഗ്രാമപഞ്ചായത്തിലെ മുതുകുട കോളനി, കുഞ്ഞിമംഗലം ഗ്രാമപഞ്ചായത്തിലെ വള്ളുവ കോളനി എന്നിവിടങ്ങളിലെ പ്രവൃത്തികളുടെ എസ്റ്റിമേറ്റ് തയ്യാറാക്കി പ്രവൃത്തി ആരംഭിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

ബാലുശ്ശേരി ഉണ്ണികുളം ഗ്രാമപഞ്ചായത്തിലെ കരിങ്കാളിമ്മല്‍ കോളനി നവീകരണത്തിന്റെ ഭാഗമായുള്ള പ്രവൃത്തികൾ പൂര്‍ത്തീകരിക്കാത്തതിന്റെ കാരണം അറിയിക്കാമോ;

ഏതെങ്കിലും പ്രവൃത്തി പൂര്‍ത്തിയാക്കുന്നതിന് സര്‍ക്കാരിന്റെ പ്രത്യേക അനുമതി ലഭിക്കേണ്ടതുണ്ടോ; ഉണ്ടെങ്കില്‍ അടിയന്തരമായി അനുമതി നല്‍കുന്നതിനുള്ള നടപടി സ്വീകരിക്കുമോ?

മഞ്ചേശ്വരം താലൂക്കിലെ എസ്.സി./എസ്.ടി. കോളനികളുടെ വിവരങ്ങൾ പഞ്ചായത്ത് തിരിച്ച് ലഭ്യമാക്കാമോ;

ഓരോ കോളനികളിലുമുള്ള വീടുകളുടെ എണ്ണം, കുടിവെള്ള ലഭ്യത, ജലസ്രോതസ്സുകളുടെ തരം എന്നിവ വിശദമാക്കുമോ;

പ്രസ്തുത കോളനികളിൽ വീടില്ലാത്തവരുടെയും വാസയോഗ്യമായ വീടില്ലാത്തവരുടെയും വിവരങ്ങൾ ലഭ്യമാക്കുമോ;

കുടിവെള്ള സൗകര്യങ്ങളില്ലാത്ത കോളനികളുടെ പേരുവിവരങ്ങൾ പഞ്ചായത്ത് തിരിച്ച് ലഭ്യമാക്കുമോ;

പ്രസ്തുത കോളനികളിലെ വൈദ്യുതി ഇല്ലാത്ത വീടുകളുടെ എണ്ണം കോളനിയും പഞ്ചായത്തും തിരിച്ച് ലഭ്യമാക്കുമോ;

റോഡ് സൗകര്യമില്ലാത്തതും ഗതാഗത യോഗ്യമല്ലാത്ത റോഡുകളുള്ളതുമായ കോളനികളുടെ വിശദവിവരങ്ങൾ ലഭ്യമാക്കുമോ?

ഇരിക്കൂര്‍ നിയോജകമണ്ഡലത്തിൽ അംബേദ്കര്‍ സെറ്റില്‍മെന്റ് പദ്ധതി പ്രകാരം അനുമതി ലഭിച്ചിരുന്ന അഞ്ച് പട്ടികവര്‍ഗ്ഗ കോളനികളുടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചിട്ടുണ്ടോയെന്ന് വെളിപ്പെടുത്തുമോ;

പ്രസ്തുത നിര്‍മ്മാണ പ്രവൃത്തികൾ ഏത് ഏജന്‍സിയെയാണ്ഏല്‍പ്പിച്ചതെന്നും എന്നത്തേയ്ക്ക് ആയത് പൂര്‍ത്തീകരിക്കാന്‍ സാധിക്കുമെന്നും അറിയിക്കാമോ?

21/ 5/2020 തീയതിയിലെ ജി.ഒ. (ആർ.റ്റി.) നമ്പർ 449/2020/പ.വ.വി.വ. യുടെ അടിസ്ഥാനത്തിൽ പട്ടികജാതി വികസന വകുപ്പ് ഡയറക്ടറുടെ 20/10/2020 -ലെ ഡെവ-സി1-5025/2020 നമ്പർ ഉത്തരവ് പ്രകാരം വർക്കല മണ്ഡലത്തിലെ മുനിക്കുന്ന് കോളനിയുടെ നവീകരണത്തിന് ഫണ്ട് അനുവദിച്ചിട്ടുള്ളത് നിർവ്വഹണ ഏജൻസിയായ ജില്ലാ നിർമ്മിതി കേന്ദ്രത്തിന് കൈമാറിയിട്ടുണ്ടോയെന്ന് വ്യക്തമാക്കാമോ;

പ്രസ്തുത പ്രവൃത്തി അടിയന്തരമായി പൂർത്തിയാക്കുന്നതിനുള്ള നടപടി സ്വീകരിക്കുമോ?

നെന്മാറ നിയോജകമണ്ഡലത്തില്‍ നിലവിൽ എത്ര പട്ടികവര്‍ഗ്ഗ കുടുംബങ്ങളും എത്ര പട്ടികവര്‍ഗ്ഗ കോളനികളുമുണ്ടെന്ന് വിശദമാക്കുമോ;

പ്രസ്തുത മണ്ഡലത്തിൽ സ്വന്തമായി വീടില്ലാത്ത കുടുംബങ്ങളുണ്ടോ; ഉണ്ടെങ്കില്‍ എത്ര എണ്ണമാണെന്നും ഏതെല്ലാം പ്രദേശത്താണെന്നും വിശദമാക്കുമോ?

അംബേദ്കര്‍ കോളനികളില്‍ അടിസ്ഥാന സൗകര്യ വികസനം ഇല്ലാത്തതുമൂലം ജനങ്ങള്‍ ബുദ്ധിമുട്ട് അനുഭവിക്കുന്നതായി ശ്രദ്ധയിൽപ്പെട്ടിട്ടുണ്ടോ ; എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ ; വിശദമാക്കാമോ;

അംബേദ്കര്‍ ഗ്രാമം പദ്ധതിയില്‍ കോളനികളെ തെരഞ്ഞെടുത്തുവെങ്കിലും പല കോളനികളുടെയും നിര്‍മ്മാണം തുടങ്ങാന്‍ കഴിയാത്തതും തുടങ്ങിയവ പൂര്‍ത്തിയാക്കാന്‍ കഴിയാത്തതുമായ സാഹചര്യമുണ്ടോ; എങ്കില്‍ ഇത് പരിശോധിച്ച് ഉചിതമായ നടപടി സ്വീകരിക്കുമോ; വിശദമാക്കാമോ;

അടിസ്ഥാന വികസന രംഗത്തും ഇരട്ടവീടുകള്‍ ഒറ്റ വീടുകളാക്കി മാറ്റുന്നതിലും നടപടി സ്വീകരിക്കാത്തതിനാല്‍ കോളനി നിവാസികള്‍ കഷ്ടപ്പെടുന്നതായി പറയപ്പെടുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ ;

കോളനികളില്‍ താമസിക്കുന്നവര്‍ക്ക് യഥാര്‍ത്ഥ ഉടമസ്ഥാവകാശം ഇല്ലാത്തതിനാല്‍ പല വീടുകളും പൊളിച്ചിട്ട ശേഷം പണി നടത്താന്‍ കഴിയാത്ത അവസ്ഥ പരിശോധിക്കുമോ; വിശദമാക്കാമോ?

നെന്മാറ നിയോജകമണ്ഡലത്തില്‍ നിലവിൽ എത്ര പട്ടികജാതി കോളനികളുണ്ടെന്ന് വിശദമാക്കുമോ;

ഈ കോളനികളിലുള്ള എത്ര കുടുംബങ്ങള്‍ക്കാണ് സ്വന്തമായി വീട് ഇല്ലാത്തതെന്നും എത്ര കുടുംബങ്ങള്‍ക്കാണ് വാസയോഗ്യമായ വീട് ഇല്ലാത്തതെന്നും വിശദമാക്കുമോ;

പ്രസ്തുത വിഭാഗത്തില്‍പ്പെട്ടവര്‍ക്ക് അടിയന്തരമായി വീട് അനുവദിക്കാന്‍ ആവശ്യമായ നടപടി സ്വീകരിക്കുമോ?

സംസ്ഥാനത്തെ എല്ലാ പട്ടികവർഗ്ഗ കോളനികളിലും ഇന്റർനെറ്റ് കണക്ടിവിറ്റി ഉറപ്പാക്കുന്നതിന് സാധിച്ചിട്ടുണ്ടോ;

എത്ര കോളനികളിൽ പ്രസ്തുത പ്രവൃത്തികൾ പൂർത്തീകരിച്ചുവെന്നും ഇനിയെത്ര കോളനികളിൽ ആയത് പൂർത്തീകരിക്കാനുണ്ടെന്നും വ്യക്തമാക്കുമോ?

പാലക്കാട് ജില്ലയിലെ കുരക്കലകുളമ്പ്, ചിന്നകൗണ്ടന്നൂർ, ഓനാന്തറ എന്നീ പട്ടികജാതി കോളനികളിൽ അംബേദ്കർ ഗ്രാമവികസന പദ്ധതി പ്രകാരം വിവിധ പ്രവൃത്തികൾക്കായി വകയിരുത്തിയ തുകയെത്രയാണെന്നും എത്ര രൂപയുടെ പ്രവൃത്തികൾക്ക് ഭരണാനുമതി നൽകിയിട്ടുണ്ടെന്നുമുള്ള വിവരങ്ങൾ വിശദമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി എന്താണെന്നും പ്രവൃത്തികൾ എന്നത്തേക്ക് പൂർത്തിയാകുമെന്നും അറിയിക്കുമോ;

ചിന്നകൗണ്ടന്നൂർ പട്ടികജാതി കോളനിയുടെ വികസനത്തിനായി വകയിരുത്തിയ അൻപത് ലക്ഷം രൂപ പൂർണ്ണമായും വിനിയോഗിക്കുന്നതിന് പദ്ധതികൾ തയ്യാറാക്കി ഭരണാനുമതി നൽകിയിട്ടുണ്ടോ എന്ന് വ്യക്തമാക്കാമോ;

ഇല്ലെങ്കിൽ വകയിരുത്തിയ മുഴുവൻ തുകയും വിനിയോഗിക്കാൻ നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്തെ എസ്.സി/ എസ്.ടി കോളനികളുടെ നവീകരണത്തിനായി നടപ്പിലാക്കുന്ന അംബേദ്ക്കര്‍ ഗ്രാമം പദ്ധതികള്‍ സമയബന്ധിതമായി പൂര്‍ത്തിയാക്കാന്‍ കഴിയുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഇത്തരം കോളനികളുടെ പ്രവൃത്തി സമയബന്ധിതമായി പൂര്‍ത്തീകരിക്കുന്നതിന് ഇപ്പോള്‍ നടന്നുകൊണ്ടിരിക്കുന്ന പ്രവൃത്തി നിര്‍വ്വഹണ രീതിയില്‍ മാറ്റം വരുത്താന്‍ ആലോചിക്കുന്നുണ്ടോ?

അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തിയ മാനന്തവാടി മണ്ഡലത്തിലെ കോളനികളുടെ നിലവിലെ സ്ഥിതി അറിയിക്കാമോ;

പ്രസ്തുത പദ്ധതി ആരംഭിക്കാത്ത ഏതെങ്കിലും കോളനികള്‍ ഉണ്ടോ; ഉണ്ടെങ്കില്‍ വിശദാംശങ്ങള്‍ നല്‍കാമോ;

പ്രസ്തുത പദ്ധതി എപ്പോള്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്?

കോഴിക്കോട് നോര്‍ത്ത് നിയോജകമണ്ഡലത്തിലെ പട്ടികജാതി കോളനികളായ കുമ്മാട്ടിക്കുളം, അംബേദ്കര്‍ കോളനി എന്നിവയുടെ സമഗ്ര വികസനത്തിനായി എന്തെങ്കിലും പദ്ധതി ആവിഷ്കരിച്ചിരുന്നോ; ഉണ്ടെങ്കില്‍ ആയതിന്റെ നിലവിലെ അവസ്ഥ എന്താണെന്ന് വ്യക്തമാക്കുമോ;

പ്രസ്തുത പദ്ധതി എപ്പോള്‍ പൂര്‍ത്തീകരിക്കുവാനാണ് ഉദ്ദേശിക്കുന്നതെന്നും ഏത് ഏജന്‍സിയെയാണ് ഏല്‍പ്പിച്ചിട്ടുള്ളതെന്നും വ്യക്തമാക്കുമോ?

സ്വയംപര്യാപ്ത ഗ്രാമങ്ങള്‍, അംബേദ്കര്‍ സ്വയംപര്യാപ്ത ഗ്രാമങ്ങള്‍ എന്നീ പദ്ധതികൾ മുഖേന കൽപ്പറ്റ നിയോജകമണ്ഡലത്തിൽ നടപ്പിലാക്കാനുദ്ദേശിക്കുന്ന പദ്ധതികൾ ഏതെല്ലാമെന്നുള്ളതിന്റെ വിശദാംശങ്ങൾ പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത പദ്ധതികൾ ആസൂത്രണം ചെയ്ത് നടപ്പിലാക്കുന്നതിനായി ഏതെങ്കിലും കമ്മിറ്റികൾ രൂപീകരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ?

തിരൂരങ്ങാടി നിയോജകമണ്ഡലത്തിലെ അംബേദ്കര്‍ പദ്ധതി പ്രകാരമുളള എസ്.സി. കോളനി നവീകരണത്തിന്റെ ഭാഗമായുള്ള നിര്‍മ്മാണ പുരോഗതി വിശദമാക്കുമോ?

തിരൂര്‍ നിയോജകമണ്ഡലത്തില്‍ അംബേദ്കര്‍ ഗ്രാമവികസന പദ്ധതിയില്‍ ഉള്‍പ്പെടുത്തിയ കോളനികള്‍ ഏതൊക്കെയാണെന്നും ഇവയുടെ നവീകരണ പ്രവൃത്തികള്‍ ഏത് ഘട്ടത്തിലാണെന്നുമുളള വിവരം ലഭ്യമാക്കുമോ;

2021-22 സാമ്പത്തിക വര്‍ഷത്തെ അംബേദ്കര്‍ ഗ്രാമം പദ്ധതിയില്‍ പട്ടികജാതി കോളനികളെ തിരഞ്ഞെടുക്കുന്ന നടപടി ഏത് ഘട്ടത്തിലാണെന്ന് വ്യക്തമാക്കുമോ?

പട്ടികജാതി/പട്ടികവര്‍ഗ്ഗ കോളനികളിലേക്കുള്ള റോഡുകള്‍ നവീകരിക്കുന്നതിന് എന്തെല്ലാം പദ്ധതികളാണ് നിലവിലുള്ളതെന്ന് വ്യക്തമാക്കാമോ;

2018-19 മുതല്‍ കോര്‍പ്പസ് ഫണ്ടിലുള്‍പ്പെടുത്തി മാവേലിക്കര മണ്ഡലത്തില്‍ അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ?

അംബേദ്കര്‍ ഗ്രാമം പദ്ധതിയുടെ തുക വര്‍ദ്ധിപ്പിക്കുന്ന വിഷയം പരിഗണനയിലുണ്ടോയെന്ന് വിശദമാക്കാമോ;

ഈ വര്‍ഷം എത്ര പട്ടികജാതി കോളനികളിലാണ് അംബേദ്കര്‍ ഗ്രാമം പദ്ധതി നടപ്പിലാക്കുവാന്‍ ഉദ്ദേശിക്കുന്നതെന്ന് വിശദമാക്കാമോ;

പട്ടികജാതി/പട്ടികവര്‍ഗ്ഗ/ആദിവാസി മേഖലകളില്‍ തൊഴില്‍ അവസരങ്ങള്‍ വര്‍ദ്ധിപ്പിക്കുന്നതിന് നടപ്പിലാക്കുവാന്‍ ഉദ്ദേശിക്കുന്ന പദ്ധതികളെക്കുറിച്ച് വിശദമാക്കാമോ?

പട്ടികജാതി, പട്ടികവര്‍ഗ്ഗ വിഭാഗങ്ങള്‍ക്കെതിരെയുള്ള അതിക്രമം തടയുന്നതിനായി 1989-ലെ പട്ടികജാതി,പട്ടികവര്‍ഗ്ഗ (അതിക്രമം തടയല്‍) നിയമപ്രകാരം എത്ര കോടതികള്‍ സ്ഥാപിച്ചിട്ടുണ്ട്; വിശദമാക്കുമോ;

പ്രസ്തുത നിയമത്തിലെ വ്യവസ്ഥ പ്രകാരം ഓരോ ജില്ലയിലും കോടതികള്‍ സ്ഥാപിക്കാന്‍ നിര്‍ദ്ദേശമുണ്ടോ; വിശദമാക്കുമോ;

കോടതികള്‍ സ്ഥാപിക്കുന്നതുമായി ബന്ധപ്പെട്ട് ഹൈക്കോടതി രജിസ്ട്രാര്‍ ലഭ്യമാക്കിയ പ്രൊപ്പോസല്‍ പരിശോധിച്ചിട്ടുണ്ടോ; എങ്കിൽ എറണാകുളം ജില്ലയെ ഇതിൽ ഉള്‍പ്പെടുത്തിയിട്ടുണ്ടോ; വിശദമാക്കുമോ;

നിലവില്‍ പ്രത്യേക കോടതികളുടെ എണ്ണം കുറവായതു കാരണം പട്ടികജാതി-പട്ടികവര്‍ഗ്ഗ വിഭാഗക്കാര്‍ നേരിടുന്ന ബുദ്ധിമുട്ടുകള്‍ പരിഹരിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

കേന്ദ്ര സർക്കാർ 1980-ലെ വന സംരക്ഷണ നിയമത്തിൽ കൊണ്ടുവരാൻ ഉദ്ദേശിക്കുന്ന ഭേദഗതി വന പ്രദേശങ്ങളോട് ചേർന്ന് താമസിക്കുന്ന പട്ടികവർഗ്ഗ, ആദിവാസി സമൂഹങ്ങളെ പ്രതികൂലമായി ബാധിക്കുമെന്ന് കരുതുന്നുണ്ടോ; എങ്കിൽ പ്രസ്തുത ആശങ്ക കേന്ദ്ര സർക്കാരുമായി പങ്കുവച്ചിട്ടുണ്ടോ; വിശദ വിവരം നൽകാമോ;

കേന്ദ്ര സർക്കാരിന്റെ പ്രസ്തുത നിയമ ഭേദഗതി വനാവകാശ നിയമത്തെ തന്നെ അട്ടിമറിക്കും എന്ന് കരുതുന്നുണ്ടോ; വിശദമാക്കാമോ?

കഴിഞ്ഞ അഞ്ച് അക്കാദമിക വർഷങ്ങളിൽ സംസ്ഥാനത്തെ പ്രൊഫഷണൽ കോളേജുകളിൽ അഡ്മിഷൻ നേടിയ പട്ടികവർഗ്ഗ വിഭാഗം വിദ്യാർത്ഥികളുടെ എണ്ണം വർഷം തിരിച്ചു വ്യക്തമാക്കുമോ;

ഇതില്‍ ഓരോ വർഷവും എത്ര വിദ്യാർത്ഥികൾ വീതം എം.ബി.ബി.എസ്. പഠനത്തിന് അഡ്മിഷൻ നേടിയിട്ടുണ്ടെന്ന് വ്യക്തമാക്കുമോ?

2020-21 അദ്ധ്യയന വര്‍ഷത്തില്‍ വാമനപുരം നിയോജക മണ്ഡലത്തിലെ പട്ടികജാതി, പട്ടികവര്‍ഗ്ഗ വിദ്യാര്‍ത്ഥികള്‍ക്ക് നല്‍കിയ ലംപ്‍സം ഗ്രാന്റിന്റെ വിശദവിവരങ്ങള്‍ വിദ്യാര്‍ത്ഥികളുടെ എണ്ണം, അനുവദിച്ച തുക എന്നിവ സഹിതം ലഭ്യമാക്കുമോ?

കോവിഡ് മഹാമാരിയുടെ പശ്ചാത്തലത്തില്‍ സ്കൂൾ വിദ്യാഭ്യാസം, ഉന്നത വിദ്യാഭ്യാസം എന്നീ മേഖലകളിൽ പട്ടികജാതി /പട്ടികവർഗ വിദ്യാർത്ഥികളുടെ കഴിഞ്ഞ രണ്ട് അക്കാദമിക വർഷങ്ങളിലെ പഠന പുരോഗതി വിലയിരുത്തിയിട്ടുണ്ടോ; വിശദാംശങ്ങൾ നൽകുമോ?

ഇ-ഗ്രാന്റ്സ് പോർട്ടലിൽ പരിഷ്കാരങ്ങൾ വരുത്തിയതിനെ തുടർന്ന് പട്ടികജാതി/ പട്ടികവർഗ്ഗ വിദ്യാർഥികളുടെ സ്കോളർഷിപ്പ് മുടങ്ങിയതായി ശ്രദ്ധയിൽപ്പെട്ടിട്ടുണ്ടോ;

എങ്കില്‍ ഇത് പരിഹരിക്കുന്നതിനായി നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കാമോ?

ബിടെക്കിന് പഠിക്കുന്ന പട്ടികവർഗ്ഗ വിദ്യാർത്ഥികൾക്ക് റെമഡിയൽ ട്യൂഷൻ പദ്ധതി നടപ്പിലാക്കിയിട്ടുണ്ടോ;

എങ്കിൽ പ്രസ്തുത പദ്ധതി പ്രകാരം കഴിഞ്ഞ രണ്ട് അധ്യയന വർഷങ്ങളിൽ എത്ര കുട്ടികൾക്ക് വീതം പരിശീലനം നൽകിയിട്ടുണ്ടെന്ന് വ്യക്തമാക്കുമോ?

പട്ടികവർഗ്ഗ മേഖലയിലെ കുട്ടികളെ ഓൺലൈൻ അധ്യയന സംവിധാനത്തോട് ചേർത്തുനിർത്തുന്നതിനായി ഗോത്ര ബന്ധു, ഗോത്രസാരഥി പദ്ധതികള്‍ പ്രകാരം നടപടി സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്തെ പട്ടികജാതി, പട്ടികവര്‍ഗ്ഗ വിദ്യാര്‍ത്ഥികള്‍ക്ക് ഉപരിപഠനാര്‍ത്ഥം വിദേശത്തുള്ള സ്ഥാപനങ്ങളില്‍ പോയി പഠിക്കുന്നതിന് വകുപ്പ് മുഖേന നല്‍കി വരുന്ന ധനസഹായം എത്ര രൂപയാണ്; ഇതിന്റെ മാനദണ്ഡങ്ങള്‍ എന്തൊക്കെയാണ്; വിശദാംശങ്ങള്‍ ലഭ്യമാക്കാമോ?

പട്ടിക‍‍ജാതി പട്ടികവര്‍ഗ, മറ്റ് പിന്നാക്ക വിഭാഗങ്ങള്‍ക്ക് നിലവില്‍ നല്‍കിവരുന്ന ലംപ് സം ഗ്രാന്റ് എത്രയാണ്; പ്രസ്തുത തുക വിതരണം ചെയ്യുന്നത് എത്ര ഘട്ടങ്ങളായാണ്; വിശദമാക്കുമോ;

സ്കൂള്‍, കോളേജ് വിദ്യാര്‍ത്ഥികള്‍ക്ക് ലംപ് സം ഗ്രാന്റിന് പുറമെ വകുപ്പ് നല്‍കി വരുന്ന മറ്റാനുകൂല്യങ്ങള്‍ വെളിപ്പെടുത്തുമോ;

കഴിഞ്ഞ സര്‍ക്കാരിന്റെ കാലത്ത് അനുവദിച്ചിരുന്ന വിദ്യാഭ്യാസ ആനുകൂല്യങ്ങളില്‍ നിന്ന് വിഭിന്നമായി ഈ സര്‍ക്കാര്‍ നടപ്പിലാക്കി വരുന്ന കാലോചിതമായ മാറ്റങ്ങള്‍ എന്തെല്ലാമെന്ന് വ്യക്തമാക്കുമോ?

സംസ്ഥാനത്തെ എല്ലാ പട്ടികവർഗ്ഗ വിദ്യാർഥികൾക്കും ഓൺലൈൻ പഠനത്തിനുള്ള ഡിജിറ്റൽ ഉപകരണങ്ങൾ ലഭ്യമാക്കിയിട്ടുണ്ടോ;

നിലവിൽ എത്രപേർക്ക് ഇപ്രകാരം ഡിജിറ്റൽ ഉപകരണങ്ങൾ ലഭ്യമാക്കിയിട്ടുണ്ടെന്നും ഇനി എത്ര പേർക്ക് ലഭ്യമാക്കുവാനുണ്ടെന്നും വ്യക്തമാക്കുമോ?

8 മുതല്‍ 12 -ാം ക്ലാസ്സ് വരെയുള്ള പട്ടിക ജാതി വിഭാഗത്തിലെ വിദ്യാര്‍ത്ഥികള്‍ക്ക് 120 ചതുരശ്ര അടി പഠനമുറി നിര്‍മ്മിക്കാനുള്ള പദ്ധതിയുടെ വിശദാംശങ്ങള്‍ നല്‍കാമോ;

പട്ടിക ജാതി വിഭാഗത്തിലെ വിദ്യാര്‍ത്ഥികള്‍ക്ക് പഠനമുറി നിര്‍മ്മിച്ചു നല്‍കുന്ന പദ്ധതിയുടെ ഉപഭോക്താക്കളെ തെരെഞ്ഞെടുക്കാനുള്ള മാനദണ്ഡങ്ങള്‍ വിശദമാക്കാമോ;

മേല്‍പ്പറഞ്ഞ പദ്ധതിക്കായി അപേക്ഷകള്‍ നല്‍കേണ്ടതിന്റെ വിശദവിവരങ്ങള്‍ വ്യക്തമാക്കാമോ?

കേരളത്തിലെ ആദിവാസി, പിന്നാക്ക, പട്ടിക വിഭാഗങ്ങള്‍ക്കിടയില്‍ ഓണ്‍ലൈന്‍ വിദ്യാഭ്യാസം കാര്യക്ഷമമായി നടപ്പിലാക്കാന്‍ എന്തൊക്കെ നടപടികളാണ് സ്വീകരിച്ചിരുന്നത് എന്ന് വ്യക്തമാക്കാമോ;

പട്ടികജാതി, പട്ടിക വര്‍ഗ്ഗ വിഭാഗങ്ങളിലെ കുട്ടികളുടെ ഓണ്‍ലൈന്‍ പഠനത്തിനായി സര്‍ക്കാര്‍ എത്ര പണം ചെലവഴിച്ചു എന്ന് വിശദമാക്കാമോ?

പട്ടികജാതി - പട്ടികവര്‍ഗ്ഗ വിഭാഗത്തിലുള്ള വിദ്യാര്‍ത്ഥികള്‍ക്ക് ഉപരിപഠനത്തിനും, വിദേശപഠനത്തിനും എന്തെല്ലാം സഹായങ്ങളാണ് നല്‍കുന്നതെന്ന് വിശദമാക്കുമോ?

മാതാപിതാക്കളില്‍ ഒരാള്‍ പട്ടികവര്‍ഗ്ഗ വിഭാഗത്തില്‍പ്പെട്ട കുട്ടിക്ക് വിദ്യാഭ്യാസ ആനുകൂല്യങ്ങള്‍ ലഭിക്കാന്‍ നിലവിലുളള സംവിധാനം എന്താണെന്ന് വിശദമാക്കാമോ;

മിശ്രവിവാഹിതരുടെ കാര്യത്തില്‍ സര്‍ട്ടിഫിക്കറ്റ് നല്‍കുന്നതിന് പുതിയ ഉത്തരവ് പുറപ്പെടുവിച്ചിട്ടുണ്ടോ; വ്യക്തമാക്കാമോ?

വടക്കാഞ്ചേരി നിയോജകമണ്ഡലത്തില്‍ പട്ടികജാതി പട്ടികവര്‍ഗ്ഗ വികസന വകുപ്പിന് കീഴില്‍ പ്രവര്‍ത്തിക്കുന്ന സ്കൂളുകളും ഹോസ്റ്റലുകളും ഏതൊക്കെയാണെന്ന് അറിയിക്കുമോ;

കഴിഞ്ഞ സര്‍ക്കാരിന്റെ കാലത്ത് ഇവയുടെ പ്രവര്‍ത്തനം മെച്ചപ്പെടുത്തുന്നതിനായി ആവിഷ്കരിച്ച പദ്ധതികളും വകയിരുത്തിയ തുകയും വ്യക്തമാക്കാമോ;

പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് നിലവിലെ സാഹചര്യത്തില്‍ ഓണ്‍ലൈന്‍ വിദ്യാഭ്യാസത്തോടൊപ്പം പഠനനിലവാരം ഉറപ്പുവരുത്തുന്നതിനായി സര്‍ക്കാര്‍ സ്വീകരിച്ച നടപടികള്‍ വ്യക്തമാക്കാമോ?

സംസ്ഥാനത്ത് ആദിവാസി മേഖലയിലെ കുട്ടികള്‍ക്ക് വിദ്യാഭ്യാസം സുഗമമാക്കുന്നതിനും വിദ്യാര്‍ത്ഥികളുടെ കൊഴിഞ്ഞു പോക്ക് തടയുന്നതിനും ആദിവാസി യൂണിവേഴ്സിറ്റി സ്ഥാപിക്കാൻ സർക്കാർ തീരുമാനിച്ചിട്ടുണ്ടോ;

പ്രസ്തുത യൂണിവേഴ്സിറ്റി സ്ഥാപിക്കുന്നതിനുള്ള സാദ്ധ്യതകളെ കുറിച്ച് പഠനം നടത്തിയിട്ടുണ്ടോ; എങ്കിൽ വിശദാംശം നൽകാമോ;

ആദിവാസി യൂണിവേഴ്സിറ്റി സ്ഥാപിക്കുന്നതിന് സാധ്യമാകാത്തതിന്റെ കാരണം വ്യക്തമാക്കാമോ?

ഇരിക്കൂർ മണ്ഡലത്തിൽ ആലക്കോട് പഞ്ചായത്തിലെ വെള്ളാട് വില്ലേജിൽ പട്ടികവർഗ്ഗ വികസന കോർപ്പറേഷന്റെ ഉടമസ്ഥതയിലുള്ള സ്ഥലത്ത് പുതിയ മോഡൽ റസിഡൻഷ്യൽ സ്കൂൾ ആരംഭിക്കുന്നതിനുള്ള പ്രൊപ്പോസൽ പരിഗണനയിലുണ്ടോ; വിശദാംശങ്ങൾ നൽകുമോ;

ഇല്ലെങ്കിൽ പ്രസ്തുത സ്ഥലത്ത് സ്കൂൾ ആരംഭിക്കുന്നതിന് നടപടി സ്വീകരിക്കുമോ?

സംസ്ഥാനത്ത് പട്ടികജാതി വിഭാഗത്തില്‍പ്പെട്ടവര്‍ക്ക് സിവില്‍ സര്‍വീസ് പരീക്ഷയ്ക്കായി സ്ഥിരം പരിശീലന കേന്ദ്രങ്ങള്‍ എല്ലാ ജില്ലയിലും നിലവിലുണ്ടോ; വിശദാംശം ലഭ്യമാക്കുമോ;

സംസ്ഥാനത്ത് നിലവിലുള്ള പ്രീമെട്രിക്, പോസ്റ്റ്‌മെട്രിക് ഹോസ്റ്റലുകളുടെ സ്ഥലസൗകര്യങ്ങള്‍ പ്രയോജനപ്പെടുത്തി അത്തരം പരീശീനകേന്ദ്രങ്ങള്‍ ആദ്യഘട്ടമായി തുടങ്ങാന്‍ നടപടി സ്വീകരിക്കുമോ;

വകുപ്പിന്റെ കീഴില്‍ സ്ഥലം ലഭ്യമായ പ്രദേശങ്ങളില്‍ സിവില്‍ സര്‍വീസ് പരിശീലന സൗകര്യത്തോട് കൂടി പ്രീമെട്രിക്, പോസ്റ്റ്‌മെട്രിക് ഹോസ്റ്റലുകള്‍ സ്ഥാപിക്കാന്‍ നടപടി സ്വീകരിക്കുമോ?

പൂഞ്ഞാർ നിയോജകമണ്ഡലത്തിലെ കോരുത്തോട് പഞ്ചായത്തിലെ കോസടി ഗവ.ട്രൈബൽ യു.പി. സ്കൂളിന്റെ പുതിയ കെട്ടിടനിർമ്മാണവുമായി ബന്ധപ്പെട്ട പ്രവൃത്തികൾ പൂർത്തീകരിച്ചിട്ടില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ;

എന്തെല്ലാം പ്രവൃത്തികളാണ് ഇനിയും അവശേഷിച്ചിട്ടുള്ളതെന്ന് വ്യക്തമാക്കുമോ;

കെട്ടിടനിർമ്മാണത്തിനുള്ള ഭരണാനുമതി തുകയിൽ തുക ശേഷിക്കുന്നുണ്ടോ;

എങ്കിൽ പ്രസ്തുത തുക ഉപയോഗപ്പെടുത്തി ശേഷിക്കുന്ന നിർമ്മാണ പ്രവൃത്തികൾ പൂർത്തീകരിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

പട്ടികജാതി വകുപ്പിന് കീഴിലെ ഐ.ടി.ഐ.കളില്‍ ഈവനിംഗ് ക്ലാസ്സുകള്‍, അവധിദിന ക്ലാസ്സുകള്‍ എന്നിവയ്ക്കായി പുതിയ ബാച്ചുകള്‍ അനുവദിക്കുമോ;

നിര്‍ദ്ധന പട്ടികജാതി യുവതീ-യുവാക്കള്‍ക്ക്തൊഴിലും പഠനവും ഒന്നിച്ച് കൊണ്ടുപോകാന്‍ ഇതിലൂടെ സാധിക്കും എന്നത് ശ്രദ്ധയില്‍പ്പെട്ടിട്ടുണ്ടോ;

എങ്കിൽ പുതിയ ബാച്ചുകൾ അനുവദിക്കാൻ നടപടി സ്വീകരിക്കുമോ ?

പട്ടികജാതി/പട്ടികവർഗ്ഗ വിദ്യാർത്ഥികൾക്ക് പഠനമുറി നിർമ്മിച്ചു നൽകുന്ന പദ്ധതി പ്രകാരം ചങ്ങനാശ്ശേരി നിയോജക മണ്ഡലത്തില്‍ നിന്ന് എത്ര അപേക്ഷ ലഭിച്ചു എന്ന് വ്യക്തമാക്കുമോ;

നാളിതുവരെയായി എത്ര പഠനമുറികള്‍ നിര്‍മ്മിച്ചുവെന്നും, ഇതിനായി എത്ര തുക ചെലവഴിച്ചു എന്നും വ്യക്തമാക്കുമോ, വിശദാംശം നല്‍കുമോ;

പ്രസ്തുത പദ്ധതി പ്രകാരം പഠനമുറി അനുവദിക്കുന്നതിനുള്ള നടപടിക്രമങ്ങളും മാനദണ്ഡങ്ങളും വ്യക്തമാക്കുമോ?

കോവിഡ് പശ്ചാത്തലത്തില്‍ പട്ടികജാതി വികസനവകുപ്പ് പാലക്കാട് ജില്ലയില്‍ വിദ്യാഭ്യാസത്തിനായി നടപ്പാക്കിയ പദ്ധതികള്‍ വിശദീകരിക്കാമോ;

പ്രസ്തുത ജില്ലയില്‍ നിന്നും ഈ വര്‍ഷം എസ്.എസ്.എല്‍.സി. പരീക്ഷയില്‍ വിജയം കെെവരിച്ച പട്ടികജാതി വിദ്യാര്‍ത്ഥികളുടെ എണ്ണം എത്രയെന്ന് അറിയിക്കാമോ?

കരിന്തളം ഏകലവ്യ സ്പോർട്സ് മോഡൽ റസിഡൻഷ്യൽ സ്കൂൾ കെട്ടിടത്തിന്റെ നിർമ്മാണം ആരംഭിച്ചിട്ടുണ്ടോ; ഇല്ലെങ്കിൽ കാല താമസം നേരിടുന്നതിനുള്ള കാരണങ്ങൾ എന്തെല്ലാമാണെന്ന് അറിയിക്കുമോ;

ക്ലാസ്സുകൾ താൽകാലിക കെട്ടിടത്തിൽ ആരംഭിക്കുന്നതിന് നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ;

പ്രസ്തുത സ്കൂളിലേക്കുള്ള പ്രവേശന നടപടികൾ എന്തൊക്കെയാണെന്ന് വിശദീകരിക്കുമോ?

സംസ്ഥാനത്ത് പട്ടികവര്‍ഗ്ഗക്കാരായ യുവാക്കളുടെ നെെപുണ്യ വികസനത്തിന് എന്തെല്ലാം കര്‍മ്മപദ്ധതികള്‍ ആവിഷ്ക്കരിച്ചിട്ടുണ്ടെന്ന് അറിയിക്കാമോ;

പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ;

പ്രസ്തുത പദ്ധതി നടപ്പാക്കാന്‍ ഭരണതലത്തില്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

പട്ടികവർഗ്ഗ വിഭാഗത്തിലുള്ള യുവതീയുവാക്കളുടെ നൈപുണ്യ വികസനവും ജീവനോപാധിയും ലക്ഷ്യമാക്കി പട്ടിക വർഗ്ഗ വികസന വകുപ്പ് ഗോത്ര ജീവികാ പദ്ധതി നടപ്പിലാക്കിയിട്ടുണ്ടോ; ആയതിന്റെ പ്രവർത്തനങ്ങൾ എന്തെല്ലാമെന്ന് വിശദമാക്കാമോ;

പ്രസ്തുത പദ്ധതിയിലൂടെ രൂപീകരിച്ച സ്വയം സഹായ സംഘങ്ങളുടെ നിലവിലെ പ്രവർത്തന പുരോഗതി വിലയിരുത്തിയിട്ടുണ്ടോ; കൂടുതൽ യുവതീയുവാക്കളെ ഗോത്ര ജീവികയിൽ ഉൾപ്പെടുത്തി പരിശീലനം നൽകാൻ നടപടി സ്വീകരിച്ചിട്ടുണ്ടോ; വിശദമാക്കാമോ?

പിന്നാക്ക വിഭാഗങ്ങളുടെ തൊഴിൽ ശേഷി വർധിപ്പിക്കുന്നതിനായി സ്വതന്ത്ര വൈജ്ഞാനിക സോഫ്റ്റ്‌വെയർ തയ്യാറാക്കി ലഭ്യമാക്കുമെന്ന പ്രഖ്യാപനം നടപ്പിലാക്കിയിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത സോഫ്റ്റ്‌വെയർ സേവനം ലഭ്യമാക്കുന്നതിനുള്ള മാനദണ്ഡങ്ങൾ വ്യക്തമാക്കുമോ?

'ക്രസ്റ്റ്' നടത്തുന്ന പി.ജി.സി.സി.പി.ഡി കോഴ്സ് നാളിതുവരെ എത്ര വിദ്യാർത്ഥികൾ പൂർത്തിയാക്കിയിട്ടുണ്ടെന്ന് അറിയിക്കാമോ;

ഇതില്‍ എത്ര പേർക്ക് തൊഴിൽ ലഭിച്ചിട്ടുണ്ടെന്ന് വ്യക്തമാക്കാമോ; പ്രസ്തുത കോഴ്സ് തൊഴിൽ സമ്പാദനത്തിന് വിദ്യാര്‍ത്ഥികെള പ്രാപ്തരാക്കാൻ പര്യാപ്തമാണെന്ന് വിലയിരുത്തിയിട്ടുണ്ടോ; വിശദാംശം നൽകുമോ?

സാമൂഹികമായും സാമ്പത്തികമായും പിന്നാക്കം നില്‍ക്കുന്ന കുടുംബി സമുദായത്തെ പട്ടികജാതി ലിസ്റ്റില്‍ ഉള്‍പ്പെടുത്തുന്നതിനായി കേന്ദ്ര സാമൂഹ്യനിതീയും ശാക്തീകരണവും മന്ത്രാലയം ലഭ്യമാക്കിയ പ്രൊഫോര്‍മയുടെ അടിസ്ഥാനത്തില്‍ കിര്‍ത്താഡ്സിനോടു ആവശ്യപ്പെട്ടിട്ടുള്ള അധിക വിവരങ്ങള്‍ എന്നത്തേക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കാമോ;

ഇതു സംബന്ധിച്ച് സംസ്ഥാന സര്‍ക്കാര്‍ എന്നാണ് കേന്ദ്ര സര്‍ക്കാരിന് ശുപാര്‍ശ സമര്‍പ്പിച്ചതെന്നും കേന്ദ്ര സര്‍ക്കാർ എന്നാണ് പ്രൊഫോര്‍മ ലഭ്യമാക്കിയതെന്നും വെളിപ്പെടുത്താമോ;

ഇതു സംബന്ധിച്ച കത്തുകളുടെ പകര്‍പ്പുകള്‍ ലഭ്യമാക്കാമോ?

സംസ്ഥാനത്തെ കുംഭാര, ഡൊമ്പന്‍ സമുദായങ്ങളുടെ പിന്നാക്കാവസ്ഥ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സമുദായങ്ങളെ പട്ടികജാതി വിഭാഗത്തില്‍ ഉള്‍പ്പെടുത്തി അവരുടെ ജീവിത നിലവാരം മെച്ചപ്പെടുത്തുന്നത് പരിഗണിക്കുമോ?

മലപ്പുറം ജില്ലയിൽ പട്ടികജാതി വികസന വകുപ്പിൽ നിലവില്‍ നിർവ്വഹണ ഉദ്യോഗസ്ഥരുടെ എത്ര ഒഴിവുകളുണ്ടെന്നും പ്രസ്തുത ഒഴിവുകള്‍ നികത്തുവാൻ സ്വീകരിച്ചിട്ടുള്ള നടപടികൾ എന്തെല്ലാമെന്നും വിശദീകരിക്കുമോ;

മലപ്പുറം ജില്ലയില്‍ വകുപ്പിനു കീഴിലെ പല ഓഫീസുകളിലും വികസന പദ്ധതികളുടെ നിർവ്വഹണത്തിന് ഉദ്യോഗസ്ഥർ ഇല്ലെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അടിയന്തരമായി പ്രസ്തുത ഒഴിവുകൾ നികത്തുന്നതിന് നടപടി സ്വീകരിക്കുമോ;

മലപ്പുറം നഗരസഭയിൽ പട്ടികജാതി വികസന ഓഫീസർ തസ്തിക സൃഷ്ടിക്കുന്ന കാര്യം ഇപ്പോൾ ഏതു ഘട്ടത്തിലാണ്; വിശദാംശം നൽകുമോ?

2016 മുതൽ 2021 വരെയുള്ള കാലയളവിൽ പട്ടികജാതി വകുപ്പിന്റെ കോർപ്പസ് ഫണ്ട് വിനിയോഗിച്ച് ചാത്തന്നൂർ മണ്ഡലത്തിൽ നടപ്പിലാക്കിയിട്ടുള്ള പ്രവൃത്തികള്‍ എന്തെല്ലാമെന്നും ഓരോ പ്രവൃത്തിക്കും ചെലവായ തുക എത്രയെന്നുമുളള വിവരം പഞ്ചായത്തടിസ്ഥാനത്തില്‍ ലഭ്യമാക്കാമോ;

പ്രസ്തുത പ്രവൃത്തികളിൽ ഇതുവരെ പൂർത്തീകരിക്കാത്തതും ഭരണാനുമതി ലഭിച്ചിട്ടും ആരംഭിക്കാൻ കഴിയാത്തതുമായ പ്രവൃത്തികൾ ഏതെല്ലാമെന്ന് വ്യക്തമാക്കാമോ;

പട്ടികജാതി വകുപ്പിന്റെ കോർപ്പസ് ഫണ്ട് വിനിയോഗിച്ച് ചാത്തന്നൂർ മണ്ഡലത്തിൽ 2020-21, 2021-22 സാമ്പത്തിക വർഷങ്ങളിൽ നടപ്പാക്കുന്നതിന് ഭരണാനുമതി ലഭിച്ച വിവിധ പദ്ധതികളുടെ വിശദാംശങ്ങൾ അറിയിക്കാമോ?

ആലത്തൂര്‍ മണ്ഡലത്തില്‍ പട്ടികജാതി കോര്‍പ്പസ് ഫണ്ട് വിനിയോഗിച്ച് 2016 മുതല്‍ 2021 വരെയുള്ള കാലയളവില്‍ എന്തെല്ലാം പ്രവൃത്തികളാണ് നടപ്പിലാക്കിയിട്ടുള്ളതെന്ന് അറിയിക്കാമോ;

ഇതില്‍ ഓരോ പ്രവൃത്തിയുടേയും പേരും അനുവദിച്ച തുകയും നിലവിലെ സ്ഥിതിയും അറിയിക്കാമോ?

പട്ടികജാതി,പട്ടികവര്‍ഗ്ഗ വിഭാഗത്തില്‍പ്പെട്ടവരുടെ വായ്പ കുടിശ്ശിക എഴുതിത്തള്ളാനുള്ള പദ്ധതി നിലവിലുണ്ടോ; വിശദാംശങ്ങള്‍ അറിയിക്കാമോ;

ഏതൊക്കെ സ്ഥാപനങ്ങളില്‍ നിന്നുള്ള എത്ര തുക വരെയുള്ള വായ്പയാണ് എഴുതിത്തള്ളുന്നത്; ഇതിനുള്ള നിബന്ധനകള്‍ എന്തൊക്കെയാണെന്ന് വിശദമാക്കാമോ;

കഴിഞ്ഞ സര്‍ക്കാരിന്റെ കാലത്ത് ഈ ഇനത്തില്‍ എത്ര തുക ചെലവഴിച്ചിട്ടുണ്ട്; വിശദാംശങ്ങള്‍ അറിയിക്കാമോ?

കഴിഞ്ഞ സര്‍ക്കാരിന്റെ കാലയളവില്‍ വകുപ്പ് മന്ത്രിയുടെ ദുരിതാശ്വാസ നിധിയില്‍ നിന്നും വര്‍ക്കല മണ്ഡലത്തില്‍ എത്ര പേര്‍ക്ക് എത്ര തുക അനുവദിച്ചിട്ടുണ്ടെന്ന് വിശദമാക്കാമോ;

വര്‍ക്കല മുനിസിപ്പാലിറ്റി, ഗ്രാമപഞ്ചായത്ത് അടിസ്ഥാനത്തിലുള്ള കണക്ക് ലഭ്യമാക്കാമോ?

പട്ടിക ജാതി വികസന വകുപ്പിന് കീഴിലെ ഏതെല്ലാം ഓഫീസുകളിലാണ് 2016-ന് ശേഷം സാമ്പത്തിക ക്രമക്കേട് നടന്നതായി വകുപ്പിന്റെ ശ്രദ്ധയില്‍പ്പെട്ടതെന്ന് അറിയിക്കാമോ ;

പ്രസ്തുത ഓഫീസുകളില്‍ എത്ര തുകയുടെ ക്രമക്കേട് നടന്നതായാണ് കണ്ടെത്തിയതെന്ന് വ്യക്തമാക്കാമോ;

പട്ടികജാതി വികസന വകുപ്പിന് കീഴിലെ ഓഫീസുകളില്‍ 2016-ന് ശേഷം വകുപ്പ് നടത്തിയ ആഭ്യന്തര പരിശോധനാ റിപ്പോര്‍ട്ടുകളുടെ പകര്‍പ്പ് ലഭ്യമാക്കാമോ?    

അനുബന്ധം 1       അനുബന്ധം 2

ഈ സര്‍ക്കാര്‍ അധികാരത്തില്‍ വന്നശേഷം ആദിവാസി സെറ്റില്‍മെന്റുകളില്‍ നിന്നുള്ള ഗതാഗത സൗകര്യം മെച്ചപ്പെടുത്തുന്നതിനായി നടപ്പാക്കിയ പദ്ധതികള്‍ വിശദമാക്കാമോ;

വാഹന ഗതാഗത സൗകര്യമുള്ള പാതകളുള്ളതും ഇല്ലാത്തതുമായ സെറ്റില്‍മെന്റുകളുടെ വിശദവിവരം ലഭ്യമാണോ;

പത്തു കിലോമീറ്ററിലേറെ ദൂരം കാല്‍നട യാത്ര വേണ്ടിവരുന്ന സെറ്റില്‍മെന്റുകളുണ്ടോ എന്നറിയിക്കാമോ; എങ്കില്‍ വിശദവിവരം നല്‍കാമോ?           

സംസ്ഥാനത്ത് പട്ടികജാതി വിഭാഗത്തില്‍പ്പെട്ടവര്‍ക്ക് സ്വയംതൊഴില്‍ സംരംഭങ്ങള്‍ ആരംഭിക്കുന്നതിന് വായ്പ നല്‍കുന്നതിന് പ്രത്യേക പദ്ധതി നിലവിലുണ്ടോ; വായ്പ നല്‍കുന്നതിനുള്ള മാനദണ്ഡങ്ങളും പദ്ധതിയുടെ വിശദാംശങ്ങളും നല്‍കാമോ;

വ്യക്തികള്‍ക്കും ഗ്രൂപ്പുകള്‍ക്കും വായ്പ നല്‍കുന്നതിന് വ്യവസ്ഥയുണ്ടോ; സബ്സിഡി നല്‍കുന്നതിന്റെ വിശദാംശങ്ങള്‍ നല്‍കാമോ;

വായ്പാ തുക വിനിയോഗം സംബന്ധിച്ച് വിലയിരുത്തിയിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് പട്ടികവർഗ്ഗത്തിൽപെട്ട എത്ര പേര്‍ക്ക് കോവിഡ് മൂലം ജീവഹാനി സംഭവിച്ചിട്ടുണ്ടെന്ന് വ്യക്തമാക്കുമോ;

കോവിഡ് ബാധിതരായി ഒരു മാസത്തിനുള്ളിൽ മരണപ്പെട്ട പട്ടികവർഗ്ഗ വിഭാഗക്കാരുടെ എണ്ണം അറിയിക്കുമോ; പ്രസ്തുത മരണങ്ങൾ എല്ലാം സർക്കാരിന്റെ ഔദ്യോഗിക കോവിഡ് മരണ പട്ടികയിൽ ഉൾപ്പെട്ടിട്ടുണ്ടോ ;

ഇല്ലെങ്കിൽ പ്രസ്തുത മരണങ്ങൾ കൂടി ഉൾപ്പെടുത്തി കുടുംബങ്ങൾക്ക് അർഹതപ്പെട്ട നഷ്ടപരിഹാരം ലഭ്യമാക്കുന്നതിന് വകുപ്പ് എന്തൊക്കെ നടപടി സ്വീകരിക്കുമെന്ന് വ്യക്തമാക്കുമോ?

വാമനപുരം നിയോജക മണ്ഡലത്തിലെ പെരിങ്ങമ്മല ഗ്രാമപഞ്ചായത്തില്‍ ജില്ലാ കൃഷിത്തോട്ടത്തിനു സമീപം പന്നിയോട്ടുകടവില്‍ ആദിവാസികള്‍ക്കു വേണ്ടി കമ്മ്യൂണിറ്റി ഹാള്‍ നിര്‍മ്മിച്ചിട്ടുണ്ടോ; വിശദമാക്കാമോ;

കമ്മ്യൂണിറ്റി ഹാള്‍ നിര്‍മ്മിക്കുന്നതിന് നല്‍കിയ ഭരണാനുമതിയുടെ പകര്‍പ്പ് ലഭ്യമാക്കാമോ;

പ്രസ്തുത കമ്മ്യൂണിറ്റി ഹാള്‍ ആദിവാസികളുടെ ആവശ്യത്തിനായി ഇപ്പോള്‍ ഉപയോഗിക്കുന്നുണ്ടോ; ഇല്ലെങ്കില്‍ കാരണം വ്യക്തമാക്കാമോ;

പ്രസ്തുത കമ്മ്യൂണിറ്റി ഹാളിന്റെ നിലവിലെ സ്ഥിതി എന്താണെന്ന് വ്യക്തമാക്കാമോ?

അട്ടപ്പാടിയിലെ ആദിവാസി ഫാമിന്റെ 2730 ഏക്കര്‍ ഭൂമി ടൂറിസം പദ്ധതിക്കായി സ്വകാര്യ സ്ഥാപനത്തിന് കെെമാറാന്‍ തീരുമാനമെടുത്തിട്ടുണ്ടോ;

ഉണ്ടെങ്കില്‍ പ്രസ്തുത തീരുമാനത്തിന് ആധാരമായ ഉത്തരവിന്റെ പകര്‍പ്പ് ലഭ്യമാക്കാമോ;

സ്വകാര്യ സ്ഥാപനവുമായി ധാരണാപത്രം ഒപ്പിട്ട ഉദ്യാേഗസ്ഥര്‍ ആരെല്ലാമെന്ന് അറിയിക്കാമോ;

പ്രസ്തുത ഉദ്യോഗസ്ഥര്‍ക്കെതിരെ എന്തെങ്കിലും ആരോപണം ഉണ്ടായിട്ടുണ്ടോ; എങ്കിൽ അന്വേഷണം നടത്തിയിട്ടുണ്ടോ;

ഉണ്ടെങ്കില്‍ അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ചിട്ടുള്ള ശിക്ഷണനടപടികള്‍ എന്തൊക്കെയെന്ന് വ്യക്തമാക്കാമോ?

പട്ടിക ജാതി വികസന വകുപ്പിന്റെ കീഴിലെ പാലക്കാട് മെഡിക്കല്‍ കോളേജിലെ ഭരണ ചെലവുകള്‍ക്ക് 2225-01-277-54 ശീര്‍ഷകം വഴി 2016-17 മുതല്‍ 2020-21 വരെ ബഡ്ജറ്റില്‍ വകയിരുത്തിയ തുകയുടെ വിശദാംശങ്ങള്‍ ലഭ്യമാക്കാമോ;

പാലക്കാട് മെഡിക്കല്‍ കോളേജിലെ ഭരണ ചെലവുകള്‍ക്ക് 2225-01-277-54 ശീര്‍ഷകം വഴി ആവശ്യമായ തുക നാളിതുവരെ വകയിരുത്താത്തതിന്റെ കാരണം വ്യക്തമാക്കാമോ;

പ്രസ്തുത മെഡിക്കല്‍ കോളേജ് പട്ടികജാതി വകുപ്പിന് കീഴില്‍ നിന്ന് മാറ്റുന്നതിനുള്ള ശ്രമങ്ങളുടെ ഭാഗമായിട്ടാണ് ഭരണചെലവുകള്‍ക്ക് മതിയായ തുക വകയിരുത്താത്തതെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; ഭരണചെലവുകള്‍ക്ക് ആവശ്യമായ തുക വകയിരുത്തുന്നതിന് നടപടി സ്വീകരിക്കുമോ?

സര്‍ക്കാര്‍, സഹകരണ ധനകാര്യ സ്ഥാപനങ്ങളില്‍ നിന്നും വായ്പയെടുത്ത് കടക്കെണിയിലായ പട്ടിക ജാതി/പട്ടിക വർഗ വിഭാഗങ്ങളില്‍പ്പെട്ടവര്‍ക്ക് വകുപ്പ് നല്‍കുന്ന ആശ്വാസ നടപടികള്‍ എന്തൊക്കെയാണെന്ന് വിശദീകരിക്കുമോ; ഇതിനായി വായ്പ എടുത്തവര്‍ ചെയ്യേണ്ട നടപടി ക്രമങ്ങള്‍ സംബന്ധിച്ച വിവരം ലഭ്യമാക്കുമോ?

വനാവകാശ നിയമത്തിനനുസൃതമായി ആദിവാസികളുടെ അവകാശങ്ങള്‍ സംരക്ഷിക്കുവാന്‍ ഈ സര്‍ക്കാരിന് സാദ്ധ്യമായിട്ടുണ്ടോയെന്ന് വ്യക്തമാക്കാമോ;

പ്രസ്തുത നിയമമനുസരിച്ച് നിലവിലുള്ളതില്‍ നിന്നും മെച്ചപ്പെട്ട എന്തെല്ലാം സൗകര്യങ്ങളാണ് ആദിവാസി വിഭാഗത്തിന് ലഭ്യമാകേണ്ടതെന്ന് വ്യക്തമാക്കാമോ;

ആദിവാസികള്‍ക്ക് നിയമാനുസൃതം ലഭ്യമാകേണ്ട അവകാശങ്ങള്‍ ലഭ്യമായിട്ടുണ്ടോ; ഇല്ലെങ്കില്‍ ആയത് എപ്രകാരമാണ് വിലയിരുത്തുന്നതെന്ന് വ്യക്തമാക്കാമോ?

പൊതുജനങ്ങള്‍ക്ക് കാര്യങ്ങള്‍ വേഗത്തില്‍ ലഭ്യമാക്കുന്നതിനും വിവരങ്ങള്‍ നേരിട്ട് അറിയുന്നതിനും പട്ടികജാതി വികസന ഡയറക്ടറേറ്റ്/ജില്ലാ ഓഫീസ് എന്നിവിടങ്ങളില്‍ ഇ-ഓഫീസ് സംവിധാനം നടപ്പിലാക്കുവാന്‍ ഉദ്ദേശിക്കുന്നുണ്ടോ;

ഉണ്ടെങ്കില്‍ ആയതിന്റെ നിലവിലെ സ്ഥിതി എന്താണ്; എപ്പോള്‍ നടപ്പിലാക്കുവാനാണ് ഉദ്ദേശിക്കുന്നത് എന്നറിയിക്കാമോ ?

സംസ്ഥാനത്ത് പട്ടികജാതി,പട്ടികവര്‍ഗ്ഗ വികസന വകുപ്പുകൾക്ക് കീഴില്‍ ആരോഗ്യ കേന്ദ്രങ്ങളോ ആശുപത്രികളോ മെഡിക്കല്‍ കോളേജുകളോ പ്രവര്‍ത്തിക്കുന്നുണ്ടോ; വകുപ്പ് തിരിച്ചുള്ള വിശദാംശങ്ങള്‍ ലഭ്യമാക്കാമോ;

പട്ടികജാതി, പട്ടികവര്‍ഗ്ഗ വിഭാഗങ്ങളുടെ ആരോഗ്യസംരക്ഷണത്തിനും, രോഗചികിത്സയ്ക്കും വേണ്ടി ആശുപത്രികള്‍ നിര്‍മ്മിക്കുന്നതിനുള്ള പദ്ധതികള്‍ക്ക് കേന്ദ്ര-സംസ്ഥാന ഫണ്ടുകള്‍ ലഭിക്കുാറുണ്ടോ; വിശദമാക്കാമോ; ഇതിനാവശ്യമായ ഫണ്ടുകള്‍ എങ്ങനെയാണ് കണ്ടെത്തുന്നതെന്നും അറിയിക്കാമോ;

പാലക്കാട് മെഡിക്കല്‍ കോളേജ് പട്ടികജാതി വികസന വകുപ്പിന് കീഴില്‍ ആരംഭിക്കുാനുണ്ടായ സാഹചര്യം വിശദമാക്കാമോ; ഏത് പദ്ധതിയില്‍ ഉള്‍പ്പെടുത്തിയാണ് പാലക്കാട് മെഡിക്കല്‍ കോളേജിന് ഫണ്ട് കണ്ടെത്തിയതെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് പട്ടികവ‍ര്‍ഗ്ഗ വികസന വകുപ്പിന്റെ നേതൃത്വത്തില്‍ കര്‍ഷകരെ സംഘടിപ്പിച്ച് കൃഷി ജീവനോപാധി ആക്കുന്നതിനായി പ്രത്യേകപദ്ധതി ആവിഷ്കരിച്ചിട്ടുണ്ടോ; എന്തൊക്കെ കാര്യങ്ങളാണ് പദ്ധതിയിലൂടെ ലക്ഷ്യമിടുന്നത്; വിശദമാക്കാമോ;

പദ്ധതികളുടെ ഭാഗമായി വിത്തുകള്‍, തൈകള്‍, വളം എന്നിവ കര്‍ഷകര്‍ക്ക് ലഭ്യമാക്കുന്നുണ്ടോ; മറ്റെന്തെല്ലാം സംവിധാനങ്ങളാണ് കൃഷിക്കാര്‍ക്ക് ലഭ്യമാക്കുന്നത്;

പദ്ധതിയുടെ ഭാഗമായ വിളവെടുപ്പിനും വിപണനത്തിനുമായി പ്രത്യേകമായ നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

കാസര്‍ഗോഡ് ജില്ലയില്‍ കഴിഞ്ഞ 5 വർഷത്തിൽ ഏതൊക്കെ പട്ടികവർഗ്ഗ കോളനികളിലാണ് അംബേദ്‌കർ സെറ്റിൽമെന്റ് ഡെവലപ്പ്മെന്റ് പദ്ധതികൾ നടപ്പിലാക്കിയതെന്ന് നിയോജകമണ്ഡലം തിരിച്ച് അറിയിക്കാമോ;

ഓരോ കോളനിയിലെയും പ്രസ്തുത പദ്ധതിയുടെ പ്രവർത്തന പുരോഗതി വിശദീകരിക്കാമോ;

പള്ളംപട്ക്ക-എലിക്കോട്ട്കയ കോളനി, പനങ്ങാട്-വടക്കാംകുന്ന് കോളനി എന്നിവിടങ്ങളിലെ പ്രസ്തുത പദ്ധതികൾ ഏത് ഘട്ടത്തിലാണെന്ന് വ്യക്തമാക്കാമോ?

പട്ടികവർഗ്ഗ വിഭാഗത്തിൽപ്പെട്ട വ്യവസായ സംരംഭകർക്ക് പുതിയ സംരംഭം ആരംഭിക്കുന്നതിനായി പട്ടികവർഗ്ഗ വികസന വകുപ്പ് യാതൊരു പദ്ധതിയും നടപ്പിലാക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

പട്ടികവർഗ്ഗ വിഭാഗക്കാർക്കിടയിൽ സംരംഭകത്വം പ്രോത്സാഹിപ്പിക്കുന്നതിനായി പദ്ധതികൾ ആവിഷ്കരിക്കാത്തതിന്റെ കാരണം വ്യക്തമാക്കുമോ;

പാർശ്വവൽകൃത സമൂഹത്തെ സ്വാശ്രയത്വത്തിലേക്ക് ഉയർത്തി കൊണ്ടുവരേണ്ടത് അനിവാര്യമായതിനാൽ ഇത്തരത്തിലുള്ള സംരംഭകത്വ വികസന പദ്ധതികൾ അടിയന്തരമായി ആവിഷ്കരിച്ചു നടപ്പാക്കുമോ; വിശദാംശം നൽകുമോ?

പട്ടികജാതി പട്ടികവര്‍ഗ്ഗ വിഭാഗത്തിലെ യുവജനങ്ങൾക്കായി സ്റ്റാര്‍ട്ടപ്പ് പദ്ധതി ആവിഷ്കരിച്ചിട്ടുണ്ടോ; എങ്കിൽ വിശദമാക്കാമോ;

സ്റ്റാര്‍ട്ടപ്പ് തുടങ്ങുന്നതിനായി പട്ടികജാതി പട്ടികവര്‍ഗ്ഗ യുവജനങ്ങൾക്ക് പരിശീലനം നൽകുവാൻ തീരുമാനിച്ചിട്ടുണ്ടോ; വിശദാംശം നല്‍കുമോ;

സ്റ്റാര്‍ട്ടപ്പ് തുടങ്ങുവാൻ പട്ടികജാതി പട്ടികവര്‍ഗ്ഗ വനിതകൾക്ക് പ്രത്യേക ആനുകൂല്യങ്ങൾ നല്‍കുന്നുണ്ടോ; വ്യക്തമാക്കാമോ?

സംസ്ഥാനത്ത് എത്ര ആദിവാസി കുടുംബങ്ങളുണ്ടെന്ന് അറിയിക്കാമോ;

ആദിവാസി മേഖലകളില്‍ നിലവിലുളള ഭവന നിര്‍മ്മാണ ധനസഹായ പദ്ധതികള്‍ എന്തെല്ലാമാണ്; കഴിഞ്ഞ പത്ത് വര്‍ഷത്തിനിടെ പ്രസ്തുത പദ്ധതികള്‍ മുഖേന എത്ര കുടുംബങ്ങള്‍ക്ക് ഭവന നിര്‍മ്മാണ സഹായം ലഭ്യമാക്കിയിട്ടുണ്ട്; അതില്‍ എത്ര ഭവന നിര്‍മ്മാണം നടന്നു; ഇതിലേയ്ക്കായി എത്ര തുക വിനിയോഗിച്ചു; വിശദാംശം ലഭ്യമാക്കുമോ;

പ്രസ്തുത പദ്ധതി നടത്തിപ്പില്‍ ഉദ്യോഗസ്ഥ തലങ്ങളിലുണ്ടായ ഫണ്ട് തട്ടിപ്പ് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത തട്ടിപ്പുമായി ബന്ധപ്പെട്ട് എത്ര കേസുകള്‍ രജിസ്റ്റര്‍ ചെയ്തുവെന്നും എത്ര പേര്‍ക്കെതിരെ നടപടി സ്വീകരിച്ചുവെന്നും അറിയിക്കാമോ; നഷ്ടമായ എത്ര തുക കണ്ടെത്തി അര്‍ഹരായവര്‍ക്ക് ലഭ്യമാക്കിയെന്നതിന്റെ വിശദാംശം ലഭ്യമാക്കുമോ;

സര്‍ക്കാര്‍ കണക്ക് പ്രകാരം നിലവില്‍ സ്വന്തമായി ഭവനം ഇല്ലാത്ത എത്ര ആദിവാസി കുടുംബങ്ങളുണ്ട്; പ്രസ്തുത കുടുംബങ്ങള്‍ക്ക് കൂടി ഭവനം ഉറപ്പാക്കാന്‍ സത്വരമായി സ്വീകരിക്കാനുദ്ദേശിക്കുന്ന നടപടികള്‍ വിശദമാക്കാമോ?

സംസ്ഥാനത്ത് പട്ടികജാതി വിഭാഗങ്ങളുടെ നിലവിലെ സ്ഥിതിയെപ്പറ്റി കൃത്യമായ പഠനം നടത്താനും വിവരം ശേഖരിക്കുവാനും ഭാവി പദ്ധതികള്‍ ആസൂത്രണം ചെയ്യുവാനും സ്വീകരിച്ചു വരുന്ന നടപടികള്‍ വിശദമാക്കാമോ;

പട്ടികജാതി, പട്ടികവര്‍ഗ്ഗ വകുപ്പുകള്‍ക്ക് കീഴിലുള്ള മോഡല്‍ റസിഡന്‍ഷ്യല്‍ സ്കൂളുകളുടെയും ഐ.ടി.ഐ.കളുടെയും അടിസ്ഥാന സൗകര്യങ്ങള്‍ മെച്ചപ്പെടുത്തുവാനും നവീകരിക്കുവാനും നടപടി സ്വീകരിക്കുമോ;

പട്ടികവര്‍ഗ്ഗത്തിലെ ദുര്‍ബല വിഭാഗങ്ങളില്‍ നിന്നുള്ള വിദ്യാര്‍ത്ഥികളെ കണ്ടെത്തി സിവില്‍ സര്‍വ്വീസ് പരീക്ഷയ്ക്ക് പരിശീലനം നല്‍കുന്നതിന് വേണ്ട നടപടി സ്വീകരിക്കുമോ; ഇത് സംബന്ധിച്ച് എന്തെങ്കിലും പദ്ധതി നിലവിലുണ്ടോ; വിശദമാക്കാമോ?

സംസ്ഥാനത്ത് നിലവിലുള്ള പട്ടിക ഗോത്ര വര്‍ഗ്ഗത്തില്‍പ്പെട്ട ജനവിഭാഗങ്ങളുടെ ജനസംഖ്യാനുപാതികമായ സ്ഥിതിവിവര കണക്കുകള്‍ ലഭ്യമാണോ;

പ്രാക്തന ഗോത്ര വര്‍ഗ്ഗത്തില്‍പ്പെട്ട വിവിധ ആദിവാസി വിഭാഗങ്ങള്‍ അന്യംനിന്ന് പോകുന്നതായ വാര്‍ത്ത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്റെ നിജസ്ഥിതി എന്താണെന്ന് വെളിപ്പെടുത്താമോ;

വനാന്തരങ്ങളില്‍ അധിവസിക്കുന്ന പട്ടിക ഗോത്ര വിഭാഗങ്ങളെ സമൂഹത്തിന്റെ മുഖ്യധാരയിലേക്ക് കൊണ്ടുവരുന്നതിനുള്ള ഇടപെടലുകള്‍ എന്തെല്ലാം?

2016ലെ മുഖ്യമന്ത്രിയുടെ കടാശ്വാസ പദ്ധതി പ്രകാരം പട്ടികവർഗ്ഗ വികസന വകുപ്പ് വഴി നാളിതുവരെ എത്രപേർക്ക് ആനുകൂല്യം നൽകിയിട്ടുണ്ട്; വർഷം തിരിച്ചു വിശദാംശങ്ങൾ വ്യക്തമാക്കുമോ;

ഈ പദ്ധതിയിൽ പട്ടികവർഗ്ഗ വിഭാഗക്കാർക്ക് നിലവിൽ ആനുകൂല്യങ്ങൾ നൽകുന്നുണ്ടോ ; ഇല്ലെങ്കിൽ കാരണം വ്യക്തമാക്കുമോ?

സംസ്ഥാനത്തെ എല്ലാ പട്ടികവർഗ്ഗ മേഖലകളിലും ട്രൈബൽ മൊബൈൽ മെഡിക്കൽ യൂണിറ്റിന്റെ സേവനം ലഭ്യമാകുന്നുണ്ടോ;

പ്രസ്തുത സേവനം എല്ലാ പട്ടികവർഗ്ഗ മേഖലകളിലും ഉറപ്പാക്കുന്നതിനായി എന്തൊക്കെ നടപടി സ്വീകരിക്കുമെന്ന് വ്യക്തമാക്കുമോ?

പട്ടികജാതി - പട്ടികവർഗ്ഗ പിന്നോക്ക വിഭാഗ ക്ഷേമത്തിന് വേണ്ടി ഒരു വർഷം തദ്ദേശസ്വയംഭരണ സ്ഥാപനങ്ങൾക്ക് എത്ര തുക നീക്കിവെക്കുന്നുണ്ടെന്ന് വ്യക്തമാക്കാമോ;

ഏതെല്ലാം ആവശ്യങ്ങൾക്ക് വേണ്ടി ചെലവഴിക്കാനാണ് ഈ തുക അനുവദിക്കുന്നതെന്ന് വ്യക്തമാക്കാമോ;

കഴിഞ്ഞ പത്ത് വർഷക്കാലം ഓരോ വർഷത്തിലും കാസർകോട് ജില്ലയ്ക്ക് അനുവദിച്ച തുക എത്രയാണെന്ന് തദ്ദേശസ്വയംഭരണ സ്ഥാപനങ്ങൾ തിരിച്ചു വ്യക്തമാക്കാമോ;

അനുവദിച്ച തുക ഏതെല്ലാം ആവശ്യങ്ങൾക്ക് വേണ്ടി ചെലവഴിച്ചിട്ടുണ്ടെന്നും എത്ര തുക ചെലവഴിക്കാൻ ബാക്കിയുണ്ടെന്നും തദ്ദേശസ്വയംഭരണ സ്ഥാപനങ്ങൾ തിരിച്ചു വ്യക്തമാക്കാമോ;

ഏതെങ്കിലും തദ്ദേശസ്വയംഭരണ സ്ഥാപനം തുക മാറ്റി ചെലവഴിച്ചതായി കണ്ടെത്തിയിട്ടുണ്ടോ; എങ്കിൽ ഏത് സ്ഥാപനമാണതെന്ന് വ്യക്തമാക്കാമോ;

ചെലവഴിക്കാൻ ബാക്കിയുള്ള തുക ഇനി എങ്ങനെ വിനിയോഗിക്കാൻ പറ്റുമെന്ന് വ്യക്തമാക്കാമോ?

സംസ്ഥാനത്ത് പട്ടികവര്‍ഗ്ഗക്കാരുടെ സ്വയംതൊഴില്‍ പദ്ധതികള്‍ക്ക് ഊന്നല്‍ കൊടുത്തുകൊണ്ട് എന്തെല്ലാം കര്‍മ്മ പദ്ധതികള്‍ ആവിഷ്കരിച്ചിട്ടുണ്ടെന്ന് വ്യക്തമാക്കാമോ;

എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നത്;

പ്രസ്തുത പദ്ധതികള്‍ നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കാമോ?

ഗോത്രവർഗ്ഗ പാരാമെഡിക്സ്‌ പദ്ധതിപ്രകാരം ആരോഗ്യ സേവനങ്ങൾ നൽകുന്നതിനായി സംസ്ഥാനത്തെ ഏതെങ്കിലും പ്രാഥമികാരോഗ്യകേന്ദ്രങ്ങളിൽ ഗോത്ര ഭാഷ അറിയാവുന്ന ആരോഗ്യപ്രവർത്തകരെ നിയോഗിച്ചിട്ടുണ്ടോ; വ്യക്തമാക്കാമോ;

സംസ്ഥാനത്തെ എല്ലാ പട്ടികവർഗ്ഗ മേഖലകളിലും പ്രസ്തുത പദ്ധതി പ്രകാരം സേവനത്തിന് ആരോഗ്യപ്രവര്‍ത്തകരെ നിയോഗിക്കുമോ; വിശദാംശം നൽകുമോ?

പട്ടികജാതി കുടുംബങ്ങള്‍ക്ക് എന്തൊക്കെ തരത്തിലുള്ള ധനസഹായമാണ് നല്‍കിവരുന്നത് എന്ന് വിശദവിവരങ്ങള്‍ സഹിതം അറിയിക്കാമോ;

ഇത്തരം ധനസഹായത്തിനുള്ള അപേക്ഷകള്‍ എം.എല്‍.എ.മാര്‍ക്ക് നേരിട്ട് ലഭിക്കുന്ന പക്ഷം സി.എം.ഡി.ആര്‍.എഫ്. അപേക്ഷ സമര്‍പ്പിക്കുന്ന മാതൃകയില്‍, സോഫ്റ്റ്‍വെയറില്‍ പ്രത്യേക ലോഗിനില്‍ അപ്‍ലോഡ് ചെയ്യുന്നതിന് സാധിക്കുമോ എന്നറിയിക്കാമോ?

സംസ്ഥാനത്തെ ഓരോ പട്ടികജാതി കുടുംബത്തിനും ആവശ്യമായ അടിസ്ഥാന സൗകര്യങ്ങള്‍ ഒരുക്കുന്നതിന് പ്രാധാന്യം നല്‍കുന്ന സമഗ്ര വികസന പദ്ധതികള്‍ ആവിഷ്കരിക്കുന്നതിന് തീരുമാനിച്ചിട്ടുണ്ടോ; പദ്ധതിയുടെ വിശദാംശങ്ങള്‍ വ്യക്തമാക്കാമോ?

സംസ്ഥാനത്തെ പട്ടികഗോത്രവര്‍ഗ്ഗ വിഭാഗങ്ങളുടെ തനത് ഭാഷയും സംസ്കാരവും സംരക്ഷിക്കുന്നതിനും അതുമായി ബന്ധപ്പെട്ട രേഖകള്‍ സംരക്ഷിയ്ക്കുന്നതിനും ആവശ്യമായ നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ;

ആദിവാസി ഗോത്രവര്‍ഗ്ഗ കലകള്‍, നാട്ടറിവുകൾ, കണ്ടെത്തലുകള്‍ എന്നിവ സംരക്ഷിക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളത്; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടികജാതി വിഭാഗങ്ങളുടെ ഉന്നമനത്തിനായി ആവിഷ്കരിച്ച പദ്ധതികള്‍ വിശദീകരിക്കാമോ;

ഈ പദ്ധതിയില്‍ ഉള്‍പ്പെടുന്നതിനുള്ള മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ?

പട്ടികജാതി വിഭാഗത്തിന് 2019-20, 2020-21 കാലയളവുകളില്‍ വിവിധ പദ്ധതികള്‍ക്കായി എത്ര രൂപ വകയിരുത്തിയിട്ടുണ്ടെന്നും ആയതില്‍ എത്ര രൂപ ചെലവഴിച്ചിട്ടുണ്ടെന്നും വര്‍ഷം തിരിച്ചുള്ള കണക്ക് ലഭ്യമാക്കുമോ;

തുക വകയിരുത്തിയിരുന്ന പ്രസ്തുത പദ്ധതികളില്‍ പ്രാരംഭ പ്രവര്‍ത്തനങ്ങള്‍ പോലും ആരംഭിച്ചിട്ടില്ലാത്ത എത്ര പദ്ധതികളുണ്ടെന്ന് അറിയിക്കുമോ;

പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികളുടെ വിദ്യാഭ്യാസത്തിന് സഹായം നല്‍കുന്നതിനായി 2019-20, 2020-21 കാലയളവില്‍ വകയിരുത്തിയ തുകയില്‍ എത്ര തുക ചെലവഴിച്ചിട്ടുണ്ട് എന്നതിന്റെ വര്‍ഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത കാലയളവില്‍ പട്ടികജാതി വകുപ്പിന് വകയിരുത്തിയ വിഹിതം വകമാറ്റി ചെലവഴിച്ചിട്ടുണ്ടോ; വിശദാംശം ലഭ്യമാക്കുമോ?

സംസ്ഥാന പിന്നാക്കവിഭാഗ വികസന കോര്‍പ്പറേഷന്‍ മുഖേന ഏതൊക്കെ പദ്ധതികളാണ് നിലവിലുളളതെന്നും ഇവ ഓരോന്നിന്റെയും അര്‍ഹതാ മാനദണ്ഡങ്ങളും വ്യക്തമാക്കാമോ;

പിന്നാക്ക വിഭാഗത്തിലെ വിദ്യാര്‍ത്ഥികള്‍ക്ക് വേണ്ടി ഏതെങ്കിലും പ്രത്യേക പദ്ധതി കോര്‍പ്പറേഷന്‍ മുഖേന നടപ്പിലാക്കുന്നുണ്ടോ; വിശദമാക്കാമോ?

പിന്നാക്ക വിഭാഗകോര്‍പ്പറേഷന്റെ ആസ്ഥാന മന്ദിരത്തിന്റെ നിര്‍മ്മാണം പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

എല്ലാ ജില്ലകളിലും പിന്നാക്കക്ഷേമ വകുപ്പിന്റെ ഓഫീസുകള്‍ പ്രവര്‍ത്തനം ആരംഭിച്ചിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

പ്രസ്തുത ഓഫീസുകള്‍ മുഖാന്തരം നടത്താന്‍ ഉദ്ദേശിക്കുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ?

ആദിവാസി വിഭാഗത്തിൽപ്പെട്ടവര്‍ക്കിടയില്‍ സ്വയം തൊഴിൽ പ്രോത്സാഹിപ്പിക്കുന്നതിനായി നടപ്പിലാക്കിവരുന്ന വിവിധ പദ്ധതികളെ സംബന്ധിച്ച വിശദാംശങ്ങൾ ലഭ്യമാക്കാമോ;

പ്രസ്തുത വിഭാഗത്തിന് സ്വയം തൊഴിൽ പദ്ധതികൾ ആരംഭിക്കുന്നതിനു വേണ്ടി വായ്പകൾ അനുവദിക്കുന്നുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ?

പിന്നോക്ക വിഭാഗ വകുപ്പിനു കീഴിലുള്ള പൊതുമേഖലാ സ്ഥാപനങ്ങൾക്ക് മുൻ സർക്കാരിന്റെ കാലത്ത് ബഡ്ജറ്റിൽ വകയിരുത്തിയ തുകയുടെ വർഷം തിരിച്ചുള്ള കണക്ക് വ്യക്തമാക്കാമോ;

മേൽപ്പറഞ്ഞ പ്രകാരം വകയിരുത്തിയതിൽ എത്ര തുക വീതമാണ് അനുവദിച്ചു നൽകിയത്; തിരിച്ചുപിടിച്ച തുക എത്രയാണ്; വർഷം തിരിച്ചുള്ള കണക്ക് വ്യക്തമാക്കാമോ;

മുൻ സർക്കാരിന്റെ കാലത്ത് വകുപ്പിനും അതിനു കീഴിലുള്ള സ്ഥാപനങ്ങൾക്കും ലഭിച്ച കേന്ദ്രസഹായത്തിന്റെ വർഷം തിരിച്ചുള്ള കണക്ക് വ്യക്തമാക്കാമോ?

"സ്റ്റാര്‍ട്ടപ് ഡ്രീംസ്" പദ്ധതി മുഖേന എത്ര പട്ടികജാതി-പട്ടികവര്‍ഗ്ഗ സ്റ്റാര്‍ട്ടപ്പുകള്‍ ആരംഭിച്ചിട്ടുണ്ടെന്ന് അറിയിക്കാമോ;

പ്രസ്തുത സ്റ്റാര്‍ട്ടപ്പുകള്‍ക്കായി എന്തെല്ലാം ആനുകൂല്യങ്ങളാണ് അനുവദിച്ചിട്ടുളളതെന്ന് വ്യക്തമാക്കാമോ;

പ്രസ്തുത സ്റ്റാര്‍ട്ടപ്പുകള്‍ക്ക് എസ്.സി/എസ്.ടി ഡെവലപ്മെന്റ് കോര്‍പ്പറേഷന്‍ മുഖേന എത്ര രൂപ വായ്പ അനുവദിച്ചിട്ടുണ്ടെന്ന് അറിയിക്കാമോ;

പ്രസ്തുത വായ്പകള്‍ക്ക് പലിശ സബ്‌സിഡി അനുവദിച്ചിട്ടുണ്ടോയെന്ന് വ്യക്തമാക്കാമോ?

പട്ടികജാതി, പട്ടികവര്‍ഗ്ഗ വിഭാഗത്തില്‍പ്പെട്ടവരുടെ ക്ഷേമത്തിനായി ഈ സര്‍ക്കാര്‍ നടപ്പിലാക്കുന്ന പദ്ധതികളുടെ വിശദവിവരം ലഭ്യമാക്കുമോ?

പട്ടികജാതി, പട്ടികവര്‍ഗ്ഗ വിഭാഗക്കാര്‍ക്കായി അനുവദിക്കുന്ന പദ്ധതി വിഹിതം അര്‍ഹരായവര്‍ക്ക് തന്നെയാണ് ലഭിക്കുന്നതെന്ന് ഉറപ്പു വരുത്താന്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് അറിയിക്കുമോ;

അര്‍ഹരായ വ്യക്തികള്‍ വകുപ്പ് നിഷ്കര്‍ഷിക്കുന്നതായ പ്രവര്‍ത്തനങ്ങള്‍ക്കായി പ്രസ്തുത തുക വിനിയോഗിക്കുന്നുണ്ടെന്ന് ഉറപ്പാക്കാന്‍ നടപടി സ്വീകരിക്കാറുണ്ടോ; വിശദമാക്കുമോ;

ഒരേ ആവശ്യത്തിന് തന്നെ പലതവണ ഒരു ഗുണഭോക്താവ് അര്‍ഹത നേടുകയും പദ്ധതി വിഹിതം കെെപ്പറ്റുകയും ചെയ്തതായി ശ്രദ്ധയില്‍പ്പെട്ടിട്ടുണ്ടോ; ഇത്തരം സംഭവങ്ങളില്‍ അനുവര്‍ത്തിക്കുന്ന നടപടികള്‍ വ്യക്തമാക്കുമോ?

23.05.2014 തീയതിയിലെ സ.ഉ. (എം.എസ്) നമ്പര്‍ 10/2014/പി.സ.വി.വ. പ്രകാരം ഒ.ഇ.സി. വിഭാഗത്തിലെ ചവളക്കാരന്‍ സമുദായം ഉള്‍പ്പെടെയുള്ള സമുദായങ്ങളിലെ വിദ്യാര്‍ത്ഥികള്‍ക്ക് വിദ്യാഭ്യാസ ആനുകൂല്യങ്ങള്‍ക്കുള്ള വാര്‍ഷിക വരുമാന പരിധി ആറുലക്ഷം രൂപയാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത സമുദായങ്ങളിലെ കുട്ടികള്‍ക്ക് വിദ്യാഭ്യാസ ആനുകൂല്യത്തിന് ആറ് ലക്ഷം രൂപ വാര്‍ഷിക വരുമാന പരിധി നിശ്ചയിക്കുമ്പോള്‍ നോണ്‍ ക്രീമിലയര്‍ പരിധിയും ആറ് ലക്ഷമായിരുന്നു എന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

നോണ്‍ ക്രീമിലയര്‍ വരുമാന പരിധി എട്ട് ലക്ഷം രൂപയായി ഉയര്‍ത്തിയ സാഹചര്യത്തില്‍ ചവളക്കാരന്‍ അടക്കമുള്ള ഒ.ഇ.സി. വിഭാഗത്തിലെ കുട്ടികള്‍ക്കും വിദ്യാഭ്യാസ ആനുകൂല്യങ്ങള്‍ക്ക് വാര്‍ഷിക വരുമാന പരിധി എട്ട് ലക്ഷം രൂപയായി ഉയര്‍ത്തണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

എങ്കില്‍ പരിധി ഉയര്‍ത്തുന്ന കാര്യം പരിഗണനയില്‍ ഉണ്ടോ; വിശദമാക്കാമോ?

സംസ്ഥാനത്ത് പട്ടികജാതി, പട്ടികവര്‍ഗ്ഗ സഹകരണസംഘങ്ങളുടെ പ്രവര്‍ത്തനം വിലയിരുത്തിയിട്ടുണ്ടോ; എങ്കില്‍ വിശദമാക്കുമോ?

പിന്നാക്ക വിഭാഗ വികസന കോര്‍പ്പറേഷനില്‍ നിന്ന് ഏതെല്ലാം ആവശ്യങ്ങള്‍ക്ക് വായ്പകള്‍ അനുവദിക്കാറുണ്ടെന്നും എത്ര ശതമാനം പലിശയ്ക്കാണ് വായ്പ അനുവദിക്കുന്നതെന്നും വ്യക്തമാക്കാമോ;

പ്രസ്തുത വായ്പകള്‍ അനുവദിക്കുന്നതിന് കഴിഞ്ഞ രണ്ട് സാമ്പത്തിക വര്‍ഷം സര്‍ക്കാര്‍ കോര്‍പ്പറേഷന് എത്ര തുക അനുവദിച്ചു; ഓരോ സാമ്പത്തിക വര്‍ഷത്തേയും ചെലവഴിക്കാത്ത തുകയുടെ വിശദാംശം നല്‍കുമോ;

2016 മുതല്‍ 2021 വരെ എത്ര പേര്‍ക്ക് വായ്പ അനുവദിച്ചിട്ടുണ്ടെന്നത് വര്‍ഷം, ജില്ല, എന്തെല്ലാം ആവശ്യങ്ങള്‍ക്കാണ് വായ്പകള്‍ അനുവദിച്ചത് എന്ന് ഇനം തിരിച്ച് ലഭ്യമാക്കുമോ;

പിന്നാക്ക വിഭാഗ വികസന കോര്‍പ്പറേഷനില്‍ 2021-22 സാമ്പത്തിക വര്‍ഷം എന്തെല്ലാം പദ്ധതികളാണ് നടപ്പിലാക്കി വരുന്നതെന്നും ഓരോന്നിനും മാറ്റിവച്ചിരിക്കുന്ന തുക എത്രയെന്നും വ്യക്തമാക്കുമോ?

കോവിഡിന്റെ പശ്ചാത്തലത്തില്‍ ശബരിമല തീര്‍ത്ഥാടനവുമായി ബന്ധപ്പെട്ട ഭക്തരെ പ്രവേശിപ്പിക്കാന്‍ എന്തെല്ലാം ക്രമീകരണങ്ങളാണ് നടത്തുവാന്‍ ഉദ്ദേശിക്കുന്നത്; ആയതിന്റെ വിശദവിവരങ്ങള്‍ നല്‍കാമോ;

തീര്‍ത്ഥാടകരെ പ്രവേശിപ്പിക്കുന്നതിനുള്ള വെർച്വൽ ക്യൂ സംവിധാനം നിലനിര്‍ത്തിയിട്ടുണ്ടോ?

ആറ്റിങ്ങല്‍ കൊല്ലമ്പുഴയില്‍ പ്രവര്‍ത്തിക്കുന്ന ക്ഷേത്ര കലാപീഠത്തില്‍ കൂടുതല്‍ കോഴ്സുകള്‍ അനുവദിക്കുന്നത് പരിഗണനയിലുണ്ടോ; വ്യക്തമാക്കുമോ?

മണ്ഡല-മകരവിളക്ക് തീർത്ഥാടനത്തിനായി ശബരിമലയിൽ എത്തുന്ന തീർത്ഥാടകർക്ക് അടിസ്ഥാന സൗകര്യം ഒരുക്കുന്നതിനായി തിരുവിതാംകൂർ ദേവസ്വം ബോർഡ് സ്വീകരിച്ചിട്ടുള്ള നടപടികള്‍ എന്തെല്ലാം; വ്യക്തമാക്കുമോ;

കടുത്ത സാമ്പത്തിക പ്രതിസന്ധി അഭിമുഖീകരിക്കുന്ന ബോർഡിന് പ്രസ്തുത ആവശ്യത്തിനായി എന്തെങ്കിലും സര്‍ക്കാര്‍ സഹായം ലഭ്യമായിട്ടുണ്ടോ; വ്യക്തമാക്കുമോ?

കുറ്റ്യാടി മണ്ഡലത്തിലെ മലബാര്‍ ദേവസ്വം ബോര്‍ഡിന് കീഴിലെ ക്ഷേത്രങ്ങളുടെ വിശദ വിവരങ്ങള്‍ ലഭ്യമാക്കാമോ;

പ്രസ്തുത ക്ഷേത്രങ്ങളുടെ പുനരുദ്ധാരണത്തിനായി നിലവിലുള്ള മാനദണ്ഡങ്ങള്‍ അറിയിക്കാമോ?

കുട്ടനാട്ടിലെ ക്ഷേത്രങ്ങളോട് ചേര്‍ന്നുള്ള കാവുകള്‍ സംരക്ഷിക്കാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

ഇത്തരം കാവുകളുടെ സംരക്ഷണത്തിന് ഒരു പ്രത്യേക പദ്ധതി തയ്യാറാക്കി നടപ്പക്കുമോ; എങ്കില്‍ വിശദാംശം ലഭ്യമാക്കുമോ?

സംസ്ഥാനത്ത് ദേവസ്വത്തിന് കീഴിലുള്ള ക്ഷേത്രങ്ങളുടെയും ഇതര ക്ഷേത്രങ്ങളുടെയും ജില്ല തിരിച്ചുള്ള കണക്ക് ലഭ്യമാക്കാമോ;

പ്രസ്തുത ക്ഷേത്രങ്ങളിലെ ഭൂമി, സ്വര്‍ണ്ണം, വെള്ളി, പഞ്ചലോഹമുള്‍പ്പെടെയുള്ള സ്ഥാവരജംഗമസ്വത്തുക്കള്‍ നഷ്ടപ്പെടുന്നതും മോഷണം പോകുന്നതും സംരക്ഷകരാല്‍ തന്നെ അന്യാധീനപ്പെടുന്നതും ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കാമോ;

ഇത്തരം പ്രവൃത്തികളിലൂടെ ക്ഷേത്രങ്ങളുടെ സ്വത്ത് അന്യാധീനപ്പെടുന്നത് തടയുവാനും അവ സംരക്ഷിക്കാനും സര്‍ക്കാര്‍ നേതൃത്വം ഉറപ്പുവരുത്താനുമായി ഒരു നിയമ നിര്‍മ്മാണത്തിന്റെ ആവശ്യകത പരിഗണിയ്ക്കുമോ; എങ്കില്‍ വിശദാംശം ലഭ്യമാക്കാമോ?

ചെട്ടികുളങ്ങര കുംഭഭരണി നടക്കുന്ന ചെട്ടികുളങ്ങര ക്ഷേത്രം,മധ്യതിരുവിതാംകൂറിലെ പ്രശസ്തമായ മാവേലിക്കര, കണ്ടിയൂര്‍, ഹരിപ്പാട്, മണ്ണാറശാല, ഓച്ചിറ, വെട്ടികോട് തുടങ്ങിയ ക്ഷേത്രങ്ങളെ തമ്മില്‍ ബന്ധിപ്പിക്കുന്ന തീര്‍ത്ഥാടന ടൂറിസം ആരംഭിക്കുന്നതിനാവശ്യമായ നടപടി സ്വീകരിക്കുമോ?

കോവിഡ്-19 നെ തുടര്‍ന്ന് സമ്പൂര്‍ണ്ണ അടച്ചിടലിന് ശേഷം കടുത്ത നിയന്ത്രണങ്ങള്‍ ഏര്‍പ്പെടുത്തിക്കാെണ്ട് ക്ഷേത്രങ്ങള്‍ തുറക്കാന്‍ അനുവദിച്ചതിലൂടെ, സംസ്ഥാനത്തെ ദേവസ്വം ബോര്‍ഡ് ക്ഷേത്രങ്ങളിലെ വരുമാനത്തില്‍ വലിയ കുറവ് ഉണ്ടാവുകയും, ഇതുമൂലം വിവിധ ദേവസ്വം ബോര്‍ഡുകള്‍ പ്രതിസന്ധിയിലാകുകയും ചെയ്തത് ശ്രദ്ധയില്‍പ്പെട്ടിട്ടുണ്ടോ ;

ഇപ്രകാരം പ്രതിസന്ധിയിലായ ദേവസ്വം ബോര്‍ഡുകളെ സഹായിക്കുന്നതിന് സ്വീകരിക്കുന്ന നടപടികള്‍ എന്തൊക്കെ എന്ന് വിശദമാക്കാമോ?

എം.എൽ.എ.മാരുടെ അഡീഷണൽ സ്റ്റാഫിന്റെ വേതന വർദ്ധനവിനായി നിയമസഭാ സാമാജികർ നൽകിയ പരാതി പാർലമെന്ററികാര്യ വകുപ്പിൽ ലഭിച്ചിട്ടുണ്ടോ;

പ്രസ്തുത പരാതിയിൽ നാളിതുവരെ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കാമോ;

എം.എല്‍.എ.മാരുടെ അഡീഷണൽ സ്റ്റാഫുകളുടെ ശമ്പളം ദിവസവേതനക്കാരുടെ ശമ്പളത്തേക്കാൾ കുറവാണെന്നത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അഡീഷണൽ സ്റ്റാഫുകളുടെ ശമ്പളം കാലോചിതമായി വർദ്ധിപ്പിച്ചു നൽകാൻ നടപടി സ്വീകരിക്കുമോ?