കണ്ണൂരില്‍ മലബാര്‍ ഇന്റര്‍നാഷണല്‍ പോര്‍ട്ട് ആൻഡ് സെസ് ലിമിറ്റഡ് നിർമ്മിക്കുന്ന ഗ്രീന്‍ ഫീല്‍ഡ് തുറമുഖ പദ്ധതിയുടെ നിലവിലെ സ്ഥിതി വിശദമാക്കാമോ;

പോര്‍ട്ടിന്റെ പ്രാരംഭ പ്രവര്‍ത്തനങ്ങള്‍ സുഗമമായി നടക്കുന്നതിന് കണ്ണൂര്‍ കേന്ദ്രീകരിച്ച് ഓഫീസ് സംവിധാനം തുടങ്ങുന്നത് പരിഗണനയിലുണ്ടോ; ഇല്ലെങ്കില്‍ കണ്ണൂരില്‍ ഓഫീസ് തുടങ്ങുന്നത് പരിഗണിക്കാമോ;

പോര്‍ട്ടുമായി ബന്ധപ്പെട്ട് നടപ്പിലാക്കാന്‍ ഉദ്ദേശിക്കുന്ന പ്രാരംഭ പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കാമോ?

ആലപ്പുഴ തുറമുഖം നവീകരിച്ച് ചരക്കു ഗതാഗതത്തിനും ടൂറിസ്റ്റുകള്‍ക്ക് കടല്‍ യാത്രാസൗകര്യമൊരുക്കുന്നതിനും എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

ആലപ്പുഴയുടെ ടൂറിസം രംഗത്തെ സാദ്ധ്യതകള്‍ പരിഗണിച്ച് ആലപ്പുഴ തുറമുഖ വികസനം സാദ്ധ്യമാക്കാന്‍ എന്തൊക്കെ പദ്ധതികള്‍ നടപ്പാക്കുമെന്ന് വ്യക്തമാക്കാമോ?

വിഴിഞ്ഞം തുറമുഖ പദ്ധതി നിർദ്ദിഷ്ട കാലാവധിക്കുള്ളിൽ പൂർത്തീകരിക്കാൻ കഴിയില്ല എന്ന് തുറമുഖ നിർമ്മാണ കമ്പനി വ്യക്തമാക്കിയതിന്റെ അടിസ്ഥാനത്തിൽ സർക്കാർ എന്തൊക്കെ തുടർ നടപടികൾ സ്വീകരിച്ചിട്ടുണ്ടെന്ന് അറിയിക്കാമോ?

വിഴിഞ്ഞം തുറമുഖ നിര്‍മ്മാണം ആയിരം ദിവസംകൊണ്ട് പൂര്‍ത്തീകരിക്കുന്നതില്‍ തടസ്സം എന്താണെന്ന് വെളിപ്പെടുത്താമോ; തുറമുഖ നിര്‍മ്മാണ കരാര്‍ ലംഘനം ഉണ്ടായിട്ടുണ്ടോയെന്നും ഉണ്ടായെങ്കില്‍ ലംഘനം നടത്തിയത് ആരാണെന്നും അറിയിക്കാമോ;

കരാര്‍ ലംഘനത്തിന് നഷ്ടപരിഹാരം ഈടാക്കുവാന്‍ കരാറില്‍ വ്യവസ്ഥയുണ്ടോ;

തുറമുഖ നിര്‍മ്മാണത്തിനായി ഏറ്റെടുക്കേണ്ട സ്ഥലം പൂര്‍ണ്ണമായി ഏറ്റെടുത്ത് നല്‍കുന്നതിന് തടസ്സമെന്താണെന്നും സ്ഥലമേറ്റെടുക്കല്‍ എന്നത്തേക്ക് പൂര്‍ത്തിയാകുമെന്നും വിശദമാക്കാമോ;

മത്സ്യത്തൊഴിലാളി ക്ഷേമത്തിനായി എന്തൊക്കെ വ്യവസ്ഥകള്‍ കരാറിലുണ്ട്; പ്രസ്തുത വ്യവസ്ഥകള്‍ നടപ്പിലാക്കിയിട്ടുണ്ടോയെന്നും ഇല്ലെങ്കില്‍ എന്തുകൊണ്ടെന്നും എന്നത്തേക്ക് നടപ്പിലാക്കുമെന്നും വിശദമാക്കാമോ;

തുറമുഖ നിര്‍മ്മാണവുമായി ബന്ധപ്പെട്ട ഫിഷറീസ് ഹാര്‍ബറിന്റെ നിര്‍മ്മാണ പുരോഗതി അറിയിക്കാമോ; ഇതിന്റെ പ്രവര്‍ത്തനം എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കുമോ;

തദ്ദേശവാസികള്‍ക്കായി കരാറില്‍ എന്തെല്ലാം വ്യവസ്ഥകളാണുള്ളതെന്നും ഇവ എന്നത്തേക്ക് നടപ്പിലാക്കാന്‍ സാധിക്കുമെന്നും വിശദമാക്കാമോ?

ഈ സർക്കാർ അധികാരത്തിൽ വന്നശേഷം കാഞ്ഞങ്ങാട് നിയോജകമണ്ഡലത്തിൽ തുറമുഖ വകുപ്പിന് കീഴിൽ ഏതെങ്കിലും പ്രവൃത്തികൾ ആരംഭിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

പ്രസ്തുത മണ്ഡലത്തില്‍ പുതുതായി നടപ്പിലാക്കാൻ ഉദ്ദേശിക്കുന്ന പദ്ധതികൾ ഏതൊക്കെയെന്ന് അറിയിക്കാമോ?

ആലപ്പുഴ പൈതൃക പദ്ധതിയില്‍ ഉള്‍പ്പെടുത്തി പുതിയ കടല്‍പ്പാലം നിര്‍മ്മിക്കുന്നതിന് കിഫ്ബി ധനസഹായത്തോടെ വിഭാവനം ചെയ്ത പദ്ധതിയുടെ വിശദാംശങ്ങളും ഇപ്പോഴത്തെ സ്ഥിതിയും വ്യക്തമാക്കാമോ;

ടൂറിസം സാധ്യത പ്രയോജനപ്പെടുത്തുന്നതിനായി നിലവിലുള്ള പഴയ കടല്‍പ്പാലം പുതുക്കുന്നതിനും അത് സംരക്ഷിച്ചുകൊണ്ട് പുതിയ കടല്‍പ്പാലം നിര്‍മ്മിക്കുന്നതിനും കഴിയുമോയെന്നും ഇതിനായി പ്രത്യേക പദ്ധതി നടപ്പാക്കാന്‍ തയ്യാറാകുമോയെന്നും വ്യക്തമാക്കാമോ;

ആലപ്പുഴ പൈതൃക പദ്ധതിയിലുള്‍പ്പെടുത്തി പുതിയ കടല്‍പ്പാലം നിര്‍മ്മിക്കുന്നതിനും ആലപ്പുഴ-കൊച്ചി-ബേപ്പൂര്‍ തുറമുഖങ്ങളെ ബന്ധിപ്പിച്ച് ടൂറിസ്റ്റുകള്‍ക്കായി ചെറുകപ്പല്‍ ഗതാഗതം നടപ്പാക്കുന്നതിനും തയ്യാറാക്കിയ പദ്ധതിയിന്മേല്‍ സ്വീകരിച്ച നടപടിയെന്തെന്ന് വിശദമാക്കാമോ?

ആലപ്പുഴ തുറമുഖത്ത് ഏറ്റവുമൊടുവില്‍ ചരക്കു കപ്പല്‍ എത്തിയത് ഏതു വര്‍ഷമാണെന്നും കപ്പല്‍ അവസാനമായി നങ്കൂരമിട്ടത് ഏത് വര്‍ഷമാണെന്നുമുള്ള വിവരം ലഭ്യമാണോ; എങ്കിൽ വ്യക്തമാക്കാമോ;

ചെലവു കുറഞ്ഞ ചരക്കു നീക്കത്തിന് ഉതകുംവിധം ആലപ്പുഴ തുറമുഖം പുന:രുദ്ധരിക്കുന്നതിന് എന്തെങ്കിലും നടപടി ആരംഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

ആലപ്പുഴ നഗരത്തിന്റെ പ്രധാന ആകര്‍ഷണമായ തുറമുഖത്തോടൊപ്പം നിര്‍മ്മിച്ച കടല്‍പ്പാലം അറ്റകുറ്റപ്പണി നടത്തി പുതുക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

തൃശ്ശൂർ ജില്ലയിലെ അഴീക്കോട് പൂച്ചക്കടവ് തുറമുഖ നിർമ്മാണവുമായി ബന്ധപ്പെട്ട് നിലവില്‍ ഏറ്റെടുത്തിരിക്കുന്ന പ്രവൃത്തികൾ എന്നത്തേക്ക് പൂർത്തീകരിക്കാൻ കഴിയുമെന്ന് വ്യക്തമാക്കാമോ;

ഇതുമായി ബന്ധപ്പെട്ട ഡ്രെഡ്ജിംഗ് പ്രവർത്തനങ്ങൾ പൂർത്തിയാകാതെ നീണ്ടുപോകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത പ്രവർത്തനങ്ങൾ അടിയന്തരമായി പൂര്‍ത്തിയാക്കുവാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് അറിയിക്കാമോ?

അഴീക്കല്‍ തുറമുഖത്ത് നിലവില്‍ ഡ്രെഡ്ജിംഗ് നടത്തുന്നുണ്ടോയെന്നും ഡ്രെഡ്ജിംഗ് നടത്തുന്നത് എത്ര മീറ്ററിലാണെന്നും ആയത് നടക്കുന്നില്ലായെങ്കില്‍ എന്തുകൊണ്ടാണെന്നും തടസങ്ങളുണ്ടെങ്കില്‍ അതിന്റെ വിശദാംശങ്ങളും നല്‍കാമോ;

നിലവില്‍ അഴീക്കല്‍ പോര്‍ട്ടിലുളള ഡ്രെഡ്ജിംഗ് മെറ്റീരിയല്‍ നീക്കം ചെയ്യാന്‍ നടപടികള്‍ സ്വീകരിച്ചിട്ടുണ്ടോ; എങ്കിൽ ആയതിന്റെ നടപടിക്രമങ്ങള്‍ എന്തൊക്കെയാണ്; വിശദമാക്കാമോ;

എത്ര ടണ്‍ ഡ്രെഡ്ജിംഗ് മെറ്റീരിയല്‍ തുറമുഖ ബര്‍ത്തില്‍ കൂട്ടിയിട്ടിട്ടുണ്ടാകുമെന്നുളളതിന്റെ കണക്ക് വിശദമാക്കാമോ?

കണ്ണൂര്‍ ജില്ലയിലെ അഴീക്കല്‍ പോര്‍ട്ട് റീജണല്‍ പോര്‍ട്ടായി ഉയര്‍ത്തിയതിന്റെ പ്രവര്‍ത്തന പുരോഗതി വിശദമാക്കാമോ;

റീജണല്‍ പോര്‍ട്ട് ഓഫീസര്‍, അധിക ജീവനക്കാര്‍ എന്നിവരെ നിയമിച്ചിട്ടുണ്ടോ; ഇല്ലെങ്കില്‍ ആയതിന് തടസ്സങ്ങള്‍ ഉണ്ടോ; വിശദാംശങ്ങള്‍ ലഭ്യമാക്കാമോ;

റീജണല്‍ പോര്‍ട്ടായി വികസിപ്പിക്കുന്നതിന് അഴീക്കല്‍ തുറമുഖത്ത് നടപ്പിലാക്കിവരുന്ന പ്രവൃത്തികള്‍ എന്തെല്ലാമെന്നും ഓരോന്നിന്റേയും വിശദാംശങ്ങളും ലഭ്യമാക്കാമോ;

എമിഗ്രേഷന്‍ ക്ലിയറന്‍സിന്റെ നടപടികള്‍ ആരംഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് ചെറുകിട, ഇടത്തരം തുറമുഖങ്ങള്‍ പുതുതായി ആരംഭിക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

പൊതു-സ്വകാര്യ പങ്കാളിത്തത്തോടെ വന്‍കിടേതര തുറമുഖങ്ങളെ വികസിപ്പിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് സ്വകാര്യ വ്യക്തികൾ നടത്തുന്ന പുരാവസ്തു മ്യൂസിയങ്ങൾ പ്രവർത്തിക്കുന്നുണ്ടോ; എങ്കിൽ ഇത്തരം സ്ഥാപനങ്ങൾ പ്രവർത്തിപ്പിക്കുന്നതിനുള്ള മാനദണ്ഡങ്ങൾ വ്യക്തമാക്കുമോ;

മോൻസൺ മാവുങ്കൽ എന്ന വ്യക്തി മേൽപ്പറഞ്ഞ മാനദണ്ഡങ്ങൾ പാലിച്ചാണോ അദ്ദേഹത്തിന്റെ വസതിയിൽ പുരാവസ്തു മ്യൂസിയം എന്ന പേരിൽ വ്യാജ വസ്തുക്കളുടെ പ്രദർശനം നടത്തിയിരുന്നത് എന്ന് വ്യക്തമാക്കുമോ;

അല്ലെങ്കിൽ ഇക്കാര്യത്തിൽ പുരാവസ്തു വകുപ്പിന് വീഴ്ച സംഭവിച്ചതായി വിലയിരുത്തുന്നുണ്ടോ; ഇത്തരം നടപടികൾ ആവർത്തിക്കാതിരിക്കാൻ എന്തൊക്കെ നടപടികള്‍ സ്വീകരിക്കുമെന്ന് അറിയിക്കുമോ?

ലോക പ്രശസ്ത ചിത്രകാരനായ രാജാരവിവര്‍മ്മയുടെ പേരില്‍ നിര്‍മ്മിക്കുന്ന ആധുനിക ആര്‍ട്ട് ഗ്യാലറിയുടെ നിര്‍മ്മാണം പൂര്‍ത്തിയായിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

നിര്‍മ്മാണത്തിലിരിക്കുന്ന പ്രസ്തുത ആധുനിക ആര്‍ട്ട് ഗ്യാലറിയുടെ പ്രത്യേകതകള്‍ എന്തൊക്കെയാണ്; പൊതുജനങ്ങള്‍ക്ക് ഇത് എങ്ങനെ ഉപയോഗപ്രദമാക്കാന്‍ കഴിയുമെന്ന് വിശദമാക്കാമോ?

മഞ്ചേശ്വരത്തെ തുളുനാടൻ കലാ കാർഷിക ചരിത്ര പ്രാധാന്യമുള്ള വസ്തുക്കളും രേഖകളും ആവിഷ്കാരങ്ങളും ശേഖരിക്കാനും സംരക്ഷിക്കാനും പ്രദർശിപ്പിക്കാനുമുതകുന്ന ഒരു കൾച്ചറൽ ആൻഡ് ഹിസ്റ്റോറിക്കൽ മ്യൂസിയം മഞ്ചേശ്വരം താലൂക്കിൽ അനുവദിക്കുന്നതിന് നടപടി സ്വീകരിക്കുമോ;

ഇതുസംബന്ധിച്ച് എന്തെങ്കിലും നടപടി സ്വീകരിച്ചിട്ടുണ്ടോ?

നാദാപുരം മണ്ഡലത്തില്‍ പുരാവസ്തു വകുപ്പിന് കീഴില്‍ ഒരു വടക്കന്‍ പാട്ട് മ്യൂസിയം സ്ഥാപിക്കുന്നതിനുവേണ്ടി സ്ഥലം എം.എല്‍.എ. നല്‍കിയ കത്തിന്മേല്‍ നാളിതുവരെ എന്തൊക്കെ നടപടികള്‍ സ്വീകരിച്ചുവെന്ന് വ്യക്തമാക്കാമോ;

പ്രസ്തുത പ്രൊപ്പോസല്‍ പരിഗണനയിലുണ്ടോ എന്ന് വെളിപ്പെടുത്താമോ?

പോര്‍ച്ചുഗീസുകാരുടെ കാലം മുതല്‍ക്ക് വാണിജ്യ തുറമുഖവും വിപണന കേന്ദ്രവുമായിരുന്നതും അതുമായി ബന്ധപ്പെട്ട് ചരിത്രസ്മാരകങ്ങളായ കെട്ടിടങ്ങളുമുളള പൊന്നാനിയില്‍ പോര്‍ട്ട് മ്യൂസിയം സ്ഥാപിക്കുന്നതിന് നടപടി സ്വീകരിക്കുമോ?

സംസ്ഥാനത്തെ ചരിത്രപരമായും പുരാവസ്തുപരമായും പ്രാധാന്യം ഉളള സ്മാരകങ്ങള്‍ ഏതെല്ലാമെന്ന് ജില്ല തിരിച്ച് വെളിപ്പെടുത്തുമോ;

സംരക്ഷിത സ്മാരകങ്ങളുടെ പ‍ട്ടികയില്‍ ഉള്‍പ്പെട്ടിട്ടുളള പ്രാചീന സ്മാരകങ്ങളുടെ ലിസ്റ്റ് ജില്ലാടിസ്ഥാനത്തില്‍ ലഭ്യമാക്കുമോ; ഇവയുടെ സംരക്ഷണത്തിനായി സ്വീകരിച്ചുവരുന്ന നടപടികള്‍ വ്യക്തമാക്കുമോ;

പൈതൃക മ്യൂസിയങ്ങളുടെ സജ്ജീകരണം ഏതെല്ലാം ജില്ലകളിലാണ് പുരോഗമിക്കുന്നതെന്നും ഇവയുടെ പ്രവര്‍ത്തന പുരോഗതിയും വിശദമാക്കുമോ?

ഗുരുവായൂര്‍ മണ്ഡലത്തില്‍ 2016 മുതല്‍ 2021 വരെ പുരാവസ്തു വകുപ്പ് മുഖേന നടപ്പിലാക്കിയതും നടപ്പിലാക്കാന്‍ അവശേഷിക്കുന്നതുമായ പദ്ധതികളുടെ വിവരം ലഭ്യമാക്കാമോ?

വള്ളിക്കുന്ന് നിയോജകമണ്ഡലത്തിലെ നെരുങ്കെതക്കോട്ട ഭഗവതി ക്ഷേത്രം സംരക്ഷിത സ്മാരകമായി പ്രഖ്യാപിക്കുന്നതിനുള്ള നടപടികളുടെ പുരോഗതി വ്യക്തമാക്കാമോ;

പ്രസ്തുത ക്ഷേത്രത്തിന്റെ റവന്യൂ വിശദാംശങ്ങളടങ്ങിയ മലപ്പുറം ജില്ലാ കളക്ടരുടെ റിപ്പോര്‍ട്ടിന്മേല്‍ സ്വീകരിച്ച് വരുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ;

പ്രസ്തുത ക്ഷേത്രം സംരക്ഷിത സ്മാരകമായി പ്രഖ്യാപിക്കുന്നതിലൂടെ ക്ഷേത്രത്തിന് ലഭിക്കുന്ന ആനൂകൂല്യങ്ങള്‍ എന്തെല്ലാമാണെന്ന് വിശദമാക്കമോ;

പ്രസ്തുത ക്ഷേത്രം സംരക്ഷിത സ്മാരകമായി പ്രഖ്യാപിക്കുന്നതിന് സര്‍ക്കാര്‍ തലത്തില്‍ സ്വീകരിക്കേണ്ട നടപടികള്‍ എന്തെല്ലാമാണെന്ന് വിശദമാക്കുമോ?

സ്വകാര്യ വ്യക്തികളുടെയും മറ്റും കൈവശത്തിലുള്ള പുരാവസ്തുക്കളുടെ കാലപ്പഴക്കം നിര്‍ണ്ണയിക്കുന്നതിനും സ്ഥിരീകരിക്കുന്നതിനും സാക്ഷ്യപ്പെടുത്തുന്നതിനും മൂല്യം നിര്‍ണ്ണയിക്കുന്നതിനും നിലവിലുള്ള സംവിധാനങ്ങള്‍ എന്തെല്ലാമാണെന്ന് അറിയിക്കാമോ;

സ്വകാര്യ വ്യക്തിയുടെ കൈവശമുള്ള പുരാവസ്തു ശേഖരങ്ങളുടെ വിവരങ്ങള്‍ പ്രസിദ്ധീകരിക്കുന്നതിനും പൊതുജനങ്ങള്‍ക്ക് അവയുടെ ആധികാരികത പരിശോധിക്കുന്നതിനും വെബ് പോര്‍ട്ടല്‍ അടക്കമുള്ള സംവിധാനങ്ങള്‍ നിലവിലുണ്ടോ; ഇല്ലെങ്കില്‍ ആരംഭിക്കുന്നതിനുള്ള നടപടി സ്വീകരിക്കുമോ;

പുരാവസ്തുക്കള്‍ വ്യാജമായി നിര്‍മ്മിക്കുകയും വിപണനം നടത്തിയുള്ള തട്ടിപ്പുകള്‍ വര്‍ദ്ധിക്കുകയും ചെയ്യുന്ന സാഹചര്യത്തില്‍ ഇത്തരം തട്ടിപ്പുകള്‍ ഒഴിവാക്കുന്നതിനും തടയുന്നതിനും എന്ത് നടപടിയാണ് സ്വീകരിക്കാനുദ്ദേശിക്കുന്നതെന്ന് വിശദമാക്കാമോ; പൊതുജനങ്ങള്‍ക്ക് സംശയ നിവാരണത്തിനായി വാട്ട്സ് ആപ്പ് നമ്പരും ഫോണ്‍ നമ്പരും പ്രസിദ്ധപ്പെടുത്താമോ;

പുരാവസ്തു നിര്‍ണ്ണയരീതി എപ്രകാരമാണെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് പുരാവസ്തു ശേഖരത്തിന്റെ പേരിൽ തട്ടിപ്പുകൾ നടക്കുന്നത് ശ്രദ്ധയിൽപ്പെട്ടിട്ടുണ്ടോ;

ഉണ്ടെങ്കിൽ ഇത് തടയാൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്നും ഇനി സ്വീകരിക്കാൻ ഉദ്ദേശിക്കുന്ന നടപടികളെന്തെന്നും വ്യക്തമാക്കാമോ;

പുരാവസ്തു തട്ടിപ്പുമായി ബന്ധപ്പെട്ട് മോൻസൺ മാവുങ്കലിന്റെ പുരാവസ്തു ശേഖരം പരിശോധനാ വിധേയമാക്കിയിട്ടുണ്ടോ;

സ്വകാര്യ വ്യക്തികളുടെ പുരാവസ്തു ശേഖരം പരിശോധിക്കാൻ വകുപ്പിനുള്ള അധികാരങ്ങൾ വിശദമാക്കാമോ?

വര്‍ക്കല മണ്ഡലത്തില്‍ ചരിത്രപരവും പെെതൃക പ്രാധാന്യമുള്ളതും നൂറ് വര്‍ഷത്തില്‍ കുറയാതെ കാലപ്പഴക്കമുള്ളതുമായ എത്ര കെട്ടിടങ്ങളാണ് പുരാവസ്തു വകുപ്പിന്റെ സംരക്ഷിത സ്മാരകങ്ങളായിട്ടുള്ളതെന്ന് വ്യക്തമാക്കാമോ;

പ്രസ്തുത കെട്ടിടങ്ങള്‍ ഏതെല്ലാമെന്നും എവിടെയെല്ലാമാണെന്നും വ്യക്തമാക്കാമോ?

സംസ്ഥാനത്ത് സ്വകാര്യവ്യക്തികള്‍ക്ക് പുരാവസ്തുക്കള്‍ കെെവശം വയ്ക്കുന്നതിനും വിപണനം നടത്തുന്നതിനും അവകാശമുണ്ടോ; എങ്കില്‍ ഇവയുടെ ആധികാരികത പരിശോധിയ്ക്കുന്നതിനും അവകാശവാദങ്ങള്‍ പരിശോധിച്ച് ഉറപ്പുവരുത്തുന്നതിനുമായി പുരാവസ്തു വകുപ്പ് എന്തെങ്കിലും തരത്തിലുളള നടപടികള്‍ സ്വീകരിച്ചിട്ടുണ്ടോ;

പുരാവസ്തുവകുപ്പിന്റെ കൈവശമില്ലാത്ത അമൂല്യപുരാവസ്തുശേഖരം സ്വകാര്യവ്യക്തികള്‍ കെെവശം വയ്ക്കുന്ന സംഭവങ്ങള്‍ ശ്രദ്ധയില്‍പ്പെട്ടാല്‍ വകുപ്പിന് ഇടപെടാന്‍ അധികാരം ഉണ്ടോ; എങ്കില്‍ മുന്‍സര്‍ക്കാരിന്റെ കാലത്തും നിലവിലെ സര്‍ക്കാരിന്റെ കാലത്തും സംസ്ഥാനത്ത് ഇത്തരത്തിലുളള എത്ര സംഭവങ്ങളിന്മേല്‍ നടപടി സ്വീകരിച്ചിട്ടുണ്ട്; വിശദമാക്കാമോ?

മോൻസൺ മാവുങ്കലിന്റെ പുരാവസ്തു ശേഖരം പരിശോധനാ വിധേയമാക്കാൻ മുൻ ഡി.ജി.പി. പുരാവസ്തു വകുപ്പിന് എന്തെങ്കിലും നിർദ്ദേശങ്ങൾ നൽകിയിരുന്നോ; ഉണ്ടെങ്കിൽ വിശദാംശങ്ങൾ നൽകാമോ;

സ്വകാര്യ വ്യക്തികളുടെ പുരാവസ്തു ശേഖരവുമായി ബന്ധപ്പെട്ട് പുരാവസ്തു വകുപ്പിന്റെ അധികാരങ്ങൾ എന്തൊക്കെയാണെന്ന് വിശദമാക്കാമോ;

പുരാവസ്തു ശേഖരവുമായി ബന്ധപ്പെട്ട തട്ടിപ്പുകള്‍ തടയാൻ പ്രത്യേക കർമ്മ പരിപാടി നടപ്പിലാക്കാൻ വകുപ്പ് ഉദ്ദേശിക്കുന്നുണ്ടോ; വിശദമാക്കാമോ?

പുരാവസ്തു വകുപ്പിന് കീഴിൽ എല്ലാ ജില്ലകളിലും പൈതൃക മ്യൂസിയം ആരംഭിക്കുവാന്‍ നടപടി സ്വീകരിച്ചിട്ടുണ്ടോ; എങ്കിൽ വിശദമാക്കാമോ;

കാസർഗോഡ് ജില്ലയിൽ പുരാവസ്തു വകുപ്പിന് കീഴിൽ 2016 മുതൽ നടപ്പിലാക്കിയ പദ്ധതികള്‍ ഏതൊക്കെയെന്നും ഓരോന്നിനും ചെലവായ തുക എത്രയെന്നും വിശദമാക്കാമോ?

സംസ്ഥാന ആര്‍ക്കൈവ്സ് ‍ഡയറക്ടറേറ്റിലും കോഴിക്കോട്, എറണാകുളം ആര്‍ക്കൈവ്സ് മേഖലാ ഓഫീസുകളിലും എത്ര പുരാരേഖകൾ ഡിജിറ്റലൈസ് ചെയ്തുവെന്ന് വ്യക്തമാക്കുമോ;

പ്രസ്തുത ജോലി ചെയ്യുന്നതിന് ആരെയാണ് ചുമതലപ്പെടുത്തിയതെന്നും എന്നാണ് ചുമതലപ്പെടുത്തിയതെന്നും വ്യക്തമാക്കാമോ;

ഇതിലേക്കായി എത്ര കേന്ദ്ര, സംസ്ഥാന ഫണ്ടുകൾ ഇതുവരെ അനുവദിച്ചുവെന്നും എത്ര ചെലവഴിച്ചുവെന്നും വ്യക്തമാക്കാമോ;

ഡിജിറ്റലാക്കിയ രേഖ ഓൺലൈനിൽ ലഭ്യമാണോ; വിശദാംശങ്ങൾ ലഭ്യമാക്കുമോ?