തിരുവനന്തപുരം ജില്ലയില്‍ മൃഗസംരക്ഷണ വകുപ്പ് നിലവില്‍ നടപ്പിലാക്കിവരുന്ന പദ്ധതികള്‍ വിശദമാക്കാമോ;

കന്നുകാലികളെ ശാസ്ത്രീയമായി പരിപാലിക്കാന്‍ ചെറുകിട ക്ഷീരകര്‍ഷകരെ പ്രാപ്തരാക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

ഗ്രാമപഞ്ചായത്ത് അടിസ്ഥാനത്തില്‍ മൃഗപരിപാലനം സംബന്ധിച്ച ക്ലാസ്സുകള്‍ ക്ഷീരകര്‍ഷകര്‍ക്കുവേണ്ടി സംഘടിപ്പിക്കുവാന്‍ നടപടി സ്വീകരിക്കുമോ?

2016-17 സാമ്പത്തിക വർഷം മുതല്‍ 2020-21 സാമ്പത്തിക വർഷം വരെയുള്ള ബഡ്ജറ്റുകളിൽ മൃഗസംരക്ഷണ വകുപ്പിന് പ്രഖ്യാപിച്ച പദ്ധതികൾ ഏതൊക്കെയാണന്നും ഇവയിൽ ഏതൊക്കെ പദ്ധതികൾ നടപ്പിലാക്കിയിട്ടുണ്ടെന്നും അറിയിക്കാമോ;

നടപ്പിലാക്കിയ പദ്ധതികളുടെ വിശദാംശങ്ങളും നടപ്പിലാക്കാനുള്ള പദ്ധതികള്‍ ഏതൊക്കെയാണെന്നും വ്യക്തമാക്കുമോ?

മണലൂര്‍ മണ്ഡലത്തില്‍ മൃഗസംരക്ഷണ ക്ഷീര വികസന വകുപ്പിന്റെ കീഴിലുള്ള സ്ഥാപനങ്ങളുടെയും ഓഫീസുകളുടെയും വിശദാംശങ്ങള്‍ നല്‍കാമോ;

പ്രസ്തുത സ്ഥാപനങ്ങള്‍, ഓഫീസുകള്‍, ആശുപത്രികള്‍, ഡിസ്പെന്‍സറികള്‍ എന്നിവയിലെ ഡോക്ടര്‍മാരുടെയും ജീവനക്കാരുടെയും അംഗീകൃത തസ്തികകളുടെ വിശദാംശങ്ങള്‍ നല്‍കാമോ;

പ്രസ്തുത സ്ഥാപനങ്ങളില്‍ നിലവില്‍ ജീവനക്കാരുടെയും ഡോക്ടര്‍മാരുടെയും ഒഴിവുകളുണ്ടോ; വിശദാംശങ്ങള്‍ നല്‍കാമോ;

ഒഴിവുളള തസ്തികകള്‍ നികത്തുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

കഴിഞ്ഞ സര്‍ക്കാരിന്റെ കാര്‍ഷിക നയത്തില്‍ മൃഗസംരക്ഷണ വകുപ്പിനെ സംബന്ധിച്ച ശിപാര്‍ശകള്‍ ഏതെല്ലാമാണെന്നും പ്രസ്തുത ശിപാര്‍ശകളില്‍ ഏതെല്ലാമാണ് നടപ്പിലാക്കിയിട്ടുള്ളതെന്നും വിശദമാക്കാമോ;

പ്രസ്തുത ശിപാര്‍ശകളില്‍ നടപ്പിലാക്കാനുള്ളവ ഏതെല്ലാമാണെന്നും ആയത് നടപ്പിലാക്കാന്‍ സ്വീകരിക്കുന്ന നടപടികളും വ്യക്തമാക്കാമോ?

മൃഗസംരക്ഷണ വകുപ്പ് കഴിഞ്ഞ അഞ്ചുവർഷക്കാലമായി കോവളം മണ്ഡലത്തിൽ നടപ്പിലാക്കിയ പദ്ധതികളുടെ വിശദാംശങ്ങൾ വ്യക്തമാക്കുമോ?

കുന്നത്തുനാട് മണ്ഡലത്തിലെ ഏതെല്ലാം പഞ്ചായത്തുകളിലാണ് കന്നുകുട്ടി പരിപാലന പദ്ധതി, ഗോവര്‍ദ്ധിനി എന്നീ പദ്ധതികള്‍ നടപ്പിലാക്കിയിട്ടുള്ളതെന്ന് വ്യക്തമാക്കാമോ;

പ്രസ്തുത പദ്ധതി വഴി ക്ഷീര കര്‍ഷകര്‍ക്ക് ലഭ്യമാകുന്ന ആനുകൂല്യങ്ങള്‍ എന്തെല്ലാമെന്ന് വ്യക്തമാക്കാമോ;

മണ്ഡലത്തിലെ എത്ര കര്‍ഷകര്‍ പ്രസ്തുത പദ്ധതിയിടെ ഗുണഭോക്താക്കളാണെന്ന് പഞ്ചായത്ത് തിരിച്ച് വ്യക്തമാക്കാമോ?

സംസ്ഥാനത്ത് കോഴിയിറച്ചിയുടെ വില അനിയന്ത്രിതമായി ഉയരുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കോഴി ഇറച്ചി ന്യായവിലയ്ക്ക് ലഭ്യമാക്കുവാന്‍ നടപടി സ്വികരിക്കുമോ; ഇതിനായി പുതിയ പദ്ധതികള്‍ രൂപീകരിക്കുന്നുണ്ടോ; വിശദമാക്കാമോ;

വില്പന നടത്തുന്ന സ്ഥലത്ത് കോഴിയിറച്ചിയുടെ ഗുണനിലവാരം പരിശോധിക്കാന്‍ സംവിധാനങ്ങള്‍ ഉണ്ടോ; ഉണ്ടെങ്കില്‍ വിശദമാക്കാമോ;

കോഴിയിറച്ചി ദിവസങ്ങളോളം കേടുകൂടാതെ വില്‍ക്കുന്നതിനുവേണ്ടി ആരോഗ്യത്തിനു ഹാനികരമായ രാസവസ്തുക്കള്‍ ഉപയോഗിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് തടയുന്നതിന് ഫലപ്രദമായ നടപടികള്‍ സ്വീകരിക്കുമോ; വിശദമാക്കാമോ?

സംസ്ഥാനത്ത് സമഗ്ര കന്നുകാലി ഇന്‍ഷുറന്‍സ് പദ്ധതി ഓണ്‍ലൈനായി നടത്തുന്നത് കര്‍ഷകര്‍ക്ക് അപ്രാപ്യമാണെന്നുള്ളത് പരിശോധിക്കുമോ; വിശദീകരിക്കാമോ;

ഉരുക്കളുടെ ഫോട്ടോ എടുക്കുന്നതിനും മറ്റ് കാര്യങ്ങള്‍ക്കുമായി വെറ്ററിനറി ആശുപത്രിയില്‍ എത്തിക്കണമെന്നുമള്ള നിബന്ധനയില്‍ നിന്നും സര്‍ക്കാര്‍ പിന്‍മാറുമോ;

തിരിച്ചറിയല്‍ ടാഗും കമ്മലും ധരിപ്പിക്കുന്നതിന് ഉരുക്കളെ വെറ്ററിനറി കേന്ദ്രങ്ങളിലേക്ക് എത്തിക്കുന്നത് പ്രായോഗികമാണോയെന്ന് വിശദീകരിക്കാമോ?

പൂഞ്ഞാര്‍ മണ്ഡലത്തില്‍ മൊബൈല്‍ വെറ്ററിനറി ക്ലിനിക് അനുവദിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ;

എരുമേലിയില്‍ മൃഗസംരക്ഷണ വകുപ്പിനുകീഴിൽ ഒരു പോളി ക്ലിനിക് ആരംഭിക്കുന്നതിനാവശ്യമായ നടപടി സ്വീകരിക്കുമോയെന്ന് അറിയിക്കുമോ?

വയനാട് ജില്ലയില്‍ തിരുനെല്ലി ഗ്രാമപഞ്ചായത്തില്‍ കാട്ടിക്കുളം മൃഗാശുപത്രിയില്‍ വെറ്റിനറി ഡോക്ടര്‍മാരുടെ ഒഴിവ് നികത്താന്‍ സ്വീകരിച്ച നടപടികള്‍ വ്യക്തമാക്കാമോ;

വയനാട് ജില്ലയിലെ മൃഗാശുപത്രികളില്‍ ഡോക്ടര്‍മാരുടെ ഒഴിവ് വരാതെ നോക്കുന്നതിനുള്ള നടപടികള്‍ സ്വീകരിക്കാമോ?

കോവിഡാനന്തരം മൃഗാശുപത്രിയില്‍ അരുമ മൃഗങ്ങളുടെ പരിപാലനത്തിനും ചികിത്സയ്ക്കുമായി എത്തുന്നവരുടെ എണ്ണം കൂടിയത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ തിരക്ക് നിയന്ത്രിക്കുവാനും മതിയായ ചികിത്സ ഉറപ്പാക്കുന്നതിനും സ്വീകരിച്ചുവരുന്ന നടപടി വിശദമാക്കാമോ;

മൃഗാശുപത്രികളില്‍ ജീവനക്കാരുടെ അഭാവം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് സ്വീകരിച്ച നടപടി അറിയിക്കാമോ;

മൃഗാശുപത്രികള്‍ ആധുനികവത്കരിക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

സംസ്ഥാനത്ത് മീറ്റ് സ്ട്രാറ്റജിക് പ്ലാൻ രൂപീകരണം ഏത് ഘട്ടത്തിലാണെന്ന് വിശദീകരിക്കുമോ;

കെ.എസ്.ആർ.ടി.സി. യുമായി സഹകരിച്ച് ബസ് സ്റ്റേഷനുകളിൽ മീറ്റ് ഷോപ്പ് കം റസ്റ്റോറന്റുകൾ ആരംഭിക്കുവാൻ പദ്ധതിയുണ്ടോ; വിശദമാക്കാമോ;

സംശുദ്ധമായ ഇറച്ചി ഉൽപ്പന്നങ്ങൾ ഭക്ഷിക്കേണ്ടതിന്റെ ആവശ്യകതയെപ്പറ്റി ജനങ്ങളെ ബോധവൽക്കരിക്കുന്നതിന് പരിപാടികൾ സംഘടിപ്പിക്കുവാൻ ഉദ്ദേശിക്കുന്നുണ്ടോ; വിശദമാക്കാമോ;

സംസ്ഥാനത്ത് ആധുനിക അറവ് മാലിന്യ സംസ്കരണ ശാലകൾ ആരംഭിക്കുന്നതിനായി മീറ്റ് പ്രോഡക്റ്റ്സ് ഓഫ് ഇന്ത്യയുടെ നേതൃത്വത്തിൽ നടപ്പിലാക്കുന്ന പദ്ധതികൾ വിശദമാക്കാമോ;

അറവ് മാലിന്യങ്ങളിൽ നിന്നും മൂല്യവർദ്ധിത ഉൽപ്പന്നങ്ങളായ ബോൺ മീൽ, പെറ്റ് ഫുഡ് എന്നിവ നിർമ്മിക്കുന്നതിനുള്ള യൂണിറ്റുകൾ ആരംഭിക്കുന്നതിന് പദ്ധതിയുണ്ടോ; വിശദമാക്കാമോ?

പൂഞ്ഞാര്‍ മണ്ഡലത്തില്‍ മഴക്കെടുതിയില്‍ മൃഗസംരക്ഷണ മേഖലക്കുണ്ടായ നാശനഷ്ടങ്ങളുടെ വിശദാംശം ലഭ്യമാക്കുമോ;

പ്രളയത്തിലും ഉരുള്‍പൊട്ടലിലും കന്നുകാലികള്‍ക്കും പക്ഷിമൃഗാദികള്‍ക്കും അവയുടെ പാര്‍പ്പിട സൗകര്യങ്ങള്‍ക്കും ഉള്‍പ്പെടെ അടിസ്ഥാന മേഖലയിലുണ്ടായ നാശനഷ്ടങ്ങള്‍ക്ക് നഷ്ടപരിഹാരം നല്‍കുന്നതിനുള്ള നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കുമോ?

പശു, ആട് വളര്‍ത്തല്‍ പ്രോത്സാഹിപ്പിക്കുന്നതിന് നിലവില്‍ നടപ്പിലാക്കുന്ന പദ്ധതികളുടെ വിശദാംശങ്ങള്‍ ലഭ്യമാക്കുമോ ?

പാല്‍, മുട്ട, മാംസം എന്നിവയില്‍ സംസ്ഥാനത്തിന് സ്വയംപര്യാപ്തത എന്ന ലക്ഷ്യം മുന്‍നിര്‍ത്തി ആവിഷ്കരിച്ച എ.ആര്‍.ഡി. പദ്ധതി ലക്ഷ്യം കൈവരിച്ചിട്ടുണ്ടോ; വിശദീകരിക്കാമോ;

2020-21 സാമ്പത്തിക വര്‍ഷം പദ്ധതിക്കായി എത്ര രൂപ അനുവദിച്ചിട്ടുണ്ടെന്ന് വ്യക്തമാക്കാമോ?

2016-21 കാലയളവിൽ ക്ഷീരവികസന വകുപ്പിന് കീഴിൽ നടപ്പിലാക്കുവാനായി ബഡ്ജറ്റിൽ പ്രഖ്യാപിച്ച പദ്ധതികൾ ഏതൊക്കെയാണ്;

ഇവയിൽ ഏതൊക്കെ പദ്ധതികൾ നടപ്പിലാക്കിയിട്ടുണ്ടെന്ന് അറിയിക്കാമോ; വിശദാംശങ്ങൾ നൽകുമോ;

നടപ്പിലാക്കാനുള്ള പദ്ധതികൾ ഏതൊക്കെയാണെന്ന് വ്യക്തമാക്കുമോ?

സംസ്ഥാനത്ത് ഉല്പാദനശേഷിയുള്ള കറവ പശുക്കളുടെ എണ്ണം കുറഞ്ഞുവരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് നടപടികള്‍ സ്വീകരിക്കുമോ;

ക്ഷീര മേഖലയിലേക്ക് കടന്നുവരുന്ന പുതിയ സംരംഭകരെ ആകര്‍ഷിക്കുന്നതിന് പദ്ധതികള്‍ നടപ്പാക്കുന്നുണ്ടോയെന്ന് വ്യക്തമാക്കുമോ;

കേരളത്തില്‍ വന്‍കിട ഡയറി ഫാമുകള്‍ ആരംഭിക്കുന്നതിന് പ്രതിസന്ധിയുണ്ടെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

ചെറുകിട ക്ഷീര കര്‍ഷകരെ സഹായിക്കുന്നതിന് സ്വീകരിച്ച നടപടികള്‍ വ്യക്തമാക്കുമോ;

ഈ മേഖലയിലെ തൊഴിലാളികളുടെ ദൗര്‍ലഭ്യം പരിഹരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

വൈപ്പിന്‍ മണ്ഡലത്തിലെ ക്ഷീരകര്‍ഷകരുടെ ക്ഷേമത്തിനായി പദ്ധതികള്‍ ആവിഷ്ക്കരിച്ചിട്ടുണ്ടോയെന്ന് അറിയിക്കാമോ;

ഉണ്ടെങ്കില്‍ ഇത് സംബന്ധിച്ച വിശദാംശങ്ങള്‍ വെളിപ്പെടുത്താമോ;

വൈപ്പിന്‍ മണ്ഡലത്തിലെ ക്ഷീരകര്‍ഷകര്‍ നേരിടുന്ന ബുദ്ധിമുട്ടുകള്‍ കണക്കിലെടുത്ത് പള്ളിപ്പുറം പഞ്ചായത്തിലെ വെറ്ററിനറി ഡിസ്പന്‍സറിയെ മൃഗാശുപത്രിയായോ പോളിക്ലിനിക്കായോ ഉയര്‍ത്തുവാന്‍ നടപടി സ്വീകരിക്കുമോ;

ചാണക സംസ്കരണത്തിനായി ക്ഷീര കര്‍ഷകര്‍ നേരിടുന്ന ബുദ്ധിമുട്ടുകള്‍ കണക്കിലെടുത്ത് ചാണക സംസ്കരണ പ്ലാന്റ് അനുവദിക്കാന്‍ നടപടി സ്വീകരിക്കുമോ?

സംസ്ഥാനത്ത് ക്ഷീരകര്‍ഷകര്‍ക്ക് തൊഴിലും വരുമാനവും വര്‍ദ്ധിപ്പിക്കുന്നതിനും പാല്‍, മുട്ട, മാംസം എന്നിവയില്‍ സ്വയംപര്യാപ്തത കൈവരിക്കുന്നതിനുമായി കഴിഞ്ഞ സര്‍ക്കാര്‍ നടത്തിയ പ്രവര്‍ത്തന ഫലമായുണ്ടായ നേട്ടങ്ങള്‍ വിശദമാക്കാമോ;

കനത്തമഴയും പ്രകൃതിക്ഷോഭവും മൂലം ക്ഷീരവികസന മേഖലയില്‍ ഉണ്ടായിട്ടുള്ള നാശനഷ്ടങ്ങളുടെ പ്രാഥമിക വിലയിരുത്തല്‍ ഈ സര്‍ക്കാര്‍ നടത്തിയിട്ടുണ്ടോ; എങ്കില്‍ വിശദമാക്കാമോ;

പ്രതികൂല സാഹചര്യത്തില്‍ കര്‍ഷകരെ നിലനിര്‍ത്തുന്നതിനുവേണ്ടി ദുരന്തനിവാരണ വകുപ്പില്‍ നിന്നുമുള്ള ധനസഹായം യഥാസമയം എത്തിക്കാന്‍ കഴിഞ്ഞിട്ടുണ്ടോ;

ക്ഷീരകര്‍ഷകര്‍ക്ക് അത്യുല്പാദന ശേഷിയുള്ള വിത്തുകളും കന്നുകുട്ടികളും വിതരണം നടത്തി ഉല്പാദനശേഷി വര്‍ദ്ധിപ്പിക്കുന്നതിനും ഗുണമേന്‍മയുള്ള വളവും കന്നുകാലിത്തീറ്റകളും സബ്‌സിഡി നിരക്കില്‍ നല്‍കുന്നതിനും നടപടികള്‍ സ്വീകരിക്കുമോ?

സംസ്ഥാനത്ത് കന്നുകുട്ടി പരിപാലന പദ്ധതി പ്രകാരം നടപ്പിലാക്കുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ?

മലബാര്‍ മില്‍മ യൂണിറ്റില്‍ ജൂനിയര്‍ സൂപ്പര്‍വൈസര്‍ തസ്തികയിലേക്ക് നടത്തിയ എഴുത്തുപരീക്ഷയുടെ അടിസ്ഥാനത്തില്‍ റാങ്ക് പട്ടിക തയ്യാറാക്കുന്നതിലെ കാലതാമസത്തിന്റെ കാരണം വിശദമാക്കാമോ;

പ്രസ്തുത തസ്തികയുടെ ഒഴിവുകള്‍ എത്രയെന്ന് വ്യക്തമാക്കാമോ;

റാങ്ക് ലിസ്റ്റ് എന്നത്തേക്ക് പ്രസിദ്ധീകരിക്കുമെന്ന് വ്യക്തമാക്കാമോ;

2020 സെപ്റ്റംബറില്‍ സൂപ്പര്‍വൈസര്‍ തസ്തികയുടെ റാങ്ക്‌ ലിസ്റ്റ് നിലവില്‍ വന്നതിനുശേഷം എത്ര താല്‍ക്കാലിക ജീവനക്കാരെ സ്ഥിരപ്പെടുത്തിയെന്ന് വ്യക്തമാക്കാമോ?

ക്ഷീര കര്‍ഷക ക്ഷേമനിധിയിലേക്ക് കര്‍ഷകരില്‍ നിന്നും അംശാദായം സ്വീകരിക്കുന്നുണ്ടോ; ആയതിന് നിലവില്‍ സ്വീകരിക്കുന്ന മാനദണ്ഡം വ്യക്തമാക്കാമോ?

സംസ്ഥാനത്ത് കാലിത്തീറ്റ ഉല്‍പാദിപ്പിക്കുന്ന സ്ഥാപനങ്ങള്‍ എവിടെയെല്ലാമാണെന്ന് അറിയിക്കുമോ;

കാലിത്തീറ്റ ഉല്‍പ്പാദനത്തില്‍ സ്വയംപര്യാപ്തത കൈവരിക്കുന്നതിനായി ജില്ലാടിസ്ഥാനത്തില്‍ ഒരു ഫാക്ടറിയെങ്കിലും സ്ഥാപിക്കുന്നതിന് നടപടി സ്വീകരിക്കുമോ;

ഗുണമേന്മയുള്ള കാലിത്തീറ്റയുടെ വിതരണം ഉറപ്പാക്കുന്നതിന് സ്വീകരിക്കുന്ന നടപടികള്‍ വ്യക്തമാക്കാമോ?

പെരുമാട്ടി ഗ്രാമപഞ്ചായത്ത് മൂലത്തറ വില്ലേജ് കറുപ്പ് തുറൈക്കാട് ക്ഷീരോല്പാദക സംഘം രൂപീകരിക്കുവാനുള്ള നടപടിക്രമങ്ങൾ പൂർത്തീകരിച്ചിട്ടുണ്ടോയെന്ന് വ്യക്തമാക്കാമോ;

ഇതിന് സ്റ്റേ ഉത്തരവ് നിലവിലുണ്ടോയെന്ന് അറിയിക്കുമോ;

ഉണ്ടെങ്കിൽ സ്റ്റേ ഒഴിവാക്കുവാൻ എന്തെല്ലാം നടപടികൾ സ്വീകരിച്ചുവെന്ന് വ്യക്തമാക്കാമോ?

വടകരപ്പതി ഗ്രാമപഞ്ചായത്തിലെ ശാന്തലിംഗം നഗർ ക്ഷീരോൽപാദക സഹകരണ സംഘത്തിലെ ക്രമക്കേടുകൾ സംബന്ധിച്ച് പരാതി ലഭിച്ചിട്ടുണ്ടോ;

പരാതിയിൽ അന്വേഷണം നടത്തിയിട്ടുണ്ടോ; ഉണ്ടെങ്കിൽ ക്രമക്കേടുകൾ കണ്ടെത്തിയിട്ടുണ്ടോയെന്ന് അറിയിക്കുമോ;

ക്രമക്കേടുകൾ കണ്ടെത്തിയിട്ടുണ്ടെങ്കിൽ ആയതിൽ സ്വീകരിച്ച നടപടി വ്യക്തമാക്കാമോ?

ആലപ്പുഴ മണ്ഡലത്തിലെ ക്ഷീര സഹകരണ സംഘങ്ങളുടെ വിവരം ലഭ്യമാക്കാമോ; ഇവയുടെ പേര്, നമ്പര്‍, സ്ഥലം എന്നിവ പഞ്ചായത്ത് /മുനിസിപ്പാലിറ്റി അടിസ്ഥാനത്തില്‍ ലഭ്യമാക്കാമോ;

പ്രസ്തുത സംഘങ്ങളിലെ ജീവനക്കാരുടെ വിവരം സ്ഥിരം/താല്‍ക്കാലികം എന്ന രീതിയില്‍ തസ്തിക തിരിച്ച് ലഭ്യമാക്കാമോ;

പ്രസ്തുത മണ്ഡലത്തില്‍ ക്ഷീരഗ്രാമം പദ്ധതി നടപ്പിലാക്കുന്നുണ്ടെങ്കില്‍ വിശദവിവരം ലഭ്യമാക്കാമോ?

ആലത്തൂര്‍ മണ്ഡലത്തില്‍ എത്ര ക്ഷീര സഹകരണ സംഘങ്ങള്‍ പ്രവര്‍ത്തിക്കുന്നുണ്ടെന്ന് അറിയിക്കാമോ;

പ്രസ്തുത സംഘങ്ങളുടെ പേര്, നമ്പര്‍, സ്ഥലം തുടങ്ങിയ വിവരങ്ങള്‍ പഞ്ചായത്തടിസ്ഥാനത്തില്‍ ലഭ്യമാക്കാമോ?

കെ.എസ്.ആര്‍. 156 പ്രകാരം കെ.സി.എം.എം.എഫ്.ലെ ആനന്ദ് മാതൃക ക്ഷീരസഹകരണസംഘങ്ങളിലെ ഓഡിറ്റര്‍മാര്‍ ചെയ്യുന്ന ജോലിയുടെ സ്വഭാവം കണ്‍കറന്റ് ഓഡിറ്റിന്റെ വിഭാഗത്തിലാണോ യൂണിറ്റ് ഓഡിറ്റിന്റെ വിഭാഗത്തിലാണോ ഉള്‍പ്പെടുന്നതെന്ന് വ്യക്തമാക്കുമോ;

നിലവില്‍ ആനന്ദ് മാതൃക ക്ഷീര സഹകരണസംഘങ്ങളെ യൂണിറ്റുകളായി തിരിച്ച് പ്രസ്തുത ഓഡിറ്റര്‍മാരെ ഓരോ യൂണിറ്റ് ഓഡിറ്റര്‍മാരായാണോ നിയമനം നടത്തിയിട്ടുള്ളതെന്ന് വ്യക്തമാക്കുമോ;

നിലവില്‍ ആനന്ദ് മാതൃക ക്ഷീരസഹകരണസംഘം ഓഡിറ്റര്‍മാര്‍ എത്ര സംഘങ്ങള്‍ വീതം പ്രതിമാസം/പ്രതിവര്‍ഷം ഓഡിറ്റ് ചെയ്ത് റിപ്പോര്‍ട്ടുകള്‍ സമര്‍പ്പിക്കുന്നുണ്ടെന്ന് വ്യക്തമാക്കുമോ;

ഇത് പ്രകാരം ആനന്ദ് മാതൃക സഹകരണസംഘത്തിന്റെ ഒരു സാമ്പത്തിക വര്‍ഷത്തെ ഓഡിറ്റ് പൂര്‍ത്തീകരിക്കുന്നതിന് എത്ര പ്രവൃത്തി ദിവസങ്ങളാണ് അനുവദിക്കുന്നതെന്ന് വ്യക്തമാക്കുമോ; പ്രസ്തുത സമയം കൃത്യമായ ഓഡിറ്റ് നിര്‍വ്വഹണത്തിന് പര്യാപ്തമാണോ;

ഓഡിറ്റ് നോട്ട് ചെക്കിംഗ്, റെക്ടിഫിക്കേഷന്‍ ജോലികള്‍ എന്നിവ നിര്‍വ്വഹിക്കുന്നതിന് പ്രത്യേകമായി സമയം അനുവദിക്കുന്നുണ്ടോ; ഉണ്ടെങ്കില്‍ പ്രതിമാസം അനുവദിക്കുന്ന പ്രവൃത്തി ദിനങ്ങളുടെ എണ്ണം വ്യക്തമാക്കുമോ;

സഹകരണ ഓഡിറ്റിന്റെ കാര്യക്ഷമത നിലനിര്‍ത്തുന്നതിന് കേരള സഹകരണ ഓഡിറ്റ് മാനുവല്‍ പ്രകാരം യൂണിറ്റ് ഓഡിറ്റര്‍മാര്‍ക്ക് പ്രതിവര്‍ഷം ചെയ്യാവുന്ന പരമാവധി ഓഡിറ്റിന്റെ എണ്ണം ആനന്ദ് മാതൃക സംഘങ്ങളുടെ ഓഡിറ്റില്‍ പാലിക്കപ്പെടുന്നുണ്ടോ; നാലോ അതിലധികമോ ജില്ലകള്‍ പ്രവര്‍ത്തന പരിധി ഉള്ളതിനാലും വര്‍ഷത്തില്‍ എല്ലാ ദിവസവും ഇടപാടുകള്‍ നടക്കുന്ന സ്ഥാപനങ്ങളുടെ ഓഡിറ്റ് ആയതിനാലും പ്രസ്തുത എണ്ണത്തില്‍ ഇളവുകള്‍ അനുവദിക്കുന്നുണ്ടോ;

ഇല്ലെങ്കില്‍ പ്രസ്തുത എണ്ണം നിയമപരമായി നിര്‍ണ്ണയിക്കുന്നതിനും ആവശ്യമെങ്കില്‍ ഇളവുകള്‍ അനുവദിക്കുന്നതിനും നടപടി സ്വീകരിക്കുമോ?