സംസ്ഥാനത്തെ തുറമുഖങ്ങള്‍ നവീകരിക്കുന്നതിനായി പദ്ധതികള്‍ ആവിഷ്കരിക്കുന്നുണ്ടോ; വിശദവിവരം ലഭ്യമാക്കുമോ;

സംസ്ഥാനത്ത് പുതിയ തുറമുഖങ്ങള്‍ ആരംഭിക്കുന്ന കാര്യം സര്‍ക്കാരിന്റെ പരിഗണനയിലുണ്ടോ;

തിരൂര്‍ നിയോജകമണ്ഡലത്തിലെ തീരദേശവാസികളുടെ ചിരകാല സ്വപ്നമായ പറവണ്ണ മിനി ഹാര്‍ബര്‍ അനുവദിക്കുന്ന കാര്യം പരിഗണിക്കുമോ?

വിഴിഞ്ഞം തുറമുഖ നിർമ്മാണവുമായി ബന്ധപ്പെട്ട് കരമടി തൊഴിലാളികൾക്കുള്ള പുനരധിവാസ പാക്കേജ് ആനുകൂല്യത്തിനായി നല്‍കിയിട്ടുളള പല മത്സ്യത്തൊഴിലാളികളുടെയും അപേക്ഷകൾ നിരസിച്ചത് കരമടിയുമായി ബന്ധമില്ലാത്ത മറ്റു കടൽ പണികളിൽ ഏർപ്പെടുന്നു എന്ന കാരണത്താലാണെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഈ കണ്ടെത്തലിനു അടിസ്ഥാനമാക്കിയത് എന്തൊക്കെ ഘടകങ്ങളാണെന്ന് വ്യക്തമാക്കുമോ;

എന്തെല്ലാം തെളിവുകളാണ് ഈ കണ്ടെത്തലിന് വേണ്ടി സ്വീകരിച്ചിട്ടുള്ളത്; വ്യക്തമായ തെളിവുകളില്ലാതെ അർഹതപ്പെട്ടവർക്ക് ആനുകൂല്യം നിഷേധിക്കുന്ന പ്രസ്തുത നടപടി പിൻവലിക്കുമോയെന്ന് വ്യക്തമാക്കാമോ?

2020 ജൂണ്‍ മുതല്‍ 2021 സെപ്തംബര്‍ വരെ ക്രൂ ചേഞ്ചിംഗിനായി വിഴിഞ്ഞം തുറമുഖത്ത് എത്ര കപ്പലുകള്‍ എത്തിയിരുന്നുവെന്നും ഇതില്‍ നിന്നും എത്ര തുക സര്‍ക്കാരിന് വരുമാനമായി ലഭിച്ചിട്ടുണ്ടെന്നും വിശദമാക്കാമോ;

കപ്പലടുപ്പിക്കുന്നതിനും ജീവനക്കാരെ കയറ്റുന്നതിനും സര്‍ക്കാര്‍ ഇളവുകള്‍ നല്‍കുന്നുണ്ടോ; വിശദമാക്കാമോ;

ക്രൂ ചേഞ്ചിംഗ് വേഗത്തിലാക്കി കപ്പലുകളെ ആകര്‍ഷിക്കുവാന്‍ സ്വീകരിച്ചിരിക്കുന്ന നടപടികൾ എന്തെല്ലാമെന്ന് വിശദമാക്കാമോ?

തുറമുഖ വകുപ്പിൽ യു.എൽ.സി.സി. മുഖേന നടപ്പാക്കുന്ന വിവിധ പ്രവൃത്തികൾ ജില്ലതിരിച്ച് വ്യക്തമാക്കുമോ; ഇതിൽ ടെണ്ടർ വിളിച്ച് നടപ്പാക്കിയ പദ്ധതികൾ എത്രയെണ്ണം ഉണ്ടെന്നും ഏതൊക്കെയാണെന്നും അറിയിക്കുമോ; ടെണ്ടർ വിളിക്കാതെ നടപ്പാക്കിയ പദ്ധതികൾ ഏതൊക്കെയാണെന്ന് വ്യക്തമാക്കുമോ?

കോവളം നിയോജക മണ്ഡലത്തിൽ കഴിഞ്ഞ അഞ്ചു വർഷക്കാലം തുറമുഖ വകുപ്പിന് കീഴിൽ നടത്തിയ പ്രവൃത്തികൾ എന്തൊക്കെയാണെന്ന് വ്യക്തമാക്കുമോ; വിശദാംശങ്ങൾ നൽകുമോ?

ആറ്റിങ്ങല്‍ കൊട്ടാരം നവീകരണ പദ്ധതിയുടെ ഭാഗമായി എന്തെല്ലാം പ്രവര്‍ത്തനങ്ങളാണ് നടത്താന്‍ കഴിഞ്ഞിട്ടുള്ളത്; കൊട്ടാരത്തില്‍ സജ്ജീകരിക്കുന്ന ആറ്റിങ്ങല്‍ കലാപ സ്മാരക മ്യൂസിയത്തില്‍ എന്തെല്ലാമാണ് ഉള്‍ക്കൊള്ളിക്കാന്‍ പദ്ധതി തയ്യാറാക്കിയിട്ടുള്ളത് ;വ്യക്തമാക്കുമോ?

സംസ്ഥാനത്ത് നിലവിലുള്ള മ്യൂസിയങ്ങളും സംരക്ഷിത സ്മാരകങ്ങളും സംരക്ഷിക്കുന്നതിന് പുതിയ പദ്ധതികള്‍ ആലോചനയിലുണ്ടോ; വിശദമാക്കാമോ; ഇത് സംരക്ഷിക്കുന്നതിന് പുതിയ പദ്ധതികള്‍ ആലോചനയിലുണ്ടോ; വിശദമാക്കാമോ ;

കമ്മ്യൂണിറ്റി മ്യൂസിയം എന്ന ആശയം പരിഗണനയിലുണ്ടോയെന്ന് വ്യക്തമാക്കാമോ; ഇതിന്റെ വിശദാംശം ലഭ്യമാക്കാമോ?

കണ്ണൂര്‍ ജില്ലയില്‍ മ്യൂസിയം പുരാവസ്തു വകുപ്പിന്റെ നിയന്ത്രണത്തിലുള്ള സ്ഥാപനങ്ങളുടെ വിശദാംശങ്ങള്‍ മണ്ഡലം തിരിച്ച് വിശദമാക്കുമോ?

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തില്‍ സ്ഥിതിചെയ്യുന്ന മാലിക് ദിനാര്‍ സ്ഥാപിച്ച ചരിത്ര പ്രസിദ്ധമായ മാടായി പള്ളി സംരക്ഷിത സ്മാരകമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

പുരാവസ്തു തട്ടിപ്പ് കേസിലെ പ്രതിയായ മോൻസൺ മാവുങ്കൽ തട്ടിപ്പുകാരനാണെന്ന വിവരം നേരത്തെതന്നെ വകുപ്പ് മന്ത്രിയെ അറിയിച്ചിരുന്നു എന്ന് പരാതിക്കാര്‍ വെളിപ്പെടുത്തിയതായി ശ്രദ്ധയില്‍പ്പെട്ടിട്ടുണ്ടോ;

എങ്കിൽ ഈ കാര്യം അറിഞ്ഞതിനുശേഷം പ്രസ്തുത വ്യക്തിയെ നിയമത്തിന് മുന്നിൽ കൊണ്ടുവരുന്നതിനായി വകുപ്പ് എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

കോട്ടയം ജില്ലയില്‍ ചരിത്രപരവും പെെതൃക പ്രാധാന്യമുള്ളതുമായ എത്ര സംരക്ഷിത സ്മാരകങ്ങളാണ് പുരാവസ്തു വകുപ്പിന്റെ കീഴിലുള്ളതെന്ന് വ്യക്തമാക്കുമോ;

അവ ഏതെല്ലാം എന്ന് വ്യക്തമാക്കുമോ; വിശദാംശം നല്‍കുമോ?

പിറവം നിയോജകമണ്ഡലത്തിലെ തിരുമറയൂര്‍ ശ്രീരാമ ക്ഷേത്രം പുരാവസ്തു വകുപ്പ് ഏറ്റെടുക്കുന്നതുമായി ബന്ധപ്പെട്ട് സര്‍ക്കാരിന് നിവേദനം ലഭിച്ചിട്ടുണ്ടോ; വിശദമാക്കാമോ;

പ്രസ്തുത വിഷയത്തിന്മേല്‍ നാളിതുവരെ സ്വീകരിച്ച നടപടികള്‍ ഫയല്‍ നമ്പര്‍ സഹിതം വിശദമാക്കാമോ;

ക്ഷേത്രം ഏറ്റെടുക്കുന്നതുമായി ബന്ധപ്പെട്ട് സാധ്യതാ പഠനം നടത്തിയിട്ടുണ്ടോ; വിശദമാക്കാമോ?