കണ്‍കറന്റ് ഓഡിറ്റർമാരെ വിട്ടുനൽകുന്നതിന് വേണ്ടി എത്ര സഹകരണ സ്ഥാപനങ്ങളാണ് കെ.എസ്.ആർ.ചട്ടം 156 പ്രകാരം ഓഡിറ്റ് കോസ്റ്റ് അടച്ച് 2019-20, 2020-21, സാമ്പത്തിക വർഷങ്ങളിലും 2021 ഏപ്രിൽ 1 മുതൽ സെപ്റ്റംബർ 30 വരെയും അപേക്ഷ നൽകിയിട്ടുള്ളതെന്ന് വ‍ർഷം തിരിച്ച് അറിയിക്കാമോ; ആഡിറ്റർമാരെ വിട്ടുനൽകി എല്ലാ അപേക്ഷകളും തീർപ്പാക്കിയിട്ടുണ്ടോ എന്ന് വെളിപ്പെടുത്താമോ;

പ്രസ്തുത കാലയളവുകളില്‍ മേല്‍ ചട്ടപ്രകാരം വിട്ടുനൽകിയ ജൂനിയർ, സീനിയര്‍, സ്പെഷ്യല്‍ ഗ്രേഡ് കണ്‍കറന്റ് ആഡിറ്റർമാരുടെയും അസിസ്റ്റന്റ് ഡയറക്ടര്‍ -കണ്‍കറന്റ്, ഡെപ്യൂട്ടി ഡയറക്ടര്‍ -കണ്‍കറന്റ്, ജോയിന്റ് ഡയറക്ടര്‍ - കണ്‍കറന്റ് എന്നിവരുടെയും എണ്ണം വ‍ർഷം തിരിച്ചും ജില്ല തിരിച്ചും ലഭ്യമാക്കാമോ;

സംസ്ഥാന സഹകരണ വകുപ്പിൽ ഓഡിറ്റ് ഫീസ് ഈടാക്കികൊണ്ട് യൂണിറ്റ് ഓഡിറ്റർമാരായി സേവനം അനുഷ്ഠിക്കുന്ന എത്ര ജീവനക്കാരുണ്ട്; ഇവരില്‍ ജൂനിയർ, സീനിയർ, സ്പെഷ്യൽ ഗ്രേഡ് യൂണിറ്റ് ആഡിറ്റർമാർ എത്ര വീതമാണെന്നും സീനിയര്‍, സ്പെഷ്യല്‍ ഗ്രേഡ് കണ്‍കറന്റ് ആഡിറ്റർമാർ എത്ര വീതമാണെന്നും അസിസ്റ്റന്റ്, ഡെപ്യൂട്ടി, ജോയിന്റ് ഡയറക്ടര്‍മാർ - കണ്‍കറന്റ് എത്ര വീതമാണെന്നും അറിയിക്കാമോ;

സഹകരണ വകുപ്പിൽ ഇൻസ്പെക്ഷൻ ചുമതല നിർവഹിച്ചുവരുന്ന യൂണിറ്റ് ഇൻസ്പെക്ടർമാർ, എ.ആർ.സി., ഇ.പി. കേസുകളിൽ നടപടി സ്വീകരിക്കുന്നതിനായി ചുമതലപ്പെടുത്തിയിട്ടുള്ള ജൂനിയർ, സീനിയർ, സ്പെഷ്യൽ ഗ്രേഡ് എ & ഇ യൂണിറ്റ് ഇൻസ്പെക്ടർമാര്‍ എത്ര വീതമാണെന്ന് അറിയിക്കാമോ;

സഹകരണ വകുപ്പിലെ പൊതു ഭരണ വിഭാഗത്തിൽ സ്പെഷ്യല്‍ സെയില്‍സ് ഓഫീസര്‍ തസ്തികയിൽ സേവനം അനുഷ്ഠിച്ചുവരുന്ന ജൂനിയർ, സീനിയർ, സ്പെഷ്യൽ ഗ്രേഡ് ഇൻസ്പെക്ടർമാര്‍ എത്ര വീതമാണെന്ന് അറിയിക്കാമോ;

സഹകരണ വകുപ്പിൽ കെ.എസ്.ആർ. റൂൾ 144 (ഫോറിന്‍ സര്‍വ്വീസ്) പ്രകാരം എത്ര ജീവനക്കാരാണ് വിവിധ സഹകരണ സ്ഥാപനങ്ങളിൽ നിലവില്‍ സേവനം അനുഷ്ഠിച്ചുവരുന്നതെന്ന് വെളിപ്പെടുത്താമോ?

മുറ്റത്തെ മുല്ല പദ്ധതി വഴി ആലത്തൂര്‍ മണ്ഡലത്തിലെ ഏതെല്ലാം സഹകരണ ബാങ്കുകള്‍ കുടുംബശ്രീ യൂണിറ്റുകള്‍ക്ക് വായ്പ നല്‍കിയിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതി വിപുലീകരിക്കുന്ന കാര്യം പരിഗണനയിലുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കാമോ?

സഹകരണ മെമ്പര്‍ റിലീഫ് പദ്ധതിപ്രകാരം വെെപ്പിന്‍ നിയോജകമണ്ഡലത്തിലെ എത്ര അംഗങ്ങള്‍ക്ക് എത്ര തുക അനുവദിച്ചിട്ടുണ്ടെന്ന് വിശദമാക്കാമോ;

കോവിഡ് ബാധിച്ച് ഏക വരുമാനദായകൻ മരിച്ച കുടുംബങ്ങള്‍ക്ക് ഈ പദ്ധതി പ്രകാരമുളള ധനസഹായം ലഭ്യമാക്കാന്‍ നടപടി സ്വീകരിക്കുമോ?

അംഗ സമാശ്വാസനിധി വഴി എത്ര അംഗങ്ങള്‍ക്ക് എത്ര തുക നിലവില്‍ വിതരണം നടത്തിയിട്ടുണെന്ന് വിശദമാക്കാമോ;

അംഗ സമാശ്വാസനിധി വഴി തുടര്‍ന്നും ധനസഹായം നല്‍കുന്നതിന് നടപടി സ്വീകരിക്കുമോ?

പാലക്കാട് ജില്ലയില്‍ കെയര്‍ ഹോം പദ്ധതി പ്രകാരം നിര്‍മ്മിച്ച വീടുകളുടെ എണ്ണം മണ്ഡലം തിരിച്ച് വിശദമാക്കാമോ;

ഏതെല്ലാം സഹകരണ സ്ഥാപനങ്ങളാണ് ഇതിനായി ധനസഹായം നല്‍കിയതെന്ന് വ്യക്തമാക്കാമോ;

ഓരോ സ്ഥാപനവും എത്ര രൂപ വീതം നല്‍കിയെന്നും എത്ര വീടുകള്‍ക്കാണ് അനുമതി നല്‍കിയതെന്നും വ്യക്തമാക്കാമോ?

വിദ്യാതരംഗിണി വായ്പാപദ്ധതി പ്രകാരം വൈപ്പിന്‍ നിയോജക മണ്ഡലത്തില്‍ ലഭ്യമായ അപേക്ഷകളും അനുവദിച്ച വായ്പയും സംബന്ധിച്ച വിശദാംശങ്ങള്‍ സഹകരണ സ്ഥാപനങ്ങളുടെ അടിസ്ഥാനത്തില്‍ വ്യക്തമാക്കാമോ;

പ്രസ്തുത പദ്ധതി പ്രകാരം എറണാകുളം ജില്ലയില്‍ അനുവദിച്ച വായ്പകളുടേയും തുകയുടേയും വിശദാംശങ്ങള്‍ നിയോജക മണ്ഡലാടിസ്ഥാനത്തില്‍ ലഭ്യമാക്കാമോ?

മുറ്റത്തെ മുല്ല പദ്ധതി പ്രകാരം ഷൊര്‍ണ്ണൂര്‍ മണ്ഡലത്തില്‍ എത്ര കുടുംബശ്രീ യൂണിറ്റുകളിലെ എത്ര പേര്‍ക്ക് എത്ര തുക വിതരണം നടത്തിയിട്ടുണ്ട്; വിശദമാക്കാമോ;

ഷൊര്‍ണ്ണൂര്‍ മണ്ഡലത്തില്‍ കെയര്‍ ഹോം പദ്ധതി പ്രകാരം എത്ര വീടുകള്‍ നിര്‍മ്മിക്കുന്നതിനാണ് അനുമതി നല്‍കിയിട്ടുള്ളതെന്ന് വിശദമാക്കാമോ;

ഇവയില്‍ പൂര്‍ത്തീകരിച്ച വീടുകളുടെ എണ്ണവും ഇനി പൂര്‍ത്തികരിക്കുവാനുള്ള വീടുകളുടെ എണ്ണവും വ്യക്തമാക്കാമോ?

വിദ്യാതരംഗിണി വായ്പാ പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമെന്ന് വിശദമാക്കാമോ;

ഇതിലൂടെ വായ്പ അനുവദിക്കുന്നതിനുള്ള മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ;

പിറവം മണ്ഡലത്തില്‍ പ്രസ്തുത പദ്ധതി പ്രകാരം എത്ര അപേക്ഷകള്‍ ലഭിച്ചിട്ടുണ്ടെന്നും അതില്‍ എത്രപേര്‍ക്ക് വായ്പ അനുവദിച്ചിട്ടുണ്ടെന്നും വിശദമാക്കാമോ?

സംസ്ഥാനത്ത് പ്രളയബാധിതര്‍ക്ക് ദുരിതാശ്വാസവും പുനരധിവാസവും നല്‍കുന്നതിനായി ആരംഭിച്ച കെയര്‍ കേരള പദ്ധതിയുടെ വിശദാംശങ്ങള്‍ നല്‍കാമോ;

പ്രസ്തുത പദ്ധതിക്ക് കീഴിലുളള ഉപ പദ്ധതികളായ കെയര്‍ഹോം, കെയര്‍ ലോണ്‍, കെയര്‍ ഗ്രേസ് എന്നിവയുടെ പ്രവര്‍ത്തനം വിലയിരുത്തിയിട്ടുണ്ടോ; വിശദമാക്കാമോ;

സമീപ കാലത്തുണ്ടായ പ്രകൃതി ദുരന്തങ്ങളുടെയും പ്രളയക്കെടുതിയുടെയും പശ്ചാത്തലത്തില്‍ ദുരിതബാധിതരെ കെയര്‍ ഹോം പദ്ധതിയില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കുമോ; വിശദമാക്കാമോ?

ഒറ്റത്തവണ തീര്‍പ്പാക്കല്‍ പദ്ധതിയില്‍ മൊത്തം അടക്കേണ്ട തുകയില്‍ നിന്നാണോ പലിശയില്‍ നിന്ന് മാത്രമാണോ ഇളവ് ലഭ്യമാകുന്നത്; എങ്കില്‍ എത്ര ശതമാനമാണ് പരമാവധി ഇളവ് ലഭിക്കുന്നത്; വ്യക്തമാക്കാമോ?

കാര്‍ഷിക വായ്പ കുടിശ്ശിക വരുത്തുന്നവര്‍ക്ക് നവകേരളീയം കുടിശ്ശിക നിവാരണ പദ്ധതി മുഖേന പ്രാഥമിക കാര്‍ഷിക സഹകരണ സംഘങ്ങള്‍ പലിശയിളവ് നല്‍കുന്നുണ്ടെങ്കിലും പ്രസ്തുത സംഘങ്ങള്‍ക്ക് കേരള ബാങ്ക് ഈ പലിശയിളവ് നല്‍കുന്നില്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പലിശയിളവ് ആനുകൂല്യം ഈ സംഘങ്ങള്‍ക്ക് ലഭ്യമാക്കുന്നതിന് നടപടി സ്വീകരിക്കുമോ?

കേരള ബാങ്കില്‍ ലയിപ്പിച്ചിട്ടുളള വിവിധ ജില്ലാ ബാങ്കുകളില്‍ നിന്നും വായ്പ എടുത്തവര്‍ വായ്പ കുടിശ്ശികയുടെ പേരില്‍ അനുഭവിക്കേണ്ടിവരുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

കോവിഡ് 19 -ന്റെ സാഹചര്യത്തില്‍ ജനങ്ങള്‍ക്കുണ്ടായ കുടുത്ത സാമ്പത്തിക പ്രതിസന്ധി കണക്കിലെടുത്ത് വായ്പാതിരിച്ചടവിന് ഉദാര സമീപനം സ്വീകരിക്കാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്‍കുമോ?

കാര്‍ഷികോല്പന്നങ്ങളുടെ സംഭരണം, സംസ്കരണം, വിപണനം, മൂല്യവര്‍ദ്ധനവ് എന്നിവ സാധ്യമാക്കി കാര്‍ഷികോല്പന്നങ്ങളുടെ വിലത്തകര്‍ച്ചയെ നേരിടാന്‍ കേരള ബാങ്ക് നടപ്പിലാക്കാനുദ്ദേശിക്കുന്ന പദ്ധതികള്‍ വിശദമാക്കാമോ; ഈ പദ്ധതികള്‍ക്ക് പലിശ സബ്സിഡി ലഭ്യമാക്കുന്നുണ്ടോയെന്ന് വ്യക്തമാക്കാമോ?

കേരള ബാങ്ക് മുഖേന സര്‍ക്കാര്‍ ഉദ്യോഗസ്ഥര്‍ക്കും അദ്ധ്യാപകര്‍ക്കും കുറഞ്ഞ പലിശ നിരക്കില്‍ ഭവന വായ്പ അനുവദിയ്ക്കുന്നതിന് നടപടി സ്വീകരിക്കുമോ;

മറ്റ് ദേശസാല്‍കൃത/വാണിജ്യ ബാങ്കുകളെ അപേക്ഷിച്ച് ഭവന വായ്പയ്ക്ക് ടി ബാങ്കില്‍ പലിശ നിരക്ക് കൂടുതലാണെന്നത് ശ്രദ്ധയില്‍പ്പെട്ടിട്ടുണ്ടോ;

ഭവന വായ്പ അനുവദിയ്ക്കുന്നതുമായി ബന്ധപ്പെട്ട് കേരള ബാങ്ക് നടത്തുന്ന പ്രചാരണ പരിപാടികളുടെ വിശദ വിവരങ്ങൾ ലഭ്യമാക്കാമോ?

മുന്‍ ജില്ലാ സഹകരണ ബാങ്കുകളിലെയും കേരള സംസ്ഥാന സഹകരണ ബാങ്കിലെയും ശമ്പള പരിഷ്കരണവുമായി ബന്ധപ്പെട്ട് ജീവനക്കാര്‍ക്കും അവരുടെ സംഘടനകള്‍ക്കും ആക്ഷേപങ്ങള്‍ ബോധിപ്പിക്കുന്നതിന് അനോമലി കമ്മിറ്റി രൂപീകരിച്ചിട്ടുണ്ടോയെന്ന് വ്യക്തമാക്കാമോ;

ഇല്ലെങ്കില്‍ അനോമലി കമ്മിറ്റികള്‍ രൂപീകരിക്കുന്നതിനുള്ള നടപടികള്‍ സ്വീകരിക്കുമോ?

സംസ്ഥാനത്തെ സഹകരണ ബാങ്കുകളില്‍ ഒറ്റത്തവണ തീര്‍പ്പാക്കല്‍ പദ്ധതി പ്രകാരം എത്ര കേസ്സുകളാണ് തീര്‍പ്പാക്കിയത്; കോവിഡ് സാഹചര്യത്തില്‍ ഈ പദ്ധതിയില്‍ വായ്പ കുടിശ്ശിക ഉള്ളവരുടെ പ്രതികരണം കുറവാണെങ്കില്‍ കൂടുതല്‍ ഇളവുകള്‍ പ്രഖ്യാപിച്ച് ഈ പദ്ധതി വീണ്ടും നടപ്പാക്കുമോ; വിശദമാക്കാമോ?

കേരള സഹകരണ നിയമം അനുസരിച്ച് രജിസ്റ്റർ ചെയ്ത് പ്രവർത്തിച്ചു വരുന്ന സഹകരണ അർബൻ ബാങ്കുകളുടെ ആഡിറ്റ് നിലവിലെ സഹകരണ വകുപ്പ് ആഡിറ്റർമാരെ ഉപയോഗിച്ച് നടത്തുന്നതിന് ആര്‍.ബി.ഐ. ഏതെങ്കിലും തരത്തിലുള്ള നിയന്ത്രണം ഏർപ്പെടുത്തിയിട്ടുണ്ടോ എന്നറിയിക്കാമോ;

അർബൻ ബാങ്കുകളിൽ സഹകരണ വകുപ്പിന്റെ ആഡിറ്റ് നിലനിർത്തുന്നതിന് എന്തെല്ലാം നടപടികൾ സ്വീകരിച്ചു എന്നും അർബൻ ബാങ്കുകളിൽ പ്രസ്തുത ആഡിറ്റ് തുടരുന്നതിനുള്ള തടസ്സങ്ങൾ എന്തെല്ലാമെന്നും വ്യക്തമാക്കാമോ;

സംസ്ഥാനത്ത് ആര്‍.ബി.ഐ. നിയന്ത്രണത്തിലുള്ള അർബൻ സഹകരണ ബാങ്കുകളിൽ 31.03.2019-ൽ അസിസ്റ്റന്റ് ഡയറക്ടർ, ജൂനിയർ ആഡിറ്റർ, സീനിയർ ആഡിറ്റർ, സ്പെഷ്യൽ ഗ്രേഡ് ആഡിറ്റർ എന്നീ തസ്തികകളിൽ എത്ര സഹകരണ വകുപ്പ് ആഡിറ്റർമാർ ഉണ്ടായിരുന്നു എന്നും നിലവിൽ ഈ തസ്തികകളിൽ എത്ര പേരുണ്ട് എന്നും അറിയിക്കാമോ;

സംസ്ഥാനത്ത് ആര്‍.ബി.ഐ. നിയന്ത്രണത്തിലുള്ള എത്ര അർബൻ സഹകരണ ബാങ്കുകൾ ഉണ്ട്; ജില്ല തിരിച്ച് വിശദമാക്കാമോ?

സഹകരണ ബാങ്ക് ഉപഭോക്താക്കള്‍ക്ക് നിലവില്‍ നല്‍കി വരുന്ന കുടിശ്ശിക നിവാരണ പദ്ധതികള്‍ എന്തൊക്കെയെന്ന് വിശദമാക്കാമോ?

കാര്‍ഷിക മേഖലയില്‍ സഹകരണ പ്രസ്ഥാനത്തിന്റെ ഇടപെടല്‍ കൂടുതല്‍ ശക്തിപ്പെടുത്തുന്നതിന്റെ ഭാഗമായി ഇടനിലക്കാരെ ഒഴിവാക്കി സംഭരണ സമയത്തു തന്നെ പണം നല്‍കി കൃഷിക്കാരില്‍ നിന്നും നെല്ല് സംഭരിക്കുന്നതിനും ഇവ സംസ്കരിച്ച് വില്പന നടത്തുന്നതിനുമായി രൂപീകരിച്ച സൊസൈറ്റി നെല്‍കൃഷിക്കാര്‍ക്ക് എത്രത്തോളം സഹായമായിട്ടുണ്ട്; വിശദമാക്കാമോ;

സംസ്ഥാനത്ത് സഹകരണ സംഘങ്ങള്‍ ഉല്പാദിപ്പിക്കുകയും സംഭരിക്കുകയും ചെയ്യുന്ന ഉല്പന്നങ്ങളുടെ ഗുണനിലവാരം ഉറപ്പുവരുത്തുന്നതിനായി പൊതു ബ്രാന്റിംഗ് അവതരിപ്പിക്കുന്നതിനുള്ള നിര്‍ദ്ദേശം പരിഗണനയിലുണ്ടോ; ഇതിനാവശ്യമായ പശ്ചാത്തല സൗകര്യങ്ങള്‍ ഒരുക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

സര്‍ക്കാരിന്റെ നൂറ് ദിന കര്‍മ്മ പരിപാടിയില്‍ ഉള്‍പ്പെടുത്തി രൂപീകരിച്ച യുവജന സഹകരണസംഘങ്ങളുടെ എണ്ണം ലഭ്യമാക്കുമോ;

രജിസ്റ്റര്‍ ചെയ്ത യുവജന സഹകരണ സംഘങ്ങളുടെ പേരുവിവരവും പ്രവര്‍ത്തന പരിധി മേഖലയും ഇനം തിരിച്ച് ലഭ്യമാക്കുമോ;

തിരുവനന്തപുരം ജില്ലയില്‍ വട്ടിയൂര്‍ക്കാവ് കേന്ദ്രമാക്കി രൂപീകരിച്ച യൂത്ത് ബ്രിഗേഡ് സംരംഭക സഹകരണസംഘത്തിന്റെ ബൈലോയുടെ പകര്‍പ്പ് ലഭ്യമാക്കുമോ;

രജിസ്ട്രേഷനായി നിലവില്‍ അപേക്ഷ സമര്‍പ്പിച്ചിട്ടുള്ള യുവജന സഹകരണസംഘങ്ങളുടെ എണ്ണം അറിയിക്കാമോ?

എച്ച്.എന്‍.എല്‍. എംപ്ലോയീസ് സഹകരണ ബാങ്കിന് ഹിന്ദുസ്ഥാന്‍ ന്യൂസ് പ്രിന്റ് ലിമിറ്റഡ് നല്‍കാനുള്ള തുകയെത്രയാണ്; തുക നല്‍കുന്നതിന് നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

നിക്ഷേകര്‍ പ്രസ്തുത ബാങ്കിന് എതിരെ ഹൈക്കോടതിയില്‍ കേസ് ഫയല്‍ ചെയ്ത കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ബാങ്കിന് ധനസഹായം നല്‍കിയിട്ടുണ്ടോ; ഇല്ലെങ്കില്‍ ആയതിന് നടപടി സ്വീകരിക്കുമോ?

യുവാക്കള്‍ക്ക് തൊഴില്‍ നല്‍കുവാനായി സഹകരണ സംഘങ്ങളില്‍ വിവിധ സ്റ്റാര്‍ട്ട് അപ്പ് സംരംഭങ്ങള്‍ ആരംഭിക്കുവാൻ നടപടി സ്വീകരിച്ചിട്ടുണ്ടോ;

ഉണ്ടെങ്കില്‍ ആയതിന് നിയമാവലി തയ്യാറാക്കിയിട്ടുണ്ടോ; എങ്കില്‍ പകര്‍പ്പ് ലഭ്യമാക്കാമോ;

പദ്ധതിയുടെ ഉദ്ദേശ്യ ലക്ഷ്യം, ഘടന, ലാഭവിഹിതം എന്നിവയെ സംബന്ധിച്ച വിവരങ്ങള്‍ ലഭ്യമാക്കാമോ?

കേരള ഗസറ്റഡ് ഓഫീസേഴ്സ് കോ-ഓപ്പറേറ്റീവ് സൊസൈറ്റി ലിമിറ്റഡ് നമ്പര്‍ റ്റി.424-ലെ നിലവിലെ ഭാരവാഹികൾ ആരെല്ലാമാണെന്നും അവര്‍ ഏതൊക്കെ ഓഫീസിലാണ് ജോലി ചെയ്യുന്നതെന്നും വ്യക്തമാക്കാമോ;

പ്രസ്തുത സൊസൈറ്റിയിൽ പുതുതായി അംഗത്വം നൽകുന്നില്ല എന്നത് സംബന്ധിച്ച് എന്തെങ്കിലും പരാതി ലഭിച്ചിട്ടുണ്ടോ; ഉണ്ടെങ്കിൽ എന്ത് നടപടി സ്വീകരിച്ചുവെന്ന് വിശദമാക്കാമോ;

നിലവിൽ പ്രസ്തുത സൊസൈറ്റിയിൽ പട്ടികജാതി പട്ടികവർഗ്ഗ വിഭാഗത്തിൽപ്പെട്ട എത്ര ഉദ്യോഗസ്ഥർ ഉണ്ട്‌; ജില്ല തിരിച്ചുള്ള കണക്കുകൾ ലഭ്യമാക്കാമോ?

കോട്ടയം ജില്ലയില്‍ യുവ സഹകരണ സംഘങ്ങള്‍ രജിസ്റ്റര്‍ ചെയ്തിട്ടുണ്ടോയെന്ന് വ്യക്തമാക്കുമോ;

ഉണ്ടെങ്കില്‍ അവ ഏതെല്ലാമെന്ന് വിശദമാക്കാമോ?

സര്‍ക്കാരിന്റെ നേതൃത്വത്തില്‍ സഹകരണ സംഘങ്ങളെ ഏകോപിപ്പിച്ചുകൊണ്ട്‌ വിപുലമായ വ്യവസായ സംരംഭങ്ങള്‍ ആരംഭിക്കാന്‍ നടപടി സ്വീകരിക്കുമോ; വിശദമാക്കുമോ;

വിദ്യാഭ്യാസ-ടൂറിസ- വ്യവസായ മേഖലകളില്‍ സഹകരണ വകുപ്പ് വഴി കൂടുതല്‍ സംരംഭങ്ങള്‍ തുടങ്ങുന്നത് സംബന്ധിച്ച് പഠിക്കുന്നതിന് ഒരു സമിതിയെ നിയോഗിക്കുന്ന കാര്യം പരിഗണിക്കുമോ; വ്യക്തമാക്കാമോ?

കഴിഞ്ഞ പത്ത് വർഷത്തിനുള്ളിൽ കാസർഗോഡ് ജില്ലയിൽ ആരംഭിച്ച സഹകരണ സ്ഥാപനങ്ങൾ ഏതൊക്കെയാണെന്ന് മണ്ഡലം തിരിച്ച് വ്യക്തമാക്കാമോ;

പ്രസ്തുത കാലയളവില്‍ ജില്ലയിൽ സഹകരണ സ്ഥാപനങ്ങൾ പുതുതായി തുടങ്ങാൻ എത്ര അപേക്ഷകള്‍ ഉണ്ടായിരുന്നുവെന്ന് വ്യക്തമാക്കാമോ;

അപേക്ഷിച്ചവർ ആരെല്ലാമായിരുന്നുവെന്നും അപേക്ഷിച്ചവർക്കെല്ലാം സ്ഥാപനങ്ങൾ തുടങ്ങാൻ അനുമതി നൽകിയിട്ടുണ്ടോ എന്നും വ്യക്തമാക്കാമോ;

ഇല്ലെങ്കിൽ ആർക്കൊക്കെയാണ് അനുമതി നൽകാത്തതെന്നും അതിനുള്ള കാരണമെന്താണെന്നും വ്യക്തമാക്കാമോ?

സംസ്ഥാനത്തെ നാണ്യവിളകളുടെ കയറ്റുമതി വര്‍ദ്ധിപ്പിക്കാനും അതുവഴി വിദേശ നാണ്യം സമ്പാദിക്കാനും ഉതകുന്ന തരത്തില്‍ കോ ഓപ്പറേറ്റീവ് മാര്‍ക്കറ്റിംഗ് സൊസെെറ്റികളുടെ പ്രവര്‍ത്തനം വിപുലീകരിച്ചിട്ടുണ്ടോ;

സംസ്ഥാനത്തെ കണ്‍സ്യൂമര്‍ കോ ഓപ്പറേറ്റീവ് സൊസെെറ്റികളുടെ പ്രവര്‍ത്തനം ശക്തിപ്പെട്ടിട്ടുണ്ടോ; വ്യക്തമാക്കാമോ?

മൂത്തേടം കോ-ഓപ്പറേറ്റീവ് അര്‍ബന്‍ സംഘം ക്ലിപ്തം നമ്പര്‍ എം. 653, കാരപ്പുറം എന്ന സംഘത്തിന്റെ 2013-14, 2014-15, 2015-16, 2016-17, 2017-18, 2018-19, 2019-20, 2020-21 എന്നീ വര്‍ഷങ്ങളിലെ സഹകരണ വകുപ്പിന്റെ ഓഡിറ്റ് റിപ്പോര്‍ട്ടുകളുടെ പകര്‍പ്പ് ലഭ്യമാക്കാമോ;

പ്രസ്തുത സ്ഥാപനം സര്‍ക്കാരിനും സഹകരണ വകുപ്പിനും എതിരെ 2014 മുതല്‍ നാളിതുവരെ വിവിധ കോടതികളില്‍ നല്‍കിയ തീര്‍പ്പാക്കിയതും നിലവിലുള്ളതുമായ കേസുകളുടെയും അപ്പീലുകളുടെയും കേസ് നമ്പരടക്കമുള്ള വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് സഹകരണ വകുപ്പിലെ ആധുനികവല്‍ക്കരണത്തിന്റെ ഭാഗമായി ഐ.സി.ഡി.എം.എസ്. പദ്ധതി പ്രകാരം ഓണ്‍ലൈന്‍ വഴി നടപ്പിലാക്കുന്ന സേവനങ്ങള്‍ വിശദമാക്കാമോ;

സഹകരണ സംഘങ്ങള്‍ വഴി കാര്‍ഷിക രംഗത്ത് നെല്‍കൃഷി, പച്ചക്കറികൃഷി, ജെെവകൃഷി എന്നിവയുടെ പ്രോത്സാഹനത്തിനായുള്ള തനതായ കൃഷിരീതികളും പദ്ധതികളും ഏതൊക്കെയെന്ന് വ്യക്തമാക്കാമോ;

സംസ്ഥാനത്ത് ഭക്ഷ്യ സുരക്ഷ ഉറപ്പാക്കുന്നതിനും നെല്‍കൃഷി പ്രോല്‍സാഹിപ്പിക്കുന്നതിനുമായി സഹകരണ സംഘങ്ങള്‍ മുഖേന നെല്‍കൃഷിക്ക് പലിശരഹിത വായ്പ അനുവദിച്ചിട്ടുണ്ടോ; ഉണ്ടെങ്കില്‍ പലിശരഹിത വായ്പാപദ്ധതി പ്രകാരം എത്ര തുക അനുവദിച്ചിട്ടുണ്ട്; വ്യക്തമാക്കാമോ?

സഹകരണ സംഘങ്ങളില്‍ മൊറട്ടോറിയം നിലവിലുണ്ടോ എന്ന് വ്യക്തമാക്കാമോ;

കോവിഡിന്റെ പശ്ചാത്തലത്തില്‍ ജപ്തി നടപടികള്‍ നടത്തുന്നതിന് ഏതെങ്കിലും വിധത്തിലുള്ള നിയമതടസം നിലനില്‍ക്കുന്നുണ്ടോയെന്ന് വ്യക്തമാക്കാമോ?

സംസ്ഥാനത്തെ വിവിധ സഹകരണസംഘങ്ങളുടെ പ്രസിഡന്റുമാര്‍ക്ക് നല്‍കിവരുന്ന ഓണറേറിയം വര്‍ദ്ധിപ്പിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ;

ജോലിഭാരം കണക്കിലെടുത്ത് സഹകരണസംഘം പ്രസിഡന്റുമാരുടെ ഓണറേറിയം വര്‍ദ്ധിപ്പിക്കാന്‍ എന്തെങ്കിലും ശിപാര്‍ശ നിലവിലുണ്ടോ; വിശദാംശം ലഭ്യമാക്കുമോ?

കണ്‍സ്യൂമര്‍ ഫെഡിന്റെ പ്രധാന ചുമതലകള്‍ എന്തൊക്കെയെന്ന് വിശദമാക്കാമോ;

അവശ്യവസ്തുക്കള്‍ മിതമായ നിരക്കില്‍ ഇടനിലക്കാരുടെ ചൂഷണമില്ലാതെ സാധാരണ ജനങ്ങള്‍ക്ക് ലഭ്യമാക്കുന്നതില്‍ പ്രസ്തുത സ്ഥാപനത്തിന്റെ പ്രവര്‍ത്തനങ്ങള്‍ എത്രത്തോളം ഫലപ്രദമാണ്; വിശദാംശങ്ങള്‍ നല്‍കാമോ;

കണ്‍സ്യൂമര്‍ ഫെഡ് ആരംഭിച്ച നീതി മെഡിക്കല്‍ സ്റ്റോറുകളുടെ പ്രവര്‍ത്തനം വിലയിരുത്തിയിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ?

സഹകരണ സംഘങ്ങളുടെ കീഴിലുള്ള നീതി മെഡിക്കൽ സ്റ്റോറുകളുടെ എണ്ണം വെളിപ്പെടുത്തുമോ;

പ്രസ്തുത സ്ഥാപനങ്ങളിലെ ജീവനക്കാരുടെ സേവന വേതന വ്യവസ്ഥകൾ അറിയിക്കുമോ; ഇവ പുതുക്കി നിര്‍ണ്ണയിക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

ടി ജീവനക്കാരുടെ ശമ്പളപരിഷ്കരണം നടത്തിയത് എന്നാണെന്നും പുതുക്കിയ ശമ്പളം എന്നു മുതൽ നൽകി വരുന്നുണ്ടെന്നും അറിയിക്കുമോ?

സംസ്ഥാനത്ത് കോ-ഓപ്പറേറ്റീവ് അക്കാദമി ഓഫ് പ്രൊഫഷണല്‍ എഡ്യുക്കേഷന്റെ (കേപ്പ്) പ്രവര്‍ത്തനം വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

കേപ്പിന്റെ നിയന്ത്രണത്തിലുള്ള സ്ഥാപനങ്ങളിലെ പഠന നിലവാരം മെച്ചപ്പെടുത്തി മികവിന്റെ കേന്ദ്രങ്ങളാക്കി മാറ്റുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

വിദ്യാര്‍ത്ഥികളുടെ കഴിവുകള്‍ വികസിപ്പിച്ച് സിവില്‍ സര്‍വീസ് ഉള്‍പ്പെടെയുള്ള പരീക്ഷകളില്‍ മെച്ചപ്പെട്ട വിജയം നേടുന്നതിന് കേപ്പിന്റെ കീഴിലുള്ള വിദ്യാഭ്യാസ സ്ഥാപനങ്ങളില്‍ പ്രത്യേക പരിശീലന പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ?

സര്‍ക്കാര്‍ നടപ്പിലാക്കിവരുന്ന വിവിധ ചികിത്സാ സഹായ പദ്ധതികളില്‍ സഹകരണ ആശുപത്രികളെ പങ്കാളികളാക്കാന്‍ ആവശ്യമായ നപടികള്‍ സ്വീകരിക്കുമോ?

കനത്ത മഴയെത്തുടര്‍ന്നുണ്ടായ പ്രളയത്തിലും ഉരുള്‍പ്പൊട്ടലിലും മണ്ണിടിച്ചിലിലും വീടും വസ്തുവകകളും ജീവനോപാധികളും നഷ്ടപ്പെട്ടവര്‍ക്കായി വകുപ്പ് സഹായപദ്ധതികള്‍ ആവിഷ്ക്കരിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

നാശഷ്ടം സംഭവിച്ച വീടുകളുടെ അറ്റകുറ്റപണികള്‍ക്കും വീട്ടുപകരണങ്ങള്‍ വാങ്ങുന്നതിനും വ്യാപാരസ്ഥാപനങ്ങളുടെ പ്രവര്‍ത്തനം പുനരാരംഭിക്കുന്നതിനുമായി വായ്പാസഹായ പദ്ധതി ആവിഷ്കരിക്കുമോയെന്ന് വ്യക്തമാക്കുമോ?

വയനാട് ജില്ലയിലെ സഹകരണ ബാങ്കുകളില്‍ നിന്നും അനുവദിച്ച കാര്‍ഷിക വായ്പകളിൽ തിരിച്ചടവ് നടക്കാതെ ജപ്തി നടപടി സ്വീകരിക്കുന്നവയുടെ എണ്ണം വ്യക്തമാക്കാമോ;

കാര്‍ഷിക വായ്പ നല്‍കിയ ഇനത്തില്‍ പ്രസ്തുത ജില്ലയിലെ സഹകരണ ബാങ്കുകള്‍ക്ക് എത്ര തുക കിട്ടാകടമായി നിലനില്‍ക്കുന്നുണ്ടെന്ന് വ്യക്തമാക്കാമോ?

സഹകരണ ബാങ്കുകളില്‍ നിന്നും വായ്പ എടുക്കുകയും റിസ്ക്ക് ഫണ്ടില്‍ ഉള്‍പ്പെടാത്തവരുമായവര്‍ മരണപ്പെട്ടാല്‍ വായ്പ തുക പലിശ ഉള്‍പ്പെടെ ഇളവ് ചെയ്ത് നല്‍കുന്നതിന് നടപടി സ്വീകരിക്കുമോ;

ഇത്തരത്തില്‍ ലഭിച്ചിട്ടുള്ള അപേക്ഷകളുടെ എണ്ണം, ആയതിന് സ്വീകരിച്ച നടപടികള്‍ എന്നിവ വിശദമാക്കാമോ?

കോട്ടയ്ക്കല്‍ മണ്ഡലത്തില്‍ 2016 മുതല്‍ നാളിതുവരെ സഹകരണ സ്ഥാപനങ്ങളിലെ റിസ്ക്ക് ഫണ്ടില്‍ നിന്നുള്ള സഹായത്തിനായി എത്ര അപേക്ഷകള്‍ ലഭിച്ചിട്ടുണ്ടെന്നും ആയതിന്മേല്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വിശദമാക്കാമോ?

മാവേലിക്കര താലൂക്കില്‍ 2017 മുതല്‍ നാളിതുവരെ റിസ്ക് ഫണ്ടില്‍ ലഭിച്ച അപേക്ഷകളുടെ എണ്ണം, ആനുകൂല്യം ലഭിച്ചവരുടെ എണ്ണം എന്നിവ വ്യക്തമാക്കാമോ;

മാവേലിക്കര താലൂക്കിലെ റിസ്ക് ഫണ്ട് അപേക്ഷകളിന്മേല്‍ അടിയന്തര നടപടികള്‍ സ്വീകരിക്കുമോ; വ്യക്തമാക്കാമോ?

സഹകരണ ബാങ്കുകളിലെ ജീവനക്കാര്‍ക്ക് ശമ്പള പരിഷ്കരണം നടപ്പിലാക്കിയത് എന്ന് മുതലാണെന്ന് വ്യക്തമാക്കാമോ;

എല്ലാ സഹകരണ ബാങ്കുകളിലും ആയത് നടപ്പിലാക്കാന്‍ നിര്‍ദ്ദേശം നല്‍കിയിട്ടുണ്ടോയെന്ന് അറിയിക്കാമോ;

സഹകരണ ബാങ്കുകളില്‍ ശമ്പള വര്‍ദ്ധനവും ശമ്പള കുടിശ്ശികയും വിതരണം ചെയ്യുന്നതില്‍ നിയന്ത്രണങ്ങള്‍ നിലവിലുണ്ടോ; ബാങ്ക് ഭരണസമിതികള്‍ക്ക് ആയത് നടപ്പിലാക്കാതിരിക്കാന്‍ വ്യവസ്ഥയുണ്ടോ; വിശദമാക്കാമോ;

ശമ്പള വര്‍ദ്ധനവ് നടപ്പിലാക്കാത്ത ബാങ്കുകളില്‍ സാമ്പത്തിക വര്‍ഷാവസാനത്തിലെ ലാഭനഷ്ട കണക്ക് തയ്യാറാക്കുമ്പോള്‍ ജീവനക്കാര്‍ക്ക് ശമ്പള വര്‍ദ്ധനവ് ഇനത്തില്‍ നല്‍കാനുള്ള തുക ലാഭത്തില്‍ നിന്നും കുറച്ച് ബാലന്‍സ് ഷീറ്റില്‍ ബാധ്യതയായി കാണിക്കണമെന്ന് മാര്‍ഗ്ഗനിര്‍ദ്ദേശത്തില്‍ നിഷ്കര്‍ഷിച്ചിട്ടുണ്ടോ;

ജീവനക്കാര്‍ക്ക് അര്‍ഹതപ്പെട്ട ശമ്പള കുടിശ്ശിക വൈകിപ്പിക്കുന്ന നടപടി അവസാനിപ്പിക്കാന്‍ ബാങ്ക് ഭരണസമിതികള്‍ക്ക് നിര്‍ദ്ദേശം നല്‍കുമോ?

സഹകരണ സ്ഥാപനങ്ങളിലെ ജീവനക്കാര്‍ പെന്‍ഷന്‍ ഫണ്ടില്‍ അടച്ച തുക വിരമിച്ചതിനുശേഷം പെന്‍ഷന്‍ പദ്ധതി ചട്ട പ്രകാരം ആരുടെ പേരിലാണ് നല്‍കുന്നത്; വിശദാംശങ്ങള്‍ അറിയിക്കാമോ;

നഷ്ടത്തിലാവുകയും പൂട്ടപ്പെടുകയും ചെയ്ത സംഘത്തില്‍ നിന്ന് വിരമിച്ചവര്‍ക്ക് പെന്‍ഷന്‍ ആനുകൂല്യങ്ങള്‍ ലഭിക്കാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ ഇത്തരം സംഘങ്ങളില്‍ ജോലി ചെയ്ത കാലയളവില്‍ പെന്‍ഷന്‍ വിഹിതം അടച്ച ജീവനക്കാര്‍ക്ക് പെന്‍ഷന്‍ ആനുകൂല്യം ലഭിക്കാത്ത വിഷയം പരിശോധിക്കാമോ; വിശദാംശങ്ങള്‍ അറിയിക്കാമോ?

കൊണ്ടോട്ടി സഹകരണ സംഘം അസിസ്റ്റന്റ് രജിസ്ട്രാർ ഓഫീസിലെ ജീവനക്കാർക്ക് കോഴി​​​ക്കോട് വിമാനത്താവളത്തില്‍ കോവിഡ് പ്രതിരോധ പ്രവർത്തനത്തില്‍ ഏർപ്പെട്ടിട്ടുള്ള ജീവനക്കാരുടെ മേൽനോട്ടചുമതല നൽകിയത് കാരണം ഓഫീസ് ജോലികൾ തടസ്സപ്പെടുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത ജോലിത്തിരക്ക് കാരണം സഹകരണ സംഘങ്ങൾക്ക് ലഭി​ക്കേണ്ട സേവനങ്ങൾ യഥാസമയം ലഭ്യമാകാത്തതിനാല്‍ പ്രസ്തുത ആവശ്യത്തിന് കൂടുതൽ ജീവനക്കാരെ അനുവദിക്കുന്നതിന് നടപടി സ്വീകരിക്കുമോ?

വര്‍ക്കല ഹരിഹരപുരം കായല്‍ ടൂറിസം പദ്ധതിയുടെ വികസനത്തിനായി ടൂര്‍ഫെഡ് സ്വീകരിച്ച നടപടികള്‍ വിശദമാക്കാമോ;

ടൂര്‍ഫെഡ് നടപ്പിലാക്കി വരുന്ന ടൂര്‍ പാക്കേജുകള്‍ എന്തെല്ലാമെന്ന് വിശദമാക്കാമോ?

സഹകരണ അർബൻ ബാങ്കുകളുടെ ആഡിറ്റ് സഹകരണ വകുപ്പ് ആഡിറ്റർമാരെ ഉപയോഗിച്ച് നടത്തുന്നതിന് ആര്‍.ബി.ഐ. ഏതെങ്കിലും തരത്തിലുള്ള നിയന്ത്രണം ഏർപ്പെടുത്തിയിട്ടുണ്ടോ;

അർബൻ ബാങ്കുകളിൽ സഹകരണ വകുപ്പ് ആഡിറ്റ് നിലനിർത്തുന്നതിന് എന്തെല്ലാം നടപടികൾ സ്വീകരിച്ചു;

അർബൻ ബാങ്കുകളിൽ നിലവിലുള്ള സഹകരണ വകുപ്പ് ആഡിറ്റ് തുടരുന്നതിനുള്ള തടസ്സങ്ങൾ എന്തെല്ലാം;

സംസ്ഥാനത്ത് ആര്‍.ബി.ഐ. നിയന്ത്രണത്തിലുള്ള എത്ര അർബൻ സഹകരണ ബാങ്കുകൾ ഉണ്ട്; ജില്ല തിരിച്ച് വ്യക്തമാക്കാമോ;

പ്രസ്തുത ബാങ്കുകളിൽ 31.03.2019-ൽ അസി. ഡയറക്ടർ, ജൂനിയർ ആഡിറ്റർ, സീനിയർ ആഡിറ്റർ, സ്പെഷ്യൽ ഗ്രേഡ് ആഡിറ്റര്‍ എന്നീ വിഭാഗങ്ങളിലായി എത്ര സഹകരണ വകുപ്പ് ആഡിറ്റർമാർ ഉണ്ടായിരുന്നു;ഇനം തിരിച്ച് വ്യക്തമാക്കാമോ;

പ്രസ്തുത ബാങ്കുകളിൽ മേല്‍സൂചിപ്പിച്ച വിഭാഗങ്ങളിലായി 30.09.2021 ല്‍ എത്ര സഹകരണ വകുപ്പ് ആഡിറ്റർമാർ ഉണ്ടായിരുന്നു; ഇനം തിരിച്ച് വ്യക്തമാക്കാമോ?

സംസ്ഥാനത്ത് സഹകരണ വകുപ്പിന്‍ കീഴില്‍ രജിസ്റ്റര്‍ ചെയ്ത് പ്രവര്‍ത്തിക്കുന്ന എത്ര സഹകരണ ബാങ്കുകളും സഹകരണ സംഘങ്ങളും ഉണ്ടെന്ന് ജില്ല തിരിച്ചുള്ള വിവരങ്ങള്‍ നല്‍കാമോ;

ഇവയില്‍ ഈ സര്‍ക്കാര്‍ അധികാരത്തില്‍ വന്നതിന് ശേഷം പ്രവര്‍ത്തനം നിലച്ചുപോയവ എത്ര; പുതുതായി രൂപീകരിക്കപ്പെട്ടവ എത്ര; വ്യക്തമാക്കാമോ;

നഷ്ടത്തില്‍ പ്രവര്‍ത്തിക്കുന്ന സംഘങ്ങളെ പുനരുദ്ധരിക്കാന്‍ ഉത്തേജക പാക്കേജിനു രൂപം നല്‍കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ?

സഹകരണ മേഖലയില്‍ സാമ്പത്തികമായി പ്രതിസന്ധി നേരിടുന്ന സ്ഥാപനങ്ങളെ സഹായിക്കുന്നതിന് എന്തെങ്കിലും പദ്ധതി ആവിഷ്കരിച്ച് നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ അറിയിക്കാമോ?

നിലവിലെ സഹകരണ സ്ഥാപനങ്ങളുടെ പ്രവര്‍ത്തന വ്യാപ്തിയും എണ്ണത്തിലുള്ള വര്‍ദ്ധനവും കണക്കിലെടുത്ത് സഹകരണ വകുപ്പ് ജനറല്‍ വിഭാഗം പുന:സംഘടന ആലോചിച്ചിട്ടുണ്ടോ;

ഉണ്ടെങ്കില്‍ ഏതു രീതിയിലാണ് പുന:സംഘടന നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

എറണാകുളത്തെ കേരള സ്റ്റേറ്റ് ഡിഫന്‍സ് സര്‍വീസ് കോ-ഓപ്പറേറ്റീവ് ഹൗസിങ്ങ് സൊസെെറ്റി ലിമിറ്റഡ് നം. 4343 ല്‍ നിന്നും 2014-ല്‍ ലോണ്‍ എടുത്ത് 2019-ല്‍ ക്ലോസ് ചെയ്ത കൊച്ചി താലൂക്ക് കുമ്പളങ്ങി വില്ലേജ് ചക്കാലക്കല്‍ വീട്ടില്‍ പത്മനാഭന്‍ മകന്‍ സി.പി. പാെന്നപ്പന്‍ വസ്തുവിന്റെ ആധാരം തിരികെ ലഭിക്കുന്നതിനായി സമര്‍പ്പിച്ച അപേക്ഷയിന്മേല്‍ സ്വീകരിച്ച നടപടി വിശദമാക്കാമോ?

സംസ്ഥാനത്തെ ഭൂമിക്ക് ന്യായവില നിശ്ചയിച്ച് ഉത്തരവ് പുറപ്പെടുവിച്ചത് എന്നാണെന്നും ഇതിനുളള മാനദണ്ഡങ്ങള്‍ എന്തൊക്കെയെന്നും വിശദമാക്കാമോ;

ന്യായവില നിര്‍ണ്ണയം നടത്തുന്ന വകുപ്പ് ഏതെന്നു വ്യക്തമാക്കുമോ; ന്യായവില നിര്‍ണ്ണയത്തിലെ അപാകത കാരണം ചില സ്ഥലങ്ങളിൽ ഭൂമിക്ക് വില കൂടുതലും സമാന സ്ഥിതിയിലുളള മറ്റ് സ്ഥലങ്ങളില്‍ വില കുറവും രേഖപ്പെടുത്തിയിട്ടുളളത് ശ്രദ്ധയില്‍പ്പെട്ടിട്ടുണ്ടോ?

തിരുവിതാംകൂര്‍-കൊച്ചി സൊസൈറ്റി രജിസ്ട്രേഷനുമായി ബന്ധപ്പെട്ട് നടപ്പാക്കിയിരുന്ന കോംമ്പൗണ്ടിംഗ് പദ്ധതി നിലവിലുണ്ടോയെന്ന് വ്യക്തമാക്കാമോ?

വിവിധ സഹകരണ സംഘങ്ങളുടെ രജിസ്ട്രേഷനുള്ള അപേക്ഷകള്‍ കെട്ടിക്കിടക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; രജിസ്ട്രേഷനുള്ള കാലതാമസം എന്താണെന്ന് അറിയിക്കാമോ; ഇക്കാര്യത്തില്‍ സര്‍ക്കാര്‍ നയം വ്യക്തമാക്കുമോ;

കോവിഡ് മൂലം ജോലി നഷ്ടപ്പെട്ട പ്രവാസികള്‍ രൂപീകരിച്ച സഹകരണ സംഘങ്ങള്‍ ഉള്‍പ്പെടെ നിരവധി സംഘങ്ങളുടെ രജിസ്ട്രേഷനുള്ള അപേക്ഷകള്‍ എത്രയും വേഗം തീര്‍പ്പാക്കുവാന്‍ നടപടി സ്വീകരിക്കുമോ?

2021-22 സാമ്പത്തിക വര്‍ഷം കെട്ടിടനിര്‍മ്മാണത്തിന് രജിസ്ട്രേഷന്‍ വകുപ്പിന്റെ പ്ലാന്‍ ഫണ്ടില്‍ നിന്നും തുക അനുവദിച്ചിട്ടുള്ള രജിസ്ട്രാര്‍ ഓഫീസുകള്‍ ഏതൊക്കെയെന്ന് ആയതിന്റെ തുകയടക്കം മണ്ഡലം തിരിച്ച് വ്യക്തമാക്കാമോ?

മങ്കട മണ്ഡലത്തിലെ മൂര്‍ക്കനാട് സബ് രജിസ്ട്രാര്‍ ഓഫീസ് കെട്ടിട നിര്‍മ്മാണം പൂര്‍ത്തീകരിച്ചിട്ടില്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ; പ്രവൃത്തി പൂര്‍ത്തീകരിക്കുന്നതിന് ഏകദേശം എത്ര തുക ആവശ്യമായി വരുമെന്നാണ് കണക്കാക്കിയിട്ടുള്ളത്; വ്യക്തമാക്കുമോ;

പ്രസ്തുത പ്രവൃത്തി പൂര്‍ത്തീകരിയ്ക്കുന്നതിന് രജിസ്ട്രേഷന്‍ വകുപ്പ് നടപടികള്‍ സ്വീകരിച്ചിട്ടുണ്ടോ; നിര്‍മ്മാണം പൂര്‍ത്തീകരിയ്ക്കുന്നതിന് ഏതെല്ലാം രീതിയില്‍ തുക വകയിരുത്താന്‍ കഴിയുമെന്നാണ് വകുപ്പ് പ്രതീക്ഷിക്കന്നത്; വ്യക്തമാക്കുമോ?

കോതമംഗലത്തെ പുതിയ രജിസ്ട്രേഷന്‍ കോംപ്ലക്സ് നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ;

പ്രസ്തുത രജിസ്ട്രേഷന്‍ കോംപ്ലക്സില്‍ നടപ്പിലാക്കുന്ന സൗകര്യങ്ങള്‍ വ്യക്തമാക്കുമോ; ഇതില്‍ പൂര്‍ത്തീകരിച്ചതും പൂര്‍ത്തീകരിക്കാനുള്ളതുമായ നിര്‍മ്മാണ പ്രവൃത്തികള്‍ ഏതെല്ലാമെന്ന് അറിയിക്കാമോ;

പുതിയ രജിസ്ട്രേഷന്‍ കോംപ്ലക്സിന്റെ നിര്‍മ്മാണം എന്നത്തേക്ക് പൂര്‍ത്തീകരിക്കുവാന്‍ കഴിയുമെന്ന് വ്യക്തമാക്കാമോ?

വാടകക്കെട്ടിടത്തില്‍ പ്രവര്‍ത്തിക്കുന്ന തിരുവമ്പാടി സബ് രജിസ്ട്രാര്‍ ഓഫീസിന് കെട്ടിടം നിര്‍മ്മിക്കുന്നതിനുള്ള സ്ഥലം ലഭ്യമായിട്ടുണ്ടോയെന്ന് വ്യക്തമാക്കാമോ;

പ്രസ്തുത കെട്ടിടം നിര്‍മ്മിക്കുന്ന കാര്യം പരിഗണനയിലുണ്ടോ; ആയതിന് നടപടികള്‍ സ്വീകരിക്കുമോ?

തിരൂരങ്ങാടി മണ്ഡലത്തിലെ പരപ്പനങ്ങാടി സബ് രജിസ്ട്രാർ ഓഫീസ് കെട്ടിടത്തിന്റെ പ്രവൃത്തിയുടെ ഉദ്‌ഘാടനം നിർവഹിച്ചിട്ടുണ്ടോ; ഉണ്ടെങ്കിൽ ഉദ്‌ഘാടനം നിർവഹിച്ചത് ആരാണെന്നും എന്നാണെന്നും അറിയിക്കാമോ;

പ്രസ്തുത പ്രവൃത്തിയുടെ നിർമ്മാണം ആരംഭിച്ചിട്ടുണ്ടോ; ഇല്ലെങ്കിൽ കാരണം വിശദമാക്കാമോ?

ആധാരം എഴുത്തുകാര്‍, സ്റ്റാമ്പ് വെണ്ടര്‍മാര്‍, പകര്‍പ്പെഴുത്തുകാര്‍ എന്നിവര്‍ക്ക് ക്ഷേമനിധി പദ്ധതിയില്‍ നിന്നും പെന്‍ഷന്‍ വിതരണം ചെയ്യുന്നുണ്ടോ; എങ്കില്‍ എത്ര പേര്‍ക്കാണ് പെന്‍ഷന്‍ വിതരണം ചെയ്യുന്നത്;

പെന്‍ഷന്‍ അനുവദിക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ?

ആധുനിക സാങ്കേതിക വിദ്യ ഉപയോഗിച്ച് ആധാരം എഴുതിക്കൊടുക്കുന്ന കക്ഷികളുടെ ഫോട്ടോയും മറ്റും ഓഫീസില്‍ വച്ച് തന്നെ എടുക്കുകയും ഇലക്ട്രോണിക് രൂപത്തിലുള്ള വിരല്‍ പതിപ്പ് എടുത്ത് പതിപ്പിക്കുന്ന സംവിധാനം സംസ്ഥാനത്ത് നടപ്പിലാക്കുന്നത് പരിഗണനയില്‍ ഉണ്ടോ; ഉണ്ടെങ്കില്‍ ആയത് നടപ്പിലാക്കുന്നതിനു വേണ്ട നടപടികള്‍ സ്വീകരിക്കാമോ?

സംസ്ഥാനത്ത് ആധാരം എഴുത്തുകാരുടെ ക്ഷേമനിധിയിലേക്ക് സര്‍ക്കാര്‍ വിഹിതം അടയ്ക്കാത്തത് കാരണം നാമമാത്രമായ ആനുകൂല്യങ്ങള്‍ മാത്രമാണ് ലഭിക്കുന്നതെന്നുള്ള പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത്തരം പ്രയാസങ്ങള്‍ പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ;

ക്ഷേമനിധിയില്‍ അംഗത്വമുള്ളവര്‍ മരണപ്പെട്ടാല്‍ ആശ്രിതര്‍ക്ക് ലഭിക്കുന്ന ധനസഹായം വര്‍ദ്ധിപ്പിക്കുന്നതിനും കാലതാമസം കൂടാതെ അനുവദിക്കുന്നതിനും നടപടി സ്വീകരിക്കുമോ; എങ്കില്‍ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ;

കോവിഡ് മൂലവും മറ്റ് വ്യത്യസ്ത കാരണങ്ങള്‍ കൊണ്ടും വരിസംഖ്യ അടക്കാനും അംഗത്വം പുതുക്കാനും സാധിക്കാത്തതിനാല്‍ ആനുകൂല്യങ്ങള്‍ ലഭിക്കാത്ത ക്ഷേമനിധി അംഗങ്ങള്‍ക്ക് അംഗത്വം പുന:സ്ഥാപിക്കാന്‍ അവസരം നല്‍കുന്ന കാര്യം പരിശോധിക്കുമോ; എങ്കില്‍ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ?