പത്തനംതിട്ട കോന്നിയില്‍ പ്രവര്‍ത്തിച്ചുകൊണ്ടിരിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്റ് ഡെവലപ്പ്മെന്റ് (സി.എഫ്.ആര്‍.ഡി.)-നെ സിവില്‍ സപ്ലൈസ് വകുപ്പ് ഏറ്റെടുക്കുവാൻ തീരുമാനിച്ചിട്ടുണ്ടോ; ഉണ്ടെങ്കില്‍ വിശദമാക്കാമോ;

ഇതുമായി ബന്ധപ്പെട്ട് എന്തെങ്കിലും റിപ്പോര്‍ട്ട് സര്‍ക്കാര്‍ മുമ്പാകെയുണ്ടോ;

നിലവില്‍ സി.എഫ്.ആര്‍.ഡി.യുടെ കെട്ടിടവും സ്ഥലവും ആരുടെ ഉടമസ്ഥതയിലാണെന്ന് വ്യക്തമാക്കാമോ;

എത്ര ജീവനക്കാരാണ് സ്ഥിരമായും താല്‍ക്കാലികമായും ഇവിടെ ജോലിചെയ്യുന്നതെന്ന് തരംതിരിച്ച് വ്യക്തമാക്കാമോ?

അഗതിമന്ദിരങ്ങള്‍, കന്യാസ്ത്രീമഠങ്ങള്‍ തുടങ്ങിയവയിലെ താമസക്കാര്‍ക്ക് പൊതുവിതരണ വകുപ്പിലെ ഉദ്യോഗസ്ഥര്‍ ഭക്ഷ്യകിറ്റുകള്‍ വാതില്‍പ്പടിയായി വിതരണം ചെയ്തതിന്റെ വിശദവിവരം നല്‍കാമോ;

പാലക്കാട് ജില്ലയില്‍ എത്ര അഗതിമന്ദിരങ്ങള്‍ക്കും കന്യാസ്ത്രീമഠങ്ങള്‍ക്കും ഇത്തരത്തില്‍ സൗജന്യകിറ്റ് വിതരണം നടത്തിയെന്ന് വിശദമാക്കാമോ;

അതില്‍ ഷൊര്‍ണ്ണൂര്‍ മണ്ഡലത്തില്‍ മാത്രം എത്ര അഗതിമന്ദിരങ്ങള്‍ക്കും കന്യാസ്ത്രീമഠങ്ങള്‍ക്കും ഇത്തരത്തില്‍ സൗജന്യകിറ്റ് വിതരണം നടത്തിയെന്ന് വിശദമാക്കാമോ?

അനർഹമായി നീലനിറത്തിലുള്ള റേഷൻ കാർഡ് കൈവശം വെച്ചിരിക്കുന്നവരെ കണ്ടെത്തുന്നതിനായി എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

ഇതുവരെ ഇത്തരത്തിലുള്ള എത്ര കാർഡ് ഉടമകളെ മുന്‍ഗണനാ പട്ടികയിൽ നിന്നും നീക്കം ചെയ്തിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ?

ദേശീയ ഭക്ഷ്യ ഭദ്രതാ നിയമം നടപ്പാക്കുന്നതിന് മുമ്പും ശേഷവും നിലമ്പൂര്‍ നിയോജക മണ്ഡലത്തിലുണ്ടായിരുന്ന ആകെ റേഷന്‍ കാര്‍ഡുകളുടെ എണ്ണം വിവിധതരം റേഷന്‍ കാര്‍ഡുകളുടെ തരതിരിച്ചുള്ള എണ്ണം എന്നിവ ലഭ്യമാക്കാമോ;

മേല്‍ താരതമ്യങ്ങളില്‍ നിന്നും ഏതുതരം റേഷന്‍ കാര്‍ഡുകളിലാണ് വലിയ തോതിലുളള അന്തരമുണ്ടായിട്ടുളളതെന്നും ആയതിനുളള കാരണങ്ങളും വിശദമാക്കാമോ; മുന്‍ഗണനാ വിഭാഗങ്ങളില്‍ കൂടുതല്‍ റേഷന്‍കാര്‍ഡുകള്‍ ഉള്‍പ്പെടുത്താന്‍ സാധിക്കുമോ എന്ന് വ്യക്തമാക്കാമോ;

അന്നപൂര്‍ണ പദ്ധതിയില്‍ ഉള്‍പ്പെട്ട എത്ര റേഷന്‍ കാര്‍ഡുകളാണ് നിലമ്പൂര്‍ നിയോജക മണ്ഡലത്തിലുളളതെന്ന് അറിയിക്കാമോ; പദ്ധതിയുടെ വിശദാംശങ്ങള്‍ ലഭ്യമാക്കാമോ;

നിലമ്പൂര്‍ നിയോജക മണ്ഡലത്തില്‍ എത്ര വെല്‍ഫയര്‍ ഹോസ്റ്റലുകള്‍, പട്ടിക വിഭാഗ ഹോസ്റ്റലുകള്‍ തുടങ്ങിയ സ്ഥാപനങ്ങള്‍ക്കാണ് നിലവില്‍ റേഷന്‍ ലഭ്യമാക്കുന്നതെന്ന് വ്യക്തമാക്കാമോ; ഇവയുടെ പട്ടിക ലഭ്യമാക്കാമോ?

മണ്ണാർക്കാട് മണ്ഡലത്തില്‍ റേഷൻ കാർഡില്ലാത്ത എത്ര ആദിവാസി കുടുംബങ്ങളുണ്ടെന്ന് വ്യക്തമാക്കാമോ;

അവര്‍ക്ക് റേഷന്‍ കാര്‍ഡ് അനുവദിച്ചു നല്‍കുന്നതിന് സ്വീകരിച്ച നടപടികള്‍ വിശദമാക്കാമോ?

ഇരിക്കൂര്‍ മണ്ഡലത്തില്‍ നിലവില്‍ എത്ര റേഷന്‍ കാര്‍ഡുകളാണുള്ളതെന്നും അവയില്‍ അന്ത്യോദയ അന്ന യോജന, മുന്‍ഗണന, മുന്‍ഗണനേതര, മുന്‍ഗണനേതര സബ്സിഡി എന്നിങ്ങനെ എത്രയെന്നു തരംതിരിച്ച് പ‍ഞ്ചായത്ത് അടിസ്ഥാനത്തിലുള്ള വിവരം ലഭ്യമാക്കാമോ;

പ്രസ്തുത പട്ടികയില്‍ നിന്നും നിലവില്‍ എ.പി.എല്‍. വിഭാഗത്തില്‍പ്പെട്ട എത്ര റേഷന്‍ കാര്‍ഡ് ഉടമകള്‍ ബി.പി.എല്‍. വിഭാഗത്തിലേയ്ക്ക് കാര്‍ഡ് മാറ്റുന്നതിനുവേണ്ടി അപേക്ഷ സമര്‍പ്പിച്ചിട്ടുണ്ടെന്നും ഇതില്‍ എത്രപേര്‍ക്ക് മാറ്റിനല്‍കിയിട്ടുണ്ടെന്നും പഞ്ചായത്ത് അടിസ്ഥാനത്തില്‍ വിവരം ലഭ്യമാക്കാമോ;

അര്‍ഹരായ മുഴുവന്‍ അപേക്ഷകരുടെയും റേഷന്‍ കാര്‍ഡുകള്‍ ബി.പി.എല്‍. വിഭാഗത്തിലേയ്ക്ക് മാറ്റിനല്‍കുന്നതിനുവേണ്ട അടിയന്തര നടപടി സ്വീകരിക്കുമോ; വിശദമാക്കാമോ?

ചേര്‍ത്തല താലൂക്കില്‍ റേഷന്‍ കാര്‍ഡ് മുന്‍ഗണന വിഭാഗത്തിലേക്ക് ഉള്‍പ്പെടുത്തുന്നതിനായി എത്ര അപേക്ഷകള്‍ ലഭിച്ചിട്ടുണ്ട്; ആയതില്‍ എത്ര അപേക്ഷകള്‍ തീര്‍പ്പാക്കിയെന്ന് വിശദമാക്കാമോ?

സംസ്ഥാനത്ത് റേഷൻ കടകൾ വഴി ഏതൊക്കെ ഇനം അരിയാണ് വിതരണം ചെയ്യുന്നതെന്ന് അറിയിക്കാമോ;

റേഷൻ കടകൾ വഴി കുത്തരി നൽകുന്ന ജില്ലകൾ ഏതെല്ലാമാണെന്ന് വ്യക്തമാക്കാമോ;

കാസര്‍ഗോഡ് ജില്ലയിൽ റേഷൻ കടകൾ വഴി കുത്തരി വിതരണം ചെയ്യാത്തതിന്റെ കാരണങ്ങൾ എന്തെല്ലാമെന്ന് അറിയിക്കാമോ;

കുത്തരി വിതരണം ചെയ്യാത്ത ജില്ലകളിൽ ആയത് നൽകുന്നതിന് നടപടികൾ സ്വീകരിക്കാമോ ?

സംസ്ഥാനത്തെ റേഷൻ വിതരണത്തില്‍ കേന്ദ്ര സർക്കാരും സംസ്ഥാന സർക്കാരും വഹിക്കുന്ന ചെലവ് എത്ര ശതമാനം വീതമാണെന്ന് വ്യക്തമാക്കാമോ;

ഇക്കഴിഞ്ഞ വർഷം സംസ്ഥാനത്ത് വിതരണം ചെയ്യുന്നതിനായി കേന്ദ്ര സർക്കാർ അനുവദിച്ചിട്ടുള്ള റേഷൻ ഉൽപ്പന്നങ്ങള്‍ ഏതൊക്കെയാണ്; ഓരോ ഇനവും എത്ര അളവുകളിലാണ് ആനുവദിക്കപ്പെട്ടിട്ടുളളത് എന്ന് വ്യക്തമാക്കുമോ; വിശദാംശങ്ങള്‍ നൽകാമോ;

കേന്ദ്ര സർക്കാരിൽ നിന്നും അനുവദിച്ചിട്ടുള്ള റേഷൻ ഉൽപ്പന്നങ്ങളിൽ എത്ര ശതമാനം ഉൽപ്പന്നങ്ങളുടെ വിതരണമാണ് നാളിതുവരെ പൂര്‍ത്തിയാക്കിയിട്ടുള്ളതെന്ന് അറിയിക്കാമോ;

എങ്കിൽ ആയത് മുഴുവനായും വിതരണം ചെയ്യാൻ കഴിയാത്തതിന്റെ കാരണങ്ങള്‍ എന്തൊക്കെയാണ്; വിശദാംശങ്ങള്‍ നല്‍കാമോ;

നാളിതുവരെ സംസ്ഥാനത്തിന് കേന്ദ്ര സര്‍ക്കാര്‍ അനുവദിച്ചിട്ടുള്ള റേഷന്‍ വിഹിതത്തില്‍ സംസ്ഥാനത്തിന് ലഭ്യമാക്കിയിട്ടുള്ള അളവുകളില്‍ കുറവ് ഉണ്ടായിട്ടുണ്ടോ; എങ്കില്‍ ഒരോ ഇനത്തിലും എത്ര വീതമാണ് കുറവുണ്ടായിട്ടുള്ളത്; കുറവുണ്ടായതിനുള്ള കാരണങ്ങള്‍ എന്തൊക്കെയാണെന്ന് വിശദീകരിക്കാമോ?

ഈ സര്‍ക്കാര്‍ അധികാരമേറ്റ ശേഷം ഓരോ മാസവും കേന്ദ്രം സംസ്ഥാനത്തിനനുവദിച്ച അരിയും ഗോതമ്പും എത്ര ടണ്‍ വീതമാണ്; ഇതില്‍ എത്ര ടണ്‍ വീതം ഏറ്റെടുത്ത് വിതരണം ചെയ്യുകയുണ്ടായി; വിശദമാക്കാമോ;

ഏതെല്ലാം സ്കീമില്‍ ഏതെല്ലാം നിരക്കിലാണ് അരിയും ഗോതമ്പും അനുവദിച്ചതെന്നും കേന്ദ്രം നല്‍കുന്ന അരിയുടെ ഗുണനിലവാരം ഉറപ്പാക്കുന്നതെങ്ങനെയെന്നും വിശദമാക്കാമോ;

അരിയുടെയും ഗോതമ്പിന്റെയും യഥാര്‍ത്ഥ ആവശ്യം പ്രതിമാസം എത്ര ടണ്‍ വീതമാണെന്നും എന്ത് വിലയ്ക്കാണ് അവ സമാഹരിക്കുന്നതെന്നും വിശദമാക്കാമോ?

സിവില്‍ സപ്ലൈസ് കോര്‍പ്പറേഷന്‍ വഴി ഉച്ചഭക്ഷണത്തിനായി വിദ്യാലയങ്ങള്‍ക്ക് നല്‍കുന്ന ചാക്കരിയില്‍ കുറവുണ്ടാകുന്ന വിവരം ശ്രദ്ധയില്‍പ്പെട്ടിട്ടുണ്ടോ;

ഭക്ഷ്യധാന്യങ്ങള്‍ കൃത്യമായ അളവിലും തൂക്കത്തിലും ലഭിക്കാതിരിക്കാന്‍ കാരണമെന്തെന്ന് വ്യക്തമാക്കാമോ?

ആദിവാസി മേഖലയില്‍ റേഷന്‍ സാധനങ്ങള്‍ എത്തിച്ചു നല്‍കുന്നതിനായി രൂപീകരിച്ച സഞ്ചരിക്കുന്ന റേഷന്‍ കട പദ്ധതിയുടെ പ്രവര്‍ത്തനങ്ങള്‍ സര്‍ക്കാര്‍ നിരീക്ഷിക്കുന്നുണ്ടോ;

ഇതിന് പ്രത്യേക നിരീക്ഷണ സംവിധാനം വകുപ്പുതലത്തില്‍ ഏര്‍പ്പെടുത്തിയിട്ടുണ്ടോ എന്ന് വ്യക്തമാക്കാമോ?

2016-21 ലെ സര്‍ക്കാര്‍ പുതുതായി എത്ര മാവേലി സ്റ്റോറുകളും സൂപ്പര്‍ മാര്‍ക്കറ്റുകളും മാവേലി സൂപ്പര്‍ സ്റ്റോറുകളും പീപ്പിള്‍സ് ബസാറുകളും അനുവദിച്ചിട്ടുണ്ടെന്ന വിവരം ജില്ലതിരച്ച് ലഭ്യമാക്കാമോ?

സംസ്ഥാനത്ത് നിലവില്‍ എവിടെയൊക്കെയാണ് സഞ്ചരിക്കുന്ന മാവേലി സ്റ്റോര്‍ അനുവദിച്ചിട്ടുള്ളതെന്ന് വ്യക്തമാക്കാമോ;

തൃക്കരിപ്പൂര്‍ മണ്ഡലത്തിലെ വിലയ പറമ്പ് ദ്വീപ് പഞ്ചായത്തിലും മറ്റ് തീരദേശ ഗ്രാമങ്ങള്‍ക്കും ഗുണപ്രദമാകുന്ന തരത്തില്‍ ഒരു സഞ്ചരിക്കുന്ന മാവേലി സ്റ്റോര്‍ അനുവദിക്കുമോയെന്ന് വ്യക്തമാക്കാമോ?

മങ്കട നിയോജകമണ്ഡലത്തില്‍ എത്ര മാവേലി സ്റ്റോറുകള്‍ പ്രവര്‍ത്തിച്ചുവരുന്നുണ്ട്; പഞ്ചായത്ത് തിരിച്ചുള്ള വിവരം ലഭ്യമാക്കുമോ; മണ്ഡലത്തില്‍ എത്ര സൂപ്പര്‍ മാര്‍ക്കറ്റുകള്‍ പ്രവര്‍ത്തിക്കുന്നുണ്ട്; വിശദാംശം ലഭ്യമാക്കുമോ;

ഈ മണ്ഡലത്തില്‍ ഏതെങ്കിലും സ്ഥലത്ത് പുതുതായി മാവേലി സ്റ്റോറുകളോ സപ്ലൈകോ ഔട്ട്‍ലെറ്റുകളോ സ്ഥാപിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

മണ്ഡലത്തിലെ ഏതെങ്കിലും മാവേലിസ്റ്റോര്‍ സൂപ്പര്‍ മാര്‍ക്കറ്റായി ഉയര്‍ത്തുന്നതിന് അനുയോജ്യമാണെന്ന് കണ്ടെത്തിയിട്ടുണ്ടോ; കൂടുതല്‍ സൂപ്പര്‍മാര്‍ക്കറ്റുകള്‍ സ്ഥാപിക്കുന്ന കാര്യം പരിഗണിക്കുമോ?

സംസ്ഥാനത്ത് നെല്ല് സംഭരണം കാര്യക്ഷമമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ;

കൃത്യസമയത്ത് നെല്ല് സംഭരണം നടത്താത്തതിനാൽ കർഷകർ നിരവധി പ്രയാസങ്ങൾ നേരിടുന്നത് ശ്രദ്ധയിൽപ്പെട്ടിട്ടുണ്ടോ;

സഹകരണ സംഘങ്ങൾ മുഖേന നെല്ല് സംഭരണം നടത്തുന്നതിന് ജില്ലാതലത്തില്‍ സംവിധാനം ഒരുക്കുവാന്‍ നടപടി സ്വീകരിക്കുമോ?

സംസ്ഥാനത്ത് ന്യായവിലയ്ക്ക് നെല്‍കൃഷിക്കാരില്‍നിന്നും നെല്ല് ശേഖരിക്കുന്ന നെല്ല് സംഭരണ പദ്ധതി നടപ്പാക്കിയതിലൂടെ നെല്‍കൃഷിക്കാര്‍ക്ക് എന്തെല്ലാം നേട്ടങ്ങള്‍ ലഭ്യമാകുമെന്നാണ് പ്രതീക്ഷിക്കുന്നത്; നെല്ല് സംഭരണ പദ്ധതിയുടെ നിലവിലെ അവസ്ഥ എന്താണെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ;

നെല്ലിന്റെ ഉല്പാദനവര്‍ദ്ധനവിനനുസരിച്ച് സംഭരണം നടക്കാതിരിക്കുന്നത് പ്രയാസങ്ങള്‍ സൃഷ്ടിച്ചിട്ടുണ്ടോ; എങ്കില്‍ ഇത് പരിഹരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കുമോ?

സപ്ലെെകോയുടെ ആഭിമുഖ്യത്തില്‍ നെല്ല് സംഭരണവുമായി ബന്ധപ്പെട്ട് പാലക്കാട് ജില്ലയില്‍ നടത്തിയ പ്രവര്‍ത്തനം എന്തൊക്കെയാണെന്ന് വിശദമാക്കാമോ;

പാലക്കാട് ജില്ലയില്‍ നിന്നും സംഭരിക്കുന്ന നെല്ലിന്റെ അളവ് എത്രയാണെന്നും എത്ര പേരില്‍ നിന്നാണ് സംഭരിക്കുന്നതെന്നും അറിയിക്കാമോ;

ഷൊര്‍ണ്ണൂര്‍ മണ്ഡലത്തില്‍ എത്ര കര്‍ഷകരില്‍ നിന്നും നെല്ല് സംഭരിക്കുന്നുണ്ടെന്ന് വിശദമാക്കാമോ;

പ്രസ്തുത ജില്ലയില്‍ കഴിഞ്ഞ പത്ത് വര്‍ഷമായി നെല്ല് സംഭരണത്തില്‍ വര്‍ദ്ധനവുണ്ടോ; ഓരോ വര്‍ഷവും സംഭരിച്ച നെല്ല് എത്രയാണെന്ന് വിശദമാക്കാമോ?