സംസ്ഥാനത്ത് വനാശ്രിത സമൂഹത്തിന് പ്രതിസന്ധി സൃഷ്ടിക്കാത്ത രീതിയിലാണോ വന സംരക്ഷണത്തിനായുള്ള നടപടികള്‍ സ്വീകരിച്ച് വരുന്നതെന്ന് വ്യക്തമാക്കുമോ;

വനം സംരക്ഷണ സേനയുടെ ആധുനികീകരണത്തിനും വന സംരക്ഷണത്തിന് നൂതന സാങ്കേതികവിദ്യാധിഷ്ഠിത മാര്‍ഗ്ഗങ്ങള്‍ കൂടി പ്രയോജനപ്പെടുത്തുന്നതിനും ഉദ്ദേശിക്കുന്നുണ്ടോയെന്ന് അറിയിക്കുമോ;

വനം സര്‍വ്വേയ്ക്കും കാട്ടുതീയില്‍ നിന്നുള്ള സംരക്ഷണത്തിനും ഉപഗ്രഹാധിഷ്ഠിത വിദൂര സംവേദന സാങ്കേതികവിദ്യ ഉപയോഗിച്ചുകൊണ്ടുള്ള പ്രവര്‍ത്തനം നടപ്പിലാക്കുന്ന കാര്യം പരിശോധിക്കുമോ; വിശദമാക്കുമോ?

സംസ്ഥാനത്ത് എല്ലാ വീടുകളിലും ശുദ്ധജലം ലഭ്യമാക്കുന്ന തരത്തില്‍ പുതിയ പദ്ധതികള്‍ വിഭാവനം ചെയ്തിട്ടുണ്ടോ; വിശദമാക്കാമോ;

ശുദ്ധജല വിതരണവുമായി ബന്ധപ്പെട്ട് നിലവിലുളള പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

ശുദ്ധീകരണ ശാലകള്‍ ഇല്ലാത്ത ഗ്രാമീണ ശുദ്ധജല വിതരണ പദ്ധതികളില്‍ വിതരണം ചെയ്യുന്ന ജലത്തിന്റെ ഗുണനിലവാരം പരിശോധിക്കുന്നതിനും ഉറപ്പുവരുത്തുന്നതിനും ശുദ്ധീകരണ ശാലകള്‍ സ്ഥാപിക്കുന്നതിനും വികസിത രാജ്യങ്ങളിലേതിന് സമാനമായ നൂതന മാര്‍ഗ്ഗങ്ങള്‍ നടപ്പാക്കുന്നതിനും പദ്ധതിയുണ്ടോ; വ്യക്തമാക്കാമോ?

സംസ്ഥാനത്ത് കടല്‍ മത്സ്യബന്ധനത്തിലേര്‍പ്പെടുന്നവരുടെ സുരക്ഷ ഉറപ്പാക്കുന്നതിന് സ്വീകരിച്ചിട്ടുള്ള മാര്‍ഗ്ഗങ്ങള്‍ എന്തൊക്കെയെന്ന് അറിയിക്കാമോ; ഇതിനായി ഫിഷറീസ് കണ്‍ട്രോള്‍ റൂമുകളുടെ പ്രവര്‍ത്തനം എന്തെല്ലാമാണെന്ന് വ്യക്തമാക്കുമോ;

മത്സ്യബന്ധന യാനങ്ങള്‍ കടലില്‍ പോകുന്നതും തിരികെയെത്തുന്നതും കൃത്യമായി നിരീക്ഷിക്കാന്‍ ഫലപ്രദമായ സംവിധാനം ഏര്‍പ്പെടുത്താനായിട്ടുണ്ടോ; വ്യക്തമാക്കുമോ;

ആപത് ഘട്ടത്തില്‍ സത്വരമായി പ്രതികരിക്കുന്നതിന് കടല്‍ സുരക്ഷ സ്ക്വാഡുകള്‍ രൂപീകരിക്കുകയും മറൈന്‍ ആംബുലന്‍സുകള്‍ ഏര്‍പ്പെടുത്തുകയും ചെയ്തിട്ടുണ്ടോയെന്ന് വ്യക്തമാക്കുമോ?

സംസ്ഥാനത്ത് പട്ടികജാതി വികസന വകുപ്പിന് കീഴിലുള്ള വ്യാവസായിക പരിശീലന കേന്ദ്രങ്ങള്‍ ആധുനികീകരിക്കുന്നതിനും പരിശീലന, പഠനനിലവാരം കൂടുതല്‍ മെച്ചപ്പെടുത്തുന്നതിനും പദ്ധതിയുണ്ടോ; വ്യക്തമാക്കുമോ;

ഇല്ലെങ്കില്‍ പട്ടികജാതി, പട്ടികവര്‍ഗ്ഗ വിദ്യാര്‍ത്ഥികളുടെ മത്സരശേഷി വര്‍ദ്ധിപ്പിക്കുന്നതിനായി പരിശീലന കേന്ദ്രങ്ങളുടെ നിലവാരം കൂടുതല്‍ മെച്ചപ്പെടുത്താന്‍ പദ്ധതി തയ്യാറാക്കുമോ; വിശദമാക്കാമോ;

പരിശീലനം വിജയകരമായി പൂര്‍ത്തിയാക്കുന്ന വിദ്യാര്‍ത്ഥികള്‍ക്കായി തൊഴില്‍ മേളകള്‍ സംഘടിപ്പിക്കുന്നത് ഈ വിഭാഗങ്ങളിലെ ഉദ്യോഗാര്‍ത്ഥികള്‍ക്ക് തൊഴില്‍സാധ്യത സൃഷ്ടിക്കുമെന്ന വിഷയം പരിശോധിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് ശാസ്ത്രീയ മാർഗ്ഗങ്ങളിലൂടെ സമഗ്ര ജലവിഭവ മാനേജ്‌മെന്റ് നടപ്പിലാക്കുന്നതിന് സ്വീകരിച്ച നടപടികള്‍ വിശദമാക്കാമോ;

ജല സംരക്ഷണ പ്രവര്‍ത്തനങ്ങളുടെ ആസൂത്രണവും നിര്‍വ്വഹണവും സംയോജിത നീര്‍ത്തടാടിസ്ഥാനത്തില്‍ നടത്തി ജല ലഭ്യതയും ഉല്പാദനക്ഷമതയും വര്‍ദ്ധിപ്പിക്കുന്നതിന് എന്തെല്ലാം പദ്ധതികളാണ് നിലവിലുള്ളതെന്ന് വിശദമാക്കുമോ;

സംസ്ഥാനത്ത് ഏറ്റവും കൂടുതൽ മഴ ലഭിക്കുന്ന പ്രദേശങ്ങളെ പ്രത്യേക പഠനത്തിന് വിധേയമാക്കിയിട്ടുണ്ടോ; ഇതിനായി നിയോഗിച്ച സമിതിയുടെ കണ്ടെത്തൽ വിശദീകരിക്കുമോ;

ഭൂഗർഭ ജലത്തിന്റെ ശോഷണവും കടുത്ത വേനലും നേരിടേണ്ടി വരുന്ന പ്രദേശങ്ങളിൽ മഴവെള്ള സംഭരണം ഊർജ്ജിതമാക്കുന്നതിന് വേണ്ടി മഴവെള്ളം ഭൂമിക്കടിയിലേക്ക് എത്തിച്ച് ഭൂഗർഭ ജല വിതാനം വർദ്ധിപ്പിക്കുന്നതിനായി നടപ്പിലാക്കിവരുന്ന പദ്ധതികൾ എന്തെല്ലാമെന്ന് വിശദീകരിക്കുമോ;

മെച്ചപ്പെട്ട ജലസംരക്ഷണ വിനിയോഗ സംസ്കാരം വളര്‍ത്തിയെടുക്കുന്നതിനുവേണ്ടി നടപ്പിലാക്കുന്ന പദ്ധതികള്‍ എന്തെല്ലാമെന്നും ഇതിന്റെ ഭാഗമായി ജലസംരക്ഷണത്തിന്റെ ആവശ്യകത ജനങ്ങളെ ബോദ്ധ്യപ്പെടുത്തുന്നതിനുവേണ്ടി വിപുലമായ പ്രചരണ പരിപാടികള്‍ ആവിഷ്കരിച്ച് നടപ്പിലാക്കുമോയെന്നും വിശദമാക്കാമോ?

സംസ്ഥാനത്ത് സ്വാശ്രയകോളേജുകളിലെ ബിരുദ, ബിരുദാനന്തരതലങ്ങളിലുളള പട്ടികജാതി, പട്ടികവര്‍ഗ്ഗ വിദ്യാര്‍ത്ഥികള്‍ക്ക് ലഭിക്കുന്ന സഹായങ്ങള്‍ എന്തെല്ലാമെന്ന് വിശദമാക്കുമോ;

പ്രീ പ്രൈമറി തലം മുതല്‍ പ്രൊഫഷണല്‍ കോളേജ് തലം വരെയുളള വിദ്യാര്‍ത്ഥികള്‍ക്ക് ഡിജിറ്റല്‍ ഉപകരണങ്ങള്‍ ആവശ്യമായ സാഹചര്യത്തില്‍ നിലവില്‍ അവര്‍ക്ക് ലഭിക്കുന്ന എല്ലാ ആനുകൂല്യങ്ങളും വര്‍ദ്ധിപ്പിക്കുമോ; വിശദമാക്കുമോ;

സ്വകാര്യ, സ്വാശ്രയ സ്ഥാപനങ്ങളില്‍ പ്രൊഫഷണല്‍ കോഴ്സുകള്‍ക്ക് പഠിക്കുന്ന പട്ടികജാതി, പട്ടികവർഗ്ഗ വിദ്യാർത്ഥികളുടെ സ്റ്റൈപ്പന്റും മറ്റാനുകൂല്യങ്ങളും നിഷേധിക്കപ്പെടുന്നതായോ ലഭിക്കുന്നതിന് കാലതാമസം നേരിടുന്നതായോ ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് സ്വാശ്രയ കോളേജുകളില്‍ വകുപ്പിന്റെ ചുമതലയില്‍ പരിശോധന സംവിധാനം ഏർപ്പെടുത്തുമോ; വിശദമാക്കുമോ;

അണ്‍ എയ്ഡഡ് സ്ഥാപനങ്ങളിൽ പഠിക്കുന്ന പട്ടികജാതി, പട്ടികവർഗ്ഗ വിദ്യാർത്ഥികളുടെ വിദ്യാഭ്യാസ ആനുകൂല്യങ്ങൾ വിദ്യാർഥികളുടെ അക്കൗണ്ടുകളിൽ നേരിട്ട് എത്തിക്കുന്നതിന് നടപടി സ്വീകരിക്കുമോയെന്ന് അറിയിക്കുമോ?

സംസ്ഥാനത്ത് പ്രണയാഭ്യര്‍ത്ഥന നിരസിച്ചതിന്റെ പേരിൽ യുവാക്കൾ കൊലപാതകങ്ങൾ നടത്തുന്ന സംഭവങ്ങള്‍ കൂടിവരുന്ന സാഹചര്യം വകുപ്പിന്റെ ശ്രദ്ധയിൽപ്പെട്ടിട്ടുണ്ടോ;

പ്രസ്തുത കാരണത്താല്‍ പാലാ സ്വദേശിനി നിഥിനയും കണ്ണൂര്‍ സ്വദേശിനി മാനസയും കൊലചെയ്യപ്പെട്ടതടക്കമുള്ള സംഭവങ്ങൾ വകുപ്പ് ഗൗരവത്തോടെ കാണുന്നുണ്ടോ;

ഇത്തരം സംഭവങ്ങൾ ആവർത്തിക്കില്ലെന്ന് ഉറപ്പുവരുത്താൻ ബോധവൽക്കരണം ഉള്‍പ്പടെയുള്ള കർമ്മ പദ്ധതികള്‍ ആവിഷ്കരിക്കുമോ; വിശദാംശങ്ങൾ നൽകുമോ?

സംസ്ഥാനത്ത് പട്ടികജാതി, പട്ടികവര്‍ഗ്ഗക്കാര്‍ക്കെതിരെയുള്ള അതിക്രമങ്ങള്‍ വര്‍ദ്ധിച്ച് വരുന്നതായി ശ്രദ്ധയില്‍പ്പെട്ടിട്ടുണ്ടോ;

തിരുവനന്തപുരം ആറ്റിങ്ങലില്‍ പട്ടികജാതിയില്‍പ്പെട്ട പെണ്‍കുട്ടിയേയും അച്ഛനേയും ഇല്ലാത്ത മോഷണ കേസ് ആരോപിച്ച് പിങ്ക് പോലീസ് പീഡിപ്പിച്ച സംഭവത്തില്‍ പട്ടികജാതി വികസന വകുപ്പ് എന്ത് നടപടി സ്വീകരിച്ചു;

പട്ടികജാതിക്കാര്‍ക്കെതിരെ വര്‍ദ്ധിച്ച് വരുന്ന അതിക്രമങ്ങള്‍ സംബന്ധിച്ച കേസുകള്‍ക്കായി പ്രത്യേക കോടതികള്‍ സ്ഥാപിക്കുന്ന കാര്യം വകുപ്പ് പരിശോധന വിധേയമാക്കിയിട്ടുണ്ടോ; വിശദമാക്കുമോ?

സംസ്ഥാനത്ത് എവിടെയെല്ലാം സ്വീവറേജ് സിസ്റ്റം നടപ്പിലാക്കിയിട്ടുണ്ട്; അറിയിക്കാമോ;

എല്ലാ ജില്ലകളിലും ഈ പദ്ധതി വ്യാപിപ്പിക്കുവാന്‍ ഉദ്ദേശിക്കുന്നുണ്ടോ;

കക്കൂസ് മാലിന്യം ജലസ്രോതസ്സുകളിലും കനാലുകളിലും തള്ളുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് തടയാന്‍ സ്വീകരിച്ച് വരുന്ന നടപടികള്‍ വിശദമാക്കുമോ?

വനമേഖലയോട് ചേര്‍ന്ന പ്രദേശങ്ങളിലെ ജനങ്ങൾ വന്യമൃഗ ആക്രമണഭീഷണിയിൽ നിന്ന് സംരക്ഷണം നേടുന്നതിന് വേണ്ടി സ്വീകരിക്കേണ്ട മുന്‍കരുതലുകള്‍ സംബന്ധിച്ച മാർഗ്ഗനിർദ്ദേശങ്ങൾ സർക്കാർ പുറത്തിറക്കിയിട്ടുണ്ടോ; വിശദമാക്കാമോ;

നാട്ടിലിറങ്ങിയ കാട്ടാനയുടെ ചവിട്ടേറ്റ് കണ്ണൂർ ജില്ലയിലെ ഇരിട്ടി പെരുങ്കരി സ്വദേശി ജസ്റ്റിൻ മരണപ്പെട്ടതടക്കം നിരവധി സംഭവങ്ങൾ നടന്ന സാഹചര്യത്തില്‍ ഇത്തരം സംഭവങ്ങൾ തടയാൻ നടപടികൾ സ്വീകരിക്കുന്നില്ല എന്ന ആക്ഷേപം ഗൗരവമായി കാണുന്നുണ്ടോ;

കാട്ടാനകൾ നാട്ടിലിറങ്ങുന്നത് തടയാൻ സോളാർ ഫെൻസിംഗ് മുതൽ പാമൈറ ബയോഫെൻസിംഗ് വരെ പരാജയപ്പെട്ട സാഹചര്യത്തിൽ ആനമതിൽ അടക്കമുള്ളവ നിർമ്മിക്കണമെന്ന ആവശ്യം പരിഗണിക്കുമോ?

സംസ്ഥാനത്ത് പട്ടിക ഗോത്രങ്ങളിൽപ്പെട്ടവരെ സാമൂഹിക, സാമ്പത്തിക, ആരോഗ്യ രംഗത്ത് മുഖ്യധാരയിൽ എത്തിക്കുന്നതിന് നടത്തുന്ന പ്രവർത്തനങ്ങൾ വിശദമാക്കാമോ;

ഇവർക്കായുള്ള വിവിധ പദ്ധതികളുടെ ഫലപ്രാപ്തി വിലയിരുത്തി നീക്കിവയ്ക്കുന്ന തുക കൃത്യമായി വിനിയോഗിക്കുന്നുണ്ടെന്ന് ഉറപ്പ്‌ വരുത്തുവാൻ നടപടി സ്വീകരിച്ചിട്ടുണ്ടോ;

വനത്തിനുള്ളിൽ താമസിക്കുന്നവരുടെയും പ്രാക്തന ഗോത്രങ്ങളിൽപ്പെട്ടവരുടെയും സമഗ്ര വികസനത്തിനായി പ്രത്യേകം പദ്ധതികൾ ഉണ്ടോ; വ്യക്തമാക്കാമോ?

കാടിനകത്ത് ആവശ്യത്തിന് ആഹാരവും നിലനിൽപ്പും ലഭ്യമല്ലാത്തതിനാൽ വന്യമൃഗങ്ങളും പക്ഷികളും കാട്ടിനുള്ളിൽ നിന്ന് നാട്ടിലേക്കിറങ്ങുന്ന സംഭവങ്ങൾ കൂടിവരുന്നത് ശ്രദ്ധയിൽപ്പെട്ടിട്ടുണ്ടോ;

തൃശൂരിൽ റോഡിലേക്ക് മയില്‍ പറന്നുവന്ന് നവദമ്പതികള്‍ സഞ്ചരിച്ച ബൈക്കിലിടിച്ച്‌ ഉണ്ടായ അപകടത്തിൽ പുന്നയൂര്‍ക്കുളം സ്വദേശി മരണപ്പെട്ടത് ശ്രദ്ധയിൽപ്പെട്ടിട്ടുണ്ടോ;

ഇത്തരം സംഭവങ്ങൾ തടയാൻ കഴിഞ്ഞ സർക്കാർ സ്വീകരിച്ച നടപടികൾ വിശദമാക്കാമോ; ഈ സർക്കാർ എന്തൊക്കെ നടപടികളാണ് ഇതിനായി സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ;

ഇത്തരം അപകടങ്ങളിൽ മരണമടയുന്നവരുടെ കുടുംബങ്ങൾക്ക് മതിയായ സഹായധനവും തുടർ സംരക്ഷണവും നൽകാൻ തയ്യാറാകുമോ; വ്യക്തമാക്കാമോ?

പുനര്‍ഗേഹം പദ്ധതിയില്‍ തീരദേശത്തെ എത്ര കുടുംബങ്ങള്‍ക്ക് ഭൂമിയും സുരക്ഷിത വീടും ഉറപ്പാക്കാനാണ് ലക്ഷ്യമിട്ടിരിക്കുന്നത്;

ഗുണഭോക്തൃ പട്ടിക തയ്യാറായിട്ടുണ്ടോ; അതിന് സ്വീകരിച്ച മാനദണ്ഡങ്ങളും എത്ര പേര്‍ ഗുണഭോക്തൃ പട്ടികയില്‍ ഉള്‍പ്പെട്ടിട്ടുണ്ടെന്നും അറിയിക്കാമോ;

പദ്ധതിയുടെ ഭാഗമായി കടലിനോട് ചേര്‍ന്നുള്ള ഭൂമി കൈവശക്കാരുടെ പക്കല്‍നിന്നും ഏറ്റെടുക്കുന്നതിനുദ്ദേശിക്കുന്നുണ്ടോ?

സംസ്ഥാനത്ത് പിന്നാക്ക വിഭാഗങ്ങളുടെ ക്ഷേമത്തിനായി നടപ്പാക്കാനുദ്ദേശിക്കുന്ന പദ്ധതികള്‍ എന്തെല്ലാമാണ്; വ്യക്തമാക്കുമോ;

പ്രസ്തുത വകുപ്പിന്റെ റീജിയണല്‍ ഓഫീസുകള്‍ എവിടെയെല്ലാമാണ് പ്രവര്‍ത്തിക്കുന്നത്; വെളിപ്പെടുത്തുമോ;

കൂടുതല്‍ വികസന പ്രവര്‍ത്തനങ്ങള്‍ ഏറ്റെടുക്കുന്നതിനും എല്ലാ ജില്ലകളിലും ഓഫീസിന്റെ പ്രവര്‍ത്തനം ആരംഭിക്കുന്നതിനും നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് തൊഴില്‍മേഖലയില്‍ ഉള്‍പ്പെടെ സ്ത്രീകള്‍ക്ക് സാമൂഹിക സമത്വം ഉറപ്പുവരുത്തുന്നതിനും സ്ത്രീകൾക്കെതിരായ അതിക്രമങ്ങള്‍ തടയുന്നതിനും സാംസ്കാരിക വകുപ്പിന്റെ ചുമതലയില്‍ സമം എന്ന പദ്ധതി ആവിഷ്കരിച്ച് നടപ്പിലാക്കുന്നുണ്ടോ; വിശദമാക്കാമോ;

പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമെന്ന് വിശദമാക്കാമോ;

പദ്ധതി നടപ്പിലാക്കുന്നതിന് ഏതെല്ലാം സ്ഥാപനങ്ങളുടെ സഹകരണവും പങ്കാളിത്തവുമാണ് ഉറപ്പാക്കിയിട്ടുള്ളതെന്ന് വിശദീകരിക്കുമോ;

പദ്ധതിയുടെ പ്രവര്‍ത്തനം വിപുലീകരിക്കുന്നതിന്റെ ഭാഗമായി വിവിധ മേഖലയിലുള്ളവരെ ഉള്‍പ്പെടുത്തിക്കൊണ്ട് ഒരു സാംസ്കാരിക മുന്നേറ്റം നടത്തുന്നതിന് നടപടി സ്വീകരിക്കുമോ;

പദ്ധതിയുടെ വിപുലീകരണത്തിന്റെ ഭാഗമായി സമൂഹത്തിന്റെ വിവിധ മേഖലകളില്‍ പ്രവര്‍ത്തിക്കുന്ന സ്ത്രീകളെ ആദരിക്കാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ചികിത്സാ സൗകര്യങ്ങളുടെ കുറവും പോഷകാഹാരക്കുറവും മൂലം പട്ടികവര്‍ഗ്ഗ വിഭാഗങ്ങള്‍ക്കിടയില്‍ ഉയര്‍ന്ന മാതൃ-ശിശു മരണനിരക്ക് റിപ്പോര്‍ട്ട് ചെയ്യപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ;

വനാന്തരങ്ങളില്‍ താമസിക്കുന്ന പട്ടിക ഗോത്രവര്‍ഗ്ഗ വിഭാഗങ്ങളില്‍പ്പെട്ടവരുടെ സമഗ്ര ആരോഗ്യ സുരക്ഷയ്ക്കുവേണ്ടി ആവിഷ്കരിച്ച് നടപ്പിലാക്കുന്ന പദ്ധതികളെന്തെല്ലാമെന്ന് വിശദമാക്കുമോ;

പട്ടികവര്‍ഗ്ഗ വിഭാഗങ്ങളിലെ സ്ത്രീകളുടെ പ്രസവവും പ്രസവ ശുശ്രൂഷകളും പൂര്‍ണ്ണമായും ആശുപത്രിയില്‍ നടത്തുന്നു എന്ന് ഉറപ്പാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

വനാന്തര ഭാഗത്ത് താമസിക്കുന്ന ഗോത്രവര്‍ഗ്ഗ വിഭാഗത്തില്‍പ്പെട്ടവരുടെ ആരോഗ്യ ശുശ്രൂഷയ്ക്കായി പട്ടികവര്‍ഗ്ഗ വിഭാഗത്തിലെ സ്ത്രീകള്‍ക്ക് ആവശ്യമായ പരിശീലനം നല്‍കി നിയമിക്കുന്നതിന് നടപടി സ്വീകരിക്കുമോ?

വന്യമൃഗ ആക്രമണം കുറയ്ക്കുന്നതിന് വനം വകുപ്പിന്റെ നേതൃത്വത്തിൽ ജനജാഗ്രത സമിതികളിലൂടെ എന്തെല്ലാം പ്രവർത്തനങ്ങളാണ് ലക്ഷ്യമിടുന്നത്; വിശദമാക്കാമോ?

വനവിസ്തൃതി വർധിപ്പിച്ച് സ്വാഭാവിക വനം പുനഃസ്ഥാപിക്കുന്നതിന് വേണ്ടി ഏറ്റെടുക്കുന്ന സ്വകാര്യ എസ്റ്റേറ്റ് ഭൂമിക്ക് പ്രതിഫലം നല്‍കുന്നതിന് വ്യവസ്ഥയുണ്ടോ; വിശദമാക്കാമോ;

ഈ പദ്ധതിയിലൂടെ സ്വകാര്യ എസ്റ്റേറ്റുകൾ വിട്ടൊഴിയുന്നതിന് ഉടമകൾ തയ്യാറായിട്ടുണ്ടോ; വിശദമാക്കാമോ;

സ്വകാര്യഭൂമി ഏറ്റെടുത്തുകൊണ്ട് വനവിസ്തൃതി വര്‍ദ്ധിപ്പിക്കുന്നതിന് കേന്ദ്ര സർക്കാരിന്റെ ധനസഹായം ലഭിക്കുന്നുണ്ടോ; വിശദമാക്കാമോ;

വനവിസ്തൃതി വര്‍ദ്ധിപ്പിക്കുന്നതിനും വനപരിപാലനം കാര്യക്ഷമമാക്കുന്നതിനും നടപ്പുവര്‍ഷം പരിഗണനയിലുള്ള പരിപാടികളുടെ വിശദാംശം വെളിപ്പെടുത്തുമോ?

സംസ്ഥാനത്ത് അമിത മഴയും കടുത്ത വരള്‍ച്ചയും ആവര്‍ത്തിക്കുന്ന സാഹചര്യത്തില്‍ കുടിവെള്ളത്തിനും ജലസേചനത്തിനും ആവശ്യമായ ജലത്തിന്റെ സുസ്ഥിര ലഭ്യത ഉറപ്പാക്കാന്‍ നടത്തുന്ന പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

കൈയ്യേറ്റവും അനധികൃത ഇടപെടലുകളും തടഞ്ഞ് സംസ്ഥാനത്തെ നദികളുടെ വീതിയും ആഴവും നിലനിര്‍ത്തുന്നതിനും മലിനീകരണം അവസാനിപ്പിക്കുന്നതിനും നദീതട പരിപാലന അതോറിറ്റി രൂപീകരിക്കാന്‍ ഉദ്ദേശിക്കുന്നുണ്ടോ;

നീരൊഴുക്കിന് ഗുരുതര ഭീഷണി നേരിടുന്ന ഭാരതപ്പുഴയ്ക്കായി പ്രത്യേക സംരക്ഷണ പദ്ധതി ആവിഷ്കരിക്കുന്ന കാര്യം പരിഗണിക്കുമോ; വ്യക്തമാക്കാമോ?

സംസ്ഥാനത്ത് വിവിധ മത്സരപരീക്ഷകള്‍ക്കായി തയ്യാറെടുക്കുന്ന പട്ടികജാതി ഉദ്യോഗാര്‍ത്ഥികളെ സഹായിക്കുന്നതിനായി നിലവില്‍ എന്തെല്ലാം പദ്ധതികളാണ് നടപ്പിലാക്കിവരുന്നത്; വിശദമാക്കുമോ;

ഈ പദ്ധതികളിലൂടെ ഉണ്ടായ നേട്ടം അവലോകനം ചെയ്തിട്ടുണ്ടോ; വിശദാംശം അറിയിക്കുമോ;

ജില്ലകള്‍തോറും കോച്ചിംഗ് സെന്ററുകള്‍ ആരംഭിക്കുന്നകാര്യം സര്‍ക്കാരിന്റെ പരിഗണനയിലുണ്ടോ; എങ്കില്‍ ഇത് എന്ന് മുതല്‍ പ്രവര്‍ത്തനം ആരംഭിക്കുമെന്ന് അറിയിക്കുമോ?

സ്ത്രീസമൂഹം ഉള്‍പ്പെടെ സമൂഹത്തിലെ ഒരു വിഭാഗം ആളുകള്‍ സ്ത്രീകളെയും പെണ്‍കുട്ടികളെയും രണ്ടാംതരക്കാരായി പരിഗണിക്കുന്ന സാംസ്കാരിക അപചയം ഉണ്ടായിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിനുള്ള പ്രചരണത്തിന് സാംസ്കാരിക വകുപ്പ് മുന്‍കൈയെടുക്കുന്നുണ്ടോ; വ്യക്തമാക്കുമോ;

വിവിധ സാംസ്കാരിക സ്ഥാപനങ്ങളുടെ നേതൃത്വത്തില്‍ ആവിഷ്കരിച്ചിട്ടുള്ള സമം പ്രചരണ പരിപാടിയെ കുറിച്ച് വിശദമാക്കാമോ;

തൊഴിലിടങ്ങള്‍ ഉള്‍പ്പെടെയുള്ള പൊതുസ്ഥലങ്ങളിലും സ്വന്തം ഗൃഹത്തിലും സ്ത്രീകള്‍ വിവേചനം നേരിടുന്ന സ്ഥിതി പരിഹരിക്കുന്നതിനുള്ള ബോധവല്‍ക്കരണത്തിന് പ്രാധാന്യം നല്‍കുമോ; ഇതില്‍ മത, സാമുദായിക സംഘടനകളുടെ പങ്കുകൂടി കണക്കിലെടുത്ത് ഉചിതമായ ഇടപെടല്‍ ഉണ്ടാകുമോ; വ്യക്തമാക്കുമോ?

ഭാരതപ്പുഴ, പമ്പ, മണിമല തുടങ്ങിയ പ്രമുഖ നദികള്‍ ഉള്‍പ്പെടെ ഇരുപത്തിയൊന്ന് നദികള്‍ കൂടുതലായി മലിനീകരിക്കപ്പെട്ടുവെന്ന ആക്ഷേപം ഉള്ളതിനാല്‍ നദികളെ മാലിന്യമുക്തമാക്കുന്നതിനുള്ള പ്രവര്‍ത്തനം ഊര്‍ജ്ജിതപ്പെടുത്തുമോ;

പമ്പ നദിയുടെ പുന:രുദ്ധാരണ പ്രവര്‍ത്തനത്തിനായി ആവിഷ്കരിച്ചിരുന്ന പമ്പ ആക്ഷന്‍ പ്ലാനിന്റെ നിലവിലെ സ്ഥിതി വിശദമാക്കാമോ;

അതിതീവ്ര മഴയുടെയും പ്രളയങ്ങളുടെയും ഫലമായി നദികളുടെ വാഹകശേഷിയില്‍ ഉണ്ടായ ഇടിവ് പരിഹരിക്കുന്നതിനായി നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ?

തിരുവിതാംകൂർ ദേവസ്വം ബോർഡ് സാമ്പത്തിക പ്രതിസന്ധിയിലാണെന്നത് ശ്രദ്ധയിൽപ്പെട്ടിട്ടുണ്ടോ;

സർക്കാരിനോട് സാമ്പത്തിക സഹായം ആവശ്യപ്പെട്ട് ദേവസ്വം ബോർഡ് കത്ത് നൽകിയിട്ടുണ്ടോ;

ശബരിമല ക്ഷേത്രനട ഈ മാസം തുറക്കാനിരിക്കെ മുന്നൊരുക്കങ്ങൾക്ക് പണമില്ലെന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ അക്കാര്യം ഗൗരവമായി കാണുന്നുണ്ടോ;

ദേവസ്വം ബോർഡിന്റെ പ്രസ്തുത ആവശ്യത്തിൻമേൽ അനുകൂല നിലപാട് സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്തെ സ്വകാര്യതോട്ടങ്ങള്‍ ഏറ്റെടുക്കാന്‍ വനംവകുപ്പ് നടപടി സ്വകരിച്ചിട്ടുണ്ടോ; എങ്കില്‍ ഏത് രീതിയിലാണ് ഏറ്റെടുക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

ഈ ഭൂമി ഏറ്റെടുക്കുന്നതിന് ഏത് മാനദണ്ഡപ്രകാരമാണ് വില നിശ്ചയിക്കുന്നതെന്ന് വ്യക്തമാക്കാമോ; ആയതിന്റെ സര്‍വേ നടപടികള്‍ പൂര്‍ത്തീകരിച്ചിട്ടുണ്ടോയെന്ന് വിശദമാക്കാമോ?

സംസ്ഥാനത്ത് കിഫ്ബി ഫണ്ടുപയോഗിച്ച് ജല അതോറിറ്റി എത്ര ജലവിതരണ പദ്ധതികളാണ് നടപ്പിലാക്കുന്നതെന്നും ആകെ എത്ര തുകയുടെ പദ്ധതികള്‍ക്ക് കിഫ്ബിയുടെ അംഗീകാരം ലഭ്യമായിട്ടുണ്ടെന്നും എത്ര പദ്ധതികള്‍ പൂര്‍ത്തീകരിച്ചുവെന്നും മറ്റുള്ളവയുടെ നിലവിലെ സ്ഥിതിയെന്തെന്നും വിശദമാക്കാമോ;

കടുത്ത കുടിവെള്ള ക്ഷാമം നേരിടുന്ന കുട്ടനാട്ടിലും ആലപ്പുഴ ജില്ലയിലാകെയും എല്ലാ വീടുകളിലും കുടിവെള്ളമെത്തിക്കാന്‍ കിഫ്ബി മുഖേന പദ്ധതി ആവിഷ്കരിച്ചിട്ടുണ്ടോ;

പുതിയ ജലവിതരണ പദ്ധതികള്‍ക്ക് പുറമെ നിലവിലുള്ള പൈപ്പുകളുടെ കാലപ്പഴക്കം മൂലമുള്ള ജലചോര്‍ച്ച പരിഹരിക്കാന്‍ കിഫ്ബി ധനസഹായത്തോടെ പദ്ധതികള്‍ നടപ്പിലാക്കി വരുന്നുണ്ടോ; വിശദമാക്കാമോ?

ഭവനരഹിതരും ഭൂരഹിത ഭവനരഹിതരുമായ എത്ര പട്ടികജാതി പട്ടിക ഗോത്രവർഗ്ഗ കുടുംബങ്ങൾ ഉണ്ടെന്നാണ് കണക്കാക്കിയിരിക്കുന്നത്; ഭൂരഹിത ഭവനരഹിതർക്ക് വീട് വയ്ക്കാൻ ഭൂമി വാങ്ങാൻ ധനസഹായം നൽകുന്നുണ്ടോ;

ലൈഫ് മിഷനിലും വികസന വകുപ്പുകൾ വഴിയും അനുവദിച്ച വീടുകളിൽ നിർമ്മാണം പൂർത്തിയാകാത്തവ എത്ര എണ്ണമുണ്ടെന്ന് കണക്കാക്കിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

പ്രസ്തുത വീടുകളുടെ നിർമ്മാണം പൂർത്തിയാക്കാൻ മുൻഗണനാടിസ്ഥാനത്തിൽ നടപടി സ്വീകരിക്കാൻ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

സംസ്ഥാനത്തെ കാര്‍ഷിക മേഖലയ്ക്കും ഒരു പരിധിവരെ കുടിവെള്ള പ്രശ്നത്തിനും സഹായകരമായ ജലസേചന പദ്ധതികള്‍ നവീകരിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

നിലവിലുള്ള പദ്ധതികള്‍ വിപുലീകരിക്കുന്നതിന് നടപടികള്‍ സ്വീകരിക്കുമോ;

പുതിയ ജലസേചന പദ്ധതികള്‍ ആരംഭിക്കാന്‍ എന്തെങ്കിലും നടപടിയുണ്ടോ; എങ്കില്‍ വിശദാംശം ലഭ്യമാക്കുമോ?

സംസ്ഥാനത്ത് കിഫ്ബി മുഖേന നടപ്പാക്കുന്ന സാംസ്കാരിക പദ്ധതികള്‍ ഏതെല്ലാമാണെന്ന് വ്യക്തമാക്കാമോ;

ഏതെല്ലാം പദ്ധതികള്‍ക്കാണ് കിഫ്ബിയുടെ അനുമതി ലഭിച്ചിട്ടുളളത്; ഓരോ പദ്ധതിക്കും അനുവദിച്ച തുക എത്രയെന്ന് വ്യക്തമാക്കുമോ;

ഏതെല്ലാം പദ്ധതികളാണ് ഇതിനകം ആരംഭിച്ചിട്ടുളളതെന്ന് വ്യക്തമാക്കുമോ;

ഏതെല്ലാം പദ്ധതികളാണ് ഇതിനകം പൂര്‍ത്തീകരിച്ചിട്ടുളളതെന്ന് വ്യക്തമാക്കുമോ;

ഏതെങ്കിലും പദ്ധതികള്‍ തുടങ്ങാനാവാത്ത അവസ്ഥയുണ്ടോ; ഉണ്ടെങ്കില്‍ ആയതിന്റെ വിശദാംശങ്ങള്‍ നല്‍കുമോ; ഇവ ആരംഭിക്കുവാന്‍ നടപടി സ്വീകരിക്കുമോ എന്ന് വ്യക്തമാക്കുമോ?

സംസ്ഥാനത്ത് ലഭിച്ചുകൊണ്ടിരിക്കുന്ന സമുദ്രമത്സ്യത്തിന്റെ അളവില്‍ സ്ഥിരമായി കുറവ് വരുന്നുവെന്നത് വസ്തുതയാണോ; എങ്കില്‍ ഇതിന് പരിഹാരനടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ;

സമുദ്ര മത്സ്യോല്പാദന മേഖലയിലെ പ്രധാന പ്രശ്നങ്ങളായി കണ്ടെത്തിയ കാര്യങ്ങള്‍ എന്തൊക്കെയാണ്; ഇവ പരിഹരിക്കുന്നതിന് പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;

മത്സ്യബന്ധന മേഖലയുടെ കാലോചിതമായ വികസനവും ഫലപ്രദമായ മാനേജ്മെന്റും ലക്ഷ്യമാക്കി സര്‍ക്കാര്‍ എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശങ്ങള്‍ വ്യക്തമാക്കാമോ?

സംസ്ഥാനത്ത് പട്ടികവര്‍ഗ്ഗ വിഭാഗങ്ങള്‍ക്കിടയില്‍ കോവിഡ് വ്യാപനം രൂക്ഷമാകുന്നത് തടയുന്നതിന് ആരോഗ്യവകുപ്പിന്റെ സഹകരണത്തോടെ വകുപ്പ് നടപ്പിലാക്കിയ പദ്ധതികള്‍ വിശദമാക്കാമോ;

ആദിവാസി മേഖലകളിൽ കോവിഡ് കാരണം മരണമടഞ്ഞവരുടെ വിവരങ്ങൾ ലഭ്യമാക്കാൻ വകുപ്പ് നടപടി സ്വീകരിച്ചിട്ടുണ്ടോ; വിശദമാക്കാമോ;

കോവിഡ് കാരണം മരണമടഞ്ഞ പട്ടികജാതി, പട്ടികവർഗ്ഗ വിഭാഗത്തിൽപ്പെട്ട എല്ലാ വ്യക്തികളുടെയും വിവരം ആരോഗ്യവകുപ്പിന്റെ കോവിഡ് മരണ പട്ടികയിൽ ഉൾപ്പെട്ടിട്ടുണ്ടോ എന്നത് വകുപ്പ് പരിശോധന വിധേയമാക്കിയിട്ടുണ്ടോ;

കോവിഡ് കാരണം മരണമടഞ്ഞ പട്ടികജാതി, പട്ടികവർഗ്ഗ വിഭാഗത്തിൽപ്പെട്ട എല്ലാവരുടെയും കുടുംബങ്ങൾക്ക് ദുരിതാശ്വാസ തുക ഉറപ്പുവരുത്താൻ വകുപ്പ് സ്വീകരിച്ച നടപടികൾ വിശദമാക്കാമോ?