സംസ്ഥാനത്ത് 2021 ഒക്ടോബർ 16 മുതൽ 18 വരെയുണ്ടായ മൂന്ന് ദിവസത്തെ മഴക്കെടുതിയിൽ 200 കോടിയോളം രൂപയുടെ കൃഷിനാശമുണ്ടായിട്ടുണ്ടോ എന്ന് വ്യക്തമാക്കുമോ;

കൃഷിനാശം സംഭവിച്ച കർഷകർക്ക് അർഹമായ ധനസഹായവും മറ്റ് ആനുകൂല്യങ്ങളും നൽകുന്നതിന് നടപടി സ്വീകരിക്കുമോ;

2018-ലെ പ്രളയത്തിൽ കൃഷി നശിച്ചവർക്ക് അർഹമായ ധനസഹായവും മറ്റ് ആനുകൂല്യങ്ങളും പൂർണമായി നൽകാൻ നാളിതുവരെ സാധിച്ചിട്ടുണ്ടോയെന്ന് വ്യക്തമാക്കാമോ; ഇല്ലെങ്കിൽ കാരണം അറിയിയ്ക്കാമോ?

സംസ്ഥാനത്ത് പൊതുഗതാഗത സംവിധാനം ശക്തിപ്പെടുത്തുന്നതിനായി പുതിയതായി എത്ര ബസ്സുകള്‍ വാങ്ങുന്നതിനും നിരത്തിലിറക്കുന്നതിനും കഴിഞ്ഞിട്ടുണ്ടെന്ന് വ്യക്തമാക്കുമോ;

യാത്രക്കാരുടെ സുരക്ഷയും സുഗമമായ യാത്രയും ഉറപ്പുവരുത്തുന്നതോടൊപ്പം പരിസ്ഥിതി സൗഹൃദ മാർഗ്ഗങ്ങളും ഇന്ധനക്ഷമതയും കൈവരിക്കുന്നതിനായി നടപ്പിലാക്കുന്ന പരിഷ്കാരങ്ങളുടെയും തീരുമാനങ്ങളുടെയും പുരോഗതി അറിയിക്കാമോ;

പ്രതികൂലമായ സാഹചര്യം നിലനില്‍ക്കുമ്പോഴും ജീവനക്കാരുടെ ശമ്പളവും ആനുകൂല്യങ്ങളും വര്‍ദ്ധിപ്പിക്കുന്നതിന് ഉത്തരവായിട്ടുണ്ടോ; എങ്കില്‍ വിശദമാക്കാമോ;

ടിക്കറ്റിതര വരുമാനം വര്‍ദ്ധിപ്പിക്കുന്നതിന്റെ ഭാഗമായി കെ.എസ്.ആര്‍.ടി.സി., കെ.യു.ആര്‍.ടി.സി. ബസ്സുകളിലും കോര്‍പ്പറേഷന്റെ വസ്തുവകകളിലും പരസ്യം വഴി വരുമാനം വര്‍ദ്ധിപ്പിക്കുന്നതിന് നടപടി സ്വീകരിക്കുമോ; പരസ്യം ചെയ്യുന്നതിന് ലൈസന്‍സികളെ കണ്ടെത്തുന്നതിനുള്ള മാനദണ്ഡങ്ങള്‍ എന്തെല്ലാമാണ്; നിലവിലുള്ള നിബന്ധനകള്‍ കാലോചിതമായി പരിഷ്കരിക്കുന്നതിനും സുതാര്യമാക്കുന്നതിനും ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

സംസ്ഥാന അതിര്‍ത്തികളിലെ വാഹന ചെക്ക് പോസ്റ്റുകളില്‍ കൈക്കൂലി വ്യാപകമാണെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം പരിശോധിച്ചിട്ടുണ്ടോ; വിശദമാക്കുമോ;

വാളയാര്‍ ചെക്ക് പോസ്റ്റില്‍ മോട്ടോര്‍ വാഹന വകുപ്പ് ഉദ്യോഗസ്ഥര്‍ കൈക്കൂലി വാങ്ങുന്നതിന് വാക്കി-ടോക്കി ഉപയോഗിച്ചതായി വിജിലന്‍സ് പരിശോധനയില്‍ കണ്ടെത്തിയിട്ടുണ്ടോയെന്ന് അറിയിക്കുമോ;

എങ്കില്‍ പ്രസ്തുത ഉദ്യോഗസ്ഥര്‍ക്കെതിരെ സ്വീകരിച്ച നടപടികള്‍ എന്തെല്ലാമാണെന്ന് വെളിപ്പെടുത്തുമോ?

സംസ്ഥാനത്ത് വിളനാശം സംഭവിച്ച കര്‍ഷകര്‍ക്ക് അര്‍ഹമായ നഷ്ടപരിഹാരം യഥാസമയം നല്‍കുന്ന കാര്യത്തില്‍ വേണ്ടത്ര പരിഗണന നല്‍കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത നഷ്ട പരിഹാരം നല്‍കുന്നതിന് പുറപ്പെടുവിച്ച മാനദണ്ഡങ്ങൾ എന്തെല്ലാമാണെന്ന് വിശദമാക്കാമോ;

വിള ഇന്‍ഷുറന്‍സ് പദ്ധതി പൂര്‍ണമായും ഏര്‍പ്പെടുത്തി കര്‍ഷകര്‍ക്ക് ഉണ്ടാകുന്ന ബുദ്ധിമുട്ടുകള്‍ പരിഹരിക്കുന്നതിന് നടപടികൾ സ്വീകരിക്കുമോ;

നഷ്ടപരിഹാരത്തുകയുടെ കുടിശിക വിതരണം ചെയ്യുന്നതിനായി വിവര ശേഖരണം നടത്തിയിട്ടുണ്ടോ; എങ്കില്‍ തുക അടിയന്തരമായി വിതരണം ചെയ്യുന്നതിന് നടപടി സ്വീകരിക്കുമോ?

സംസ്ഥാനത്ത് ട്രാന്‍സ്ജെന്‍ഡർ വിഭാഗത്തിന്റെ ക്ഷേമത്തിനായുള്ള പദ്ധതികളുടെ ഏകോപനത്തിനും നൂതന പദ്ധതികള്‍ ആവിഷ്കരിച്ച് ഇവരെ മുഖ്യധാരയില്‍ എത്തിക്കുന്നതിനുമായി എന്തെല്ലാം സംവിധാനങ്ങളാണ് ഉള്ളതെന്ന് വിശദമാക്കാമോ;

സംസ്ഥാന ട്രാന്‍സ്ജെന്‍ഡർ ജസ്റ്റീസ് ബോര്‍ഡ്, ജില്ലാ ട്രാന്‍സ്ജെന്‍ഡർ ജസ്റ്റീസ് കമ്മിറ്റി, ട്രാന്‍സ്ജെന്‍ഡർ സെല്‍ എന്നിവയുടെ ഘടനയും പ്രവര്‍ത്തനങ്ങളും വിശദമാക്കാമോ;

സ്ത്രീകള്‍ക്കും പുരുഷന്‍മാര്‍ക്കുമൊപ്പം തുല്യമായ അവസരങ്ങളും അവകാശങ്ങളും ഉറപ്പുവരുത്തി ട്രാന്‍സ്ജെന്‍ഡർ വിഭാഗത്തില്‍പ്പെട്ടവരെ അതിജീവനത്തിന് പ്രാപ്തരാക്കുന്നതിനായി സംരംഭകത്വ വികസന പരിശീലന പദ്ധതി ആവിഷ്കരിച്ചിട്ടുണ്ടോ; വിശദാംശങ്ങള്‍ നല്‍കാമോ;

സാമൂഹ്യ പുനരധിവാസം ഉറപ്പുവരുത്തുന്നതിന്റെ ഭാഗമായി ട്രാന്‍സ്ജെന്‍ഡർ വ്യക്തികള്‍ക്ക് സ്വയം തൊഴില്‍ സംരംഭം ആരംഭിക്കുന്നതിന് പ്രത്യേക പദ്ധതികള്‍ നടപ്പാക്കിയിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് റോബോട്ടിക്സ്, ആര്‍ട്ടിഫിഷ്യല്‍ ഇന്റലിജന്‍സ് എന്നിവയില്‍ മികവിന്റെ കേന്ദ്രം എന്ന ലക്ഷ്യത്തോടെ പ്രത്യേക കേന്ദ്രം സ്ഥാപിച്ചിട്ടുണ്ടോ;

എങ്കില്‍ പ്രസ്തുത കേന്ദ്രം സാങ്കേതിക സ്ഥാപനങ്ങള്‍ക്കായി നൈപുണ്യ വികസന പരിപാടികളും പരിശീലനവും സംഘടിപ്പിക്കുന്നതിനും ഗവേഷണ പ്രവര്‍ത്തനങ്ങള്‍ സുഗമമാക്കുന്നതിനും നടത്തുന്ന നടപടികളുടെ വിശദാംശം നല്‍കാമോ;

പ്രസ്തുത കേന്ദ്രം റോബോട്ടിക്സ്, ആര്‍ട്ടിഫിഷ്യല്‍ ഇന്റലിജന്‍സ് എന്നീ മേഖലകളിലെ നൂതനവികാസങ്ങള്‍ ഫാക്കല്‍റ്റികള്‍ക്ക് മനസ്സിലാക്കുന്നതിന് ദേശീയ, അന്തര്‍ദേശീയ പ്രസക്തമായ എന്തെല്ലാം പഠന ഗവേഷണ പ്രവര്‍ത്തനങ്ങളാണ് നടത്തിയിട്ടുള്ളതെന്ന് വിശദമാക്കാമോ?

സംസ്ഥാനത്ത് കന്നുകാലികളെയും ക്ഷീരകര്‍ഷകരെയും കുടുംബാംഗങ്ങളെയും ഉള്‍പ്പെടുത്തി സമഗ്ര ഇന്‍ഷുറന്‍സ് പരിരക്ഷ പദ്ധതി രൂപീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

സമഗ്ര കന്നുകാലി ഇന്‍ഷുറന്‍സ് പദ്ധതിയായ ഗോസമൃദ്ധി ലക്ഷ്യമിടുന്ന കാര്യങ്ങള്‍ വിശദമാക്കാമോ;

കടക്കെണിയിലായ ക്ഷീര കര്‍ഷകരുടെ സാമ്പത്തിക സുരക്ഷക്കായി പ്രത്യേക ധനാശ്വാസ പദ്ധതി നിലവിലുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് കാലിത്തീറ്റയുടെ ദൗര്‍ലഭ്യവും വിലയും കണക്കിലെടുത്ത് പൊതുമേഖലയില്‍ കാലിത്തീറ്റ ഉല്പാദനശേഷി വര്‍ദ്ധിപ്പിക്കുവാനും ന്യായവിലയ്ക്ക് കൃഷിക്കാര്‍ക്ക് ലഭ്യമാക്കുന്നതിനുമുള്ള നടപടി സ്വീകരിക്കുമോ;

തീറ്റപ്പുല്‍കൃഷി പദ്ധതി പ്രകാരം 2020-21 -ല്‍ എത്ര ഹെക്ടര്‍ തരിശു ഭൂമിയില്‍ പുല്‍കൃഷി നടത്തിയിട്ടുണ്ടെന്ന് വ്യക്തമാക്കുമോ; ഇതിന് എത്ര തുക വിനിയോഗിച്ചിട്ടുണ്ടെന്ന് അറിയിക്കാമോ;

കന്നുകാലി വളര്‍ത്തല്‍ ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഉള്‍പ്പെടുത്താന്‍ കേന്ദ്ര ഗവണ്‍മെന്റില്‍ സമ്മര്‍ദ്ദം ചെലുത്തുന്നതിന് നടപടി സ്വീകരിക്കുമോ?

കെ.എസ്.ആര്‍.ടി.സി.യെ പുനരുദ്ധരിക്കുന്നതിനായി നടത്തിവരുന്ന പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ;

വാഹന ഉപയോഗ നിരക്കും ഇന്ധനക്ഷമതയും ദേശീയ ശരാശരിയില്‍ എത്തിക്കുന്നതിന് പരീക്ഷണാര്‍ത്ഥം നടത്തുന്ന പുന:ക്രമീകരണങ്ങള്‍ ജീവനക്കാരുടെ ജോലിയിലും കോര്‍പ്പറേഷന്റെ വരുമാനത്തിലും മാറ്റമുണ്ടാക്കിയിട്ടുണ്ടോ; വിശദമാക്കുമോ?

സംസ്ഥാനത്ത് രൂപമാറ്റം വരുത്തിയ വാഹനങ്ങള്‍ അമിതവേഗതയിൽ സഞ്ചരിച്ച് അപകടങ്ങള്‍ ഉണ്ടാക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഏതൊക്കെ തരത്തിലുളള രൂപമാറ്റങ്ങളാണ് കാറിലും ബെെക്കിലും കണ്ടുവരുന്നത് എന്നറിയിക്കാമോ;

ഇത്തരത്തിലുളള നിയമ ലംഘനങ്ങള്‍ക്ക് എതിരെ എന്തൊക്കെ ശിക്ഷാനടപടികള്‍ സ്വീകരിക്കുമെന്ന് വ്യക്തമാക്കുമോ; ഇത്തരം നിയമ ലംഘനങ്ങള്‍ തടയാൻ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കാമോ?

സംസ്ഥാനത്ത് അപ്രതീക്ഷിതമായുണ്ടായ പേമാരിയും വെള്ളപ്പൊക്കവും മൂലം കാര്‍ഷിക മേഖലയില്‍ ഉണ്ടായിട്ടുള്ള കനത്ത നഷ്ടത്തിന്റെ പ്രാഥമിക വിലയിരുത്തല്‍ നടത്തിയിട്ടുണ്ടോ; എങ്കില്‍ വിശദമാക്കുമോ;

ഏതെല്ലാം മേഖലയിലാണ് കൂടുതല്‍ നാശനഷ്ടങ്ങള്‍ ഉണ്ടായിട്ടുള്ളതെന്ന് പ്രത്യേകമായ കണക്കെടുപ്പ് നടത്തി പ്രസ്തുത മേഖലയിലെ കര്‍ഷകരെ സഹായിക്കുന്നതിനാവശ്യമായ അടിയന്തര ഇടപെടല്‍ നടത്തുമോ;

കാര്‍ഷിക മേഖലയില്‍ ആകെയുണ്ടായ നാശനഷ്ടം കണക്കാക്കി പുനരുദ്ധാരണ പാക്കേജ് നടപ്പാക്കുന്നതിനായി കേന്ദ്ര സഹായം അഭ്യര്‍ത്ഥിച്ചിട്ടുണ്ടോ;

ഇത് സംബന്ധിച്ച് കേന്ദ്ര സര്‍ക്കാര്‍ അനുഭാവപൂര്‍വ്വമായ സമീപനം സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്ത് ഇ-വാഹന ഉപയോഗത്തെ പ്രോത്സാഹിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

കെ.എസ്.ആര്‍.ടി.സി.യില്‍ ഇ-വാഹന നയം നടപ്പാക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ;

പൊതുമേഖലയില്‍ ഇ-വാഹനങ്ങള്‍ നിര്‍മ്മിക്കുന്നതിന് പദ്ധതി ആരംഭിച്ചിട്ടുണ്ടോ; സര്‍ക്കാര്‍ വാഹനങ്ങള്‍ ഇ-വാഹനങ്ങളാക്കി മാറ്റുന്നതിന് ഉദ്ദേശിക്കുന്നുണ്ടോ; വിശദാംശം നല്‍കാമോ?

ബൗദ്ധിക വെല്ലുവിളി നേരിടുന്ന അഗതികളോ നിരാശ്രയരോ ആയ കുട്ടികളുടെ സംരക്ഷണം, പരിശീലനം, പുനരധിവാസം, വിദ്യാഭ്യാസം എന്നിവ ലക്ഷ്യമാക്കി സാമൂഹ്യ നീതി വകുപ്പില്‍ പ്രത്യേക സ്ഥാപനം പ്രവര്‍ത്തിക്കുന്നുണ്ടോ; വിശദാംശങ്ങള്‍ നല്‍കാമോ;

പ്രസ്തുത സ്ഥാപനത്തെ നവീകരിച്ച് മാതൃകാ സ്ഥാപനമാക്കുന്നതിന്റെ ഭാഗമായി എന്തെല്ലാം പ്രവര്‍ത്തനങ്ങളാണ് നടത്തിയത്; വിശദമാക്കുമോ;

പ്രസ്തുത സ്ഥാപനത്തിൽ കുട്ടികളുടെ പരിചരണത്തിനായി അതത് മേഖലകളിലെ പ്രഗല്‍ഭരുടെ സേവനം ലഭ്യമാക്കിയിട്ടുണ്ടോ; വ്യക്തമാക്കുമോ?

2020-21 കാലഘട്ടത്തില്‍ വെള്ളപ്പൊക്കം, വരള്‍ച്ച, വന്യജീവി ആക്രമണം, പ്രകൃതിക്ഷോഭം, കീടബാധ എന്നിവമൂലം കൃഷിനശിച്ച കര്‍ഷകര്‍ക്ക് ഇന്‍ഷ്വര്‍ ചെയ്ത തുക ലഭിക്കാത്തതിനാല്‍ എത്രയും വേഗം ഇന്‍ഷ്വര്‍ ചെയ്ത തുക ലഭ്യമാക്കാന്‍ നടപടി സ്വീകരിക്കുമോ;

പ്രകൃതിക്ഷോഭം മൂലമുള്ള കൃഷിനാശത്തിന് നഷ്ടപരിഹാരം നല്‍കാന്‍ നടപ്പ് ബഡ്ജറ്റില്‍ തുക വകയിരുത്തിയിട്ടുണ്ടോ; ഇന്‍ഷുറന്‍സ് തുക നല്‍കുന്നതിനുള്ള മാനദണ്ഡം എന്താണെന്ന് വ്യക്തമാക്കാമോ?

സംസ്ഥാനത്ത് റോഡ് ഗതാഗത സുരക്ഷയ്ക്കായി വിവര സാങ്കേതികവിദ്യയില്‍ അധിഷ്ഠിതമായ നൂതന പദ്ധതികള്‍ അവിഷ്കരിച്ചിട്ടുണ്ടോ; വ്യക്തമാക്കുമോ;

അപകടങ്ങള്‍ കുറയ്ക്കുന്നതിന്റെ ഭാഗമായി റോഡ് സുരക്ഷ ഡേറ്റാ സെന്റര്‍ ആരംഭിച്ചിട്ടുണ്ടോ; എങ്കില്‍ ഇതിന്റെ പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് ആധുനിക കൃഷിമുറകളിലും യന്ത്രസാമഗ്രികളുടെ ഉപയോഗത്തിലും പരിശീലനം ലഭിച്ച തൊഴിലാളികളുടെ സേവനം കര്‍ഷകര്‍ക്ക് ലഭ്യമാക്കുന്നതിന് പ്രത്യേകമായ നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ;

അഗ്രോ സര്‍വീസ് സെന്ററുകള്‍, കാര്‍ഷിക കര്‍മസേനകള്‍, മൊബെെല്‍ അഗ്രോ ക്ലിനിക്കുകള്‍ എന്നിവയുടെ പ്രവര്‍ത്തനം വിശദമാക്കാമോ; കൃഷി വികസനത്തിന് ഇവ എത്രത്തോളം സഹായകരമായിട്ടുണ്ട്; വിശദമാക്കാമോ;

കൃഷിയില്‍ യന്ത്രവല്‍ക്കരണം വ്യാപിപ്പിക്കുന്നതിന്റെ ഭാഗമായി കാര്‍ഷിക യന്ത്രങ്ങള്‍ വാങ്ങുന്നതിന് ധനസഹായം നല്‍കുന്ന പദ്ധതി നിലവിലുണ്ടോ; വിശദാംശങ്ങള്‍ നല്‍കാമോ?

കാര്‍ഷിക വിപണി ശക്തിപ്പെടുത്തുന്നതിന്റെ ഭാഗമായി സംസ്ഥാനത്ത് ഗ്രാമീണ ചന്തകള്‍ ആരംഭിക്കുവാന്‍ വകുപ്പിന് പദ്ധതിയുണ്ടോ;

പ്രസ്തുത ആഴ്ചച്ചന്തയുടെ നടത്തിപ്പ് ആരെയാണ് ഏല്പിക്കുന്നത്; ഇതിന്റെ പ്രവര്‍ത്തനം എന്ന് ആരംഭിക്കുവാന്‍ കഴിയും; വ്യക്തമാക്കാമോ;

പ്രസ്തുത വിപണി വഴി മൂല്യവര്‍ദ്ധിത ഉല്പന്നങ്ങള്‍ വിറ്റഴിക്കുന്നതിനുളള സംവിധാനം ഒരുക്കുമോ;

കര്‍ഷകരുടെയും ഉപഭോക്താക്കളുടെയും താല്പര്യങ്ങള്‍ കണക്കിലെടുത്തുളള വിപണി ഇടപെടല്‍ കാര്‍ഷിക വിപണന മേഖലയില്‍ എന്ത് മാറ്റം ഉണ്ടാക്കുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ?

സംസ്ഥാനത്ത് സാമൂഹ്യക്ഷേമ വകുപ്പിന് കീഴിലുള്ളതും സ്വകാര്യ സ്ഥാപനങ്ങളും വ്യക്തികളും നടത്തുന്നതുമായ ഓര്‍ഫനേജുകളുടെ പ്രവര്‍ത്തനങ്ങള്‍ വിലയിരുത്തുന്നതിന് നിലവിലുള്ള സംവിധാനങ്ങള്‍ പര്യാപ്തമാണോ എന്ന് വ്യക്തമാക്കുമോ;

ഓര്‍ഫനേജസ് ആന്റ് ചാരിറ്റബിള്‍ ഹോംസ് ആക്റ്റ് അനുസരിച്ചാണ് ഇത്തരം സ്ഥാപനങ്ങള്‍ പ്രവര്‍ത്തിക്കുന്നതെന്ന് ഉറപ്പുവരുത്തുന്നതിന് എന്തെല്ലാം ഇടപെടലുകളാണ് സര്‍ക്കാര്‍ നടത്തുന്നത്; അറിയിക്കുമോ;

സംസ്ഥാനത്തെ ഓര്‍ഫനേജ് കണ്‍ട്രോള്‍ ബോര്‍ഡിന്റെ പ്രവര്‍ത്തനങ്ങള്‍ കാര്യക്ഷമമാക്കുന്നതിനും കാലാനുസൃതമായി പരിഷ്കരിക്കുന്നതിനും ഉദ്ദേശിക്കുന്നുണ്ടോ; എങ്കില്‍ വിശദമാക്കുമോ;

സ്വകാര്യ സ്ഥാപനങ്ങളും വ്യക്തികളും നടത്തുന്ന ഇത്തരം സ്ഥാപനങ്ങളെ നിയന്ത്രിക്കുന്നതിനും സഹായിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്; പ്രസ്തുത സ്ഥാപനങ്ങള്‍ സംസ്ഥാന ഓര്‍ഫനേജ് കണ്‍ട്രോള്‍ ബോര്‍ഡില്‍ രജിസ്റ്റര്‍ ചെയ്തിട്ടുണ്ടോ; വ്യക്തമാക്കുമോ?

കഴിഞ്ഞ ദിവസങ്ങളില്‍ സംസ്ഥാനത്തുണ്ടായ കനത്ത മഴയിലും മണ്ണിടിച്ചിലിലും വ്യാപകമായുണ്ടായ കൃഷി നാശത്തിന്റെ കണക്ക് ശേഖരിച്ചിട്ടുണ്ടോ; വിശദാംശം നല്‍കുമോ;

ഇതുമായി ബന്ധപ്പെട്ട് കര്‍ഷകര്‍ക്ക് നഷ്ടപരിഹാരം നല്‍കുന്നതിന് തീരുമാനമെടുത്തിട്ടുണ്ടോ;

പ്രസ്തുത നഷ്ടപരിഹാരം സമയബന്ധിതമായി വിതരണം ചെയ്യുന്നതിന് സ്വീകരിച്ച നടപടികള്‍ വിശദമാക്കുമോ?

സംസ്ഥാനത്ത് പാലുല്പാദനം ഉയര്‍ത്തുന്നതിന്റെ ഭാഗമായി ആവിഷ്കരിച്ച തീവ്ര കന്നുകാലി വികസന പദ്ധതിയുടെ ലക്ഷ്യങ്ങള്‍ വിശദമാക്കാമോ;

പാലിന്റെയും പാലുല്പന്നങ്ങളുടെയും വര്‍ദ്ധിച്ച ആവശ്യത്തിനനുസരിച്ച് ഇവ ലഭ്യമാക്കാന്‍ കന്നുകാലികളുടെ ജനിതക ഗുണങ്ങള്‍ വര്‍ദ്ധിപ്പിച്ച് സങ്കരയിനം പശുക്കളെ വളര്‍ത്തിയെടുക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

ഗ്രാമീണ ജനതയ്ക്ക് താെഴിലവസരം, ദുര്‍ബല വിഭാഗങ്ങള്‍ക്ക് പോഷകാഹാരമൂല്യം എന്നിവയില്‍ കന്നുകാലി വികസന പദ്ധതി ഗുണപരമായ മാറ്റങ്ങള്‍ ഉണ്ടാക്കിയിട്ടുണ്ടോ; വിശദമാക്കാമോ?

സംസ്ഥാനത്ത് ജൈവ കൃഷിയിലുടെ പുതിയ കാര്‍ഷിക സംസ്കാരം വളര്‍ത്താന്‍ എന്തൊക്കെ പുതിയ പദ്ധതികള്‍ നടപ്പാക്കുമെന്ന് വ്യക്തമാക്കുമോ?

കഴിഞ്ഞ ദിവസങ്ങളില്‍ സംസ്ഥാനത്തുണ്ടായ കനത്ത മഴയിലും ഉരുള്‍പൊട്ടലിലും ജീവനോപാധിയായ വളര്‍ത്തുമൃഗങ്ങള്‍ വ്യാപകമായി നഷ്ടപ്പെട്ട കാര്യം ശ്രദ്ധയില്‍പ്പെട്ടിട്ടുണ്ടോ;

ഈ ഇനത്തില്‍ ഉണ്ടായ നാശനഷ്ടം എത്രയാണെന്ന് കണക്കാക്കിയിട്ടുണ്ടോയെന്ന് അറിയിക്കാമോ;

നാശനഷ്ടം സംഭവിച്ചവര്‍ക്ക് എന്തെല്ലാം സഹായങ്ങളാണ് ചെയ്യാന്‍ ഉദ്ദേശിക്കുന്നതെന്ന് വെളിപ്പെടുത്തുമോ?

സംസ്ഥാനത്ത് കാര്‍ഷിക ഉല്പാദന, സംസ്കരണ, വിപണന പ്രവര്‍ത്തനത്തോടൊപ്പം കാര്‍ഷിക വിജ്ഞാന വ്യാപന പ്രവര്‍ത്തനങ്ങളുടെ ഭാഗമായി എന്തെല്ലാം പ്രവൃത്തികളാണ് നടത്തിവരുന്നത്; വിശദമാക്കാമോ;

കാലാവസ്ഥ വ്യതിയാനത്തെ ചെറുത്തുനില്‍ക്കുന്നതിനായി പ്രതിരോധ ശേഷിയുള്ള വിളയിനങ്ങള്‍, ഹ്രസ്വകാല വിളയിനങ്ങള്‍ എന്നിവയുടെ വികസനം, ഉല്പാദനോപാധികളുടെ കാര്യക്ഷമതയെ പ്രോത്സാഹിപ്പിക്കുന്ന സാങ്കേതികവിദ്യ വികസനം എന്നിവയില്‍ പഠന ഗവേഷണ പ്രവര്‍ത്തനങ്ങള്‍ നടന്നിട്ടുണ്ടോ; വിശദാംശങ്ങള്‍ ലഭ്യമാക്കാമോ;

പ്രധാന വിളകളുടെ ഉല്പാദനം, വിള സംരക്ഷണം, ജൈവ ഉല്പാദനോപാധികള്‍, വിദഗ്ധരുടെ ഡയറക്ടറി എന്നിവ ഉള്‍ക്കൊള്ളുന്ന കൃഷി സംബന്ധമായ മൊബൈല്‍ ആപ്ലിക്കേഷന്‍ വികസിപ്പിച്ചിട്ടുണ്ടോ; വിശദമാക്കാമോ?

സംസ്ഥാനത്ത് പ്രളയാനന്തര കാർഷിക മേഖലയുടെ പുന:സ്ഥാപനത്തിനായി നടപ്പിലാക്കുന്ന പദ്ധതികളെക്കുറിച്ച് വിശദമാക്കാമോ;

പ്രളയത്തെ തുടർന്നുണ്ടായ മണ്ണൊലിപ്പിന്റെ ഫലമായി കൃഷി ഭൂമിക്കുണ്ടായ കേടുപാടുകൾ പരിഹരിക്കുന്നതിനായുളള പ്രവർത്തനങ്ങൾ പരിഗണനയിലുണ്ടോ; വിശദമാക്കാമോ;

പാടശേഖരങ്ങളെ പുന:സ്ഥാപിക്കുന്നതിനും പ്രധാന വിളകളുടെ കൃഷി വിസ്തൃതി വ്യാപിപ്പിക്കുന്നതിനും എന്തെല്ലാം പ്രവർത്തനങ്ങളാണ് നടത്തിവരുന്നതെന്ന് വിശദമാക്കാമോ;

കാലാവസ്ഥാ വ്യതിയാനവും നിരന്തരമുണ്ടാകുന്ന പ്രളയവും കണക്കിലെടുത്ത് കൃഷി രീതികളിലും വിളകളിലും മാറ്റങ്ങൾ കൊണ്ടുവരാൻ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് ഓപ്പറേഷന്‍ ഒളിമ്പിയ പദ്ധതി പ്രകാരമുളള പരിശീലന കേന്ദ്രങ്ങള്‍ എവിടെയെല്ലാമാണ് പ്രവര്‍ത്തിക്കുന്നത്;

പ്രസ്തുത പദ്ധതി കൂടുതല്‍ സ്ഥലങ്ങളിലേയ്ക്ക് വ്യാപിപ്പിക്കുവാന്‍ നടപടി സ്വീകരിക്കുമോ?

സംസ്ഥാനത്ത് വയോജനങ്ങളുടെ ക്ഷേമത്തിനുളള വയോമിത്രം പദ്ധതിയുടെ പ്രവർത്തന പുരോഗതി വിലയിരുത്തിയിട്ടുണ്ടോ; വ്യക്തമാക്കാമോ;

കോവിഡ് 19 -ന്റെ പശ്ചാത്തലത്തിൽ ആശുപത്രികളിൽ ചികിത്സ തേടാൻ കഴിയാത്ത വയോജനങ്ങൾക്കായി പ്രസ്തുത പദ്ധതി പ്രകാരം നടപ്പാക്കിയിട്ടുള്ള ആരോഗ്യ സേവനങ്ങൾ വിശദീകരിക്കാമോ;

പ്രസ്തുത പദ്ധതി പഞ്ചായത്ത് പരിധികളിലേക്ക് കൂടി വ്യാപിപ്പിക്കാൻ തീരുമാനിച്ചിട്ടുണ്ടോ; വ്യക്തമാക്കുമോ;

പ്രസ്തുത പദ്ധതി പ്രകാരം വയോജനങ്ങൾക്ക് ചികിത്സ സേവനങ്ങൾക്ക് പുറമേ ലഭ്യമാക്കുന്ന സേവനങ്ങള്‍ എന്തെല്ലാമെന്ന് വെളിപ്പെടുത്താമോ?

സംസ്ഥാനത്ത് നെല്ലുല്പാദനം വര്‍ദ്ധിപ്പിക്കുന്നതിന്റെ ഭാഗമായി ഗുണമേന്മയുള്ള വിത്ത് കര്‍ഷകര്‍ക്ക് ലഭ്യമാക്കുന്നതിനായി പ്രത്യേക പദ്ധതി നടപ്പിലാക്കിയിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ; പ്രത്യേക നെല്ലിനങ്ങളുടെ കൃഷിക്ക് പ്രോത്സാഹനം നല്‍കുന്നതിന്റെ ഭാഗമായി നടന്ന പ്രവര്‍ത്തനങ്ങളുടെ വിശദാംശങ്ങള്‍ നല്‍കാമോ;

നെല്‍കൃഷി അഭിമുഖീകരിക്കുന്ന പ്രശ്നങ്ങള്‍ക്ക് പരിഹാരം കാണുന്നതിനായി രൂപീകരിച്ച നെല്‍കൃഷി വികസന ഏജന്‍സികളുടെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശങ്ങള്‍ നല്‍കാമോ;

യുവ തലമുറയെ പ്രത്യേകിച്ച് വിദ്യാര്‍ത്ഥികളെ കാര്‍ഷിക മേഖലയിലേക്ക് ആകര്‍ഷിക്കാനായി പ്രത്യേകമായ പദ്ധതികള്‍ നടപ്പാക്കിയിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് ക്ഷീര മേഖലയുടെ ആധുനികവത്ക്കരണത്തിന് നടപ്പിലാക്കിയ പദ്ധതികളുടെ ഭാഗമായി ക്ഷീര സഹകരണ സംഘങ്ങളുടെ പ്രവര്‍ത്തനം വിപുലീകരിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

ക്ഷീര മേഖലയുടെ ആധുനികവത്ക്കരണത്തിന് നടപ്പിലാക്കാൻ ഉദ്ദേശിക്കുന്ന പുതിയ പദ്ധതികള്‍ എന്തെല്ലാമെന്ന് വ്യക്തമാക്കാമോ?

ഉയർന്ന രോഗ പ്രതിരോധ ശേഷിയും മികച്ച ഉല്പാദന ശേഷിയുമുള്ള കന്നുകുട്ടികളെ സംസ്ഥാനത്ത് തന്നെ വികസിപ്പിച്ചെടുത്ത് കർഷകർക്ക് ലഭ്യമാക്കുന്നതിന് ആരംഭിച്ച കിടാരി പാർക്കിന്റെ പ്രവർത്തനം അവലോകന വിധേയമാക്കിയിട്ടുണ്ടോ; വിശദമാക്കാമോ;

ഇടനിലക്കാർ വഴിയുള്ള വലിയ തോതിലുള്ള ചൂഷണത്തിൽ നിന്നും കർഷകരെ സംരക്ഷിക്കുന്നതിനായി ഈ പദ്ധതിയിലൂടെ കഴിഞ്ഞിട്ടുണ്ടോയെന്ന് വിശദമാക്കാമോ;

കിടാരി പാർക്കിലൂടെ കർഷകർക്ക് ലഭ്യമാകുന്ന കന്നുകാലികളുടെ ഗുണനിലവാരം ഉറപ്പിക്കുന്നതിനായി സ്വീകരിച്ചിട്ടുള്ള നടപടികൾ വിശദമാക്കാമോ;

സംസ്ഥാനത്ത് എവിടെയെല്ലാമാണ് കിടാരി പാർക്കുകൾ ആരംഭിച്ചിട്ടുള്ളതെന്നും കൂടുതൽ പാർക്കുകൾ ആരംഭിക്കാൻ ഉദ്ദേശിക്കുന്നുണ്ടോയെന്നും വ്യക്തമാക്കാമോ?

കെ.എസ്.ആർ.ടി.സി.യുടെ ഒരു പ്രത്യേക ബിസിനസ് ഡിവിഷനായി ലോജിസ്റ്റിക്സ് ഡിവിഷൻ വികസിപ്പിച്ചെടുക്കാൻ ഉദ്ദേശിക്കുന്നുണ്ടോ;

ഔദ്യോഗിക രേഖകൾ, പ്രമാണങ്ങൾ എന്നിവ അയയ്ക്കുന്നതിന് സർക്കാർ വകുപ്പുകൾക്ക് വിശ്വസിക്കാവുന്ന കൊറിയർ സംവിധാനം എന്ന നിലയിൽ കെ.എസ്.ആർ.ടി.സി. ലോജിസ്റ്റിക് ഡിവിഷന്റെ സാധ്യതകൾ പരിശോധിച്ചിട്ടുണ്ടോ; വിശദമാക്കാമോ;

കെ.എസ്.ആർ.ടി.സി. ബസ്സുകൾ പോകുന്ന റൂട്ടുകളിൽ സ്വകാര്യ പാഴ്സൽ കമ്പനികളുടെ കൊറിയറുകൾ എത്തിക്കുന്നതിനുള്ള കരാറുകൾ ഏറ്റെടുക്കുന്നതിനുള്ള ശ്രമങ്ങൾ നടത്തുന്നുണ്ടോ; വിശദമാക്കുമോ?