ശക്തമായ മഴയിൽ ഉരുൾപൊട്ടലുണ്ടായ കോട്ടയം ജില്ലയിലെ കൂട്ടിക്കൽ പ്രദേശത്ത് ക്വാറികൾക്ക് പ്രവർത്തന അനുമതി നൽകിയിരുന്നോയെന്ന് വ്യക്തമാക്കാമോ;

പ്രസ്തുത പ്രദേശം പരിസ്ഥിതിലോല പ്രദേശമായി കണക്കാക്കിയിരുന്നോയെന്ന് അറിയിക്കാമോ;

കൂട്ടിക്കലിലുണ്ടായ ദുരന്തത്തിന് ക്വാറികളും കാരണമായിട്ടുണ്ടോ എന്ന് പരിശോധിച്ചിട്ടുണ്ടോ;

പരിസ്ഥിതിലോല പ്രദേശങ്ങളിൽ ക്വാറികൾ പ്രവർത്തിക്കുന്നില്ലെന്ന് ഉറപ്പുവരുത്താൻ നടപടി സ്വീകരിക്കുമോ?

കയര്‍ഫെഡ്, കയര്‍ കോര്‍പ്പറേഷന്‍, കയര്‍ തൊഴിലാളി ക്ഷേമനിധി ബോര്‍ഡ് എന്നിവയുടെ പ്രവര്‍ത്തനം കയര്‍ വ്യവസായ മേഖലയ്ക്ക് ഏതെല്ലാം രീതിയില്‍ പ്രയോജനപ്പെടുന്നുണ്ടെന്ന് വിശദമാക്കാമോ;

കയര്‍ വ്യവസായ രംഗത്ത് പരമ്പരാഗത തൊഴിലാളികളുടെ തൊഴില്‍ സംരക്ഷിച്ചുകൊണ്ട് യന്ത്രവല്‍ക്കരണത്തിന് പദ്ധതി ആരംഭിച്ചിട്ടുണ്ടോ;

കയര്‍ മേഖലയുമായി ബന്ധപ്പെട്ട് ഗവേഷണ, വികസന പ്രവര്‍ത്തനങ്ങള്‍ നടത്തുന്നതിന് പ്രത്യേക സംവിധാനം നിലവിലുണ്ടോ; വിശദാംശം നല്‍കാമോ?

സംസ്ഥാനത്ത് കൈത്തറി വ്യവസായ മേഖലയിൽ സൃഷ്ടിച്ച തൊഴിൽ ദിനങ്ങൾ, നെയ്ത്തുകാരുടെ എണ്ണം, ഉല്പാദനക്ഷമത, മൊത്തം വിറ്റുവരവ് എന്നിവയില്‍ എന്തെല്ലാം മാറ്റങ്ങളാണ് കഴിഞ്ഞ സർക്കാര്‍ നടപ്പിലാക്കിയതെന്നും കൈത്തറി ഉല്പാദന, വിപണന രംഗത്ത് ഗുണപരമായ മാറ്റം ഉണ്ടാക്കുന്നതിനായി പുതിയ പദ്ധതികൾ ആവിഷ്കരിച്ചിട്ടുണ്ടോ എന്നും വിശദമാക്കാമോ;

പ്രാഥമിക കൈത്തറി നെയ്ത്ത് സഹകരണ സംഘങ്ങളുടെ അപെക്സ് ബോഡിയെന്ന നിലയിൽ ഹാൻടെക്സ് എന്തെല്ലാം പ്രവർത്തനങ്ങളാണ് കൈത്തറി ഉല്പാദന, വിപണന മേഖലയെ പ്രോത്സാഹിപ്പിക്കുന്നതിനായി നടത്തിവരുന്നത്; വിശദമാക്കാമോ;

അസംഘടിത മേഖലയിലെ പരമ്പരാഗത നെയ്ത്തുകാരുടെ ക്ഷേമത്തിനും വികസനത്തിനുമായി സംസ്ഥാന കൈത്തറി വികസന കോർപ്പറേഷൻ എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശങ്ങൾ നൽകാമോ?

കഴിഞ്ഞ സര്‍ക്കാരിന്റെ കാലത്ത് ആരംഭിച്ച ഊര്‍ജ്ജ കേരളം പദ്ധതി മുഖേന കൈവരിച്ച നേട്ടങ്ങള്‍ എന്തെല്ലാമെന്ന് വ്യക്തമാക്കാമോ;

കേന്ദ്ര പൂളില്‍ നിന്ന് വൈദ്യുതി ലഭിക്കുന്നതിലുണ്ടായ സാങ്കേതിക അനിശ്ചിതത്വത്തിന്റെ പശ്ചാത്തലത്തില്‍ ആഭ്യന്തര ഉല്പാദനം വര്‍ദ്ധിപ്പിക്കുന്നതിന് ആവിഷ്കരിച്ചിട്ടുള്ള പദ്ധതികളെക്കുറിച്ച് അറിയിക്കാമോ;

കേന്ദ്ര സര്‍ക്കാര്‍ വൈദ്യുതി കമ്പോളത്തില്‍ നടപ്പാക്കുന്ന പ്രതിലോമകരമായ നടപടികള്‍ അതിജീവിക്കുന്നതിനും കാലഘട്ടത്തിനനുസൃതമായ ആധുനികീകരണത്തിനും കെ.എസ്.ഇ.ബി. ലിമിറ്റഡിന്റെ പൊതു കാര്യക്ഷമത ഉയര്‍ത്തുന്നതിനും സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ?

വിവിധ കാരണങ്ങളാല്‍ 2019-ല്‍ മസ്റ്ററിംഗ് പൂര്‍ത്തിയാക്കാന്‍ സാധിക്കാതിരുന്നവരോ മസ്റ്ററിംഗ് പരാജയപ്പെട്ടവരോ ആയ നിരവധി പേര്‍ക്ക് 2019 ഡിസംബര്‍ മുതല്‍ ഇരുപത് മാസത്തോളമായി സാമൂഹ്യ സുരക്ഷ പെന്‍ഷന്‍ മുടങ്ങിയിരിക്കുന്ന സാഹചര്യം ഗൗരവത്തോടെ കാണുന്നുണ്ടോ;

എങ്കിൽ പ്രസ്തുത പ്രതിസന്ധി പരിഹരിക്കാൻ സ്വീകരിച്ച നടപടികൾ വിശദമാക്കാമോ;

പ്രസ്തുത പ്രശ്നം എന്നത്തേയ്ക്ക് പരിഹരിക്കാൻ സാധിക്കുമെന്ന് വ്യക്തമാക്കാമോ?

വൈദ്യുതി മേഖല സ്വകാര്യവല്കരിക്കാനുള്ള കേന്ദ്ര സര്‍ക്കാരിന്റെ നീക്കങ്ങളെ പ്രതിരോധിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

കാര്‍ഷിക മേഖലയെ സഹായിക്കുക എന്ന സംസ്ഥാന സര്‍ക്കാരിന്റെ പ്രഖ്യാപിത നയത്തിനനുസരിച്ച് കാര്‍ഷിക മേഖലയിലെ മൂല്യവര്‍ദ്ധിത സംരംഭങ്ങള്‍ക്ക് കുറഞ്ഞ നിരക്കില്‍ വൈദ്യുതി ലഭ്യമാക്കുന്ന കാര്യം പരിഗണനയിലുണ്ടോ; വിശദമാക്കാമോ;

വൈദ്യുതി ഇല്ലാത്ത ആദിവാസി ഊരുകള്‍ക്ക് വൈദ്യുതി കണക്ഷന്‍ ലഭ്യമാക്കുന്നതിന് പ്രത്യേക പരിഗണന നല്‍കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

വിതരണ ശൃംഖലയുടെ പരിധിയില്‍പ്പെടാത്ത വീടുകളിലേയ്ക്ക് വൈദ്യുതി എത്തിക്കാന്‍ ഉചിതമായ സാങ്കേതികവിദ്യ പ്രയോജനപ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് വാണിജ്യവുമായി ബന്ധപ്പെട്ട എല്ലാ വകുപ്പുകളുടെയും പ്രവര്‍ത്തനങ്ങള്‍ ഏകോപിപ്പിക്കുന്നതിനായി രൂപീകരിച്ച വാണിജ്യ മിഷന്റെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശങ്ങള്‍ നല്‍കാമോ;

കേരളത്തിലെ വാണിജ്യമേഖലയിൽ ആകര്‍ഷകമായ പ്രതിച്ഛായ സൃഷ്ടിക്കുന്നതിനായി സര്‍ക്കാര്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സൂക്ഷ്മ, ചെറുകിട, ഇടത്തരം സംരംഭങ്ങള്‍ക്ക് കോവിഡ് മഹാമാരി മൂലം നേരിട്ട ആഘാതം കുറയ്ക്കുന്നതിനായി സംരംഭക സഹായ പദ്ധതി ഉദാരവല്‍ക്കരിച്ച് ഉത്തരവിറക്കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

എം.എസ്.എം.ഇ. യൂണിറ്റുകള്‍ കോവിഡ് കാലത്ത് എടുത്ത വായ്പകള്‍ക്ക് പലിശ സബ്‍സിഡി ഏര്‍പ്പെടുത്തിയിട്ടുണ്ടോ; വിശദമാക്കാമോ;

കോവിഡ് മൂലം തൊഴില്‍ നഷ്ടപ്പെട്ട് ഇതര സംസ്ഥാനങ്ങളില്‍ നിന്നും തിരിച്ചെത്തിയ മലയാളികള്‍ക്കായി വ്യവസായ വകുപ്പ് പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് സബ് രജിസ്ട്രാര്‍ ഓഫീസുകള്‍ ജനസൗഹൃദമാക്കുന്നതിന് ആവിഷ്കരിച്ചിട്ടുള്ള ആധുനികീകരണ പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

സ്വന്തമായി ആധാരമെഴുതുന്ന പദ്ധതി കൂടുതല്‍ ലളിതമാക്കുന്നതിനും സുരക്ഷിതമാക്കുന്നതിനും സ്വീകരിക്കാനുദ്ദേശിക്കുന്ന നടപടികള്‍ അറിയിക്കാമോ;

സബ് രജിസ്ട്രാര്‍ ഓഫീസുകളിലെ ഭൗതിക സൗകര്യം മെച്ചപ്പെടുത്തുന്നതിനും രേഖകളുടെ ഡിജിറ്റൈസേഷന്‍ നടപ്പാക്കുന്നതിനുമുള്ള പ്രവര്‍ത്തനങ്ങളെക്കുറിച്ച് വിശദമാക്കാമോ?

സംസ്ഥാനത്ത് ഭൂമിയുടെ ന്യായവില നിര്‍ണ്ണയം പൂര്‍ത്തിയാക്കാത്തതിനാല്‍ ഭൂമി കെെമാറ്റത്തിന് ബുദ്ധിമുട്ട് ഉണ്ടാകുന്നതായി ശ്രദ്ധയില്‍പ്പെട്ടിട്ടുണ്ടോ;

ന്യായവില നിര്‍ണ്ണയിച്ച് കിട്ടുന്നതിനായി സമര്‍പ്പിക്കുന്ന അപേക്ഷകള്‍ സമയബന്ധിതമായി തീര്‍പ്പാക്കാന്‍ നടപടിയെടുക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം റിസ്ക് ഫണ്ട് പദ്ധതിയില്‍ നിന്നും എത്ര തുക ചെലവഴിച്ചുവെന്നും എത്ര പേര്‍ക്ക് ധനസഹായം നല്‍കിയെന്നുമുള്ള കണക്ക് ലഭ്യമാണോ; എങ്കില്‍ വ്യക്തമാക്കാമോ;

വായ്പയെടുത്ത ശേഷം കോവിഡ് ബാധിച്ച് മരിച്ചവര്‍ക്ക് റിസ്ക് ഫണ്ടിന് അര്‍ഹതയുണ്ടോ; എങ്കില്‍ വ്യക്തമാക്കുമോ?

സഹകരണ മേഖലയില്‍ നടപ്പിലാക്കി വരുന്ന മുഖ്യമന്ത്രിയുടെ സഹായ വായ്പ പദ്ധതിയുടെ വിശദാംശങ്ങള്‍ നല്‍കാമോ; കോവിഡ് കാലത്ത് നിരാശ്രയരായവര്‍ക്ക് പ്രസ്തുത പദ്ധതി എത്രത്തോളം സഹായകരമായിട്ടുണ്ടന്ന് വിശദമാക്കാമോ;

ഹ്രസ്വകാല കാര്‍ഷിക ഉല്പാദനത്തിനും കാര്‍ഷിക അനുബന്ധ പ്രവര്‍ത്തനങ്ങള്‍ക്കും വായ്പ അനുവദിക്കുന്നതിനായി സ്പെഷ്യല്‍ ലിക്വിഡിറ്റി ഫെസിലിറ്റി വായ്പ പദ്ധതി നടപ്പാക്കിയിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് ഭൂമിയുടെ ന്യായവില നിര്‍ണ്ണയിക്കാത്തത് മൂലം ഭൂമി കൈമാറ്റം വൈകുന്നത് തടയുവാന്‍ സ്വീകരിച്ച നടപടികള്‍ വ്യക്തമാക്കാമോ;

ഒരു സ്ഥലത്തിന്റെ ന്യായവില പുതുതായി നിര്‍ണ്ണയിച്ച് കിട്ടുവാനുള്ള നടപടിക്രമങ്ങള്‍ വിശദമാക്കാമോ; ന്യായവില നിശ്ചയിച്ച് കിട്ടുന്നതിനായുള്ള എത്ര അപേക്ഷകളാണ് തീര്‍പ്പുകല്‍പ്പിക്കാനുള്ളതെന്ന് പരിശോധിച്ചിട്ടുണ്ടോ;

ഭൂമിയുടെ ന്യായവില നിര്‍ണ്ണയിച്ച് കിട്ടുന്നതിനായുള്ള അപേക്ഷകള്‍ സമയബന്ധിതമായി തീര്‍പ്പാക്കുന്നതിന് നടപടി സ്വീകരിക്കുമോ?

സംസ്ഥാനത്തിന്റെ സാമ്പത്തിക സ്ഥിതിയില്‍ അപ്രതീക്ഷിത പ്രകൃതി ദുരന്തം ഏല്‍പ്പിച്ച ആഘാതം അതിജീവിക്കാന്‍ നടത്തുന്ന പ്രവര്‍ത്തനങ്ങള്‍ അറിയിക്കാമോ?

സംസ്ഥാനത്ത് ഇടത്തരം, വൻകിട വ്യവസായങ്ങൾക്കായി കേരള സംസ്ഥാന വ്യവസായ വികസന കോര്‍പ്പറേഷന്‍ പ്രത്യേകമായ ധനസഹായ പദ്ധതികൾ ആരംഭിച്ചിട്ടുണ്ടോ; വിശദമാക്കാമോ;

യുവ സംരംഭകരെ പ്രോത്സാഹിപ്പിക്കുന്നതിന്റെ ഭാഗമായി കെ.എസ്.ഐ.ഡി.സി. സ്വീകരിച്ച നടപടികൾ വിശദമാക്കാമോ;

നിലവിലുള്ള വനിതാ സംരംഭകർക്ക് അവരുടെ വ്യവസായ സംരംഭങ്ങൾ മെച്ചപ്പെടുത്തുന്നതിനായി കെ.എസ്.ഐ.ഡി.സി. പ്രത്യേകമായ പദ്ധതികൾ ആരംഭിച്ചിട്ടുണ്ടോ; വിശദാംശങ്ങൾ നൽകാമോ?

സംസ്ഥാനത്തിന്റെ വ്യവസായ വികസനം സാധ്യമാക്കുന്നതിൽ കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷൻ എന്തെല്ലാം സേവനങ്ങളും സംവിധാനങ്ങളുമാണ് സജ്ജമാക്കുന്നത്; വിശദമാക്കാമോ ;

പാലക്കാട് ജില്ലയിലെ ഒറ്റപ്പാലത്ത് കിന്‍ഫ്ര സജ്ജമാക്കിയ ഡിഫൻസ് പാർക്കിൽ പ്രതിരോധ മേഖലയ്ക്കും വ്യവസായ വികസനത്തിന്റെ ഭാഗമായി ചെറുകിട സംരംഭകർക്കും ആവശ്യമായ എന്തെല്ലാം സൗകര്യങ്ങളാണ് ലഭ്യമാക്കുക എന്ന് വിശദമാക്കാമോ;

കർഷകരുടെ ഉല്പന്നങ്ങൾക്ക് മികച്ച വിപണന സാധ്യതകളും ഉപഭോക്താക്കൾക്ക് ഗുണമേന്മയുള്ള ഭക്ഷണപദാർത്ഥങ്ങളും ലഭ്യമാക്കുന്നതിന് കിൻഫ്ര പാലക്കാട് ആസ്ഥാനമായി തയ്യാറാക്കിയ മെഗാ ഫുഡ് പാർക്കിന്റെ പ്രവർത്തനം വിശദമാക്കാമോ; ഇത് എന്തെല്ലാം മാറ്റങ്ങൾ ഉണ്ടാക്കുമെന്ന് വിശദമാക്കാമോ?

കേന്ദ്ര പൂളിൽ നിന്നുള്ള വൈദ്യുതി ലഭ്യതയിലെ കുറവ് പരിഹരിക്കുന്നതിന് മറ്റേതെങ്കിലും ഏജൻസികളിൽ നിന്ന് വൈദ്യുതി വാങ്ങുന്നുണ്ടോ; വ്യക്തമാക്കുമോ;

സ്വകാര്യ ഏജൻസികളിൽ നിന്ന് വൈദ്യുതി വാങ്ങുന്നത് സാമ്പത്തിക തിരിമറികൾക്ക് ഇടയാക്കുമെന്ന ആക്ഷേപം പരിശോധിച്ചിട്ടുണ്ടോ; എങ്കില്‍ വിശദമാക്കുമോ?

ഖാദി നൂലിനുള്ള റോവിംഗ് മെറ്റീരിയല്‍ പ്ലാന്‍റ് പൂട്ടിയതുമൂലം സംസ്ഥാനത്തെ ഖാദി മേഖല സ്തംഭിച്ചിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദമാക്കാമോ;

പ്രസ്തുത പ്ലാന്റില്‍ കാലാനുസൃതമായ മാറ്റങ്ങള്‍ കൊണ്ടുവരാന്‍ നടപടി സ്വീകരിക്കുമോ; സംസ്ഥാനത്ത് ഒരു റോവിംഗ് മെറ്റീരിയല്‍ പ്ലാന്റ് കൂടി സ്ഥാപിക്കാന്‍ നടപടി സ്വീകരിക്കുമോ;

ഇത്തരം പ്ലാന്റുകളില്‍ വിദഗ്ധ തൊഴിലാളികളെ നിയമിച്ച് ജീവനക്കാര്‍ക്ക് പരിശീലനം നല്‍കുവാന്‍ നടപടി സ്വീകരിക്കുമോ?

സംസ്ഥാനത്ത് അടുത്തിടെയുണ്ടായ കനത്ത മഴയിലും പ്രകൃതി ദുരന്തങ്ങളിലും വൈദ്യുതി വിതരണം തടസ്സപ്പെടാതിരിക്കാന്‍ കാര്യക്ഷമമായി ഇടപെടുന്നതിന് കെ.എസ്.ഇ.ബി. ക്ക് കഴിഞ്ഞിട്ടുണ്ടോ; വ്യക്തമാക്കുമോ;

ഇതിനായി കെ.എസ്.ഇ.ബി. ലിമിറ്റഡ് നടത്തിയ പ്രവര്‍ത്തനങ്ങള്‍ വിശദമാക്കാമോ;

പ്രകൃതി ദുരന്തത്തില്‍ കെ.എസ്.ഇ.ബി.യ്ക്ക് ഉണ്ടായ നാശനഷ്ടങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

പോസ്റ്റുകളും ട്രാന്‍സ്ഫോര്‍മറുകളും തകര്‍ന്നതിനാല്‍ വൈദ്യുതി ബന്ധം വിച്ഛേദിക്കപ്പെട്ട സ്ഥലങ്ങളില്‍ ആയത് പുന:സ്ഥാപിക്കുന്നതിനുള്ള പ്രവൃത്തികള്‍ പൂര്‍ത്തിയായിട്ടുണ്ടോ; ഇതിനായി ഏര്‍പ്പെടുത്തിയിട്ടുള്ള ക്രമീകരണങ്ങള്‍ വിശദമാക്കുമോ?

2018, 2019 എന്നീ വർഷങ്ങളിൽ സംസ്ഥാനത്തുണ്ടായ പ്രളയത്തിൽ മണ്ണും ചെളിയും നിറഞ്ഞതുമൂലം വൈദ്യുതി വകുപ്പിന്റെ കീഴിലുള്ള ഡാമുകളുടെ സംഭരണ ശേഷിയില്‍ കുറവുണ്ടായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

2018-ല്‍ ഡാമുകളില്‍ അടിഞ്ഞ മണ്ണും ചെളിയും പൂർണമായും നീക്കാന്‍ സാധിച്ചിരുന്നോ; ഇല്ലെങ്കിൽ കാരണം വിശദമാക്കാമോ;

വൈദ്യുതി വകുപ്പിന്റെ ഡാമുകളിലെ മണ്ണും ചെളിയും നീക്കാത്തത് 2021-ലെ മഴക്കെടുതിയുടെ ആഘാതത്തിന്റെ ആക്കം കൂട്ടിയതായ ആരോപണം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

കയര്‍ വ്യവസായ മേഖലയില്‍ മുന്നേറ്റമുണ്ടാക്കുന്നതിന്റെ ഭാഗമായി ചകിരി ഉല്പാദനത്തില്‍ സ്വയംപര്യാപ്തത കൈവരിക്കുന്നതിനായി എന്തെല്ലാം നടപടികളാണ് സര്‍ക്കാര്‍ സ്വീകരിച്ചു വരുന്നത്; വിശദാംശങ്ങള്‍ ലഭ്യമാക്കാമോ;

കയര്‍ മേഖലയുടെ ആധുനികീകരണത്തിനായി നടപ്പാക്കി വരുന്ന രണ്ടാം പുന:സംഘടനയുടെ ആദ്യഘട്ടം ഈ സാമ്പത്തിക വര്‍ഷത്തോടെ അവസാനിക്കുമ്പോള്‍ എന്തൊക്കെയാണ് ലക്ഷ്യമിടുന്നതെന്നും അവ എത്രത്തോളം പ്രാവര്‍ത്തികമാക്കാന്‍ കഴിയുമെന്നും വിശദമാക്കാമോ?

2021 ഒക്ടോബർ മാസത്തെ അതിതീവ്ര മഴയുടെ സാഹചര്യത്തിൽ വൈദ്യുതി വകുപ്പിന്റെ ഡാമുകളുടെ സ്ഥിതി വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

അതിതീവ്ര മഴയെ തുടർന്ന് കെ.എസ്.ഇ.ബി. യുടെ ഏതൊക്കെ ഡാമുകൾ തുറന്നുവെന്ന് തീയതി സഹിതം വ്യക്തമാക്കാമോ;

ഡാം തുറക്കുന്നതിന് മുമ്പ് ജനങ്ങള്‍ക്ക് മുന്നറിയിപ്പ് നല്‍കിയിരുന്നോ; എങ്കില്‍ പ്രസ്തുത മുന്നറിയിപ്പിന്റെ വിശദവിവരങ്ങൾ വെളിപ്പെടുത്താമോ;

മഴ മാത്രമല്ല ഡാമുകളുടെ മിസ് മാനേജ്‍മെന്റും സംസ്ഥാനത്ത് 2018-ലെ പ്രളയം രൂക്ഷമാകാൻ കാരണമായെന്ന കേന്ദ്ര ജല കമ്മീഷന്‍ റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്മേലുള്ള വെെദ്യുതി ബോര്‍ഡിന്റെ നിലപാട് വിശദമാക്കാമോ?

വ്യവസായ വകുപ്പ് ജില്ലകൾ തോറും സംഘടിപ്പിച്ച മീറ്റ് ദി മിനിസ്റ്റർ പരിപാടിയുടെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

കാക്കനാട് കിൻഫ്ര പാർക്കിൽ ടാറ്റാ കൺസൾട്ടൻസി സർവീസസിന്റെ ഇന്നവേഷൻ പാർക്ക് സ്ഥാപിക്കുന്നതിന് ധാരണാപത്രത്തിൽ ഒപ്പുവെച്ചിട്ടുണ്ടോ; വിശദമാക്കാമോ;

ഇന്നവേഷൻ പാർക്കിന്റെ ആദ്യഘട്ടം എന്നത്തേക്ക് പൂർത്തിയാകുമെന്നാണ് പ്രതീക്ഷിക്കുന്നത്;

സംസ്ഥാനത്ത് വലിയ തോതിലുള്ള വ്യവസായ നിക്ഷേപം ഉറപ്പ് വരുത്തുന്നതിനായി കഴക്കൂട്ടം കിൻഫ്ര പാർക്കിലെ പ്രത്യേക സാമ്പത്തിക മേഖലയിൽ പ്രമുഖ ഡിസൈൻ ടെക്നോളജി സേവന ദാതാക്കളായ ടാറ്റാ എലക്സിയുടെ സംരംഭത്തിനായി ധാരണാപത്രത്തിൽ ഒപ്പുവെച്ചിട്ടുണ്ടോ; വിശദമാക്കാമോ?

സംസ്ഥാനത്തെ വിവിധ വൈദ്യുതി പദ്ധതികളില്‍ നിന്ന് എത്ര മെഗാവാട്ട് വൈദ്യുതിയാണ് ഉല്പാദിപ്പിക്കുന്നതെന്ന് പദ്ധതി തിരിച്ച് വ്യക്തമാക്കാമോ;

വൈദ്യുതി ഉല്പാദനത്തിൽ സ്വയംപര്യാപ്തത ഉറപ്പുവരുത്താൻ സ്വീകരിച്ച നടപടികൾ വിശദമാക്കാമോ?

കല്‍ക്കരി ക്ഷാമത്തെ തുടര്‍ന്ന് രാജ്യത്തുണ്ടായ വൈദ്യുതി പ്രതിസന്ധി പരിഹരിക്കുന്നതിന് ജല വൈദ്യുതി നിലയങ്ങളില്‍ നിന്നുള്ള ഉല്പാദനം വര്‍ദ്ധിപ്പിച്ച് കേന്ദ്ര പൂളിലേക്ക് നല്‍കണമെന്ന് കേന്ദ്ര സര്‍ക്കാര്‍ ആവശ്യപ്പെട്ടിട്ടുണ്ടോ;

എങ്കില്‍ ഇക്കാര്യത്തില്‍ സംസ്ഥാനത്തിന്റെ നിലപാട് കേന്ദ്ര സര്‍ക്കാരിനെ അറിയിച്ചിട്ടുണ്ടോ; എങ്കില്‍ വിശദാംശം നല്‍കുമോ?

സംസ്ഥാനത്ത് പരമ്പരാഗത ഉല്പന്നങ്ങള്‍ക്ക് വിപണി സൗകര്യം ഒരുക്കുന്നതിന് ആവശ്യമായ നടപടികള്‍ പരിഗണനയിലുണ്ടോ; വിശദമാക്കാമോ;

പരമ്പരാഗത ഉല്പന്നങ്ങള്‍ക്ക് വിപണന സൗകര്യം ഒരുക്കുന്നതിനായി വിവിധോദ്ദേശ്യ പ്രോത്സാഹന കേന്ദ്രങ്ങള്‍ എന്ന പദ്ധതി നടപ്പിലാക്കുന്നുണ്ടോ; വിശദമാക്കാമോ;

ആലപ്പുഴ ജില്ല വ്യവസായ കേന്ദ്രത്തില്‍ പരമ്പരാഗത ഉല്പന്നങ്ങളുടെ വിപണനത്തിനായി ഒരു കേന്ദ്രം സ്ഥാപിക്കാനുള്ള നടപടികളുടെ പുരോഗതി വ്യക്തമാക്കാമോ;

പരമ്പരാഗത ഉല്പന്നങ്ങളുടെ വിപണനത്തിനായി എന്തെല്ലാം പുതിയ പരിപാടികളാണ് പരിഗണനയിലുള്ളത്; വിശദമാക്കാമോ?

സംസ്ഥാനത്ത് ഹരിത വൈദ്യുതി ഉല്പാദനം വര്‍ദ്ധിപ്പിക്കുന്നതിന് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ; ഇതിന്റെ നേട്ടങ്ങള്‍ പഠന വിധേയമാക്കിയിട്ടുണ്ടോ; വിശദമാക്കാമോ;

ഹരിത വൈദ്യുതി ഉല്പാദനം വ്യാപകമാക്കുന്നതിന് ഏതൊക്കെ ഏജന്‍സികളെയാണ് ചുമതലപ്പെടുത്തിയിട്ടുള്ളതെന്ന് വ്യക്തമാക്കാമോ;

ഹരിത വൈദ്യുതി ഉല്പാദനം സംബന്ധിച്ച് കേന്ദ്ര സര്‍ക്കാര്‍ എന്തെങ്കിലും നിയന്ത്രണമോ മാര്‍ഗനിര്‍ദേശമോ നല്‍കിയിട്ടുണ്ടോ; വിശദമാക്കാമോ;

ഹരിത വൈദ്യുതി ഉല്പാദനം വര്‍ദ്ധിപ്പിച്ച് സംസ്ഥാനത്തിന് പുറത്ത് നിന്നും വൈദ്യുതി വാങ്ങുന്നത് പൂര്‍ണമായും നിര്‍ത്താന്‍ നടപടി സ്വീകരിക്കുമോ; വ്യക്തമാക്കാമോ?

2018-ലെ പ്രളയത്തിന്റെ പശ്ചാത്തലത്തിൽ 2021 ഒക്ടോബർ മാസത്തിലെ തീവ്രമഴയെ നേരിടാൻ വൈദ്യുതി വകുപ്പ് സ്വീകരിച്ച നടപടികൾ വ്യക്തമാക്കാമോ;

വൈദ്യുതി വകുപ്പിന്റെ കീഴിലുള്ള ഡാമുകൾക്ക് റൂൾ കർവ് നിലവിലുണ്ടോ; വിശദമാക്കാമോ;

2021 ഒക്ടോബർ മാസത്തിലെ തീവ്രമഴയെ നേരിടാൻ വൈദ്യുതി വകുപ്പിന്റെ കീഴിലുള്ള ഡാമുകൾ റൂൾ കർവ് പാലിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് കഴിഞ്ഞ ദിവസങ്ങളില്‍ ഉണ്ടായ ശക്തമായ കാറ്റും മഴയും മൂലം വൈദ്യുത മേഖലയില്‍ ഉണ്ടായ നാശനഷ്ടം വിലയിരുത്തിയിട്ടുണ്ടോ; വിശദമാക്കുമോ;

വൈദ്യുതി വിതരണവുമായി ബന്ധപ്പെട്ട തകരാറുകള്‍ മാറ്റി വിതരണം എപ്പോള്‍ പൂര്‍ണ്ണമായി പുന:സ്ഥാപിക്കാന്‍ കഴിയുമെന്നാണ് കരുതുന്നത്; വ്യക്തമാക്കാമോ?

സംസ്ഥാനത്ത് സൂക്ഷ്മ,ചെറുകിട,ഇടത്തരം സംരംഭങ്ങളുടെ വാണിജ്യ വികസനം ലക്ഷ്യമാക്കി കഴിഞ്ഞ സര്‍ക്കാര്‍ ആവിഷ്കരിച്ച അഗ്രോ ഫുഡ് പ്രോ, മെഷീനറി എക്സ്പോ എന്നീ പദ്ധതികളുടെ വിശദാംശങ്ങള്‍ വ്യക്തമാക്കാമോ; ഇവ എല്ലാ ജില്ലകളിലും സംഘടിപ്പിക്കുന്നതിന് നടപടി സ്വീകരിക്കുമോ;

എം.എസ്.എം.ഇ. മേഖലയില്‍ ഒരു സ്ഥിരം പ്രദര്‍ശന വിപണന സമുച്ചയത്തിന് രൂപം കൊടുക്കുന്നതിന് നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

സംസ്ഥാനത്ത് വാണിജ്യ മേഖലയുടെ പ്രോത്സാഹനത്തിനായി വാണിജ്യ മിഷന്‍ രൂപീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?