സംസ്ഥാനത്തെ ക്യാമ്പസുകളിൽ വിദ്യാര്‍ത്ഥികളുടെ ലഹരി ഉപയോഗവും തന്മൂലമുള്ള അതിക്രമങ്ങളും വർധിച്ചുവരുന്നത് ഗൗരവത്തോടെ കാണുന്നുണ്ടോ; വ്യക്തമാക്കാമോ;

ക്യാമ്പസുകളിൽ ലഹരി ലഭ്യത പൂർണ്ണമായും തടയുന്നതിനും വിദ്യാർത്ഥികളെ ബോധവൽക്കരിക്കുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ;

ലഹരി വിമുക്ത ക്യാമ്പസുകൾ എന്ന ലക്ഷ്യത്തോടെ പാഠ്യപദ്ധതിയുമായി സമന്വയിപ്പിച്ച് ഒരു കർമപദ്ധതി നടപ്പിലാക്കുമോ; വ്യക്തമാക്കാമോ?

ഈ സര്‍ക്കാര്‍ വന്നതിനുശേഷം കോഴിക്കോട് ജില്ലയില്‍ ഏതൊക്കെ കോളേജുകളിലാണ് പുതിയ കോഴ്സുകള്‍ അനുവദിച്ചിട്ടുള്ളത്; വിശദമാക്കാമോ;

സര്‍ക്കാര്‍ കോളേജുകളില്‍ പുതിയ കോഴ്സ് അനുവദിക്കുന്ന കാര്യം പരിഗണനയിലുണ്ടോ; വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ഉന്നതവിദ്യാഭ്യാസ വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നൽകിയിട്ടുള്ള പരസ്യങ്ങളുടെ വിശദാംശങ്ങൾ നൽകാമോ; പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വിശദവിവരങ്ങൾ ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്തെ നവവൈജ്ഞാനിക സമൂഹമാക്കുക എന്ന ലക്ഷ്യം മുൻനിർത്തി ഉന്നതവിദ്യാഭ്യാസ മേഖലയില്‍ ആരംഭിച്ചിട്ടുള്ള മികവിന്റെ കേന്ദ്രങ്ങളുടെ (സെന്റേഴ്സ് ഓഫ് എക്സലന്‍സ്) പ്രവര്‍ത്തനം വിലയിരുത്തിയിട്ടുണ്ടോ; വ്യക്തമാക്കാമോ;

പ്രസ്തുത മികവിന്റെ കേന്ദ്രങ്ങള്‍ ഗവേഷണ-അക്കാദമിക രംഗങ്ങളില്‍ ഉണ്ടാക്കിയ പുരോഗതി എന്തെല്ലാമാണെന്ന് വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനത്തെ വിദ്യാര്‍ത്ഥികള്‍ക്കും ഗവേഷകര്‍ക്കും അന്താരാഷ്ട്ര നിലവാരത്തിലുള്ള പഠന-ഗവേഷണ സൗകര്യങ്ങള്‍ ലഭ്യമാക്കുന്നതിന് മികവിന്റെ കേന്ദ്രങ്ങള്‍ മുഖേന പ്രത്യേക പദ്ധതികള്‍ നടപ്പിലാക്കുന്നുണ്ടോ; വിശദമാക്കുമോ;

മികവിന്റെ കേന്ദ്രങ്ങളുടെ പ്രവര്‍ത്തനം വ്യവസായ-സ്റ്റാര്‍ട്ടപ്പ് മേഖലയുമായി ബന്ധിപ്പിച്ച് തൊഴില്‍ സൃഷ്ടിയും നൈപുണ്യവികസനവും ഉറപ്പാക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

സംസ്ഥാനത്തെ കോളേജുകളിൽ ബിരുദ പ്രവേശനത്തിന് ചേരാൻ വിദ്യാർത്ഥികൾ താൽപര്യം കാണിക്കുന്നില്ല എന്ന ആക്ഷേപം പരിശോധിച്ചിട്ടുണ്ടോ;

സംസ്ഥാനത്തെ കോളേജുകളിൽ ബിരുദ കോഴ്സുകളിൽ ഒഴിവുള്ള സീറ്റുകളുടെ എണ്ണം കണക്കാക്കിയിട്ടുണ്ടോയെന്ന് അറിയിക്കാമോ;

ബിരുദ കോഴ്സുകളിൽ ചേരുന്നതിനുള്ള താല്പര്യമില്ലായ്മയുടെ കാരണങ്ങൾ എന്തെല്ലാമാണെന്ന് പരിശോധിച്ചിട്ടുണ്ടോ; വിശദമാക്കാമോ;

സംസ്ഥാനത്തെ ബിരുദ കോഴ്സുകൾ ആകർഷകമാക്കാൻ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

സര്‍ക്കാരിന്റെ ഉന്നതവിദ്യാഭ്യാസ സ്ഥാപനങ്ങളൊന്നുമില്ലാത്ത ഗുരുവായൂര്‍ മണ്ഡലത്തില്‍ സര്‍ക്കാര്‍ കോളേജ് തുടങ്ങുന്നതിന് ഇതുവരെ സ്വീകരിച്ച നടപടികള്‍ വിശദമാക്കാമോ;

ഈ സര്‍ക്കാരിന്റെ കാലത്ത് ഗുരുവായൂര്‍ നിയോജക മണ്ഡലത്തില്‍ സര്‍ക്കാര്‍ കോളേജ് സ്ഥാപിക്കുന്നതിന് നടപടികള്‍ സ്വീകരിക്കുമോ?

സംസ്ഥാനത്ത് കോളേജുകളും സര്‍വകലാശാലകളും ദേശീയതല റാങ്കിംഗും (എന്‍.ഐ.ആര്‍.എഫ്.) അക്രഡിറ്റേഷനും (എന്‍.എ.എ.സി.) നേടുന്ന സ്ഥാപനങ്ങളുടെ എണ്ണത്തില്‍ കഴിഞ്ഞ വര്‍ഷങ്ങളില്‍ വര്‍ദ്ധനവ് ഉണ്ടായിട്ടുണ്ടോ; വ്യക്തമാക്കാമോ;

ഉന്നതവിദ്യാഭ്യാസ സ്ഥാപനങ്ങള്‍ക്ക് ഗുണനിലവാരം മെച്ചപ്പെടുത്തുന്നതിനും എന്‍.എ.എ.സി./എന്‍.ഐ.ആര്‍.എഫ്. റാങ്കിംഗ് നേടുന്നതിനുമായി ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കുമോ;

ഉന്നത റാങ്കിംഗും അക്രഡിറ്റേഷനും നേടിയ സ്ഥാപനങ്ങളെ മാതൃകയായി ഉപയോഗിച്ച് മറ്റ് വിദ്യാഭ്യാസ സ്ഥാപനങ്ങളിലേക്കും ഗുണനിലവാര മാനദണ്ഡങ്ങള്‍ വ്യാപിപ്പിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

റാങ്കിംഗിലും അക്രഡിറ്റേഷനിലും പിന്നോക്കം നില്‍ക്കുന്ന സര്‍ക്കാര്‍, എയ്ഡഡ് കോളേജുകളെയും സര്‍വകലാശാലകളെയും മെച്ചപ്പെടുത്തുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

സംസ്ഥാനത്ത് മുൻ സർക്കാരിന്റെ കാലം മുതൽ നാളിതുവരെ ഉന്നതവിദ്യാഭ്യാസ വകുപ്പിന്റെ ഫണ്ട് വിനിയോഗത്തിൽ അഴിമതിയും ക്രമക്കേടുകളും നടന്നതായി കണ്ടെത്തിയിട്ടുണ്ടോ; എങ്കിൽ ഏതൊക്കെ പദ്ധതികളിൽ എന്തെല്ലാം അഴിമതി നടന്നതായാണ് കണ്ടെത്തിയതെന്ന് വ്യക്തമാക്കുമോ?

ഉന്നതവിദ്യാഭ്യാസ രംഗത്തെ സാധ്യത പരിഗണിച്ച് സംസ്ഥാനത്ത് കൂടുതൽ ഉന്നത വിദ്യാഭ്യാസ സ്ഥാപനങ്ങൾ ആരംഭിക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ;

ഉന്നത വിദ്യാഭ്യാസ രംഗത്തെ സ്ഥാപനങ്ങൾ ആരംഭിക്കുന്നവർക്കു വിവിധ അനുമതികൾ ഏകജാലകം വഴി നൽകാൻ നടപടി ഉണ്ടാകുമോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന് നാളിതുവരെയായി ഉന്നത വിദ്യാഭ്യാസ വകുപ്പിന്റെ കീഴില്‍ പയ്യന്നൂര്‍ മണ്ഡല പരിധിയില്‍ നടപ്പിലാക്കിയ പദ്ധതികളും അനുവദിച്ച തുകയും ഏതൊക്കെയാണെന്നും ഓരോന്നിന്റെ നിലവിലെ സ്‌ഥിതിയും വിശദമാക്കാമോ?

സംസ്ഥാനത്ത് വിദ്യാര്‍ത്ഥികളെ തൊഴില്‍ നിപുണരാക്കുന്നതിനായി ഉന്നത വിദ്യാഭ്യാസ വകുപ്പും കെ-ഡിസ്കുമായി ചേര്‍ന്ന് പ്രത്യേക പദ്ധതി ആവിഷ്കരിച്ചിട്ടുണ്ടോ;

പ്രസ്തുത പദ്ധതി വഴി ലക്ഷ്യമിടുന്നത് എന്തൊക്കെ കാര്യങ്ങളാണ്; വിശദമാക്കാമോ;

ഉന്നത വിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥികള്‍ക്ക് നൈപുണ്യ വികസനത്തിന് ഊന്നല്‍ നല്‍കി തൊഴില്‍സജ്ജരാക്കി തൊഴില്‍ക്ഷാമം പരിഹരിക്കുന്നതിന് പ്രസ്തുത പദ്ധതി എത്രത്തോളം സഹായകമാണെന്ന് വിശദമാക്കാമോ?

2016-17 മുതൽ നാളിതുവരെ ഉന്നത വിദ്യാഭ്യാസ മേഖലയിൽ നടപ്പിലാക്കിയ പരിഷ്കാരങ്ങൾ എന്തെല്ലാമെന്നും അവയിലൂടെ ലഭിച്ച നേട്ടങ്ങളും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം കടുത്തുരുത്തി മണ്ഡലത്തില്‍ ഉന്നതവിദ്യാഭ്യാസ വകുപ്പ് മുഖാന്തിരം നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

ഓരോ പദ്ധതിക്കും അനുവദിച്ച തുക, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഉത്തരവുകളുടെ പകര്‍പ്പ് ലഭ്യമാക്കുമോ;

കടുത്തുരുത്തി മണ്ഡലത്തിലെ ഏതെല്ലാം കോളേജുകള്‍ക്കാണ് അസാപ്, റൂസ ഫണ്ടുകള്‍ അനുവദിച്ചിട്ടുള്ളതെന്ന് വ്യക്തമാക്കുമോ; വിശദവിവരം നല്‍കുമോ?

ലോക ഉന്നതവിദ്യാഭ്യാസ ഭൂപടത്തില്‍ കേരളത്തെ അടയാളപ്പെടുത്തും വിധം ഉന്നതവിദ്യാഭ്യാസ ഹബ്ബാക്കി മാറ്റുന്നതിന് ഈ സര്‍ക്കാര്‍ സ്വീകരിച്ചിട്ടുള്ള നടപടികള്‍ വിശദമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്നതിന് ശേഷം കൂത്തുപറമ്പ് നിയോജക മണ്ഡലത്തില്‍ ഉന്നതവിദ്യാഭ്യാസ വകുപ്പ് മുഖേന അനുവദിച്ച പദ്ധതികളുടെ പുരോഗതിയും അനുവദിച്ച തുകയും തരം തിരിച്ച് വിശദമാക്കാമോ;

പൂർത്തിയാകാത്ത പദ്ധതികൾ നേരിടുന്ന തടസ്സങ്ങൾ എന്തൊക്കെയാണെന്നും, അവയുടെ സമയബന്ധിതമായ പൂര്‍ത്തീകരണത്തിന് എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്നും വിശദമാക്കാമോ?

ഉന്നതവിദ്യാഭ്യാസ വികസനത്തിനായി പുതിയ പദ്ധതി നടപ്പാക്കാനുദ്ദേശിക്കുന്നുണ്ടോ; വിശദമാക്കുമോ;

പദ്ധതിയുടെ പഠനറിപ്പോര്‍ട്ട് തയ്യാറാക്കിയിട്ടുണ്ടോ; വിശദാംശങ്ങള്‍ എന്തെല്ലാം;

പദ്ധതി നടപ്പാക്കുന്നതിനുള്ള ധനസഹായത്തിനു വേണ്ടി കേന്ദ്രത്തിന് റിപ്പോര്‍ട്ട് നല്‍കിയിട്ടുണ്ടോ;

പ്രസ്തുത പദ്ധതിയുടെ മുതല്‍മുടക്ക് എത്രയാണ്; പദ്ധതി സംസ്ഥാനത്ത് ഏതെല്ലാം സര്‍വകലാശാലകളിലാണ് നടപ്പാക്കാനുദ്ദേശിക്കുന്നത്; വിശദമാക്കുമോ?

ഈ സര്‍ക്കാര്‍ അധികാരത്തിൽ വന്നതിന് ശേഷം കോഴിക്കോട് ജില്ലയില്‍ ഏതൊക്കെ കോളേജുകളിലാണ് പുതിയ കോഴ്സുകള്‍ അനുവദിച്ചിട്ടുള്ളത്; വിശദമാക്കാമോ;

സര്‍ക്കാര്‍ കോളേജുകളില്‍ പുതിയ കോഴ്സ് അനുവദിക്കുന്ന കാര്യം പരിഗണനയിലുണ്ടോ; വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ഉന്നതവിദ്യാഭ്യാസ വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ/ദിവസ വേതന അടിസ്ഥാനത്തിൽ എത്ര താത്കാലിക നിയമനങ്ങൾ നടത്തിയിട്ടുണ്ടെന്ന വിശദാംശം സ്ഥാപനം തിരിച്ച് വ്യക്തമാക്കാമോ;

ഇതിൽ എത്ര നിയമങ്ങൾ എംപ്ലോയ്‌മെന്റ് എക്സ്ചേഞ്ച് മുഖേന നടപ്പാക്കിയെന്നും മറ്റു നിയമനങ്ങൾ ഏത് ഏജൻസി മുഖേനയാണ് നടപ്പാക്കിയതെന്നും വ്യക്തമാക്കാമോ;

മേല്പറഞ്ഞ സ്ഥാപനങ്ങളിൽ ഈ കാലയളവിൽ എത്ര താത്കാലിക ജീവനക്കാരെ സ്ഥിരപ്പെടുത്തിയെന്ന വിശദാംശം സ്ഥാപനം തിരിച്ച് വ്യക്തമാക്കാമോ?

ഉറുദു അധ്യാപക റാങ്ക് ലിസ്റ്റ് നിലനില്‍ക്കെ കഴിഞ്ഞ വര്‍ഷം അധ്യാപകരില്ലെന്ന കാരണത്താൽ കുന്നമംഗലം ഗവ. കോളേജിലെ പ്രസ്തുത തസ്തിക മാറ്റാൻ അധികൃതർ സർക്കാരിനോട് ആവശ്യപ്പെട്ടിരുന്നോ; എങ്കില്‍ സര്‍ക്കാര്‍ സ്വീകരിച്ച നിലപാട് എന്തായിരുന്നുവെന്ന് വ്യക്തമാക്കാമോ;

കാലാവധി പൂർത്തിയായ ഉറുദു, കാലാവധി കഴിയാറായ സോഷ്യോളജി അസിസ്റ്റന്റ് പ്രൊഫസർ റാങ്ക് ലിസ്റ്റുകളിൽ നിന്ന് ഒന്നാം റാങ്കുകാരെ പോലും ഇതുവരെ നിയമിച്ചിട്ടില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പി. എസ്. സി. വഴിയുളള അസിസ്റ്റന്റ് ​പ്രൊഫസർ നിയമനം നടപ്പിലാക്കാത്ത സാഹചര്യം നിലനിൽക്കെ സര്‍ക്കാരിന് കീഴിലെ സ്ഥാപനമായ ഐ. എ. ജി.-യില്‍ കരാര്‍ അടിസ്ഥാനത്തില്‍ നിയമിതരായ മൂന്ന് അസിസ്റ്റന്റ് പ്രൊഫസർമാരെ സ്ഥിരം തസ്തികയില്‍ നിയമിച്ചിട്ടുണ്ടോ എന്ന് വ്യക്തമാക്കാമോ; ഉണ്ടെങ്കിൽ, വിശദാംശങ്ങൾ നല്‍കാമോ?

സംസ്ഥാനത്തെ സർക്കാർ, എയ്ഡഡ് കോളേജുകളിൽ അധ്യാപക ഒഴിവുകൾ വർദ്ധിക്കാൻ കാരണമാകുന്ന ഘടകങ്ങൾ എന്തൊക്കെയാണ്; വ്യക്തമാക്കാമോ;

സംസ്ഥാനത്തെ കോളേജ് അധ്യാപക നിയമനങ്ങൾ വൈകുന്നതിന്റെ പ്രധാന കാരണങ്ങൾ എന്തൊക്കെയാണെന്ന് വ്യക്തമാക്കാമോ;

അധ്യാപക ഒഴിവുകൾ നിലനിൽക്കുന്നത് ഉന്നത വിദ്യാഭ്യാസത്തിന്റെ ഗുണനിലവാരത്തെ എങ്ങനെ ബാധിക്കുന്നു; വ്യക്തമാക്കാമോ;

കോളേജ് അധ്യാപക നിയമനവുമായി ബന്ധപ്പെട്ട് നിയമപരവും ഭരണപരവുമായ നടപടിക്രമങ്ങൾ എന്തൊക്കെയാണ്; നിലവിൽ ഈ നടപടികൾ ഏത് ഘട്ടത്തിലാണ് തടസ്സപ്പെട്ടിരിക്കുന്നത് എന്ന് കൂടി വ്യക്തമാക്കാമോ;

സ്ഥിരം നിയമനം വൈകുമ്പോൾ ഗസ്റ്റ്, കോൺട്രാക്ട് അധ്യാപകരെ ആശ്രയിക്കുന്നതിന്റെ ഗുണദോഷങ്ങൾ എന്തൊക്കെയാണ്; വ്യക്തമാക്കാമോ;

കോളേജ് അധ്യാപക നിയമനത്തിൽ സുതാര്യതയും സമയബന്ധിതത്വവും ഉറപ്പാക്കാൻ സർക്കാർ സ്വീകരിക്കേണ്ട നടപടികൾ എന്തൊക്കെയാണ്; വ്യക്തമാക്കാമോ;

കോളേജ് അധ്യാപക നിയമനത്തിലെ വൈകൽ വിദ്യാർത്ഥികളുടെയും വിദ്യാഭ്യാസ സംവിധാനത്തിന്റെയും ഭാവിയെ എങ്ങനെ ബാധിക്കുന്നു; വിശദമാക്കാമോ?

കേരളത്തിലെ സര്‍ക്കാര്‍ കോളേജുകളില്‍ പുതിയ കോഴ്സുകള്‍ അനുവദിക്കുന്നത് പരിഗണനയിലുണ്ടോ;

കോഴിക്കോട് ഗവണ്‍മെന്റ് ആര്‍ട്സ് ആന്റ് സയന്‍സ് കോളേജില്‍ പുതിയ കോഴ്സുകള്‍ അനുവദിക്കുന്ന കാര്യം പരിഗണനയിലുണ്ടോ, എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

അടുത്ത അധ്യയനവർഷം മുതൽ സർക്കാർ കോളേജുകളിൽ ഏതെല്ലാം പുതിയ കോഴ്സുകളാണ് ആരംഭിക്കുവാൻ ഉദ്ദേശിക്കുന്നത്; കോഴ്സുകളുടെ വിവരം കോളേജ് തിരിച്ച് വ്യക്തമാക്കാമോ; ഇതുമായി ബന്ധപ്പെട്ട നടപടികളുടെ വിശദാംശങ്ങൾ നൽകാമോ;

അടുത്ത അധ്യയനവർഷം മുതൽ ഏതെല്ലാം നിയോജക മണ്ഡലങ്ങളിലാണ് പുതിയ സർക്കാർ കോളേജുകൾ ആരംഭിക്കുവാൻ ഉദ്ദേശിക്കുന്നത്; കോളേജുകളുടെയും അവിടെ ആരംഭിക്കുന്ന കോഴ്സുകളുടെ വിവരവും കോളേജ് തിരിച്ച് വ്യക്തമാക്കാമോ; ഇതുമായി ബന്ധപ്പെട്ട നടപടികളുടെ വിശദാംശങ്ങൾ നൽകാമോ?

കിഫ്ബി ധനസഹായത്തോടെ ആവിഷ്കരിച്ച പെരിങ്ങോം ഗവണ്‍മെന്റ് കോളേജ് കെട്ടിട നിര്‍മ്മാണത്തിന്റെ നിലവിലെ അവസ്ഥ എന്താണ് എന്ന് വിശദമാക്കാമോ;

കിഫ്ബിയില്‍ നിന്ന് ധനാനുമതി ലഭിച്ച് മാസങ്ങള്‍ കഴിഞ്ഞിട്ടും നിര്‍മ്മാണ പ്രവൃത്തി ആരംഭിക്കാന്‍ കഴിയാത്തത് ശ്രദ്ധയില്‍ വന്നിട്ടുണ്ടോ; വിശദമാക്കാമോ;

ഈ സര്‍ക്കാരിന്റെ കാലത്ത് തന്നെ നിര്‍മ്മാണം ആരംഭിക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കൊണ്ടോട്ടി ഗവണ്മെന്റ് ആർട്സ് ആൻഡ് സയൻസ് കോളേജിന്റെ വികസന പ്രവർത്തങ്ങൾക്ക് സ്ഥലം ഏറ്റെടുക്കുന്നതിന് തുക അനുവദിച്ച് ഉത്തരവായിട്ടുണ്ടോ; എങ്കിൽ എന്നാണ് ഇതിന്റെ ഭരണാനുമതി ലഭിച്ചതെന്ന് വ്യകത്മാക്കുമോ;

പ്രസ്തുത ഉത്തരവിന്റെ അടിസ്ഥാനത്തിൽ ഭൂമി ഏറ്റെടുക്കുന്ന റവന്യു നടപടികൾക്ക് ഇത് വരെ സ്വീകരിച്ച നടപടിയുടെ വിശദാംശങ്ങൾ ലഭ്യമാക്കുമോ;

ഭൂമി ഏറ്റെടുക്കൽ നടപടി എന്നത്തേക്ക് പൂർത്തീകരിക്കാൻ സാധിക്കുമെന്ന് വ്യക്തമാക്കാമോ?

ചേര്‍ത്തല സെന്റ് മൈക്കിള്‍സ് കോളേജിലെ സെല്‍ഫ് ഫിനാന്‍സ് കോളേജിന്റെ എന്‍. ഒ. സി. പുതുക്കുന്നതുമായി ബന്ധപ്പെട്ട് സര്‍ക്കാരിലേക്ക് സമര്‍പ്പിച്ച അപേക്ഷയില്‍ സ്വീകരിച്ച നടപടി വിശദമാക്കാമോ?

മണലൂര്‍ മണ്ഡലത്തിലെ ശ്രീകൃഷ്ണ കോളേജില്‍ നിലവില്‍ സെല്‍ഫ് ഫിനാന്‍സിംഗ് കോഴ്‌സായ ഫംഗ്ഷണല്‍ ഇംഗ്ലീഷ് കോഴ്‌സിനെ എയ്ഡഡാക്കി മാറ്റാനുള്ള നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കുമോ;

1998 മുതല്‍ പ്രസ്തുത കോളേജിലുള്ള ഫംഗ്ഷണല്‍ ഇംഗ്ലീഷ് കോഴ്സിനൊപ്പം തുടങ്ങിയ ബയോ കെമിസ്ട്രി കോഴ്സിന് അംഗീകാരം ലഭിച്ചെങ്കിലും ഫംഗ്ഷണല്‍ ഇംഗ്ലീഷ് കോഴ്സിന് അംഗീകാരം നല്‍കിയിട്ടില്ലാത്തതിനാല്‍ ആയതിന് അംഗീകാരം നല്‍കാനുള്ള നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

2020 ഓഗസ്റ്റ് മുതൽ 2027 ജനുവരി വരെയുള്ള കാലയളവിൽ റിട്ടയർമെന്റ് വഴിയും മറ്റുവിധത്തിലും അറബിക് കോളേജിയേറ്റ് വിഭാഗത്തിൽ ഉണ്ടായതും ഉണ്ടാകാനിരിക്കുന്നതുമായ ഒഴിവുകളുടെ എണ്ണം, വർഷം, കോളേജ്, തസ്തികകളുടെ പേര് എന്നിവ തിരിച്ചുള്ള വിവരങ്ങൾ ലഭ്യമാക്കാമോ;

സർക്കാർ കോളേജുകളിലെ അറബിക് പിജി, ഡിഗ്രി (പഴയ സ്കീം, പുതിയ സ്കീം (എഫ്. വൈ. യു. ജി. പി), സിംഗിൾ ഫാക്കൽറ്റി ഉൾപ്പെടെയുള്ള) പഠന വകുപ്പുകളിലെ വർക്ക് ലോഡ് കോളേജ് തിരിച്ച് ലഭ്യമാക്കാമോ;

സർക്കാർ കോളേജുകളിലെ അറബിക് പഠന വകുപ്പുകളിൽ നിലവിൽ ജോലി ചെയ്യുന്ന അതിഥി അധ്യാപകരുടെ എണ്ണവും പേരും അവർക്ക് നല്കപ്പെട്ട വർക്ക് ലോഡും കോളേജ് തിരിച്ച് ലഭ്യമാക്കാമോ?

ഉന്നത വിദ്യാഭ്യാസ വകുപ്പിനു കീഴിലുളള വിവിധ സർവകലാശാലകളിൽ അന്താരാഷ്ട്ര വിദ്യാർത്ഥികളായ അപേക്ഷകരുടെ എണ്ണത്തിൽ വർദ്ധനവ് ഉണ്ടായിട്ടുണ്ടോ; എങ്കില്‍ ഈ സർക്കാർ അധികാരത്തിൽ വന്ന ശേഷം അപേക്ഷകരുടെ എണ്ണത്തിലുണ്ടായ വർദ്ധനവിന്റെ വിശദാംശങ്ങൾ ലഭ്യമാക്കാമോ;

അന്താരാഷ്ട്ര നിലവാരത്തിൽ നാലുവർഷ ഡിഗ്രി ആരംഭിച്ചതും, ദേശീയ രാജ്യാന്തര റാങ്കിങ്ങുകളിൽ കേരളത്തിലെ സർവകലാശാലകൾ മികവിലേക്കുയർന്നതും വിദേശ അപേക്ഷകരുടെ വർദ്ധനവിന് കാരണമായിട്ടുണ്ടോ; വർദ്ധനവിനിടയാക്കിയ മറ്റെന്തെല്ലാം ഘടകങ്ങളാണ് ഉളളത്; വിശദാംശങ്ങൾ നൽകാമോ?

സർക്കാർ/എയ്ഡഡ് ബി. എഡ്. കോളേജുകളുടെ അപര്യാപ്‌തത പരിഹരിക്കാൻ സ്വീകരിച്ച നടപടി വ്യക്തമാക്കാമോ;

സർക്കാർ കോളേജുകളിൽ ഐ. റ്റി. ഇ. പി. പ്രോഗ്രാം ആരംഭിക്കുന്നത് സംബന്ധിച്ച് തീരുമാനം എടുത്തിട്ടുണ്ടോ;

ഗവണ്മെന്റ് ആർട്സ് ആൻഡ് സയൻസ് കോളേജ് കൊണ്ടോട്ടിയിൽ നിന്നും ഇത് സംബന്ധിച്ച് താല്പര്യം പ്രകടിപ്പിച്ച് നിവേദനം നല്‍കിയിട്ടുണ്ടോ; നിവേദനത്തിന്മേല്‍ എന്തെങ്കിലും നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ ?

കാസര്‍ഗോഡ് ജില്ലയിലെ ചെറുവത്തൂര്‍ ജൂനിയര്‍ ടെക്നിക്കല്‍ സ്കൂളിലെ കാലപ്പഴക്കം ചെന്ന ആസ്ബറ്റോസ് കെട്ടിടങ്ങള്‍ പൊളിച്ചു മാറ്റി പുതിയ കെട്ടിടങ്ങള്‍ പണിയുന്നതിന് നബാര്‍ഡ് ധനസഹായത്തോടെ അനുവദിച്ച 12 കോടി രൂപ ലാപ്സാകാന്‍ കാരണമെന്തെന്ന് വ്യക്തമാക്കാമോ; ആസ്ബറ്റോസ് കെട്ടിടം വഴി ഗുരുതര ആരോഗ്യപ്രശ്നമുള്ളതിനാല്‍ തുക പുനസ്ഥാപിക്കുവാന്‍ നടപടി സ്വീകരിക്കുമോ?

വട്ടിയൂര്‍ക്കാവ് സെന്‍ട്രല്‍ പോളിടെക്നിക്കിലെ സൗകര്യങ്ങള്‍ കൂടി പ്രയോജനപ്പെടുത്തി തിരുവനന്തപുരം ഗവണ്‍മെന്റ് എഞ്ചിനീയറിംഗ് കോളേജിലോ ബാര്‍ട്ടന്‍ ഹില്‍ ഗവണ്‍മെന്റ് എ‍ഞ്ചിനീയറിംഗ് കോളേജിലോ ടെക്സ്റ്റെെല്‍ ടെക്നോളജിയില്‍ ബി. ടെക്. കോഴ്സ് ആരംഭിക്കുന്ന വിഷയം പരിഗണനയിലുണ്ടോയെന്ന് വ്യക്തമാക്കാമോ;

വട്ടിയൂര്‍ക്കാവ് സെന്‍ട്രല്‍ പോളിടെക്നിക്ക് കോളേജില്‍ പുതുതായി ഏതെങ്കിലും കോഴ്സുകള്‍ ആരംഭിക്കുന്ന വിഷയം പരിഗണനയിലുണ്ടെങ്കില്‍ അത് സംബന്ധിച്ച വിശദാംശം ലഭ്യമാക്കാമോ?

കോട്ടക്കല്‍ കുറ്റിപ്പുറം ടെക്‌നിക്കൽ ഹൈസ്കൂളിന്റെ പുതിയ കെട്ടിടം നിര്‍മ്മാണ പ്രവൃത്തിയുടെ പുതുക്കിയ ഭരണാനുമതിയ്ക്കായി സാങ്കേതിക വിദ്യാഭ്യാസ ഡയറക്ടർ സമർപ്പിച്ച പ്രൊപ്പോസലിന്മേല്‍ സ്വീകരിച്ച നടപടി വിശദമാക്കാമോ;

പ്രസ്തുത പ്രവൃത്തിയുടെ നിലവിലെ പുരോഗതിയും പ്രവൃത്തി എന്നത്തേക്ക് ആരംഭിക്കാന്‍ കഴിയുമെന്നും വിശദമാക്കാമോ?

തീരദേശ മണ്ഡലങ്ങളിൽ സാങ്കേതിക വിദ്യാഭ്യാസ സ്ഥാപനങ്ങൾ അനുവദിക്കുമെന്ന സർക്കാർ പ്രഖ്യാപന പ്രകാരം ഏതൊക്കെ മണ്ഡലങ്ങളിലാണ് പ്രസ്തുത സ്ഥാപനങ്ങൾ സ്ഥാപിച്ചതെന്ന് വ്യക്തമാക്കാമോ;

തീരദേശ മണ്ഡലമായ തിരൂർ നിയോജകമണ്ഡലത്തിൽ സാങ്കേതിക വിദ്യാഭ്യാസ സ്ഥാപനങ്ങൾ സ്ഥാപിക്കുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കാമോ; ഇല്ലെങ്കിൽ അതിനു വേണ്ടി നടപടി സ്വീകരിക്കുമോയെന്ന് അറിയിക്കാമോ?

കുറിച്ചി ടെക്നിക്കല്‍ സ്കൂളിന് സ്വന്തമായി സ്ഥലവും കെട്ടിടവും വാങ്ങുന്നതിന് 10.01.2025-ലെ സ.ഉ.(സാധാ) നം.59/2025/എച്ച്. ഇ. ഡി. എന്‍. പ്രകാരം തുക അനുവദിച്ചതിന് ശേഷം സ്ഥലം ഏറ്റെടുക്കുന്നതിനായി എന്തെല്ലാം നടപടികളാണ് വകുപ്പ് സ്വീകരിച്ചിട്ടുള്ളതെന്ന് വ്യക്തമാക്കുമോ;

സ്ഥലം ഏറ്റെടുക്കല്‍ നടപടികള്‍ ആരംഭിക്കുന്നതിന് കോട്ടയം ജില്ലാ കളക്ടര്‍ നിര്‍ദ്ദേശം നല്‍കിയിട്ടുണ്ടോ എന്ന് വ്യക്തമാക്കുമോ; ഇല്ലെങ്കില്‍ ആയതിനുള്ള കാരണം വ്യക്തമാക്കുമോ?

സംസ്ഥാന ശാസ്ത്ര സാങ്കേതിക മ്യൂസിയത്തിൽ 2025 നവംബർ മാസം നടപ്പാക്കിയ എല്ലാം പ്രൊമോഷനുകളും സർവ്വീസ് ചട്ടങ്ങളിലെ മാനദണ്ഡങ്ങളും യോഗ്യതകളും പാലിച്ചുകൊണ്ടാണോ നടത്തിയിരിക്കുന്നത്; ഓരോ ജീവനക്കാർക്കും നൽകിയിരിക്കുന്ന സ്ഥാനക്കയറ്റങ്ങൾ ഏത് തസ്തിക/അടിസ്ഥാന ശമ്പളത്തിൽ നിന്നും ഏത് തസ്തിക/ അടിസ്ഥാന ശമ്പളത്തിലേക്കാണെന്ന് വ്യക്തമാക്കുമോ;

പ്രസ്തുത സ്ഥാപനത്തിലെ 05.10.2021-ലെ സ. ഉ. (കൈ) 418/2021 നമ്പർ ഉത്തരവിലെ പ്രമോഷനുമായി ബന്ധപ്പെട്ട് പാലിക്കപ്പെട്ട നിബന്ധനകൾ എല്ലാം ഇപ്പോൾ നടപ്പാക്കിയ പ്രമോഷനുകളിലും പാലിക്കപ്പെട്ടിട്ടുണ്ടോ; വിശദമാക്കുമോ;

സർവ്വീസ് ചട്ടങ്ങളും സർക്കാർ ഉത്തരവുകളും പ്രകാരം പ്രസ്തുത സ്ഥാപനത്തിൽ ഏതെങ്കിലും തസ്തികകളിലേക്കുള്ള ഒഴിവുകൾ ഡെപ്യുട്ടേഷൻ നിയമനം വഴി നികത്താൻ വ്യവസ്ഥ ചെയ്തിട്ടുണ്ടോ; അപ്രകാരമുള്ള തസ്തികയിലേക്കുള്ള ഒഴിവ് ഇന്റേണൽ സെലക്ഷൻ വഴി നികത്തിയിട്ടുണ്ടോ; ഉണ്ടെങ്കിൽ ഏതെല്ലാം തസ്തികകളിൽ എന്ന് വിശദമാക്കുമോ;

പ്രസ്തുത സ്ഥാപനത്തിൽ നിലവിലെ സർവ്വീസ് ചട്ടങ്ങൾ ഭേദഗതി ചെയ്യുന്ന നടപടികൾ ഏത് ഘട്ടത്തിലാണെന്നു അറിയിക്കുമോ; ആയതുമായി ബന്ധപ്പെട്ട് തുക എന്തെങ്കിലും ചെലവഴിച്ചിട്ടുണ്ടോ; ഉണ്ടെങ്കിൽ വിശാദംശം ലഭ്യമാക്കുമോ;

പതിനാല് വർഷത്തിൽ ഏറെയായി ഹയർ ഗ്രേഡോ, പ്രമോഷനോ ലഭിക്കാത്ത എത്ര ജീവനക്കാർ സ്ഥാപനത്തിൽ ജോലി ചെയ്യുന്നുണ്ടെന്ന് തസ്തിക തിരിച്ചു ലഭ്യമാക്കുമോ; ഉണ്ടെങ്കിൽ അവർക്ക് പ്രമോഷനോ ഹയർ ഗ്രേഡോ അനുവദിക്കാത്തതിന്റെ കാരണം അറിയിക്കുമോ?

മറ്റ് സംസ്ഥാനങ്ങളിലെ യൂണിവേഴ്സിറ്റികളിൽ നിന്നും പൂർത്തീകരിക്കുന്ന പി. എച്ച്. ഡി, എം. ഫിൽ കോഴ്സുകൾക്ക് കേരളത്തിലെ യൂണിവേഴ്സിറ്റികളിൽ നിന്നും ഇക്വലൻസി സർട്ടിഫിക്കറ്റ് നൽകുന്നുണ്ടോ; എങ്കിൽ ഇവ നൽകുന്നതിന് ബന്ധപ്പെട്ട വ്യക്തി നേടിയ സർട്ടിഫിക്കറ്റുകൾക്ക് പുറമേ എന്തെല്ലാം സർട്ടിഫിക്കറ്റുകളാണ് ആവശ്യപ്പെടുന്നതെന്ന് കേരള, കാലിക്കറ്റ്, മഹാത്മാ ഗാന്ധി, കണ്ണൂർ യൂണിവേഴ്സിറ്റികൾ തിരിച്ച് വിശദമാക്കാമോ;

വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾക്ക് പുറമേ ആവശ്യപ്പെടുന്ന സർട്ടിഫിക്കറ്റുകൾക്ക് പ്രത്യേക മാതൃകകൾ ഉണ്ടോ; എങ്കില്‍ കേരളത്തിലെ യൂണിവേഴ്സിറ്റികൾ ആവശ്യപ്പെടുന്ന ഇവയുടെ മാതൃകകൾ ഇനം തിരിച്ചും വിശദമാക്കാമോ;

ഇത്തരം കോഴ്സുകളുടെ തുല്യത സർട്ടിഫിക്കറ്റുകൾ നൽകുന്നതിന് വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾക്ക് പുറമേ ആവശ്യപ്പെടുന്ന സർട്ടിഫിക്കറ്റുകൾക്ക് ഏകീകൃത സ്വഭാവമില്ലാത്തതും ഈ സർട്ടിഫിക്കറ്റുകൾ കോഴ്സ് പൂർത്തീകരിക്കുന്ന സർവ്വകലാശാലകളിൽ ലഭ്യമാക്കുന്നതിൽ വരുന്ന കാലതാമസവും പ്രയാസവും കാരണം വിദ്യാർത്ഥികൾക്കുണ്ടാകുന്ന ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കേരളത്തിന് പുറത്തുള്ള സെൻട്രൽ യൂണിവേഴ്സിറ്റി, സ്റ്റേറ്റ് യൂണിവേഴ്സിറ്റി അടക്കമുള്ള സർവ്വകലാശാലകളിൽനിന്നും നേടുന്ന വിവിധ കോഴ്സുകൾക്ക് ഇക്വലൻസി സർട്ടിഫിക്കറ്റുകൾ നൽകുന്നതിന് പൊതു മാനദണ്ഡം കേരളത്തിലെ വിവിധ യൂണിവേഴ്സിറ്റികളിൽ ഇല്ലാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

ഉന്നത വിദ്യാഭ്യാസ വകുപ്പിന് കീഴിലുള്ള സർവ്വകലാശാലകളിൽ നിന്നും കോളേജുകളിൽ നിന്നും ദേശീയപാത വികസനത്തിന് സ്ഥലം ഏറ്റെടുത്തിട്ടുണ്ടോ; എങ്കില്‍ സ്ഥലത്തിന്റെ അളവ് എത്രയാണെന്ന് സ്ഥാപനം തിരിച്ച് അറിയിക്കാമോ;

കാലിക്കറ്റ് സർവ്വകലാശാലയുടെ ആസ്ഥാനത്തും അതിന് കീഴിലുള്ള മറ്റ് സ്ഥാപനങ്ങളിൽ നിന്നും എത്ര ഭൂമി ദേശീയപാത വികസനത്തിന് ഏറ്റെടുത്തിട്ടുണ്ടെന്ന് സ്ഥാപനം തിരിച്ച് അറിയിക്കാമോ;

ഉന്നത വിദ്യാഭ്യാസ വകുപ്പിന് കീഴിലുള്ള സർവ്വകലാശാലകളിൽ നിന്നും കോളേജുകളിൽ നിന്നും ദേശീയപാത വികസനത്തിന് സ്ഥലം ഏറ്റെടുത്ത ഇനത്തിലുള്ള ഭൂമിയുടെയും കെട്ടിടത്തിന്റെയും വിലയും മറ്റിനത്തിലുള്ള നഷ്ടപരിഹാരവും എത്രയാണെന്ന് സ്ഥാപനം തിരിച്ച് അറിയിക്കാമോ; പ്രസ്തുത തുകയില്‍നിന്നും എത്ര തുക ഭൂമിയും കെട്ടിടവും നഷ്ടപ്പെട്ട സ്ഥാപനങ്ങളുടെ പുനർ നിർമ്മിതിക്കും വികസനത്തിനും ഉപയോഗിച്ചിട്ടുണ്ടെന്ന് സ്ഥാപനം തിരിച്ച് അറിയിക്കാമോ;

കാലിക്കറ്റ് സർവ്വകലാശാലയുടെ ആസ്ഥാനത്തും അതിന് കീഴിലുള്ള മറ്റ് സ്ഥാപനങ്ങളിൽ നിന്നും ദേശീയപാത വികസനത്തിന് സ്ഥലം ഏറ്റെടുത്ത ഇനത്തിലുള്ള ഭൂമിയുടെയും കെട്ടിടത്തിന്റെയും വിലയും മറ്റിനത്തിലുള്ള നഷ്ടപരിഹാരവും എത്രയാണെന്ന് സ്ഥാപനം തിരിച്ച് അറിയിക്കാമോ; പ്രസ്തുത തുകയില്‍നിന്നും എത്ര തുക ഭൂമിയും കെട്ടിടവും നഷ്ടപ്പെട്ട സ്ഥാപനങ്ങളുടെ പുനർ നിർമ്മിതിക്കും വികസനത്തിനും ഉപയോഗിച്ചിട്ടുണ്ടെന്ന് സ്ഥാപനം തിരിച്ച് അറിയിക്കാമോ?

അണ്ണാമലൈ യൂണിവേഴ്സിറ്റിയുടെ വിദൂര വിദ്യാഭ്യാസ കോഴ്‌സുകളുടെ അംഗീകാരം ലഭ്യമാക്കുന്നതുമായി ബന്ധപ്പെട്ട് കേരളത്തിലെ വിദ്യാര്‍ത്ഥികൾ സമര്‍പ്പിച്ച ഹർജിയിൽ ബഹു. സുപ്രീം കോടതി 2026-ൽ ഉത്തരവ് പുറപ്പെടുവിച്ചിട്ടുണ്ടോയെന്ന് വ്യക്തമാക്കാമോ;

എങ്കിൽ ഉത്തരവിൽ പറയുന്ന കാര്യങ്ങൾ വിശദമാക്കാമോ; പ്രസ്തുത ഉത്തരവിന്റെ പകര്‍പ്പ് ലഭ്യമാക്കാമോ?

ഉന്നത വിദ്യാഭ്യാസ വകുപ്പിന് കീഴിലുള്ള കോളേജുകളിലെ അസിസ്റ്റൻറ് പ്രൊഫസർ തസ്തികകളിലേക്കുള്ള റാങ്ക് ലിസ്റ്റുകളിൽ, ഒന്നാം റാങ്കുകാർക്ക് പോലും നിയമനം നൽകാതെ കാലാവധി അവസാനിക്കുകയോ നിലനില്‍ക്കുന്നതോ ആയ റാങ്ക് ലിസ്റ്റുകൾ ഏതെല്ലാമാണെന്ന് വിശദമാക്കുമോ?

2021 ഒക്ടോബർ 1-ന് ചേർന്ന സംസ്കൃത സർവ്വകലാശാല സിൻഡിക്കേറ്റ് യോഗത്തിൽ ചലച്ചിത്ര നടി ശോഭന, മുൻ വൈസ് ചാൻസലർ ഡോ. എൻ. പി. ഉണ്ണി, സംഗീതജ്ഞൻ ടി. എം. കൃഷ്ണ എന്നിവർക്ക് ഡി. ലിറ്റ് നൽകാൻ തീരുമാനിച്ചിരുന്നോ;

എങ്കില്‍ തീരുമാനമെടുത്ത് നാളുകളേറെയായിട്ടും ഇവര്‍ക്ക് ഡി. ലിറ്റ് നല്‍കാന്‍ കഴിയാത്ത സാഹചര്യമുണ്ടോ; വ്യക്തമാക്കുമോ;

സർവ്വകലാശാല നേരിടുന്ന സാമ്പത്തിക പ്രതിസന്ധിയാണോ ഡി. ലിറ്റ് നല്‍കാന്‍ കഴിയാത്തതിന് കാരണമെന്ന് വ്യക്തമാക്കാമോ; എങ്കിൽ സാമ്പത്തിക പ്രതിസന്ധിക്കിടയിലും ഡി.ലിറ്റ് നൽകാൻ തീരുമാനിക്കുന്നതിനും അത് പ്രഖ്യാപിക്കുന്നതിനും ഇടയായ സാഹചര്യങ്ങൾ എന്തെല്ലാമാണെന്ന് വ്യക്തമാക്കാമോ;

ഡി. ലിറ്റ് നൽകുന്നതിനായി സർവ്വകലാശാലക്ക് ഉണ്ടാകുന്ന ചെലവുകളുടെ ഇനം തിരിച്ചുള്ള വിശദാംശം ലഭ്യമാക്കാമോ;

സർവ്വകലാശാല നിലവിൽ കടബാധ്യതയിലാണോ പ്രവർത്തിക്കുന്നത്; എങ്കിൽ സർവ്വകലാശാലയുടെ നിലവിലെ ആകെ കടബാധ്യത എത്ര രൂപയാണെന്ന് വ്യക്തമാക്കാമോ;

ഏതൊക്കെ ഈടുകളുടെ അടിസ്ഥാനത്തില്‍ ഏതൊക്കെ സ്ഥാപനങ്ങളിൽ നിന്നാണ് സർവ്വകലാശാല കടമെടുത്തിട്ടുള്ളതെന്നതിന്റെ വിശദാംശം ലഭ്യമാക്കാമോ?

2018-ന് ശേഷം കേരളത്തിന് പുറത്തുള്ള യൂണിവേഴ്‌സിറ്റികളിൽ നിന്നും വിദൂര വിദ്യാഭ്യാസം മുഖേന നേടിയ പോസ്റ്റ് ഗ്രാജുവേറ്റ്, അണ്ടര്‍ ഗ്രാജുവേറ്റ് കോഴ്‌സുകൾക്ക് കേരളത്തിൽ അംഗീകാരംമുണ്ടോ; വിശദമാക്കാമോ;

തമിഴ്നാട്ടിലെ അണ്ണാമലൈ, മധുര കാമരാജ്, മനോന്മണീയം സുന്ദര നാടാർ (എം. എസ്.), പോണ്ടിച്ചേരി, മദ്രാസ്, ഭാരതിയാർ, ഭാരതിദാസൻ എന്നീ യൂണിവേഴ്‌സിറ്റികളുടെയും തിരുപ്പതി ശ്രീ. വെങ്കടേശ്വര, ആന്ധ്രാ പ്രദേശിലെ ദ്രവീഡിയൻ എന്നീ യൂണിവേഴ്‌സിറ്റികളുടെയും പോസ്റ്റ് ഗ്രാജുവേറ്റ് കോഴ്‌സുകൾക്ക് സംസ്ഥാനത്ത് ജോലിക്കും തുടർ പഠനത്തിനും അംഗീകാരം നൽകുന്നുണ്ടോ; എങ്കില്‍ ഇവക്ക് ഏതെല്ലാം യൂണിവേഴ്‌സിറ്റികളാണ് ഇക്വലന്‍സി സർട്ടിഫിക്കറ്റ് നൽകുന്നത്; ഇക്വലൻസി നൽകുന്ന കോഴ്‌സുകളും യൂണിവേഴ്‌സിറ്റികളും ഇനം തിരിച്ച് വിശദമാക്കാമോ;

ഇതര യൂണിവേഴ്‌സിറ്റികൾ നടത്തുന്ന ഓൺലൈൻ കോഴ്‌സുകൾക്ക് കേരളത്തിൽ ജോലിക്കും തുടർ പഠനത്തിനും അംഗീകാരം നൽകുന്നുണ്ടോ; ഇക്വലൻസി നൽകുന്ന കോഴ്‌സുകളും, യൂണിവേഴ്‌സിറ്റികളും ഇനം തിരിച്ചു വിശദമാക്കാമോ;

ആന്ധ്രപ്രദേശ് ദ്രവീഡിയൻ യൂണിവേഴ്‌സിറ്റിയുടെ പാർട്ട് ടൈം എം.ഫില്‍ കോഴ്‌സുകൾക്ക് കേരളത്തിൽ ജോലിക്കും തുടർ പഠനത്തിനും അംഗീകാരം നൽകുന്നുണ്ടോ; എങ്കില്‍ ഇക്വലൻസി നൽകുന്ന യൂണിവേഴ്‌സിറ്റികൾ ഇനം തിരിച്ച് വിശദമാക്കാമോ;

തമിഴ് നാട്ടിലെ ഭാരതിദാസൻ, ഭാരതിയാർ, വേൽസ്(പ്രൈവറ്റ്), ഉത്തര്‍ പ്രദേശിലെ വാരനാസി മഹാത്മാഗാന്ധി കാശി വിദ്യപീത് (എം. ജി. കെ. വി. പി. സ്റ്റേറ്റ് യൂണിവേഴ്‌സിറ്റി) എന്നീ യൂണിവേഴ്‌സിറ്റികളുടെ പാർട്ട് ടൈം പി.എച്ച്.ഡി. കോഴ്‌സുകൾക്ക് കേരളത്തിൽ ജോലിക്കും തുടർ പഠനത്തിനും അംഗീകാരം നൽകുന്നുണ്ടോ; എങ്കില്‍ ഇക്വലൻസി നൽകുന്ന യൂണിവേഴ്‌സിറ്റികളുടെ വിവരങ്ങൾ ഇനം തിരിച്ചു വിശദമാക്കാമോ?

വയനാട്ടിലെ ട്രൈബൽ യൂണിവേഴ്സിറ്റി പദ്ധതിയുടെ നിലവിലെ അവസ്ഥ എന്താണെന്ന് വ്യക്തമാക്കാമോ;

പ്രസ്തുത സർവ്വകലാശാലയ്ക്കായി എത്ര ഏക്കർ ഭൂമി മാറ്റിവെച്ചിട്ടുണ്ട്;

യൂണിവേഴ്സിറ്റിയുടെ ഭരണപരമായ പ്രവർത്തനങ്ങൾക്കും അടിസ്ഥാന സൗകര്യ വികസനത്തിനുമായി ഇതുവരെ എത്ര തുക അനുവദിച്ചിട്ടുണ്ട്; ഇതിൽ എത്ര തുക ചെലവഴിച്ചു; വ്യക്തമാക്കാമോ;

ഗോത്രവർഗ്ഗ സംസ്കാരം, ഭാഷ, പൈതൃകം എന്നിവയുടെ സംരക്ഷണത്തിനും ഗവേഷണത്തിനുമായി പ്രത്യേക വിഭാഗങ്ങൾ ഈ സർവ്വകലാശാലയിൽ വിഭാവനം ചെയ്യുന്നുണ്ടോ; എങ്കിൽ അവ ഏതെല്ലാമാണെന്ന് അറിയിക്കാമോ?

കാലിക്കറ്റ് സർവകലാശാലയിൽ ഹൈപ്പർ കൺവെർജ്ഡ് ഇൻഫ്രാസ്ട്രക്ചർ സെർവർ (ഹൈപ്പർ കൺവെർജ്ഡ് ഇൻഫ്രാസ്ട്രക്ചർ ബേസ്ഡ് വിര്‍ച്വലൈസേഷന്‍ ആന്‍ഡ് പ്രൈവറ്റ് ക്ലൗഡ് സിസ്റ്റം) സ്ഥാപിച്ചതുമായി ബന്ധപ്പെട്ട് ആയതിന്റെ പ്രൊപ്പോസൽ, സ്പെസിഫിക്കേഷൻ, ടേംസ് & കണ്ടീഷൻസ് എന്നിവ നൽകിയ ഉദ്യോഗസ്ഥന്റെ പേര്, തസ്തിക, നിലവിലെ തസ്തിക എന്നിവ ലഭ്യമാക്കാമോ; പ്രസ്തുത പ്രൊപ്പോസൽ, സ്പെസിഫിക്കേഷൻ, ടേംസ് & കണ്ടീഷൻസ് എന്നിവയുടെ പകർപ്പുകൾ ലഭ്യമാക്കാമോ;

കാലിക്കറ്റ് സർവ്വകലാശാലയിൽ പ്രസ്തുത സെർവർ വാങ്ങാനുള്ള സാഹചര്യം എന്തായിരുന്നു; ആയതിന്റെ എസ്റ്റിമേറ്റ് തുക എത്രയായിരുന്നു; വ്യക്തമാക്കാമോ;

ഹൈപ്പർ കൺവെർജൻസ് ഇൻഫ്രാസ്ട്രക്ചർ സെർവർ വാങ്ങുന്നതിനായുള്ള ശിപാർശകൾ സമർപ്പിച്ച ടെക്നിക്കൽ കമ്മിറ്റിയിലെ അംഗങ്ങൾ ആരെല്ലാമായിരുന്നു; പ്രസ്തുത ടെക്നിക്കൽ കമ്മിറ്റിയുടെ കൺവീനർ ആയി പ്രവർത്തിച്ച ഉദ്യോഗസ്ഥന്റെ പേര്, തസ്തിക, നിലവിലെ തസ്തിക എന്നിവ ലഭ്യമാക്കാമോ;

ടെൻഡർ പ്രകാരം ഹൈപ്പർ കൺവെർജൻസ് ഇൻഫ്രാസ്ട്രക്ചർ സംവിധാനത്തിന് എത്ര വർഷത്തെ വാറണ്ടി, വാർഷിക പരിപാലന കരാർ എന്നിവ ബിഡർ നൽകേണ്ടതായിട്ടുണ്ടായിരുന്നു; ആയത് ബിഡർ നൽകിയിട്ടുണ്ടോയെന്ന്‌ വ്യക്തമാക്കാമോ;

പ്രസ്തുത സംവിധാനം ഇൻസ്റ്റാൾ ചെയ്ത കമ്പനി വാറണ്ടി പീരീഡിൽ ശരിയായ പരിപാലനം നടത്തിയിട്ടുണ്ടോ; സപ്ലയർ വാറണ്ടി പീരിയഡിൽ ശരിയായ പരിപാലനം നടത്തിയിട്ടില്ലായെന്ന് സർവകലാശാലയിലെ ഏതെങ്കിലും ഉദ്യോഗസ്ഥർ റിപ്പോർട്ട് ചെയ്തിട്ടുണ്ടായിരുന്നുവോയെന്ന് വ്യക്തമാക്കാമോ; എങ്കിൽ പ്രസ്തുത റിപ്പോർട്ടിന്റെ പകർപ്പ് നൽകാമോ; റിപ്പോർട്ടിന്മേൽ സർവകലാശാല സ്വീകരിച്ച നടപടികളുടെ വിശദാംശങ്ങളും നടപടികൾ ഒന്നും സ്വീകരിച്ചിട്ടില്ല എങ്കിൽ ആയതിന്റെ കാരണവും വ്യക്തമാക്കാമോ;

ഹൈപ്പർ കൺവെർജൻസ് ഇൻഫ്രാസ്ട്രക്ചർ സംവിധാനം വാങ്ങുന്നതുമായി ബന്ധപ്പെട്ട് ഏതെങ്കിലും സിൻഡിക്കേറ്റ് മെമ്പർമാർ ഡിസെന്റ് നോട്ട് നൽകിയിട്ടുണ്ടായിരുന്നുവോയെന്ന് വ്യക്തമാക്കാമോ; എങ്കിൽ സിൻഡിക്കേറ്റ് യോഗത്തിൽ സമർപ്പിച്ച പ്രസ്തുത ഡിസെന്റ് നോട്ടിന്റെ പകർപ്പ് ലഭ്യമാക്കാമോ;

ഹൈപ്പർ കൺവെർജൻസ് ഇൻഫ്രാസ്ട്രക്ചർ സംവിധാനം വാങ്ങുന്നത് സർവകലാശാല ഫണ്ട് ദുരുപയോഗത്തിനും അഴിമതിക്കും കാരണമാകുമെന്ന പ്രസ്തുത സിൻഡിക്കേറ്റ് മെമ്പറുടെ ഡിസെന്റ് നോട്ടിലെ പരാമർശങ്ങളിന്മേല്‍ സർവ്വകലാശാല എന്തെങ്കിലും തരത്തിലുള്ള അന്വേഷണമോ നടപടിയോ കൈക്കൊണ്ടിട്ടുണ്ടോയെന്ന് വിശദമാക്കാമോ?

'അസാപ് കണക്ട്' പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; വിദ്യാര്‍ത്ഥികളുടെ തൊഴില്‍ ക്ഷമത വര്‍ദ്ധിപ്പിക്കുന്നതിനായി പ്രസ്തുത പദ്ധതിക്ക് എത്രത്തോളം കഴിഞ്ഞിട്ടുണ്ടെന്ന് വ്യക്തമാക്കാമോ;

ക്ലാസ് മുറികളിലെ പഠനത്തിനു പുറമേ വ്യവസായ മേഖലയ്ക്ക് ആവശ്യമുള്ള പ്രായോഗിക അറിവുകള്‍ വിദ്യാര്‍ത്ഥികളിലേക്ക് എത്തിക്കുന്നതിന് പ്രസ്തുത പദ്ധതി വഴി സാധിച്ചിട്ടുണ്ടോയെന്ന് വിശദമാക്കാമോ;

പ്രസ്തുത പദ്ധതിയുടെ ലക്ഷ്യം നേടുന്നതിന്റെ ഭാഗമായി നടത്തിയ പ്രധാന പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് 2016 മുതൽ നാളിതുവരെ സാമൂഹ്യക്ഷേമ വകുപ്പിന്റെ കീഴിലുള്ള വിവിധ പദ്ധതികളിൽ അഴിമതിയും ക്രമക്കേടുകളും നടന്നതായി കണ്ടെത്തിയിട്ടുണ്ടോ; എങ്കിൽ ഏതൊക്കെ പദ്ധതികളിൽ എന്തെല്ലാം അഴിമതി നടന്നതായാണ് കണ്ടെത്തിയതെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം വയോജന സംരക്ഷണത്തിനും ക്ഷേമത്തിനുമായി അരുവിക്കര മണ്ഡലത്തില്‍ നടപ്പിലാക്കിയ പദ്ധതികൾ എന്തെല്ലാം; അവയുടെ ഫണ്ട് വിവരം, നിലവിലെ സ്ഥിതി എന്നിവ സംബന്ധിച്ച വിവരങ്ങൾ അറിയിക്കുമോ?

കിടപ്പിലായ രോഗികളെ പരിചരിക്കുന്നവർക്ക് ധനസഹായം നൽകുന്ന ആശ്വാസകിരണം പദ്ധതിയിൽ നാല് വർഷത്തിലധികമായി ലഭിച്ച അപേക്ഷകളിൽ തീർപ്പു കല്പിച്ചിട്ടില്ലെന്ന കാര്യം ശ്രദ്ധയിൽപെട്ടിട്ടുണ്ടോ; കാരണം വ്യക്തമാക്കാമോ;

ഒരു വർഷത്തിലധികമായി ധന സഹായം ലഭിക്കാത്തതു മൂലം രോഗികൾക്കും അവരെ പരിചരിക്കുന്നവർക്കും ഉണ്ടായിട്ടുള്ള പ്രയാസങ്ങൾ പരിഹരിച്ച് അടിയന്തരമായി കുടിശ്ശിക വിതരണം ചെയ്യുമോ; വിശദമാക്കുമോ;

പ്രസ്തുത പദ്ധതിയിന്മേൽ മാസത്തിൽ അനുവദിക്കുന്ന തുക നാമമാത്രമായതിനാൽ വർധിപ്പിക്കുവാൻ നടപടി സ്വീകരിക്കുമോ ?

ഭിന്നശേഷി വിദ്യാര്‍ത്ഥികള്‍ക്കുള്ള വിദ്യാജ്യോതി പദ്ധതിയിലൂടെ എത്ര രൂപയാണ് വിദ്യാര്‍ത്ഥികള്‍ക്ക് സാമ്പത്തിക സഹായമായി നല്‍കിവരുന്നതെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നതിനുശേഷം കടുത്തുരുത്തി നിയോജക മണ്ഡലത്തിൽ സാമൂഹ്യനീതി വകുപ്പ് നടപ്പിലാക്കിയ പദ്ധതികൾ ഏതെല്ലാമാണെന്ന് പഞ്ചായത്ത് തിരിച്ച് വിശദമാക്കാമോ;

ഈ പദ്ധതികളുടെ നിലവിലെ പുരോഗതിയും ഇതിനായി അനുവദിച്ച തുകയുടെ വിവരങ്ങളും ലഭ്യമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്നശേഷം ഭിന്നശേഷി കുട്ടികളുടെ ഉന്നമനത്തിനായി നടപ്പിലാക്കിയ പദ്ധതികള്‍ വിശദമാക്കാമോ;

സര്‍വ്വ ശിക്ഷ കേരളം പദ്ധതിയിൽ ഭിന്നശേഷി വിദ്യാര്‍ത്ഥികളുടെ ഉന്നമനത്തിന് വേണ്ടി നിയമിച്ച താത്കാലിക അധ്യാപകരെ സ്ഥിരപ്പെടുത്തുന്നത് പരിഗണനയിലുണ്ടോ; വിശദമാക്കാമോ?

നിലവിലെ സര്‍ക്കാര്‍ കാലയളവിൽ മലപ്പുറം നിയോജക മണ്ഡലത്തിൽ സാമൂഹ്യനീതി വകുപ്പ് നടപ്പിലാക്കുന്ന വിവിധ പദ്ധതികളുടെയും സാമൂഹ്യക്ഷേമ പ്രവര്‍ത്തനങ്ങളുടെയും വിശദവിവരം ലഭ്യമാക്കുമോ;

ഇതിൽ ഭിന്നശേഷിക്കാരുടെ പുരോഗതിക്കായി മാത്രം എന്തെല്ലാം പദ്ധതികളാണ് ആവിഷ്കരിച്ച് നടപ്പാക്കുന്നതെന്ന് വിശദമാക്കാമോ;

കഴിഞ്ഞ ബജറ്റിൽ (2025-26) അനുവദിച്ച ഏതെങ്കിലും പദ്ധതികൾ ഇനിയും പൂർത്തീകരിക്കുവാൻ ഉണ്ടോയെന്നും പുതിയ ഏതെങ്കിലും പദ്ധതികൾ മണ്ഡലത്തിൽ നടപ്പിലാക്കാന്‍ ഉദ്ദേശിക്കുന്നുണ്ടോയെന്നും വിശദമാക്കാമോ?

സംസ്ഥാനത്ത് നവജാത ശിശുക്കള്‍ക്കും അഞ്ചു വയസ്സില്‍ താഴെയുള്ള കുട്ടികള്‍ക്കും കേള്‍വി വൈകല്യം നേരത്തെ കണ്ടെത്തി തടയുന്നതിന്റെ ഭാഗമായി സൗജന്യമായി കേള്‍വി പരിശോധനയും ആവശ്യമായ ചികിത്സയും ലഭ്യമാക്കുന്ന പദ്ധതി ആവിഷ്കരിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ;

കേള്‍വി പ്രശ്നമുള്ള കുട്ടികളില്‍ വിദഗ്ദ്ധ പരിശോധനയിലൂടെ കേള്‍വി വൈകല്യം സ്ഥിരീകരിക്കുന്നതിനായുള്ള സംവിധാനം നിലവിലുണ്ടോ; വിശദമാക്കാമോ;

കേള്‍വി വൈകല്യം സ്ഥിരീകരിക്കുന്ന കുട്ടികള്‍ക്ക് തെറാപ്പികള്‍, ശ്രവണ ഉപകരണങ്ങള്‍, കോക്ലിയാര്‍ ഇംപ്ലാന്റേഷന്‍, തുടര്‍ചികിത്സ എന്നിവ നല്‍കുന്നതിനുള്ള സംവിധാനമുണ്ടോ; വിശദാംശം നല്‍കാമോ?

ഈ സർക്കാരിന്റെ കാലത്ത് മഞ്ചേശ്വരം നിയോജക മണ്ഡലത്തിൽ സാമൂഹ്യ നീതി വകുപ്പ് നടപ്പാക്കിയതും തുടരുന്നതുമായ വിവിധ പദ്ധതികളുടെയും പരിപാടികളുടെയും വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികൾക്ക് അനുവദിച്ച തുക, നിർവ്വഹണ ഏജൻസി, പദ്ധതിയുടെ നിലവിലെ നിർവ്വഹണ പുരോഗതി എന്നിവ സംബന്ധിച്ച വിവരം ലഭ്യമാക്കുമോ?

വയോമിത്രം പദ്ധതിയിലൂടെ നല്‍കുന്ന സേവനങ്ങള്‍ എന്തെല്ലാമാണെന്ന് വ്യക്തമാക്കാമോ?

നെഫ്രോട്ടിക് സിന്‍ഡ്രമുള്ള കുട്ടികള്‍ക്ക് നിലവില്‍ യുണീക്ക് ഡിസെബിലിറ്റി ഐ.ഡി. കാര്‍ഡ് ലഭിക്കുന്നില്ലായെന്നും അതു കാരണം ഇത്തരത്തിലുള്ള കുട്ടികള്‍ക്ക് യാതൊരു വിധ ആനുകൂല്യവും കിട്ടുന്നില്ലായെന്ന വിവരവും ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

യുണീക്ക് ഡിസെബിലിറ്റി ഐ.ഡി. കാര്‍ഡ് ലഭ്യമാക്കാന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ?

ഭിന്നശേഷി വിഭാഗങ്ങള്‍ക്ക് അന്‍പ് വീട് പദ്ധതി നടപ്പിലാക്കാന്‍ തീരുമാനിച്ചിട്ടുണ്ടോ; എങ്കില്‍‍ വിശദാംശം ലഭ്യമാക്കാമോ;

പ്രസ്തുത പദ്ധതിക്കുളള ഫണ്ട് നല്‍കുന്നതിന് തീരുമാനിച്ചിട്ടുണ്ടോ; വ്യക്തമാക്കുമോ?

കാട്ടാക്കട പഞ്ചായത്തില്‍ ഭിന്നശേഷി പുനരധിവാസ ഗ്രാമം പദ്ധതി ആരംഭിക്കുന്നതിനുള്ള നടപടികളുടെ നിലവിലെ സ്ഥിതിയും തുടര്‍ നടപടികളും വിശദമാക്കാമോ; പദ്ധതി സമയബന്ധിതമായി നടപ്പിലാക്കുന്നതിനുള്ള നടപടി സ്വീകരിക്കുമോ?

ഭിന്നശേഷിക്കാര്‍ക്കായി എന്തെല്ലാം ക്ഷേമപദ്ധതികളാണ് സര്‍ക്കാര്‍ നിലവിൽ നടപ്പിലാക്കി വരുന്നത്; വ്യക്തമാക്കാമോ?

സംസ്ഥാനത്ത് ഭിന്നശേഷിക്കാരായ വ്യക്തികളുടെ സാമൂഹ്യ സാമ്പത്തിക പുരോഗതിക്കായി കേരള സംസ്ഥാന ഭിന്നശേഷി ക്ഷേമ കോർപ്പറേഷൻ മുഖേന നിലവിൽ നടപ്പിലാക്കിവരുന്ന വിവിധ പദ്ധതികള്‍ എന്തെല്ലാമെന്ന് വിശദമാക്കാമോ;

ഭിന്നശേഷിക്കാരായ വ്യക്തികൾക്ക് സ്വയംതൊഴിൽ, സംരംഭകത്വം, നൈപുണ്യ വികസനം എന്നിവ പ്രോത്സാഹിപ്പിക്കുന്നതിനായി കോർപ്പറേഷൻ മുഖേന ധനസഹായ പരിശീലന പദ്ധതികള്‍ നടപ്പിലാക്കുന്നുണ്ടോ; വിശദമാക്കാമോ;

വിദ്യാഭ്യാസം, പുനരധിവാസം, ആരോഗ്യപരിചരണം തുടങ്ങിയ മേഖലകളിൽ ഭിന്നശേഷിക്കാരായ വ്യക്തികൾക്ക് കൂടുതൽ സൗകര്യങ്ങൾ ഒരുക്കുന്നതിനായി കോർപ്പറേഷൻ സ്വീകരിച്ചിരിക്കുന്ന പ്രത്യേക പദ്ധതികളും അടിസ്ഥാനസൗകര്യ വികസന പ്രവർത്തനങ്ങളും എന്തെല്ലാമാണെന്ന് വിശദമാക്കുമോ;

സംസ്ഥാനത്തെ എല്ലാ ജില്ലകളിലും ഭിന്നശേഷിക്കാരായ വ്യക്തികൾക്ക് തുല്യ അവസരങ്ങളും സേവനലഭ്യതയും ഉറപ്പാക്കുന്നതിനായി കേരള സംസ്ഥാന ഭിന്നശേഷി ക്ഷേമ കോർപ്പറേഷൻ നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്ത് ഹോര്‍ട്ടികള്‍ച്ചറല്‍ തെറാപ്പിയിലൂടെ ഭിന്നശേഷി പരിപാലനവുമായി ബന്ധപ്പെട്ട് നൂതന ഇടപെടലുകള്‍ നടത്തുന്നതിനായി എന്തെങ്കിലും പദ്ധതി ആവിഷ്കരിച്ചിട്ടുണ്ടോ; വിശദാംശം വ്യക്തമാക്കാമോ;

ഭിന്നശേഷി പരിപാലനത്തിന്റെ ഭാഗമായി സോഷ്യല്‍ ഫാമിങ് ഉപയോഗപ്പെടുത്തുന്നതിന് പദ്ധതിയുണ്ടോ; എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നതെന്ന് വ്യക്തമാക്കാമോ;

പ്രസ്തുത പദ്ധതിയുടെ ഭാഗമായി ഭിന്നശേഷി സൗഹൃദ മാതൃകാ ഹോര്‍ട്ടികള്‍ച്ചറല്‍ തെറാപ്പി ഗാര്‍ഡന്‍ സ്ഥാപിച്ചിട്ടുണ്ടോ; വിശദാംശം വ്യക്തമാക്കാമോ ?

വർക്കല മണ്ഡലത്തിൽ മുൻസർക്കാരിന്റെ കാലയളവിലും ഈ സർക്കാരിന്റെ കാലയളവിലും സാമൂഹിക നീതി വകുപ്പിന് കീഴിൽ അനുവദിച്ചിട്ടുളള പദ്ധതികൾ വ്യക്തമാക്കാമോ; അവയ്ക്കായി അനുവദിച്ചിട്ടുളള തുക എത്രയെന്ന് വിശദമാക്കാമോ?

സമൂഹത്തില്‍ വയോജനങ്ങളുടെ അനുപാതം വര്‍ദ്ധിച്ചുവരുന്നതുമൂലമുള്ള പ്രശ്നങ്ങള്‍ പരിഗണിച്ചിട്ടുണ്ടോ; അവ പരിഹരിക്കുന്നതിനായി എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ;

വയോജന പരിപാലനവും ശുശ്രൂഷയും ഭാവിയില്‍ കൂടുതലായി വേണ്ടിവരുമെന്നത് കണക്കിലെടുത്ത് അതനുസരിച്ചുള്ള മുന്‍കരുതല്‍ നടപടികള്‍ സ്വീകരിക്കുമോ;

വയോജന പരിപാലനത്തിനുള്ള പരിശീലന സ്ഥാപനങ്ങളേതെങ്കിലും സംസ്ഥാനത്ത് പ്രവര്‍ത്തിക്കുന്നുണ്ടോ; ഇല്ലെങ്കില്‍ സാമൂഹ്യ നീതിവകുപ്പിന്റെ കീഴില്‍ ഇതിനായി ട്രെയിനിംഗ് സെന്റര്‍ ആരംഭിക്കുന്ന കാര്യം പരിഗണിക്കുമോ?

മുൻ സർക്കാരിന്റെ കാലം മുതൽ നാളിതുവരെ സാമൂഹ്യനീതി വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ, ദിവസവേതന അടിസ്ഥാനത്തിൽ എത്ര താത്കാലിക നിയമനങ്ങൾ നടത്തിയിട്ടുണ്ടെന്നുള്ള വിശദാംശങ്ങൾ സ്ഥാപനം തിരിച്ചു വ്യക്തമാക്കാമോ;

പ്രസ്തുത വിഷയത്തിൽ എത്ര നിയമനങ്ങൾ എംപ്ലോയ്‌മെന്റ് എക്സ്ചേഞ്ച് മുഖേന നടത്തിയിട്ടുണ്ട്; കുടാതെ, മറ്റ് നിയമനങ്ങൾ നടത്തിയ ഏജൻസികൾ ഏതെല്ലാമാണെന്ന് വ്യക്തമാക്കാമോ;

മേല്പറഞ്ഞ സ്ഥാപനങ്ങളിൽ ഈ കാലയളവിൽ എത്ര താത്കാലിക ജീവനക്കാരെ സ്ഥിരപ്പെടുത്തിയെന്നുള്ള വിശദാംശങ്ങൾ സ്ഥാപനം തിരിച്ചു വ്യക്തമാക്കാമോ?

കല്യാശ്ശേരി നിയോജക മണ്ഡലത്തില്‍ സാമൂഹ്യനീതി വകുപ്പിന് കീഴില്‍ ഏതൊക്കെ സ്ഥാപനങ്ങള്‍ പ്രവര്‍ത്തിക്കുന്നുണ്ടെന്ന് വ്യക്തമാക്കാമോ;

നിലവിലെ സര്‍ക്കാർ അധികാരത്തിൽ വന്നശേഷം പ്രസ്തുത സ്ഥാപനങ്ങള്‍ക്ക് അനുവദിച്ചിട്ടുള്ള വിവിധ ഫണ്ടുകളുടെ വിശദാംശങ്ങൾ ലഭ്യമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സാമൂഹ്യനീതി വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനങ്ങളുടെ പേര്, പരസ്യത്തിനായി ചെലവഴിച്ച തുക, പരസ്യം നൽകിയ ഏജൻസി, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വിശദാംശം ലഭ്യമാക്കാമോ?