ഈ സര്‍ക്കാര്‍ അധികാരത്തില്‍ വന്നതിനുശേഷം കൂത്തുപറമ്പ് നിയോജക മണ്ഡലത്തില്‍ മൃഗസംരക്ഷണ - ക്ഷീരവികസന വകുപ്പ് മുഖേന അനുവദിച്ച പദ്ധതികളുടെ പുരോഗതിയും അനുവദിച്ച തുകയും തരംതിരിച്ച് വിശദമാക്കാമോ;

പ്രസ്തുത പദ്ധതികളില്‍ പൂര്‍ത്തിയാവാത്ത പദ്ധതികളുടെ തടസ്സങ്ങള്‍ എന്താണെന്നും അവയുടെ സമയബന്ധിതമായ പൂര്‍ത്തീകരണത്തിന് എന്തൊക്കെ നടപടികളാണ് സ്വീകരിക്കുകയെന്നും വ്യക്തമാക്കാമോ?

മുൻ സർക്കാരിന്റെയും (2016-21) നിലവിലെ സർക്കാരിന്റെയും കാലയളവിൽ വർക്കല മണ്ഡലത്തിൽ മൃഗസംരക്ഷണ വകുപ്പ് മുഖേന നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ?

ഈ സർക്കാർ അധികാരമേറ്റശേഷം മൃഗസംരക്ഷണ വകുപ്പ് മാവേലിക്കര മണ്ഡലത്തിൽ അനുവദിച്ച പദ്ധതികളുടെ വിശദ വിവരം ലഭ്യമാക്കുമോ?

ആധുനിക സാങ്കേതികവിദ്യയുടെ കാലത്ത് മൃഗസംരക്ഷണ മേഖലയിലെ കർഷകർക്ക് ചികിത്സാ സേവനങ്ങൾ ഡിജിറ്റൽവൽക്കരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വെറ്ററിനറി ഡോക്ടർമാരുടെ സേവനം ക്ഷീരകർഷകരുടെ വീട്ടുപടിക്കൽ എത്തിക്കുന്നതിനുള്ള നടപടികളുടെ പുരോഗതി വ്യക്തമാക്കുമോ;

മൃഗങ്ങൾക്കുള്ള മരുന്നുകളും വാക്സിനേഷൻ സൗകര്യങ്ങളും കൃത്യസമയത്ത് തന്നെ കർഷകരെ അറിയിക്കുന്നതിന് സംവിധാനങ്ങൾ ഒരുക്കിയിട്ടുണ്ടോ; വിശദമാക്കുമോ;

മൃഗാശുപത്രികളിൽ ചികിത്സയ്ക്ക് എത്തുന്ന മൃഗങ്ങളുടെ ആവശ്യത്തിനായി ഒ.പി. ടിക്കറ്റുകൾ ഓൺലൈനായി എടുക്കുന്നതിനുള്ള സംവിധാനം ഒരുക്കിയിട്ടുണ്ടോ; വിശദമാക്കുമോ;

മൃഗസംരക്ഷണവകുപ്പിന്റെ പ്രവര്‍ത്തനങ്ങള്‍ പരിഷ്കരിക്കുന്നതിന്റെ ഭാഗമായി വകുപ്പിലെ ജീവനക്കാരുടെ സേവനകാര്യങ്ങളില്‍ എന്തെല്ലാം മാറ്റങ്ങളാണ് കൊണ്ടുവന്നിട്ടുളളത്; വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം കടുത്തുരുത്തി മണ്ഡലത്തില്‍ മൃഗസംരക്ഷണ വകുപ്പ് നടത്തിയിട്ടുള്ള പ്രവൃത്തികള്‍, ഇതിനായി അനുവദിച്ച തുക, നിലവിലെ പുരോഗതി എന്നിവ പഞ്ചായത്ത് തിരിച്ച് ലഭ്യമാക്കാമോ?

ഈ സർക്കാരിന്റെ കാലത്ത് മഞ്ചേശ്വരം മണ്ഡലത്തിൽ മൃഗസംരക്ഷണ-ക്ഷീര വികസന വകുപ്പ് നടപ്പാക്കിയതും തുടരുന്നതുമായ വിവിധ പദ്ധതികളുടെയും പരിപാടികളുടെയും വിശദവിവരങ്ങൾ ലഭ്യമാക്കാമോ;

പ്രസ്തുത പദ്ധതികൾക്ക് അനുവദിച്ച തുക, നിർവ്വഹണ ഏജൻസി, പദ്ധതിയുടെ പുരോഗതി എന്നിവ സംബന്ധിച്ച വിവരം ലഭ്യമാക്കാമോ?

തരൂര്‍ മണ്ഡലത്തില്‍ കഴിഞ്ഞ 5 വര്‍ഷത്തില്‍ മൃഗസംരക്ഷണവകുപ്പ് മുഖേന എത്ര രൂപയുടെ പദ്ധതികള്‍ നടപ്പിലാക്കിയിട്ടുണ്ടെന്ന് വ്യക്തമാക്കാമോ?

മൃഗ ചികിത്സാ സേവനങ്ങളും വകുപ്പിന്റെ മറ്റ് സേവനങ്ങളും കര്‍ഷകര്‍ക്ക് ആയാസരഹിതമായി ലഭ്യമാക്കുന്നതിന്റെ ഭാഗമായി ഇ-സമൃദ്ധി എന്ന പേരില്‍ ഒരു പദ്ധതിയ്ക്ക് രൂപം കൊടുത്തിട്ടുണ്ടോ; എന്തൊക്കെ കാര്യങ്ങളാണ് പദ്ധതിയിലൂടെ ലക്ഷ്യമിടുന്നതെന്ന് വ്യക്തമാക്കാമോ;

പ്രസ്തുത പദ്ധതി പ്രാവര്‍ത്തികമാകുന്നതിലൂടെ ചികിത്സാസേവനങ്ങള്‍ മുന്‍കൂട്ടി ബുക്ക് ചെയ്യുന്നതിനും ആരോഗ്യ സര്‍ട്ടിഫിക്കറ്റുകള്‍ ലഭ്യമാക്കുന്നതിനും അവസരമൊരുക്കുമോ; വിശദമാക്കാമോ;

അടിയന്തരഘട്ടങ്ങളില്‍ കര്‍ഷകരുടെ വീട്ടുപടിക്കല്‍ ചികിത്സാസേവനം ലഭ്യമാക്കുന്നതിന് പ്രസ്തുത പദ്ധതി വഴി സാധ്യമാണോയെന്ന് വ്യക്തമാക്കാമോ?

സംസ്ഥാനത്ത് കഴിഞ്ഞ മൂന്ന് വര്‍ഷത്തിനിടെ പാലുല്പാദനത്തില്‍ ഉണ്ടായ വര്‍ധന/കുറവ് സംബന്ധിച്ച വിശദാംശം ജില്ല തിരിച്ച് ലഭ്യമാക്കാമോ;

കന്നുകാലി രോഗങ്ങൾ (ഉദാ: ലംപി സ്‌കിന്‍ രോഗം മുതലായവ) മൂലം കര്‍ഷകര്‍ക്ക് ഉണ്ടായ നഷ്ടം എത്രയാണ്; ആയതിനു നഷ്ടപരിഹാരം നല്‍കിയിട്ടുണ്ടോ; വിശദമാക്കാമോ;

പാലിന്റെ വില നിശ്ചയിക്കുന്നതിൽ സർക്കാർ സ്വീകരിച്ച നയം എന്താണ്; ക്ഷീരകർഷകർ നേരിടുന്ന ചെലവ് വർധനയെ പരിഹരിക്കാൻ പ്രത്യേക ഇടപെടലുകൾ ഉണ്ടോ; വ്യക്തമാക്കുമോ;

ഈ സര്‍ക്കാര്‍ വന്ന ശേഷം മൃഗസംരക്ഷണ വകുപ്പ് നടപ്പിലാക്കുന്ന സബ്സിഡി പദ്ധതികൾ ഏതെല്ലാമാണെന്നും (പശു വിതരണം, കോഴിവളർത്തൽ, ആട് വിതരണം തുടങ്ങിയവ) ഓരോ പദ്ധതിക്കും അനുവദിച്ചതും ചെലവഴിച്ചതുമായ തുക എത്രയാണെന്നുമുള്ള വിശദാംശം ലഭ്യമാക്കുമോ;

ഏറനാട് മണ്ഡലത്തിലെ എടവണ്ണ ഹാച്ചറിയുടെ പ്രവര്‍ത്തനം ആരംഭിച്ചിട്ടുണ്ടോയെന്നും ഇല്ലെങ്കില്‍ എന്താണ് കാരണമെന്നും എപ്പോള്‍ പ്രവര്‍ത്തനം ആരംഭിക്കുമെന്നും അറിയിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ മൃഗസംരക്ഷണ-ക്ഷീരവികസന വകുപ്പ് വഴി വൈപ്പിന്‍ മണ്ഡലത്തില്‍ നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികള്‍ക്കായി അനുവദിച്ച തുക, പദ്ധതികളുടെ നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കുമോ?

ഈ സർക്കാർ അധികാരത്തിൽ വന്നശേഷം മൃഗസംരക്ഷണ വകുപ്പ് വഴി കല്ല്യാശ്ശേരി മണ്ഡലത്തിൽ ആവിഷ്കരിച്ച് നടപ്പിലാക്കിയ പദ്ധതികൾ ഏതെല്ലാമെന്ന് വിശദമാക്കുമോ;

ഓരോ പദ്ധതിക്കും അനുവദിച്ച തുക എത്ര വീതമെന്ന് പദ്ധതി തിരിച്ച് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം അരുവിക്കര നിയോജകമണ്ഡലത്തിലെ ചെറ്റച്ചല്‍, വിതുര എന്നീ ജേഴ്സി ഫാമുകളില്‍ പ്ലാന്‍-നോണ്‍ പ്ലാന്‍ ഫണ്ട്, തദ്ദേശ സ്വയംഭരണ സ്ഥാപന ഫണ്ട്, കേന്ദ്ര സര്‍ക്കാര്‍ ഫണ്ട് എന്നിവ ഉപയോഗിച്ച് അനുമതി ലഭിച്ച വിവിധ പദ്ധതികളുടെയും നിര്‍മ്മാണ പ്രവൃത്തികളുടെയും വിശദാംശങ്ങളും അവയുടെ ഭരണാനുമതി തുക, നിലവിലെ സ്ഥിതി എന്നിവ സംബന്ധിച്ച വിവരങ്ങളും അറിയിക്കുമോ?

എറണാകുളം ജില്ലയില്‍ കേരള ചിക്കന്‍ പദ്ധതി പ്രകാരം നിലവില്‍ പ്രവര്‍ത്തിക്കുന്ന ഔട്ട്‍ലെറ്റുകളുടെ കണക്ക് മണ്ഡലം തിരിച്ച് ലഭ്യമാക്കുമോ;

പ്രസ്തുത പദ്ധതി പ്രകാരം കൂടുതല്‍ ഔട്ട്‍ലെറ്റുകള്‍ ഇനി ആരംഭിക്കാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

വൈപ്പിന്‍ മണ്ഡലത്തില്‍ പ്രവര്‍ത്തിക്കുന്ന കേരള ചിക്കന്‍ ഔട്ട്‍ലെറ്റുകളുടെ വിശദാംശം ലഭ്യമാക്കാമോ?

മുൻ സർക്കാരിന്റെ കാലം മുതൽ നാളിതുവരെ മൃഗസംരക്ഷണ വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ/ദിവസ വേതന അടിസ്ഥാനത്തിൽ എത്ര താല്കാലിക നിയമനങ്ങൾ നടത്തിയിട്ടുണ്ടെന്ന് സ്ഥാപനം തിരിച്ചു വ്യക്തമാക്കാമോ;

ഇതിൽ എത്ര നിയമനങ്ങൾ എംപ്ലോയ്‌മെന്റ് എക്സ്ചേഞ്ച് മുഖേന നടപ്പാക്കിയെന്നും മറ്റു നിയമനങ്ങൾ നടത്തിയ ഏജൻസി ഏതാണെന്നും വ്യക്തമാക്കാമോ;

മേല്പറഞ്ഞ സ്ഥാപനങ്ങളിൽ ഈ കാലയളവിൽ എത്ര താല്കാലിക ജീവനക്കാരെ സ്ഥിരപ്പെടുത്തിയെന്ന് സ്ഥാപനം തിരിച്ചു വ്യക്തമാക്കുമോ ?

കൈപ്പമംഗലം മണ്ഡലത്തിലെ എല്ലാ വിദ്യാലയങ്ങളിലും കുഞ്ഞു കൈകളിൽ കോഴികുഞ്ഞ് പദ്ധതി നടപ്പാക്കുന്നതിന് എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത്; വിശദമാക്കാമോ?

ആലപ്പുഴ ജില്ലയില്‍ തെരുവ് നായകളുടെ വന്ധ്യംകരണ പ്രവര്‍ത്തനങ്ങള്‍ക്ക് എന്തൊക്കെ സംവിധാനങ്ങളാണ് ഒരുക്കിയിട്ടുള്ളതെന്ന് വിശദമാക്കാമോ;

മേല്‍ പരാമര്‍ശിച്ച പദ്ധതിക്ക് കേന്ദ്ര-സംസ്ഥാന വിഹിതം എത്രയെന്ന് വിശദമാക്കുമോ?

ക്ഷീരഗ്രാമം പദ്ധതിയുടെ ഭാഗമായി എന്തെല്ലാം കാര്യങ്ങളാണ് നടപ്പിലാക്കുന്നത്;

പ്രസ്തുത പദ്ധതിയുടെ ഭാഗമായി ക്ഷീരകര്‍ഷകര്‍ക്ക് ലഭിക്കുന്ന ആനുകൂല്യങ്ങള്‍ എന്തെല്ലാമാണ്;

മണലൂര്‍ നിയോജക മണ്ഡലത്തില്‍ പ്രസ്തുത പദ്ധതിയുടെ ഭാഗമായി എന്തെല്ലാം കാര്യങ്ങളാണ് നടപ്പിലാക്കിയതെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ക്ഷീരവികസന വകുപ്പിന് കീഴില്‍ അരുവിക്കര മണ്ഡലത്തില്‍ അനുവദിച്ച വിവിധ പദ്ധതികളുടെയും നിര്‍മ്മാണ പ്രവര്‍ത്തനങ്ങളുടെയും വിശദാംശം, അവയുടെ ഫണ്ട് വിവരം, നിലവിലെ സ്ഥിതി എന്നിവ അറിയിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം മൃഗസംരക്ഷണ-ക്ഷീരവികസന വകുപ്പ് വഴി ആലപ്പുഴ മണ്ഡലത്തില്‍ ആവിഷ്കരിച്ച് നടപ്പിലാക്കിയ പദ്ധതികള്‍ ഏതെല്ലാമെന്ന് വിശദമാക്കാമോ;

ഓരോ പദ്ധതിക്കും അനുവദിച്ച തുക എത്ര വീതമെന്ന് പദ്ധതി തിരിച്ച് വ്യക്തമാക്കാമോ;

ഓരോ പദ്ധതിയുടെയും നിലവിലെ സ്ഥിതി വിശദമാക്കാമോ?

ക്ഷീരകര്‍ഷകര്‍ക്ക് കാലിത്തീറ്റ ലഭ്യത ഉറപ്പുവരുത്തുന്നതിനായുള്ള സര്‍ക്കാര്‍തല സംവിധാനങ്ങള്‍ എന്തൊക്കെയാണെന്നറിയിക്കാമോ;

പ്രസ്തുത സംവിധാനങ്ങള്‍ മുഖേന ഉല്പാദിപ്പിക്കപ്പെടുന്ന കാലിത്തീറ്റ ക്ഷീരകര്‍ഷകരുടെ ആവശ്യത്തിന് പര്യാപ്തമാണോയെന്ന് വിലയിരുത്തിയിട്ടുണ്ടോ;

ന്യായമായ വിലയില്‍ ആവശ്യത്തിനനുസരിച്ച് സംസ്ഥാനത്തിനുള്ളില്‍ തന്നെ ഗുണമേന്മയുള്ള കാലിത്തീറ്റ ഉല്പാദിപ്പിക്കുന്നതിന് നടപടി സ്വീകരിക്കുമോ?

സംസ്ഥാനത്തെ ക്ഷീരോല്പാദകരായ കര്‍ഷകരില്‍ നിന്ന് കഴിഞ്ഞ വര്‍ഷം സമാഹരിച്ച പാലിന്റെ അളവ് എത്രയാണ്; ആനന്ദ് മാതൃകാ സംഘം, ക്ഷീരോല്പാദക സഹകരണ സംഘം എന്നിവയിലെ കണക്ക് തരംതിരിച്ച് വ്യക്തമാക്കാമോ?

സംസ്ഥാനത്തിന്റെ പാല്‍ ഉല്പാദനം മുന്‍ വര്‍ഷങ്ങളെ അപേക്ഷിച്ച് എത്ര ശതമാനത്തിന്റെ വര്‍ദ്ധനവ് ഉണ്ടായിട്ടുണ്ടെന്ന് അറിയിക്കാമോ; സംസ്ഥാനത്തിന്റെ ആഭ്യന്തര ഉല്പാദനത്തിന്റെ എത്ര ശതമാനമാണ് അന്യ സംസ്ഥാനങ്ങളില്‍ നിന്നും കൊണ്ടുവരുന്നതെന്നും അറിയിക്കാമോ?

സംസ്ഥാനത്തിനാവശ്യമായ പാൽ ഉല്പാദിപ്പിക്കാൻ കഴിയുന്നുണ്ടോയെന്ന് വ്യക്തമാക്കാമോ;

ക്ഷീരമേഖല ശക്തിപ്പെടുത്താനും ക്ഷീരമേഖലയിലെ സംരംഭകത്വം ​ പ്രോല്‍സാഹിപ്പിക്കുന്നതിനും എന്തെങ്കിലും പദ്ധതി ആവിഷ്ക്കരിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

ക്ഷീര കർഷകർക്ക് ആവശ്യമായ ക്ഷേമ പദ്ധതികൾ ആവിഷ്ക്കരിച്ച് കൂടുതൽ പേരെ ഈ മേഖലയിലേക്ക് ആകർഷിക്കാൻ ആവശ്യമായ നടപടി സ്വീകരിക്കുമോ; വിശദാംശം നൽകുമോ?

പാല്‍ ഉല്പാദനം വർദ്ധിപ്പിക്കാൻ മുന്തിയ ഇനം കിടാരികളെ ലഭ്യമാക്കാൻ നടപടി സ്വീകരിക്കുമോ; എങ്കിൽ വിശദമാക്കുമോ;

ക്ഷീര കർഷകർക്ക് പിന്തുണ നൽകി ക്ഷീര മേഖലയെ ശക്തിപ്പെടുത്താൻ എന്തൊക്കെ പുതിയ നടപടികൾ സ്വീകരിക്കുമെന്ന് വ്യക്തമാക്കുമോ?

കാസര്‍ഗോഡ് ജില്ലയില്‍ നിലവില്‍ എത്ര കര്‍ഷകര്‍ ക്ഷീരവികസന ക്ഷേമനിധിയില്‍ അംഗങ്ങളായിട്ടുണ്ട്; ഇവരില്‍ എത്ര പേര്‍ക്ക് പെന്‍ഷന്‍ അനുവദിക്കപ്പെട്ടിട്ടുണ്ടെന്നും അറിയിക്കാമോ?