ഈ സര്‍ക്കാര്‍ അധികാരമേറ്റ ശേഷം കാര്‍ഷികമേഖലയുടെ പരിപോഷണത്തിന് സ്വീകരിച്ച നടപടികളും ആവിഷ്കരിച്ചു നടപ്പിലാക്കിയ പദ്ധതികളും വിശദമാക്കാമോ;

ഇത്തരം നടപടികളിലൂടെ കാര്‍ഷിക മേഖലയില്‍ ഉണ്ടായ മാറ്റങ്ങള്‍ വ്യക്തമാക്കാമോ?

കാർഷിക മേഖലയുടെ സമഗ്ര വികസനം ലക്ഷ്യമാക്കി പ്രവർത്തിക്കുന്ന കൃഷിഭവനുകളുടെ പ്രവർത്തനം വിലയിരുത്തിയിട്ടുണ്ടോ;

മിക്ക കൃഷിഭവനുകളിലും കർഷകരുമായി ആശയവിനിമയം നടത്താനുളള സ്ഥലം, ​തൈകൾ, വിത്തുകൾ, യന്ത്രങ്ങൾ എന്നിവ സൂക്ഷിക്കുന്നതിനുളള സൗകര്യം എന്നിവ ഇല്ല എന്നത് പരിഹരിക്കാൻ നടപടി സ്വീകരിക്കുമോ;

കൃഷിഭവനുകളുടെ ഭൗതിക സാഹചര്യം മെച്ചപ്പെടുത്തി കർഷകർക്ക് മെച്ചമായ സേവനം ലഭ്യമാക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

2016 മുതല്‍ 2025 വരെയുള്ള വര്‍ഷങ്ങളില്‍ വെെപ്പിന്‍ മണ്ഡലത്തില്‍ കൃഷി വകുപ്പുമായി ബന്ധപ്പെട്ട് എന്തെല്ലാം വികസന പ്രവര്‍ത്തനങ്ങളാണ് നടപ്പാക്കിയിട്ടുള്ളതെന്ന് വിശദമാക്കാമോ?

കൂണ്‍ ഗ്രാമം പദ്ധതിയുടെ വിശദാംശങ്ങള്‍ ലഭ്യമാക്കാമോ;

കോഴിക്കോട് ജില്ലയില്‍ ഏതൊക്കെ ബ്ലോക്കുകളിലാണ് പ്രസ്തുത പദ്ധതി നടപ്പിലാക്കിയിട്ടുള്ളതെന്നും എത്ര കര്‍ഷകര്‍ക്കാണ് ജില്ലയില്‍ പ്രസ്തുത പദ്ധതിയിലൂടെ ധനസഹായം ലഭിച്ചിട്ടുള്ളതെന്നും വിശദമാക്കാമോ?

കാർഷിക മേഖലയുടെ സുസ്ഥിര വികസനം സാധ്യമാക്കുന്നതിനായി എന്തെല്ലാം നടപടികളാണ് ഈ സർക്കാർ സ്വീകരിച്ചു വരുന്നത്; വിശദാംശം നൽകാമോ;

പ്രസ്തുത നടപടികളുടെ ഫലമായി എന്തെല്ലാം നേട്ടങ്ങൾ കൈവരിക്കാൻ കഴിഞ്ഞിട്ടുണ്ട്; വിശദാംശം നൽകാമോ;

എക്കണോമിക്സ് & സ്റ്റാറ്റിസ്റ്റിക്സ് വകുപ്പിന്റെ പഠന റിപ്പോർട്ട് പ്രകാരം കർഷകരുടെ ജീവിതത്തിൽ എന്തെല്ലാം ഗുണപരമായ മാറ്റങ്ങൾ ഉണ്ടാക്കാൻ കഴിഞ്ഞിട്ടുണ്ട്; വരുമാന വർദ്ധനവ് ഉണ്ടാക്കാൻ കഴിഞ്ഞിട്ടുണ്ടോ; വിശദാംശം നൽകാമോ?

സംസ്ഥാനത്ത് പച്ചക്കറി, പുഷ്പവിളകളുടെ ഹൈടെക് കൃഷിക്ക് മാതൃകയാവുംവിധം നെതര്‍ലണ്ട് സാങ്കേതിക സഹായത്തോടെ പ്രത്യേക പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കാമോ;

അഗ്രി-ടെക് സ്റ്റാര്‍ട്ടപ്പുകള്‍ക്ക് തുടക്കമിടുന്നതിന്റെ ഭാഗമായി ഹൈഡ്രോപ്പോണിക്സ്, അക്വാപോണിക്സ്, ഡ്രോണ്‍, സെന്‍സര്‍ ഡിജിറ്റല്‍ ഉപകരണങ്ങള്‍ എന്നീ നൂതന സാങ്കേതിക വിദ്യകളുമായി കര്‍ഷകരെ ബന്ധപ്പെടുത്തുന്ന പദ്ധതിക്ക് രൂപം കൊടുത്തിട്ടുണ്ടോ; എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നത്; വിശദാംശം നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കൂത്തുപറമ്പ് നിയോജക മണ്ഡലത്തില്‍ കൃഷിവകുപ്പ് മുഖേന അനുവദിച്ച പദ്ധതികളുടെ പുരോഗതിയും അനുവദിച്ച തുകയും തരംതിരിച്ച് വിശദമാക്കാമോ;

പ്രസ്തുത പദ്ധതികളില്‍ പൂര്‍ത്തിയാവാത്ത പദ്ധതികളുടെ തടസ്സങ്ങള്‍ എന്താണെന്നും അവയുടെ സമയബന്ധിതമായ പൂര്‍ത്തീകരണത്തിന് എന്തൊക്കെ നടപടികളാണ് സ്വീകരിക്കുകയെന്നും വിശദമാക്കാമോ?

കുരുമുളകിനു മാർക്കറ്റിൽ വില ലഭിക്കുമ്പോഴും ഉല്പാദനം കുറയുന്ന സാഹചര്യം സർക്കാർ ഗൗരവത്തോടെ കാണുന്നുണ്ടോ;

കുരുമുളകിന്റെ ഉല്പാദനം കുറയുന്ന സാഹചര്യം സർക്കാർ പഠന വിധേയമാക്കിയിട്ടുണ്ടോ; വിശദാംശം നൽകാമോ;

കുരുമുളക് കർക്ഷകർക്ക്‌ പുനരുദ്ധാരണ പദ്ധതി സംസ്ഥാനത്ത് ആരംഭിച്ചിട്ടുണ്ടോ; വിശദമാക്കാമോ?

2016 - 26 കാലയളവില്‍ ചിറയിന്‍കീഴ് മണ്ഡലത്തില്‍ കൃഷി വകുപ്പ് നടപ്പാക്കിയ പദ്ധതികളുടെയും പ്രവര്‍ത്തനങ്ങളുടെയും വിശദാംശം ലഭ്യമാക്കാമോ;

പ്രസ്തുത പ്രവൃത്തികള്‍ക്ക് അനുവദിച്ച തുക, നിലവിലെ സ്ഥിതി എന്നിവ പഞ്ചായത്ത് തിരിച്ച് ലഭ്യമാക്കാമോ?

കാർഷിക മേഖലയിൽ വിവിധ ഇനങ്ങളിൽ കർഷകർക്ക് ലഭിക്കുവാനുള്ള കേന്ദ്ര ഫണ്ടുകൾ ഏതൊക്കെ ഇനങ്ങളിൽ ആണെന്ന് വ്യക്തമാക്കുമോ;

കേന്ദ്രസർക്കാരിന്റെ കർഷക വിരുദ്ധ സമീപനം തിരുത്താൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

2021-22 സാമ്പത്തികവര്‍ഷം മുതല്‍ നാളിതുവരെ വള്ളിക്കുന്ന് മണ്ഡലത്തില്‍ കൃഷിവകുപ്പ് അനുവദിച്ച പദ്ധതികള്‍ ഏതൊക്കെയാണ്; ഏതൊക്കെ പഞ്ചായത്തുകളില്‍ എത്ര തുകയാണ് അനുവദിച്ചിട്ടുളളത്; എത്ര കര്‍ഷകരാണ് ഗുണഭോക്താക്കളായിട്ടുളളത്; വിശദമാക്കാമോ;

വള്ളിക്കുന്ന് മണ്ഡലത്തില്‍ നടപ്പിലാക്കിയ സ്മാര്‍ട്ട് കൃഷിഭവനുകളുടെ പ്രവ‍ര്‍ത്തന പുരോഗതി വിശദമാക്കാമോ;

മണ്ഡലത്തിലെ എത്ര ബ്ലോക്കുകളില്‍ ആണ് കേരഗ്രാമം പദ്ധതി നടപ്പാക്കുന്നത് എന്ന് വിശദമാക്കാമോ?

2021-25 കാലയളവില്‍ തൊടുപുഴ മണ്ഡലത്തില്‍ കൃഷിവകുപ്പ് മുഖേന ഏതൊക്കെ പദ്ധതികളാണ് നടപ്പിലാക്കിയത്; വിശദാംശം ലഭ്യമാക്കാമോ?

2016 മെയ് മാസം മുതല്‍ നാളിതുവരെ സംസ്ഥാനത്തെ കൃഷി വകുപ്പ് ആവിഷ്കരിച്ച് നടപ്പിലാക്കിയ വിവിധ പദ്ധതികളിലൂടെ എന്തൊക്കെ നേട്ടങ്ങളാണ് പച്ചക്കറി, നെല്ല് ഉള്‍പ്പെടെ വിവിധ കാര്‍ഷികോല്പന്നങ്ങളുടെ ഉല്പാദന വര്‍ദ്ധനവില്‍ ആര്‍ജ്ജിക്കുവാന്‍ കഴിഞ്ഞിട്ടുള്ളത് എന്നതിന്റെ വിശദാംശം ലഭ്യമാക്കുമോ?

നിലവിലെ സർക്കാർ അധികാരത്തില്‍ വന്നശേഷം കാർഷികമേഖലയുടെ സമഗ്രവികസനം ലക്ഷ്യമിട്ട് കൃഷി വകുപ്പ് മുഖേന കടുത്തുരുത്തി നിയോജകമണ്ഡലത്തില്‍ അനുവദിച്ച പദ്ധതികളും, പ്രത്യേക കർമ്മപരിപാടികളും സംബന്ധിച്ച വിശദാംശങ്ങൾ ലഭ്യമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതിയും പുരോഗതിയും വ്യക്തമാക്കാമോ; ഇവയുടെ പഞ്ചായത്ത് തിരിച്ചുള്ള വിശദവിവരങ്ങൾ ലഭ്യമാക്കാമോ?

മുന്‍ സര്‍ക്കാരിന്റെയും നിലവിലുള്ള സര്‍ക്കാരിന്റെയും കാലത്ത് വര്‍ക്കല മണ്ഡലത്തില്‍ കൃഷി വകുപ്പ് നടപ്പിലാക്കിയിട്ടുള്ള വിവിധ പദ്ധതികള്‍ ഏതെല്ലാമെന്ന് വിശദമാക്കാമോ;

ഓരോ പദ്ധതിയ്ക്കും അനുവദിച്ചിട്ടുള്ള തുക വിശദമാക്കാമോ?

ആലപ്പുഴ മണ്ഡലത്തില്‍ ഹരിത കേരളം പദ്ധതിയുടെ ഭാഗമായി ഏതെല്ലാം പദ്ധതികളാണ് നടപ്പാക്കിയിട്ടുള്ളതെന്ന് വ്യക്തമാക്കാമോ;

പരിസ്ഥിതി സൗഹൃദ നെല്‍കൃഷി, ജൈവകൃഷി പ്രോത്സാഹനം എന്നിവയ്ക്കായി മണ്ഡലത്തില്‍ എത്ര തുക ചെലവഴിച്ചിട്ടുണ്ട്; വിശദമാക്കാമോ;

ഹരിത കേരളം പദ്ധതിയുമായി ബന്ധപ്പെട്ട് മണ്ഡലത്തില്‍ കൂടുതല്‍ സ്ഥലങ്ങളിലേക്ക് കൃഷി വ്യാപിപ്പിക്കുന്നതിനായി അടുത്ത സാമ്പത്തിക വര്‍ഷം ഏതെല്ലാം പദ്ധതികളാണ് നടപ്പാക്കാന്‍ ഉദ്ദേശിക്കുന്നതെന്ന് അറിയിക്കാമോ?

ഈ സർക്കാർ അധികാരമേറ്റശേഷം നാളിതുവരെ കൃഷി വകുപ്പ് നേരിട്ടും വിവിധ ഏജൻസികൾ വഴിയും പൂഞ്ഞാർ മണ്ഡലത്തില്‍ നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികള്‍ക്കായി അനുവദിച്ച തുക, പദ്ധതികളുടെ നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കുമോ?

വിദ്യാലയങ്ങളിൽ കുട്ടികളിൽ കൃഷിയിൽ താല്പര്യം ‍ജനിപ്പിക്കുന്നതിനായി എന്തെല്ലാം പ്രവര്‍ത്തന പദ്ധതികളാണ് കൃഷിവകുപ്പ് മുഖേന ആവിഷ്കരിച്ച് നടപ്പാക്കുന്നത്; വ്യക്തമാക്കുമോ;

കയ്പമംഗലം മണ്ഡലത്തിൽ വിദ്യാലയ കൃഷി പരിപോഷിപ്പിക്കുന്നതിനായി കൃഷി വകുപ്പുമായി ചേർന്ന് എന്തെല്ലാം പ്രവര്‍ത്തനങ്ങൾ നടത്തുന്നുണ്ട്; വ്യക്തമാക്കുമോ?

2021 മുതല്‍ 2025 വരെ തരൂര്‍ നിയോജകമണ്ഡലത്തില്‍ കൃഷി വകുപ്പ് മുഖേന എത്ര തുകയുടെ പദ്ധതികള്‍ നടപ്പിലാക്കിയിട്ടുണ്ടെന്ന് വ്യക്തമാക്കാമോ?

കൃഷി ലാഭകരമല്ലാതാകുന്ന സാഹചര്യത്തിൽ നൂതന സാങ്കേതിക വിദ്യയിൽ അധിഷ്ഠിതമായി കൃഷിയെ പുനരുജ്ജീവിപ്പിച്ച് ലാഭകരമാക്കാൻ നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

നിർമ്മിത ബുദ്ധി, ഇന്റർനെറ്റ്‌ ഓഫ് തിങ്ങ്സ് അടക്കം ഉപയോഗപ്പെടുത്തുന്ന കൃഷി രീതി പ്രോത്സാഹിപ്പിക്കാൻ സർക്കാർ നൽകിവരുന്ന സഹായം എന്തൊക്കെയാണ് എന്ന് വ്യക്തമാക്കാമോ?

നിലവിലെ സര്‍ക്കാരിന്റെ കാലയളവിൽ കൃഷി വകുപ്പിന്റെ കീഴില്‍ പയ്യന്നൂര്‍ നിയോജക മണ്ഡല പരിധിയില്‍ നടപ്പിലാക്കിയ പദ്ധതികളും അനുവദിച്ച തുകയും ഓരോന്നിന്റേയും നിലവിലെ സ്ഥിതിയും വിശദമാക്കാമോ?

ഈ സര്‍ക്കാര്‍ അധികാരത്തിൽ വന്ന ശേഷം കേന്ദ്ര സര്‍ക്കാര്‍ സഹായത്തോടെ നടപ്പാക്കി വരുന്ന കാര്‍ഷിക പാക്കേജുകളുടെ ആകെ അടങ്കല്‍ തുക എത്രയാണ്; ഇതില്‍ നാളിതുവരെ എത്ര തുക അനുവദിച്ചുവെന്ന് പാക്കേജ് തിരിച്ച് കണക്ക് ലഭ്യമാക്കുമോ;

ഇതില്‍ എത്ര തുക നാളിതുവരെ ചെലവഴിച്ചുവെന്നറിയിക്കുമോ; ഇത്, അനുവദിച്ച തുകയുടെ എത്ര ശതമാനം വരുമെന്നറിയിക്കുമോ;

പ്രസ്തുത പാക്കേജുകള്‍ നടപ്പാക്കുന്നതില്‍ കാലതാമസം നേരിടുന്നതിനുള്ള കാരണങ്ങള്‍ കണ്ടെത്തിയിട്ടുണ്ടോ; വിശദാംശങ്ങള്‍ നല്‍കുമോ;

പാക്കേജുകള്‍ സമയബന്ധിതമായി പൂര്‍ത്തീകരിക്കാന്‍ സാധിക്കാത്തതിന് കേന്ദ്ര സര്‍ക്കാരിന്റെ മാനദണ്ഡങ്ങള്‍ കാരണമായിട്ടുണ്ടോ; എങ്കില്‍ അവ പരിഹരിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ?

കാര്‍ഷിക ആവശ്യത്തിനായുള്ള വൈദ്യുതി കണക്ഷനുകള്‍ക്ക് നല്‍കിവരുന്ന സബ്സിഡി യഥാസമയം ലഭ്യമാകാത്തത് ശ്രദ്ധയില്‍പ്പെട്ടിട്ടുണ്ടോ;

ഇതുമൂലം വൈദ്യുതി വിഛേദിക്കല്‍ ഉള്‍പ്പെടെ കര്‍ഷകര്‍ നേരിടുന്ന പ്രശ്നങ്ങള്‍ പരിഹരിക്കുവാന്‍ ആവശ്യമായ നടപടികള്‍ സ്വീകരിക്കുമോ?

സുരക്ഷിത ഭക്ഷണം, മെച്ചപ്പെട്ട ആരോഗ്യം, പരിസ്ഥിതി സൗഹൃദം എന്ന ഉദ്ദേശത്തോടെ വിഷരഹിത ഭക്ഷണം ജനങ്ങളിലേക്ക് എത്തിക്കുക എന്ന സർക്കാർ നയം പ്രാവർത്തികമാക്കുന്നതിന്റെ ഭാഗമായി എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശം നൽകാമോ;

ഇതിന്റെ ഭാഗമായി കൃഷിഭവനുകൾ വഴി കര്‍ഷകർക്കാവശ്യമായ സേവനങ്ങൾ ലഭ്യമാക്കുന്നുണ്ടോ; വിശദമാക്കാമോ;

കൃഷിഭവനുകളെ സ്മാർട്ട് കൃഷിഭവനുകളാക്കി മാറ്റുന്നതിനായി നടപടികൾ സ്വീകരിച്ചിട്ടുണ്ടോ; എന്തൊക്കെ കാര്യങ്ങളാണ് ഇതിലൂടെ കര്‍ഷകർക്ക് ലഭ്യമാകുന്നത്; വിശദാംശം നൽകാമോ?

അന്യസംസ്ഥാനങ്ങളില്‍ നിന്നും കേരളത്തിൽ എത്തുന്ന മാരക വിഷം കലര്‍ന്ന കീടനാശിനികളും രാസവസ്തുക്കളും പ്രയോഗിച്ച പച്ചക്കറികള്‍ പരിശോധിക്കുന്നതിന് എന്തൊക്കെ സംവിധാനങ്ങളാണ് കൃഷി വകുപ്പ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ;

ഇത്തരം പരിശോധനകള്‍ക്കായി നിലവിലുള്ള സംവിധാനങ്ങള്‍ എന്തെല്ലാമാണെന്ന് വ്യക്തമാക്കുമോ;

കേരള വിപണിയിലേയ്ക്ക് പച്ചക്കറി വിളയിക്കുന്ന അന്യസംസ്ഥാനങ്ങളിലെ കൃഷിയിടങ്ങളില്‍ പരിശോധന ഊര്‍ജ്ജിതമാക്കാന്‍ സാധ്യതയുണ്ടോ;

മാരക വിഷം കലര്‍ന്ന എത്ര അളവ് പച്ചക്കറി ദിനംപ്രതി സംസ്ഥാനത്തെത്തുന്നു എന്നാണ് വകുപ്പ് വിലയിരുത്തുന്നത്; വിശദാംശം വ്യക്തമാക്കുമോ?

സംസ്ഥാനത്ത് വിഷരഹിത പച്ചക്കറി ഉല്പാദനം വർധിപ്പിക്കുന്നതിന് 2021 മുതൽ നാളിതുവരെ കഴിഞ്ഞ അഞ്ച് വർഷം എന്തൊക്കെ പദ്ധതികളാണ് കൃഷി വകുപ്പ് വഴി നടപ്പിലാക്കിയതെന്ന് വർഷം തിരിച്ച് വ്യക്തമാക്കുമോ;

ഇതിലേക്കായി ഓരോ വർഷവും എത്ര തുക ചിലവാക്കിയെന്ന് പദ്ധതി തിരിച്ച് വിശദീകരിക്കുമോ; കണക്കുകൾ ലഭ്യമാക്കാമോ;

ഉല്പാദിപ്പിക്കുന്ന പച്ചക്കറികൾക്ക് വിപണി കണ്ടെത്തുവാൻ കർഷകർ ബുദ്ധിമുട്ടുന്നത് പരിഹരിക്കുവാൻ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

കഴിഞ്ഞ അഞ്ചു വർഷം കൃഷി വകുപ്പ് നേരിട്ട് ഏതൊക്കെ നിയോജകമണ്ഡലങ്ങളിലെ ഏതൊക്കെ സ്ഥലങ്ങളില്‍ കാർഷിക വിപണികൾ ഏർപ്പെടുത്തി; വിശദീകരിക്കുമോ;

എല്ലാ നിയോജകമണ്ഡലങ്ങളിലും കാർഷിക വിപണികൾ ഏർപ്പെടുത്തുമോ; വ്യക്തമാക്കാമോ?

സംസ്ഥാനത്ത് നെല്‍വയലുകളില്‍ എത്ര ഏക്കര്‍ ഭൂമിയില്‍ ആണ് നെല്‍കൃഷി നടത്തുന്നതെന്നും നെല്‍കൃഷി മേഖലയില്‍ എത്ര ഏക്കര്‍ ഭൂമി തരിശിടുന്നുണ്ടെന്നുമുള്ള വിവരം ജില്ല തിരിച്ച് ലഭ്യമാക്കാമോ?

സംസ്ഥാനത്ത് ഉല്പാദിപ്പിക്കുന്ന തേങ്ങകളുടെ എണ്ണം കുറഞ്ഞുവരുന്നതായ സാഹചര്യം ശ്രദ്ധയില്‍പ്പെട്ടിട്ടുണ്ടോ;

എങ്കിൽ തന്മൂലം സംസ്ഥാനത്തിന്റെ കാർഷിക, സാമ്പത്തിക, പാരിസ്ഥിതിക മേഖലകളില്‍ ഉണ്ടാകാവുന്ന പ്രതികൂല മാറ്റങ്ങളെക്കുറിച്ച് പരിശോധിച്ചിട്ടുണ്ടോ; വിശദമാക്കുമോ;

തെങ്ങുകൃഷിയിലും തേങ്ങ വിപണന മേഖലകളിലുമുള്ള പ്രശ്നങ്ങൾ സമഗ്രമായി പഠനം നടത്തി പരിഹാരം കാണുവാനുള്ള നടപടികള്‍ സ്വീകരിക്കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം അരുവിക്കര നിയോജക മണ്ഡലത്തില്‍ അനുവദിച്ച കേരഗ്രാമം പദ്ധതികളുടെയും, അവയുടെ ഫണ്ട് വിവരം, നിലവിലെ സ്ഥിതി എന്നിവ സംബന്ധിച്ച വിവരങ്ങളും അറിയിക്കുമോ?

സംസ്ഥാനത്ത് നാളികേര ഉല്പാദനം കുറഞ്ഞുവരുന്നതിന്റെ കാരണങ്ങള്‍ പരിശോധിച്ചിട്ടുണ്ടോ;

നാളികേര ഉല്പാദനവും ഉല്പാദനക്ഷമതയും വര്‍ദ്ധിപ്പിക്കുന്നതിന് എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദമാക്കുമോ;

നാളികേരത്തിന്റെ വിലസ്ഥിരത ഉറപ്പാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

കാർഷിക വിളകളുടെ താങ്ങുവില ഉറപ്പാക്കാൻ നിർദ്ദേശിക്കുന്ന സ്വാമിനാഥൻ കമ്മീഷൻ റിപ്പോർട്ട് നടപ്പിലാക്കാൻ ഉദ്ദേശിക്കുന്നുണ്ടോ;

പ്രസ്തുത റിപ്പോർട്ട് കേരളത്തിൽ നടപ്പിലാക്കുന്നതിനെക്കുറിച്ച് സംസ്ഥാന സർക്കാർ എന്തെങ്കിലും പഠനം നടത്തിയിട്ടുണ്ടോയെന്ന് വിശദമാക്കാമോ;

കാർഷിക വിളകളുടെ ഉല്പാദന ചെലവ് ഗണ്യമായി വർദ്ധിച്ച സാഹചര്യത്തിൽ സ്വാമിനാഥൻ കമ്മീഷൻ റിപ്പോർട്ട് നടപ്പിലാക്കാൻ തയ്യാറാകുമോയെന്ന് വ്യക്തമാക്കാമോ?

ലോക ബാങ്ക് സഹായത്തോടെയുള്ള കേര പദ്ധതി സംസ്ഥാനത്ത് ഏതൊക്കെ നിയോജക മണ്ഡലങ്ങളിൽ എവിടെയൊക്കെയാണ് നടപ്പിലാക്കുന്നത്;

പദ്ധതിക്ക് എത്ര കോടി രൂപയാണ് ലോക ബാങ്ക് സഹായമായി ലഭിച്ചത്; വിശദമായ കണക്കുകൾ ലഭ്യമാക്കാമോ;

ആകെ അടങ്കൽ തുക എത്രയാണ്; ഇതിൽ എത്ര രൂപ ഇതുവരെ ചെലവഴിച്ചു; കണക്കുകൾ വിശദമാക്കാമോ;

കേര കർഷകർക്ക് എന്തൊക്കെ സഹായമാണ് ഈ പദ്ധതി നടപ്പിലാക്കുക വഴി നൽകുന്നത്;

ഈ പദ്ധതി വഴി രോഗ കീടബാധ തടയുന്നതിന് സഹായം നൽകുവാൻ കഴിയുമോ; എങ്കിൽ ഈ പദ്ധതിയിൽ നിന്നും നാളിതു വരെ എത്ര രൂപ ഇതിനായി ചെലവഴിച്ചു; വിശദമാക്കാമോ?

കണ്ണൂർ ജില്ലയിലെ മികച്ച പച്ചക്കറി കർഷകനുള്ള സർക്കാർ പുരസ്കാരം ലഭിച്ച അമ്പാട്ട് ഏലിയാസ് എന്ന കർഷകൻ കടബാധ്യത മൂലം ആത്മഹത്യ ചെയ്ത സംഭവം ശ്രദ്ധയിൽപ്പെട്ടിട്ടുണ്ടോ;

പ്രസ്തുത കർഷകന് കൃഷി വകുപ്പിൽ നിന്നും ലഭിക്കേണ്ടിയിരുന്ന സാമ്പത്തിക സഹായം കൃത്യസമയത്ത് ലഭ്യമാക്കാത്തതാണ് ആത്മഹത്യക്ക് കാരണമായതെന്ന ബന്ധുക്കളുടെ പരാതി പരിശോധിച്ചിട്ടുണ്ടോ; എങ്കിൽ വിശദമാക്കാമോ;

കർഷകൻ ആത്മഹത്യ ചെയ്തതിന്റെ തൊട്ടടുത്ത ദിവസമാണോ ടിയാന് ലഭിക്കേണ്ടിയിരുന്ന സാമ്പത്തിക സഹായം അദ്ദേഹത്തിന്റെ അക്കൗണ്ടിൽ എത്തിയത്; ആയതുമായി ബന്ധപ്പെട്ട് വകുപ്പുതലത്തിൽ വീഴ്ച സംഭവിച്ചിട്ടുണ്ടോ എന്ന് വ്യക്തമാക്കാമോ;

നിലവിൽ സംസ്ഥാനത്ത് കൃഷി ആനുകൂല്യങ്ങൾക്കും സബ്‌സിഡികൾക്കുമായി അപേക്ഷ നൽകി കാത്തിരിക്കുന്ന കർഷകരുടെ എണ്ണം എത്രയാണെന്ന് ജില്ല തിരിച്ചുള്ള കണക്ക് ലഭ്യമാക്കാമോ; ആയവർക്കുള്ള കുടിശിക തീർപ്പാക്കാൻ സ്വീകരിച്ചിട്ടുള്ള അടിയന്തര നടപടികൾ എന്തൊക്കെയാണ്; വിശദമാക്കാമോ?

കല്ല്യാശ്ശേരി മണ്ഡലത്തില്‍ പ്രകൃതിക്ഷോഭത്തില്‍ കൃഷി നാശം സംഭവിച്ച എത്ര കര്‍ഷകര്‍ക്കാണ് നിലവിലെ സര്‍ക്കാരിന്റെ കാലയളവിൽ നഷ്ടപരിഹാരം നല്‍കിയിട്ടുള്ളതെന്ന് വ്യക്തമാക്കാമോ;

നഷ്ടപരിഹാരമായി അനുവദിച്ച തുകയുടെ വിവരങ്ങള്‍ ലഭ്യമാക്കാമോ;

പ്രസ്തുത നഷ്ടപരിഹാരം നൽകുന്നതിനായി എത്ര അപേക്ഷകള്‍ നിലവിലുണ്ടെന്ന് വ്യക്തമാക്കാമോ?

സംസ്ഥാന ഹോര്‍ട്ടികള്‍ച്ചര്‍ മിഷനുമായി ചേര്‍ന്ന് കൂണ്‍ കൃഷി വ്യാപിപ്പിക്കുന്നതിന്റെ ഭാഗമായുള്ള കൂണ്‍ ഗ്രാമം പദ്ധതിയില്‍ മണലൂര്‍ മണ്ഡലത്തെ ഉള്‍പ്പെടുത്തിയിട്ടുണ്ടോ; എങ്കില്‍ മണലൂര്‍ മണ്ഡലത്തില്‍ കൂണ്‍ ഗ്രാമം പദ്ധതി എന്നാണ് ആരംഭിച്ചതെന്നും എത്ര ഉല്പാദന യൂണിറ്റുകള്‍ ആരംഭിക്കാനായെന്നും അവ എവിടെയൊക്കെയാണെന്നും അറിയിക്കാമോ;

പ്രസ്തുത പദ്ധതിയുടെ ഭാഗമായി മണലൂര്‍ മണ്ഡലത്തില്‍ ഇതുവരെ നടപ്പിലാക്കിയ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

കൂണ്‍ ഗ്രാമം പദ്ധതിയുടെ ഭാഗമായി കര്‍ഷകര്‍ക്ക് ലഭിക്കുന്ന ആനുകൂല്യങ്ങള്‍ എന്തെല്ലാമാണ്; പ്രസ്തുത പദ്ധതിയുടെ വിശദാംശങ്ങള്‍ നല്‍കാമോ?

കേരളാ ലാൻഡ് ഡെവലപ്മെന്റ് കോർപറേഷൻ (കെ.എൽ.ഡി.സി.) മുഖേന മണലൂര്‍ മണ്ഡലത്തില്‍ ഈ സര്‍ക്കാരിന്റെ കാലത്ത് നടപ്പാക്കിയ പദ്ധതികള്‍ എന്തെല്ലാമാണ്; വിശദാംശങ്ങള്‍ നല്‍കാമോ;

പ്രസ്തുത ഓരോ പദ്ധതിക്കും അനുവദിച്ച തുക എത്രയാണ്;

മണ്ഡലത്തില്‍ കെ.എൽ.ഡി.സി.യുടെ കീഴില്‍ നിലവില്‍ ഏതെങ്കിലും പദ്ധതി പുരോഗമിക്കുന്നുണ്ടോ; വിശദാംശങ്ങള്‍ നല്‍കാമോ;

പ്രസ്തുത മണ്ഡലത്തില്‍ കോള്‍ നിലങ്ങളിലെ ചാലുകള്‍ വൃത്തിയാക്കുന്നതിനും ബണ്ടുകള്‍ ബലപ്പെടുത്തുന്നതിനും ഈ സര്‍ക്കാരിന്റെ കാലത്ത് സ്വീകരിച്ച നടപടികളുടെ വിശദാംശങ്ങള്‍ അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ആലപ്പുഴ നിയോജകമണ്ഡലത്തില്‍ കേരള ലാൻഡ് ഡെവലപ്മെന്റ് കോർപ്പറേഷന്റെ (കെ. എല്‍. ഡി. സി) കീഴില്‍ നടപ്പിലാക്കിയ പദ്ധതികൾ ഏതെല്ലാമാണ്; ആയതിന് അനുവദിച്ച പദ്ധതി തുക ഉള്‍പ്പെടെയുള്ള കണക്ക് ലഭ്യമാക്കാമോ?

മലപ്പുറം ജില്ലയിൽ വനത്തിനുള്ളിലായി പ്ലാന്റേഷൻ കോർപ്പറേഷന്റെ അധീനതയിലുള്ള വാണിയമ്പുഴ, പുഞ്ചക്കൊല്ലി, പാലക്കയം എന്നീ തോട്ടങ്ങളിൽ വരുന്ന ഒഴിവുകളിലേക്ക് ആയതിന്റെ സമീപപ്രദേശത്തെ 10 ഉന്നതികളിൽ വസിക്കുന്ന പട്ടികവർഗ്ഗ കുടുംബങ്ങളിൽ നിന്നുള്ളവരെ പരിഗണിക്കുവാൻ വേണ്ട നടപടികൾ സ്വീകരിക്കുമോ; വ്യക്തമാക്കുമോ?

മുൻ സർക്കാരിന്റെ കാലം മുതൽ നാളിതുവരെ കൃഷി വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ/ദിവസ വേതന അടിസ്ഥാനത്തിൽ എത്ര താത്കാലിക നിയമനങ്ങൾ നടത്തിയിട്ടുണ്ട്; വിശദാംശം സ്ഥാപനം തിരിച്ച് വ്യക്തമാക്കാമോ;

ഇതിൽ എത്ര നിയമനങ്ങൾ എംപ്ലോയ്‌മെന്റ് എക്സ്ചേഞ്ച് മുഖേന നടപ്പാക്കിയെന്നും മറ്റു നിയമനങ്ങൾ ഏത് ഏജൻസി മുഖേന നടപ്പാക്കിയെന്നും വ്യക്തമാക്കാമോ;

മേല്പറഞ്ഞ സ്ഥാപനങ്ങളിൽ ഈ കാലയളവിൽ എത്ര താത്കാലിക ജീവനക്കാരെ സ്ഥിരപ്പെടുത്തിയെന്നതിന്റെ വിശദാംശം സ്ഥാപനം തിരിച്ച് വ്യക്തമാക്കാമോ?

തിരൂരങ്ങാടി നിയോജക മണ്ഡലത്തിൽപ്പെട്ട നന്നമ്പ്ര പഞ്ചായത്തിലെ മോര്യാകാപ്പ് നവീകരണം പദ്ധതിയുടെ നിലവിലെ അവസ്ഥ എന്താണ്; വിശദമാക്കാമോ;

പ്രസ്തുത കാർഷിക പദ്ധതിയുടെ എസ്റ്റിമേറ്റ് തുക എത്രയാണ്; വ്യക്തമാക്കാമോ;

മേൽപ്പറഞ്ഞ പദ്ധതിയുടെ ഡി.പി.ആർ അടങ്ങിയ ഫയൽ ഇപ്പോൾ ഏത് ഓഫീസിലാണുള്ളത്; ഫയൽ നമ്പർ സഹിതം വ്യക്തമാക്കാമോ?

ഹരിതകേരളം പദ്ധതിയുടെ ഭാഗമായി ആലത്തൂര്‍ മണ്ഡലത്തില്‍ ഏതെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കാമോ;

പ്രസ്തുത പദ്ധതിയുടെ ഭാഗമായി പരിസ്ഥിതി സൗഹൃദ നെല്‍കൃഷി, ജൈവകൃഷി പ്രോത്സാഹനം എന്നിവയ്ക്കായി മണ്ഡലത്തില്‍ ചെലവഴിച്ച തുക എത്ര; വിശദമാക്കാമോ;

ഹരിത കേരളം പദ്ധതിയുമായി ബന്ധപ്പെട്ട് ആലത്തൂര്‍ മണ്ഡലത്തില്‍ കൂടുതല്‍ സ്ഥലങ്ങളിക്ക് കൃഷി വ്യാപിപ്പിക്കുന്നതിനായി അടുത്ത സാമ്പത്തിക വര്‍ഷം എന്തെല്ലാം പദ്ധതികളാണ് നടപ്പാക്കാന്‍ ഉദ്ദേശിക്കുന്നതെന്ന് അറിയിക്കാമോ?

2021 മുതല്‍ 2026 വര്‍ഷ കാലയളവില്‍ ആലത്തൂര്‍ നിയോജകമണ്ഡലത്തിലെ നെല്ല്, നാളികേരം എന്നിവയുടെ ഉല്പാദനവുമായി ബന്ധപ്പെട്ട സ്ഥിതി വിവരക്കണക്കുകള്‍ കൃഷിഭവന്‍ അടിസ്ഥാനത്തില്‍ ലഭ്യമാക്കാമോ;

പ്രസ്തുത കാലയളവില്‍ നെല്ല്, നാളികേരം എന്നിവയുടെ ഉല്പാദനം വര്‍ദ്ധിപ്പിക്കുന്നതിന് നടപ്പിലാക്കിയിട്ടുള്ള പദ്ധതികള്‍ ഏതൊക്കെയാണെന്ന് അടങ്കല്‍ തുക സഹിതം കൃഷിഭവന്‍ അടിസ്ഥാനത്തില്‍ വിശദമാക്കാമോ?

സംസ്ഥാന കർഷക കടാശ്വാസ കമ്മീഷൻ ചെയർമാനും പേഴ്സണൽ സ്റ്റാഫിനുമായി ശമ്പളം, ടി.എ. മറ്റു അലവൻസുകൾ ഉൾപ്പെടെ 2016-17 മുതൽ 2025-26 നാളിതുവരെ ഓരോ വർഷവും ചെലവായ തുക എത്ര എന്ന് വിശദമാക്കാമോ;

കമ്മീഷൻ ചെയർമാന് നൽകിവരുന്ന ആനുകൂല്യങ്ങൾ എന്തെല്ലാം എന്ന് വിശദമാക്കുമോ; ചെയർമാന് ഔദ്യോഗിക വസതി അനുവദിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ചെയർമാന്റെ പേഴ്സണൽ സ്റ്റാഫുകൾ ആരെല്ലാമെന്നും എല്ലാവരും കമ്മീഷൻ ഓഫീസിൽ തന്നെയാണോ ജോലി ചെയ്യുന്നത് എന്നും വിശദമാക്കുമോ; ഇവരിൽ റീ എംപ്ലോയ്മെന്റ് നിയമനം ലഭിച്ച ആരെല്ലാമാണ് ചെയർമാന്റെ പേഴ്സണൽ സ്റ്റാഫിൽ ഉള്ളത് എന്നും ഇവരിൽ 60 വയസ്സ് കഴിഞ്ഞവർ ആരെങ്കിലുമുണ്ടോ എന്നും വിശദമാക്കാമോ;

60 വയസ് കഴിഞ്ഞവർക്ക് കമ്മീഷനിൽ റീ എംപ്ലോയ്മെന്റ് നിയമനം നൽകിയത് സാധൂകരിക്കുന്ന സർക്കാർ തീരുമാനം ഉണ്ടോ; എങ്കിൽ പകർപ്പ് ലഭ്യമാക്കുമോ;

പ്രായപരിധി കഴിഞ്ഞവരെയും തസ്തികയ്ക്ക് അനുസൃതമായ യോഗ്യത ഇല്ലാത്തവരെയും സ്റ്റാഫിൽ നിന്നും ഒഴിവാക്കണമെന്ന സർക്കാർ നിർദ്ദേശം കമ്മീഷൻ പാലിച്ചിട്ടുണ്ടോ; ഇല്ലെങ്കിൽ കാരണം വിശദമാക്കുമോ?

മുൻ സർക്കാരിന്റെ കാലം മുതൽ നാളിതുവരെ കൃഷി വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനങ്ങളുടെ പേര്, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വിവരം ലഭ്യമാക്കാമോ?

സംസ്ഥാനത്ത് കഴിഞ്ഞ അഞ്ചു വര്‍ഷക്കാലയളവില്‍ കൃഷി വകുപ്പ് നേരിട്ടോ കൃഷി വകുപ്പിന് കീഴിലുള്ള സ്ഥാപനങ്ങള്‍ മുഖേനയോ നവീകരിച്ച ജലാശയങ്ങള്‍ സംബന്ധിച്ച വിശദാംശം ലഭ്യമാക്കാമോ?

സംസ്ഥാനത്ത് ജൈവ കാര്‍ഷിക ഔഷധ കേന്ദ്രങ്ങള്‍ സ്ഥാപിക്കുന്നതിന് പദ്ധതി രൂപീകരിച്ചിട്ടുണ്ടോ; എങ്കില്‍ ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണെന്ന് വിശദമാക്കാമോ;

ഏതെല്ലാം ഏജന്‍സികളുടെ സഹകരണത്തോടെയാണ് പദ്ധതി നടപ്പാക്കുന്നതെന്ന് വിശദമാക്കാമോ?

ഫ്രൂട്ട് ക്ലസ്റ്റര്‍ പദ്ധതിയിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശം നല്‍കാമോ;

ഹ്രസ്വകാല-വാര്‍ഷിക-ദീര്‍ഘകാല പഴവര്‍ഗ്ഗ വിളകളുടെ കൃഷിവ്യാപനത്തിനായി എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശം നല്‍കാമോ;

പഴവര്‍ഗ്ഗ കൃഷിയിലേക്ക് യുവകര്‍ഷകരെ ആകര്‍ഷിക്കുന്നതിനും നവീന സാങ്കേതിക വിദ്യകള്‍ ഉപയോഗപ്പെടുത്തി ഉന്നത മൂല്യമുള്ള പഴവര്‍ഗ്ഗങ്ങള്‍ കൃഷിചെയ്യുന്നതിനും നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് കഴിഞ്ഞ മൂന്ന് വർഷത്തിനിടെ പ്രധാന വിളകളായ നെല്ല്, തേങ്ങ, റബ്ബർ, പച്ചക്കറി എന്നിവയുടെ ഉൽപാദനത്തിൽ ഉണ്ടായ വർദ്ധനയോ ഇടിവോ സംബന്ധിച്ച ജില്ല തിരിച്ചുള്ള കണക്ക് ലഭ്യമാക്കാമോ;

കർഷകർക്ക് പ്രഖ്യാപിച്ച കുറഞ്ഞ പിന്തുണാ വില (എം.എസ്.പി) സംസ്ഥാനത്ത് യഥാർത്ഥത്തിൽ ലഭ്യമാകുന്നുണ്ടോ; ലഭ്യമാകുന്നില്ലെങ്കിൽ ആയതിന് കാരണമായ സാഹചര്യങ്ങൾ എന്തെല്ലാമാണെന്ന് വിശദമാക്കാമോ;

കൃഷി ഉല്‍പന്നങ്ങളുടെ വിപണനത്തിന് സംസ്ഥാന സര്‍ക്കാര്‍ ഏര്‍പ്പെടുത്തിയ ഇടപെടലുകള്‍ എന്തെല്ലാമാണ്; വിപണി ഇടപെടൽ പദ്ധതിക്കായി കഴിഞ്ഞ മൂന്ന് വര്‍ഷത്തിനിടെ വകയിരുത്തിയതും ചെലവഴിച്ചതുമായ തുക എത്ര; ആയതിലൂടെ ലഭിച്ച നേട്ടങ്ങള്‍ എന്തെല്ലാമാണ് വെളിപ്പെടുത്തുമോ;

കാലാവസ്ഥ വ്യതിയാനവും അതിവൃഷ്ടി/വരള്‍ച്ചയും മൂലം കര്‍ഷകര്‍ക്ക് സംഭവിച്ച നഷ്ടങ്ങള്‍ക്ക് നല്‍കിയ നഷ്ടപരിഹാരത്തിന്റെ വിശദാംശങ്ങള്‍ ജില്ല തിരിച്ച് ലഭ്യമാക്കുമോ; സംസ്ഥാനത്ത് യുവാക്കളെ കൃഷിയിലേയ്ക്ക് ആകര്‍ഷിക്കുന്നതിന് ആരംഭിച്ച പദ്ധതികളുടെ പ്രായോഗിക ഫലപ്രാപ്തി വിലയിരുത്തിയിട്ടുണ്ടോ?

സംസ്ഥാനത്ത് കാര്‍ഷിക പാരിസ്ഥിതിക മേഖലയും കാര്‍ഷിക പാരിസ്ഥിതിക യൂണിറ്റും അനുവര്‍ത്തിച്ചിട്ടുളള കൃഷിരീതിയും അതിനനുസരിച്ചിട്ടുളള വിള നിര്‍ണയവും ബഡ്ജറ്റിംഗും നടപ്പിലായി കഴിഞ്ഞിട്ടുണ്ടോ;

എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നത്; വിശദാംശങ്ങൾ വ്യക്തമാക്കാമോ;

ഇതിന്റെ ഭാഗമായി ക‍ൃഷിരീതി മെച്ചപ്പെടുത്തുന്നതിനായി കേരള കാര്‍ഷിക സര്‍വകലാശാലയുടെ സഹായത്തോടുകൂടി എന്തെല്ലാം പ്രവര്‍ത്തനങ്ങളാണ് നടന്നുവരുന്നത്; വ്യക്തമാക്കാമോ?

കോട്ടക്കൽ മണ്ഡലത്തിലെ വളാഞ്ചേരിയിൽ സ്റ്റേഡിയം നിർമ്മാണത്തിനായി പരിഗണിക്കുന്ന ഭൂമി തരംമാറ്റി ലഭിക്കുന്നതുമായി ബന്ധപ്പെട്ട പ്രൊപ്പോസൽ കൃഷി വകുപ്പിൽ ലഭ്യമായിട്ടുണ്ടോ; ഇത് സംബന്ധിച്ച് സ്വീകരിച്ച നടപടികളുടെ വിശദവിവരം ലഭ്യമാക്കുമോ;

പ്രസ്തുത വിഷയവുമായി ബന്ധപ്പെട്ട ഫയൽ നിലവിൽ ഏതു ഓഫീസിന്റെ പരിഗണനയിലാണെന്നും ആയതിന്റെ ഫയൽ നമ്പറും ഫയലിന്റെ പകർപ്പും ലഭ്യമാക്കാമോ;

ഭൂമി തരംമാറ്റി ലഭിക്കുന്നതുമായി ബന്ധപ്പെട്ട നടപടികൾ ഏത് ഘട്ടത്തിലാണെന്ന് അറിയിക്കുമോ; എന്തെല്ലാം നടപടിക്രമങ്ങൾ കൃഷി വകുപ്പിൽ പൂർത്തിയായിട്ടുണ്ടെന്നും എന്തെല്ലാം നടപടികൾ ഇനി അവശേഷിക്കുന്നുണ്ടെന്നും വിശദമാക്കുമോ?

ചങ്ങനാശ്ശേരി മണ്ഡലത്തിലെ ഏതെല്ലാം കൃഷിഭവനുകളാണ് സ്മാര്‍ട്ട് കൃഷിഭവനാക്കിയിട്ടുള്ളതെന്ന് വ്യക്തമാക്കാമോ;

സ്മാര്‍ട്ട് കൃഷിഭവന്‍ ആക്കുന്നതിന് കോട്ടയം പ്രിന്‍സിപ്പല്‍ കൃഷി ഓഫീസര്‍ ശിപാര്‍ശ ചെയ്തിട്ടുള്ള കൃഷിഭവനുകള്‍ ഏതെല്ലാമാണെന്ന് വ്യക്തമാക്കാമോ?

നടപ്പ് സാമ്പത്തിക വര്‍ഷം വെെപ്പിന്‍ മണ്ഡലത്തില്‍ കൃഷി വകുപ്പ് വിവിധ പദ്ധതികള്‍ക്കായി എത്ര തുക വകയിരുത്തിയെന്നും നാളിതുവരെ എത്ര തുക ചെലവഴിച്ചുവെന്നും വ്യക്തമാക്കാമോ?

സംസ്ഥാനത്ത് എത്ര ശതമാനം പ്രദേശങ്ങളിലാണ് സോയില്‍ സര്‍വേ പൂര്‍ത്തീകരിച്ചതെന്ന് വിശദമാക്കാമോ;

ജില്ലാ/ബ്ലോക്ക് അടിസ്ഥാനത്തില്‍ സര്‍വേ പൂര്‍ത്തിയാകാത്ത പ്രദേശങ്ങള്‍ ഏതൊക്കെയാണെന്ന് വിശദമാക്കാമോ;

അവസാനമായി സോയില്‍ സര്‍വേ അപ്‍‍ഡേറ്റ് ചെയ്തത് എന്നാണ്; വിശദമാക്കാമോ?

മണ്ണുപര്യവേക്ഷണ - മണ്ണുസംരക്ഷണവകുപ്പ്, ആര്‍.ഐ.ഡി.എഫ് 30-ാം ഘട്ടത്തെ പദ്ധതികള്‍ അനുമതിക്കായി സമര്‍പ്പിച്ചിട്ടുണ്ടോ; വ്യക്തമാക്കാമോ;

നെല്‍കൃഷി നിലനിര്‍ത്തുന്നതിനും പാടശേഖരങ്ങളുടെ അടിസ്ഥാന സൗകര്യവികസനത്തിനുമായി മറ്റത്തകര്‍ ഗ്രാമപഞ്ചായത്തിലെ വലിയതോട് - മറ്റത്തകര്‍ - കൊടുങ്ങ - മാങ്കുറ്റിപ്പാടം - മോനടി പാടശേഖരങ്ങളുടെ കാര്‍ഷിക അഭിവൃദ്ധിക്കായി തോട് സംരക്ഷണം, ചാനല്‍ നിര്‍മ്മാണം, പാര്‍ശ്വഭിത്തി നിര്‍മ്മാണം ഉള്‍പ്പെടെയുള്ള പ്രവൃത്തികള്‍ നടപ്പാക്കുന്നതിനായി സമര്‍പ്പിച്ചിട്ടുള്ള പ്രൊപ്പോസലിന് അനുമതിയും ഫണ്ടും ലഭ്യമാക്കുന്നതിനാവശ്യമായ നടപടികള്‍ സ്വീകരിക്കുമോ; വിശദമാക്കാമോ?

കർഷകരുടെ ആദായം മെച്ചപ്പെടുത്തുന്നതിനായി മണ്ണ് / ജല സംരക്ഷണ പ്രവർത്തനങ്ങൾ ഏർപ്പെടുത്തിയിട്ടുണ്ടോ; വ്യക്തമാക്കുമോ;

മണ്ണു പരിശോധനയ്ക്കുളള ലബോറട്ടറികളുടെ പ്രവർത്തനം തൃപ്തികരമല്ലെന്നത് പരിശോധിച്ചിട്ടുണ്ടോ;

കൃഷിയിടങ്ങളിൽ നിന്നും നേരിട്ട് ശേഖരിച്ച് പരിശോധനാഫലം അറിയിക്കുന്നതിന് നിലവിൽ സംവിധാനമുണ്ടോ; ഇല്ലെങ്കിൽ നടപ്പാക്കുമോ;

മണ്ണിന്റെ ആരോഗ്യ സംരക്ഷണത്തിനായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?