1955-ലെ തിരുവിതാംകൂര്‍-കൊച്ചി സാഹിത്യ ശാസ്ത്രീയ ധാര്‍മ്മികസംഘങ്ങൾ രജിസ്ട്രേഷന്‍ ആക്റ്റ് പ്രകാരം തിരുവനന്തപുരം ജില്ലയില്‍ റ്റി. 3424/2001 നമ്പരില്‍ രജിസ്റ്റര്‍ ചെയ്തിട്ടുള്ള സംഘടനയുമായി ബന്ധപ്പെട്ട് 2018 മുതല്‍ നാളിതുവരെ ഏതെങ്കിലും തരത്തിലുള്ള പരാതികള്‍ ലഭിച്ചിട്ടുണ്ടോ;

എങ്കില്‍ ഇതുമായി ബന്ധപ്പെട്ട ഫയലുകളുടെ എല്ലാ പേജുകളുടെയും പകര്‍പ്പ് ലഭ്യമാക്കുമോ?

1955-ലെ തിരുവിതാംകൂര്‍-കൊച്ചി സാഹിത്യ ശാസ്ത്രീയ ധാര്‍മ്മികസംഘങ്ങള്‍ രജിസ്ട്രേഷന്‍ ആക്റ്റ്, 1983-ലെ കേരള അപാർട്മെന്റ് ഓണർഷിപ്പ് ആക്റ്റ് എന്നിവ പ്രകാരം അപാര്‍ട്ട്മെന്റ് ഓണേഴ്സ് അസോസിയേഷനുകളുടെ രജിസ്ട്രേഷന്‍ നടത്തുന്നതിന്റെ നടപടിക്രമങ്ങള്‍ വിശദമാക്കാമോ;

1955-ലെ തിരുവിതാംകൂര്‍-കൊച്ചി സാഹിത്യ ശാസ്ത്രീയ ധാര്‍മ്മികസംഘങ്ങള്‍ രജിസ്ട്രേഷന്‍ ആക്റ്റ് പ്രകാരം രജിസ്റ്റര്‍ ചെയ്തിട്ടുള്ള ഓണേഴ്സ് അസോസിയേഷന്‍ നിലവിലുള്ള ഒരു അപാര്‍ട്ട്മെന്റ് സമുച്ചയത്തില്‍ സമാന്തരമായി 1983 കേരള അപാർട്മെന്റ് ഓണർഷിപ്പ് ആക്റ്റ് പ്രകാരം മറ്റൊരു ഓണേഴ്സ് അസോസിയേഷന്‍ പുതിയതായി രജിസ്റ്റര്‍ ചെയ്യാന്‍ സാധ്യമാണോ; എങ്കില്‍ ആയതിന്റെ നടപടിക്രമങ്ങള്‍ വിശദമാക്കാമോ; ഇപ്രകാരം രജിസ്ട്രേഷന്‍ സാധ്യമല്ലെങ്കില്‍ എന്തുകൊണ്ടാണെന്ന് വിശദമാക്കാമോ;

മേൽ സൂചിപ്പിച്ച പ്രകാരം രജിസ്ട്രേഷന്‍ സാധ്യമാകുന്ന പക്ഷം നിലവിലുള്ള ഓണേഴ്സ് അസോസിയേഷന്റെ ഉടമസ്ഥതയിലുള്ള ആസ്തികളും മറ്റ് സര്‍വ്വീസുകളുടെയും ഉടമസ്ഥത പുതിയതായി രജിസ്റ്റര്‍ ചെയ്യുന്ന അസോസിയേഷന് ലഭ്യമാകുമോ; എങ്കില്‍ ആയതിന്റെ നടപടിക്രമങ്ങള്‍ വിശദമാക്കാമോ;

2023 മുതൽ തിരുവനന്തപുരം നഗരസഭാ പരിധിയിൽ ഈ രണ്ട് ആക്റ്റുകളും പ്രകാരം അപാര്‍ട്ട്മെന്റ് ഓണേഴ്സ് അസോസിയേഷനുകളുടെ രജിസ്ട്രേഷൻ നടത്തുന്നതിന് എത്ര അപേക്ഷകൾ ലഭിച്ചിട്ടുണ്ട്; അവരുടെ പേര് വിവരം ലഭ്യമാക്കാമോ; ഇപ്രകാരം അപേക്ഷ ലഭിച്ചിട്ടും രജിസ്ട്രേഷൻ നടത്താത്തവയുടെ പേരും ആയതിനുള്ള കാരണവും ലഭ്യമാക്കുമോ; കൂടാതെ 1983-ലെ കേരള അപാർട്മെന്റ് ഓണർഷിപ് ആക്റ്റ് പ്രകാരം ഓണേഴ്സ് അസോസിയേഷന്റെ രജിസ്ട്രേഷൻ നടത്തണമെന്ന കോടതി നിർദേശത്തെത്തുടർന്ന് രജിസ്ട്രേഷൻ നടപടികൾ പൂർത്തികരിച്ചവയുടെ പേരുവിവരവും പ്രത്യേകം ലഭ്യമാക്കാമോ?

2021-25 കാലഘട്ടത്തില്‍ തൊടുപുഴ നിയോജകമണ്ഡലത്തില്‍ രജിസ്ട്രേഷന്‍ വകുപ്പ് നടപ്പിലാക്കിയ പദ്ധതികൾ ഏതെല്ലാമാണ്; വിശദാംശം ലഭ്യമാക്കാമോ?

ഒരാൾ മരണപ്പെട്ടാൽ അയാളുടെ ഡിജിറ്റൽ ആസ്തികൾ (സോഷ്യൽ മീഡിയ അക്കൗണ്ടുകൾ, ക്രിപ്റ്റോ കറൻസി, ഡൊമെയ്‌നുകൾ, ഡിജിറ്റൽ ഡോക്യുമെന്റുകൾ) അവകാശികൾക്ക് കൈമാറുന്നതിനോ അല്ലെങ്കിൽ അത് റദ്ദാക്കുന്നതിനോ ഉള്ള നിയമപരമായ നോമിനേഷൻ സൗകര്യം രജിസ്‌ട്രേഷൻ വകുപ്പിൽ കൊണ്ടുവരാൻ ഉദ്ദേശിക്കുന്നുണ്ടോ;

മരണപത്രങ്ങളിൽ (Wills) ഡിജിറ്റൽ ആസ്തികൾ കൂടി ഉൾപ്പെടുത്തുന്നത് സംബന്ധിച്ച് പൊതുജനങ്ങൾക്ക് അവബോധം നൽകാൻ വകുപ്പ് ഉദ്ദേശിക്കുന്നുണ്ടോ;വിശദമാക്കുമോ;

ഡിജിറ്റൽ ഡാറ്റയുടെ ഉടമസ്ഥാവകാശം തെളിയിക്കുന്നതിന് ബ്ലോക്ക് ചെയിൻ അധിഷ്ഠിത രജിസ്‌ട്രേഷൻ സംവിധാനം പരീക്ഷണാടിസ്ഥാനത്തിൽ നടപ്പിലാക്കുമോ;

സ്വകാര്യതയും പാരമ്പര്യവും സംരക്ഷിച്ചുകൊണ്ട് ഡിജിറ്റൽ പൈതൃക സംരക്ഷണത്തിന് ഒരു പ്രത്യേക 'ഡിജിറ്റൽ ആർക്കൈവിംഗ്' പോളിസി കൊണ്ടുവരുമോ?

കാസര്‍ഗോഡ് ജില്ലയിലെ ചെറുവത്തൂര്‍ കേന്ദ്രീകരിച്ച് സബ്ബ് രജിസ്ട്രാര്‍ ഓഫീസ് ആരംഭിക്കുവാനുള്ള നടപടികൾ ഇപ്പോള്‍ ഏതു ഘട്ടത്തിലാണെന്നും നേരത്തെ ഇതിനനുകൂലമായ റിപ്പോര്‍ട്ട് രജിസ്ട്രേഷന്‍ ഐ.ജി. നല്‍കിയിട്ടും ഇത് അനുവദിക്കാന്‍ വൈകുന്നതെന്തുകൊണ്ടെന്നും വ്യക്തമാക്കാമോ?

കാസര്‍ഗോഡ് ജില്ലയിലെ ചെറുവത്തൂര്‍-വീരമലക്കുന്നില്‍ അനുവദിച്ച ജില്ലാ പൈതൃക മ്യൂസിയവുമായി ബന്ധപ്പെട്ട നടപടികള്‍ ഇപ്പോള്‍ ഏതു ഘട്ടത്തിലാണെന്നും പ്രസ്തുത മ്യൂസിയം എപ്പോൾ നിലവില്‍ വരുമെന്നും വ്യക്തമാക്കാമോ?

കോഴിക്കോട് സാമൂതിരി രാജയുടെ സ്മൃതി നിലനിര്‍ത്തുന്നതിന് ഉതകുന്ന വിധത്തില്‍ മലപ്പുറം ജില്ലയില്‍ മാമാങ്ക മ്യൂസിയം സ്ഥാപിക്കുന്നതിന് നടപടികള്‍ സ്വീകരിച്ചു വരുന്നുണ്ടോ; എങ്കില്‍ ആയതിന്റെ നിലവിലെ സ്ഥിതി വിശദമാക്കാമോ?

കോഴിക്കോട് കോര്‍പ്പറേഷന്റെ പഴയ കെട്ടിടം പ്രാദേശിക മ്യൂസിയമാക്കി മാറ്റുന്നതിന് സ്വീകരിച്ച നടപടികള്‍ വിശദമാക്കാമോ?

2016 മുതല്‍ നാളിതുവരെ പാറശ്ശാല നിയോജക മണ്ഡലത്തില്‍ പുരാവസ്തു വകുപ്പ് മുഖേന നടപ്പിലാക്കിയ പ്രവൃത്തികള്‍ ഏതെല്ലാമാണെന്ന് വിശദമാക്കാമോ;

പ്രസ്തുത കാലയളവില്‍ മണ്ഡലത്തിലെ ഏതെങ്കിലും ചരിത്രസ്മാരകങ്ങളെയോ പുരാതന നിർമ്മിതികളെയോ സംരക്ഷിത സ്മാരകങ്ങളായി പ്രഖ്യാപിക്കുകയോ ഏറ്റെടുക്കുകയോ ചെയ്തിട്ടുണ്ടോ; എങ്കില്‍ അവയുടെ വിശദാംശങ്ങള്‍ ലഭ്യമാക്കാമോ;

പുരാവസ്തു വകുപ്പ് വഴി നടപ്പിലാക്കിയ ഓരോ പ്രവൃത്തിക്കും അനുവദിച്ച തുക, പദ്ധതിയുടെ നിലവിലെ അവസ്ഥ (പൂര്‍ത്തിയായവ/പുരോഗമിക്കുന്നവ), നിര്‍വഹണ ഏജന്‍സി എന്നിവ സംബന്ധിച്ച വിവരങ്ങള്‍ ലഭ്യമാക്കാമോ;

പാറശ്ശാല മണ്ഡലത്തിലെ പുരാതന ക്ഷേത്രങ്ങള്‍, ശിലാലിഖിതങ്ങള്‍, ചരിത്ര പ്രാധാന്യമുള്ള മറ്റ് സ്ഥലങ്ങള്‍ എന്നിവയുടെ നവീകരണത്തിനോ ഗവേഷണത്തിനോ വേണ്ടി പുതിയ പദ്ധതികള്‍ സര്‍ക്കാരിന്റെ പരിഗണനയിലുണ്ടോ; എങ്കിൽ വിശദമാക്കാമോ?

തിരുവനന്തപുരം ജില്ലയിലെ കാട്ടാക്കട നിയോജക മണ്ഡലത്തിലെ അരുവിക്കര ശ്രീധര്‍മ്മ ശാസ്താ ക്ഷേത്രത്തിൽ നടന്ന പ്രവൃത്തികളുടെ വിശദാംശങ്ങള്‍ ലഭ്യമാക്കുമോ; കഴിഞ്ഞ സര്‍ക്കാരിന്റെ കാലത്തും ഈ സര്‍ക്കാരിന്റെ കാലത്തും നടന്ന പ്രവൃത്തികള്‍, അവയുടെ തുക എന്നിവയുടെ വിശദാംശങ്ങള്‍ ലഭ്യമാക്കാമോ?