പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കഴിഞ്ഞ 10 വര്‍ഷത്തിനുള്ളില്‍ സംസ്ഥാനത്തെ സര്‍ക്കാര്‍ /എയ്ഡഡ് സ്കൂളുകളില്‍ പുതുതായി പ്രവേശനം നേടിയ വിദ്യാര്‍ത്ഥികളുടെ വിശദവിവരങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കാമോ;

സംസ്ഥാനത്തെ സ്കൂളുകളില്‍ കുട്ടികളുടെ കൊഴിഞ്ഞുപോക്ക് നിലവില്‍ റിപ്പോര്‍ട്ട് ചെയ്തിട്ടുണ്ടോ; എങ്കിൽ കൊഴിഞ്ഞുപോക്ക് നിരക്ക് വിശദമാക്കാമോ; പട്ടികവര്‍ഗ്ഗ മേഖലയിലും തീരദേശ മേഖലയിലും ഇത് കുറയ്ക്കുന്നതിനായി പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ;

പ്രത്യേക പരിഗണന അര്‍ഹിക്കുന്ന കുട്ടികളെ (സി ഡബ്ള്യു എസ് എൻ )പൊതു വിദ്യാഭ്യാസത്തിന്റെ ഭാഗമാക്കുന്നതിനായി വിദ്യാലയങ്ങളില്‍ നടപ്പാക്കിയ ഭൗതിക സാഹചര്യങ്ങള്‍ എന്തൊക്കെയാണെന്ന് വിശദമാക്കാമോ;

വിദ്യാഭ്യാസ മേഖലയില്‍ ലിംഗസമത്വം ഉറപ്പു വരുത്തുന്നതിനായി പാഠ്യപദ്ധതിയിലും സ്കൂള്‍ അന്തരീക്ഷത്തിലും വരുത്തിയ മാറ്റങ്ങള്‍ എന്തൊക്കെയാണ്; പെണ്‍കുട്ടികളുടെ പങ്കാളിത്തം വര്‍ദ്ധിപ്പിക്കുന്നതിന് പ്രത്യേക പദ്ധതികളുണ്ടോ; വിശദമാക്കുമോ?

നിയമനാംഗീകാരം, ശമ്പള കുടിശ്ശിക, മറ്റ് സർവീസ് പ്രശ്നങ്ങൾ തുടങ്ങിയവയിൽ അനുകൂല കോടതി വിധി സമ്പാദിച്ചിട്ടുള്ള പൊതുവിദ്യാഭ്യാസ വകുപ്പിന് കീഴിലുള്ള അധ്യാപകരുടെയും അനധ്യാപകരുടെയും മറ്റ് ജീവനക്കാരുടെയും ഫയലുകളിൽ സർക്കാരും വിദ്യാഭ്യാസ വകുപ്പിലെ മറ്റുസ്ഥാപനങ്ങളും തീർപ്പാക്കാനുള്ളവയുടെ വിശദവിവരം ലഭ്യമാക്കാമോ;

പ്രസ്തുത ഫയലുകള്‍ തീർപ്പാക്കുന്നതിന് കോടതി നിർദ്ദേശിച്ച സമയപരിധി കഴിഞ്ഞിട്ടും തീർപ്പാക്കാത്തവയുടെ എണ്ണവും അവ ആരുടേതെല്ലാമാണെന്നും ഏതുവിഷയത്തിൽ ആണെന്നുമുള്ള വിശദവിവരം ലഭ്യമാക്കാമോ;

പ്രസ്തുത ഫയലുകള്‍ തീർപ്പാക്കുന്നതിന് കോടതി നിർദ്ദേശിച്ച സമയപരിധി കഴിഞ്ഞതിനാൽ കോടതിയലക്ഷ്യ ഉത്തരവ് ലഭിച്ചവയുടെ എണ്ണവും അവ ആരുടേതെല്ലാമാണെന്നും ഏതുവിഷയത്തിൽ ആണെന്നുമുള്ള വിശദവിവരം ലഭ്യമാക്കാമോ;

പ്രസ്തുത ഫയലുകള്‍ തീർപ്പാക്കുന്നതിന് കോടതി നിർദ്ദേശിച്ച സമയപരിധി കഴിഞ്ഞിട്ടും തീർപ്പാക്കാത്തവയുണ്ടെങ്കിൽ അതിനുള്ള കാരണം എന്താണെന്ന് വിശദമാക്കാമോ;

പ്രസ്തുത ഫയലുകള്‍ തീർപ്പാക്കുന്നതിന് കോടതി നിർദ്ദേശിച്ച സമയപരിധി കഴിഞ്ഞിട്ടും തീർപ്പാക്കാത്തതിനും കോടതിയലക്ഷ്യ നടപടികളിലേക്ക് എത്തിക്കുന്നതിനും കാരണമാകുന്ന ഉദ്യോഗസ്ഥർക്കെതിരെ നടപടി സ്വീകരിക്കുമോ എന്ന് വ്യക്തമാക്കാമോ;

പ്രസ്തുത ഉദ്യോഗസ്ഥർക്കെതിരെ 2021 മുതൽ നാളിതുവരെ എന്തെങ്കിലും നടപടികൾ സ്വീകരിച്ചിട്ടുണ്ടെങ്കിൽ അതിന്റെ വിശദവിവരം ലഭ്യമാക്കാമോ?

ഈ സർക്കാർ അധികാരമേറ്റതു മുതൽ നാളിതുവരെ സംസ്ഥാനത്ത് സ്കൂൾ കുട്ടികൾക്കിടയിൽ ഉള്ള അക്രമങ്ങളിൽ വിദ്യാർത്ഥികള്‍ക്ക് പരിക്കേറ്റ എത്ര സംഭവങ്ങളാണ് റിപ്പോർട്ട് ചെയ്തിട്ടുള്ളത്; വർഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത കേസുകളിൽ പൊതുവിൽ സ്വീകരിച്ചിട്ടുള്ള ശിക്ഷാ നടപടികൾ എന്തൊക്കെയാണ്;

കുട്ടികള്‍ക്കിടയിലെ അക്രമവാസന വര്‍ദ്ധിച്ചു വരുന്നതിനുള്ള കാരണങ്ങള്‍ സംബന്ധിച്ച് പഠനങ്ങള്‍ എന്തെങ്കിലും നടത്തുകയുണ്ടായോ; വിശദാംശങ്ങള്‍ അറിയിക്കുമോ;

കുട്ടികളിലെ വർദ്ധിച്ചു വരുന്ന അക്രമവാസന കുറയ്ക്കുന്നതിനായി വിദ്യാഭ്യാസ വകുപ്പ് ഇതിനോടകം സ്വീകരിച്ചിട്ടുള്ള നടപടികൾ എന്തെല്ലാമാണ്?

പ്രൈമറി തലത്തിൽ തന്നെ കുട്ടികളുടെ പഠന വൈകല്യങ്ങൾ കണ്ടെത്തുന്നതിന് നടത്തുന്ന ഇടപെടൽ വിശദമാക്കാമോ;

വ്യക്തിഗത പഠന പരിശീലന പ്രവര്‍ത്തനങ്ങളിലൂടെ ഇത്തരം കുട്ടികളുടെ പഠന വൈകല്യം പരിഹരിക്കാന്‍ പദ്ധതി ആവിഷ്കരിച്ചിട്ടുണ്ടോ;

കുട്ടികളുടെ പഠന വൈകല്യം കണ്ടെത്തുന്നതിനും പരിഹരിക്കുന്നതിനും അധ്യാപകർക്ക് പരിശീലനം നൽകാൻ സർക്കാർ പദ്ധതികൾ നിലവിലുണ്ടോ; വിശദമാക്കാമോ?

സാങ്കേതികവിദ്യയോടുള്ള പുതുതലമുറയുടെ ആഭിമുഖ്യം വിദ്യാഭ്യാസത്തിന് അനുഗുണമായും സര്‍ഗാത്മകമായും പരിവർത്തിപ്പിക്കുന്നതിനുള്ള സാധ്യതകൾ പരിശോധനാവിധേയമാക്കിയിട്ടുണ്ടോ; വിശദീകരിക്കുമോ;

ആര്‍ട്ടിഫിഷ്യല്‍ ഇന്റലിജന്‍സിന്റെ സാധ്യത പ്രയോജനപ്പെടുത്തിക്കൊണ്ട് ഐ.സി.ടി. പാഠപുസ്തകങ്ങളില്‍ പ്രത്യേക പഠന പ്രവര്‍ത്തനങ്ങൾ വിദ്യാർത്ഥികളിലേക്ക് എത്തിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാം; വിശദീകരിക്കുമോ;

പൊതുവിദ്യാലയങ്ങളില്‍ പഠിക്കുന്ന, ഡിജിറ്റല്‍ ഡിവൈസ് ഇല്ലാത്ത എല്ലാ കുട്ടികള്‍ക്കും സാങ്കേതികവിദ്യാപഠനം ഒരുപോലെ ലഭ്യമാക്കുന്നതിനുള്ള സംവിധാനം ഒരുക്കിയിട്ടുണ്ടോ; വിശദീകരിക്കുമോ;

വിദ്യാലയങ്ങളില്‍ സ്വതന്ത്ര സോ‍ഫ്‍റ്റ്‍വെയര്‍ ഉപയോഗിക്കുന്നതിലൂടെ സൈബര്‍ സുരക്ഷാ ഭീഷണികളെ പെട്ടെന്ന് കണ്ടെത്താനും ആവശ്യമായ മുന്നൊരുക്കങ്ങള്‍ നടത്താനും കഴിഞ്ഞിട്ടുണ്ടോ; വിശദീകരിക്കുമോ?

ഈ സർക്കാരിന്റെ കാലയളവിൽ പൊതുവിദ്യാഭ്യാസ വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം ലഭ്യമാക്കാമോ?

സംസ്ഥാനത്ത് പത്താം ക്ലാസ് സിലബസ് പരിഷ്കരിക്കാൻ തീരുമാനിച്ചിട്ടുണ്ടോ; വിശദാംശം ലഭ്യമാക്കാമോ;

പുതിയ പാഠ്യപദ്ധതി അനുസരിച്ച് പത്താം ക്ലാസ് പരീക്ഷയിൽ മാറ്റങ്ങൾ വരുത്തിയിട്ടുണ്ടോയെന്ന് വ്യക്തമാക്കാമോ;

ടേം പരീക്ഷ, വാർഷിക പരീക്ഷ ഉൾപ്പെടെയുള്ള ചോദ്യപേപ്പറുകൾ ചോർന്ന സാഹചര്യം പരിഗണിച്ച് പരീക്ഷകളുടെ വിശ്വാസ്യത നിലനിർത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

2016- 21, 2021 - 26 കാലയളവിൽ കോവളം നിയോജക മണ്ഡലത്തില്‍ വിദ്യാഭ്യാസ വകുപ്പിൽ നിന്നും ഭരണാനുമതി ലഭിച്ച പ്രവൃത്തികളുടെയും പദ്ധതികളുടെയും വിവരങ്ങള്‍ ലഭ്യമാക്കാമാേ; പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വർഷം തിരിച്ച് വിശദമാക്കാമാേ?

കേരളത്തിൽ വിദേശ സർവകലാശാലകൾക്ക് ക്യാമ്പസുകൾ തുടങ്ങാൻ അനുമതി നൽകുമ്പോൾ അത്തരം ഉന്നത വിദ്യാഭ്യാസ സ്ഥാപനങ്ങളിലേക്ക് പ്രവേശനം നേടാൻ പാകത്തിൽ പൊതുവിദ്യാലയങ്ങളിലെ കുട്ടികളെ സജ്ജരാക്കുന്ന ഗ്ലോബൽ ബെഞ്ച്മാർക്കിംഗ് പദ്ധതി സർക്കാർ വിഭാവനം ചെയ്യുന്നുണ്ടോ; വിശദമാക്കുമോ;

വിദേശ സർവകലാശാലകളിലെ പ്രവേശന പരീക്ഷകൾക്കും ഇന്റർവ്യൂകൾക്കും തയ്യാറെടുക്കാൻ സർക്കാർ സ്കൂളുകളിൽ പ്രത്യേക കരിയർ ആക്സിലറേഷൻ സെന്ററുകൾ തുടങ്ങുമോ; വിശദമാക്കുമോ;

ഉന്നതവിദ്യാഭ്യാസം അന്താരാഷ്ട്ര നിലവാരത്തിലാകുമ്പോൾ സ്കൂൾ തലത്തിൽ ഇന്റർനാഷണൽ ബാക്കലറിയേറ്റ് (ഐ.ബി.) മോഡൽ മൂല്യനിർണ്ണയം പരീക്ഷണാടിസ്ഥാനത്തിൽ നടപ്പാക്കുന്ന കാര്യം പരിഗണനയിലുണ്ടോ എന്ന് വിശദമാക്കുമോ;

വിദേശ ക്യാമ്പസുകളിലെ ഫീസ് ഘടന സാധാരണക്കാർക്ക് താങ്ങാനാവില്ലെന്നകാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ പൊതുവിദ്യാലയങ്ങളിലെ പ്രതിഭകൾക്ക് 100% സ്കോളർഷിപ്പ് ഉറപ്പാക്കാൻ സർവകലാശാലകളുമായി കരാറുണ്ടാക്കുമോ; വിശദമാക്കുമോ?

കഴിഞ്ഞ സർക്കാരിന്റെയും ഈ സർക്കാരിന്റെയും കാലത്ത് പുതുതായി ആരംഭിച്ച സർക്കാർ സ്കൂളുകളുടെ എണ്ണം എത്രയെന്ന് വ്യക്തമാക്കാമോ; എൽ. പി., യു. പി., ഹൈസ്കൂൾ, ഹയർസെക്കൻഡറി വിഭാഗങ്ങൾ തിരിച്ച് ജില്ലാ അടിസ്ഥാനത്തിലുള്ള വിവരം ലഭ്യമാക്കുമോ;

ഈ കാലയളവിൽ ഏതെങ്കിലും സർക്കാർ സ്കൂളുകൾ പൂട്ടി പോയിട്ടുണ്ടോ; എങ്കിൽ എത്ര എണ്ണം; ജില്ലതിരിച്ചുള്ള വിശദാംശം ലഭ്യമാക്കുമോ?

അധ്യാപകർക്ക് സുപ്രീംകോടതിയുടെ വിധിമൂലം കെ-ടെറ്റ് നിർബന്ധമാക്കിയ സാഹചര്യത്തിൽ സംസ്ഥാനത്ത് സർവ്വീസിലുള്ള അധ്യാപകർക്ക് കെ- ടെറ്റ് യോഗ്യത നേടുന്നതിന് പ്രത്യേക പരീക്ഷ എന്നാണ് നടത്തുന്നതെന്ന് വ്യക്തമാക്കുമോ;

പ്രസ്തുത പരീക്ഷ എഴുതുന്നതിന് എയ്ഡഡ് സ്കൂളിൽ പ്രവർത്തിച്ചുകൊണ്ടിരിക്കുന്നതും നിയമനാംഗീകാരത്തിന് കാത്തുനിൽക്കുന്നതുമായ അധ്യാപകരെക്കൂടി ഉൾപ്പെടുത്തുന്നതിന് നടപടി സ്വീകരിക്കുമോ?

പാഠ്യപദ്ധതി ചട്ടക്കൂട് നവീകരിക്കുന്നതിന് എന്തെല്ലാം ഒരുക്കങ്ങളാണ് സര്‍ക്കാര്‍ നടത്തിയിട്ടുള്ളതെന്ന് വിശദമാക്കാമോ;

പാഠപുസ്തകങ്ങള്‍ പരിഷ്കരിക്കുന്നതില്‍ സ്വീകരിച്ച സമീപനം എന്താണെന്ന് വിശദമാക്കാമോ;

പാഠപുസ്തകങ്ങള്‍ കാലാനുസൃതമായി പരിഷ്കരിക്കുന്നതിനും സമയബന്ധിതമായി കുട്ടികളില്‍ എത്തിക്കുന്നതിനും എന്തെല്ലാം നടപടികളാണ് സ്വീകരിച്ചത്; വ്യക്തമാക്കാമോ;

മൂല്യനിര്‍ണ്ണയത്തില്‍ കാലാനുസൃതമായ മാറ്റം വരുത്തുന്നതില്‍ എന്തെല്ലാം നടപടികളാണ് സ്വീകരിച്ചു വരുന്നത്; വര്‍ഷം മുഴുവന്‍ നീണ്ടു നില്‍ക്കുന്ന തുടര്‍ മൂല്യനിര്‍ണ്ണയം എന്ന ആശയം എങ്ങനെയാണ് പ്രാവര്‍ത്തികമാക്കാന്‍ ഉദ്ദേശിക്കുന്നത്; വിശദമാക്കാമോ?

പൊതുവിദ്യാഭ്യാസ വകുപ്പിന് കീഴിൽ കല്ല്യാശ്ശേരി മണ്ഡലത്തിൽ കിഫ്ബി ധനസഹായത്തോടെ ധനകാര്യാനുമതി നൽകിയിട്ടുള്ള വിദ്യാലയ പ്രവൃത്തികൾ ഏതൊക്കെയാണെന്ന് വിശദമാക്കാമോ; പ്രസ്തുത വിദ്യാലയങ്ങളുടെ നിര്‍മ്മാണ പുരോഗതി അറിയിക്കാമോ?

ചവറ ബി.ആര്‍.സി. മുഖേന എസ്.എസ്.കെ. നിര്‍മ്മിക്കുന്ന ബി.ആര്‍.സി മോഡല്‍ ബില്‍ഡിംഗിന്റെ നിര്‍മ്മാണത്തിന് മുന്‍പായി തെങ്ങുകള്‍ മുറിച്ചുമാറ്റുക, വൃക്ഷങ്ങളുടെ ശിഖരങ്ങള്‍ മുറിച്ചുമാറ്റുക എന്നീ പ്രവർത്തനങ്ങൾ വൈകിപ്പിക്കുന്നതെന്താണെന്നറിയിക്കാമോ;

പ്രസ്തുത പ്രവൃത്തി വൈകുന്നതിനുള്ള തടസ്സം പരിഹരിക്കാന്‍ നടപടി സ്വീകരിക്കുമോ?

സംസ്ഥാനത്തെ എത്ര പൊതുവിദ്യാലയങ്ങളില്‍ ലിഫ്റ്റ്, എ.സി. സൗകര്യങ്ങള്‍ ഉണ്ടെന്നും; അത്തരം സൗകര്യങ്ങളുളള പൊതുവിദ്യാലയങ്ങൾ ഏതൊക്കെയെന്നും അറിയിക്കാമോ;

പൊതുവിദ്യാലയങ്ങളില്‍ എത്ര സ്മാര്‍ട്ട് ക്ലാസ് മുറികളുണ്ടെന്നും അവയില്‍ എത്രയെണ്ണം ശീതീകരിച്ചിട്ടുണ്ടെന്നുമുള്ള വിവരങ്ങള്‍ ലഭ്യമാക്കാമോ;

പൊതുവിദ്യാലയങ്ങളിലെ അടിസ്ഥാന സൗകര്യ വികസനത്തിനായി കഴിഞ്ഞ 5 വര്‍ഷക്കാലം നടപ്പിലാക്കിയ പദ്ധതികളുടെ വിശദാംശങ്ങള്‍ ലഭ്യമാക്കാമോ?

കഴിഞ്ഞ 10 വര്‍ഷത്തിനുള്ളില്‍ പൊതുവിദ്യാലയങ്ങളുടെ അടിസ്ഥാന സൗകര്യ വികസനത്തിനായി സര്‍ക്കാര്‍ ചെലവഴിച്ച തുകയുടെ വിശദാംശങ്ങള്‍ ലഭ്യമാക്കാമോ;

കിഫ്ബി സഹായത്തോടെ 5 കോടി, 3 കോടി, 1 കോടി ക്രമത്തിൽ തുക അനുവദിച്ച സ്കൂള്‍ കെട്ടിടങ്ങളില്‍ നിര്‍മ്മാണം പൂര്‍ത്തീകരിച്ചവയുടെ വിവരങ്ങള്‍ അറിയിക്കാമോ; ഇതില്‍ പണി നടന്നുകൊണ്ടിരിക്കുന്ന സ്കൂള്‍ കെട്ടിടങ്ങള്‍ സമയബന്ധിതമായി പൂര്‍ത്തിയാക്കാനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കുമോ;

കെട്ടിടങ്ങളുടെ എണ്ണം കൂട്ടുന്നതിലുപരി സെന്റര്‍ ഓഫ് എക്സലന്‍സ് എന്ന നിലയില്‍ വിദ്യാലയങ്ങള്‍ ആധുനികവല്‍ക്കരിക്കാന്‍ സര്‍ക്കാരിന് കഴിഞ്ഞിട്ടുണ്ടോ; വിശദാംശങ്ങള്‍ ലഭ്യമാക്കാമോ;

പഠനത്തോടൊപ്പം ശാരീരികവും മാനസികവുമായ വികസനത്തിന് ഉതകുംവിധം സൗകര്യങ്ങള്‍ ഒരുക്കുന്നതിന് മുന്‍ഗണന നല്‍കിയിട്ടുണ്ടോ; വ്യക്തമാക്കാമോ?

2021- 26 കാലയളവിൽ കരുനാഗപ്പള്ളി മണ്ഡലത്തില്‍ പൊതുവിദ്യാഭ്യാസ വകുുപ്പില്‍ നിന്നും ഭരണാനുമതി ലഭിച്ച പ്രവൃത്തികളുടെയും പദ്ധതികളുടെയും വിവരങ്ങള്‍ ലഭ്യമാക്കാമാേ;

മേൽപ്പറഞ്ഞ പ്രവൃത്തികളുടെയും പദ്ധതികളുടെയും പേര്, അനുവദിച്ച തുക, നിലവിലെ സ്ഥിതി എന്നിവ വർഷം തിരിച്ച് വിശദമാക്കാമാേ?

കിച്ചണ്‍ കം സ്റ്റോര്‍ പദ്ധതിയില്‍ ഉള്‍പ്പെടുത്തി സ്കൂളുകള്‍ക്ക് ഫണ്ട് അനുവദിക്കുന്നതുമായി ബന്ധപ്പെട്ട് നിലവില്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ;

വള്ളിക്കുന്ന് നിയോജക മണ്ഡലത്തില്‍ ഉള്‍പ്പെട്ട ഏതൊക്കെ സ്കൂളുകള്‍ നിലവിലെ പട്ടികയില്‍ ഉള്‍പ്പെട്ടിട്ടുണ്ട്; വ്യക്തമാക്കാമോ?

മങ്കട നിയോജക മണ്ഡലത്തിലെ പൊതു വിദ്യാഭ്യാസ വകുപ്പിന് കീഴിലുള്ള വിവിധ സ്കൂളുകളിൽ നടക്കുന്ന വികസന പ്രവർത്തനങ്ങൾ എന്തെല്ലാം; പ്രസ്തുത പ്രവൃത്തികൾ ഏതെല്ലാം പദ്ധതിയിൽ ഉൾപ്പെടുത്തിയാണ് നടന്നുവരുന്നത്; പദ്ധതികൾ തിരിച്ച് അനുവദിച്ച തുക, നിലവിലെ സ്ഥിതി എന്നിവ ഉള്‍പ്പെടെ ഓരോ പ്രവൃത്തിയുടെയും വിശദാംശം ലഭ്യമാക്കാമോ;

കിഫ്ബി ഫണ്ട് ഉപയോഗിച്ച് നടത്തുന്ന പ്രവൃത്തികൾ ഏതെല്ലാം; ഓരോന്നിന്റെയും നിർമ്മാണ ഏജൻസികൾ ഏതെല്ലാം; പ്രസ്തുത പ്രവൃത്തികളുടെ നിലവിലെ സ്ഥിതി എന്നിവ അറിയിക്കാമോ; പ്രവൃത്തികള്‍ നടപ്പിലാക്കുന്നതിൽ ഏതെങ്കിലും തരത്തിലുള്ള തടസ്സങ്ങൾ നിലവിലുണ്ടോ; വിശദാംശം ലഭ്യമാക്കുമോ;

മങ്കട നിയോജകമണ്ഡലത്തിൽ അടിസ്ഥാന സൗകര്യങ്ങളുടെ അഭാവം നേരിടുന്ന സ്കൂളുകൾ ഏതെല്ലാം; എന്തെല്ലാം തരത്തിലുള്ള അടിസ്ഥാന സൗകര്യങ്ങളാണ് അടിയന്തരമായി ലഭ്യമാക്കേണ്ടത്; ഓരോന്നിനും പ്രതീക്ഷിക്കുന്ന എസ്റ്റിമേറ്റ് തുകയെത്ര; വിശദാംശം ലഭ്യമാക്കാമോ;

പ്രസ്തുത മണ്ഡലത്തിലെ അടിസ്ഥാന സൗകര്യ അപര്യാപ്തത നേരിടുന്ന എല്ലാ സ്കൂളുകൾക്കും ആയത് പരിഹരിക്കാനായി അടിയന്തരമായി ഫണ്ട് അനുവദിക്കുമോ?

കാട്ടാക്കട നിയോജകമണ്ഡലത്തിൽ കഴിഞ്ഞ സർക്കാരിന്റെയും നിലവിലെ സർക്കാരിന്റെയും കാലയളവിൽ പൊതുവിദ്യാഭ്യാസ വകുപ്പ് വഴി അനുമതി ലഭിച്ചതും നിർമ്മാണം പൂർത്തിയായതുമായ പ്രവൃത്തികളുടെ വിശദാംശം തുക ഉൾപ്പെടെ സ്കൂൾ തിരിച്ച് ലഭ്യമാക്കാമോ;

കാട്ടാക്കട നിയോജകമണ്ഡലത്തിൽ വർണ്ണക്കൂടാരം, ഡിജിറ്റൽ ക്ലാസ് റൂം (സ്മാർട്ട്), കെട്ടിട നിർമ്മാണം എന്നീ ഇനങ്ങളിൽ ഓരോ സ്കൂളിനും അനുവദിച്ച തുകയും അവയുടെ നിലവിലെ പുരോഗതിയും തരംതിരിച്ച് വ്യക്തമാക്കാമോ?

2021-26 കാലയളവിൽ ഇരിക്കൂര്‍ നിയോജക മണ്ഡലത്തില്‍ വിദ്യാഭ്യാസ വകുപ്പില്‍ നിന്നും ഭരണാനുമതി ലഭിച്ച പ്രവൃത്തികളുടെയും പദ്ധതികളുടെയും വിവരങ്ങള്‍ ലഭ്യമാക്കാമാേ;

പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വർഷം തിരിച്ച് വിശദമാക്കാമാേ?

ഉച്ചഭക്ഷണം നല്‍കിയ വകയില്‍ സ്കൂളുകള്‍ക്ക് കുടിശ്ശിക നല്കാനുണ്ടോ; എങ്കില്‍ മൊത്തം എത്ര കുടിശ്ശികയുണ്ടെന്ന് വ്യക്തമാക്കാമോ;

സ്കൂളുകള്‍ക്ക് നല്‍കാനുള്ള കുടിശ്ശിക ഓരോ അദ്ധ്യയന വര്‍ഷത്തിലും എത്ര വീതമുണ്ടെന്ന് വ്യക്തമാക്കാമോ;

ഇത്തരത്തില്‍ വര്‍ദ്ധിച്ച് വരുന്ന കുടിശ്ശിക ഉച്ചഭക്ഷണ പദ്ധതിയുടെ അന്ത്യം കുറിച്ചുകൊണ്ടിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

പൊതുവിദ്യാഭ്യാസ ഡയറക്ടറുടെ ഫണ്ടിലേക്ക് ഇതിനാവശ്യമായ തുക അനുവദിക്കുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കുമോ?

കാട്ടാക്കട നിയോജക മണ്ഡലത്തിലെ സ്കൂളുകളില്‍ ഡിജിറ്റല്‍, സ്മാര്‍ട്ട് ക്ലാസ്റൂമുകള്‍ നിര്‍മ്മിക്കുന്നതിന് ആകെ എത്ര രൂപ ചെലവഴിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതി ഏതൊക്കെ സ്കൂളുകളില്‍ എത്ര ക്ലാസ്റൂം, എന്തൊക്കെ ഉപകരണങ്ങളും സംവിധാനങ്ങളും ഒരുക്കി എന്നിവ സംബന്ധിച്ച് വിശദമായ വിവരങ്ങള്‍ ലഭ്യമാക്കാമോ; ആയതിന്റെ തുടര്‍പരിപാലനം എങ്ങനെ സാധ്യമാക്കാനാണ് ഉദ്ദേശിക്കുന്നതെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കടുത്തുരുത്തി മണ്ഡലത്തിലെ വിവിധ പൊതുവിദ്യാലയങ്ങളില്‍ വിവിധ വകുപ്പുകള്‍ മുഖേന എന്തെല്ലാം വികസന പ്രവര്‍ത്തനങ്ങളാണ് നടത്തിയിട്ടുള്ളതെന്ന് വിശദമാക്കാമോ;

കടുത്തുരുത്തി മണ്ഡലത്തിലെ എത്ര വിദ്യാലയങ്ങൾക്കാണ് ചലഞ്ച് ഫണ്ട് ലഭ്യമാക്കിയിട്ടുള്ളത്; വിശദമാക്കാമോ;

കടുത്തുരുത്തി മണ്ഡലത്തിലെ എത്ര വിദ്യാലയങ്ങൾക്കാണ് ചലഞ്ച് ഫണ്ട് ലഭ്യമാക്കാത്തത്; കാരണം വ്യക്തമാക്കാമോ; പ്രസ്തുത വിദ്യാലയങ്ങൾക്ക് ചലഞ്ച് ഫണ്ട് എത്രയും വേഗം ലഭ്യമാക്കാൻ എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ;

കടുത്തുരുത്തി മണ്ഡലത്തിലെ പൊതു വിദ്യാഭ്യാസ വകുപ്പിന്റെ പ്രവൃത്തികൾ എത്രയും വേഗം പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ?

2021-26 കാലത്ത് പൊതുവിദ്യാഭ്യാസ വകുപ്പിന്റെ ഫണ്ട് ഉപയോഗിച്ച് അഴീക്കോട് മണ്ഡലത്തില്‍ നടപ്പിലാക്കിയ പദ്ധതികള്‍,സ്കൂള്‍ കെട്ടിട നിര്‍മ്മാണങ്ങള്‍ എന്നിവ വിശദീകരിക്കാമോ;

പ്രസ്തുത പ്രവൃത്തികളിൽ പൂര്‍ത്തിയായവ, പുരോഗമിക്കുന്നവ, ആരംഭിക്കുന്നവ എന്നിങ്ങനെ തരംതിരിച്ച് തുക ഉള്‍പ്പെടെ രേഖപ്പെടുത്തി വിശദമായ മറുപടി നല്‍കാമോ;

കിഫ്ബി ഫണ്ട് ഉപയോഗിച്ച് പ്രസ്തുത മണ്ഡലത്തില്‍ നിര്‍മ്മിക്കുന്ന സ്കൂള്‍ കെട്ടിടങ്ങളിൽ പൂര്‍ത്തിയായവ, പുരോഗമിക്കുന്നവ എന്നിങ്ങനെ വിശദമായ മറുപടി നല്‍കാമോ?

സംസ്ഥാനത്തെ പൊതുവിദ്യാലയങ്ങളിൽ പഠന രീതികളിലും പാഠപുസ്തകങ്ങളിലും വന്ന മാറ്റം പരിഗണിച്ച് പഠനത്തെ വിലയിരുത്തുന്ന രീതിയിലും മാറ്റം വരുത്തുന്നതിനുദ്ദേശിക്കുന്നുണ്ടോ; വിശദീകരിക്കുമോ;

പരീക്ഷയെയും പഠനത്തെയും ഭയരഹിതമായി സമീപിക്കുന്നതിന് ഓരോ വിദ്യാർത്ഥിയേയും സഹായിക്കുന്ന തരത്തിലുള്ള മാറ്റം കൊണ്ടുവരുന്നതിന് ഇതിലൂടെ ഉദ്ദേശിക്കുന്നുണ്ടോ; വിശദീകരിക്കുമോ;

പരീക്ഷാസമ്പ്രദായത്തിനൊപ്പം ചോദ്യങ്ങളുടെ സ്വഭാവവും കാലാനുസൃത പരിഷ്കരണത്തിന് വിധേയമാക്കിയിട്ടുണ്ടോ; വിശദീകരിക്കുമോ;

മാറി വരുന്ന കാലഘട്ടത്തില്‍ വിവിധ മത്സരപരീക്ഷകളിൽ മികച്ച വിജയം കൈവരിക്കുന്നതിനുള്ള പ്രാരംഭ പരിശീലനം എന്ന നിലയിലേക്ക് ക്ലാസ് പരീക്ഷകളെ പരിവർത്തിപ്പിക്കുന്നതിന് കഴിഞ്ഞിട്ടുണ്ടോ; വിശദീകരിക്കുമോ?

വിദ്യാഭ്യാസ അവകാശ നിയമം പ്രാബല്യത്തിൽ വന്നിട്ടുളള സർക്കാർ പ്രൈമറി സ്കൂളുകളിൽ എസ്.എം. സി. യോഗങ്ങൾ പി. ടി. എ. യോടൊപ്പം സംയുക്തമായി മാത്രമാണോ ചേരേണ്ടതെന്ന് വ്യക്തമാക്കാമോ;

എസ്. എം. സി. യിലേക്ക് നോമിനേറ്റ് ചെയ്യപ്പെട്ട അംഗങ്ങൾക്ക് എസ്. എം. സി. ചെയർമാൻ ആകുവാൻ സാധിക്കുമോ എന്ന് വ്യക്തമാക്കാമോ;

വിദ്യാർത്ഥിയുടെ മാതാപിതാക്കൾ രക്ഷിതാവ് ആയിട്ട് ഉണ്ടാവുമ്പോൾ ലോക്കൽ ഗാർഡിയൻ/ഗാർഡിയൻ എന്ന അധികാരം ഉപയോഗിച്ച് എസ്. എം. സി. ഭാരവാഹിയാകുന്നത് സാധ്യമാണോയെന്ന് വ്യക്തമാക്കാമോ;

സ്കൂളിൽ പി. ടി. എ. യുടെ പ്രവർത്തനങ്ങൾ മാത്രം നടത്തുകയും എസ്. എം. സി. നിർജീവമാക്കി നിലനിർത്തുകയും ചെയ്യുകയാണെങ്കിൽ അത്തരം സ്കൂളുകൾക്കെതിരെ സ്വീകരിക്കുന്ന നടപടികൾ എന്തെല്ലാമാണെന്ന് വ്യക്തമാക്കാമോ;

എസ്. എം. സി. ഭാരവാഹികളുടെ തിരഞ്ഞെടുപ്പിൽ ക്രമക്കേടുകൾ ഉണ്ടാകുന്നുണ്ടെങ്കിൽ സ്കൂൾ മേലധികാരിക്ക് മേൽ സ്വീകരിക്കേണ്ട നടപടികൾ എന്തെല്ലാമാണെന്ന് അറിയിക്കാമോ;

പൊതു വിദ്യാഭ്യാസ ഡയറക്ടറുടെ 20.06.2012 -ലെ എച്ച് 1/38613/12/ഡി. പി. ഐ. സർക്കുലർ പ്രകാരം സർക്കാർ നിയന്ത്രണത്തിലുള്ള ഏജൻസികൾ നൽകുന്ന ധനസഹായത്തിന്റെ വിനിയോഗത്തിന് മേൽനോട്ടം വഹിക്കുക, സ്കൂളിന് ലഭിക്കുന്ന തുക സംബന്ധിച്ച് വരവ് ചെലവ് കണക്കുകളുടെ അക്കൗണ്ട് തയ്യാറാക്കുക, കമ്മിറ്റി ചെയർമാന്റെയും കൺവീനറുടെയും ജോയിന്റ അക്കൗണ്ട് വർഷാവർഷം ഓഡിറ്റ് ചെയ്ത് അവതരിപ്പിക്കുക എന്നുള്ള നിർദേശങ്ങൾ ഉൾപ്പെടുന്ന സാഹചര്യത്തിൽ 15-ാം കേരള നിയമസഭയുടെ 13-ാം സമ്മേളനത്തിൽ നക്ഷത്ര ചിഹ്നം ഇടാത്ത ചോദ്യം നമ്പർ 5003 ന്റെ ഉത്തരം പ്രകാരം എസ്. എം. സി കൾ ധനം കൈകാര്യം ചെയ്യുന്നതിന് നിർദ്ദേശിച്ചിട്ടില്ല എന്ന് ബഹു.മന്ത്രി നൽകിയിട്ടുള്ള ഉത്തരത്തിൽ വ്യക്തത നൽകാമോ;

സർക്കാർ സ്കൂളുകളിൽ പി. ടി. എയുടെയും എസ്.എം.സി യുടെയും ഉത്തരവാദിത്തങ്ങൾ പ്രത്യേകം നിർവചിച്ചു നൽകിയിട്ടുണ്ടെങ്കിൽ അതിന്റെ വിശദ വിവരങ്ങൾ ലഭ്യമാക്കാമോ?

നൂറ് വര്‍ഷം പഴക്കമുള്ള ഉള്ളിയേരി ജി.എല്‍.പി.സ്കൂള്‍ നിലവില്‍ പ്രവര്‍ത്തിച്ചു വരുന്ന ഭൂമി നിലവിലെ കരാര്‍ വ്യവസ്ഥകള്‍ പ്രകാരം സര്‍ക്കാരിന് ഏറ്റെടുക്കാന്‍ സാധ്യമാവും എന്ന കാര്യം പരിശോധിച്ചിട്ടുണ്ടോ;

പ്രസ്തുത സ്കൂള്‍ കെട്ടിടം അടിയന്തരമായി പുതുക്കിപ്പണിയേണ്ടതു കൊണ്ട് നിലവില്‍ സര്‍ക്കാരിന്റെ പരിഗണനയിലുള്ള ഫയലില്‍ അടിയന്തര തീരുമാനം ഉണ്ടാക്കാന്‍ നടപടി സ്വീകരിക്കുമോ;

ഉള്ളിയേരി ജി.എല്‍.പി.സ്കൂളിന്റെ ഭൂമി ഏറ്റെടുക്കേണ്ടതാണെങ്കില്‍ അടിയന്തരമായി ഇത് സംബന്ധിച്ച പ്രൊപ്പോസല്‍ റവന്യൂ വകുപ്പിന് കൈമാറാന്‍ തയ്യാറാകുമോ; വ്യക്തമാക്കാമോ?

പ്രീ-പ്രൈമറി വിദ്യാഭ്യാസത്തിന്റെ ഗുണനിലവാരം വര്‍ദ്ധിപ്പിക്കുന്നതിന് നടപടി സ്വീകരിക്കേണ്ടതിന്റെ ആവശ്യകത സര്‍ക്കാര്‍ ഗൗരവത്തോടെ പരിഗണിയ്ക്കുന്നുണ്ടോ; വിശദമാക്കാമോ;

പ്രീ-പ്രൈമറി കുട്ടികളുടെ അടിസ്ഥാനശേഷി വികസിപ്പിക്കുന്നതിനും രക്ഷിതാക്കള്‍ക്ക് ഇത് സംബന്ധിച്ച് ശരിയായ ബോധവത്കരണം നല്‍കുന്നതിനും അദ്ധ്യാപകര്‍ക്ക് പരിശീലനം നൽകുന്നതിനും പദ്ധതികൾ ആവിഷ്കരിക്കുമോ; വ്യക്തമാക്കുമോ;

പ്രീ-പ്രൈമറി വിദ്യാലയങ്ങള്‍ ശിശുസൗഹൃദമാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്തെ മുഴുവൻ സർക്കാർ സ്കൂളുകളിലും ഇംഗ്ലീഷിനെ ഭാഷയായി പരിഗണിച്ച് അദ്ധ്യാപകരെ നിയമിക്കണമെന്ന ഉത്തരവ് നിലനിൽക്കെ പി. എസ്. സി. റാങ്ക് ലിസ്റ്റ് നിലവിലുള്ളപ്പോഴും താൽക്കാലിക അദ്ധ്യാപകരെ നിയമിക്കുന്നത് ശ്രദ്ധയിൽപ്പെട്ടിട്ടുണ്ടോ; പി. എസ്. സി. റാങ്ക് ലിസ്റ്റിൽ നിന്നും എച്ച്. എസ്. ടി. ഇംഗ്ലീഷ് അദ്ധ്യാപകരുടെ സ്ഥിരം നിയമനം നടത്തുന്നതിന് നടപടികൾ സ്വീകരിക്കുമോ;

2024-25, 2025-26 അദ്ധ്യയന വർഷങ്ങളിൽ ഇംഗ്ലീഷിനെ ഭാഷ അടിസ്ഥാനത്തിലും കോർ അടിസ്ഥാനത്തിലും തസ്തികനിർണ്ണയം നടത്തിയപ്പോൾ തസ്തികനഷ്ടം വരുന്നതിനാൽ മേല്പറഞ്ഞ ഉത്തരവ് പ്രകാരം ഉദ്യോഗാർത്ഥികൾക്ക് അവകാശപ്പെട്ട തസ്തികകൾ സൃഷ്ടിക്കപ്പെടാത്തത് ശ്രദ്ധയിൽപ്പെട്ടിട്ടുണ്ടോ; ഇത് പരിഹരിക്കാൻ നടപടി സ്വീകരിയ്ക്കുമോ?

സർക്കാർ ഹയർ സെക്കൻഡറി സ്കൂളുകളിൽ 2021 ൽ അനുവദിച്ച അധിക ബാച്ചുകൾ താൽക്കാലികമായി അനുവദിച്ചതാണെങ്കിലും തുടർച്ചയായി 5 അധ്യയന വർഷവും 50-ലേറെ വിദ്യാർത്ഥികൾ പ്രവേശനം നേടിയതിനാൽ ഇത്തരത്തിലുള്ള 76 ബാച്ചുകൾ സ്ഥിരപ്പെടുത്തേണ്ടതിന്റെ ആവശ്യകത ബോധ്യപ്പെട്ടിട്ടുണ്ടോ എന്ന് വ്യക്തമാക്കുമോ;

ഹയർ സെക്കൻഡറി വിദ്യാഭ്യാസ വകുപ്പിൽ വിദ്യാർത്ഥികളുടെ എണ്ണക്കുറവ് മൂലം 2023-24 അധ്യയന വർഷം അധികമെന്ന് കണ്ടെത്തിയ 420 തസ്തികകൾ പുനർ വിന്യസിക്കുമ്പോൾ സ്ഥിരമായി 50 കുട്ടികളിൽ കൂടുതൽ അഡ്മിഷൻ നേടുന്ന താൽക്കാലിക ബാച്ചുകൾ സ്ഥിരപ്പെടുത്തുന്നത് കൂടി പരിഗണിക്കുമോ?

2016 മുതൽ നാളിതുവരെ വിദ്യാഭ്യാസ വകുപ്പ് നാദാപുരം മണ്ഡലത്തിൽ കിഫ്ബി ഫണ്ട്, പ്ലാൻ ഫണ്ട്, എം. എൽ. എ. ആസ്തി വികസനം തുടങ്ങിയവയിലൂടെ നടത്തിയ കെട്ടിടം നിർമ്മാണം ഉൾപ്പെടെയുള്ള പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പദ്ധതികൾക്ക് അനുവദിച്ച ഫണ്ടുകളുടെ വിവരവും പ്രവർത്തന പുരോഗതിയും വിലയിരുത്താമോ?

സംസ്ഥാനത്തെ പൊതുവിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥികളുടെ ഓണ്‍ലെെന്‍ ഡിജിറ്റല്‍ പഠനം കൂടുതല്‍ കാര്യക്ഷമമാക്കുന്നതിനായി എന്തെല്ലാം പദ്ധതികളാണ് ആസൂത്രണം ചെയ്തു നടപ്പിലാക്കി വരുന്നതെന്ന് അറിയിക്കാമോ;

ഫസ്റ്റ് ബെല്‍ 2.0 എന്ന പേരില്‍ ആരംഭിച്ച ഡിജിറ്റല്‍ ക്ലാസുകള്‍ എത്രമാത്രം ഫലപ്രദമായിരുന്നുവെന്ന് പരിശോധിച്ചിട്ടുണ്ടോ; എങ്കില്‍ വിശദമാക്കാമോ;

ഈ സര്‍ക്കാരിന്റെ കാലയളവില്‍ സര്‍ക്കാര്‍ എയ്ഡഡ് സ്കൂളുകളിലെ ക്ലാസ്സ് മുറികളിലും കമ്പ്യൂട്ടര്‍ ലാബുകളിലുമായി സജ്ജീകരിച്ച ഐ.ടി. ഉപകരണങ്ങള്‍ സംബന്ധിച്ച വിശദാംശങ്ങള്‍ ലഭ്യമാക്കുമോ;

സംസ്ഥാനത്തെ സ്കൂളുകളില്‍ റോബോട്ടിക് ലാബുകള്‍ ഒരുക്കുന്ന പദ്ധതിയുടെ നിലവിലെ പുരോഗതി വ്യക്തമാക്കാമോ?

2016-17 വര്‍ഷം മുതല്‍ കൂത്തുപറമ്പ് മണ്ഡലത്തില്‍ പൊതുവിദ്യാഭ്യാസ വകുപ്പ് മുഖേന നടപ്പിലാക്കി വരുന്ന മുഴുവന്‍ പദ്ധതികളുടെയും പുരോഗതിയും അനുവദിച്ച തുകയും തരം തിരിച്ച് വിശദമാക്കുമോ;

പൂര്‍ത്തിയാകാത്ത പദ്ധതികളുടെ തടസ്സങ്ങള്‍ എന്താണെന്നും അവയുടെ സമയബന്ധിതമായ പൂര്‍ത്തീകരണത്തിന് എന്തൊക്കെ നടപടികളാണ് സ്വീകരിക്കുകയെന്നും വിശദമാക്കുമോ?

ഏറനാട് മണ്ഡലത്തില്‍ 2021 മുതല്‍ 2025 വരെയുള്ള കാലയളവില്‍ പൊതുവിദ്യാഭ്യാസ വകുപ്പിന്റെ പ്ലാന്‍ ഫണ്ടില്‍ നിന്നും ഏതെല്ലാം സ്കൂളുകള്‍ക്ക് ഫണ്ട് അനുവദിച്ചുവെന്നും അനുവദിച്ച തുക എത്രയെന്നും പ്രസ്തുത പ്രവൃത്തികളില്‍ ഏതെല്ലാം പ്രവൃത്തികള്‍ പൂര്‍ത്തിയായെന്നും അറിയിക്കുമോ;

പ്രസ്തുത മണ്ഡലത്തില്‍ 2016 മുതല്‍ പൊതു വിദ്യാഭ്യാസ സംരക്ഷണ യഞ്ജ പരിപാടിയില്‍ ഉള്‍പ്പെടുത്തിയ സ്കൂളുകളും പൂര്‍ത്തിയായ പ്രവൃത്തികളും ഏതെല്ലാമാണ് വ്യക്തമാക്കുമോ?

നാദാപുരം മണ്ഡലത്തിലെ കൂടൽ ജി.എൽ.പി. സ്കൂൾ കെട്ടിട നിർമ്മാണം വൈകുന്നതിന്റെ സാങ്കേതിക കാരണം വിശദമാക്കാമോ?

കാട്ടാക്കട മണ്ഡലത്തിലെ കുളത്തുമ്മല്‍ ഗവണ്‍മെന്റ് ഹയര്‍ സെക്കന്ററി സ്കൂളിന് കളിസ്ഥലത്തിനായി വസ്തു വാങ്ങുന്നതിന് (ജി.ഒ. (ആർ.ടി) നമ്പർ 4800/2025/ജി.ഇ.ഡി.എൻ തീയതി 21/07/2025) അനുമതി ലഭിച്ചിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ പ്രസ്തുത അനുമതിയുടെ അടിസ്ഥാനത്തില്‍ വകുപ്പ് ഇതുവരെ സ്വീകരിച്ച തുടര്‍നടപടികള്‍ എന്തെല്ലാമാണെന്ന് വിശദമാക്കാമോ;

നിലവില്‍ പ്രസ്തുത വസ്തു വാങ്ങല്‍ സംബന്ധിച്ച ഫയല്‍ ആരുടെ കൈവശമാണെന്ന് വ്യക്തമാക്കാമോ?

2021-26 സർക്കാർ കാലഘട്ടത്തിൽ ദേവികുളം മണ്ഡലത്തിലെ ഏതൊക്കെ സർക്കാർ സ്‌കൂളുകൾക്കാണ് വിദ്യാഭ്യാസ വകുപ്പ് പ്ലാൻ ഫണ്ട് ഉപയോഗപ്പെടുത്തി കെട്ടിട നിർമ്മാണം നടത്തുന്നതിന് തുക അനുവദിച്ചിട്ടുള്ളത്; അനുവദിച്ച തുകയും സ്‌കൂളിന്റെ പേരും അറിയിക്കാമോ?

ഈ സര്‍ക്കാര്‍ അധികാരമേറ്റ ശേഷം ആലപ്പുഴ മണ്ഡലത്തിലെ സ്കൂളുകളില്‍ പൊതുവിദ്യാഭ്യാസ വകുപ്പ് നടപ്പിലാക്കിയ പദ്ധതികളുടെയും നിലവില്‍ നടന്നുവരുന്നതുമായ പ്രവര്‍ത്തനങ്ങളുടെയും വിശദാംശം ലഭ്യമാക്കാമോ;

ആലപ്പുഴ മണ്ഡലത്തിലെ ചലഞ്ച് ഫണ്ട് മുഖേനയുളള കെട്ടിടം പണി പൂര്‍ത്തീകരിച്ചിട്ടും സാമ്പത്തിക സഹായം ലഭ്യമായിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് എത്രയും വേഗം ലഭ്യമാക്കാന്‍ എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നതെന്ന് വിശദമാക്കാമോ;

പ്രസ്തുത മണ്ഡലത്തില്‍ കിഫ്ബി മുഖേന തുക അനുവദിച്ച് നിര്‍മ്മാണം ആരംഭിക്കാത്ത സ്കൂളുകളുടെ നിര്‍മ്മാണം ആരംഭിക്കുന്നതിന് വകുപ്പ് നടപടി സ്വീകരിക്കുമോ; വ്യക്തമാക്കാമോ?

2025 മെയ് മാസത്തിൽ വിവിധ ജില്ലകളിലായി എൽ.പി.സ്കൂൾ ടീച്ചർ റാങ്ക് പട്ടികകള്‍ പ്രസിദ്ധീകരിച്ചിട്ടുണ്ടോ; എങ്കിൽ ഏതൊക്കെ ജില്ലകളിലാണ് പട്ടിക പ്രസിദ്ധീകരിച്ചിട്ടുള്ളത്; വ്യക്തമാക്കാമോ;

പ്രസ്തുത റാങ്ക് പട്ടികകള്‍ നിലവിൽ വന്ന് ഒൻപത് മാസം പിന്നിട്ടിട്ടും പല ജില്ലകളിലും ഒന്നാം റാങ്കുകാർക്ക് പോലും നിയമനം ലഭിക്കാത്ത സാഹചര്യം നിലവിലുണ്ടോ; എങ്കില്‍ ഏതൊക്കെ ജില്ലകളിലാണ് ഒന്നാം റാങ്കുകാർക്ക് പോലും നിയമനം ലഭിക്കാത്ത സാഹചര്യമുളളത്; വ്യക്തമാക്കാമോ;

നിലവിലുള്ള എല്‍. പി. എസ്. ടി. റാങ്ക് പട്ടികകളിൽ നിന്നും ആകെ എത്ര പേർക്കുവീതമാണ് നാളിതുവരെ നിയമനം നൽകിയിട്ടുള്ളത്; ജില്ല തിരിച്ചുള്ള കണക്കുകൾ വ്യക്തമാക്കാമോ;

നിയമന നടപടികൾ ഇത്രയധികം വൈകുന്നതിന്റെ കാരണങ്ങൾ എന്തെല്ലാമാണ്; വിരമിക്കൽ ഒഴിവുകളും പുതിയ തസ്തികകളും യഥാസമയം പി.എസ്.സി.ക്ക് റിപ്പോർട്ട് ചെയ്തിട്ടുണ്ടോ; ഇല്ലെങ്കില്‍ കാരണങ്ങളെന്തെല്ലാമാണെന്ന് അറിയിക്കുമോ;

ഒഴിവുകളും പുതിയ തസ്തികകളും പി.എസ്.സി.ക്ക് റിപ്പോർട്ട് ചെയ്യുന്നതിനും സ്കൂളുകളിൽ അധ്യാപക-വിദ്യാർത്ഥി അനുപാതം പുനർനിർണ്ണയിച്ച് കൂടുതൽ ഒഴിവുകൾ സൃഷ്ടിക്കുന്നതിനും ഡിവിഷൻ ഫോൾ മൂലം അധികമായ അധ്യാപകരെ പുനർവിന്യസിച്ച് നിയമന നടപടികൾ വേഗത്തിലാക്കുന്നതിനും നടപടി സ്വീകരിക്കുമോ?

2025 ഡിസംബർ 31-ന് മുമ്പ് സെറ്റ് യോഗ്യതയിൽ സർവ്വീസിൽ പ്രവേശിച്ച യു.പി. സ്കൂള്‍ അധ്യാപകർക്ക് നിലവിൽ പ്രൊബേഷന്‍ പൂർത്തീകരിക്കുന്നതിന് നിയമതടസ്സമുണ്ടോ; എങ്കിൽ എന്താണെന്ന് വ്യക്തമാക്കാമോ?

ക്ലാസ്സ് IV ജീവനക്കാരുടെ ജോലിഭാരം സംബന്ധിച്ച എസ്.സി.ഇ.ആര്‍.റ്റി. ഡയറക്ടറുടെ 20/02/2025 തീയതിയിലെ പഠന റിപ്പോര്‍ട്ടിന്റെ അടിസ്ഥാനത്തില്‍ ഹയര്‍ സെക്കണ്ടറി പരീക്ഷയുടെ ചോദ്യപേപ്പര്‍ സൂക്ഷിക്കുന്ന ജോലിയില്‍ ഏര്‍പ്പെടുന്ന ജീവനക്കാരന് ഒരു ഡി.എ. അനുവദിച്ചിട്ടുണ്ടെങ്കിലും ഇപ്പോഴും പത്താംതരം ത്യല്യതപോലുള്ള പൊതുപരീക്ഷയുടെ ചോദ്യപേപ്പര്‍ കാവലിനായി ചുമതലപ്പെടുത്തുന്ന ജീവനക്കാരന് പ്രതിദിനം 75 രൂപ നിരക്കിലാണ് വേതനം അനുവദിക്കുന്നതെന്നത് ശ്രദ്ധയില്‍പ്പെട്ടിട്ടുണ്ടോ; പത്താംതരം തുല്യത പോലുള്ള പരീക്ഷകളുടെ ചോദ്യപേപ്പര്‍ സുരക്ഷയ്ക്കായി നിയമിക്കപ്പെടുന്ന ജീവനക്കാര്‍ക്ക് ഒരു ഡി.എ. അനുവദിക്കുന്നതിനുള്ള നടപടി സ്വീകരിക്കാമോ; വ്യക്തമാക്കാമോ?

നിലവില്‍ സര്‍വീസിലുള്ളതും കെ - ടെറ്റ് യോഗ്യത ഇല്ലാത്തവരുമായ അദ്ധ്യാപകര്‍ക്ക് പ്രത്യേകമായി കെ - ടെറ്റ് പരീക്ഷ നടത്തുന്നതിന് ഉത്തരവ് പുറപ്പെടുവിച്ചതിൽ എന്തു തുടര്‍നടപടിയാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഇവര്‍ക്ക് മാത്രമായി എപ്പോള്‍ പരീക്ഷ നടത്തുന്നതിനാണ് തീരുമാനം എടുത്തിട്ടുള്ളതെന്ന് വ്യക്തമാക്കാമോ;

പ്രസ്തുത പരീക്ഷയുടെ സിലബസ്, മറ്റ് വിശദാംശം എന്നിവ ഏതെല്ലാമാണെന്ന് അറിയിക്കാമോ?

പൊതുവിദ്യാഭ്യാസ വകുപ്പിന് കീഴിലുള്ള ഡയറ്റ് ലക്ചറർ നിയമനത്തിനായി പി.എസ്.സി. തയ്യാറാക്കിയ റാങ്ക് ലിസ്റ്റ് പ്രകാരം എത്ര പേർക്കാണ് നിയമന ശിപാർശ നൽകിയിട്ടുള്ളതെന്ന് വിഷയം തിരിച്ച് വ്യക്തമാക്കാമോ; പ്രസ്തുത വിഷയങ്ങളിൽ എത്ര സീനിയർ ലക്ചറർ തസ്തികകളാണ് നിലവിലുള്ളതെന്നും ഇതിലേക്ക് സ്ഥാനക്കയറ്റം നൽകുന്നതിനായി അർഹരായ എത്ര ജീവനക്കാരാണുഉള്ളതെന്നും വ്യക്തമാക്കാമോ;

പ്രസ്തുത തസ്തികകളിൽ സ്ഥാനക്കയറ്റം നൽകുന്നതിന് അർഹരായ ജീവനക്കാർ ഇല്ലെങ്കില്‍ അത്തരം തസ്തികകൾ റിവർട്ട് ചെയ്ത് എൻട്രി കേഡറിലേക്ക് മാറ്റി പി.എസ്.സി. ലിസ്റ്റ് മുഖേന നിയമനം നടത്തുന്നതിന് വകുപ്പ് സ്വീകരിച്ചിട്ടുള്ള നടപടികളെ സംബന്ധിച്ച വിശദവിവരങ്ങൾ ലഭ്യമാക്കാമോ?

06.02.2021 ലെ സ.ഉ (അച്ചടി) നം. 4/2021 പൊ.വി.വ പ്രകാരം ആകെ എത്ര അധ്യാപകരാണ് നോഷണലായി നിയമനാംഗീകാരം നേടിയത്;

ഇപ്രകാരം നോഷണലായി നിയമനാംഗീകാരം നേടിയ അധ്യാപകരുടെ പേരും അവർ ജോലി ചെയ്തു വരുന്ന വിദ്യാലയങ്ങളുടെ പേരും ജില്ല തിരിച്ചു ലഭ്യമാക്കാമോ;

ഇപ്രകാരം നോഷണലായി നിയമിക്കപ്പെട്ട ഓരോ അധ്യാപകരുടെയും നിയമന തീയതി മുതൽ സ്കെയിൽ ഓഫ് പേയിൽ അവർ ശമ്പളം വാങ്ങി തുടങ്ങിയ ദിവസം വരെയുള്ള കാലദൈർഘ്യം എത്രയാണെന്ന് അറിയിക്കാമോ;

മേല്‍ ഉത്തരവ് പ്രകാരം അധ്യാപകരെ നോഷണലായി നിയമിച്ചപ്പോൾ സർക്കാരിനുണ്ടായ ഉണ്ടായ സാമ്പത്തിക ലാഭം എത്രയാണെന്ന് വിശദമാക്കാമോ;

ഇപ്രകാരം നോഷണലായി നിയമിക്കപ്പെട്ട ഓരോ അധ്യാപകരുടെയും നിയമന തീയതി മുതൽ സ്കെയിൽ ഓഫ് പേയിൽ അവർക്ക് ശമ്പളം നൽകുമോ എന്ന് വ്യക്തമാക്കാമോ;

06.02.2021 ലെ സ.ഉ (അച്ചടി)4/2021 പൊ.വി.വ പ്രകാരം നോഷണലായി നിയമിക്കപ്പെട്ട അധ്യാപകരിൽ കോടതിവിധിയുടെ അടിസ്ഥാനത്തിൽ നിയമന തീയതി മുതൽ സ്കെയിൽ ഓഫ് പേയിൽ ശമ്പളം വാങ്ങിയിട്ടുള്ള അധ്യാപകരുടെ വിവരം ലഭ്യമാക്കാമോ?

കേരളത്തിലെ അധ്യാപക യോഗ്യത പരീക്ഷകളായ കെ-ടെറ്റ് 1, കെ-ടെറ്റ് 2, കെ-ടെറ്റ് 3, സെറ്റ് എന്നീ പരീക്ഷകളുടെ സിലബസ് പകർപ്പുകൾ ലഭ്യമാക്കാമോ;

കെ-ടെറ്റ് 3, സെറ്റ് എന്നീ അധ്യാപക യോഗ്യതാ പരീക്ഷകളുടെ സിലബസുകൾ തമ്മിൽ കാര്യമായ വ്യത്യാസങ്ങളുണ്ടോ; വിശദമാക്കാമോ;

കെ-ടെറ്റ് 3, സെറ്റ് എന്നീ അദ്ധ്യാപക യോഗ്യത പരീക്ഷകൾ തമ്മിലുള്ള സാമ്യങ്ങളും, വ്യത്യാസങ്ങളും ഇനം തിരിച്ചു വിശദമാക്കാമോ?

പത്തനംതിട്ട ജില്ലയിലെ യു. പി. സ്കൂള്‍ ടീച്ചര്‍ (മലയാളം മീഡിയം - കാറ്റഗറി നമ്പര്‍ 707/2023) തസ്തികയിലേക്ക് പി. എസ്. സി പുറപ്പെടുവിച്ച റാങ്ക് ലിസ്റ്റില്‍ ആകെ എത്ര ഉദ്യോഗാര്‍ത്ഥികള്‍ ഉള്‍പ്പെട്ടിട്ടുണ്ടെന്നും നിലവില്‍ എത്ര പേര്‍ക്ക് നിയമന ശിപാര്‍ശ നല്‍കിയിട്ടുണ്ടെന്നും വ്യക്തമാക്കാമോ;

പ്രസ്തുത റാങ്ക് ലിസ്റ്റില്‍ ഭിന്നശേഷി വിഭാഗത്തില്‍ എത്ര ഉദ്യോഗാര്‍ത്ഥികള്‍ ഉള്‍പ്പെട്ടിട്ടുണ്ട്, ഇതില്‍ നിലവില്‍ എത്ര പേര്‍ക്ക് നിയമനം നല്‍കിയിട്ടുണ്ടെന്ന് വ്യക്തമാക്കാമോ;

പത്തനംതിട്ട ജില്ലയിലെ സര്‍ക്കാര്‍ സ്കൂളുകളില്‍ നിലവില്‍ യു. പി. സ്കൂള്‍ ടീച്ചര്‍ തസ്തികയില്‍ ഭിന്നശേഷി വിഭാഗത്തിനായി നീക്കിവെച്ചിട്ടുള്ള എത്ര ഒഴിവുകള്‍ റിപ്പോര്‍ട്ട് ചെയ്തിട്ടുണ്ട്;

ഭിന്നശേഷി വിഭാഗത്തിലെ ബാക്ക് ലോഗ് ഒഴിവുകള്‍ ഉള്‍പ്പെടെയുള്ളവയിലേക്ക് നിയമന ശിപാര്‍ശ അയക്കുന്നതിന് പി. എസ്. സി സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

പൊതുവിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന എയ്ഡഡ് സ്കൂളുകളിൽ ടീച്ചിങ്, നോൺ ടീച്ചിങ് സ്റ്റാഫുകൾക്ക് പ്രാബല്യത്തിലുള്ള എല്ലാ ലീവുകളും അവ അനുവദിക്കുന്നതിനുള്ള മാനദണ്ഡങ്ങളും (ആകസ്മിക അവധി, ആര്‍ജ്ജിതാവധി, മെഡിക്കല്‍, മാത്യത്വ/പിത്യത്വ അവധി, സ്പെഷ്യല്‍ ലീവ് മുതലായവ) വിശദമാക്കാമോ;

ലീവ് അനുവദിക്കുന്നതിന് ആര്‍ക്കാണ് (മാനേജർ/പ്രിൻസിപ്പൽ/ഹെഡ് മാസ്റ്റർ മുതലായവര്‍) നിയമപരമായ അധികാരം നല്‍കിയിരിക്കുന്നതെന്നും അവരുടെ അധികാരപരിധിയും വ്യക്തമാക്കാമോ;

അവധി അനുവദിക്കുന്ന വിഷയത്തിൽ മാനേജർമാരുടെ അധികാരങ്ങൾ എന്തെല്ലാം; വിശദാംശം നൽകാമോ; ലീവ് അനുവദിക്കുന്നതില്‍ മാനേജർ/പ്രിൻസിപ്പൽ/ഹെഡ് മാസ്റ്റർ എന്നിവര്‍ക്ക് ഉള്ള വിവേചനാധികാരം സംബന്ധിച്ച ഔദ്യോഗിക നിയമം/ഗൈഡ്‌ലൈന്‍ പകര്‍പ്പ് നൽകാമോ;

എയ്ഡഡ് സ്കൂളുകളിൽ പ്രധാന അധ്യാപകർ കാഷ്വൽ ലീവ് എടുക്കുമ്പോൾ ആർക്കാണ് അപേക്ഷ സമർപ്പിക്കേണ്ടത്; വിഷയം സ്കൂൾ മാനേജർമാരെ അറിയിക്കേണ്ടതുണ്ടോ; ഇതുമായി ബന്ധപ്പെട്ട് നിലവിലുള്ള സർക്കാർ ഉത്തരവുകളുടെയും സർക്കുലറുകളുടെയും ഗൈഡ്‌ലൈനുകളുടെയും പകർപ്പുകള്‍ ലഭ്യമാക്കാമോ;

ലീവ് നിഷേധിക്കാവുന്ന സാഹചര്യങ്ങളുമായി ബന്ധപ്പെട്ട് നിലവിലുള്ള സർക്കാർ ഉത്തരവുകളുടെയും സർക്കുലറുകളുടെയും ഗൈഡ്‌ലൈനുകളുടെയും പകർപ്പുകള്‍ എന്നിവയും ലഭ്യമാക്കാമോ?

2015-16 മുതൽ സംസ്ഥാനത്തെ എയ്ഡഡ് സ്കൂളുകളിൽ നിയമിക്കപ്പെട്ട അധ്യാപകർക്ക് 9 വർഷത്തോളം സേവനമനുഷ്ഠിച്ചതിനുശേഷവും കുട്ടികളുടെ കുറവ് മൂലം ജോലി നഷ്ടപ്പെടുന്ന സാഹചര്യം ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ;

എയ്ഡഡ് സ്കൂളുകളിലെ അധ്യാപക തസ്തികകൾ സംരക്ഷിക്കുന്നത് സംബന്ധിച്ച് നിലവിലുള്ള വ്യവസ്ഥകൾ എന്തൊക്കെയാണെന്ന്‌ വ്യക്തമാക്കുമോ;

ദീർഘകാലം സേവനമനുഷ്ഠിച്ചതിനുശേഷം ജോലി നഷ്ടപ്പെടുന്ന പ്രതിസന്ധി പരിഹരിക്കുന്നതിനായി നടപടി സ്വീകരിക്കുമോയെന്ന് വ്യക്തമാക്കുമോ?

ഏതു വർഷം വരെ നിയമനം നേടിയ എയ്ഡഡ് സ്കൂൾ അധ്യാപകർക്ക് നിലവിൽ ജോലി സംരക്ഷണം ലഭ്യമാക്കിയിട്ടുണ്ട് എന്ന് വ്യക്തമാക്കാമോ;

2021 മുതൽ 2026 വരെ അധ്യാപക ബാങ്കിൽ ഉൾപ്പെട്ടിരുന്ന അധ്യാപകരുടെ എണ്ണം എത്രയാണെന്ന വിവരം അധ്യയനവർഷം തിരിച്ച് ലഭ്യമാക്കാമോ;

സംസ്ഥാനത്ത് സംരക്ഷിത അധ്യാപകരെ നിയമിക്കുന്നതിന് സർക്കാരിന് ലഭ്യമായിട്ടുള്ള എൽ.പി.എസ്.ടി., യു.പി.എസ്.ടി. തസ്തികകളുടെ എണ്ണം പ്രത്യേകം ലഭ്യമാക്കാമോ; പ്രസ്തുത തസ്തികകളിൽ 2021 മുതൽ 2026 വരെ നിയമിക്കപ്പെട്ട സംരക്ഷിത അധ്യാപകരുടെ എണ്ണം ജില്ലതിരിച്ച്, അധ്യയന വർഷം തിരിച്ച് പ്രത്യേകം ലഭ്യമാക്കാമോ;

സംസ്ഥാനത്ത് സംരക്ഷിത അധ്യാപകരെ നിയമിക്കുന്നതിന് സർക്കാരിന് ലഭ്യമായിട്ടുള്ള എച്ച്.എസ്.ടി. തസ്തികകളുടെ എണ്ണം വിഷയം തിരിച്ച്, ജില്ല തിരിച്ച് ലഭ്യമാക്കാമോ; പ്രസ്തുത തസ്തികകളിൽ 2021 മുതൽ 2026 വരെ നിയമിക്കപ്പെട്ട സംരക്ഷിത അധ്യാപകരുടെ എണ്ണം ജില്ലതിരിച്ച്, അധ്യയന വർഷം തിരിച്ച് പ്രത്യേകം ലഭ്യമാക്കാമോ;

സംരക്ഷിത അധ്യാപകരെ നിയമിക്കുന്നതിനുവേണ്ടി സർക്കാരിന് ലഭ്യമാക്കിയിട്ടുണ്ടായിരുന്ന തസ്തികകളിൽ 2021 മുതൽ 2026 വരെ സംരക്ഷിത അധ്യാപകരെ നിയമിച്ചതിനുശേഷം ഒഴിഞ്ഞുകിടന്ന തസ്തികകൾ ഏതെല്ലാമാണെന്നും അവയുടെ എണ്ണം എത്രയായിരുന്നുവെന്നും ജില്ലതിരിച്ച്, അധ്യയന വർഷം തിരിച്ച് പ്രത്യേകം ലഭ്യമാക്കാമോ?

എയ്ഡഡ് സ്കൂളുകളിൽ ഭിന്നശേഷി ഉദ്യോഗാർത്ഥികളുടെ നിയമനം പൂർത്തിയാക്കാത്തതിനാൽ മറ്റ് അധ്യാപകർക്ക് സ്ഥിരനിയമനം ലഭിക്കാത്തതിനെ തുടർന്ന് എയ്ഡഡ് മേഖലയിലെ അധ്യാപകർ അനുഭവിക്കുന്ന ബുദ്ധിമുട്ട് പരിഹരിക്കാന്‍ എന്ത് നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ; ഭിന്നശേഷി നിയമനം പൂർത്തീകരിക്കാൻ സ്വീകരിച്ച നടപടി വിശദമാക്കാമോ;

എയ്ഡഡ് സ്കൂൾ മാനേജര്‍മാര്‍ അധ്യാപക നിയമനത്തിനായി ഏതെങ്കിലും തരത്തിലുള്ള റാങ്ക് ലിസ്റ്റ് തയ്യാറാക്കി നിയമനം നടത്തിയാൽ ആ റാങ്ക് ലിസ്റ്റ് പ്രകാരം നിയമനം ലഭിച്ച വ്യക്തിക്ക് സർവ്വീസ് സീനിയോരിറ്റി ലഭിക്കുമോ; കെ.ഇ.ആര്‍. പ്രകാരം സ്കൂൾ മാനേജർ തയ്യാറാക്കുന്ന റാങ്ക് ലിസ്റ്റിന് എന്തെങ്കിലും നിയമപ്രാബല്യം ഉണ്ടോ; വ്യക്തമാക്കാമോ;

സംസ്ഥാനത്തെ എയ്ഡഡ് സ്കൂൾ നിയമനങ്ങളിൽ ഏതെങ്കിലും സിംഗിൾ മാനേജ്മെന്റുകളോ കോർപ്പറേറ്റ് മാനേജ്മെന്റുകളോ ഉദ്യോഗാർത്ഥികളുടെ നിയമനത്തിനായി പരീക്ഷ, ഇന്റർവ്യൂ തുടങ്ങിയവ നടത്തി റാങ്ക് ലിസ്റ്റ് തയ്യാറാക്കി നിയമനം നൽകുന്നുണ്ടോ; എങ്കിൽ ഇത്തരം റാങ്ക് ലിസ്റ്റുകൾ ഏതെങ്കിലും തരത്തിലുള്ള സംവരണക്രമം പാലിക്കപ്പെടുന്നുണ്ടോയെന്ന് വ്യക്തമാക്കാമോ;

എയ്ഡഡ് മേഖലയിൽ നിയമിക്കപ്പെടുന്ന അധ്യാപകരിൽ ഒരു മാനേജർ ഒരേ ദിവസം നിയമന ശിപാർശ നൽകുന്ന രണ്ട് ഉദ്യോഗാർത്ഥികൾക്ക് അവർ നിയമിക്കപ്പെടുന്ന ഒഴിവുകളുടെ സ്വഭാവം അനുസരിച്ച് നിയമനാംഗീകാരം വ്യത്യസ്ത ദിവസങ്ങളിലായിട്ടാണ് വിദ്യാഭ്യാസ ഓഫീസർ അനുവദിക്കുന്നതെങ്കിൽ അത്തരം ഉദ്യോഗാർത്ഥികളുടെ സർവ്വീസ് സീനിയോരിറ്റി ഏത് തീയതിയുടെ അടിസ്ഥാനത്തിലായിരിക്കും നിശ്ചയിക്കുന്നതെന്ന് വ്യക്തമാക്കാമോ?

സംസ്ഥാനത്ത് പത്ത് വർഷമായി ശമ്പളം ഇല്ലാതെ ജോലി ചെയ്തുവരുന്ന എയ്ഡഡ് സ്ക്കൂൾ അദ്ധ്യാപകർക്ക് കുടിശ്ശിക ഉൾപ്പടെ ശമ്പളം ലഭിക്കുന്നതിനായി സ്വീകരിച്ചിട്ടുള്ള നടപടികളുടെ വിശാദംശം ലഭ്യമാക്കുമോ; ഇത്തരത്തിൽ എത്ര അദ്ധ്യാപകർ ജോലി ചെയ്തു വരുന്നുണ്ടെന്നും അവർക്ക് ശമ്പളം അനുവദിക്കാത്തതിന്റെ കാരണവും അറിയിക്കാമോ;

പ്രസ്തുത അദ്ധ്യാപകരുടെ പ്രശ്നങ്ങൾ പരിഹരിക്കാൻ സ്വീകരിച്ച നടപടികൾ വിശദമാക്കാമോ; പ്രസ്തുത വിഷയം സംബന്ധിച്ച ഫയൽ അദാലത്ത് നടത്തിയിട്ടുണ്ടോ; എത്ര ഫയൽ അദാലത്തുകൾ നടത്തിയിട്ടുണ്ടെന്നും എത്ര ഫയലുകളിന്മേൽ തീർപ്പ് കല്പിച്ചിട്ടുണ്ടെന്നും അറിയിക്കാമോ?

വിദ്യാർത്ഥികളിൽ വർധിച്ചുവരുന്ന ജങ്ക് ഫുഡുകളോടുള്ള ആസക്തിക്കെതിരായി വിദ്യാലയങ്ങളിലും കാലാലയങ്ങളിലും ഫലപ്രദമായ ബോധവത്കരണ നടപടികളും സോഷ്യല്‍ ക്യാമ്പയിനുകളും നടപ്പാക്കാൻ നടപടി സ്വീകരിക്കുമോ; വിശദമാക്കാമോ?

കഴിഞ്ഞ അഞ്ച് വര്‍ഷത്തിനിടെ എസ്.എസ്.എല്‍.സി യുടെ വിജയ ശതമാനത്തില്‍ ഉണ്ടായ മാറ്റമെന്താണെന്ന് വിശദമാക്കാമോ;

എസ്. എസ്. എല്‍. സി യ്ക്ക് ഉയര്‍ന്ന വിജയശതമാനം നിലനിര്‍ത്തുന്നതിനോടൊപ്പം പഠന നിലവാരം ഉറപ്പാക്കാന്‍ സര്‍ക്കാര്‍ എന്ത് നടപടികളാണ് സ്വീകരിക്കുന്നതെന്ന് വിശദമാക്കാമോ;

തുടര്‍ച്ചയായി കുറഞ്ഞ വിജയം രേഖപ്പെടുത്തുന്ന സ്കൂളുകള്‍ക്കായി പ്രത്യേക അക്കാദമിക് ഇടപെടൽ (സ്പെഷ്യല്‍ അക്കാഡമിക് ഇന്‍റ്റര്‍വന്‍ഷന്‍) പദ്ധതികള്‍ ഉണ്ടോ; വ്യക്തമാക്കാമോ?

കായംകുളം മണ്ഡലത്തിലെ വിദ്യാലയങ്ങളെ ഹൈടെക് ആക്കുന്നതിനായി ഓരോ സ്കൂളുകള്‍ക്കും അനുവദിച്ച ഉപകരണങ്ങള്‍, അവയുടെ എണ്ണം, ഓരോ സ്കൂളിനും അനുവദിച്ച തുക എന്നിവയുടെ വിശദാംശം ലഭ്യമാക്കാമോ?

സംസ്ഥാനത്തെ ഏതെങ്കിലും സ്കൂളുകളിൽ ഷിഫ്റ്റ് സമ്പ്രദായം നിലവിലുണ്ടോ; എങ്കിൽ എവിടെയെല്ലാമാണെന്ന് വിശദമാക്കാമോ;

പൊതുവിദ്യാഭ്യാസ സംരക്ഷണ യജ്ഞം നടപ്പിലാക്കിയതിനുശേഷം ഷിഫ്റ്റ് സമ്പ്രദായത്തിൽ നിന്നും മാറിയ സ്കൂളുകൾ ഏതെല്ലാമാണെന്നും ഈ യജ്ഞം ആരംഭിച്ചതിനുശേഷവും ഷിഫ്റ്റ് സമ്പ്രദായം തുടരേണ്ടിവന്നത് ഏത് സാഹചര്യത്തിലാണെന്നും വ്യക്തമാക്കാമോ;

സംസ്ഥാനത്ത് സ്വന്തമായി കെട്ടിടമില്ലാത്ത എത്ര സ്കൂളുകൾ നിലവിലുണ്ടെന്ന് വിശദമാക്കാമോ;

സംസ്ഥാനത്തെ സ്കൂളുകൾ ഹൈടെക് നിലവാരത്തിൽ ആക്കി എന്ന് അവകാശപ്പെടുമ്പോഴും അടിസ്ഥാന സൗകര്യങ്ങളുടെ അപര്യാപ്തത നേരിടുന്ന ധാരാളം സ്കൂളുകൾ നിലവിലുള്ളത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിനാവശ്യമായ നടപടികൾ സ്വീകരിക്കാമോ?

സംസ്ഥാനത്ത് എൽ.എസ്.എസ്, യു.എസ്.എസ് സ്കോളര്‍ഷിപ്പുകള്‍ വിതരണം ചെയ്യുന്നതില്‍ കാലതാമസം വന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്കോളര്‍ഷിപ്പുകള്‍ അനുവദിച്ചു നല്‍കുന്നതില്‍ എന്തെങ്കിലും സാങ്കേതിക തടസ്സങ്ങള്‍ നിലനില്‍ക്കുന്നുണ്ടോ; എങ്കിൽ തടസ്സങ്ങള്‍ നീക്കുന്നതിനും കാലതാമസം കൂടാതെ സ്കോളര്‍ഷിപ്പുകള്‍ വിതരണം ചെയ്യുന്നതിനും ആവശ്യമായ നടപടികള്‍ സ്വീകരിക്കുമോ;

അതത് അദ്ധ്യയന വര്‍ഷം തന്നെ സ്കോളര്‍ഷിപ്പുകള്‍ അര്‍ഹരായ വിദ്യാര്‍ത്ഥികള്‍ക്ക് ലഭിക്കുന്നതിന് സഹായകരമായ നടപടികള്‍ സ്വീകരിക്കുമോ; വ്യക്തമാക്കാമോ?

സംസ്ഥാനത്തെ പൊതുവിദ്യാഭ്യാസ രംഗത്ത് കഴിഞ്ഞ 10 വര്‍ഷത്തിനിടെ പൂര്‍ത്തീകരിച്ച അടിസ്ഥാന സൗകര്യ വികസന പ്രവര്‍ത്തനങ്ങള്‍ സംസ്ഥാനത്തിന്റെ വിദ്യാഭ്യാസ മേഖലയില്‍ എന്ത് മാറ്റമാണ് ഉണ്ടാക്കിയതെന്ന് സര്‍ക്കാര്‍ വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം വിദ്യാര്‍ത്ഥികള്‍ക്കായി നടപ്പാക്കിയ സ്കോളര്‍ഷിപ്പ് പദ്ധതികളെക്കുറിച്ച് വിശദമാക്കാമോ; പ്രസ്തുത സ്കോളര്‍ഷിപ്പ് പദ്ധതിയുടെ ഗുണഭോക്താക്കളുടെ വിശദാംശങ്ങള്‍ വിലയിരുത്തിയിട്ടുണ്ടോ;

കഴിഞ്ഞ 10 വര്‍ഷത്തിനുള്ളില്‍ ഹയര്‍ സെക്കന്‍ഡറി തലങ്ങളില്‍ ശാസ്ത്ര സാങ്കേതിക വിഷയങ്ങളില്‍ പ്രവേശിച്ച വിദ്യാര്‍ത്ഥികളുടെ ശതമാനം ഉയരുകയാണോ കുറയുകയാണോ ചെയ്തതെന്ന് പരിശോധന നടത്തിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

വിദ്യാഭ്യാസ സ്ഥാപനങ്ങള്‍ വഴിയുള്ള സ്റ്റാര്‍ട്ടപ്പ്-ഇന്നവേഷന്‍ ക്ലബ്ബുകളുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ; ഉണ്ടെങ്കില്‍ വ്യക്തമാക്കാമോ?

2025-26 അധ്യായന വർഷത്തിൽ സംസ്ഥാനത്തിൽ നിന്നും എൻ.എം.എം.എസ് പരീക്ഷയ്ക്ക് വേണ്ടി ആകെ എത്ര കുട്ടികളാണ് അപേക്ഷിച്ചത് എന്ന് ജില്ല തിരിച്ചുള്ള കണക്ക് ലഭ്യമാക്കുമോ;

2025-26 അധ്യായന വർഷത്തിൽ സംസ്ഥാനത്തിൽ നിന്നും എൻ .എം. എം. എസ് പരീക്ഷയ്ക്ക് വേണ്ടി അപേക്ഷിച്ചവരിൽ എത്ര കുട്ടികൾ പരീക്ഷ എഴുതിയെന്ന് ജില്ല തിരിച്ചുള്ള കണക്ക് ലഭ്യമാക്കുമോ;

2025-26 അധ്യായന വർഷം ഏറ്റവും കൂടുതൽ വിദ്യാർത്ഥികളെ എൻ. എം. എം. എസ്. പരീക്ഷയ്ക്കിരുത്തിയ ഓരോ ജില്ലയിലെയും 25 സ്കൂളുകളുടെ ജില്ല തിരിച്ചുള്ള ലിസ്റ്റ് ലഭ്യമാക്കുമോ;

2025-26 അധ്യായന വർഷത്തിൽ എൻ.എം.എം.എസ് പരീക്ഷയ്ക്ക് അപേക്ഷിച്ചവരുടെ ജില്ല തിരിച്ചുള്ള സ്കൂളുകളുടെ ലിസ്റ്റും സംസ്ഥാനത്ത് ഏറ്റവും കൂടുതൽ കുട്ടികൾ അപേക്ഷിച്ച ആദ്യ 20 സ്കൂളുകളുടെ ലിസ്റ്റും ലഭ്യമാക്കുമോ?

മാവേലിക്കര മണ്ഡലത്തില്‍ ഏതെല്ലാം സ്കൂളുകളില്‍ കില മുഖേന കെട്ടിടനിര്‍മ്മാണം നടപ്പിലാക്കുന്നുവെന്നും അവയുടെ തല്‍സ്ഥിതി സംബന്ധിച്ച വിവരങ്ങളും വിശദമാക്കാമോ?

കൈപ്പമംഗലം നിയോജകമണ്ഡലത്തിലെ എല്ലാ വിദ്യാലയങ്ങളിലും വായനാവസന്തം എന്ന രീതിയിൽ കുട്ടികളുടെ വായന പരിപോഷിപ്പിക്കുന്നതിന് എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത്; വ്യക്തമാക്കാമോ?

കുട്ടികൾക്കിടയിൽ ശാസ്ത്രബോധം വളർത്തുന്നതിനും പ്രായോഗിക രീതിയിൽ ശാസ്ത്രതത്വങ്ങൾ സ്വായത്തമാക്കുന്നതിനും ശാസ്ത്ര പരീക്ഷണങ്ങൾ, ശാസ്ത്ര കോൺഗ്രസ്സ് എന്നിവ സംഘടിപ്പിക്കുന്നതിനും വേണ്ടി ബ്ലോക്ക് തലത്തിൽ സയൻസ് സെന്ററുകൾ സ്ഥാപിക്കുന്നതിന് എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത് എന്ന് വിശദമാക്കുമോ?

2016 ജൂൺ മാസം മുതൽ പൊതുവിദ്യാലയങ്ങളിൽ ഉണ്ടായ റിട്ടയർമെന്റ് ഒഴിവുകൾ സർക്കാർ/എയ്‌ഡഡ്‌ എന്നിങ്ങനെ തരംതിരിച്ച് എൽ. പി., യു. പി., എച്ച്. എസ്., എച്ച്. എസ്. എസ്. എന്നീ വിഭാഗങ്ങളിലായി ലഭ്യമാക്കുമോ;

2016 ജൂൺ മാസം മുതലുള്ള കാലയളവിൽ പ്രസ്തുത വിഭാഗങ്ങളിൽ ഒഴിവ് വന്ന തസ്തികകളിൽ പി. എസ്. സി. മുഖേന നിയമിതരായ അദ്ധ്യാപകരുടെയും എയ്‌ഡഡ്‌ സ്‌കൂളുകളിൽ നിയമിതരായ അദ്ധ്യാപകരുടെയും വിശദാംശങ്ങൾ ലഭ്യമാക്കുമോ;

2016 മുതൽ എയ്‌ഡഡ്‌ വിദ്യാലങ്ങളിൽ നിയമിതരാവുകയും നിയമനാംഗീകാരം നൽകുകയും ചെയ്ത എത്ര അദ്ധ്യാപകർക്കാണ് ശമ്പളവും ആനുകൂല്യങ്ങളും അനുവദിച്ചതെന്ന് പ്രൈമറി, ഹൈസ്‌കൂൾ, ഹയർ സെക്കണ്ടറി എന്നിങ്ങനെ തരംതിരിച്ചു വിശദാംശം ലഭ്യമാക്കുമോ?

കാറ്റഗറി നമ്പര്‍ 707/2023 ആയി പ്രസിദ്ധീകരിച്ച യു.പി.എസ്.ടി. (മലയാളം മീഡിയം) റാങ്ക് ലിസ്റ്റിലേക്ക് എറണാകുളം ജില്ലയില്‍ എത്ര ഒഴിവുകള്‍ നിലവിലുണ്ട്; ഇതില്‍ എത്ര ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്തിട്ടുണ്ട്; ഇതില്‍ നിന്ന് നാളിതുവരെ എറണാകുളം ജില്ലയില്‍ എത്രപേരെ നിയമിച്ചു എന്നറിയിക്കുമോ; ഇതില്‍ പഴയ റാങ്ക് ലിസ്റ്റില്‍ ആളില്ലാതെ നീക്കിവച്ച ഡി.എ. ഒഴിവുകള്‍ എത്ര എണ്ണം നികത്തിയിട്ടുണ്ട്; ഇതല്ലാതെ ഏതെങ്കിലും നിയമനം പ്രസ്തുത റാങ്ക് ലിസ്റ്റില്‍ നിന്ന് നടത്തിയിട്ടുണ്ടോ; വ്യക്തമാക്കാമോ;

എറണാകുളം ജില്ലയില്‍ ഡിവിഷന്‍ ഫാള്‍ നേരിടുന്ന ഗവ. യു.പി. സ്‍കൂള‍ുകളിലെ അദ്ധ്യാപകര്‍ എത്ര പേരുണ്ടെന്ന് എന്ന് കണക്കാക്കിയിട്ടുണ്ടോ; എങ്കില്‍ എണ്ണം അറിയിക്കുമോ; ഇപ്രകാരം ഡിവഷന്‍ ഫാള്‍ നേരിടുന്ന ഗവ. യു.പി. സ്കൂളുകളിലെ ഡിപ്ലോയിഡ് അദ്ധ്യാപകരെ ബി.ആർ.സി. യിലേക്കോ എച്ച്.റ്റി.വി. പോസ്റ്റുകളിലോ പുനര്‍വിന്യസിപ്പിക്കുന്നതിന് സാധിക്കുമോ; ഇതിനുള്ള നടപടികള്‍ സ്വീകരിക്കുമോ;

സ്കൂളില്‍ കുട്ടികളുടെ അഡ്മിഷന്‍ സമയത്ത് ആധാറിന് പകരം ജനന സര്‍ട്ടിഫിക്കറ്റ് വാലിഡ് ആക്കുന്നത് പ്രായോഗികമാണോ എന്നത് പരിശോധിച്ചിട്ടുണ്ടോ; വിശദാംശം അറിയിക്കുമോ?

മുൻ സർക്കാരിന്റെ കാലം മുതൽ നാളിതുവരെ പൊതുവിദ്യാഭ്യാസ വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ/ദിവസ വേതന അടിസ്ഥാനത്തിൽ നടത്തിയിട്ടുള്ള താത്കാലിക നിയമനങ്ങളുടെ എണ്ണം സ്ഥാപനം തിരിച്ച് വ്യക്തമാക്കാമോ;

ഇതിൽ എത്ര നിയമനങ്ങളാണ് എംപ്ലോയ്‌മെന്റ് എക്സ്ചേഞ്ച് മുഖേന നടപ്പാക്കിയത്; മറ്റു നിയമനങ്ങൾ ഏത് ഏജൻസി മുഖേനയാണ് നടപ്പാക്കിയതെന്ന് വ്യക്തമാക്കാമോ;

മേല്പറഞ്ഞ സ്ഥാപനങ്ങളിൽ ഈ കാലയളവിൽ എത്ര താത്കാലിക ജീവനക്കാരെ സ്ഥിരപ്പെടുത്തി; സ്ഥാപനം തിരിച്ച് വിശദാംശം ലഭ്യമാക്കാമോ?

സി ടെറ്റ്-2 യോഗ്യത നേടിയ അധ്യാപകരെ ഏതെല്ലാം ക്ലാസുകളിൽ പഠിപ്പിക്കുന്നതിനാണ് അനുവാദം നൽകിയിട്ടുള്ളത്; വിശദമാക്കാമോ;

സി ടെറ്റ്-2 നേടിയ അദ്ധ്യാപകരെ ക്ലാസ്-8 ൽ പഠിപ്പിക്കുന്നതിനുള്ള യോഗ്യത ഉള്ളവരായി കണക്കാക്കുന്നുണ്ടോ; ഇല്ലെങ്കിൽ കാരണം സഹിതം വിശദമാക്കാമോ;

വിദ്യാഭ്യാസ അവകാശ നിയമപ്രകാരം സി-ടെറ്റ് 1, സി-ടെറ്റ് 2, എന്നീ യോഗ്യതകൾ ഒന്ന് മുതൽ പത്ത് വരെയുള്ള ക്ലാസ്സുകളിൽ ഏതെല്ലാം വിഭാഗങ്ങളിൽ പഠിപ്പിക്കുന്നതിനാണ് പരിഗണിക്കുന്നത്; ഓരോ യോഗ്യതയും ബാധകമായ ക്ലാസ്സുകളെക്കുറിച്ച് വിശദമാക്കാമോ?

ബഹു. സുപ്രീം കോടതിയുടെ അധ്യാപക യോഗ്യത പരീക്ഷയുമായി ബന്ധപ്പെട്ട വിധിയിൽ 9, 10 ക്ലാസ്സുകളിൽ പഠിപ്പിക്കുന്ന അധ്യാപകർ കെ-ടെറ്റ് യോഗ്യത നേടണം എന്ന് നിഷ്കർഷിക്കുന്നുണ്ടോ; വിശദമാക്കാമോ;

വിദ്യാഭ്യാസ അവകാശ നിയമപ്രകാരവും ബഹു.സുപ്രീംകോടതിയുടെ കെ-ടെറ്റ് സംബന്ധിച്ച വിധി പ്രകാരവും 1 മുതൽ 10 വരെയുള്ള ക്ലാസ്സുകളിൽ ഏതെല്ലാം ക്ലാസ്സുകളിൽ പഠിപ്പിക്കുന്നതിനാണ് അധ്യാപക യോഗ്യത പരീക്ഷ നിർബന്ധമാക്കിയിട്ടുള്ളത്; പ്രസ്തുത ക്ലാസ്സുകൾ ഇനം തിരിച്ച് വിശദമാക്കാമോ?

പൊതുവിദ്യാഭ്യാസ വകുപ്പിന് കീഴിൽ അന്യത്ര സേവന വ്യവസ്ഥയിൽ നിലവിൽ ഏതെല്ലാം സ്ഥാപനങ്ങളിലേക്കാണ് ജീവനക്കാരെ നിയോഗിച്ചിട്ടുള്ളതെന്ന് വ്യക്തമാക്കാമോ; ഓരോ സ്ഥാപനത്തിലും അന്യത്ര സേവന വ്യവസ്ഥ അനുവദിച്ചിരിക്കുന്ന കാലയളവ് എത്രയാണെന്നും വിശദമാക്കാമോ;

അന്യത്ര സേവന വ്യവസ്ഥയിൽ ഡയറ്റിൽ ജോലി ചെയ്തുവരുന്ന ചില അധ്യാപകർ കാലാവധി പൂർത്തീകരിച്ചിട്ടും പ്രസ്തുത സേവന വ്യവസ്ഥയിൽ ജോലിയിൽ തുടരുന്നത് ശ്രദ്ധയിൽപ്പെട്ടിട്ടുണ്ടോ; ആയത് കാരണം പി.എസ്.സി. തയ്യാറാക്കിയ ഡയറ്റ് ലക്ചറർ റാങ്ക് ലിസ്റ്റിലുള്ള ഉദ്യോഗാർത്ഥികൾക്ക് അവസരം നഷ്ടപ്പെടുന്നതായി വിലയിരുത്തിയിട്ടുണ്ടോ; എങ്കിൽ അർഹരായ ഉദ്യോഗാർത്ഥികൾക്ക് നിയമനം നൽകുന്നതിനായി നടപടി സ്വീകരിക്കുമോ;

ഡയറ്റിൽ ഒഴികെ മറ്റു സ്ഥാപനങ്ങളിൽ അന്യത്ര സേവനങ്ങളിൽ ജോലി ചെയ്തുവരുന്ന ജീവനക്കാരുടെ കാലാവധി പൂർത്തിയാകുമ്പോൾ അവരവരുടെ മാതൃസ്ഥാപനങ്ങളിലേക്ക് മാറ്റുന്ന രീതി ഡയറ്റിലും പിന്തുടരുന്നത് അഭികാമ്യമാണോയെന്ന് പരിശോധിച്ചിട്ടുണ്ടോ; വിശദമാക്കാമോ?

എറണാകുളം ജില്ലയില്‍ എൽ.പി.എസ്.ടി. തസ്തികയില്‍ നിലവില്‍ എത്ര ഒഴിവുകളുണ്ടെന്ന് വ്യക്തമാക്കാമോ;

മേൽപ്പറഞ്ഞ ഒഴിവുകളിൽ എത്ര എണ്ണം പി.എസ്.സി.യ്ക്ക് ഇതുവരെ റിപ്പോർട്ട് ചെയ്തിട്ടുണ്ടെന്നും മുഴുവൻ ഒഴിവുകളിലും വേഗത്തിൽ നിയമനം നൽകാൻ സാധിക്കുമോയെന്നും വ്യക്തമാക്കാമോ?

പൊതുവിദ്യാഭ്യാസ വകുപ്പില്‍ ഓഫീസ് നിര്‍വ്വഹണ ഉദ്യോഗസ്ഥ തസ്തികകളായ എ.എ.(അഡ്മിനിസ്ട്രേറ്റീവ് അസിസ്റ്റന്റ്), എ.പി.എഫ്.ഒ (അസിസ്റ്റന്റ് പ്രൊവിഡന്റ് ഫണ്ട് ഓഫീസർ), എ.ഒ (അക്കൗണ്ട്സ് ഓഫീസർ) എന്നീ തസ്തികകളിൽ നിലവിൽ എത്ര ഒഴിവുകൾ ഉണ്ടെന്ന് വ്യക്തമാക്കാമോ; പ്രസ്തുത ഒഴിവുകൾ നികത്തുന്നതിന് സ്വീകരിച്ചിട്ടുള്ള നടപടികള്‍ അറിയിക്കാമോ?

സംസ്ഥാനത്തെ ഹയർ സെക്കൻഡറി സ്കൂളുകളിൽ എച്ച്.എസ്.എസ്.ടി (ജൂനിയർ) മലയാളം തസ്തികയിലേക്ക് പി. എസ്. സി. റാങ്ക് ലിസ്റ്റ് പ്രസിദ്ധീകരിച്ച് ആറുമാസം കഴിഞ്ഞിട്ടും ഭിന്നശേഷി വിഭാഗത്തില്‍ നിന്നുളള ഒരാൾക്ക് മാത്രമേ നിയമനം നൽകാന്‍ കഴിഞ്ഞിട്ടുള്ളൂ എന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത റാങ്ക് പട്ടികയിൽ 152 ഉദ്യോഗാർത്ഥികൾ ഉൾപ്പെട്ടിട്ടും ഒന്നാം റാങ്കുകാരന് പോലും നിയമനം ലഭിക്കാത്തതിന്റെ കാരണങ്ങൾ വ്യക്തമാക്കാമോ;

സ്പെഷ്യൽ സർവീസ് റൂൾ പ്രകാരം 75% തസ്തികകൾ പി.എസ്.സി വഴിയും 25% തസ്തികമാറ്റം വഴിയും നികത്തണമെന്നിരിക്കെ നിലവിലുള്ള മുഴുവൻ ഒഴിവുകളും തസ്തികമാറ്റത്തിനായി മാറ്റിവെക്കുന്നു എന്ന പരാതിയിൽ വസ്തുതയുണ്ടോ; എങ്കിൽ ഇതിനായി നിലവില്‍ സ്വീകരിച്ചിട്ടുള്ള മാനദണ്ഡം എന്താണെന്ന് വ്യക്തമാക്കാമോ;

മലബാർ മേഖലയിലടക്കം ഹയർ സെക്കണ്ടറിയിൽ അധിക ബാച്ചുകൾ അനുവദിച്ചിട്ടും മലയാളം വിഷയത്തിൽ പുതിയ തസ്തികകൾ സൃഷ്ടിക്കാത്തത് എന്തുകൊണ്ടാണെന്ന് വിശദീകരിക്കാമോ;

റാങ്ക് പട്ടികയുടെ കാലാവധി തീരുന്നതിന് മുൻപായി അർഹരായ ഉദ്യോഗാർത്ഥികൾക്ക് നിയമനം ഉറപ്പാക്കാൻ സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കാമോ?

പൊതുവിദ്യാലയങ്ങളില്‍ ഭിന്നശേഷിക്കാരായ കുട്ടികളെ മറ്റുള്ളവര്‍ക്കൊപ്പം പഠിപ്പിച്ച് അവരുടെ സാമൂഹിക ശേഷികള്‍ വികസിപ്പിച്ചെടുത്ത് പൊതുസമൂഹത്തിന്റെ ഭാഗമാക്കിയെടുക്കാന്‍ സ്വീകരിക്കുന്ന നടപടികള്‍ വിശദമാക്കുമോ;

ഇതിലേക്കായി സര്‍ക്കാര്‍ നിയമിക്കുന്ന റിസോഴ്സ് അദ്ധ്യാപകരുടെ നിയമന രീതിയും സേവന വ്യവസ്ഥകളും വ്യക്തമാക്കുമോ; ഇവര്‍ക്ക് വേതനം കുടിശികയായിട്ടുണ്ടോ; വ്യക്തമാക്കുമോ;

പത്ത് വര്‍ഷത്തിലധികം ജോലി ചെയ്ത റിസോഴ്സ് അദ്ധ്യാപകരെ സ്ഥിരപ്പെടുത്തുന്ന കാര്യം പരിഗണിക്കേണ്ടതാണെന്ന കോടതി പരാമര്‍ശത്തെ തുടര്‍ന്ന് സര്‍ക്കാര്‍ ഇതിനായി എന്തെങ്കിലും നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്തെ സാക്ഷരതാ നിരക്കിലുണ്ടായ വര്‍ദ്ധനവ് സംസ്ഥാനത്തിന്റെ സാമൂഹ്യ വികസനത്തെയും ലിംഗ സമത്വത്തെയും എപ്രകാരമാണ് സ്വാധീനിച്ചിട്ടുളളതെന്ന് വിശദമാക്കാമോ;

സമൂഹത്തിലെ പാര്‍ശ്വവത്കരിക്കപ്പെട്ട വിഭാഗങ്ങളെ (ട്രാന്‍സ്ജെന്‍ഡര്‍ വ്യക്തികള്‍, കുടിയേറ്റ തൊഴിലാളികള്‍ തുടങ്ങിയവര്‍) മുഖ്യധാരയിലേക്ക് കൊണ്ടുവരുന്നതില്‍ സംസ്ഥാന സാക്ഷരതാ മിഷന്‍ നടപ്പിലാക്കുന്ന വിവിധ പദ്ധതികളുടെ പങ്കിനെകുറിച്ച് വിവരിക്കാമോ;

ഭരണഘടനാ മൂല്യങ്ങളെക്കുറിച്ചും പരിസ്ഥിതി സംരക്ഷണത്തെക്കുറിച്ചും പൊതുജനങ്ങളില്‍ അവബോധം സൃഷ്ടിക്കുന്നതിനായി സാക്ഷരതാ മിഷന്‍ ആവിഷ്ക്കരിച്ചിട്ടുളള പ്രത്യേക കര്‍മ്മ പദ്ധതികളെ കുറിച്ച് വ്യക്തമാക്കാമോ;

ഇ-മുറ്റം പോലുളള ഡിജിറ്റല്‍ സാക്ഷരതാ മിഷന്‍ പദ്ധതികള്‍ വഴി വിഭാവനം ചെയ്യുന്ന പ്രധാന ലക്ഷ്യങ്ങള്‍ എന്തൊക്കെയാണെന്ന് വിശദീകരിക്കാമോ?

ഈ സർക്കാരിന്റെ കാലയളവിൽ തൊഴിൽ വകുപ്പിന്റെ കീഴിലുള്ള വിവിധ സ്ഥാപനങ്ങള്‍ നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വിവരം ലഭ്യമാക്കാമോ?

സംസ്ഥാനത്തെ ഇ.എസ്.ഐ. ആശുപത്രികളിലെ അടിസ്ഥാന സൗകര്യങ്ങള്‍ വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

ഇ.എസ്.ഐ. യുടെ പരിധിയില്‍ കൂടുതല്‍ തൊഴിലാളികളെ ഉള്‍പ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

ഈ ആശുപത്രികളില്‍ വിദഗ്ധ ഡോക്ടര്‍മാരുടെ സേവനം ലഭ്യമാക്കുന്നതിനായി കൂടുതല്‍ സ്പെഷ്യലിസ്റ്റ് ഡോക്ടര്‍മാരെ നിയമിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

തോട്ടം തൊഴിലാളികളുടെ ലയങ്ങള്‍ ശോചനീയമായ അവസ്ഥയിലാണെന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

തൊഴിലാളികൾക്ക് മെച്ചപ്പെട്ട താമസസൗകര്യം ഒരുക്കിനല്‍കുന്നതിന് പദ്ധതി ആവിഷ്കരിക്കുമോ; വിശദാംശം നല്‍കുമോ?

വേഗത്തിൽ തൊഴിൽ ലഭിക്കുന്നതിനായി അഭ്യസ്തവിദ്യരായ യുവജനങ്ങൾ വിദേശങ്ങളിലേക്ക് കുടിയേറുന്ന സാഹചര്യം നിരുത്സാഹപ്പെടുത്തുന്നതിനായി സമഗ്രപദ്ധതികൾ ആവിഷ്കരിക്കേണ്ട സാഹചര്യം വിലയിരുത്തിയിട്ടുണ്ടോ; വിശദീകരിക്കുമോ;

തൊഴിൽ അന്വേഷകരായ യുവജനങ്ങൾക്ക് വിവിധ മത്സര പരീക്ഷകളിൽ പങ്കെടുക്കുന്നതിന് സാമ്പത്തിക സഹായം നൽകുന്നതിനുള്ള പദ്ധതി ആരംഭിച്ചിട്ടുണ്ടോ; വിശദീകരിക്കുമോ;

എങ്കിൽ വിവിധ സ്കിൽ കോഴ്സുകളിൽ പഠിക്കുന്നവർക്കും പ്രസ്തുത പദ്ധതിയുടെ ആനുകൂല്യം ലഭിക്കുന്നതിനുള്ള അവസരം ലഭിക്കുമോ; വിശദീകരിക്കുമോ;

അഭ്യസ്തവിദ്യരായ യുവജനങ്ങളുടെ ഭൗതികവും കായികവുമായ ശേഷിയെ സംസ്ഥാനത്തിന്റെ വികസന പ്രവർത്തനങ്ങളിൽ കാര്യക്ഷമമായി വിനിയോഗിക്കുന്നതിന് പദ്ധതി നടപ്പിലാക്കുമോ; വിശദീകരിക്കുമോ?

ഈ സർക്കാരിന്റെ കാലത്ത് മഞ്ചേശ്വരം മണ്ഡലത്തിൽ തൊഴിൽ വകുപ്പ് നടപ്പാക്കിയതും തുടരുന്നതുമായ വിവിധ പദ്ധതികളുടെ വിശദവിവരം ലഭ്യമാക്കുമോ;

പ്രസ്തുത പദ്ധതികൾക്ക് അനുവദിച്ച തുക, നിർവഹണ ഏജൻസി, പദ്ധതിയുടെ നിലവിലെ നിർവഹണ പുരോഗതി സംബന്ധിച്ച വിവരം എന്നിവ ലഭ്യമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്ന ശേഷം തൊഴില്‍ വകുപ്പിന് കീഴില്‍ കല്ല്യാശ്ശേരി മണ്ഡലത്തില്‍ അനുവദിച്ച വിവിധ പദ്ധതികളുടെ വിശദാംശം പദ്ധതികളുടെ പേരും അനുവദിച്ച തുകയും പദ്ധതി നിര്‍വഹണ ഏജന്‍സിയുടെ വിവരങ്ങളും സഹിതം ലഭ്യമാക്കാമോ?

കരിയർ പോളിസി നടപ്പാക്കുന്നത് സംബന്ധിച്ച നടപടികൾ ഏതുവരെയായി എന്ന് അറിയിക്കാമോ; ഇത് നടപ്പിലാക്കാൻ കാലതാമസം നേരിടുന്നതിന്റെ കാരണം എന്താണ്; എന്നത്തേക്ക് നടപ്പിലാക്കാൻ കഴിയും; ഈ സർക്കാരിന്റെ കാലത്തു തന്നെ ഇത് നടപ്പാക്കുമോ; വിശദമാക്കാമോ?

കേരള ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്സ് വെല്‍ഫയര്‍ ബോര്‍ഡ് ക്ഷേമനിധിയില്‍ ചേരുന്നതിനുള്ള മാനദണ്ഡങ്ങള്‍ എന്തെല്ലാമാണ്;

പ്രതിമാസം എത്ര രൂപയാണ് അംശദായമായി അടയ്ക്കേണ്ടതെന്നും ക്ഷേമനിധിയില്‍ ചേര്‍ന്ന തൊഴിലാളികള്‍ക്ക് എന്തെല്ലാം ആനുകൂല്യങ്ങളാണ് നല്‍കി വരുന്നതെന്നും അംശദായം അടയ്ക്കുന്ന തൊഴിലാളികള്‍ക്ക് അടച്ച തുകയുടെ ലാഭവിഹിതം നല്‍കാറുണ്ടോയെന്നും വ്യക്തമാക്കാമോ;

പ്രസ്തുത ക്ഷേമനിധിയിലെ അംഗങ്ങള്‍ക്ക് പ്രതിമാസം നല്‍കുന്ന പെന്‍ഷന്‍ എത്രയാണെന്ന് അറിയിക്കാമോ; നിലവില്‍ പെന്‍ഷന്‍ കുടിശികയുണ്ടോയെന്നും ഉണ്ടെങ്കില്‍ എത്ര മാസത്തെ കുടിശികയുണ്ടെന്നും കുടിശിക എന്നത്തേയ്ക്ക് തീര്‍ത്ത് നല്‍കാനാകുമെന്നും അറിയിക്കാമോ;

മണലൂര്‍ മണ്ഡലത്തില്‍ നിലവില്‍ എത്ര പേര്‍ പ്രസ്തുത ക്ഷേമനിധിയില്‍ അംഗങ്ങളായിട്ടുണ്ട്; ഇതില്‍ പെന്‍ഷന്‍ ആയവര്‍ എത്ര പേരുണ്ട്; പഞ്ചായത്ത് അടിസ്ഥാനത്തില്‍ വിശദാംശം നല്‍കാമോ?

കേരള ഷോപ്‍സ് ആന്റ് കൊമേഴ്‍സ്യല്‍ എസ്റ്റാബ്ലിഷ്‍മെന്റ് വെല്‍ഫെയര്‍ ഫണ്ട് ബോര്‍ഡില്‍ എത്ര വയസ്സ് വരെ ഉള്ളവര്‍ക്ക് അംഗത്വം എടുക്കാന്‍ സാധിക്കുമെന്ന് അറിയിക്കുമോ; 55 വയസ്സ് വരെ അംഗത്വം എടുക്കാമെന്ന് പറയുമ്പോഴും 51 മുതല്‍ 55 വയസ്സ് വരെ അംഗത്വം എടുത്തവര്‍ക്ക് 10 വര്‍ഷം അംശാദായം അടച്ചില്ലയെന്ന് കാരണത്താല്‍ പെന്‍ഷന്‍ നിഷേധിക്കപ്പെടുന്നത് സംബന്ധിച്ച ആക്ഷേപമോ പരാതിയോ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ ആശങ്ക പരിഹരിക്കുന്നതിന് എന്ത് നടപടിയാണ് സ്വീകരിക്കുന്നതെന്ന് വിശദമാക്കുമോ;

കേരള ഷോപ്‍സ് ആന്റ് കൊമേഴ്‍സ്യല്‍ എസ്റ്റാബ്ലിഷ്‍മെന്റ് വെല്‍ഫെയര്‍ ഫണ്ട് ബോര്‍ഡില്‍ എല്ലാ വിഭാഗങ്ങളുടെയും സംഘടന പ്രതിനിധികളെ ഉള്‍പ്പെടുത്താറുണ്ടോയെന്ന് അറിയിക്കുമോ; ഓള്‍ കേരളാ ഫോട്ടോഗ്രാഫേഴ്‍സ് അസോസിയേഷനില്‍ നിന്നുള്ള പ്രതിനിധിയെ ബോര്‍‍‍ഡില്‍ ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഉള്‍പ്പെടുത്താന്‍ നടപടി സ്വീകരിക്കുമോ എന്നറിയിക്കുമോ;

സര്‍വ്വകലാശാലകളുമായി സഹകരിച്ച് ഫോട്ടോഗ്രഫി, വീഡിയോഗ്രഫി സര്‍ട്ടിഫിക്കറ്റ് കോഴ്‍സുകള്‍ നടത്താന്‍ ഓള്‍ കേരളാ ഫോട്ടോഗ്രാഫേഴ്‍സ് അസോസിയേഷന് അനുമതി നല്‍കുന്നത് സംബന്ധിച്ച് സര്‍ക്കാര്‍ തലത്തില്‍ ചര്‍ച്ചകള്‍ നടന്നിട്ടുണ്ടോ; എങ്കില്‍ ഇതിനായി സ്വീകരിച്ച നടപടികള്‍ അറിയിക്കുമോ?

ഔഷധ വ്യാപാര മേഖലയില്‍ പ്രവര്‍ത്തിക്കുന്ന മെഡിക്കല്‍ ഷോപ്പ് തൊഴിലാളികളെ ആരോഗ്യമേഖലയില്‍ സ്തുത്യര്‍ഹ സേവനമനുഷ്ഠിക്കുന്നവരെന്ന പരിഗണന നല്‍കി ആരോഗ്യപ്രവര്‍ത്തകരായി അംഗീകരിക്കണമെന്നും ഇ.എസ്.ഐ. അല്ലെങ്കില്‍ തത്തുല്യമായ ഇന്‍ഷ്വറന്‍സ് പരിരക്ഷ ലഭ്യമാക്കണമെന്നുമുള്ള ആവശ്യത്തില്‍ നടപടി സ്വീകരിച്ചിട്ടുണ്ടോ; ഉണ്ടെങ്കില്‍ സ്വീകരിച്ചിട്ടുള്ള നടപടി വ്യക്തമാക്കാമോ?

തോട്ടം മേഖലയിലെ തൊഴിലാളികളുടെ വേതന വർദ്ധനവ് സംബന്ധിച്ച് എന്തെങ്കിലും നടപടികള്‍ സ്വീകരിച്ചിട്ടുണ്ടോ; എങ്കില്‍ എന്തൊക്കെയാണെന്ന് വിശദമാക്കാമോ?

പ്ലാന്റേഷൻ മേഖലയിലെ തൊഴിലാളികള്‍ നേരിടുന്ന വിവിധ പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പ്ലാന്റേഷൻ ലേബര്‍ ആക്ടിലെ വ്യവസ്ഥകള്‍ക്കനുസരിച്ച് തോട്ടങ്ങളില്‍ പണിയെടുക്കുന്ന തൊഴിലാളികള്‍ക്ക് നല്‍കിയിട്ടുള്ള വീടുകള്‍ കാലപ്പഴക്കംമൂലം താമസയോഗ്യമല്ലാത്തവയാണെന്നത് ശ്രദ്ധയില്‍പ്പെട്ടിട്ടുണ്ടോ;

ഒറ്റമുറിയും അടുക്കളയുമായുള്ള വീടുകള്‍ക്ക് വൈദ്യുതീകരണം, കുടിവെള്ളം, സാനിട്ടേഷന്‍ എന്നീ സൗകര്യങ്ങള്‍ ഒരുക്കുന്നതില്‍ ഉടമകളും ഉദ്യോഗസ്ഥന്മാരും വേണ്ടത്ര ശ്രദ്ധിക്കാത്തതുമൂലം തൊഴിലാളികള്‍ക്കുണ്ടാകുന്ന ബുദ്ധിമുട്ടുകള്‍ വിലയിരുത്തിയിട്ടുണ്ടോ;

തോട്ടം തൊഴിലാളികള്‍ക്ക് താമസസൗകര്യങ്ങള്‍ ഒരുക്കുന്നതില്‍ കാലാനുസൃതമായ പരിഷ്കാരങ്ങൾ വരുത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

അതിഥി തൊഴിലാളികളുടെ ക്ഷേമവുമായി ബന്ധപ്പെട്ട് തയ്യാറാക്കിയ അതിഥി പോര്‍ട്ടലിന്റെ പ്രധാന ലക്ഷ്യങ്ങള്‍ വിശദമാക്കാമോ;

അപ്നാഘര്‍ പദ്ധതി പ്രകാരം താമസ സ്ഥലങ്ങളില്‍ ഒരുക്കിയിട്ടുള്ള ആധുനിക സൗകര്യങ്ങള്‍ എന്തൊക്കെയാണെന്ന് വിശദമാക്കാമോ;

ആവാസ് പദ്ധതി വഴി അതിഥി തൊഴിലാളികള്‍ക്ക് ലഭ്യമാകുന്ന ആരോഗ്യ-മരണ ഇന്‍ഷുറന്‍സ് പരിരക്ഷയുടെ വിശദാംശം ലഭ്യമാക്കാമോ;

പാലക്കാട്, കോഴിക്കോട് ജില്ലകളില്‍ പൂര്‍ത്തിയായ അപ്നാഘര്‍ ഡോര്‍മെറ്ററികളുടെ നിലവിലെ സ്ഥിതി വിശദമാക്കാമോ;

അതിഥി തൊഴിലാളികളുടെ കൃത്യമായ കണക്കുകള്‍ ലഭ്യമാക്കുന്നതില്‍ നേരിടുന്ന വെല്ലുവിളികള്‍ എന്തൊക്കെയാണെന്ന് അറിയിക്കാമോ?

അതിഥി തൊഴിലാളികള്‍ക്കിടയില്‍ ലഹരി ഉപയോഗം തടയുന്നതിനും ബോധവല്‍ക്കരണം നടത്തുന്നതിനുമായി സര്‍ക്കാര്‍ ആവിഷ്കരിച്ച കവച് പദ്ധതിയുടെ സവിശേഷതകള്‍ വിശദമാക്കാമോ;

സംസ്ഥാനത്തെ അതിഥി തൊഴിലാളികളുടെ സാമൂഹിക സുരക്ഷയും ആനുകൂല്യങ്ങളും ഉറപ്പാക്കുന്നതിന് സര്‍ക്കാര്‍ ആവിഷ്കരിച്ച പദ്ധതികള്‍ വിശദീകരിക്കാമോ;

അതിഥി തൊഴിലാളികള്‍ക്കുവേണ്ടി നടപ്പാക്കിയ ആവാസ്, ശ്രമിക് ബന്ധു എന്നീ പദ്ധതികളെക്കുറിച്ച് വിശദമാക്കാമോ;

അതിഥി തൊഴിലാളികളുടെ ജീവിത നിലവാരം ഉയര്‍ത്തുന്നതിനായി നടപ്പാക്കുന്ന വിവിധ പാര്‍പ്പിട പദ്ധതികളെക്കുറിച്ച് വിശദമാക്കാമോ;

കേരളത്തിലെ അതിഥി തൊഴിലാളി ക്ഷേമ പ്രവര്‍ത്തനങ്ങള്‍ രാജ്യത്തിന് തന്നെ മാതൃകയാകുന്നത് എങ്ങനെയാണ്; വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ തൊഴിൽ വകുപ്പിന്റെ കീഴിലുള്ള വിവിധ സ്ഥാപനങ്ങളിൽ കരാർ/ദിവസ വേതന അടിസ്ഥാനത്തിൽ എത്ര താത്കാലിക നിയമനങ്ങൾ നടത്തിയിട്ടുണ്ട്; വിശദാംശം സ്ഥാപനം തിരിച്ചു ലഭ്യമാക്കുമോ;

ഇതിൽ എത്ര നിയമനങ്ങൾ എംപ്ലോയ്‌മെന്റ് എക്സ്ചേഞ്ച് മുഖേന നടപ്പാക്കി; മറ്റു നിയമനങ്ങൾ നടത്തിയ ഏജൻസി ഏതാണ്; വ്യക്തമാക്കുമോ;

പ്രസ്തുത കാലയളവിൽ തൊഴിൽ വകുപ്പിന്റെ കീഴിലുള്ള വിവിധ സ്ഥാപനങ്ങളിൽ എത്ര താത്കാലിക ജീവനക്കാരെ സ്ഥിരപ്പെടുത്തി; വിശദാംശം സ്ഥാപനം തിരിച്ചു ലഭ്യമാക്കുമോ?

സംസ്ഥാനത്തെ വിദഗ്ധരും അവിദഗ്ധരുമായ തൊഴിലാളികള്‍ക്ക് വിദേശ രാജ്യങ്ങളില്‍ കുറഞ്ഞ ചെലവില്‍ തൊഴില്‍ ലഭ്യമാക്കുന്നതില്‍ ഒഡെപെക് കൈവരിച്ച നേട്ടങ്ങള്‍ വ്യക്തമാക്കാമോ;

കഴിഞ്ഞ സാമ്പത്തിക വര്‍ഷം എത്ര പേര്‍ക്ക് ഒഡെപെക് വഴി വിദേശത്ത് ജോലി ലഭിച്ചുവെന്ന് വിശദമാക്കാമോ;

ബെല്‍ജിയം, ജര്‍മ്മനി എന്നീ രാജ്യങ്ങളിലേക്ക് നഴ്സുമാരെ റിക്രൂ‍ട്ട് ചെയ്യുന്നതിനായി ഒഡെപെക് നടപ്പാക്കുന്ന പദ്ധതികള്‍ വിശദമാക്കാമോ; റിക്രൂട്ട്മെന്റ് പൂര്‍ണ്ണമായും സൗജന്യമാണോയെന്നും ഇതിനായി നല്‍കി വരുന്ന ഭാഷാപരിശീലനത്തെക്കുറിച്ചും വിശദമാക്കാമോ;

ഏഷ്യയിലെ ഒക്യുപേഷണല്‍ ഇംഗ്ലീഷ് ടെസ്റ്റ് പരീക്ഷാ കേന്ദ്രങ്ങളുടെ പ്രവര്‍ത്തനങ്ങള്‍ വകുപ്പ് വിലയിരുത്തിയിട്ടുണ്ടോയെന്ന് വിശദമാക്കാമോ?

ഈ സർക്കാരിന്റെ കാലയളവിൽ അരുവിക്കര മണ്ഡലത്തിലെ ആര്യനാട് ഗവ. ഐ.റ്റി.ഐ.യുടെ നവീകരണത്തിനും അക്കാദമിക് സൗകര്യങ്ങൾ മെച്ചപ്പെടുത്തുന്നതിനുമായി സ്വീകരിച്ചിട്ടുളള നടപടികൾ എന്തെല്ലാമെന്ന് വ്യക്തമാക്കാമോ?

മണലൂര്‍ മണ്ഡലത്തിലെ മണലൂര്‍ ഐ.ടി.ഐ.യില്‍ ഏതെല്ലാം ട്രേഡുകളാണ് നിലവിലുള്ളതെന്നും എല്ലാ ട്രേഡുകളിലും പരമാവധി കുട്ടികള്‍ നിലവിലുണ്ടോയെന്നും അറിയിക്കാമോ;

അടുത്ത അധ്യയന വര്‍ഷത്തില്‍ മണലൂര്‍ ഐ.ടി.ഐ.യില്‍ പുതിയ ട്രേഡുകള്‍ അനുവദിക്കാന്‍ പദ്ധതിയുണ്ടോ; എങ്കില്‍ ഏതെല്ലാം ട്രേഡുകളാണ് അനുവദിക്കാന്‍ ഉദ്ദേശിക്കുന്നതെന്ന് അറിയിക്കാമോ?

ധനുവച്ചപുരം ഗവൺമെന്റ് ഐ.ടി.ഐ, പാറശ്ശാല ഗവണ്‍മെന്റ് വനിതാ ഐ.ടി.ഐ എന്നിവിടങ്ങളില്‍ നിലവില്‍ എത്ര വിദ്യാര്‍ത്ഥികള്‍ പഠിക്കുന്നുണ്ട്; ഓരോ വിഭാഗത്തിലും പഠിക്കുന്ന കുട്ടികളുടെ എണ്ണം പ്രത്യേകം ലഭ്യമാക്കാമോ;

ഈ ഐ. ടി. ഐ. കളുടെ പ്രവര്‍ത്തനം മെച്ചപ്പെടുത്തുന്നതിനായി നിലവില്‍ പുതിയ പദ്ധതികള്‍ എന്തെങ്കിലും സര്‍ക്കാരിന്റെ പരിഗണനയിലുണ്ടോ; ഉണ്ടെങ്കില്‍ വിശദാംശം നൽകുമോ;

2016 ന് ശേഷം പ്രസ്തുത ഐ.ടി.ഐ കളില്‍ പുതുതായി ഏതൊക്കെ കോഴ്സുകളാണ് അനുവദിച്ചിട്ടുള്ളത്;

2016 മേയ് മുതല്‍ നാളിതുവരെ പ്രസ്തുത ഐ.ടി.ഐ കളില്‍ അനുവദിച്ചിട്ടുള്ള പദ്ധതികള്‍, അവയ്ക്കായി നീക്കിവെച്ച തുക, പദ്ധതികളുടെ നിലവിലെ പുരോഗതി എന്നിവ ട്രേഡ് തിരിച്ച് വ്യക്തമാക്കാമോ;

കഴിഞ്ഞ പത്ത് വര്‍ഷത്തിനിടെ (2016 മുതല്‍) ഈ ഐ.ടി.ഐ.കളില്‍ നിന്നും ക്യാമ്പസ് റിക്രൂട്ട്മെന്റ് വഴി എത്ര പേര്‍ക്ക് ജോലി ലഭിച്ചിട്ടുണ്ട്; ഇതിനായി സ്വീകരിച്ച നടപടികള്‍ എന്തെല്ലാം?

ഈ സര്‍ക്കാര്‍ അധികാരത്തില്‍ വന്നതിനുശേഷം കോട്ടയം ജില്ലയില്‍ എംപ്ലോയ്‍മെന്റ് എക്സ്ചേഞ്ച് മുഖേന എത്ര പേര്‍ക്ക് നിയമനം നല്‍കിയിട്ടുണ്ടെന്ന് വ്യക്തമാക്കുമോ;

ഏതെല്ലാം വകുപ്പുകളില്‍ ഏതെല്ലാം തസ്തികകളിലാണ് നിയമനം നല്‍കിയിട്ടുള്ളതെന്നുള്ള വിശദവിവരം നല്‍കാമോ?

കരിയര്‍ പോളിസി നടപ്പാക്കുന്നത് സംബന്ധിച്ച നടപടികളുടെ നിലവിലെ സ്ഥിതി വിശദീകരിക്കുമോ; ഇത് നടപ്പിലാക്കാൻ കാലതാമസം നേരിടുന്നതിന്റെ കാരണം എന്താണെന്നും ഈ സർക്കാരിന്റെ കാലത്ത് തന്നെ നടപ്പിലാക്കാൻ കഴിയുമോയെന്നും വ്യക്തമാക്കാമോ?

കെ.ജി.ടി.ഇ. (കൊമേഴ്സ് ഗ്രൂപ്പ്) ടൈപ്പ്റൈറ്റിംഗ് ആൻഡ് കമ്പ്യൂട്ടർ വേർഡ് പ്രോസസിംഗ് ലോവർ/ഹയർ പരീക്ഷകൾക്ക് ഓൺലൈനായി അപേക്ഷ സമർപ്പിച്ചതിനുശേഷം അപേക്ഷയുടെയും അനുബന്ധ രേഖകളുടെയും ഗസറ്റഡ് ഓഫീസർ സാക്ഷ്യപ്പെടുത്തിയ പകർപ്പുകൾ പരീക്ഷാഭവനിൽ ലഭ്യമാക്കണമെന്ന നിലവിലെ വ്യവസ്ഥ ഒഴിവാക്കാൻ തീരുമാനിച്ചിട്ടുണ്ടോ;

അപേക്ഷകർക്ക് പ്രായപരിധി ബാധകമല്ലാത്തതിനാൽ പഴക്കമുള്ള സർട്ടിഫിക്കറ്റുകൾ പരിശോധിക്കാനും തുല്യതയ്ക്ക് വേണ്ടി കൃത്രിമരേഖകൾ ചമയ്ക്കുന്നത് കണ്ടെത്താനുമുള്ള ഓണ്‍ലെെന്‍ വെരിഫിക്കേഷനിലെ പരിമിതികൾ ശ്രദ്ധയിൽപ്പെട്ടിട്ടുണ്ടോ;

അസ്സൽ സർട്ടിഫിക്കറ്റ് പരിശോധിക്കാത്ത സാഹചര്യത്തിൽ ഈ വ്യവസ്ഥ ഒഴിവാക്കിയാൽ ഓൺലൈൻ വഴി സർട്ടിഫിക്കറ്റ് വെരിഫിക്കേഷൻ കൃത്യമായി നടത്താൻ സാധിക്കാത്തതുകൊണ്ട് തുടർന്നും ഹാർഡ്കോപ്പി വെരിഫിക്കേഷൻ നിലവിലുള്ളതുപോലെ തുടരാൻ നടപടി സ്വീകരിക്കുമോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ഇന്‍ഷ്വറന്‍സ് മെഡിക്കല്‍ സര്‍വീസസ് വകുപ്പില്‍ നടപ്പിലാക്കിയ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

സംസ്ഥാനത്തെ ഏതെല്ലാം ഇ.എസ്.ഐ. ആശുപത്രികളിലാണ് ഡയാലിസിസ് യൂണിറ്റ് ആരംഭിച്ചിട്ടുള്ളത്; പദ്ധതി വ്യാപിപ്പിക്കാന്‍ നടപടി സ്വീകരിക്കുമോയെന്ന് അറിയിക്കാമോ;

ഈ സര്‍ക്കാരിന്റെ കാലയളവില്‍ ഇൻഷ്വറൻസ് മെഡിക്കൽ സർവീസസ് വകുപ്പിന് കീഴിലുള്ള ഡിസ്പെന്‍സറികളിലും അനുബന്ധ ഓഫീസുകളിലുമായി എത്ര നിയമനങ്ങള്‍ നടത്തുകയുണ്ടായി; വ്യക്തമാക്കാമോ;

ഇ.എസ്.ഐ. ആശുപത്രികളിലെ ലാബുകള്‍, ഫാര്‍മസി സ്റ്റോറുകള്‍ തുടങ്ങിയവ നവീകരിക്കുന്നതിന് കഴിഞ്ഞിട്ടുണ്ടോ; വിശദമാക്കാമോ;

ഓരോ ഇ. എസ്. ഐ. ആശുപത്രിയിലെയും സാധ്യതയും ആവശ്യകതയും പരിഗണിച്ച് പശ്ചാത്തല ചികിത്സ സംവിധാനങ്ങള്‍ വർധിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

വാമനപുരം മണ്ഡലത്തിലെ വെഞ്ഞാറമൂട്ടിൽ അനുവദിച്ച ഇ.എസ്.ഐ. ഡിസ്പെൻസറിയുടെ പ്രവര്‍ത്തനം എന്ന് ആരംഭിക്കാനാകുമെന്ന് വിശദമാക്കാമോ;

പ്രസ്തുത ഇ.എസ്.ഐ. ഡിസ്പെന്‍സറിക്കായി ഇ.എസ്.ഐ. കോര്‍പ്പറേഷന്‍ കെട്ടിടം തയ്യാറാക്കി നല്‍കിയിട്ടുണ്ടോ; വിശദമാക്കാമോ;

ഇതുമായി ബന്ധപ്പെട്ട തുടർ പ്രവര്‍ത്തനങ്ങളുടെ പുരോഗതി അറിയിക്കാമോ?