ഇന്ത്യ-അമേരിക്ക വ്യാപാര കരാർ സംസ്ഥാനത്തെ ഭക്ഷ്യ, നാണ്യവിള ഉല്പാദകരെ ബാധിക്കുമോ എന്ന് പഠന വിധേയമാക്കിയിട്ടുണ്ടോ;

മേൽപ്പറഞ്ഞ വിഷയത്തിൽ എന്തെല്ലാം പഠനങ്ങളാണ് നടത്തിയതെന്നും പ്രസ്തുത കരാർ എപ്രകാരമാണ് കേരളത്തിലെ കർഷകരെ ബാധിക്കുകയെന്നും വ്യക്തമാക്കുമോ;

ഇന്ത്യ-അമേരിക്ക വ്യാപാര കരാർ സംബന്ധിച്ച് കേരളത്തിലെ കർഷക സമൂഹത്തിന്റെ ആശങ്ക കേന്ദ്ര സർക്കാരിനെ അറിയിച്ചിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്ത് യാത്രക്കാര്‍ക്ക് ബസ്സുകളുടെ സമയം, കാലതാമസം, റദ്ദാക്കല്‍, റൂട്ട് മാറ്റം എന്നിവയെല്ലാം തത്സമയം അറിയുന്നതിന് ആധുനിക സാങ്കേതിക വിദ്യ പ്രയോജനപ്പെടുത്തി പ്രത്യേക സംവിധാനം ഗതാഗത വകുപ്പില്‍ സജ്ജീകരിച്ചിട്ടുണ്ടോയെന്ന് വിശദമാക്കാമോ;

പ്രസ്തുത സംവിധാനത്തിലൂടെ പൊതുഗതാഗതത്തെ ആശ്രയിക്കുന്ന യാത്രക്കാര്‍ക്ക് എന്തെല്ലാം സൗകര്യങ്ങളും സേവനങ്ങളുമാണ് ലഭ്യമാകുന്നതെന്ന് വിശദമാക്കാമോ;

യാത്രക്കാരുടെ എണ്ണം വര്‍ദ്ധിപ്പിക്കുന്നതിനും അതുവഴി കൂടുതല്‍ ടിക്കറ്റ് വരുമാനം ലഭ്യമാക്കുന്നതിനും ഈ പദ്ധതി ഗുണകരമാകുമോ; വ്യക്തമാക്കാമോ?

കര്‍ഷക കടാശ്വാസ കമ്മീഷന്റെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കാമോ;

കമ്മീഷന്റെ പക്കല്‍ തീര്‍പ്പാകാതെ കിടക്കുന്ന അപേക്ഷകളുടെ വിശദാംശം ലഭ്യമാക്കാമോ;

കമ്മീഷന്റെ പ്രവര്‍ത്തനം കാര്യക്ഷമമാക്കുന്നതിന് എന്തെല്ലാം നടപടികളാണ് നിലവിലെ സര്‍ക്കാരിന്റെ കാലത്ത് സ്വീകരിച്ചിട്ടുളളതെന്ന് അറിയിക്കാമോ;

പ്രസ്തുത നടപടികള്‍ പൂര്‍ണ്ണമായും നടപ്പില്‍ വരുത്താന്‍ കഴിഞ്ഞിട്ടുണ്ടോ എന്ന് പരിശോധിച്ചിട്ടുണ്ടോ; വ്യക്തമാക്കാമോ?

ഉല്പാദനച്ചെലവ് ഗണ്യമായി വർധിച്ച സാഹചര്യത്തിലും വിപണിയിൽ സർക്കാർ താങ്ങുവിലയെക്കാൾ ഉയര്‍ന്ന വില നിലനിൽക്കുന്ന സാഹചര്യത്തിലും റബ്ബറിന് താങ്ങുവില ഉയർത്തണമെന്ന കർഷകരുടെ ആവശ്യത്തിന്മേല്‍ എന്തു നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

റബ്ബറിന്റെ താങ്ങുവില 250 രൂപയായി ഉയർത്തുവാൻ സാധിക്കാത്തതിന്റെ കാരണം വ്യക്തമാക്കുമോ;

റബ്ബര്‍ കര്‍ഷകരെ സഹായിക്കാന്‍ മതിയായ വില സ്ഥിരതാ ഫണ്ട് മാറ്റി വയ്ക്കുന്നതിന് ഉദ്ദേശിക്കുന്നുണ്ടോ;

റബ്ബര്‍ കര്‍ഷകര്‍ നേരിടുന്ന പ്രശ്നങ്ങള്‍ പരിഹരിക്കുന്നതിന് എന്തെങ്കിലും നടപടികള്‍ എടുത്തിട്ടുണ്ടോ; ഉണ്ടെങ്കില്‍ വിശദമാക്കുമോ?

കുട്ടനാടിന്റെ ജീവിതചര്യകളും കുടില്‍ വ്യവസായങ്ങളും കേരളത്തനിമയെ വിളിച്ചോതുന്ന നാടന്‍ കലാരൂപങ്ങളും ഉള്‍പ്പെടുത്തി വിനോദസഞ്ചാരികള്‍ക്ക് യാത്രയുടെ പുത്തന്‍ അനുഭവങ്ങള്‍ ലഭ്യമാകുന്ന തരത്തില്‍ കുട്ടനാട് സഫാരി ടൂറിസം പദ്ധതിക്ക് രൂപം കൊടുത്തിട്ടുണ്ടോ; എങ്കിൽ എന്തൊക്കെ കാര്യങ്ങളാണ് ഇതുവഴി ലക്ഷ്യമിടുന്നത്; വിശദമാക്കുമോ;

ബജറ്റ് ടൂറിസം പദ്ധതിയുടെ പുതിയ ചുവടുവെപ്പ് എന്ന നിലയില്‍ പ്രസ്തുത പദ്ധതി ആവിഷ്കരിക്കാൻ കഴിഞ്ഞിട്ടുണ്ടോ; വിശദമാക്കുമോ;

സഫാരിക്കായി സോളാര്‍ ബോട്ടുകള്‍ ഉപയോഗിക്കുന്നതിന് പദ്ധതിയുണ്ടോ; വിശദമാക്കുമോ;

പ്രസ്തുത പദ്ധതിയുടെ ഭാഗമായി പരിസരമലിനീകരണം തടയുന്നതിന് എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കുമോ?

തെരുവുനായ്ക്കളുടെ എണ്ണം വർദ്ധിച്ചു വരുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;

തെരുവുനായ്ക്കളുടെ എണ്ണം കണക്കാക്കിയിട്ടുണ്ടോ; വ്യക്തമാക്കാമോ;

തെരുവുനായ്ക്കളുടെ വന്ധ്യംകരണത്തിനായി എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദമാക്കാമോ;

കൂടുതൽ വന്ധ്യംകരണ കേന്ദ്രങ്ങൾ ആരംഭിക്കുന്നതിന് നടപടി സ്വീകരിക്കാൻ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്തിനാവശ്യമായ പച്ചക്കറി ഉല്‍പാദിപ്പിക്കുന്നതിനായി പച്ചക്കറി വികസന പദ്ധതി നടപ്പിലാക്കി വരുന്നുണ്ടോ;

ഈ പദ്ധതിയിലൂടെ പച്ചക്കറി ഉല്‍പാദനം വര്‍ദ്ധിപ്പിക്കാന്‍ കഴിഞ്ഞിട്ടുണ്ടോ; വിശദാംശം നല്‍കുമോ;

അത്യുല്പാദന ശേഷിയുളള പച്ചക്കറി വിത്തുകളുടേയും തൈകളു​ടേയും വിതരണത്തിന് സ്വീകരിച്ചു വരുന്ന നടപടികള്‍ എന്തെല്ലാമാണ്;

പച്ചക്കറി കൃഷിയില്‍ സ്വയംപര്യാപ്തത കൈവരിക്കുന്നതിനായി എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

വികസിത് ഭാരത് ശിക്ഷാ അധിഷ്ഠാൻ ബില്ലിലെ വ്യവസ്ഥകൾ നടപ്പാകുന്നതോടെ സംസ്ഥാനത്ത് ദേശീയ വിദ്യാഭ്യാസ നയം പൂർണമായും നടപ്പാക്കേണ്ട സാഹചര്യം ഉണ്ടാകുമോ; വിശദാംശം വ്യക്തമാക്കാമോ;

അക്രെഡിറ്റേഷൻ നേടുന്ന കോളേജുകൾ സ്വയംഭരണത്തിലേക്കു മാറുന്ന വ്യവസ്ഥകൾ നടപ്പാകുന്നതോടെ സർവ്വകലാശാലകൾക്ക് അഫിലിയേഷൻ മുഖേന കോളേജുകളിൽ ഉള്ള നിയന്ത്രണം നഷ്ടമാകുകയും അക്രെഡിറ്റേഷനും സ്വയംഭരണ വ്യവസ്ഥകളും പാലിക്കാൻ ശേഷിയില്ലാത്ത കോളേജുകളുടെ പ്രവർത്തനം പ്രതിസന്ധിയിലാകുവാനും സാധ്യതയുണ്ടോ; വ്യക്തമാക്കാമോ;

ഫെഡറൽ തത്വങ്ങൾക്ക് വിരുദ്ധമായ ബില്ലിലെ വ്യവസ്ഥകൾക്കെതിരെ സംസ്ഥാനത്തിന്റെ അഭിപ്രായം കേന്ദ്രത്തെ അറിയിക്കുവാൻ അടിയന്തര നടപടി സ്വീകരിയ്ക്കുമോ; വ്യക്തമാക്കാമോ?

സംസ്ഥാനത്ത് മുതിര്‍ന്ന പൗരന്മാരുടെ ക്ഷേമവും സാമൂഹിക പങ്കാളിത്തവും ഉറപ്പാക്കുക എന്ന ലക്ഷ്യത്തോടെയുള്ള സംസ്ഥാന വയോജന നയത്തിന് സര്‍ക്കാര്‍ അംഗീകാരം നല്‍കിയിട്ടുണ്ടോ; വിശദാംശം നല്‍കാമോ;

പ്രസ്തുത നയത്തിലൂടെ എന്തൊക്കെ കാര്യങ്ങളാണ് സര്‍ക്കാര്‍ ലക്ഷ്യമിടുന്നത്; വ്യക്തമാക്കാമോ;

വയോധികര്‍ക്ക് സാമ്പത്തിക സുരക്ഷിതത്വത്തിനായി റിവേഴ്‍സ് മോര്‍ട്ട്ഗേജ് സൗകര്യം ഏര്‍പ്പെടുത്തുന്നതിന് സംവിധാനമുണ്ടോ; വിശദമാക്കാമോ;

വാര്‍ദ്ധക്യ വിജ്ഞാന പഠനത്തിനായി പ്രത്യേക മികവിന്റെ കേന്ദ്രം സ്ഥാപിക്കുന്ന കാര്യം പരിഗണനയിലുണ്ടോ; വിശദമാക്കാമോ;

വയോജനങ്ങളുടെ പരാതി പരിഹാരത്തിന് എന്തെല്ലാം സംവിധാനങ്ങള്‍ ഒരുക്കാനാണ് ഉദ്ദേശിക്കുന്നത്; വിശദമാക്കാമോ?

ഉന്നത വിദ്യാഭ്യാസ രംഗത്ത് മലബാർ മേഖലയിൽ മതിയായ സ്ഥാപനങ്ങളില്ലായെന്നത് പരിശോധിച്ചിട്ടുണ്ടോ;

ഇക്കാര്യത്തിൽ എന്തെങ്കിലും നിർദ്ദേശങ്ങൾ സർക്കാരിന് ലഭിച്ചിട്ടുണ്ടോ എന്നറിയിക്കാമോ;

മലബാർ മേഖലയിലെ ഉന്നതവിദ്യാഭ്യാസ പഠന സൗകര്യം വർദ്ധിപ്പിക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ?

കേരളത്തിൽ പക്ഷിപ്പനി ആവർത്തിച്ച് സ്ഥിരീകരിക്കുന്നതിന്റെ കാരണങ്ങൾ സർക്കാർ പഠനവിധേയമാക്കിയിട്ടുണ്ടോ; വിശദമാക്കാമോ;

പക്ഷിപ്പനി സംബന്ധിച്ച വിശദപഠനത്തിനായി കേന്ദ്ര മൃഗസംരക്ഷണ വകുപ്പ് കേരളത്തിൽ എത്തിയിരുന്നോ; എങ്കിൽ അവർ നടത്തിയ പഠനത്തിന്റെ വിശദാംശം നൽകാമോ;

പക്ഷിപ്പനി കാരണം കർഷകർ കടുത്ത പ്രതിസന്ധി നേരിടുന്ന സാഹചര്യത്തിൽ രോഗത്തിന്റെ ഉറവിടം കണ്ടെത്തി പക്ഷിപ്പനി പടർന്നു പിടിക്കുന്നത് തടയാൻ സർക്കാർ സ്വീകരിച്ച നടപടികൾ വിശദമാക്കാമോ?

സംസ്ഥാനത്ത് വയോജനങ്ങള്‍ നേരിടുന്ന ശാരീരികവും മാനസികവുമായ പീഡനകേസുകള്‍ പരിശോധിക്കുന്നതിനും പ്രതിരോധം, സംരക്ഷണം, പുനരധിവാസം എന്നിവയില്‍ മാര്‍ഗ്ഗനിര്‍ദ്ദേശങ്ങള്‍ നല്‍കുന്നതിനുമായി സംസ്ഥാന കൗണ്‍സില്‍, ജില്ലാ കമ്മിറ്റികള്‍ എന്നിവയ്ക്ക് രൂപം കൊടുത്തിട്ടുണ്ടോ; ഇവയുടെ പ്രവര്‍ത്തനങ്ങള്‍ എന്തൊക്കെയാണ്; വിശദമാക്കാമോ;

രക്ഷിതാക്കളുടെയും മുതിര്‍ന്ന പൗരന്മാരുടെയും പരിപാലനവും ക്ഷേമവും ഉറപ്പാക്കാനായി ട്രിബ്യൂണലുകള്‍ രൂപീകരിച്ചിട്ടുണ്ടോ; വിശദമാക്കാമോ;

എന്തെല്ലാം സൗകര്യങ്ങളും സേവനങ്ങളുമാണ് ട്രിബ്യൂണലുകളിലൂടെ മുതിര്‍ന്ന പൗരന്മാര്‍ക്ക് ലഭ്യമാവുന്നത്; വിശദാംശം നല്‍കാമോ?

സംസ്ഥാനത്ത് വർദ്ധിച്ചു വരുന്ന വാഹനാപകടങ്ങളെക്കുറിച്ച് പഠിക്കാന്‍ മുൻ സര്‍ക്കാരിന്റെ കാലയളവ് മുതൽ നാളിതുവരെ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ;

ഇതിനായി കമ്മീഷനെ നിയമിച്ചിട്ടുണ്ടോ; ഈ കാലയളവിൽ ഇത് സംബന്ധിച്ച് ഏതെങ്കിലും റിപ്പോർട്ട് ലഭ്യമായിട്ടുണ്ടോ; എങ്കിൽ റിപ്പോര്‍ട്ടിലെ പ്രധാന കണ്ടെത്തലുകളും ശിപാര്‍ശകളും എന്തെല്ലാമാണെന്ന് വ്യക്തമാക്കാമോ;

പ്രസ്തുത ശിപാര്‍ശകളിൽ ഏതൊക്കെ നടപ്പിലാക്കിയെന്ന് വ്യക്തമാക്കാമോ?

ഉന്നതവിദ്യാഭ്യാസ രംഗത്ത് സംസ്ഥാനത്തിന് ഗ്രോസ് എന്‍റോള്‍മെന്റ് റേഷ്യോയില്‍ (ജി.ഇ.ആര്‍.) മെച്ചപ്പെട്ട നേട്ടം കൈവരിക്കുന്നതിന് കഴിഞ്ഞിട്ടുണ്ടോ; വിശദമാക്കാമോ;

ജി.ഇ.ആര്‍.-ല്‍ ഇതര സംസ്ഥാനങ്ങളേക്കാള്‍ മെച്ചപ്പെട്ട നില കൈവരിക്കുന്നതിന് കേരളത്തിന് കഴിഞ്ഞിട്ടുണ്ടോ; വ്യക്തമാക്കാമോ;

എന്‍റോള്‍മെന്റ് റേഷ്യോയില്‍ ദേശീയ ശരാശരിയേക്കാള്‍ മെച്ചപ്പെട്ട നില കൈവരിക്കാന്‍ കേരളത്തിന് കഴിഞ്ഞിട്ടുണ്ടോ; വിശദാംശം നല്‍കാമോ;

പുരുഷന്‍മാരേക്കാള്‍ സ്ത്രീകളുടെ എന്‍റോള്‍മെന്റ് കൂടുതലുളള സംസ്ഥാനങ്ങളില്‍ കേരളം ഉള്‍പ്പെടുന്നുണ്ടോ; വിശദാംശം നല്‍കാമോ?

സംസ്ഥാനത്ത് വളർത്തുമൃഗങ്ങളുടെ പരിപാലനത്തിൽ ഏർപ്പെട്ടിരിക്കുന്ന കര്‍ഷകര്‍ക്ക് മൃഗസംരക്ഷണ വകുപ്പിന്റെ ദുരന്ത നിവാരണ ഫണ്ടില്‍ നിന്നും നഷ്ടപരിഹാരം നല്‍കുന്നതിനായി പദ്ധതി ആവിഷ്കരിച്ചിട്ടുണ്ടോ; വിശദാംശം വ്യക്തമാക്കാമോ;

രോഗങ്ങള്‍ മൂലമുണ്ടാകുന്ന നാശനഷ്ടങ്ങള്‍, വന്യമൃഗങ്ങളുടെ ആക്രമണം, തെരുവുനായ ആക്രമണം, മറ്റു അത്യാഹിതങ്ങള്‍ എന്നിവയ്ക്ക് നഷ്ടപരിഹാരം ലഭ്യമാണോയെന്ന് വിശദമാക്കാമോ;

പ്രസ്തുത നഷ്ടപരിഹാരം ലഭ്യമാക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വിശദമാക്കാമോ;

നിലവിലെ സർക്കാർ അധികാരത്തില്‍ വന്നശേഷം കര്‍ഷകര്‍ക്ക് ലഭ്യമാക്കിയ നഷ്ടപരിഹാരത്തിന്റെ വിശദാംശം ലഭ്യമാക്കാമോ?

സംസ്ഥാനത്തെ ജലഗതാഗത മേഖലയില്‍ നൂതന സാങ്കേതികവിദ്യ പ്രയോജനപ്പെടുത്തി എന്തെല്ലാം പ്രവര്‍ത്തനങ്ങളാണ് നടത്തിവരുന്നത്; വിശദാംശം നല്‍കാമോ;

സംസ്ഥാനത്തിന്റെ ജലസമ്പത്തിന്റെ സാദ്ധ്യതകളെ ജലയാത്രാമാര്‍ഗ്ഗങ്ങള്‍ക്കായി എത്രത്തോളം ഉപയോഗപ്പെടുത്താന്‍ കഴിഞ്ഞിട്ടുണ്ട്; വിശദമാക്കാമോ;

കൃഷി ഉല്പന്നങ്ങളും നിര്‍മ്മാണ സാമഗ്രികളും കുറഞ്ഞ ചെലവില്‍ ജലമാര്‍ഗ്ഗം എത്തിക്കുന്ന പ്രത്യേക ചരക്ക് ഗതാഗത പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കാമോ?

സംസ്ഥാനത്തിന്റെ വികസന പുരോഗതിക്ക് ആക്കം കൂട്ടുന്ന ഗവേഷണ ആശയങ്ങള്‍ പ്രോത്സാഹിപ്പിക്കുന്നതിനായി ഫെലോഷിപ്പ് നല്‍കുന്ന പദ്ധതിക്ക് രൂപം കൊടുത്തിട്ടുണ്ടോ; വിശദമാക്കാമോ;

നൂതന ഗവേഷണ പ്രവര്‍ത്തനങ്ങളുടെ പ്രോത്സാഹനത്തിനായി ഗവേഷണ വിദ്യാര്‍ത്ഥികള്‍ക്ക് സര്‍വകലാശാലകൾ ഫെലോഷിപ്പുകള്‍ നല്‍കുന്നുണ്ടോ; വിശദമാക്കാമോ;

സംസ്ഥാനത്തെ ഗവേഷക വിദ്യാര്‍ത്ഥികള്‍ക്ക് അന്താരാഷ്ട്ര ഗവേഷണ പ്രവര്‍ത്തനങ്ങളില്‍ പങ്കാളികളാകാന്‍ സ്കോളര്‍ഷിപ്പുകള്‍ നല്‍കുന്നുണ്ടോ; വിശദാംശം നല്‍കാമോ;

ഗവേഷണ പ്രവര്‍ത്തനങ്ങള്‍ പ്രോത്സാഹിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നത്; വിശദമാക്കാമോ?

സംസ്ഥാനത്ത് കാർഷിക മേഖലയുടെ നവീകരണത്തിനായി കേര (കേരള ക്ലൈമറ്റ് റെസിലിയന്റ് അഗ്രി-വാല്യൂ ചെയിൻ മോഡേണൈസേഷൻ) പദ്ധതി നടപ്പാക്കിയിട്ടുണ്ടോ; വിശദമാക്കുമോ;

സംസ്ഥാനത്ത് കൃഷി ഉത്പാദന വർദ്ധനവിനും കർഷകരുടെ വരുമാന വർദ്ധനവിനുമായി കേര പദ്ധതിയിലൂടെ സർക്കാർ സ്വീകരിച്ച നവീന നടപടികൾ ഏതൊക്കെയാണെന്ന് വിശദമാക്കുമോ;

കാലാവസ്ഥാ വ്യതിയാനങ്ങളെ നേരിടാനുളള കാലാവസ്ഥാ പ്രതിരോധ കൃഷി മാതൃകകള്‍ കേര പദ്ധതി മുഖേന നടപ്പിലാക്കിയിട്ടുണ്ടോ; വിശദമാക്കുമോ;

കൃഷിയിൽ യന്ത്രവത്കരണവും ആധുനിക സാങ്കേതികവിദ്യകളും പ്രോത്സാഹിപ്പിക്കുന്നതിന് കേര പദ്ധതിയിലൂടെ നടപടികള്‍ സ്വീകരിച്ചിട്ടുണ്ടോ; എങ്കിൽ വിശദമാക്കുമോ?

കെ.എസ്.ആര്‍.ടി.സി.യുടെ പ്രവര്‍ത്തനങ്ങളെ ഏകീകൃതമായ ഒരു ഡിജിറ്റല്‍ പ്ലാറ്റ്ഫോമില്‍ കൊണ്ടുവരുന്നതിന് പ്രത്യേകമായ ആധുനിക സംവിധാനത്തിന് രൂപം കൊടുത്തിട്ടുണ്ടോ; വിശദമാക്കാമോ;

പ്രസ്തുത സംവിധാനത്തിലൂടെ എന്തൊക്കെ സേവനങ്ങളും സൗകര്യങ്ങളുമാണ് സാധ്യമാകുന്നത്; വിശദാംശം നല്‍കാമോ;

പൊതുഗതാഗത രംഗത്ത് കെ.എസ്.ആര്‍.ടി.സി.യുടെ സ്മാര്‍ട്ട് മൊബിലിറ്റിയിലേക്കുളള മാറ്റത്തിന് പ്രസ്തുത സംരംഭം എത്രത്തോളം സഹായകരമായിരിക്കുമെന്ന് വിശദമാക്കാമോ?

മൃഗസംരക്ഷണ മേഖലയിലെ സംരംഭകത്വം പ്രോത്സാഹിപ്പിക്കുന്നതിന് ഫാമിംഗ് മേഖലയിലെ ചട്ടങ്ങളില്‍ ഇളവുകള്‍ വരുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

സംസ്ഥാനത്ത് വ്യാവസായികമായി ഫാമുകൾ നടത്തുന്ന സംരംഭകർക്ക് നിലവിൽ സർക്കാർ സാമ്പത്തിക സാങ്കേതിക അടിസ്ഥാന സൗകര്യ ആനുകൂല്യങ്ങൾ നൽകുന്നുണ്ടോ; വിശദമാക്കുമോ;

യുവജനങ്ങളെയും വനിതകളെയും വ്യാവസായിക ഫാമിംഗ് രംഗത്തേക്ക് ആകർഷിക്കുന്നതിനായി പ്രത്യേക പദ്ധതികൾ നടപ്പിലാക്കിയിട്ടുണ്ടോ; വിശദാംശം ലഭ്യമാക്കാമോ;

സംസ്ഥാനത്ത് വ്യാവസായിക ഫാമുകളുടെ ഉല്പാദനക്ഷമത വർധിപ്പിക്കാനും വിപണന സൗകര്യങ്ങൾ മെച്ചപ്പെടുത്താനും എന്തെല്ലാം നടപടികള്‍ സ്വീകരിക്കാനുദ്ദേശിക്കുന്നുണ്ട്; വിശദമാക്കുമോ?

സംസ്ഥാനത്ത് സാമൂഹിക പ്രശ്നങ്ങള്‍ക്ക് പരിഹാരം കണ്ടെത്താന്‍ സഹായിക്കുന്ന വിധത്തില്‍ അക്കാദമിക് സമൂഹവും പൊതുസമൂഹവും ചേര്‍ന്നുള്ള ഗവേഷണ പദ്ധതികള്‍ക്ക് രൂപം കൊടുത്തിട്ടുണ്ടോ; വ്യക്തമാക്കാമോ;

സമൂഹത്തിന് വേണ്ട അറിവുകള്‍ സൃഷ്ടിക്കുന്നതിന് പ്രസ്തുത പദ്ധതികള്‍ എത്രത്തോളം സഹായകമാണ്; വിശദാംശം നല്‍കാമോ;

സംസ്ഥാനത്ത് സര്‍വ്വകലാശാലകള്‍ക്ക് ട്രാന്‍സ്ലേഷണല്‍ റിസര്‍ച്ച് ലാബുകള്‍ ആരംഭിക്കുന്നതിന് അനുമതി നല്‍കിയിട്ടുണ്ടോ; വിശദമാക്കാമോ;

പ്രസ്തുത ലാബുകളുടെ പ്രവര്‍ത്തനത്തിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശം നല്‍കാമോ?

സ്വകാര്യ ബസ്സുകളുടെ മത്സരയോട്ടം മൂലമുണ്ടാകുന്ന അപകടങ്ങൾ വർദ്ധിച്ചു വരുന്നത് സർക്കാർ പരിശോധിച്ചിട്ടുണ്ടോ; വ്യക്തമാക്കാമോ;

ഇത്തരം നിയമലംഘനം നടത്തുന്ന സ്വകാര്യ ബസ്സുകളെ നിരീക്ഷിക്കാനും നടപടിയെടുക്കാനും നിലവിലുളള സംവിധാനങ്ങൾ എന്തെല്ലാമാണ്; വിശദമാക്കാമോ;

ബസ്സുകളിൽ ജി.പി.എസ്. സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

നിയമലംഘനങ്ങൾ കണ്ടെത്തി സത്വര നടപടികൾ സ്വീകരിക്കാൻ മോ​ട്ടോർ വാഹന വകുപ്പിന് നിർദ്ദേശം നൽകുമോ; വ്യക്തമാക്കാമോ?

സംസ്ഥാനത്ത് സുസ്ഥിര ഉല്പാദന സഖ്യങ്ങള്‍ രൂപീകരിക്കുന്നതിന് തീരുമാനിച്ചിട്ടുണ്ടോ;

ഏതെല്ലാം ജില്ലകളിലാണ് പ്രസ്തുത കര്‍ഷക കൂട്ടായ്മകള്‍ ആരംഭിച്ചിട്ടുള്ളതെന്ന് വ്യക്തമാക്കാമോ;

കാര്‍ഷികോല്പന്നങ്ങളുടെ ഉല്പാദനം, അവയുടെ വാണിജ്യ മാര്‍ഗ്ഗങ്ങളുടെ വിപുലീകരണം എന്നിവയ്ക്കായി എന്തെല്ലാം സഹായങ്ങളാണ് പദ്ധതിയിലൂടെ നല്‍കുന്നതെന്ന് അറിയിക്കാമോ;

പദ്ധതിയില്‍ ചേരുന്നതിന് എന്തെല്ലാം മാനദണ്ഡങ്ങളാണ് നിശ്ചയിച്ചിരിക്കുന്നതെന്ന് അറിയിക്കുമോ?

സര്‍വകലാശാലാ പ്രവര്‍ത്തനങ്ങള്‍ക്ക് ആധുനിക ഡിജിറ്റല്‍ സാങ്കേതിക വിദ്യാസഹായം എത്തിക്കുന്നതിന്റെ ഭാഗമായി ആരംഭിച്ചസുസ്ഥിര ഉല്പാദന സഖ്യങ്ങള്‍ കെ-റീപ്പ് (കേരള റിസോഴ്സസ് ഫോര്‍ എഡ്യൂക്കേഷന്‍ അഡ്മിനിസ്ട്രേഷന്‍ & പ്ലാനിംഗ് പ്രോജക്ട്) എന്ന പേരില്‍ ആരംഭിച്ച പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കാമോ;

കെ-റീപ്പ് പദ്ധതിയിലൂടെ എന്തൊക്കെ കാര്യങ്ങളാണ് ലക്ഷ്യമിട്ടതെന്ന് വ്യക്തമാക്കാമോ;

വിദ്യാര്‍ത്ഥികള്‍ക്കും പൊതുസമൂഹത്തിനും സര്‍വകലാശാലാ സേവനങ്ങള്‍ അതിവേഗത്തില്‍ ലഭ്യമാക്കുന്നതിന് കെ - റീപ്പ് പദ്ധതി എത്രത്തോളം സഹായകമായിട്ടുണ്ടെന്ന് വ്യക്തമാക്കുമോ?

സംസ്ഥാനത്ത് യൂറിയ അടക്കമുള്ള വളങ്ങള്‍ക്ക് രൂക്ഷമായ ക്ഷാമം അനുഭവപ്പെടുന്നുണ്ടോ; വിശദമാക്കാമോ;

ഓരോ കാര്‍ഷിക സീസണിലും സംസ്ഥാനത്തിന് ആവശ്യമായി വരുന്ന വളത്തിന്റെ കണക്ക് വ്യക്തമാക്കുമോ; കര്‍ഷകരുടെ ആവശ്യം നിറവേറ്റപ്പെടുന്നുണ്ടോ;

കര്‍ഷകര്‍ക്ക് വളം ലഭ്യമാക്കുന്നതിൽ ദൗര്‍ലഭ്യം നേരിടുന്നതിനുള്ള കാരണങ്ങള്‍ എന്തെല്ലാമാണെന്ന് വ്യക്തമാക്കാമോ;

ഇവ പരിഹരിക്കുന്നതില്‍ സര്‍ക്കാര്‍ സംവിധാനങ്ങളിൽ വീഴ്ച ഉണ്ടായിട്ടുണ്ടോ; വിവരിക്കാമോ?

കാര്‍ഷികമേഖലയില്‍ ഈ സർക്കാർ കൊണ്ടുവന്ന നൂതനപദ്ധതികളുടെ ഫലമായി സംസ്ഥാനത്തെ കാര്‍ഷികോല്പാദനം വര്‍ദ്ധിപ്പിക്കുന്നതിനും കര്‍ഷകര്‍ക്ക് മാന്യമായ വരുമാനം ഉറപ്പുവരുത്താനും കഴിഞ്ഞിട്ടുണ്ടോ; വിശദമാക്കാമോ;

കര്‍ഷകരുടെ വരുമാന വർദ്ധനവ് സംബന്ധിച്ച് ശാസ്ത്രീയ വിലയിരുത്തലുകൾ നടത്തിയിട്ടുണ്ടോ; വിശദമാക്കാമോ;

സ്ത്രീകൾ, യുവജനങ്ങൾ, സ്വയംസഹായ സംഘങ്ങൾ എന്നിവരെ കൃഷിയിലേക്ക് ആകർഷിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

ദ്വീതിയ കാർഷിക മേഖല ശക്തിപ്പെടുത്തുന്നതിനായി നടപടികൾ സ്വീകരിച്ചിട്ടുണ്ടോ; വിശദമാക്കുമോ?

കാര്‍ഷിക പ്രതിസന്ധിമൂലം കൃഷിക്കാര്‍ ആത്മഹത്യ ചെയ്യുന്ന സ്ഥിതിവിശേഷത്തിന് പരിഹാരം കാണുന്നതിന് ഫലപ്രദമായ എന്തെങ്കിലും നടപടി സ്വീകരിച്ചിട്ടുണ്ടോ; കാര്‍ഷിക പ്രതിസന്ധിക്കിടയായ മുഖ്യഘടകങ്ങള്‍ എന്തൊക്കെയാണെന്ന് പരിശോധിച്ചിട്ടുണ്ടോ; വ്യക്തമാക്കുമോ;

കണ്ണൂരിൽ കടബാധ്യതയെ തുടർന്ന് മികച്ച കർഷകനുള്ള പുരസ്കാര ജേതാവായ ചെറുപുഴ സ്വദേശി അമ്പാട്ട് ഏലിയാസ് എന്ന കർഷകൻ ജീവനൊടുക്കിയ സംഭവം സർക്കാർ ഗൗരവത്തോടെ കാണുന്നുണ്ടോ;

സമാന സംഭവങ്ങൾ ആവർത്തിക്കാതിരിക്കാൻ സർക്കാർ സ്വീകരിച്ച നടപടികൾ വിശദമാക്കാമോ?

റോഡുകളുടെ വശങ്ങളിൽ സ്ലാബില്ലാത്ത ഓടകള്‍, റോഡിലേക്ക് പൊട്ടിവീഴുന്നതും താഴ്ന്നുകിടക്കുന്നതുമായ കേബിളുകള്‍, ജല അതോറിറ്റിയുടെ പൈപ്പുകള്‍ സ്ഥാപിക്കുന്നതിനെടുക്കുന്ന കുഴികള്‍ എന്നിവ മൂലം റോഡപകടങ്ങള്‍ ഉണ്ടാകുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

മേല്പറഞ്ഞ കാരണങ്ങൾ മൂലമുള്ള റോഡപകടങ്ങള്‍ക്ക് പരിഹാരം കണ്ടെത്താന്‍ ഗതാഗത വകുപ്പ് സ്വീകരിച്ച നടപടികള്‍ വിശദമാക്കാമോ;

ഇത്തരത്തിലുള്ള അപകടങ്ങൾ ആവർത്തിക്കാതിരിക്കാൻ ഒരു കർമ്മ പദ്ധതിക്ക് രൂപം നൽകുമോ; വ്യക്തമാക്കുമോ?

അന്താരാഷ്ട്ര പ്രാപ്യത ഉറപ്പുവരുത്തുന്നതിനായി വൈജ്ഞാനികരംഗത്തെ പ്രഗത്ഭ സ്ഥാപനങ്ങളുമായി പരസ്പര സഹകരണ നടപടികൾക്ക് (അക്കാഡമിക് കൊളാബറേഷന്‍) തുടക്കം കുറിച്ചിട്ടുണ്ടോ; എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നത്; വിശദാംശം നൽകാമോ;

ക്യൂബയിലെ സർവ്വകലാശാലകളുമായി സഹകരിച്ചുകൊണ്ടുളള ട്വിന്നിങ്ങ് പ്രോഗ്രാമുകൾക്ക് തുടക്കം കുറിച്ചിട്ടുണ്ടോ; വിശദാംശം നൽകാമോ;

പെട്രോകെമിക്കൽ മേഖലയിലെ റഷ്യൻ കമ്പനികളുമായി സംസ്ഥാനത്തെ സർവ്വകലാശാലകൾ സഹകരണ നടപടികൾ സ്വീകരിച്ചിട്ടുണ്ടോ; എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നത്; വിശദമാക്കാമോ;

വിദേശ സർവ്വകലാശാലകളുമായിട്ടുളള സഹകരണ നടപടികളിലൂടെ എന്തെല്ലാം നേട്ടങ്ങളാണ് ലഭ്യമാകുന്നത്; വിശദാംശം നൽകാമോ?

സാമൂഹികമായും സാമ്പത്തികമായും പിന്നാക്കം നില്‍ക്കുന്ന അട്ടപ്പാടിയിലെ പെണ്‍കുട്ടികള്‍ക്ക് ഉന്നത വിദ്യാഭ്യാസത്തിലേക്കും മികച്ച തൊഴിലവസരങ്ങളിലേക്കും വഴിയൊരുക്കുന്നതിനായി അസാപ് സൂപ്പർ 100 എന്ന പേരില്‍ പ്രത്യേക പദ്ധതി ആരംഭിച്ചിട്ടുണ്ടോ; എന്തൊക്കെ കാര്യങ്ങളാണ് ഇതിലൂടെ ലക്ഷ്യമിടുന്നത്; വിശദാംശം വ്യക്തമാക്കാമോ;

സംസ്ഥാനത്തെ ഗോത്ര പിന്നാക്കമേഖലകളിലെ വിദ്യാര്‍ത്ഥിനികള്‍ക്ക് ആത്മവിശ്വാസം വര്‍ദ്ധിപ്പിച്ച് മുഖ്യധാരയിലെ തൊഴിലവസരങ്ങളില്‍ മത്സരിക്കാന്‍ പ്രാപ്തമാക്കുന്നതില്‍ പദ്ധതി എത്രത്തോളം സഹായകമാണ്; വിശദമാക്കാമോ?