പുതുതായി നിലവില്‍ വന്ന താമരശ്ശേരി താലൂക്കിൽ ലീഗല്‍ സര്‍വ്വീസ് അതോറിറ്റി കമ്മിറ്റി നിലവിലില്ലാത്തത് ശ്രദ്ധയില്‍പ്പെട്ടിട്ടുണ്ടോ; അതോറിറ്റി രൂപീകരിക്കാത്തതിന്റെ കാരണം വിശദമാക്കാമോ;

താമരശ്ശേരി താലൂക്കില്‍ പ്രസ്തുത കമ്മിറ്റി രൂപീകരിക്കുന്നതിന് നടപടികള്‍ സ്വീകരിക്കുമോ;

ലീഗല്‍ സര്‍വ്വീസ് കമ്മിറ്റി നല്‍കുന്ന സേവനങ്ങള്‍ വിശദമാക്കുമോ?

വൈക്കത്ത് പുതിയ അഡിഷണൽ ഡിസ്ട്രിക്ട് ആൻഡ് സെഷൻസ് കോടതി അനുവദിക്കുന്നതിൽ എടുത്ത നടപടികൾ വ്യക്തമാക്കാമോ ;

പുതിയ കോടതി അനുവദിക്കുന്നത് സംബന്ധിച്ച് തടസ്സങ്ങൾ എന്തെങ്കിലും നിലവിലുണ്ടോ എന്ന് വ്യക്തമാക്കാമോ ?

വഖഫ് ബോര്‍ഡ് അവകാശവാദം ഉന്നയിക്കുന്ന ചെറായി, മുനമ്പം പ്രദേശങ്ങളിലെ സാധാരണക്കാരായ ജനവിഭാഗങ്ങളുടെ വസ്തുക്കള്‍ ഈടായി നല്‍കിയതിന്റെ അടിസ്ഥാനത്തില്‍ വായ്പ അനുവദിച്ച വൈപ്പിന്‍ മണ്ഡലത്തിലെ പള്ളിപ്പുറം സര്‍വീസ് സഹകരണ ബാങ്കിന്റെ ഗഹാനുകള്‍ പുതുക്കുവാന്‍ കുഴുപ്പിള്ളി സബ് രജിസ്ട്രാര്‍ തയ്യാറാകാത്തതിനാല്‍ നേരിടുന്ന പ്രതിസന്ധി ശ്രദ്ധയില്‍പ്പെട്ടിട്ടുണ്ടോ;

സഹകരണ സംഘം രജിസ്ട്രാറുടെ 46/2007 നമ്പര്‍ സര്‍ക്കുലര്‍ പ്രകാരം ഒരു തവണ രജിസ്റ്റര്‍ ചെയ്ത ഗഹാന്‍ ഉള്ളപക്ഷം തുടര്‍ച്ച പണയാധാരങ്ങള്‍ രജിസ്റ്റര്‍ ചെയ്യാതെ വായ്പ പുതുക്കി നല്‍കുവാന്‍ സാധിക്കുമോ; വ്യക്തമാക്കാമോ;

എങ്കില്‍ പ്രസ്തുത വായ്പകള്‍ ടി സര്‍ക്കുലറിന്റെ അടിസ്ഥാനത്തില്‍ പുതുക്കുവാന്‍ അനുവാദം നല്‍കുമോ എന്ന് അറിയിക്കാമോ;

പള്ളിപ്പുറം സര്‍വീസ് സഹകരണ ബാങ്ക് നേരിടുന്ന പ്രതിസന്ധിക്ക് പരിഹാരം കാണാന്‍ ഗഹാന്‍ രജിസ്റ്റര്‍ ചെയ്ത് ലഭ്യമാക്കുന്നതിനോ സര്‍ക്കുലര്‍ പ്രകാരം വായ്പ പുതുക്കി ലഭ്യമാക്കുന്നതിനോ ബാങ്ക് നേരിട്ടും എം.എല്‍.എ. മുഖാന്തിരവും സമര്‍പ്പിക്കപ്പെട്ട കത്തില്‍ സ്വീകരിച്ചിട്ടുള്ള നടപടി വിശദമാക്കാമോ?

ഷൊര്‍ണ്ണൂര്‍ മണ്ഡലത്തില്‍ ഗാലപദ്ധതിയില്‍ ഉള്‍പ്പെടുത്തി ഷൊര്‍ണ്ണൂര്‍ നഗരസഭയില്‍ ആരംഭിക്കുന്ന ബഹുനില വ്യവസായ സമുച്ചയനിര്‍മ്മാണ നടപടികള്‍ ആരംഭിച്ചിട്ടുണ്ടോ; ഈ പദ്ധതി എന്ന് പൂര്‍ത്തീകരിക്കാന്‍ കഴിയുമെന്ന് വിശദമാക്കുമോ?

മലപ്പുറം സ്പിന്നിംഗ് മില്ലിലെ സ്റ്റാഫ്‌ , ഓഫീസർ എന്നിവരുടെ ശമ്പളം വർധിപ്പിച്ചിട്ടുണ്ടോ; എങ്കിൽ വിശദാംശം നൽകുമോ; ഈ മാനദണ്ഡപ്രകാരം തൊഴിലാളികൾക്ക് ശമ്പളം വർധിപ്പിക്കാൻ ഉദ്ദേശിക്കുന്നുണ്ടോ; എങ്കിൽ എന്നത്തേക്ക് നടപ്പാക്കാനാകുമെന്ന് വെളിപ്പെടുത്തുമോ;

സർക്കാരുമായി ദീർഘകാല കരാറിൽ ഏർപ്പെട്ടിട്ടുള്ള നാലുവർഷം കാലാവധി പൂർത്തിയാക്കിയ സ്പിന്നിങ് മില്ലുകളിലെ ജീവനക്കാരുടെ ശമ്പള വർധനവ് സംബന്ധിച്ച് ചർച്ച ആരംഭിച്ചിട്ടുണ്ടോ; ഇല്ലെങ്കിൽ ഉടനെ നടത്താൻ ഉദ്ദേശിക്കുന്നുണ്ടോ;

സംസ്ഥാനത്തെ സ്പിന്നിങ് മില്ലുകളിൽ ഗ്രാറ്റുവിറ്റിയും പി.എഫ്. കുടിശികയും നൽകാനുണ്ടോ; എങ്കിൽ നൽകാനുള്ള സ്ഥാപനത്തിന്റെ പേരും നൽകാനുള്ള തുകയും ഇനം തിരിച്ച് വിശദമാക്കാമോ;

സംസ്ഥാനത്തെ സ്പിന്നിങ് മില്ലുകളിൽ കോടതിവിധി പ്രകാരം ഗ്രാറ്റുവിറ്റി നൽകിയിട്ടുണ്ടോ; എങ്കിൽ ഏതെല്ലാം സ്ഥാപനങ്ങൾ എത്രപേർക്ക് നൽകിയെന്ന് വ്യക്തമാക്കാമോ?

കണ്ണൂര്‍ ജില്ലയിലെ കല്യാശ്ശേരി മണ്ഡലത്തിലെ കെല്‍ട്രോണ്‍ കംപോണന്റ് കോംപ്ലക്സ് ലിമിറ്റഡില്‍ വൈവിധ്യവല്‍ക്കരണത്തിന്റെ ഭാഗമായി രാജ്യത്തെ ആദ്യത്തെ സൂപ്പര്‍ കപ്പാസിറ്റര്‍ നിര്‍മ്മാണ കേന്ദ്രം ആരംഭിച്ചിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് മെഡിക്കല്‍ ഉപകരണ വ്യവസായ രംഗത്ത് എത്ര സംരംഭങ്ങളാണ് നിലവില്‍ പ്രവര്‍ത്തിക്കുന്നത്; ഈ വ്യവസായ രംഗത്തിന്റെ വളര്‍ച്ചയ്ക്കായി സ്വീകരിച്ചിട്ടുള്ള നടപടി വിശദമാക്കുമോ?

തമിഴ്‍നാട്ടിലെ ഗവൺമെന്റ് മിഡില്‍ സ്കൂള്‍സ്, ഹൈസ്കൂള്‍സ്, ഹയര്‍ സെക്കണ്ടറി സ്കൂള്‍സ് എന്നിവിടങ്ങളില്‍ സമഗ്ര ശിക്ഷ, ഐ.സി.ടി. ആന്റ് ഡിജിറ്റല്‍ ഇനിഷ്യേറ്റീവ് പ്രകാരം ഹൈടെക് ലാബുകള്‍ ഒരുക്കുന്നതിന് 02.01.2024 ന് ക്ഷണിച്ച ടെണ്ടര്‍ നടപടി പ്രകാരം കെല്‍ട്രോണിന് ടെണ്ടര്‍ ലഭിച്ചതിന്റെ വിശദാംശങ്ങൾ അറിയിക്കാമോ ;

പ്രസ്തുത ടെണ്ടര്‍ എത്ര കോടി രൂപയുടേതാണെന്ന് വ്യക്തമാക്കാമോ;

കെല്‍ട്രോണ്‍ നേരിട്ടാണോ ഇതിന്റെ സപ്ലൈയും ഇന്‍സ്റ്റലേഷനും മെയിന്റനന്‍സും നടത്തുന്നത് എന്ന് വ്യക്തമാക്കുമോ ;

തമിഴ്‍നാട് ഗവൺമെന്റ് സബ് ചെയ്യുന്നതിന് പ്രത്യേകമായ ലിസ്റ്റ് സമര്‍പ്പിച്ചിട്ടുണ്ടോ; ലിസ്റ്റിന്റെ പകര്‍പ്പ് ലഭ്യമാക്കാമോ?

തിരൂരങ്ങാടി മണ്ഡലത്തിലെ എടരിക്കോട് കെ.ഇ.എൽ യൂണിറ്റ് കൂടുതൽ ലാഭകരമാക്കുന്നതിനുള്ള നടപടികൾ സ്വീകരിക്കുന്നുണ്ടോ; ഉണ്ടെങ്കിൽ നടപടികൾ സംബന്ധിച്ച വിശദ വിവരം ലഭ്യമാക്കാമോ;

സ്ഥാപനത്തിൽ ഉത്പാദിപ്പിക്കുന്ന പ്രൊഡക്ടുകൾ എന്തെല്ലാമാണെന്നും, ഒരു വർഷത്തിൽ എത്ര വീതം ഉല്പാദിപ്പിക്കുന്നുണ്ടെന്നതും സംബന്ധിച്ച വിശദ വിവരങ്ങൾ ലഭ്യമാക്കാമോ?

സംസ്ഥാനത്തെ ഓരോ പ്രദേശത്തിന്റെയും സവിശേഷതകള്‍ക്കനുസൃതമായി പ്രത്യേക വ്യവസായങ്ങളുടെ ഹബ്ബുകളാക്കി മാറ്റുവാന്‍ സാധിക്കുമോയെന്നത് പരിശോധിച്ചിട്ടുണ്ടോ; വിശദമാക്കുമോ;

ഇതിന്റെയടിസ്ഥാനത്തില്‍ ഓട്ടോമോട്ടീവ് ടെക്നോളജി ഹബ്ബ് രൂപീകരിക്കുന്നത് പരിഗണനയിലുണ്ടോ; വ്യക്തമാക്കുമോ;

വിഴിഞ്ഞം അന്താരാഷ്ട്ര തുറമുഖത്തിന്റെ സാധ്യതകള്‍ പരിഗണിച്ച് അന്താരാഷ്ട്ര ബ്രാന്‍ഡുകളിലുള്ള വാഹനങ്ങളുടെ നിര്‍മ്മാണത്തിനായുള്ള പ്ലാന്റുകള്‍ സ്ഥാപിക്കുന്നതിനായി മുന്‍നിര വാഹന നിര്‍മ്മാതാക്കളുമായി കൂടിയാലോചന നടന്നിട്ടുണ്ടോ; ഇല്ലെങ്കില്‍ ഇതിനായി സര്‍ക്കാര്‍ മുന്‍കൈ എടുക്കുമോ?

നെയ്യാറ്റിന്‍കര മണ്ഡലത്തിലെ ആറാലുംമൂട് കേരള ആട്ടോ മൊബൈല്‍സ് ലിമിറ്റഡ് , കൊറ്റാമത്തുള്ള കെല്‍പാം, കാരോടുള്ള പവര്‍ലൂം എന്നീ വ്യവസായ സ്ഥാപനങ്ങളുടെ പുനരുദ്ധാരണ പ്രവൃത്തികള്‍ക്ക് 2024-25 സാമ്പത്തിക വര്‍ഷത്തില്‍ ഫണ്ട് അനുവദിച്ചിട്ടുണ്ടോയെന്ന് വിശദമാക്കാമോ; ഓരോ സ്ഥാപനത്തിനും അനുവദിച്ച തുക എത്രയെന്ന് വ്യക്തമാക്കുമോ?

നിലവിലെ സര്‍ക്കാര്‍ അധികാരമേറ്റശേഷം മലപ്പുറം മണ്ഡലത്തില്‍ വ്യവസായ വകുപ്പ് നടപ്പിലാക്കിയ പദ്ധതികളും അവയുടെ നിലവിലെ സ്ഥിതിയും വിശദമാക്കുമോ;

സംസ്ഥാനത്ത് നടപ്പാക്കുന്ന ഒരു കുടുംബം ഒരു സംരംഭം പദ്ധതി പ്രകാരം മലപ്പുറം മണ്ഡലത്തില്‍ എത്ര സംരംഭങ്ങള്‍ ആരംഭിച്ചിട്ടുണ്ടെന്നും എത്ര തുക ധന സഹായമായി ലഭ്യമാക്കിയിട്ടുണ്ടെന്നും വിശദമാക്കാമോ;

നിലവിലെ സര്‍ക്കാര്‍ അധികാരമേറ്റശേഷം മലപ്പുറം മണ്ഡലത്തില്‍ എത്ര ചെറുകിട സംരംഭകര്‍ക്ക് അനുമതിയും സഹായവും ലഭ്യമായിട്ടുണ്ടെന്ന് തദ്ദേശ ഭരണ സ്ഥാപങ്ങൾ തിരിച്ച് വ്യക്തമാക്കുമോ?

കൊല്ലം ജില്ലയിൽ പുനലൂര്‍ താലൂക്കില്‍ സര്‍ക്കാര്‍, സ്വകാര്യ മേഖലയില്‍ പ്രവർത്തിക്കുന്ന കൈത്തറി, കയർ, പരമ്പരാഗത വ്യവസായങ്ങൾ, കശുവണ്ടി ഫാക്ടറികള്‍ എന്നിവയുടെ പേര്, സ്ഥലം, ഉടമസ്ഥന്റെ പേര്, പണിയെടുക്കുന്ന തൊഴിലാളികളുടെ എണ്ണം തുടങ്ങിയ വിവരങ്ങള്‍ ലഭ്യമാക്കാമോ;

പുനലൂര്‍ താലൂക്കില്‍ സർക്കാർ, സ്വകാര്യ മേഖലകളിലായി പ്രവർത്തിച്ചുകൊണ്ടിരുന്ന എത്ര കൈത്തറി, കയർ, പരമ്പരാഗത വ്യവസായങ്ങൾ, കശുവണ്ടി ഫാക്ടറികൾ എന്നിവ കഴിഞ്ഞ 15 വർഷത്തിനുള്ളിൽ പ്രവർത്തനം അവസാനിപ്പിച്ചിട്ടുണ്ടെന്ന് വിശദമാക്കാമോ; അവയുടെ വിശദവിവരങ്ങളും ആരുടെയൊക്കെ ഉടമസ്ഥതയിലാണെന്നതും വിശദമാക്കാമോ;

പുനലൂര്‍ താലൂക്കില്‍ പൂട്ടിപ്പോയ കൈത്തറി, കയർ ,പരമ്പരാഗത വ്യവസായങ്ങൾ, കശുവണ്ടി ഫാക്ടറികൾ തുടങ്ങിയ വ്യവസായ സ്ഥാപനങ്ങളില്‍ ഇനി പുനരുജ്ജീവനത്തിന് സാധ്യതയുള്ള എത്ര വ്യവസായങ്ങൾ ഉണ്ടെന്ന് വിശദമാക്കാമോ; പുനരുജ്ജീവനത്തിനുള്ള നടപടി സ്വീകരിക്കുമോയെന്ന് വ്യക്തമാക്കാമോ;

കടക്കെണിയിലായി ബാങ്ക് വായ്പകള്‍ തിരിച്ചടയ്ക്കാന്‍ കഴിയാതെ ഫാക്ടറികള്‍ അടച്ചുപൂട്ടേണ്ടി വന്ന സ്വകാര്യ വ്യവസായികള്‍ക്ക് വായ്പയിന്മേലുള്ള പലിശയിളവ് ഉള്‍പ്പെടെയുള്ള ധനകാര്യ സഹായങ്ങള്‍ ഉറപ്പ് വരുത്തുന്നതിന് സഹായകരമായ നടപടി സ്വീകരിക്കുമോ; വിശദമാക്കാമോ;

സംസ്കരണ ചെലവ് കുറയ്ക്കാന്‍ സഹായകരമായ നിലയില്‍ തൊഴിലാളിസംഘടനകളുമായി ചര്‍ച്ചചെയ്ത് തൊഴിലവസരങ്ങള്‍ നഷ്ടമാകാത്ത തരത്തില്‍ യന്ത്രവൽകൃത ക്രമീകരണങ്ങള്‍ ഏര്‍പ്പെടുത്തി ഫാക്ടറികളുടെ പ്രവർത്തനം പുനരാരംഭിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ; കശുവണ്ടി ഫാക്ടറികൾക്കായി തോട്ടണ്ടി ലഭ്യത ഉറപ്പ് വരുത്തുന്നതിന് സ്വീകരിച്ചിട്ടുള്ള നടപടി വിശദമാക്കാമോ?

ഇലക്ട്രോണിക് വ്യവസായത്തിന്റെ ഹബ്ബായി സംസ്ഥാനത്തെ മാറ്റുന്നതിന് എന്തെല്ലാം നടപടി സ്വീകരിച്ചുവരുന്നുവെന്ന് വിശദമാക്കാമോ; ഇതിന്റെ ഭാഗമായി കെല്‍ട്രോണിനെ പുനരുദ്ധരിക്കാന്‍ തീരുമാനിച്ചിട്ടുണ്ടോയെന്ന് വിശദമാക്കാമോ?

ഈ സര്‍ക്കാര്‍ വന്നതിനുശേഷം വ്യവസായരംഗത്ത് ഏതെല്ലാം കാര്യങ്ങളില്‍ സംസ്ഥാനത്തിന് മുന്നേറ്റമുണ്ടായിട്ടുണ്ടെന്നും വ്യവസായ സൗഹൃദ സംസ്ഥാനമാക്കി മാറ്റുന്നതിന് സ്വീകരിച്ച നടപടികള്‍ എന്തെല്ലാമാണെന്നും വിശദമാക്കാമോ;

വ്യവസായ വകുപ്പിന്റെ സംരംഭകവര്‍ഷം പദ്ധതിയിലൂടെ ഇതുവരെ എത്ര പുതിയ സംരംഭങ്ങള്‍ ആരംഭിക്കാനായിട്ടുണ്ടെന്നും എത്ര തൊഴിലവസരങ്ങള്‍ സൃഷ്ടിക്കപ്പെട്ടിട്ടുണ്ടെന്നും എത്രപേരുടെ നിക്ഷേപം ലഭ്യമായിട്ടുണ്ടെന്നും വിശദമാക്കാമോ?

തൃശ്ശൂര്‍ ജില്ലയിലെ തലപ്പിള്ളി താലൂക്കിലെ വിരുപ്പാക്ക വില്ലേജില്‍ സ്ഥിതി ചെയ്യുന്ന തൃശ്ശൂര്‍ സഹകരണ സ്പിന്നിംഗ് മില്‍ ലിമിറ്റഡിന്റെ സാമ്പത്തിക സ്ഥിതി, പ്രവര്‍ത്തന സ്ഥിതി, തുറന്നു പ്രവര്‍ത്തിക്കാനുള്ള സാധ്യത എന്നിവ സംബന്ധിച്ച് അന്വേഷണം നടത്തി റിപ്പോര്‍ട്ട് സമര്‍പ്പിക്കാന്‍ 1969 ലെ സംസ്ഥാന സഹകരണ നിയമം വകുപ്പ് 65 പ്രകാരം തൃശ്ശൂര്‍ ജില്ലാ വ്യവസായ കേന്ദ്രം ഡെപ്യൂട്ടി രജിസ്ട്രാറെ ചുമതലപ്പെടുത്തിയതനുസരിച്ചൂ പ്രസ്തുത അന്വേഷണ റിപ്പോര്‍ട്ട് ഡെപ്യൂട്ടി രജിസ്ട്രാര്‍ സര്‍ക്കാരിന് സമര്‍പ്പിച്ചിട്ടുണ്ടോ; വ്യക്തമാക്കാമോ;

ഇല്ലങ്കിൽ റിപ്പോര്‍ട്ട് അടിയന്തരമായി സമര്‍പ്പിക്കുന്നതിനുള്ള നടപടി സ്വീകരിക്കാമോ; വിശദമാക്കാമോ ?

സംസ്ഥാനത്തെ ഇലക്ട്രോണിക്സ് അനുബന്ധ വ്യവസായങ്ങളുടെ ഹബ്ബാക്കി മാറ്റുന്നതിന് ലക്ഷ്യമിടുന്നുണ്ടോ; വിശദമാക്കുമോ;

പ്രസ്തുത ലക്ഷ്യം നേടിയെടുക്കുന്നതിനായി ആരംഭിച്ചിട്ടുള്ള പശ്ചാത്തല സൗകര്യ വികസന പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

ഇതുമായി ബന്ധപ്പെട്ട് കൂടുതല്‍ നിക്ഷേപം നടത്തുന്നതിനുള്ള പ്രവര്‍ത്തനങ്ങള്‍ പരിഗണനയിലുണ്ടോ; വിശദമാക്കാമോ?

പൂഞ്ഞാർ മണ്ഡലത്തിലെ പാറത്തോട് ഗ്രാമപഞ്ചായത്തിൽ കോട്ടയം ജില്ലാ കോ-ഓപ്പറേറ്റീവ് സൊസൈറ്റിക്ക് അനുവദിച്ച രണ്ട് ഏക്കർ സ്ഥലത്ത് മിനി വ്യവസായ എസ്റ്റേറ്റ് ആരംഭിക്കുന്നതിനുള്ള നടപടി ഏത് ഘട്ടത്തിലാണ്; വിശദമാക്കുമോ?

കോഴിക്കോട് ജില്ലയിലെ കട്ടിപ്പാറ ഗ്രാമപഞ്ചായത്തിൽ നിർമ്മാണം പുരോഗമിക്കുന്ന വ്യവസായ എസ്റ്റേറ്റിന്റെ ഒന്നാംഘട്ട പ്രവൃത്തികൾ പൂർത്തീകരിച്ചിട്ടുണ്ടോ; വ്യക്തമാക്കുമോ;

രണ്ടാംഘട്ട പ്രവൃത്തികളുടെ പുരോഗതി വിലയിരുത്തിയിട്ടുണ്ടോ;

വ്യവസായ എസ്റ്റേറ്റിലെ പ്ലോട്ടുകൾ സംരംഭകർക്ക് അനുവദിക്കുന്നതിന് എന്തെല്ലാം നടപടിയാണ് പൂർത്തീകരിക്കേണ്ടത്; വിശദമാക്കുമോ;

പ്രസ്തുത പ്രവൃത്തികൾ സമയബന്ധിതമായി തീർക്കുന്നതിന് നടപടി സ്വീകരിക്കുമോ?

കാസർഗോഡ് ജില്ലയിൽ വ്യവസായ വകുപ്പ് നടപ്പിലാക്കുന്ന വിവിധ പദ്ധതികളുടെ വിശദ വിവരം ലഭ്യമാക്കുമോ?

2021 ജൂണ്‍ മാസം മുതല്‍ നാളിതുവരെ കുറ്റ്യാടി നിയോജകമണ്ഡലത്തിലെ 8 പ‍ഞ്ചായത്തുകളിലായി ആരംഭിച്ച വ്യവസായ സംരംഭങ്ങള്‍ എത്രയെണ്ണമുണ്ടെന്ന് വിശദാംശങ്ങള്‍ സഹിതം അറിയിക്കാമോ;

ഇത്തരം സംരംഭങ്ങള്‍ തുടങ്ങുന്നതിന്റെ ഭാഗമായി എത്ര തൊഴിലവസരങ്ങള്‍ സൃഷ്ടിക്കപ്പെട്ടിട്ടുണ്ടെന്ന് വിശദമാക്കാമോ?

ലൈഫ് സയന്‍സ് മേഖലയില്‍ കൂടുതല്‍ നിക്ഷേപവും തൊഴിലവസരങ്ങളും ഉറപ്പാക്കുന്നതിനായി നടപ്പാക്കി വരുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കാമോ;

പ്രസ്തുത മേഖലയിലെ നൂതനാശയങ്ങള്‍ പൊതുസമൂഹത്തിനു മുമ്പില്‍ അവതരിപ്പിക്കുന്നതിനും ഇതു സംബന്ധിച്ച ചര്‍ച്ചകളിലൂടെ നിക്ഷേപ സമാഹരണം ത്വരിതപ്പെടുത്തുന്നതിനുമായി ബയോകണക്ട് 2.0 കോണ്‍ക്ലേവിന് സാധിച്ചിട്ടുണ്ടോ; വിശദമാക്കുമോ;

ഈ മേഖലയില്‍ ലക്ഷ്യമിടുന്ന പ്രവര്‍ത്തനങ്ങളും 2032 ആകുമ്പോള്‍ ഈ മേഖലയില്‍ എത്ര നിക്ഷേപം ഉണ്ടാകുമെന്നാണ് വിലയിരുത്തുന്നതെന്നുമുള്ള വിശദാംശം ലഭ്യമാകുമോ?

ഉല്പന്നങ്ങള്‍ കടമായി കൊടുക്കുമ്പോള്‍ പണം തിരികെ കിട്ടാനുള്ള താമസം കാരണം സൂക്ഷ്മ ചെറുകിട ഇടത്തരം വ്യവസായ സംരംഭങ്ങള്‍ സാമ്പത്തിക ഞെരുക്കം നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഈ പ്രശ്നത്തിന് പരിഹാരം കണ്ടെത്തുന്നതിനായി റിസര്‍വ് ബാങ്ക് ട്രേഡ് റിസിവബിള്‍ ഇലക്ട്രോണിക് ഡിസ്കൗണ്ട് സിസ്റ്റം (ട്രേഡ്സ്) നടപ്പിലാക്കിയിട്ടുണ്ടോ;

എല്ലാ പൊതുമേഖലാ സ്ഥാപനങ്ങളും എം.എസ്.എം.ഇ. കളും ട്രേഡ്സ് ഫ്ലാറ്റ്ഫോമില്‍ രജിസ്റ്റര്‍ ചെയ്യുന്നതിന് പ്രോത്സാഹന നടപടികള്‍ സ്വീകരിക്കുമോ; വ്യക്തമാക്കുമോ?

കൊച്ചി-ബെംഗളൂരു വ്യവസായ ഇടനാഴിയുടെ ഭാഗമായ പാലക്കാട് വ്യവസായ ഇടനാഴി പദ്ധതി (കിൻഫ്ര മുഖേന) എന്ന് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

കൊച്ചി-ബെംഗളൂരു വ്യവസായ ഇടനാഴിയില്‍ വ്യവസായ പാര്‍ക്ക് പദ്ധതിക്കായി കണ്ണമ്പ്രയില്‍ ഭൂവുടമകളില്‍ നിന്നും എത്ര ഏക്കര്‍ ഭൂമിയാണ് നിലവില്‍ ഏറ്റെടുത്തിട്ടുള്ളതെന്ന് വ്യക്തമാക്കുമോ?

പൂഞ്ഞാര്‍ മണ്ഡലത്തില്‍ വ്യവസായ പാര്‍ക്ക്‌ സ്ഥാപിക്കുന്നതിനായി എടക്കുന്നം വില്ലേജിലെ ബ്ലോക്ക്‌ നമ്പര്‍ 07, എരുമേലി നോര്‍ത്ത്‌ വില്ലേജിലെ ബ്ലോക്ക്‌ നമ്പര്‍ 026, എരുമേലി സൗത്ത്‌ വില്ലേജിലെ ബ്ലോക്ക്‌ നമ്പര്‍ 027 എന്നിവിടങ്ങളിലായി കിന്‍ഫ്ര കണ്ടെത്തിയ 150 ഏക്കറോളം ഭൂമിയിൽ വ്യവസായ പാര്‍ക്ക് ആരംഭിക്കുന്നതിനായി സ്വീകരിച്ചുവരുന്ന നടപടി ഏതു ഘട്ടത്തിലാണ്; നടപടി ത്വരിതപ്പെടുത്തുമോ; വ്യക്തമാക്കുമോ?

സംസ്ഥാനത്ത് കോളേജുകളില്‍ വ്യവസായ പാര്‍ക്ക് ആരംഭിക്കുന്നതിന് സര്‍ക്കാര്‍ സ്വീകരിച്ചുവരുന്ന നടപടിയുടെ പുരോഗതി വിശദമാക്കുമോ;

കൂത്തുപറമ്പ് നിയോജക മണ്ഡലത്തിലെ വലിയവെളിച്ചത്ത് പ്രവര്‍ത്തിക്കുന്ന സ്ഥലസൗകര്യമുള്ള കോളേജ് ഓഫ് അപ്ലൈഡ് സയൻസില്‍ (ഐ.എച്ച്.ആർ.ഡി.) വ്യവസായ പാര്‍ക്ക് സ്ഥാപിക്കുന്നതിന് നടപടി സ്വീകരിക്കുമോ; വിശദമാക്കുമോ;

വ്യവസായ വകുപ്പും ഉന്നത വിദ്യാഭ്യാസ വകുപ്പും പ്രസ്തുത കാര്യത്തില്‍ സ്വീകരിച്ചുവരുന്ന നടപടി എന്താണ്; ഇതിന്റെ മാനദണ്ഡങ്ങള്‍ എന്തൊക്കെയാണെന്ന് വിശദമാക്കുമോ?

കൊച്ചി-ബെംഗളൂരു വ്യവസായ ഇടനാഴിയുടെ ഭാഗമായ കണ്ണമ്പ്ര വ്യവസായ പാര്‍ക്കില്‍ ഏതെല്ലാം വ്യവസായങ്ങള്‍ക്കാണ് പ്രാധാന്യം നല്‍കിയിട്ടുളളതെന്ന് വ്യക്തമാക്കുമോ?

വ്യാവസായിക മേഖലയില്‍ ഈ സര്‍ക്കാര്‍ ഒരു സമഗ്ര ലോജിസ്റ്റിക് പാര്‍ക്ക് നയത്തിന് അന്തിമരൂപം നല്‍കിയിട്ടുണ്ടോ; വിശദമാക്കുമോ;

ലോജിസ്റ്റിക് പാര്‍ക്ക് നയപരിപാടി പ്രായോഗികതലത്തിലെത്തുന്നതോടുകൂടി ഏതെല്ലാം തരത്തിലുള്ള നേട്ടങ്ങള്‍ ഉണ്ടാകുമെന്നാണ് വിലയിരുത്തിയിട്ടുള്ളത്; വിശദാംശം നല്‍കുമോ;

ഇതിന്റെ ഭാഗമായി ഒരു ലോജിസ്റ്റിക് ടൗൺഷിപ്പ് വികസിപ്പിക്കുന്നത് പരിഗണനയിലുണ്ടോ; വ്യക്തമാക്കുമോ?

സംസ്ഥാനത്ത് എവിടെയെല്ലാമാണ് ക്യാമ്പസ് ഇന്‍ഡസ്ട്രിയല്‍ പാര്‍ക്കുകള്‍ ആരംഭിച്ചിട്ടുള്ളതെന്ന് വ്യക്തമാക്കുമോ;

സ്വകാര്യമേഖലയിലെ കോളേജുകളില്‍ ഇന്‍ഡസ്ട്രിയല്‍ പാര്‍ക്കുകള്‍ ആരംഭിക്കുന്നതിനുള്ള മാനദണ്ഡങ്ങളും നടപടിക്രമവും വ്യക്തമാക്കുമോ;

ഇന്‍ഡസ്ട്രിയല്‍ പാര്‍ക്കുകള്‍ ആരംഭിക്കുന്നതിന് എന്തെല്ലാം ആനുകൂല്യങ്ങളാണ് കോളേജുകള്‍ക്ക് നല്‍കിവരുന്നതെന്ന് വ്യക്തമാക്കുമോ?

ക്യാമ്പസ് വ്യവസായ പാര്‍ക്ക് പദ്ധതിയില്‍ സ്ഥാപനങ്ങളെ തെരഞ്ഞെടുക്കുന്നതിന് മാനദണ്ഡം തയ്യാറാക്കി ഉത്തരവ് പുറപ്പെടുവിച്ചിട്ടുണ്ടോ; അറിയിക്കാമോ;

പ്രസ്തുത പദ്ധതിയുടെ ഭാഗമായി ഉപയോഗിക്കാതെ കിടക്കുന്ന സ്ഥലങ്ങളുളള ക്യാമ്പസുകള്‍ കേന്ദ്രീകരിച്ച് സ്റ്റാന്‍ഡേര്‍ഡ് ഡിസൈന്‍ ഫാക്ടറി ആരംഭിക്കാന്‍ സാധിക്കുമോ; വ്യക്തമാക്കാമോ?

ഈ സര്‍ക്കാര്‍ വന്നശേഷം സംരംഭക സഹായ പദ്ധതി പ്രകാരം തിരുവനന്തപുരം ജില്ലയില്‍ എത്ര പ്രോജക്ടുകള്‍ക്ക് സഹായം നല്‍കിയിട്ടുണ്ടെന്നും അവ ഏതെല്ലാമാണെന്നും വ്യക്തമാക്കാമോ?

ആലത്തൂര്‍ മണ്ഡലത്തില്‍ വ്യവസായ വകുപ്പിന് കീഴില്‍ എവിടെയെല്ലാം സ്ഥലങ്ങളുണ്ടെന്ന് വ്യക്തമാക്കാമോ;

പ്രസ്തുത സ്ഥലങ്ങളുടെ വിസ്തൃതി എത്രയാണെന്നും അവിടെ ഏതെല്ലാം സ്ഥാപനങ്ങള്‍ പ്രവര്‍ത്തിച്ചുവരുന്നു എന്നതിന്റെയും വിശദാംശം ലഭ്യമാക്കാമോ;

പ്രസ്തുത വകുപ്പിന് കീഴില്‍ സ്ഥാപനങ്ങളൊന്നുമില്ലാത്ത ഒഴിഞ്ഞുകിടക്കുന്ന സ്ഥലങ്ങളുണ്ടോ; എങ്കില്‍ വിശദാംശങ്ങള്‍ നല്‍കാമോ?

വ്യവസായ മേഖലയുടെ പുനരുജ്ജീവനത്തിനായി സംസ്ഥാന സര്‍ക്കാര്‍ പ്രഖ്യാപിക്കുന്ന പാക്കേജുകളോട് ബാങ്കുകള്‍ പൂര്‍ണ്ണമായും അനുകൂല നിലപാട് സ്വീകരിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

സംസ്ഥാനം പ്രഖ്യാപിക്കുന്ന പുനരുജ്ജീവന പാക്കേജുകള്‍ പൂര്‍ണ്ണമായും ഫലപ്രദമാകുന്നതിന് ബാങ്കുകളുടെ സമീപനത്തില്‍ മാറ്റമുണ്ടാകണം എന്ന കാര്യം കേന്ദ്ര സര്‍ക്കാരിന്റെ ശ്രദ്ധയില്‍പ്പെടുത്തിയിട്ടുണ്ടോ; വിശദാംശം വ്യക്തമാക്കുമോ?

ഇ-കൊമേഴ്സ് പോര്‍ട്ടലായ 'കെ-ഷോപ്പി' യില്‍ പൊതുമേഖലാസ്ഥാപനങ്ങളുടെ എത്ര ഉല്പന്നങ്ങളാണ് ലഭ്യമായിട്ടുള്ളതെന്ന് വ്യക്തമാക്കാമോ?

സംസ്ഥാനത്തു നിർമ്മിക്കുന്ന ഉല്പന്നങ്ങൾക്ക്‌ ആഗോള ഗുണനിലവാരം കൊണ്ടുവരാനും അതുവഴി വിപണനസാധ്യത വര്‍ധിപ്പിക്കുവാനും നടപടി സ്വീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

കേരള ബ്രാൻഡിംഗിലൂടെ വിപണിയും ഗുണനിലവാരവും ഉറപ്പാക്കി ഉല്പാദകനെയും ഉപഭോക്താവിനെയും സഹായിക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്നു വിശദമാക്കുമോ;

സംസ്ഥാനത്ത് ഉല്പാദിപ്പിക്കുന്ന എല്ലാ ഉല്പന്നങ്ങളെയും കേരള ബ്രാൻഡിംഗിലേക്ക് കൊണ്ടുവരുന്നതിനായി പ്രോട്ടോക്കോളുകൾ രൂപപ്പെടുത്തുവാന്‍ ഉദ്ദേശിക്കുന്നുണ്ടോ; കേരള ബ്രാൻഡിംഗിനായി നിശ്ചയിച്ചിട്ടുള്ള മാനദണ്ഡങ്ങൾ വിശദമാക്കുമോ;

പരമ്പരാഗത വ്യവസായം, കാർഷിക മൂല്യവർദ്ധിത വ്യവസായങ്ങള്‍ എന്നീ മേഖലകളുടെ നവീകരണത്തിനും ഗുണമേന്മ ഉറപ്പു വരുത്തുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്; ഈ മേഖലകളില്‍ കേരള ബ്രാൻഡിംഗിലൂടെ പുതിയ ഉല്പന്നങ്ങൾ അവതരിപ്പിക്കുന്നതിനുള്ള സംരംഭകത്വം പ്രോത്സാഹിപ്പിക്കുന്നതിന് പദ്ധതി ആവിഷ്കരിക്കുവാന്‍ ഉദ്ദേശിക്കുന്നുണ്ടോ; വിശദമാക്കുമോ?

റോബോട്ടിക് സാങ്കേതികവിദ്യയുടെ ഹബ്ബായി സംസ്ഥാനത്തെ മാറ്റാൻ ആവിഷ്കരിച്ചിരിക്കുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

പ്രസ്തുത ലക്ഷ്യം മുന്‍നിര്‍ത്തി നടത്തിയ ജനറേറ്റീവ് എ.ഐ. അന്താരാഷ്ട്ര കോണ്‍ഫറന്‍സ് പ്രയോജനപ്രദമാണെന്ന് വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനത്തെ സംരംഭകരെ ഈ മേഖലയുമായി ബന്ധിപ്പിക്കാന്‍ സ്വീകരിച്ച നടപടി വെളിപ്പെടുത്തുമോ;

സംസ്ഥാനത്തിന്റെ വ്യവസായനയം ആരോഗ്യം, കൃഷി, വ്യവസായ ഓട്ടോമേഷന്‍ തുടങ്ങിയ രംഗങ്ങളില്‍ റോബോട്ടിക് സാങ്കേതിക വിദ്യ ഉപയോഗപ്പെടുത്താന്‍ പര്യാപ്തമാണോ; വിശദമാക്കുമോ?

വ്യവസായങ്ങളും പ്രായോഗിക ഗവേഷണ സ്ഥാപനങ്ങളും തമ്മിലുള്ള സഹകരണം ദുര്‍ബലമായിത്തീരുന്നത് സര്‍ക്കാരിന്റെ ശ്രദ്ധയിലുണ്ടോ;

എങ്കില്‍ ഇത് പരിഹരിക്കാന്‍ സര്‍ക്കാര്‍ എന്തെങ്കിലും പദ്ധതികള്‍ രൂപപ്പെടുത്തിയിട്ടുണ്ടോ;

ഉണ്ടെങ്കില്‍ പ്രസ്തുത ഉദ്ദേശ്യത്തോടെ രൂപപ്പെടുത്തിയ പദ്ധതികളും അവയുടെ പുരോഗതിയും വ്യക്തമാക്കാമോ?

കാസർഗോഡ് ജില്ലയിലെ ചെങ്കൽ വ്യവസായ മേഖലയിൽ സ്തംഭനാവസ്ഥ തുടരുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കാൻ സർക്കാർ നടത്തിയ ഇടപെടലുകളും ശ്രമങ്ങളും വിശദമാക്കാമോ;

നിയമപരമായി ഖനനാനുമതി ലഭിച്ച എത്ര ചെങ്കൽ ക്വാറികൾ കാസർഗോഡ് ജില്ലയിലുണ്ടെന്ന് വ്യക്തമാക്കാമോ; ഈ ക്വാറികളിൽ നിന്ന് ലഭ്യമാകുന്ന ചെങ്കല്ലുകൾ മാത്രം ജില്ലയിലെ ആവശ്യങ്ങൾക്ക് മതിയാകുമോ എന്ന് വ്യക്തമാക്കുമോ;

നിയമപ്രകാരം ഖനനാനുമതി നൽകുന്നതിനുള്ള മാനദണ്ഡങ്ങള്‍ എന്തെല്ലാമെന്ന് വ്യക്തമാക്കാമോ; ഖനനാനുമതിക്കായി പുതുതായി എത്ര അപേക്ഷകൾ കാസർഗോഡ് ജില്ലയിൽ ലഭിച്ചിട്ടുണ്ടെന്നും ഈ അപേക്ഷകൾ തീര്‍പ്പാകാതെ എത്രകാലമായി തുടരുന്നുവന്നും വ്യക്തമാക്കാമോ;

ചെങ്കൽ ക്വാറികൾക്ക് പെർമിറ്റ് അനുവദിക്കുന്നതിൽ നിയമങ്ങൾ കര്‍ശനമാക്കിയും വലിയ തുക പിഴ ചുമത്തിയും ക്വാറി ഉടമകളെയും തൊഴിലാളികളെയും ബുദ്ധിമുട്ടിക്കുന്നതായുള്ള പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ചെങ്കൽ മേഖലയിലെ വിശിഷ്യാ നിർമ്മാണ മേഖലയിലെ സ്തംഭനാവസ്ഥ ഒഴിവാക്കാൻ നടപടി സ്വീകരിക്കുമോ; വ്യക്തമാക്കാമോ;

പരിശോധനയ്ക്കിടെ പിടിക്കപ്പെട്ട വാഹനങ്ങൾ ഇപ്പോൾ എത്ര ദിവസത്തിനകമാണ് നടപടി പൂർത്തിയാക്കി വിട്ടു നൽകുന്നതെന്നും അത് വേഗത്തിലാക്കാൻ നടപടി സ്വീകരിക്കുമോയെന്നും വ്യക്തമാക്കാമോ;

കാസർഗോഡ് ജില്ലയിൽ ചെങ്കൽ ക്വാറികളായ ഭൂമിയുടെ അഭാവമുള്ളതിനാൽ മറ്റ് ആവശ്യങ്ങൾക്ക് പട്ടയം നൽകിയ ഭൂമിയിൽ ചെങ്കൽ ക്വാറികൾ നടത്താൻ അനുമതി നൽകുമോ യെന്ന് വ്യക്തമാക്കാമോ?

വ്യവസായ വകുപ്പിന് കീഴിലുള്ള സ്ഥാപനങ്ങള്‍ മുഖേന സ്കില്‍ ഡെവലപ്പ്മെന്റ് പ്രവര്‍ത്തനങ്ങള്‍ക്കായി 2016 മുതല്‍ നാളിതുവരെ കേന്ദ്രസര്‍ക്കാരില്‍ നിന്നും കേരളത്തിന് ലഭിച്ച സാമ്പത്തിക സഹായത്തിന്റെ വര്‍ഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത ഫണ്ടില്‍ നിന്നും ഓരോ വര്‍ഷവും ചെലവഴിച്ച തുകയുടെ കണക്ക് ലഭ്യമാക്കുമോ;

പ്രസ്തുത ഫണ്ട് ഉപയോഗിച്ച് നടത്തിയിട്ടുള്ള പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കുമോ;

കേരള അക്കാദമി ഫോര്‍ സ്കില്‍ എക്സലന്‍സ് (കെ.എ.എസ്.ഇ.), കേരള സ്റ്റാര്‍ട്ടപ്പ് മിഷന്‍ എന്നീ സ്ഥാപനങ്ങള്‍ വഴി 2016 മുതല്‍ നാളിതുവരെ എത്ര പേര്‍ക്ക് പരിശീലനം നല്‍കിയിട്ടുണ്ടെന്ന് വര്‍ഷം തിരിച്ചുള്ള കണക്ക് ലഭ്യമാക്കുമോ;

ഇതിനായി പ്രസ്തുത കാലയളവില്‍ എത്ര തുക വിനിയോഗിച്ചിട്ടുണ്ടെന്ന് വിശദമാക്കുമോ;

പരിശീലനം പൂര്‍ത്തിയാക്കിയ എത്ര പേര്‍ പ്രസ്തുത കാലയളവില്‍ ജോലിയില്‍ പ്രവേശിച്ചിട്ടുണ്ടെന്ന് വിശദമാക്കുമോ?

സംസ്ഥാനത്തെ വ്യവസായ രംഗത്ത് വലിയ വളര്‍ച്ചയുണ്ടെന്ന അവകാശവാദം നിലനില്‍ക്കുമ്പോഴും, 2022-23 കാലയളവില്‍ രാജ്യത്തിന്റെ ജി.ഡി.പി.യിലേക്കുള്ള സംസ്ഥാന വിഹിതമായ 3.8 ശതമാനത്തിൽ നിന്നും മാറ്റമില്ലാത്ത വളര്‍ച്ചയാണ് 2023-24 കാലഘട്ടത്തിലും രേഖപ്പെടുത്തിയിരിക്കുന്നതെന്ന പ്രധാനമന്ത്രിയുടെ സാമ്പത്തിക ഉപദേശക സമിതിയുടെ റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; എങ്കില്‍ വ്യവസായ രംഗത്ത് വലിയ വളര്‍ച്ച കൈവരിക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്;

സംസ്ഥാനത്തെ മൊത്ത ആഭ്യന്തര ഉല്പാദനം ഓരോ വര്‍ഷവും മെച്ചപ്പെട്ടുവരുമ്പോഴും അത് ദേശീയതലത്തില്‍ പ്രതിഫലിക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

സംരംഭക വര്‍ഷം പദ്ധതിയുടെ ഭാഗമായി ഏറനാട് മണ്ഡലത്തില്‍ ഏതെങ്കിലും വ്യവസായ സംരംഭം ആരംഭിച്ചിട്ടുണ്ടോ; വിശദമാക്കുമോ;

പ്രസ്തുത പദ്ധതി പ്രകാരം എത്ര രൂപയുടെ മുതല്‍മുടക്ക് സംസ്ഥാനത്ത് ഉണ്ടായിട്ടുണ്ടെന്നും ഇതുവഴി എത്ര പേര്‍ക്ക് തൊഴില്‍ ലഭിച്ചുവെന്നും ജില്ല തിരിച്ച് വിശദമാക്കാമോ?

കരകൗശലമേഖലയിലെ തൊഴിലാളികള്‍ക്ക് സൂക്ഷ്മ സംരംഭങ്ങള്‍ ആരംഭിക്കുന്നതിന് എന്തെല്ലാം സഹായങ്ങളാണ് നല്കി വരുന്നതെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം കരകൗശല മേഖലയില്‍ പുതുതായി എത്ര സംരംഭകര്‍ രജിസ്റ്റര്‍ ചെയ്തിട്ടുണ്ടെന്ന് വിശദമാക്കാമോ?

വാണിജ്യ-ചില്ലറ വ്യാപാര മേഖലയുടെ സമഗ്ര പുരോഗതി ലക്ഷ്യമിട്ട് നടപ്പാക്കുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

ഇതിന്റെ ഭാഗമായി സമഗ്ര വാണിജ്യനയം രൂപീകരിക്കുവാന്‍ തീരുമാനമെടുത്തിട്ടുണ്ടോ; വ്യക്തമാക്കുമോ;

അതിവേഗം വളരുന്ന ആഗോള ഇ-കോമേഴ്സ് കമ്പനികള്‍ ചെറുകിട വ്യാപാര മേഖലയില്‍ ഉയര്‍ത്തുന്ന ഭീഷണി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

വാണിജ്യ-ചില്ലറ വ്യാപാര മേഖലയിലുണ്ടാകുന്ന പുരോഗതിക്ക് നിദാനമായി ചരക്കുനീക്കം സുഗമമാക്കുന്നതിനായി സംവിധാനങ്ങള്‍ ഒരുക്കുന്നതിന് നയരൂപീകരണം പരിഗണനയിലുണ്ടോ; വിശദമാക്കുമോ?

കഴിഞ്ഞ ഒരു വര്‍ഷം ക്വാറികളില്‍ നിന്നുള്ള റോയല്‍റ്റി ഇനത്തില്‍ എത്ര രൂപ സര്‍ക്കാരിന് പിരിഞ്ഞ് കിട്ടിയിട്ടുണ്ടെന്ന് ജില്ല തിരിച്ചുള്ള കണക്ക് ലഭ്യമാക്കുമോ?

പരമ്പരാഗത കൈത്തറി വ്യവസായ സഹകരണസംഘങ്ങളുടെ ആധുനികീകരണത്തിനായി സ്വീകരിച്ച നടപടികള്‍ വിശദമാക്കുമോ;

കൈത്തറി മേഖലയില്‍ മൂല്യവര്‍ധിത ഉല്പന്നങ്ങളുടെ പ്രോത്സാഹനത്തിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കുമോ;

യുവതലമുറയെ കൈത്തറി മേഖലയിലേക്ക് ആകര്‍ഷിക്കുവാനുള്ള ‘യുവ വീവ്’ പദ്ധതിയുടെ നടത്തിപ്പ് സംബന്ധിച്ചുള്ള വിവരങ്ങള്‍ നല്‍കാമോ;

കൈത്തറി മേഖലയിലെ റിവൈവൽ, റീഫോം & റീ-സ്ട്രക്ച്ചറിംഗ് പാക്കേജിനോടനുബന്ധിച്ച് ആവിഷ്കരിച്ച പദ്ധതികളെക്കുറിച്ച് വിശദമാക്കാമോ?

സംസ്ഥാനത്ത് ടെക്സ് ഫെഡിന്റെ കീഴില്‍ പ്രവര്‍ത്തിച്ചുവരുന്ന സ്പിന്നിംഗ് മില്ലുകളുടെ നവീകരണത്തിനും ആധുനികീകരണത്തിനുമായി എന്തെല്ലാം പദ്ധതികളാണ് നടപ്പിലാക്കിവരുന്നത്; വിശദമാക്കാമോ;

പ്രസ്തുത സ്പിന്നിംഗ് മില്ലുകളിലെ ഉല്പന്നങ്ങള്‍ വിറ്റഴിക്കുന്നതിനായി പ്രത്യേക പദ്ധതികള്‍ തയ്യാറാക്കി നടപ്പിലാക്കാന്‍ ശ്രമിക്കുമോ; വിശദമാക്കാമോ?

നെയ്ത്ത് സഹകരണ സ്ഥാപനങ്ങള്‍ സംരക്ഷിക്കുന്നതിനായി എന്തെല്ലാം പദ്ധതികളാണ് സംസ്ഥാനത്ത് നടപ്പിലാക്കുന്നതെന്ന് വ്യക്തമാക്കാമോ;

സംസ്ഥാനത്ത്‍ എത്ര നെയ്ത്ത് സഹകരണ സംഘങ്ങളാണ് പ്രവര്‍ത്തിക്കുന്നതെന്നും റിബേറ്റിനത്തില്‍ എത്ര തുകയാണ് കുടിശ്ശികയായി സഹകരണ സംഘങ്ങള്‍ക്ക് ലഭിക്കാനുള്ളതെന്നും വ്യക്തമാക്കാമോ; 

റിബേറ്റിനത്തില്‍ നല്‍കുവാനുള്ള തുക അടിയന്തരമായി നല്‍കുവാനുള്ള നടപടി സ്വീകരിക്കുമോ?

തിരൂരങ്ങാടി മണ്ഡലത്തിലെ അടച്ചുപൂട്ടിയ എടരിക്കോട് ടെക്സ്റ്റൈൽസ് വീണ്ടും തുറന്നു പ്രവർത്തിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

ഈ സ്ഥാപനത്തിലെ ജീവനക്കാർക്കുള്ള ശമ്പളവും ആനുകൂല്യങ്ങളും മുടങ്ങിക്കിടക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ജീവനക്കാരുടെ ശമ്പളവും ആനുകൂല്യങ്ങളും വിതരണം ചെയ്യുന്നതിന് എന്തെങ്കിലും നടപടികൾ സ്വീകരിച്ചിട്ടുണ്ടോ; എങ്കിൽ അത് സംബന്ധിച്ച വിശദവിവരം ലഭ്യമാക്കാമോ?

കുന്നത്തറ ടെക‍്സ്റ്റൈല്‍സിന്റെ സ്റ്റേറ്റ് ഹൈവേക്കടുത്തുള്ള ഭൂമിയും മറ്റ് വസ്തുക്കളും ലേലം ചെയ്ത് വിറ്റുപോകുന്നത് തടയാന്‍ നടപടി സ്വീകരിച്ചിട്ടുണ്ടോ; ഇതുമായി ബന്ധപ്പെട്ട് ഇതുവരെ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

ഹാന്‍വീവ് - ഹാന്‍ടെക്സ് എന്നിവ പുനസംഘടിപ്പിക്കുന്നതിന്റെ ഭാഗമായി ഇവയുടെ വിപണന ശൃംഖല വര്‍ദ്ധിപ്പിക്കാന്‍ എന്തൊക്കെ പുതിയ സംരംഭങ്ങളാണ് നടപ്പാക്കിയതെന്ന് വ്യക്തമാക്കാമോ?

സംസ്ഥാനത്ത് കയര്‍ തൊഴിലാളി പെന്‍ഷന്‍ ലഭിക്കുന്നവരുടെ എണ്ണം എത്രയെന്ന് വിശദമാക്കാമോ;

കേരള കയര്‍ത്തൊഴിലാളി ക്ഷേമനിധി ബോര്‍ഡില്‍ നിലവില്‍ എത്ര തൊഴിലാളികള്‍ അംഗത്വം നേടിയിട്ടുണ്ടെന്ന് വിശദമാക്കാമോ;

കയര്‍ മേഖലയില്‍ പുതുതലമുറ സംരംഭകരെ ആകര്‍ഷിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ?

2025 ആകുമ്പോഴേക്കും കയറുൽപാദനം 70,000 ടൺ ഉയർത്തുമെന്ന പ്രഖ്യാപനം പൂർത്തീകരിക്കുവാൻ സ്വീകരിച്ച നടപടികളെക്കുറിച്ച് വിശദവിവരം ലഭ്യമാക്കാമോ;

കയർ മേഖലയിലെ പ്രശ്നങ്ങൾ പഠിക്കാൻ നിയോഗിച്ച വിദഗ്ധ സമിതിയുടെ ഇടക്കാല റിപ്പോ‍ർട്ടിന്റെ അടിസ്ഥാനത്തിൽ എന്തൊക്കെ നടപടികളാണ് സ്വീകരിച്ചു വരുന്നതെന്ന് വിശദമാക്കുമോ;

പ്രസ്തുത റിപ്പോർട്ടിന്റെ അടിസ്ഥാനത്തിൽ ആലപ്പുഴ ജില്ലയിൽ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

കേരള സ്റ്റേറ്റ് കയര്‍ കോര്‍പ്പറേഷന്‍, ഭോപ്പാലിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഡിസൈനുമായി ചേര്‍ന്നുണ്ടാക്കിയ ധാരണാപത്രത്തിന്റെ അടിസ്ഥാനത്തില്‍ കയര്‍ മേഖലയിലെ പുതിയ ഡിസൈനുകളും ഉല്പന്നങ്ങളും നിര്‍മ്മിക്കുന്നതിനുവേണ്ടി എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

കയര്‍ വ്യവസായത്തിന്റെ കരവിരുതിനും വൈവിധ്യത്തിനും ഊന്നൽ നൽകി കയര്‍ കേരള ബ്രാന്‍ഡ് ചെയ്യുന്നതിന് അമ്പലപ്പുഴയിലെ കയര്‍ മ്യൂസിയങ്ങള്‍ മുഖേന എന്തൊക്കെ നടപടികളാണ് സ്വീകരിക്കുന്നത്; വിവരം ലഭ്യമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ എത്ര കയര്‍ ഭൂവസ്ത്രമാണ് വിതരണം ചെയ്യാന്‍ കഴിഞ്ഞിട്ടുള്ളതെന്ന് വ്യക്തമാക്കാമോ;

കയര്‍ ഭൂവസ്ത്രത്തിന്റെ വിപണന സാധ്യതകള്‍ വിപുലീകരിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?