വൈക്കം മണ്ഡലത്തിലെ ആവശ്യത്തിലേക്കുള്ള കുടിവെള്ളം പമ്പ് ചെയ്യുന്ന മേവെള്ളൂർ പമ്പിംഗ് സ്റ്റേഷനിലേക്ക് പുതിയ വൈദ്യുതിലൈൻ വലിക്കുന്നതിന് എത്ര തുകയ്ക്കാണ് ഭരണാനുമതി നൽകിയിരിക്കുന്നത്; അറിയിക്കാമോ;

പ്രസ്തുത നടപടികളുടെ നിലവിലെ അവസ്ഥ വ്യക്തമാക്കാമോ;

പ്രസ്തുത വൈദ്യുതിലൈൻ പിറവം സബ്സ്റ്റേഷനിൽ നിന്നും വലിക്കുന്നത് സംബന്ധിച്ച് തീരുമാനം എടുത്തിട്ടുണ്ടോ; ഇതിനായുള്ള എസ്റ്റിമേറ്റ് തയ്യാറാക്കിയിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ?

ആലത്തൂര്‍ മണ്ഡലത്തിലെ കിഴക്കഞ്ചേരി പാലക്കുഴി പ്രദേശത്ത് താമസിക്കുന്ന പത്ത് കുടുംബങ്ങള്‍ക്ക് വൈദ്യുതി എത്തിക്കണമെന്നാവശ്യപ്പെട്ട് ആലത്തൂര്‍ എം.എല്‍.എ. 24.06.2021-ന് നല്‍കിയ കത്തിന്മേല്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

പ്രസ്തുത കുടുംബങ്ങള്‍ക്ക് വൈദ്യുതി നല്‍കുന്നതിന് വനം വകുപ്പ് ഉന്നയിക്കുന്ന തടസ്സങ്ങള്‍ എന്തൊക്കെയാണെന്ന് വിശദമാക്കാമോ;

വനം വകുപ്പുമായി ചര്‍ച്ച ചെയ്ത് പ്രസ്തുത കുടുംബങ്ങള്‍ക്ക് ഉടന്‍ വൈദ്യുതി എത്തിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

വൈദ്യുത പ്രസരണ ലൈനുകള്‍ സ്ഥാപിക്കുമ്പോള്‍ സ്ഥലം ഉടമകള്‍ക്ക് നഷ്ടപരിഹാര തുക നല്‍കുന്നതിന് വകുപ്പ് എന്തൊക്കെ നടപടികളാണ് സ്വീകരിച്ചുവരുന്നത്; വിശദവിവരം ലഭ്യമാക്കാമോ;

66, 110 കെ.വി. പ്രസരണ ലൈനുകള്‍ കടന്നുപോകുന്ന ഭാഗത്ത് വീടുകള്‍ വയ്ക്കുന്നതിനായി എന്‍.ഒ.സി. ലഭിക്കുന്നതിന് ഇലക്ട്രിക്കല്‍ ഇന്‍സ്പക്ടറേറ്റില്‍ സമര്‍പ്പിച്ച അപേക്ഷകളിന്മേല്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

പുതുക്കിയ നിബന്ധനകള്‍ ഉള്‍പ്പെട്ട സര്‍ക്കുലര്‍ വരുന്നതിനുമുമ്പുള്ള എന്‍.ഒ.സി. അപേക്ഷകള്‍ തീര്‍പ്പാക്കുവാന്‍ വൈകുന്നതുകാരണം ജനങ്ങള്‍ ബുദ്ധിമുട്ടുന്നത് പരിഹരിക്കാന്‍ എന്ത് നടപടിയാണ് സ്വീകരിച്ചതെന്ന് വ്യക്തമാക്കാമോ;

ഇതു സംബന്ധിച്ച് പുതുക്കിയ വിജ്ഞാപനം പുറപ്പെടുവിക്കുവാന്‍ നടപടി സ്വീകരിച്ചിട്ടുണ്ടോ; എങ്കില്‍ അവയുടെ പകര്‍പ്പ് ലഭ്യമാക്കാമോ?

തിരുവനന്തപുരം എസ്.എ.ടി. ആശുപത്രിയിൽ വൈദ്യുതി തകരാർ മൂലം ചികിത്സാ സംവിധാനങ്ങൾ മണിക്കൂറുകളോളം നിലച്ച സംഭവം ഗൗരവത്തോടെ കാണുന്നുണ്ടോ; വ്യക്തമാക്കുമോ;

എസ്.എ.ടി ആശുപത്രിയിൽ വൈദ്യുതി അറ്റകുറ്റപ്പണികൾ സമയബന്ധിതമായി പൂർത്തീകരിക്കുന്നതിൽ വീഴ്ച വന്നതായി കണ്ടെത്തിയിട്ടുണ്ടോ; എങ്കിൽ ഇക്കാര്യത്തിൽ എന്തൊക്കെ നടപടി സ്വീകരിച്ചു എന്ന് വ്യക്തമാക്കുമോ;

ആശുപത്രികളിലും മറ്റും വൈദ്യുതി സേവനം നിലച്ച് അത്യാഹിതങ്ങൾ ഉണ്ടാകുന്ന സാഹചര്യം ഒഴിവാക്കുന്നതിന് കെ.എസ്.ഇ.ബി. എന്തൊക്കെ മുൻകരുതലുകൾ സ്വീകരിക്കുമെന്ന് വ്യക്തമാക്കുമോ; ആശുപത്രികളുമായി ബന്ധപ്പെട്ട വൈദ്യുതി സേവനങ്ങൾ നൽകാൻ പ്രത്യേക മാർഗരേഖ നടപ്പാക്കുമോ; വിശദാംശം നൽകുമോ?

വീടുകളിലും, സ്ഥാപനങ്ങളിലും സ്ഥാപിക്കുന്ന സോളാർ ഗ്രിഡ് ടൈ ഇൻവെർട്ടറുകൾക്കും പാനലുകൾക്കും ബി.ഐ.എസ്. രജിസ്ട്രേഷൻ നിർബന്ധമാക്കിയിട്ടുള്ളത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഉപഭോക്താക്കൾ കുറഞ്ഞ വിലയ്ക്ക് വിപണിയിൽ ലഭ്യമാകുന്ന, രജിസ്ട്രേഷൻ മുദ്ര പതിക്കാത്ത ഇൻവെർട്ടറുകൾ കൂടുതലായി ഉപയോഗിക്കുന്നത് സുരക്ഷാ പ്രശ്നങ്ങൾക്ക് കാരണമാകുന്നുണ്ടോ; വിശദാംശം നൽകുമോ;

ഈ കാര്യത്തിൽ ഉപഭോക്താക്കളെ ബോധവൽക്കരിക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ ?

ജലാശയങ്ങളില്‍ ഫ്ലോട്ടിംഗ് സോളാര്‍ സ്ഥാപിക്കുന്നതിനുള്ള നടപടികള്‍ എത്രത്തോളമായി; വിശദാംശം ലഭ്യമാക്കുമോ;

വൈദ്യുതിയുടെ വിതരണ-പ്രസരണ നഷ്ടം കുറയ്ക്കുന്നതിനുവേണ്ടി നടപ്പിലാക്കിയ പദ്ധതികള്‍ വ്യക്തമാക്കാമോ; വിതരണ-പ്രസരണ നഷ്ടം ഏറ്റവും കുറഞ്ഞ തോതിൽ നിലനിർത്തുന്നതിൽ രാജ്യത്ത് ഒന്നാമതായി മാറാൻ സംസ്ഥാനത്തിന് എത്ര വര്‍ഷത്തിനുള്ളില്‍ കഴിയുമെന്ന് വ്യക്തമാക്കാമോ?

ദേശീയ എനർജി എഫിഷ്യൻസി പെർഫോമൻസ് അവാർഡിൽ ദേശീയ ഊർജ്ജക്ഷമതാ സൂചികയുടെ അടിസ്ഥാനത്തിൽ കേരളം ഉയർന്ന സ്ഥാനം കൈവരിച്ചിട്ടുണ്ടോ; വ്യക്തമാക്കാമോ;

ഇതിനടിസ്ഥാനമായി ഈ മേഖലയിൽ എന്തെല്ലാം പ്രവർത്തനങ്ങളാണ് ആവിഷ്ക്കരിച്ച് നടപ്പിലാക്കിയിട്ടുള്ളത് എന്നു വ്യക്തമാക്കാമോ;

വൈദ്യുതി ഉല്പാദന, പ്രസരണ, വിതരണ സംവിധാനം മെച്ചപ്പെടുത്തുന്നതിനായി സ്വീകരിച്ചുവരുന്ന പ്രവർത്തനങ്ങള്‍ എന്തെല്ലാമാണെന്നു വിശദമാക്കുമോ;

പ്രസ്തുത മേഖലകളിൽ പ്രളയ പ്രതിരോധ നിർമ്മാണ പ്രവർത്തനങ്ങൾ ആവിഷ്കരിക്കാൻ പദ്ധതിയുണ്ടോ; വിശദമാക്കുമോ?

മുന്‍ സര്‍ക്കാരിന്റെ കാലയളവിലും നിലവിലെ സര്‍ക്കാര്‍ അധികാരത്തില്‍ വന്നശേഷവും വൈദ്യുതി കുടിശികയിനത്തിൽ വൻ തുക അടയ്ക്കാനുള്ള സർക്കാർ ഓഫീസുകളും പൊതുമേഖലാ സ്ഥാപനങ്ങളും ഏതൊക്കെയാണെന്നും എത്ര തുക കുടിശ്ശികയുണ്ടെന്നും വ്യക്തമാക്കാമോ;

പ്രസ്തുത കുടിശിക ഈടാക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

സംസ്ഥാനത്ത് 1.37 കോടിയോളം ഉപഭോക്തൃമീറ്ററുകൾ എ.എം.ഐ.യുടെ കീഴില്‍ കൊണ്ടുവരാനുള്ളപ്പോൾ മൊത്തം ആവശ്യകതയുടെ ഏകദേശം 2% മാത്രമായ 3 ലക്ഷം മീറ്ററുകൾക്ക് മാത്രം ടെൻഡർ ക്ഷണിക്കാനുള്ള കാരണം വ്യക്തമാക്കുമോ;

എ.എം.ഐ. പൂർണ്ണതോതിൽ നടപ്പാക്കാൻ കാലതാമസം നേരിടുകയാണെങ്കില്‍ സാങ്കേതിക മികവിൽ കേരളം മറ്റ് സംസ്ഥാനങ്ങളെക്കാൾ പിറകിൽ ആകുമെന്നതിനാൽ സാമ്പത്തിക ബാധ്യത ഉണ്ടാകാൻ സാധ്യതയുണ്ടോ; വിശദമാക്കുമോ?

വൈദ്യുതിയുമായി ബന്ധപ്പെട്ട് ഉപഭോക്താക്കള്‍ക്കുള്ള അവകാശങ്ങള്‍ എന്തെല്ലാമാണെന്നും ഇവ പൊതുജനങ്ങളെ അറിയിക്കാന്‍ എന്തെല്ലാം സംവിധാനങ്ങളാണ് സ്വീകരിച്ചിട്ടുള്ളതെന്നും വിശദമാക്കാമോ;

പ്രസ്തത അവകാശങ്ങള്‍ നിഷേധിക്കപ്പെട്ടാല്‍ പരിഹാരം ലഭിക്കാന്‍ എന്തെല്ലാം സംവിധാനങ്ങള്‍ നിലവിലുണ്ട്; വിശദമാക്കാമോ;

ഈ സര്‍ക്കാര്‍ വന്നശേഷം വൈദ്യുതി മേഖലയില്‍ നടപ്പാക്കിയിട്ടുള്ള പരിഷ്കാരങ്ങള്‍ എന്തെല്ലാമാണെന്ന് വിശദമാക്കാമോ?

രാമമംഗലം ഗ്രാമപഞ്ചായത്തിലെ മെതിപാറ നമ്പർ 2 ലിഫ്റ്റ് ഇറിഗേഷനിലെ വൈദ്യുതി വിച്ഛേദിച്ചിരിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത കണക്ഷൻ പുന:സ്ഥാപിക്കുന്നതിനായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദമാക്കാമോ;

ഭീമമായ കുടിശിക കാരണമാണോ വൈദ്യുതി വിച്ഛേദിച്ചിരിക്കുന്നത് : എങ്കില്‍ ഇത്രയും കുടിശ്ശിക ആകാനുള്ള കാരണങ്ങൾ പരിശോധിച്ചിട്ടുണ്ടോ; വിശദമാക്കാമോ;

വൈദ്യുതി കണക്ഷൻ ലഭിക്കാത്തത് മൂലം കർഷകർ നേരിടുന്ന ബുദ്ധിമുട്ട് പരിശോധിച്ചിട്ടുണ്ടോ; എങ്കിൽ കർഷകർക്ക് നഷ്ടപരിഹാരം നൽകാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

വകുപ്പുകൾ തമ്മിലുള്ള ഏകോപനം ഇല്ലായ്മയാണ് ഇത്തരത്തിലുള്ള പ്രതിസന്ധിക്ക് കാരണമെന്ന വസ്തുത പരിശോധിച്ചിട്ടുണ്ടോ; എങ്കിൽ ഇത്തരം പ്രതിസന്ധികൾ മറികടക്കുന്നതിനായി വകുപ്പുതലത്തിൽ ഏകോപനം നടത്തി പ്രതിസന്ധി പരിഹരിക്കാൻ നടപടികൾ സ്വീകരിക്കുമോയെന്ന് വിശദമാക്കാമോ?

കൊണ്ടോട്ടി മണ്ഡലത്തിൽ വിവിധ ഇലക്ട്രിക്കൽ സെക്ഷനുകൾക്ക് കീഴിൽ ഈ വർഷം നടപ്പിലാക്കിയതും ഇനി നടപ്പാക്കാൻ ഉദേശിക്കുന്നതുമായ നവീകരണ പ്രവർത്തനങ്ങളുടെയും വോൾട്ടേജ് ഇംപ്രൂവ്മെന്റ് പ്രവൃത്തികളുടെയും വിശദാംശം ഇലക്ട്രിക്കൽ സെക്ഷൻ തിരിച്ച് ലഭ്യമാക്കുമോ?

കെ.എസ്.ഇ.ബി. യിൽ ക്യാഷ്യര്‍ തസ്തികയില്‍ നിലവില്‍ എത്ര ഒഴിവുകളുണ്ടെന്ന് വിശദമാക്കാമോ;

പ്രസ്തുത ഒഴിവുകളില്‍ എത്ര എണ്ണം പി.എസ്.സി. ക്ക് റിപ്പോര്‍ട്ട് ചെയ്തിട്ടുണ്ടെന്ന് വ്യക്തമാക്കാമോ?

അടിവാരം സബ്സ്റ്റേഷന്‍ പദ്ധതിയുടെ സ്ഥലമെടുപ്പ് ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പദ്ധതി എപ്പോള്‍ ആരംഭിക്കാന്‍ കഴിയുമെന്ന് വിശദമാക്കുമോ?

ടോട്ടക്സ് രീതിയിൽ എ.എം.ഐ. സ്മാർട്ട് മീറ്റർ സ്ഥാപിക്കുന്നതിനെക്കുറിച്ച് പഠിക്കാൻ സർക്കാർ നിയമിച്ച ടെക്നിക്കൽ കമ്മിറ്റിയുടെ ശിപാർശകൾ എന്തെല്ലാമായിരുന്നു;

മേൽ പറഞ്ഞ ശിപാർശകൾ ഉണ്ടായിരുന്നിട്ടും സർക്കാർ ടോട്ടക്സ് മോഡൽ ഉപേക്ഷിച്ചു കാപ്പെക്സ് മോഡൽ പദ്ധതിയിലേയ്ക്ക് മാറാനുള്ള കാരണങ്ങൾ എന്തെല്ലാമാണെന്ന് വ്യക്തമാക്കുമോ?

കെ.എസ്.ഇ.ബി. പുനഃസംഘടനാ പ്രവർത്തനങ്ങളുടെ (ചര്‍ച്ചകള്‍ക്ക്) തുടര്‍ നടപടികള്‍ ഏത് വരെയായെന്നും അത് എന്നാണ് പൂർത്തിയാക്കാൻ ഉദ്ദേശിക്കുന്നതെന്നും വിശദമാക്കാമോ?

കെ.എസ്.ഇ.ബി.യില്‍ വൈദ്യുതി വാങ്ങൽ ഉൾപ്പെടെയുള്ള പ്രധാന തീരുമാനങ്ങൾ എടുക്കേണ്ട ഉദ്യോഗസ്ഥരുടെ ഒഴിവുകൾ നിലവിലുണ്ടോ;

യഥാസമയം സ്ഥാനക്കയറ്റം നൽകാത്തതുമൂലമാണോ പ്രസ്തുത ഒഴിവുകൾ സംജാതമായിരിക്കുന്നതെന്ന് വ്യക്തമാക്കാമോ;

ഒഴിവുകൾ സമയബന്ധിതമായി നികത്തുന്നതിന് നടപടി സ്വീകരിക്കുമോ; വിശദമാക്കാമോ?

നിരക്ക് വർദ്ധനവ് എന്ന ഒറ്റമൂലിക്ക് പകരം വരവും ചെലവും തമ്മിലുള്ള അന്തരം പരിഹരിക്കാൻ മറ്റു മാർഗ്ഗങ്ങൾ തേടുന്നതിൽ വൈദ്യുതി ബോർഡ് പരാജയപ്പെടുന്നു എന്ന് റെഗുലേറ്ററി കമ്മീഷൻ അഭിപ്രായപ്പെടുകയുണ്ടായോ;

വെെദ്യുതി വാങ്ങുന്നതിനുള്ള ചെലവിനേക്കാൾ അധികമാണോ നിലവിൽ സംസ്ഥാനത്ത് വൈദ്യുതി വിതരണം ചെയ്യുന്നതിനുള്ള ചെലവ്;

സംസ്ഥാനത്തെ വൈദ്യുതി ബോർഡിൽ ജീവനക്കാരുടെ എണ്ണം മറ്റു സംസ്ഥാനങ്ങളിലേതുമായി താരതമ്യപ്പെടുത്തുമ്പോൾ അധികമാണോ; എങ്കിൽ ബോർഡിൽ എത്ര അധിക ജീവനക്കാർ ഉണ്ടെന്നാണ് കമ്മീഷൻ കണക്കാക്കിയിട്ടുള്ളത്;

സംസ്ഥാനത്ത് ആവശ്യമുള്ള വൈദ്യുതിയുടെ മൂന്നിൽ ഒന്നിൽ താഴെയാണോ സംസ്ഥാനത്തെ നിലവിലെ ഉൽപാദനം; വ്യക്തമാക്കുമോ ; വൈദ്യുതോപഭോഗം കൂടുതലുള്ള സമയത്ത് പുറത്തുനിന്നും വലിയ വില കൊടുത്ത് വൈദ്യുതി വാങ്ങുന്നതിന് പകരം വൈദ്യതോൽപാദനം കഴിയാവുന്നത്ര കൂട്ടുന്നതാണ് വൈദ്യുതിക്ഷാമവും വില വര്‍ദ്ധനവും പരിഹരിക്കുന്നതിന് സഹായകമാകുകയെന്ന് വിലയിരുത്തിയിട്ടുണ്ടോ ; താരതമ്യേന ചെലവ് കുറഞ്ഞ പുതിയ ജലവൈദ്യുത പദ്ധതികൾ തുടങ്ങുന്നതിന് നിലവിലുള്ള തടസ്സങ്ങൾ എന്തെല്ലാമാണെന്ന് അറിയിക്കുമോ;

പുരപ്പുറ സൗരോർജ്ജ പദ്ധതിയും കാറ്റാടി വൈദ്യുത പദ്ധതികളും കാര്യക്ഷമമാക്കുന്നതിനു് എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദാംശങ്ങള്‍ അറിയിക്കുമോ?

എലത്തൂര്‍ ട്രെയിന്‍ തീവയ്പ്പ് സംഭവത്തില്‍ ഗുരുതരമായി പൊള്ളലേറ്റ കെ.എസ്.ഇ.ബി. എക്സിക്യൂട്ടീവ് എഞ്ചിനീയര്‍ ജ്യോതീന്ദ്രനാഥിന് ചികിത്സാ ധനസഹായം നല്‍കുന്നതില്‍ ഇതുവരെ സ്വീകരിച്ച നടപടികള്‍ വിശദമാക്കാമോ;

ടിയാന് പ്രസ്തുത ചികിത്സയ്ക്കായി ചെലവാക്കേണ്ടിവന്ന മുഴുവന്‍ തുകയും പ്രതിപൂരണം ചെയ്ത് കൊടുക്കുന്നതിന് നടപടി സ്വീകരിക്കുമോ?

വൈദ്യുതി നിരക്ക് വർദ്ധനവുമായി ബന്ധപ്പെട്ട് പൊതുജനങ്ങൾക്കിടയിൽ നടത്തിയ തെളിവെടുപ്പിൽ പൊതുജനങ്ങളിൽ നിന്ന് ഉയർന്നു വന്ന പ്രധാനപ്പെട്ട ആവശ്യങ്ങൾ എന്തെല്ലാമാണ്; ഇതിൽ ഏതൊക്കെ ആവശ്യങ്ങൾ പരിഗണിക്കുന്നതിനാണ് കമ്മീഷൻ തീരുമാനിച്ചിട്ടുള്ളത്; വിശദമാക്കാമോ;

വൈദ്യുതി ചാർജ് മുടക്കം വരുത്തുന്ന ഉപഭോക്താക്കളുടെ വൈദ്യുതി കണക്ഷൻ വിച്ഛേദിക്കുന്നതിന് മുമ്പ് ബോർഡ് പാലിച്ചിരിക്കേണ്ട നടപടിക്രമണങ്ങൾ എന്തെല്ലാമാണെന്ന് അറിയിക്കുമോ;

ഒരു വൈദ്യുതി ബിൽ മുടക്കം വന്നാൽ ഉടൻതന്നെ വൈദ്യുതി കണക്ഷൻ വിച്ഛേദിക്കുന്ന നടപടികളിലേക്ക് പോകുന്ന സാഹചര്യത്തിൽ ശരാശരി വൈദ്യുതി ബില്ലിന്റെ മൂന്നിരട്ടി ഡെപ്പോസിറ്റായി വാങ്ങുന്നതിനുള്ള കാരണങ്ങൾ എന്തെല്ലാമാണെന്ന് അറിയിക്കുമോ;

2025-നു മുമ്പ് സ്മാർട്ട് മീറ്റർ നടപ്പാക്കണമെന്ന് കേന്ദ്രസർക്കാർ നിർദ്ദേശിച്ചിട്ടുണ്ടോ; കേന്ദ്രസർക്കാരിന്റെ നിർദ്ദേശം സംസ്ഥാനം അംഗീകരിക്കുകയുണ്ടായോ;

സ്മാർട്ട് മീറ്റർ നടപ്പാക്കുന്നതോടെ മീറ്റർ റീഡർമാർ ആവശ്യമില്ലാത്ത സാഹചര്യം ഉണ്ടോ; എങ്കിൽ ഈ ജീവനക്കാരെ എപ്രകാരം പുനർവിന്യസിക്കാൻ കഴിയുമെന്നാണ് ബോർഡ് കരുതുന്നത്;

സംസ്ഥാനത്ത് സ്മാർട്ട് മീറ്റർ എന്നത്തേക്ക് നടപ്പാക്കാൻ കഴിയുമെന്നാണ് ബോർഡ് പ്രതീക്ഷിക്കുന്നത്; ഇത് നടപ്പാക്കുന്നതിലൂടെ എന്തൊക്കെ നേട്ടങ്ങളാണ് ഉപഭോക്താക്കള്‍ക്കുണ്ടാകുക വിശദമാക്കാമോ?

2024 സെപ്റ്റംബർ മുതൽ 2025 ഡിസംബർ 31 വരെ കെ.എസ്.ഇ.ബി. അസിസ്റ്റന്റ് ഗ്രേഡ്- 2- ൽ ഉണ്ടാകുന്ന ഒഴിവുകളുടെ എണ്ണം ലഭ്യമാക്കാമോ ?

കെ.എസ്.ഇ.ബി.യില്‍ പ്രതിമാസ ബില്ലിംഗ് ഏര്‍പ്പെടുത്തുന്ന പദ്ധതിയുടെ വിശദാംശവും ഗുണങ്ങളും വ്യക്തമാക്കുമോ?

സോളാർ മിച്ച വൈദ്യുതിക്ക് പണം നല്‍കാതെ വീണ്ടും ബില്ലടയ്ക്കാൻ കെ.എസ്.ഇ.ബി. ആവശ്യപ്പെട്ടിരിക്കുന്ന സാഹചര്യം പരിശോധിക്കുമോ;

സോളാർ ഉത്പാദകർ ആവശ്യമുള്ളതിനേക്കാൾ കൂടുതലായി വൈദ്യുതി ഉല്പാദിപ്പിച്ച് ഗ്രിഡിലേക്ക് നല്‍കുന്നതിന് യൂണിറ്റിന് 2 രൂപ 69 പൈസ നിരക്കിൽ ബോർഡ് നൽകുന്നതിന് പകരം അടുത്ത ബില്ല് വീണ്ടും അടക്കാൻ ആവശ്യപ്പെട്ടിരിക്കുന്നു എന്ന ആക്ഷേപത്തെക്കുറിച്ച് അന്വേഷണം നടത്തുമോ; വ്യക്തമാക്കുമോ :;

സോളാർ ഉത്പാദകർക്ക് പണം കിട്ടാൻ ഓരോ തവണയും അപേക്ഷിക്കേണ്ടി വരുന്നു എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പരിഹരിക്കാൻ നടപടി സ്വീകരിക്കുമോ;

നിലവിലെ ബില്ലിംഗ് സമ്പ്രദായം മാറ്റാനാണ് കെ.എസ്.ഇ.ബി.യുടെ ശ്രമമെന്ന് ഉപഭോക്താക്കൾ ആരോപിക്കുന്നത് പരിശോധിക്കുമോ; സോളാർ ഉപഭോക്താക്കൾ ഉല്പാദിപ്പിച്ച വൈദ്യുതി എത്ര; ഓരോ മാസവും ഉപയോഗിച്ചത് എത്ര; മിച്ചം എത്ര; അതിനുള്ള വില എത്ര; എന്നിങ്ങനെ വേർതിരിച്ച് മലയാളത്തിൽ ബില്ല് നൽകണമെന്ന ആവശ്യം പരിഗണിക്കുമോ?

ക്യാപിറ്റല്‍ എക്സ്പെന്‍ഡിച്ചര്‍ (കാപ്പെക്സ്) മാതൃകയില്‍ സ്മാര്‍ട്ട് മീറ്റര്‍ പദ്ധതി സംസ്ഥാനത്ത് നടപ്പാക്കാന്‍ കേന്ദ്രാനുമതി ലഭിച്ചിട്ടുണ്ടോ; പ്രസ്തുത പദ്ധതി ഏത് ഘട്ടത്തിലാണെന്ന് വിശദമാക്കാമോ?

പള്ളിവാസൽ ജലവൈദ്യുത പദ്ധതിയുടെ വിപുലീകരണ പദ്ധതികൾ പൂര്‍ത്തീകരിക്കാറായിട്ടുണ്ടോ; പ്രസ്തുത വിപുലീകരണ പദ്ധതിയുടെ മെക്കാനിക്കൽ സ്പിന്നിംഗ് വിജയകരമായി പൂർത്തീകരിക്കുവാൻ സാധിച്ചിട്ടുണ്ടോ; വിശദമാക്കുമോ;

പള്ളിവാസൽ വിപുലീകരണ പദ്ധതി ഗ്രിഡുമായി ബന്ധിപ്പിക്കുവാൻ സാധിച്ചിട്ടുണ്ടോ; ഈ പദ്ധതിയിൽ എത്ര മെഗാവാട്ട് വൈദ്യുതി ഉല്പാദിപ്പിക്കുവാൻ സാധിക്കുമെന്നാണ് വിലയിരുത്തിയിട്ടുള്ളത്; വ്യക്തമാക്കുമോ;

തോട്ടിയാർ പദ്ധതി പൂർത്തിയായിട്ടുണ്ടോ; വിശദാംശം നൽകുമോ?

സ്മാർട്ട് മീറ്റർ പദ്ധതി നടത്തിപ്പിൽ ടോട്ടക്സ് മോഡലിൽ പദ്ധതി നടപ്പിലാക്കാൻ ടെണ്ടർ ക്ഷണിച്ചിട്ടുണ്ടോ; എങ്കിൽ എസ്റ്റിമേറ്റ് തുക ശരാശരി എത്ര രൂപയാണെന്നും ടോട്ടക്സ് മോഡലിൽ 37 ലക്ഷം സ്മാർട്ട് മീറ്ററുകൾ സ്ഥാപിക്കാനുള്ള ടെണ്ടർ വഴി ലഭിച്ച ഏറ്റവും കുറഞ്ഞ നിരക്ക് ശരാശരി ഒരു സ്മാർട്ട് മീറ്ററിന് എത്രയാണെന്നും വ്യക്തമാക്കുമോ;

ക്യാപ്പക്സ് മോഡലിൽ പ്രസ്തുത പദ്ധതി നടപ്പിലാക്കാൻ വിളിച്ച ടെണ്ടർ തുകയുടെ അടങ്കൽ പ്രകാരം എസ്റ്റിമേറ്റ് തുക ഒരു സ്മാർട്ട് മീറ്ററിന് എത്ര രൂപയാണെന്ന് വെളിപ്പെടുത്തുമോ;

ക്യാപ്പക്സ് മോഡൽ എസ്റ്റിമേറ്റ് തുക ടോട്ടക്സ് മോഡലിന്റതിനേക്കാൾ ഉയർന്നതാകാനുള്ള കാരണം വിശദീകരിക്കുമോ?

പള്ളിവാസൽ വിപുലീകരണ വൈദ്യുത പദ്ധതിയും തോട്ടിയാർ പദ്ധതിയും എന്നത്തേക്ക് കമ്മീഷൻ ചെയ്യാൻ കഴിയുമെന്നും ഈ പദ്ധതികളിലൂടെ എത്ര മെഗാവാട്ട് വൈദ്യുതി ഉല്പാദിപ്പിക്കാൻ കഴിയുമെന്നാണ് കരുതുന്നതെന്നും അറിയിക്കുമോ;

പണി പൂർത്തിയാക്കാനുള്ള ഇടത്തരം ജലവൈദ്യുത പദ്ധതികൾ സമയബന്ധിതമായി പൂർത്തിയാക്കാൻ സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്നും വിശദമാക്കുമോ?

വൈദ്യുതി വകുപ്പിന്റെ വിവിധ വിഭാഗങ്ങളുടെ കീഴിൽ വിവിധ പദ്ധതികളിലായി പുനലൂർ മണ്ഡലത്തിൽ കഴിഞ്ഞ സര്‍ക്കാരിന്റെ കാലയളവില്‍ അനുവദിച്ചതും, എന്നാല്‍ 2021 മാർച്ചിന് മുൻപ് പൂര്‍ത്തിയാക്കാന്‍ കഴിയാഞ്ഞതുമായ വിവിധ പ്രവൃത്തികളുടെ/പദ്ധതികളുടെയും അവയിൽ ഇപ്പോഴും നിർവ്വഹണത്തിലുള്ള പ്രവൃത്തികളുടെയും വിശദാംശം ലഭ്യമാക്കാമോ;

ഈ സർക്കാർ അധികാരത്തിൽ വന്നശേഷം പുനലൂർ മണ്ഡലത്തിൽ അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശവും ഓരോ പ്രവൃത്തിയുടെയും പേര്, അനുവദിച്ച തുക, പദ്ധതി നിര്‍വഹണ ഏജന്‍സി എന്നീ വിവരങ്ങളും ലഭ്യമാക്കാമോ;

പ്രസ്തുത പ്രവൃത്തികളിൽ പൂർത്തിയാക്കിയിട്ടുള്ള പ്രവൃത്തികളുടെ വിശദാംശവും നടപ്പിലുള്ള പ്രവൃത്തികളുടെ നിലവിലെ സ്ഥിതിയും അറിയിക്കാമോ; നിലവിൽ നടപ്പിലുള്ള പ്രവൃത്തികൾ എപ്പോൾ പൂർത്തിയാക്കാൻ സാധിക്കുമെന്ന് വിശദമാക്കാമോ;

മണ്ഡലത്തില്‍ പുതുതായി നടപ്പാക്കാനുദ്ദേശിയ്ക്കുന്ന പ്രവൃത്തികള്‍/പദ്ധതികള്‍ ഉണ്ടെങ്കില്‍ അവയുടെ വിശദാംശം ലഭ്യമാക്കാമോ?

കുറ്റ്യാടി മണ്ഡലത്തില്‍ എട്ട് പഞ്ചായത്തുകളിലായി എത്ര ഇലക്ട്രിക് ചാര്‍ജിംഗ് സ്റ്റേഷനുകള്‍ നിലവിലുണ്ടെന്ന് സ്ഥലത്തിന്റെ പേര് സഹിതം അറിയിക്കാമോ;

ഇലക്ട്രിക് വാഹനങ്ങളുടെ എണ്ണം വര്‍ദ്ധിയ്ക്കുന്ന സാഹചര്യത്തിലും നിലവിലെ ചാര്‍ജിംഗ് സ്റ്റേഷനുകള്‍ മതിയാകാത്ത അവസ്ഥയിലും കുറ്റ്യാടി, കക്കട്ടില്‍, ആയഞ്ചേരി, വില്യാപ്പള്ളി, തീക്കുനി, പുറമേരി, വട്ടോളി എന്നീ ടൗണുകളില്‍ ചാര്‍ജിംഗ് സ്റ്റേഷനുകള്‍ ആരംഭിക്കുന്നത് പരിഗണിക്കുമോ; വ്യക്തമാക്കാമോ?

ചങ്ങനാശ്ശേരി മണ്ഡലത്തിലെ ഏതെല്ലാം അംഗന്‍വാടികളിലാണ് അങ്കണ്‍ജ്യോതി പദ്ധതി നടപ്പിലാക്കിയിട്ടുള്ളതെന്ന് അറിയിക്കുമോ;

പ്രസ്തുത പദ്ധതി മണ്ഡലത്തിലെ എല്ലാ അംഗന്‍വാടികളിലും നടപ്പിലാക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

വൈദ്യുതി ലൈനുകളുടെയും ട്രാന്‍സ്ഫോർമറുകളുടെയും ശേഷിയിലും അധികമായുള്ള വൈദ്യുതി ഉപയോഗംമൂലം കഴിഞ്ഞ വേനല്‍ക്കാലത്ത് വൈദ്യുതിവിതരണ സംവിധാനം തകരാറിലായതായി ശ്രദ്ധയില്‍പ്പെട്ടിട്ടുണ്ടോ;

വൈദ്യുതി ഉപഭോഗം കൂടിവരുന്ന സാഹചര്യത്തിൽ വൈദ്യുതി വിതരണ ശൃംഖലയുടെ ശേഷി വർദ്ധിപ്പിക്കുന്നത് അടിയന്തരമായി പരിഗണിക്കുമോ;

വീടുകളിലെയും സ്ഥാപനങ്ങളിലെയും കണക്ടഡ് ലോഡിന് ആനുപാതികമല്ലാതെ വൈദ്യുതി ബില്‍ ലഭ്യമാകുന്ന ഉപഭോക്താക്കളുടെ കണക്ടഡ് ലോഡ് പരിശോധിക്കാന്‍ നടപടി സ്വീകരിക്കുമോ; കണക്ഷന്‍ നല്കിയ സമയത്തേക്കാള്‍ കണക്ടഡ് ലോഡ് വർദ്ധനയുണ്ടായിട്ടുണ്ടെങ്കില്‍ അത് സ്വമേധയാ റിപ്പോർട്ട് ചെയ്യാന്‍ ഉപഭോക്താക്കള്‍ക്ക് അവസരം നല്കുമോ;

ശരാശരി വൈദ്യുതി ബില്‍ ഒരു പരിധിയില്‍ കൂടി നില്ക്കുകയും യഥാർത്ഥ കണക്ടഡ് ലോഡ് പ്രകാരം ത്രീഫേസ് കണക്ഷന്‍ എടുക്കേണ്ടവർ സിംഗിള്‍ഫേസ് കണക്ഷനില്‍ തന്നെ തുടരുന്നതും കണ്ടുപിടിക്കാന്‍ നടപടി സ്വീകരിക്കുമോ?

ഈ സര്‍ക്കാര്‍ അധികാരമേറ്റ ശേഷം വൈദ്യുതി ബോര്‍ഡ് ഗാര്‍ഹിക വൈദ്യുതി നിരക്ക് എത്ര തവണ വര്‍ദ്ധിപ്പിച്ചു; വര്‍ദ്ധിപ്പിച്ച തീയതിയും, നിരക്കും സംബന്ധിച്ച വിശദാംശം ലഭ്യമാക്കുമോ;

യൂണിറ്റിന്റെ വിലയ്ക്കുപുറമേ മറ്റെന്തൊക്കെ ചാര്‍ജ്ജുകളാണ് ഗാര്‍ഹിക വൈദ്യുതി ഉപഭോക്താക്കളില്‍നിന്നും കെ.എസ്.ഇ.ബി. ഈടാക്കുന്നത്; വ്യക്തമാക്കാമോ;

വൈദ്യൂതി ബോര്‍ഡ് ചാര്‍ജ്ജ് വര്‍ദ്ധന ആവശ്യം ഉന്നയിച്ചുകൊണ്ട് ഏറ്റവും ഒടുവില്‍ റഗുലേറ്ററി കമ്മീഷന് നല്‍കിയ മെമ്മോറാണ്ടത്തിലെ വിശദാംശങ്ങള്‍ വെളിപ്പെടുത്തുമോ?

കാര്‍ഷിക മേഖലയില്‍ സോളാര്‍ പദ്ധതി വ്യാപിപ്പിക്കുന്നതിനായി സ്വീകരിച്ചുവരുന്ന നടപടികള്‍ എന്തെല്ലാമെന്ന് വിശദമാക്കുമോ?

വടക്കാഞ്ചേരി മണ്ഡലത്തിലെ കോള്‍ പടവുകളില്‍ സോളാര്‍ പ്ലാന്റുകള്‍ സ്ഥാപിക്കുന്നതിനുള്ള നടപടികളുടെ പുരോഗതി വ്യക്തമാക്കാമോ?

കേന്ദ്ര, സംസ്ഥാന സര്‍ക്കാരുകളുടെ സബ്സിഡി പദ്ധതികളിലൂടെ സംസ്ഥാനത്താകെ എത്ര ഗാര്‍ഹിക സൗരോർജ്ജ പ്ലാന്റുകള്‍ സ്ഥാപിച്ചിട്ടുണ്ട്; ജില്ല തിരിച്ചുള്ള കണക്കുകള്‍ ലഭ്യമാക്കാമോ;

ഗാര്‍ഹിക സൗരോർജ്ജ പ്ലാന്റുകള്‍ മുഖേന നടപ്പ് സാമ്പത്തിക വര്‍ഷം എത്ര യൂണിറ്റ് വൈദ്യുതി കെ.എസ്.ഇ.ബി. ഗ്രിഡിലേക്ക് ലഭിച്ചിട്ടുണ്ട്; സെക്ഷന്‍ തിരിച്ചുള്ള കണക്കുകള്‍ ലഭ്യമാക്കാമോ;

ഗാര്‍ഹിക സൗരോർജ്ജ പ്ലാന്റുകള്‍ സ്ഥാപിക്കുന്നതിന്റെ ഭാഗമായി ഗുണഭോക്താവും കെ.എസ്.ഇ.ബി.യും തമ്മിലുള്ള ധാരണാപത്രത്തിലെ നിബന്ധനകള്‍ എന്തെല്ലാമാണെന്നും പ്രസ്തുത നിബന്ധനകള്‍ പ്രകാരം പ്ലാന്റുകള്‍ സ്ഥാപിക്കുമ്പോള്‍ നല്‍കുന്ന സെക്യൂരിറ്റി ഡെപ്പോസിറ്റ് തുക തിരികെ ഗുണഭോക്താവിന് നല്‍കുന്നതിന്റെ നടപടിക്രമം എന്താണെന്നും വ്യക്തമാക്കാമോ;

ഈ സർക്കാർ അധികാരത്തിൽ വന്ന ശേഷം എത്ര തവണ വൈദ്യുത ചാർജ് വർദ്ധിപ്പിച്ചു; വിശദമാക്കാമോ;

ഗാര്‍ഹിക സൗരോർജ്ജ പ്ലാന്റുകള്‍ മുഖേന കെ.എസ്.ഇ.ബി. ഗ്രിഡിലേക്ക് നല്‍കുന്ന വൈദ്യുതിയുടെ തുക വര്‍ദ്ധിപ്പിക്കുന്നതിന് നടപടി സ്വീകരിക്കുമോ; നിലവില്‍ ഇത്തരത്തില്‍ ഗ്രിഡിലേക്ക് ഗുണഭോക്താക്കള്‍ നല്‍കുന്ന വൈദ്യുതിക്ക് യൂണിറ്റിന് വകയിരുത്തിയ തുക മടക്കി നല്‍കുന്നതിന് കാലതാമസം നേരിടുന്നുണ്ടോ; വ്യക്തമാക്കാമോ?

പുരപ്പുറ സോളാര്‍ പദ്ധതി ആലപ്പുഴ മണ്ഡലത്തില്‍ വ്യാപകമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

സാമ്പത്തികമായി പിന്നാക്കം നില്‍ക്കുന്ന കുടുംബങ്ങള്‍ക്ക് ഉചിതമായ ആനുകൂല്യങ്ങള്‍ നല്‍കി പദ്ധതിയുടെ ഉപഭോക്താക്കളാക്കാനുള്ള നടപടികള്‍ പരിഗണനയിലുണ്ടോയെന്ന് വ്യക്തമാക്കുമോ?

പുരപ്പുറ സോളാർ പദ്ധതിയിലൂടെ ഉൽപാദിപ്പിച്ച അധിക വൈദ്യുതിക്ക് ഉപഭോക്താവിന് പണം തിരികെ നൽകുന്നത് നിലവിൽ ഏത് മാസമാണ്; ആദ്യഘട്ടത്തില്‍ അത് ഏത് മാസത്തിലായിരുന്നു നൽകിയിരുന്നത്; ഇപ്രകാരം തുക തിരികെ നൽകുന്ന മാസത്തില്‍ മാറ്റം വരുത്താനുണ്ടായ സാഹചര്യം എന്തായിരുന്നു; ഉപഭോക്താവിന് ഇതിലൂടെ വരുമാനത്തില്‍ കുറവോ അധികബാധ്യതയോ ഉണ്ടായിട്ടുണ്ടോ; ഇതിലൂടെ കെ.എസ്.ഇ.ബി.ക്ക് ഉണ്ടായ ലാഭം എത്രയാണ്; വിശദമാക്കാമോ;

ഒരു ഉപഭോക്താവ് സോളാർ പ്ലാന്റ് മുഖേന ഉല്പാദിപ്പിക്കുന്ന വൈദ്യുതി, ബോർഡിന്റെ വൈദ്യുതി എന്നിവയുടെ ഉപഭോഗം തമ്മിലുള്ള വ്യത്യാസം കണക്കിലാക്കി സോളാർ വൈദ്യുതിക്ക് വില നിശ്ചയിക്കുന്നതില്‍ ആദ്യ ഘട്ടത്തിലെയും നിലവിൽ പ്രാവർത്തികമാക്കിയിരിക്കുന്നതുമായ മാനദണ്ഡങ്ങൾ തമ്മിലുള്ള വ്യത്യാസം വിശദമാക്കാമോ;

തുക തിരിച്ചുനൽകുന്ന മാസം മാറ്റം വരുത്തിയതിലൂടെ പ്രസ്തുത പദ്ധതിയിലേക്ക് കൂടുതല്‍ ആളുകള്‍ പങ്കാളികളാകാതെ മാറിനിൽക്കുന്ന അവസ്ഥയ്ക്ക് പരിഹാരമായി ആനുകൂല്യങ്ങള്‍ വർദ്ധിപ്പിക്കാൻ നടപടി സ്വീകരിക്കുമോ; വിശദമാക്കുമോ;

പകല്‍ ഉൽപാദിപ്പിക്കുന്ന സോളാർ വൈദ്യുതി കേന്ദ്രീകൃത ഹബ്ബില്‍ ശേഖരിച്ചുവയ്ക്കുന്നതിനും രാത്രിയില്‍ അത് ഉപയോഗിക്കുന്നതിനുമുള്ള കേന്ദ്രസർക്കാർ പദ്ധതി സംബന്ധിച്ച അറിയിപ്പ് ലഭിച്ചിട്ടുണ്ടോ; അത് നടപ്പാക്കുന്നതില്‍ എന്തെങ്കിലും തടസ്സമുണ്ടോ; അറിയിക്കാമോ?

സോളാർ പ്ലാന്റ് അപേക്ഷ ഫീസ് തിരികെ കൊടുക്കാനുള്ളത് പ്രോസുമേഴ്‌സിന്റെ ബില്ലിൽ അഡ്ജസ്റ്റ് ചെയ്യുന്നതിന് പകരം സോളാർ പ്ലാന്റ് കമ്മീഷൻ ചെയ്‌ത്‌ 10 ദിവസത്തിനുള്ളിൽ അവരുടെ അക്കൗണ്ടിൽ ലഭ്യമാക്കാനുള്ള നടപടി സ്വീകരിക്കുമോ; വ്യക്തമാക്കുമോ;

പ്രോസുമേഴ്‌സിന് സോളാര്‍ എനര്‍ജി സെറ്റില്‍മെന്റ് തുക നൽകുന്നതിനു കാലപരിധി നിശ്ചയിച്ചിട്ടുണ്ടോ; കെ.എസ്.ഇ.ആര്‍.സി ഇറക്കിയ റെഗുലേഷൻ പ്രകാരം ഈ തുക സെറ്റില്‍മെന്റ് തീയതി മുതൽ ഒരു മാസത്തിനകം കൊടുത്തു തീർക്കണമെന്നും അതുകഴിഞ്ഞാൽ നിയമ പ്രകാരമുള്ള ബാങ്ക് പലിശ നല്കണമെന്നുമുള്ള വ്യവസ്ഥ നിലവിൽ പാലിക്കുന്നുണ്ടോ; ഇല്ലെങ്കിൽ ഇക്കാര്യത്തില്‍ അടിയന്തര നടപടികൾ സ്വീകരിയ്ക്കുമോ;

സോളാര്‍ ജനറേഷൻ ഡ്യൂട്ടി 1.4.2024 മുതൽ പിൻവലിച്ചതായി സർക്കാർ ഉത്തരവ് പുറപ്പെടുവിച്ചുവെങ്കിലും 2024 സെപ്റ്റംബർ മുതൽക്കാണ് കെ.എസ്.ഇ.ബി.എല്‍ ഡ്യൂട്ടി പിരിക്കുന്നത് നിർത്തലാക്കിയതെന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

2024 ഏപ്രിൽ മുതൽ ഓഗസ്റ്റ് മാസം വരെയുള്ള കാലയളവിൽ കെ.എസ്.ഇ.ബി.എല്‍ വൈദ്യുതി ബില്ലിൽ ഈടാക്കിയ ജനറേഷൻ ഡ്യൂട്ടി തിരികെ നൽകുവാനും ആ തുക 2024 ഒക്ടോബർ മാസം മുതലുള്ള വൈദ്യുതി ബില്ലിൽ കുറവ് ചെയ്യുന്നതിനും നടപടി സ്വീകരിയ്ക്കുമോ; വ്യക്തമാക്കുമോ?

വൈദ്യുതി മോഷണങ്ങൾ കണ്ടെത്തുന്നതിനും തുടർനടപടി സ്വീകരിക്കുന്നതിനും നിലവിലെ സംവിധാനം എന്തെല്ലാമാണ്; വിശദമാക്കുമോ;

വൈദ്യുതി മോഷണവുമായി ബന്ധപ്പെട്ട കേസുകളുടെ ക്വാട്ട തികയ്ക്കുന്നതിന് വേണ്ടി ആന്റി പവർ കേസുകൾ രജിസ്റ്റർ ചെയ്തിട്ടുള്ളതായി കണ്ടെത്തിയിട്ടുണ്ടോ;

വൈദ്യുതി മോഷണവുമായി ബന്ധപ്പെട്ട് വിവിധ കോടതികളിലായി നിലനിൽക്കുന്ന കേസുകൾ കോടതിക്ക് പുറത്ത് തീർപ്പാക്കാൻ ആലോചിക്കുന്നുണ്ടോ; എങ്കിൽ കാരണം വ്യക്തമാക്കുമോ?

തിരൂരങ്ങാടി മണ്ഡലത്തിലെ വെന്നിയൂർ സബ്സ്റ്റേഷൻ എന്നത്തേക്ക് കമ്മീഷൻ ചെയ്യാനാവും; വിശദമാക്കാമോ;

പ്രസ്തുത പദ്ധതി കമ്മീഷൻ ചെയ്യുന്നതിന് എന്തെങ്കിലും തടസ്സങ്ങൾ നിലവിലുണ്ടോ; വിശദമാക്കാമോ;

പ്രസ്തുത പദ്ധതിയിൽ പൂർത്തീകരിക്കാനുള്ള പ്രവൃത്തികളുടെ വിശദ വിവരം ലഭ്യമാക്കാമോ?

വൈക്കം മണ്ഡലത്തിലെ ബ്രഹ്മമംഗലം, ഉദയനാപുരം എന്നിവിടങ്ങളിലെ പുതിയ സബ് സ്റ്റേഷനുകളുടെ നിർമ്മാണ പുരോഗതി വ്യക്തമാക്കുമോ;

പ്രസ്തുത സബ് സ്റ്റേഷനുകളുടെ നിർമ്മാണത്തിന് എന്തെങ്കിലും തടസ്സങ്ങൾ നിലവിലുണ്ടോ; വ്യക്തമാക്കുമോ?

ഈ സര്‍ക്കാരിന്റെ കാലയളവില്‍ കെ.എസ്.ഇ.ബി. സബ് എഞ്ചിനീയർ (ഇലക്ട്രിക്കൽ), അസിസ്റ്റന്റ് എഞ്ചിനീയർ (ഇലക്ട്രിക്കൽ) തസ്തികകളിലെ എത്ര ഒഴിവുകളാണ് കേരള പി.എസ്.സി.-ക്ക് റിപ്പോർട്ട്‌ ചെയ്തിട്ടുളളതെന്നും അതിൽ എത്ര നിയമനങ്ങളാണ് നടന്നിട്ടുളളതെന്നും വ്യക്തമാക്കാമോ;

കെ.എസ്.ഇ.ബി. സബ് എഞ്ചിനീയർ (ഇലക്ട്രിക്കൽ), അസിസ്റ്റന്റ് എഞ്ചിനീയർ (ഇലക്ട്രിക്കൽ) തസ്തികകളുടെ ഡയറക്ട്, ഇൻ സർവീസ് റിക്രൂട്ട്മെന്റ് ക്വാട്ടകളിൽ എത്ര ഒഴിവുകൾ വീതം നിലവിലുണ്ടെന്നും പ്രസ്തുത ഒഴിവുകൾ പി.എസ്.സി.-ക്ക് റിപ്പോർട്ട്‌ ചെയ്തിട്ടുണ്ടോയെന്നും റിപ്പോര്‍ട്ട് ചെയ്തിട്ടില്ലെങ്കില്‍ ആയതിന്റെ കാരണം എന്തെന്നും വിശദമാക്കാമോ;

കെ.എസ്.ഇ.ബി. സബ് എഞ്ചിനീയർ (ഇലക്ട്രിക്കൽ) തസ്തികയിലേക്ക് സ്ഥാനക്കയറ്റം നൽകാൻ യോഗ്യരായ എത്ര പേർ നിലവിൽ സബ് എഞ്ചിനീയർ (ഇലക്ട്രിക്കൽ) തസ്തികയുടെ ഫീഡർ തസ്തികകളിലുണ്ടെന്ന് വിശദമാക്കാമോ;

കെ.എസ്.ഇ.ബി. സബ് എഞ്ചിനീയർ (ഇലക്ട്രിക്കൽ) തസ്തികയിലേക്ക് ഇൻ സർവീസ് റിക്രൂട്ട്മെന്റ് വഴി നിയമനം നൽകാൻ മതിയായ വിദ്യാഭ്യാസ യോഗ്യതയുള്ള എത്ര പേരാണ് പ്രസ്തുത തസ്തികയുടെ താഴെയുള്ള തസ്തികകളിൽ നിലവിലുളളതെന്ന് വിശദമാക്കാമോ;

1959-ലെ കമ്പൽസറി നോട്ടിഫിക്കേഷൻ ഓഫ് വേക്കൻസി ആക്ട് പ്രകാരം കഴിഞ്ഞ അഞ്ച് വർഷത്തിൽ കെ.എസ്.ഇ.ബി. യിൽ നിന്ന് ഏതൊക്കെ തസ്തികകളിൽ, എത്ര ഒഴിവുകൾ വീതം ഏതൊക്കെ തീയതികളിൽ റിപ്പോർട്ട്‌ ചെയ്തിട്ടുണ്ടെന്ന് വിശദമാക്കാമോ?

കെ.എസ്.ഇ.ബി.യില്‍ എഞ്ചിനീയര്‍മാരുടെയും വിവിധ തസ്തികകളില്‍ ജോലി ചെയ്യുന്ന തൊഴിലാളികളുടെയും എത്ര ഒഴിവുകള്‍ നിലനില്‍ക്കുന്നുണ്ട്; പ്രസ്തുത ഒഴിവുകളിലേക്കുള്ള നിയമനങ്ങള്‍ സമയബന്ധിതമായി നടത്തുന്നതിന് നടപടികള്‍ സ്വീകരിക്കുമോ; വിശദമാക്കാമോ;

റീ സ്ട്രക്ചറിങ് കാരണം ഈ ഒഴിവുകള്‍ നികത്തുന്നതിന് കാലതാമസം നേരിടുന്നുണ്ടോ; വിശദമാക്കാമോ?

മല്ലപ്പള്ളി താലൂക്ക് ഹെഡ് ക്വാർട്ടേഴ്സ് ആശുപത്രിയുടെ പുതിയ കെട്ടിട നിർമ്മാണ ചുമതല വൈദ്യുതി ബോർഡ് ഏറ്റടുത്തശേഷം എന്തൊക്കെ നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

കെട്ടിടത്തിന്റെ നിർമ്മാണ പ്രവൃത്തി എപ്പോൾ ആരംഭിക്കുവാൻ കഴിയുമെന്ന് വിശദമാക്കുമോ?

ആവശ്യമുള്ളപ്പോൾ മറ്റ് സംസ്ഥാനങ്ങളിൽ നിന്ന് വൈദ്യുതി സ്വീകരിക്കുകയും അവർക്ക് ആവശ്യമുള്ളപ്പോൾ മടക്കി നൽകുകയും ചെയ്യുന്ന സ്വാപ്പ് സംവിധാനത്തിൽ ഫലപ്രദമായ ആസൂത്രണം നടക്കുന്നില്ല എന്നത് പരിശോധിച്ചിട്ടുണ്ടോ;

ഡാമുകളിൽ അധികമായി സംഭരിക്കുന്ന ജലം വൈദ്യുത ഉല്പാദനത്തിൽ പ്രയോജനപ്പെടുത്താത്തതിന്റെ കാരണം വ്യക്തമാക്കുമോ;

സ്വാപ്പ് പദ്ധതിയിലൂടെ സ്വീകരിക്കുന്ന വൈദ്യുതി കൃത്യസമയത്ത് മടക്കി നൽകാൻ കഴിയുന്നുണ്ടോ; ഇപ്രകാരം നൽകാതിരിക്കുന്നതിന് പിഴ നൽകേണ്ടി വന്നിട്ടുണ്ടോ: വിശദമാക്കുമോ?

കെ.എസ്.ഇ.ബി. യുടെ ഡാമുകളുമായി ബന്ധപ്പെടുത്തി വിനോദ സഞ്ചാരികളെ ആകര്‍ഷിക്കാന്‍ നടപടി സ്വീകരിച്ചിട്ടുണ്ടോ; ഉണ്ടെങ്കില്‍ എന്തെല്ലാം പരിപാടികളാണ് നടത്താന്‍ ഉദ്ദേശിച്ചിട്ടുള്ളതെന്ന് വിശദമാക്കാമോ?

ഗ്രീന്‍ ഹൈഡ്രജന്‍ ഉല്‍പാദിപ്പിക്കുന്നതുമായി ബന്ധപ്പെട്ട് അനെര്‍ട്ട് സമര്‍പ്പിച്ചിട്ടുളള പദ്ധതിയുടെ വിശദാംശങ്ങള്‍ അറിയിക്കുമോ;

വാണിജ്യാടിസ്ഥാനത്തില്‍ പ്രസ്തുത പദ്ധതി നടപ്പിലാക്കുന്നതിനുളള സാധ്യതകള്‍ എന്തെല്ലാമെന്ന് വിശദമാക്കുമോ?