ഈ സര്‍‍ക്കാര്‍ അധികാരത്തില്‍ വന്ന ശേഷം ആലത്തൂര്‍ മണ്ഡലത്തില്‍ നിന്നും റിസ്ക് ഫണ്ട് ആനുകൂല്യം ലഭിക്കുന്നതിനായി എത്ര പേര്‍ അപേക്ഷ സമർപ്പിച്ചിട്ടുണ്ടെന്ന് ബാങ്ക് അടിസ്ഥാനത്തില്‍ വ്യക്തമാക്കാമോ;

പ്രസ്തുത അപേക്ഷകളില്‍ എത്ര പേര്‍ക്ക് റിസ്ക് ഫണ്ട് ആനുകൂല്യം അനുവദിച്ചിട്ടുണ്ടെന്ന് വിശദമാക്കാമോ;

അവശേഷിക്കുന്ന അപേക്ഷകളില്‍ അര്‍ഹരായവര്‍ക്ക് പ്രസ്തുത ആനൂകൂല്യം എന്നത്തേക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കാമോ?

കാർഷിക ഗ്രാമവികസന ബാങ്കുകളിൽ കേന്ദ്രത്തിന്റെ പൊതു സോഫ്റ്റ്‌വെയർ പദ്ധതി നടപ്പാക്കുന്നതിന് തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

സംസ്ഥാനത്തെ പ്രാഥമിക സഹകരണ ബാങ്കുകളിൽ കേന്ദ്രസർക്കാർ ചെലവിൽ പൊതു സോഫ്റ്റ്‌വെയർ നടപ്പാക്കുന്ന പദ്ധതിയെ സംസ്ഥാന സർക്കാർ എതിർക്കുന്നുണ്ടോ; ഉണ്ടെകിൽ അതിന്റെ കാരണം വ്യക്തമാക്കുമോ ;

സഹകരണ ബാങ്കുകളിലെ ഡാറ്റ കേന്ദ്രം കയ്യടക്കുമെന്ന ആശങ്ക കാർഷിക ഗ്രാമ വികസന ബാങ്കുകൾക്ക് പൊതു സോഫ്റ്റ്‌വെയർ സ്ഥാപിക്കുന്ന നടപടിയിൽ ഉണ്ടാകാത്തതിന്റെ കാരണം വ്യക്തമാക്കുമോ;

പ്രാഥമിക സഹകരണ ബാങ്കുകൾക്ക് സംസ്ഥാനത്ത് പ്രത്യേകം പൊതു സോഫ്റ്റ്‌വെയർ തയ്യാറാക്കുന്നതിനായി എത്ര കോടി രൂപ ചെലവഴിച്ചുവെന്നും ഏത് സ്വകാര്യ കമ്പനിക്കാണ് ടെൻഡർ നൽകിയതെന്നും വ്യക്തമാക്കുമോ ?

സംസ്ഥാനത്തെ സഹകരണ സംഘങ്ങളിൽ ഏകീകൃത സോഫ്റ്റ്‌വെയർ സംവിധാനം നടപ്പിലാക്കുമ്പോൾ സംഘങ്ങൾ പ്രതിമാസ ഉപയോഗ ഫീസായി തുക നൽകുന്നത് ഒഴിവാക്കാൻ നടപടി സ്വീകരിയ്ക്കുമോ; വ്യക്തമാക്കുമോ?

സഹകരണ നിയമഭേദഗതിക്ക് അനുസൃതമായി ചട്ടങ്ങള്‍ രൂപീകരിക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

സഹകരണ മേഖലയിലെ ക്രമക്കേടുകള്‍ തടയുന്നതിനായി സഹകരണ ചട്ടങ്ങളുടെ ഭേദഗതിയില്‍ ഉള്‍പ്പെടുത്തിയിട്ടുള്ള വ്യവസ്ഥ വിശദമാക്കാമോ?

സഹകരണ മേഖലയില്‍ നിക്ഷേപം വര്‍ദ്ധിപ്പിക്കുന്നതിന് സ്വീകരിച്ച നടപടികള്‍ വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം സാമ്പത്തിക ക്രമക്കേടുകളെ തുടര്‍ന്ന് എത്ര സംഘങ്ങള്‍ക്കെതിരെ നടപടികള്‍ എടുത്തിട്ടുണ്ട് എന്ന് വിശദമാക്കാമോ;

സഹകരണ സംഘങ്ങളിലെ നിക്ഷേപകര്‍ക്ക് നിക്ഷേപം മടക്കിനല്‍കുന്നത് ഉറപ്പുവരുത്തുന്നതിനായി സര്‍ക്കാര്‍ ആവിഷ്കരിച്ച് നടപ്പിലാക്കുന്ന നടപടികള്‍ വിശദമാക്കാമോ;

മള്‍ട്ടി സ്റ്റേറ്റ് സഹകരണ സംഘങ്ങളുടെ പ്രവര്‍ത്തനങ്ങള്‍ പരിശോധിക്കുന്നതിന് നടപടികള്‍ സ്വീകരിക്കുമോയെന്ന് വിശദമാക്കാമോ?

സംസ്ഥാനത്തെ സഹകരണ പ്രസ്ഥാനങ്ങളെ ദോഷകരമായി ബാധിക്കുന്ന കേന്ദ്രസര്‍ക്കാര്‍ ഇടപെടലുകളെ പ്രതിരോധിക്കുന്നതിന് ശക്തമായ നിലപാട് സ്വീകരിക്കുമോയെന്ന് വ്യക്തമാക്കുമോ?

സഹകരണ നിക്ഷേപ ഗ്യാരന്റി ബോര്‍ഡ് മുഖാന്തിരം സംഘങ്ങള്‍ നിക്ഷേപകര്‍ക്ക് നല്‍കുന്ന പരിരക്ഷ ഉയര്‍ത്തുന്നതിന് സ്വീകരിച്ച നടപടികള്‍ വിശദമാക്കാമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ സഹകരണ വകുപ്പ് മുഖേന കായംകുളം മണ്ഡലത്തിൽ നടപ്പാക്കിയ പദ്ധതികൾ ഏതൊക്കെയെന്നും അനുവദിച്ച തുക, പദ്ധതികളുടെ നിലവിലെ അവസ്ഥ എന്നിവ സംബന്ധിച്ച വിശദാംശങ്ങൾ ലഭ്യമാക്കാമോ?

സഹകരണ വകുപ്പില്‍ ടീം ആ‍ഡിറ്റ് നിലവില്‍ വന്നിട്ടുണ്ടെങ്കിലും സ്റ്റാറ്റ്യൂട്ടറിയായി ആഡിറ്റ് ഫീസ് ഈടാക്കുന്നതിനെ സംബന്ധിച്ചുള്ള ചട്ടങ്ങള്‍ നിലവില്‍ വരാത്തതിനാല്‍ ആഡിറ്റ് തസ്തികകള്‍ നഷ്ടപ്പെടുന്ന സാഹചര്യം ഉള്ളതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

തസ്തികകള്‍ നഷ്ടപ്പെടുന്ന സാഹചര്യം ഒഴിവാക്കാനായി സഹകരണ ഭേദഗതി നിയമപ്രകാരമുള്ള ചട്ടങ്ങള്‍ രൂപീകരിക്കുന്നതുവരെ നിലവിലുള്ള സംവിധാനം തുടരുന്നതിനുള്ള നിര്‍ദേശം നല്‍കുന്ന കാര്യം പരിഗണനയിലുണ്ടോ; വിശദമാക്കാമോ?

കൊടുങ്ങല്ലൂർ കോ-ഓപ്പറേറ്റിവ് കോളേജ് ലിമിറ്റഡ്.726 -ൽ നിലവിലുള്ള ഓപ്പൺ യൂണിവേഴ്സിറ്റി കോഴ്സ് സർട്ടിഫിക്കറ്റുകൾ വിദേശ രാജ്യങ്ങൾ അടക്കം പരിഗണിക്കാത്ത സാഹചര്യത്തിൽ പുതിയ അംഗീകാരമുള്ള കോഴ്‌സുകൾ ആരംഭിക്കണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ; എങ്കിൽ അതിൽ എന്ത് നടപടിയാണ് സ്വീകരിച്ചിട്ടുള്ളതെന്നു അറിയിക്കാമോ?

സഹകരണ നിയമഭേദഗതിയില്‍ ഉള്‍പ്പെടുത്തി പ്രതിസന്ധിയിലായ സഹകരണ സ്ഥാപനങ്ങളെ പുനരുദ്ധരിക്കുവാന്‍ നടപ്പിലാക്കുന്ന സഹകരണ സംരക്ഷണ നിധി പദ്ധതിയുടെ വിശദാംശങ്ങള്‍ ലഭ്യമാക്കുമോ;

പ്രസ്തുത പദ്ധതി നടപ്പിലാക്കുവാന്‍ നടപടി സ്വീകരിച്ചിട്ടുണ്ടോ;

പ്രസ്തുത പദ്ധതി പ്രകാരം ഏതൊക്കെ സംഘങ്ങള്‍ക്കാണ് സഹായം ലഭ്യമാകുന്നത് എന്ന് വ്യക്തമാക്കാമോ?

സഹകരണ മേഖല ശക്തിപ്പെടുത്താൻ സ്വീകരിച്ചതും സ്വീകരിക്കാൻ ഉദ്ദേശിക്കുന്നതുമായ നടപടികൾ എന്തൊക്കെയാണെന്ന് വ്യക്തമാക്കാമോ;

സഹകരണ മേഖല ഇപ്പോൾ നേരിടുന്ന പ്രധാന വെല്ലുവിളികൾ എന്തൊക്കെയാണെന്ന് വിശദമാക്കാമോ;

സംസ്ഥാനത്ത് പ്രവർത്തിക്കുന്ന രജിസ്റ്റർ ചെയ്ത സഹകരണ സൊസൈറ്റികളുടെയും അവയിൽ അംഗത്വം എടുത്ത മെമ്പർമാരുടെയും എണ്ണം എത്രയാണെന്ന് വ്യക്തമാക്കാമോ;

കാർഷികവായ്പ സഹകരണ ബാങ്കുകൾ വൈകിപ്പിക്കുന്നത് ശ്രദ്ധയിൽപ്പെട്ടിട്ടുണ്ടോ ; എങ്കിൽ എന്ത് നടപടികളാണ് ഇക്കാര്യത്തിൽ സ്വീകരിക്കുന്നതെന്നു വിശദമാക്കാമോ ;

സഹകരണ സൊസൈറ്റികൾ കടക്കെണിയിൽ അകപ്പെടുന്നത് തടയാൻ സർക്കാർ സ്വീകരിച്ചതും സ്വീകരിക്കാൻ ഉദ്ദേശിക്കുന്നതുമായ നടപടികൾ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് ഇതുവരെ രജിസ്റ്റർ ചെയ്തിട്ടുളള ലേബർ കോൺട്രാക്ട് സൊസൈറ്റികൾ ഏതൊക്കെയാണ്; അവയ്ക്ക് ​ഗ്രേഡിംഗ് ഏർപ്പെടുത്തിയിട്ടുണ്ടോ; വിശദമാക്കുമോ;

പ്രസ്തുത സൊസൈറ്റികൾക്ക് സർക്കാർ ജോലികൾ, സപ്ലൈ ഓർഡറുകൾ എന്നിവ നൽകുന്നതിന് മാനദണ്ഡം നിശ്ചയിച്ചിട്ടുണ്ടോ; വിശദമാക്കുമോ?

നിലവിലെ സര്‍ക്കാര്‍ അധികാരത്തിൽ വന്നശേഷം കുന്നത്തുനാട് മണ്ഡലത്തിലെ വിവിധ സര്‍വ്വീസ് സഹകരണ ബാങ്കുകളില്‍ നിന്നായി റിസ്ക് ഫണ്ട് ആനുകൂല്യത്തിന് വേണ്ടി എത്ര അപേക്ഷകള്‍ ലഭ്യമായിട്ടുണ്ടെന്ന് ബാങ്കുകള്‍ തിരിച്ച് വ്യക്തമാക്കാമോ;

ഇതില്‍ എത്ര അപേക്ഷകളില്‍ റിസ്ക് ഫണ്ട് ആനുകൂല്യം ലഭ്യമാക്കിയെന്നും ഇനിയും എത്ര അപേക്ഷകളില്‍ തീരുമാനമെടുക്കാനുണ്ടെന്നും ബാങ്കുകള്‍ തിരിച്ച് അറിയിക്കാമോ;

ആനുകൂല്യം ലഭ്യമാക്കാത്ത അപേക്ഷകളില്‍ എന്തുകൊണ്ടാണ് തീരുമാനം വൈകുന്നതെന്ന് വിശദമാക്കാമോ;

സാങ്കേതിക പ്രശ്നങ്ങള്‍ പരിഹരിച്ച് അര്‍ഹരായ മുഴുവന്‍ അപേക്ഷകർക്കും പ്രസ്തുത ആനുകൂല്യം ലഭ്യമാക്കുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

വര്‍ക്കല നിയോജകമണ്ഡലത്തില്‍ ഉള്‍പ്പെടുന്ന വിവിധ സഹകരണ സംഘങ്ങളില്‍ നിന്നും റിസ്ക് ഫണ്ട് ആനുകൂല്യം ലഭിക്കുന്നതിനായി എത്ര അപേക്ഷകള്‍ ലഭിച്ചുവെന്നും അതില്‍ എത്ര പേര്‍ക്ക് എത്ര രൂപ വീതം ധനസഹായം അനുവദിച്ചിട്ടുണ്ടെന്നും വിശദമാക്കാമോ?

ഗുരുവായൂര്‍ മണ്ഡലത്തില്‍ കേരള സഹകരണ റിസ്ക് ഫണ്ട് പദ്ധതിയിൽ പണം അനുവദിക്കുന്നതിനായി 2021 മുതല്‍ 2024 മാര്‍ച്ച് വരെ എത്ര അപേക്ഷകള്‍ ലഭ്യമായിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതിയിൽ പണം അനുവദിച്ച അപേക്ഷകളുടെ എണ്ണവും തുകയും വ്യക്തമാക്കാമോ;

പണം അനുവദിക്കാത്ത അപേക്ഷകളുടെ നിലവിലെ സ്ഥിതി അറിയിക്കാമോ?

സഹകരണ സ്ഥാപനങ്ങളിലെ ജീവനക്കാര്‍ക്ക് മെഡിസെപ്പ് മാതൃകയില്‍ മെഡിക്കൽ ഇന്‍ഷുറന്‍സ് പദ്ധതി നടപ്പിലാക്കുന്നതിന് തീരുമാനിച്ചിട്ടുണ്ടോ;

പ്രസ്തുത പദ്ധതി ഏത് വര്‍ഷം മുതല്‍ നടപ്പിലാക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ?

കേരള ബാങ്കിൽ മറ്റു സഹകരണ സംഘങ്ങൾക്ക് ഉള്ള ഓഹരികൾ പിൻവലിക്കുന്നത് തടഞ്ഞുകൊണ്ട് ഭേദഗതി കൊണ്ടു വന്നിട്ടുണ്ടോ, ഇതിന് ആധാരമായ കാര്യങ്ങൾ വിശദമാക്കുമോ;

മറ്റു സഹകരണ സംഘങ്ങൾ കേരള ബാങ്കിൽ എത്ര ശതമാനം ഓഹരികൾ നിലനിർത്തണമെന്നാണ് നിലവിൽ വ്യവസ്ഥയുള്ളത്; വലിയ സാമ്പത്തിക ശേഷിയില്ലാത്ത സഹകരണ സംഘങ്ങൾ ധനപ്രതിസന്ധി നേരിടുമ്പോൾ അവർ എടുത്ത വായ്പകൾ അടച്ചശേഷമുള്ള ഓഹരികൾ പിൻവലിക്കാനാവാത്തത് കടുത്ത ബുദ്ധിമുട്ടിലാക്കുമെന്നതിനാൽ ഓഹരികൾ പിൻവലിക്കുന്നത് മരവിപ്പിച്ച ഭേദഗതി ഒഴിവാക്കുന്നതിനു നടപടി ഉണ്ടാകുമോ;

റിസർവ് ബാങ്കിന്റെ ചട്ടങ്ങൾ പ്രകാരം ഈടാക്കുന്ന ഓഹരികൾ ലിസ്റ്റ് ചെയ്യണമെന്ന വ്യവസ്ഥ ഇവിടെ പാലിക്കുന്നുണ്ടോ ; ഇപ്രകാരം ലിസ്റ്റു ചെയ്യുന്നതുവഴി മറ്റു സഹകരണ സംഘങ്ങൾക്ക് ഓഹരികളുടെ വിപണി മൂല്യം ഉറപ്പാക്കാനാവുന്നതിനാൽ പ്രതിസന്ധി ഘട്ടങ്ങളിൽ ഈ ഓഹരികൾ ഉപയോഗപ്പെടുത്താനാവുമെന്ന് കണ്ട് ആയതിനുള്ള നടപടികൾ സ്വീകരിക്കാമോ?

കാര്‍ഷിക മേഖലയെ പരിപോഷിപ്പിക്കുന്നതിന് കേരള ബാങ്ക് ആവിഷ്ക്കരിച്ചിട്ടുള്ള പദ്ധതികള്‍ മുഖേന സംസ്ഥാനത്ത് എത്ര കര്‍ഷകര്‍ക്ക് സാമ്പത്തിക ആനുകൂല്യങ്ങള്‍ ലഭിച്ചിട്ടുണ്ട്; വ്യക്തമാക്കാമോ;

വിവിധ മേഖലകളില്‍ സംരംഭകത്വത്തില്‍ ഏര്‍പ്പെടാന്‍ ഉദ്ദേശിക്കുന്നവര്‍ക്ക് കേരള ബാങ്ക് മുഖേന കൂടുതല്‍ ധനസഹായ പദ്ധതികള്‍ ആവിഷ്കരിക്കുമോ; വ്യക്തമാക്കാമോ?

കേരളത്തിലെ സഹകരണ ബാങ്കുകളിൽ നിന്ന് റബ്കോ സ്വീകരിച്ചിരിക്കുന്ന വായ്പ എത്രയാണ്; ഈ വായ്പകൾക്ക് റബ്‌കോ കൃത്യമായി പലിശ നൽകാറുണ്ടോ;

റബ്‌കോക്ക് നിലവിലുള്ള ബാധ്യത എത്രയാണ്; റബ്കോയുടെ കടബാധ്യത കുറയ്ക്കാൻ സംസ്ഥാന സർക്കാർ എത്രരുപ നൽകി; റബ്കോ നഷ്ടത്തിലാകാനുള്ള കാരണങ്ങളെക്കുറിച്ച് സഹകരണ വകുപ്പിന് മുമ്പിൽ എന്തെങ്കിലും പഠന റിപ്പോർട്ട് ഉണ്ടോ;

റബ്കോയ്ക്ക് ബിസിനസിതര ചിലവുകൾക്ക് തുക അനുവദിക്കുവാൻ അനുമതി നൽകിയത് ആരാണ് ;വിവാദത്തിൽപ്പെട്ട കരുവന്നൂർ ബാങ്കിന് മുതലും പലിശയും ചേർത്ത് റബ്‌കോ എത്ര രൂപയുടെ നിക്ഷേപം തിരികെ നൽകാനുണ്ട്;വ്യക്തമാക്കാമോ ?

ഈ സർക്കാർ അധികാരത്തിൽ വന്നതിനു ശേഷം നാദാപുരം മണ്ഡലത്തിൽ സഹകരണ ബാങ്കുകളിൽ റിസ്ക് ഫണ്ട് ആനുകൂല്യത്തിന് അപേക്ഷ തന്നവരുടെ പേര് വിവരങ്ങൾ ലഭ്യമാക്കാമോ;

റിസ്ക് ഫണ്ട് ആനുകൂല്യത്തിനുള്ള ഓരോ അപേക്ഷയിലെയും തൽസ്ഥിതി വിശദമാക്കാമോ?

പാലക്കാട് ജില്ലയിലെ മണ്ണാര്‍ക്കാട് താലൂക്കില്‍ മണ്ണാര്‍ക്കാട് കാര്‍ഷിക വികസന ബാങ്കില്‍ നിന്നും ലോണ്‍ എടുത്ത സൈനുദ്ദീന്‍ മരണപ്പെട്ടതിനെ തുടര്‍ന്ന് പ്രസ്തുത ലോണ്‍ റിസ്ക് ഫണ്ടില്‍ ഉള്‍പ്പെടുത്തണമെന്നാവശ്യപ്പെട്ട് ടിയാന്റെ ഭാര്യ ശ്രീമതി ഫൗസിയ എ. അപേക്ഷ സമര്‍പ്പിച്ചിട്ടുണ്ടോ; എങ്കില്‍ അതിന്മേല്‍ സ്വീകരിച്ച നടപടി വിശദമാക്കാമോ?

കാട്ടാക്കട മണ്ഡലത്തിലെ കണ്ടല സര്‍വീസ് സഹകരണ ബാങ്കുമായി ബന്ധപ്പെട്ട് സർക്കാർ പ്രഖ്യാപിച്ച പാക്കേജിന്റെ വിശദാംശങ്ങള്‍ ലഭ്യമാക്കാമോ; ആയതിന്റെ അടിസ്ഥാനത്തില്‍ സ്വീകരിച്ച നടപടികളുടെ വിശദാംശങ്ങളും തുടര്‍ നടപടികളും വ്യക്തമാക്കാമോ?

സഹകരണ ബാങ്കുകളിലെ ആശ്രിതനിയമനത്തിൽ നിയമാനുസൃതം ദത്തെടുത്ത് പിൻ തുടർച്ചാവകാശിയായിട്ടുള്ളവരെ പരിഗണിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ;

കേരള സംസ്ഥാന സഹകരണ കാർഷിക ഗ്രാമവികസന ബാങ്ക് ആലപ്പുഴയിൽ അസിസ്റ്റന്റ് മാനേജർ തസ്തികയിൽ ജോലി ചെയ്തിരുന്ന ജോസ് പ്രതാപ് കെ. വിക്ടർ മരണമടഞ്ഞതിനുശേഷം ടിയാന്റെ നിയമാനുസൃതം ദത്തെടുത്ത മകൾ അർച്ചനാ പ്രതാപിന് ആശ്രിത നിയമനം നൽകാതിരുന്നതിന്റെ കാരണം വിശദമാക്കാമോ;

ആശ്രിത നിയമനവുമായി ബന്ധപ്പെട്ട് അനിതാ സാംസൺ നൽകിയ പരാതിയിൽ സ്വീകരിച്ച നടപടി വിശദമാക്കാമോ?

മുക്കം സര്‍വ്വീസ് സഹകരണ ബാങ്കില്‍ ഭരണസമിതിയുണ്ടായിരുന്ന കാലത്ത് നടന്ന ക്രമക്കേടുകളെ സംബന്ധിച്ച് ഏതൊക്കെ അന്വേഷണങ്ങളാണ് നടത്തിയിട്ടുള്ളതെന്ന് വിശദമാക്കുമോ;

അന്വേഷണത്തിന്റെ കണ്ടെത്തലുകള്‍ എന്തൊക്കെയാണെന്നും എന്തൊക്കെ നടപടികളാണ് സ്വീകരിച്ചിട്ടുള്ളതെന്നും വിശദമാക്കുമോ;

പ്രസ്തുത സംഘത്തിന്റെ ഭരണ ചുമതല സംബന്ധിച്ച നിലവിലെ അവസ്ഥ വിശദമാക്കുമോ?

തിരുവനന്തപുരം ജില്ലയിലെ മാരായമുട്ടം സർവ്വീസ് സഹകരണ ബാങ്ക് (നം.984) നടത്തിയ ചിട്ടിയിൽ ലഭിക്കുന്ന തുക അവിടെത്ത​ന്നെ സ്ഥിര നിക്ഷേപമായി മാറ്റാറുണ്ടോ;

പ്രസ്തുത ബാങ്കിന്റെ തത്തിയൂർ ബ്രാഞ്ചിൽ 9/17-10 പ്രകാരം ചിട്ടിയിൽ ചേർന്നവർ സ്ഥിര നിക്ഷേപം നടത്തിയിട്ടുണ്ടോ; ഉണ്ടെങ്കിൽ അവരിൽ ​എത്ര പേർക്ക് സ്ഥിര നിക്ഷേപ തുക മടക്കി നൽകി;

അതുല്യ രാജൻ എന്ന വ്യക്തിക്ക് നൽകേണ്ട 4,75,639 രൂപ 31.08.2024 ന് മുൻപ് കൊടുത്തു തീർക്കുമെന്ന് ബാങ്ക് അധികൃതർ സർക്കാരിനെ അറിയിച്ചിരുന്നോ; അതനുസരിച്ച് തുക മടക്കി നൽകിയോ; ഇല്ലെങ്കിൽ കാരണം വ്യക്തമാക്കുമോ;

ഇതേവരെ തുക നൽകാൻ കഴിഞ്ഞിട്ടില്ലായെങ്കിൽ ബാങ്കിന്റെ ഭരണ സമിതി അംഗങ്ങളിൽ നിന്നും ഈ തുക ഈടാക്കി നൽകാൻ അടിയന്തര നടപടി സ്വീകരിക്കുമോ?

സംസ്ഥാനത്തെ സഹകരണ സംഘങ്ങളുടെ രാത്രി കാവല്‍ക്കാരായ ജീവനക്കാര്‍ക്ക് തൊഴില്‍ നിയമം അനുശാസിക്കും വിധം ജോലി സമയം, തൊഴില്‍ സുരക്ഷ, അവധി, ജോലി ചെയ്യുന്നതിനാവശ്യമായ അടിസ്ഥാന സൗകര്യങ്ങള്‍ എന്നിവയുമായി ബന്ധപ്പെട്ട് സഹകരണ സംഘങ്ങള്‍ക്ക് സഹകരണ വകുപ്പ് കൃത്യമായി മാര്‍ഗ്ഗ നിര്‍ദ്ദേശങ്ങള്‍ നല്‍കിയിട്ടുണ്ടോ; ഇല്ലെങ്കില്‍ ആയത് നല്‍കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

ആലപ്പുഴ മണ്ഡലത്തില്‍ സഹകരണ വകുപ്പിന്റെ എത്ര സഹകരണ സംഘങ്ങളുണ്ട്; അവയുടെ പേര് സഹിതം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത മണ്ഡലത്തില്‍ പ്രവര്‍ത്തനം നിലച്ചു പോയ സഹകരണ സംഘങ്ങളുണ്ടോ; എങ്കില്‍ അവയുടെ പേരു വിവരം അറിയിക്കാമോ?

നെയ്യാറ്റിന്‍കര മണ്ഡലത്തില്‍ 2021 മുതല്‍ 2024 മാര്‍ച്ച് വരെ എത്ര പുതിയ സഹകരണ സംഘങ്ങള്‍ ആരംഭിക്കുന്നതിന് അനുമതി നല്കിയെന്ന് വിശദമാക്കാമോ;

അനുവദിക്കപ്പെട്ട സഹകരണ സംഘങ്ങളുടെ പേരുവിവരവും സ്ഥലവും വ്യക്തമാക്കാമോ?

സഹകരണ ബാങ്കുകളിലെയും സംഘങ്ങളിലെയും ജീവനക്കാര്‍ക്കായി ഏതെല്ലാം ഇന്‍ഷുറൻസ് പദ്ധതികളാണ് നിലവിലുള്ളതെന്നും പ്രസ്തുത വിഭാഗം ജീവനക്കാര്‍ക്കായി ഈ സര്‍ക്കാര്‍ നടപ്പിലാക്കിയിട്ടുള്ള പുതിയ ഇന്‍ഷുറന്‍സ് പദ്ധതികള്‍ ഏതെല്ലാമാണെന്നും അറിയിക്കുമോ;

സഹകരണ ബാങ്കുകളിലേയും സംഘങ്ങളിലേയും ജീവനക്കാര്‍ക്കായി മെഡിക്കല്‍ ഇന്‍ഷുറന്‍സ്/റീ-ഇംപേഴ്സ്മെന്റ് സംവിധാനങ്ങള്‍ ഏര്‍പ്പെടുത്തുന്ന കാര്യം പരിഗണനയിലുണ്ടോ; എങ്കില്‍ വിശദാംശം നല്‍കുമോ?

സഹകരണസംഘങ്ങളുടെ മൂല്യവര്‍ദ്ധിത ഉല്‍പന്നങ്ങള്‍ക്ക് കൂടുതല്‍ വിപണികള്‍ കണ്ടെത്തുന്നതിനായി നൂതന പദ്ധതി നടപ്പാക്കി വരുന്നുണ്ടോ; വിശദമാക്കുമോ;

ഇതിന്റെ ഭാഗമായി ബ്രാന്‍ഡിംഗ് ആന്റ് മാര്‍ക്കറ്റിംഗ് ഓഫ് കോ-ഓപ്പറേറ്റീവ് പ്രോഡക്ട്സ് എന്ന പദ്ധതി നടപ്പാക്കുന്നതിലെ പുരോഗതി വിലയിരുത്തിയിട്ടുണ്ടോ; വിശദാംശം നൽകാമോ;

സഹകരണ ഉൽപ്പന്നങ്ങളുടെ വിപണനത്തിനായി ഉൽപ്പന്നങ്ങൾ ഇ-കൊമേഴ്സ് പ്ലാറ്റ്ഫോമുകളിലെത്തിക്കുന്നതിനുള്ള പദ്ധതി നടപ്പിലാക്കിയിട്ടുണ്ടോ; സഹകരണ ഉൽപ്പന്നങ്ങള്‍ കയറ്റുമതി ചെയ്യുകയെന്ന ലക്ഷ്യത്തിലേക്ക് എത്തിയിട്ടുണ്ടോ; വിശദമാക്കുമോ?

സംസ്ഥാനത്ത് പ്രവർത്തിച്ചുവരുന്ന പ്രാഥമിക സഹകരണ സംഘങ്ങളുടെ ഓഹരികൾ കേരള ബാങ്കിൽ നിന്നും പിൻവലിക്കാൻ പാടില്ല എന്ന് തീരുമാനിച്ചിട്ടുണ്ടോ; വിശദമാക്കാമോ;

എങ്കിൽ ഇത്തരത്തിൽ ഓഹരികൾ പിൻവലിക്കാൻ അനുവദിക്കാത്തതുമൂലം സംസ്ഥാനത്തെ പ്രാഥമിക സഹകരണ സംഘങ്ങൾ നേരിടുന്ന സാമ്പത്തിക പ്രതിസന്ധി പരിശോധിച്ചിട്ടുണ്ടോ; വിശദമാക്കാമോ;

റിസർവ് ബാങ്കിന്റെ 2020-ലെ ബാങ്കിംഗ് നിയമം സെക്ഷൻ 11 പ്രകാരം പ്രാഥമിക സഹകരണ സംഘങ്ങളിൽ നിന്നും സ്വീകരിക്കുന്ന ഓഹരികൾ ലിസ്റ്റ് ചെയ്യണമെന്ന വ്യവസ്ഥ കേരള ബാങ്ക് പാലിച്ചിട്ടുണ്ടോ; വിശദമാക്കാമോ;

എങ്കിൽ സാമ്പത്തിക പ്രതിസന്ധി അഭിമുഖീകരിക്കുന്ന പ്രാഥമിക സഹകരണ സംഘങ്ങൾക്ക് അവരുടെ നിശ്ചിത ശതമാനം ഓഹരികൾ മാത്രം നിലനിർത്തി ബാക്കി പിൻവലിക്കുന്നതിനുള്ള അനുമതിക്കായി നടപടികൾ സ്വീകരിക്കുമോ; വിശദമാക്കാമോ?

നവകേരളീയം കുടിശ്ശിക നിവാരണം -2023 രണ്ടാംഘട്ട പദ്ധതി പ്രകാരം പ്രാഥമിക സഹകരണ സംഘങ്ങൾ ജില്ലാതല സമിതി മുഖേന സംസ്ഥാനതല സമിതി യോഗം ചേരുന്നത് നീണ്ടുപോവുന്നതിനാൽ കുടിശ്ശിക നിവാരണത്തിൽ തീരുമാനമാകാത്ത വിഷയം ശ്രദ്ധയിൽപ്പെട്ടിട്ടുണ്ടോ;

ഈ പദ്ധതി ആരംഭിച്ചശേഷം സംസ്ഥാനതലസമിതി യോഗം ചേർന്നിട്ടുണ്ടോ; ഇല്ലെങ്കിൽ എപ്പോഴാണ് പ്രസ്തുത യോഗം ചേരുന്നതെന്ന് വ്യക്തമാക്കാമോ?

പ്രാഥമിക സഹകരണ സംഘങ്ങൾക്കും അർബൻ സഹകരണ സംഘങ്ങൾക്കും കേരള ബാങ്കിലുള്ള ഓഹരി പിൻവലിക്കുന്നതും എണ്ണം കുറയ്ക്കുന്നതും സംബന്ധിച്ച നടപടിക്രമങ്ങൾ വ്യക്തമാക്കുമോ; ഇക്കാര്യത്തിൽ എന്തെങ്കിലും നിയന്ത്രണം ഏർപ്പെടുത്താൻ ഉദ്ദേശിക്കുന്നുണ്ടോ എന്നു വ്യക്തമാക്കുമോ;

പ്രാഥമിക സഹകരണ സംഘങ്ങൾക്ക് കേരള ബാങ്ക് ലാഭവിഹിതം നൽകിയിട്ടുണ്ടോ; ഇല്ലെങ്കിൽ കാരണം വ്യക്തമാക്കുമോ;

സാമ്പത്തിക പ്രതിസന്ധി നേരിടുന്ന പ്രാഥമിക സഹകരണ സംഘങ്ങളെ സംരക്ഷിക്കുന്നതിന് ജില്ലാ ബാങ്കുകളുടെ മാതൃകയിൽ പ്രത്യേക സഹായം അനുവദിക്കുന്നതിനും ലാഭവിഹിതം നൽകുന്നതിനും നടപടി സ്വീകരിക്കുമോ; വിശദമാക്കുമോ?

കോട്ടയം ജില്ലയിലെ എത്ര സഹകരണ സംഘങ്ങളാണ് 2021-22, 2022-23, 2023-24 സാമ്പത്തിക വർഷങ്ങളില്‍ ലാഭത്തില്‍ പ്രവര്‍ത്തിച്ചതെന്ന് വ്യക്തമാക്കുമോ;

കോട്ടയം ജില്ലയിൽ നിലവിൽ ലാഭത്തില്‍ പ്രവര്‍ത്തിക്കുന്ന സഹകരണ സംഘങ്ങൾ ഏതൊക്കെയാണെന്നുള്ള വിശദവിവരം ലഭ്യമാക്കുമോ?

ഓണക്കാലത്തെ വിലക്കയറ്റം ഫലപ്രദമായി നേരിടുന്നതിന് സഹകരണ വകുപ്പിന്റെ നേതൃത്വത്തില്‍ കണ്‍സ്യൂമര്‍ ഫെഡ്, പ്രാഥമിക സഹകരണ സംഘങ്ങള്‍ എന്നിവ വഴി സംസ്ഥാനത്ത് എത്ര ഓണം സഹകരണ വിപണന കേന്ദ്രങ്ങള്‍ തുടങ്ങി എന്ന് വ്യക്തമാക്കാമോ;

പൊതു വിപണിയില്‍ നിന്നും എത്രമാത്രം വിലകുറവില്‍ നിത്യോപയോഗ സാധനങ്ങള്‍ സാധാരണക്കാര്‍ക്ക് ഇതുവഴി വിതരണം ചെയ്തുവെന്ന് വ്യക്തമാക്കാമോ;

സംസ്ഥാനത്ത് ഇത്തരത്തില്‍ എത്ര രൂപയുടെ സാധനങ്ങള്‍ വിതരണം ചെയ്തുവെന്ന് വ്യക്തമാക്കാമോ?

നിത്യോപയോഗ സാധനങ്ങള്‍ സബ്സിഡി നിരക്കില്‍ നല്‍കുന്നതിനായി എത്ര ഓണ വിപണികളാണ് കണ്‍സ്യൂമര്‍ഫെഡ് സഹകരണ സ്ഥാപനങ്ങളുടെ നേതൃത്വത്തില്‍ ആരംഭിച്ചതെന്ന് വ്യക്തമാക്കാമോ?

സംസ്ഥാനത്ത് സഹകരണസംഘങ്ങളുടെ കീഴില്‍ എത്ര നീതി മെഡിക്കല്‍ സ്റ്റോറുകളാണ് പ്രവര്‍ത്തിക്കുന്നത്; വിശദാംശം നല്‍കാമോ;

ആലപ്പുഴ ജില്ലയില്‍ എത്ര നീതി മെ‍ഡിക്കല്‍ സ്റ്റോറുകളാണ് പ്രവര്‍ത്തിക്കുന്നതെന്നും അവ ഏതെല്ലാമെന്നും വ്യക്തമാക്കാമോ;

പുതുതായി നീതി മെഡിക്കല്‍ സ്റ്റോറുകള്‍ ആരംഭിക്കുന്നതിനുള്ള നടപടിക്രമം വ്യക്തമാക്കാമോ?

സഹകരണ വകുപ്പിന് കീഴില്‍ ചീമേനിയില്‍ നല്ല രീതിയില്‍ പ്രവര്‍ത്തിക്കുന്ന തൃക്കരിപ്പൂര്‍ സഹകരണ എഞ്ചിനിയറിംഗ് കോളേജില്‍ അടിസ്ഥാന സൗകര്യം മുന്‍നിർത്തി പുതിയ കെട്ടിടം നിര്‍മ്മിക്കാന്‍ നടപടികള്‍ ഉണ്ടാകുമോ; വ്യക്തമാക്കാമോ;

നിരവധി പൊതു പരീക്ഷകളും പ്രവേശന പരീക്ഷകളും നടത്തുന്ന ഈ കോളേജില്‍ സുശക്തമായ കമ്പ്യൂട്ടര്‍ ലാബ് സൗകര്യം ഏര്‍പ്പെടുത്തുവാന്‍ നടപടികള്‍ ഉണ്ടാകുമോ; വ്യക്തമാക്കാമോ?

വടക്കാഞ്ചേരിയില്‍ സഹകരണമേഖലയില്‍ നഴ്സിംഗ് കോളേജ് വിഭാവനം ചെയ്തുകൊണ്ട് CAPE-ന്റെ ഉടമസ്ഥതയിലുളള കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയാക്കാന്‍ സഹകരണ വകുപ്പ് പ്രൊഫഷണല്‍ എഡ്യൂക്കേഷന്‍ ഫണ്ടില്‍ നിന്നും 8 കോടി രൂപ അനുവദിച്ചതില്‍ 4 കോടി രൂപ CAPE -ന് കൈമാറിയിരുന്നെങ്കിലും കെട്ടിട നിർമ്മാണം നാളിതുവരെ ആരംഭിച്ചിട്ടില്ലാത്ത സാഹചര്യത്തിൽ ആയതിന് എന്തെങ്കിലും തടസ്സം നേരിടുന്നുണ്ടോ എന്ന് വ്യക്തമാക്കാമോ;

ഉണ്ടെങ്കില്‍ അത് പരിഹരിക്കുന്നതിന് എന്ത് നടപടിയാണ് സ്വീകരിക്കുന്നതെന്ന് വ്യക്തമാക്കാമോ;

തടസ്സങ്ങള്‍ പരിഹരിച്ച് പ്രസ്തുത കെട്ടിട നിര്‍മ്മാണ പ്രവൃത്തി ആരംഭിക്കാനുളള അടിയന്തര നടപടി സ്വീകരിക്കാമോ?

വിഴിഞ്ഞം അന്താരാഷ്ട്ര തുറമുഖം ട്രയൽറൺ ആരംഭിച്ച ശേഷം നടത്തിയിട്ടുള്ള വിവിധ പ്രവർത്തനങ്ങൾ വിലയിരുത്തിയിട്ടുണ്ടോ; വിശദാംശം നൽകുമോ;

2025 മാർച്ച് 31 വരെ എത്ര കണ്ടെയ്‍നറുകൾ കൈകാര്യം ചെയ്യുന്നതിനാണ് ലക്ഷ്യമിട്ടിരുന്നത്; ഇതിനകം ലക്ഷ്യം പൂർത്തീകരിച്ചിട്ടുണ്ടോ; വിശദീകരിക്കുമോ;

തുറമുഖത്തിന്റെ ഭാഗമായ റോഡ്-റെയിൽ കണക്ടിവിറ്റിയുമായി ബന്ധപ്പെട്ട നിർമ്മാണ പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വ്യക്തമാക്കുമോ?

വിഴിഞ്ഞം തുറമുഖം ട്രയൽ റൺ ആരംഭിച്ചശേഷം ഇവിടെയെത്തിയ കപ്പലുകളുടെ എണ്ണവും കൈകാര്യം ചെയ്ത കണ്ടെയ്‍നറുകളുടെ എണ്ണവും വിശദമാക്കാമോ;

വിഴിഞ്ഞം തുറമുഖം ട്രയൽറൺ പൂർത്തിയാക്കി എപ്പോൾ കമ്മീഷൻ ചെയ്യാനാണ് ഉദ്ദേശിക്കുന്നത് എന്ന് വിശദമാക്കാമോ;

വിഴിഞ്ഞം തുറമുഖത്തിന്റെ വികസനത്തിനനുസൃതമായി നടപ്പിലാക്കാനുദ്ദേശിക്കുന്ന അനുബന്ധ സൗകര്യങ്ങൾ വിശദമാക്കാമോ?

വിഴിഞ്ഞം അന്താരാഷ്ട്ര തുറമുഖത്തിന്റെ പൂര്‍ത്തീകരിച്ച പ്രവൃത്തികളും ഇനി അവശേഷിക്കുന്ന പ്രവൃത്തികളും എന്തൊക്കെയാണ്; വിശദമാക്കാമോ;

തുറമുഖം പ്രവര്‍ത്തനസജ്ജമാകുന്നതോടുകൂടി സംസ്ഥാനത്തിന്റെ സമ്പദ്‍ വ്യസ്ഥയിലുണ്ടാകുമെന്ന് പ്രതീക്ഷിക്കുന്ന മാറ്റങ്ങള്‍ എന്തൊക്കെയാണ്; വിശദമാക്കാമോ;

നാളിതുവരെ എത്ര കപ്പലുകള്‍ വിഴിഞ്ഞം അന്താരാഷ്ട്ര തുറമുഖത്ത് വന്നിട്ടുണ്ട്; ഇതിലൂടെ സംസ്ഥാന സര്‍ക്കാരിന് നികുതി ഇനത്തില്‍ എത്ര രൂപ സമാഹരിക്കാന്‍ സാധിച്ചിട്ടുണ്ട്; വിശദമാക്കാമോ;

വിഴിഞ്ഞം അന്താരാഷ്ട്ര തുറമുഖത്തിന് അനുബന്ധമായി എന്തൊക്കെ വികസന പദ്ധതികളാണ് പ്രദേശത്ത് ഒരുക്കുവാന്‍ ഉദേശിക്കുന്നത്;

മത്സ്യത്തൊഴിലാളികൾ ഉൾപ്പെടെയുള്ള പ്രാദേശിക ജനവിഭാഗങ്ങൾക്കുകൂടി പ്രയോജനം ലഭ്യമാകുന്ന തരത്തിലുള്ള പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ?

കേരളത്തിന്റെ സ്വപ്ന പദ്ധതിയായ വിഴിഞ്ഞം അന്തര്‍ദേശീയ തുറമുഖം നല്‍കുന്ന സാദ്ധ്യതകള്‍ എന്തൊക്കെയാണെന്ന് വ്യക്തമാക്കുമോ;

പ്രസ്തുത തുറമുഖം യാഥാർഥ്യമാകുമ്പോൾ തദ്ദേശീയര്‍ക്ക് ജോലികളിൽ പരമാവധി പ്രാതിനിധ്യം നല്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ;

ഈ പ്രദേശത്തെ ജനങ്ങളുടെ പരാതികള്‍ പരിഹരിക്കാന്‍ പ്രത്യേക സംവിധാനം ഏര്‍പ്പെടുത്തുമോ; എങ്കില്‍ വിശദാ‍ംശം ലഭ്യമാക്കുമോ?

2024-25 സാമ്പത്തിക വർഷത്തിൽ അഴിക്കൽ പോർട്ടിൽ ആരംഭിച്ചിട്ടുള്ള വികസന പ്രവർത്തനങ്ങൾ എന്തൊക്കെയാണെന്ന് അറിയിക്കാമോ;

ഓരോ പ്രവൃത്തിയുടേയും നിലവിലെ സ്ഥിതി അറിയിക്കാമോ;

കപ്പൽ ചാനലിന്റെ ആഴം അഴിമുഖം വരെ 4 മീറ്റർ സ്ഥിരമായി നിലനിർത്തുന്ന പ്രവൃത്തിയുടെ സ്ഥിതി അറിയിക്കാമോ?

അഴീക്കൽ പോർട്ടിൽ നടപ്പിലാക്കാൻ ഉദ്ദേശിക്കുന്ന എമിഗ്രേഷൻ ചെക്ക് പോസ്റ്റിലെ അടിസ്ഥാന സൗകര്യങ്ങൾ ഒരുക്കുന്ന പ്രവൃത്തിയുടെ പുരോഗതി അറിയിക്കാമോ; പ്രവൃത്തി ആരംഭിച്ചിട്ടുണ്ടോ; നിലവിലെ സ്ഥിതി അറിയിക്കാമോ?

വിഴിഞ്ഞം തുറമുഖത്ത് നിന്നും കേരളത്തിലെ മറ്റ് തുറമുഖങ്ങളിലേക്ക് ചരക്ക് ഗതാഗതം നടത്തുന്നതിന് മാരിടൈം ബോര്‍ഡ് എന്തെല്ലാം നിര്‍ദേശങ്ങള്‍ നല്‍കിയിട്ടുണ്ടെന്ന് വിശദമാക്കാമോ;

മാരിടെെം ബോര്‍ഡിന്റെ നിര്‍ദേശാനുസരണം ബേപ്പൂര്‍, അഴീക്കല്‍ എന്നിവിടങ്ങളിലേക്ക് ചരക്ക് ഗതാഗതം നടത്തുന്നതിന് എന്തെല്ലാം മുന്നൊരുക്കങ്ങള്‍ നടത്തിവരുന്നുണ്ടെന്ന് വിശദമാക്കാമോ;

ഇതനുസരിച്ച് എപ്പോള്‍ മുതല്‍ ചരക്ക് ഗതാഗതം ആരംഭിക്കാന്‍ കഴിയും എന്ന് വിശദമാക്കാമോ?

കോഴിക്കോട് ബീച്ചില്‍ സഞ്ചാരികള്‍ക്കായി ഒരു ടേക്ക് എ ബ്രേക്ക് സ്ഥാപിക്കുന്നതിലേക്കായി തുറമുഖ വകുപ്പിന്റെ സ്ഥലം ലഭ്യമാക്കുന്നതിന് അപേക്ഷ ലഭിച്ചിട്ടുണ്ടോ;

ഉണ്ടെങ്കില്‍ ആയതില്‍ സ്വീകരിച്ച നടപടികള്‍ വിശദമാക്കാമോ;

പ്രസ്തുത പ്രവൃത്തിയുടെ നിര്‍മ്മാണ ചുമതലയും പരിപാലനവും നടത്തിപ്പും മാരി ടൈംബോര്‍ഡ് നിര്‍വ്വഹിക്കുന്നതിന് സന്നദ്ധമാകുമോ ?

ഇൻലാൻഡ് വെസ്സൽ റൂൾ 2021 പ്രകാരം പരിശീലനം പൂർത്തീകരിച്ചവർക്ക് പുതിയ ലൈസൻസ് നൽകി തുടങ്ങിയോ എന്ന് വിശദമാക്കാമോ;

പരിശീലനം പൂർത്തീകരിച്ചിട്ടും ലൈസൻസ് നൽകിയിട്ടില്ലെങ്കില്‍ അതിന്റെ കാരണം വ്യക്തമാക്കാമോ?

ചാലക്കുടി മണ്ഡലത്തിലെ ചിറങ്ങരയില്‍ ശബരിമല ഇടത്താവളം നിര്‍മ്മിക്കുന്നതിനുള്ള നടപടികൾ നിലവില്‍ ഏതു ഘട്ടത്തിലാണെന്ന് വിശദമാക്കുമോ;

പ്രസ്തുത പ്രവൃത്തി എത്ര ശതമാനം പൂര്‍ത്തീകരിച്ചുവെന്നും എന്നത്തേക്ക് പൂര്‍ത്തീകരിക്കുവാന്‍ കഴിയുമെന്നും വ്യക്തമാക്കുമോ?

തിരുവിതാംകൂർ ദേവസ്വം ബോർഡ് എയ്ഡഡ് സ്കൂളിലേക്കുള്ള ആര്‍.ഒ.സി. നം. 628/17/ഇ.ഡി.എൻ. തീയതി: 02/03/17 വിജ്ഞാപന പ്രകാരം യു.പി.എസ്.എ. തസ്തികയിലേക്ക് നടത്തിയ പരീക്ഷയിൽ വിജയിച്ച് ഇന്റർവ്യൂവിന് അർഹരായവരുടെ ഷോർട്ട് ലിസ്റ്റ് ലഭ്യമാക്കാമോ;

പ്രസ്തുത തസ്തികയിലേക്ക് വിജ്ഞാപനത്തിൽ സൂചിപ്പിക്കാതിരുന്ന കെ-ടെറ്റ് യോഗ്യതയുടെ പേരിൽ ആർക്കെങ്കിലും റിജക്ഷൻ മെമ്മോ നൽകിയിട്ടുണ്ടോ; ഉണ്ടെങ്കിൽ വിശദവിവരം ലഭ്യമാക്കാമോ;

പ്രസ്തുത തസ്തികയിൽ എത്ര ഒഴിവുകൾ ഉണ്ട് എന്നറിയിക്കാമോ;

പ്രസ്തുത തസ്തികയുടെ നിയമന നടപടിക്രമം ഇപ്പോൾ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത ലിസ്റ്റുമായി ബന്ധപ്പെട്ട് ഹൈക്കോടതിയിൽ ഏതെങ്കിലും കേസുകൾ നിലവിൽ ഉണ്ടോ; ഉണ്ടെങ്കിൽ കേസിന്റെ നമ്പർ ലഭ്യമാക്കാമോ?

തിരുവിതാംകൂര്‍ ദേവസ്വം ബോര്‍ഡിന് കീഴിലുള്ള മാവേലിക്കര ശ്രീകൃഷ്ണ സ്വാമി ക്ഷേത്രത്തിന്റെ നവീകരണ പ്രവര്‍ത്തനങ്ങള്‍ക്കാവശ്യമായ എസ്റ്റിമേറ്റ് തയ്യാറാക്കി തുക അനുവദിക്കുന്നത് പരിഗണിക്കുമോയെന്ന് വ്യക്തമാക്കാമോ?

ദേശിയപാത 66-ന്റെ നിർമ്മാണവുമായി ബന്ധപ്പെട്ട് തിരുവിതാംകൂർ ദേവസ്വം ബോർഡിന്റെ കീഴിൽവരുന്ന ക്ഷേത്രങ്ങളുടെ ഭൂമി എടുത്തിട്ടുള്ളത് ശ്രദ്ധയിൽപ്പെട്ടിട്ടുണ്ടോ; എങ്കില്‍ എത്ര ക്ഷേത്രഭൂമികൾ ഇപ്രകാരം ദേശിയപാത വികസനത്തിനായി ഏറ്റെടുത്തിട്ടുണ്ടെന്ന് വ്യക്തമാക്കാമോ;

ഇപ്രകാരം ഏറ്റെടുക്കപ്പെട്ട ക്ഷേത്രഭൂമിയുടെ വില ലഭ്യമായിട്ടുണ്ടോ; പല ക്ഷേത്രഭൂമികളുടെയും ആധാരം ലഭ്യമല്ലാത്ത സാഹചര്യംമൂലം ഏറ്റെടുക്കപ്പെട്ട ക്ഷേത്ര ഭൂമിയുടെ വില ലഭ്യമായിട്ടില്ലയെന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് പരിഹരിക്കാൻ എന്ത് നടപടി സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ;

ദേശീയപാത വികസനത്തിന് ഭൂമി വിട്ടുനൽകിയതിന് ലഭിച്ച തുക അതാത് ക്ഷേത്രങ്ങളുടെ വികസനത്തിനും നവീകരണത്തിനും തന്നെ ചെലവഴിക്കാൻ നടപടി സ്വീകരിക്കുമോ?

മണലൂര്‍ മണ്ഡലത്തില്‍ മലബാര്‍ ദേവസ്വം ബോര്‍ഡിന് കീഴിലുള്ള ഓഫീസുകളിലെയും ക്ഷേത്രങ്ങളിലെയും വിവിധ തസ്തികകളിൽ നിലവിലുള്ള ഒഴിവുകളുടെ വിവരം സ്ഥാപനങ്ങള്‍, തസ്തികകൾ തിരിച്ച് ലഭ്യമാക്കുമോ;

പ്രസ്തുത ഒഴിവുകള്‍ നികത്തുന്നതിന് സ്വീകരിച്ച നടപടി വിശദമാക്കാമോ?

മലബാര്‍ ദേവസ്വം ബോര്‍ഡ് വഴി ആചാരസ്ഥാനികള്‍ക്കും കോലധാരികള്‍ക്കും പ്രതിമാസം നല്‍കിവരുന്ന സാമ്പത്തിക സഹായം എത്ര കുടിശികയായിട്ടുണ്ടെന്നും പ്രസ്തുത തുക എപ്പോൾ വിതരണം ചെയ്യാനാകുമെന്നും അറിയിക്കാമോ;

പ്രസ്തുത വിഭാഗത്തിൽപ്പെട്ടവർക്ക് സാമ്പത്തിക സഹായം അനുവദിക്കുന്നതിനായി പുതിയ അപേക്ഷകൾ സ്വീകരിക്കുന്നതിന് നടപടി ആരംഭിച്ചിട്ടുണ്ടോ; വ്യക്തമാക്കാമോ?

കണ്ണൂര്‍ ജില്ലയില്‍ മലബാര്‍ ദേവസ്വം ബോര്‍ഡിന് കീഴില്‍ പ്രവര്‍ത്തിക്കുന്ന ക്ഷേത്രകലാ അക്കാദമിക്ക് മാടായി തിരുവര്‍ക്കാട്ട് കാവ് ദേവസ്വത്തിന്റെ ഉടമസ്ഥതയിലുളള സ്ഥലം വിട്ടു നല്‍കുന്നതിനും അവിടെ ആസ്ഥാന മന്ദിരം നിര്‍മ്മിക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ?

മലബാര്‍ ദേവസ്വം ബോര്‍ഡിന്റെ കീഴില്‍ പ്രവര്‍ത്തിക്കുന്ന ബാലുശ്ശേരി കോട്ട വേട്ടേയ്ക്കൊരു മകന്‍ ക്ഷേത്രത്തിന്റെ നവീകരണത്തിന് നിലവില്‍ ഫണ്ട് അനുവദിച്ചിട്ടുണ്ടോ; വിശദമാക്കാമോ;

പ്രസ്തുത ക്ഷേത്രം നവീകരിക്കുന്നതിനായി ദേവസ്വം ബോര്‍ഡ് പ്രൊപ്പോസല്‍ തയ്യാറാക്കിയിട്ടുണ്ടോ; വിശദമാക്കാമോ?

ദേവസ്വം ബോര്‍ഡിന് 2021 മുതല്‍ എത്ര കോടി രൂപ സര്‍ക്കാര്‍ അനുവദിച്ചിട്ടുണ്ട്; വ്യക്തമാക്കാമോ?

തിരുവിതാംകൂർ ദേവസ്വം ബോർഡിനുള്ള ബജറ്റ് വിഹിതം 10 കോടി ആക്കുമെന്ന് പ്രഖ്യാപിച്ചിട്ടുണ്ടോ; പ്രസ്തുത പ്രഖ്യാപനം നടപ്പാക്കിയിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത ദേവസ്വം ബോർഡിന് നിലവിൽ ബജറ്റ് വിഹിതമായി എത്ര തുകയാണ് അനുവദിക്കുന്നതെന്നും ഈ ഇനത്തിൽ എത്ര സാമ്പത്തിക വർഷത്തെ തുക നൽകാനുണ്ടെന്നും വിശദമാക്കാമോ;

തിരുവിതാംകൂർ ദേവസ്വം ബോർഡിന് നൽകാനുള്ള ബജറ്റ് വിഹിതം അനുവദിക്കുന്നതിനു അടിയന്തര നടപടി സ്വീകരിക്കുമോ?