റേഷന്‍ വ്യാപാരി ക്ഷേമനിധി മെച്ചപ്പെടുത്തുന്നതിന് സര്‍ക്കാര്‍ സ്വീകരിച്ചു വരുന്ന നടപടികള്‍ എന്തെല്ലാമെന്ന് അറിയിക്കാമോ; വിശദമാക്കാമോ?

ഭക്ഷ്യവകുപ്പിന്റെ കീഴിൽ പ്രവർത്തിക്കുന്ന കൗൺസില്‍ ഫോര്‍ ഫുഡ് റിസര്‍ച്ച് ആൻഡ് ഡെവലപ്പ്മെന്റില്‍ ചട്ടപ്രകാരം എത്ര കാലയളവിനിടയിലാണ് എക്സിക്യൂട്ടീവ് കമ്മിറ്റി കൂടേണ്ടത് എന്ന് വ്യക്തമാക്കാമോ; ഈ സർക്കാർ അധികാരത്തിൽ വന്നതിനുശേഷം എക്സിക്യൂട്ടീവ് കമ്മിറ്റി എത്ര പ്രാവശ്യം കൂടിയിട്ടുണ്ട് എന്ന് വ്യക്തമാക്കാമോ;

നിയമപ്രകാരം എക്സിക്യൂട്ടീവ് കമ്മിറ്റി കൂടിയിട്ടില്ലായെങ്കിൽ അതിന്റെ കാരണം വിശദമാക്കുമോ; അടുത്ത എക്സിക്യൂട്ടീവ് കമ്മിറ്റി കൂടാൻ സാധിക്കുന്നത് എന്നാണ് എന്ന് വ്യക്തമാക്കാമോ;

എക്സിക്യൂട്ടീവ് കമ്മിറ്റി യഥാസമയം കൂടാത്തത് പ്രസ്തുത കൗൺസിലിന്റെ പ്രവർത്തനങ്ങളെ പ്രതികൂലമായി ബാധിച്ചത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

കൗൺസില്‍ ഫോര്‍ ഫുഡ് റിസര്‍ച്ച് ആൻഡ് ഡെവലപ്പ്മെന്റിന്റെ കീഴിൽ ഇലഞ്ഞിയിൽ വെജിറ്റബിൾസ് ആൻഡ് ഫ്രൂട്സ് ഡീഹൈഡ്രേഷൻ ആൻഡ് സ്റ്റോറേജ് തുടങ്ങിയത് എന്നാണെന്ന് വ്യക്തമാക്കാമോ; ഇതുവരെ എത്ര കോടി രൂപയാണ് പ്രസ്തുത സ്ഥാപനത്തിൽ ചെലവാക്കിയിട്ടുള്ളത് എന്ന് വിശദമാക്കാമോ;

പ്രസ്തുത സ്ഥാപനം എന്നത്തേക്ക് പ്രവർത്തനക്ഷമമാകും എന്നാണ് പ്രതീക്ഷിക്കുന്നത്; പ്രവർത്തനം ആരംഭിക്കുന്നതിന് കാലതാമസം വന്നതിന്റെ കാരണം വ്യക്തമാക്കുമോ?

സംസ്ഥാനത്ത്‌ നിത്യോപയോഗ സാധനങ്ങൾ വിലക്കുറവിൽ ലഭ്യമാക്കുന്നതിനായി സിവിൽ സപ്ലൈസ് വകുപ്പ് നടത്തിയിട്ടുള്ള ഇടപെടലുകൾ വിശദമാക്കാമോ?

കഴിഞ്ഞ ഓണക്കാലത്ത് സംസ്ഥാനത്തെ റേഷൻ വ്യാപാരികൾക്ക് വേതനവും ഉത്സവബത്തയും വിതരണം ചെയ്യുന്നതിൽ വീഴ്ച ഉണ്ടായിട്ടുണ്ടോ, വ്യക്തമാക്കുമോ;

2024 ആഗസ്റ്റ് മാസത്തിലെ വേതനവും ഓണത്തോടനുബന്ധിച്ചുള്ള ഉത്സവബത്തയും വിതരണം ചെയ്തത് എന്നാണെന്ന് അറിയിക്കാമോ; ഈയിനത്തിൽ ഇനി കുടിശ്ശികയുണ്ടോ; വിശദമാക്കുമോ;

വേതനവും ഉത്സവബത്തയും വിതരണം ചെയ്യാനുള്ള ഫണ്ടിനായി വകുപ്പ് എന്നാണ് ധനവകുപ്പിനോട് ആവശ്യപ്പെട്ടതെന്നും എന്നാണ് ഫണ്ട് അനുവദിച്ചതെന്നും അറിയിക്കാമോ;

നിലവിൽ വ്യാപാരികൾക്ക് കമ്മീഷൻ തുക നൽകുന്നതിൽ എത്ര രൂപയാണ് കുടിശ്ശികയായിട്ടുള്ളത്; ഇത് എന്നത്തേക്ക് നൽകാനാകുമെന്ന് അറിയിക്കുമോ?

സർക്കാർ നടപ്പിലാക്കിവരുന്ന സുഭിക്ഷ ഹോട്ടലുകളുടെ നടത്തിപ്പുകാർ നേരിടുന്ന പ്രയാസങ്ങൾ ശ്രദ്ധയിൽപ്പെട്ടിടുണ്ടോ; വിശദമാക്കുമോ;

സുഭിക്ഷ ഹോട്ടലുകളുടെ പ്രവർത്തനം കാര്യക്ഷമമാക്കുന്നതിന് സർക്കാർ എന്തൊക്കെ നടപടികളാണ് സ്വീകരിച്ചുവരുന്നതെന്ന് വ്യക്തമാക്കുമോ;

സുഭിക്ഷ ഹോട്ടലുകളുടെ നടത്തിപ്പുകാർക്ക് നൽകാനുള്ള കുടിശ്ശിക നൽകാൻ നടപടി സ്വീകരിക്കുമോ; വിശദമാക്കുമോ?

ഒപ്പം പദ്ധതി പ്രകാരം നാളിതുവരെ അതിദരിദ്ര വിഭാഗത്തില്‍പ്പെട്ട എത്ര കുടുംബങ്ങള്‍ക്ക് റേഷന്‍ ലഭ്യമാക്കിയെന്ന് വ്യക്തമാക്കാമോ;

മലപ്പുറം ജില്ലയില്‍ ശാസ്ത്രീയ ഗോഡൗണ്‍ നിര്‍മ്മാണത്തിന് സ്ഥലം കണ്ടെത്തിയിട്ടുണ്ടോ; ഉണ്ടെങ്കില്‍ എവിടെയെന്ന് വ്യക്തമാക്കാമോ;

ഏതെല്ലാം ജില്ലകളിലാണ് നിലവില്‍ സുജലം പദ്ധതി നടപ്പിലാക്കിയിട്ടുള്ളത്;

ഹോട്ടലുകള്‍ക്ക് ഗ്രേഡിംഗ് ഏര്‍പ്പെടുത്തുന്നതിനുള്ള നടപടികള്‍ ഏതു ഘട്ടത്തിലാണെന്ന് വ്യക്തമാക്കാമോ?

വിശപ്പുരഹിത പദ്ധതിയുടെ ഭാഗമായി സംസ്ഥാനത്ത് എത്ര സുഭിക്ഷ ഹോട്ടലുകള്‍ പുതുതായി അനുവദിച്ചിട്ടുണ്ടെന്ന് വ്യക്തമാക്കാമോ; ഈ പദ്ധതി കാര്യക്ഷമമാക്കാനും അനിയന്ത്രിത വിലക്കയറ്റം തടയാനും നടപടികള്‍ ഉണ്ടാകുമോ?

പട്ടാമ്പി നിയോജകമണ്ഡലത്തില്‍ എത്ര കെ-സ്റ്റോറുകള്‍ അനുവദിച്ചിട്ടുണ്ടെന്നും ഇനി എത്ര റേഷൻകടകൾ കെ- സ്റ്റോറുകളായി അനുവദിക്കുന്നതിന് ബാക്കിയുണ്ടെന്നും വ്യക്തമാക്കുമോ;

മണ്ഡലത്തിലെ എല്ലാ റേഷന്‍കടകളേയും കെ-സ്റ്റോറുകളാക്കി സമ്പൂര്‍ണ്ണ കെ-സ്റ്റോര്‍ മണ്ഡലം എന്ന് പ്രഖ്യാപിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

രണ്ട് ലക്ഷത്തി നാല്പതിനായിരത്തോളം റേഷൻ കാർഡുകൾ നിലവിലുള്ള തൃശ്ശൂർ താലൂക്ക് സപ്ലൈ ഓഫീസ് വിഭജിച്ച് സിറ്റി റേഷനിംഗ് ഓഫീസ് സ്ഥാപിക്കുന്നത് കാർഡ് ഉടമകൾക്ക് സമയബന്ധിതമായി സേവനം ലഭിക്കുന്നതിന് സഹായകരമാകുമെന്നതിനാൽ സിറ്റി റേഷനിംഗ് ഓഫീസ് സ്ഥാപിക്കുന്നതിന് അടിയന്തര നടപടി സ്വീകരിക്കാമോ; വിശദമാക്കാമോ?

ഈ സര്‍ക്കാരിന്റെ കാലത്ത് റേഷന്‍ കാര്‍ഡുകള്‍ മുന്‍ഗണനാപട്ടികയിലും എ.എ.വൈ. വിഭാഗത്തിലും ഉള്‍പ്പെടുത്തുന്നതിനായി ആലത്തൂര്‍ മണ്ഡലത്തില്‍ നിന്ന് എത്ര അപേക്ഷകള്‍ ലഭിച്ചുവെന്ന് വ്യക്തമാക്കാമോ;

ഇതില്‍ എത്ര അപേക്ഷകളില്‍ അനുകൂലതീരുമാനം എടുത്തുവെന്നും എത്ര അപേക്ഷകള്‍ നിരാകരിച്ചുവെന്നും പഞ്ചായത്ത് തിരിച്ച് എണ്ണം അറിയിക്കാമോ;

ഇനിയും തീരുമാനമെടുത്തിട്ടില്ലാത്ത അപേക്ഷകള്‍ തീര്‍പ്പാക്കുന്നതിന് നടപടി സ്വീകരിക്കുമോ; വിശദമാക്കാമോ?

മാരകരോഗങ്ങൾ ബാധിച്ചവർക്ക് മുൻഗണന റേഷൻകാർഡ് നൽകുന്നതിന് നിലവില്‍ കാലതാമസമുണ്ടാകുന്നത് ശ്രദ്ധയിൽപ്പെട്ടിട്ടുണ്ടോ ; ആയത്‌ ഒഴിവാക്കുന്നതിന് നടപടികൾ സ്വീകരിക്കുമോയെന്ന് വ്യക്തമാക്കാമോ ;

2024 മാർച്ച് മാസത്തിന് ശേഷം കൊല്ലം താലൂക്ക് സപ്ലൈ ഓഫീസ് പരിധിയിൽ എത്ര അപേക്ഷകർക്ക് എ എ വൈ ( Antyodaya Anna Yojana)കാർഡ് , മുൻഗണന കാർഡ് എന്നിവ അനുവദിച്ചിട്ടുണ്ടെന്ന് അറിയിക്കാമോ ;

നിലവിൽ കൊല്ലം താലൂക്ക് സപ്ലൈ ഓഫീസ് പരിധിയിൽ എ എ വൈ കാർഡിനും മുൻഗണന കാർഡിനുമായി അർഹരായ എത്ര പേരുടെ പട്ടിക തയാറാക്കിയിട്ടുണ്ടെന്നും അവർക്ക് എന്നത്തേക്ക് റേഷൻ കാർഡുകൾ നൽകാൻ കഴിയുമെന്നും വ്യക്തമാക്കാമോ ?

മുന്‍ഗണനാ റേഷന്‍ കാര്‍ഡിന് അര്‍ഹരായിരുന്നിട്ടും അവ ലഭിക്കാത്തവര്‍ക്ക് മുന്‍ഗണന കാര്‍ഡ് ലഭിക്കുന്നതിന് നടപടികള്‍ കൈക്കൊള്ളുമോ;

റേഷന്‍ കാര്‍ഡുകളില്‍ ബിപിഎല്‍ വിഭാഗത്തില്‍ ഉള്‍പ്പെടാന്‍ അര്‍ഹതയുള്ളവരെ ഉള്‍പ്പെടുത്താന്‍ അവസരമൊരുക്കുന്നുണ്ടോ; വിശദമാക്കുമോ?

2021 മെയ് മാസം മുതൽ റേഷൻ കാർഡുകൾ മുൻഗണനാ പട്ടികയിലും എ.എ.വൈ. വിഭാഗത്തിലും ഉൾപ്പെടുത്തുന്നതിനായി ഒറ്റപ്പാലം മണ്ഡലത്തിൽ നിന്ന് എത്ര അപേക്ഷകൾ ലഭിച്ചുവെന്ന് വ്യക്തമാക്കാമോ;

ഇതിൽ എത്ര അപേക്ഷകളിൽ അനുകൂല തീരുമാനമെടുത്തുവെന്നും എത്ര അപേക്ഷകൾ നിരസിച്ചുവെന്നും പഞ്ചായത്ത് /മുനിസിപ്പാലിറ്റി തിരിച്ച് എണ്ണം അറിയിക്കാമോ;

ഇനിയും തീരുമാനമെടുത്തിട്ടില്ലാത്ത അപേക്ഷകൾ തീർപ്പാക്കാൻ അടിയന്തരമായി നടപടി സ്വീകരിക്കുമോയെന്ന് വിശദമാക്കാമോ?

സംസ്ഥാനത്തെ റേഷന്‍ കടകളെ കെ-സ്റ്റോറുകളാക്കി മാറ്റുന്ന പദ്ധതി നിലവില്‍ ഏത് ഘട്ടത്തിലാണ്; വിശദമാക്കാമോ;

സംസ്ഥാനത്ത് പുതുതായി മാവേലി സ്റ്റോറുകളോ മാവേലി സൂപ്പര്‍മാര്‍ക്കറ്റുകളോ അനുവദിക്കുന്നത് പരിഗണനയിലുണ്ടോ; വിശദമാക്കാമോ?

സംസ്ഥാനത്ത്‌ ഗോഡൗണുകളില്‍ നിന്നും ലോറികളിൽ റേഷന്‍ സാധനങ്ങള്‍ റേഷന്‍ കടകളില്‍ എത്തിക്കുന്നതില്‍ കരാറുകാര്‍ വീഴ്ച വരുത്തുന്നതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

സിവില്‍ സപ്ലെസ് വകുപ്പ് ഗോഡൗണുകളില്‍ നിന്നും ചരക്കുകള്‍ യഥാസമയം റേഷന്‍ കടകളില്‍ എത്തിക്കുന്നു എന്ന് ഉറപ്പുവരുത്തുന്നതിന് നടപടി സ്വീകരിക്കുമോ;

ഇതു സംബന്ധിച്ചുള്ള പ്രശ്നങ്ങള്‍ പരിഹരിക്കുന്നതിന് ആവശ്യമായ നടപടി സ്വീകരിക്കുമോ?

കുട്ടനാട്ടില്‍ അടഞ്ഞു കിടക്കുന്ന റേഷന്‍ കടകള്‍ തുറക്കാന്‍ സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

റേഷന്‍ കടകള്‍ വഴി കൂടുതല്‍ ഭക്ഷ്യോല്‍പ്പന്നങ്ങള്‍ വിതരണം ചെയ്യുന്നതിന് നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

കുന്ദമംഗലം മണ്ഡലത്തിലെ മാവൂര്‍ ഗ്രാമപഞ്ചായത്തില്‍ കുതിരാടത്ത് ഒരു പുതിയ റേഷന്‍ കട ആരംഭിക്കുന്നത് സംബന്ധിച്ച് അപേക്ഷ ലഭിച്ചിട്ടുണ്ടോ; എങ്കില്‍ ഇക്കാര്യത്തില്‍ സ്വീകരിച്ചു വരുന്ന നടപടികള്‍ വിശദമാക്കാമോ;

റേഷന്‍ കട അനുവദിച്ചുകൊണ്ടുള്ള ഉത്തരവ് എപ്പോള്‍ പുറപ്പെടുവിക്കുമെന്ന് വ്യക്തമാക്കാമോ?

പൂഞ്ഞാർ നിയോജകമണ്ഡലത്തിലെ തീക്കോയി പഞ്ചായത്തിലെ 11-ാം വാർഡിൽ വെട്ടിപറമ്പ് എന്ന പ്രദേശത്ത് പുതിയതായി റേഷൻകട അനുവദിക്കുന്നതിന് സമർപ്പിച്ച അപേക്ഷയിന്മേൽ സ്വീകരിച്ച നടപടികളുടെ വിശദാംശം വ്യക്തമാക്കുമോ;

പ്രസ്തുത പ്രദേശത്തെ ജനങ്ങളുടെ ആവശ്യപ്രകാരം റേഷൻ കട വെട്ടിപറമ്പിൽ ആരംഭിക്കുന്നതിനാവശ്യമായ നടപടികൾ സ്വീകരിക്കുമോയെന്ന് വ്യക്തമാക്കുമോ?

കേരള ടാര്‍ജറ്റഡ് പബ്ലിക് ഡിസ്ട്രിബ്യൂഷന്‍ സിസ്റ്റത്തിലെ (കെ.റ്റി.പി.ഡി.എസ്.) അപാകതകള്‍ പരിഹരിക്കുന്നതിനുള്ള ശിപാര്‍ശകള്‍ സമര്‍പ്പിക്കാന്‍ നിയോഗിച്ച മൂന്നംഗ കമ്മീഷന്‍ റിപ്പോര്‍ട്ട് നടപ്പിലാക്കാനുള്ള നടപടികളുടെ നിലവിലെ അവസ്ഥ അറിയിക്കാമോ?

സംസ്ഥാനത്ത് പൊതുവിതരണ സംവിധാനം ശക്തിപ്പെടുത്താന്‍ സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

വിലക്കയറ്റം തടഞ്ഞു നിർത്തുന്നതിന് എന്തെല്ലാം പുതിയ നടപടികള്‍ സ്വീകരിക്കുമെന്ന് വ്യക്തമാക്കുമോ?

ഓണക്കാലത്ത് ഭക്ഷ്യവസ്തുക്കളുടെ വിലക്കയറ്റം തടയുവാന്‍ എന്തെല്ലാം നടപടികളാണ് ഭക്ഷ്യ പൊതുവിതരണ വകുപ്പ് സ്വീകരിച്ചിട്ടുള്ളതെന്ന് വിശദമാക്കുമോ?

സപ്ലൈകോയുടെ വിറ്റുവരവ് ഇപ്പോള്‍ മുന്‍ വര്‍ഷത്തെ അപേക്ഷിച്ച് എത്രയെന്ന് വ്യക്തമാക്കാമോ; സപ്ലൈകോയ്ക്ക് സാധനങ്ങള്‍ ലഭ്യമാക്കാന്‍ സര്‍ക്കാര്‍ എന്തെല്ലാം നടപടികളാണ് സ്വീകരിച്ചുവരുന്നത് എന്ന് വ്യക്തമാക്കാമോ;

ഈ സര്‍ക്കാര്‍ എത്ര കോടി രൂപയാണ് സപ്ലൈകോയ്ക്ക് നല്‍കുവാനുള്ളത്; സാധനങ്ങള്‍ എത്തിച്ച വകയില്‍ കരാറുകാര്‍ക്ക് എത്രമാസത്തെ കുടിശ്ശികയുണ്ട്; വ്യക്തമാക്കാമോ;

സപ്ലൈകോയിലെ പാക്കിംഗ്, ഡെയിലി വേജ് തൊഴിലാളികളുടെ കൂലി കൃത്യമായി വിതരണം ചെയ്തിട്ടുണ്ടോ; എത്രമാസത്തെ കൂലി കുടിശ്ശിക ഉണ്ട്; കുടിശ്ശിക ഉണ്ടെങ്കിൽ എന്നേക്ക് വിതരണം ചെയ്യും; വിശദമാക്കാമോ;

സപ്ലൈക്കോ എംപ്ലോയീസ് വെല്‍ഫയര്‍ സൊസൈറ്റി നിലവിലുണ്ടോ; മുന്‍കാല ജീവനക്കാരില്‍ നിന്നും ഈടാക്കിയ തുക അവരിൽ പിരിഞ്ഞ് പോകുകയോ രാജിവച്ച് പോകുകയോ ചെയ്തവർക്ക് വിതരണം ചെയ്തിട്ടുണ്ടോ; ഇങ്ങനെ 2004 മുതല്‍ പിരിഞ്ഞ് പോയവര്‍ക്ക് അവര്‍ അടച്ച തുക നല്‍കാത്തതിന് കാരണം വ്യക്തമാക്കാമോ; ഇത്തരത്തില്‍ എത്ര തുക വിതരണം ചെയ്യാനുണ്ട് എന്ന് വ്യക്തമാക്കാമോ; ഇവരുടെ അടച്ച തുക വിതരണം ചെയ്യാന്‍ എന്ത് നടപടി സ്വീകരിക്കും എന്ന് വ്യക്തമാക്കാമോ?

സര്‍ക്കാര്‍ ജീവനക്കാരുടെ പൊതുസ്ഥലം മാറ്റം ഓണ്‍ലൈന്‍ മുഖാന്തിരമാക്കിക്കൊണ്ട് 2017-ല്‍ സര്‍ക്കാര്‍ പുറപ്പെടുവിച്ച ഉത്തരവ് ഭക്ഷ്യപൊതുവിതരണ വകുപ്പില്‍ നടപ്പാക്കിയിട്ടുണ്ടോ; വിശദമാക്കാമോ;

ഇല്ലെങ്കില്‍ എന്നുമുതല്‍ നടപ്പാക്കാനാകുമെന്ന് വ്യക്തമാക്കാമോ;

ഓണ്‍ലൈന്‍ സ്ഥലംമാറ്റവുമായി ബന്ധപ്പെട്ട് വകുപ്പുതലത്തില്‍ ഇതിനോടകം പുറപ്പെടുവിച്ചിട്ടുള്ള ഉത്തരവുകളുടെയും മാര്‍ഗ്ഗനിര്‍ദ്ദേശങ്ങളുടെയും പകര്‍പ്പുകള്‍ ലഭ്യമാക്കാമോ;

സപ്ലൈകോയില്‍ ജോലിചെയ്യുന്ന സ്ഥിര ജീവനക്കാർക്കും അന്യത്ര സേവന വ്യവസ്ഥയിൽ ജോലിചെയ്യുന്ന ജീവനക്കാർക്കും ഓണ്‍ലൈന്‍ ട്രാന്‍സ്ഫര്‍ നടപ്പാക്കാന്‍ നടപടികള്‍ സ്വീകരിച്ചിട്ടുണ്ടോ; എങ്കിൽ വിശദമാക്കാമോ?

ഭക്ഷ്യസുരക്ഷാ വകുപ്പ് ജീവനക്കാരുടെ കുറവ് മൂലം പരിശോധനകൾ യഥാസമയങ്ങളിൽ നടത്തുവാൻ സാധിക്കാത്തത് ശ്രദ്ധയിൽപ്പെട്ടിട്ടുണ്ടോ; എങ്കിൽ കൂടുതൽ ജീവനക്കാരെ നിയമിക്കുവാൻ നടപടി സ്വീകരിക്കുമോ;

ഭക്ഷ്യസുരക്ഷാ വകുപ്പിന്റെ കീഴിൽ സംസ്ഥാനത്ത് എവിടെയെല്ലാമാണ് പരിശോധന ലാബുകൾ ഉള്ളതെന്ന് വിശദമാക്കുമോ;

പാലക്കാട് ജില്ലയിൽ പരിശോധന ലാബുകൾ നിലവിലുണ്ടോ; ഇല്ലെങ്കിൽ അവ സ്ഥാപിക്കുവാൻ നടപടി സ്വീകരിക്കുമോ; വ്യക്തമാക്കാമോ?

റേഷൻ വ്യാപാരിയുടെ വേതനപാക്കേജ് പുതുക്കുന്നതുമായി ബന്ധപ്പെട്ട് നിയമിച്ച മൂന്നംഗ കമ്മീഷൻ റിപ്പോർട്ട് വ്യാപാരികളുമായി ചർച്ച ചെയ്ത് വൈകാതെ നടപ്പിലാക്കാൻ സ്വീകരിച്ചിട്ടുള്ള നടപടികൾ എന്തെല്ലാമെന്ന് അറിയിക്കാമോ?

പാലക്കാട് ജില്ലയിലെ നെല്ലുസംഭരണം കര്‍ഷകര്‍ക്ക് ഗുണകരമായ രീതിയില്‍ നടത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ;

സമയബന്ധിതമായി നെല്ല് എടുക്കുന്നതിനും കര്‍ഷകര്‍ക്ക് നെല്ലിന്റെ വില നല്‍കുന്നതിനും നിലവില്‍ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ?

സര്‍ക്കാര്‍ താങ്ങുവില നല്‍കി ഏറ്റെടുക്കുന്ന നെല്ലിന്റെ ഉടമകളായ നെല്‍കര്‍ഷകര്‍ക്ക് ഇവയുടെ പണം യഥാസമയം ലഭിക്കുന്നില്ലെന്നത് ശ്രദ്ധയില്‍പ്പെട്ടിട്ടുണ്ടോ;

സംഭരണ നെല്ലിന്റെ വില നല്‍കുന്നതിന് സര്‍ക്കാര്‍ രൂപീകരിച്ച ബാങ്ക് കണ്‍സോര്‍ഷ്യത്തില്‍ ഏതൊക്കെ ബാങ്കുകളെയാണ് ഉള്‍പ്പെടുത്തിയിട്ടുളളത്;

നെല്ലിന് താങ്ങുവില നല്‍കുന്നതുമായി ബന്ധപ്പെട്ട് കേന്ദ്രസര്‍ക്കാര്‍ എത്ര രൂപയാണ് സംസ്ഥാനത്തിന് നല്കാനുള്ളതെന്നു വര്‍ഷം തിരിച്ച് വിവരം ലഭ്യമാക്കാമോ;

സംഭരണവിലയായി കേന്ദ്രസര്‍ക്കാര്‍ നിശ്ചയിച്ചിട്ടുളളത് എത്ര രൂപയാണെന്നും സംസ്ഥാനം നല്‍കി വരുന്നത് എത്ര രൂപയാണെന്നും കേന്ദ്രവിലയേക്കാള്‍ അധികതുക സംസ്ഥാനം എന്നു മുതലാണ് നല്‍കുന്നതെന്നുമുള്ള വിശദാംശങ്ങള്‍ ലഭ്യമാക്കാമോ?

ഓണക്കാലത്ത് ന്യായവിലയ്ക്ക് സാധനങ്ങള്‍ ലഭ്യമാക്കുന്നതിനായി എത്ര കേന്ദ്രങ്ങളിലാണ് സപ്ലൈകോ ഓണച്ചന്തകള്‍ ആരംഭിച്ചതെന്ന് വ്യക്തമാക്കാമോ?

പയ്യന്നൂര്‍ മണ്ഡലത്തിലെ പുല്ലുപാറയില്‍ ഭക്ഷ്യപൊതുവിതരണ വകുപ്പിന് കീഴില്‍ ഗോ‍ഡൗണ്‍ നിര്‍മ്മാണം എന്ന പദ്ധതിയുടെ നിലവിലെ അവസ്ഥ എന്താണെന്ന് അറിയിക്കാമോ;

ഭക്ഷ്യ-പൊതുവിതരണ വകുപ്പ് മന്ത്രി നിര്‍മ്മാണോദ്ഘാടനം നടത്തിയ പദ്ധതിയുടെ തുടര്‍നടപടികള്‍ മുന്നോട്ട് പോകാത്തത് ശ്രദ്ധയില്‍പ്പെട്ടിട്ടുണ്ടോ; അറിയിക്കാമോ;

പ്രസ്തുത പദ്ധതി അടിയന്തരമായി ആരംഭിക്കാന്‍ ആവശ്യമായ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

ചങ്ങനാശ്ശേരി നഗരസഭയില്‍ റവന്യു ടവറിന് സമീപം ഹൗസിംഗ് ബോര്‍ഡിന്റെ അധീനതയിലുള്ള ഭൂമിയില്‍ സിവില്‍ സപ്ലൈസിന്റെ ഗോഡൗണ്‍ നിര്‍മ്മിക്കുന്നതുമായി ബന്ധപ്പെട്ട് ബഹു. മന്ത്രിയുടെ അധ്യക്ഷതയിൽ 09.02.2023-ന് ചേര്‍ന്ന യോഗതീരുമാന പ്രകാരം എന്തെല്ലാം തുടര്‍ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത ഗോഡൗണ്‍ ലീസ് ഔട്ട് വ്യവസ്ഥയില്‍ നിര്‍മ്മിക്കുന്നത് പരിശോധിക്കാന്‍ പൊതു വിതരണ കമ്മിഷണര്‍ക്ക് നിര്‍ദ്ദേശം നല്‍കിയിട്ടുണ്ടോ; എങ്കിൽ പ്രസ്തുത നിര്‍ദ്ദേശ പ്രകാരം നാളിതുവരെയായി എന്തെല്ലാം തുടര്‍ നടപടികളാണ് സ്വീകരിച്ചിട്ടുള്ളത്; വിശദവിവരം നൽകാമോ?