ദാരിദ്ര്യരേഖയ്ക്ക് താഴെയുള്ള കുടുംബങ്ങൾക്ക് സൗജന്യ കുടിവെള്ള വിതരണം നടത്തുന്ന പദ്ധതി തുടരണമെങ്കിൽ അടിയന്തര സഹായം ആവശ്യമാണെന്ന് ജല അതോറിറ്റി സർക്കാരിനോട് ആവശ്യപ്പെട്ടിട്ടുണ്ടോ; വിശദാംശം ലഭ്യമാക്കുമോ;

ജൽ ജീവൻ മിഷൻ പ്രകാരം നിലവിൽ എത്ര കുടുംബങ്ങൾക്കാണ് ഇപ്രകാരം സൗജന്യ കുടിവെള്ളം നൽകുന്നത്; സൗജന്യ കുടിവെള്ള പദ്ധതിയിൽനിന്നും പിന്മാറേണ്ടി വരുന്ന സാഹചര്യം എന്താണെന്ന് വ്യക്തമാക്കുമോ;

ദാരിദ്ര്യരേഖയ്ക്ക് താഴെയുള്ള കുടുംബങ്ങൾക്ക് സൗജന്യ കുടിവെള്ള വിതരണം നടത്തുന്ന പദ്ധതി തുടരുന്നതിന് ആവശ്യമായ നടപടികൾ അടിയന്തരമായി സ്വീകരിക്കുമോ; വിശദാംശം ലഭ്യമാക്കുമോ?

പട്ടികജാതി-പട്ടികവര്‍ഗ്ഗ വിഭാഗക്കാരെ ഭൂമിയുടെ അവകാശികളാക്കി മാറ്റുന്നതിന് ആവിഷ്കരിച്ച പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

ഈ സര്‍ക്കാര്‍ എത്ര കുടുംബങ്ങള്‍ക്ക് ഭൂമി വിതരണം ചെയ്തിട്ടുണ്ടെന്ന് വിശദമാക്കാമോ;

പട്ടികജാതി-പട്ടികവര്‍ഗ്ഗ-പിന്നാക്ക വിഭാഗങ്ങളുടെ അവകാശങ്ങള്‍ സംരക്ഷിക്കുന്നതിനും രാജ്യത്തെ പൊതു സ്ഥിതിയില്‍ നിന്നും വ്യത്യസ്തമായി അവരെ പൊതു സമൂഹത്തിനൊപ്പം ചേര്‍ത്തു നിര്‍ത്തുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കുമോ?

'തൊഴിലിടങ്ങളിൽ സ്ത്രീകൾക്കെതിരെയുള്ള അതിക്രമം തടയൽ' നിയമപ്രകാരമുള്ള ആഭ്യന്തര പരാതി പരിഹാര സമിതികൾ സിനിമ സെറ്റുകളിൽ രൂപീകരിക്കണമെന്ന നിർദ്ദേശം പാലിക്കുന്നുണ്ടോയെന്ന് പരിശോധിക്കാറുണ്ടോ; വ്യക്തമാക്കുമോ;

ഇതിന് ആവശ്യമായ ചട്ടങ്ങൾ രൂപീകരിച്ചിട്ടുണ്ടോ;

പ്രസ്തുത സമിതികൾ രൂപീകരിച്ചിട്ടില്ലെങ്കിൽ ഇതിനാവശ്യമായ എന്തെല്ലാം നടപടികൾ സ്വീകരിക്കാനാണുദ്ദേശിക്കുന്നതെന്ന് വ്യക്തമാക്കുമോ?

സംസ്ഥാനത്തിന് പുറത്തും വിദേശത്തുമുള്ള സര്‍വകലാശാലകളിൽ ഉന്നത വിദ്യാഭ്യാസം തേടുന്ന പട്ടികവര്‍ഗ്ഗ വിഭാഗത്തിലെ വിദ്യാര്‍ത്ഥികള്‍ക്ക് സാമ്പത്തിക സഹായവും ലോജിസ്റ്റിക്ക് പിന്തുണയും നല്‍കുന്ന പദ്ധതിയുടെ വിശദാംശം ലഭ്യമാക്കുമോ;

ആധുനിക നെെപുണ്യവികസന പരിശീലനം നല്‍കി പട്ടികവര്‍ഗ്ഗ വിഭാഗത്തിലെ യുവജനങ്ങള്‍ക്കിടയിലെ തൊഴിലില്ലായ്മ പരിഹരിക്കുന്നതിനും ഉപജീവന മാര്‍ഗത്തിന് സ്വയംതൊഴില്‍ കണ്ടെത്തുന്നതിനുമായി നിലവിലുള്ള പദ്ധതികൾ സംബന്ധിച്ച വിശദാംശം ലഭ്യമാക്കുമോ;

പ്രസ്തുത പദ്ധതി മുഖേന എത്ര പേര്‍ക്ക് തൊഴില്‍ ലഭിച്ചിട്ടുണ്ടെന്നു വിശദമാക്കുമോ?

സംസ്ഥാനത്ത് മനുഷ്യ-വന്യജീവി സംഘർഷങ്ങൾ നിരന്തരം ആവർത്തിക്കപ്പെടുന്നത് ഗൗരവത്തോടെ കാണുന്നുണ്ടോ; പ്രസ്തുത സംഘർഷങ്ങൾ ഒഴിവാക്കുന്നതിന് ഫലപ്രദമായ നടപടി സ്വീകരിക്കാത്തതിന്റെ കാരണം വ്യക്തമാക്കുമോ;

മനുഷ്യ-വന്യജീവി സംഘർഷങ്ങളിൽ പരിക്കേറ്റവർക്കും മരണപ്പെട്ടവരുടെ കുടുംബങ്ങൾക്കും നഷ്ടപരിഹാരം അനുവദിക്കുന്നതിനുള്ള നടപടിക്രമങ്ങൾ ലഘൂകരിക്കുന്നതിനും വനാതിർത്തിയിലെ ജനവാസ മേഖലയിലുള്ളവർക്ക് പ്രത്യേക ഇൻഷുറൻസ് പരിരക്ഷ ഏർപ്പെടുത്തുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ;

വനാതിർത്തിക്കടുത്ത് ജനവാസമേഖലയിൽ എത്തുന്ന വന്യമൃഗങ്ങളുടെ പുനരധിവാസത്തിനായി പ്രത്യേക കർമ്മപദ്ധതി ആവിഷ്കരിച്ച് നടപ്പാക്കുമോ; വിശദാംശം ലഭ്യമാക്കുമോ?

പട്ടികജാതി-പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് ലൈഫ് മിഷന്‍ മുഖേന 2021-22 സാമ്പത്തിക വര്‍ഷം മുതല്‍ 2023-24 സാമ്പത്തിക വര്‍ഷം വരെ എത്ര വീതം ഭവനങ്ങള്‍ അനുവദിച്ചിട്ടുണ്ടെന്നും എത്ര വീടുകളുടെ നിര്‍മ്മാണം പൂര്‍ത്തീകരിച്ചിട്ടുണ്ടെന്നും അറിയിക്കുമോ;

പട്ടികജാതി വിഭാഗത്തില്‍പ്പെട്ട ദുര്‍ബല വിഭാഗക്കാരുടെ ഭവന നിര്‍മ്മാണത്തിനായി 'ദുര്‍ബല പുനരധിവാസ പദ്ധതി' പ്രകാരം എന്തു തുക അനുവദിച്ചുവരുന്നുവെന്ന് വിശദമാക്കുമോ;

ലൈഫ് മിഷന്‍ മുഖേന പട്ടികജാതി വിഭാഗക്കാര്‍ക്ക് അനുവദിക്കുന്ന ഭവന നിര്‍മ്മാണ ധനസഹായം വര്‍ദ്ധിപ്പിക്കുന്നത് പരിഗണനയിലുണ്ടോ; വ്യക്തമാക്കുമോ?

പട്ടികജാതി വകുപ്പ് മുഖേന നിർദ്ധനരായ രോഗികളുടെ ചികിത്സയ്ക്ക് പണം അനുവദിക്കുന്ന പദ്ധതിയിൽ ക്രമക്കേടുകൾ നടക്കുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

ചികിത്സാസഹായം ലഭിക്കുവാൻ കാലതാമസം നേരിടുന്നതിനെത്തുടർന്ന് പണം വാങ്ങി നൽകാമെന്ന് വാഗ്ദാനം ചെയ്ത് തുക തട്ടിയെടുക്കുന്നതും അനർഹർ ചികിത്സാസഹായം കൈപ്പറ്റുന്നതും ഉൾപ്പെടെയുള്ള ആക്ഷേപങ്ങളെക്കുറിച്ച് പരിശോധിച്ചിട്ടുണ്ടോ; എങ്കിൽ എന്തു തുടർനടപടി സ്വീകരിച്ചിട്ടുണ്ടെന്ന് വ്യക്തമാക്കുമോ;

ചികിത്സയ്ക്കുവേണ്ട പണം ആദ്യം സ്വന്തം നിലയ്ക്ക് കണ്ടെത്തണമെന്നതിനാൽ കൂടുതൽ പേർ ചികിത്സ തേടാതെ പോകുന്ന സാഹചര്യം ഒഴിവാക്കാൻ നടപടി സ്വീകരിക്കുമോ; ചികിത്സാസഹായ പദ്ധതി കാര്യക്ഷമമാക്കുന്നതിന് ആരോഗ്യ ഇൻഷുറൻസ് പദ്ധതി നടപ്പാക്കുമോയെന്നു വ്യക്തമാക്കുമോ?

സംസ്ഥാനത്ത് ആദിവാസികൾക്ക് അവകാശപ്പെട്ട ഭൂമി, മാഫിയകൾ കയ്യേറുന്നത് സംബന്ധിച്ച റിപ്പോർട്ടുകൾ ഗൗരവത്തോടെ കാണുന്നുണ്ടോ; വ്യക്തമാക്കുമോ;

ആദിവാസികൾക്ക് അവകാശപ്പെട്ട ഭൂമിയിൽ അനധികൃത കയ്യേറ്റങ്ങൾ നടക്കുന്നില്ലെന്ന് ഉറപ്പാക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ;

അനധികൃത ഭൂമി കയ്യേറ്റങ്ങൾ തടയുന്നതിനും ആദിവാസി ഭൂമി അർഹതപ്പെട്ടവർക്ക് തിരികെ ലഭിക്കുന്നതിനും വിവിധ വകുപ്പുകളുടെ ഏകോപനത്തോടെ ഒരു കർമ്മപദ്ധതി ആവിഷ്കരിച്ച് നടപ്പാക്കുമോ; വിശദാംശം ലഭ്യമാക്കുമോ?

മത്സ്യോല്പാദനം വ‍ർദ്ധിപ്പിക്കാനും മത്സ്യത്തൊഴിലാളികളുടെ ക്ഷേമം ഉറപ്പാക്കാനും നടപ്പാക്കിയ പദ്ധതികൾ ഏതൊക്കെയെന്ന് വിശദമാക്കാമോ;

വളർച്ചയെത്താത്ത കടല്‍മത്സ്യങ്ങളെ പിടിക്കുന്നത് നിയന്ത്രിക്കാൻ മത്സ്യ ഇനങ്ങളുടെ വലിപ്പം നിജപ്പെടുത്തി വിജ്ഞാപനം ചെയ്തതുമൂലം ചെറുമത്സ്യ ചൂഷണം തടയാനും അതുവഴി മത്സ്യോല്പാദനത്തിൽ ഗണ്യമായ വർദ്ധനവ് നേടാനും സാധിച്ചിട്ടുണ്ടോ; വിശദമാക്കുമോ;

കടലിന്റെ അടിത്തട്ടിലെ പ്ലാസ്റ്റിക്ക് മാലിന്യങ്ങള്‍ നീക്കംചെയ്യാൻ ആരംഭിച്ച ശുചിത്വ സാഗരം പദ്ധതിയുടെ വിശദാംശം നല്കുമോ?

മനുഷ്യ-വന്യജീവി സംഘര്‍ഷം ലഘൂകരിക്കുന്നതിനും പരിസ്ഥിതി സംരക്ഷിക്കുന്നതിനുമുള്ള സംസ്ഥാന സര്‍ക്കാരിന്റെ പൈലറ്റ് പദ്ധതിയായ സ്വാഭാവിക വനങ്ങളുടെ പുന:സ്ഥാപനം വേഗത്തിലാക്കുവാന്‍ വകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണെന്നു വിശദമാക്കുമോ;

സംസ്ഥാനത്ത് എത്ര ഹെക്ടര്‍ സ്ഥലത്ത് അധിനിവേശ സസ്യങ്ങള്‍ ഒഴിവാക്കി ഫല-ഔഷധ വൃക്ഷങ്ങള്‍ നട്ടു പിടിപ്പിച്ചിട്ടുണ്ട്; വ്യക്തമാക്കാമോ;

വന്യജീവികള്‍ ജനവാസ മേഖലയിലേക്ക് ഇറങ്ങാതിരിക്കുവാന്‍ ചെറുതടയണകളിലെയും ചെക്ക് ഡാമുകളിലെയും വയലുകളിലെയും ചെളി നീക്കുവാന്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്ത് 2018-ലെ പ്രളയത്തിന്റെയും അതിനുശേഷം നിരന്തരമായി ഉണ്ടാകുന്ന മഴയുടെയും അടിസ്ഥാനത്തിൽ കേന്ദ്ര ജല കമ്മീഷൻ നടത്തിയ പഠനത്തിൽ പ്രളയം നിയന്ത്രിക്കുന്നതിനായി സംഭരണശേഷി കൂടിയ ഡാമുകളുടെ ആവശ്യകത കണ്ടെത്തിയിട്ടുണ്ടോ; വിശദമാക്കുമോ;

ഇതിന്റെ അടിസ്ഥാനത്തിൽ സംസ്ഥാനത്ത് കൂടുതൽ അണക്കെട്ടുകൾ നിർമ്മിക്കാനുള്ള സാധ്യതാപഠനം നടത്തിയിട്ടുണ്ടോ; എങ്കിൽ ഏതെല്ലാം ഏജൻസികളെയാണ് സാധ്യതാപഠനത്തിനായി നിയോഗിച്ചതെന്നും പ്രസ്തുത ഏജൻസികൾ റിപ്പോർട്ട് ലഭ്യമാക്കിയിട്ടുണ്ടോയെന്നും അറിയിക്കുമോ;

പ്രസ്തുത റിപ്പോർട്ടുകളുടെ അടിസ്ഥാനത്തിൽ പുതിയ ഡാമുകൾ നിർമ്മിക്കുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കാമോ?

സംസ്ഥാനത്ത് മാരകമായ അമീബിക് മസ്തിഷ്കജ്വരം ഉൾപ്പെടെയുള്ള ജലജന്യ രോഗങ്ങൾ കണ്ടെത്തിയ സാഹചര്യത്തിൽ ചെറുതും വലുതുമായ എല്ലാ ജലാശയങ്ങളിലെയും ജലപ്രവാഹങ്ങളിലെയും വെള്ളത്തിന്റെ ഗുണനിലവാരം പരിശോധിക്കേണ്ട സാഹചര്യം ശ്രദ്ധയിൽപെട്ടിട്ടുണ്ടോ; വിശദമാക്കുമോ;

വിവിധ സർക്കാർ വകുപ്പുകൾ ശേഖരിച്ച് നൽകുന്ന ജല സാമ്പിളുകൾ പരിശോധിക്കുന്നതിനുപരിയായി സംസ്ഥാനത്തെ എല്ലാ ജലസ്രോതസ്സുകളിലെയും ജല സാമ്പിളുകൾ സ്വന്തം നിലയിൽ ശേഖരിച്ച് പരിശോധന നടത്തുന്നതിന് വകുപ്പിന് പദ്ധതിയുണ്ടോ; വിശദീകരിക്കുമോ;

ഇത്തരത്തിൽ ഗുണനിലവാര പരിശോധന പൂർത്തീകരിച്ച ജലസ്രോതസ്സുകളെ ജലഗുണനിലവാരത്തിന്റെ അടിസ്ഥാനത്തിൽ ഗ്രേഡിങ് നടത്തുന്നതിന് ഉദ്ദേശിക്കുന്നുണ്ടോ; വിശദമാക്കുമോ;

സംസ്ഥാനത്ത് പ്രവർത്തിക്കുന്ന വാട്ടർ തീം പാർക്കുകളിൽ ഉപയോഗിക്കുന്ന ജലത്തിന്റെ ഗുണനിലവാരം പ്രതിദിനം ഉറപ്പുവരുത്തുന്നതിന് നിലവിൽ എന്തെല്ലാം സംവിധാനങ്ങളാണുള്ളതെന്ന് വിശദമാക്കുമോ?

അട്ടപ്പാടി ആദിവാസി മേഖലകളിൽ താമസിക്കുന്ന ആദിവാസികളുടെ ശ്മശാനം, ക്ഷേത്രം എന്നിവിടങ്ങളിലേക്കുള്ള വഴി അടച്ചുകെട്ടി അവരുടെ വാസസ്ഥലങ്ങളിൽ നിന്നും ഒഴിഞ്ഞുപോകാൻ ഭൂമാഫിയ സംഘങ്ങൾ ആവശ്യപ്പെടുന്നതായ പരാതികൾ പരിശോധിച്ചിട്ടുണ്ടോ;

പ്രസ്തുത മേഖലകളിൽ വ്യാജ രേഖകൾ ഉണ്ടാക്കി ഭൂമി തട്ടിയെടുക്കുന്ന സംഭവങ്ങൾ ഉണ്ടാകുന്നതായി റിപ്പോർട്ട് ചെയ്തിട്ടുണ്ടോ;

ആദിവാസികൾക്ക് നീതി ഉറപ്പാക്കാനും ജീവനും സ്വത്തിനും സംരക്ഷണം നൽകാനും സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമാണെന്ന് വിശദമാക്കുമോ?

സംസ്ഥാനതീരത്ത് മത്സ്യലഭ്യത സുസ്ഥിരമായി നിലനിർത്തുന്നതിന് ശാസ്ത്രീയ മത്സ്യബന്ധന രീതികൾ അവലംബിക്കേണ്ട സാഹചര്യം പരിശോധിച്ചിട്ടുണ്ടോ; വിശദമാക്കുമോ;

വിവിധ ഇനങ്ങളിൽപ്പെട്ട മത്സ്യത്തിന്റെ അളവ്, പ്രത്യുല്പാദന നിരക്ക്, മരണനിരക്ക് എന്നിവയെ അടിസ്ഥാനപ്പെടുത്തി പിടിച്ചെടുക്കാവുന്ന മത്സ്യത്തിന്റെ അളവും മത്സ്യബന്ധന രീതികളും നിശ്ചയിക്കപ്പെട്ടിട്ടുണ്ടോ; വിശദമാക്കുമോ;

വലിയൊരു വിഭാഗം മത്സ്യ ഇനങ്ങളുടെയും പ്രജനനകാലമായ മൺസൂൺ കാലത്ത് ട്രോളിംഗ് നിരോധനം ഏർപ്പെടുത്തിയതുകൊണ്ട് മത്സ്യസമ്പത്തിൽ വർദ്ധനവ് ഉണ്ടായിട്ടുണ്ടോ; വ്യക്തമാക്കുമോ;

സമുദ്രത്തിന്റെ അടിത്തട്ടിലെ മത്സ്യ പ്രജനനകേന്ദ്രങ്ങളുടെ സ്വാഭാവിക ആവാസവ്യവസ്ഥ നിലനിർത്തുന്നതിന് എന്തെല്ലാം പദ്ധതികളാണ് നടപ്പാക്കിയിട്ടുള്ളതെന്ന് വിശദമാക്കുമോ?

വനാവകാശ നിയമം സംസ്ഥാനത്ത് എത്രത്തോളം നടപ്പിലാക്കാൻ കഴിഞ്ഞിട്ടുണ്ടെന്ന് വ്യക്തമാക്കാമോ;

പ്രസ്തുത നിയമപ്രകാരം വ്യക്തിഗത-സാമൂഹിക-വികസന അവകാശങ്ങള്‍ പട്ടികവർഗ്ഗ ജനവിഭാഗത്തിന് എത്രത്തോളം ലഭ്യമാക്കാൻ കഴിഞ്ഞിട്ടുണ്ടെന്നു അറിയിക്കുമോ;

പ്രസ്തുത ജനവിഭാഗത്തിന് ലഭ്യമാക്കിയ വ്യക്തിഗതാവകാശ ഭൂമിയിൽ അവരുടെ ജീവസന്ധാരണത്തിനായി പദ്ധതികൾ എന്തെങ്കിലും നടപ്പിലാക്കിയിട്ടുണ്ടോ; വിശദമാക്കുമോ;

പ്രസ്തുത നടപടിക്കായി സബ് പ്ലാൻ ഫണ്ട് വിനിയോഗിച്ചിട്ടുണ്ടോ; വിശദാംശം നൽകുമോ?

വിദൂര വനപ്രദേശങ്ങളിൽ താമസിക്കുന്ന പട്ടികവർഗ്ഗ കുടുംബങ്ങളിലെ വിദ്യാർത്ഥികൾക്ക് മെച്ചപ്പെട്ട നിലയിൽ ഇൻറർനെറ്റ് കണക്ടിവിറ്റി ഉറപ്പുവരുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഈ വിഷയത്തില്‍ നിലവിലുള്ള ബുദ്ധിമുട്ടുകൾ പരിഹരിക്കുന്നതിന് വേണ്ടി പ്രത്യേക പദ്ധതി തയ്യാറാക്കിയിട്ടുണ്ടോ; വ്യക്തമാക്കുമോ;

ഒപ്റ്റിക്കൽ ഫൈബർ കണക്ഷനിലൂടെ കണക്ടിവിറ്റി ഉറപ്പാക്കാന്‍ കഴിയാത്ത മേഖലകളിൽ കൂടുതൽ മെച്ചപ്പെട്ട സാങ്കേതികവിദ്യ ഉപയോഗിച്ച് തടസ്സരഹിതമായ 5ജി കണക്ടിവിറ്റി ഉറപ്പാക്കുന്നതിന് കഴിഞ്ഞിട്ടുണ്ടോ; വിശദമാക്കുമോ;

ഈ പദ്ധതിയുടെ വിജയകരമായ പൂർത്തീകരണത്തിന് ഏതെല്ലാം ഏജൻസികളുടെയും സ്ഥാപനങ്ങളുടെയും സഹകരണം ഉറപ്പാക്കിയിട്ടുണ്ടെന്ന് വിശദമാക്കുമോ?

പരമ്പരാഗത മത്സ്യത്തൊഴിലാളികള്‍ക്ക് കൂടുതല്‍ മത്സ്യ ലഭ്യതയും വരുമാന വര്‍ദ്ധനവും ലക്ഷ്യമിട്ട് തീരദേശ വികസന കോർപ്പറേഷന്‍ വഴി നടപ്പാക്കുന്ന കൃത്രിമപ്പാര് (റീഫ്) പദ്ധതിയുടെ വിശദാംശം ലഭ്യമാക്കുമോ;

പ്രസ്തുത പദ്ധതി ഏതൊക്കെ ജില്ലകളില്‍ നടപ്പിലാക്കിയിട്ടുണ്ടെന്നും എവിടെയെല്ലാം നടപ്പാക്കാന്‍ ഉദ്ദേശിക്കുന്നുവെന്നും വ്യക്തമാക്കുമോ;

കൃത്രിമപ്പാരുകളുടെ നിര്‍മ്മാണം ആരംഭിച്ചിട്ടുണ്ടോ; വിശദമാക്കാമോ?

സംസ്ഥാനത്തെ മത്സ്യബന്ധന മേഖലയിലെ അടിസ്ഥാനസൗകര്യങ്ങള്‍ വികസിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചുവരുന്നു; വ്യക്തമാക്കുമോ;

മത്സ്യത്തൊഴിലാളികള്‍ക്ക് അടിസ്ഥാനസൗകര്യങ്ങളും അവരുടെ മാനവശേഷി വികസനവും ഉറപ്പാക്കുന്നതിനായി ഏതൊക്കെ പദ്ധതികളാണ് ആവിഷ്കരിച്ച് നടപ്പാക്കി വരുന്നതെന്നും ഇതിനായി എന്തു തുക വകയിരുത്തിയിട്ടുണ്ടെന്നും വിശദമാക്കുമോ?

സംസ്ഥാന ടെലിവിഷന്‍ അവാര്‍ഡിനായി രചനാ വിഭാഗത്തില്‍ വേണ്ടത്ര എന്‍ട്രികള്‍ ലഭിക്കാത്തത് മൂലം അവാര്‍ഡ് നല്‍കാന്‍ കഴിയാത്ത സ്ഥിതി നിലവിലുണ്ടോ; വ്യക്തമാക്കുമോ;

വേണ്ടത്ര എന്‍ട്രികള്‍ ലഭിക്കാത്തതിനാല്‍ എന്‍ഡോവ്മെന്റുകള്‍ ഏര്‍പ്പെടുത്തണമെന്ന നിര്‍ദ്ദേശം ജൂറി മുന്നോട്ട് വച്ചിട്ടുണ്ടോ; സര്‍ക്കാര്‍ അത്തരത്തില്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ;

എങ്കിൽ അതിന്റെ വിശദാംശം എന്തൊക്കെയാണ്; ഇല്ലെങ്കില്‍ അത്തരം നടപടി സ്വീകരിക്കാന്‍ ആലോചിക്കുന്നുണ്ടോ; വിശദമാക്കുമോ?

പട്ടികജാതി-പട്ടികവര്‍ഗ്ഗ-പിന്നാക്ക വിദ്യാർത്ഥികൾക്കായി സ്കോളർഷിപ്പ് ഉൾപ്പെടെയുള്ള സഹായങ്ങൾ പുതിയ മേഖലയിലേക്ക് വ്യാപിപ്പിച്ചിട്ടുണ്ടോ; എങ്കിൽ അവ ഏതെല്ലാമാണന്ന് വ്യക്തമാക്കുമോ;

പ്രസ്തുത വിഭാഗത്തിലെ അഭ്യസ്തവിദ്യരായ യുവതീയുവാക്കൾക്ക് സാമൂഹിക സാമ്പത്തിക പുരോഗതി കൈവരിക്കുന്നതിനായി നടപ്പാക്കിയ പദ്ധതികൾ ഏതെല്ലാമാണെന്നറിയിക്കുമോ;

ഈ പദ്ധതികളിലൂടെ കൈവരിച്ച നേട്ടങ്ങൾ എന്തൊക്കെയാണെന്ന് വിശദമാക്കുമോ?

പൊതുമേഖലാ മത്സ്യവിത്ത് ഉല്പാദന കേന്ദ്രങ്ങളുടെ പ്രവര്‍ത്തനം മെച്ചപ്പെടുത്തുന്നതിനായി വകുപ്പിന്റെ ഏതൊക്കെ ഹാച്ചറികളാണ് ഏജന്‍സി ഫോര്‍ ഡെവലപ്പ്മെന്റ് ഓഫ് അക്വാകള്‍ച്ചര്‍-ന് കൈമാറിയിട്ടുള്ളതെന്നു വ്യക്തമാക്കുമോ;

ഇപ്രകാരം കൈമാറിയ ഹാച്ചറികളുടെ പ്രവര്‍ത്തനക്ഷമത വര്‍ദ്ധിച്ചതായി വിലയിരുത്തിയിട്ടുണ്ടോ; എങ്കില്‍ വിശദമാക്കുമോ?

പട്ടികജാതി-പട്ടികവർഗ്ഗ വിഭാഗക്കാരുടെ സമഗ്ര പുരോഗതി ലക്ഷ്യമിട്ട് നടപ്പാക്കുന്ന പദ്ധതികൾ നീതിപൂർവ്വവും സമയബന്ധിതവുമായി പൂർത്തിയാക്കുന്നതിന് സ്വീകരിച്ചുവരുന്ന നടപടികൾ വിശദമാക്കുമോ;

അംബേദ്കർ ഗ്രാമം പദ്ധതി നടത്തിപ്പ് വേഗത്തിൽ പൂർത്തിയാക്കുന്നതിന് ക്രിയാത്മകമായ നടപടികൾ ആവിഷ്കരിക്കുന്നതിന് ഉദ്ദേശിക്കുന്നുണ്ടോ; വിശദീകരിക്കുമോ;

പട്ടികജാതി-പട്ടികവർഗ്ഗ വിഭാഗങ്ങളുടെ അടിസ്ഥാന സൗകര്യവികസനം ലക്ഷ്യമിട്ട് നടപ്പിലാക്കുന്ന പദ്ധതികളുടെ പുരോഗതി വിലയിരുത്തുന്നതിന് നിയോജക മണ്ഡലാടിസ്ഥാനത്തിൽ രൂപീകരിച്ചിട്ടുള്ള നിരീക്ഷണ സമിതികളെ ക്രിയാത്മകമാക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കുമോ;

മനുഷ്യ-വന്യജീവി സംഘർഷമുള്ള പ്രദേശങ്ങളിലെ പട്ടികജാതി-പട്ടികവർഗ്ഗ ഉന്നതികളിൽ താമസിക്കുന്നവർ നേരിടുന്ന പ്രശ്നങ്ങൾ പരിഹരിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കുമോ?

പട്ടികവര്‍ഗ്ഗ വികസന വകുപ്പിന്റെ കീഴില്‍ പ്രവര്‍ത്തിക്കുന്ന പ്രീമെട്രിക്ക്/പോസ്റ്റ് മെട്രിക്ക് ഹോസ്റ്റലുകളുടെ നവീകരണത്തിനായി സ്വീകരിച്ചിട്ടുള്ള നടപടികള്‍ വിശദമാക്കുമോ;

പ്രസ്തുത ഹോസ്റ്റലുകളുടെ നവീകരണത്തിനായി യുണിസെഫ് നിഷ്കര്‍ഷിക്കുന്ന നിലവാരത്തിലുള്ള സൗകര്യങ്ങള്‍ ഏര്‍പ്പെടുത്തുന്നതിനായി ഈ സാമ്പത്തിക വര്‍ഷം എന്തു തുക വകയിരുത്തിയിട്ടുണ്ടെന്ന് വിശദമാക്കുമോ?

മലയാള സിനിമാ മേഖലയിൽ പ്രവർത്തിക്കുന്ന വനിതകൾ നേരിടുന്ന പ്രശ്നങ്ങളും തൊഴിൽ സാഹചര്യങ്ങളും പഠിച്ച് പരിഹാര നിർദ്ദേശങ്ങൾ സമർപ്പിക്കുന്നതിന് നിയോഗിച്ച ഹേമ കമ്മിറ്റി റിപ്പോർട്ടിന്മേൽ സ്വീകരിച്ച നടപടികൾ എന്തെല്ലാമാണെന്നു വ്യക്തമാക്കുമോ;

സിനിമാ മേഖലയിൽ പ്രവർത്തിക്കുന്ന എല്ലാവർക്കും സുരക്ഷയും തുല്യതയും ഉറപ്പുവരുത്തുന്നതിന് സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്നു വിശദമാക്കുമോ;

സിനിമാ മേഖലയിൽ വനിതകൾ അഭിമുഖീകരിക്കുന്ന ദുരനുഭവങ്ങൾ തടയുന്നതിനും സിനിമാ മേഖലയുടെ ശുദ്ധീകരണത്തിനും എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്നു വിശദമാക്കുമോ?

ജല അതോറിറ്റിയുടെ പൈപ്പ് ലൈൻ അലൈൻമെന്റ് മാറ്റുന്ന ജോലികൾ സമയബന്ധിതമായി പൂർത്തിയാകാത്തതിനെത്തുടർന്ന് അഞ്ച് ദിവസത്തോളം തിരുവനന്തപുരം നഗരത്തിൽ ജലവിതരണം മുടങ്ങിയ സംഭവം ഗൗരവമായി പരിശോധിക്കുമോ;

ഇത്തരം അറ്റകുറ്റപ്പണികൾ നടത്തുന്നതിന് മാനദണ്ഡങ്ങൾ രൂപീകരിച്ചിട്ടുണ്ടോയെന്ന് വ്യക്തമാക്കുമോ;

അറ്റകുറ്റപ്പണികൾ നടത്തുന്നതിൽ അലംഭാവം കാട്ടിയവർക്കെതിരെ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വിശദമാക്കുമോ?

മത്സ്യബന്ധന ട്രോളർ ബോട്ടുകളിൽ ദൂരപരിധി ലംഘിച്ച് തീരത്തോടടുത്ത ഭാഗത്തുനിന്ന് മത്സ്യബന്ധനം നടത്തുന്നതായി കണ്ടെത്തിയിട്ടുണ്ടോ; വിശദമാക്കുമോ;

ഇപ്രകാരമുള്ള മത്സ്യബന്ധനം മത്സ്യങ്ങളുടെ വംശനാശത്തിന് ഇടയാക്കുന്നത് പരിശോധിച്ചിട്ടുണ്ടോ; വ്യക്തമാക്കുമോ;

ലൈറ്റ് ഉപയോഗിച്ചുള്ള മത്സ്യബന്ധനം ഉൾപ്പെടെയുള്ള നിയമലംഘനങ്ങൾക്കെതിരെ നടപടി സ്വീകരിക്കുന്നതിന് മറൈൻ എൻഫോഴ്സ്മെന്റിനെ ശക്തിപ്പെടുത്താൻ നടപടി സ്വീകരിക്കുമോയെന്ന് വിശദമാക്കുമോ?

സംസ്ഥാനത്തെ നദികളിലെ ജലം കാര്യക്ഷമമായി ഉപയോഗിക്കുന്നത് സംബന്ധിച്ച് പഠനം നടത്താൻ ആലോചിക്കുന്നുണ്ടോ; വിശദമാക്കുമോ;

കാർഷികമേഖലയിൽ കൂടുതൽ ജലസേചനസൗകര്യം ഒരുക്കുന്നതിനും വെളളപ്പൊക്കം നിയന്ത്രിക്കുന്നതിനും പദ്ധതികൾ ആവിഷ്ക്കരിക്കുമോ;

പൂർത്തിയാകാത്ത ജലസേചന പദ്ധതികൾ സമയബന്ധിതമായി പൂർത്തിയാക്കുന്നതിനും ജലസേചനത്തിനുള്ള കനാലുകൾ അറ്റകുറ്റപ്പണികൾ നടത്തി നവീകരിക്കുന്നതിനും എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്നു വിശദമാക്കുമോ?

സാമൂഹ്യ വനവല്‍ക്കരണത്തിന്റെ ഭാഗമായി എന്തെല്ലാം കര്‍മ്മ പദ്ധതികളാണ് നടപ്പാക്കാനുദ്ദേശിക്കുന്നതെന്നു വിശദമാക്കുമോ;

ഇതിന്റെ ഭാഗമായി ചന്ദന മരങ്ങള്‍ നട്ടുവളര്‍ത്താന്‍ അനുമതി ലഭ്യമാക്കുമോ;

സ്കൂള്‍ കുട്ടികള്‍ക്ക് വര്‍ഷംതോറും വിതരണം ചെയ്യുന്ന പാഴ്മരങ്ങളുടെ തൈകൾക്ക് പകരം ഫലവൃക്ഷത്തൈകള്‍ നല്‍കാൻ സാധിക്കുമോ; വിശദമാക്കാമോ;

വനംവകുപ്പിന്റെ കീഴിലുള്ള പാട്ടക്കാലാവധി കഴിഞ്ഞ തോട്ടങ്ങളില്‍ ഫലവൃക്ഷത്തൈകള്‍ നട്ടുവളര്‍ത്താന്‍ നടപടി സ്വീകരിക്കുമോ; വിശദമാക്കുമോ?

സംസ്ഥാനത്തെ പട്ടിക വിഭാഗത്തിലെ ഉദ്യോഗാര്‍ത്ഥികള്‍ക്ക് സര്‍ക്കാര്‍ മേഖലകളില്‍ ഓണറേറിയത്തോടെ തൊഴില്‍ പരിശീലനവും ഇന്റേണ്‍ഷിപ്പും നല്‍കുന്ന ട്രെയിനിംഗ് ഫോര്‍ കരിയര്‍ എക്സലന്‍സ് (ട്രേസ്) പദ്ധതി വഴി നഴ്സിംഗ്, പാരാമെഡിക്കല്‍ കോഴ്സുകള്‍ പാസ്സായവര്‍ക്ക് നിയമനം നല്‍കിയിട്ടുണ്ടോ; എങ്കിൽ എത്ര പേര്‍ക്ക്, എത്ര വര്‍ഷത്തേക്കാണ് നിയമനം നല്‍കിയിട്ടുള്ളതെന്നു വിശദമാക്കുമോ;

ഇതിലൂടെ പട്ടികവിഭാഗത്തിലെ ഉദ്യോഗാര്‍ത്ഥികള്‍ക്ക് മികച്ച തൊഴില്‍ പരിചയവും നെെപുണ്യവും ലഭിക്കുമെന്നതിനാൽ വിവിധ സര്‍ക്കാര്‍/സ്വകാര്യ/വിദേശ മേഖലകളില്‍ സ്ഥിരനിയമനത്തിന് അവസരമൊരുക്കാൻ നടപടി സ്വീകരിക്കുമോ; വ്യക്തമാക്കുമോ?

തീരദേശവാസികളുടെ പ്രശ്നങ്ങളും ആവശ്യങ്ങളും പഠിക്കാനും പരിഹരിക്കുന്നതിനുമായി തീരദേശ മണ്ഡലങ്ങളില്‍ സംഘടിപ്പിച്ച തീരസദസ്സിലൂടെ ലഭിച്ച നിര്‍ദ്ദേശങ്ങളിലും അപേക്ഷകളിലും സ്വീകരിച്ച നടപടി വ്യക്തമാക്കുമോ;

തീരദേശ വികസനത്തിനായി 2024-25 സാമ്പത്തിക വര്‍ഷം എത്ര കോടി രൂപ വകയിരുത്തിയിട്ടുണ്ട്; വിശദമാക്കാമോ;

മത്സ്യത്തൊഴിലാളികളുടെ പുനരധിവാസത്തിനും തീരദേശത്ത് അടിസ്ഥാന സൗകര്യങ്ങള്‍ ഒരുക്കുന്നതിനുമായി എന്തെല്ലാം പദ്ധതികളാണുള്ളതെന്നും ഇതിനായി എന്തു തുക വകയിരുത്തിയിട്ടുണ്ടെന്നും അറിയിക്കുമോ?