2023-24 വർഷം ബജറ്റിൽ വകയിരുത്തിയ ന്യൂനപക്ഷക്ഷേമ വകുപ്പിന്റെ പദ്ധതികളുടെ വിശദവിവരം ലഭ്യമാക്കുമോ;

പ്രസ്തുത പദ്ധതിക്ക് ഓരോന്നിനും ചെലവഴിച്ച തുകയും അതിൻെറ ശതമാനവും വ്യക്തമാക്കുമോ?

സംസ്ഥാനത്ത് പിന്നാക്ക സംവരണ പട്ടിക പുതുക്കുന്നത് പരിഗണനയിലുണ്ടോ; വിശദമാക്കുമോ;

പിന്നാക്ക സംവരണ പട്ടിക പുതുക്കുന്നതിന്റെ ഭാഗമായി ജാതി സർവേ നടത്തുന്നതിനുള്ള നടപടികളുമായി മുന്നോട്ടു പോകാമെന്നറിയിച്ച് സംസ്ഥാന പിന്നാക്ക കമ്മീഷൻ കത്ത് നൽകുകയുണ്ടായോ; വ്യക്തമാക്കുമോ;

ജാതി സർവേ നടത്തി സംവരണ പട്ടിക പരിഷ്കരിക്കുന്നതിനും സംവരണ ശതമാനത്തിൽ മാറ്റം വരുത്തുന്നതിനുമായി ഹൈക്കോടതിയുടെ നിർദേശമുണ്ടോ;

എങ്കില്‍ ഹൈക്കോടതി ഇപ്രകാരം നിർദേശിക്കാനിടയായ സാഹചര്യവും ഹൈക്കോടതി നിർദേശങ്ങളുടെ വിശദാംശവും ലഭ്യമാക്കുമോ?

ന്യൂനപക്ഷ ക്ഷേമ വകുപ്പിന് കീഴില്‍ മത്സര പരീക്ഷാ പരിശീലന കേന്ദ്രം ആരംഭിക്കുന്നതിന് പ്രൊപ്പോസല്‍ നല്‍കിയിട്ടുണ്ടോ;

പ്രസ്തുത പരിശീലന കേന്ദ്രം ആരംഭിക്കുന്നതിന് പ്രൊപ്പോസല്‍ നല്‍കിയതിന്റെ മാനദണ്ഡം വ്യക്തമാക്കാമോ;

ഗുരുവായൂര്‍ മണ്ഡല പരിധിയില്‍ ന്യൂനപക്ഷ ക്ഷേമ വകുപ്പിന് കീഴില്‍ മത്സര പരീക്ഷാ പരിശീലന കേന്ദ്രം അനുവദിക്കുന്നതിന് നടപടി സ്വീകരിക്കുമോ; വിശദമാക്കാമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ ന്യൂനപക്ഷ ക്ഷേമ വകുപ്പിന് കീഴിൽ വിവിധ സ്കോളർഷിപ്പ് പദ്ധതി പ്രകാരം ഓരോ വർഷവും അർഹതപ്പെട്ട എത്ര അപേക്ഷകൾ ലഭിച്ചിട്ടുണ്ട്; എത്രപേർക്ക് ആകെ എത്ര തുകയുടെ സ്കോളർഷിപ്പ് വിതരണം ചെയ്തിട്ടുണ്ട്; വിശദാംശം ലഭ്യമാക്കുമോ;

ന്യൂനപക്ഷ ക്ഷേമ വകുപ്പിന് കീഴിലുള്ള സ്കോളർഷിപ്പ് പദ്ധതിയിൽ അപേക്ഷകരുടെ എണ്ണം വർദ്ധിച്ചത് അനുസരിച്ച് കൂടുതൽ തുക വകയിരുത്തിയിട്ടുണ്ടോ; എങ്കിൽ ഈ കാലയളവിൽ ഓരോ വർഷവും അധികമായി വകയിരുത്തിയ തുക, ഇതിൽ എത്ര തുക അനുവദിച്ചു; എത്ര തുക ചെലവഴിച്ചു; എത്ര തുക ബാക്കിയായി; കണക്കുകൾ ലഭ്യമാക്കുമോ;

ന്യൂനപക്ഷ വിഭാഗത്തിലെ വിദ്യാർത്ഥികൾക്കായി ഈ കാലയളവിൽ മറ്റെന്തെല്ലാം പദ്ധതികളാണ് നടപ്പിലാക്കിയത്; ഓരോ വർഷവും എത്ര വിദ്യാർത്ഥികൾക്ക് പദ്ധതിയുടെ ഗുണം ലഭിച്ചിട്ടുണ്ട്; ,ആകെ എത്ര തുക ഓരോ പദ്ധതിക്കും വകയിരുത്തി, എത്ര തുക അനുവദിച്ചു, എത്ര തുക ചെലവഴിച്ചു എത്ര തുക ബാക്കിയായി, എന്നിവ സഹിതം ഉള്ള വിശദാംശം ലഭ്യമാക്കുമോ?

ഈ സർക്കാർ വന്നതിനുശേഷം പ്രധാന മന്ത്രി ജന്‍വികാസ് കാര്യക്രം പദ്ധതിയുമായി ബന്ധപ്പെട്ട് കൊല്ലം ജില്ലയില്‍ അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പദ്ധതിയിലേയ്ക്ക് കൊല്ലം ജില്ലയില്‍ നിന്നും സമര്‍പ്പിക്കപ്പെട്ട പ്രൊപ്പോസലുകളിന്മേല്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

പ്രസ്തുത പദ്ധതിയിലുള്‍പ്പെടുത്തി പുനലൂര്‍ മണ്ഡലത്തില്‍ നിന്നും ഏതൊക്കെ നിര്‍ദേശങ്ങളാണ് ലഭിച്ചിട്ടുള്ളതെന്നും അവയ്ക്ക് അംഗീകാരം ലഭിച്ചിട്ടുണ്ടോയെന്നും വിശദമാക്കാമോ?

മദ്രസ അധ്യാപക ക്ഷേമനിധിയിലേക്ക് സർക്കാർ വിഹിതമായി നൽകാനുള്ള ഗ്രാന്റ് ഇനത്തിലെ കുടിശിക എത്രയാണെന്നും എത്ര വർഷത്തെ ഗ്രാന്റാണ് നൽകാനുള്ളതെന്നും അവസാനമായി എന്നാണ് ഗ്രാന്റ് നൽകിയതെന്നുമുള്ള വിശദാംശം നൽകാമോ;

സർക്കാർ ഗ്രാന്റ് നൽകാത്തതുമൂലം ക്ഷേമനിധി ആനുകൂല്യങ്ങൾ അംഗങ്ങൾക്ക് ലഭിക്കുന്നില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ഈ സാമ്പത്തിക വർഷം മദ്രസ അധ്യാപക ക്ഷേമനിധിയിലേക്ക് ഗ്രാന്റ് നൽകാൻ ബജറ്റിൽ ഫണ്ട് വകയിരുത്തിയിട്ടുണ്ടോ; വിശദാംശം നൽകാമോ?

ന്യൂനപക്ഷ ക്ഷേമ വകുപ്പ് മുഖേന ഒറ്റപ്പാലം മണ്ഡലത്തില്‍ നടന്നുവരുന്ന പ്രവർത്തനങ്ങള്‍ വിശദമാക്കാമോ;

പ്രസ്തുത മണ്ഡലത്തില്‍ 2022-23, 2023-24 എന്നീ വർഷങ്ങളിലെ പി.എം.ജെ.വി.കെ. പദ്ധതി പ്രകാരം നടപ്പിലാക്കുന്ന പദ്ധതികൾ ഏതൊക്കെയെന്ന് വ്യക്തമാക്കാമോ?

ന്യൂനപക്ഷമേഖലകളിലെ അടിസ്ഥാനസൗകര്യം മെച്ചപ്പെടുത്തുന്ന പദ്ധതി പ്രകാരം കോഴിക്കോട് ജില്ലയില്‍ ഈ സര്‍ക്കാര്‍ വന്നതിന് ശേഷം അനുവദിച്ച പദ്ധതികള്‍ ഏതൊക്കെയെന്നും തുക എത്രയെന്നും വ്യക്തമാക്കുമോ?

പയ്യന്നൂര്‍ മണ്ഡലത്തില്‍ നിന്ന് പ്രധാനമന്ത്രി ജന്‍ വികാസ് കാര്യക്രം (പി.എം.ജെ.വി.കെ.) പദ്ധതിയില്‍ ഉള്‍പ്പെടുത്തുന്നതിന് നിര്‍ദേശങ്ങള്‍ സമര്‍പ്പിച്ചിട്ടുണ്ടോ; എങ്കില്‍ അതിന്റെ നിലവിലെ സ്ഥിതി എന്താണെന്ന് വിശദമാക്കാമോ?

ടൂറിസം വകുപ്പുമായി ചേർന്ന് സംസ്ഥാനത്ത് വിവിധ കേന്ദ്രങ്ങളില്‍ ആരംഭിച്ച ഓപ്പൺ ജിമ്മിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണ് എന്നറിയിക്കുമോ; വിശദാംശം നല്‍കാമോ;

സ്പോർട്സ് ലൈഫ് ഫിറ്റ്നസ് സെന്ററുകള്‍ ആരംഭിച്ചിട്ടുണ്ടോ; എങ്കിൽ ഇവയുടെ ഉദ്ദേശ്യം അറിയിക്കുമോ; വിശദമാക്കുമോ?

ഒരു പഞ്ചായത്ത് ഒരു കളിക്കളം എന്ന പദ്ധതിയിലൂടെ സംസ്ഥാനത്ത് എത്ര കളിസ്ഥലങ്ങൾക്ക് അംഗീകാരം നൽകിയിട്ടുണ്ട് ; പ്ലാൻ ഫണ്ടിൽ നിന്നും ഇതിനു വേണ്ടി എത്ര തുകയാണ് നീക്കിവെച്ചിട്ടുള്ളത്; ഇതിനകം ഏതെല്ലാം മണ്ഡലങ്ങളിൽ പദ്ധതി പൂർത്തീകരിച്ചിട്ടുണ്ട്; വിശദവിവരം നൽകുമോ ;

മലപ്പുറം മണ്ഡലത്തിൽ ഈ പദ്ധതി മുഖേന നടപ്പാക്കുന്ന ഇരുമ്പുഴി ഗവ. ഹയർ സെക്കണ്ടറി സ്കൂൾ ഗ്രൗണ്ടിന്റെ നവീകരണ പ്രവൃത്തികൾക്ക് പ്ലാൻ ഫണ്ടിൽ നിന്നും തുക അനുവദിച്ചിട്ടുണ്ടോ; എങ്കിൽ അതിന്റെ പുരോഗതി വിശദീകരിക്കാമോ;

പ്രസ്തുത മണ്ഡലത്തിലെ എല്ലാ പഞ്ചായത്തുകളെയും ഈ പദ്ധതിയിൽ ഉൾപ്പെടുത്തി ഒരു കളിക്കളം നിർമ്മിക്കുവാൻ നടപടി സ്വീകരിക്കുമോ; വ്യക്തമാക്കാമോ?

മാവേലിക്കര മണ്ഡലത്തിൽ തഴക്കര പഞ്ചായത്തിലെ പഴഞ്ചിറക്കുളം നീന്തൽ പരിശീലന കേന്ദ്രത്തിന് ബഡ്ജറ്റിൽ തുക വകയിരുത്തിയത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത പദ്ധതിയുടെ നിർമ്മാണവുമായി ബന്ധപ്പെട്ട് സ്വീകരിച്ച നടപടികൾ വിശദമാക്കുമോ;

പ്രസ്തുത നിർമ്മാണ പ്രവൃത്തികൾ അടിയന്തരമായി ആരംഭിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

ഈ സർക്കാർ വന്നതിനു ശേഷം കാസർഗോഡ് ജില്ലയിൽ പ്ലാൻ, നോൺ പ്ലാൻ, കിഫ്‌ബി ഫണ്ടുകൾ വിനിയോഗിച്ച് കായിക വകുപ്പ് നടപ്പിലാക്കിയ പദ്ധതികളും പ്രവർത്തനങ്ങളും സംബന്ധിച്ച വിശദാംശം നൽകാമോ?

കായിക മേഖലയിലെ അടിസ്ഥാനസൗകര്യ വികസനത്തിനും കളിക്കളങ്ങളുടേയും സ്റ്റേഡിയങ്ങളുടേയും പരിപാലനത്തിനുമായി പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; എന്തൊക്കെ കാര്യങ്ങളാണ് ഇതുവഴി ലക്ഷ്യമിടുന്നത്; വിശദാംശം നല്‍കാമോ?

ഈ സര്‍ക്കാര്‍ വന്നതിനു ശേഷം ചങ്ങനാശ്ശേരി മണ്ഡലത്തില്‍ കായിക വകുപ്പ് മുഖാന്തിരം എന്തെല്ലാം പ്രവൃത്തികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

ഓരോ പ്രവൃത്തിക്കും അനുവദിച്ച തുകയും അവയുടെ നിലവിലെ പുരോഗതിയും വ്യക്തമാക്കുമോ?

കായികരംഗത്തെ മുന്നേറ്റത്തിനായി ഈ സര്‍ക്കാര്‍ അധികാരത്തില്‍ വന്ന ശേഷം നടപ്പിലാക്കിയ പ്രധാന പദ്ധതികളിലൂടെ സംസ്ഥാനം കായികരംഗത്ത് കെെവരിച്ച നേട്ടങ്ങള്‍ എന്തെല്ലാമെന്ന് വിശദമാക്കുമോ?

ഒരു പഞ്ചായത്ത് ഒരു കളിക്കളം പദ്ധതി തുടരാൻ തീരുമാനിച്ചിട്ടുണ്ടോ; എങ്കിൽ 2024-25 സാമ്പത്തിക വർഷം ഏതൊക്കെ സ്റ്റേഡിയങ്ങളാണ് നവീകരിക്കാൻ തീരുമാനിച്ചിട്ടുള്ളതെന്ന് വ്യക്തമാക്കാമോ?

ഒരു പഞ്ചായത്ത് ഒരു കളിക്കളം പദ്ധതിയിൽ ഉൾപ്പെട്ട കൊടുവള്ളി മണ്ഡലത്തിലെ ഓമശ്ശേരി ഇ.കെ. ഉണ്ണിമോയി സ്മാരക മിനി സ്റ്റേഡിയത്തിന്റെ നിർമ്മാണത്തിന് ഭരണാനുമതി ലഭ്യമായിട്ടുണ്ടോ; ഇല്ലെങ്കിൽ കാരണം വിശദമാക്കാമോ;

പ്രസ്തുത സ്റ്റേഡിയം നിർമ്മാണത്തിന് ഭരണാനുമതി ലഭ്യമാക്കുന്നതിന് നടപടി സ്വീകരിക്കുമോ?

പഞ്ചായത്ത്/മുൻസിപ്പാലിറ്റികളിൽ സ്റ്റേഡിയം അനുവദിക്കുന്നതിനുള്ള മാനദണ്ഡങ്ങൾ വ്യക്തമാക്കാമോ;

കഴിഞ്ഞ പത്ത് വർഷത്തിനിടയിൽ സംസ്ഥാനത്ത് എത്ര സ്റ്റേഡിയങ്ങൾ അനുവദിച്ചിട്ടുണ്ടെന്ന് പഞ്ചായത്ത്/ മുൻസിപ്പാലിറ്റി തിരിച്ച് വ്യക്തമാക്കാമോ;

പ്രസ്തുത സ്റ്റേഡിയങ്ങൾക്ക് ഓരോന്നിനും അനുവദിച്ച തുക എത്രയാണെന്ന് വ്യക്തമാക്കാമോ;

ഓരോ സ്റ്റേഡിയങ്ങൾക്കും ഭരണാനുമതിയും ടെൻഡർ നൽകിയതും എപ്പോഴാണെന്നും അവയുടെ നിലവിലെ സ്ഥിതി എന്താണെന്നും അറിയിക്കാമോ?

സംസ്ഥാനത്ത് എല്ലാവര്‍ക്കും സ്പോര്‍ട്സ് എന്ന നയത്തിന്റെ ഭാഗമായി സ്കൂള്‍തലം മുതല്‍ കായിക രംഗത്തിൽ വിദഗ്ദ്ധ പരിശീലനവും ശാസ്ത്രീയ മാര്‍ഗ്ഗങ്ങളും അവലംബിച്ച് ഉന്നത നിലവാരമുള്ള കായിക താരങ്ങളെ വളര്‍ത്തുക എന്ന ലക്ഷ്യം നേടുന്നതിനായി എന്തെല്ലാം പ്രവര്‍ത്തനങ്ങളാണ് ആവിഷ്കരിച്ച് നടപ്പാക്കി വരുന്നത്; വിശദമാക്കുമോ;

സ്പോര്‍ട്സ് ഇക്കണോമി മിഷന്‍ എന്ന കാഴ്ചപ്പാട് പ്രാവര്‍ത്തികമാക്കുന്നതിന്റെ ഭാഗമായി എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ?

2024 ജനുവരിയില്‍ കാര്യവട്ടം ഗ്രീന്‍ഫീല്‍ഡ് സ്റ്റേഡിയം കേന്ദ്രമാക്കി സംഘടപ്പിക്കപ്പെട്ട അന്താരാഷ്ട്ര കായിക ഉച്ചകോടിയുടെ ലക്ഷ്യങ്ങള്‍ എന്തൊക്കെ ആയിരുന്നു; വ്യക്തമാക്കുമോ;

അന്താരാഷ്ട്ര കായിക ഉച്ചകോടിക്ക് സംസ്ഥാനത്തെ കായികരംഗത്തിന് മുതല്‍ക്കൂട്ടാവുന്ന തരത്തിലുള്ള പദ്ധതികളും പങ്കാളിത്തവും വാഗ്ദാനം ചെയ്യപ്പെട്ടിട്ടുണ്ടോ; വിശദാംശം ലഭ്യമാക്കാമോ;

സംസ്ഥാനത്തെ കായിക വികസനത്തിന് ഉതകുന്ന ഏതൊക്കെ പദ്ധതികളാണ് ഉച്ചകോടിയെ തുടര്‍ന്ന് നടപ്പിലാക്കാന്‍ ശ്രമം ആരംഭിച്ചിട്ടുള്ളത്; വിശദാംശം ലഭ്യമാക്കാമോ?

കേരളത്തിലെ കായിക താരങ്ങള്‍ക്ക് നല്ല നിലയില്‍ പരിശീലനം നല്‍കിവരുന്ന സ്പോർട്സ് ക്ലബ്ബുകള്‍ക്കും പരിശീലന കേന്ദ്രങ്ങള്‍ക്കും എന്തൊക്കെ സഹായങ്ങളാണ് ചെയ്തു വരുന്നതെന്നും ഇതിനായി എത്ര രൂപ ചിലവഴിക്കുന്നുണ്ടെന്നും അറിയിക്കാമോ;

ദേശീയ അന്തർദേശീയ തലങ്ങളില്‍ മെഡല്‍ നേടികൊടുക്കുന്ന ഇത്തരം പരിശീലന കേന്ദ്രങ്ങള്‍ക്ക് ഗ്രാന്റ് നല്‍കാന്‍ നടപടികള്‍ ഉണ്ടാകുമോ?

കളിസ്ഥലങ്ങളുടെ അഭാവംമൂലം യുവതീയുവാക്കൾക്ക് കായികക്ഷമത നഷ്ടപ്പെടുന്നതും മൊബൈൽ ഗെയിമുകളിൽ അഭയം പ്രാപിക്കുന്നതും ശ്രദ്ധയിൽപ്പെട്ടിട്ടുണ്ടോ; ഇത് പരിഹരിക്കുന്നതിന് ഒഴിഞ്ഞു കിടക്കുന്ന സ്വകാര്യ സ്ഥലങ്ങൾ ഉടമസ്ഥരുടെ സമ്മതത്തോടെ താല്ക്കാലിക കളിസ്ഥലങ്ങളാക്കി മാറ്റുന്നതിന് നടപടി സ്വീകരിക്കുമോ;

എങ്കിൽ ഈ രീതിയിൽ കളിസ്ഥലങ്ങൾ തയ്യാറാക്കുമ്പോൾ വനിതകൾക്ക് കൂടി പ്രാപ്യമായ രീതിയിൽ ക്രമീകരിക്കുവാൻ മുൻകൈയെടുക്കുമോ; വ്യക്തമാക്കാമോ?

നിലവില്‍ ഭൂരിഭാഗം അപ്പര്‍ പ്രൈമറി സ്കൂളുകളിലും ഹയര്‍ സെക്കന്‍ഡറി സ്കൂളുകളിലും കായിക അദ്ധ്യാപകര്‍ ഇല്ലാത്ത വിഷയം ശ്രദ്ധയില്‍പ്പെട്ടിട്ടുണ്ടോ; ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി സ്കൂളുകളിൽ കായിക പരിശീലനം നിര്‍ബന്ധമാക്കുന്നതിന് നടപടി സ്വീകരിക്കുമോ; വിശദമാക്കാമോ;

വിദ്യാലയങ്ങളില്‍ കുട്ടികളുടെ ആരോഗ്യവും കായിക ക്ഷമതയും ഉറപ്പുവരുത്താനായി കായിക പരിശീലനം നിര്‍ബന്ധമാക്കുന്നതിന് വകുപ്പ് തലത്തില്‍ നടപടി സ്വീകരിക്കുമോ; വിശദമാക്കുമോ?

കായിക മേഖലയിലെ വിവിധ പദ്ധതികളുടെ നിര്‍വഹണത്തിനായി സ്പോര്‍ട്സ് എഞ്ചിനീയറിംഗ് വിഭാഗത്തില്‍ ആവശ്യത്തിന് സാങ്കേതിക വിഭാഗം ഉദ്യോഗസ്ഥരില്ലാത്തത് ശ്രദ്ധയിൽപ്പെട്ടിട്ടുണ്ടോ; എങ്കില്‍ പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് ഉദ്യോഗസ്ഥരെ നിയമിക്കുമോ; വ്യക്തമാക്കാമോ;

നിലവില്‍ കോഴിക്കോട് ജില്ലയില്‍ സ്പോര്‍ട്സ് എഞ്ചിനീയറിംഗ് വിഭാഗത്തില്‍ എത്ര ഉദ്യോഗസ്ഥരുണ്ടെന്ന് തസ്തിക തിരിച്ച് വ്യക്തമാക്കാമോ;

കുറ്റ്യാടി മണ്ഡലത്തിലെ കുന്നുമ്മല്‍ വോളിബോള്‍ അക്കാദമി കെട്ടിടം,മണിയൂര്‍ കളിസ്ഥലം,പുറമേരി സ്റ്റേഡിയം എന്നിവയുടെ നിര്‍മ്മാണത്തിനായി ചുമതലപ്പെടുത്തിയിട്ടുള്ള ഉദ്യോഗസ്ഥരുടെ വിശദാംശം ഫോണ്‍ നമ്പര്‍ സഹിതം ലഭ്യമാക്കാമോ?

25-11-2019 ലെ കായിക യുവജനകാര്യ( എ )വകുപ്പിന്റെ കത്ത് (നമ്പർ എ. 2/277/ 2019/കാ.യു.വ.) പ്രകാരം കേരള തായ്‌ക്കോണ്ട അസോസിയേഷന്റെ വരവ് ചിലവ് കണക്കുകൾ കേരള സ്പോർട്സ് കൗൺസിലിന്റെ സ്റ്റാറ്റ്യൂട്ടറി ഓഡിറ്റ് വിഭാഗമായ സംസ്ഥാന ഓഡിറ്റ് വകുപ്പ് ഓഡിറ്റ് നടത്തി റിപ്പോർട്ട് പുറപ്പെടുവിച്ചിട്ടുണ്ടോ; എങ്കിൽ അതിൻെറ പകർപ്പ് ലഭ്യമാക്കാമോ;

1958 ലെ കേരള സ്റ്റേറ്റ് ആന്റ് സബോർഡിനേറ്റ് സർവീസ് റൂൾസ് 14 മുതൽ 17 വരെ വകുപ്പുകളിൽ പ്രതിപാദിച്ചിട്ടുള്ള സംവരണ നിയമങ്ങൾ കേരള സ്പോർട്സ് കൗൺസിൽ നടപ്പാക്കാത്ത വിഷയം ശ്രദ്ധയിൽപ്പെട്ടിട്ടുണ്ടോ; എങ്കിൽ കേരള സ്പോർട്സ് കൗൺസിലെ നിയമനങ്ങളിൽ പട്ടികജാതി പട്ടികവർഗ്ഗ പിന്നോക്ക സംവരണം നടപ്പിലാക്കാൻ എന്തൊക്കെ നടപടി സ്വീകരിച്ചുവെന്ന് വിശദമാക്കാമോ;

കേരള സ്പോർട് കൗൺസിലിന്റെ അംഗീകാരമുള്ള എത്ര സ്പോർട്സ് അസോസിയേഷനുകൾ നിലവിൽ പ്രവർത്തിക്കുന്നുണ്ട്; അംഗീകാരമുള്ള സ്പോർട്സ് അസോസിയേഷനുകളുടെ വരവ് ചെലവ് കണക്കുകൾ സ്റ്റാറ്റ്യൂട്ടറി ഓഡിറ്റിന് വിധേയമാക്കുന്നുണ്ടോ; വിശദമാക്കാമോ;

സ്പോർട്സ് കൗൺസിലിൽ നിന്നും വിരമിച്ചവർക്ക് പെൻഷൻ ആനുകൂല്യങ്ങൾ നൽകുന്നത് ഏത് നിയമത്തിന്റെ അടിസ്ഥാനത്തിലാണെന്നും ഏത് വകുപ്പ്/ ഉപവകുപ്പ് പ്രകാരമാണെന്നും വ്യക്തമാക്കാമോ; കെ.എസ്.ആർ. പാർട്ട്‌ 3 ( പെൻഷൻ) കേരള സംസ്ഥാന സ്പോർട്സ് കൗൺസിൽ ജീവനക്കാർക്ക് ബാധകമാക്കിയ ഉത്തരവിന്റെ പകർപ്പ് ലഭ്യമാക്കാമോ;

കേരള സ്പോർട്സ് കൗൺസിലിൽ സ്പെഷ്യൽ റൂൾസ്‌ നടപ്പിലാക്കിയിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കാമോ; ഇല്ലെങ്കിൽ എന്തുകൊണ്ടാണ് നടപ്പിലാക്കാത്തതെന്ന് വിശദമാക്കാമോ;

2006-07 ൽ സംസ്ഥാന ഭാഗ്യക്കുറി വകുപ്പ് നടത്തിയിട്ടുള്ള സ്പോർട്സ് സൂപ്പർ ബമ്പർ ലോട്ടറി സംബന്ധിച്ച് കോടതിയുടെ നിർദേശാനുസരണം ബഹുമാനപ്പെട്ട വിജിലൻസ് എൻക്വയറി കമ്മീഷണർ ആൻഡ് സ്പെഷ്യൽ ജഡ്ജ് തിരുവനന്തപുരം നടത്തിയ വിജിലൻസ് അന്വേഷണം പൂർത്തിയായോ; എങ്കിൽ കുറ്റപത്രം സമർപ്പിച്ചിട്ടുണ്ടോ; വ്യക്തമാക്കാമോ?

ഒരു സ്പോര്‍ട്സ്/ഗെയിംസ് ഇനത്തിന് സ്പോര്‍ട്സ് കൗണ്‍സില്‍ അംഗീകാരം നല്‍കുന്നതിന് പരിഗണിക്കുന്ന മാനദണ്ഡങ്ങള്‍ എന്തൊക്കെയാണെന്ന് അറിയിക്കാമോ;

നിലവില്‍ സ്പോര്‍ട്സ് കൗണ്‍സിലിന്റെ അംഗീകാരമുള്ള സ്പോര്‍ട്സ് /ഗെയിംസ് ഇനങ്ങള്‍ ഏതൊക്കെയാണെന്ന് വ്യക്തമാക്കാമോ?

കുന്നംകുളം ആസ്ഥാനമാക്കിയുള്ള തൃശൂര്‍ സ്പോര്‍ട്സ് ഡിവിഷനിൽ വേണ്ട അടിസ്ഥാനസൗകര്യങ്ങള്‍ പൂർണ്ണമായിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഹോസ്റ്റല്‍ കെട്ടിടം, ഫ്ലഡ്‌ലൈറ്റ് സംവിധാനം, ജനറേറ്റര്‍, ടോയ്‍ലറ്റ് ബ്ലോക്ക്, സ്വിമ്മിംഗ്പൂള്‍ തുടങ്ങിയവ ആരംഭിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

നിലവിലുള്ള സൗകര്യങ്ങളുടെ പരിപാലനത്തിന് നിയമാനുസൃതമായ ഒരു ഭരണ സംവിധാനം ഒരുക്കാന്‍ നടപടി സ്വീകരിക്കുമോ?

കുന്നംകുളം മണ്ഡലത്തിലെ ഗവ.വൊക്കേഷണൽ ഹയർ സെക്കൻഡറി സ്കൂളിലെ സ്പോര്‍ട്സ് ഡിവിഷനിൽ അഡ്മിഷന്‍ ലഭിച്ച കായിക മികവ് പുലര്‍ത്തുന്ന വിദ്യാര്‍ത്ഥികള്‍ക്ക് താമസിക്കുന്നതിന് നിലവിലെ ഹോസ്റ്റല്‍ സൗകര്യം അപര്യാപ്തമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

എങ്കിൽ കായിക വിദ്യാര്‍ത്ഥികളുടെ ഹോസ്റ്റല്‍ സൗകര്യങ്ങള്‍ വിപുലീകരിക്കുന്നതിന് നടപടി സ്വീകരിക്കുമോ?

കണ്ണൂര്‍ ജില്ലാ കായികമേളയില്‍ മികച്ച നേട്ടം കൈവരിച്ച പയ്യന്നൂര്‍ മണ്ഡലത്തിലെ പ്രാപ്പൊയില്‍ ഗവണ്‍മെന്റ് ഹയര്‍ സെക്കണ്ടറി സ്കൂളിലെ വിദ്യാര്‍ത്ഥികളുടെ പരിശീലനം കൂടുതല്‍ മെച്ചപ്പെടുത്തുന്നതിന് ഉതകുന്ന തരത്തില്‍ പ്രാപ്പൊയില്‍ കേന്ദ്രീകരിച്ച് സ്പോര്‍ട്സ് ഹോസ്റ്റല്‍ തുടങ്ങുന്ന കാര്യം പരിഗണനയിലുണ്ടോ; വ്യക്തമാക്കാമോ?

കാസര്‍ഗോഡ് ജില്ലയില്‍ ഫുട്ബോള്‍ അക്കാഡമി ആരംഭിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

കായിക താരങ്ങളുടെ ഉന്നമനത്തിനായി സ്റ്റേഡിയങ്ങള്‍ നിര്‍മ്മിക്കുന്നതിനുളള പദ്ധതികള്‍ ഏതെല്ലാമെന്ന് വ്യക്തമാക്കുമോ;

പൂർണ്ണ സജ്ജമായിരിക്കുന്ന നീലേശ്വരത്തെ ഇ.എം.എസ്. സ്റ്റേഡിയം കായിക താരങ്ങള്‍ക്കായി തുറന്നുകൊടുക്കുന്നതിന് സ്വീകരിച്ചിട്ടുളള നടപടികൾ വിശദമാക്കാമോ?

നെന്മാറ മണ്ഡലത്തിലെ നെന്മാറ ബോയ്സ് ഹയര്‍സെക്കന്ററി സ്കുള്‍ കളിസ്ഥലത്തിന്റെ നിര്‍മ്മാണ പ്രവൃത്തികള്‍ വിലയിരുത്തിയിട്ടുണ്ടോ; കളിസ്ഥലത്തിന്റെ നിര്‍മ്മാണവുമായി ബന്ധപ്പെട്ട് എന്തെല്ലാം പ്രവര്‍ത്തനങ്ങളാണ് പൂര്‍ത്തീകരിച്ചിട്ടുള്ളതെന്ന് വിശദമാക്കുമോ;

പ്രസ്തുത കളിസ്ഥലത്തിന്റെ നിര്‍മ്മാണ പ്രവൃത്തികള്‍ എന്ന് പൂര്‍ത്തീകരിക്കാന്‍ കഴിയുമെന്ന് വിശദമാക്കുമോ?

2022-23, 2023-24 എന്നീ വര്‍ഷങ്ങളിലെ സംസ്ഥാന ബഡ്ജറ്റില്‍ തുക വകയിരുത്തിയ ചുണ്ട ഗവണ്‍മെന്റ് ഹയര്‍ സെക്കന്‍ഡറി സ്കൂള്‍ ഗ്രൗണ്ട് നിര്‍മ്മാണം, വയക്കര ജി.എച്ച്.എസ്.എസ്. ലെ ഇന്‍ഡോര്‍ സ്റ്റേഡിയം നിര്‍മ്മാണം എന്നീ രണ്ട് പ്രവൃത്തികളുടെ നിലവിലെ പുരോഗതി അറിയിക്കാമോ;

പ്രസ്തുത പ്രവൃത്തികൾ സമയബന്ധിതമായി പൂര്‍ത്തീകരിക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കുമോ?

കുന്നത്തുനാട് മണ്ഡലത്തിലെ കടയിരുപ്പ് ഗവ.എച്ച്.എസ്.എസി.ലെ സിന്തറ്റിക് ട്രാക്ക്, ഫുട്ബോള്‍ കോർട്ട് എന്നിവയുടെ നിർമ്മാണ പ്രവൃത്തികളുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

പ്രസ്തുത പ്രവൃത്തികള്‍ എന്നത്തേക്ക് പൂർത്തികരിക്കുവാന്‍ കഴിയുമെന്ന് അറിയിക്കാമോ?

2024-25 ബജറ്റില്‍ ഉള്‍പ്പെടുത്തിയ തരൂര്‍ മണ്ഡലത്തിലെ കാവശ്ശേരി കെ.സി.പി. എച്ച്.എസ്.എസ്. സ്കൂള്‍ ഗ്രൗണ്ട് പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

2024-25 വര്‍ഷത്തെ ബജറ്റില്‍ ഉള്‍പ്പെടുത്തിയ തരൂര്‍ മണ്ഡലത്തിലെ പഴമ്പാലക്കോട് എസ്.എം.എം. എച്ച്.എസ്.എസ്. സ്കൂള്‍ ഗ്രൗണ്ട് പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

തിരൂരങ്ങാടി മണ്ഡലത്തിലെ നന്നമ്പ്ര ഗ്രാമപഞ്ചായത്ത് സ്റ്റേഡിയം നവീകരണത്തിന് ഫണ്ട് വകയിരുത്തിയിട്ടുണ്ടോ; വിശദമാക്കാമോ;

സർക്കാർ വിഹിതം 50 ശതമാനവും എംഎൽഎ ഫണ്ട് വിഹിതം 50 ശതമാനവും എന്ന രൂപത്തിൽ നന്നമ്പ്ര ഗ്രാമപഞ്ചായത്ത് സ്റ്റേഡിയത്തിന് അനുവദിച്ച സർക്കാർ വിഹിതം വകയിരുത്തുന്നതിനുള്ള നടപടികൾ സ്വീകരിച്ചിട്ടുണ്ടോ, മുൻപ് വകയിരുത്തിയ തുക തിരിച്ചെടുക്കുന്നതിനുള്ള കാരണങ്ങൾ എന്താണ്, വിശദമാക്കാമോ;

പ്രസ്തുത പ്രവൃത്തിയുടെ പൂർത്തീകരണത്തിന് സ്വീകരിക്കേണ്ട നടപടികൾ എന്തെല്ലാമെന്ന് വിശദമാക്കാമോ?

2024-25 ബജറ്റില്‍ ഉള്‍പ്പെടുത്തിയ തരൂര്‍ മണ്ഡലത്തിലെ പുതുക്കോട് ഗ്രാമപഞ്ചായത്ത് ഗ്രൗണ്ട് പ്രവൃത്തി നിലവില്‍ ഏത് ഘട്ടത്തിലാണ്; വ്യക്തമാക്കാമോ?

ഈ വർഷം സംസ്ഥാന ഹജ്ജ് കമ്മിറ്റി മുഖേന ഹജ്ജ് കർമ്മത്തിനായി ഏതെല്ലാം വിമാനത്താവളങ്ങൾ വഴി എത്ര ഹാജിമാർ യാത്ര ചെയ്തുവെന്ന വിവരം പുരുഷൻ, സ്ത്രീ, കുട്ടികൾ എന്നിവരുടെ എണ്ണം എംബാർക്കേഷൻ കേന്ദ്രം തിരിച്ച് വ്യക്തമാക്കാമോ;

ഈ വർഷം ഹാജിമാരെ സഹായിക്കാൻ ഖാദിമുൽ ഹുജ്ജാജ്മാരെ സംസ്ഥാനത്ത് നിന്ന് ഡെപ്യൂട്ടേഷൻ വ്യവസ്ഥയിൽ സൗദി അറേബ്യയിലേക്ക് അയച്ചിട്ടുണ്ടോ; ഇവരിൽ എത്ര പേർക്ക് മുമ്പ് ഹജ്ജ് ചെയ്ത് പരിചയം ഉണ്ടെന്ന് വ്യക്തമാക്കാമോ;

ഈ വർഷത്തെ ഹജ്ജ് വേളയിൽ ഹാജിമാർക്ക് പല തരത്തിലുമുള്ള ബുദ്ധിമുട്ടുകൾ നേരിടേണ്ടിവന്നുവെന്ന പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് സംബന്ധിച്ച് എത്ര പരാതികൾ ലഭിച്ചു എന്ന് വ്യക്തമാക്കാമോ;

ഭാവിയിൽ ഇത്തരം പരാതികൾ ഒഴിവാക്കാനുദ്ദേശിക്കുന്ന നടപടി വ്യക്തമാക്കുമോ?

2024 വര്‍ഷത്തിലെ ഹജ്ജ് തീര്‍ത്ഥാടനത്തിനായി അഴിക്കോട് മണ്ഡലത്തില്‍ നിന്നും എത്ര അപേക്ഷകള്‍ ലഭിച്ചുവെന്ന് പഞ്ചായത്തടിസ്ഥാനത്തിലുള്ള വിശദാംശം നൽകാമോ;

ഇതിൽ എത്രപേര്‍ക്ക് ഈവര്‍ഷം തീര്‍ത്ഥാടനത്തിന് അനുമതി ലഭിച്ചെന്നും എത്രപേര്‍ ഹജ്ജ് കര്‍മ്മം പൂര്‍ത്തിയാക്കിയെന്നും വിശദമാക്കാമോ?

നിർദ്ദിഷ്ട ശബരി റെയിൽപാതയുടെ പകുതി ചെലവ് വഹിക്കുന്നതു സംബന്ധിച്ച സമ്മതപത്രവും ധാരണാ പത്രവും കേന്ദ്ര സര്‍ക്കാരിന് എന്നത്തേക്ക് നൽകാൻ കഴിയുമെന്ന് വ്യക്തമാക്കുമോ?

ചിറയിന്‍കീഴ് റെയില്‍വേ സ്റ്റേഷനിലെ പ്ലാറ്റ്ഫോം നവീകരിച്ചത് അശാസ്ത്രീയമായിട്ടാണ് എന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്റ്റേഷനിലെ രണ്ടാമത്തെ പ്ലാറ്റ്ഫോം നിരപ്പല്ലാത്തതിനാല്‍ അപകട സാധ്യതയും യാത്രക്കാര്‍ക്ക് ബുദ്ധിമുട്ടും ഉഉള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കിൽ അപകടങ്ങൾ ഒഴിവാക്കുന്നതിനായി പ്ലാറ്റ്ഫോം ശാസ്ത്രീയമായി നവീകരിക്കുന്നതിന് നടപടി സ്വീകരിക്കുമോ?