പെരിയാറില്‍ മത്സ്യങ്ങള്‍ ചത്തുപൊങ്ങിയ സംഭവം ഫിഷറീസ് വകുപ്പ് ഗൗരവത്തോടെ കാണുന്നുണ്ടോ; വിശദമാക്കാമോ;

പുഴയിലേക്ക് ഒഴുക്കിവിടുന്ന രാസമാലിന്യങ്ങള്‍ കാരണം മത്സ്യസമ്പത്ത് ഗണ്യമായി കുറയുകയും അതുമൂലം മത്സ്യമേഖലയെ ആശ്രയിച്ച് ജീവിക്കുന്ന നൂറു കണക്കിന് മത്സ്യത്തൊഴിലാളികളെ അത്‍ പ്രതികൂലമായി ബാധിക്കുകയും ചെയ്യുമെന്നതു വസ്തുതയല്ലേ; വ്യക്തമാക്കാമോ;

പ്രസ്തുത സംഭവത്തിൽ നഷ്ടം സംഭവിച്ചവർക്ക് അർഹമായ നഷ്ടപരിഹാരം നൽകാൻ നടപടികൾ വകുപ്പ് സ്വീകരിക്കുമോ എന്ന് വ്യക്തമാക്കാമോ?

ആദിവാസി സമൂഹത്തിന്റെ ഉന്നമനത്തിനായി വകുപ്പ് നടത്തിയ ഇടപെടലുകളും പദ്ധതികളും വിശദമാക്കാമോ;

അട്ടപ്പാടിയിലെ ശിശുമരണവും അരിവാള്‍ രോഗിയായ ആദിവാസി യുവതി മരിച്ച സംഭവവും ഗൗരവത്തോടെ കാണുന്നുണ്ടോ;

സമാനമായ സംഭവങ്ങൾ ആവർത്തിക്കാതിരിക്കാനും ആദിവാസി മേഖലകളുടെ ഉന്നമനത്തിനായി പ്രത്യേക പാക്കേജ് നടപ്പാക്കാനും തയ്യാറാകുമോ; വിശദമാക്കാമോ?

സംസ്ഥാനത്ത് ട്രോളിംഗ് നിരോധനം മത്സ്യത്തൊഴിലാളികളുടെ സഹകരണത്തോടെ നടപ്പിലാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

പ്രതികൂല കാലാവസ്ഥയും കള്ളക്കടൽ പ്രതിഭാസവും മൂലം ഏറെക്കാലം മത്സ്യബന്ധനത്തിന് പോകാൻ കഴിയാതെ ബുദ്ധിമുട്ടിലായ മത്സ്യത്തൊഴിലാളികളെ ട്രോളിംഗ് നിരോധന കാലത്ത് സഹായിക്കുന്നതിന് നടപ്പിലാക്കിയിട്ടുള്ള പദ്ധതികൾ എന്തെല്ലാമാണെന്ന് വിശദമാക്കാമോ;

ട്രോളിംഗ് നിരോധനം എല്ലാ വിഭാഗം മത്സ്യബന്ധന യാനങ്ങൾക്കും ബാധകമാക്കിയിട്ടുണ്ടോ; വിശദമാക്കാമോ;

അറബിക്കടലിൽ നിരന്തരം ഉണ്ടാകുന്ന പ്രതികൂല കാലാവസ്ഥ മൂലം തുടർച്ചയായി ഉണ്ടാകുന്ന മത്സ്യബന്ധന നിയന്ത്രണം പ്രതിസന്ധിയിലാക്കിയ മത്സ്യത്തൊഴിലാളികളുടെ വായ്പകളുടെ തിരിച്ചടവിന് ട്രോളിംഗ് നിരോധന കാലത്ത് മൊറട്ടോറിയം അനുവദിച്ചിട്ടുണ്ടോ; വിശദീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തെ ഏക ഗോത്ര വര്‍ഗ്ഗ പഞ്ചായത്തായ ഇടമലക്കുടിയില്‍ ഗതാഗതം, ആരോഗ്യം, വിദ്യാഭ്യാസം, വൈദ്യുതി തുടങ്ങിയ അടിസ്ഥാന സൗകര്യങ്ങള്‍ ഉറപ്പാക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

ഇടമലക്കുടിയില്‍ നിര്‍മ്മാണ പ്രവര്‍ത്തനങ്ങള്‍ ആരംഭിച്ച റോഡ്, വൈദ്യുതി, ഇന്റര്‍നെറ്റ് കണക്ഷന്‍ എന്നീ പ്രവൃത്തികളുടെ നിലവിലെ സ്ഥിതിയും പുരോഗതിയും വ്യക്തമാക്കുമോ;

വിവിധ വകുപ്പുകള്‍ യോജിച്ച് ഗോത്ര സമൂഹവുമായി ചേര്‍ന്ന് പ്രസ്തുത സമൂഹത്തിനായുള്ള വികസന പദ്ധതികള്‍ ശരിയായി നിര്‍വ്വഹിക്കുവാന്‍ നടപടി സ്വീകരിക്കുമോ?

സ്വാഭാവിക വനവല്‍ക്കരണത്തിന്റെ ഭാഗമായി അക്കേഷ്യ, മാഞ്ചിയം, യൂക്കാലിപ്റ്റസ് തുടങ്ങിയ മരങ്ങൾ നീക്കം ചെയ്യാൻ ഉദ്ദേശിക്കുന്നുണ്ടോ; വ്യക്തമാക്കുമോ;

അക്കേഷ്യ, മാഞ്ചിയം, യൂക്കാലിപ്റ്റസ് മരങ്ങള്‍ക്ക് പകരം തദ്ദേശീയ മരങ്ങൾ വച്ചുപിടിപ്പിച്ചാൽ വന്യജീവി ശല്യത്തിന് പരിഹാരമാകുമെന്ന് കരുതുന്നുണ്ടോ; വിശദമാക്കുമോ;

സംസ്ഥാനത്തിന്റെ ഏതെല്ലാം ഭാഗങ്ങളിൽ സ്വാഭാവിക വനം പദ്ധതി നടപ്പാക്കാനാണ് ലക്ഷ്യമിടുന്നതെന്ന് വിശദമാക്കുമോ?

സംസ്ഥാനത്തെ പട്ടികജാതി - പട്ടികവർഗ്ഗ, ഒ.ഇ.സി. വിഭാഗങ്ങളിൽപ്പെട്ട വിദ്യാർത്ഥികൾക്കുള്ള ലംപ്സം ഗ്രാന്റ്, ഹോസ്റ്റൽ ഫീസ് അടക്കമുള്ള അനുകൂല്യങ്ങളുടെ വിതരണം കുടിശികയാണ് എന്നത് വസ്തുതയാണോ;

സമയബന്ധിതമായി ഗ്രാന്റ് ലഭിക്കാത്തതിനാൽ പാവപ്പെട്ട നിരവധി വിദ്യാർത്ഥികൾക്ക് പഠനം ഉപേക്ഷിച്ചുപോകേണ്ട സാഹചര്യം ഉണ്ടാകുന്നുവെന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിദ്യാർത്ഥികൾക്കുള്ള ലംപ്സം ഗ്രാന്റ്, ഹോസ്റ്റൽ ഫീസ് അടക്കമുള്ള അനുകൂല്യങ്ങള്‍ യുദ്ധകാല അടിസ്ഥാനത്തിൽ വിതരണം ചെയ്യാൻ നടപടികൾ സ്വീകരിക്കുമോയെന്ന് വ്യക്തമാക്കുമോ?

പഠനം അവസാനിപ്പിച്ച് സ്കൂളുകളിൽ നിന്നും കൊഴിഞ്ഞു പോകുന്ന പട്ടികജാതി-പട്ടികവർഗ്ഗ വിദ്യാർത്ഥികളെ സംബന്ധിച്ച വിവരശേഖരണം നടത്തിയിട്ടുണ്ടോ; വിശദാംശം നൽകുമോ;

ഇപ്രകാരമുണ്ടാകുന്ന ​കൊഴിഞ്ഞുപോക്കിന്റെ കാരണങ്ങൾ വിശകലനം ചെയ്തിട്ടുണ്ടോ;

ഈ കുട്ടികളെ തിരികെ സ്കൂളിലേക്ക് കൊണ്ടുവരുന്നതിനും ഇവർക്ക് പ്രത്യേക പരിഗണന നൽകുന്നതിനും എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ;

ആദിവാസി മേഖലയിലെ കുട്ടികളുടെ പഠനവുമായി ബന്ധപ്പെട്ട യാത്രാസൗകര്യങ്ങള്‍ ഉറപ്പാക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

സംസ്ഥാനത്തിന്റെ മത്സ്യമേഖലയില്‍ നടപ്പാക്കി വരുന്ന പ്രധാനമന്ത്രി മത്സ്യ സമ്പാദ യോജനയുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

നാളിതുവരെ പ്രസ്തുത പദ്ധതി പ്രകാരം എന്തു തുക വകയിരുത്തിയിട്ടുണ്ടെന്നും എന്തു തുക ലഭിച്ചിട്ടുണ്ടെന്നുമുള്ള വിവരം ലഭ്യമാക്കുമോ;

കേന്ദ്ര സര്‍ക്കാരില്‍ നിന്നും മത്സ്യ മേഖലയ്ക്ക് മതിയായ വിഹിതം ലഭിക്കുന്നില്ല എന്ന പരാതി പരിശോധിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

സംസ്ഥാനത്ത് ജലജീവന്‍ പദ്ധതിയുടെ നിലവിലെ പുരോഗതി അറിയിക്കാമോ; പദ്ധതിയുടെ എത്ര ശതമാനം പ്രവൃത്തികള്‍ പൂർത്തിയാക്കിയെന്ന് വ്യക്തക്കാമോ;

പദ്ധതി മുഖേന വിഭാവനം ചെയ്ത കുടിവെള്ള കണക്ഷനുകള്‍ എത്രയെന്നത് സംബന്ധിച്ച് ജില്ലതിരിച്ചുള്ള വിവരം ലഭ്യമാണോ;

പദ്ധതി പൂർത്തിയാക്കുന്നതിനായി നിലവില്‍ അനുവദിച്ചിരിക്കുന്ന കാലാവധി എന്നുവരെയാണ്; പദ്ധതി പൂർത്തിയാക്കുന്നതില്‍ കാലതാമസം നേരിടുന്നത് എന്തുകൊണ്ടാണെന്ന് വിശദമാക്കാമോ;

നിലവില്‍ അനുവദിച്ചിരിക്കുന്ന കാലാവധിക്കുള്ളില്‍ പദ്ധതികള്‍ പൂർത്തിയാക്കാന്‍ നടപടികള്‍ ത്വരിതപ്പെടുത്തുമോയെന്ന് വ്യക്തമാക്കാമോ?

സംസ്ഥാനത്ത് ട്രോളിംഗ് നിരോധന കാലയളവിൽ മത്സ്യത്തൊഴിലാളികൾക്കായി എന്തെല്ലാം പദ്ധതികളാണ് നടപ്പിലാക്കാൻ ഉദ്ദേശിക്കുന്നത്; വിശദമാക്കാമോ;

ട്രോളിംഗ് നിരോധന കാലയളവിൽ പരമ്പരാഗത മത്സ്യത്തൊഴിലാളികളും ട്രോളർ തൊഴിലാളികളും തമ്മിൽ സംഘർഷം ഉണ്ടാകാതിരിക്കാൻ എന്തെല്ലാം മുൻകരുതലുകളാണ് സ്വീകരിച്ചിരിക്കുന്നത്; വിശദമാക്കാമോ;

ട്രോളിംഗ് നിരോധന കാലയളവിൽ മത്സ്യങ്ങളുടെ പ്രജനന വർദ്ധനവിനായി സൂക്ഷ്മതലത്തിൽ എന്തെല്ലാം നടപടികളാണ് നടപ്പിലാക്കാൻ ഉദ്ദേശിക്കുന്നത്; വിശദമാക്കാമോ?

പട്ടികജാതി-പട്ടികവർഗ്ഗ വിഭാഗങ്ങൾക്ക് വീട് നിര്‍മ്മിക്കുന്ന പ്രവൃത്തി ലൈഫ് ഭവന പദ്ധതിയിൽ ഉൾപ്പെടുത്തിയശേഷം നിർമ്മാണം മന്ദഗതിയിലായതായി പറയപ്പെടുന്നത് ഗൗരവത്തോടെ കാണുന്നുണ്ടോ; വിശദമാക്കാമോ;

നിർമ്മാണ സാമഗ്രികളുടെ വില ക്രമാതീതമായി വർധിച്ചതും പട്ടികജാതി-പട്ടികവർഗ്ഗ വിഭാഗങ്ങൾ താമസിക്കുന്ന ഉൾപ്രദേശങ്ങളിൽ നിർമ്മാണ സാമഗ്രികൾ എത്തിക്കുന്നതിനുള്ള ചെലവ് കൂടുതലായതും കാരണം പ്രസ്തുത വിഭാഗങ്ങൾക്ക് വീട് നിര്‍മ്മിക്കുന്നതിനായി ചെലവാകുന്ന തുക മറ്റു പ്രദേശങ്ങളെ അപേക്ഷിച്ച് കൂടുതലാണ് എന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഇക്കാരണത്താൽ ഭവനരഹിതരായ പട്ടികജാതി-പട്ടികവർഗ്ഗ കുടുംബങ്ങൾക്ക് വീടുവയ്ക്കാനുള്ള പദ്ധതി പ്രകാരം അനുവദിച്ച വീടുകളുടെ നിർമ്മാണം ഭൂരിഭാഗവും പാതിവഴിയിൽ നിലച്ച സ്ഥിതിയിലാണെന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പട്ടികജാതി-പട്ടികവർഗ്ഗ വിഭാഗങ്ങൾക്ക് വീട് വയ്ക്കാനായി അനുവദിക്കുന്ന തുക വർദ്ധിപ്പിക്കാൻ നടപടി സ്വീകരിക്കുമോ; ഇല്ലെങ്കിൽ കാരണം വിശദമാക്കാമോ?

വന്യജീവികള്‍ മനുഷ്യര്‍ക്ക് നേരെ നടത്തുന്ന ആക്രമണവും കൃഷിനാശവും വര്‍ദ്ധിക്കാതിരിക്കുന്നതിന് ഫലപ്രദമായ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

വന്യജീവി സങ്കേതങ്ങള്‍ ഉള്‍പ്പെടെയുള്ള സ്വാഭാവിക വനങ്ങള്‍ സംരക്ഷിക്കുന്നതിന് നടത്തുന്ന പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

വന്യമൃഗ ആവാസ കേന്ദ്രങ്ങളായ സാങ്ച്വറികളും പാര്‍ക്കുകളും സംരക്ഷിക്കുന്നതിനും വന്യമൃഗങ്ങള്‍ ജനവാസ മേഖലയിലേയ്ക്ക് ഇറങ്ങാതിരിക്കുന്നതിനും നടത്തി വരുന്ന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കാമോ?

ആദിവാസി മേഖലയിൽ താമസിക്കുന്നവരുടെ അടിയന്തര ആരോഗ്യപ്രശ്നങ്ങൾ പരിഹരിക്കുന്നതിന് നിലവിലുള്ള സംവിധാനങ്ങൾ പര്യാപ്തമാണെന്ന് കരുതുന്നുണ്ടോ; വിശദമാക്കാമോ;

മഴക്കാലത്ത് പ്രസ്തുത മേഖലയിൽ പടർന്നുപിടിക്കുന്ന രോഗങ്ങൾക്ക് യഥാസമയം ചികിത്സ ലഭ്യമാക്കാൻ സ്വീകരിച്ച നടപടികള്‍ വിശദമാക്കുമോ;

പ്രസ്തുത മേഖലയില്‍ മഴക്കാലത്തോടനുബന്ധിച്ച് സൗജന്യ ഭക്ഷണവിതരണം നടത്തുന്നതിന് സ്വീകരിച്ചു വരുന്ന നടപടികള്‍ വ്യക്തമാക്കാമോ?

മുതലപ്പൊഴി മത്സ്യബന്ധന തുറമുഖത്ത് ബോട്ടുകൾ അപകടത്തിൽപ്പെട്ട് മത്സ്യത്തൊഴിലാളികൾക്ക് ജീവൻ നഷ്ടപ്പെടുന്ന സംഭവങ്ങൾ തുടരെയുണ്ടാകുന്നത് ഗൗരവത്തോടെ കാണുന്നുണ്ടോ;

ഇപ്രകാരം നിരവധി മരണങ്ങൾ സംഭവിച്ചിട്ടും സർക്കാർ കാര്യക്ഷമമായി ഇടപെടൽ നടത്താത്തതായി പറയപ്പെടുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത തുറമുഖത്ത് അപകടങ്ങൾ ആവർത്തിക്കാതിരിക്കാൻ സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

പട്ടികജാതി സങ്കേതങ്ങളുടെയും കുടുംബങ്ങളുടെയും വ്യക്തികളുടെയും സാമൂഹികവും സാമ്പത്തികവുമായ അവസ്ഥയെക്കുറിച്ച് ഡിജിറ്റല്‍ പ്ലാറ്റ്ഫോമില്‍ സമഗ്രമായ വിവരശേഖരണം നടത്തുന്നതിനുള്ള ഹോം സര്‍വേയെക്കുറിച്ച് വിശദമാക്കാമോ;

സര്‍വേയുടെ പ്രവര്‍ത്തനങ്ങളും അതിന്റെ ഗുണമേന്മയും നിരീക്ഷിക്കുവാന്‍ സംസ്ഥാന-ജില്ലാ തലങ്ങളില്‍ പ്രത്യേക നിരീക്ഷണ സംവിധാനങ്ങള്‍ ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ;

പാര്‍ശ്വവല്‍ക്കൃത ജനവിഭാഗത്തിന്റെ വികസനം പൂര്‍ണ്ണമാക്കുന്നതിനും മറ്റ് ജനവിഭാഗങ്ങള്‍ക്കൊപ്പം സമൂഹത്തിന്റെ മുഖ്യധാരയിലേയ്ക്ക് ഉയര്‍ത്തുന്നതിനും വികസന പ്രക്രിയയിൽ പട്ടികജാതി ജനസമൂഹത്തെ എത്തിക്കുന്നതിനും ഹോം സര്‍വേ വഴി സാധിക്കുമോ എന്നു വ്യക്തമാക്കുമോ?

വന്യജീവി ആക്രമണത്തില്‍ പരിക്കേല്‍ക്കുന്നവര്‍ക്ക് ചികിത്സാ ചെലവ് അനുവദിക്കുന്നതിനുള്ള വ്യവസ്ഥകള്‍ ആക്രമണത്തിന് ഇരയായവര്‍ക്ക് സഹായം ലഭ്യമാകുന്നതിന് ബുദ്ധിമുട്ടുകള്‍ സൃഷ്ടിക്കുന്നതായുള്ള പരാതി ശ്രദ്ധയില്‍പ്പെട്ടിട്ടുണ്ടോ;

എങ്കിൽ പ്രസ്തുത വ്യവസ്ഥകള്‍ ലഘൂകരിക്കുന്നതിന് സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കുമോ;

ഈ സര്‍ക്കാര്‍ വന്ന ശേഷം ഈയിനത്തില്‍ വിതരണം ചെയ്ത നഷ്ടപരിഹാരത്തുകയെക്കുറിച്ചുള്ള വിവരം അറിയിക്കുമോ?

കപ്പൽച്ചാൽ ലംഘിച്ച് സഞ്ചാരം നടത്തുന്ന കപ്പലുകൾ മത്സ്യബന്ധന ബോട്ടുകളുമായി കൂട്ടിയിടിച്ച് അപകടങ്ങൾ ഉണ്ടാകുന്നത് പരിശോധിച്ചിട്ടുണ്ടോ; എങ്കിൽ വിശദമാക്കാമോ;

മത്സ്യത്തൊഴിലാളികളുടെ സുരക്ഷ ഒരുക്കുന്നതിന് ഇരുപത്തിനാല് മണിക്കൂർ നിരീക്ഷണവും പട്രോളിങ്ങും ഏർപ്പെടുത്താൻ കോസ്റ്റ് ഗാർഡിനും നാവിക സേനയ്ക്കും നിർദ്ദേശം നൽകാൻ കേന്ദ്ര സർക്കാരിനോട് ആവശ്യപ്പെടുമോ; വ്യക്തമാക്കാമോ;

കോസ്റ്റൽ പോലീസിന്റെ പ്രവർത്തനം മെച്ചപ്പെടുത്താനാവശ്യമായ നടപടി സ്വീകരിക്കുമോ;?

ആഗോളതാപനവും കാലാവസ്ഥാ വ്യതിയാനവും സൃഷ്ടിക്കുന്ന പ്രകൃതി പ്രതിഭാസങ്ങൾ സാധാരണ ജനങ്ങൾക്ക് ഉണ്ടാക്കുന്ന പ്രതിസന്ധികളിൽ സഹായഹസ്തമാകുന്നതിന് യുവജനങ്ങളെ പ്രാപ്തരാക്കുന്നതിന് വേണ്ടി നടപ്പിലാക്കുന്ന പദ്ധതികളെക്കുറിച്ച് വിശദമാക്കുമോ;

ഇത്തരം പ്രതിസന്ധികളിൽ സാധാരണ ജനങ്ങൾക്ക് കൈത്താങ്ങായി പ്രവർത്തിച്ച യുവജനങ്ങളുടെ ബൗദ്ധികശേഷിയും കായിക ശേഷിയും സംസ്ഥാനത്തിന്റെ പുനർനിർമ്മാണ പ്രവർത്തനങ്ങളിൽ പ്രയോജനപ്പെടുത്തുന്നതിനായി എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

ഓരോ ഗ്രാമപഞ്ചായത്ത് കേന്ദ്രീകരിച്ചും യൂത്ത് ബ്രിഗേഡുകളുടെ പ്രവർത്തനങ്ങളിൽ പാരിസ്ഥിതിക സംരക്ഷണം ഒരു പ്രധാന പ്രവർത്തനമായി ഉൾപ്പെടുത്തിയിട്ടുണ്ടോ; വിശദമാക്കുമോ;

കാലാവസ്ഥാവ്യതിയാനം മൂലം ഉണ്ടാകുന്ന പാരിസ്ഥിതിക അസന്തുലിതാവസ്ഥ സൃഷ്ടിക്കുന്ന കാലികമായ പ്രതിസന്ധികളെ ഗൗരവതരമായി നേരിടുന്നതിന് വനിതകളുടെ പ്രാതിനിധ്യവും കര്‍മ്മശേഷിയും കൂടുതലായി വിനിയോഗിക്കുന്നതിന് പദ്ധതി തയ്യാറാക്കിയിട്ടുണ്ടോ; വിശദമാക്കുമോ?

വന്യമൃഗങ്ങളുടെ ആക്രമണങ്ങള്‍ ഉണ്ടാകാനിടയുള്ള വനമേഖലകളിലും അതിര്‍ത്തികളിലും താമസിക്കുന്ന ആദിവാസി ഇതര സമൂഹങ്ങളില്‍പ്പെട്ട കുടുംബങ്ങളെ പുനരധിവസിപ്പിക്കാന്‍ തയ്യാറാക്കിയ പദ്ധതികള്‍ എന്തൊക്കെയാണെന്ന് വിശദമാക്കാമോ;

പ്രസ്തുത പദ്ധതികൾ മുഖേന എത്ര കുടുംബങ്ങളെ പുനരധിവസിപ്പിക്കാന്‍ കഴിഞ്ഞിട്ടുണ്ടെന്ന് വിശദമാക്കാമോ;

പുനരധിവസിപ്പിക്കപ്പെട്ടവരുടെ തൊഴില്‍ പരിശീലനത്തിനായി പ്രത്യേക പദ്ധതികളുണ്ടോ; വിശദമാക്കാമോ;

പുനരധിവസിപ്പിക്കപ്പെട്ട ശേഷം സര്‍ക്കാരിലേക്ക് നിക്ഷിപ്തമായ ഭൂമിയുടെ വിവരങ്ങള്‍ ലഭ്യമാക്കാമോ?

പട്ടികജാതി - പട്ടികവര്‍ഗ്ഗ വിദ്യാര്‍ത്ഥികളെ ശാക്തീകരിക്കുന്നതിനായി വിദ്യാഭ്യാസ മേഖലയില്‍ ആവിഷ്കരിച്ചിട്ടുളള പദ്ധതികളും പ്രവര്‍‍ത്തനങ്ങളും വിശദമാക്കുമോ;

സംസ്ഥാനത്ത് സ്ഥിര താമസക്കാരായ പട്ടികജാതി - പട്ടികവര്‍ഗ്ഗ വിദ്യാര്‍ത്ഥികള്‍ക്ക് വിദേശ സര്‍വ്വകലാശാലകളിലെ പോസ്റ്റ് ഗ്രാജ്വേറ്റ് കോഴ്സുകള്‍ പഠിക്കുന്നതിന് ആനുകൂല്യം ലഭിക്കുന്നുണ്ടോ; ഇല്ലെങ്കില്‍ ആനുകൂല്യം ലഭ്യമാക്കാന്‍ നടപടി സ്വീകരിക്കുമോ;

ലോകത്തെ എല്ലാ വിദ്യാഭ്യാസ സമ്പ്രദായങ്ങളും അവസരങ്ങളും പട്ടികജാതി - പട്ടികവര്‍ഗ്ഗ, പിന്നാക്കവിഭാഗ വിദ്യാര്‍ത്ഥികള്‍ക്കും ലഭിക്കുന്നുവെന്ന് ഉറപ്പുവരുത്തുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

സംസ്ഥാനത്ത് രൂക്ഷമായ കടലാക്രമണ ഭീഷണി നേരിടുന്ന ഹോട്ട്സ്പോട്ടുകള്‍ തിരിച്ചറിഞ്ഞിട്ടുണ്ടോ; വിശദമാക്കാമോ;

ഇത്തരം ഹോട്ട്സ്പോട്ടുകളില്‍ എന്തെല്ലാം നടപടികളാണ് നിലവില്‍ സ്വീകരിച്ച് വരുന്നത്; വ്യക്തമാക്കുമോ;

കടലാക്രമണ ഭീഷണിയുള്ള സ്ഥലങ്ങളില്‍ അത് നേരിടുന്നതിന് ഹ്രസ്വകാലാടിസ്ഥാനത്തില്‍ സ്വീകരിക്കുന്ന നടപടികള്‍ വിശദീകരിക്കാമോ;

ഇവയുടെ ഫലപ്രാപ്തി വിലയിരുത്തിയിട്ടുണ്ടോ; സുസ്ഥിരവും നൂതനവുമായ എന്തെല്ലാം പരിഹാര മാര്‍ഗങ്ങളാണ് ആവിഷ്ക്കരിച്ചിട്ടുള്ളതെന്ന് വെളിപ്പെടുത്താമോ?

ഈ സർക്കാർ അധികാരത്തിൽ വന്നതിനുശേഷം ദേവസ്വങ്ങളുടെയും ദേവസ്വം ക്ഷേത്രങ്ങളുടെയും പ്രവർത്തനം കാര്യക്ഷമമാക്കാൻ നടപടി സ്വീകരിച്ചിട്ടുണ്ടോ; വിശദമാക്കുമോ;

ശബരിമല ഉൾപ്പെടെയുള്ള ദേവസ്വം ബോർഡ് ക്ഷേത്രങ്ങളിലെ ജീവനക്കാർ ഭക്തജനങ്ങളോട് സംയമനമില്ലാതെ പെരുമാറുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ വ്യക്തമാക്കുമോ;

ക്ഷേത്ര ജീവനക്കാർ പാലിക്കേണ്ട ക്ഷേത്രാചാരങ്ങളെ സംബന്ധിച്ചും ക്ഷേത്രത്തിൽ ലഭിക്കുന്ന വിലപിടിപ്പുള്ള വസ്തുക്കൾ കൈകാര്യം ചെയ്യുന്നത് സംബന്ധിച്ചും ക്ഷേത്ര ജീവനക്കാർക്ക് പരിശീലനം നൽകേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കുമോ;

ക്ഷേത്ര സംബന്ധമായ പ്രവർത്തനങ്ങൾ സംബന്ധിച്ചും ഓഫീസ് നടപടിക്രമങ്ങളെ സംബന്ധിച്ചും തിരുവിതാംകൂർ ദേവസ്വം ബോർഡിന് കീഴിലുള്ള ക്ഷേത്ര ജീവനക്കാർക്ക് പരിശീലനം നൽകുന്നതിന് പദ്ധതി തയ്യാറാക്കിയിട്ടുണ്ടോ; വ്യക്തമാക്കുമോ;

ക്ഷേത്രങ്ങളുടെ ജീർണോദ്ധാരണ പ്രവർത്തനങ്ങൾ വേഗത്തിലാക്കുന്നതോടൊപ്പം ഭരണനിർവ്വഹണം കാര്യക്ഷമമാക്കി ക്ഷേത്രങ്ങളിലെ വരുമാനം വർദ്ധിപ്പിക്കുന്നതിനുള്ള പദ്ധതികളുടെ പുരോഗതി വിശദമാക്കുമോ?

വെളളപ്പൊക്കവും മഴക്കെടുതിയും ആവര്‍ത്തിച്ചുണ്ടാകുന്ന സാഹചര്യത്തില്‍ ഡാമുകളുടെ സംഭരണശേഷി വര്‍ദ്ധിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

മഴവെള്ളം കഴിയാവുന്നത്ര സ്ഥലങ്ങളില്‍ സംഭരിക്കുന്നതിന് ആവശ്യമായ മുന്നൊരുക്കങ്ങള്‍ നടത്തിയിട്ടുണ്ടോ; ഇതിനായി പ്രത്യേക പദ്ധതികള്‍ നിലവിലുണ്ടോ; വിശദമാക്കാമോ;

കുളങ്ങളും ജലസ്രോതസ്സുകളും മലിനമാകാതിരിക്കുന്നതിന് മറ്റു വകുപ്പുകളുമായി യോജിച്ച് പദ്ധതികളും പ്രവര്‍ത്തനങ്ങളും ആസൂത്രണം ചെയ്തിട്ടുണ്ടോ; വിശദാംശം അറിയിക്കാമോ?

സംസ്ഥാനത്തെ എല്ലാ പട്ടികവര്‍ഗ്ഗ കുടുംബങ്ങള്‍ക്കും ആവശ്യമായ അടിസ്ഥാന രേഖകള്‍ ലഭ്യമാക്കുന്നതിനും അവ സുരക്ഷിതമായി ഡിജിറ്റലൈസ് ചെയ്ത് സൂക്ഷിക്കുന്നതിനും നടപ്പിലാക്കിയ എ.ബി.സി.ഡി. പ്രോജക്ടിന്റെ ഉദ്ദേശ്യലക്ഷ്യങ്ങള്‍ വിശദമാക്കുാമോ;

പ്രസ്തുത ലക്ഷ്യങ്ങൾ എത്രത്തോളം നേടിയെടുക്കുവാന്‍ സാധ്യമായിട്ടുണ്ടെന്ന് വ്യക്തമാക്കാമോ;

ഏതൊക്കെ ജില്ലകളില്‍ പ്രസ്തുത പദ്ധതി പൂര്‍ത്തിയായിട്ടുണ്ട്; എല്ലാ ജില്ലകളിലും ഈ പദ്ധതി പൂര്‍ത്തിയാക്കുവാന്‍ നടപടി സ്വീകരിക്കുമോ?

സൊസൈറ്റി ഫോർ അസിസ്റ്റൻസ് ടു ഫിഷർവുമൺ (സാഫ്)-ന്റെ കീഴില്‍ നിലവില്‍ എത്ര സൂക്ഷ്മ തൊഴില്‍ സംരംഭങ്ങള്‍ വിജയകരമായി പ്രവർത്തിച്ചു വരുന്നു എന്നതിനെ സംബന്ധിച്ചുള്ള കണക്കു ലഭ്യമാണോ; വിശദമാക്കാമോ;

2006 മുതല്‍ നാളിതുവരെ എത്ര സൂക്ഷ്മ തൊഴില്‍ സംരംഭ യൂണിറ്റുകളാണ് സാഫിന്റെ കീഴില്‍ രൂപീകരിക്കപ്പെട്ടിട്ടുള്ളത്; അവയില്‍ എത്രയെണ്ണം സുസ്ഥിരത ഉറപ്പാക്കി പ്രവർത്തിച്ചുവരുന്നു; വെളിപ്പെടുത്തുമോ;

ഒരു കുടുംബം ഒരു സംരംഭം എന്ന രൂപത്തില്‍ പദ്ധതികള്‍ നടപ്പാക്കുവാന്‍ എന്തു നടപടിയാണ് സ്വീകരിച്ചിട്ടുള്ളതെന്നു വിശദമാക്കാമോ?

ഭരണ നിര്‍വ്വഹണം കാര്യക്ഷമമാക്കി ക്ഷേത്രങ്ങളുടെ വരുമാനം വര്‍ദ്ധിപ്പിക്കുവാന്‍ എന്തെല്ലാം നടപടികളാണ് ദേവസ്വം ബോര്‍ഡുകള്‍ ചെയ്ത് വരുന്നതെന്ന് വിശദമാക്കാമോ;

വഴിപാടിതര വരുമാനം വര്‍ദ്ധിപ്പിക്കുവാന്‍ ബോര്‍ഡുകള്‍ക്കായിട്ടുണ്ടോ; എങ്കില്‍ വിശദാംശം നല്‍കാമോ;

ആരാധനയ്ക്ക് ഒപ്പം ആതുര സേവനവും ഉറപ്പാക്കാന്‍ വിവിധ ദേവസ്വം ബോര്‍ഡുകള്‍ സ്വീകരിച്ച നടപടികള്‍ എന്തൊക്കെയാണ്?

കഴിഞ്ഞ ബഡ്ജറ്റില്‍ പ്രഖ്യാപിച്ച ഫിഷറീസ് ഇന്നവേഷന്‍ കൗണ്‍സില്‍ രൂപീകരിച്ചിട്ടുണ്ടോ; ഉണ്ടെങ്കിൽ എന്തെല്ലാം പ്രവര്‍ത്തനങ്ങള്‍ക്കാണ് പ്രസ്തുത കൗണ്‍സില്‍ മുന്‍ഗണന നല്‍കുന്നത്; വിശദമാക്കാമോ;

ഇല്ലെങ്കില്‍ എന്നത്തേക്ക് രൂപീകൃതമാകുമെന്നും ഇതിന്റെ ഫലപ്രാപ്തിക്കായി എന്തെല്ലാം പ്രവര്‍ത്തനങ്ങളാണ് വിഭാവനം ചെയ്യുന്നതെന്നും വ്യക്തമാക്കാമോ;

പ്രസ്തുത ഇന്നവേഷന്‍ കൗണ്‍സില്‍ നിലവില്‍ വരുന്നതിലൂടെ മത്സ്യക്കയറ്റുമതിയിലും മൂല്യവര്‍ദ്ധനവിലും എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വ്യക്തമാക്കാമോ?

പരമ്പരാഗത മത്സ്യത്തൊഴിലാളികളെ ആഴക്കടല്‍ മത്സ്യബന്ധനത്തിന് പ്രാപ്തരാക്കുന്നതിനായി എത്ര ബോട്ടുകളാണ് അനുവദിച്ചിട്ടുള്ളത്; അവയുടെ പ്രവർത്തനം വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

ഇത്തരം ബോട്ടുകളുടെ പ്രവർത്തനം സംബന്ധിച്ച് മത്സ്യത്തൊഴിലാളികളില്‍ നിന്നും പരാതി ലഭിച്ചിട്ടുണ്ടോ; എങ്കില്‍ അതിന്മേല്‍ എന്ത് നടപടിയാണ് സ്വീകരിച്ചിട്ടുള്ളതെന്ന് അറിയിക്കാമോ;

പരമ്പരാഗത മത്സ്യത്തൊഴിലാളികള്‍ക്ക് ആഴക്കടല്‍ മത്സ്യബന്ധനത്തില്‍ കൂടുതല്‍ പരിശീലനം നല്‍കുന്നതിന് നടപടി സ്വീകരിക്കുമോ; വിശദമാക്കാമോ?

സംസ്ഥാനത്തെ വന പുന:സ്ഥാപന പ്രവർത്തനങ്ങളുടെ ഭാഗമായി വൃക്ഷ ഇനങ്ങളെ തിരഞ്ഞെടുക്കുന്ന അവസരത്തിൽ പശ്ചിമഘട്ടത്തിന്റെ തനത് ആവാസവ്യവസ്ഥയ്ക്ക് അനുയോജ്യമായവ തിരഞ്ഞെടുക്കേണ്ട സാഹചര്യം പരിശോധനാവിധേയമാക്കിയിട്ടുണ്ടോ; വിശദീകരിക്കുമോ;

മഴക്കാടുകളെപ്പോലും ഊഷരഭൂമിയാക്കി നശിപ്പിക്കുന്ന യൂക്കാലി മരങ്ങൾ വനത്തിനുള്ളിൽ വീണ്ടും നട്ടു പിടിപ്പിക്കുന്നതിന് കെ.എസ്എഫ്.ഡി.സി. ശ്രമിക്കുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

2021-ലെ വന നയത്തിന് വിരുദ്ധമായി യൂക്കാലി മരങ്ങൾ വനത്തിനുള്ളിൽ നട്ടുപിടിപ്പിക്കുന്നതിന് കെ.എസ്.എഫ്.ഡി.സി. തീരുമാനിച്ച സാഹചര്യം പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ;

വന്യമൃഗങ്ങൾക്ക് ജലത്തിന്റെയും ഭക്ഷണത്തിന്റെയും ലഭ്യത ഉറപ്പാക്കുന്ന തരത്തിലുള്ള വൃക്ഷയിനങ്ങൾ നട്ടു പിടിപ്പിക്കുന്നതിനുള്ള പദ്ധതികളുടെ പുരോഗതി വിശദീകരിക്കുമോ?

പൈപ്പ് കണക്ഷനുകളിലെ ചോര്‍ച്ച, മീറ്റര്‍ തകരാര്‍, മോഷണം എന്നിവ മൂലം പ്രതിദിന വിതരണത്തിനായി തയ്യാറാക്കുന്ന വെള്ളത്തിന്റെ എത്ര ശതമാനമാണ് കണക്കില്‍പ്പെടാതെ നഷ്ടപ്പെടുന്നതെന്ന് വിശദമാക്കാമോ;

ഇതു മൂലം പ്രതിവര്‍ഷം വാട്ടര്‍ അതോറിറ്റിക്ക് ഉണ്ടാകുന്ന വരുമാന നഷ്ടം എത്രയാണെന്ന് അറിയിക്കുമോ;

കേരള വാട്ടര്‍ അതോറിറ്റിയില്‍ ഭൗതിക നഷ്ടവും വാണിജ്യ നഷ്ടവും വേര്‍തിരിച്ച് നിര്‍ണ്ണയിക്കുന്നതിനുള്ള എന്ത് സംവിധാനമാണ് നിലവിലുള്ളത്; വിശദാംശം നല്‍കാമോ;

കേരള വാട്ടര്‍ അതോറിറ്റി നിലവില്‍ നഷ്ടത്തിലാണോ പ്രവര്‍ത്തിക്കുന്നത്; വിശദാംശങ്ങൾ വ്യക്തമാക്കാമോ?