മികച്ച ക്രമസമാധാനപാലനശേഷിയും കുറ്റകൃത്യങ്ങള്‍ കണ്ടെത്തുന്നതിനും തടയുന്നതിനുമുള്ള മികവും ആധുനിക സാങ്കേതികവിദ്യ പ്രയോജനപ്പെടുത്തി സേവനം ലഭ്യമാക്കുന്നതിനുമുള്ള പ്രാപ്തിയും കെെവരിച്ചതിലൂടെ കേരള പോലീസ് രാജ്യത്തിന് തന്നെ മാതൃകയാണെന്ന് വിലയിരുത്തിയിട്ടുണ്ടോ; വിശദമാക്കുമോ;

സേനയുടെ ശോഭ കെടുത്തുന്ന വിധത്തില്‍ വകുപ്പിലെ ചില ഉദ്യോഗസ്ഥര്‍ നടത്തുന്ന പ്രവര്‍ത്തനങ്ങള്‍ ഗൗരവമായി കാണുന്നുണ്ടോ; വ്യക്തമാക്കാമോ;

എങ്കില്‍ ക്രിമിനല്‍ കേസുകളില്‍ ഉള്‍പ്പെട്ട് സേനയുടെ മികച്ച പ്രവര്‍ത്തനങ്ങള്‍ക്ക് കളങ്കം വരുത്തുന്ന തരത്തിലുള്ള പ്രവണത കര്‍ശനമായി നിയന്ത്രിക്കാൻ നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്തെ ഏതെല്ലാം സര്‍ക്കാര്‍ ആശുപത്രികളാണ് ദേശീയ ഗുണനിലവാര അംഗീകാരമായ 'ലക്ഷ്യ' സര്‍ട്ടിഫിക്കേഷന് അർഹത നേടിയിട്ടുള്ളതെന്ന് വ്യക്തമാക്കുമോ;

പ്രസവ ശുശ്രൂഷകള്‍ നടത്തുന്ന ആശുപത്രികളെ ദേശീയ ഗുണനിലവാരത്തിലേക്ക് ഉയര്‍ത്തുന്നതിന്റെ ഭാഗമായ പ്രവര്‍ത്തനങ്ങള്‍ക്കുള്ള അംഗീകാരമായി ഇതിനെ കാണാന്‍ കഴിയുമോ;

'ലക്ഷ്യ' സര്‍ട്ടിഫിക്കേഷനുള്ള നിലവാരത്തിലേയ്ക്ക് ഉയര്‍ത്തുന്നതിന് തിരുവനന്തപുരം എസ്.എ.ടി ആശുപത്രിയില്‍ എന്തെല്ലാം അത്യാധുനിക സംവിധാനങ്ങളാണ് ഒരുക്കിയിട്ടുള്ളതെന്ന് അറിയിക്കുമോ;

'അമ്മയ്‌ക്കൊരു കൂട്ട്' എന്ന പദ്ധതിയുടെ വിശദാംശം ലഭ്യമാക്കുമോ?

പബ്ലിക് സർവ്വീസ് കമ്മീഷനെ ചുമതലപ്പെടുത്തിയ നിയമനങ്ങൾ പല സ്ഥാപനങ്ങളിലും നടത്താൻ കഴിയുന്നില്ല എന്നത് പരിശോധിച്ചിട്ടുണ്ടോ; വ്യക്തമാക്കുമോ;

പ്രസ്തുത സ്ഥാപനങ്ങളിലേക്കുള്ള നിയമനത്തിന് വിശേഷാൽ ചട്ടം തയ്യാറാക്കുന്നതിൽ കാലതാമസം വരുത്തുന്നതിന്റെ കാരണം വിശദമാക്കുമോ;

നിശ്ചിത കാലയളവിനുളളിൽ വിശേഷാൽ ചട്ടം തയ്യാറാക്കി പി.എസ്.സി.ക്ക് നൽകാൻ അടിയന്തര നിർദ്ദേശം നൽകുമോ; വ്യക്തമാക്കാമോ;

പി.എസ്.സി. ക്ക് വിട്ട നിയമനങ്ങളിൽ താൽക്കാലിക നിയമനം നടത്തുന്നവർക്കെതിരെ എന്തു നടപടിയാണ് സ്വീകരിക്കാനുദ്ദേശിക്കുന്നത്; വിശദമാക്കുമോ?

റീജിയണൽ ക്യാൻസർ സെന്ററിൽ റേഡിയേഷൻ ചികിത്സയ്ക്കുള്ള സോഫ്‌റ്റ്‌വെയറിലടക്കം വിദേശ സൈബർ ആക്രമണം നടന്നത് ശ്രദ്ധയിൽപ്പെട്ടിട്ടുണ്ടോ;

റേഡിയേഷൻ ചികിത്സയ്ക്കുള്ള സോഫ്‌റ്റ്‌വെയർ, ഇരുപത് ലക്ഷത്തിലേറെ രോഗികളുടെ ആരോഗ്യവിവരങ്ങളടക്കം സൂക്ഷിച്ചിട്ടുള്ള രണ്ട് പ്രധാന സെർവറുകൾ എന്നിവ ഹാക്ക് ചെയ്യപ്പെട്ടു എന്നത് പരിശോധിച്ചിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച നടപടികൾ വിശദമാക്കുമോ;?

സംസ്ഥാനത്ത് ഇത്തവണ കാലാവസ്ഥാ വ്യതിയാനത്തെ തുടര്‍ന്നുണ്ടായ അതികഠിനമായ ചൂടിനെ അതിജീവിക്കുന്നതിനും ഉഷ്ണതരംഗ സാധ്യതകള്‍ കണക്കിലെടുത്തും മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന ദുരന്തനിവാരണ അതോറിറ്റിയുടെ അവലോകനയോഗത്തില്‍ എന്തെല്ലാം നടപടികളാണ് കെെക്കൊള്ളാന്‍ തീരുമാനിച്ചതെന്ന് അറിയിക്കുമോ;

പ്രസ്തുത തീരുമാനപ്രകാരം സംസ്ഥാനത്തെ വിവിധ സ്ഥാപനങ്ങളിലും മറ്റും എന്തെല്ലാം ക്രമീകരണങ്ങള്‍ വരുത്തുന്നതിനാണ് നിര്‍ദേശം നല്‍കിയതെന്ന് വിശദീകരിക്കാമോ;

കനത്ത ചൂടിനെ തുടര്‍ന്ന് സംസ്ഥാനത്ത് ഇത്തവണയുണ്ടായ കൃഷിനാശത്തിന്റെ തോത് പരിശാേധിച്ചിട്ടുണ്ടോ; എങ്കിൽ എത്ര തുകയുടെ നഷ്ടമാണുണ്ടായത് എന്ന് വ്യക്തമാക്കുമോ;

കൃഷിനാശമടക്കമുള്ളവയുടെ നഷ്ടപരിഹാരത്തിനായി കേന്ദ്ര സര്‍ക്കാര്‍ സഹായം നല്‍കിയിരുന്നോ; വിശദാംശം ലഭ്യമാക്കുമോ?

സംസ്ഥാന സർക്കാർ നെൽകർഷകർക്ക് പ്രോത്സാഹന ബോണസ് നൽകിവരുന്നുണ്ടോ എന്നറിയിക്കുമോ; വിശദമാക്കുമോ;

കേന്ദ്രസർക്കാർ നെല്ലിന്റെ താങ്ങുവില വർദ്ധിപ്പിച്ച സാഹചര്യത്തിൽ സംസ്ഥാന സർക്കാർ നൽകിവരുന്ന പ്രോത്സാഹന ബോണസ് ആനുപാതികമായി വർദ്ധിപ്പിക്കാൻ നടപടി സ്വീകരിക്കുമോ?

സംസ്ഥാനത്തെ ആശുപത്രികളിലെ സോഫ്‌റ്റ്‌വെയറുകൾ ഹാക്ക് ചെയ്യുന്നത് തടയാൻ സ്വീകരിച്ച നടപടികൾ വിശദമാക്കുമോ;

തിരുവനന്തപുരത്തെ റീജിയണൽ ക്യാൻസർ സെന്ററിൽ റേഡിയേഷൻ ചികിത്സയ്ക്കുള്ള സോഫ്‌റ്റ്‌വെയറിലടക്കം വിദേശ സൈബർ ആക്രമണം നടന്നതായി പറയുന്നത് ഗൗരവത്തോടെ കാണുന്നുണ്ടോ;

എങ്കിൽ ഇക്കാര്യത്തിൽ സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കുമോ?

ജയിൽ തടവുകാരുടെ ശിക്ഷായിളവ് സംബന്ധിച്ച 2018-ലെ സർക്കാർ ഉത്തരവിൽ രാഷ്ട്രീയ കൊലപാതക കേസുകളിൽ 14 വർഷത്തിൽ താഴെ മാത്രം ശിക്ഷ അനുഭവിച്ച കുറ്റവാളികൾക്ക് ശിക്ഷായിളവ് നൽകുവാൻ സാധിക്കില്ല എന്ന് വ്യവസ്ഥ ചെയ്തിട്ടുണ്ടോ;

ഈ വിഷയം സംബന്ധിച്ച 2022-ലെ ഉത്തരവിൽ പ്രസ്തുത വ്യവസ്ഥയിൽ മാറ്റം വരുത്തിയിട്ടുണ്ടോ; എങ്കിൽ പ്രസ്തുത വ്യവസ്ഥ നീക്കുവാനുണ്ടായ സാഹചര്യം വിശദമാക്കുമോ?

തദ്ദേശ സ്വയംഭരണ വകുപ്പിന് കീഴില്‍ പ്രവർത്തിക്കുന്ന ടേക്ക് എ ബ്രേക്ക് സെന്ററുകളുടെ പ്രവർത്തനം അവലോകനം ചെയ്തിട്ടുണ്ടോ; എങ്കില്‍ വിശദമാക്കുമോ;

സംസ്ഥാനത്ത് ഏതെല്ലാം ജില്ലകളില്‍ എത്ര വീതം ടേക്ക് എ ബ്രേക്ക് സെന്ററുകള്‍ പ്രവർത്തിക്കുന്നുണ്ടെന്നും അതിന്റെ ഓപ്പറേഷന്‍ ആരെയെല്ലാമാണ് ഏല്‍പ്പിച്ചിരിക്കുന്നതെന്നും അറിയിക്കാമോ;

പ്രസ്തുത സെന്ററുകളിലാകെ നാളിതുവരെ എത്ര പേർക്ക് തൊഴില്‍ നല്‍കാന്‍ കഴിഞ്ഞിട്ടുണ്ടെന്നും അവരുടെ ശരാശരി ദിവസ വേതനം എത്രയാണെന്നും വ്യക്തമാക്കാമോ;

പ്രവർത്തനം നിലച്ചതോ ആരംഭിക്കാന്‍ കഴിയാത്തതോ ആയ സെന്ററുകള്‍ നിലവിലുണ്ടോയെന്നും എങ്കില്‍ അവയെ പ്രവർത്തന സജ്ജമാക്കുന്നതിന് ആവശ്യമായ നടപടികള്‍ സ്വീകരിക്കുമോയെന്നും വ്യക്തമാക്കുമോ?

അടിസ്ഥാന ഡിജിറ്റല്‍ സാക്ഷരത കെെവരിക്കുന്നതിലൂടെ സര്‍ക്കാരിന്റെ ദെെനംദിന സേവനങ്ങള്‍ എല്ലാ പൗരന്മാര്‍ക്കും വേഗത്തില്‍ അനുഭവവേദ്യമാക്കുന്നതിനും വികസന പ്രവര്‍ത്തനങ്ങളില്‍ പങ്കാളികളാക്കുന്നതിനും കഴിയുമെന്ന് വിലയിരുത്തിയിട്ടുണ്ടോ;

എങ്കിൽ സംസ്ഥാനത്തെ മുഴുവന്‍ പൗരന്മാര്‍ക്കും ഡിജിറ്റല്‍ സാക്ഷരത ഉറപ്പാക്കി രാജ്യത്തെ ആദ്യ സമ്പൂര്‍ണ്ണ ഡിജിറ്റല്‍ സാക്ഷരത കെെവരിച്ച സംസ്ഥാനമായി കേരളത്തെ മാറ്റുക എന്ന ലക്ഷ്യം നേടാനായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

സമ്പൂര്‍ണ്ണ ഡിജിറ്റല്‍ സാക്ഷരത യജ്ഞത്തിന് വാളണ്ടിയര്‍മാരായി നിയോഗിച്ചിട്ടുള്ളത് ആരെയെല്ലാമാണ്; അവര്‍ക്ക് എന്തെല്ലാം പരിശീലനങ്ങളാണ് നല്‍കിയിട്ടുള്ളത്; വ്യക്തമാക്കുമോ?

സംസ്ഥാനത്ത് പ്രതിവർഷം അറുപതിനായിരത്തോളം കാൻസർ രോഗികള്‍ പുതുതായി രജിസ്റ്റർ ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ രോഗികളുടെ എണ്ണത്തിലുള്ള വർദ്ധനവ് കണക്കിലെടുത്ത് ആർദ്രം മിഷനിലെ പ്രധാന പദ്ധതികളിലൊന്നായി കാൻസർ പരിചരണം ഉള്‍പ്പെടുത്തിയിട്ടുണ്ടോ; വിശദമാക്കുമോ;

കാൻസർ രോഗികളെ നേരത്തേ കണ്ടെത്തി ചികിത്സ ഉറപ്പാക്കാനായി കാൻസർ കൺട്രോൾ സ്ട്രാറ്റജി നടപ്പിലാക്കിയിട്ടുണ്ടോ; വിശദമാക്കുമോ;

കാൻസർ രോഗ സാധ്യത മുന്‍കൂട്ടി കണ്ടെത്തി തുടർ പരിശോധനയ്ക്കും ചികിത്സയ്ക്കും വിധേയമാക്കാൻ കഴിയുന്ന പ്രിവന്റീവ് ഓങ്കോളജി ക്ലിനിക്കുകൾ എല്ലാ ജില്ലകളിലും ആരംഭിക്കുവാന്‍ ഉദ്ദേശിക്കുന്നുണ്ടോ; വിശദാംശം നൽകുമോ;

കാൻസർ ചികിത്സയും രോഗനിർണയവുമായി ബന്ധപ്പെട്ട എല്ലാ വിഭാഗങ്ങളെയും ഉൾപ്പെടുത്തി മൾട്ടി ഡിസിപ്ലിനറി ട്യൂമർ ബോർഡ് എല്ലാ സർക്കാർ കാൻസർ ചികിത്സാ കേന്ദ്രങ്ങളിലും രൂപീകരിച്ചിട്ടുണ്ടോ; വിശദമാക്കുമോ?

ഗ്രാമപഞ്ചായത്തുകളുടെ നേതൃത്വത്തിലുള്ള തൊഴിലുറപ്പ് പദ്ധതിയും വനിതാ ശിശു വികസന വകുപ്പും ത്രിതല തദ്ദേശ സംവിധാനങ്ങളും സംയുക്തമായി നടപ്പാക്കുന്ന അങ്കണവാടി കെട്ടിട നിർമ്മാണ പദ്ധതിയുടെ പുരോഗതി വ്യക്തമാക്കാമോ;

പ്രസ്തുത സംയുക്ത സംരംഭത്തിന് കീഴില്‍ ഇതുവരെ എത്ര അങ്കണവാടി കെട്ടിടങ്ങളുടെ നിർമ്മാണം പൂർത്തീകരിച്ചിട്ടുണ്ടെന്നും നിലവില്‍ നിർമ്മാണം പുരോഗമിക്കുന്നവയും എത്ര വീതമെന്ന് അറിയിക്കാമോ;

അങ്കണവാടി കെട്ടിടങ്ങള്‍ നിർമ്മിക്കുന്നതിനുള്ള ഭൂമി കണ്ടെത്തുന്നതിന് സ്വീകരിച്ചുവരുന്ന മാർഗ്ഗങ്ങൾ എന്തെല്ലാമാണെന്ന് വ്യക്തമാക്കുമോ?

കുടുംബശ്രീ ഉല്പന്നങ്ങളുടെ വിപണന സാധ്യതകള്‍ പ്രയോജനപ്പെടുത്തുന്നതിന് കുടുംബശ്രീ ബ്രാന്‍ഡില്‍ ഉല്പന്നങ്ങള്‍ വിപണിയില്‍ എത്തിക്കുന്നതിന് പദ്ധതികള്‍ ആസൂത്രണം ചെയ്തിട്ടുണ്ടോ;

നിലവില്‍ ഏതെല്ലാം ജില്ലകളിലാണ് ബ്രാന്‍ഡിംഗ് പദ്ധതി നടപ്പാക്കിയിട്ടുള്ളതെന്നും ഏതെല്ലാം ഉല്പന്നങ്ങള്‍ക്കാണ് ഇതുവരെ ബ്രാന്‍ഡിംഗ് നടപ്പാക്കിയിട്ടുള്ളതെന്നും അറിയിക്കുമോ; വ്യക്തമാക്കുമോ;

സംസ്ഥാനത്താകെയുള്ള കുടുംബശ്രീ സംരംഭങ്ങളുടെ ഒരു ക്ലസ്റ്റർ രൂപീകരിച്ച് ഏകീകൃത ബ്രാന്‍ഡിംഗിലേയ്ക്ക് കൊണ്ടുവരുന്നതിന് നടപടി സ്വീകരിക്കുമോ; വ്യക്തമാക്കുമോ?

ജയിൽ തടവുകാർക്ക് ശിക്ഷ ഇളവ് നൽകുന്നതു സംബന്ധിച്ച 2022-ലെ സർക്കാർ ഉത്തരവ് പ്രകാരം രാഷ്ട്രീയ കൊലപാതക കേസുകളിൽ പതിനാല് വർഷത്തിൽ താഴെ മാത്രം ശിക്ഷ അനുഭവിച്ച കുറ്റവാളികൾക്ക് ശിക്ഷ ഇളവ് നൽകാൻ സാധിക്കുമോ; വ്യക്തമാക്കുമോ;

മന്ത്രിസഭാ തീരുമാനത്തിന്റെ അടിസ്ഥാനത്തിലാണോ പ്രസ്തുത ഉത്തരവ് പുറപ്പെടുവിച്ചതെന്ന് വ്യക്തമാക്കുമോ;

രാഷ്ട്രീയ കൊലപാതക കേസുകളിൽ പതിനാല് വർഷത്തിൽ താഴെ മാത്രം ശിക്ഷ അനുഭവിച്ച കുറ്റവാളികൾക്ക് ശിക്ഷ ഇളവ് നൽകാൻ സാധിക്കില്ല എന്ന വ്യവസ്ഥ 2022-ലെ പുതിയ ഉത്തരവിൽ നിന്നും നീക്കാനുള്ള സാഹചര്യം എന്താണെന്ന് വ്യക്തമാക്കുമോ?

പ്രാദേശിക സംരംഭകരുടെ ഉല്പന്നങ്ങള്‍ക്ക് സാമൂഹ്യാധിഷ്ഠിത വിതരണ സംവിധാനം ഒരുക്കുന്നതിന് കുടുംബശ്രീ സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിശദമാക്കുമോ;

കുടുംബശ്രീ ഉല്പന്നങ്ങള്‍ക്ക് കാര്യക്ഷമമായ ഒരു വിതരണ-വിപണന ശൃംഖല സൃഷ്ടിക്കുന്നതിനായി ഉല്പാദകരെയും വിതരണക്കാരെയും ഉപഭോക്താക്കളെയും കോര്‍ത്തിണക്കുന്ന ഭരണ നിര്‍വ്വഹണ സംവിധാനം രൂപീകരിച്ചിട്ടുണ്ടോ; എങ്കില്‍ അതിന്റെ പ്രവര്‍ത്തന പുരോഗതി വ്യക്തമാക്കുമോ;

കുടുംബശ്രീ ഉല്പന്നങ്ങള്‍ നേരിട്ട് വീടുകളില്‍ എത്തിച്ച് വിപണനം നടത്തുന്നതിനുള്ള ഹോം ഷോപ്പ് സംവിധാനം സംബന്ധിച്ച് വിശദമാക്കുമോ?

ഈ സർക്കാരിന്റെ പ്രഖ്യാപിത ലക്ഷ്യങ്ങളിലൊന്നായ തിരുവനന്തപുരം മെട്രോ റെയില്‍ പദ്ധതിയുടെ പ്രാഥമിക പദ്ധതി രേഖ സർക്കാരിന് സമർപ്പിച്ചിട്ടുണ്ടോ; എങ്കില്‍ ഇതുമായി ബന്ധപ്പെട്ട് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

പ്രസ്തുത പദ്ധതി രേഖയില്‍ ഒന്നാം ഘട്ട പദ്ധതിയുടെ നടത്തിപ്പിനായും പുനരധിവാസത്തിനായും ഏകദേശം എത്ര തുക ചെലവ് വരുമെന്നാണ് പറഞ്ഞിട്ടുള്ളതെന്ന് അറിയിക്കാമോ;

ഒന്നാം ഘട്ടത്തില്‍ വിഭാവനം ചെയ്യുന്ന പദ്ധതിയുടെ വിശദാംശം വെളിപ്പെടുത്താമോ; പദ്ധതി കൊച്ചി മെട്രോ മാതൃകയില്‍ മേല്‍പ്പാലങ്ങളിലൂടെയാണോ നിർമ്മിക്കാന്‍ ഉദ്ദേശിക്കുന്നതെന്നറിയിക്കാമോ;

പ്രസ്തുത പദ്ധതി ആരംഭിക്കുന്നതിനാവശ്യമായ എന്തെല്ലാം പ്രാഥമിക ഇടപെടലുകളാണ് കേന്ദ്ര സർക്കാരുമായി ഇതുവരെ നടത്തിയിട്ടുള്ളതെന്ന് വ്യക്തമാക്കാമോ?

ഈ സര്‍ക്കാര്‍ നടപ്പിലാക്കിയ നൂറ് ദിന പദ്ധതികളുടെ വിശദാംശം നല്‍കുമോ;

നൂറുദിന പരിപാടികളുടെ നടത്തിപ്പ് സംസ്ഥാനത്തിന്റെ സാമൂഹിക-പശ്ചാത്തല-തൊഴില്‍ മേഖലകളിലെല്ലാം ഗണ്യമായ ചലനങ്ങള്‍ സൃഷ്ടിക്കുന്നതിന് കഴിഞ്ഞിട്ടുണ്ടോ; വ്യക്തമാക്കുമോ;

മൂന്നാം നൂറ് ദിന പരിപാടിയില്‍ പ്രഖ്യാപിച്ച പദ്ധതികളില്‍ ലക്ഷ്യം പൂര്‍ത്തീകരിക്കാന്‍ കഴിഞ്ഞ പദ്ധതികള്‍ സംബന്ധിച്ച് വിശദമാക്കാമോ;

ഈ സര്‍ക്കാരിന്റെ നാലാം നൂറ് ദിന പരിപാടി സംബന്ധിച്ച് മന്ത്രിസഭാ യോഗ തീരുമാനങ്ങള്‍ ഉണ്ടായിട്ടുണ്ടോ; എങ്കില്‍ മുന്‍കാലങ്ങളെ അപേക്ഷിച്ച് നാലാം നൂറ് ദിന പദ്ധതിയ്ക്ക് എന്തെല്ലാം പ്രത്യേകതകളാണുള്ളതെന്ന് വ്യക്തമാക്കുമോ?

കെ-ഡിസ്കിന്റെ ഉദ്ദേശലക്ഷ്യങ്ങൾ എന്തെല്ലാമാണെന്ന് വ്യക്തമാക്കുമോ;

കെ-ഡിസ്ക് പ്രവർത്തനമാരംഭിച്ചത് എന്നാണെന്നും ഇതിലൂടെ എത്ര തൊഴിൽ സംരംഭങ്ങൾ ഇതിനകം സംഭാവന ചെയ്യുവാൻ കഴിഞ്ഞിട്ടുണ്ടെന്നും അറിയ്ക്കാമോ;

ആഗോള വ്യവസായ മേഖലയിൽ ഉണ്ടാകുന്ന മാറ്റത്തിനനുസൃതമായി സൃഷ്ടിക്കാനിടയുള്ള തൊഴിലവസരങ്ങൾ പ്രയോജനപ്പെടുത്തുന്നതിന് എന്തെല്ലാം മുന്നൊരുക്കങ്ങളാണ് കെ-ഡിസ്കിലൂടെ നടപ്പാക്കി വരുന്നതെന്ന് വിശദമാക്കുമോ;

കെ-ഡിസ്കിന്റെ പ്രവർത്തനങ്ങൾ വ്യാപിപ്പിക്കുന്നതിനും കൂടുതൽ പേർക്ക് അവസരമൊരുക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്തെ ജയിലുകളുടെ പ്രവര്‍ത്തനങ്ങള്‍ കാലാനുസൃതമായി നവീകരിക്കുന്നതിനും അന്തേവാസികളുടെ ഉന്നമനത്തിനുമായി നടത്തിവരുന്ന പ്രവര്‍ത്തനങ്ങൾ എന്തെല്ലാമാണെന്ന് വ്യക്തമാക്കുമോ;

ജയിലുകളിലെ അന്തേവാസികള്‍ക്കായി ഈ സര്‍ക്കാര്‍ നടത്തിവരുന്ന വിവിധങ്ങളായ പദ്ധതികളുടെ പുരോഗതി വ്യക്തമാക്കുമോ;

തിരുവനന്തപുരം പൂജപ്പുര സെന്‍ട്രല്‍ ജയിലിലെ അന്തേവാസികളുടെ ഉന്നമനത്തിനായി വകുപ്പ് മുഖേന നിലവില്‍ നടപ്പാക്കി വരുന്ന പദ്ധതികൾ എന്തെല്ലാമാണ്; വിശദമാക്കുമോ;

ഓരോ പദ്ധതിയിലൂടെയും എന്തെല്ലാം നേട്ടങ്ങൾ കെെവരിക്കാന്‍ കഴിഞ്ഞിട്ടുണ്ടെന്ന് വിശദമാക്കുമോ?

സര്‍ക്കാര്‍ ആശുപത്രികളില്‍ നിലവിലുള്ള ലബോറട്ടറി സംവിധാനത്തിന്റെ പോരായ്മകള്‍ ശ്രദ്ധയില്‍പ്പെട്ടിട്ടുണ്ടോ;

പ്രാഥമിക തലങ്ങളിലെ ആശുപത്രികളില്‍ വേണ്ടത്ര സൗകര്യമില്ലാത്തതും ടെക്നീഷ്യന്‍മാരുടെ കുറവും മൂലം പാവപ്പെട്ട രോഗികള്‍ സ്വകാര്യ ലാബുകളെ ആശ്രയിക്കേണ്ടി വരുന്നത് കൊണ്ടുള്ള ബുദ്ധിമുട്ടുകള്‍ പരിഹരിക്കുവാന്‍ നടപടി സ്വീകരിക്കുമോ;

സ്വകാര്യ ലാബുകളെപ്പോലെ സാമ്പിള്‍ ശേഖരിച്ച് കൂടുതല്‍ സൗകര്യമുള്ള ലാബുകളില്‍ എത്തിച്ച് പരിശോധിക്കുന്ന സംവിധാനം സര്‍ക്കാര്‍ ആശുപത്രികളിലെ ലാബുകളിലും ഏര്‍പ്പെടുത്തുമോ; വ്യക്തമാക്കുമോ;

സര്‍ക്കാര്‍ ആശുപത്രികളിലെ ലാബ്‌ സംവിധാനം പരിഷ്ക്കരിക്കുവാന്‍ പുതിയ പദ്ധതി അവിഷ്ക്കരിച്ചിട്ടുണ്ടോ; എങ്കിൽ വിശദാംശം നല്‍കുമോ?

തിരുവനന്തപുരം മെട്രോ റെയില്‍ പദ്ധതിയുടെ പ്രാഥമിക രൂപരേഖ തയ്യാറാക്കുന്നതിന് നിയോഗിച്ചത് ഏത് ഏജന്‍സിയെയാണ്; പ്രസ്തുത ഏജന്‍സി ഇതു സംബന്ധിച്ച പ്രാഥമിക പദ്ധതിരേഖ സമര്‍പ്പിച്ചിട്ടുണ്ടോ; എങ്കില്‍ അതിന്റെ വിശദാംശം ലഭ്യമാക്കുമോ;

ഒന്നാംഘട്ട നിര്‍മ്മാണത്തിനും നിര്‍മ്മാണ പുനരധിവാസ പദ്ധതിയ്ക്കുമായി എത്ര രൂപ ചെലവുവരുമെന്നാണ് പ്രാഥമിക നിഗമനം; വ്യക്തമാക്കാമോ;

ഏതെല്ലാം പ്രദേശങ്ങളെ ഉള്‍പ്പെടുത്തിയാണ് ഒന്നാംഘട്ട നിര്‍മ്മാണ പ്രവര്‍ത്തനം നടത്താന്‍ ഉദ്ദേശിക്കുന്നത്; വിശദമാക്കാമോ;

രണ്ടാംഘട്ട പദ്ധതി സംബന്ധിച്ച് പ്രാഥമിക പഠനം നടത്തിയിട്ടുണ്ടോ; എങ്കില്‍ പ്രത്യേകമായ എന്തെല്ലാം നിര്‍ദ്ദേശങ്ങളാണുള്ളതെന്ന് അറിയിക്കാമോ?

കൊച്ചിൻ മെട്രോ റെയിൽ ലിമിറ്റഡ് നടത്തിയ ആൾട്ടർനേറ്റീവ് ട്രാൻസ്പോർട്ട് അനാലിസിസ് പഠനത്തിൽ കൊച്ചി മെട്രോ മാതൃകയിലുള്ള മീഡിയം മെട്രോ റെയിൽ പദ്ധതിയാണ് തിരുവനന്തപുരത്തിന് അനുയോജ്യമെന്ന് കണ്ടെത്തിയിട്ടുണ്ടോ; വിശദമാക്കുമോ;

തിരുവന്തപുരം മെട്രോറെയിൽ പദ്ധതിയുടെ പ്രാഥമിക പദ്ധതി രേഖ കൊച്ചി മെട്രോ റെയിൽ ലിമിറ്റഡ് സർക്കാരിന് സമർപ്പിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

തലസ്ഥാനത്തെ മെട്രോറെയിൽ പദ്ധതിക്ക് കേന്ദ്ര സർക്കാരിന്റെ പിന്തുണ ലഭിച്ചിട്ടുണ്ടോ; വ്യക്തമാക്കുമോ;

പ്രസ്തുത പദ്ധതി അടിയന്തരമായി സാക്ഷാത്കരിക്കാനുള്ള ശക്തമായ ഇടപെടൽ നടത്തുമോ; വ്യക്തമാക്കുമോ?

തമിഴ്‍നാട് അടക്കമുള്ള സംസ്ഥാനങ്ങളിൽ നിന്നും ഗുണമേന്മ കുറഞ്ഞ ശർക്കര ‌‌‌സംസ്ഥാനത്തേയ്ക്ക് കൊണ്ടു വരുന്നത് ഭക്ഷ്യസുരക്ഷാ വിഭാഗത്തിന്റെ ശ്രദ്ധയിൽപ്പെട്ടിട്ടുണ്ടോ;

എങ്കിൽ അത് തടയുന്നതിനായി സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കുമോ?

അടുത്ത കാലത്ത് തൃശ്ശൂർ, മലപ്പുറം, പാലക്കാട് ജില്ലകളിൽ നേരിയ ഭൂചലനം ഉണ്ടായതായി റിപ്പോർട്ട് ചെയ്തിട്ടുണ്ടോയെന്ന് വ്യക്തമാക്കുമോ;

ഇതു സംബന്ധിച്ച് ദുരന്തനിവാരണ വകുപ്പ് അന്വേഷണം നടത്തിയിട്ടുണ്ടോ; എങ്കിൽ നിഗമനങ്ങൾ എന്തെല്ലാമാണെന്ന് വിശദമാക്കുമോ;

ഭൂചലനത്തെ തുടർന്ന് ജനങ്ങൾക്കിടയിലുണ്ടായ ആശങ്ക അകറ്റുന്നതിന് സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വിശദമാക്കുമോ?

പ്രകൃതിക്ഷോഭങ്ങളും കാലാവസ്ഥാ വ്യതിയാനങ്ങളും വർദ്ധിക്കുന്ന സാഹചര്യത്തിൽ തദ്ദേശ സ്വയംഭരണ സ്ഥാപനങ്ങൾ ജനപങ്കാളിത്തത്തോടെ കാലാവസ്ഥാ വ്യതിയാന പ്രാദേശിക കർമ്മപദ്ധതി തയ്യാറാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാന ദുരന്ത നിവാരണ അതോറിറ്റിയുടെയും കിലയുടെയും സാങ്കേതിക സഹായത്തോടെ ദുരന്തങ്ങളുടെ ആഘാതം ലഘൂകരിക്കാനായി തദ്ദേശ സ്വയംഭരണ സ്ഥാപനങ്ങൾ കാലാവസ്ഥാ വ്യതിയാന പ്രാദേശിക കർമ്മപദ്ധതി രേഖ തയ്യാറാക്കിയിട്ടുണ്ടോ; വിശദമാക്കാമോ;

മുൻഗണന അനുസരിച്ച് പ്രസ്തുത രേഖകൾ തദ്ദേശ സ്വയംഭരണ സ്ഥാപനങ്ങളുടെ വാർഷിക പദ്ധതിയിൽ ഉൾപ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കാമോ;

കാലാവസ്ഥാ ഘടകങ്ങളായ വാർഷിക വർഷപാതം, ദൈനംദിന മഴയുടെ തീവ്രത, താപനില എന്നിവയുടെ ചരിത്രപരമായ മാറ്റങ്ങളും അവയുടെ ഭാവിഗതിയും വിശകലനം ചെയ്ത് കർമ്മപദ്ധതി രേഖയിൽ ഉൾപ്പെടുത്തിയിട്ടുണ്ടോ; വിശദമാക്കാമോ?

സംസ്ഥാനത്തിന്റെ വിവിധ ഭാഗങ്ങളിലായി ഉണ്ടാകുന്ന കൊലപാതകങ്ങൾ ഉൾപ്പെടെയുളള അക്രമ സംഭവങ്ങൾ മുൻകൂട്ടി തിരിച്ചറിയാൻ പോലീസിന് കഴിയുന്നില്ല എന്ന ആക്ഷേപം പരിശോധിച്ചിട്ടുണ്ടോ; വ്യക്തമാക്കുമോ;

വിവരശേഖരണത്തിൽ വീഴ്ച വരുത്തുന്ന സ്പെഷ്യൽ ബ്രാഞ്ചിന്റെ പ്രവർത്തനം മെച്ചപ്പെടുത്താൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ;

സ്ഥിരമായി സംഘർഷങ്ങൾ ഉണ്ടാകുന്ന സ്ഥലങ്ങളെയും ഗുണ്ടാ സംഘങ്ങളെയും നിരീക്ഷിച്ച് കുറ്റകൃത്യങ്ങൾ തടയുന്നതിന് ആവശ്യമായ നിർദേശം നൽകുമോ; വിശദമാക്കുമോ?

സംസ്ഥാനത്തിന്റെ സാമ്പത്തിക വളര്‍ച്ചയില്‍ നിര്‍ണ്ണായക സംഭാവന നല്‍കുന്ന പ്രവാസികള്‍ക്ക് സംസ്ഥാന ഭരണ നിര്‍വ്വഹണത്തില്‍ യാതൊരു ഇടപെടലും ഉണ്ടായിരുന്നില്ല എന്ന പരാതി ലോക കേരളസഭയിലൂടെ പരിഹാരമായെന്ന വിലയിരുത്തല്‍ നടത്തിയിട്ടുണ്ടോ;

സംസ്ഥാന സര്‍ക്കാരിന്റെ നയരൂപീകരണത്തിന് സഹായകമായ നിര്‍ദ്ദേശങ്ങള്‍ ലോക കേരള സഭയിലൂടെ സാധ്യമായിട്ടുണ്ടോയെന്ന് വ്യക്തമാക്കുമോ;

മൂന്നാം ലോക കേരള സഭയില്‍ ഉയര്‍ന്നുവന്ന പ്രധാനപ്പെട്ട നിര്‍ദ്ദേശങ്ങള്‍ നടപ്പാക്കാൻ ഇതിനകം സാധിച്ചിട്ടുണ്ടോയെന്ന് അറിയിക്കുമോ;

നാലാം ലോക കേരള സഭയില്‍ ഉയര്‍ന്നുവന്നിട്ടുള്ള നിര്‍ദ്ദേശങ്ങളില്‍/ആവശ്യങ്ങളില്‍ എന്തെല്ലാമാണ് നടപ്പാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്ത് കഴിഞ്ഞ മൂന്നു വർഷക്കാലത്തിൽ അപൂർവ്വ ജനിതക വൈകല്യരോഗങ്ങളായ സ്പൈനൽ മസ്കുലാർ ​അട്രോഫി, തലാസീമിയ, സിക്കിൾസെല്‍ അനീമിയ എന്നിവ റിപ്പോർട്ട് ചെയ്യപ്പെട്ടിട്ടുണ്ടോയെന്ന് വിശദമാക്കുമോ;

പ്രസ്തുത രോഗങ്ങള്‍ക്കുളള ചികിത്സാ സൗകര്യം നിലവിലുണ്ടോയെന്ന് വ്യക്തമാക്കുമോ;

പ്രസ്തുത രോഗങ്ങളുടെ ചികിത്സയ്ക്കാവശ്യമായ എന്തെല്ലാം ക്രമീകരണങ്ങളാണ് ഏർപ്പെടുത്താനുദ്ദേശിക്കുന്നതെന്ന് വിശദമാക്കുമോ?

ഉന്നത വിദ്യാഭ്യാസം നേടിയവരും തൊഴിൽരഹിതരുമായ യുവാക്കൾക്ക് കൂടുതൽ തൊഴിലവസരങ്ങളൊരുക്കുവാൻ പര്യാപ്തമായ പദ്ധതികൾ തദ്ദേശസ്വയംഭരണ സ്ഥാപനങ്ങൾ ആവിഷ്കരിച്ച് നടപ്പാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കോവിഡുമായി ബന്ധപ്പെട്ട് നടപ്പാക്കിയ വര്‍ക്ക് നിയര്‍ ഹോം സംവിധാനം കോവിഡിന് ശേഷവും പുതിയൊരു തൊഴില്‍ സംസ്‌കാരമായി ഉയര്‍ന്ന് വന്നിട്ടുണ്ടോ; എങ്കില്‍ പ്രസ്തുത ആശയം സംസ്ഥാനത്ത് നടപ്പിലാക്കാൻ സ്വീകരിച്ചിട്ടുള്ള നടപടികൾ എന്തെല്ലാമാണ്; വിശദമാക്കുമോ;

വർക്ക് നിയർ ഹോം സെന്ററുകൾ, നൈപുണ്യ പരിശീലനങ്ങൾ എന്നിവയ്ക്ക് ഊന്നൽ നൽകിക്കൊണ്ടുള്ളതാവണം വാർഷിക പദ്ധതികളെന്ന് തദ്ദേശ സ്വയംഭരണ സ്ഥാപനങ്ങളോട് ആവശ്യപ്പെട്ടിട്ടുണ്ടോ; വിശദമാക്കുമോ;

അഭ്യസ്തവിദ്യരായ യുവാക്കളുടെ നൈപുണ്യ വികസനത്തിനായി തദ്ദേശസ്വയംഭരണ സ്ഥാപനങ്ങൾ മുഖേന പ്രോത്സാഹനം നടത്തുവാനും ഇതിന്റെ ഭാഗമായി പഞ്ചായത്തുകളിൽ തൊഴിൽ കൗൺസലിംഗിന് സ്ഥിരം സംവിധാനം ഏർപ്പെടുത്തുവാനും ഉദ്ദേശിക്കുന്നുണ്ടോ; വിശദമാക്കുമോ?

സംസ്ഥാനത്തെ ആശുപത്രികളില്‍ പോസ്റ്റ്മോര്‍ട്ടം നടപടികളിലെ കാലതാമസവും സങ്കീര്‍ണതകളും ഒഴിവാക്കുന്നതിനും നിയമനടപടികള്‍ പൂര്‍ത്തിയായാലുടന്‍ പോസ്റ്റ്മോര്‍ട്ടം നടത്തുന്നതിനും ആവശ്യമായ നടപടികള്‍ സ്വീകരിക്കുമോ;

സംസ്ഥാനത്തെ ഏതെല്ലാം സര്‍ക്കാര്‍ ആശുപത്രികളിലാണ് നിലവില്‍ പോസ്റ്റ്മോര്‍ട്ടം നടത്തി വരുന്നത്; പ്രസ്തുത ആശുപത്രികളിലെല്ലാം പോലീസ് സര്‍ജന്റെ സേവനം ലഭ്യമാക്കാന്‍ കഴിയുന്നുണ്ടോ; വ്യക്തമാക്കുമോ;

പോസ്റ്റ്മോര്‍ട്ടം നടന്നു വരുന്ന എല്ലാ മോര്‍ച്ചറികളും നവീകരിക്കുന്നതിനും അവിടങ്ങളിലെ സൗകര്യങ്ങള്‍ വര്‍ദ്ധിപ്പിക്കുന്നതിനും ആവശ്യമായ നിര്‍ദേശങ്ങള്‍ നല്‍കുമോ;

മോര്‍ച്ചറിയും പരിസരപ്രദേശവും വൃത്തിയായി പരിപാലിക്കുന്നതിനാവശ്യമായ നടപടികള്‍ സ്വീകരിക്കുമോ?