മുതലപ്പൊഴി അഴിമുഖത്ത് മത്സ്യബന്ധനവള്ളം മറിഞ്ഞ് അഞ്ചുതെങ്ങ് സ്വദേശി മരിച്ച സംഭവം ഗൗരവത്തോടെ കാണുന്നുണ്ടോ;

ഹാര്‍ബര്‍ നിര്‍മ്മാണത്തിലെ അപാകതകള്‍ കാരണം അഴിമുഖത്തുണ്ടാകുന്ന ശക്തമായ തിരയിൽപ്പെട്ട് വള്ളം തലകീഴായി മറിയുന്ന സാഹചര്യമുണ്ടാകുന്നു എന്ന വസ്തുത ശ്രദ്ധയിൽപ്പെട്ടിട്ടുണ്ടോ;

എങ്കിൽ ഇത് പരിഹരിക്കാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

കേരളത്തിലെ തീരപ്രദേശത്തിന്റെ അറുപത്തി മൂന്നു ശതമാനവും കടലാക്രമണ ഭീഷണി നേരിടുന്നതായ സാഹചര്യം വിലയിരുത്തിയിട്ടുണ്ടോ;

കടലാക്രമണം തടയുന്നതിന് സ്വീകരിച്ചുവരുന്ന നടപടികൾ ഫലപ്രദമാകാത്തതിന്റെ കാരണങ്ങൾ പരിശോധിച്ചിട്ടുണ്ടോ;

തീരശോഷണത്തിന് ആനുപാതികമായി തീരത്തിന്റെ പുന:സ്ഥാപനം നടത്താൻ എന്തെങ്കിലും പദ്ധതി ആവിഷ്ക്കരിക്കാൻ ജലവിഭവ വകുപ്പ് ഉദ്ദേശിക്കുന്നുണ്ടോ;

എങ്കില്‍ തീരസംരക്ഷണത്തിന് പ്രായോഗികവും സുസ്ഥിരവുമായ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

പട്ടികജാതിക്കാരുടെ ക്ഷേമത്തിനായി വിവിധ സർക്കാർ വകുപ്പുകൾ, സ്ഥാപനങ്ങൾ, ഏജൻസികൾ എന്നിവ മുഖേന പ്രത്യേക പദ്ധതികൾ ഏറ്റെടുത്ത് നടപ്പിലാക്കുന്നതിനുള്ള പൂൾഡ് ഫണ്ടിന്റെ നിലവിലെ സ്ഥിതി എന്താണെന്ന് വിശദമാക്കുമോ;

പൂൾഡ് ഫണ്ടിൽ ഉൾപ്പെടുത്തി വിവിധ വകുപ്പുകളും ഏജൻസികളും തയ്യാറാക്കി നൽകിയ പ്രോജക്ടുകളിൽ ഇനി എത്ര എണ്ണത്തിന് അംഗീകാരം നൽകാനുണ്ടെന്ന് അറിയിക്കുമോ;

ഈ സർക്കാർ വന്നതിനുശേഷം പൂൾഡ് ഫണ്ടിൽ നിന്ന് തുക ചെലവഴിക്കുന്നതിലെ മാനദണ്ഡങ്ങളിൽ മാറ്റം വരുത്തിയിട്ടുണ്ടോ; വിശദാംശം ലഭ്യമാക്കുമോ?

ഒരു തുണ്ട് ഭൂമിയും സുരക്ഷിതമായ വീടും എന്ന പട്ടികജാതി വിഭാഗത്തില്‍പ്പെട്ടവരുടെ സ്വപ്നം സാക്ഷാത്ക്കരിക്കുന്നതിന് വേണ്ടി നടപ്പിലാക്കിയ പദ്ധതികളുടെ പുരോഗതി വിശദമാക്കാമോ;

വിവിധ പദ്ധതികളില്‍ ഉൾപ്പെടുത്തി ഭവന നിർമ്മാണത്തിനുള്ള ആനുകൂല്യം ലഭിച്ചവരും എന്നാൽ വിവിധ കാരണങ്ങളാൽ ഭവന നിർമ്മാണം പൂർത്തീകരിക്കാൻ കഴിയാത്തവരുമായ പട്ടികജാതി വിഭാഗത്തില്‍പ്പെട്ടവരുടെ വീട് പൂർത്തീകരിക്കുന്നതിന് വേണ്ടിയുള്ള പദ്ധതിയുടെ പുരോഗതി അറിയിക്കാമോ;

ഭവനരഹിതരായ പട്ടികജാതി വിഭാഗത്തിൽപ്പെട്ടവർക്ക് വീട് നിർമ്മിക്കുന്നതിന് വേണ്ടി അനുവദിച്ചിട്ടുള്ള തുക ഉപയോഗിച്ച് നിശ്ചിത സമയപരിധിക്കുള്ളിൽ തന്നെ ഭവന നിർമ്മാണം പൂർത്തീകരിച്ചിട്ടുണ്ടെന്ന് ഉറപ്പാക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

ലൈഫ് പദ്ധതിയിൽ ഉൾപ്പെടാത്ത പട്ടികജാതി വിഭാഗത്തിലെ ഭവനരഹിതർക്ക് ഭവന നിർമ്മാണത്തിന് പ്രത്യേക പദ്ധതി തയ്യാറാക്കുമോ; വിശദാംശം നല്കുമോ?

മഴയുടെ ലഭ്യതയില്‍ വന്നിട്ടുള്ള വ്യതിയാനവും മഴക്കാലം കഴിഞ്ഞ് അധികകാലം കഴിയുന്നതിന് മുൻപ് തന്നെ ചില പ്രദേശങ്ങളില്‍ വരള്‍ച്ച അനുഭവപ്പെടുന്ന സാഹചര്യവും കണക്കിലെടുത്ത് മഴക്കാലത്ത് ലഭ്യമാകുന്ന ജലം പരമാവധി സംഭരിക്കുന്നതിനുള്ള പ്രവര്‍ത്തനങ്ങള്‍ ശാസ്ത്രീയമായി ചിട്ടപ്പെടുത്തിയിട്ടുണ്ടോ; വിശദമാക്കുമോ;

കാലാവസ്ഥാ വ്യതിയാനം മൂലം കടുത്ത ജല ദൗര്‍ലഭ്യം അഭിമുഖീകരിക്കേണ്ടി വരുന്ന സാഹചര്യം ഒഴിവാക്കുന്നതിനായി എന്തെല്ലാം ജല സംരക്ഷണ പ്രവര്‍ത്തനങ്ങളാണ് ഈ സര്‍ക്കാര്‍ നടപ്പിലാക്കി വരുന്നതെന്ന് വ്യക്തമാക്കുമോ;

ജല ദുരുപയോഗവും ജല മലിനീകരണവും തടയുന്നതിനുതകുംവിധം ജനങ്ങളില്‍ അവബോധം ഉണ്ടാക്കുന്നതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ?

കടലിൽ മാലിന്യങ്ങള്‍ അടിഞ്ഞുകൂടുന്നതുമൂലം കടല്‍ വെള്ളത്തിലുണ്ടാകുന്ന മാറ്റങ്ങൾ മത്സ്യസമ്പത്ത് കുറയാന്‍ കാരണമാകുന്നു എന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ ഈ വിഷയം സംബന്ധിച്ച് പഠനം നടത്തിയിട്ടുണ്ടോ; വിശദമാക്കുമോ?

കാലാവസ്ഥ വ്യതിയാനം മത്സ്യസമ്പത്തിനെ എപ്രകാരം ബാധിച്ചുവെന്നത് സംബന്ധിച്ച് പഠനം നടത്തിയിട്ടുണ്ടോ; വിശദമാക്കുമോ;

സംസ്ഥാനത്ത് സുലഭമായി ലഭിക്കുന്ന മത്തി അടക്കമുള്ള മത്സ്യങ്ങളുടെ ദൗർലഭ്യം സർക്കാർ ഗൗരവമായി കാണുന്നുണ്ടോ;

മത്സ്യങ്ങളുടെ ദൗർലഭ്യം മൂലം മത്സ്യങ്ങളുടെ വിലയില്‍ വന്ന വർദ്ധനവ് മത്സ്യത്തൊഴിലാളി സമൂഹത്തെ പ്രതികൂലമായി ബാധിച്ചിട്ടുണ്ടോ; വ്യക്തമാക്കുമോ;

പ്രസ്തുത പ്രതിസന്ധി പരിഹരിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികൾ വിശദമാക്കാമോ?

മത്സ്യത്തൊഴിലാളി മേഖലയിലെ എത്ര കുടുംബങ്ങളാണ് അതിദാരിദ്ര്യം അനുഭവിക്കുന്നതെന്ന് അതിദാരിദ്ര്യ നിർമ്മാർജ്ജന പദ്ധതി പ്രകാരം കണ്ടെത്തിയിട്ടുള്ളത്; വിശദമാക്കുമോ;

ഇത്തരത്തിലുള്ളവരിൽ എത്ര പേരുടെ വിവിധങ്ങളായ പ്രശ്നങ്ങൾ നാളിതുവരെ പരിഹരിക്കപ്പെട്ടിട്ടുണ്ടെന്ന് വിശദമാക്കാമോ;

പതിനാലാം സുസ്ഥിര വികസന ലക്ഷ്യ പ്രകാരം വിശപ്പ് രഹിത ജനത എന്നത് സാക്ഷാത്കരിക്കുന്നതിന് മത്സ്യമേഖലയിൽ ഏറ്റെടുത്ത് നടപ്പാക്കി വരുന്ന പ്രവർത്തനങ്ങൾ എന്തെല്ലാമാണ് വിശദമാക്കുമോ?

മുതലപ്പൊഴി മാസ്റ്റർ പ്ലാനിനുവേണ്ടി വകയിരുത്തിയിരുന്ന തുക പൂർണ്ണമായും വിനിയോഗിച്ചിട്ടുണ്ടോയെന്ന് വ്യക്തമാക്കുമോ;

മുതലപ്പൊഴി മാസ്റ്റർ പ്ലാനിന്റെ പുരോഗതി വിശദമാക്കാമോ?

പട്ടികവര്‍ഗ്ഗ വിഭാഗത്തിലെ ഭിന്നശേഷിക്കാരുടെ ഉന്നമനത്തിനായി എന്തെല്ലാം പദ്ധതികള്‍ ആവിഷ്കരിച്ചിട്ടുണ്ട്; വിശദമാക്കാമോ;

ഈ വിഭാഗത്തിൽപ്പെട്ടവര്‍ക്ക് കൂടുതല്‍ ആനുകൂല്യങ്ങള്‍ ലഭ്യമാക്കുന്നതിനായി സാമൂഹ്യനീതി വകുപ്പുമായി ചേര്‍ന്ന് പുതിയ പദ്ധതികള്‍ ആവിഷ്കരിക്കുന്ന കാര്യം പരിഗണനയിലുണ്ടോ; വ്യക്തമാക്കാമോ;

പട്ടികവര്‍ഗ്ഗ വിഭാഗത്തില്‍പ്പെട്ട ഭിന്നശേഷിക്കാരുടെ ക്ഷേമത്തിനായി നടപ്പാക്കിയ കാറ്റാടി പദ്ധതി വഴി ഈ സർക്കാരിന്റെ കാലത്ത് എത്ര ഗുണഭോക്താക്കള്‍ക്ക് പ്രയോജനം ലഭിച്ചിട്ടുണ്ട്; വിശദമാക്കുമോ?

മത്സ്യത്തൊഴിലാളികളുടെ അവകാശ സംരക്ഷണത്തിനും മത്സ്യ ലഭ്യതയുടെ സുസ്ഥിരത ഉറപ്പാക്കുന്നതിനും സഹായിക്കുന്ന ഫിഷറീസ് നയം സംസ്ഥാനത്താകമാനം നടപ്പിലാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

മത്സ്യബന്ധനത്തിലൂടെ ലഭിക്കുന്ന മത്സ്യങ്ങളുടെ ചൂഷണരഹിതമായ വ്യാപാരം ഉറപ്പാക്കാൻ വേണ്ടി നിർമ്മിച്ച നിയമവും ചട്ടങ്ങളും പ്രാബല്യത്തിൽ കൊണ്ടുവരുന്നതിന് കാലതാമസം നേരിടുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഫിഷറീസ് നയം നടപ്പിലാക്കുന്നതിനു മുമ്പായി വിവിധ വിഭാഗം മത്സ്യത്തൊഴിലാളി പ്രതിനിധികളുമായി കൂടിയാലോചനകൾ നടത്തിയിട്ടുണ്ടോ; വിശദമാക്കുമോ;

പ്രസ്തുത നയം നടപ്പിലാക്കുമ്പോൾ മത്സ്യ വ്യാപാരികൾക്ക് ഉണ്ടാകുന്ന ബുദ്ധിമുട്ടുകൾ പരിഹരിക്കാൻ നടപടി സ്വീകരിക്കുമോ; വിശദമാക്കുമോ?

വന പരിപാലനത്തിനും വനാരോഗ്യം കാത്തുസൂക്ഷിക്കുന്നതിനും വനം വകുപ്പ് സ്വീകരിച്ച് വരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കാമോ;

സംസ്ഥാനത്ത് ശോഷണം സംഭവിച്ച വനങ്ങളുടെ പുനരുജ്ജീവനത്തിനും ജെെവ സംരക്ഷണത്തിനുമായുള്ള പദ്ധതികള്‍ ആവിഷ്കരിച്ച് നടപ്പിലാക്കിയിട്ടുണ്ടോ; വിശദമാക്കാമോ;

സംസ്ഥാനത്തെ വനങ്ങളുടെ സംരക്ഷണത്തിനും പരിപാലനത്തിനും കേന്ദ്ര-സംസ്ഥാന സര്‍ക്കാരുകളുടെ ധനസഹായം ഉപയോഗിച്ച് പങ്കാളിത്ത വന പരിപാലനത്തിനു കീഴില്‍ ജനപങ്കാളിത്തത്തോടെ ഏതൊക്കെ പദ്ധതികള്‍ നടപ്പിലാക്കിവരുന്നുവെന്ന് വ്യക്തമാക്കാമോ?

വനാശ്രിത സമൂഹത്തിന്റെ ഉന്നമനം ലക്ഷ്യമിട്ട് വന ഉല്‍പ്പന്നങ്ങളുടെ വിപണനത്തിനായി ആരംഭിച്ച വനശ്രീ കേന്ദ്രങ്ങള്‍ കാര്യക്ഷമമാക്കുന്നതിനായി എന്തെല്ലാം നടപടികള്‍ സ്വീകരിച്ചുവരുന്നുവെന്ന് വ്യക്തമാക്കാമോ;

പ്രസ്തുത പദ്ധതി വഴി വനാശ്രിത സമൂഹത്തിന്റെ ഉപജീവന മാര്‍ഗ്ഗങ്ങള്‍ മെച്ചപ്പെടുത്താനായിട്ടുണ്ടോ; വിശദമാക്കാമോ;

വനശ്രീ വിഭവങ്ങളുടെയും ഉല്‍പ്പന്നങ്ങളുടെയും ഓണ്‍ലൈന്‍ വിപണനം ആരംഭിക്കുവാന്‍ നടപടി സ്വീകരിക്കുമോ; വ്യക്തമാക്കാമോ;

പ്രസ്തുത പദ്ധതി മുഖേന എത്ര പേര്‍ക്ക് തൊഴില്‍ നല്‍കുന്നതിന് സാധിച്ചിട്ടുണ്ടെന്ന് വിശദമാക്കാമോ?

സംസ്ഥാനത്ത് മത്സ്യകൃഷി വ്യാപിപ്പിക്കുന്നതിനും ഉല്പാദനം വർദ്ധിപ്പിക്കുന്നതിനും മത്സ്യവിത്ത് ഉല്പാദിപ്പിക്കുന്നതിനും പദ്ധതിയുണ്ടോ; എങ്കിൽ വിശദമാക്കാമോ;

പുഴകളിലും തോടുകളിലും ഫാക്ടറി മാലിന്യമടക്കം നിക്ഷേപിക്കുന്നത് മത്സ്യകൃഷിയെ എപ്രകാരം ബാധിക്കുന്നു എന്നത് പരിശോധിച്ചിട്ടുണ്ടോ;

സംസ്ഥാനത്ത് മത്സ്യകൃഷി വ്യാപിപ്പിക്കുന്നതിനും ഉല്പാദനം വർധിപ്പിക്കുന്നതിനും നൽകിവരുന്ന ആനുകൂല്യങ്ങൾ എന്തെല്ലാം; വിശദമാക്കാമോ?

കടലിൽ ഉണ്ടാകുന്ന എൽ നിനോ-ലാനിനാ പ്രതിഭാസങ്ങൾ സംസ്ഥാനത്തെ മത്സ്യസമ്പത്തിനെ എപ്രകാരമാണ് ബാധിക്കുന്നത് എന്ന് ഫിഷറീസ് റിസർച്ച് ഇൻസ്റ്റിറ്റ്യൂട്ട് പഠനം നടത്തിയിട്ടുണ്ടോ;

എങ്കില്‍ പ്രസ്തുത പഠനങ്ങളുടെ അടിസ്ഥാനത്തിൽ സ്വീകരിച്ച നടപടികൾ വിശദമാക്കാമോ?

കേരള നാടന്‍കലാ (ഫോക് ലോര്‍) അക്കാദമിയുടെ പ്രവര്‍ത്തനങ്ങള്‍ വിപുലീകരിക്കുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

പ്രസ്തുത അക്കാദമിയെ നാടന്‍ കലകളുടെ ഗവേഷണത്തിനുള്ള ഒരു കേന്ദ്രമായി വികസിപ്പിക്കുന്നതിന് നടപടി സ്വീകരിക്കുമോ;

നാടന്‍ കലകളുടെ സംരക്ഷണത്തിനായി ഡിജിറ്റല്‍ ഡോക്യുമെന്റേഷന്‍ ഉള്‍പ്പെടെയുള്ളവ ചെയ്യാന്‍ നടപടി സ്വീകരിക്കുമോ; വ്യക്തമാക്കാമോ;?

പബ്ലിക് സർവ്വീസ് കമ്മീഷന്റെ ഉൾപ്പെടെയുള്ള വിവിധ മത്സര പരീക്ഷകൾക്ക് തയ്യാറെടുക്കുന്ന പട്ടികജാതി പട്ടികവർഗ്ഗ വിഭാഗങ്ങളില്‍പ്പെട്ട ഉദ്യോഗാർത്ഥികൾക്ക് പരിശീലനം നൽകിവരുന്നുണ്ടോ; വിശദമാക്കുമോ;

പ്രസ്തുത പരിശീലനത്തിനായി തിരഞ്ഞെടുക്കുന്ന ഉദ്യോഗാർത്ഥികൾക്ക് ധനസഹായം നൽകുന്നുണ്ടോ; എങ്കിൽ ഈ തുക വർദ്ധിപ്പിച്ച് നൽകാൻ ഉദ്ദേശിക്കുന്നുണ്ടോ; വ്യക്തമാക്കുമോ;

പരിശീലനം നല്‍കുന്നതിനായി കൂടുതൽ കേന്ദ്രങ്ങൾ ആരംഭിക്കുന്നതിന് നടപടി സ്വീകരിക്കുമോ; എങ്കിൽ എവിടെയെല്ലാമെന്ന് വ്യക്തമാക്കുമോ?

1980-ലെ വനസംരക്ഷണ നിയമത്തെ അട്ടിമറിക്കുന്ന തരത്തിലുള്ള പുതുക്കിയ വന നിയമം നടപ്പിലാക്കാൻ കേന്ദ്രസർക്കാർ ശ്രമിക്കുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വികസന പ്രവർത്തനങ്ങൾക്ക് വനഭൂമി വിട്ടുനൽകുമ്പോൾ അത്രയും ഭൂമി വനമേഖലയ്ക്ക് പുറത്ത് കണ്ടെത്തി പരിഹാര വനവല്‍ക്കരണം നടത്തണമെന്നുള്ള വ്യവസ്ഥ ഒഴിവാക്കുന്നതുമൂലം കേരളത്തിലെ വനമേഖല ക്ഷയിക്കുന്നതിനും പാരിസ്ഥിതിക ആഘാതങ്ങൾ വർദ്ധിക്കുന്നതിനും ഇടയാകുമെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പരിഹാര വനവൽക്കരണത്തിന് പകരമായി ഗ്രീൻ ക്രെഡിറ്റ് സമ്പ്രദായം നിലവിൽ വരുമ്പോൾ സ്വകാര്യ വ്യക്തികൾക്കും സ്ഥാപനങ്ങൾക്കും ഇഷ്ടാനുസരണം വനനശീകരണ പ്രവർത്തനങ്ങൾ നടത്തുന്നതിന് സഹായിക്കുമെന്ന വസ്തുത കേന്ദ്രസർക്കാരിന്റെ ശ്രദ്ധയിൽപ്പെടുത്തിയിട്ടുണ്ടോ; വ്യക്തമാക്കുമോ;

കേന്ദ്രസർക്കാരിന്റെ പുതുക്കിയ വന നിയമം വലിയ ദുരന്തങ്ങൾ ഉണ്ടാക്കുമെന്ന സാഹചര്യത്തിൽ വിഷയം സുപ്രീംകോടതിയുടെ ശ്രദ്ധയിൽ കൊണ്ടുവരുന്നതിനുള്ള സാധ്യതകൾ പരിശോധിച്ചിട്ടുണ്ടോ; വിശദമാക്കുമോ?

പട്ടികവര്‍ഗ്ഗ വിഭാഗങ്ങളുടെ അവകാശങ്ങളും പാരമ്പര്യ അറിവുകളും സംസ്കാരവും സംരക്ഷിച്ചുകൊണ്ട് സാമൂഹിക സമത്വവും സുരക്ഷയും സാമ്പത്തിക വികസനവും വിദ്യാഭ്യാസ ഉന്നമനവും ഉറപ്പുവരുത്താൻ സ്വീകരിച്ചിട്ടുള്ള നടപടികള്‍ എന്തെല്ലാമാണ്; വിശദമാക്കുമോ;

വിദ്യാഭ്യാസ രംഗത്ത് രാജ്യത്തിന് തന്നെ മാത‍ൃകയാക്കാവുന്ന എന്തൊക്കെ ക്രിയാത്മകമായ പദ്ധതികളാണ് പട്ടികവര്‍ഗ്ഗ മേഖലയില്‍ നടത്തിയിട്ടുള്ളതെന്ന് വ്യക്തമാക്കുമോ;

ആദിവാസി വിഭാഗങ്ങള്‍ക്കിടയില്‍ വിദ്യാഭ്യാസം, ആരോഗ്യം, ശുചിത്വം, പോഷകാഹാരം എന്നിവയെക്കുറിച്ച് മികച്ച അവബോധം സൃഷ്ടിക്കുവാന്‍ എന്തെല്ലാം പദ്ധതികള്‍ ആവിഷ്കരിച്ചിട്ടുണ്ട്; വിശദമാക്കുമോ?

തീരോന്നതി പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പദ്ധതിയുടെ ഭാഗമായി തീരദേശ മേഖലയില്‍ എന്തെല്ലാം പ്രവര്‍ത്തനങ്ങളാണ് നടപ്പാക്കി വരുന്നതെന്ന് വിശദമാക്കാമോ;

മത്സ്യത്തൊഴിലാളി സഹകരണ സംഘങ്ങളെ ശാക്തീകരിക്കുന്നതിന് നാളിതുവരെ എത്ര രൂപ വകയിരുത്തിയിട്ടുണ്ടെന്നും അതിൽ എത്ര രൂപ പ്രസ്തുത സംഘങ്ങള്‍ക്ക് പ്രയോജനപ്പെടുത്താൻ കഴിഞ്ഞിട്ടുണ്ടെന്നും അറിയിക്കുമോ;

മത്സ്യത്തൊഴിലാളി ക്ഷേമ വികസന സഹകരണ സംഘങ്ങളുടെ ഓഡിറ്റിംഗ് സമയബന്ധിതമായി പൂര്‍ത്തീകരിക്കുന്നതിന് നടപടി സ്വീകരിക്കുമോ?

നദികളിലും ഡാമുകളിലും അടിഞ്ഞുകൂടിയിരിക്കുന്ന എക്കലും ചെളിയും നീക്കം ചെയ്യുന്നതിന് എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദമാക്കുമോ;

നദികളിലും ഡാമുകളിലും അടിഞ്ഞുകൂടിയിരിക്കുന്ന മണൽ നീക്കം ചെയ്യുന്നതിന് നിലവിൽ സംവിധാനമുണ്ടോ; വ്യക്തമാക്കുമോ;

ഇപ്രകാരം ശേഖരിക്കുന്ന മണൽ പൊതുജനങ്ങൾക്ക് വിൽക്കാൻ തീരുമാനിച്ചിട്ടുണ്ടോ; എങ്കിൽ ഇതിലൂടെ എന്ത് തുക സംഭരിക്കാൻ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കുമോ?

ജലവിഭവ വകുപ്പിന്റെ ആസ്തികളായി കണക്കാക്കിയിട്ടുള്ള ജലാശയങ്ങൾ, തോടുകള്‍, പുഴകള്‍, മറ്റു ജലനിര്‍ഗ്ഗമന മാര്‍ഗ്ഗങ്ങള്‍ എന്നിവയുടെ നീളവും വീതിയും ഉള്‍പ്പെടുത്തിയ ആസ്തി രജിസ്റ്റര്‍ തയ്യാറാക്കിയിട്ടുണ്ടോ;

ഇല്ലെങ്കിൽ അതിര്‍ത്തികള്‍ വേര്‍തിരിക്കാത്തത് കയ്യേറ്റങ്ങള്‍ വര്‍ദ്ധിക്കുന്നതിനും ആയത് ഒഴിപ്പിച്ചെടുക്കുന്നതിന് തടസ്സമാകുന്നുവെന്നതും കണക്കിലെടുത്ത് ഒരു ആസ്തി രജിസ്റ്റര്‍ തയ്യാറാക്കുന്നതിന് അടിയന്തര നടപടി സ്വീകരിക്കുമോ?

വർദ്ധിച്ചുവരുന്ന മനുഷ്യ-വന്യജീവി സംഘർഷം ലഘൂകരിക്കുന്നതിന് എല്ലാ മാർഗങ്ങളും അവലംബിക്കേണ്ടതിന്റെ ആവശ്യകത പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ;

വന്യജീവികളുടെ ആക്രമണം ഉണ്ടാകുമ്പോൾ വളരെ വേഗം ആവശ്യമായ നടപടികൾ സ്വീകരിക്കുന്നതിന് കൂടുതൽ ദ്രുത പ്രതികരണ സേനയെ സജ്ജമാക്കുന്നതിനുള്ള സാധ്യതകൾ പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ;

വന്യജീവി ആക്രമണം നിയന്ത്രിക്കുന്നതിന് വേണ്ടി രൂപീകരിച്ചിട്ടുള്ള ദ്രുത പ്രതികരണ സേനയിൽ നിലവിലുള്ള സംവിധാനങ്ങൾ എന്തെല്ലാമെന്ന് വിശദീകരിക്കുമോ;

മനുഷ്യവാസ മേഖലയിൽ എത്തിപ്പെടുന്ന അവശതയുള്ളതോ പരിക്ക് പറ്റിയതോ ആയ വന്യജീവികൾക്ക് ആവശ്യമായ ചികിത്സ നൽകി അവയുടെ ആവാസ വ്യവസ്ഥയിലേക്ക് തിരികെവിടുന്നതിനുള്ള പരിശീലനം ലഭിച്ചവരെ ദ്രുത പ്രതികരണ സേനയിൽ ഉൾപ്പെടുത്തിയിട്ടുണ്ടോ; വിശദീകരിക്കുമോ?

വന്യജീവി ആക്രമണം തടയുന്നതിനായി കർണാടകം അടക്കമുള്ള അയൽസംസ്ഥാനങ്ങളുമായി ഏകോപനം ആവശ്യമാണെന്ന് കരുതുന്നുണ്ടോ;

അയൽസംസ്ഥാനങ്ങളുടെ വനാതിർത്തിയിൽ നിന്നും സംസ്ഥാനത്തേക്ക് കാട്ടാന തുടങ്ങിയ വന്യജീവികൾ ഇറങ്ങുന്ന അവസരത്തിൽ സംസ്ഥാന വനം വകുപ്പിനെ അറിയിക്കാനും ഏകോപനം നടത്താനുമുള്ള സംവിധാനം ഉറപ്പാക്കിയിട്ടുണ്ടോ; വ്യക്തമാക്കാമോ;

എങ്കിൽ വന്യജീവി ആക്രമണം തടയുന്നതിനായി കർണാടകം ഉൾപ്പെടെയുള്ള അയൽസംസ്ഥാനങ്ങളുമായി ഏകോപനം നടത്താൻ സ്വീകരിച്ച നടപടികൾ വ്യക്തമാക്കുമോ?

മത്സ്യബന്ധന മേഖലയുടെ നിലനിൽപ്പിനും മത്സ്യത്തൊഴിലാളികളുടെ ഉന്നമനത്തിനുമായി മത്സ്യഫെഡ് മുഖേന നടപ്പാക്കുന്ന പദ്ധതികൾ എന്തെല്ലാമെന്ന് വിശദമാക്കാമോ;

മത്സ്യത്തൊഴിലാളികളെ ഇടനിലക്കാരുടെ ചൂഷണത്തിൽ നിന്നും മോചിപ്പിക്കുന്നതിന് വിവിധ ധനകാര്യ സ്ഥാപനങ്ങളിൽ നിന്നും എന്തെല്ലാം തരത്തിലുള്ള വായ്പകളാണ് മത്സ്യഫെഡ് മുഖേന അനുവദിക്കുന്നതെന്ന് വിശദമാക്കാമോ;

മത്സ്യഫെ‍ഡ് നടപ്പാക്കുന്ന പലിശരഹിത വായ്പാ പദ്ധതി വഴി നാളിതുവരെ എത്ര പേർക്ക് എത്ര രൂപ ധനസഹായം അനുവദിച്ചിട്ടുണ്ട് എന്നതിനെ സംബന്ധിച്ച കണക്കുകൾ ലഭ്യമാണോ; എങ്കിൽ ഇവയുടെ ജില്ല തിരിച്ചുള്ള വിവരം ലഭ്യമാക്കാമോ?

വനസംരക്ഷണത്തിനും അതിന്റെ പ്രാധാന്യം സംബന്ധിച്ച ബോധവത്ക്കരണത്തിനുമായി നടത്തിവരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കുമോ;

സംസ്ഥാനത്തെ വനമേഖലകളില്‍ കാട്ടുതീ ഉണ്ടാകാനുള്ള പ്രധാന കാരണങ്ങള്‍ എന്തെല്ലാമെന്ന് വിശദമാക്കുമോ;

കാട്ടുതീ തടയുന്നതിന് സ്വീകരിച്ചുവരുന്ന പ്രധാന നടപടികള്‍ വ്യക്തമാക്കുമോ;

കാട്ടുതീയുടെ പ്രത്യാഘാതമായി ഉണ്ടാകുന്ന വരള്‍ച്ച, വെള്ളപ്പൊക്കം, സൂര്യാഘാതം, കാലാവസ്ഥാ വ്യതിയാനം എന്നിവ നേരിടാൻ സ്വീകരിച്ച് വരുന്ന നടപടികൾ എന്തൊക്കെയാണെന്ന് വിശദമാക്കുമോ?

മത്സ്യത്തൊഴിലാളി വനിതാ ശാക്തീകരണത്തിനായി 2005-ൽ പ്രവർത്തനം ആരംഭിച്ച സാഫിന്റെ നാളിതുവരെയുള്ള പ്രവർത്തനങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

സുനാമി പുസരധിവാസ ഫണ്ട് ഉപയോഗിച്ച് സാഫിന്റെ നേതൃത്വത്തില്‍ നടപ്പിലാക്കിയ ആക്ടിവിറ്റി ഗ്രൂപ്പുകളുടെ നിലവിലെ അവസ്ഥ വിലയിരുത്തിയിട്ടുണ്ടോ; വിശദമാക്കാമോ;

ഇത്തരത്തില്‍ ആരംഭിച്ച ആക്ടിവിറ്റി ഗ്രൂപ്പുകളിൽ പ്രവർത്തനം നിലച്ചുപോയവയെ സഹായിക്കുന്നതിന് പദ്ധതികള്‍ ആവിഷ്കരിക്കുമോ; വ്യക്തമാക്കുമോ;

സാഫ് വഴി നടപ്പിലാക്കുന്ന പ്രധാന പദ്ധതികള്‍ എന്തെല്ലാമാണെന്ന് വിശദമാക്കുമോ?

ഈ സര്‍ക്കാര്‍ വന്നതിനുശേഷം ഏതെല്ലാം വിഭാഗങ്ങളെ സംസ്ഥാന ഒ.ബി.സി. ലിസ്റ്റില്‍ ഉള്‍പ്പെടുത്തിയിട്ടുണ്ട്; വിശദമാക്കുമോ;

പട്ടികജാതി, പട്ടികവര്‍ഗ്ഗ, പിന്നാക്ക വിഭാഗം വിദ്യാര്‍ത്ഥികള്‍ക്ക് ലൈബ്രറി സൗകര്യം ലഭ്യമാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശം നൽകുമോ;

ഇന്റര്‍നെറ്റ് സൗകര്യമുളള പ്രദേശങ്ങളിലെ സാമൂഹ്യ പഠനകേന്ദ്രങ്ങളില്‍ ഡിജിറ്റല്‍ ലൈബ്രറികള്‍ സജ്ജീകരിക്കുമോ; വ്യക്തമാക്കുമോ?

മണ്‍സൂണ്‍ കാലത്ത് നേരിടുന്ന ദുരിതങ്ങൾക്കുപുറമെ മഴയും കടല്‍ക്ഷോഭവുമൊക്കെ ഏതുസമയത്തും ഉണ്ടാകാമെന്ന വിധത്തിൽ കാലാവസ്ഥാ വ്യതിയാനം കൂടി നേരിടേണ്ടി വരുന്ന തീരദേശ ജനതയുടെ പ്രത്യേകിച്ചും മത്സ്യത്തൊഴിലാളികളുടെ ബുദ്ധിമുട്ടുകള്‍ക്ക് ശാശ്വത പരിഹാരം കാണുവാന്‍ എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

കടല്‍ക്ഷോഭം നേരിടുവാന്‍ കുറ്റമറ്റ സംവിധാനം ഏര്‍പ്പെടുത്തുന്ന കാര്യം ആലോചിച്ചിട്ടുണ്ടോ; വിശദമാക്കുമോ;

ഇക്കാര്യത്തില്‍ പുത്തന്‍ സാങ്കേതിക വിദ്യകള്‍ പ്രയോജനപ്പെടുത്തുവാന്‍ ഉദ്ദേശിക്കുന്നുണ്ടോ;

പുലിമുട്ട് നിര്‍മ്മാണവും മറ്റും കൂടുതല്‍ ഫലപ്രദമായി നടത്താന്‍ നടപടി സ്വീകരിക്കുമോ; വ്യക്തമാക്കുമോ?

പരമ്പരാഗത ജലസ്രോതസ്സുകളായ കുളങ്ങള്‍ തമ്മിലും, കുളങ്ങളും ജലസേചന കനാലുകള്‍ തമ്മിലും ബന്ധിപ്പിച്ച് ജലലഭ്യത ഉറപ്പാക്കുന്നതിനും ജലവിനിയോഗ കാര്യക്ഷമത വര്‍ദ്ധിപ്പിക്കുന്നതിനും സ്വീകരിച്ച നടപടികള്‍ വ്യക്തമാക്കാമോ;

ഭൂവിനിയോഗത്തിലെ മാറ്റവും കൃഷിയിടങ്ങളുടെ കുറവും കാരണം ജലസ്രോതസ്സുകളുടെ നഷ്ടപ്പെട്ട ശൃംഖല പുനഃസ്ഥാപിക്കുന്നതിനുള്ള പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ;

മഴക്കാലത്ത് തോടുകളിലൂടെ ഒഴുകി എത്തുന്ന ജലം പരമാവധി സംരക്ഷിക്കുന്നതിനുള്ള പ്രവര്‍ത്തനത്തിന്റെ ഭാഗമായി നീരൊഴുക്ക് വേഗത നിയന്ത്രിക്കുന്നതിന് എന്തെല്ലാം നടപടികള്‍ സ്വീകരിച്ചുവരുന്നുവെന്ന് അറിയിക്കുമോ?