പൊന്നാനി തുറമുഖത്തിന് തറക്കല്ല് ഇട്ടിട്ടുണ്ടോ; ഉണ്ടെങ്കിൽ തറക്കല്ല് ഇട്ടത് എന്നാണെന്നും ആരാണ് ഇട്ടതെന്നും വ്യക്തമാക്കാമോ;

പൊന്നാനി തുറമുഖത്തിന്റെ നിർമ്മാണ പ്രവർത്തനങ്ങൾ ആരംഭിച്ചിട്ടുണ്ടോ; ഇല്ലെങ്കിൽ അതിന്റെ കാരണം വ്യക്തമാക്കാമോ;

പ്രസ്തുത തുറമുഖത്തിന്റെ നിർമ്മാണ പ്രവർത്തനങ്ങൾ നിലവിൽ ഏത് ഘട്ടത്തിലാണെന്ന് വ്യക്തമാക്കാമോ;

പൊന്നാനി തുറമുഖത്തിന്റെ നിർമ്മാണം സംബന്ധിച്ച് സർക്കാർ ഏതെങ്കിലും കമ്പനികളുമായി കരാറിലോ ധാരണയിലോ എത്തിയിട്ടുണ്ടോ; വിശാദംശങ്ങൾ നൽകാമോ;

പൊന്നാനി തുറമുഖം യാഥാർത്ഥ്യമാക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ വിശദീകരിക്കാമോ;

ടി തുറമുഖത്തിന്റെ നിർമ്മാണത്തിനായി തുക വകയിരുത്തിയിട്ടുണ്ടോ; ഉണ്ടെങ്കിൽ എത്ര എന്ന് അറിയിക്കാമോ;

പൊന്നാനി തുറമുഖത്തിനായി നാളിതുവരെ എത്ര തുക ചെലവഴിച്ചു എന്നതിന്റെ ഇനവും വർഷവും തിരിച്ചുള്ള കണക്ക് ലഭ്യമാക്കുമോ?

2015-ല്‍ വിഴിഞ്ഞം പദ്ധതിയുമായി ബന്ധപ്പെട്ട ആശങ്കകള്‍ ദൂരീകരിക്കുന്നതിന് അഞ്ച് വര്‍ഷം കൊണ്ട് വിനിയോഗിക്കാവുന്ന രീതിയില്‍ 475 കോടി രൂപയുടെ പദ്ധതിക്ക് രൂപം നല്‍കിയിരുന്നോ; എങ്കില്‍ വിശദാംശം നല്‍കാമോ;

പ്രസ്തുത പദ്ധതിയുടെ പുരോഗതി വിശദമാക്കാമോ;

വിഴിഞ്ഞം പദ്ധതിയുമായി ബന്ധപ്പെട്ട് തീരശോഷണമുണ്ടായാല്‍ ബാധിക്കപ്പെടുന്നവർക്ക് നഷ്ടപരിഹാരവും അവരുടെ പുനരധിവാസവും സര്‍ക്കാരിന്റെ ചുമതലയിലായിരിക്കുമെന്ന് പ്രസ്തുത പദ്ധതിയില്‍ വ്യവസ്ഥ ചെയ്തിട്ടുണ്ടോ;

പ്രസ്തുത പദ്ധതിയില്‍ സ്ഥലം ഏറ്റെടുക്കല്‍, വീട് നിര്‍മാണം, ജീവിതോപാധി കണ്ടെത്തല്‍, സ്ത്രീ ശാക്തീകരണം, വിദ്യാഭ്യാസ സഹായം, വാര്‍ദ്ധക്യകാല പരിചരണം, കപ്പാസിറ്റി ബില്‍ഡിങ് എന്നീയിനങ്ങളില്‍ വകയിരുത്തിയ തുക കാര്യക്ഷമമായി വിനിയോഗിക്കാന്‍ സാധിച്ചിട്ടുണ്ടോ എന്ന് വ്യക്തമാക്കാമോ?

കേന്ദ്രസഹായം ഉപയോഗപ്പെടുത്തി നടത്തുന്ന അടിസ്ഥാന സൗകര്യവികസന പ്രവ‍ര്‍ത്തനങ്ങൾക്കു വേണ്ട കാപെക്സ് ഫണ്ടിനായി സര്‍ക്കാര്‍ സമര്‍പ്പിച്ച അപേക്ഷയിൽ വിഴിഞ്ഞം പദ്ധതിക്കു ചെലവിട്ട തുകയുടെ ബില്ലുകൾ ഉള്‍പ്പെടുത്തിയിട്ടുണ്ടോ; വിശദമാക്കുമോ;

വിഴിഞ്ഞം തുറമുഖ പദ്ധതി കരാ‍ര്‍ പ്രകാരമുള്ള വയബിലിറ്റി ഗ്യാപ് ഫണ്ടിനത്തില്‍ കേന്ദ്രഗവണ്‍മെന്റ് ഇതുവരെ നൽകിയ തുകയും ഇനി നൽകാനുള്ള തുകയും എത്രയെന്ന് അറിയിക്കുമോ;

വിഴിഞ്ഞം തുറമുഖത്തിന്റെ രണ്ടും മൂന്നും ഘട്ട നി‍ര്‍മ്മാണ പ്രവ‍ത്തനങ്ങൾക്കായി പാരിസ്ഥിതികാനുമതി ലഭിച്ചിട്ടുണ്ടോ; വ്യക്തമാക്കുമോ; ഇല്ലെങ്കില്‍ ഇതിനായുള്ള നടപടികൾ നിലവില്‍ ഏത് ഘട്ടത്തിലാണ്?

വിഴിഞ്ഞം തുറമുഖത്തിന്റെ അടിസ്ഥാന സൗകര്യവികസനത്തിനായി നാളിതു വരെ അനുവദിച്ച തുക എത്ര; എത്ര തുകയാണ് നടപ്പു സാമ്പത്തിക വർഷം വിഴിഞ്ഞം ഇന്റർ നാഷണൽ സീപോർട്ട് ലിമിറ്റഡ് ആവശ്യപ്പെട്ടിട്ടുള്ളത്; വ്യക്തമാക്കാമോ;

ക്രെയിനുമായി ആദ്യ കപ്പൽ വിഴിഞ്ഞം തുറമുഖത്തെത്തിയതിന്റെ ഉദ്ഘാടന ചടങ്ങിനായി സർക്കാർ എന്തു തുക ചെലവഴിച്ചു; ഇപ്രകാരം ആദ്യ കപ്പൽ വന്നതിനെ തുടർന്ന് സർക്കാരിന് ലഭ്യമായ വരുമാനത്തിന്റെ വിവരങ്ങൾ അറിയിക്കാമോ;

കരാർ പ്രകാരം സംസ്ഥാന സർക്കാർ എത്ര തുക വിഴിഞ്ഞം ഇന്റർ നാഷണൽ സീപോർട്ട് ലിമിറ്റഡിന് നിലവിൽ നൽകാനുണ്ട്; നാളിതു വരെ എത്ര വരുമാനം വിഴിഞ്ഞം പോർട്ടിൽ നിന്നും സർക്കാരിന് ലഭ്യമായിട്ടുണ്ട്; വിശദമാക്കുമോ?

ടൂറിസത്തിന്റെ സാധ്യതകള്‍ പരിഗണിച്ച് കേരളത്തിന്റെ തുറമുഖങ്ങള്‍ നവീകരിക്കാന്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ;

കേരളത്തിലെ തുറമുഖങ്ങളെ ബന്ധിപ്പിച്ചു കപ്പല്‍ സര്‍വീസ് നടത്തുന്നതിന് അടിയന്തര നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

കൊല്ലം, ആലപ്പുഴ, കോഴിക്കോട് ഉള്‍പ്പെടെ എല്ലാ തുറമുഖങ്ങളും നവീകരിക്കുന്നതിന് ഒരു കര്‍മ്മ പദ്ധതി നടപ്പാക്കുമോ; എങ്കില്‍ വിശദാംശം ലഭ്യമാക്കുമോ?

മുസിരിസ് പൈതൃക പദ്ധതിയിൽ ഉൾപ്പെടുത്തി ആലപ്പുഴയിൽ നിർമ്മിക്കുന്ന പുതിയ കടൽ പാലത്തിന്റെ നിർമ്മാണ നടപടികൾ ഇപ്പോൾ ഏത് ഘട്ടത്തിലാണെന്നതിന്റെ വിശദാംശങ്ങൾ ലഭ്യമാക്കാമോ;

ഇതോടൊപ്പം ആലപ്പുഴയിലെ പോർട്ട് നവീകരിച്ച് സഞ്ചാരികൾക്ക് ഉപയോഗിക്കാൻ കഴിയുന്ന രീതിയിൽ യാത്രാ സംവിധാനവും ടൂറിസ്റ്റുകൾക്കുള്ള സൗകര്യവും ഏർപ്പെടുത്താൻ ഉദ്ദേശിക്കുന്നുണ്ടോ; എങ്കില്‍ വിശദാംശങ്ങൾ അറിയിക്കാമോ?

കണ്ണൂരിൽ ആരംഭിക്കാന്‍ പോകുന്ന മുഖ്യമന്ത്രി ചെയർമാനായിട്ടുള്ള മലബാർ ഇന്റർനാഷണൽ പോർട്ട് & സെസ് ലിമിറ്റഡ് എന്ന പേരിൽ പ്രത്യേക കമ്പനി രൂപീകരിച്ച് പ്രവർത്തനങ്ങൾ നടന്നു വരുന്ന ഗ്രീന്‍ഫീൽഡ് തുറമുഖത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത പോർട്ടിന്റെ ഡി.പി.ആർ തയ്യാറായിട്ടുണ്ടോ; എങ്കിൽ വിശദമാക്കാമോ?

കൊല്ലം തുറമുഖത്ത് നിന്നും ഫലപ്രദമായി യാത്രാ കപ്പൽ സർവ്വീസ് നടത്തുന്നതിനുള്ള സാധ്യത വിലയിരുത്തിയിട്ടുണ്ടോ; ഇത് സംബന്ധിച്ച് സാധ്യതാ പഠനം നടത്തിയിട്ടുണ്ടോ; വിശദാംശം ലഭ്യമാക്കുമോ;

കൊല്ലം തുറമുഖത്ത് നിന്നും ലക്ഷദ്വീപിലേക്ക് യാത്രാകപ്പൽ സർവ്വീസ് ആരംഭിക്കുന്നത് സംബന്ധിച്ച് ലക്ഷദ്വീപ് ഭരണകൂടവുമായി ചർച്ച നടത്തിയിട്ടുണ്ടോ; ഇതിനായി ധാരണാപത്രം ഒപ്പ് വയ്ക്കുന്നതിനുള്ള നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ;

അന്താരാഷ്ട്ര കപ്പൽ ചാലിന് സമീപം സ്ഥിതി ചെയ്യുന്ന കൊല്ലം തുറമുഖത്ത് കപ്പലുകൾക്ക് നങ്കൂരമിടാൻ ബങ്കറിംഗ് സംവിധാനം ഒരുക്കുന്നതിനുള്ള നിർദ്ദേശം പരിഗണനയിലുണ്ടോ; പ്രസ്തുത സംവിധാനം തുറമുഖ വികസനത്തിന് സഹായകരമാണെന്ന് വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

കൊല്ലം തുറമുഖ വികസനത്തിന് സഹായകരമാകുന്ന മറ്റെന്തെല്ലാം പദ്ധതികളാണ് പരിഗണനയിലുള്ളത്; വിശദാംശം ലഭ്യമാക്കുമോ?

അഴീക്കൽ തുറമുഖത്ത് ചരക്ക് കപ്പൽ ഗതാഗതം ആരംഭിക്കുന്നതിന് മാരിടെെം ബോർഡ് നടപടി സ്വീകരിക്കുമോയെന്ന് വ്യക്തമാക്കുമോ ;

പ്രസ്തുത തുറമുഖത്ത് ചരക്ക് കപ്പൽ ഗതാഗതം ആരംഭിക്കുന്നതിന് തടസ്സങ്ങളുണ്ടോ; എങ്കിൽ വിശദമാക്കാമോ?

കേരള മാരിടൈം ബോര്‍ഡ് വഴി ബോട്ട് സ്രാങ്ക്, ഡ്രൈവര്‍, ലസ്ക്കര്‍ തസ്തികകളിലേക്കുള്ള ലൈസന്‍സ് വിതരണം ചെയ്യുന്നത് സംബന്ധിച്ച് എന്തെങ്കിലും പുതിയ ഉത്തരവ് പുറപ്പെടുവിച്ചിട്ടുണ്ടോ;

മാരിടൈം ബോര്‍ഡ് വഴി വിതരണം ചെയ്യുന്ന ലൈസന്‍സിന്റെ ഫീസ് വര്‍ദ്ധിപ്പിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം വ്യക്തമാക്കാമോ;

നിലവിലുളള ബോട്ട് മാസ്റ്റര്‍ ലൈസന്‍സ് തുറമുഖ വകുപ്പ് വഴി പുതുക്കി നല്‍കുന്നുണ്ടെങ്കിലും ഉദ്യോഗാര്‍ത്ഥികള്‍ക്ക് പുതുതായി ലൈസന്‍സ് നല്‍കാത്തതിന്റെ കാരണം വിശദമാക്കാമോ;

പുതുതായി ബോട്ട് മാസ്റ്റര്‍ ലൈസന്‍സ് വിതരണം ചെയ്യാന്‍ കഴിയില്ലെങ്കില്‍ നിലവിലുളള ലൈസന്‍സ് പുതുക്കി നല്‍കുന്നത് നിയമപ്രകാരമാണോ എന്ന് വ്യക്തമാക്കുമോ?

കേരള മാരിടൈം ബോര്‍ഡിനു കീഴിലുള്ള സ്ഥലങ്ങളുടെ അതിര്‍ത്തി നിര്‍ണ്ണയിക്കുന്നതിനും കയ്യേറ്റങ്ങള്‍ ഒഴിപ്പിക്കുന്നതിനും വേണ്ടി ആരംഭിച്ച ലാന്റ് മാനേജ്മെന്റ് യൂണിറ്റിന്റെ പ്രവര്‍ത്തന പുരോഗതി വിശദമാക്കാമോ;

2023-24 ബജറ്റില്‍ തുക അനുവദിച്ച ബേപ്പൂര്‍ തുറമുഖത്തിന്റെ ആഴം വര്‍ദ്ധിപ്പിക്കുന്ന പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

കോഴിക്കോട് ബീച്ചിലെ ചെറുകിട കച്ചവടക്കാരെ ലൈസന്‍സ് നല്‍കി പുനരധിവസിപ്പിക്കുന്നതിന് നടപ്പിലാക്കുന്ന പദ്ധതിയുടെ നിലവിലെ സ്ഥിതി അറിയിക്കാമോ;

കോഴിക്കോട് പോര്‍ട്ട് മറൈന്‍ ബംഗ്ലാവ് പി. പി. പി. വ്യവസ്ഥയില്‍ സ്വകാര്യ സംരംഭകര്‍ക്ക് നല്‍കാന്‍ മുന്നോട്ടുവെച്ച പദ്ധതിയുടെ അവസ്ഥ വ്യക്തമാക്കാമോ?

ചവറ നിയോജക മണ്ഡലത്തിലെ നീണ്ടകരയില്‍ സ്ഥിതിചെയ്യുന്ന മാരിടെെം ഇന്‍സ്റ്റിറ്റ്യൂട്ടില്‍ നിലവിലുണ്ടായിരുന്ന കോഴ്സുകള്‍ പുനരാരംഭിക്കുന്നതിന് നടപടികള്‍ സ്വീകരിക്കുമോ എന്ന് അറിയിക്കാമോ?

കൈപ്പമംഗലം നിയോജകമണ്ഡലത്തില്‍ തുറമുഖ വകുപ്പിന്റെ കീഴിലുള്ള അഴീക്കോട് മാരിടൈം കോളേജിൽ മികച്ച ക്യാമ്പസ് സൗകര്യങ്ങള്‍ ഒരുക്കിയിരിക്കുന്ന സാഹചര്യത്തില്‍ ഇവ പ്രയോജനപ്പെടുത്തും വിധമുള്ള നൂതന കോഴ്സുകൾ തുടങ്ങാൻ സാധിക്കുമോ; വിശദമാക്കുമോ;

വിദ്യാർത്ഥികൾക്ക് ഹോസ്റ്റൽ സൗകര്യങ്ങള്‍ ഏർപ്പെടുത്തുകയും കോളേജിൽ പുതിയ സർട്ടിഫിക്കേഷൻ കോഴ്സുകൾ തുടങ്ങുകയും ചെയ്ത് പ്രസ്തുത കോളേജിലേക്ക് കൂടുതൽ വിദ്യാർത്ഥികളെ ആകർഷിക്കാൻ വേണ്ട നടപടികൾ സ്വീകരിക്കുമോ?

കാസര്‍ഗോഡ് ജില്ലയിൽ തുറമുഖവകുപ്പിന്റെ അധീനതയിൽ എവിടെയെല്ലാം ഭൂമി ഉണ്ടെന്ന് വില്ലേജും വിസ്തീർണ്ണവും തിരിച്ചു ലഭ്യമാക്കുമോ;

ഈ ഭൂമികളിൽ ഏതെല്ലാം കെട്ടിടങ്ങൾ പ്രവർത്തിക്കുന്നുണ്ടെന്ന് വില്ലേജ് തിരിച്ചു വ്യക്തമാക്കാമോ;

കെട്ടിടങ്ങളോ മറ്റു സ്ഥാപനങ്ങളോ ഇല്ലാതെ തുറമുഖ വകുപ്പിന്റെ വെറുതെ കിടക്കുന്ന ഭൂമികൾ ഏതൊ​ക്കെയാണെന്ന് വില്ലേജും വിസ്തീർണ്ണവും തിരിച്ചു വ്യക്തമാക്കാമോ;

ഈ ഭൂമി ഏതെങ്കിലും ആവശ്യത്തിന് ഉപയോഗിക്കുവാൻ തുറമുഖ വകുപ്പ് ഉദ്ദേശിക്കുന്നുണ്ടോ; എങ്കിൽ ഏതൊക്കെ പദ്ധതികളാണ് നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

മറ്റ് വകുപ്പുകളുടെ ഏതെങ്കിലും പദ്ധതികള്‍ക്കായി ഈ ഭൂമി വിട്ടു കൊടുക്കുമോ; എങ്കിൽ ഏതെല്ലാം പദ്ധതികൾക്ക് ഭൂമി വിട്ടു കൊടുക്കാമെന്നും അതിനുളള നടപടിക്രമങ്ങൾ എന്തൊ​ക്കെയാണെന്നും വ്യക്തമാക്കാമോ?

എല്ലാ ജില്ലകളിലും സഹകരണ വ്യവസായ പാർക്കുകൾ തുടങ്ങാന്‍ തീരുമാനം എടുത്തിട്ടുണ്ടോ;

എങ്കിൽ ഇതിന്റെ വിശദാംശങ്ങൾ വ്യക്തമാക്കാമോ?

സഹകരണ വകുപ്പില്‍ യു.‍ഡി ക്ലാർക്ക്/ടൈപിസ്റ്റ് തസ്തികയില്‍ നിന്നും ജൂനിയര്‍ ഇന്‍സ്പെക്ടര്‍/ഓഡിറ്റര്‍ തസ്തികയിലേക്ക് ബൈ ട്രാന്‍സ്ഫര്‍ പ്രമോഷന്‍ നല്‍കുന്നതിന് വേണ്ടി നിലവില്‍ മാറ്റിവെച്ചിട്ടുള്ള ഒഴിവുകള്‍ എത്രയെന്ന് വ്യക്തമാക്കാമോ;

നിലവില്‍ ഇത്തരത്തിലുള്ള പ്രമോഷന് യോഗ്യരായ എത്ര ഉദ്യോഗസ്ഥരാണ് വകുപ്പില്‍ ഉള്ളത് എന്ന് വിശദമാക്കാമോ;

യു.ഡി. ക്ലാർക്ക് /ടൈപിസ്റ്റില്‍ നിന്നും ജൂനിയര്‍ ഇന്‍സ്പെക്ടര്‍/ഓഡിറ്റര്‍ തസ്തികയിലേക്ക് ബൈട്രാന്‍സ്ഫര്‍ പ്രമോഷന്‍ നല്‍കുന്നതിന് യോഗ്യരായ ഉദ്യോഗസ്ഥര്‍ ഇല്ലാത്തപക്ഷം ഈ ഒഴിവുകള്‍ നേരിട്ടുള്ള നിയമനത്തിനായി പി.എസ്.സി യിലേക്ക് റിപ്പോര്‍ട്ട് ചെയ്യുവാനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സഹകരണ വകുപ്പിൽ ഓൺലൈൻ ട്രാൻസ്ഫർ നടപ്പാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ;

സഹകരണ വകുപ്പിൽ ഓൺലൈൻ സ്ഥലമാറ്റം പൂർണമായും എന്ന് മുതൽ നടപ്പിലാക്കി തുടങ്ങുമെന്ന് വ്യക്തമാക്കാമോ;

സഹകരണ വകുപ്പിൽ ഈ വർഷം ഓൺലൈൻ മുഖാന്തിരമാണോ സ്ഥലമാറ്റം നടത്തുന്നത് എന്നറിയിക്കാമോ?

പാറശ്ശാല മണ്ഡലത്തിലെ വിവിധ സര്‍വീസ് സഹകരണ ബാങ്കുകളില്‍ നിന്നും റിസ്ക് ഫണ്ട് ആനുകൂല്യത്തിനായി സഹകരണ ബോര്‍ഡില്‍ എത്ര അപേക്ഷകള്‍ ലഭ്യമായിട്ടുണ്ടെന്നും എത്ര പേര്‍ക്ക് റിസ്ക് ഫണ്ട് ആനുകൂല്യം ലഭ്യമാക്കിയിട്ടുണ്ടെന്നും വിശദമാക്കുമോ;

പ്രസ്തുത മണ്ഡലത്തില്‍ റിസ്ക് ഫണ്ട് ആനുകൂല്യമായി എത്ര തുകയാണ് അനുവദിച്ചിട്ടുള്ളതെന്നും ആനുകൂല്യങ്ങള്‍ നല്കുവാന്‍ എത്ര അപേക്ഷകള്‍ ബാക്കിയുണ്ടെന്നുമുള്ള വിവരം അറിയിക്കുമോ; വ്യക്തമാക്കുമോ;

അര്‍ഹരായ മുഴുവന്‍ പേര്‍ക്കും റിസ്ക് ഫണ്ട് ആനുകൂല്യം വേഗത്തില്‍ ലഭ്യമാക്കുവാന്‍ നടപടി സ്വീകരിക്കുമോ?

സംസ്ഥാനത്തെ സഹകരണ മേഖലയുടെ സമഗ്രപരിഷ്കരണം ലക്ഷ്യമിട്ട് സര്‍ക്കാര്‍ നടപ്പാക്കുവാന്‍ തീരുമാനിച്ചിട്ടുളള പ്രവര്‍ത്തനങ്ങള്‍ക്ക് നിയമ പ്രാബല്യം നല്‍കിയിട്ടുണ്ടോ; വിശദമാക്കുമോ;

സംസ്ഥാനത്തിന്റെ സാമ്പത്തിക സാമൂഹിക വികസനത്തിനായി സഹകരണ മേഖലയെ ശക്തിപ്പെടുത്തേണ്ടത് അനിവാര്യമായ സാഹചര്യത്തിൽ സർക്കാർ രൂപം നൽകിയ നിയമത്തിന് അനുമതി നൽകാതെ കാലവിളംബം വരുന്നത് ശ്രദ്ധയിൽപെട്ടിട്ടുണ്ടോ; എങ്കിൽ അത് ഈ മേഖലയിലെ വികസനത്തെ ഏതൊക്കെ രീതിയിൽ ബാധിക്കുമെന്ന് വിലയിരുത്തിയിട്ടുണ്ടോ; വിശദമാക്കുമോ;

ഈ സര്‍ക്കാരിന്റെ കാലയളവില്‍ സഹകരണ മേഖലയെ ശക്തിപ്പെടുത്തുന്നതിനായി സ്വീകരിച്ച മറ്റു നടപടികള്‍ വിശദമാക്കുമോ?

കേരളത്തിലെ സഹകരണ സ്ഥാപനങ്ങളില്‍ അംഗീകൃത സ്റ്റാഫ് പാറ്റേണ്‍ പ്രകാരം സഹകരണ പരീക്ഷാ ബോര്‍ഡുകള്‍ വഴി നിയമനം നല്‍കാവുന്ന എത്ര ഒഴിവുകള്‍ നിലവിലുണ്ട്;

സ്ഥാപനങ്ങള്‍ പരീക്ഷാ ബോര്‍ഡ് വഴി അപേക്ഷിച്ചിട്ടും ഒഴിവ് നികത്താന്‍ ആവശ്യമായ ആളുകളെ ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

സഹകരണ സ്ഥാപനങ്ങളില്‍ നിലവിലുളള ഒഴിവുകള്‍ നികത്തുന്നതിന് നടപടി സ്വീകരിച്ചിട്ടുണ്ടോ; എങ്കിൽ വിശദാംശങ്ങള്‍ നല്‍കാമോ?

പുതിയ കാലത്തിന്റെ മാറ്റങ്ങളെ ഉള്‍ക്കൊണ്ട് സംസ്ഥാനത്തിന്റെ സഹകരണ മേഖല പുനഃസംഘടിപ്പിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

സഹകരണ സംഘങ്ങളുടെ പ്രവർത്തനം കൂടുതൽ മേഖലകളിലേക്ക് വ്യാപിപ്പിക്കുകയെന്ന ലക്ഷ്യത്തോടെ സ്വീകരിച്ചിട്ടുള്ള നടപടികൾ എന്തെല്ലാമാണന്ന് അറിയിക്കുമോ;

സാന്ത്വന പരിചരണം സഹകരണ മേഖലയിലൂടെ നടപ്പാക്കുക എന്ന ഉദ്ദേശത്തോടെ ആരംഭിച്ച സഹകരണ പാലിയേറ്റീവ് കെയർ പദ്ധതിയുടെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

തദ്ദേശ സ്വയംഭരണ സ്ഥാപനങ്ങളുടെ പദ്ധതി പ്രവർത്തനങ്ങള്‍ക്ക് സഹകരണ സ്ഥാപനങ്ങളുടെ ഫണ്ട് ഉപയോഗിക്കാൻ കഴിയുന്ന വിധം സഹകരണ നിയമം ഭേദഗതി ചെയ്യുന്ന കാര്യം പരിഗണനയിലുണ്ടോ; വിശദമാക്കാമോ?

സഹകരണ ബാങ്കിൽ നിന്ന് ലോണ്‍ എടുത്ത ആൾ മരണപ്പെട്ടാല്‍ അവര്‍ക്ക് നഷ്ടപരിഹാരമായി നല്‍കുന്ന റിസ്ക് ഫണ്ട് അനുവദിക്കുന്നത് ആരാണെന്നും പ്രസ്തുത ഫണ്ട് അനുവദിക്കുന്നതിനുള്ള നടപടികള്‍ എന്തൊക്കെയാണെന്നും വിശദമാക്കാമോ;

പ്രസ്തുത ഫണ്ട് അനുവദിക്കുന്നതില്‍ പലപ്പോഴും കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിന് നടപടി സ്വീകരിക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കുന്നത്തുനാട് നിയോജക മണ്ഡലത്തില്‍ നിന്നും എത്ര റിസ്ക്ക് ഫണ്ട് അപേക്ഷകള്‍ ലഭിച്ചിട്ടുണ്ടെന്നും; അവ ഏതെല്ലാമെന്നും; ഇവയില്‍ എത്രപേര്‍ക്ക് ധനസഹായം ലഭിച്ചിട്ടുണ്ടെന്നും; വ്യക്തമാക്കാമോ;

ഇനി ധനസഹായം കിട്ടാനുള്ളവര്‍ ആരെല്ലാമെന്നും; ഇവരുടെ അപേക്ഷയിന്മേല്‍ എന്ത് നടപടി സ്വീകരിച്ചു എന്നും; വ്യക്തമാക്കാമോ?

വെെപ്പിന്‍ നിയോജക മണ്ഡലത്തിലെ പൊക്കാളി നെല്‍കര്‍ഷകരുടെ നെല്ല് ന്യായവിലയ്ക്ക് സംഭരിക്കുന്നതിനായി സഹകരണ സംഘങ്ങളുടെ കണ്‍സോര്‍ഷ്യം രുപീകരിക്കുന്നത് സംബന്ധിച്ച സഹകരണ വകുപ്പിലെ സി2/298/2022 നമ്പര്‍ ഫയലില്‍ സ്വീകരിച്ചിട്ടുള്ള നടപടി വിശദമാക്കാമോ?

സഹകരണ വകുപ്പിൽ ജീവനക്കാരുടെ ഓൺലൈൻ ട്രാൻസ്ഫർ നടപ്പാക്കിയിട്ടുണ്ടോ; ഇല്ലെങ്കിൽ ഇതിന് കാലതാമസം നേരിടുന്നതിനുള്ള കാരണം വ്യക്തമാക്കുമോ;

ഓൺലൈൻ ട്രാൻസ്ഫർ നടപ്പാക്കാത്തത് അഴിമതിയും ക്രമക്കേടുകളും വർദ്ധിക്കുന്നതിന് കാരണമാകും എന്നതിനാൽ അടിയന്തരമായി ഓൺലൈൻ ട്രാൻസ്ഫർ നടപ്പാക്കുന്നതിന് നടപടി സ്വീകരിക്കുമോ?

കാട്ടാക്കട കേന്ദ്രമായി സഹകരണ ഓഡിറ്റ് ഓഫീസ് ആരംഭിക്കുന്നത് സംബന്ധിച്ച നിര്‍ദേശം സര്‍ക്കാരിന്റെ പരിഗണനയിലുണ്ടോ; ഇല്ലെങ്കില്‍ ആയതിനുള്ള നടപടി സ്വീകരിക്കാമോ; വിശദാംശങ്ങള്‍ നൽകുമോ?

ഒറ്റപ്പാലം നിയോജക മണ്ഡലത്തിൽ എത്ര സഹകരണ സംഘങ്ങൾ പ്രവർത്തിക്കുന്നുണ്ടെന്നും അവ ഏതെല്ലാമെന്നും പഞ്ചായത്ത്/മുനിസിപ്പാലിറ്റി തിരിച്ച് വ്യക്തമാക്കാമോ;

പ്രസ്തുത മണ്ഡലത്തിൽ സഹകരണ സംഘങ്ങളുടെ കീഴിൽ എത്ര നീതി മെഡിക്കൽ സ്റ്റോറുകൾ പ്രവർത്തിക്കുന്നുണ്ടെന്നും; അവ ഏതെല്ലാമെന്നും വ്യക്തമാക്കാമോ?

സഹകരണ വകുപ്പില്‍ ഉണ്ടാകുന്ന ഒഴിവുകള്‍ സമയബന്ധിതമായി പി.എസ്.സി.യ്ക്ക് റിപ്പോര്‍ട്ട്‌ ചെയ്യുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുവാന്‍ നാളിതുവരെ സ്വീകരിച്ച നടപടികള്‍ വിശദീകരിക്കാമോ;

വകുപ്പിലെ എൻട്രി കേഡർ ആയ ജൂനിയർ കോ ഓപ്പറേറ്റീവ് ഇൻസ്‌പെക്ടർ തസ്തികയില്‍ പുതുതായി എത്ര ഒഴിവുകള്‍ റിപ്പോര്‍ട്ട്‌ ചെയ്തിട്ടുണ്ട്;

സഹകരണ വകുപ്പില്‍ പുനഃസംഘടനയും ടീം ഓഡിറ്റ്‌ സംവിധാനവും കാര്യക്ഷമമായി നടപ്പാക്കുന്നതിന് ആവശ്യമായ ജീവനക്കാരെ നിയമിക്കുവാന്‍ നടപടി സ്വീകരിക്കുമോ; ഇക്കാര്യത്തില്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദീകരിക്കാമോ?

സംസ്ഥാനത്തെ സഹകരണ ബാങ്കിംഗ് മേഖലയില്‍ ഉപഭോക്താക്കള്‍ക്ക് നൂതനബാങ്കിംഗ് സൗകര്യങ്ങള്‍ ലഭ്യമാക്കുന്നതിന് സ്വീകരിച്ചിട്ടുള്ള നടപടികള്‍ അറിയിക്കാമോ;

സഹകരണരംഗത്ത് പ്രൊഫഷണലിസം നടപ്പാക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

സഹകരണസംഘങ്ങള്‍ സംയുക്തമായി വന്‍കിട പദ്ധതികള്‍ ഏറ്റെടുത്ത് പൂര്‍ത്തിയാക്കുന്നതിന് നടപടി സ്വീകരിക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം പ്രവര്‍ത്തനം മന്ദീഭവിച്ച സഹകരണ സംഘങ്ങളെ പുനരുജ്ജീവിപ്പിക്കുന്നതിന് സ്വീകരിച്ചിട്ടുള്ള കര്‍മ്മപദ്ധതികള്‍ വിശദമാക്കാമോ?

കോഴിക്കോട് പ്രാഥമിക കാര്‍ഷിക ഗ്രാമ വികസന ബാങ്കിന്റെ മുക്കം ശാഖയില്‍ നിന്നും വായ്പയെടുത്ത ഏറാടി പറമ്പത്ത് മൂസ എന്നയാള്‍ മരണപ്പെട്ടതിനാല്‍, റിസ്ക് ഫണ്ടില്‍ നിന്നും സഹായധനം ലഭിക്കാനായി നല്‍കിയ അപേക്ഷ ഇതുവരെ തീര്‍പ്പു കല്‍പ്പിക്കാത്തതിന്റെ കാരണം വിശദമാക്കുമോ;

2021 ജൂലൈയില്‍ അപേക്ഷ നല്‍കിയിട്ടും ഇതുവരെ സഹായധനം നല്‍കാത്തത് എന്തുകൊണ്ടാണെന്ന് വിശദമാക്കുമോ;

അപേക്ഷ പരിഗണിച്ച് അടിയന്തരമായി റിസ്ക് ഫണ്ട് അനുവദിക്കുന്നതിന് നടപടികള്‍ സ്വീകരിക്കുമോ?

കേരളത്തിലെ സഹകരണ സ്ഥാപനങ്ങൾ മുഖേന 2021-22 സാമ്പത്തിക വർഷത്തിൽ എത്ര കോടി രൂപയാണ് സമാഹരിക്കാൻ ലക്ഷ്യമിട്ടിരുന്നത്; എത്ര കോടി രൂപ സമാഹരിക്കാൻ കഴിഞ്ഞുവെന്ന് അറിയിക്കുമോ;

2022-23 സാമ്പത്തിക വർഷത്തിൽ എത്ര കോടി രൂപയാണ് ലക്ഷ്യമിട്ടത്; എത്ര കോടി രൂപ സമാഹരിക്കാൻ കഴിഞ്ഞു; മുൻവർഷത്തെ അപേക്ഷിച്ച് എത്ര ശതമാനം കുറവാണുണ്ടായത്; വ്യക്തമാക്കുമോ?

സംസ്ഥാനത്ത് ഏതെല്ലാം സഹകരണ ബാങ്കുകൾക്കാണ് സർഫാസി നിയമം ബാധകമാക്കിയിരിക്കുന്നത് എന്ന് വിശദമാക്കാമോ;

സർഫാസി നിയമവുമായി ബന്ധപ്പെട്ട് സഹകരണ ബാങ്കുകൾ നടത്തിയ റിക്കവറി/അറ്റാച്ച്മെന്റ് നടപടിക്രമങ്ങൾ എന്തെല്ലാമെന്ന് വിശദമാക്കാമോ;

സർഫാസി നിയമവുമായി ബന്ധപ്പെട്ട് ഈ സാമ്പത്തിക വർഷം എത്ര കേസുകൾ തീർപ്പാക്കേണ്ടതുണ്ട്; കണക്കുകൾ ലഭ്യമാക്കാമോ?

സാമൂഹ്യ സുരക്ഷാ പെൻഷനുകള്‍ വീടുകളിൽ എത്തിച്ചു നൽകുന്നതിന് സഹകരണ ജീവനക്കാര്‍ക്ക് നല്‍കിയിരുന്ന ഇൻസെന്റീവ് തുക ആദ്യം എത്രയായിരുന്നുവെന്ന് വ്യക്തമാക്കുമോ;

ഇപ്പോൾ പ്രസ്തുത തുക എത്രയായി വെട്ടിക്കുറച്ചു എന്ന് വ്യക്തമാക്കാമോ;

നിലവില്‍ ഇൻസെന്റീവ് തുക നൽകുന്നതിൽ കുടിശ്ശികയുണ്ടോ; ഉണ്ടെങ്കിൽ എത്രയാണെന്നും ആയത് എപ്പോൾ നല്‍കാന്‍ കഴിയും എന്നും വിശദമാക്കാമോ?

സംസ്ഥാനത്തെ സഹകരണ സ്ഥാപനങ്ങളില്‍ എസ്. സി/എസ് .ടി സംവരണവും ഭിന്നശേഷി സംവരണവും കാര്യക്ഷമമായ രീതിയില്‍ നടപ്പിലാക്കിയിട്ടുണ്ടോ; ഇവ നടപ്പില്‍ വരുത്തിയ പ്രധാന സ്ഥാപനങ്ങള്‍ ഏതൊക്കെ എന്ന് വ്യക്തമാക്കാമോ?

സംസ്ഥാനത്തിന്റെ വിനോദസഞ്ചാര മേഖലയുടെ സാധ്യതകള്‍ കണക്കിലെടുത്ത് വിനോദസഞ്ചാര വികസനത്തിനായി സഹകരണ ബാങ്കുകളുടെ കണ്‍സോര്‍ഷ്യം രൂപീകരിക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

വെെപ്പിന്‍കരയിലെ വിനോദസഞ്ചാര മേഖലയുടെ സാധ്യതകള്‍ കണക്കിലെടുത്ത് വിനോദസഞ്ചാര മേഖലയുടെ വികസനത്തിനായി ഈ മേഖലയിലെ സഹകരണ ബാങ്കുകളുടെ കണ്‍സോര്‍ഷ്യം രൂപീകരിക്കുവാന്‍ നടപടി സ്വീകരിക്കുമോ?

സഹകരണ മേഖലയിലെ ഉല്പന്നങ്ങളുടെ ഓണ്‍ലൈന്‍ വ്യാപാരത്തിനായി ആരംഭിച്ച കോപ് മാര്‍ട്ട് ബ്രാന്റിംഗ് വഴി കൈവരിക്കാനായ പുരോഗതി വിശദമാക്കുമോ; കൂടുതല്‍ ഉല്പന്നങ്ങൾ ബ്രാന്റിംഗില്‍ ഉള്‍പ്പെടുത്താന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

സഹകരണ മേഖലയിലെ ജീവനക്കാര്‍ക്ക് നടപ്പിലാക്കാന്‍ തീരുമാനിച്ച ഇന്‍ഷ്വറന്‍സ് പദ്ധതിയുടെ നിലവിലെ സ്ഥിതി വിശദമാക്കാമോ;

പദ്ധതി നടപ്പിലാക്കാന്‍ ഉദ്ദേശിക്കുന്നത് എങ്ങനെയാണെന്ന് അറിയിക്കാമോ;

പ്രസ്തുത പദ്ധതി എപ്പോൾ ആരംഭിക്കാന്‍ കഴിയുമെന്ന് വ്യക്തമാക്കാമോ?

കാഞ്ഞങ്ങാട് മണ്ഡലത്തിൽ നിന്നും എത്ര അപേക്ഷകളാണ് റിസ്ക് ഫണ്ടിൽ ഉൾപ്പെടുത്തി പരിഹരിക്കുന്നതിന് ലഭ്യമായിട്ടുള്ളതെന്ന് അറിയിക്കാമോ;

അതിൽ എത്രയെണ്ണം പരിഹരിച്ചിട്ടുണ്ടെന്നും എത്രയെണ്ണം പരിഹരിക്കാൻ ബാക്കിയുണ്ടെന്നും എത്ര രൂപയുടെ ആനുകൂല്യം ആകെ നൽകിയിട്ടുണ്ടെന്നും പറയാമോ?

സംസ്ഥാനത്ത് യുവജനങ്ങളുടെ തൊഴിലും വരുമാനവും വര്‍ദ്ധിപ്പിക്കുകയെന്ന ലക്ഷ്യത്തോടെ യുവാക്കളെ സഹകരണ മേഖലയിലേയ്ക്ക് ആകര്‍ഷിക്കുന്നതിനായി നടപ്പാക്കുന്ന പദ്ധതികള്‍ വിലയിരുത്തിയിട്ടുണ്ടോ; വിശദമാക്കുമോ;

ഇതിന്റെ ഭാഗമായി സഹകരണ മേഖലയിൽ സൃഷ്ടിക്കുവാന്‍ കഴിഞ്ഞിട്ടുള്ള തൊഴിലവസരങ്ങള്‍ എത്രയെന്ന് വിശദമാക്കുമോ;

യുവജനങ്ങള്‍ക്ക് തൊഴില്‍ പരിശീലനത്തിനും നൈപുണ്യ വികസനത്തിനുമായി നടപ്പാക്കുന്ന പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിനായി സഹകരണ വകുപ്പ് സ്വീകരിച്ച നടപടികള്‍ എന്തൊക്കെയെന്ന് അറിയിക്കുമോ?

സ്നേഹതീരം വായ്പ പദ്ധതി പ്രകാരം ഗുരുവായൂര്‍ മണ്ഡലത്തില്‍ നല്‍കിയ വായ്പകളുടെ വിശദാംശം നൽകുമോ; പ്രസ്തുത വായ്പ പദ്ധതിയുടെ മാനദണ്ഡങ്ങൾ വിശദമാക്കാമോ?

2021 മുതല്‍ റിസ്ക് ഫണ്ടില്‍ ഉള്‍പ്പെടുത്തി അനുവദിച്ച തുകയുടെ വിശദവിവരം ജില്ല അടിസ്ഥാനത്തില്‍ ലഭ്യമാക്കുമോ;

പ്രസ്തുത പദ്ധതിയില്‍ ഉള്‍പ്പെടുത്തി മാവേലിക്കര താലൂക്കില്‍ അനുവദിച്ച തുകകളുടെ വിശദവിവരം ലഭ്യമാക്കുമോ?

സഹകരണ സ്ഥാപനങ്ങളിലെ വായ്പാ കുടിശ്ശിക തീർപ്പാക്കുന്നതിന് ആരംഭിച്ച നവകേരളീയം ഒറ്റതവണ തീർപ്പാക്കൽ പദ്ധതിയുടെ കാലാവധി നടപ്പുസാമ്പത്തിക വര്‍ഷത്തിന്റെ അവസാനം വരെ ദീർഘിപ്പിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

കുടിശ്ശിക തീർപ്പാക്കുന്നതിനുള്ള കാലാവധി ദീർഘിപ്പിച്ചുകൊണ്ടുള്ള ഉത്തരവ് ലഭ്യമാണോ; വ്യക്തമാക്കാമോ?

ഈ സർക്കാർ അധികാരത്തില്‍ വന്നതിനുശേഷം സഹകരണ മേഖലയില്‍ നടപ്പിലാക്കിയ പ്രധാന പദ്ധതികൾ എന്തെല്ലാമെന്ന് വിശദമാക്കുമോ;

ഇതിലൂടെ സഹകരണ മേഖലയ്ക്ക് ലഭിച്ച അംഗീകാരങ്ങളും നേട്ടങ്ങളും എന്തെല്ലാമെന്ന് വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി മണ്ഡലത്തില്‍ നിന്ന് റിസ്ക് ഫണ്ട് അനുവദിയ്ക്കുന്നതിന് എത്ര അപേക്ഷകളാണ് ലഭിച്ചിട്ടുള്ളതെന്നും ഇതില്‍ എത്ര പേര്‍ക്കാണ് അനുവദിച്ചിട്ടുള്ളതെന്നും വിശദമാക്കുമോ;

അപേക്ഷ സമര്‍പ്പിച്ചവരില്‍ എത്ര പേര്‍ക്കാണ് ഇനിയും റിസ്ക് ഫണ്ട് അനുവദിക്കാനുള്ളതെന്നും റിസ്ക് ഫണ്ട് അനുവദിക്കുന്നതിന് കാലതാമസം നേരിടുന്നതിനുള്ള കാരണം എന്താണെന്നും വ്യക്തമാക്കുമോ?

സഹകരണ സംരംഭകത്വ-തൊഴില്‍ സൃഷ്ടിക്കല്‍ പദ്ധതിയുടെ ഭാഗമായി സംസ്ഥാനത്ത് ഇതുവരെ അനുവദിച്ചിട്ടുള്ള സഹായങ്ങളുടെ വിശദാംശം നല്‍കാമോ;

പ്രസ്തുത പദ്ധതിയുടെ ഭാഗമായി എത്ര വനിത സഹകരണ സംഘങ്ങള്‍ക്ക് ആനുകൂല്യങ്ങള്‍ അനുവദിച്ചിട്ടുണ്ടെന്ന് വ്യക്തമാക്കാമോ?

കേരള ബാങ്കിന്റെ 2022-23 ഓഡിറ്റ് വർഷത്തിലെ ലാഭം/നഷ്ടം എത്ര രൂപയാണ്;

2023-24 വർഷത്തിൽ ബാങ്കിൽ നബാർഡ് ഇൻസ്പെക്ഷൻ നടന്നിട്ടുണ്ടോ; എങ്കിൽ അത് പ്രകാരം ബാങ്ക് ലാഭത്തിലാണോ നഷ്ടത്തിലാണോ; ലാഭമെങ്കിൽ എത്ര രൂപ ലാഭത്തിൽ ആണ്; നഷ്ടമെങ്കിൽ എത്ര രൂപ നഷ്ടത്തിലാണ്;

സർക്കാർ ഗ്യാരണ്ടിയിൽ കേരള ബാങ്ക് വായ്പ നൽകിയിട്ടുണ്ടോ; ഉണ്ടെങ്കിൽ എത്ര രൂപയാണ് നൽകിയിട്ടുള്ളത്;

ആയതിന്റെ സ്ഥിതിവിവരം നൽകാമോ; ആയത് ബാങ്കിന് ബാധ്യതയാണോ; പ്രസ്തുത വായ്പകൾ എൻ.പി.എ ആയിട്ടുണ്ടോയെന്ന് വ്യക്തമാക്കുമോ?

കേരള ബാങ്ക് നിലവില്‍ വന്നതിന് ശേഷം അതിന്റെ പ്രവര്‍ത്തനം മെച്ചപ്പെടുത്തുന്നതിനായി എന്തെല്ലാം നടപടികളാണ് സ്വീകരിച്ച് വരുന്നതെന്ന് വിശദമാക്കാമോ;

സംസ്ഥാനത്തെ മറ്റ് ബാങ്കുകളോടൊപ്പം മത്സരാധിഷ്ഠിതമായി പ്രവര്‍ത്തിക്കുവാന്‍ കേരള ബാങ്കിനെ എങ്ങനെ പ്രാപ്തമാക്കാന്‍ കഴിയുമെന്ന് തീരുമാനിച്ചിട്ടുണ്ടോ; ഉണ്ടെങ്കില്‍ വിശദമാക്കാമോ;

സ്റ്റേറ്റ് ബാങ്ക് ഓഫ് ട്രാവന്‍കൂറിന്റെ അഭാവത്തില്‍, ട്രഷറി ഉള്‍പ്പെടെ സംസ്ഥാന സര്‍ക്കാരിന്റെ വിവിധ വകുപ്പുകളുടെ ഫണ്ടുകള്‍ കേരള ബാങ്ക് മുഖാന്തിരം കൈകാര്യം ചെയ്യുന്നതിന് തീരുമാനിച്ചിട്ടുണ്ടോ; എങ്കില്‍ അത് എപ്രകാരമാണെന്ന് വിശദമാക്കാമോ?

കേരള ബാങ്കിന് ലോക സഹകരണ മോണിറ്റർ പ്രകാരം ലോകത്തെ ഏറ്റവും മികച്ച സഹകരണ സ്ഥാപനങ്ങളുടെ പട്ടികയിൽ ഇടം പിടിക്കുവാൻ സാധിച്ചിട്ടുണ്ടോ; എങ്കിൽ വിശദമാക്കുമോ;

കേരള ബാങ്കിന്റെ നടപ്പു സാമ്പത്തിക വർഷത്തെ ആകെ ബിസിനസിൽ വർദ്ധനയുണ്ടായിട്ടുണ്ടോ; എങ്കിൽ വിശദമാക്കുമോ;

കേരള ബാങ്കിന്റെ വികസനവുമായി ബന്ധപ്പെട്ട മിഷൻ റയിൻബോ പദ്ധതിയുടെ വിശദാംശം നൽകുമോ?

കേരള ബാങ്ക് ജീവനക്കാർക്ക് നല്‍കാനുള്ള ക്ഷാമബത്ത കുടിശിക എത്ര ശതമാനമാണെന്ന് അറിയിക്കുമോ;

പ്രസ്തുത കുടിശിക നൽകുന്നതിന് തടസ്സമെന്തെങ്കിലുമുണ്ടോ; വിശദമാക്കുമോ;

പ്രസ്തുത ക്ഷാമബത്ത കുടിശിക ഭാഗികമായെങ്കിലും അനുവദിക്കുന്നതിനുള്ള നടപടി സ്വീകരിക്കുമോ;

സർക്കാരിന് സാമ്പത്തിക ബാധ്യതയില്ലാത്ത സ്ഥാപനങ്ങളിലെ ക്ഷാമബത്ത കുടിശിക നൽകുന്നതിന് സർക്കാർ നിയന്ത്രണമേർപ്പെടുത്താറുണ്ടോ; വ്യക്തമാക്കുമോ?

കേരള ബാങ്ക് രൂപീകരിച്ചതിനു ശേഷം പ്രസ്തുത സ്ഥാപനം കൈവരിച്ച നേട്ടങ്ങള്‍ എന്തെല്ലാമാണെന്ന് വിശദമാക്കാമോ;

കേരള ബാങ്കിന്റെ ‍ഡിജിറ്റലൈസേഷന്‍ പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണെന്നറിയിക്കാമോ;

പ്രധാന നഗരങ്ങളിലും സാധാരണക്കാര്‍ ആശ്രയിക്കുന്ന ചെറുപട്ടണങ്ങളിലും എ.ടി.എം. കൗണ്ടര്‍ ആരംഭിക്കുന്നതിന് കേരളബാങ്ക് തയ്യാറാവുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സഹകരണ ബാങ്കുകളിൽ ഒറ്റത്തവണ തീര്‍പ്പാക്കൽ പദ്ധതി എത്ര തവണ നടത്തിയിട്ടുണ്ടെന്നും ഇത് വഴി എന്തു തുകയുടെ പലിശ ആനുകൂല്യങ്ങള്‍ ഗുണഭോക്താക്കള്‍ക്ക് ലഭിച്ചിട്ടുണ്ടെന്നും വിശദമാക്കാമോ?

സഹകരണ ബാങ്കുകളില്‍ നിന്ന് ലോണ്‍ എടുത്ത ശേഷം മാരക രോഗത്താലോ മരണംമൂലമോ കുടിശ്ശികയായവരുടെ കുടുംബങ്ങള്‍ക്ക് ബാധ്യതയില്‍ നിന്ന് ഒഴിവായിക്കിട്ടാന്‍ എന്തെങ്കിലും വ്യവസ്ഥകള്‍ നിലവിലുണ്ടോ;

ബാങ്ക് ഭരണസമിതികള്‍ പ്രസ്തുത ബാധ്യത ഒഴിവാക്കി കൊടുക്കാന്‍ തീരുമാനമെടുക്കുന്നപക്ഷം ആയതിന് സര്‍ക്കാര്‍ അനുമതി നല്‍കുന്നതിന് വ്യവസ്ഥയുണ്ടോ; എങ്കിൽ വിശദമാക്കാമോ?

സഹകരണ സംഘങ്ങളില്‍ നിന്നും വിരമിച്ച ജീവനക്കാരുടെ ക്ഷേമത്തിനായി നിലവില്‍ വന്ന 1994-ലെ സ്വാശ്രയ പെന്‍ഷന്‍ പദ്ധതി, ഫണ്ട് ദൗര്‍ലഭ്യം കാരണം പ്രതിസന്ധിയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; പെന്‍ഷന്‍ പദ്ധതി പരിഷ്കരണ റിപ്പോര്‍ട്ട്‌ ലഭിച്ചിട്ടുണ്ടോ;

പെന്‍ഷന്‍ പദ്ധതി പരിഷ്കരണ റിപ്പോര്‍ട്ട്‌ നടപ്പാക്കുന്നതിനായി സ്വീകരിച്ച നടപടികള്‍ വിശദീകരിക്കാമോ; പരിഷ്കരണ നടപടികള്‍ വൈകുന്ന പക്ഷം ഇടക്കാല ആശ്വാസം അനുവദിക്കുന്ന കാര്യം പരിഗണിക്കുമോ;

പെന്‍ഷന്‍ ഫണ്ട് വിപുലീകരിക്കുവാനായി പെന്‍ഷന്‍ പദ്ധതി ഫണ്ട് നീക്കിയിരിപ്പിന്റെ പത്ത് ശതമാനം തുക സംസ്ഥാന ബജറ്റില്‍ വകയിരുത്തണമെന്ന പെന്‍ഷന്‍ സംഘടനകളുടെ ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രതിസന്ധികള്‍ പരിഹരിക്കുന്നതിന് അടിയന്തര നടപടികള്‍ സ്വീകരിക്കുമോ?

യുവസഹകരണ സംഘങ്ങള്‍ രജിസ്റ്റർ ചെയ്യുന്നതിന് നിശ്ചയിച്ചിട്ടുള്ള മാനദണ്ഡങ്ങൾ എന്തൊക്കെയാണെന്ന് വിശദമാക്കുമോ;

യുവസഹകരണ സംഘങ്ങൾക്കുള്ള സാധ്യതകൾ എന്തെല്ലാമാണെന്നും; ആയതിന് സർക്കാർ നൽകിവരുന്ന പ്രോത്സാഹനങ്ങള്‍ എന്തൊക്കെയാണെന്നും വ്യക്തമാക്കുമോ;

കണ്ണൂർ ജില്ലയില്‍ നിലവില്‍ എത്ര യുവസഹകരണ സംഘങ്ങള്‍ രജിസ്റ്റര്‍ ചെയ്ത് പ്രവര്‍ത്തിച്ചുവരുന്നുണ്ട്; അവയുടെ പ്രവർത്തന മേഖലകളുടെയും പ്രവർത്തന രീതികളുടെയും വിശദാംശം ലഭ്യമാക്കുമോ;

ടൂറിസം മേഖലയിൽ യുവസഹകരണ സംഘങ്ങൾക്കുള്ള സാധ്യതകൾ പരിശോധിച്ചിട്ടുണ്ടോ; വിശദമാക്കുമോ?

കേന്ദ്ര സഹകരണ മന്ത്രാലയത്തിൻ കീഴിൽ ആരംഭിച്ച മൾട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റികളിൽ എത്രയെണ്ണം കേരളം കൂടി പ്രവർത്തന മേഖലയായി നിശ്ചയിച്ചിട്ടുണ്ടെന്ന് വ്യക്തമാക്കാമോ;

കേരളത്തിൽ പ്രവർത്തിച്ചു കൊണ്ടിരിക്കുന്ന ഏതെങ്കിലും കോ-ഓപ്പറേറ്റീവ് സൊസൈറ്റി മൾട്ടി സ്റ്റേറ്റ് ആകുന്നതിന് തയ്യാറായിട്ടുണ്ടോ; വിശദാംശങ്ങൾ ലഭ്യമാക്കാമോ;

സംസ്ഥാന സഹകരണ നിയമം അനുസരിച്ച് പ്രവർത്തിക്കുന്ന കോ-ഓപ്പറേറ്റീവ് സൊസൈറ്റികൾ നിക്ഷേപങ്ങൾക്ക് നൽകുന്നതിലും കൂടുതൽ പലിശ ഇത്തരം മൾട്ടി സ്റ്റേറ്റ് സംഘങ്ങൾ കേരളത്തിൽ വാഗ്ദാനം ചെയ്യുന്നതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇപ്രകാരം മൾട്ടി സ്റ്റേറ്റ് സംഘങ്ങൾ കൂടുതൽ പലിശ നൽകുന്നത് സംസ്ഥാനത്തെ സഹകരണ സംഘങ്ങളെ ബാധിക്കില്ലേ; ഇത് തടയുന്നതിനായി സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ റബ്ബര്‍ പ്രോസസിംഗ് സൊസൈറ്റികള്‍ ശക്തിപ്പെടുത്തുന്നതിനും ഇടനിലക്കാരില്ലാതെ റബ്ബര്‍ കര്‍ഷകര്‍ക്ക് ലാറ്റക്സും റബ്ബര്‍ ഷീറ്റും ഉയര്‍ന്ന വിലക്ക് വില്‍ക്കുന്നതിനും നടപടികള്‍ സ്വീകരിച്ചിട്ടുണ്ടോ; എങ്കിൽ വിശദമാക്കുമോ?

ടൂറിസം മേഖലയിൽ സഹകരണ സംഘങ്ങൾ രജിസ്റ്റർ ചെയ്യുന്നതിന് നിശ്ചയിച്ചിട്ടുള്ള മാനദണ്ഡങ്ങൾ എന്തൊക്കെയാണെന്ന് വിശദമാക്കുമോ;

ടൂറിസം മേഖലയിൽ സഹകരണ സംഘങ്ങൾക്കുള്ള സാധ്യതകൾ എന്തെല്ലാമാണെന്നും ആയതിന് സർക്കാർ നൽകിവരുന്ന സഹായങ്ങളും പ്രോത്സാഹനങ്ങളും എന്തൊക്കെയാണെന്നും വ്യക്തമാക്കുമോ.;

കണ്ണൂർ ജില്ലയില്‍ ടൂറിസം മേഖലയില്‍ നിലവില്‍ എത്ര സഹകരണ സംഘങ്ങള്‍ രജിസ്റ്റര്‍ ചെയ്ത് പ്രവര്‍ത്തിച്ചുവരുന്നുണ്ട്; അവയുടെ പ്രവർത്തന മേഖലകളുടെയും പ്രവർത്തന രീതികളുടെയും വിശദാംശം ലഭ്യമാക്കുമോ;

കൂത്തുപറമ്പ് നിയോജക മണ്ഡലത്തിൽ മലബാർ റിവർ ക്രൂയിസ് പദ്ധതികൾ പ്രകാരമുള്ള ബോട്ട് ജെട്ടികളുടെ നടത്തിപ്പും പരിപാലനവും ഇത്തരം സഹകരണ സംഘങ്ങളെ ഏൽപ്പിക്കുന്ന കാര്യം സർക്കാർ പരിശോധിക്കുമോ; വിശദമാക്കുമോ?

കോഴിക്കോട് ജില്ലയിൽ കാക്കൂർ പോലീസ് സ്റ്റേഷൻ അതിർത്തിയിൽ പ്രവർത്തിക്കുന്ന കോഴിക്കോട് ജില്ലാ ലേബർ വെൽഫെയർ കോ-ഓപ്പറേറ്റീവ് സൊസൈറ്റിയുടെ തിരഞ്ഞെടുക്കപ്പെട്ട ഭരണസമിതി പിരിച്ചുവിട്ട് അഡ്മിനിസ്ട്രേറ്റീവ് കമ്മിറ്റി രൂപീകരിക്കുകയും കൺവീനറെ നിയമിക്കുകയും ചെയ്തിട്ടുണ്ടോ; ഉണ്ടെങ്കിൽ കൺവീനറുടെ പേരും അഡ്രസ്സും ഫോൺ നമ്പറും വ്യക്തമാക്കാമോ;

എഫ്.ഐ.ആർ. നമ്പർ 437 രജിസ്റ്റർ ചെയ്തതും സംഘത്തിന്റെ നഷ്ടം കണക്കാക്കിയതും ഓഡിറ്ററുടെ റിപ്പോർട്ടിന്റെ അടിസ്ഥാനത്തിലാണോ, എൻക്വയറി റിപ്പോർട്ടിന്റെ അടിസ്ഥാനത്തിലാണോ എന്ന് വിശദമാക്കാമോ?

സഹകരണ അംഗ സമാശ്വാസ നിധി പദ്ധതി പ്രകാരം 2021-22, 2022-23 എന്നീ വര്‍ഷങ്ങളില്‍ വടക്കാഞ്ചേരി മണ്ഡലത്തിലെ സഹകരണ സംഘങ്ങള്‍ ചെലവഴിച്ച തുക എത്രയാണെന്ന് അറിയിക്കാമോ?

കണ്‍സ്യൂമര്‍ഫെഡിന്റെ കീഴിലെ നീതി മെഡിക്കല്‍ സ്റ്റോറുകളിലൂടെ വിതരണം ചെയ്യുന്നതിനുളള മരുന്നുകളുടെ ശേഖരണ രീതിയില്‍ മാറ്റം വരുത്താന്‍ ഉദ്ദേശിക്കുന്നുണ്ടോ;

ഇതിനായി വന്‍കിട മരുന്നുകമ്പനികളില്‍ നിന്നും നേരിട്ടു മരുന്നു വാങ്ങുന്നതിനുളള നടപടികള്‍ സ്വീകരിച്ചിട്ടുണ്ടോ;

ഇങ്ങനെ കമ്പനികളില്‍ നിന്നു നേരിട്ടു ശേഖരിക്കുന്ന മരുന്നുകളുടെ ഗുണനിലവാര പരിശോധനയ്ക്കുളള സംവിധാനത്തെക്കുറിച്ചുളള വിശദവിവരം നല്കാമോ; സഹകരണ വകുപ്പിനു കീഴിലെ മെഡിക്കല്‍ സ്റ്റോറുകളുടെ എണ്ണത്തില്‍ വര്‍ദ്ധനവു വരുത്തുന്ന കാര്യം പരിഗണനയിലുണ്ടോ; എങ്കില്‍ വിശദവിവരം നല്കാമോ;

മരുന്നുകളുടെ ശേഖരണം, വിതരണം എന്നിവയ്ക്ക് ഏര്‍പ്പെടുത്തിയിട്ടുളള സംവിധാനങ്ങളെക്കുറിച്ച് വിശദമാക്കാമോ?

സംസ്ഥാന സർക്കാർ നിയന്ത്രണത്തിൽ കോ-ഓപ്പറേറ്റീവ് അക്കാഡമി ഓഫ് പ്രഫഷണൽ എജ്യൂക്കേഷൻ (കേപ്പ്) എന്നാണ് നിലവിൽ വന്നത്; ഇതിന്റെ കീഴിൽ എ.ഐ.സി.ടി.ഇ അംഗീകാരത്തോടെ പ്രവർത്തിക്കുന്ന എത്ര എഞ്ചിനീയറിംഗ് കോളേജുകളും മാനേജ്മെന്റ് കോളേജുകളും ഉണ്ട്; ഇതിൽ എത്ര റഗുലർ അദ്ധ്യാപകരുണ്ട്;

കേപ്പിൽ പ്രവർത്തിക്കുന്ന അദ്ധ്യാപകർക്ക് എ.ഐ.സി.ടി.ഇ /യു.ജി.സി നിഷ്കർഷിക്കുന്ന പ്രമോഷനുകൾ കാലാകാലങ്ങളായി നൽകിയിട്ടുണ്ടോ; ഇല്ലെങ്കിൽ ഇതിനുള്ള കാരണം വ്യക്തമാക്കാമോ;

കേപ്പിനു കീഴിലുള്ള കോളേജുകളിലെ റഗുലർ അദ്ധ്യാപകർക്ക് സർക്കാർ അംഗീകരിച്ച കരിയര്‍ അഡ്വാന്‍സ്മെന്റ് സ്കീം (സി.എ.എസ്) നടപ്പിലാക്കിയിട്ടുണ്ടോ; ഇത് സംബന്ധിച്ച് കേപ്പ് എത്ര ഉത്തരവുകൾ പുറപ്പെടുവിച്ചിട്ടുണ്ട്; ഇത് പ്രകാരം എത്ര അദ്ധ്യാപകർക്ക് സ്ഥാനകയറ്റം ലഭിച്ചിട്ടുണ്ട്;

കേപ്പ് നിലവില്‍ വന്നതിന് ശേഷം നാളിതു വരെ അനദ്ധ്യാപക ജീവനക്കാർക്ക് പ്രമോഷൻ നൽകിയിട്ടുണ്ടോ; ഉണ്ടെങ്കിൽ അദ്ധ്യാപകർക്ക് മാത്രം പ്രമോഷൻ നൽകാത്തതിന്റെ കാരണം വ്യക്തമാക്കാമോ;

കേപ്പിലെ കോളേജുകളിൽ അദ്ധ്യാപകരുടെ കേഡര്‍ റേഷ്യോ നിലനിർത്തുന്നതിനും എന്‍.ബി.എ അക്രഡിറ്റേഷന് കാലാകാലങ്ങളിൽ അപേക്ഷിക്കുന്നതിനും കോളേജുകളുടെ നിലവാരം ഉയർത്തുന്നതിനും സി.എ.എസ് നടപ്പിലാകേണ്ടതിന്റെ ആവശ്യകത ശ്രദ്ധയിൽപെട്ടിട്ടുണ്ടോ; ഉണ്ടെങ്കിൽ ഇതിനുള്ള നടപടികൾ സ്വീകരിക്കുമോ?