കിളിമാനൂര്‍ കേന്ദ്രീകരിച്ച് പുതിയ കോടതി ആരംഭിക്കുവാൻ വകുപ്പ് തലത്തില്‍ ആലോചിച്ചിട്ടുണ്ടോ; എങ്കില്‍ ഇതു സംബന്ധിച്ച് എന്തെല്ലാം നടപടിക്രമങ്ങളാണ് കൈക്കൊണ്ടിട്ടുള്ളതെന്ന് വിശദമാക്കുമോ?

നിലവില്‍ സംസ്ഥാനത്ത് കേസുകളില്‍ കുറ്റപത്രം സമര്‍പ്പിക്കുമ്പോള്‍ സര്‍ക്കാര്‍ അഭിഭാഷകന്റെ ഉപദേശം സ്വീകരിച്ചു വരുന്നുണ്ടോ; വ്യക്തമാക്കാമോ;

പല കേസുകളിലും കുറ്റപത്രത്തിലെ പഴുതുകള്‍ ഉപയോഗിച്ച് കുറ്റവാളികള്‍ രക്ഷപെടുന്ന സാഹചര്യമുള്ളതിനാല്‍ കുറ്റപത്രങ്ങള്‍ തയ്യാറാക്കുമ്പോള്‍ സര്‍ക്കാര്‍ അഭിഭാഷകന്റെ ഉപദേശം കൂടി സ്വീകരിക്കുന്ന കാര്യം പരിഗണിക്കുമോ;

കുറ്റപത്രം തയ്യാറാക്കുമ്പോള്‍ കൃത്യമായ നിയമോപദേശം നല്‍കുന്നതിനായി ഓരോ ഡി.വൈ.എസ്.പി. മാരുടെയും കീഴില്‍ സര്‍ക്കാര്‍ അഭിഭാഷകന്റെ സേവനം ലഭ്യമാക്കുന്നതിനുവേണ്ട നടപടി സ്വീകരിക്കുന്ന കാര്യം പരിഗണിക്കുമോ; വിശദമാക്കാമോ?

ചാത്തന്നൂരിൽ പ്രവർത്തിക്കുന്ന, കൊല്ലം സഹകരണ സ്പിന്നിംഗ് മില്ലിന്റെ നവീകരണ പ്രവർത്തനങ്ങളുടെ നിലവിലെ അവസ്ഥ വിശദമാക്കാമോ;

നവീകരണ ജോലികൾ പൂർത്തിയാക്കി സ്പിന്നിംഗ് മിൽ പൂർണ്ണമായ നിലയിൽ പ്രവർത്തനക്ഷമമാക്കുന്നതിന് എന്തെല്ലാം പ്രവർത്തനങ്ങൾ ഇനി അവശേഷിക്കുന്നുണ്ടെന്നും അവ എപ്പോൾ പൂർത്തീകരിക്കുവാൻ കഴിയുമെന്നും വ്യക്തമാക്കാമോ?

വ്യവസായ വകുപ്പിന‍‍് കീഴിലുള്ള ഓരോ പൊതുമേഖലാ സ്ഥാപനത്തിന്റെയും ഓഡിറ്റ് എന്നുവരെ പൂര്‍ത്തിയാക്കിയിട്ടുണ്ടെന്ന് വ്യക്തമാക്കുമോ;

പ്രസ്തുത പൊതുമേഖലാ സ്ഥാപനങ്ങളുടെ 2015-16 മുതല്‍ ഓഡിറ്റ് പൂര്‍ത്തിയാക്കിയ വര്‍ഷം വരെയുള്ള കണക്കുകള്‍ പ്രകാരം ഓരോ വര്‍ഷത്തേയും വരുമാനം (Total Revenue) എത്രയെന്നും ചെലവ് (Total Expenditure) എത്രയെന്നും പ്രവര്‍ത്തനലാഭവും/പ്രവര്‍ത്തനനഷ്ടവും എത്രയെന്നും (Profit/Loss before exceptional and extra ordinary items and tax or Operating Profit/Loss) വ്യക്തമാക്കുമോ;

വ്യവസായ വകുപ്പിന് കീഴിലുള്ള ഓരോ പൊതുമേഖലാ സ്ഥാപനത്തിന്റേയും 2015-16 മുതല്‍ ഓഡിറ്റ് പൂര്‍ത്തിയാക്കിയ വര്‍ഷം വരെയുള്ള കണക്കുകള്‍ പ്രകാരം ഓരോ വര്‍ഷത്തേയും ലാഭത്തിന്റേയും/നഷ്ടത്തിന്റേയും (Profit/Loss) വിശദാംശങ്ങള്‍ ലഭ്യമാക്കുമോ;

പ്രസ്തുത പൊതുമേഖലാ സ്ഥാപനങ്ങളുടെ 2015-16 മുതല്‍ 2020-2021 വരെയുള്ള ഓരോ വര്‍ഷത്തെയും വിറ്റുവരവ് എത്രയാണെന്ന് വ്യക്തമാക്കുമോ?

ബാംബൂ കോര്‍പ്പറേഷന് കീഴില്‍ വരുന്ന ഈറ്റ-പനമ്പ് നെയ്ത്തുതൊഴിലാളികള്‍ക്ക് നിലവില്‍ ലഭിക്കുന്ന മിനിമം വേതനം എത്രയെന്ന് വിശദമാക്കാമോ;

കഴിഞ്ഞ സര്‍ക്കാരിന്റെ കാലത്ത് വേതനം പുനര്‍നിര്‍ണ്ണയിച്ചിട്ടുണ്ടോ;

പ്രസ്തുത തൊഴിലാളികള്‍ക്ക് നല്‍കി വരുന്ന ക്ഷാമബത്ത എത്രയാണ്; പ്രസ്തുത തൊഴിലാളികള്‍ക്ക് ക്ഷാമബത്ത കുടിശ്ശികയുണ്ടോ; ഉണ്ടെങ്കില്‍ വിശദവിവരങ്ങള്‍ നല്‍കാമോ;

പ്രസ്തുത തൊഴിലാളികള്‍ക്ക് ചികിത്സാസഹായം, മരണാനന്തര സഹായം, പ്രോവിഡന്റ് ഫണ്ട് തുടങ്ങിയ ഇനങ്ങളില്‍ കുടിശ്ശികയുണ്ടോ; വിശദവിവരങ്ങള്‍ നല്‍കാമോ?

വ്യവസായ വകുപ്പിന്റെ അധീനതയിലുള്ള ഓരോ പൊതുമേഖലാ സ്ഥാപനവും ഓരോ വര്‍ഷവും ലാഭനഷ്ട കണക്കുകള്‍ റിയാബിന് സമര്‍പ്പിക്കാറുണ്ടോയെന്ന് വിശദമാക്കാമോ;

ഉണ്ടെങ്കില്‍ 2016-17 മുതല്‍ 2020-21 വരെയുള്ള കാലയളവില്‍ ഓരോ പൊതുമേഖലാ സ്ഥാപനവും ഓരോ വര്‍ഷവും റിയാബിനു സമര്‍പ്പിച്ച കണക്കുകള്‍ പ്രകാരമുള്ള പ്രവര്‍ത്തന ലാഭവും/നഷ്ടവും എത്രയെന്ന് വ്യക്തമാക്കുമോ;

2016-17 മുതല്‍ 2020-21 വരെയുള്ള കാലയളവില്‍ ഓരോ പൊതുമേഖലാ സ്ഥാപനവും ഓരോ വര്‍ഷവും റിയാബിനു സമര്‍പ്പിച്ച കണക്കുകള്‍ പ്രകാരമുള്ള വിറ്റുവരവ് എത്രയാണെന്ന് വ്യക്തമാക്കുമോ;

വ്യവസായ വകുപ്പിന്റെ അധീനതയിലുള്ള പൊതുമേഖലാ സ്ഥാപനങ്ങളുടെ പ്രവര്‍ത്തന അവലോകനം റിയാബ് നടത്തിയിട്ടുണ്ടോ; ഉണ്ടെങ്കില്‍ 2016-17 മുതല്‍ 2020-21 വരെയുള്ള കാലയളവിലെ മിനിട്ട്സിന്റെ/റിപ്പോര്‍ട്ടുകളുടെ പകര്‍പ്പ് ലഭ്യമാക്കുമോ;

വ്യവസായ വകുപ്പിന്റെ അധീനതയിലുള്ള പൊതുമേഖലാ സ്ഥാപനങ്ങളുടെ പ്രവര്‍ത്തന അവലോകനം വ്യവസായ വകുപ്പ് നടത്തിയിട്ടുണ്ടോ; ഉണ്ടെങ്കില്‍ 2016-17 മുതല്‍ 2020-21 വരെയുള്ള കാലയളവിലെ മിനിട്ട്സിന്റെ/റിപ്പോര്‍ട്ടുകളുടെ പകര്‍പ്പ് ലഭ്യമാക്കുമോ?

കാസര്‍കോട് ഭെല്‍-ഇ.എം.എല്‍ കമ്പനിയുടെ 51 ശതമാനം ഓഹരികള്‍ ഏറ്റെടുക്കാന്‍ കേന്ദ്രസര്‍ക്കാര്‍ അനുമതി നല്‍കിയിട്ടുണ്ടോ ; എങ്കില്‍ ഏറ്റെടുക്കല്‍ നടപടി എപ്പോള്‍ പൂര്‍ത്തിയാക്കുമെന്ന് വ്യക്തമാക്കാമോ; പ്രസ്തുത അനുമതിയുടെ പകര്‍പ്പ് ലഭ്യമാക്കാമോ;

കമ്പനിയില്‍ ഉല്‍പ്പാദനം മുടങ്ങുകയും ജീവനക്കാര്‍ രണ്ടരവര്‍ഷമായി ശമ്പളം ലഭിക്കാതെ പ്രയാസപ്പെടുകയും ചെയ്യുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ജീവനക്കാരുടെ നഷ്ടപ്പെട്ട ആനുകൂല്യങ്ങള്‍ പുനഃസ്ഥാപിച്ചു കൊടുക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

നിലവിലുള്ള ജീവനക്കാരെ എങ്ങനെ സംരക്ഷിക്കാനാണ് സര്‍ക്കാര്‍ ഉദ്ദേശിക്കുന്നതെന്നും വ്യക്തമാക്കാമോ;

ഏറ്റെടുക്കല്‍ നടപടി പൂര്‍ത്തിയാകുന്നതോടെ ഭെല്‍-ഇഎംഎല്‍ കമ്പനി ഇല്ലാതാകുന്ന സാഹചര്യത്തില്‍ പുതിയ ഏത് സംരംഭം തുടങ്ങാനാണുദ്ദശിക്കുന്നതെന്ന് വ്യക്തമാക്കാമോ; ഇത് സംബന്ധിച്ച് യോഗം വിളിക്കാനുദ്ദേശിക്കുന്നുണ്ടോ എന്നും എങ്കില്‍ പ്രസ്തുത യോഗത്തിലേക്കു ആരെയൊക്കെയാണ് ക്ഷണിക്കാനുദ്ദേശിക്കുന്നതെന്നും വ്യക്തമാക്കാമോ?

ലാഭത്തില്‍ പ്രവര്‍ത്തിക്കുന്നതടക്കമുള്ള പൊതുമേഖലാ സ്ഥാപനങ്ങളെ വിറ്റഴിക്കുവാന്‍ കേന്ദ്രസര്‍ക്കാര്‍ ശ്രമിക്കുന്ന സാഹചര്യത്തില്‍, പൊതുമേഖലാ സ്ഥാപനങ്ങളുടെ പുനരുജ്ജീവനത്തിനായി എന്തെങ്കിലും പ്രത്യേക പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ;

പൊതുമേഖലാ സ്ഥാപനങ്ങളുടെ പൊതുവായ പ്രവര്‍ത്തനങ്ങളെ നിരീക്ഷിക്കുന്നതിനും പ്രവര്‍ത്തനങ്ങള്‍ സുതാര്യമാക്കുന്നതിനും എന്തെല്ലാം സംവിധാനങ്ങളാണ് ഏര്‍പ്പെടുത്താനുദ്ദേശിക്കുന്നത്;

നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളെ ലാഭകരമാക്കുവാന്‍ പ്രത്യേക കര്‍മ്മ പദ്ധതി തയ്യാറാക്കുമോയെന്ന് വ്യക്തമാക്കുമോ?

വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങള്‍ മുഖേന സാനിറൈറസര്‍, ഹാന്റ് വാഷ്, മാസ്ക് എന്നിവ നിര്‍മ്മിച്ച് കുറഞ്ഞ വിലയ്ക്ക് ജനങ്ങളില്‍ എത്തിക്കുന്നതിന് നടപടി സ്വീകരിക്കുമോ; ഇത്തരം പദ്ധതി നിലവിലുണ്ടെങ്കില്‍ ആയത് വിപുലീകരിക്കുന്നതിന് നടപടി സ്വീകരിക്കുമോ?

സംസ്ഥാനത്ത് വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങള്‍ ഏതെല്ലാമെന്നും ഇവയില്‍ നിലവില്‍ ലാഭത്തില്‍/നഷ്ടത്തില്‍ പ്രവര്‍ത്തിക്കുന്നവ ഏതെല്ലാമെന്നും തരം തിരിച്ച് വ്യക്തമാക്കുമോ;

നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളെ ഉയര്‍ത്തികൊണ്ടുവന്ന് സ്വയം പര്യാപ്തത കെെവരിക്കുവാന്‍ എന്തൊക്കെ നടപടികളാണ് സമയബന്ധിതമായി സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

ഓരോ പൊതുമേഖലാസ്ഥാപനവും അവരവരുടേതായ രീതിയിലാണ് നിയമനങ്ങള്‍ നടത്തുന്നതെന്ന വസ്തുത പരിശോധിക്കുവാനും അതില്‍ എന്തെങ്കിലും മാറ്റം വരുത്തുവാനും ഉദ്ദേശിക്കുന്നുണ്ടോ; എങ്കില്‍ വിശദാംശം ലഭ്യമാക്കുമോ?

കൊച്ചിന്‍ റിഫൈനറിയെ ബി. പി. സി. എല്‍. ഏറ്റെടുത്തപ്പോള്‍ സംസ്ഥാന ഓഹരി നിലനിര്‍ത്തിയിട്ടുണ്ടോ; എങ്കില്‍ എത്ര ശതമാനം;

നിലവില്‍ ബി. പി. സി. എല്‍.നെ കേന്ദ്ര സര്‍ക്കാര്‍ സ്വകാര്യവത്കരിക്കാന്‍ തുനിയുമ്പോള്‍ പ്രസ്തുത ഓഹരികള്‍ക്ക് എന്തെങ്കിലും തരത്തിലുള്ള മാറ്റം സംഭവിക്കുമോ; വ്യക്തമാക്കുമോ;

ബി. പി. സി. എല്‍. സ്വകാര്യവത്കരിക്കാനുള്ള കേന്ദ്ര സര്‍ക്കാര്‍ നീക്കം കൊച്ചിയില്‍ സ്ഥാപിക്കാനുദ്ദേശിക്കുന്ന പെട്രോ കെമിക്കല്‍ പാര്‍ക്ക് പദ്ധതിയെ ഏതെല്ലാം തരത്തില്‍ ബാധിക്കുമെന്ന് വ്യക്തമാക്കുമോ?

കാസര്‍ഗോഡ് ജില്ലയിലെ ഏക കേന്ദ്രപൊതുമേഖലാസ്ഥാപനമായ ഭെല്‍-ഇ.എം.എല്‍ കമ്പനി സംസ്ഥാന സര്‍ക്കാറിന് കൈമാറുന്നതിന് കേന്ദ്രസര്‍ക്കാര്‍ അനുമതി നല്‍കിയിട്ടുണ്ടോ;

ഉണ്ടെങ്കിൽ, സംസ്ഥാനസര്‍ക്കാർ എത്രനാളായി ആവശ്യപ്പെട്ടിട്ടാണ് കേന്ദ്രസര്‍ക്കാർ പ്രസ്തുത നടപടി സ്വീകരിച്ചത്; വിശദാംശങ്ങള്‍ അറിയിക്കാമോ;

ഏറ്റെടുക്കുന്ന ഈ സ്ഥാപനം ഏത് നിലയില്‍ കൊണ്ടു പോകാനാണ് സംസ്ഥാനസര്‍ക്കാര്‍ ഉദ്ദേശിക്കുന്നത്; വിശദാംശങ്ങള്‍ അറിയിക്കാമോ;

മാസങ്ങളായി ശമ്പളമില്ലാതെ കഷ്ടത അനുഭവിക്കുന്ന ഈ സ്ഥാപനത്തിലെ തൊഴിലാളികള്‍ക്ക് അടിയന്തര സഹായം നല്‍കുന്ന വിഷയം പരിഗണിക്കുമോ; വിശദാംശങ്ങള്‍ അറിയിക്കാമോ?

വ്യവസായ വകുപ്പിന് കീഴില്‍ എത്ര പൊതുമേഖലാ സ്ഥാപനങ്ങളാണ് നിലവിലുള്ളത്;

2020-21 ബജറ്റില്‍ പ്രസ്തുത പൊതുമേഖലാ സ്ഥാപനങ്ങള്‍ക്ക് എത്ര തുകയാണ് ബജറ്റ് വിഹിതമായി നല്‍കിയത്; ഓരോ സ്ഥാപനത്തിനുമുള്ള ബജറ്റ് വിഹിതം എത്രയെന്ന് വ്യക്തമാക്കുമോ;

പ്രസ്തുത പൊതുമേഖലാ സ്ഥാപനങ്ങളില്‍ നഷ്ടത്തില്‍ പ്രവര്‍ത്തിക്കുന്ന സ്ഥാപനങ്ങള്‍ ഏതൊക്കെയാണ്; സ്ഥാപനങ്ങളുടെ വിശദവിവരങ്ങള്‍ ലഭ്യമാക്കുമോ?

വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങളുടെ പ്രവര്‍ത്തനം മെച്ചപ്പെടുത്തുന്നതിനും അവയെ ലാഭകരമാക്കുന്നതിനും എന്തെങ്കിലും പദ്ധതികള്‍ ആവിഷ്ക്കരിച്ചിട്ടുണ്ടോ ;

വ്യവസായ വകുപ്പിന് കീഴിലുള്ള സ്ഥാപനങ്ങളില്‍‌ സാങ്കേതിക വിദ്യയുടെ കാലാനുസൃതമായ നവീകരണം, ഉല്‍പ്പന്ന വൈവിദ്ധ്യവല്‍ക്കരണം എന്നിവ കാലാകാലങ്ങളില്‍ ആവിഷ്ക്കരിച്ച് നടപ്പിലാക്കാത്തതിനാലാണ് നഷ്ടത്തിലേക്ക് പോകുന്നതെന്ന് കണ്ടെത്തിയിട്ടുണ്ടോ;

പൊതുമേഖലാ സ്ഥാപനങ്ങളുടെ അക്കൗണ്ടിംഗ് നടപടികള്‍ കൂടുതല്‍ സുതാര്യമാക്കുന്നതിനും അസംസ്കൃത വസ്തുക്കളുടെ കൃത്യത ഉറപ്പു വരുത്തുന്നതിനും എന്റര്‍പ്രൈസ് റിസോഴ്സ് പ്ലാനിംഗ് നടപ്പിലാക്കുവാന്‍ ഉദ്ദേശിക്കുന്നുണ്ടോ ; വിശദമാക്കുമോ?

വ്യവസായ വകുപ്പിനു കീഴിലുള്ള പൊതുമേഖലാ സ്പിന്നിംഗ് മില്ലുകളിലെ ജീവനക്കാര്‍ക്ക് ഒന്നാം ഘട്ട ലോക്ഡൗണ്‍ കാലത്ത് (2020 മാര്‍ച്ച്, ഏപ്രില്‍) തടഞ്ഞുവച്ചിരിക്കുന്ന ശമ്പളവും ആനുകൂല്യങ്ങളും നാളിതുവരെ വിതരണം ചെയ്തിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവ വിതരണം ചെയ്യുവാന്‍ നടപടി സ്വീകരിക്കുമോ;

മലപ്പുറം സഹകരണ സ്പിന്നിംഗ് മിൽ ആധുനികവത്കരണം ഇപ്പോള്‍ ഏത് ഘട്ടത്തിലാണ്; വിശദാംശം നല്‍കുമോ;

ആധുനികവത്കരണത്തിന് ആവശ്യമായ ഫണ്ട് നല്‍കുവാന്‍ നടപടി സ്വീകരിക്കുമോ?

നെയ്യാറ്റിന്‍കര മണ്ഡലത്തിലെ പൊതുമേഖല സ്ഥാപനമായ കെല്‍പാം-ന്റെ നവീകരണ പ്രവര്‍ത്തനങ്ങള്‍ക്ക് 2015-16 മുതല്‍ 2020-21 വരെ എത്ര തുക അനുവദിച്ചു എന്ന് വ്യക്തമാക്കാമോ?

സംസ്ഥാനത്തെ വ്യവസായികള്‍ക്ക് ലോക മാര്‍ക്കറ്റില്‍ ഇടം കണ്ടെത്തുന്നതിന് കിന്‍ഫ്രയും, ഇന്ത്യ ട്രേഡ് പ്രമോഷന്‍ ഓര്‍ഗനൈസേഷനും ചേര്‍ന്ന് ഒരു ജോയിന്റ് വെഞ്ചര്‍ കമ്പനി രൂപീകരിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്; വിശദമാക്കുമോ;

സംസ്ഥാനത്ത് വന്‍കിട പ്രദര്‍ശനങ്ങള്‍ സംഘടിപ്പിക്കുന്നതിനായി കാക്കനാട് ലോകോത്തര നിലവാരമുള്ള എക്സിബിഷന്‍ കം കണ്‍വെന്‍ഷന്‍ സെന്റര്‍ നിര്‍മ്മിക്കുവാന്‍ തീരുമാനിച്ചിട്ടുണ്ടോ; അതിനായുള്ള നടപടിക്രമങ്ങള്‍ ഏത് ഘട്ടത്തിലാണെന്ന് അറിയിക്കുമോ?

സംസ്ഥാനത്ത് വ്യവസായവകുപ്പിന് കീഴില്‍ എത്ര പൊതുമേഖല സ്ഥാപനങ്ങള്‍ നിലവിലുണ്ട്;വ്യവസായ വകുപ്പിന് കീഴിലുളള ഏതൊക്കെ പൊതുമേഖലാ സ്ഥാപനങ്ങളാണ് ലാഭത്തില്‍ പ്രവര്‍ത്തിക്കുന്നത്;വിശദമാക്കാമോ;

നഷ്ടത്തില്‍ പ്രവര്‍ത്തിക്കുന്ന പൊതുമേഖലാസ്ഥാപനങ്ങളെ ലാഭത്തിലാക്കുന്നതിനും കാര്യക്ഷമമാക്കുന്നതിനും നടപടി സ്വീകരിച്ചിട്ടുണ്ടോ;വിശദമാക്കാമോ?

നെയ്യാറ്റിൻകര അമരവിളയില്‍ ഖാദിബോര്‍ഡിന്റെ കീഴില്‍ പ്രവര്‍ത്തിക്കുന്ന ടൈല്‍ ഫാക്ടറിയില്‍ പുതിയ പദ്ധതികള്‍ക്കായി വ്യവസായ വകുപ്പില്‍ നിന്നും ധനസഹായം നല്‍കാൻ കഴിയുമോ എന്ന് വ്യക്തമാക്കാമോ;

2016 മുതല്‍ 2021 മാര്‍ച്ച് വരെ അമരവിള ടൈല്‍ ഫാക്ടറിയ്ക്ക് വ്യവസായ വകുപ്പ് എന്തെങ്കിലും ധനസഹായം നല്‍കിയിട്ടുണ്ടോ; വിശദമാക്കാമോ ?

സംസ്ഥാനത്ത് തൊഴില്‍ ലഭ്യത കൂട്ടുന്നതിനും ഉത്പാദനം വര്‍ദ്ധിപ്പിക്കുന്നതിനും പുതിയ സംരംഭങ്ങള്‍ തുടങ്ങുന്നതിന് നടപടി ഉണ്ടാകുമോ;

ഐ.ടി മേഖലയില്‍ ഉള്‍പ്പെടെ കൂടുതല്‍ സൗകര്യങ്ങള്‍ ലഭ്യമാക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

കേന്ദ്ര ഗവണ്‍മെന്റ് വില്‍ക്കുന്ന പൊതുമേഖലാ സ്ഥാപനങ്ങളെ സംസ്ഥാനം ഒറ്റയ്ക്കോ മറ്റ് സംസ്ഥാനങ്ങളുമായി പങ്കാളിത്തത്തിലോ ഏറ്റെടുക്കുന്നതിന് നടപടികള്‍ ഉണ്ടാകുമോയെന്ന് വ്യക്തമാക്കുമോ ?

മുന്‍ സര്‍ക്കാരിന്റെ കാലയളവില്‍ സംസ്ഥാനത്ത് വന്‍കിട വ്യവസായ മേഖലയില്‍ ഏതെങ്കിലും പുതിയ വ്യവസായങ്ങള്‍ ആരംഭിച്ചിട്ടുണ്ടോ;

എങ്കില്‍ ഏതെല്ലാം വ്യവസായങ്ങളെന്നും, അതിലൂടെ എത്ര കോടി രൂപയുടെ നിക്ഷേപം സംസ്ഥാനത്ത് ഉണ്ടായി എന്നും വ്യക്തമാക്കുമോ;

സംസ്ഥാനത്ത് പുതുതായി ഏതെങ്കിലും വന്‍കിട വ്യവസായ സംരംഭം ആരംഭിക്കുന്നതിന് ഈ സര്‍ക്കാര്‍ പദ്ധതി ആവിഷ്ക്കരിച്ചിട്ടുണ്ടോ; വിശദമാക്കുമോ ?

2020 ഫെബ്രുവരിയില്‍ കൊച്ചിയില്‍ നടന്ന ഗ്ലോബല്‍ ഇന്‍വസ്റ്റേഴ്സ് മീറ്റ്- അസന്‍ഡ് 2020- ല്‍ എത്ര ധാരണാപത്രങ്ങളാണ് ഒപ്പുവച്ചതെന്ന് വിശദമാക്കുമോ ;

പ്രസ്തുത ധാരണാപത്രങ്ങളുടെ അടിസ്ഥാനത്തില്‍ ഇതിനകം പ്രാവര്‍ത്തികമാക്കിയ പ്രോജക്ടുകള്‍ എത്രയെന്നും അവ ഏതെല്ലാമെന്നും വ്യക്തമാക്കുമോ;

ഇതിലൂടെ എത്ര കോടി രൂപയുടെ നിക്ഷേപമാണ് സംസ്ഥാനത്ത് ലഭ്യമായതെന്ന് അറിയിക്കുമോ;

സംസ്ഥാനത്ത് കൂടുതല്‍ നിക്ഷേപകരെ ആകര്‍ഷിക്കുന്നതിനായി അസന്‍ഡ് 2020 പോലുള്ള ഇന്‍വസ്റ്റേഴ്സ് മീറ്റ് സംഘടിപ്പിക്കുന്നതിന് നിലവിലെ സര്‍ക്കാര്‍ ഉദ്ദേശിക്കുന്നുണ്ടോ;

പ്രസ്തുത ഇന്‍വസ്റ്റേഴ്സ് മീറ്റില്‍ നിക്ഷേപകരായി എത്തുന്ന സംരംഭകര്‍ അതിന് പ്രാപ്തരാണോ എന്ന് പരിശോധിച്ചതിനു ശേഷം ധാരണാ പത്രങ്ങളിൽ ഒപ്പുവയ്ക്കുന്നതിന് ആവശ്യമായ നടപടി സ്വീകരിക്കുമോ?

തിരൂര്‍ നിയോജക മണ്ഡലത്തില്‍ കഴിഞ്ഞ 5 വര്‍ഷം വ്യവസായ വകുപ്പു നടപ്പിലാക്കിയ പദ്ധതികളുടെ വിശദ വിവരം ലഭ്യമാക്കുമോ;

വ്യവസായ വകുപ്പിന് കീഴില്‍ തിരൂർ മണ്ഡലത്തിൽ നടപ്പിലാക്കുന്ന പുതിയ പദ്ധതികളുടെ വിശദ വിവരം അറിയിക്കുമോ;

തിരൂര്‍ നിയോജക മണ്ഡലത്തില്‍ വ്യവസായ മേഖലയിലെ നിരവധി സാധ്യതകള്‍ പരിഗണിച്ച് പുതിയ പദ്ധതികള്‍ നടപ്പിലാക്കാന്‍ സര്‍ക്കാര്‍ നടപടി സ്വീകരിക്കുമോ?

2016-2021 കാലയളവില്‍ സംസ്ഥാനത്തു പുതുതായി എത്ര വ്യവസായങ്ങള്‍ ആരംഭിക്കാന്‍ കഴിഞ്ഞ സര്‍ക്കാരിന് സാധിച്ചുവെന്ന് വ്യക്തമാക്കാമോ;

വിശദാംശങ്ങള്‍ നല്‍കാമോ?

കോവിഡ് മൂലം തൊഴില്‍രഹിതരായി മടങ്ങിവരുന്ന പ്രവാസികളുടെ പുനരധിവാസവും തൊഴിലും ഉദ്ദേശിച്ച് പുതിയ വ്യവസായ സംരംഭങ്ങള്‍ തുടങ്ങുവാന്‍ നടപടി സ്വീകരിച്ചിട്ടുണ്ടോ;

അടിസ്ഥാനസൗകര്യങ്ങള്‍ ലഭ്യമായതും താരതമ്യേന വ്യവസായ സംരംഭങ്ങള്‍ കുറവുള്ളതുമായ നിയോജകമണ്ഡലങ്ങളെ ഇതിനായി പരിഗണിക്കുമോ?

സംസ്ഥാനത്തേക്ക് കൂടുതല്‍ നിക്ഷേപങ്ങള്‍ ആകര്‍ഷിക്കുവാന്‍ വ്യവസായ വകുപ്പ് നിക്ഷേപ സൗഹൃദ പദ്ധതി ആവിഷ്കരിച്ചിട്ടുണ്ടോ; വിശദമാക്കുമോ ;

പ്രസ്തുത നടപടികളുടെ ഭാഗമായി ഈസ് ഓഫ് ഡൂയിംഗ് ബിസിനസ്സിലെ ദേശീയ റാങ്കിംഗില്‍ സംസ്ഥാനത്തിന്റെ നിലവിലെ റാങ്ക് ഏറ്റവും മുകളിലത്തെ അഞ്ചിലൊന്നായി മെച്ചപ്പെടുത്തുന്നതിന് ആലോചിച്ചിട്ടുണ്ടോ; എങ്കില്‍ ഇതിനായി സ്വീകരിച്ച നടപടികള്‍ എന്തൊക്കെയാണെന്ന് വെളിപ്പെടുത്തുമോ;

കേരളത്തിലെ വ്യവസായ അന്തരീക്ഷം കൂടുതല്‍ സൗഹാര്‍ദ്ദപരമാക്കുവാന്‍ കൂടുതല്‍ പരിഷ്കാരങ്ങള്‍ ഈ മേഖലയില്‍ ആവശ്യമാണെന്ന് വിലയിരുത്തുന്നുണ്ടോ; എങ്കില്‍ അതിനായി പുതിയ നിയമം കൊണ്ട് വരുവാന്‍ ഉദ്ദേശിക്കുന്നുണ്ടോ?

തൊടുപുഴ മുട്ടം വില്ലേജിലെ തുടങ്ങനാട്ടില്‍ കിന്‍ഫ്ര ഏറ്റെടുത്തിട്ടുള്ള ഭൂമിയില്‍ എന്തൊക്കെ വികസന പ്രവര്‍ത്തനങ്ങളാണ് തുടങ്ങാന്‍ ഉദ്ദേശിച്ചിട്ടുള്ളത്;

ഇതിനോടകം എത്ര ഏക്കര്‍ ഭൂമി ഏറ്റെടുത്തിട്ടുണ്ട്; സമയബന്ധിതമായി പദ്ധതികള്‍ പൂര്‍ത്തീകരിക്കാന്‍ നടപടി കൈക്കൊള്ളുമോ; വിശദമാക്കാമോ ?

കോന്നി നിയോജകമണ്ഡലത്തിലെ ഏനാദിമംഗലം പഞ്ചായത്തില്‍ പ്രവര്‍ത്തിച്ച് കൊണ്ടിരിക്കുന്ന കിന്‍ഫ്ര വ്യവസായ പാര്‍ക്കില്‍ പുതിയ സംരംഭങ്ങള്‍ ആരംഭിക്കുന്നതിന് നടപടി സ്വീകരിക്കുമോ?

പയ്യന്നൂര്‍ നിയോജകമണ്ഡലത്തിലെ എരമം-കുറ്റൂര്‍ ഗ്രാമപഞ്ചായത്തിലെ പുല്ലുപാറയില്‍ സൈബര്‍ പാര്‍ക്കിനായി നീക്കിവെച്ച ഭൂമി കിന്‍ഫ്ര ഏറ്റെടുക്കുന്നതിനുള്ള നടപടികള്‍ ഏതുവരെ ആയെന്ന് വിശദമാക്കാമോ?

കിഫ്ബി മുഖേന കിന്‍ഫ്ര നടപ്പിലാക്കുന്ന പെട്രോകെമിക്കല്‍ പാർക്ക് പദ്ധതിയുടെ നിലവിലെ സ്ഥിതി വിശദമാക്കുമോ;

പ്രസ്തുത പദ്ധതിയ്ക്ക് പാരിസ്ഥിതിക അനുമതി ലഭിച്ചിട്ടുണ്ടോ; അറിയിക്കാമോ;

ഈ പദ്ധതി പ്രാവര്‍ത്തികമാകുന്നതോടുകൂടി എത്ര കോടി രൂപയുടെ സ്വകാര്യ നിക്ഷേപവും എത്ര തൊഴിലവസരങ്ങളും ഉണ്ടാകുമെന്നാണ് കണക്കാക്കുന്നത്; വ്യക്തമാക്കാമോ?

ഗ്രാമീണ ചെറുകിട വ്യവസായങ്ങളെ പ്രോത്സാഹിപ്പിക്കുന്നതിനുള്ള സഹായ പദ്ധതികളെ സംബന്ധിച്ചുള്ള വിശദാംശങ്ങള്‍ ലഭ്യമാക്കാമോ;

ഇത്തരം വ്യവസായ യൂണിറ്റുകളുടെ രജിസ്ട്രേഷന്‍, വായ്പ, ഗ്രാന്റ്, മൂലധനം എന്നിവയ്ക്കായുള്ള നടപടിക്രമങ്ങളുടെ വിശദാംശങ്ങള്‍ ലഭ്യമാക്കാമോ;

ചെറുകിട വ്യവസായ യൂണിറ്റുകള്‍ക്കുള്ള സഹായ പദ്ധതി, പരിശീലന പരിപാടി, വൈദഗ്ധ്യ വികസന പരിപാടികള്‍ എന്നിവയുടെ വിശദാംശങ്ങള്‍ ലഭ്യമാക്കാമോ?

ആവശ്യത്തിന് മുളയും ഈറയും കിട്ടാത്തതുമൂലം പനമ്പ്, നെയ്ത്ത് തൊഴിലാളികള്‍ നേരിടുന്ന പ്രതിസന്ധി പരിഹരിക്കുവാന്‍ സംസ്ഥാന ബാംബു കോര്‍പ്പറേഷന്‍ എന്തൊക്കെ ഇടപെടലുകളാണ് നടത്തിയതെന്ന് വിശദമാക്കുമോ;

സംസ്ഥാനത്ത് വ്യാപകമായ രീതിയില്‍ മുള വച്ചു പിടിപ്പിക്കുന്നതിന് കോര്‍പ്പറേഷന്‍ പദ്ധതി ആവിഷ്കരിച്ചിട്ടുണ്ടോ;എങ്കില്‍ വിശദാംശം നല്‍കുമോ;

പനമ്പ്, നെയ്ത്ത് തൊഴിലാളികള്‍ക്ക് എത്ര ദിവസം തൊഴില്‍ നല്‍കുന്നതിനാണ് നിലവില്‍ കോര്‍പ്പറേഷന് സാധിക്കുന്നതെന്ന് വെളിപ്പെടുത്താമോ;

കോവിഡാനന്തര കാലത്ത് പനമ്പ്, നെയ്ത്ത് തൊഴിലാളികള്‍ക്കായി ഏതെങ്കിലും തരത്തിലുളള ആശ്വാസ നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ?

കോവിഡ് പശ്ചാത്തലത്തില്‍ പ്രതിസന്ധിയിലായ ചെറുകിട വ്യവസായക്കാരെ സംരക്ഷിക്കുന്നതിന് വേണ്ടി പുതിയ പദ്ധതികള്‍ ആലോചനയിലുണ്ടോ;

വയനാട് ജില്ലയിലെ തൊഴിലവസരങ്ങള്‍ വര്‍ദ്ധിപ്പിക്കുന്നതിനായി ചെറുകിട വ്യവസായ പദ്ധതികള്‍ ആരംഭിക്കുന്ന കാര്യം അനുഭാവപൂര്‍വ്വം പരിഗണിക്കാമോ?

ആറ്റിങ്ങല്‍ ആലംകോട് കേന്ദ്രമായി പ്രവര്‍ത്തിച്ചിരുന്ന വീക്ഷണം കൈത്തറി നെയ്ത്ത് സഹകരണസംഘത്തില്‍ നടപ്പിലാക്കുന്ന പുനരുദ്ധാരണ പാക്കേജ് ഏത് ഘട്ടത്തിലാണെന്ന് വിശദമാക്കുമോ?

നൂതന വ്യവസായ സംരംഭങ്ങള്‍ തുടങ്ങാന്‍ തയ്യാറായി എത്തുന്ന യുവ സംരംഭകര്‍ക്ക് എന്തെല്ലാം പ്രാേത്സാഹനങ്ങളാണ് നല്‍കാനുദ്ദേശിക്കുന്നതെന്ന് അറിയിക്കാമോ;

സംസ്ഥാനത്ത് സൂക്ഷ്‍മ - ചെറുകിട - ഇടത്തരം വ്യവസായങ്ങളെ പ്രാേത്സാഹിപ്പിക്കുന്നതിന്റെ ഭാഗമായി പുതിയ സംരംഭങ്ങള്‍ തുടങ്ങുന്നതിന് എന്തെല്ലാം പ്രവര്‍ത്തനങ്ങളാണ് നടത്താനുദ്ദേശിക്കുന്നതെന്ന് വ്യക്തമാക്കാമോ;

പുതിയ സംരംഭകര്‍ക്ക് സഹായകരമാകുന്ന രീതിയില്‍ വ്യവസായ വകുപ്പിന്റെ സേവനങ്ങള്‍ നിലവില്‍ ഏകജാലകമാക്കിയിട്ടുണ്ടോ ; എങ്കില്‍ വിശദാംശം നല്‍കുമോ?

ഇന്ത്യയിലെ ഒരു അപൂര്‍വ്വ കലയായ തഴപ്പായനിർമ്മാണത്തിന്റെ കേന്ദ്രമായ തഴവയിലെ തഴപ്പായക്ക് ജ്യോഗ്രഫിക്കല്‍ ഇന്‍ഡിക്കേഷന്‍ രജിസ്ട്രേഷന്‍ അടക്കമുള്ളവ നല്‍കി അതിന്റെ അപൂര്‍വ്വത അംഗീകരിച്ചിട്ടുള്ള സാഹചര്യത്തില്‍ ഈ തൊഴില്‍ സംരക്ഷിക്കാന്‍ വ്യവസായ വകുപ്പ് നടത്തുന്ന പരിപാടിയുടെ വിശദാംശങ്ങള്‍ ലഭ്യമാക്കാമോ;

തഴപ്പായ-കാട്ടുവള്ളി ക്ഷേമനിധി ബോര്‍ഡ് നിലവില്‍ ഉണ്ടോയെന്ന് വ്യക്തമാക്കാമോ; അതില്‍ കേരളത്തില്‍ എത്രപേര്‍ ക്ഷേമനിധി അംഗത്വം എടുത്തിട്ടുണ്ടെന്നും അവര്‍ക്ക് എന്തെല്ലാം ആനുകൂല്യങ്ങള്‍ നല്‍കുന്നുണ്ടെന്നുമുള്ള വിവരങ്ങള്‍ ലഭ്യമാക്കാമോ?

കള്ള് ചെത്ത്, മല്‍സ്യം, കയര്‍, കക്കവ്യവസായം പോലുള്ള പരമ്പരാഗത മേഖലകളില്‍ കോവിഡ് കാലഘട്ടത്തിലെ പ്രതിസന്ധി പരിഹരിക്കുന്നതിന് സര്‍ക്കാര്‍ സ്വീകരിച്ചു വരുന്ന നടപടികളെക്കുറിച്ച് വിശദമാക്കാമോ;

പ്രസ്തുത പരമ്പരാഗത വ്യവസായങ്ങളെ പ്രതിസന്ധിയില്‍ നിന്ന് കരകയറ്റാനും പുതിയ സാഹചര്യങ്ങളിലെ വെല്ലുവിളി അതിജീവിക്കാനും ഈ മേഖലയിലെ തൊഴിലാളികളെ പ്രാപ്തരാക്കാന്‍ നടപടി സ്വീകരിക്കുമോ; വ്യക്തമാക്കാമോ?

തെങ്ങിന്‍ തടി ഉപയോഗിച്ചുള്ള ഫര്‍ണിച്ചര്‍ വ്യവസായം ആരംഭിക്കുമെന്ന പ്രകടനപത്രികാ വാഗ്ദാനം നടപ്പിലാക്കാന്‍ സാധിച്ചിട്ടുണ്ടോ;

ഉണ്ടെങ്കില്‍ വിശദാംശങ്ങള്‍ നല്‍കാമോ?

കൊച്ചി - ബാംഗ്ലൂര്‍ വ്യവസായ ഇടനാഴിയിലെ പാലക്കാട് ജില്ലയിലെ തരൂര്‍ മണ്ഡലത്തില്‍ ഉള്‍പ്പെടുന്ന കണ്ണമ്പ്ര വ്യവസായ പാര്‍ക്ക് ഭൂമി ഏറ്റെടുക്കല്‍ നടപടിയുടെ പുരോഗതി അറിയിക്കാമോ;

പ്രസ്തുത വ്യവസായ പാര്‍ക്കില്‍ ഏതൊക്കെ വിഭാഗത്തില്‍പ്പെടുന്ന വ്യവസായ സംരംഭങ്ങളാണ് ആരംഭിക്കുവാന്‍ പോകുന്നതെന്ന് അറിയിക്കുമോ;

പദ്ധതി യാഥാര്‍ത്ഥ്യമാകുന്നതോടെ പ്രത്യക്ഷമായും പരോക്ഷമായും എത്ര പേര്‍ക്ക് തൊഴില്‍ ലഭിക്കുമെന്നാണ് പ്രതീക്ഷിക്കുന്നതെന്ന് അറിയിക്കാമോ?

2017 ല്‍ ആരംഭിച്ച കൊച്ചി - ബാംഗ്ലൂര്‍ വ്യാവസായിക ഇടനാഴിയുടെ നിര്‍മ്മാണ പുരോഗതി സംബന്ധിച്ച വിവരം ലഭ്യമാക്കുമോ; നാളിതുവരെ എത്രകോടി രൂപ ഈ പദ്ധതിക്കായി സംസ്ഥാന സര്‍ക്കാര്‍ ചെലവഴിച്ചു എന്നത് ഇനം തിരിച്ച് വ്യക്തമാക്കുമോ?

സംസ്ഥാനത്തിന്റെ സമ്പൂര്‍ണ്ണ വ്യാവസായിക വികസനത്തിനായി കൊച്ചി-ബംഗളൂരു വ്യാവസായിക ഇടനാഴി വികസിപ്പിക്കുന്ന നടപടി ഏത് ഘട്ടത്തിലാണ്;

ഇതിനായി എത്ര ഏക്കര്‍ സ്ഥലം ഏറ്റെടുക്കേണ്ടതുണ്ട്;

പ്രസ്തുത ഇടനാഴി പ്രവര്‍ത്തനമാരംഭിക്കുമ്പോള്‍ എത്ര കോടി രൂപയൂടെ നിക്ഷേപവും എത്ര തൊഴിലവസരവും സൃഷ്ടിക്കുവാന്‍ സാധിക്കുമെന്നാണ് കണക്കാക്കുന്നത്?

ആമ്പല്ലൂര്‍ ഇലക്ട്രോണിക് പാര്‍ക്ക് പൂര്‍ത്തിയാക്കാന്‍ മുന്‍ സര്‍ക്കാരിന് സാധിച്ചിരുന്നോ;

വിശദാംശങ്ങള്‍ നല്‍കാമോ?

മുൻ സര്‍ക്കാരിന്റെ കാലയളവില്‍ അനുവദിച്ചുകൊണ്ട് ബജറ്റ് പ്രഖ്യാപനം നടത്തുകയും പ്രാരംഭമായി 20 കോടി രൂപയുടെ 20% എന്ന നിലയില്‍ 4 കോടി രൂപ വകയിരുത്തുകയും ചെയ്ത ചീമേനിയിലെ വ്യവസായ പാര്‍ക്ക് പ്രാവര്‍ത്തികമാക്കാൻ കഴിയാതിരുന്നതിന്റെ കാരണം വ്യക്തമാക്കാമോ;

ഈ വ്യവസായ പാര്‍ക്ക് എന്ന് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

സ്വകാര്യ വ്യക്തികള്‍ ആരംഭിക്കുന്ന പ്രൈവറ്റ് ഇന്‍ഡസ്ട്രിയല്‍ പാര്‍ക്കിന് ഭൂപരിഷ്കരണ ചട്ടങ്ങളില്‍ ഇളവ് വരുത്തിയിട്ടുണ്ടോ; വിശദാംശം ലഭ്യമാക്കാമോ;

ഇത്തരം സംരംഭങ്ങള്‍ക്ക് എന്തെല്ലാം ഇളവുകളും ആനുകൂല്യങ്ങളുമാണ് സര്‍ക്കാര്‍ നല്‍കുന്നതെന്ന് വ്യക്തമാക്കുമോ?

ആറ്റിങ്ങല്‍ മൂന്ന് മുക്ക് സ്റ്റീല്‍ പ്ലാന്റ് കോംപ്ലക്സിലെ പരിശീലന കേന്ദ്രത്തില്‍ നിലവില്‍ ഏതെല്ലാം പരിശീലന കോഴ്സുകളാണ് നടത്തി വരുന്നത്;

പുതുതായി എന്തെല്ലാം പദ്ധതികളാണ് സ്റ്റീല്‍ പ്ലാന്റ് കോംപ്ലക്സില്‍ നടപ്പിലാക്കാൻ ഉദ്ദേശിക്കുന്നത്; വിശദമാക്കുമോ?

നിര്‍മ്മാണ വസ്തുക്കളുടെ വിലക്കയറ്റം നിര്‍മ്മാണ മേഖലയെ പ്രതികൂലമായി ബാധിച്ച കാര്യം സര്‍ക്കാര്‍ പരിശോധിച്ചിട്ടുണ്ടോ;

നിര്‍മ്മാണ മേഖലയിലെ പ്രതിസന്ധി പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ?

കേരള പ്ലാന്റേഷന്‍ കോര്‍പ്പറേഷന്‍ ലീസ്/പാട്ട വ്യവസ്ഥയില്‍ എത്ര ഏക്കര്‍ ഭൂമി ഉപയോഗിച്ചു വരുന്നുണ്ടെന്ന് വ്യക്തമാക്കാമോ;

അനുവദിച്ച ഭൂമി കൂടാതെ എത്ര ഏക്കര്‍ ഭൂമി പ്ലാന്റേഷന്‍ കോര്‍പ്പറേഷന്‍ അനധികൃതമായി കൈവശം വച്ചിട്ടുണ്ടെന്ന് വ്യക്തമാക്കാമോ;

ഈ ഭൂമി പൊതു ആവശ്യങ്ങള്‍ക്കായി റവന്യൂ വകുപ്പിന് തിരികെ നല്‍കാന്‍ നടപടികള്‍ ഉണ്ടാകുമോ?

സംസ്ഥാനത്തെ വ്യവസായ സൗഹൃദമാക്കി മാറ്റുന്നതിനായി മുന്‍ സര്‍ക്കാര്‍ ആവിഷ്ക്കരിച്ച നൂതന പദ്ധതികള്‍ തുടരുന്നതിന് എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നത്;

സംസ്ഥാനത്തെ പൊതുമേഖലാ സ്ഥാപനങ്ങളെ ആധുനികവല്‍ക്കരണത്തിലൂടെ കൂടുതല്‍ മികവിലേക്ക് ഉയര്‍ത്തുന്നതിനായി എന്തെല്ലാം നിര്‍ദ്ദേശങ്ങളാണ് ഈ സര്‍ക്കാര്‍ നല്‍കിയിട്ടുള്ളതെന്ന് വിശദമാക്കാമോ;

വ്യവസായ മേഖലയില്‍ നവീകരണത്തിനോടൊപ്പം വെെവിധ്യവല്‍ക്കരണം കൂടി നടപ്പാക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് അറിയിയ്ക്കാമോ?

കാട്ടാക്കട താലൂക്ക് കേന്ദ്രമാക്കി താലൂക്ക് വ്യവസായ ഓഫീസ് ആരംഭിക്കുന്നത് സംബന്ധിച്ച നിര്‍ദ്ദേശം പരിഗണനയിലുണ്ടോ; ഉണ്ടെങ്കില്‍ പ്രസ്തുത നിര്‍ദ്ദേശത്തിന്റെ നിലവിലെ സ്ഥിതി വിശദമാക്കാമോ; ഇല്ലെങ്കില്‍ ഇതിനായുള്ള നടപടി സ്വീകരിക്കാമോ?

വ്യവസായ വകുപ്പിന്‍ കീഴില്‍ എത്ര സ്ഥാപനങ്ങളാണ് പ്രവര്‍ത്തിക്കുന്നതെന്നും പ്രസ്തുത സ്ഥാപനങ്ങള്‍ ഏതെല്ലാമാണെന്നും വ്യക്തമാക്കാമോ;

വ്യവസായ വകുപ്പിന് കീഴില്‍ പ്രവര്‍ത്തിക്കുന്ന സ്ഥാപനങ്ങളില്‍ നിലവില്‍ സേവനം അനുഷ്ഠിക്കുന്ന ആകെ ജീവനക്കാരുടെ എണ്ണം തസ്തിക തിരിച്ച് ലഭ്യമാക്കാമോ;

വ്യവസായ വകുപ്പിന് കീഴില്‍ പ്രവര്‍ത്തിക്കുന്ന സ്ഥാപനങ്ങളില്‍ നിലവില്‍ സേവനം അനുഷ്ഠിക്കുന്ന പട്ടിക ജാതി, പട്ടിക വര്‍ഗ്ഗ വിഭാഗത്തില്‍പ്പെട്ട ജീവനക്കാരുടെ എണ്ണം തസ്തിക തിരിച്ച് ലഭ്യമാക്കാമോ?

വ്യവസായ വകുപ്പിന് കീഴിലുള്ള ഓരോ പൊതുമേഖലാ സ്ഥാപനത്തിന്റെയും ഓഡിറ്റ് എന്നുവരെ പൂര്‍ത്തിയാക്കിയിട്ടുണ്ടെന്ന് വ്യക്തമാക്കുമോ;

വ്യവസായ വകുപ്പിന് കീഴിലുള്ള ഓരോ പൊതുമേഖലാ സ്ഥാപനത്തിന്റെയും 2015-16 മുതല്‍ ഓഡിറ്റ് പൂര്‍ത്തിയാക്കിയ വര്‍ഷം വരെയുള്ള കണക്കുകള്‍ പ്രകാരം, ഓരോ വര്‍ഷത്തെയും, വരുമാനം(ടോട്ടൽ റവന്യൂ )എത്രയെന്നും, ചെലവ് (ടോട്ടൽ എക്സ്പെൻഡിച്ചർ) എത്രയെന്നും, പ്രവര്‍ത്തന ലാഭവും/പ്രവര്‍ത്തന നഷ്ടവും എത്രയെന്നും (പ്രോഫിറ്റ് /ലോസ് ബിഫോർ എക്സ്സെപ്ഷണൽ ആൻഡ് എക്സ്ട്രാ ഓർഡിനറി ഐറ്റംസ് ആൻഡ് ടാക്സ് ഓർ ഓപ്പറേറ്റിംഗ് പ്രോഫിറ്റ് /ലോസ്) വ്യക്തമാക്കാമോ;

വ്യവസായ വകുപ്പിന് കീഴിലുള്ള ഓരോ പൊതുമേഖലാ സ്ഥാപനത്തിന്റെയും 2015-16 മുതല്‍ ഓഡിറ്റ് പൂര്‍ത്തിയാക്കിയ വര്‍ഷം വരെയുള്ള കണക്കുകള്‍ പ്രകാരം ഓരോ വര്‍ഷത്തെയും ലാഭത്തിന്റെയും നഷ്ടത്തിന്റെയും (പ്രോഫിറ്റ് /ലോസ് ) വിശദാംശങ്ങള്‍ ലഭ്യമാക്കുമോ;

വ്യവസായ വകുപ്പിന് കീഴിലുള്ള ഓരോ പൊതുമേഖലാ സ്ഥാപനത്തിന്റെയും 2015-16 മുതല്‍ 2020-21 വരെയുള്ള ഓരോ വര്‍ഷത്തെയും വിറ്റുവരവ് എത്രയാണെന്ന് വ്യക്തമാക്കുമോ?

സംസ്ഥാനത്ത് നിര്‍മ്മാണ വസ്തുക്കള്‍ക്കുണ്ടാകുന്ന ക്രമാതീതമായ വിലക്കയറ്റം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

കോവിഡ് മഹാമാരിയുടേയും അതിനോടനുബന്ധിച്ചുള്ള ലോക്ക്ഡൗണും കാരണം സ്തംഭിച്ചുപോയിട്ടുള്ള നിര്‍മ്മാണ മേഖലക്ക് ആശ്വാസമാകുന്ന തീരുമാനങ്ങള്‍ സര്‍ക്കാര്‍ സ്വീകരിക്കുമോ;

60 ശതമാനത്തിലധികം വില വര്‍ദ്ധിപ്പിച്ചിട്ടുള്ള അവശ്യ വസ്തുക്കളായ കമ്പി, സിമന്റ്, പി.വി.സി-ഇരുമ്പ് പൈപ്പുകള്‍ എന്നിവയുടെ വില കുറക്കുവാന്‍ നടപടി സ്വീകരിക്കുമോ?

കേന്ദ്ര സര്‍ക്കാര്‍ ആവിഷ്കരിച്ച ഈസ് ഓഫ് ഡൂയിംഗ് ബിസിനസ് റാങ്കിംഗ് പ്രകാരം 2015-16ല്‍ കേരളത്തിന്റെ റാങ്ക് പതിനെട്ട് ആയിരുന്നത് 2018-19ല്‍ ഇരുപത്തിയെട്ടിലേക്ക് താഴ്ന്നിട്ടുണ്ടോയെന്ന് അറിയിക്കാമോ;

ഈസ് ഓഫ് ഡൂയിംഗ് ബിസിനസിലെ ഉയര്‍ന്ന റാങ്കിംഗ് ലഭിക്കുന്നതിലൂടെ സംസ്ഥാനങ്ങള്‍ക്ക് ഉണ്ടാകുന്ന നേട്ടങ്ങള്‍ എന്തൊക്കെയാണെന്ന് വ്യക്തമാക്കാമോ ;

സംസ്ഥാനത്തിന്റെ കടമെടുക്കല്‍ പരിധി ഉയര്‍ത്തുന്നതിനും വന്‍തോതില്‍ നിക്ഷേപം ആകര്‍ഷിക്കുന്നതിനും ജി.‍ഡി.പി. വളര്‍ച്ച ഉയര്‍ത്തുന്നതിനും ഉയര്‍ന്ന റാങ്ക് സഹായകമാകുമോ;

കേരളത്തിന്റെ റാങ്കിംഗ് ഉയര്‍ത്തുന്നതിനായി എന്തൊക്കെ നടപടികളാണ് ഇതിനോടകം സ്വീകരിച്ചിട്ടുള്ളതെന്ന് വ്യക്തമാക്കുമോ?

സംസ്ഥാനത്ത് കരിമണല്‍ ഉള്‍പ്പെടെയുളള ധാതുമണല്‍ സമ്പത്തിന്റെ അളവ് തിട്ടപ്പെടുത്തുന്നതിന് സ്വീകരിച്ചിട്ടുളള നടപടികള്‍ എന്തെല്ലാമാണെന്ന് അറിയിക്കുമോ ; ആയതിന്റെ മൂല്യം കണക്കാക്കിയിട്ടുണ്ടോ; വ്യക്തമാക്കുമോ;

ധാതുമണല്‍ ഖനനം ചെയ്യുന്നതിന് ഏതെങ്കിലും സ്വകാര്യ ഏജന്‍സികള്‍ക്ക് അനുമതി നല്‍കിയിട്ടുണ്ടോ; വിശദാംശം ലഭ്യമാക്കുമോ;

ധാതുമണല്‍ അനധികൃതമായി കടത്തുന്ന സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരം കേസുകളില്‍ കര്‍ശനനടപടി സ്വീകരിക്കാറുണ്ടോ എന്ന് അറിയിക്കുമോ;

ധാതുമണല്‍ സമ്പത്ത് സംരക്ഷിക്കുന്നതിനും, പരമാവധി വിനിയോഗിക്കുന്നതിനും ആവശ്യമായ നടപടി സ്വീകരിക്കുമോ?

അസംസ്കൃത വസ്തുക്കളുടെ ലഭ്യതക്കുറവും ഉല്പന്നങ്ങളുടെ വില്പനയിലുണ്ടായിട്ടുള്ള ഇടിവും കൈത്തറി മേഖലയെ പ്രതിസന്ധിയിലാക്കിയിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഹാന്‍വീവിനും മറ്റു കൈത്തറി സൊസൈറ്റികള്‍ക്കും റിബേറ്റ് ഇനത്തില്‍ സര്‍ക്കാരില്‍ നിന്നും ലഭിക്കേണ്ട തുക ലഭിക്കാത്ത സാഹചര്യം ഉണ്ടോ; എങ്കില്‍ നാളിതുവരെ വിവിധ കൈത്തറി സ്ഥാപനങ്ങള്‍ക്കായി സര്‍ക്കാര്‍ നല്‍കാനുള്ള കുടിശ്ശിക തുക എത്ര രൂപയാണെന്ന് അറിയിക്കുമോ;

ഇതുമൂലം നഷ്ടത്തിലായ സൊസൈറ്റികള്‍ തൊഴിലാളികളുടെ പി.എഫിലേക്കുള്ള വിഹിതം അടയ്ക്കാത്തതുകാരണം തൊഴിലാളികള്‍ക്ക് പി.എഫ്. പെന്‍ഷന്‍ ലഭിക്കാത്ത സാഹചര്യം പരിശോധിക്കുക ഉണ്ടായോ;

എങ്കില്‍ കൈത്തറി മേഖലയിലെ പ്രശ്നങ്ങള്‍ പരിഹരിക്കുന്നതിനായി എന്തൊക്കെ നടപടികള്‍ കൈക്കൊള്ളുമെന്ന് വ്യക്തമാക്കുമോ?

കഴിഞ്ഞ സര്‍ക്കാരിന്റെ കാര്യക്ഷമമായ ഇടപെടലിന്റെ ഫലമായി പുനരുജ്ജീവന പാതയിലായിരുന്ന കൈത്തറി, ഖാദി വ്യവസായ മേഖലകളിൽ കൊവിഡ് വ്യാപനത്തെ തുടര്‍ന്നുണ്ടായ പ്രതിസന്ധി നേരിടുന്നതു പരിഹരിക്കാന്‍ പ്രത്യേകം ശ്രദ്ധ പതിപ്പിക്കുമോ;

കൈത്തറി മേഖലക്ക് കൈത്താങ്ങായിരുന്ന സൗജന്യ സ്കൂള്‍ യൂണിഫോം പദ്ധതി താല്കാലികമായെങ്കിലും മന്ദീഭവിക്കാനിടയായ സാഹചര്യത്തില്‍ മറ്റുല്പന്നങ്ങളുടെ വിപണനം കൂടുതല്‍ ആകര്‍ഷകമാക്കി തൊഴില്‍ ദിനങ്ങള്‍ വര്‍ദ്ധിപ്പിക്കാന്‍ സാധിക്കുമോ എന്ന കാര്യം പരിശോധിക്കുമോ;

കേന്ദ്ര സര്‍ക്കാര്‍ ഖാദി കൈത്തറികള്‍ക്ക് റിബേറ്റ് നല്‍കുന്നുണ്ടോ?

കോട്ടയം ടെക്സ്റ്റയില്‍സ് തുറന്ന് പ്രവര്‍ത്തിപ്പിക്കുന്നതിന് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ; നിലവിലെ മില്ലിന്റെ നവീകരണത്തിനായി പ്രഖ്യാപിച്ച 7 കോടി രൂപയുടെ നവീകരണ പ്രവര്‍ത്തനങ്ങള്‍ ഏതു ഘട്ടത്തിലെന്ന് അറിയിക്കാമോ;

സ്ത്രീ തൊഴിലാളികളുടെ രാത്രികാല ഷിഫ്റ്റ് സംബന്ധിച്ചുള്ള പ്രശ്നത്തില്‍ നിയമ നിര്‍മ്മാണത്തിന് അനുമതി ലഭിച്ചിട്ടുണ്ടോ എന്നറിയിക്കാമോ;

കോട്ടയം ടെക്സ്റ്റയില്‍സിലെ തൊഴിലാളികളുടെ റിട്ടയര്‍മെന്റ് ആനുകൂല്യം മുഴുവനായി ലഭ്യമാക്കിയിട്ടുണ്ടോ; ഇല്ലെങ്കില്‍ എന്നത്തേക്ക് കൊടുത്തു തീര്‍ക്കാന്‍ കഴിയും എന്നറിയിക്കാമോ?

എം.എസ്.എം.ഇ യില്‍ ചെറുകിട മേഖലാ യുണിറ്റുകള്‍ ആരംഭിക്കുന്നതിന് അഭിമുഖീകരിക്കുന്ന പ്രധാനപ്രശ്നം ഫണ്ടിന്റെ അപര്യാപ്തതയാകയാൽ പ്രസ്തുതപ്രശ്‌നം പരിഹരിക്കുന്നതിന് എന്തൊക്കെ സഹായങ്ങളാണ് സര്‍ക്കാര്‍ നല്‍കുന്നത്;

പ്രസ്തുത മേഖലയില്‍ മാര്‍ജിന്‍ മണി ഗ്രാന്റ് ടു നാനോ യൂണിറ്റ് ആരംഭിക്കുമെന്ന മുന്‍ സര്‍ക്കാരിന്റെ പ്രഖ്യാപനം പ്രാവര്‍ത്തികമാക്കിയിട്ടുണ്ടോ; വിശദമാക്കാമോ ;

കോവിഡ് മൂലമുള്ള ലോക്ഡൗണ്‍ എം.എസ്.എം.ഇ.കളെ ഗുരുതരമായി ബാധിച്ച സാഹചര്യത്തില്‍ അവര്‍ നേരിടുന്ന പ്രതിസന്ധി പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

എം.എസ്.എം.ഇ.കള്‍ക്ക് കോവിഡ് പശ്ചാത്തലത്തില്‍ കേന്ദ്രസര്‍ക്കാര്‍ പ്രഖ്യാപിച്ച ആനുകൂല്യങ്ങള്‍ എന്തൊക്കെയാണെന്നും ഇത് സമയബന്ധിതമായി അവര്‍ക്ക് ലഭ്യമാക്കുന്നതിന് ആവശ്യമായ ഇടപെടലുകള്‍ നടത്തുമോയെന്നും വ്യക്തമാക്കാമോ ?

കയര്‍ഫെഡ് കരുനാഗപ്പള്ളി മേഖലയിലെ പ്രാഥമിക കയര്‍ സംഘങ്ങളില്‍ നിന്ന് കഴിഞ്ഞ അഞ്ചുവര്‍ഷ കാലയളവില്‍ എത്ര കയര്‍ സംഭരിച്ചുവെന്ന് വ്യക്തമാക്കാമോ;

ടി സംഘങ്ങള്‍ക്ക് കുടിശ്ശികകള്‍ തീര്‍ക്കാന്‍ ഉണ്ടോയെന്ന് വ്യക്തമാക്കാമോ;

കയര്‍ സംഭരിച്ച ഇനത്തില്‍ സംഘങ്ങള്‍ക്ക് ലഭിക്കേണ്ട ഗ്രാന്‍ഡുകള്‍ കുടിശ്ശിക ഉണ്ടോയെന്ന് വ്യക്തമാക്കാമോ;

കയര്‍ സംഘം സെക്രട്ടറിമാരുടെ നിലവിലെ വേതനം വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

കോവിഡ് പ്രതിസന്ധി മൂലം കേരളത്തില്‍ നിരവധി കയര്‍ തൊഴിലാളികള്‍ക്ക് കഴിഞ്ഞ 15 മാസമായി തൊഴില്‍ നഷ്ടമായിരിക്കുന്നതിനാല്‍ അവരുടെ കുടുംബങ്ങള്‍ നിത്യപട്ടിണിയിലും ആത്മഹത്യയുടെ വക്കിലുമാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; ഇവരെ സഹായിക്കുന്നതിന് ഏതെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്;

കയര്‍ തൊഴിലാളികളുടെ ദിവസ വേതനം വര്‍ദ്ധിപ്പിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കാമോ?

പരമ്പരാഗത കയര്‍ തൊഴിലാളികളുടെ ഉന്നമനത്തിനായി നടപ്പിലാക്കാനുദ്ദേശിക്കുന്ന നൂതന പദ്ധതികള്‍ എന്തെല്ലാമാണ്;

കയര്‍ വ്യവസായ മേഖലയില്‍ ആധുനികവത്കരണവും യന്ത്രവത്ക്കരണവും നടപ്പിലാക്കുമ്പോള്‍ പരമ്പരാഗത തൊഴിലാളികളെ പ്രതികൂലമായി ബാധിക്കാതിരിക്കാന്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

പരമ്പരാഗത കയര്‍ ഉല്പന്നങ്ങളുടെ ആഭ്യന്തര - വിദേശ വിപണനം വര്‍ദ്ധിപ്പിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് അറിയിക്കാമോ?

കയര്‍ വ്യവസായ മേഖലയുടെ പുനരുദ്ധാരണത്തിനായി കഴിഞ്ഞ സര്‍ക്കാ‍‍ര്‍ സംഘടിപ്പിച്ച 'കയര്‍ കേരള' പോലുള്ള പ്രദര്‍ശന വില്പന മേളകള്‍ സംഘടിപ്പിക്കാൻ ഈ സര്‍ക്കാര്‍ ഉദ്ദേശിക്കുന്നുണ്ടോ;

പരമ്പാരഗത കയര്‍ ഉല്പന്നങ്ങളുടെ സംരക്ഷണത്തിനും വൈവിദ്ധ്യമായ പുതിയ ഉല്പന്നങ്ങള്‍ നിര്‍മ്മിച്ച് വിറ്റഴിക്കുന്നതിനും എന്തെല്ലാം നൂതന പദ്ധതികളാണ് ആവിഷ്ക്കരിക്കാന്‍ ഉദ്ദേശിക്കുന്നത്;

കയര്‍ വ്യവസായ മേഖലയില്‍ പ്രവര്‍ത്തിക്കുന്ന സഹകരണ സംഘങ്ങളുടെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിന് ഈ സര്‍ക്കാര്‍ നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് കശുവണ്ടി വ്യവസായമേഖലയുടെ പുനരുദ്ധാരണത്തിനായി മുന്‍ സര്‍ക്കാര്‍ ഫലപ്രദമായി നടപ്പാക്കിയ പദ്ധതികളുടെ തുടര്‍നിര്‍വ്വഹണത്തിനായി ഈ സര്‍ക്കാര്‍ എന്തെല്ലാം നിര്‍ദ്ദേശങ്ങളാണ് നല്‍കിയിട്ടുള്ളത്;

കശുവണ്ടി വ്യവസായത്തിനാവശ്യമായ തോട്ടണ്ടിയുടെ ആഭ്യന്തര ഉല്പാദനം വര്‍ദ്ധിപ്പിക്കുന്നതിന് എന്തെല്ലാം നൂതന പദ്ധതികളാണ് നടപ്പാക്കാനുദ്ദേശിക്കുന്നത്;

സംസ്ഥാനത്ത് കശുവണ്ടി ഉല്പാദനം കൂട്ടാനായി അത്യുല്പാദനശേഷിയുള്ള കശുമാവിന്‍ തൈകള്‍ നട്ടുപിടിപ്പിക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് അറിയിക്കാമോ?

കോഴിക്കോട് ജില്ലയിലെ അഴിയൂരില്‍ ദേശീയ പാതയ്ക്ക് അരികില്‍ കശുവണ്ടി കോര്‍പ്പറേഷന്റെ കൈവശമുള്ള ഏക്കര്‍ കണക്കിന് ഭൂമിയും കെട്ടിടങ്ങളും വര്‍ഷങ്ങളായി ഉപയോഗശൂന്യമായി കിടക്കുന്നത് ശ്രദ്ധയില്‍പെട്ടിട്ടുണ്ടോ;

ഇത് എത്ര ഏക്കര്‍ ഉണ്ടെന്നും സ്ഥലത്തിനും കെട്ടിടങ്ങള്‍ക്കും എത്ര കോടി രൂപ മതിപ്പു വിലയുണ്ടെന്നും അറിയിക്കുമോ;

ഈ സ്ഥലവും കെട്ടിടങ്ങളും ഉപയോഗപ്പെടുത്തി എന്തെങ്കിലും പുതിയ വ്യവസായ പദ്ധതി ആരംഭിക്കുന്നതിനു നടപടി സ്വീകരിക്കുമോ; വ്യക്തമാക്കുമോ?

കോവിഡിന്റെുയും മഹാവ്യാധിയുടെയും ഈ കാലത്ത് കരുനാഗപ്പള്ളി നിയോജക മണ്ഡലത്തിലെ കശുവണ്ടി ഫാക്ടറികള്‍ അടഞ്ഞുകിടക്കുന്ന സാഹചര്യത്തില്‍ തൊഴിലാളികള്‍ നേരിടുന്ന ബുദ്ധിമുട്ട് കണക്കിലെടുത്ത് പ്രസ്തുത ഫാക്ടറികള്‍ തുറക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

ഈ തൊഴിലാളികള്‍ക്ക് ധനസഹായം പ്രഖ്യാപിക്കുന്നതിന് ഉദ്ദേശിക്കുന്നുണ്ടോയെന്ന് വ്യക്തമാക്കാമോ?