14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >7th Session>Unstarred questions Answers

Answer Provided

Answer Not Yet Provided

FOURTEENTH KLA - 7th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മത്സ്യബന്ധന യാനങ്ങള്‍

1477.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തീരദേശ ജില്ലകളില്‍ ഓരോന്നിലും യഥാക്രമം എത്ര യന്ത്രവല്‍കൃതവും അല്ലാത്തതുമായ മത്സ്യബന്ധന യാനങ്ങള്‍ ഉണ്ടെന്ന് വ്യക്തമാക്കാമോ;

(ബി)	മണ്ണെണ്ണ എഞ്ചിന്‍ ഉപയോഗിച്ച് പ്രവര്‍ത്തിക്കുന്ന എത്ര വീതം യാനങ്ങള്‍ ഉണ്ടെന്ന് വെളിപ്പെടുത്താമോ?

മത്സ്യബന്ധന ബോട്ടുകള്‍ക്കും ഉപകരണങ്ങള്‍ക്കും ഇന്‍ഷ്വറന്‍സ്

1478.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യബന്ധന ബോട്ടുകള്‍ക്കും ഉപകരണങ്ങള്‍ക്കുംഇന്‍ഷ്വറന്‍സ് ഏര്‍പ്പെടുത്തുന്ന പദ്ധതിക്ക് സര്‍ക്കാര്‍ രൂപം നല്‍കുന്നുണ്ടോ;

(ബി)	മത്സ്യ ബന്ധനത്തിന് ഉപയോഗിക്കുന്ന യന്ത്രവല്‍കൃത ബോട്ടുകള്‍ ,പരമ്പരാഗത ബോട്ടുകള്‍, വള്ളങ്ങള്‍, എന്നിവ യഥാക്രമം എത്ര വീതമുണ്ടെന്ന് വ്യക്തമാക്കുമോ;

(സി)	നിലവിലുള്ള ഇന്‍ഷ്വറന്‍സ് പദ്ധതിയില്‍ ഇപ്പോള്‍ എത്ര അംഗങ്ങളുണ്ട് ; പുതിയ പദ്ധതിയുടെ ആനുകൂല്യങ്ങള്‍ എല്ലാവര്‍ക്കും ലഭ്യമാക്കുന്നതിന്, വ്യവസ്ഥകള്‍ ലളിതവും സുതാര്യവുമാക്കുന്ന കാര്യം പരിഗണിക്കുമോ ;വിശദാംശം നല്‍കുമോ?

നെയ്യാര്‍ഡാം കേന്ദ്രീകരിച്ച് മത്സ്യ ഉത്പാദനം

1479.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പാറശ്ശാല മണ്ഡലത്തിലെ നെയ്യാര്‍ഡാം കേന്ദ്രീകരിച്ച് ഫിഷറീസ് വകുപ്പിന്റെ ഉടമസ്ഥതയിലുള്ള ചതുപ്പുനിറഞ്ഞ 17 ഏക്കറോളം സ്ഥലത്ത് 60 ലക്ഷത്തോളം മത്സ്യക്കുഞ്ഞുങ്ങളെ ഉല്പാദിപ്പിച്ച് വിപണനം ചെയ്യുന്നതിനായുള്ള അടിസ്ഥാന സൗകര്യങ്ങള്‍ ലഭ്യമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	രണ്ട് കോടിയോളം മത്സ്യക്കുഞ്ഞുങ്ങളെ ഉല്പാദിപ്പിക്കുവാന്‍ കഴിയുന്ന വിധത്തിൽ ഈ സൗകര്യങ്ങള്‍ വിപുലപ്പെടുത്തി, ഓര്‍ണമെന്റല്‍ മത്സ്യവും സാധാരണ മത്സ്യവും ഉല്‍പാദിപ്പിച്ച് ദേശീയ തലത്തില്‍ മുന്നില്‍ വരാന്‍ കഴിയുന്ന ഒരു കേന്ദ്രമായി ഇതിനെ ഉയര്‍ത്തുന്നതിനായുള്ള നടപടികള്‍ സ്വീകരിക്കാമോ;വിശദമാക്കുമോ?

തലശ്ശേരി ന്യൂമാഹി ഹാര്‍ബര്‍ പരിസരത്ത് മത്സ്യ മാര്‍ക്കറ്റ്

1480.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

തലശ്ശേരി നിയോജക മണ്ഡലത്തിലെ ന്യൂമാഹി ഹാര്‍ബര്‍ പരിസരത്ത് മത്സ്യ മാര്‍ക്കറ്റ് പണിയുന്നതിന് എന്തൊക്കെ നടപടിക്രമങ്ങള്‍ ആണ് സ്വീകരിച്ചിട്ടുള്ളത് എന്ന് വ്യക്തമാക്കാമോ?

പാലമേല്‍ ആദിക്കാട്ട്കുളങ്ങര ഫിഷ് മാര്‍ക്കറ്റ് നിര്‍മ്മാണം

1481.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

മാവേലിക്കര മണ്ഡലത്തിലെ പാലമേല്‍ ആദിക്കാട്ട്കുളങ്ങര ഫിഷ് മാര്‍ക്കറ്റ് നിര്‍മ്മാണം പൂര്‍ത്തീകരിക്കുന്നതിനായി സ്വീകരിച്ച നടപടികള്‍ വിശദമാക്കുമോ; പ്രസ്തുത പദ്ധതി പൂർത്തീകരിക്കുന്നതിനായി ഇനിയും സ്വീകരിക്കാൻ ബാക്കിയുള്ള പ്രവൃത്തികള്‍ എതൊക്കെ; ആയത് അടിയന്തിരമായി പൂര്‍ത്തീകരിക്കുന്നതിനുള്ള നടപടി സ്വീകരിക്കുമോ;

(ബി)	ഹാര്‍ബര്‍ എഞ്ചിനീയറിംഗ് വകുപ്പിനു കീഴില്‍ ഈ സര്‍ക്കാരിന്റെ കാലത്ത് ആരംഭിച്ച പ്രവൃത്തികളുടെ വിശദാംശങ്ങള്‍ ലഭ്യമാക്കുമോ?

മത്സ്യഫെഡ് വഴിയുളള മണ്ണെണ്ണ വിതരണം

1482.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാര്‍ പൊതുമേഖല എണ്ണക്കമ്പനികളുമായി ചേര്‍ന്ന് മത്സ്യഫെഡ് വഴി സബ്സിഡി നിരക്കില്‍ മണ്ണെണ്ണ വിതരണം ചെയ്യുന്നത് സംബന്ധിച്ച വിശദാംശങ്ങള്‍ ലഭ്യമാക്കുമോ:

(ബി)	പ്രസ്തുത പദ്ധതി കൂടുതല്‍ വ്യാപകമാക്കുന്നതിനായി കേന്ദ്ര സര്‍ക്കാരിന്റെ സഹായം ലഭ്യമാക്കുന്നുണ്ടോ; ഇല്ലെങ്കില്‍ സഹായധനം ലഭ്യമാക്കുന്നതിനുള്ള ശ്രമം നടത്തുമോ?

മത്സ്യബന്ധന മേഖലയിൽ ഇടനിലക്കാരുടെ ചൂഷണം തടയാൻ നടപടി

1483.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യങ്ങള്‍ നല്ല വിലയ്ക്ക് വില്ക്കുവാന്‍ കഴിയാതെ,മത്സ്യത്തൊഴിലാളികള്‍ ഇടനിലക്കാരുടെ ചൂഷണത്തിന് വിധേയമാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ വെളിപ്പെടുത്തുമോ;

(ബി)	മത്സ്യത്തൊഴിലാളികള്‍ പിടിച്ചുകൊണ്ടുവരുന്ന മത്സ്യങ്ങള്‍ നിശ്ചിത വിലയ്ക്ക് വിവിധ സൊസൈറ്റികള്‍, സംഘടനകള്‍ എന്നിവ മുഖേന നേരിട്ട് വാങ്ങി പൊതുജനങ്ങള്‍ക്ക് നല്‍കുന്ന തരത്തില്‍ വിവിധ മേഖലകളില്‍ സൗകര്യം ഒരുക്കാന്‍ തയ്യാറാകുമോ;

(സി)	പൂര്‍ണ്ണമായും ഇടനിലക്കാരെ ഒഴിവാക്കി മത്സ്യങ്ങള്‍ വില്‍ക്കാന്‍ നടപടി സ്വീകരിക്കുമോ?

സുരക്ഷിതവും ഭക്ഷ്യയോഗ്യവുമായ മത്സ്യം ലഭ്യമാക്കുന്നതിന് നടപടി

1484.

ശ്രീ.സി. ദിവാകരന്‍
,, ആര്‍. രാമചന്ദ്രന്‍
ശ്രീമതി ഗീതാ ഗോപി
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ജനങ്ങള്‍ക്ക് ഗുണിലവാരമുള്ള മത്സ്യവും മത്ത്യത്തൊഴിലാളികള്‍ക്ക് മാന്യമായ വരുമാനവും ഉറപ്പുവരുത്തുന്നതിന് നിയമനിര്‍മ്മാണം നടത്തുമോ എന്ന് വ്യക്തമാക്കുമോ;

(ബി)	മത്സ്യബന്ധനം, സംഭരണം, വിതരണം, വില്പന എന്നിവയിലുള്ള ഏതൊക്കെ തരത്തിലുള്ള ഇടപെടലിലൂടെയാണ് ജനങ്ങള്‍ക്ക് സുരക്ഷിതവും ഭക്ഷ്യയോഗ്യവുമായ മത്സ്യം ലഭ്യമാക്കുന്നത്; വിശദീകരിക്കുമോ;

(സി)	മത്സ്യവില നിശ്ചയിക്കുന്നതിനുള്ള അധികാരം സര്‍ക്കാരിന് നല്‍കുന്ന വ്യവസ്ഥ ബില്ലില്‍ ഉള്‍ക്കൊള്ളിക്കുമോ;

(ഡി)	ഇടത്തട്ടുകാരുടെ ചൂഷണത്തില്‍ നിന്ന് മത്സ്യത്തൊഴിലാളികളെ രക്ഷിക്കുന്നതിന് ഏതൊക്കെ തരത്തിലുള്ള ഇടപെടല്‍ നടത്തുമെന്ന് വ്യക്തമാക്കുമോ?

മത്സ്യഫെഡിന്റെ വില്പനകേന്ദ്രങ്ങള്‍

1485.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികള്‍ക്ക് ഇടനിലക്കാരുടെ ചൂഷണമില്ലാതെ മത്സ്യത്തിന് പരമാവധി വില ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ;

(ബി)	പഞ്ചായത്തു കേന്ദ്രങ്ങളില്‍ മത്സ്യഫെഡിന്റെ വില്പനകേന്ദ്രങ്ങള്‍ ആരംഭിക്കുവാന്‍ ആലോചിക്കുന്നുണ്ടോ; എങ്കില്‍ വിശദമാക്കാമോ?

മത്സ്യമാര്‍ക്കറ്റുകള്‍ ആധുനീകരിക്കാന്‍ നടപടി

1486.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

ആറ്റിങ്ങല്‍ മണ്ഡലത്തിലെ കിളിമാനൂര്‍, വക്കം, നിലയ്ക്കാമുക്ക് മത്സ്യമാര്‍ക്കറ്റുകള്‍ ആധുനീകരിക്കാന്‍ നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദമാക്കുമോ?

ഓഖി ദുരന്ത ബാധിതര്‍ക്ക് സമാശ്വാസ പദ്ധതി

1487.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തില്‍ നിന്നും രക്ഷപ്പെട്ട് ചികിത്സ തേടിയ ശേഷം തൊഴിലിന് പോകുവാന്‍ കഴിയാതെ വിഭ്രാന്തിയില്‍ കഴിയുന്ന മത്സ്യത്തൊഴിലാളികളുടെ കുടുംബാംഗങ്ങളുടെ കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	അവര്‍ക്ക് ഏത് തരത്തിലുള്ള സമാശ്വാസ പദ്ധതികളാണ് നടപ്പിലാക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

ഓഖി ദുരന്തം

1488.

(എ)	ഓഖി ദുരന്തം മൂലം കേരളത്തില്‍ എത്ര മത്സ്യത്താെഴിലാളികള്‍ മരണമടഞ്ഞു എന്ന് വിലയിരുത്തിയിട്ടുണ്ടോ; ഉണ്ടെങ്കില്‍ ഇതിന്റെ വിശദാംശങ്ങള്‍ വെളിപ്പെടുത്തുമോ;

(ബി)	പ്രസ്തത ദുരന്തം മൂലം കാണാതായവരും, പരിക്ക് പറ്റിയവരും എത്രപേര്‍ വീതം ഉണ്ട്; വിശദാംശങ്ങള്‍ വെളിപ്പെടുത്തുമോ;

(സി)	ഓഖി ദുരന്തത്തില്‍ പരിക്കേറ്റവരെയും മരിച്ചവരുടെയും കാണാതായവരുടെയും കുടുംബങ്ങളെയും സംരക്ഷിക്കാന്‍ ഒരു സമഗ്ര പാക്കേജ് ഉണ്ടാക്കാന്‍ അടിയന്തര നടപടി സ്വീകരിയ്ക്കുമോ;

(ഡി)	കടലില്‍ മത്സ്യബന്ധനത്തിന് നിത്യവും പോകുന്ന മത്സ്യതൊഴിലാളികളെ സംരക്ഷിക്കാന്‍ സര്‍ക്കാര്‍ തലത്തില്‍ പ്രത്യേകമായ ഒരു മോണിറ്ററിംഗ് സംവിധാനവും ഇവര്‍ക്ക് മുന്നറിയിപ്പുകള്‍ നല്‍കുന്നതിലേയ്ക്കുള്ള പ്രത്യേക സോഫ്റ്റ് വെയര്‍ സംവിധാനങ്ങളും ഉണ്ടാക്കുവാന്‍ അടിയന്തര നടപടി സ്വീകരിക്കുമോ;

(ഇ)	യാനങ്ങള്‍ പൂര്‍ണ്ണമായും ഭാഗികമായും നഷ്ടപ്പെട്ട മത്സ്യത്തൊഴിലാളികള്‍ക്ക് യുദ്ധകാല അടിസ്ഥാനത്തില്‍ ഇവ നല്‍കുവാന്‍ നടപടി സ്വീകരിക്കുമോ?

ഓഖി ദുരന്തം

1489.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തബാധിതര്‍ക്കായി ഇതിനോടകം നടപ്പിലാക്കിയ തീരുമാനങ്ങള്‍ എന്തെല്ലാമെന്ന് വെളിപ്പെടുത്താമോ;

(ബി)	ഓഖി ദുരന്തത്തെ തുടർന്ന് ഇനിയും തിരിച്ചുവരാത്തവരും കാണാതായവരുമായ എത്രപേര്‍ ഉണ്ടെന്ന് വെളിപ്പെടുത്തുമോ; ഇവര്‍ക്ക് എന്തെല്ലാം സഹായം ഇതിനോടകം നല്‍കിയെന്നറിയിക്കുമോ;

(സി)	കടലോരത്ത് താമസിക്കുന്നവരും കടലാക്രമണ ഭീഷണി നേരിടുന്നവരുമായ വീടില്ലാത്ത കുടുംബങ്ങള്‍ക്ക് വീടു നല്‍കുന്നതിന് പാക്കേജ് നടപ്പിലാക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

ഓഖി ദുരന്തം

1490.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തെ തുടര്‍ന്ന് കടലില്‍ അകപ്പെട്ട എത്ര മത്സ്യത്തൊഴിലാളികളെ ഇതിനകം രക്ഷിച്ചു ;

(ബി)	നേവിയും എയര്‍ഫോഴ്സും മറൈന്‍ എന്‍ഫോഴ്സ്മെന്റും എത്ര പേരെ വീതം രക്ഷിച്ചുവെന്ന് വെളിപ്പെടുത്തുമോ ;

(സി)	തീരദേശ പോലീസ് എത്ര മത്സ്യത്തൊഴിലാളികളെ രക്ഷപ്പെടുത്തി?

ഓഖി ചുഴലിക്കാറ്റിനെക്കുറിച്ചുള്ള മുന്നറിയിപ്പ്

1491.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികള്‍ക്ക് സുരക്ഷാ നിര്‍ദ്ദേശങ്ങള്‍ നല്‍കുന്നതിനുള്ള ധാരണാപത്രത്തില്‍ ഫിഷറീസ് വകുപ്പും ഇന്‍കോയിസും ഒപ്പുവച്ചിട്ടുണ്ടോ; എങ്കില്‍ എന്നാണ് ധാരണാപത്രം ഒപ്പുവച്ചത്;

(ബി)	ഓഖി ചുഴലിക്കാറ്റിനെക്കുറിച്ച് ഇന്‍കോയിസ് ഫിഷറീസ് വകുപ്പിന് മുന്നറിയിപ്പ് നല്‍കിയിരുന്നോ;

(സി)	ഇതുപ്രകാരം മത്സ്യത്തൊഴിലാളികള്‍ക്ക് മലയാളത്തില്‍ മുന്നറിയിപ്പ് നല്‍കിയിരുന്നോ; ഇല്ലെങ്കില്‍ അതിനുള്ള കാരണം വ്യക്തമാക്കുമോ?

പുതിയ ഫിഷറീസ് നയം

1492.

ശ്രീ.എം.ഉമ്മര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുള്ള ഫിഷറീസ് നയം കാലഹരണപ്പെട്ടതായുള്ള ആക്ഷേപം പരിശോധിച്ചിട്ടുണ്ടോ; വിശദമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം പുതിയ നയം രൂപീകരിക്കുന്നതിനായുള്ള കമ്മിറ്റി റിപ്പോര്‍ട്ട് സമര്‍പ്പിച്ചിട്ടുണ്ടോ; വിശദമാക്കാമോ;

(സി)	പ്രസ്തുത റിപ്പോർട്ടിൽ മുൻപ് നിർദ്ദേശിച്ചിരുന്ന പതിനഞ്ച് വിഷയങ്ങള്‍ക്ക് ഉപരിയായി മത്സ്യബന്ധന മേഖലയുമായി ബന്ധപ്പെട്ട മറ്റേതെങ്കിലും വിഷയം ഉള്‍പ്പെടുത്താൻ ഉദ്ദേശിക്കുന്നുണ്ടോ; വിശദമാക്കാമോ;

(ഡി)	ജി.എസ്.റ്റി. നടപ്പിലാക്കൽ , ഓഖി ചുഴലിക്കാറ്റ് എന്നിവ മത്സ്യബന്ധന മേഖലയില്‍ ഉണ്ടാക്കിയ പ്രശ്നങ്ങള്‍ പരിഹരിക്കുന്നതിനായി ഫിഷറീസ് നയത്തില്‍ സമഗ്രമായ മാറ്റം വരുത്തുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

കടലില്‍ വീണ് മരിച്ച ആളുടെ കുടുംബത്തിന് നഷ്ടപരിഹാരം

1493.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

ഏലത്തൂര്‍ നിയോജകമണ്ഡലത്തിലെ കോഴിക്കോട് കോര്‍പ്പറേഷനില്‍പ്പെട്ട പുതിയാപ്പ പുതിയോട്ടുംകണ്ടി പുതിയങ്ങാടി സി.കെ .ഷൈമയുടെ ഭര്‍ത്താവ് അനില്‍കുമാര്‍ പി.കെ 2017 മാര്‍ച്ച് 31 ന് പുതിയാപ്പ ഹാര്‍ബറില്‍ മത്സ്യബന്ധനത്തിലേര്‍പ്പെട്ടിരിക്കെ കടലില്‍ വീണ് മരിച്ചതിനെ തുടര്‍ന്ന് അദ്ദേഹത്തിന്റെ കുടുംബത്തിന് എന്തെങ്കിലും നഷ്ടപരിഹാരം നല്‍കിയിട്ടുണ്ടോ:

(ബി)	ഇല്ലെങ്കിൽ പ്രസ്തുത കുടുംബത്തിന് ക്ഷേമ നിധിയും ഇന്‍ഷുറന്‍സും നഷ്ടപരിഹാരത്തുകയും നല്‍കാനുള്ള നടപടി സ്വീകരിക്കുമോ ?

കല്ല്യാശ്ശേരി മണ്ഡലത്തിലെ പ്രവൃത്തികള്‍

1494.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഫിഷറീസ് വകുപ്പ് കല്ല്യാശ്ശേരി മണ്ഡലത്തിലെ ഏതൊക്കെ പ്രവൃത്തികളുടെ പ്രൊപ്പോസലുള്ളാണ് തീരദേശ വികസന കോര്‍പ്പറേഷന്‍ മുഖേന കിഫ്ബിയില്‍ ഉള്‍പ്പെടുത്തുന്നതിനായി സമര്‍പ്പിച്ചിട്ടുള്ളത്;

(ബി)	ഇവയ്ക്ക് കിഫ്ബിയുടെ അംഗീകാരം ലഭിച്ചിട്ടുണ്ടോ; വിശദാംശം നല്‍കുമോ?

മത്സ്യതൊഴിലാളികളുടെ ക്ഷേമം

1495.

(എ)	സംസ്ഥാനത്തെ പാവപ്പെട്ട മത്സ്യതൊഴിലാളികള്‍ക്ക് മത്സ്യബന്ധനത്തിനായി ഏറ്റവും പരിഷ്കരിച്ച തരത്തിലുള്ള യന്ത്രോപകരണങ്ങള്‍ സര്‍ക്കാര്‍ സബ്സിഡി വഴി ലോണ്‍ ആയി നല്‍കി ഇവരെ സംരക്ഷിയ്ക്കാന്‍ അടിയന്തര നടപടി സ്വീകരിയ്ക്കുമോ;

(ബി)	2018-19 ലെ ബജറ്റില്‍ മത്സ്യതൊഴിലാളികളുടെ ക്ഷേമത്തിനായി എത്ര കോടി രൂപാ വകയിരുത്തുമെന്ന് വിശദമാക്കുമോ;

(സി)	തീരദേശമേഖലകളിലെ തകര്‍ന്ന കടല്‍ ഭിത്തികളും മറ്റും ആധുനിക നിലവാരത്തില്‍ കുറ്റമറ്റതരത്തില്‍ പുനർനിര്‍മ്മിയ്ക്കുവാനും ആശ്യമായ പുലിമുട്ടും മറ്റും നിര്‍മ്മിയ്ക്കുവാനും നടപടി സ്വീകരിയ്ക്കമോ;

(ഡി)	മത്സ്യബന്ധനത്തിന് പോകുന്ന മത്സ്യതൊഴിലാളികളുടെ ജീവനും സ്വത്തിനും സംരക്ഷണം നല്‍കുവാന്‍ എന്തൊക്കെ നടപടികള്‍ സ്വീകരിയ്ക്കുമെന്ന് വിശദമാക്കുമോ?

മത്സ്യബന്ധനത്തിനായി പോകുന്നവരുടെ സുരക്ഷ

1496.

ഡോ.എം. കെ. മുനീര്‍
ശ്രീ. എന്‍ .എ.നെല്ലിക്കുന്ന്
,, പാറക്കല്‍ അബ്ദുല്ല
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടലില്‍ മത്സ്യബന്ധനത്തിനായി പോകുന്നവരുടെ സുരക്ഷ വര്‍ദ്ധിപ്പിക്കാന്‍ സ്വീകരിച്ച നടപടികള്‍ വിശദമാക്കുമോ;

(ബി)	അപകട സാധ്യത സംബന്ധിച്ച വിവരങ്ങള്‍ അറിയിക്കുന്നതിനുള്ള സംവിധാനം വിശദമാക്കുമോ?

മത്സ്യത്തൊഴിലാളികള്‍ക്ക് മുന്നറിയിപ്പ് നല്‍കാനുള്ള സംവിധാനം

1497.

(എ)	സംസ്ഥാനത്ത് വര്‍ഷംതോറും മത്സ്യബന്ധനത്തിനിടെ കടലില്‍ ജീവന്‍ പൊലിയുന്നവരുടെ ശരാശരി എണ്ണം എത്രയാണെന്ന് വ്യക്തമാക്കാമോ;

(ബി)	മത്സ്യബന്ധനത്തിനിടെ അപകടത്തില്‍പ്പെടുന്നവരെ രക്ഷിക്കാനായി പ്രഖ്യാപിച്ച വാട്ടര്‍ ആംബുലന്‍സ്, തീരദേശ വിമാനം എന്നീ പദ്ധതികള്‍ ഇപ്പോള്‍ ഏതു ഘട്ടത്തിലാണെന്ന് വെളിപ്പെടുത്താമോ;

(സി)	കടലിലെ താപവ്യതിയാനങ്ങളെക്കുറിച്ച് മത്സ്യത്തൊഴിലാളികള്‍ക്ക് മുന്നറിയിപ്പ് നല്‍കാനുള്ള സംവിധാനം ഇപ്പോള്‍ നിലവിലുണ്ടോ; ഇല്ലെങ്കില്‍ ആയത് ഏര്‍പ്പെടുത്തുന്ന കാര്യം പരിഗണിക്കുമോ;

(ഡി)	ഓഖി ദുരന്തത്തിന്റെ പശ്ചാത്തലത്തില്‍ മത്സ്യത്തൊഴിലാളികള്‍ക്ക് കടലില്‍ സുരക്ഷ ഒരുക്കുന്നതിന് കൈക്കൊണ്ട നടപടികളും ഭാവിയില്‍ കൈക്കൊള്ളാനുദ്ദേശിക്കുന്ന നടപടികളും എന്താണെന്ന് വ്യക്തമാക്കുമോ?

മത്സ്യത്തൊഴിലാളികള്‍ക്ക് സമ്പൂര്‍ണ്ണ പാര്‍പ്പിടം പദ്ധതി

1498.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഭവന രഹിതരായ മത്സ്യത്തൊഴിലാളികള്‍ക്ക് സമ്പൂര്‍ണ്ണ പാര്‍പ്പിടം ലക്ഷ്യമാക്കി ഫിഷറീസ് വകുപ്പ് നടപ്പിലാക്കുന്ന പദ്ധതികള്‍ എന്തൊക്കെയാണ്;

(ബി)	ലെെഫ് പദ്ധതിയില്‍ മത്സ്യത്തൊഴിലാളികള്‍ക്ക് വീടുകള്‍ നിര്‍മ്മിച്ച് നല്‍കുന്നുണ്ടോ; വിശദാംശം നല്‍കുമോ;

(സി)	ഓഖി ദുരന്തത്തില്‍ വീട് നഷ്ടപ്പെട്ടവര്‍ക്ക് ഭവന നിര്‍മ്മാണത്തിന് പ്രത്യേക പദ്ധതിയും പരിഗണനയും നല്‍കുമോയെന്ന് വ്യക്തമാക്കാമോ?

ഭൂതത്താന്‍കെട്ട് മള്‍ട്ടി സ്പീഷ്യസ് ഇക്കോ ഹാച്ചറി

1499.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലത്തെ കീരംപാറ പഞ്ചായത്തില്‍ കൂരികുളം എന്ന സ്ഥലത്ത് ഭൂതത്താന്‍കെട്ട് മള്‍ട്ടി സ്പീഷ്യസ് ഇക്കോ ഹാച്ചറി പൂര്‍ണ്ണമായും പ്രവര്‍ത്തനക്ഷമമായിട്ടുണ്ടോ;

(ബി)	ആവശ്യമായ ഫണ്ട് ഉണ്ടായിട്ടും ഹാച്ചറി പൂര്‍ണ്ണ പ്രവര്‍ത്തനക്ഷമതയിലെത്തുവാന്‍ കഴിയാത്ത സാഹചര്യം വിശദീകരിക്കുമോ;

(സി)	ഹാച്ചറികളുടെ രണ്ടാംഘട്ട പ്രവര്‍ത്തനം ഏത് സ്റ്റേജിലാണെന്നും എന്നത്തേക്ക് പൂര്‍ത്തിയാക്കുവാന്‍ കഴിയുമെന്നും വിശദമാക്കാമോ;

(ഡി)	ഹാച്ചറിയില്‍ നിന്നും പൂര്‍ണ്ണ തോതില്‍ മത്സ്യോത്പദനം എന്ന് ആരംഭിക്കുവാന്‍ കഴിയുമെന്ന് അറിയിക്കുമോ?

പൊഴിയൂര്‍ യു പി എസിൽ ഫര്‍ണിച്ചര്‍

1500.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജകമണ്ഡലത്തിലെ പൊഴിയൂര്‍ യു പി എസ് -ല്‍ തീരദേശ വികസന കോര്‍പ്പറേഷന്‍ നിര്‍മ്മിച്ച കെട്ടിടത്തില്‍ കുട്ടികള്‍ക്ക് ആവശ്യമായ സ്കൂള്‍ ഫര്‍ണിച്ചര്‍ നല്‍കാന്‍ എം എൽ എ നല്‍കിയ നിവേദനത്തിന്റെ അടിസ്ഥാനത്തില്‍ എന്തു നടപടി സ്വീകരിച്ചു എന്ന് വിശദമാക്കുക;

(ബി)	പൊഴിയൂര്‍ യു പി എസ് -ല്‍ തീരദേശ കോര്‍പ്പറേഷന്‍ എത്ര രൂപയുടെ സ്കൂള്‍ ഫര്‍ണിച്ചര്‍ ആണ് വാങ്ങി നല്‍കാന്‍ ഉദ്ദേശിക്കുന്നത്;

(സി)	2018 മാര്‍ച്ചിനു മുന്‍പ് സ്കൂള്‍ ഫര്‍ണിച്ചര്‍ നല്‍കാന്‍ കഴിയുമോ എന്ന് വ്യക്തമാക്കുമോ?

വിഴിഞ്ഞം തുറമുഖം

1501.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വളരെ ആഴത്തിലുള്ള ഡ്രഡ്ജിംഗ് മൂലം വിഴിഞ്ഞം തുറമുഖത്തിന്റെ നോര്‍ത്ത് പ്രദേശങ്ങളില്‍ അടിത്തട്ട് മണ്ണ് മാറിയ പാറക്കൂട്ടങ്ങള്‍, പാര് മുതലായവ പ്രത്യക്ഷമാകുകയും അതില്‍ തട്ടി മത്സ്യത്തൊഴിലാളികളുടെ വല മുറിഞ്ഞുപോകുന്നതിനാല്‍ അവര്‍ പട്ടിണിയിലും ആശങ്കയിലുമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇവരെ സഹായിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ;

(സി)	വിഴിഞ്ഞം തുറമുഖവുമായി ബന്ധപ്പെട്ട് അനുവദിച്ച പാക്കേജ് പ്രകാരമുള്ള ആനുകൂല്യങ്ങള്‍ വിഴിഞ്ഞം നോര്‍ത്ത് പ്രദേശത്തെ കരമടി തൊഴിലാളികള്‍ക്കു കൂടി അനുവദിക്കാന്‍ നടപടി സ്വീകരിച്ചിട്ടുണ്ടോ; എങ്കില്‍ വിശദാംശം വ്യക്തമാക്കുമോ?

ഫിഷറീസ് ഫണ്ടുപയോഗിച്ചുള്ള റോഡ് നിര്‍മ്മാണം

1502.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനു ശേഷം ഉള്‍നാടന്‍ മത്സ്യത്തൊഴിലാളികള്‍ താമസിക്കുന്ന കേന്ദ്രങ്ങളിലേക്ക്,ഫിഷറീസ് ഫണ്ടുപയോഗിച്ച് റോഡ് നിര്‍മ്മാണത്തിനായി കോഴിക്കോട് ജില്ലയില്‍ അനുവദിച്ച പ്രവൃത്തികളുടെ വിശദാംശം ലഭ്യമാക്കുമോ?

ഏലത്തൂരിലെ തീരദേശ റോഡുകള്‍ക്ക് അനുവദിച്ച തുക

1503.

(എ)	ഇൗ സര്‍ക്കാരിന്റെ കാലയളവില്‍ കോഴിക്കോട് ജില്ലയിലെ ഏലത്തൂര്‍ നിയോജകമണ്ഡലത്തില്‍ എത്ര തീരദേശ റോഡുകള്‍ക്ക് തുക അനുവദിച്ചിട്ടുണ്ട്എന്ന് വ്യക്തമാക്കുമോ;

(ബി)	അപ്രകാരം തുക അനുവദിക്കപ്പെട്ട റോഡുകള്‍ ഏതെല്ലാമെന്നും അവയ്ക്ക് അനുവദിച്ച തുകയെത്രയെന്നും അവയുടെ പ്രവര്‍ത്തന പുരോഗതിയെന്തെന്നും വ്യക്തമാക്കാമോ?

ഓഖി ചുഴലിക്കാറ്റ്

1504.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ചുഴലിക്കാറ്റില്‍പെട്ട് കേരളത്തില്‍ നിന്നും എത്ര മത്സ്യതൊഴിലാളികളാണ് മരണമടഞ്ഞതെന്ന് വ്യക്തമാക്കുമോ;

(ബി)	ഇനി എത്ര മത്സ്യതൊഴിലാളികളെപ്പറ്റിയുള്ള വിവരങ്ങള്‍ ലഭ്യമാകാനുണ്ട്;

(സി)	ഇവര്‍ക്ക് കേന്ദ്ര സംസ്ഥാന സര്‍ക്കാരുകള്‍ എന്തെല്ലാം സഹായങ്ങളാണ് പ്രഖ്യാപിച്ചിട്ടുള്ളത്; ഇവ വിതരണം ചെയ്തോ;

(ഡി)	ഓഖി ദുരന്തത്തിനുശേഷം കടലില്‍ പോകുന്ന മത്സ്യത്തൊഴിലാളികള്‍ക്ക് കാലാവസ്ഥാ മുന്നറിയിപ്പ് നല്‍കാനുള്ള എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഇ)	വിവിധ ഏജന്‍സികള്‍ നല്‍കുന്ന കാലാവസ്ഥാ വിവരങ്ങള്‍ ഏകോപിപ്പിച്ച് കൃത്യതയോടെ മത്സ്യത്തൊഴിലാളികളെ അറിയിക്കുന്നതിനുള്ള സമ്പ്രദായം സമയബന്ധിതമായി നടപ്പിലാക്കാന്‍ ശ്രമിക്കുമോ?

ഓഖി ചുഴലിക്കാറ്റ്

1505.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര മത്സ്യത്തൊഴിലാളികളുടെ ജീവന്‍ ഓഖി ചുഴലിക്കാറ്റ് മൂലം നഷ്ടപ്പെട്ടിട്ടുണ്ട്; എത്ര പേര്‍ക്ക് അംഗവൈകല്യം വന്നിട്ടുണ്ട്; ഇവര്‍ക്ക് സര്‍ക്കാര്‍ എന്തെങ്കിലും ധനസഹായം നല്‍കിയിട്ടുണ്ടോ; വ്യക്തമാക്കുമോ;

(ബി)	ഇത് സംബന്ധിച്ച് എന്തെങ്കിലും ജാഗ്രത നിര്‍ദ്ദേശങ്ങള്‍ കേന്ദ്ര കാലാവസ്ഥ-പരിസ്ഥിതി-ആഭ്യന്തര മന്ത്രാലയങ്ങള്‍ സംസ്ഥാനത്തിന് നല്‍കിയിട്ടുണ്ടോ; വ്യക്തമാക്കുമോ;

(സി)	ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതില്‍ റവന്യൂ വകുപ്പിന്റെ ഭാഗത്തു നിന്നും ഫിഷറീസ് വകുപ്പിന്റെ ഭാഗത്തു നിന്നും വേണ്ടത്ര ജാഗ്രത ഉണ്ടായില്ലെന്ന ആരോപണം പരിശോധിക്കുമോ;

(ഡി)	ഓഖി ചുഴലിക്കാറ്റ് സംബന്ധിച്ച് ഫിഷറീസ് വകുപ്പ് എന്തെങ്കിലും ജാഗ്രത നിര്‍ദ്ദേശങ്ങള്‍ നല്‍കിയിട്ടുണ്ടോ; ഉണ്ടെങ്കില്‍ എന്നായിരുന്നു അത് നല്‍കിയത്; വ്യക്തമാക്കുമോ?

ഓഖി ചുഴലിക്കാറ്റ് മത്സ്യബന്ധന മേഖലയില്‍ ഉണ്ടാക്കിയ നഷ്ടം

1506.

ശ്രീ.പി.കെ.അബ്ദു റബ്ബ്
,, കെ.എം.ഷാജി
,, സി.മമ്മൂട്ടി
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ചുഴലിക്കാറ്റ് ദുരന്തത്തില്‍ മത്സ്യബന്ധന മേഖലയില്‍ ഉണ്ടായ നഷ്ടം കണക്കാക്കിയിട്ടുണ്ടോ; വിശദാംശം വ്യക്തമാക്കുമോ;

(ബി)	ഓഖി ദുരന്തബാധിത കുടുംബങ്ങളുടെ പുനരധിവാസത്തിന് ഫിഷറീസ് വകുപ്പ് തയ്യാറാക്കിയ പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

(സി)	മത്സ്യബന്ധനോപകരണങ്ങള്‍ നഷ്ടപ്പെട്ടവര്‍ക്ക് അര്‍ഹമായ സാമ്പത്തികസഹായം നല്‍കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദീകരിക്കുമോ?

ഓഖി ദുരന്തം

1507.

(എ)	ഓഖി ചുഴലിക്കാറ്റില്‍പ്പെട്ട് തിരുവനന്തപുരം ജില്ലയില്‍ എത്ര പേര്‍ മരണപ്പെട്ടു; നിയോജകമണ്ഡലാടിസ്ഥാനത്തിലുളള കണക്ക് വിശദമാക്കാമോ;

(ബി)	എത്ര മത്സ്യത്തൊഴിലാളികളെ കാണാതായിട്ടുണ്ട്; പരിക്കേറ്റവരുടെ വിവരം ശേഖരിച്ചിട്ടുണ്ടോ; വ്യക്തമാക്കുമോ;

(സി)	മൃതദേഹങ്ങള്‍ തിരിച്ചറിയുന്നതിന് സ്വീകരിച്ച നടപടികള്‍ വിശദമാക്കാമോ;

(ഡി)	ദുരന്തത്തില്‍പ്പെട്ടവര്‍ക്ക് എന്തെല്ലാം സഹായങ്ങളാണ് പ്രഖ്യാപിച്ചിട്ടുളളത്?

ആശ്രിതര്‍ക്ക് നല്‍കുന്ന നഷ്ടപരിഹാരം

1508.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ചുഴലിക്കാറ്റില്‍പ്പെട്ട് മരിച്ചവരുടെ ആശ്രിതര്‍ക്ക് എത്ര രൂപയാണ് മൽസ്യബന്ധന തുറമുഖ വകുപ്പ് നഷ്ടപരിഹാരമായി നല്‍കുന്നത്;

(ബി)	നഷ്ടപരിഹാര തുക എത്ര പേര്‍ക്ക് നല്‍കിയിട്ടുണ്ട്; വിശദാംശങ്ങള്‍ അറിയിക്കാമോ?

ന്യൂമാഹി മത്സ്യ ബന്ധന കേന്ദ്രത്തിലെ ലാന്റിംഗ് ജെട്ടിയുടെ നിർമ്മാണം

1509.

തലശ്ശേരി നിയോജക മണ്ഡലത്തില്‍ ന്യൂമാഹി മത്സ്യ ബന്ധന കേന്ദ്രത്തിലെ സുനാമിയില്‍ തകര്‍ന്ന ലാന്റിംഗ് ജെട്ടിയുടെ നിർമ്മാണം നബാര്‍‍ഡ് പദ്ധതിയിൽ ഉള്‍പ്പെടുത്തി നടപ്പിലാക്കുന്നതിനുവേണ്ടി എസ്റ്റിമേറ്റടക്കമുള്ള പ്രൊപ്പോസല്‍ ലഭിച്ചിട്ടുണ്ടോ; എങ്കിൽ ആയതിന്റെ പൂര്‍ത്തീകരണത്തിനുള്ള എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഇല്ലെങ്കിൽ പ്രസ്തുത പദ്ധതി പൂര്‍ത്തീകരിക്കുന്നതിനുള്ള നടപടി സ്വികരിക്കുമോ?

കായംകുളം ഫിഷിംഗ് ഹാര്‍ബറിന്റെ വികസനം

1510.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം ഫിഷിംഗ് ഹാര്‍ബറില്‍ അടിക്കടിയുണ്ടാകുന്ന അപകടങ്ങള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ബി)	ഹാര്‍ബറിലെ ബ്രേക്ക് വാട്ടര്‍ സംവിധാനം തകര്‍ന്ന് പാറകള്‍ കടലില്‍ ചിതറി കിടക്കുന്നത് പരിഹരിക്കുന്നതിന് പദ്ധതി തയ്യാറാക്കുമോ; വിശദാംശം നല്കുമോ;

(സി)	വാര്‍ഫിന്റെ നീളം വര്‍ദ്ധിപ്പിച്ച് സിഗ്നല്‍ ലൈറ്റുകള്‍ സ്ഥാപിക്കുന്നതിന് നടപടി സ്വീകരിക്കുമോ;

(ഡി)	ഹാര്‍ബറിന്റെ വികസനത്തിനായി എന്തെല്ലാം പദ്ധതികളാണ് ഇപ്പോള്‍ നടപ്പിലാക്കുന്നതെന്ന് വ്യക്തമാക്കുമോ?

പുതിയങ്ങാടി മത്സ്യബന്ധന തുറമുഖം

1511.

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ പുതിയങ്ങാടി മത്സ്യബന്ധന തുറമുഖ നിര്‍മ്മാണവുമായി ബന്ധപ്പെട്ട് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	പരിസ്ഥിതി പഠനവും സി .ഡബ്ലിയു. പി. ആർ. എസ് ന്റെ മാതൃകാപഠനവും പൂര്‍ത്തിയായോ; വിശദാംശം നല്‍കുമോ?

മത്സ്യബന്ധന തുറമുഖങ്ങളുടെ വികസനത്തിനായി ആവിഷ്ക്കരിച്ച പദ്ധതികള്‍

1512.

ശ്രീമതി യു. പ്രതിഭ ഹരി
ശ്രീ.വി. കെ. സി. മമ്മത് കോയ
,, കെ.ജെ. മാക്സി
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്തെ മത്സ്യബന്ധന തുറമുഖങ്ങളുടെ വികസനത്തിനായി ആവിഷ്ക്കരിച്ച പദ്ധതികള്‍ ഏതൊക്കെയാണ്;

(ബി)	പ്രസ്തുത പദ്ധതി നടത്തിപ്പിലെ പുരോഗതി വിലയിരുത്തിയിട്ടുണ്ടോ;

(സി)	ഏതെല്ലാം മത്സ്യബന്ധന തുറമുഖങ്ങളുടെ പുനരുദ്ധാരണമാണ് നിലവില്‍ നടന്നുകൊണ്ടിരിക്കുന്നത്;

(ഡി)	സംസ്ഥാനത്ത് പുതിയ മത്സ്യബന്ധന തുറമുഖങ്ങളുടെ സാധ്യതകള്‍ ആരാഞ്ഞിട്ടുണ്ടോ; എങ്കില്‍ വിശദാംശം നല്‍കുമോ?

ചെറുവത്തൂര്‍ ഫിഷിങ്ങ് ഹാര്‍ബറിന്റെ പ്രവര്‍ത്തനം

1513.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ പ്രധാന മത്സ്യബന്ധന തുറമുഖമായ ചെറുവത്തൂര്‍ ഫിഷിങ്ങ് ഹാര്‍ബറിന്റെ പ്രവര്‍ത്തനം വിപുലീകരിക്കാന്‍ നടപടികള്‍ സ്വീകരിച്ചിട്ടുണ്ടോ;

(ബി)	പ്രസ്തുത തുറമുഖത്തിലൂടെ കൂടുതല്‍ മത്സ്യബന്ധന ബോട്ടുകള്‍ക്കും വള്ളങ്ങള്‍ക്കും സൗകര്യപ്രദമാകുന്ന തരത്തില്‍ തുറമുഖ ഡ്രഡ്ജ്ജിങ് ഉള്‍പ്പെടെയുള്ള പദ്ധതികള്‍ നടപ്പിലാക്കുമോ; എങ്കില്‍ വ്യക്തമാക്കാമോ?

പൂന്തുറ-വലിയതുറ ഫിഷിംഗ് ഹാര്‍ബറുകള്‍

1514.

(എ)	2016-17 സാമ്പത്തിക വര്‍ഷത്തെ ബഡ്ജറ്റിൽ പ്രഖ്യാപിച്ചിരുന്ന തിരുവനന്തപുരം ജില്ലയിലെ പൂന്തുറ-വലിയതുറ ഫിഷിംഗ് ഹാര്‍ബറുകള്‍ യാഥാര്‍ത്ഥ്യമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദീകരിക്കാമോ;

(ബി)	മത്സ്യബന്ധനം സുഗമമാക്കുന്നതിന് പാരിസ്ഥിതിക പഠനം, മാതൃകാപഠനം എന്നിവ പൂര്‍ത്തീകരിച്ച് ഈ മത്സ്യബന്ധന തുറമുഖങ്ങള്‍ യാഥാര്‍ത്ഥ്യമാക്കുന്നതിന് നടപടി സ്വീകരിക്കുമോ?

കശുവണ്ടി മേഖലയുടെ പുനരുദ്ധാരണം

1515.

ശ്രീമതി.പി. അയിഷാ പോറ്റി
ശ്രീ.എന്‍. വിജയന്‍ പിള്ള
,, എം. മുകേഷ്
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി മേഖലയുടെ പുനരുദ്ധാരണത്തിനായി എന്തെല്ലാം നവീന പദ്ധതികളാണ് ആവിഷ്കരിക്കാനുദ്ദേശിക്കുന്നതെന്ന് വ്യക്തമാക്കാമോ;

(ബി)	അസംസ്കൃത കശുവണ്ടിക്ക് നിലവില്‍ എത്ര ശതമാനം ഇറക്കുമതി നികുതിയാണ് കേന്ദ്രസര്‍ക്കാര്‍ ഏര്‍പ്പെടുത്തിയിട്ടുള്ളത്;

(സി)	കശുവണ്ടി മേഖലയെ ദോഷകരമായി ബാധിക്കുന്ന പ്രസ്തുത നികുതി ഒഴിവാക്കണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ;

(ഡി)	വിയറ്റ്നാമുമായുള്ള സ്വതന്ത്ര കച്ചവടക്കരാര്‍ നടപ്പിലായാല്‍, വിയറ്റ്നാം കശുവണ്ടി കുറഞ്ഞ വിലയ്ക്ക് വിപണിയിലെത്തുകയും ആഭ്യന്തര വിപണി തകരുകയും ചെയ്യുമെന്നതിനാല്‍ പ്രസ്തുത കരാര്‍ റദ്ദാക്കണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.