14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >9th Session>starred questions Answers

Answer Provided

Answer Not Yet Provided

FOURTEENTH KLA - 9th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വൈദ്യൂതി ഉല്പാദനം

*31.

ശ്രീ.രാജു എബ്രഹാം
,, കെ. ആന്‍സലന്‍
,, എം. രാജഗോപാലന്‍
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തടസ്സരഹിതമായി വൈദ്യൂതി ലഭ്യമാക്കുന്നതിനും ഉല്പാദനവര്‍ദ്ധനവിനും ആസൂത്രണം ചെയ്തിട്ടുള്ള പദ്ധതികള്‍ എന്തെല്ലാമാണ്;

(ബി)	പണി ആരംഭിച്ച വൈദ്യൂതോല്പാദന പദ്ധതികള്‍ ഏതൊക്കെയാണെന്നും അവ സമയബന്ധിതമായി പൂര്‍ത്തിയാക്കി പാഴ്ചെലവ് ഒഴിവാക്കാന്‍ ആവശ്യ‍മായ ഇടപെടല്‍ നടത്തുന്നുണ്ടോയെന്നും വിശദമാക്കാമോ;

(സി)

ആവശ്യത്തിന്റെ 25% വൈദ്യൂതി മാത്രമേ സംസ്ഥാനത്തുല്പാദിപ്പിക്കാന്‍ സാധിക്കുന്നുള്ളൂവെന്നതിനാലും പാരമ്പര്യ രീതിയിലുള്ള വന്‍കിട പദ്ധതികള്‍ വിവിധ തരത്തിലുള്ള എതിര്‍പ്പുകള്‍ നേരിടുകയോ സാമ്പത്തികമായി നിലനിര്‍ത്താന്‍ ബുദ്ധിമുട്ടുള്ളതോ ആയതിനാലും സൗരോര്‍ജ്ജ ഉല്പാദനം വര്‍ദ്ധിപ്പിക്കാന്‍ പദ്ധതികള്‍ ആവിഷ്കരിച്ചിട്ടുണ്ടോ; നിലവിലെ സൗരോര്‍ജ്ജ പദ്ധതികളുടെ പുരോഗതി അറിയിക്കാമോ?

ചരക്ക് സേവന നികുതിയുടെ പ്രത്യാഘാതങ്ങള്‍

*32.

ശ്രീ.പി.ടി.എ. റഹീം
,, ഇ.പി.ജയരാജന്‍
,, വി. അബ്ദുറഹിമാന്‍
,, വി. ജോയി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സ്വദേശ-വിദേശ കുത്തക കമ്പനികളുടെ മാത്രം താല്പര്യ സംരക്ഷണത്തിനുപകരിക്കുന്ന ചരക്ക് സേവന നികുതി, വികസന ക്ഷേമ പ്രവര്‍ത്തനങ്ങള്‍ക്കായുള്ള സാമ്പത്തിക സ്വാതന്ത്ര്യം ദുര്‍ബലപ്പെടുത്തിയത് സംസ്ഥാനത്തെ എങ്ങനെ ബാധിക്കാനിടയുണ്ടെന്ന് വിശകലനം നടത്തിയിട്ടുണ്ടോ;വിശദാംശം നൽകുമോ ;

(ബി)

നികുതി വരുമാനത്തില്‍ കനത്ത ഇടിവുണ്ടാകുമ്പോള്‍ത്തന്നെ ഉപഭോക്തൃ സാധനങ്ങളുടെയും സേവനങ്ങളുടെയും വിലയിലുണ്ടായിട്ടുള്ള വലിയ വര്‍ദ്ധനവ് വഴി പൊതു ജനങ്ങള്‍ക്ക് ദുരിതം വിതച്ച ഈ നികുതി സമ്പ്രദായത്തിന്റെ ദോഷവശങ്ങള്‍ പരിഹരിക്കാൻ വേണ്ട നിര്‍ദ്ദേശങ്ങള്‍ കേന്ദ്ര സര്‍ക്കാരിന് സമര്‍പ്പിച്ചിട്ടുണ്ടോ;എങ്കില്‍ വിശദാംശം നൽകുമോ ;

(സി)	ചരക്ക് സേവന നികുതി സംസ്ഥാനത്തെ ചെറുകിട വ്യവസായ മേഖലയിലും വ്യാപാര മേഖലയിലും ഉണ്ടാക്കിയിട്ടുള്ള പ്രത്യാഘാതങ്ങള്‍ വിലയിരുത്തിയിട്ടുണ്ടോ; വിശദാംശം നൽകുമോ ?

ജി.എസ്.ടി. വരുമാനനഷ്ടം

*33.

ശ്രീ.ടി. വി. ഇബ്രാഹിം
,, ടി.എ.അഹമ്മദ് കബീര്‍
,, മഞ്ഞളാംകുഴി അലി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ജി.എസ്.ടി. നടപ്പിലാക്കിയപ്പോള്‍ വരുമാന നഷ്ടം ഉണ്ടായിട്ടുണ്ടോ;എങ്കില്‍ വിശദീകരിക്കുമോ;

(ബി)	എത്ര തുകയാണ് നഷ്ടപരിഹാരമായി കേന്ദ്ര സര്‍ക്കാരിനോട് ആവശ്യപ്പെട്ടത്;

(സി)	അതില്‍ എത്ര തുക ലഭിച്ചുവെന്ന് അറിയിക്കുമോ;

(ഡി)	ഈ വരുമാനനഷ്ടം എപ്രകാരം നികത്താനാണ് ഉദ്ദേശിക്കുന്നതെന്ന് വ്യക്തമാക്കാമോ?

വൈദ്യുതി ഉല്പാദനരംഗത്തിന്റെ ശാക്തീകരണം

*34.

ശ്രീ.ആര്‍. രാജേഷ്
,, എസ്.രാജേന്ദ്രന്‍
,, പി.കെ. ശശി
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം വലിയ തോതിലുള്ള വൈദ്യുത ഉല്പാദന കമ്മി നേരിടുന്ന സാഹചര്യത്തില്‍ ,നിര്‍മ്മാണത്തിലിരിക്കുന്ന വിവിധ പദ്ധതികള്‍ സമയബന്ധിതമായി പൂര്‍ത്തിയാക്കി ഉല്പാദനരംഗം ശാക്തീകരിക്കാന്‍ വേണ്ടി നടത്തിയ ഇടപെടലുകള്‍ അറിയിക്കാമോ;

(ബി)	സമ്പൂര്‍ണ്ണ വൈദ്യുതീകരണമെന്ന നേട്ടം കൈവരിച്ചതിന്റെ അടുത്ത ഘട്ടമെന്ന നിലയില്‍ കെ.എസ്.ഇ.ബി ലിമിറ്റഡിനെ പദ്ധതി ആസൂത്രണത്തിലും നിര്‍വ്വഹണത്തിലും കൂടുതല്‍ കാര്യക്ഷമമാക്കുന്നതിന് പരിപാടിയുണ്ടോ;

(സി)

154 ദശലക്ഷം യൂണിറ്റ് ഉല്പാദന ശേഷിയുള്ള പള്ളിവാസല്‍ എക്സ്റ്റന്‍ഷന്‍ ഉള്‍പ്പെടെ ഏറെക്കാലം മുമ്പു പൂര്‍ത്തീകരിക്കേണ്ടിയിരുന്ന പദ്ധതികള്‍ പൂര്‍ത്തീകരിക്കാന്‍ വൈകുന്നതു മൂലം ചെലവിലുണ്ടാകുന്ന വര്‍ദ്ധന കൊണ്ടും ഉല്പാദന നഷ്ടം കൊണ്ടും ഉണ്ടാകുന്ന ഭീമമായ നഷ്ടം ഒഴിവാക്കാന്‍ പദ്ധതി നിര്‍വ്വഹണം കാര്യക്ഷമമാക്കാന്‍ ശ്രദ്ധ പതിപ്പിക്കുമോ; നിലവില്‍ നിര്‍മ്മാണത്തിലിരിക്കുന്ന പദ്ധതികള്‍ ഏതൊക്കെയെന്നും അവ പൂര്‍ത്തീകരിക്കേണ്ട കാലാവധിയും അറിയിക്കാമോ?

ശബരിമലയെ ദേശീയ തീര്‍ത്ഥാടന കേന്ദ്രമായി പ്രഖ്യാപിക്കൽ

*35.

ശ്രീ.കെ. രാജന്‍
,, മുല്ലക്കര രത്നാകരന്‍
,, ആര്‍. രാമചന്ദ്രന്‍
,, ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഒരു ആരാധനാലയത്തെ ദേശീയ തീര്‍ത്ഥാടന കേന്ദ്രം ആയി പ്രഖ്യാപിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കുമോ;

(ബി)	വിദേശത്തുനിന്നു പോലും തീര്‍ത്ഥാടകര്‍ എത്തുന്ന ശബരിമലയെ ദേശീയ തീര്‍ത്ഥാടന കേന്ദ്രമായി പ്രഖ്യാപിക്കാന്‍ കേന്ദ്ര സര്‍ക്കാരിനോട് ആവശ്യപ്പെടുമോ;

(സി)	ശബരിമലയെ ദേശീയ തീര്‍ത്ഥാടന കേന്ദ്രമായി പ്രഖ്യാപിച്ചാല്‍ ഉണ്ടാകുന്ന നേട്ടങ്ങള്‍ എന്തൊക്കെ എന്ന് വ്യക്തമാക്കുമോ?

സ്വകാര്യ മേഖലയിലെ ജലവൈദ്യുത പദ്ധതികള്‍

*36.

ശ്രീ.പി.കെ.അബ്ദു റബ്ബ്
ഡോ.എം. കെ. മുനീര്‍
ശ്രീ.സി.മമ്മൂട്ടി
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്വകാര്യ മേഖലയില്‍ ജലവൈദ്യുത പദ്ധതികള്‍ പ്രവര്‍ത്തിക്കുന്നുണ്ടോ; വിശദാംശം വ്യക്തമാക്കുമോ;

(ബി)	പുതുതായി സ്വകാര്യ മേഖലയില്‍ പദ്ധതികള്‍ ആരംഭിക്കുന്നതിന് അനുമതി നല്‍കാന്‍ ഉദ്ദേശിക്കുന്നുണ്ടോ; എങ്കില്‍ എവിടെയെല്ലാം ; വിശദീകരിക്കുമോ;

(സി)	ഇവര്‍ ഉത്പാദിപ്പിക്കുന്ന വൈദ്യുതി ആരാണ് വിതരണം ചെയ്യുന്നത്;

(ഡി)	കെ.എസ്.ഇ.ബി.ഈ വൈദ്യുതി വാങ്ങുന്നുണ്ടോ; എങ്കില്‍ എന്തു നിരക്കില്‍; വിശദാംശം വെളിപ്പെടുത്തുമോ?

ട്രഷറി നിയന്ത്രണം

*37.

ശ്രീ. എന്‍ .എ.നെല്ലിക്കുന്ന്
,, മഞ്ഞളാംകുഴി അലി
,, ടി.എ.അഹമ്മദ് കബീര്‍
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ട്രഷറിയില്‍ നിന്നും പണം പിന്‍വലിക്കുന്നതിന് നിയന്ത്രണം ഏര്‍പ്പെടുത്തിയിട്ടുണ്ടോ; എങ്കില്‍ വിശദാംശം വ്യക്തമാക്കുമോ;

(ബി)	കോണ്‍ട്രാക്ടര്‍മാരുടെ ബില്ലുകള്‍ കെട്ടിക്കിടക്കുന്നതു മൂലം വികസന പ്രവര്‍ത്തനങ്ങള്‍ സ്തംഭനാവസ്ഥയിലാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കിൽ ഇതു പരിഹരിയ്ക്കുന്നതിനായി സ്വീകരിക്കുവാന്‍ ഉദ്ദേശിക്കുന്ന നടപടികള്‍ എന്തെല്ലാമെന്ന് വ്യക്തമാക്കുമോ?

ചരക്കു സേവന നികുതി

*38.

ശ്രീ.സി.കൃഷ്ണന്‍
,, എസ്.ശർമ്മ
,, കെ.വി.വിജയദാസ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഏകീകൃത കമ്പോളം സൃഷ്ടിച്ച് സുഗമ വ്യാപാരം ലക്ഷ്യമിട്ട് നടപ്പിലാക്കിയ ചരക്കു സേവന നികുതി ചെറുകിട നിര്‍മ്മാതാക്കളെ ഏതു തരത്തിൽ ബാധിച്ചെന്ന് അറിയിക്കാമോ;

(ബി)	കരാര്‍ പണികള്‍ക്ക് ജി.എസ്.ടി. ഏതു വിധത്തിൽ ബാധകമാകുന്നെന്നും ജി.എസ്.ടി. കാരണം തദ്ദേശസ്വയംഭരണ സ്ഥാപനങ്ങളുടേതുള്‍പ്പെടെയുള്ള കരാര്‍ പണികള്‍ സ്തംഭിച്ചിരിക്കുന്നത് ഒഴിവാക്കാൻ എടുത്ത നടപടികള്‍ എന്തൊക്കെയെന്നും അറിയിക്കാമോ;

(സി)	കയറ്റുമതി മേഖലയെ ജി.എസ്.ടി. പ്രതികൂലമായി ബാധിച്ചിരിക്കുന്നത് പരിഹരിക്കാൻ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ?

സംസ്ഥാനത്തെ വ്യവസായ സൗഹൃദമാക്കുന്നതിന് നടപടി

*39.

ശ്രീ.എല്‍ദോസ് പി. കുന്നപ്പിള്ളില്‍
,, പി.ടി. തോമസ്
,, വി.ഡി.സതീശന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വ്യവസായ സൗഹൃദമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ;

(ബി)	പുതുക്കിയ വ്യവസായ നയം രൂപീകരിച്ചിട്ടുണ്ടോ; കരടുനയം സംബന്ധിച്ച് വിവിധ ഏജന്‍സികളുമായി ആശയവിനിമയം നടത്തി അവരുടെ കൂടി നിര്‍ദ്ദേശം ഉള്‍പ്പെടുത്തിയിട്ടാണോ അന്തിമ നയം തയ്യാറാക്കിയത്;

(സി)	തൊഴിലുടമകള്‍ക്ക് ചരക്ക് കയറ്റിയിറക്കുവാന്‍ സ്വന്തം ജീവനക്കാരും യന്ത്രസാമഗ്രികളും ഉണ്ടെങ്കില്‍ ചുമട്ടുതൊഴിലാളികളെ വാടകയ്ക്ക് എടുക്കേണ്ട എന്ന ഭേദഗതി ചുമട്ടുതൊഴിലാളി നിയമത്തില്‍ വരുത്തിയിട്ടുണ്ടോ;

(ഡി)	ഇതിനെതിരെ ചുമട്ടുതൊഴിലാളി സംഘടനകള്‍ സമരരംഗത്താണോ;എങ്കില്‍ പ്രസ്തുത നിര്‍ദ്ദേശം പിന്‍വലിക്കാന്‍ ആലോചിക്കുന്നുണ്ടോയെന്ന് അറിയിക്കുമോ?

പൊതുമേഖലാ വ്യവസായ സ്ഥാപനങ്ങളെ പുനരുദ്ധരിക്കാന്‍ പദ്ധതി

*40.

ശ്രീമതി യു. പ്രതിഭ ഹരി
ശ്രീ.കെ.വി.അബ്ദുള്‍ ഖാദര്‍
,, ആന്റണി ജോണ്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്‍െറ കാലത്ത് നിരന്തരം നഷ്ടത്തിലായിരുന്ന പൊതുമേഖലാ വ്യവസായ സ്ഥാപനങ്ങള്‍ ഈ വര്‍ഷം ആദ്യപകുതിയില്‍ 34 കോടി രൂപ ലാഭം എന്ന അഭിമാനാര്‍ഹമായ നേട്ടം കൈവരിച്ചതിനായി നടത്തിയ പ്രവര്‍ത്തനങ്ങള്‍ വിശദമാക്കാമോ;

(ബി)	നിലവില്‍ നഷ്ടത്തില്‍ പ്രവര്‍ത്തിക്കുന്ന പൊതുമേഖലാ വ്യവസായ സ്ഥാപനങ്ങളെക്കൂടി ലാഭത്തിലാക്കുന്നതിനായി അവയെ നവീകരിച്ച് പുനരുദ്ധരിക്കാന്‍ പദ്ധതി തയ്യാറാക്കിയിട്ടുണ്ടോ;

(സി)	പൊതുമേഖലാ സ്ഥാപനങ്ങളെ വിറ്റഴിക്കുകയെന്ന കേന്ദ്ര സര്‍ക്കാര്‍ നയത്തിനു വിപരീതമായി,സംസ്ഥാന പൊതുമേഖലാ വ്യവസായ സ്ഥാപനങ്ങളുടെ ശാക്തീകരണത്തിനായി കഴിഞ്ഞ രണ്ടു ബജറ്റിലൂടെ നല്‍കിയ ധനസഹായം വിശദമാക്കാമോ?

ഗെയില്‍ പൈപ്പ് ലൈൻ പദ്ധതി

*41.

ശ്രീ.കെ. ദാസന്‍
,, ഇ.പി.ജയരാജന്‍
,, ജോണ്‍ ഫെര്‍ണാണ്ടസ്
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഗെയില്‍ വാതക പൈപ്പ് ലൈനിന്റെ സ്ഥലമെടുപ്പും സുരക്ഷയുമായി ബന്ധപ്പെട്ട് ജനങ്ങള്‍ക്കിടയിലുള്ള ആശങ്കകള്‍ പരിഹരിക്കുന്നതിനായി സ്വീകരിച്ച നടപടികൾ എന്തെല്ലാമാണ്;

(ബി)	മുന്‍ സര്‍ക്കാരിന്റെ കാലത്ത് ദ്രവീകൃത വാതക പൈപ്പ് ലൈനിന്റെ റൂട്ട് നിശ്ചയിച്ചിരുന്നോ; രാഷ്ട്രീയ നേട്ടത്തിനായി പദ്ധതിക്ക് വിഘാതം വരുത്തുവാൻ ശ്രമം നടക്കുന്നതായി ശ്രദ്ധയില്‍ പെട്ടിട്ടുണ്ടോ; വിശദമാക്കുമോ;

(സി)	സംസ്ഥാനത്തിന്റെ വ്യവസായ ഗതാഗത മേഖലകളിലെ വികസനത്തിന് ഏറെ പ്രയോജനകരമാകുന്ന ഈ പദ്ധതി സമയബന്ധിതമായി പൂര്‍ത്തീകരിക്കുന്നതിന് സര്‍വകക്ഷി യോഗത്തില്‍ ഉണ്ടായ ചര്‍ച്ചകളുടെ കൂടി അടിസ്ഥാനത്തില്‍ നടപ്പിലാക്കിയ കാര്യങ്ങള്‍ അറിയിക്കാമോ ?

നികുതി വരുമാനത്തിലെ ചോര്‍ച്ച

*42.

ശ്രീ.സി.കെ. ഹരീന്ദ്രന്‍
,, എ.എം. ആരിഫ്
,, കെ. ബാബു
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

ഒന്നരക്കോടി രൂപ വരെ വിറ്റുവരവുള്ള ചെറുകിട നികുതിദായകര്‍ ഒഴികെയുള്ള നികുതിദായകരില്‍ പകുതി പേരുടെ മാത്രം നിയന്ത്രണമുള്ളത്,നികുതി നിര്‍ണ്ണയത്തിലെന്നതുപോലെ നികുതി ഭരണത്തിലും സംസ്ഥാനത്തിന്റെ അധികാരം ശോഷിപ്പിക്കുന്നതിന് കാരണമായിട്ടുണ്ടോ;നികുതി പിരിവിന്റെ കാര്യക്ഷമതയെ ഇത് എങ്ങനെ ബാധിക്കുന്നു എന്ന് വ്യക്തമാക്കാമോ;

(ബി)	എകീകൃത കമ്പോളവല്‍ക്കരണത്തിന്റെ ഫലമായി ചെക്ക്പോസ്റ്റ് സമ്പ്രദായം അവസാനിപ്പിച്ചത് സംസ്ഥാനത്തെ നികുതി വരുമാനത്തില്‍ ചോര്‍ച്ചയുണ്ടാക്കാനിടയുള്ളതായി കരുതുന്നുണ്ടോ; എങ്കിൽ ഇത് തടയാനായി എന്തു സംവിധാനം ഏര്‍പ്പെടുത്താന്‍ ഉദ്ദേശിക്കുന്നു;

(സി)	ഭൗതിക പരിശോധന ഒഴിവാക്കിക്കൊണ്ടുള്ള ഇ-വേ ബില്‍ സംവിധാനം നികുതി വെട്ടിപ്പു തടയാന്‍ പര്യാപ്തമാണോ എന്ന് വ്യക്തമാക്കാമോ?

പാരമ്പര്യേതര ഊര്‍ജ്ജ പദ്ധതികള്‍

*43.

ശ്രീ.റോജി എം. ജോണ്‍
,, കെ.എസ്.ശബരീനാഥന്‍
,, ഹൈബി ഈഡന്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഊര്‍ജ്ജ ഉപഭോഗം വര്‍ദ്ധിച്ചുവരുന്ന സാഹചര്യത്തില്‍ കൂടുതല്‍ പാരമ്പര്യേതര ഊര്‍ജ്ജ പദ്ധതികള്‍ ആവിഷ്ക്കരിക്കുന്നതിന് പദ്ധതിയുണ്ടോ;

(ബി)	പാരമ്പര്യേതര ഊര്‍ജ്ജ പദ്ധതികളുടെ സാധ്യതാപഠനം നടത്തുന്നതിനായി രൂപീകരിച്ച റിന്യൂവബിള്‍ എനര്‍ജി സേവിംഗ് വിഭാഗത്തിന്റെ പ്രവര്‍ത്തനം വിലയിരുത്തിയിട്ടുണ്ടോ;

(സി)	2022-ഓടെ പാരമ്പര്യേതര ഊര്‍ജ്ജ പദ്ധതികളുടെ സ്ഥാപിത ശേഷി 1104.17 മെഗാ വാട്ടായി ഉയര്‍ത്തുന്നതിന് ആവിഷ്കരിച്ചിട്ടുള്ള പദ്ധതികള്‍ എന്തൊക്കെയാണ്; ഈ ലക്ഷ്യം കൈവരിക്കാന്‍ കഴിയുമെന്ന് കരുതുന്നുണ്ടോ;

(ഡി)	പൂവ്വാര്‍ കടല്‍ തീരത്ത് 20 കിലോവാട്ട് ശേഷിയുള്ള 50 കാറ്റാടി യന്ത്രങ്ങള്‍ സ്ഥാപിക്കുന്ന പദ്ധതിയും ജില്ലാ പഞ്ചായത്തുകളുടെ അധീനതയിലുള്ള കെട്ടിടങ്ങളുടെ മേല്‍ക്കൂരയില്‍ സോളാര്‍ പാനലുകള്‍ സ്ഥാപിക്കുന്ന പദ്ധതിയും പ്രാവര്‍ത്തികമാക്കിയിട്ടുണ്ടോ;

(ഇ)	കാസര്‍ഗോഡ് ജില്ലയിലെ ചീമേനിയില്‍ സ്ഥാപിക്കുവാന്‍ ഉദ്ദേശിക്കുന്ന സോളാര്‍ പാര്‍ക്കിന്റെ നിര്‍മ്മാണം ഏത് ഘട്ടത്തിലാണ്?

നാനോ വ്യവസായ യൂണിറ്റുകള്‍

*44.

ശ്രീ.കെ.വി.അബ്ദുള്‍ ഖാദര്‍
ശ്രീമതി.പി. അയിഷാ പോറ്റി
ശ്രീ.സി.കെ. ഹരീന്ദ്രന്‍
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	വീടുകളില്‍ നാനോ വ്യവസായ യൂണിറ്റുകള്‍ ആരംഭിക്കുന്നതിനുള്ള പദ്ധതി ആവിഷ്കരിക്കാന്‍ ഉദ്ദേശിക്കുന്നുണ്ടോ;

(ബി)	ഇത്തരം നാനോയൂണിറ്റുകള്‍ തുടങ്ങുന്നതിനായി എന്തെല്ലാം ഇളവുകള്‍ നല്‍കാനാണുദ്ദേശിക്കുന്നത്;

(സി)	നാനോ യൂണിറ്റുകളെ തദ്ദേശ സ്ഥാപനങ്ങളുടെ ലൈസന്‍സ് പരിധിയില്‍ നിന്നും ഒഴിവാക്കുന്നതിന് നടപടി സ്വീകരിച്ചിട്ടുണ്ടോ;

(ഡി)	ഇത്തരം യൂണിറ്റുകള്‍ പ്രോത്സാഹിപ്പിക്കുന്നതിന്റെ ഭാഗമായി നാനോ യൂണിറ്റ് ശൃഖലയെ നികുതിയില്‍ നിന്ന് ഒഴിവാക്കുന്നതിന് തീരുമാനിച്ചിട്ടുണ്ടോ;എങ്കില്‍ വിശദാംശം നല്‍കുമോ?

ഉത്തരവാദിത്ത ടൂറിസം മിഷന്‍

*45.

ശ്രീ.കെ. ബാബു
,, ബി.ഡി. ദേവസ്സി
,, കാരാട്ട് റസാഖ്
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉത്തരവാദിത്ത ടൂറിസം മിഷന്‍ ആവിഷ്ക്കരിച്ച് നടപ്പിലാക്കാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ എന്തെല്ലാം ലക്ഷ്യങ്ങളാണ് ഇതുവഴി കൈവരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(സി)	ഭിന്നശേഷിക്കാര്‍,വനിതകള്‍,പട്ടികജാതി/പട്ടികവര്‍ഗ്ഗ വിഭാഗക്കാര്‍, ഭിന്നലിംഗക്കാര്‍ എന്നിവര്‍ക്ക് മെച്ചപ്പെട്ട അവസരങ്ങള്‍ ലഭിക്കുന്നതിന് എന്തെല്ലാം കാര്യങ്ങളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കാമോ;

(ഡി)	ഈ മേഖലയില്‍ കൂടുതല്‍ ജനകീയ പങ്കാളിത്തം ഉറപ്പു വരുത്തുന്നതിന് എന്തെല്ലാം നടപടികള്‍ ആണ് സ്വീകരിക്കാനുദ്ദേശിക്കുന്നതെന്ന് വിശദമാക്കാമോ?

കയര്‍ നയം

*46.

ശ്രീ.അനൂപ് ജേക്കബ്
,, അടൂര്‍ പ്രകാശ്
,, ഷാഫി പറമ്പില്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ കയര്‍ നയം പ്രഖ്യാപിച്ചിട്ടുണ്ടോ; വിശദാംശം നല്‍കുമോ;

(ബി)	പരമ്പരാഗത കയര്‍ തൊഴിലാളികള്‍ക്ക് 200 ദിവസത്തെ തൊഴിലും മിനിമം കൂലിയും ഉറപ്പ് വരുത്തുവാന്‍ സാധിച്ചിട്ടുണ്ടോ; ഇല്ലെങ്കില്‍ കാരണം വിശദമാക്കുമോ;

(സി)	കയര്‍ സഹകരണസംഘങ്ങളുടെ പുനരുദ്ധാരണത്തിന് സ്വീകരിച്ച നടപടികള്‍ വിജയപ്രദമായിരുന്നോ; ഇതിനകം എത്ര സഹകരണ സംഘങ്ങള്‍ പുനരുദ്ധരിച്ചു; വ്യക്തമാക്കുമോ;

(ഡി)	കയര്‍ വ്യവസായമേഖലയെ ആധുനികവല്‍ക്കരിക്കുക എന്ന ലക്ഷ്യം പ്രാവര്‍ത്തികമാക്കുന്നതിന് സാധിച്ചിട്ടുണ്ടോ; അതിനായി സ്വീകരിച്ച നടപടികള്‍ വിവരിക്കുമോ;

(ഇ)	തൊണ്ട് സംഭരണത്തിനായി ആവിഷ്ക്കരിച്ച പദ്ധതികള്‍ വിജയപ്രദമാണോ;ചകിരി ക്ഷാമത്തിന്റെ രൂക്ഷത ശ്രദ്ധയിൽപ്പെട്ടിട്ടുണ്ടോ;

(എഫ്)

എങ്കില്‍ ആധുനിക ചകിരി മില്ലുകള്‍ സ്ഥാപിച്ച് ചകിരി ക്ഷാമം പരിഹരിക്കുന്നതിനും തൊഴിലാളികളുടെ തൊഴിലും വേതനവും സംരക്ഷിക്കുന്നതിനും നടപടി സ്വീകരിക്കുമോ?

'പെപ്പര്‍' ടൂറിസം വികസന പദ്ധതി

*47.

ശ്രീ.കെ.എം.ഷാജി
പ്രൊഫ.ആബിദ് ഹുസൈന്‍ തങ്ങള്‍
ശ്രീ.കെ.എന്‍.എ ഖാദര്‍
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പെപ്പര്‍ എന്ന പേരില്‍ ജനപങ്കാളിത്തത്തോടെയുളള ടൂറിസം വികസന പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണെന്ന് വ്യക്തമാക്കാമോ;

(ബി)	ഇത് ഏതെല്ലാം പ്രദേശങ്ങളെ ഉള്‍പ്പെടുത്തി നടത്താനാണ് ഉദ്ദേശിക്കുന്നത് എന്ന് വ്യക്തമാക്കാമോ;

(സി)	സംസ്ഥാനത്തെ എല്ലാ ടൂറിസ്റ്റു കേന്ദ്രങ്ങളെയും ഈ സ്ക്കീമില്‍ ഉള്‍പ്പെടുത്താന്‍ സര്‍ക്കാര്‍ നടപടി സ്വീകരിക്കുമോ?

വ്യവസായ വളര്‍ച്ച

*48.

ശ്രീ.എ. എന്‍. ഷംസീര്‍
,, കെ.സുരേഷ് കുറുപ്പ്
,, മുരളി പെരുനെല്ലി
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വ്യവസായ വളര്‍ച്ച ത്വരിതപ്പെടുത്തുന്നതിനായി സ്വീകരിച്ച നടപടികള്‍ അറിയിക്കാമോ;

(ബി)	വ്യവസായ സംരംഭങ്ങള്‍ക്ക് അനുമതി ലഭിക്കുന്നതില്‍ നിലവിലുണ്ടായിരുന്ന കാലതാമസം ഒഴിവാക്കാനായി നടത്തിയ പ്രവര്‍ത്തനങ്ങള്‍ എന്തെല്ലാമാണ്;

(സി)	അടിസ്ഥാന സൗകര്യങ്ങള്‍ വിപുലപ്പെടുത്തി വ്യവസായ നിക്ഷേപം ആകര്‍ഷിക്കാന്‍ പദ്ധതിയുണ്ടെങ്കില്‍ വിശദവിവരം അറിയിക്കാമോ?

ചകിരിച്ചോര്‍ കയറ്റുമതി

*49.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, എല്‍ദോ എബ്രഹാം
,, കെ. രാജന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ വ്യവസായത്തിലെ ഉപോല്പന്നമായ ചകിരിച്ചോര്‍, കയറ്റുമതി മൂല്യമുള്ളതായി മാറിയിട്ടുണ്ടോ; വിശദമാക്കുമോ;

(ബി)	ഏതൊക്കെ ആവശ്യങ്ങള്‍ക്കാണ് ചകിരിച്ചോര്‍ ഉപയോഗിക്കുന്നതെന്നറിയിക്കുമോ;

(സി)	ചകിരിച്ചോര്‍ കയറ്റുമതിയില്‍ സംസ്ഥാനത്തിന്റെ സ്ഥാനം എത്രയാണെന്നും സാധ്യതകള്‍ എത്രത്തോളമാണെന്നും വിശദമാക്കുമോ?

സംസ്ഥാനത്തിന്റെ സാമ്പത്തിക സ്ഥിതി

*50.

ശ്രീ.സി. ദിവാകരന്‍
,, ചിറ്റയം ഗോപകുമാര്‍
,, ജി.എസ്.ജയലാല്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടി നടപ്പാക്കിയതിന് ശേഷം സംസ്ഥാനത്തിന്റെ സാമ്പത്തിക സ്ഥിതിയുടെ യഥാര്‍ത്ഥ സ്ഥിതി വെളിപ്പെടുത്തുമോ:

(ബി)	സംസ്ഥാനത്തിന്റെ വായ്പാ പരിധി നിലവില്‍ എത്രയാണെന്നും, അതില്‍ ഇനി എത്ര ബാക്കി എടുക്കാമെന്നും അറിയിക്കുമോ:

(സി)	സംസ്ഥാനം നേരിടുന്നതായി പറയപ്പെടുന്ന സാമ്പത്തിക പ്രതിസന്ധി പരിഹരിക്കുന്നതിന് ഏതൊക്കെ തരത്തിലുള്ള മാര്‍ഗ്ഗങ്ങളാണ് അവലംബിക്കുന്നത് എന്നറിയിക്കുമോ?

കയര്‍ മേഖലയിലെ പ്രതിസന്ധി

*51.

ശ്രീ.പി.ടി. തോമസ്
,, ഷാഫി പറമ്പില്‍
,, വി.പി.സജീന്ദ്രന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പരമ്പരാഗത തറികളിൽ ഉല്പാദിപ്പിക്കുന്ന കയര്‍ ഉല്പന്നങ്ങള്‍ക്ക് വിപണി കണ്ടെത്തുവാൻ കഴിയാത്തത് കയര്‍ മേഖലയിൽ കടുത്ത പ്രതിസന്ധി സൃഷ്ടിച്ചിട്ടുണ്ടോ; വിശദാംശം നൽകുമോ;

(ബി)	പ്രസ്തുത കയര്‍ ഉല്പന്നങ്ങളുടെ ആഭ്യന്തര വില്പന ഉയര്‍ത്തുന്നതിന് പ്രത്യേക കമ്പനിക്കു് രൂപം നൽകുവാൻ ഉദ്ദേശിക്കുന്നുണ്ടോ;

(സി)	എങ്കിൽ കയര്‍ മേഖലയുമായി ബന്ധമുള്ള വിദഗ്ദ്ധരെ മാത്രം ഉള്‍പ്പെടുത്തി കമ്പനി രൂപീകരിക്കുന്നതിന് നടപടി സ്വീകരിക്കുമോ?

സാമ്പത്തിക പ്രതിസന്ധി

*52.

ശ്രീ.ഐ.സി.ബാലകൃഷ്ണന്‍
,, കെ.സി.ജോസഫ്
,, സണ്ണി ജോസഫ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം ഗുരുതരമായ സാമ്പത്തിക പ്രതിസന്ധി നേരിടുന്നുവെന്നത് വസ്തുതയാണോ;

(ബി)	സാമ്പത്തിക പ്രതിസന്ധി മറികടക്കുവാന്‍ വിവിധ ക്ഷേമനിധി ബോര്‍ഡുകളില്‍ നിന്നോ ട്രഷറികളില്‍ നിക്ഷേപിച്ചിട്ടുള്ള കെ.എസ്.എഫ്.ഇ. ചിട്ടി തുകയില്‍ നിന്നോ സര്‍ക്കാര്‍ 2017 ഡിസംബര്‍ മാസത്തില്‍ വായ്പ എടുത്തിട്ടുണ്ടോ; വിശദാംശം നല്‍കുമോ;

(സി)	വിവിധ വകുപ്പുകളുടെ ട്രഷറി സേവിംഗ്സ് അക്കൗണ്ടില്‍ ഉണ്ടായിരുന്ന തുക മറ്റൊരു അക്കൗണ്ടിലേക്ക് മാറ്റുവാന്‍ തീരുമാനിച്ചിട്ടുണ്ടോ;എത്ര തുകയാണ് ഇപ്രകാരം മാറ്റിയത്;

(ഡി)	വായ്പ എടുക്കുന്നതിന് കേന്ദ്ര സര്‍ക്കാരില്‍ നിന്നുള്ള തടസ്സം നീക്കുന്നതിനാണോ ഇപ്രകാരം ഫണ്ടുകള്‍ അക്കൗണ്ടുകളില്‍ നിന്നും മാറ്റിയതെന്ന് വ്യക്തമാക്കുമോ?

ജി.എസ്.ടി മൂലമുള്ള സാമ്പത്തിക പ്രതിസന്ധി

*53.

ശ്രീ.എം. നൗഷാദ്
,, എ. പ്രദീപ്കുമാര്‍
,, കെ.ജെ. മാക്സി
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ ജി.എസ്.ടി നടപ്പാക്കിയതിലെ അനവധാനതയും ആയത് നടപ്പിലാക്കുന്നതു കൊണ്ടുണ്ടാകുന്ന റവന്യു നഷ്ടത്തിനുള്ള പരിഹാരം യഥാസമയം നല്‍കാത്തതും സംസ്ഥാനത്തെ സാമ്പത്തിക പ്രതിസന്ധിയിലാക്കിയത് വികസന പദ്ധതികളെ എത്തരത്തില്‍ ബാധിച്ചെന്ന് അറിയിക്കാമോ;

(ബി)	ജി.എസ്.ടി. നടപ്പിലാക്കിയതുവഴിയുണ്ടായ പ്രതിമാസ റവന്യു നഷ്ടമെത്രയെന്ന് കണക്കാക്കാന്‍ സാധിച്ചിട്ടുണ്ടോ; വിശദാംശം നല്‍കുമോ;

(സി)	ജി.എസ്.ടി. പ്രാബല്യത്തിലായതോടെ നികുതി നിരക്ക് കുറഞ്ഞെന്ന് പറയുന്നുണ്ടെങ്കിലും വില അമിതമായി വര്‍ദ്ധിക്കാനിടയായതിന്റെ കാരണം വിശകലനം ചെയ്തിട്ടുണ്ടോ; വിശദാംശം അറിയിക്കാമോ; ഇക്കാര്യത്തിലിടപെടാന്‍ കേന്ദ്ര സര്‍ക്കാരിനോട് ആവശ്യപ്പെടുമോ?

വിനോദസഞ്ചാര മേഖലയിലെ കര്‍മ്മപദ്ധതികള്‍

*54.

ശ്രീ.എസ്.രാജേന്ദ്രന്‍
,, റ്റി.വി.രാജേഷ്
,, എം. മുകേഷ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ സാംസ്കാരിക പൈതൃകവും പ്രകൃതി സൗന്ദര്യവും ജൈവവൈവിധ്യവും മുതൽക്കൂട്ടാക്കി കേരളത്തെ ലോക വിനോദസഞ്ചാര മേഖലയിലെ ശ്രദ്ധേയ സാന്നിധ്യമാക്കി മാറ്റാനുതകുന്ന എന്തെല്ലാം കര്‍മ്മപദ്ധതികളാണ് ആവിഷ്ക്കരിച്ച് നടപ്പാക്കിയിട്ടുള്ളത്;

(ബി)	മുൻ വര്‍ഷത്തേക്കാള്‍ എത്ര ശതമാനം വര്‍ധനയാണ് ടൂറിസം രംഗത്തു നിന്നുള്ള വരുമാനത്തിൽ ലഭിച്ചിട്ടുള്ളതെന്ന് വ്യക്തമാക്കാമോ;

(സി)	കേരളം സന്ദര്‍ശിച്ച വിദേശ ടുറിസ്റ്റുകളുടെയും ആഭ്യന്തര ടൂറിസ്റ്റുകളുടെയും എണ്ണത്തിൽ 2017-18 വര്‍ഷത്തില്‍ വര്‍ധനവ് ഉണ്ടായിട്ടുണ്ടോ; എങ്കിൽ എത്ര ശതമാനമെന്ന് വ്യക്തമാക്കാമോ?

പൊതുമേഖലാ വ്യവസായങ്ങളുടെ സംരക്ഷണം

*55.

പ്രൊഫ.കെ.യു. അരുണന്‍
ശ്രീ.എ. പ്രദീപ്കുമാര്‍
,, സി.കൃഷ്ണന്‍
,, ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ലാഭത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുടെ ഓഹരികള്‍ വിറ്റഴിച്ച് അവയെ സ്വകാര്യവത്ക്കരിക്കുന്നത് കേന്ദ്ര സര്‍ക്കാര്‍ നയമായിരിക്കുമ്പോഴും, പൊതുമേഖലാ വ്യവസായങ്ങളുടെ സംരക്ഷണത്തിനായി എന്തെല്ലാം പദ്ധതികളാണ് ഈ സര്‍ക്കാര്‍ നടപ്പിലാക്കിയതെന്ന് വ്യക്തമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വരുമ്പോള്‍ നഷ്ടത്തില്‍ ആയിരുന്ന എത്ര പൊതുമേഖലാ സ്ഥാപനങ്ങളാണ് ഇപ്പോള്‍ ലാഭത്തില്‍ പ്രവര്‍ത്തിച്ചുകൊണ്ടിരിക്കുന്നത്;

(സി)	പൊതുമേഖലാ സ്ഥാപനങ്ങളുടെ പുനരുദ്ധാരണ പദ്ധതിക്കായി ഈ സര്‍ക്കാര്‍ എത്ര കോടി രൂപ നല്‍കിയിട്ടുണ്ടെന്ന് വിശദമാക്കാമോ?

'കേപ്' ന്റെ കീഴിലുള്ള സ്ഥാപനങ്ങള്‍

*56.

ശ്രീ.എ.പി. അനില്‍ കുമാര്‍
,, എം. വിന്‍സെന്റ്
,, ഷാഫി പറമ്പില്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	'കേപ്'ന്റെ കീഴിലുള്ള സ്ഥാപനങ്ങളിലെ പഠനനിലവാരം വിലയിരുത്തിയിട്ടുണ്ടോ; പ്രസ്തുത സ്ഥാപനങ്ങളിലെ വിജയശതമാനം ഉയര്‍ത്തുന്നതിനും അടിസ്ഥാനസൗകര്യങ്ങള്‍ മെച്ചപ്പെടുത്തുന്നതിനും സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ;

(ബി)	കേപ്പിന്റെ കീഴിലുള്ള ഏതെങ്കിലും സ്ഥാപനങ്ങള്‍ക്ക് 'നാക്' അക്രെഡിറ്റേഷന്‍ ലഭിച്ചിട്ടുണ്ടോ; ഇല്ലെങ്കില്‍ അതിനായുള്ള നടപടി ഏത് ഘട്ടത്തിലാണ്;

(സി)	കേപ്പ് സാമ്പത്തിക പ്രതിസന്ധി നേരിടുന്നുണ്ടോ; ഉണ്ടെങ്കില്‍ അത് മറികടക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്;

(ഡി)	കേപ്പിന്റെ കീഴിലുള്ള സ്ഥാപനങ്ങളിലെ എന്‍.ആര്‍.എെ. സീറ്റുകള്‍ മെരിറ്റ് സീറ്റുകളാക്കി മാറ്റിയത് മൂലം ഉണ്ടായ സാമ്പത്തിക നഷ്ടം ഏത് വിധത്തില്‍ പരിഹരിക്കുവാനാണ് ഉദ്ദേശിക്കുന്നത്;

(ഇ)	കേപ്പിലെ ജീവനക്കാരുടെ നിയമനങ്ങള്‍ സുതാര്യമാക്കുന്നതിനും പരാതികള്‍ ഒഴിവാക്കുന്നതിനും സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ;?

' ഈസ് ഓഫ് ഡൂയിങ് ബിസിനസ് '

*57.

ശ്രീ.എം. രാജഗോപാലന്‍
,, ബി.സത്യന്‍
,, വി. കെ. സി. മമ്മത് കോയ
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	'ഈസ് ഓഫ് ഡൂയിങ് ബിസിനസ്' എന്ന പദ്ധതിയുടെ ഭാഗമായി വ്യവസായ സംരംഭകര്‍ക്ക് സമയബന്ധിതമായി ലൈസന്‍സുകളും ക്ലിയറന്‍സുകളും ലഭ്യമാക്കുന്നതിനുള്ള നിര്‍ദ്ദേശം നല്‍കിയിട്ടുണ്ടോ ; ഇതു സംബന്ധിച്ച് നിയമനിര്‍മ്മാണം നടത്താന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(ബി)	ഇക്കാര്യത്തിൽ എന്തെങ്കിലും പഠനമോ ചര്‍ച്ചകളോ നടത്തിയിട്ടുണ്ടോ;

(സി)	എങ്കില്‍ പഠന റിപ്പോര്‍ട്ടിന്റെ അടിസ്ഥാനത്തില്‍ ഏതെല്ലാം നിയമങ്ങളിലാണ് ഭേദഗതി വരുത്താന്‍ ഉദ്ദേശിക്കുന്നത്;

(ഡി)	അപേക്ഷകളിന്മേലുള്ള പരിശോധനകളും ഓണ്‍ലൈന്‍ സംവിധാനങ്ങളും ഫലപ്രദമായും സമയബന്ധിതമായും നടപ്പാക്കുന്നു എന്ന് ഉറപ്പുവരുത്താന്‍ എന്തെല്ലാം സംവിധാനങ്ങളാണ് കൊണ്ടുവരാനുദ്ദേശിക്കുന്നതെന്ന് വ്യക്തമാക്കാമോ?

സാമ്പത്തിക പ്രതിസന്ധി

*58.

ശ്രീ.ഇ.കെ.വിജയന്‍
ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ സാമ്പത്തിക സ്ഥിതി സംബന്ധിച്ച യഥാര്‍ത്ഥ ചിത്രം വെളിപ്പെടുത്തുമോ;

(ബി)	സംസ്ഥാനം സാമ്പത്തിക പ്രതിസന്ധിയിലാണെങ്കിൽ ആയതിന്റെ കാരണങ്ങള്‍ വ്യക്തമാക്കുമോ;

(സി)	സാമ്പത്തിക പ്രതിസന്ധി മറികടക്കുന്നതിന് എന്തൊക്കെ മാര്‍ഗ്ഗങ്ങളാണ് അവലംബിക്കുന്നതെന്ന് വിശദമാക്കുമോ?

ഇ- കൊമേഴ്സ് പോര്‍ട്ടല്‍

*59.

ശ്രീ.പി.കെ. ശശി
,, പി.ടി.എ. റഹീം
,, എ. എന്‍. ഷംസീര്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സൂക്ഷ്മ -ചെറുകിട വ്യവസായ സംരംഭങ്ങളുടെ ഉത്പന്നങ്ങള്‍ വിപണനം ചെയ്യുന്നതിനായി ഇ- കൊമേഴ്സ് പോര്‍ട്ടല്‍ ആരംഭിക്കുന്നതിന് നടപടി സ്വീകരിച്ചിട്ടുണ്ടോ;

(ബി)	ഇത്തരം ഉത്പന്നങ്ങള്‍ക്ക് അന്താരാഷ്ട്ര വിപണി കണ്ടെത്തുന്നതിന് ഇ-കൊമേഴ്സ് പോര്‍ട്ടല്‍ എപ്രകാരം സഹായകരമാകുമെന്ന് വ്യക്തമാക്കാമോ;

(സി)	ഇതിനായി ഇ-ടെണ്ടര്‍ ക്ഷണിച്ചിട്ടുണ്ടോ;

(ഡി)	പോര്‍ട്ടലില്‍ പ്രവേശിക്കുന്നതിനായുള്ള നടപടിക്രമങ്ങള്‍ എന്താണെന്ന് വിശദമാക്കാമോ?

ലോട്ടറി മേഖലയില്‍ വരുത്തിയ മാറ്റങ്ങള്‍

*60.

ശ്രീ.അനില്‍ അക്കര
,, കെ.മുരളീധരന്‍
,, എല്‍ദോസ് പി. കുന്നപ്പിള്ളില്‍
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ലോട്ടറി മേഖലയില്‍ ഈ സര്‍ക്കാര്‍ വരുത്തിയ മാറ്റങ്ങള്‍ എന്തെല്ലാമാണ്; ഇതിലൂടെ ലോട്ടറി വരുമാനത്തില്‍ വര്‍ദ്ധനവ് ഉണ്ടായിട്ടുണ്ടോ;

(ബി)	വ്യാജ ലോട്ടറി തടയുന്നതിനും,ലോട്ടറിയുടെ വിശ്വാസ്യത ഉറപ്പുവരുത്തുന്നതിനും സ്വീകരിച്ച നടപടികള്‍ എന്തെല്ലാമാണ്;

(സി)	നിര്‍മ്മല്‍ ലോട്ടറി വിജയപ്രദമാണോ; പ്രസ്തുത ലോട്ടറിയില്‍ നിന്നും ലഭിക്കുന്ന ലാഭം ഏതൊക്കെ പ്രവര്‍ത്തനങ്ങള്‍ക്കാണ് വിനിയോഗിക്കുന്നതെന്ന് വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.