14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >7th Session>Unstarred questions Answers

Answer Provided

Answer Not Yet Provided

FOURTEENTH KLA - 7th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മാരി ടൈം ബോര്‍ഡ് രൂപീകരണം

3191.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പ് നിര്‍ത്തലാക്കി പകരം മാരി ടൈം ബോര്‍ഡ് രൂപീകരിക്കുന്നതിന് തീരുമാനിച്ചിട്ടുണ്ടോ ;

(ബി)	എങ്കില്‍ മാരി ടൈം ബോര്‍ഡ് നിലവില്‍ വരുമ്പോള്‍, തുറമുഖ വകുപ്പില്‍ പി.എസ്.സി മുഖേന നിയമനം ലഭിച്ച ജീവനക്കാരുടെ പുനര്‍വിന്യാസം സംബന്ധിച്ച് മാനദണ്ഡങ്ങള്‍ നിശ്ചയിച്ചിട്ടുണ്ടോ; വിശദാംശം വെളിപ്പെടുത്താമോ ?

ഹൗസ് ബോട്ടുകളുടെ രജിസ്ട്രേഷന്‍

3192.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വേമ്പനാട്ടുകായലില്‍ വിനോദസഞ്ചാരത്തിനായി ഹൗസ് ബോട്ടുകളില്‍ എത്തുന്നവരുടെ സുരക്ഷയും മറ്റും സൗകര്യങ്ങളും ഉറപ്പുവരുത്തുന്നതിനായി എന്തെല്ലാം നടപടികള്‍ സ്വീകരിക്കുന്നുണ്ട് എന്ന് വിശദീകരിക്കാമോ;

(ബി)	1.1.2017 ലെ കണക്ക് പ്രകാരം വേമ്പനാട്ടുകായലില്‍ എത്ര ഹൗസ് ബോട്ടുകള്‍ സര്‍വ്വീസ് നടത്തുന്നുണ്ട് എന്ന് വ്യക്തമാക്കുമോ;

(സി)	രജിസ്ട്രേഷന്‍ ഇല്ലാതെ സര്‍വ്വീസ് നടത്തുന്ന ഹൗസ് ബോട്ടുകളുടെ വിശദാംശം ലഭ്യമാക്കാമോ;

(ഡി)	വേമ്പനാട്ടുകായലില്‍ സര്‍വ്വീസ് നടത്തുന്ന ഹൗസ് ബോട്ടുകള്‍ മുഴുവനും രജിസ്ട്രര്‍ ചെയ്തിട്ടുണ്ട് എന്നുറപ്പ് വരുത്തുന്നതിനായി എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ?

തീരദേശ തുറമുഖങ്ങളെ ബന്ധിപ്പിച്ച് യാത്രാ ബോട്ടുകള്‍

3193.

ശ്രീ.ഹൈബി ഈഡന്‍
,, വി.എസ്.ശിവകുമാര്‍
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തീരദേശ തുറമുഖങ്ങളെ ബന്ധിപ്പിച്ച് യാത്രാ ബോട്ടുകള്‍ സര്‍വീസ് നടത്തുവാന്‍ ഉദ്ദേശിക്കുന്നുണ്ടോയെന്ന് വിശദമാക്കുമോ;

(ബി)	ഏതൊക്കെ തുറമുഖങ്ങളെ ബന്ധിപ്പിച്ചാണ്അപ്രകാരം സ്ര‍വീസ് നടത്തുന്നതെന്ന് വിശദീകരിക്കുമോ;

(സി)	പ്രസ്തുത ബോട്ട് സര്‍വ്വീസ് നടത്തുന്നതിന് ഏത് ഏജന്‍സിയെയാണ് ഏര്‍പ്പെടുത്താനുദ്ദേശിക്കുന്നതെന്ന് വ്യക്തമാക്കുമോ;

(ഡി)	വിനോദ സഞ്ചാര മേഖലയ്ക്ക് ഊന്നല്‍ നല്കി പ്രസ്തുത പദ്ധതി നടപ്പാക്കുമോ; വിശദമാക്കുമോ;

(ഇ)	ആയതിനായി സ്വീകരിച്ച നടപടികള്‍ എന്തൊക്കെയാണ്; വെളിപ്പെടുത്തുമോ?

തുറമുഖങ്ങളുടെ ആഴം വര്‍ദ്ധിപ്പിക്കുന്നതിന് നടപടി

3194.

ശ്രീ.വി.ഡി.സതീശന്‍
,, ഹൈബി ഈഡന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തുറമുഖങ്ങളില്‍ വലിയ ചരക്കു കപ്പലുകൾ വരാനുള്ള സൗകര്യം ഒരുക്കുന്നതിന് കൈക്കൊണ്ട നടപടികള്‍ എന്തെല്ലാമാണെന്നും ഇതിനായി എന്തെല്ലാം അടിസ്ഥാന സൗകര്യങ്ങളാണ് ഒരുക്കിയതെന്നും വിശദമാക്കാമോ;

(ബി)	തുറമുഖങ്ങളുടെ ആഴം വര്‍ദ്ധിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(സി)	ഇതിനായി എന്തെല്ലാം കേന്ദ്ര സഹായങ്ങളാണ് ലഭിക്കുന്നതെന്ന് വിശദമാക്കാമോ?

തുറമുഖങ്ങളിലെ ചരക്കു നീക്കം ശക്തിപ്പെടുത്താന്‍ നടപടി

3195.

ശ്രീ.വി.ഡി.സതീശന്‍
,, അന്‍വര്‍ സാദത്ത്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചെറുകിട വന്‍കിട തുറമുഖങ്ങളിലെ ചരക്ക്നീക്കം ശക്തിപ്പെടുത്താന്‍ എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വ്യക്തമാക്കുമോ;

(ബി)	ഇതിനായി ചെറുകിട വന്‍കിട തുറമുഖങ്ങളിലേക്ക്മെച്ചപ്പെട്ട റെയില്‍,റോഡ് കണക്റ്റിവിറ്റി ഏര്‍പ്പെടുത്തുന്നതിന് സ്വീകരിച്ച നടപടികള്‍ വിശദമാക്കാമോ;

(സി)	ഇതു സംബന്ധിച്ച് പഠന റിപ്പോര്‍ട്ട് തയ്യാറാക്കിയിട്ടുണ്ടോ; വിശദമാക്കുമോ;

തുറമുഖങ്ങളുടെ നവീകരണം

3196.

ശ്രീ.ഹൈബി ഈഡന്‍
,, പി.ടി. തോമസ്
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തുറമുഖങ്ങളുടെ നവീകരണത്തിന് എന്തെല്ലാം കര്‍മ്മ പദ്ധതികള്‍ ആസൂത്രണം ചെയ്തിട്ടുണ്ടെന്ന് വിവരിക്കുമോ;

(ബി)	എന്തെല്ലാം അടിസ്ഥാന സൗകര്യങ്ങളാണ് തുറമുഖങ്ങളുടെ നവീകരണത്തില്‍ ഉള്‍പ്പെടുത്തിയിട്ടുള്ളതെന്ന് വിശദീകരിക്കുമോ;

(സി)	ഇതിനുള്ള തുക എങ്ങനെ സമാഹരിക്കാനാണ് ഉദ്ദേശിക്കുന്നതെന്ന് വിശദമാക്കുമോ;

(ഡി)	തുറമുഖ നവീകരണത്തിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ എന്തെല്ലാം?

തീരക്കടലിലൂടെയും കനാലുകളിലൂടെയും ചരക്ക് ഗതാഗതം

3197.

ശ്രീ.ഹൈബി ഈഡന്‍
,, വി.ഡി.സതീശന്‍
,, വി.എസ്.ശിവകുമാര്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ചരക്ക് ഗതാഗതത്തിന്റെ നിശ്ചിത ശതമാനം തീരക്കടലിലൂടെയും കനാലുകളിലൂടെയുമാക്കി മാറ്റാന്‍ എന്തെല്ലാം പ്രവര്‍ത്തനങ്ങള്‍ നടത്തിയിട്ടുണ്ട്;വിശദമാക്കുമോ;

(ബി)	ചരക്ക് ഗതാഗതം പ്രോത്സാഹിപ്പിക്കുന്നതിന് തുറമുഖങ്ങളില്‍ എന്തെല്ലാം അടിസ്ഥാന സൗകര്യങ്ങള്‍ ഏർപ്പെടുത്തിയിട്ടുണ്ട്; വിശദമാക്കുമോ;

(സി)	ചരക്ക് ഗതാഗതത്തിനായി തുറമുഖങ്ങളിലും കനാലുകളിലും എന്തെല്ലാം വികസന പ്രവര്‍ത്തനങ്ങള്‍ നടത്തിയിട്ടുണ്ട്; വ്യക്തമാക്കുമോ;

(ഡി)	ചരക്ക് ഗതാഗതത്തിന് ഇന്‍സെന്റീവ് നല്‍കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ അറിയിക്കാമോ?

ട്രാംവെ റെയില്‍ മ്യൂസിയം

3198.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടിയില്‍ ട്രാംവെ റെയില്‍ മ്യൂസിയം സ്ഥാപിക്കുന്നതിനായുളള നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍, നടപടികള്‍ ഏതു ഘട്ടത്തിലാണ്;

(സി)	ഇതിനായുളള നടപടികള്‍ ഊര്‍ജ്ജിതപ്പെടുത്തുന്നതിനും നിര്‍മ്മാണം ആരംഭിക്കുന്നതിനും ആവശ്യമായ നടപടി സ്വീകരിക്കുമോ?

മ്യൂസിയം മൃഗശാല വകുപ്പിലെ നിയമനങ്ങളിലെ സംവരണം

3199.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)

പട്ടിക ജാതി, പട്ടിക വര്‍ഗ്ഗ വിഭാഗത്തിനുള്ള പ്രാതിനിധ്യം ഉറപ്പുവരുത്തുന്നതിനുള്ള നടപടിയുടെ ഭാഗമായി ജി.ഒ.(എം.എസ്) നം.271/73/പി.ഡി തീയതി 12/10/1973 ലെ ഉത്തരവ് പരിഷ്ക്കരിച്ച് ജി.ഒ(എം.എസ്) നം 268/92/ജി.എ.ഡി തീയതി ജൂലൈ 15,1992 എന്ന ഉത്തരവ് പുറപ്പെടുവിച്ചിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; ഇതിന്‍ പ്രകാരം മ്യൂസിയം മൃഗശാല വകുപ്പില്‍ ഏതെങ്കിലും ഗസറ്റഡ് തസ്തിക പട്ടിക ജാതി പട്ടിക വര്‍ഗ്ഗവിഭാഗത്തിന് മാത്രമായി സംവരണം ചെയ്യപ്പെട്ടിട്ടുണ്ടോ;

(ബി)	മേല്‍ ഉത്തരവിന്റെ അടിസ്ഥാനത്തില്‍ സംവരണത്തിനായി മാറ്റിവയ്ക്കപ്പെട്ട തസ്തികയ്ക്ക് നിശ്ചയിക്കപ്പെട്ടിട്ടുള്ള അടിസ്ഥാന യോഗ്യത, അഭിലഷണീയ യോഗ്യത, പ്രായ പരിധി, ശമ്പളം, നിയമനരീതി എന്നിവയുടെ അടിസ്ഥാനത്തില്‍ വ്യവസ്ഥാപിത മാര്‍ഗ്ഗത്തിലൂടെ നിയമന നടപടി സ്വീകരിച്ച് ആരെയെങ്കിലും നിയമിച്ചിട്ടുണ്ടോ;

(സി)	മ്യൂസിയം മൃഗശാല വകുപ്പില്‍ വകുപ്പ് ഡയറക്ടര്‍ക്ക് പുറമെ ഏതെല്ലാം തസ്തികകള്‍ക്കാണ് ഗസറ്റഡ് പദവി ഉളളത്;

(ഡി)	മ്യൂസിയം മൃഗശാല വകുപ്പ് ഡയറക്ടര്‍ തസ്തികയിലേക്ക് നിയമിക്കപ്പെടുന്നതിന് വകുപ്പില്‍ സ്പെഷ്യല്‍ റൂള്‍ നിലവിലുണ്ടോ; ഇപ്പോള്‍ പ്രസ്തുത തസ്തികയില്‍ ജോലി ചെയ്തു വരുന്ന ഉദ്യോഗസ്ഥനെ സ്പെഷ്യല്‍ റൂള്‍ പ്രകാരമാണോ നിയമിച്ചിട്ടുള്ളത്; നിയമനത്തിന് മറ്റ് എന്തെങ്കിലും പ്രത്യേക പരിഗണന നല്‍കിയിട്ടുണ്ടോ;

(ഇ)

മേല്‍ സൂചിപ്പിച്ച ഉത്തരവ് പ്രകാരം, മ്യൂസിയം മൃഗശാല വകുപ്പ് ഡയറക്ടര്‍ തസ്തിക പട്ടിക ജാതി പട്ടിക വര്‍ഗ്ഗ വിഭാഗത്തിന് സംവരണം ചെയ്തിട്ടുണ്ടോ; ജി.ഒ(എം.എസ്) നം.268/92/പൊ.ഭ.വ തീയതി 15.07.1992 എന്ന ഉത്തരവ് പ്രകാരം സംവരണം ചെയ്യപ്പെട്ട തസ്തികയില്‍ സംവരണ മാനദണ്ഡങ്ങൾ പാലിക്കാതെ എപ്പോഴെങ്കിലും നിയമനങ്ങള്‍ നടത്തിയിട്ടുണ്ടോ; എങ്കില്‍ ഏത് ഉത്തരവാണ് അതിന് ബാധകമായിട്ടുള്ളത്; ഇപ്രകാരം നിയമനങ്ങള്‍ നടത്തിയിട്ടുളള വിവരം കേരള പബ്ലിക് സര്‍വ്വീസ് കമ്മീഷനെ രേഖാമൂലം അറിയിച്ചിട്ടുണ്ടോ;വ്യക്തമാക്കുമോ?

പയ്യന്നൂരില്‍ ചരിത്ര പെെതൃക മ്യൂസിയം

3200.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ പഴയ പോലീസ് സ്റ്റേഷന്‍ ചരിത്ര പെെതൃക മ്യൂസിയമായി സംരക്ഷിക്കുന്നതിനുളള നടപടിക്രമങ്ങളുടെ ഇപ്പോഴത്തെ അവസ്ഥ വെളിപ്പെടുത്തുമോ ;

(ബി)	പ്രസ്തുത പദ്ധതിയുടെ ടെണ്ടര്‍ നടപടികള്‍ പൂര്‍ത്തിയായോ;

(സി)	പ്രസ്തുത പദ്ധതിയുടെ പ്രവൃത്തികള്‍ എന്ന് തുടങ്ങാന്‍ കഴിയുമെന്ന് വ്യക്തമാക്കാമോ?

മ്യൂസിയങ്ങള്‍ ഭിന്നശേഷി സൗഹൃദമാക്കുന്നതിനുളള പദ്ധതികള്‍

3201.

ശ്രീ.തിരുവഞ്ചൂര്‍ രാധാകൃഷ്ണന്‍
,, റോജി എം. ജോണ്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മ്യൂസിയങ്ങള്‍ ഭിന്നശേഷി സൗഹൃദമാക്കുന്നതിന് നടപ്പിലാക്കിവരുന്ന പദ്ധതികള്‍ എന്തെല്ലാമെന്ന് വിശദമാക്കുമോ;

(ബി)	ഇതിനായി മ്യൂസിയങ്ങളില്‍ എന്തെല്ലാം സൗകര്യങ്ങളാണ് ഏർപ്പെടുത്തുന്നതെന്ന് വ്യക്തമാക്കുമോ;

(സി)	പ്രസ്തുത പദ്ധതികള്‍ പൂര്‍ത്തീകരിക്കുവാന്‍ എന്തെല്ലാം നടപടികള്‍ കൈക്കൊള്ളുമെന്ന്‌ വിശദമാക്കുമോ?

പൗരാണിക രേഖകള്‍ സംരക്ഷിക്കുന്നതിനായി പദ്ധതി

3202.

ശ്രീ.പുരുഷന്‍ കടലുണ്ടി
,, ജോണ്‍ ഫെര്‍ണാണ്ടസ്
,, ഡി.കെ. മുരളി
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിലപ്പെട്ട പൗരാണിക രേഖകള്‍ സംരക്ഷിക്കുന്നതിനായി എന്തെല്ലാം പദ്ധതികളാണ് നടപ്പാക്കിയിട്ടുള്ളത്;

(ബി)	ഇതിന്റെ ഭാഗമായി, സംസ്ഥാന ആര്‍ക്കൈവ്സ് വകുപ്പില്‍ കമ്മ്യൂണിറ്റി ആര്‍ക്കൈവ്സ് രൂപീകരിച്ച്, തദ്ദേശീയമായ സ്ഥലങ്ങളില്‍ സൂക്ഷിച്ചിട്ടുള്ള അമൂല്യ രേഖകള്‍ പരിശോധിച്ച് ഏറ്റെടുക്കുന്ന പദ്ധതി നടപ്പിലാക്കിയിട്ടുണ്ടോ;

(സി)	താളിയോല രേഖകളുടെ ഡിജിറ്റൈസേഷന്‍ നടത്തുന്നതിനുള്ള നടപടി സ്വീകരിച്ചിട്ടുണ്ടോ;

(ഡി)	പുരാരേഖ വകുപ്പിലെ താളിയോല രേഖകള്‍ യുനെസ്‍കോയുടെ ലോക പൈതൃക പട്ടികയില്‍ ഉള്‍പ്പെടുത്തുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

ശ്രീമതി സുഗതകുമാരിയുടെ തറവാട് വീട് ഏറ്റെടുക്കുന്നതിന് തീരുമാനം

3203.

(എ)	പ്രശസ്ത കവയത്രിയും പരിസ്ഥിതി പ്രവര്‍ത്തകയും ജീവകാരുണ്യ പ്രവര്‍ത്തകയുമായ സുഗതകുമാരി ടീച്ചറുടെ ആറന്മുളയിലെ തറവാട് വീട് പുരാവസ്തു സംരക്ഷണവകുപ്പ് ഏറ്റെടുക്കുന്നതിനും സംരക്ഷിക്കുന്നതിനും തീരുമാനിച്ചിട്ടുണ്ടോ;

(ബി)	എങ്കില്‍ ഇതിനുള്ള നടപടികള്‍ സത്വരം പൂര്‍ത്തിയാക്കുന്ന കാര്യം പരിഗണിക്കുമോ?

സംരക്ഷിത സ്ഥാപനങ്ങള്‍

3204.

(എ)	സംസ്ഥാന പുരാവസ്തു സംരക്ഷണ വകുപ്പ്എത്ര സംരക്ഷിത സ്ഥാപനങ്ങളാണ് ഇപ്പോള്‍ പരിപാലിച്ചുവരുന്നത് എന്ന് വ്യക്തമാക്കുമോ;

(ബി)	ഇവയുടെ ജില്ല തിരിച്ചുളള കണക്ക് ലഭ്യമാക്കാമോ; ഇവ ഏതെല്ലാമെന്ന് വെളിപ്പെടുത്താമോ?

അരുവിക്കര ക്ഷേത്രം സംരക്ഷിത സ്മാരകമെന്ന നിലയില്‍ പരിരക്ഷിക്കുന്നതിന് നടപടി

3205.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തിലെ മാറനല്ലൂര്‍ പഞ്ചായത്തിലെ അരുവിക്കര ക്ഷേത്രം സംരക്ഷിത സ്മാരകമെന്ന നിലയില്‍ പരിരക്ഷിക്കുന്നതിന് നടപടി സ്വീകരിച്ചിട്ടുണ്ടോ;

(ബി)	എങ്കില്‍ പ്രസ്തുത പ്രവൃത്തിയുടെ നിലവിലെ സ്ഥിതിയും തുടര്‍നടപടിയും എന്താണെന്ന്‌ വിശദമാക്കുമോ ?

മുനിയറകള്‍ സംരക്ഷിക്കാന്‍ നടപടി

3206.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ദേവികുളം നിയോജക മണ്ഡലത്തിലെ മുനിയറകള്‍ സംരക്ഷിക്കാന്‍ സ്വീകരിച്ചിരിക്കുന്ന നടപടി വ്യക്തമാക്കുമോ;

(ബി)	നടപടികള്‍ സ്വീകരിച്ചിട്ടില്ലെങ്കില്‍, അവ സംരക്ഷിക്കാന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

യുനെസ്കൊയുടെ പെെതൃക സ്മാരക പട്ടിക

3207.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതെങ്കിലും പൈതൃകസ്ഥാപനത്തെ യുനെസ്കൊയുടെ പെെതൃക സ്മാരക പട്ടികയില്‍ ഉള്‍പ്പെടുത്തുവാന്‍ സർക്കാർ ആവശ്യമായ നടപടി സ്വീകരിക്കുമോ;

(ബി)	തക്കലയിലെ പത്മനാഭപുരം പാലസും വയനാട്ടിലെ എടയ്ക്കല്‍ ഗുഹാ സ്മാരകവും ഇൗ പട്ടികയില്‍ ഉള്‍പ്പെടുത്തുവാനുള്ള നടപടികള്‍ ഏതു ഘട്ടത്തിലാണെന്ന് വെളിപ്പെടുത്തുമോ?

പാല്‍ക്കടല്‍ ശ്രീകൃഷ്ണ ക്ഷേത്രം

3208.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വേണാട് രാജവംശത്തിന്റെ ആദ്യകാല ആസ്ഥാനമായിരുന്ന കിളിമാനൂരിലെ കീഴ്‍പോരൂര്‍ പാല്‍ക്കടല്‍ ശ്രീകൃഷ്ണ ക്ഷേത്രം പുരാവസ്തു വകുപ്പ് ഏറ്റെടുത്ത് സംരക്ഷിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇതിനായി സ്വീകരിച്ച നടപടി വിശദമാക്കുമോ?

വേലുത്തമ്പിദളവാ സ്‍മാരകത്തിന്റെ നവീകരണം

3209.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മണ്ണടി വേലുത്തമ്പിദളവാ സ്‍മാരകത്തിന്റെ നിലവിലുള്ള പരിമിതികള്‍ ബോധ്യപ്പെട്ടിട്ടുണ്ടോ;

(ബി)	സ്‍മാരക സമുച്ചയത്തിലുള്ള മ്യൂസിയത്തിന്റെ നവീകരണത്തിനായി എന്തെല്ലാം പദ്ധതികളാണ് നടപ്പിലാക്കുവാന്‍ ഉദ്ദേശിക്കുന്നതെന്ന് അറിയിക്കാമോ;

(സി)	പ്രസ്തുത സ്‍മാരക സമുച്ചയ വികസനം സമയബന്ധിതമായി നടപ്പിലാക്കുന്നതിനാവശ്യമായ നടപടി സ്വീകരിക്കുമോ;

(ഡി)	വേലുത്തമ്പിദളവയുടെ ഉടവാള്‍ മണ്ണടി മ്യൂസിയത്തില്‍ എത്തിക്കുന്നതിന് വേണ്ട നടപടിയെടുക്കുമോ?

ചന്ദ്രഗിരികോട്ടയുടെ വികസനം

3210.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം കാസര്‍ഗോഡ് ജില്ലയിലെ ചന്ദ്രഗിരികോട്ടയുടെ വികസനത്തിനായി തുക അനുവദിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	എങ്കില്‍ ഇത് സംബന്ധിച്ച ഭരണാനുമതി ഉത്തരവിന്റെ പകര്‍പ്പും എസ്റ്റിമേറ്റും ലഭ്യമാക്കാമോ?

Website maintained by Information System Section, Kerala Legislative Assembly, Thiruvananthapuram.