14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >7th Session>Unstarred questions Answers

Answer Provided

Answer Not Yet Provided

FOURTEENTH KLA - 7th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സ്വകാര്യ ആശുപത്രികളിലെ ചികിത്സയ്ക്ക് അമിത ഫീസ്

1830.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വകാര്യ ആശുപത്രികൾ ചികിത്സയ്ക്കായി അമിത ഫീസ് ഈടാക്കുന്നു എന്നത് ശ്രദ്ധയിൽപ്പെട്ടിട്ടുണ്ടോ;

(ബി)	സ്വകാര്യ ആശുപത്രികളുടെ നിലവാരം നിശ്ചയിച്ച്, വിവിധതരം ചികിത്സകൾക്ക് ഈടാക്കാവുന്ന ഫീസ് സംബന്ധിച്ച് സർക്കാർ തലത്തിൽ തീരുമാനിക്കുന്നതിന് നടപടി സ്വികരിക്കുമോ?വിശദാംശം ലഭ്യമാക്കുമോ;

(സി)	പ്രസ്തുത വിഷയം സംബന്ധിച്ച് പഠനം നടത്തുന്നതിന് ഒരു വിദഗ്ധ സമിതിയെ നിയോഗിക്കുന്ന കാര്യം പരിഗണിക്കുമോ; എങ്കിൽ വിശദാംശം ലഭ്യമാക്കാമോ?

അർബുദ രോഗചികിത്സ വിദഗ്ധർ

1831.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ആരോഗ്യ വകുപ്പിന്റെ കീഴില്‍ തിരുവനന്തപുരം ജില്ലയില്‍ അർബുദ രോഗചികിത്സ വിദഗ്ധർ ഉണ്ടോ;

(ബി)	ഏതൊക്കെ ആശുപത്രികളിലാണ് അർബുദ രോഗചികിത്സ വിദഗ്ധർ ഉള്ളത്; വിശദവിവരങ്ങള്‍ നല്‍കുമോ;

(സി)	വര്‍ദ്ധിച്ചുവരുന്ന രോഗബാധിതരെ കണക്കിലെടുത്ത് പ്രസ്തുത തസ്തികയുടെ എണ്ണം കൂടുതല്‍ സൃഷ്ടിക്കുന്നതിന് ഉദ്ദേശിക്കുന്നുണ്ടോ ;വിശദമാക്കാമോ?

ഡി എച്ച് എസ്.ലെ ക്ലറിക്കല്‍ ജീവനക്കാര്യം

1832.

ശ്രീ.ഇ.കെ.വിജയന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

ഡി എച്ച് എസ് ല്‍ എത്ര ക്ലറിക്കല്‍ ജീവനക്കാര്‍ ഉണ്ട്;മൂന്ന് വര്‍ഷത്തില്‍ കൂടുതലായി ജോലി ചെയ്യുന്നവരുടെ പേര്,തസ്തിക,നിലവിൽ ചെയ്യുന്ന ജോലി എന്നിവ ; വ്യക്തമാക്കാമോ ?

പി.എച്ച്.സി-കളെ കുടുംബാരോഗ്യ കേന്ദ്രമാക്കി മാറ്റുന്ന നടപടി

1833.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പി.എച്ച്.സി-കളെ കുടുംബാരോഗ്യ കേന്ദ്രങ്ങളാക്കി മാറ്റുക വഴി സര്‍ക്കാര്‍ ലക്ഷ്യമിടുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

(ബി)	ഇത്തരത്തില്‍ പി.എച്ച്.സി-കളെ കുടുംബാരോഗ്യ കേന്ദ്രങ്ങളാക്കി മാറ്റുമ്പോള്‍ നല്‍കുന്ന അടിസ്ഥാന സൌകര്യങ്ങള്‍ എന്തൊക്കെയാണെന്ന് വിശദമാക്കുമോ;

(സി)	മങ്കട നിയോജകമണ്ഡലത്തില്‍ ഇത്തരത്തില്‍ മാറ്റപ്പെട്ട കുടുംബാരോഗ്യ കേന്ദ്രത്തില്‍ എന്തെല്ലാം സൌകര്യങ്ങള്‍ നല്‍കാനാണ് ആലോചിക്കുന്നതെന്ന് വിശദമാക്കുമോ;

പി.എച്ച്.സി.കളെ കുടുംബാരോഗ്യ കേന്ദ്രമായി ഉയര്‍ത്തല്‍

1834.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തെരഞ്ഞെടുക്കപ്പെട്ട പി.എച്ച്.സി.കളെ കുടുംബാരോഗ്യ കേന്ദ്രമായി ഉയര്‍ത്തുന്ന പദ്ധതിയുടെ നിലവിലെ നടപടികള്‍ എന്തൊക്കെയായി ;

(ബി)	ഇപ്രകാരം കുടുംബാരോഗ്യ കേന്ദ്രങ്ങളായി ഉയര്‍ത്തുമ്പോള്‍ പുതിയതായി എന്തൊക്കെ സൗകര്യങ്ങളാണ് ലഭിക്കുക എന്ന് വ്യക്തമാക്കുമോ;

(സി)	കുടുംബാരോഗ്യ കേന്ദ്രമായി ഉയര്‍ത്തുന്ന പദ്ധതി എന്നത്തേക്ക് പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്?

കേരള മെഡിക്കല്‍ സര്‍വ്വീസ് കോര്‍പ്പറേഷന്റെ ടെന്നീസ് ക്ലബ്ബ് അംഗത്വം

1835.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കേരള മെഡിക്കല്‍ സര്‍വ്വീസ് കോര്‍പ്പറേഷന് തിരുവനന്തപുരം ടെന്നീസ് ക്ലബ്ബില്‍ അംഗത്വമെടുക്കുന്നതിന് വേണ്ടി ചെലവഴിച്ച തുകയെത്ര ;

(ബി)	ഇതിന് പ്രസ്തുത കോര്‍പ്പറേഷന്‍ സര്‍ക്കാരിന്റെ അനുവാദം നേടിയിട്ടുണ്ടോ;

(സി)	ഇല്ലെങ്കില്‍ കോര്‍പ്പറേഷനില്‍ നിന്നും വിശദീകരണം തേടിയിട്ടുണ്ടോ; വ്യക്തമാക്കുമോ ?

ലാബ് ടെസ്റ്റുകള്‍ കുറ്റമറ്റതാക്കാന്‍ നടപടി

1836.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആശുപത്രികളിലും പ്രൈവറ്റ് ലാബറട്ടറികളിലും രോഗം നിര്‍ണ്ണയിക്കുന്നതിനായി നടത്തുന്ന ലാബ് ടെസ്റ്റുകള്‍ പലതിനും കൃത്യതയില്ലാത്തതിനാല്‍ രോഗമില്ലാത്ത പലരെയും രോഗികളാക്കുന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	ലാബ് ടെസ്റ്റുകള്‍ കുറ്റമറ്റതാക്കാന്‍ എന്തൊക്കെ നടപടി സ്വീകരിക്കാന്‍ കഴിയും;

(സി)	കേരളത്തില്‍ പല പ്രൈവറ്റ് ലാബുകളും സര്‍ക്കാരിന്റെ നിയമാനുസൃതമായ ഉത്തരവോടെയല്ല പ്രവര്‍ത്തിയ്ക്കുന്നതെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; ഇവര്‍ക്കെതിരെ എന്ത് നടപടി സ്വീകരിക്കാന്‍ കഴിയും;

(ഡി)	കേരളത്തിലെ അംഗീകൃത ലാബുകളുടെ എണ്ണം എത്രയെന്ന് കണ്ടെത്തിയിട്ടുണ്ടോ; ഉണ്ടെങ്കില്‍ ജില്ല തിരിച്ച് പേര് സഹിതം വിശദാംശങ്ങള്‍ വെളിപ്പെടുത്തുമോ;

(ഇ)	ആശുപത്രി ലാബുകളുടെയും, പ്രൈവറ്റ് ലാബുകളുടെയും പ്രവര്‍ത്തനം നിരീക്ഷിക്കാന്‍ ഓരോ ജില്ലയിലും പ്രത്യേക സ്ക്വാഡ് രൂപീകരിക്കാന്‍ നടപടി സ്വീകരിക്കുമോ?

മാരക രാസവസ്‍തുക്കള്‍ കലര്‍ത്തിയ ജ്യൂസ് വിതരണം

1837.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ പ്രശ്‍നങ്ങളുണ്ടാക്കുന്ന മാരക രാസവസ്‍തുക്കള്‍ കലര്‍ത്തിയ ഐസ്‍ക്രീം പൗഡര്‍ ചേര്‍ത്ത വിവിധ തരം ജ്യൂസുകള്‍ തിരുവനന്തപുരം, എറണാകുളം, കോഴിക്കോട് നഗരങ്ങളില്‍ വ്യാപകമായി ഉല്പ്പാദിപ്പിച്ച് വിതരണം ചെയ്യുന്നത് പരിശോധിച്ചിട്ടുണ്ടോ;

(ബി)	പ്രസ്‍തുത ജൂസ് ഉല്പാദനം നടത്തുന്നതിന് ഏതെല്ലാം കേന്ദ്ര - സംസ്ഥാന ഏജന്‍സികളുടെ അനുമതി ആവശ്യമാണെന്നും മാനദണ്ഡം എന്താണെന്നും സംബന്ധിച്ച വിശദ വിവരം നല്‍കുമോ;

(സി)	പ്രസ്‍തുത കമ്പനികളുടെ ഉല്പന്നങ്ങളില്‍ രാസ പരിശോധന നടത്തുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കുമോ ;

(ഡി)	എങ്കില്‍ സര്‍ക്കാര്‍ ലാബില്‍ പരിശോധിക്കുന്നതിന് മാത്രം ഗുണമേന്മയുള്ള സാമ്പിളുകള്‍ നല്‍കുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഇ)	എങ്കില്‍ ഇത്തരം പ്രവണതകള്‍ അവസാനിപ്പിക്കുന്നതിനായി ഭക്ഷ്യ വകുപ്പിന്റെ സഹകരണത്തോടെ കൂടി അടിയന്തിര നടപടികള്‍ സ്വീകരിക്കുമോ?

മങ്കട സി.എച്ച്.സി. ഏകീകരണം

1838.

(എ)	മങ്കട നിയോജക മണ്ഡലത്തിലെ മങ്കട സി.എച്ച്.സി.യെ ഏകീകരിക്കുന്നതിനുള്ള (സ്റ്റാന്‍ഡാര്‍ഡൈസേഷന്‍) നടപടികള്‍ ഏത് ഘട്ടത്തിലാണ് നിലവില്‍ ഉള്ളത്;

(ബി)	ഇതിന്റെ ഭാഗമായി ഡി.എച്ച്.എസ്-ല്‍നിന്നും റിപ്പോര്‍ട്ട് ലഭ്യമായിട്ടുണ്ടോ;

(സി)	സി.എച്ച്.സി.യിലെ മാനദണ്ഡ പ്രകാരം മങ്കട സി.എച്ച്.സി.യില്‍ സൗകര്യങ്ങളും ജീവനക്കാരെയും നല്‍കുന്നതിന് നടപടി സ്വീകരിക്കുമോ ?

മങ്കട സി.എച്ച്.സി.യെ സ്റ്റാന്‍ഡേര്‍ഡൈസ് ചെയ്യാന്‍ നടപടി

1839.

(എ)	മങ്കട നിയോജകമണ്ഡലത്തിലെ കമ്മ്യൂണിറ്റി ഹെല്‍ത്ത് സെന്ററിനെ സ്റ്റാന്‍ഡേര്‍ഡൈസ് ചെയ്യുന്നതിന്റെ ഭാഗമായി ധനകാര്യ വകുപ്പില്‍ പരിശോധിച്ചുവന്ന ഫയല്‍ തിരികെ ലഭ്യമായിട്ടുണ്ടോ;

(ബി)	എങ്കില്‍, ഫയലിലെ ഏതെല്ലാം ശിപാര്‍ശകളാണ് ധനകാര്യ വകുപ്പ് അംഗീകരിച്ചിരിക്കുന്നത് എന്ന് അറിയിക്കുമോ;

(സി)	2017-18 സാമ്പത്തിക വര്‍ഷം തന്നെ മങ്കട സി.എച്ച്.സി.യെ സ്റ്റാന്‍ഡേര്‍ഡൈസ് ചെയ്യുവാന്‍ സാധിക്കുമോ;

(ഡി)	പ്രസ്തുത ആശുപത്രിയില്‍ എന്തെല്ലാം അടിസ്ഥാന സൗകര്യങ്ങളാണ് അനുവദിക്കാന്‍ ഉദ്ദേശിക്കുന്നത് എന്ന് വ്യക്തമാക്കുമോ?

പുതിയ ആരോഗ്യ നയം

1840.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരിന്റെ പുതിയ ആരോഗ്യ നയം തയ്യാറാക്കിയിട്ടുണ്ടോ ;

(ബി)	എങ്കിൽ പ്രസിദ്ധീകരിച്ചിട്ടുണ്ടോ; പ്രസിദ്ധീകരിച്ചിട്ടില്ലെങ്കില്‍ അതിനുള്ള കാരണം വ്യക്തമാക്കാമോ;

(സി)	പ്രസ്തുത നയം തയ്യാറായിട്ടില്ലെങ്കില്‍ അതിനുള്ള കാരണങ്ങള്‍ വ്യക്തമാക്കാമോ;

(ഡി)	പുതിയ ആരോഗ്യ നയത്തില്‍ ഏതെങ്കിലും വിഭാഗത്തിന് പ്രത്യേക ഊന്നല്‍ കൊടുക്കാന്‍ ഉദ്ദേശിക്കുന്നുണ്ടോ; എങ്കിൽ അതിന്റെ വിശദാംശം ലഭ്യമാക്കാമോ;

(ഇ)

ദേശീയ ഗ്രാമീണ ആരോഗ്യമിഷന്റെ ഫണ്ട് വിനിയോഗം

1841.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഗ്രാമീണ ആരോഗ്യ മിഷന്റെ ഫണ്ട് വിനിയോഗത്തില്‍ പാളിച്ചകളുണ്ടെന്ന സി.എ.ജി. റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	ദേശീയ ഗ്രാമീണ ആരോഗ്യ മിഷന്‍ കേരളത്തിനു അനുവദിച്ച ഫണ്ട് എത്രയെന്ന് വ്യക്തമാക്കാമോ ; ഈ ഫണ്ട് മുഴുവന്‍ ചെലവഴിച്ചിട്ടുണ്ടോ;

(സി)	എങ്കില്‍ ഏതെല്ലാം മേഖലകളിലാണ് ചെലവഴിച്ചതെന്ന് വിശദമാക്കാമോ ;

(ഡി)	കേരളത്തില്‍ ദേശീയ ഗ്രാമീണ ആരോഗ്യമിഷനുമായി ബന്ധപ്പെട്ട എത്ര കരാര്‍ ജോലികൾ ഉണ്ട് ; തുക സഹിതം വ്യക്തമാക്കാമോ

(ഇ)	ഈ ജോലികള്‍ ഇപ്പോള്‍ നടക്കുന്നുണ്ടോ ; എങ്കില്‍ വിശദാംശം നല്‍കാമോ

(എഫ്)

ഇല്ലെങ്കില്‍ കാരണമെന്താണെന്ന് വ്യക്തമാക്കാമോ?

സമഗ്ര പ്രാഥമിക ആരോഗ്യ പദ്ധതി

1842.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് സമഗ്ര പ്രാഥമിക ആരോഗ്യപദ്ധതി നടപ്പിലാക്കുന്നതിന്റെ ഭാഗമായി അങ്കമാലി നിയോജക മണ്ഡലത്തിലെ മലയോര പഞ്ചായത്തായ അയ്യംമ്പുഴയെ കുടുംബാരോഗ്യകേന്ദ്രമായി വികസിപ്പിക്കുന്നതിനായി നിര്‍ദ്ദേശിച്ച് കൊണ്ട് 14.03.2017ല്‍ സമര്‍പ്പിച്ച കത്തില്‍ നടപടി സ്വീകരിച്ചിട്ടുണ്ടോ ; ഇല്ലെങ്കില്‍ പ്രസ്തത പ്രൊപ്പോസല്‍ പരിഗണിക്കപ്പെടാത്തതിന്റെ കാരണം വിശദമാക്കാമോ ?

കോന്നി സി.എച്ച്.സി., താലൂക്ക് ആശുപത്രിയായി ഉയര്‍ത്തുന്നതിനുളള അപേക്ഷ

1843.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോന്നി ബ്ലോക്ക് പഞ്ചായത്ത് മുഖാന്തരം കോന്നി സി.എച്ച്.സി., കോന്നി താലൂക്ക് ആശുപത്രിയായി ഉയര്‍ത്തുന്നതിന് അപേക്ഷിച്ചിട്ടുണ്ടോ; എങ്കില്‍ എന്നാണ് അപേക്ഷ സമര്‍പ്പിച്ചിട്ടുള്ളത് എന്ന് അറിയിക്കുമോ;

(ബി)	ഇല്ലെങ്കില്‍ കോന്നി ബ്ലോക്ക് പഞ്ചായത്ത് ഏതു സി.എച്ച്.സി.യെയാണ് താലൂക്ക് ആശുപത്രിയായി ഉയര്‍ത്തണമെന്ന് അപേക്ഷിച്ചിട്ടുള്ളതെന്ന് വ്യക്തമാക്കുമോ;

(സി)	ഏതു സി.എച്ച്.സി.യെയാണ് താലൂക്ക് ആശുപത്രിയായി ഉയര്‍ത്തണമെന്ന കാര്യം നാളിതുവരെ സ്ഥിരീകരിച്ചിട്ടില്ലെങ്കില്‍ ആയത് എന്തുകൊണ്ടാണ് എന്ന് വ്യക്തമാക്കുമോ;

(ഡി)	തണ്ണിത്തോട് സി.എച്ച്.സി. താലൂക്ക് ആശുപത്രിയായി ഉയര്‍ത്തുന്നതിന് നടപടി കൈക്കൊള്ളുവാന്‍ ബ്ലോക്ക് പഞ്ചായത്ത് സര്‍ക്കാരിനോട് അഭ്യര്‍ത്ഥിച്ചിട്ടുണ്ടോ; എങ്കില്‍ ആയതിന്റെ വിശദാംശം വെളിപ്പെടുത്തുമോ?

റാന്നി താലൂക്ക് ആശുപത്രി നവീകരണങ്ങള്‍

1844.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി താലൂക്ക് ആശുപത്രിയുടെ പുതിയ ഒ.പി.ബ്ലോക്കിന്റെ നിര്‍മ്മാണം എന്നാണ് ആരംഭിച്ചത്; എന്തൊക്കെ പ്രവൃത്തികളാണ് ഇനിയും പൂര്‍ത്തിയാക്കാനുള്ളത്;

(ബി)	പ്രസ്തുത ആശുപത്രിക്ക് അനുവദിച്ച കാരുണ്യ ഡയാലിസിസ് സെന്ററിന്റെ പ്രവര്‍ത്തനം ഇനിയും ആരംഭിക്കാന്‍ കഴിഞ്ഞിട്ടില്ലായെന്നത് ശ്രദ്ധയില്‍പ്പെട്ടിട്ടുണ്ടോ; ഇതിന്റെ പ്രവര്‍ത്തനം ആരംഭിക്കുന്നതിന് എന്തെങ്കിലും തടസ്സങ്ങളുണ്ടോ; എങ്കില്‍ വിശദമാക്കാമോ;

(സി)	പുതിയ ഒ.പി. ബ്ലോക്കില്‍ ഇതിനായി സ്ഥലം കണ്ടെത്തി സ്ഥാപിക്കുന്നതിന് എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

ആരോഗ്യ വകുപ്പിലെ തസ്തികകള്‍

1845.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം വയനാട് ജില്ലയില്‍ ആരോഗ്യ വകുപ്പിനുകീഴില്‍ എത്ര പുതിയ തസ്തികകളാണ് സൃഷ്ടിച്ചത്;

(ബി)	ജില്ലയില്‍ വകുപ്പിന് കീഴിലെ എത്ര തസ്തികകള്‍ ഒഴിഞ്ഞു കിടക്കുന്നുണ്ട്;

(സി)	മാനന്തവാടി ജില്ലാ ആശുപത്രിയില്‍ നിലവിലുള്ള ബെഡ് സ്ട്രെംഗ്ത് ഉയര്‍ത്തുന്നതിനുള്ള പദ്ധതി പരിഗണനയിലുണ്ടോ?

വയനാട് മെഡിക്കല്‍ കോളേജിന്റെ പ്രവര്‍ത്തനങ്ങള്‍

1846.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് മെഡിക്കല്‍ കോളേജിന്റെ പ്രവര്‍ത്തനങ്ങള്‍ 'കിഫ്ബി'യില്‍ ഉള്‍പ്പെടുത്തുന്നതിന് നടപടി സ്വീകിരിച്ചിട്ടുണ്ടോ;

(ബി)	ഇതു സംബന്ധിച്ച് ഏതെല്ലാം വകുപ്പുകളില്‍ ഏതെല്ലാം ഫയലുകള്‍ ആരംഭിച്ചിട്ടുണ്ട് ;വിശദമാക്കുമോ;

(സി)	പ്രസ്തുത നടപടികള്‍ ഏതു ഘട്ടം വരെ ആയെന്ന് വ്യക്തമാക്കുമോ?

കുട്ടനാട്ടിലെ ജലജന്യരോഗങ്ങള്‍

1847.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ജലജന്യ രോഗങ്ങളുടെ ഇൗറ്റില്ലമായി കുട്ടനാട് മാറിയതിനുളള കാരണങ്ങള്‍ കണ്ടെത്തിയിട്ടുണ്ടോ;

(ബി)	എലിപ്പനി ബാധിച്ച് ആലപ്പുഴ മെഡിക്കല്‍ കോളേജില്‍ ചികിത്സ തേടുന്നവരില്‍ ഭൂരിപക്ഷവും കുട്ടനാട്ടുകാരാണെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	കുട്ടനാട്ടില്‍,എപ്പിഡമിയോളജിക്കല്‍ സര്‍വ്വെ നടത്തി നിര്‍ദ്ധനരായ കര്‍ഷക താെഴിലാളികളെയും കര്‍ഷകരെയും മാരകരോഗങ്ങളില്‍ നിന്നും രക്ഷിക്കുന്നതിന് ഒരു പദ്ധതി തയ്യാറാക്കുമോ?

കൊച്ചി കരുവേലിപ്പടി ഗവ. മഹാരാജാസ് താലൂക്ക് ആശുപത്രി

1848.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കൊച്ചി നിയോജക മണ്ഡലത്തിലെ കരുവേലിപ്പടി ഗവ. മഹാരാജാസ് താലൂക്ക് ആശുപത്രിയിലേക്ക് 2017-18 സാമ്പത്തിക വര്‍ഷത്തെ എച്ച്.എം.സി. ഗ്രീന്‍ബുക്കുകള്‍ പ്രകാരമുള്ള പദ്ധതിയിലേക്ക് എന്തൊക്കെ ഉപകരണങ്ങളാണ് ആശുപത്രി അധികൃതര്‍ ആരോഗ്യവകുപ്പ് ഡയറക്ടറോട് ആവശ്യപ്പെട്ടത് എന്നറിയിക്കാമോ;

(ബി)	ഇതില്‍ ഏതൊക്കെ ഉപകരണങ്ങള്‍ നല്‍കിയിട്ടുണ്ട്;ഇല്ലെങ്കില്‍ പ്രസ്‍തുത ഉപകരണങ്ങള്‍ എന്നേക്ക് അനുവദിച്ചു നല്‍കുവാന്‍ കഴിയുമെന്ന് അറിയിക്കുമോ?

ചീമേനി ആശുപത്രിയുടെ സേവനം

1849.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

കാസര്‍ഗോഡ് ജില്ലയിലെ ചീമേനി തുറന്ന ജയിലിനോടനുബന്ധിച്ച് പ്രവര്‍ത്തിക്കുന്ന ആശുപത്രിയുടെ സേവനം പരിസരവാസികള്‍ക്ക് കൂടി ലഭ്യമാക്കാന്‍ നടപടി സ്വീകരിക്കുമോ?

സ്ത്രീ-പുരുഷ വന്ധ്യംകരണത്തിന് വിധേയരായ വ്യക്തികള്‍ക്ക് നല്‍കിയ സഹായതുകയുടെ വിവരം

1850.

ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം മെഡിക്കല്‍ കോളേജ് പി. പി. യൂണിറ്റില്‍ 2013 മുതല്‍ നാളിതുവരെ സ്ത്രീ-പുരുഷ വന്ധ്യംകരണത്തിന് വിധേയരായ വ്യക്തികള്‍ക്ക് ഓരോ മാസം നല്‍കിയ സഹായതുക എത്രയാണുന്നുള്ള വിവരം വ്യക്തമാക്കാമോ;

(ബി)	വന്ധ്യംകരണത്തിന് വിധേയമാകുന്ന വ്യക്തികള്‍ക്ക് നല്‍കുന്ന പ്രോത്സാഹന തുക വിതരണം ചെയ്യുന്നത് ആരാണ് ; ടി തുക കൃത്യമായി അര്‍ഹര്‍ക്ക് കിട്ടുന്നുവെന്ന് പി. പി. മെഡിക്കല്‍ ഓഫീസര്‍ ബന്ധപ്പെട്ട അധികാരികൾക്ക് രേഖാമൂലം റിപ്പോര്‍ട്ട് ചെയ്യുന്നുണ്ടോ ;

(സി)	വന്ധ്യംകരണ ശസ്ത്രക്രിയ സംഘടിപ്പിക്കുന്ന ഡോക്ടര്‍മാര്‍ക്കും മറ്റ് സ്റ്റാഫിനും ലഭിക്കുന്ന ഇന്‍സെന്റീവിന്റെ വിശദാംശം ലഭ്യമാക്കാമോ ; 2013 മുതല്‍ നാളിതുവരെ ജീവനക്കാര്‍ക്ക് ലഭിച്ച ഇന്‍സെന്റീവിന്റെ വിശദാംശം മാസം തിരിച്ചു വ്യക്തമാക്കുമോ;

(ഡി)	പി. പി. യൂണിറ്റില്‍ നിലവിലെ പി. എച്ച്. എന്‍. നിയമിതയായതു മുതല്‍ വന്ധ്യംകരണത്തിന് വിധേയമായ വ്യക്തികള്‍ക്ക് നല്‍കിയ തുക, ജീവനക്കാര്‍ക്ക് നല്‍കിയ ഇന്‍സെന്റീവ്, പി. പി. യൂണിറ്റ് പ്രവര്‍ത്തനത്തിനു നല്‍കിയ തുക ഇവയുടെ വിനിയോഗം സംബന്ധിച്ച് സ്ര‍ക്കാര്‍ തല അന്വേഷണം നടത്താന്‍ അടിയന്തര നടപടി സ്വീകരിക്കുമോ?

പനിമരണം

1851.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതിന് ശേഷം പകര്‍ച്ചപ്പനി, ഡെങ്കിപ്പനി, എന്നിവ മൂലം എത്രപേര്‍ മരണപ്പെട്ടിട്ടുണ്ട്; സ്വകാര്യ ആശുപത്രികളിലെയും സര്‍ക്കാരാശുപത്രികളിലെയും കണക്കുകള്‍ തരം തിരിച്ച് ലഭ്യമാക്കാമോ;

(ബി)	സര്‍ക്കാര്‍ വകുപ്പുകളുടെ ഏകോപനമില്ലായ്മയും മഴക്കാല പൂര്‍വ്വ ശുചീകരണം നടത്താത്തതുമാണ് ഇപ്രകാരം സാംക്രമിക രോഗങ്ങള്‍ പടര്‍ന്നു പിടിക്കാന്‍ കാരണമായി എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ഇക്കാര്യത്തിൽ അനാസ്ഥ ഉണ്ടാക്കിയ ഉദ്യോഗസ്ഥര്‍ക്കെതിരെ എന്തൊക്കെ നടപടികളാണ് സ്വീകരിച്ചിട്ടുള്ളത്?

കൊരട്ടി ഗാന്ധി ഗ്രാം ത്വക്ക് രോഗാശുപത്രി

1852.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കൊരട്ടി ഗാന്ധി ഗ്രാം ത്വക്ക് രോഗാശുപത്രിയിലെ അന്തേവാസികളാല്‍ നടത്തപ്പെടുന്ന ഭക്ഷ്യ-ഭക്ഷ്യേതര സാധനങ്ങളുടെ വിതരണം നടത്തുന്ന കോ-ഓപ്പറേറ്റീവ് സൊസൈറ്റിയ്‍ക്ക് നല്‍കാനുള്ള തുക കുടിശ്ശികയായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത കുടിശ്ശിക തുക ഉടന്‍ കൊടുത്തു തീര്‍ക്കുന്നതിനും അതാത് മാസങ്ങളില്‍ തന്നെ ബില്ലുകള്‍ മാറ്റി നല്‍കുന്നതിനും ആവശ്യമായ നടപടികള്‍ സ്വീകരിക്കുമോ;

(സി)	ഇവിടുത്തെ " പേഷ്യന്റ് എംപ്ലോയീസ് " ആയി ജോലി ചെയ്‍ത് വിരമിച്ച അന്തേവാസികള്‍ക്കുള്ള ഫിനാഷ്യല്‍ അസിസ്റ്റന്‍സ് കുടിശ്ശിക കൊടുത്തുതീർത്ത് തുടർന്ന് അതാത് മാസങ്ങളില്‍തന്നെ നല്‍കുന്നതിന് ആവശ്യമായ നടപടികള്‍ സ്വീകരിക്കുമോ;

(ഡി)	ഓണത്തിന് മുന്‍പ് മേൽപ്പറഞ്ഞ മുഴുവന്‍ കുടിശ്ശികകളും അനുവദിച്ച് നല്‍കുന്നതിന് നടപടി സ്വീകരിക്കുമോ;

(ഇ)	ഇവിടുത്തെ അന്തേവാസികളുടെ റേഷന്‍ കാര്‍ഡ് / പെര്‍മിറ്റ് ബി.പി.എൽ. ആയി നിലനിര്‍ത്തി ഭക്ഷ്യ സാധനങ്ങള്‍ അനുവദിക്കുവാന്‍ ആവശ്യമായ നടപടി സ്വീകരിക്കുമോ?

നൂറനാട് ലെപ്രസി സാനിറ്റോറിയം

1853.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	നൂറനാട് ലെപ്രസി സാനിറ്റോറിയത്തില്‍ സ്‍പെഷ്യാലിറ്റി ആശുപത്രി ആരംഭിക്കുന്നതിനും പുതിയ കെട്ടിട സമുച്ചയം നിര്‍മ്മിക്കുന്നതിനുമായി സ്വീകരിച്ച നടപടികള്‍ എന്തെല്ലാമാണ് ;

(ബി)	നബാർഡ് ഫണ്ടില്‍ അനുവദിച്ച തുകയുടെ വിശദാംശങ്ങള്‍ ലഭ്യമാക്കുമോ ; പ്രസ്തുത തുക ഉപയോഗിച്ചുള്ള നിര്‍മ്മാണ പ്രവര്‍ത്തനം ആരംഭിക്കുന്നതിന് സ്വീകരിച്ച നടപടികൾ എന്തെല്ലാമാണ് ; വിശദമാക്കാമോ ?

കക്കോടി പ്രാഥമിക ആരോഗ്യകേന്ദ്രത്തിന്റെ പദവി ഉയർത്തൽ

1854.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

എലത്തൂര്‍ നിയോജകമണ്ഡലത്തില്‍പ്പെട്ട കക്കോടി പ്രാഥമിക ആരോഗ്യകേന്ദ്രത്തെ കുടുംബ ക്ഷേമകേന്ദ്രമായി ഉയര്‍ത്തുന്ന പ്രവൃത്തിയില്‍ എന്തൊക്കെ നടപടികള്‍ ഇതുവരെ സ്വീകരിച്ചുവെന്നും ഈ പദ്ധതിക്കായി എത്ര രൂപ നീക്കിവെച്ചിട്ടുണ്ടെന്നും വ്യക്തമാക്കാമോ?

ആരോഗ്യ വകുപ്പിലെ പുതിയ തസ്തികകള്‍

1855.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

ഇൗ സര്‍ക്കാര്‍ അധികാരത്തില്‍ വന്നശേഷം ആരോഗ്യ വകുപ്പില്‍ സൃഷ്ടിച്ച പുതിയ തസ്തികകളില്‍ ഗസറ്റഡ്, നോണ്‍ ഗസറ്റഡ് വിഭാഗങ്ങളുടെ കണക്ക് ഇനംതിരിച്ച് ലഭ്യമാക്കാമോ?

നാഷണല്‍ ഹെല്‍ത്ത് മിഷന്റെ കീഴിലുളള നഴ്സുമാരുടെ ശമ്പളം

1856.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സ്വകാര്യ നഴ്സുമാരുടെ ശമ്പളം 20,000/- രൂപയായി നിജപ്പെടുത്തിയ സര്‍ക്കാര്‍ തീരുമാനത്തിന്റെ പശ്ചാത്തലത്തില്‍ എന്‍.എച്ച്.എമ്മിന്റെ കീഴില്‍ ജോലി ചെയ്തുവരുന്ന നഴ്സുമാരുടെ വേതനവും ഇരുപതിനായിരം രൂപയായി നിജപ്പെടുത്തുന്നതിന് നടപടി സ്വീകരിക്കുമോ;

(ബി)	2017-18 സാമ്പത്തിക വര്‍ഷം നാഷണല്‍ ഹെല്‍ത്ത് മിഷന്റെ കീഴില്‍ ജോലി ചെയ്തുവരുന്ന നഴ്സുമാരുടെ ശമ്പളം എത്ര രൂപയായി ഉയര്‍ത്തുന്നതിനാണ് കേന്ദ്ര സര്‍ക്കാരിനോട് ആവശ്യപ്പെട്ടിട്ടുള്ളതെന്ന് വിശദമാക്കാമോ;

(സി)	നിലവില്‍ എത്ര രൂപയായി നിജപ്പെടുത്തിയാണ് കേന്ദ്ര സര്‍ക്കാരില്‍ നിന്നും അനുമതി ലഭിച്ചത്; വിശദമാക്കാമോ?

അര്‍ബുദ നിര്‍ണ്ണയ ക്ലിനിക്കുകള്‍

1857.

(എ)	പ്രാഥമിക അര്‍ബുദ നിര്‍ണ്ണയ ക്ലിനിക്കുകള്‍ എവിടെയൊക്കെയാണ് പ്രവര്‍ത്തിച്ചുവരുന്നത് ;

(ബി)	പ്രസ്തുത ക്ലിനിക്കുകളുടെ ഭൗതിക സാഹചര്യം വിലയിരുത്തിയിട്ടുണ്ടോ; വ്യക്തമാക്കാമോ;

(സി)	എത്ര ഡോക്ടര്‍മാരും മറ്റ് ആരോഗ്യപ്രവര്‍ത്തകരും ഇവിടെ പ്രവർത്തിക്കുണ്ട് ;

(ഡി)	പ്രാഥമിക അര്‍ബുദ നിര്‍ണ്ണയ ക്ലിനിക്കുകള്‍ക്കു വേണ്ടി പ്രത്യേകം ഫണ്ട് വകയിരുത്തിയിട്ടുണ്ടോ; വിശദവിവരങ്ങള്‍ നല്‍കുമോ?

ആരോഗ്യ വകുപ്പില്‍ ആശ്രിത നിയമനം

1858.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ വകുപ്പില്‍ ആശ്രിത നിയമന വ്യവസ്ഥ പ്രകാരം നിയമന ഉത്തരവായതില്‍ എത്ര പേര്‍ക്ക് നിയമനം നല്‍കാന്‍ ബാക്കിയുണ്ട്;

(ബി)	കണ്ണൂര്‍ ജില്ലയില്‍ അവസാനമായി ഇപ്രകാരം നിയമനം നല്കിയത് എപ്പോഴാണ്;

(സി)	ആശ്രിത നിയമനം ലഭിക്കേണ്ടവര്‍ക്ക് വേഗത്തില്‍ നിയമനം നല്കുന്നതിന് നടപടി സ്വീകരിക്കുമോ; വിശദാംശം നല്‍കുമോ?

എയ്ഡ്സ് കണ്‍ട്രോള്‍ സൊസൈറ്റി

1859.

ശ്രീ.കെ.വി.അബ്ദുള്‍ ഖാദര്‍
ശ്രീമതി.പി. അയിഷാ പോറ്റി
ശ്രീ.ആന്റണി ജോണ്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന എയ്ഡ്സ് കണ്‍ട്രോള്‍ സൊസൈറ്റിയുടെ പ്രവര്‍ത്തനങ്ങള്‍ അവലോകനം ചെയ്യാറുണ്ടോ ;

(ബി)	വിവിധ വകുപ്പുകളുമായി സഹകരിച്ച് എയ്ഡ്സ് പ്രതിരോധ പ്രവര്‍ത്തനങ്ങളെ ഏകോപിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ ;

(സി)	എച്ച്.ഐ.വി. ബാധിതരായ വ്യക്തികള്‍ക്ക് ആന്റി റിട്രോവൈറല്‍ മരുന്നുകള്‍ ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഡി)	എച്ച്.ഐ.വി./എയ്ഡ്സ്, സന്നദ്ധ രക്തദാനം എന്നിവ സംബന്ധിച്ച് ബോധവത്ക്കരണം നടത്തുന്നതിനായി ഗ്രാമപഞ്ചായത്തുകള്‍, കോളേജുകള്‍, വിവിധ സന്നദ്ധ സംഘടനകള്‍ എന്നിവയുടെ സഹകരണത്തോടെ ക്ലാസുകളും ദിനാചരണ പരിപാടികളും സംഘടിപ്പിച്ചിട്ടുണ്ടോ;

(ഇ)	റേഷന്‍ കാര്‍ഡിലെ വരുമാന പരിധി, എ.പി.എല്‍/ബി.പി.എല്‍ വിഭാഗം എന്നീ മാനദണ്ഡങ്ങള്‍ അടിസ്ഥാനമാക്കാതെ എച്ച്.ഐ.വി. അണുബാധിതരെ ആരോഗ്യ ഇന്‍ഷ്വറന്‍സ് പദ്ധതിയില്‍ ഉള്‍പ്പെടുത്തിയിട്ടുണ്ടോ ; വിശദാംശങ്ങള്‍ നല്‍കുമോ?

കക്കാട് പ്രാഥമികാരോഗ്യകേന്ദ്രത്തിലെ ഒ. പി. ബ്ലാേക്ക്

1860.

(എ)	ചാലക്കുടി മണ്ഡലത്തില്‍പ്പെട്ട കക്കാട് പ്രാഥമികാരോഗ്യകേന്ദ്രത്തിലെ ഒ. പി. ബ്ലാേക്കിന്റെ നിര്‍മ്മാണത്തിനായി എം.എല്‍.എ. ഫണ്ടില്‍ നിന്നും അനുമതി ലഭിച്ച് നിര്‍മ്മാണം ആരംഭിച്ച് വര്‍ഷങ്ങള്‍ പിന്നിട്ടിട്ടും നിര്‍മ്മാണം പൂര്‍ത്തീകരിച്ച് പൊതുജനങ്ങള്‍ക്ക് തുറന്നു കാെടുക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതുമൂലം പൊതുജനങ്ങള്‍ക്കുണ്ടായിട്ടുള്ള ബുദ്ധിമുട്ടുകള്‍ പരിഹരിക്കുന്നതിനും കക്കാട് പി.എച്ച്.സി.യുടെ ഒ. പി. ബ്ലോക്കിന്റെ നിര്‍മ്മാണം പൂര്‍ത്തീകരിക്കുന്നതിനും ആവശ്യമായ അടിയന്തര നടപടികള്‍ സ്വീകരിക്കുമോ?

ആര്‍ദ്രം പദ്ധതി

1861.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഹരിപ്പാട് മണ്ഡലത്തിലെ പ്രാഥമിക ആരോഗ്യകേന്ദ്രങ്ങളുടെയും, ഉപകേന്ദ്രങ്ങളുടെയും ശോച്യാവസ്ഥ പരിഹരിക്കുന്നതിന് ആര്‍ദ്രം പദ്ധതിപ്രകാരം എന്തെല്ലാം പ്രവര്‍ത്തനങ്ങള്‍ നടത്തുവാന്‍ ഉദ്ദേശിക്കുന്നതെന്ന് അറിയിക്കുമോ;

(ബി)	ഇതിനായി ഒരു കര്‍മ്മ പദ്ധതി ആവിഷ്ക്കരിച്ച് നടപ്പിലാക്കുമോ?

ആര്‍ദ്രം പദ്ധതി

1862.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയിലേക്ക് മണലൂര്‍ മണ്ഡലത്തില്‍ നിന്നും തെരഞ്ഞെടുത്ത പി.എച്ച്.സി.കള്‍ ഏതെല്ലാമാണെന്ന് വ്യക്തമാക്കാമോ;

(ബി)	പ്രസ്തുത പദ്ധതി പ്രകാരം ഏതെല്ലാം ആനുകൂല്യങ്ങളാണ് ഈ പി.എച്ച്.സി.കള്‍ക്ക് ലഭിക്കുകയെന്ന് വ്യക്തമാക്കാമോ;

(സി)	പ്രസ്തുത പി.എച്ച്.സി.കളില്‍ ഈ പദ്ധതി പ്രകാരം പുതിയ തസ്തികകളില്‍‌ ഡോക്ടര്‍, നഴ്സ് എന്നിവരെ നിയമിച്ചിട്ടുണ്ടോ; വിശദാംശങ്ങള്‍ നല്‍കാമോ ?

ആര്‍ദ്രം പദ്ധതി

1863.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയുടെ ഭാഗമായി ആലത്തൂര്‍ നിയോജകമണ്ഡലത്തില്‍ നടപ്പിലാക്കാന്‍ പോകുന്ന പദ്ധതികള്‍ എന്തെല്ലാമെന്ന് വിശദമാക്കുമോ;

(ബി)	നിലവില്‍ ഇതുമായി ബന്ധപ്പെട്ട് എന്തെങ്കിലും പ്രവര്‍ത്തനങ്ങള്‍ നടക്കുന്നുണ്ടോ; എങ്കില്‍ വിശദാംശം ലഭ്യമാക്കുമോ?

ആര്‍ദ്രം പദ്ധതി

1864.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

കോങ്ങാട് മണ്ഡലത്തില്‍ ആര്‍ദ്രം പദ്ധതിയില്‍ ഉള്‍പ്പെടുത്തി സ്വീകരിച്ചിട്ടുള്ള നടപടികളുടെ വിശദ വിവരം നല്‍കുമോ?

എറണാകുളം ജനറല്‍ ഹോസ്പിറ്റലില്‍ സൂപ്പര്‍ സ്പെഷ്യാലിറ്റി,കാന്‍സര്‍ ബ്ലോക്കുകള്‍

1865.

ശ്രീ.ഹൈബി ഈഡന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

എറണാകുളം ജനറല്‍ ഹോസ്പിറ്റലില്‍ സൂപ്പര്‍ സ്പെഷ്യാലിറ്റി ബ്ലോക്കിനും കാന്‍സര്‍ ബ്ലോക്കിനും മറ്റ് ആധുനിക സൗകര്യങ്ങള്‍ക്കുമായി കിഫ്ബിയില്‍ നിന്നും അനുവദിച്ച 76 കോടി രൂപയുടെ പ്രവൃത്തിയുടെ നിലവിലെ അവസ്ഥ വ്യക്തമാക്കാമോ?

പ്രാഥമിക ആരോഗ്യ കേന്ദ്രങ്ങളില്‍ നേത്രരോഗത്തിന് ഒ.പി. സൗകര്യം

1866.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരത്തെ കണ്ണാശുപത്രിയിലെ രോഗികളുടെ വന്‍തിരക്ക് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതുമൂലം രോഗികള്‍ക്ക് നേരിടേണ്ടി വരുന്ന ബുദ്ധിമുട്ട് ഒഴിവാക്കുന്നതിന് എന്തെങ്കിലും നടപടി സ്വീകരിക്കുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ ;

(സി)	എല്ലാ പ്രാഥമിക ആരോഗ്യ കേന്ദ്രങ്ങളിലും നേത്രരോഗത്തിന് പ്രത്യേക ഒ.പി. സൗകര്യം ഒരുക്കുന്നതിന് നടപടി സ്വീകരിക്കുമോ ; വിശദമാക്കാമോ ?

കോതമംഗലം താലൂക്ക് ആശുപത്രിയിലെ ഡോക്ടര്‍ തസ്തിക

1867.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം താലൂക്ക് ആശുപത്രിയില്‍ ഡോക്ടര്‍മാരുടെ എത്ര തസ്തികയാണുളളതെന്ന് വിഭാഗം തിരിച്ച് വ്യക്തമാക്കാമോ;

(ബി)	നിലവില്‍ ഏതെങ്കിലും വിഭാഗത്തില്‍ ഡോക്ടറുടെ തസ്തിക ഒഴിഞ്ഞു കിടക്കുന്നുണ്ടോ;

(സി)	പ്രസ്തുത ആശുപത്രിയില്‍ സൂപ്രണ്ട് തസ്തിക ഒഴിഞ്ഞു കിടക്കുന്നുണ്ടോ;എങ്കില്‍ സൂപ്രണ്ടിനെ നിയമിക്കുന്നതിനു അടിയന്തര നടപടി സ്വീകരിക്കുമോ?

കോതമംഗലം താലൂക്ക് ആശുപത്രിയില്‍ ഡയാലിസിസ് യൂണിറ്റ്

1868.

ശ്രീ.ആന്റണി ജോണ്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

കോതമംഗലം താലൂക്ക് ആശുപത്രിയില്‍ ഡയാലിസിസ് യൂണിറ്റ് തുടങ്ങുന്നതിനു വേണ്ട നടപടി സ്വീകരിക്കുമോ; വിശദമാക്കാമോ ?

വര്‍ക്കല താലൂക്ക് ആശുപത്രിയില്‍ ഡയാലിസിസ് യൂണിറ്റ്

1869.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല താലൂക്ക് ആശുപത്രിയില്‍ ഡയാലിസിസ് യൂണിറ്റ് സ്ഥാപിക്കുന്നതിനുള്ള നടപടിക്രമങ്ങളെ സംബന്ധിച്ച് വിശദമാക്കാമോ;

(ബി)	പ്രസ്തുത ഡയാലിസിസ് യൂണിറ്റ് എന്ന് മുതല്‍ പ്രവര്‍ത്തിപ്പിക്കാന്‍ കഴിയുമെന്ന് വ്യക്തമാക്കാമോ ?

നാദാപുരം ഗവൺമെന്റ് ആശുപത്രി

1870.

നാദാപുരം ഗവൺമെന്റ് ആശുപത്രിയിലെ പുതിയ ബ്ലോക്കിന്റെ ഉദ്ഘാടനം എന്ന് സാധ്യമാകുമെന്നു അറിയിക്കാമോ;ഉദ്ഘാടനം വൈകുന്നതിന്റെ കാരണം വിശദമാക്കാമോ ?

ആര്‍ദ്രം പദ്ധതിയുടെ കൊല്ലം ജില്ലയിലെ പ്രവര്‍ത്തനപുരോഗതി

1871.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതി നടപ്പിലാക്കുന്നതില്‍ കൊല്ലം ജില്ലയിലെ പ്രവര്‍ത്തനപുരോഗതി വിശദമാക്കുമോ;

(ബി)	വെളിയം, ഉമ്മന്നൂര്‍ പ്രാഥമിക ആരോഗ്യ കേന്ദ്രങ്ങളെ കുടുംബ ആരോഗ്യ കേന്ദ്രങ്ങളാക്കി മാറ്റുന്നതിനുള്ള നടപടിക്രമങ്ങളുടെ പുരോഗതി വിശദമാക്കുമോ?

കൂടലില്‍ വനിതകളുടെയും കുട്ടികളുടെയും ആശുപത്രി

1872.

(എ)	വനിതകളുടെയും കുട്ടികളുടെയും ആശുപത്രി കൂടലില്‍ ആരംഭിക്കുന്നതിനായി എന്നാണ് നടപടികള്‍ സ്വീകരിച്ചത് ; വ്യക്തമാക്കാമോ;

(ബി)	കൂടല്‍ പി.എച്ച്.സി.യില്‍ നിലവിലുള്ള സ്ഥലത്ത് വനിതകളുടെയും കുട്ടികളുടെയും ആശുപത്രി ആരംഭിക്കുന്നതിന് ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ; എങ്കില്‍ എന്നാണ് പൂര്‍ത്തീകരിച്ചത്;

(സി)	ആയതിലേക്ക് ആവശ്യമായ ഉത്തരവുകള്‍ ഇറങ്ങിയിട്ടുണ്ടോ; എങ്കില്‍ പ്രസ്തുത പ്രവൃത്തി ആരാണ് ഏറ്റെടുത്തതെന്ന് വ്യക്തമാക്കുമോ;

(ഡി)	പ്രസ്തുത ആശുപത്രിയുടെ നിര്‍മ്മാണ പ്രവര്‍ത്തനങ്ങള്‍ നടക്കാത്തത് എന്തുകൊണ്ടെന്ന് വ്യക്തമാക്കുമോ; ഇതിലേക്ക് എന്തെല്ലാം നടപടികള്‍ നടന്നുവരുന്നുവെന്ന് വ്യക്തമാക്കുമോ;

(ഇ)	ഇതിലേക്ക് എത്ര തുക നാളിതുവരെ അനുവദിച്ചിട്ടുണ്ടെന്ന് വ്യക്തമാക്കുമോ;

(എഫ്)

എതെല്ലാം ഫണ്ടില്‍ നിന്നാണ് തുക അനുവദിച്ചിട്ടുള്ളത്; പ്രസ്തുത ആശുപത്രി എന്നത്തേക്ക് പ്രവര്‍ത്തനം ആരംഭിക്കുമെന്ന് വ്യക്തമാക്കുമോ?

കായംകുളം താലൂക്കാശുപത്രിയിലെ മാലിന്യ സംസ്കരണം

1873.

ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം താലൂക്കാശുപത്രിയില്‍ ആശുപത്രിമാലിന്യങ്ങള്‍ തുറസ്സായ സ്ഥലത്ത് കത്തിക്കുന്നതുമൂലം രോഗികള്‍ക്കും കാത്തിരുപ്പുകാര്‍ക്കും ഏറെ ബുദ്ധിമുട്ട് ഉണ്ടാകുന്ന അവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരിഹരിക്കുന്നതിന് ശാസ്ത്രീയമായ മാലിന്യ സംസ്കരണ മാര്‍ഗ്ഗങ്ങള്‍ അവലംബിക്കുന്നതിന് ആവശ്യമായ നടപടി സ്വീകരിക്കുമോ?

കായംകുളം താലൂക്കാശുപത്രിയില്‍ ലാൻഡ്ഫോൺ സൗകര്യം

1874.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

കായംകുളം താലൂക്കാശുപത്രിയിലെ അത്യാഹിത വിഭാഗത്തില്‍ ലാൻഡ്ഫോൺ സൗകര്യം അനുവദിക്കുന്നതിനാവശ്യമായ നടപടി സ്വീകരിക്കുമോ?

താലൂക്ക്, ജില്ലാ ആശുപത്രികളില്‍ കാത്ത് ലാബ്

1875.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ താലൂക്ക്/ജില്ലാ ആശുപത്രികളില്‍ കാത്ത് ലാബ് സ്ഥാപിക്കുന്ന കാര്യം സര്‍ക്കാരിന്റെ പരിഗണനയിലുണ്ടോ ;

(ബി)	എങ്കില്‍ ചെങ്ങന്നൂര്‍ ജില്ലാ ആശുപത്രിയില്‍ കാത്ത് ലാബ് സ്ഥാപിക്കുമോ എന്ന് വ്യക്തമാക്കുമോ ?

കോടഞ്ചേരി സി.എച്ച്.സി.-യില്‍ കിടത്തി ചികിത്സ

1876.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സി.എച്ച്.സി. ആയി പദവിയുയര്‍ത്തിയ കോടഞ്ചേരി സി.എച്ച്.സി.-യില്‍ കിടത്തി ചികിത്സ ആരംഭിക്കുന്നതിന് ആവശ്യമായ തസ്‍തികകള്‍ സൃഷ്ടിക്കുന്ന കാര്യം പരിഗണനയിലുണ്ടോ;

(ബി)	പുതുതായി സൃഷ്ടിക്കേണ്ട തസ്‍തികകളുടെ വിശദാംശം ലഭ്യമാക്കുമോ;

(സി)	പുതിയതായി തസ്‍തികകള്‍ സൃഷ്ടിച്ച് ഈ ആശുപത്രിയില്‍ കിടത്തി ചികിത്സ ആരംഭിക്കുന്നതിന് അടിയന്തര നടപടികള്‍ സ്വീകരിക്കുമോ?

കോട്ടൂര്‍ പി.എച്ച്.സി.യുടെ നവീകരണം

1877.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയില്‍ ഉള്‍പ്പെടുത്തിയ ബാലുശ്ശേരി മണ്ഡലത്തിലെ കോട്ടൂര്‍ പ്രൈമറി ഹെല്‍ത്ത് സെന്റര്‍ കെട്ടിടത്തിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	കോട്ടൂര്‍ പി.എച്ച്.സി.യുടെ നവീകരണത്തിനുള്ള പ്ലാനും എസ്റ്റിമേറ്റും സര്‍ക്കാരില്‍ സമര്‍പ്പിച്ചിട്ടുണ്ടോ;

(സി)	ആര്‍ദ്രം പദ്ധതി പ്രകാരം ആശുപത്രികളുടെ ഭൗതിക സൗകര്യം മെച്ചപ്പെടുത്താനുള്ള പ്രത്യേക പദ്ധതികള്‍ തയ്യാറാക്കിയിട്ടുണ്ടോ?

ചിറ്റാര്‍ സി.എച്ച്.സി.യുടെ നിര്‍മ്മാണ പ്രവര്‍ത്തനങ്ങള്‍

1878.

(എ)	കോന്നി മണ്ഡലത്തില്‍ ചിറ്റാര്‍ സി.എച്ച്.സി.യുടെ നിര്‍മ്മാണ പ്രവര്‍ത്തനങ്ങള്‍ ഇപ്പോള്‍ ഏതുവരെയായി;

(ബി)	ഇതിനായി നാളിതുവരെ എന്തെല്ലാം തുടര്‍നടപടികള്‍ കൈക്കൊണ്ടിട്ടുണ്ടെന്ന് വിശദീകരിക്കുമോ;

(സി)	നാളിതുവരെ തുടര്‍നടപടികള്‍ കൈക്കൊണ്ടിട്ടില്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

(ഡി)	സി.എച്ച്.സി.യുടെ നിര്‍മ്മാണം എന്നത്തേയ്ക്ക് പൂര്‍ത്തീകരിക്കുമെന്ന് വ്യക്തമാക്കുമോ?

പാര്‍ട്ട് ടൈം സ്വീപ്പര്‍ തസ്തികയിലെ ഒഴിവുകള്‍

1879.

(എ)	ആരോഗ്യ വകുപ്പില്‍ പാര്‍ട്ട് ടൈം സ്വീപ്പര്‍ തസ്തികയില്‍ എത്ര ഒഴിവുകള്‍ നിലവിലുണ്ടെന്ന് വ്യക്തമാക്കാമോ;

(ബി)	ഒഴിവുകള്‍ നിലവിലുണ്ടെങ്കില്‍ ആയവ നികത്തുന്നതിന് എംപ്ലോയ്മെന്റ് എക്സ്ചേഞ്ചില്‍ നിന്നും ഉദ്യോഗാര്‍ത്ഥികളുടെ പട്ടിക തിരുവനന്തപുരം ജില്ലാ മെഡിക്കല്‍ ഓഫീസര്‍ക്ക് ലഭ്യമായിട്ടുണ്ടോയെന്ന് വ്യക്തമാക്കുമോ;

(സി)	ആരോഗ്യ വകുപ്പില്‍ തിരുവനന്തപുരം ജില്ലയിലെ പാര്‍ട്ട് ടൈം സ്വീപ്പര്‍ തസ്തികയിലെ ഒഴിവുകള്‍ നികത്തുന്നതിനുളള കാലതാമസം എന്താണെന്ന് വ്യക്തമാക്കാമോ?

ആലത്തൂര്‍ നിയോജക മണ്ഡലത്തിലെ സര്‍ക്കാര്‍ ആശുപത്രികളിലെ ഹെല്‍ത്ത് ഇന്‍സ്പെക്ടര്‍മാര്‍

1880.

(എ)	ആലത്തൂര്‍ നിയോജക മണ്ഡലത്തിലെ സര്‍ക്കാര്‍ ആശുപത്രികളില്‍ എത്ര ഹെല്‍ത്ത് ഇന്‍സ്പെക്ടര്‍മാര്‍ ജോലി ചെയ്യുന്നുണ്ട്; ഇതില്‍ ഏതെങ്കിലും തസ്തികകള്‍ ഒഴിഞ്ഞു കിടക്കുന്നുണ്ടോ; വിശദാംശം നല്‍കുമോ;

(ബി)	ഓരോ ആശുപത്രിയുടെ ഏരിയകളിലും ഹെല്‍ത്ത് ഇന്‍സ്പെക്ടര്‍മാര്‍ ചെയ്യേണ്ട ജോലികള്‍ സംബന്ധിച്ച വിശദാംശം നല്‍കുമോ?

ഹരിപ്പാട് താലൂക്ക് ആശുപത്രിയുടെ പ്രശ്നങ്ങള്‍

1881.

(എ)	ഹരിപ്പാട് താലൂക്ക് ആശുപത്രിയുടെ പ്രശ്നങ്ങള്‍ സംബന്ധിച്ച് 02-06-2017-ല്‍ ആരോഗ്യവകുപ്പ് ഡയറക്ടര്‍ ഹരിപ്പാട് വച്ച് നടത്തിയ യോഗത്തില്‍ കൈക്കൊണ്ട തീരുമാനങ്ങള്‍ എന്തൊക്കെയായിരുന്നു;

(ബി)	പ്രസ്തുത തീരുമാനങ്ങള്‍ നടപ്പിലാക്കുന്നതിന് സ്വീകരിച്ച നടപടികള്‍ എന്തൊക്കെയാണ്?

ഫീമെയില്‍ ഹെല്‍ത്ത് സൂപ്പര്‍വൈസറി ട്രെയിനിംഗ് സെന്ററുകള്‍

1882.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര ഫീമെയില്‍ ഹെല്‍ത്ത് സൂപ്പര്‍വൈസറി (എഫ് .എഛ് . എസ്) ട്രെയിനിംഗ് സെന്ററുകള്‍ ഉണ്ട് ;

(ബി)	പ്രസ്തുത സെന്ററുകളില്‍ ഒരേ സമയം എത്ര പേര്‍ക്കാണ് ട്രെയിനിംഗ് നല്കുന്നത് ;

(സി)	ഓരോ ട്രെയിനിംഗ് സെന്ററിന്റെയും മേലധികാരി ആരാണ് ; അവര്‍ക്ക് നിശ്ചിയിച്ചിട്ടുള്ള യോഗ്യതകള്‍ എന്തെല്ലാമാണ് ;

(ഡി)	എല്ലാ ട്രെയിനിംഗ് സെന്ററുകളിലും ഒരേ സ്റ്റാഫ് പാറ്റേണ്‍ ആണോ നിലവിലുള്ളത് ; അല്ലെങ്കില്‍ ഇത് ഏകോപിപ്പിക്കുവാന്‍ എന്തെങ്കിലും നടപടികള്‍ സ്വീകരിക്കുമോ ; വ്യക്തമാക്കുമോ?

ഫലപ്രദമായ പൊതുജനാരോഗ്യ സംവിധാനം

1883.

ശ്രീ.സി. ദിവാകരന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഫലപ്രദമായ പൊതുജനാരോഗ്യ സംവിധാനത്തിന്റെ അടിസ്ഥാനമായ 'രോഗവും ചികിത്സയും സംബന്ധിച്ച വിവരശേഖരണം' കേരളത്തില്‍ കാര്യക്ഷമമായി നടക്കുന്നുണ്ടോയെന്ന് വിലയിരുത്തിയിട്ടുണ്ടോ;

(ബി)	പ്രസ്തുത വിവരം ന്ല‍കുന്നതില്‍ സ്വകാര്യ ആശുപത്രികള്‍ ഉദാസീനത കാണിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പക്ര‍ച്ചവ്യാധി പിടിപ്പെട്ട് ചികിത്സക്കെത്തിയവരുടെ കണക്ക‍് നല്‍കിയില്ലെങ്കില്‍ വളരെ തുച്ഛമായ പിഴയടച്ച് നടപടി ഒഴിവാക്കാ൯ സഹായകരമായ കേരളാ പൊതുജനാരോഗ്യ നിയമത്തിലെ വ്യവസ്ഥകള്‍ ഭേദഗതി ചെയ്യുന്നതിന് തയ്യാറാകുമോ ; വ്യക്തമാക്കാമോ ?

കൊതുകുജന്യ സാംക്രമിക രോഗങ്ങള്‍

1884.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മണ്‍സൂണ്‍ കാലത്ത് കൊതുകുജന്യ സാംക്രമിക രോഗങ്ങളുടെ വ്യാപനം തടയുന്നതിനായി എന്തെല്ലാം പദ്ധതികളാണ് ദീര്‍ഘകാലാടിസ്ഥാനത്തില്‍ നടപ്പിലാക്കാന്‍ ഉദ്ദേശിക്കുന്നത് എന്ന് അറിയിക്കാമോ;

(ബി)	പ്രസ്തുത പദ്ധതികള്‍ വിവിധ വകുപ്പുകളുടെ ഏകോപനം സാധ്യമാക്കിക്കൊണ്ട് നടപ്പിലാക്കുമോ;

(സി)	ഇത്തരം രോഗങ്ങള്‍ പൂര്‍ണ്ണമായും നിര്‍മ്മാര്‍ജ്ജനം ചെയ്യുന്നതിനും തടയുന്നതിനും ശാശ്വതപരിഹാരങ്ങള്‍ സംബന്ധിച്ച് പഠനം നടത്തിയിട്ടുണ്ടോ; വിശദമാക്കാമോ?

മെഡിക്കല്‍ കോളേജുകളിലെ ചികിത്സ

1885.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മെഡിക്കല്‍ കോളേജുകളില്‍ എത്തുന്ന രോഗികള്‍ക്ക് ആവശ്യമായ സ്കാനിംഗ്, ലാബോറട്ടറി പരിശോധനകള്‍ക്കായി വിവിധ ഭാഗങ്ങളില്‍ അലയോണ്ടതായി വരുന്നതും, ഗുരുതരപരിക്ക് പറ്റി വന്നവരെ സ്കാനിംഗിനും മറ്റും കൊണ്ടുപോകുന്നതിന് ബുദ്ധിമുട്ടുണ്ടാകുന്നതും ശ്രദ്ധയില്‍പ്പെട്ടിട്ടുണ്ടോ;

(ബി)

ആയത് പരിഹരിക്കുന്നതിനായി ലാബോറട്ടറികള്‍, സ്കാനിംഗ് മുതലായ പരിശോധനകേന്ദ്രങ്ങള്‍ ആശുപത്രി കോംമ്പൗണ്ടില്‍ തന്നെ ക്രമീകരിക്കുന്നതിനും, ഗുരുതര അപകടങ്ങളില്‍പ്പെട്ട് വരുന്നവര്‍ക്ക് അടിയന്തര ചികിത്സ നല്‍കുന്നതിനും, പരിശോധന സൗകര്യങ്ങള്‍ കാഷ്വാലിറ്റിയോട് ചേര്‍ന്ന് സജ്ജീകരിക്കുന്നതിനും അടിയന്തിര നടപടികള്‍ സ്വീകരിക്കുമോയെന്നും വ്യക്തമാക്കുമോ?

മൂന്നാറില്‍ സര്‍ക്കാര്‍ ആശുപത്രി

1886.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ദേവികുളം നിയോജകമണ്ഡലത്തിലെ മൂന്നാറില്‍ ആധുനിക രീതിയിലുളള സര്‍ക്കാര്‍ ആശുപത്രി ആരംഭിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ;എങ്കില്‍ സ്വീകരിച്ച നടപടികള്‍ എന്തെല്ലാം;

(ബി)	ഇല്ലെങ്കില്‍ ആവശ്യമായ നടപടികള്‍ ഉടന്‍ സ്വീകരിക്കുമോയെന്ന് വ്യക്തമാക്കുമോ?

ക്യാന്‍സര്‍ കെയര്‍ ഫോര്‍ ലൈഫ് പദ്ധതി

1887.

(എ)	തിരുവനന്തപുരം ആര്‍.സി.സി.യില്‍ 2014 ആഗസ്റ്റ് മാസം വരെ നിലവിലുണ്ടായിരുന്നതും ക്യാന്‍സര്‍ രോഗികള്‍ക്ക് വലിയ ആശ്വാസമായിരുന്നതുമായ 'ക്യാന്‍സര്‍ കെയര്‍ ഫോര്‍ ലൈഫ്' പദ്ധതി പുനരാരംഭിക്കുന്നതിനുള്ള നടപടിക്രമങ്ങള്‍ എന്തായെന്ന് വ്യക്തമാക്കാമോ ;

(ബി)	പ്രസ്തുത പദ്ധതി എന്നു മുതല്‍ പ്രാബല്യത്തില്‍ വരുമെന്ന് വിശദമാക്കുമോ?

കൊട്ടാരക്കര താലൂക്ക് ആശുപത്രിയില്‍ ട്രോമാകെയര്‍ സംവിധാനം

1888.

(എ)	കൊട്ടാരക്കര താലൂക്ക് ആശുപത്രിയില്‍ ട്രോമാകെയര്‍ സംവിധാനം ഏര്‍പ്പെടുത്തുന്നതിനുളള നടപടിക്രമങ്ങള്‍ ഏതു ഘട്ടത്തിലാണ്;

(ബി)	ട്രോമാകെയര്‍ സംവിധാനത്തിനാവശ്യമായ ഉപകരണങ്ങള്‍ വാങ്ങുന്നതിനുളള നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോ; വിശദാംശങ്ങള്‍ നല്‍കുമോ?

അഖിലേന്ത്യാ മെഡിക്കല്‍ സര്‍വ്വീസ് കേഡര്‍

1889.

ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ മേഖലയില്‍ അഖിലേന്ത്യാ മെഡിക്കല്‍ സര്‍വ്വീസ് കേഡര്‍ രൂപവത്‍കരിക്കുന്നതിന് കേന്ദ്ര സര്‍ക്കാര്‍ നിര്‍ദ്ദേശം ലഭ്യമായിട്ടുണ്ടോ;

(ബി)	പ്രസ്തുത കേഡര്‍ രൂപവത്ക്കരിക്കുന്നതില്‍ സംസ്ഥാന സര്‍ക്കാരിന്റെ അഭിപ്രായം കേന്ദ്ര സര്‍ക്കാരിനെ അറിയിച്ചിട്ടുണ്ടോ; ഉണ്ടെങ്കില്‍ വിശദവിവരം ലഭ്യമാക്കുമോ;

(സി)	സംസ്ഥാനങ്ങളും കേന്ദ്ര ആരോഗ്യ സര്‍വ്വീസും തമ്മിലുള്ള അകലം കുറയ്ക്കുന്നതിന് അഖിലേന്ത്യാ കേഡര്‍ രൂപീകരണം സഹായിക്കുമോ?

സര്‍ക്കാര്‍ ആശുപത്രികളുടെ ശുചിത്വം

1890.

(എ)	സര്‍ക്കാര്‍ ആശുപത്രികളുടെ ശുചിത്വം ഉറപ്പാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	ശുചിത്വം ഉറപ്പാക്കുന്നതിനായി ആശുപത്രികള്‍ കേന്ദ്രീകരിച്ച് സംവിധാനങ്ങള്‍ ഏര്‍പ്പെടുത്തിയിട്ടുണ്ടോ;

(സി)	ആശുപത്രികളിലെ ശുചിത്വം ഉറപ്പ് വരുത്തുന്നതിനായി ജനകീയ കമ്മിറ്റികള്‍ സംഘടിപ്പിക്കുന്നതിന് നടപടി സ്വീകരിക്കുമോ?

പാലിയേറ്റീവ് കെയര്‍ നഴ്സുമാര്‍

1891.

ശ്രീ.ഷാഫി പറമ്പില്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ വിവിധ തദ്ദേശസ്വയംഭരണ സ്ഥാപനങ്ങളില്‍ സേവനം അനുഷ്ഠിച്ചുവരുന്ന പാലിയേറ്റീവ് കെയര്‍ നഴ്സുമാരെ ആരോഗ്യവകുപ്പ് ഏറ്റെടുത്ത് സ്ഥിരനിയമനം നല്‍കുന്നതിനു വേണ്ട നടപടികള്‍ സ്വീകരിക്കുന്നുണ്ടോ; ഇത് സംബന്ധിച്ച വിവരങ്ങള്‍ വിശദമാക്കാമോ?

കുന്നത്തൂര്‍ താലൂക്ക് ആശുപത്രി

1892.

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കുന്നത്തൂര്‍ താലൂക്ക് ആശുപത്രിയിലെ നിലവിലെ സ്റ്റാഫ് പാറ്റേണ്‍ വ്യക്തമാക്കാമോ;

(ബി)	പ്രസ്തുത ആശുപത്രിയിലെ പ്രൊമോഷന്‍ തസ്തികകളും, സ്പെഷ്യലിസ്റ്റ് ഡോക്ടര്‍മാരെ നിയമിക്കുന്നതിനും നടപടി സ്വീകരിക്കുമോ ;

(സി)	പ്രസ്തുത ആശുപത്രിയിയിൽ കഴിഞ്ഞ ഒരു വര്‍ഷം നടന്ന സ്വഭാവിക/സിസേറിയന്‍ പ്രസവങ്ങള്‍ സംബന്ധിച്ച കണക്ക് മാസം തിരിച്ച് വ്യക്തമാക്കാമോ ;

(ഡി)	പ്രസ്തുത ആശുപത്രിയിയിൽ കഴിഞ്ഞ 6 മാസത്തെ ഒ.പി , കിടത്തിചികിത്സ എന്നിവ സംബന്ധിച്ചുള്ള കണക്ക് ഇനവും മാസവും തിരിച്ച് വ്യക്തമാക്കാമോ; അവിടുത്തെ ജീവനക്കാരുടെ കഴിഞ്ഞ 6 മാസത്തെ ഹാജര്‍ കണക്ക് മാസം തിരിച്ചു നല്‍കാമോ ;

(ഇ)	കഴിഞ്ഞ 6 മാസം കരുനാഗപ്പള്ളി താലൂക്ക് ആശുപത്രിയില്‍ നടന്ന പ്രസവങ്ങളില്‍ എത്ര പേര്‍ കുന്നത്തൂര്‍ താലൂക്ക് പരിധിയിലുള്ളവരാണെന്നു മാസം തിരിച്ച് വ്യക്തമാക്കാമോ ?

കരുവേലിപ്പടി താലൂക്ക് ആശുപത്രിയില്‍ നിയമനം

1893.

(എ)	കൊച്ചി നിയോജക മണ്ഡലത്തിലെ കരുവേലിപ്പടി മഹാരാജാസ് താലൂക്ക് ആശുപത്രിയില്‍ ഡോക്ടര്‍, പാരാമെഡിക്കല്‍ സ്റ്റാഫ്, മിനിസ്റ്റീരിയല്‍ എന്നീ ഒാരോ വിഭാഗത്തിലും എത്ര തസ്തികകള്‍ ഒഴിഞ്ഞുകിടക്കുന്നുണ്ടെന്ന് വ്യക്തമാക്കാമോ;

(ബി)	എങ്കില്‍ പ്രസ്തുത തസ്തികകളില്‍ എത്രയും വേഗം നിയമനം നടത്തുന്നതിന് നടപടി സ്വീകരിക്കുമോ ?

പകര്‍ച്ചപ്പനി

1894.

ശ്രീ.കെ.വി.വിജയദാസ്
,, സി.കൃഷ്ണന്‍
,, മുരളി പെരുനെല്ലി
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വിവിധ പകര്‍ച്ചപ്പനികള്‍ വ്യാപകമായിക്കൊണ്ടിരിക്കുന്ന സാഹചര്യത്തില്‍ പരിസര ശുചിത്വം, വ്യക്തി ശുചിത്വം എന്നിവ സംബന്ധിച്ച് പൊതുജനങ്ങള്‍ക്ക് അവബോധം നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	കൊതുകുകള്‍, എലികള്‍ മുതലായവ പെരുകുന്നത് തടയുന്നതിനായി എന്തെല്ലാം മുന്‍ കുരുതല്‍ നടപടികളാണ് സ്വീകരിച്ചിട്ടുള്ളത്;

(സി)	ഇത്തരം പകര്‍ച്ച വ്യാധികള്‍ക്കെതിരെ എല്ലാ സര്‍ക്കാര്‍ ആശുപത്രികളിലും മരുന്നുകള്‍ ലഭ്യമാക്കാന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

ആശുപത്രികളുടെ പദവി ഉയർത്തൽ

1895.

ശ്രീ.എ. എന്‍. ഷംസീര്‍
ശ്രീമതി.വീണാ ജോര്‍ജ്ജ്
ശ്രീ.പി.ടി.എ. റഹീം
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റുന്നതിന്റെ ഭാഗമായി എന്തെല്ലാം പശ്ചാത്തല സൗകര്യങ്ങളാണ് ഒരുക്കിയിട്ടുള്ളതെന്ന് വ്യക്തമാക്കാമോ;

(ബി)	ഇതിനാവശ്യമായ തസ്തികകള്‍ സൃഷ്ടിച്ചിട്ടുണ്ടോ; എങ്കില്‍ വിശദാംശങ്ങൾ നല്‍കാമോ;

(സി)

കഴിഞ്ഞ സര്‍ക്കാരിന്റെ കാലത്ത് നിരവധി സി.എച്ച്.സി. കളെ താലൂക്ക് ആശുപത്രികളായി ഉയര്‍ത്തിയതായി പ്രഖ്യാപിച്ചെങ്കിലും അതിനാവശ്യമായ തസ്തികകള്‍ സൃഷ്ടിക്കുകയോ മറ്റ് സൗകര്യങ്ങള്‍ ഏര്‍പ്പെടുത്തുകയോ ചെയ്യാതിരുന്നതായി ശ്രദ്ധയില്‍പെട്ടിട്ടുണ്ടോ;എങ്കില്‍ ഇതു പരിഹരിക്കുന്നതിനായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

തിരുവനന്തപുരം ജില്ലാ ആശുപത്രിയുടെ ട്രൈബല്‍ ഫണ്ടിന്റെ വിനിയോഗം

1896.

(എ)	ആദിവാസി വിഭാഗത്തില്‍പെട്ട രോഗികളുടെ ചികിത്സയ്ക്കുവേണ്ടി തിരുവനന്തപുരം ജില്ലാ ആശുപത്രിയുടെ ട്രൈബല്‍ ഫണ്ടില്‍ നിന്നും 2016-17 സാമ്പത്തിക വർഷം എന്തു തുക വകയിരുത്തി ; അതില്‍ എത്ര തുക ചെലവായി; വിശദമാക്കാമോ;

(ബി)	ആദിവാസി മേഖലയില്‍ പുകയില, മദ്യം, മയക്കുമരുന്ന് എന്നിവയുടെ അമിതമായ ഉപയോഗം മൂലം ഉണ്ടാകുന്ന അസുഖങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ അവയെക്കുറിച്ച് വിശദമാക്കാമോ?

കരുനാഗപ്പള്ളി താലൂക്ക് ആശുപത്രിയില്‍ ഡയാലിസിസ് യൂണിറ്റ്

1897.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി താലൂക്ക് ആശുപത്രിയില്‍ ഡയാലിസിസിന് യൂണിറ്റ് ആരംഭിക്കുന്നതിനുള്ള പദ്ധതിയുണ്ടോ; ആയതിന്റെ പുരോഗതി വിശദീകരിക്കുമോ;

(ബി)	ഡയാലിസിസ് യൂണിറ്റ് സ്ഥാപിക്കുന്നതിനുള്ള പ്രവര്‍ത്തനങ്ങള്‍ ഏതെങ്കിലും ഏജന്‍സി ഏറ്റെടുത്തിട്ടുണ്ടോ; വിശദീകരിക്കുമോ;

(സി)	ഡയാലിസിസ് യൂണിറ്റ് എന്ന് പ്രവര്‍ത്തനം ആരംഭിക്കാന്‍ കഴിയുമെന്ന് വിശദീകരിക്കുമോ?

തിരുവനന്തപുരം ജില്ലയിലെ ഡയാലിസിസ് യൂണിറ്റുകള്‍

1898.

(എ)	തിരുവനന്തപുരം ജില്ലയിലെ ഏതെല്ലാം സര്‍ക്കാര്‍ ആശുപത്രികളില്‍ ഡയാലിസിസ് യൂണിറ്റുകള്‍ പ്രവര്‍ത്തിക്കുന്നുണ്ടെന്ന് വിശദമാക്കാമോ;

(ബി)	പ്രസ്തുത യൂണിറ്റുകളില്‍ ഡയാലിസിസ് ചെയ്യുന്നതിന് ഫീസ് ഈടാക്കാറുണ്ടോ; എങ്കില്‍ ഫീസ് എത്ര രൂപയാണെന്നും ഫീസ് നിശ്ചയിക്കുന്നതിനുള്ള മാനദണ്ഡം എന്താണെന്നും വ്യക്തമാക്കുമോ;

(സി)	കൂടുതല്‍ സര്‍ക്കാര്‍ ആശുപത്രികളില്‍ ഡയാലിസിസ് യൂണിറ്റുകള്‍ ആരംഭിക്കുന്നത് പരിഗണനയിലുണ്ടോ; വിശദവിവരം നല്‍കാമോ?

കമ്മ്യൂണിറ്റി ഹെല്‍ത്ത് സെന്ററുകളില്‍ തസ്തിക സൃഷ്ടിക്കല്‍

1899.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ 2006-11 കാലഘട്ടത്തില്‍ കമ്മ്യൂണിറ്റി ഹെല്‍ത്ത് സെന്റര്‍ ആയി അപ്ഗ്രേഡ് ചെയ്ത സ്ഥാപനങ്ങളില്‍ തസ്തിക സൃഷ്ടിക്കുന്നതിനായി പരിഗണനയിലുളളവ ഏതെല്ലാം; വിശദാംശം നല്‍കുമോ;

(ബി)

കൊയിലാണ്ടി നിയോജകമണ്ഡലത്തിലെ തിരുവണ്ടൂര്‍ കമ്മ്യൂണിറ്റി ഹെല്‍ത്ത് സെന്ററില്‍ , കിടത്തി ചികിത്സാ സൗകര്യം ഏര്‍പ്പെടുത്തുന്നതിനും ആവശ്യമായ തസ്തികകള്‍ സൃഷ്ടിക്കുന്നതിനും നിരവധി അപേക്ഷകള്‍ സമര്‍പ്പിച്ചത് ശ്രദ്ധയില്‍പ്പെട്ടിട്ടുണ്ടോ; ഇൗ അപേക്ഷകള്‍ പരിഗണിച്ച് തസ്തിക നിര്‍ണയത്തിനും പുതിയ തസ്തികകള്‍ സൃഷ്ടിക്കുന്നതിനും നടപടികള്‍ ഉണ്ടാകുമോയെന്നും ഏതെല്ലാം തസ്തികകളാണ് സൃഷ്ടിക്കുകയെന്നും വ്യക്തമാക്കാമോ?

തിരുവനന്തപുരം മെഡിക്കല്‍ കോളേജിലെ എം .ആർ .ഐ സ്കാന്‍,സി .ടി. സ്കാന്‍ സംവിധാനങ്ങൾ

1900.

(എ)	തിരുവനന്തപുരം മെഡിക്കല്‍ കോളേജില്‍ എം .ആർ .ഐ. സ്കാന്‍, സി .ടി. സ്കാന്‍ ഉള്‍പ്പെടെയുള്ള വിവിധ ടെസ്റ്റുകള്‍ നടത്തുന്നതിന് രോഗികള്‍ക്ക് മാസങ്ങളോളം കാത്തിരിക്കേണ്ടിവരുന്ന അവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കിൽ അത് പരിഹരിക്കുന്നതിന് എന്ത് നടപടികളാണ് സ്വീകരിക്കാന്‍ ഉദ്ദേശിക്കുന്നത് ;വിശദമാക്കാമോ?

കോട്ടയ്ക്കല്‍ മണ്ഡലത്തിലെ പി.എച്ച്.സി, സി.എച്ച്.സി കളെ അപ്ഗ്രേഡു ചെയ്യുന്നത്

1901.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയ്ക്കല്‍ മണ്ഡലത്തിലെ പി.എച്ച്.സി, സി.എച്ച്.സി കളെ അപ്ഗ്രേഡു ചെയ്യുന്നത് സംബന്ധിച്ച് നിലവിലുള്ള ഫയലിന്റെ മുഴുവന്‍ വിവരങ്ങളും ലഭ്യമാക്കുമോ;

(ബി)	പി.എച്ച്.സി കളെ അപ്ഗ്രേഡു ചെയ്യുവാന്‍ തീരുമാനിച്ചിട്ടുണ്ടോ; ഇതിന്റെ അടിസ്ഥാനത്തില്‍ കോട്ടക്കല്‍ മണ്ഡലത്തിലെ ഏതെല്ലാം പി.എച്ച്.സികളെ അപ്ഗ്രേഡു ചെയ്യുവാനുള്ള നടപടികള്‍ ആരോഗ്യവകുപ്പ് ഡയറക്ടര്‍ സ്വീകരിച്ചിട്ടുണ്ട്;

(സി)	ജില്ല മെഡിക്കല്‍ ഓഫീസറുടെ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

(ഡി)	പി.എച്ച്.സി കളെ സി.എച്ച്.സികളാക്കി മാറ്റുവാനുള്ള നടപടി സ്വീകരിക്കുമോ;

(ഇ)	സെക്രട്ടറിയേറ്റില്‍ ഇത് സംബന്ധിച്ചുള്ള ഫയലുകളുടെ വിശദ വിവരവും ഫയല്‍ നമ്പരുകളും ലഭ്യമാക്കുമോ ?

ആശുപത്രികളില്‍ ട്രോമാ കെയര്‍ യൂണിറ്റ് സ്ഥാപിക്കുന്നതിനുളള പദ്ധതി

1902.

(എ)	സംസ്ഥാനത്തെ ഏതെല്ലാം ആശുപത്രികളിലാണ് ട്രോമാ കെയര്‍ യൂണിറ്റ് സ്ഥാപിക്കുന്നതിന് പദ്ധതിയിട്ടിട്ടുള്ളത് ; ഇതിനാവശ്യമായ ചെലവിന്റെ എത്ര ശതമാനം കേന്ദ്ര ഗവണ്‍മെന്റ് ഏറ്റെടുക്കുമെന്ന് വ്യക്തമാക്കാമോ ;

(ബി)	ട്രോമാ കെയര്‍ അനുവദിച്ച ആശുപത്രികളെ തെരഞ്ഞെടുത്തതിന്റെ മാനദണ്ഡം എന്താണ് ;

(സി)	കരുനാഗപ്പള്ളി താലൂക്ക് ഹെഡ് ക്വാര്‍ട്ടേഴ്‍സ് ആശുപത്രിയില്‍ ട്രോമാ കെയര്‍ യൂണിറ്റ് അനുവദിക്കുന്നതിന് നടപടി സ്വീകരിക്കുമോ?

പച്ചക്കറികളിലെ വിഷാംശം കണ്ടെത്തുന്നതിനുള്ള പരിശോധനകള്‍

T 1903.

(എ)	സംസ്ഥാനത്ത് ലഭിക്കുന്ന പച്ചക്കറികളില്‍ വിഷാംശം ഉള്ളതായി ഏതെങ്കിലും പഠനങ്ങളില്‍ കണ്ടെത്തിയിട്ടുണ്ടോ; ഈ വിഷയത്തില്‍ എന്തെങ്കിലും പഠനം നടത്തിയിട്ടുണ്ടോ; ഇല്ലെങ്കില്‍ നടപടി സ്വീകരിക്കുമോ;

(ബി)	ചെക്ക് പോസ്റ്റിനോടനുബന്ധിച്ച് ഇതിനുള്ള ലാബുകള്‍ തയ്യാറാക്കുവാന്‍ നടപടികള്‍ സ്വീകരിക്കുമോ;

(സി)	സഞ്ചരിക്കുന്ന ലാബുകള്‍ നിലവില്‍ എത്രയെണ്ണം ഉണ്ട്; അപ്രകാരമുള്ള പരിശോധനകളിൽ നിന്നും ലഭിച്ച റിപ്പോര്‍ട്ട് ലഭ്യമാക്കുമോ;

(ഡി)	ഏതെല്ലാം വിഷാംശങ്ങളാണ് ഇത്തരം പരിശോധനകളിൽ നിന്നും കണ്ടെത്തിയത്; വ്യക്തമാക്കുമോ ?

പകര്‍ച്ചവ്യാധി മരണങ്ങള്‍

1904.

(എ)	സംസ്ഥാനത്ത് പനിയും മറ്റ് പകര്‍ച്ചവ്യാധികളും മൂലം 2017 ജൂലൈ 31 വരെ എത്ര മരണങ്ങളാണ് സംഭവിച്ചിട്ടുള്ളതെന്ന് (സ്ഥിരീകരിച്ചിട്ടുള്ളത്/സംശയിക്കുന്നത്) വിശദമാക്കാമോ;

(ബി)	കേന്ദ്രസര്‍ക്കാരിന്റെ വ്യക്തമായ മുന്നറിയിപ്പുണ്ടായിട്ടും എച്ച്1എന്‍1, ഡെങ്കി തുടങ്ങിയ പകര്‍ച്ചപ്പനികള്‍ തടയാന്‍ കഴിയാത്തത് എന്തുകൊണ്ടാണെന്ന് പരിശോധിച്ചിട്ടുണ്ടോ; വിശദമാക്കാമോ?

അട്ടപ്പാടിയിലെ നവജാതശിശുക്കളുടെ മരണം

1905.

(എ)	ഈ സര്‍ക്കാര്‍ അധികാരത്തില്‍ വന്ന ശേഷം അട്ടപ്പാടി മേഖലയില്‍ എത്ര നവജാതശിശുക്കൾ മരണപ്പെട്ടെന്നും ഇതിനുള്ള കാരണങ്ങൾ എന്താണെന്നും വിശദമാക്കാമോ;

(ബി)	ഇക്കാര്യത്തില്‍ എന്തെല്ലാം പരിഹാര നടപടികളാണ് നടപ്പിലാക്കുവാന്‍ ഉദ്ദേശിക്കുന്നതെന്നു വിശദമാക്കാമോ?

ആഹാരസാധനങ്ങളിലെ വിഷാംശം കണ്ടെത്തുന്നതിനുള്ള നടപടികള്‍

1906.

(എ)	ബേക്കറികളിലും മറ്റ് സ്റ്റോറുകളിലും പ്ലാസ്റ്റിക് കവറുകളിൽ ലഭ്യമാകുന്ന ആഹാരസാധനങ്ങളില്‍ വിഷാംശത്തിന്റെ അളവ് ഉളളതായി കണ്ടെത്തിയിട്ടുണ്ടോ; എങ്കില്‍ ഏത് വിഷാംശമാണ് ബേക്കറി സാധനങ്ങളില്‍ കാണുന്നത്;

(ബി)	പ്രസ്തുത ഭക്ഷണ പദാര്‍ത്ഥങ്ങളില്‍ മായം കലര്‍ന്നതും മാരകമായ രോഗങ്ങള്‍ക്ക് കാരണമാകുന്നതുമായ രാസപദാര്‍ത്ഥങ്ങള്‍ കണ്ടതായുള്ള ചില മാധ്യമ റിപ്പോര്‍ട്ടുകള്‍ പരിശോധിച്ചിട്ടുണ്ടോ; വ്യക്തമാക്കുമോ;

(സി)	ഭക്ഷ്യ സുരക്ഷാ കമ്മീഷണറേറ്റിന്റെ നേതൃത്വത്തില്‍ നടക്കുന്ന പരിശോധനയില്‍ ഇത്തരത്തിൽ കണ്ടെത്തിയ സ്ഥാപനങ്ങളുടെ പേര് വിവരം ലഭ്യമാക്കുമോ;

(ഡി)	പ്രസ്തുത സ്ഥാപനങ്ങളുടെ ലൈസന്‍സ് റദ്ദ് ചെയ്യുവാന്‍ നിലവില്‍ നിയമമുണ്ടോ;വ്യക്തമാക്കുമോ;

(ഇ)	ഭക്ഷണപദാര്‍ത്ഥങ്ങള്‍ നിര്‍മ്മിക്കുന്നതും വില്‍ക്കുന്നതുമായ സ്ഥാപനങ്ങള്‍ക്ക് നിലവില്‍ ആരാണ് ലൈസന്‍സ് നല്‍കുന്നത് ; ഭക്ഷ്യ സുരക്ഷാ കമ്മീഷണറുടെ സര്‍ട്ടിഫിക്കറ്റ് വാങ്ങണമെന്നുളള നിര്‍ദ്ദേശം സ്ഥാപനങ്ങള്‍ക്കും നല്‍കുമോ;വ്യക്തമാക്കുമോ ?

അട്ടപ്പാടിയില്‍ ശിശുമരണങ്ങള്‍

1907.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം അട്ടപ്പാടിയില്‍ എത്ര ശിശുമരണങ്ങള്‍ റിപ്പോര്‍ട്ട് ചെയ്തിട്ടുണ്ട്;

(ബി)	2017 മേയ് മാസത്തില്‍ മാത്രം അഞ്ച് ശിശുമരണങ്ങള്‍ ഉണ്ടായ സാഹചര്യം വിലയിരുത്തിയിട്ടുണ്ടോ;

(സി)	പ്രസ്തുത മേഖലയില്‍ ആരോഗ്യ വകുപ്പിന്റെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിനും ശിശുമരണം ഇല്ലാതാക്കുന്നതിനും നടപടി സ്വീകരിക്കുമോ?

ആരോഗ്യവകുപ്പിലെ സ്റ്റാന്‍ഡഡൈസേഷന്‍ പദ്ധതി

1908.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യവകുപ്പിലെ വിവിധ വിഭാഗം സ്ഥാപനങ്ങളില്‍ നിശ്ചിത സൗകര്യങ്ങളോടെ പ്രവര്‍ത്തനങ്ങള്‍ ക്രമീകരിക്കാനായി തയ്യാറാക്കിയിട്ടുള്ള സ്റ്റാന്‍ഡഡൈസേഷന്‍ പദ്ധതിയിലൂടെ എന്തെല്ലാം കാര്യങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് വിശദമാക്കാമോ ;

(ബി)	എറണാകുളം ജില്ലയിലെ ഏതെല്ലാം ആശുപത്രികളെയാണ് ഈ പദ്ധതിയില്‍ ഉള്‍പ്പടുത്തിയിട്ടുള്ളതെന്നും ഇവിടെ നടപ്പിലാക്കാന്‍ ഉദ്ദേശിക്കുന്ന പ്രവര്‍ത്തനങ്ങള്‍ എന്തെല്ലാമാണ് ; വ്യക്തമാക്കാമോ ?

വട്ടിയൂര്‍ക്കാവ് പ്രൈമറി ഹെല്‍ത്ത് സെന്റര്‍

1909.

(എ)	അക്രഡിറ്റേഷന്‍ പ്രോഗ്രാമിന്റെ അടിസ്ഥാനത്തില്‍ വട്ടിയൂര്‍ക്കാവ് പ്രൈമറി ഹെല്‍ത്ത് സെന്ററില്‍ എന്തൊക്കെ സേവനങ്ങളാണ് രോഗികള്‍ക്ക് ലഭിച്ചുവരുന്നത്;

(ബി)	വട്ടിയൂര്‍ക്കാവ് പ്രൈമറി ഹെല്‍ത്ത് സെന്ററിനെ കേരള അക്രഡിറ്റേഷന്‍ സ്റ്റാന്‍ഡേര്‍ഡ് ഹോസ്പിറ്റല്‍ പട്ടികയില്‍ ഉള്‍പ്പെടുത്തിയിട്ടുണ്ടോ;എങ്കില്‍ ആയതിന്റെ അടിസ്ഥാനത്തില്‍ ഇവിടെ എന്തൊക്കെ അടിസ്ഥാന സൗകര്യങ്ങളാണ് ഏര്‍പ്പെടുത്തിയിട്ടുളളതെന്ന് വ്യക്തമാക്കുമോ?

രക്തപരിശോധനയ്ക്ക് അന്യായമായ ഫീസ്

1910.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പനി മരണങ്ങള്‍ വ്യാപകമായ അവസരത്തില്‍ പല സ്വകാര്യ ലാബുകളും രക്തപരിശോധനയ്ക്ക് അന്യായമായ ഫീസ് ഈടാക്കിയെന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	അനിയന്ത്രിതമായ ഫീസ് ഈടാക്കുന്ന സ്വകാര്യ ലാബുകള്‍ക്കെതിരെ കര്‍ശന നടപടി സ്വീകരിക്കുവാന്‍ കഴിയാത്തത് എന്തുകൊണ്ടാണ്;

(സി)	സ്വകാര്യ ലാബുകളെ നിയന്ത്രിക്കുന്നതിനായി കൊണ്ടുവരുമെന്ന് പ്രഖ്യാപിച്ചിരുന്ന ക്ലിനിക്കല്‍ എസ്റ്റാബ്ലിഷ്‍മെന്റ് ബില്‍ നിയമസഭയുടെ നടപ്പ് സമ്മേളനത്തില്‍ അവതരിപ്പിക്കുവാന്‍ നടപടി സ്വീകരിക്കുമോ?

ഇറച്ചിക്കോഴികളില്‍ വൈറസ് ബാധ

1911.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തമിഴ്‍നാട്ടില്‍ നിന്നും കൊണ്ടുവരുന്ന ഇറച്ചിക്കോഴികളില്‍ വൈറസ് ബാധ സ്ഥിതീകരിച്ച് മാധ്യമങ്ങളിൽ പ്രചരിക്കുന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ ; ഇതു സംബന്ധിച്ചുള്ള വിവരങ്ങള്‍ നല്‍കാമോ;

(ബി)	ഇത്തരം ഇറച്ചിക്കോഴികളുടെ ഗുണനിലവാരം ഉറപ്പുവരുത്തുന്നതിനും രോഗബാധയില്ലെന്ന് ഉറപ്പ് വരത്തുന്നതിനം എന്തൊക്കെ നടപടികളാണ് സ്വീകരിച്ചിട്ടുള്ളതെന്നു വിശദമാക്കാമോ ;

(സി)	അന്യ സംസ്ഥാനങ്ങളില്‍ നിന്നും കൊണ്ടുവരുന്ന ഉല്‍പന്നങ്ങളുടെ ഗുണനിലവാരം പരിശോധിച്ച് പൊതുജനാരോഗ്യം ഉറപ്പുവരുത്തുന്നതിന് സ്വീകരിച്ചിരിക്കുന്ന നടപടികള്‍ എന്തൊക്കെയാണെന്ന് അറിയിക്കാമോ?

രാസപദാര്‍ത്ഥങ്ങള്‍ ചേര്‍ത്ത മത്സ്യവില്‍പ്പന തടയാന്‍ നടപടി

1912.

(എ)	ഹാനികരമായ രാസപദാര്‍ത്ഥങ്ങള്‍ ചേര്‍ത്ത മത്സ്യങ്ങള്‍ വിപണിയില്‍ വില്‍ക്കുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം മത്സ്യവില്‍പ്പന തടയാന്‍ എന്തൊക്കെ നടപടികളാണ് സ്വീകരിച്ചിട്ടുളളത്;

(സി)	ഇക്കാര്യത്തില്‍ സര്‍ക്കാരിന്റെ ഭാഗത്ത് നിന്ന് വീഴ്ചയുണ്ടായിട്ടുണ്ടെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ?

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ്II തസ്തികയിലെ ഒഴിവുകള്‍

1913.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II തസ്തികയില്‍ നിലവിലുള്ള ഒഴിവുകളുടെ എണ്ണം ജില്ലതിരിച്ച് വ്യക്തമാക്കുമോ; ഇതിനകം എത്ര ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ട് ;

(ബി)	എത്ര പേര്‍ക്ക് നിയമന ശുപാര്‍ശ നല്‍കിയിട്ടുണ്ട്; ജില്ലതിരിച്ചുള്ള കണക്കുകള്‍ വെളിപ്പെടുത്തുമോ;

(സി)	ഓരോ ജില്ലയിലും അംഗപരിമിതര്‍ക്ക് (പി .എഛ്) വേണ്ടി എത്ര തസ്തികകള്‍ മാറ്റിവെച്ചിട്ടുണ്ട്;

(ഡി)	ഹെല്‍ത്ത് ഇന്‍സ്പെക്ടര്‍ കോഴ്സിനു ചേരാന്‍ അംഗപരിമിതര്‍ക്ക് എന്തെങ്കിലും തടസ്സങ്ങളുണ്ടോ; എങ്കില്‍ അവര്‍ക്ക് ജൂനിയര്‍ ഹെല്‍ത്ത് ഇന്‍സ്പെക്ടര്‍ നിയമനത്തില്‍ പ്രത്യേക സംവരണം ഏര്‍പ്പെടുത്തേണ്ടതുണ്ടോ; വിശദാംശം നല്‍കുമോ ?

കേരള അക്രഡിറ്റേഷന്‍ സ്റ്റാന്‍ഡാര്‍ഡ്സ് ഫോര്‍ ഹോസ്പിറ്റല്‍ (KASH) പദ്ധതി

1914.

(എ)	തൃശ്ശൂര്‍ ജില്ലയില്‍ കേരള അക്രഡിറ്റേഷന്‍ സ്റ്റാന്‍ഡാര്‍ഡ്സ് ഫോര്‍ ഹോസ്പിറ്റല്‍ (KASH) പദ്ധതിയില്‍ തെരഞ്ഞെടുത്ത പ്രാഥമികാരോഗ്യ കേന്ദ്രം ഏതാണെന്ന് അറിയിക്കാമോ;

(ബി)	പ്രസ്തുത പി.എച്ച്.സി.യില്‍ നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണെന്ന് വിശദമാക്കാമോ?

ദേശീയ കുടുംബ ക്ഷേമ പദ്ധതി

1915.

(എ)	ദേശീയ കുടുംബ ക്ഷേമ പദ്ധതി (എന്‍.എഫ്.ബി.എസ്) കുന്നത്തൂര്‍ താലൂക്കില്‍ ഏത് വര്‍ഷം ഏത് മാസം വരെ വിതരണം ചെയ്തിട്ടുണ്ടു;

(ബി)	പ്രസ്തുത പദ്ധതി വര്‍ഷങ്ങളായി മുടങ്ങിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കാന്‍ എന്തു നടപടികളാണ് സ്വീകരിച്ചിട്ടുള്ളത്;

(സി)	പ്രസ്തുത പദ്ധതിയില്‍ കുന്നത്തൂര്‍ താലൂക്കിന് അനുവദിച്ച തുക വിതരണം ചെയ്യാനുള്ള അപേക്ഷകരുടെ പേര് വിവരം വ്യക്തമാക്കുമോ?

എം.ബി.ബി.എസ്, ബി.ഡി.എസ് കോഴ്സുകള്‍ക്കുള്ള അലോട്ട്മെന്റുകള്‍

1916.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സ്വാശ്രയ മെഡിക്കല്‍ കോളേജുകളില്‍ എം.ബി.ബി.എസ്, ബി.ഡി.എസ് കോഴ്സുകള്‍ക്ക്ഈ വര്‍ഷം എത്ര അലോട്ട്മെന്റുകളാണ് നടത്തുവാന്‍ നിശ്ചയിച്ചിട്ടുള്ളത്;

(ബി)	അലോട്ട്മെന്റിന് ശേഷമുള്ള ഒഴിവുകളിലേക്ക് വിദ്യാര്‍ത്ഥികൾക്ക് പ്രവേശനം നൽകുന്നത് സര്‍ക്കാരാണോ അതോ സ്വാശ്രയ മനേജുമെന്റുകളാണോ ; വ്യക്തമാക്കാമോ ;

(സി)	സുപ്രീംകോടതി വിധി അനുസരിച്ച് അലോട്ട്മെന്റിന് ശേഷമുള്ള ഒഴിവുകളുടെ 10 ഇരട്ടി വിദ്യാര്‍ത്ഥികളുടെ പട്ടിക മാനേജുമെന്റുകള്‍ക്ക് പ്രവേശന കമ്മീഷണര്‍ കൈമാറേണ്ടതുണ്ടോ;

(ഡി)	ഇതു സംബന്ധിച്ച് സര്‍ക്കാരും സ്വകാര്യ മാനേജുമെന്റുകളും തമ്മില്‍ എന്തെങ്കിലും അഭിപ്രായവ്യത്യാസം ഉണ്ടായിട്ടുണ്ടോ;

(ഇ)	സ്വാശ്രയ കോളേജുകളിലെ അഡ്മിഷന് രണ്ട് അലോട്ട്മെന്റുകള്‍ നടത്തി വിദ്യാര്‍ത്ഥികള്‍ക്ക് പരമാവധി സീറ്റില്‍ പ്രവേശനം നല്‍കാതെ മാനേജുമെന്റുകള്‍ക്ക് സഹായകമായ നിലപാട് എടുത്തത് ഏത് സാഹചര്യത്തിലാണെന്ന് വ്യക്തമാക്കാമോ?

എം.ബി.ബി.എസ്., ബി.ഡി.എസ് പ്രവേശനത്തിന് ഏകീകൃത ഫീസ്

1917.

(എ)	എം.ബി.ബി.എസ്./, ബി.ഡി.എസ് പ്രവേശനത്തിന് കഴിഞ്ഞ വർഷത്തെ ഫീസ് ഘടനയിൽ എത്ര സ്വാശ്രയ മാനേജ്‍മെന്റുകള്‍ സർക്കാരുമായി കരാർ ഒപ്പു വയ്ക്കുകയോ , സന്നദ്ധത പ്രകടിപ്പിക്കുകയോ ചെയ്തിടുണ്ട് ; ഏതൊക്കെ കോളേജുകളാണ് ;വിശദമാക്കുമോ ;

(ബി)	നാലുതരം ഫീസ് ഈടാക്കുവാൻ സമ്മതിച്ച 100 സീറ്റുള്ള ഒരു മെഡിക്കൽ കോളേജിന് പ്രതിവർഷം എത്ര കോടി രൂപയാണ് ഫീസിനത്തിൽ ലഭിക്കുന്നത് ;

(സി)	അതുപ്രകാരം രാജേന്ദ്രബാബു കമ്മീഷന്‍ നിശ്ചയിച്ച ഏകീകൃത ഫീസ് നടപ്പിലാക്കായാല്‍ ലഭിക്കുന്നതിനേക്കാള്‍ കൂടുതല്‍ തുക പ്രസ്തുത മാനേജ്‍മെന്റുകള്‍ക്ക് ലഭിക്കുകയില്ലേ;

(ഡി)	ഏകീകൃത ഫീസ് നടപ്പിലാക്കുന്നതിനെതിരെ സ്വാശ്രയ മാനേജ്‍മെന്റുകള്‍ സുപ്രീം കോടതിയെ സമീച്ചിട്ടുണ്ടോ; എത്ര ലക്ഷം രൂപ ഫീസ് ഈടാക്കുവാന്‍ അനുവദിക്കണമെന്നാണ് പ്രസ്തുത മാനേജ്‍മെന്റുകള്‍ ആവശ്യപ്പെട്ടിട്ടുള്ളത്;

(ഇ)

സര്‍ക്കാരുമായി നടത്തിയ ആദ്യഘട്ട ചര്‍ച്ചയില്‍ മുന്‍വര്‍ഷത്തെ ഫീസ് നടപ്പിലാക്കുന്നതില്‍ വിയോജിപ്പ് പ്രകടിപ്പിച്ച സ്വാശ്രയ മാനേജ്‍മെന്റുകള്‍ രാജേന്ദ്രബാബു കമ്മിറ്റി ഏകീകൃത ഫീസ് നിശ്ചയിച്ച ശേഷം മുന്‍വര്‍ഷത്തെ ഫീസ് ഈടാക്കിക്കൊണ്ട് അഡ്മിഷന് തയ്യാറായത് എന്തുകൊണ്ടാണെന്ന് പരിശോധിച്ചിട്ടുണ്ടോ; വ്യക്തമാക്കാമോ?

പരിയാരം സഹകരണ മെഡിക്കല്‍ കോളേജിലെ എം.ബി.ബി.എസ് പ്രവേശനം

T 1918.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പരിയാരം സഹകരണ മെഡിക്കല്‍ കോളേജില്‍ ഈ വര്‍ഷത്തെ എം.ബി.ബി.എസ്. പ്രവേശനത്തിന് കോളേജ് മാനേജുമെന്റ് സര്‍ക്കാരുമായി കരാര്‍ ഒപ്പുവച്ചിട്ടുണ്ടോ; എങ്കില്‍ വിശദാംശങ്ങൾ നല്‍കാമോ;

(ബി)	സ്വാശ്രയ മാനേജ്‍മെന്റുകള്‍ 20 ശതമാനം സീറ്റില്‍ 25,000/- രൂപ ഫീസ് ഈടാക്കി ബി.പി.എല്‍, എസ്.ഇ.ബി.സി. വിഭാഗത്തില്‍പ്പെട്ട വിദ്യാര്‍ത്ഥികള്‍‍ക്ക് പ്രവേശനം നല്‍കുമ്പോള്‍ പരിയാരം കോളേജില്‍ പ്രസ്തുത വിഭാഗത്തില്‍ നിന്നും 40,000/- രൂപ ഫീസായി ഈടാക്കുന്നതിന് അനുമതി നല്‍കുിയിട്ടുണ്ടോ;

(സി)	സമര്‍ത്ഥരായ പാവപ്പെട്ട വിദ്യാര്‍ത്ഥികള്‍ക്ക് കുറഞ്ഞ ഫീസില്‍ പഠിക്കുവാനുള്ള സാഹചര്യമൊരുക്കേണ്ട സഹകരണ സ്ഥാപനം തന്നെ അന്യായമായ ഫീസ് ഈടാക്കുന്ന നടപടി സാമൂഹ്യ നീതി ഉറപ്പാക്കുന്നതിന് എപ്രകാരം സഹായകരമാകും എന്ന് വെളിപ്പെടുത്തുമോ?

സർക്കാർ മെഡിക്കല്‍കോളേജുകളില്‍ ആവശ്യത്തിന് അധ്യാപകരില്ലാത്ത അവസ്ഥ

1919.

ശ്രീ.പാറക്കല്‍ അബ്ദുല്ല
,, ടി. വി. ഇബ്രാഹിം
,, എം.ഉമ്മര്‍
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സർക്കാർ മെഡിക്കല്‍കോളേജുകളില്‍ ആവശ്യത്തിന് അധ്യാപകരില്ലാത്ത അവസ്ഥ ശ്രദ്ധയില്‍പെട്ടിട്ടുണ്ടോ;

(ബി)	ഇതു പരിഹരിക്കാന്‍ നാളിതുവരെ സ്വീകരിച്ച നടപടികള്‍ വ്യക്തമാക്കുമോ;

(സി)	മഞ്ചേരി മെഡിക്കല്‍ കോളേജിലെ എല്ലാ വകുപ്പുകളിലും ആവശ്യത്തിന് അധ്യാപകരെ നിയമിച്ചിട്ടുണ്ടോ;

(ഡി)	ഇല്ലെങ്കില്‍ അധ്യാപകരെ ഉടന്‍ നിയമിക്കുന്നതിന് നടപടി സ്വീകരിക്കുമോ?

ഫാര്‍മസി കോളേജുകളുടെ പി.സി.ഐ അംഗീകാരം

1920.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിക്കുന്ന ഭൂരിഭാഗം ഫാര്‍മസി കോളേജുകള്‍ക്കും പി.സി.ഐ അംഗീകാരമില്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പല കോളേജുകള്‍ക്കും മുമ്പ് ലഭിച്ച അംഗീകാരത്തിന്റെ പിന്‍ബലത്തിലാണ് ഇപ്പോഴും പ്രവേശനം നടത്തുന്നതെന്ന കാര്യം പരിശോധിക്കുകയുണ്ടായോ;

(സി)	കോഴ്സ് ആരംഭിച്ചതിനുശേഷം പരിശോധന നടത്തുമ്പോള്‍ അംഗീകാരം പുതുക്കി ലഭിച്ചില്ലെങ്കില്‍ ഇത്തരം സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികളുടെ ഭാവി അപകടത്തിലാകുമെന്നകാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	പരിശോധനയില്‍ അംഗീകാരം റദ്ദായാല്‍ പാഴാകുന്നത് വിദ്യാര്‍ത്ഥികളുടെ നാലു വര്‍ഷവും ഫീസിനത്തില്‍ അവര്‍ നല്‍കിയ ലക്ഷങ്ങളുമാണെന്ന വസ്തുത പരിശോധിക്കുകയുണ്ടായോ ;

(ഇ)	പി.സി.ഐ പരിശോധന സമയബന്ധിതമായി നടത്തുന്നതിനും അംഗീകാരമുളള സ്ഥാപനങ്ങള്‍ മാത്രം പ്രവര്‍ത്തിപ്പിക്കുന്നതിനും സര്‍ക്കാര്‍ തലത്തില്‍ എന്തൊക്കെ നടപടികള്‍ കൈക്കൊളളും ; വിശദാംശങ്ങള്‍ നല്‍കുമോ ?

മെഡിക്കല്‍ പ്രവേശന രംഗത്തെ അനിശ്ചിതാവസ്ഥ

1921.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ വര്‍ഷം വിദ്യാര്‍ത്ഥികള്‍ക്ക് പ്രവേശനം അനുവദിച്ച 5 സ്വകാര്യ മെഡിക്കല്‍ കോളേജ് ഉള്‍പ്പെടെ 6 മെഡിക്കല്‍ കോളേജുകള്‍ക്ക് 2017-18 അദ്ധ്യയന വര്‍ഷം മെഡിക്കല്‍ കൗണ്‍സില്‍ പ്രവേശനാനുമതി നിഷേധിച്ചിട്ടുണ്ടോ എന്നറിയിക്കാമോ;

(ബി)	എങ്കില്‍ ഇക്കാരണത്താല്‍ 'നീറ്റ്'ല്‍ ഉയര്‍ന്ന റാങ്ക് നേടിയ എത്ര വിദ്യാര്‍ത്ഥികളുടെ എം.ബി.ബി.എസ് പ്രവേശനം ആണ് അനിശ്ചിതാവസ്ഥയിലാകുന്നതെന്ന് വ്യക്തമാക്കുമോ;

(സി)	മെഡിക്കല്‍ പ്രവേശന രംഗത്ത് ഈ വര്‍ഷം സര്‍ക്കാരും സ്വാശ്രയ മാനേജ്‍മെന്റുകളും ഉണ്ടാക്കിയിട്ടുള്ള ആശങ്ക സമര്‍ത്ഥരായ വിദ്യാര്‍ത്ഥികള്‍ സംസ്ഥാനത്തെ പഠനം ഉപേക്ഷിച്ച് അന്യസംസ്ഥാനങ്ങളില്‍ അഡ്മിഷന്‍തേടേണ്ട സാഹചര്യം ഉണ്ടാക്കിയിട്ടുണ്ടോ എന്ന് വ്യക്തമാക്കുമോ;

(ഡി)	തിരുവന്തപുരം,ഇടുക്കി ജില്ലകളില്‍ സര്‍ക്കാര്‍ ഉടമസ്ഥതതില്‍ ആരംഭിച്ച മെഡിക്കല്‍ കോളേജുകളില്‍ ഭൗതികസൗകര്യങ്ങൾ ഒരുക്കാത്തതുമൂലം സമര്‍ത്ഥരായ വിദ്യാര്‍ത്ഥികള്‍ക്കു കുറഞ്ഞ ഫീസില്‍ പഠിക്കുന്നതിനുള്ള അവസരം ഇല്ലാതായതായി കരുതുന്നുണ്ടോ?

മെഡിക്കല്‍ കൗണ്‍സില്‍ ഓഫ് ഇന്‍ഡ്യയുടെ പ്രവേശനാനുമതി നിഷേധം

1922.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എത്ര സ്വാശ്രയ മെഡിക്കല്‍ കേളേജുകള്‍ക്കാണ് മെഡിക്കല്‍ കൗണ്‍സില്‍ ഓഫ് ഇന്‍ഡ്യ പ്രവേശനാനുമതി നിഷേധിച്ചിട്ടുളളത്; അവയുടെ പേരുവിവരം വ്യക്തമാക്കുമോ;

(ബി)	പ്രവേശനാനുമതി നിഷേധിക്കാന്‍ എന്തൊക്കെ കാരണങ്ങളാണ് മെഡിക്കല്‍ കൗണ്‍സില്‍ ഓഫ് ഇന്‍ഡ്യ കണ്ടെത്തിയിട്ടുളളത്; വിശദാംശം വ്യക്തമാക്കുമോ ?

മെഡിക്കല്‍ വിദ്യാഭ്യാസവകുപ്പിലെ ഇരട്ട നിയന്ത്രണം

1923.

(എ)	മെഡിക്കല്‍ വിദ്യാഭ്യാസവകുപ്പിലെ ഇരട്ട നിയന്ത്രണം ഒഴിവാക്കല്‍ പ്രക്രിയ മുഖേന പ്രസ്തുത വകുപ്പിലേക്ക് ഓപ്ഷന്‍ നല്‍കിയ ജൂനിയര്‍ പബ്ലിക്ക് ഹെല്‍ത്ത് നഴ്സുമാരുടെ സാദ്ധ്യതാ ലിസ്റ്റ്, അന്തിമ ലിസ്റ്റ്, നിയമനം ലഭിച്ച വ്യക്തികളുടെ ഓപ്ഷന്‍ പകര്‍പ്പ് ഇവ സഹിതം വിശദാംശം വ്യക്തമാക്കുമോ;

(ബി)	ഈ നിയമനത്തില്‍ സംസ്ഥാന സീനിയോറിറ്റിയും സ്ഥാപന സീനിയോറിറ്റിയും മറികടന്ന് അര്‍ഹരല്ലാത്തവര്‍ കടന്നുകൂടിയത് പരിശോധിക്കാനും അനര്‍ഹരെ ആരോഗ്യ വകുപ്പിലേക്ക് തിരിച്ചയയ്ക്കാനും അര്‍ഹരെ നിയമിക്കാനും നടപടി സ്വീകരിക്കുമോ:

(സി)	കോട്ടയം മെഡിക്കല്‍ കോളെജില്‍ നിലവില്‍ പി.എച്ച്.എന്‍. തസ്തികയില്‍ പ്രവര്‍ത്തിക്കുന്നവര്‍ സീനിയോറിറ്റി പ്രകാരം ജെ.പി.എച്ച്.എന്‍.- മാരായാണോ മെഡിക്കല്‍ വിദ്യാഭ്യാസവകുപ്പില്‍ എത്തിയതെന്നത് പരിശോധിക്കാനും നടപടി സ്വീകരിക്കുമോ;

(ഡി)	ജൂനിയര്‍ ഹെല്‍ത്ത് ഇന്‍സ്പെക്ടര്‍മാരുടെ ഡി.എം.ഇ. നിയമനത്തിനുള്ള ഉത്തരവും സീനിയോറിറ്റി ലിസ്റ്റും റദ്ദാക്കി പുതിയ സീനിയോറിറ്റി ലിസ്റ്റും നിയമനവും നല്‍കിയ നടപടി ജൂനിയര്‍ പബ്ലിക്ക് ഹെല്‍ത്ത് നേഴ്സുമാരുടെ കാര്യത്തിലും നടപ്പിലാക്കാന്‍ നടപടി സ്വീകരിക്കുമോ;

(ഇ)	ഡി.എം.ഇ.യില്‍ നിയമനം നേടിയ ജെ.പി.എച്ച് നേഴ്സുമാര്‍ക്ക് ആരോഗ്യവകുപ്പില്‍ ഉണ്ടായിരുന്ന അടിസ്ഥാന സീനിയോറിറ്റി മറികടന്ന് പി.എച്ച്.എന്‍. ട്രെയിനിംഗിനെ തുടര്‍ന്ന് ലഭ്യമാക്കിയ സ്ഥാനക്കയറ്റം ചട്ടപ്രകാരമാണോ എന്ന് പരിശോധിക്കാനും അനര്‍ഹമാണെങ്കില്‍ റദ്ദാക്കുന്നതിനും അടിയന്തരമായി നടപടി സ്വീകരിക്കുമോ?

സംസ്ഥാനത്ത്'എയിംസ്

1924.

ശ്രീ.വി.എസ്.ശിവകുമാര്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത്'എയിംസ്' അനുവദിക്കുന്നത് സംബന്ധിച്ച് 2014 മാര്‍ച്ചില്‍ കേന്ദ്രസര്‍ക്കാര്‍ ഉറപ്പ് നല്‍കിയിരുന്നോ;

(ബി)	പ്രസ്തുത സ്ഥാപനം തുടങ്ങുന്നതിന് ഇതിനകം സ്വീകരിച്ച നടപടികള്‍ എന്തൊക്കെയാണ്;

(സി)	എയിംസ് പ്രഖ്യാപിച്ച ശേഷം അസാം തുടങ്ങിയ സംസ്ഥാനങ്ങളില്‍ പോലും എയിംസ് അനുവദിച്ചപ്പോള്‍ കേരളത്തില്‍ ഇതുവരെ അനുവദിക്കാത്തതിന്റെ കാരണം എന്താണ്;

(ഡി)	സംസ്ഥാനത്ത് എയിംസ് തുടങ്ങുന്നതിനായി കണ്ടെത്തി കേന്ദ്രത്തെ അറിയിച്ച സ്ഥലം ഏതാണ്;

(ഇ)	പ്രധാനമന്ത്രിയുമായുള്ള മുഖ്യമന്ത്രിയുടെ കൂടിക്കാഴ്ചയില്‍ എയിംസ് അനുവദിക്കുന്നത് സംബന്ധിച്ച് എന്തെങ്കിലും ഉറപ്പ് ലഭിച്ചിട്ടുണ്ടോ?

ഗവ.ആയുര്‍വേദ കോളേജിൽ പഞ്ചകര്‍മ്മ ചികിത്സ

1925.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തിലെ പൂജപ്പുരയിലുള്ള ഗവ.ആയുര്‍വേദ കോളേജിനെ ലോകോത്തര നിലവാരത്തിലേക്ക് ഉയര്‍ത്തുന്നതിനുവേണ്ട നടപടികള്‍ സ്വീകരിക്കുമോ ; ഇതിനു വേണ്ട വിശദമായ പ്രോജക്ട് തയ്യാറാക്കാമോ;

(ബി)	ഇതിനായി അടുത്ത സാമ്പത്തിക വര്‍ഷം തുക വകയിരുത്തുമോ;

(സി)	നിശ്ചിത വരുമാനത്തിൽ താഴെയുള്ളവർക്ക് സൗജന്യ പഞ്ചകര്‍മ്മ ചികിത്സ ഉറപ്പുവരുത്തുന്നതിനുള്ള നടപടികള്‍ സ്വീകരിക്കുമോ ?

ഡ്രഗ്സ് കണ്‍ട്രോള്‍ ഡിപ്പാര്‍ട്ട്മെന്റ്

1926.

(എ)	സംസ്ഥാന ഡ്രഗ്സ് കണ്‍ട്രോള്‍ ഡിപ്പാര്‍ട്ട്മെന്റിന് കീഴില്‍ എത്ര അസിസ്റ്റന്റ് ഡ്രഗ്സ് കണ്‍ട്രോളര്‍ ഓഫീസുകള്‍ പ്രവര്‍ത്തിക്കുന്നുണ്ട് ;

(ബി)	പ്രസ്തുത ഓഫീസുകള്‍ എവിടെയെല്ലാം പ്രവര്‍ത്തിക്കുന്നുവെന്നും ഓരോ ഓഫീസിനും കീഴില്‍ വരുന്ന ജില്ലകള്‍ ഏതെല്ലാമെന്നും അറിയിക്കാമോ;

(സി)	മലപ്പുറം, കോട്ടയം ജില്ലകളില്‍ അസിസ്റ്റന്റ് ഡ്രഗ്സ് കണ്‍ട്രോളര്‍മാരുടെ ഓഫീസുകള്‍ ആരംഭിക്കുന്നത് സംബന്ധിച്ച ശിപാര്‍ശ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനായീ സ്വീകരിച്ച നടപടിക്രമങ്ങള്‍ വിശദീകരിക്കാമോ;

(ഡി)	ഇല്ലെങ്കില്‍ ഏറ്റവും ജനസംഖ്യയുളള മലപ്പുറം ജില്ലയില്‍ ഇത്തരമൊരു ഓഫീസ് ആരംഭിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ ; വ്യക്തമാക്കാമോ ?

മരുന്നുകളുടെ ഗുണനിലവാരം

1927.

(എ)	സംസ്ഥാനത്ത് വിറ്റഴിക്കപ്പെടുന്ന മരുന്നുകളിലേറെയും ഗുണനിലവാരമില്ലാത്തവയാണെന്നും കൃത്യമായി ഗുണനിലവാരം പരിശോധിക്കാന്‍ മതിയായ സംവിധാനങ്ങളില്ലെന്നുമുളള ആക്ഷേപം ശ്രദ്ധയില്‍പെട്ടിട്ടുണ്ടോ;

(ബി)	സംസ്ഥാനത്ത് നിലവില്‍ എത്ര മെഡിക്കല്‍ സ്റ്റോറുകളുണ്ട്;അവയിലൂടെ വില്‍ക്കപ്പെടുന്ന എത്ര ശതമാനം മരുന്നുകളാണ് പരിശോധിക്കപ്പെടുന്നത്;

(സി)	മെഡിക്കല്‍ സ്റ്റോറുകളില്‍ കൃത്യമായ ഇടവേളകളില്‍ പരിശോധനകള്‍ നടത്താറുണ്ടോ;നടത്തിയ പരിശോധനയുടെ പൂര്‍ണ്ണവിവരം ജില്ലതിരിച്ച് ലഭ്യമാക്കുമോ;

(ഡി)	വിറ്റഴിക്കപ്പെടുന്ന മരുന്നുകള്‍ പരിശോധിക്കുന്നതിന് ഡ്രഗ്സ് കണ്‍ട്രോള്‍ വിഭാഗത്തില്‍ എന്തെല്ലാം സംവിധാനമാണ് നിലവിലുളളതെന്ന് വ്യക്തമാക്കുമോ;

(ഇ)	ഗുണനിലവാരമില്ലാത്ത മരുന്നുകള്‍ ജനങ്ങളുടെ ജീവന് ഭീഷണി ഉയര്‍ത്തുന്ന സാഹചര്യത്തിന് അടിയന്തിര പരിഹാരം കാണുന്നതിനും ഡ്രഗ്സ് കണ്‍ട്രോള്‍ വിഭാഗത്തിന്റെ പ്രവര്‍ത്തനം കാര്യക്ഷമമാക്കുന്നതിനും എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

സര്‍ക്കാരിന്റെ കീഴിലുള്ള മരുന്നുകടകളില്‍ ഒരേ മരുന്നിന് പല വില

1928.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ UDF സര്‍ക്കാര്‍ കാലയളവിലും തുടര്‍ന്നും സര്‍ക്കാരിന്റെ കീഴിലുള്ള മരുന്നുകടകളില്‍ ഒരേ മരുന്നിന് പല വില ഈടാക്കിവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതു തടയുവാനും മരുന്നു കമ്പനികളുമായി ചര്‍ച്ച നടത്തി വില നിശ്ചയിച്ച് ആ വില മാത്രം ഈടാക്കി ജനങ്ങള്‍ക്കു നല്‍കുന്ന ഒരു ഏകീകൃത സംഭരണ -വിതരണ -വിപണന നയം രൂപീകരിക്കാന്‍ എന്തു നടപടി സ്വീകരിക്കും എന്നു വ്യക്തമാക്കുമോ;

(സി)	കഴിഞ്ഞ സര്‍ക്കാര്‍ കാലയളവില്‍ ഇപ്രകാരം മരുന്നിന് /മെഡിക്കല്‍ ഉപകരണങ്ങള്‍ക്ക് ഇത്തരം സര്‍ക്കാര്‍ നിയമന്ത്രണത്തിലുള്ള സ്ഥാപനങ്ങള്‍ ഈടാക്കിവരുന്ന വില ഏകീകരിക്കാന്‍ 2012 ആഗസ്റ്റ് മാസം ഉത്തരവു നല്‍കിയശേഷം എന്തു തുടര്‍നടപടികളാണ് സ്വീകരിച്ചത് ;ഉത്തരവിന്റെ പകര്‍പ്പ് ലഭ്യമാക്കാമോ ;

(ഡി)	വ്യത്യസ്ത മാനേജ്‍മെന്റിന്റെ കീഴില്‍ പ്രവര്‍ത്തിക്കുന്ന ഇത്തരം സ്ഥാപനങ്ങളെ ഏകോപിപ്പിച്ച് ജനങ്ങള്‍ക്ക് വിലക്കുറവിലും ഒരേ വിലയിലും മരുന്നുകള്‍ നല്‍കുവാന്‍ ആരോഗ്യവകുപ്പ് എന്തു നടപടി സ്വീകരിക്കും എന്നു വ്യക്തമാക്കുമോ?

ഹോമിയോ മെഡിക്കല്‍ കോളേജുകളിലെ ലാബ് ടെക്നീഷ്യന്മാര്‍

1929.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഹോമിയോ മെഡിക്കല്‍ കോളേജുകളില്‍ നിലവില്‍ എത്ര ലാബ് ടെക്നീഷ്യന്മാരാണുള്ളതെന്ന് വ്യക്തമാക്കാമോ;

(ബി)	ഇവരുടെ സ്ഥലംമാറ്റത്തിന് പ്രത്യേകം മാനദണ്ഡം നിശ്ചയിച്ചിട്ടുണ്ടോ; എങ്കില്‍ വിശദമാക്കാമോ;

(സി)	നിലവിലുള്ള മാനദണ്ഡം ലംഘിച്ച് ഒരേ സ്ഥലത്ത് തന്നെ തുടരുന്ന ലാബ് ടെക്നീഷ്യന്‍മാരെ മാനദണ്ഡം അനുസരിച്ച് സ്ഥലം മാറ്റുമോ ?

ഹരിപ്പാട് ഹോമിയോ ഡിസ്പെന്‍സറി

1930.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഹരിപ്പാട് ഹോമിയോ ഡിസ്പെന്‍സറി വാടക കെട്ടിടത്തിലാണോ പ്രവര്‍ത്തിക്കുന്നത്;

(ബി)	പ്രസ്തുത കെട്ടിടത്തിന്റെ വാടക നല്‍കുന്നതുമായി ബന്ധപ്പെട്ട് എന്തെങ്കിലും പ്രശ്നങ്ങള്‍ നിലവിലുണ്ടോ; എങ്കിൽ ആയത് പരിഹരിച്ച് വാടക നല്‍കുന്നതിന് നടപടി സ്വീകരിക്കുമോ?

യോഗ,പ്രകൃതി ചികിത്സാ ആശുപത്രികളിലെ നിയമനം

1931.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ യോഗ പ്രകൃതി ചികിത്സാ ആശുപത്രികളില്‍ ജോലി നോക്കുന്നതിനായി കേന്ദ്രസര്‍ക്കാരിന്റെ ആയുഷ് വിഭാഗം നടത്തുന്ന കോഴ്സ് പാസായ ഉദ്യോഗാര്‍ത്ഥികള്‍ ഉണ്ടെങ്കിലും ഇവിടെ ആയുര്‍വേദ നേഴ്സുമാരാണ് ജോലി ചെയ്യുന്നത് എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)

ആയുര്‍വേദവും യോഗ,പ്രകൃതി ചികിത്സയും രണ്ടു തരം ചികിത്സാ രീതികളായതിനാല്‍ ,കേന്ദ്രസര്‍ക്കാരിന്റെ ആയുഷ് വിഭാഗം നടത്തുന്ന നഴ്സിംഗ് കോഴ്സായ ട്രീറ്റ്മെന്റ് അസിസ്റ്റന്റ് ട്രെയിനിംഗ് കോഴ്സ് (ടി.എ.ടി.സി) അംഗീകരിച്ച് പ്രസ്തുത കോഴ്സ് പാസ്സായവരെ യോഗ,പ്രകൃതി ചികിത്സാ ആശുപത്രികളില്‍ നിയമിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കില്‍ അതിനുള്ള നടപടികള്‍ സ്വീകരിക്കുമോ;

(സി)	കേരളത്തിലെ പ്രകൃതി ചികിത്സാ ആശുപത്രികളില്‍ ജോലി ചെയ്യുന്ന ഡോക്ടര്‍മാര്‍ കേരളത്തില്‍ പഠിച്ചവരാണോ; ഇവരുടെ പഠനകോഴ്സുകള്‍ സര്‍ക്കാര്‍ അംഗീകരിച്ചിട്ടുണ്ടോ?

പടന്നക്കാട് ആയുര്‍വേദ ആശുപത്രി

1932.

കാസര്‍ഗോഡ് ജില്ലയിലെ പടന്നക്കാട് പ്രവര്‍ത്തിക്കുന്ന ജില്ലാ ആയുര്‍വേദ ആശുപത്രി അപ്ഗ്രേഡ് ചെയ്ത് 100 ബെഡ്ഡുള്ള സ്ഥാപനമാക്കി മാറ്റുന്നതിനുള്ള നടപടികള്‍ സ്വീകരിക്കുമോ; ഈ സ്ഥാപനം അപ്ഗ്രേഡ് ചെയ്യുന്നതിന് എന്തെങ്കിലും തടസ്സം നിലവിലുണ്ടോ; വ്യക്തമാക്കാമോ ?

ഐ.സി.ഡി.എസ് സൂപ്പര്‍വെെസര്‍ റാങ്ക് ലിസ്റ്റ്

1933.

(എ)	ഇപ്പോള്‍ നിലവിലുള്ള ഐ.സി.ഡി.എസ് സൂപ്പര്‍വെെസര്‍ റാങ്ക് ലിസ്റ്റില്‍ നിന്നും എത്ര ഉദ്യോഗാര്‍ത്ഥികളെ നിയമിച്ചിട്ടുണ്ട്;

(ബി)	പ്രസ്തുത തസ്തികയില്‍ 31.07.2017-ാം തീയതിയിലെ ജനറല്‍ വിഭാഗത്തില്‍ നിലവിലെ ഫിസിക്കല്‍ കേഡര്‍ സ്ട്രെംഗ്ത് എത്രയാണെന്ന് വ്യക്തമാക്കുമോ;

(സി)	ഇൗ തസ്തികയില്‍ ജനറല്‍ വിഭാഗത്തില്‍ പി.എസ്.സി ക്ക് റിപ്പോര്‍ട്ട് ചെയ്യുവാനായി ഓരോ ജില്ലയിലും എത്ര ഒഴിവുകള്‍ വീതം ശേഷിക്കുന്നുവെന്ന് വിശദമാക്കുമോ?

കേരള സാമൂഹ്യ സുരക്ഷാ മിഷന്‍

1934.

(എ)

ഇൗ സര്‍ക്കാര്‍ അധികാരത്തില്‍ വന്നതിനു ശേഷം നാളിതുവരെ സാമൂഹ്യനീതി വകുപ്പ്, കേരള സാമൂഹ്യ സുരക്ഷാ മിഷന്‍ വഴി നടപ്പിലാക്കിവരുന്ന ആശ്വാസ കിരണം പദ്ധതി, കാന്‍സര്‍ സുരക്ഷ, താലോലം, ശ്രുതി തരംഗം, സ്നേഹസ്പര്‍ശം, വയോമിത്രം പദ്ധതി, ഹംഗര്‍ഫ്രീ സിറ്റി പദ്ധതി, സ്നേഹ സാന്ത്വനം പദ്ധതി, സമാശ്വാസം പദ്ധതി, സ്റ്റേറ്റ് ഇന്‍ഷിയേറ്റീവ് ഓണ്‍ ഡിസെബിലിറ്റീസ്, കാരുണ്യം ഡെപ്പോസിറ്റ് സ്കീം, പ്രത്യാശ വിവാഹ ധനസഹായ പദ്ധതി തുടങ്ങിയ പദ്ധതികളില്‍ ഉള്‍പ്പെടുത്തി ഓരോ പദ്ധതിയ്ക്കും എത്ര തുക വീതം വിതരണം ചെയ്തു എന്ന് വ്യക്തമാക്കാമോ;

(ബി)	പ്രസ്തുത പദ്ധതികളിലേയ്ക്ക് അപേക്ഷിക്കുന്നതിനുളള മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ?

ബഡ്സ് സ്കൂളുകള്‍

1935.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

ബഡ്സ് സ്കൂളുകള്‍ ആരംഭിക്കുന്നതിനുള്ള മാനദണ്ഡവും നടപടിക്രമങ്ങളും വിശദമാക്കാമോ; എല്ലാ പഞ്ചായത്തുകളിലും ബഡ്സ് സ്കൂളുകള്‍ ആരംഭിക്കുന്നതിന് നടപടി സ്വീകരിക്കുമോ?

ക്രെഷ് വര്‍ക്കര്‍മാരുടെ ഹോണറേറിയം

1936.

(എ)	രാജീവ് ഗാന്ധി ദേശീയ ക്രെഷ് പദ്ധതി പ്രകാരം സംസ്ഥാന ശിശുക്ഷേമ സമിതിയുടെ കീഴില്‍ പ്രവര്‍ത്തിച്ചു വരുന്ന ക്രെഷ് വര്‍ക്കര്‍മാര്‍ക്ക് ഇപ്പോള്‍ നല്‍കിവരുന്ന ഹോണറേറിയം എത്രയാണെന്ന് അറിയിക്കാമോ;

(ബി)	ക്രെഷ് വര്‍ക്കര്‍മാരുടെ ഹോണറേറിയം വര്‍ദ്ധിപ്പിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; എങ്കില്‍ ഏത് തീയതി മുതലാണ് വര്‍ദ്ധനയ്ക്ക് പ്രാബല്യം നല്‍കാന്‍ ഉദ്ദേശിക്കുന്നത്?

സാമൂഹ്യ നീതി വകുപ്പിന്റെ കീഴിലുള്ള ക്ഷേമപദ്ധതികള്‍

1937.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം സാമൂഹ്യനീതി വകുപ്പിന്റെ കീഴില്‍ ആവിഷ്കരിച്ചിട്ടുള്ള ക്ഷേമപദ്ധതികളുടെ വിശദാംശം ലഭ്യമാക്കുമോ?

സാമൂഹ്യ സുരക്ഷാ മിഷന്‍ വഴി വിതരണം ചെയ്തുവരുന്ന പെന്‍ഷന്‍

1938.

കിടപ്പുരോഗികള്‍ക്കും, ഗുരുതരമായ രോഗങ്ങള്‍ ബാധിച്ചവര്‍ക്കും സംസ്ഥാന സാമൂഹ്യ സുരക്ഷാ മിഷന്‍ വഴി വിതരണം ചെയ്തുവരുന്ന പെന്‍ഷന്‍ മുടങ്ങിക്കിടക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ; ആയത് സമയബന്ധിതമായി ലഭ്യമാക്കാന്‍ കാര്യക്ഷമമായ നടപടികള്‍ ഉണ്ടാകുമോ?

വയോമിത്രം പദ്ധതി

1939.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

വയോമിത്രം പദ്ധതിയിൽ ഉൾപ്പെടുന്നതിനുള്ള മാനദണ്ഡങ്ങളും നടപടിക്രമങ്ങളും വ്യക്തമാക്കുമോ?

ട്രാന്‍സ് ജെന്‍ഡര്‍ വിഭാഗക്കാരുടെ ക്ഷേമത്തിനായുള്ള പദ്ധതികള്‍

1940.

ശ്രീ.ബി.സത്യന്‍
,, എസ്.രാജേന്ദ്രന്‍
ശ്രീമതി.വീണാ ജോര്‍ജ്ജ്
ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ട്രാന്‍സ് ജെന്‍ഡര്‍ വിഭാഗക്കാരുടെ ക്ഷേമത്തിനായി എന്തെല്ലാം പദ്ധതികളാണ് ആവിഷ്കരിച്ചിട്ടുള്ളത്;

(ബി)	സംസ്ഥാനതലത്തിലും ജില്ലാതലത്തിലും ട്രാന്‍സ് ജെന്‍ഡര്‍ ബോര്‍ഡുകള്‍ രൂപീകരിച്ചിട്ടുണ്ടോ; എങ്കില്‍ ഇവയുടെ പ്രവര്‍ത്തനം വിശദമാക്കുമോ;

(സി)	ഈ വിഭാഗക്കാരുടെ ആരോഗ്യം, വിദ്യാഭ്യാസം എന്നിവയ്ക്കായി എന്തെല്ലാം സൗകര്യങ്ങളാണ് ഏര്‍പ്പെടുത്തിയിട്ടുള്ളത്;

(ഡി)	ഇവര്‍ക്കായി തൊഴില്‍ പരിശീലന പദ്ധതികള്‍ തയ്യാറാക്കിയിട്ടുണ്ടോ; വിശദാംശം നല്‍കുമോ?

അംഗന്‍വാടി വര്‍ക്കര്‍മാര്‍ക്ക് ശമ്പളസ്‍കെയില്‍

1941.

സംസ്ഥാനത്തെ അംഗന്‍വാടി വര്‍ക്കര്‍മാര്‍ക്ക് ശമ്പളസ്‍കെയില്‍ അനുവദിച്ച് നല്‍കുന്നതിന് ഉദ്ദേശിക്കുന്നുണ്ടോ: ഇത് സംബന്ധിച്ച വിശദാംശങ്ങള്‍ അറിയിക്കാമോ?

അംഗന്‍വാടി വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കുമായുള്ള ക്ഷേമനിധി

1942.

(എ)	അംഗന്‍വാടി വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കുമായുള്ള ക്ഷേമനിധി പ്രകാരം അവര്‍ക്ക് ഇപ്പോള്‍ എന്തെല്ലാം ആനുകൂല്യങ്ങളാണ് നല്‍കിവരുന്നത്;

(ബി)	നിലവിലുള്ള ആനുകൂല്യങ്ങള്‍ കാലോചിതമായി വര്‍ദ്ധിപ്പിക്കുന്നതിനും ക്ഷേമനിധി ബോര്‍ഡിന്റെ പ്രവര്‍ത്തനങ്ങള്‍ വിപുലീകരിക്കുന്നതിനും നടപടി സ്വീകരിക്കുമോ?

വയോജനക്ഷേമം

1943.

ശ്രീ.പുരുഷന്‍ കടലുണ്ടി
,, സി.കെ. ഹരീന്ദ്രന്‍
,, കെ.കുഞ്ഞിരാമന്‍
,, കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മുതിര്‍ന്ന പൗരന്മാര്‍ക്ക് വേണ്ടി 'സായംപ്രഭ പദ്ധതി' നടപ്പിലാക്കിയിട്ടുണ്ടോ; വിശദാംശം നല്‍കുമോ;

(ബി)	മുതിര്‍ന്നവരോട് ആദരവ് വര്‍ദ്ധിപ്പിക്കുന്നതിന് 'വളരുന്ന കേരളം വളര്‍ത്തിയവര്‍ക്ക് ആദരം' എന്ന പേരില്‍ വിപുലമായ പരിപാടികള്‍ ആരംഭിച്ചിട്ടുണ്ടോ;

(സി)	വിവിധ രോഗങ്ങളാല്‍ കിടപ്പിലായ വയോജനങ്ങള്‍ക്കായി തദ്ദേശസ്വയംഭരണ സ്ഥാപനങ്ങളുമായി സഹകരിച്ച് പാലിയേറ്റീവ് കെയര്‍ പ്രവര്‍ത്തനങ്ങള്‍ നടത്തിവരുന്നുണ്ടോ;

(ഡി)	വൃദ്ധജനങ്ങളുടെ ക്ഷേമത്തിനും സംരക്ഷണത്തിനുമായി സംസ്ഥാനത്ത് കൂടുതല്‍ വൃദ്ധസദനങ്ങളും പകല്‍വീടുകളും ആരംഭിക്കാന്‍ നടപടി സ്വീകരിക്കുമോ?

വനിതകള്‍ക്കായി പ്രത്യേക വകുപ്പ്

1944.

(എ)	വനിതകള്‍ക്കായുള്ള പ്രത്യേക വകുപ്പ് രൂപീകരിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	ഏങ്കി‍ല്‍ വനിതാശിശുവികസന വകുപ്പ് ഏത് തീയതി മുതല്‍ പ്രത്യേകമായി പ്രവര്‍ത്തനം ആരംഭിക്കുമെന്ന് അറിയിക്കാമോ?

ഭിന്നശേഷിക്കാരുടെ ഉന്നമനത്തിനായി വികലാംഗ കോര്‍പ്പറേഷന്‍ നടത്തുന്ന പ്രവര്‍ത്തനങ്ങള്‍

1945.

ശ്രീ.എ.പി. അനില്‍ കുമാര്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഭിന്നശേഷിക്കാരുടെ ഉന്നമനത്തിനായി സംസ്ഥാന വികലാംഗക്ഷേമ കോര്‍പ്പറേഷന്‍ നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

(ബി)	ഭിന്നശേഷിക്കാര്‍ക്ക് സ്വയം തൊഴില്‍ കണ്ടെത്തുവാന്‍ ഈടോ ജാമ്യമോ ഇല്ലാതെ വായ്പ അനുവദിക്കുന്നതിന് കോര്‍പ്പറേഷന്‍ തീരുമാനിച്ചിട്ടുണ്ടോ; വിശദാംശം നല്‍കുമോ;

(സി)	എത്ര തുകയാണ് വായ്പ അനുവദിക്കുന്നതെന്നും പലിശ നിരക്ക് എത്രയാണെന്നും വെളിപ്പെടുത്തുമോ?

ഭിന്നലിംഗക്കാരുടെ സുരക്ഷയ്ക്കായുള്ള പദ്ധതികള്‍

1946.

ശ്രീമതി.പി. അയിഷാ പോറ്റി
പ്രൊഫ.കെ.യു. അരുണന്‍
ശ്രീ.ജോര്‍ജ് എം. തോമസ്
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭിന്നലിംഗക്കാരുടെ സുരക്ഷയ്ക്കായി എന്തെല്ലാം നൂതന പദ്ധതികളാണ് ആവിഷ്കരിച്ചിട്ടുളളത്;

(ബി)	ഇവര്‍ക്കായുള്ള ക്ഷേമപദ്ധതികളുടെ പ്രാഥമിക പ്രവര്‍ത്തനങ്ങള്‍ക്കായി എത്ര തുക വകയിരുത്തിയിട്ടുണ്ടെന്ന് വ്യക്തമാക്കാമോ;

(സി)	ഇവര്‍ക്ക് തിരിച്ചറിയല്‍ കാര്‍ഡുകള്‍, പെന്‍ഷന്‍ തുടങ്ങിയവ നല്‍കുന്നതിന് നടപടി സ്വീകരിച്ചിട്ടുണ്ടോ;

(ഡി)	ഭിന്നലിംഗക്കാര്‍ക്ക് നെെറ്റ് സ്റ്റേ ഹോമുകള്‍ ആരംഭിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

അംഗപരിമിതര്‍ക്കുള്ള ആനുകൂല്യങ്ങള്‍

1947.

(എ)	സാമൂഹിക നീതി വകുപ്പില്‍ നിന്നും അംഗപരിമിതര്‍ക്ക് ഏതാെക്കെ തരത്തിലുളള സഹായങ്ങളാണ് ലഭ്യമാക്കുന്നതെന്നും ഇതിനായി രൂപീകരിച്ചിട്ടുളള പദ്ധതികള്‍ ഏതൊക്കെയാണെന്നും അറിയിക്കാമോ;

(ബി)	അംഗപരിമിതര്‍ക്ക് മത്സര പരീക്ഷകള്‍ക്ക് എത്തിച്ചേരുന്നതിനും തിരികെ പോരുന്നതിനും ടി.എ. അനുവദിച്ചു നല്‍കുന്നുണ്ടോ എന്ന് അറിയിക്കാമോ;

(സി)	അംഗപരിമിതര്‍ക്കായുളള സ്പെഷ്യല്‍ എംപ്ലോയ്മെന്റ് എക്സേഞ്ചിന്റെ പ്രവര്‍ത്തനം മെച്ചപ്പെടുത്തുന്നതിനായി എന്തൊക്കെ നടപടികളാണ് സ്വീകരിച്ചിട്ടുളളതെന്ന് അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.