14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >5th Session>Unstarred questions Answers

Answer Provided

Answer Not Yet Provided

FOURTEENTH KLA - 5th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

അതിവേഗ യാത്രാ കപ്പലുകള്‍

1321.

ശ്രീ.ഹൈബി ഈഡന്‍
,, പി.ടി. തോമസ്
,, കെ.എസ്.ശബരീനാഥന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരള തീരത്തുള്ള തുറമുഖങ്ങളെ ബന്ധിപ്പിച്ച് അതിവേഗ യാത്രാ കപ്പലുകള്‍ സര്‍വ്വീസ് ആരംഭിക്കുന്നുണ്ടോ; വിശദാംശം നൽകുമോ;

(ബി)	സംസ്ഥാനത്ത് ഏതൊക്കെ തുറമുഖങ്ങളാണ് ഇതിനായി കണ്ടെത്തിയിട്ടുള്ളതെന്ന് വ്യക്തമാക്കുമോ;

(സി)	പ്രസ്തുത തുറമുഖങ്ങളില്‍ ഇതിനായി എന്തെല്ലാം അടിസ്ഥാന സൗകര്യങ്ങള്‍ ഒരുക്കേണ്ടതുണ്ടെന്ന് വിശദീകരിക്കുമോ?

തീരദേശ നഗരങ്ങളെ ബന്ധിപ്പിച്ച് അതിവേഗ യാത്രാകപ്പല്‍

1322.

ശ്രീ.എം. വിന്‍സെന്റ്
,, കെ.എസ്.ശബരീനാഥന്‍
,, സണ്ണി ജോസഫ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തീരദേശ നഗരങ്ങളെ ബന്ധിപ്പിച്ച് അതിവേഗ യാത്രാകപ്പല്‍ സര്‍വ്വീസ് നടത്തുന്നതിന് നടപടികള്‍ കൈക്കൊണ്ടിട്ടുണ്ടോ; വിശദമാക്കുമോ;

(ബി)	ഏതൊക്കെ മേഖലകളെ ബന്ധിപ്പിച്ചാണ് സര്‍വ്വീസ് നടത്താന്‍ തീരുമാനിച്ചിട്ടുള്ളതെന്ന് വ്യക്തമാക്കുമോ;

(സി)	ഗതാഗത സൗകര്യത്തിനായി തുറമുഖങ്ങളുടെ റെയില്‍-റോഡ് കണക്ടിവിറ്റി വികസിപ്പിക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വ്യക്തമാക്കുമോ?

തുറമുഖ ഡയറക്ടറേറ്റിലെ അഴിമതി

1323.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പോര്‍ട്ട് ‍‍ഡയറക്ടറായിരിക്കെ ഡോ. ജേക്കബ് തോമസ് അഴിമതി നടത്തിയതായ ആക്ഷേപത്തെ സംബന്ധിച്ച് ധനകാര്യ പരിശോധനാ വിഭാഗത്തിന്റെ അന്വേഷണ റിപ്പോര്‍ട്ട് തുറമുഖ വകുപ്പിന്റെ പരിഗണനയ്ക്ക് വന്നിട്ടുണ്ടോ; എങ്കില്‍ എന്നാണ് ലഭിച്ചതെന്നും അതില്‍ എന്തു നടപടി സ്വീകരിച്ചുവെന്നും വ്യക്തമാക്കുമോ;

(ബി)	തുറമുഖ വകുപ്പ് ഡയറക്ടറേറ്റില്‍ സ്റ്റോര്‍ പര്‍ച്ചേസ് വകുപ്പ് ഇന്‍സ്പെക്ഷന്‍ വിഭാഗം പരിശോധന നടത്തിയിട്ടുണ്ടോ; അതുസംബന്ധിച്ച റിപ്പോര്‍ട്ട് തുറമുഖ വകുപ്പിന് ലഭിച്ചിട്ടുണ്ടോ; എങ്കില്‍ എന്നാണ് ലഭിച്ചതെന്നും എന്തു നടപടി സ്വീകരിച്ചു എന്നും വെളിപ്പുടുത്തുമോ;

(സി)	രണ്ടു റിപ്പോർട്ടുകളുടെയും പകർപ്പ് മേശപ്പുറത്തു വയ്ക്കുമോ?

വിഴിഞ്ഞം തുറമുഖ നിര്‍മ്മാണ പുരോഗതി

1324.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിന്റെ സ്വപ്നപദ്ധതിയായ വിഴിഞ്ഞം തുറമുഖ നിര്‍മ്മാണ പുരോഗതി വിലയിരുത്തിയിട്ടുണ്ടോയെന്നും ഉണ്ടെങ്കിൽ പ്രസ്തുത നിർമാണ പുരോഗതി തൃപ്തികരമാണോയെന്നും വ്യക്തമാക്കുമോ;

(ബി)	പ്രസ്തുത പദ്ധതി ഉദ്ദേശിച്ച കാലയളവില്‍ പൂര്‍ത്തിയാക്കാന്‍ കഴിയുമോ; എങ്കില്‍ എന്നത്തേക്ക് പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ;

(സി)	വിഴിഞ്ഞം തുറമുഖം ലാഭകരമായി പ്രവര്‍ത്തിക്കുമെന്നതിന് വ്യക്തമായ പഠനം നടന്നിട്ടുണ്ടോ; നിർമാണം പൂർത്തിയായി എപ്പോള്‍ മുതലാണ് സർക്കാർ ലാഭം പ്രതീക്ഷിക്കുന്നത് എന്നറിയിക്കാമോ?

വിഴിഞ്ഞം തുറമുഖം

1325.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണവുമായി ബന്ധപ്പെട്ട് സ്ഥലം ഏറ്റെടുക്കുന്നതിനുള്ള നടപടികള്‍ പൂര്‍ത്തിയായിട്ടുണ്ടോയെന്ന് വ്യക്തമാക്കുമോ;

(ബി)	പ്രസ്തുത തുറമുഖ പദ്ധതിയുടെ പണി എത്രത്തോളം പൂര്‍ത്തിയായി; വിശദാംശങ്ങള്‍ ലഭ്യമാക്കുമോ;

(സി)	തുറമുഖ നിര്‍മ്മാണത്തിന് കേന്ദ്ര സര്‍ക്കാരിന്റെ സാമ്പത്തിക സഹായം ലഭ്യമായിട്ടുണ്ടോ; എങ്കില്‍ എത്ര എന്ന് വ്യക്തമാക്കുമോ;

(ഡി)	ലഭ്യമായിട്ടില്ലെങ്കില്‍ സാമ്പത്തിക സഹായത്തിന് വേണ്ടി കേന്ദ്രസര്‍ക്കാരിനെ സമീപിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ?

വിഴിഞ്ഞം തുറമുഖത്തിന്റെ നിര്‍മ്മാണ പ്രവര്‍ത്തനങ്ങള്‍

1326.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണ പ്രവര്‍ത്തനങ്ങള്‍ ഏതു ഘട്ടം വരെയായി എന്ന് വ്യക്തമാക്കാമോ;

(ബി)	പ്രസ്തുത പ്രവര്‍ത്തനങ്ങള്‍ എന്ന് പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത് എന്നറിയിക്കാമോ?

തീരക്കടല്‍ വഴി യാത്രായാനങ്ങളുടെ സര്‍വ്വീസ്

1327.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിന്റെ തീരക്കടല്‍ വഴി യാത്രായാനങ്ങളുടെ സര്‍വ്വീസ് ആരംഭിയ്ക്കുന്ന കാര്യം പരിഗണനയിലുള്ളത് ഉടനെ നടപ്പിലാക്കാന്‍ നടപടി സ്വീകരിയ്ക്കുമോ;

(ബി)	ആലപ്പുഴയിലെ, ഉള്‍നാടന്‍ ജലയാനങ്ങള്‍ക്കു വേണ്ടിയുള്ള ഡ്രൈഡോക്കിന്റെ നിര്‍മ്മാണം ഏതു ഘട്ടംവരെയായി എന്ന് വ്യക്തമാക്കുമോ?

ചരിത്ര പൈതൃക മ്യൂസിയമായി പയ്യന്നൂര്‍ പഴയ പോലീസ് സ്റ്റേഷന്‍

1328.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ പഴയ പോലീസ് സ്റ്റേഷന്‍ ചരിത്ര - പൈതൃക മ്യൂസിയമായി സംരക്ഷിക്കുന്നതിനുളള നടപടികള്‍ ഏത് വരെയായി എന്ന് വ്യക്തമാക്കുമോ;

(ബി)	എന്തെല്ലാം കാര്യങ്ങളാണ് അവിടെ ചെയ്യാന്‍ ഉദ്ദേശിക്കുന്നത്;

(സി)	പ്രസ്തുത പദ്ധതിയുടെ ഡി.പി.ആര്‍. തയ്യാറാക്കാന്‍ ഏതെങ്കിലും ഏജന്‍സിയെ ചുമതലപ്പെടുത്തിയിട്ടുണ്ടോ; വിശദമാക്കുമോ?

കൊട്ടാരക്കര തമ്പുരാന്‍ ക്ലാസ്സിക്കല്‍ മ്യൂസിയം നവീകരണം

T 1329.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയിലെ സര്‍ക്കാര്‍ മ്യൂസിയമായ കൊട്ടാരക്കര തമ്പുരാന്‍ ക്ലാസ്സിക്കല്‍ മ്യൂസിയത്തിന്റെ നവീകരണത്തിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(ബി)	പ്രസ്തുത മ്യൂസിയം പൊതുജനങ്ങളെ ആകര്‍ഷിക്കുന്ന വിധം നവീകരിച്ച് പ്രവര്‍ത്തിപ്പിക്കാന്‍ അടിയന്തര നടപടികള്‍ സ്വീകരിക്കുമോ?

ചേലക്കര മണ്ഡലത്തിലെ സംരക്ഷിത സ്ഥാപനങ്ങളും പ്രദേശങ്ങളും

1330.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര മണ്ഡലത്തില്‍ സംസ്ഥാന പുരാവസ്തു വകുപ്പിന്റെ കീഴില്‍ ഏതെല്ലാം സംരക്ഷിത സ്ഥാപനങ്ങളും പ്രദേശങ്ങളും ഉണ്ട്; വ്യക്തമാക്കുമോ;

(ബി)	ഇവയുടെ സംരക്ഷണത്തിന് ആവശ്യമായ തുക പുരാവസ്തു വകുപ്പില്‍ നിന്നും അനുവദിക്കുന്നതിന് നടപടി സ്വീകരിക്കുമോ; വിശദാംശം വ്യക്തമാക്കുമോ?

മലപ്പുറം ജില്ലയിലെ പുരാവസ്തുവകുപ്പിന്റെ സ്ഥാപനങ്ങള്‍

1331.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയില്‍ പുരാവസ്തുവകുപ്പിന്റെ കീഴില്‍ എത്ര സ്ഥാപനങ്ങള്‍ ഉണ്ടെന്നും അവ ഏതെല്ലാമെന്നും വ്യക്തമാക്കുമോ;

(ബി)	ഇതില്‍ ഓരോ സ്ഥാപനത്തിനും സംസ്ഥാന സര്‍ക്കാരിന്റെ കീഴില്‍ സംരക്ഷണ പ്രവര്‍ത്തനങ്ങൾക്കായി ഫണ്ട് അനുവദിക്കാറുണ്ടോ;

(സി)	കോട്ടയ്ക്കല്‍ മണ്ഡലത്തില്‍ ഇത്തരത്തില്‍ സംരക്ഷിക്കപ്പെടുന്ന സ്ഥാപനങ്ങൾ ഏതെല്ലാമാണെന്ന്‌ വ്യക്തമാക്കുമോ;

(ഡി)	മലപ്പുറം ജില്ലയിലെ ചരിത്രസ്മാരകങ്ങളും പുരാവസ്തുക്കളും സംരക്ഷിക്കുവാന്‍ പ്രത്യേക പദ്ധതി തയ്യാറാക്കുമോ;വ്യക്തമാക്കുമോ?

പുരാവസ്തു വകുപ്പില്‍ ആശ്രിതനിയമനം

1332.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു വകുപ്പില്‍ ആശ്രിതനിയമനത്തിനായുള്ള അപേക്ഷകളില്‍ ഏതു ദിവസം വരെയുള്ളവയില്‍ തീരുമാനമെടുത്തിട്ടുണ്ട്;

(ബി)	പ്രസ്തുത വകുപ്പില്‍ ആശ്രിത നിയമന സാദ്ധ്യത തീരെ കുറവാണെങ്കില്‍ അത്തരം അപേക്ഷകര്‍ക്ക് മറ്റു വകുപ്പുകളില്‍ നിയമനം ലഭിക്കുന്നതിനുള്ള നടപടി സ്വീകരിക്കുമോ?

ടിപ്പുവിന്റെ കോട്ടയുടെ അവശിഷ്ടങ്ങള്‍ സംരക്ഷിക്കുന്നതിനുള്ള നടപടി

1333.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ഫറോക്കിലുള്ള ടിപ്പുവിന്റെ കോട്ടയുടെ അവശിഷ്ടങ്ങള്‍ സംരക്ഷിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത് എന്നറിയിക്കാമോ;

(ബി)	പ്രസ്തുത കോട്ടയുമായി ബന്ധപ്പെട്ട് പുരാവസ്തു വകുപ്പ് ഏറ്റെടുത്തിട്ടുള്ള സ്ഥലം എത്രയാണെന്ന് വില്ലേജും സര്‍വ്വെ നമ്പരും സഹിതം വ്യക്തമാക്കാമോ;

(സി)	പ്രസ്തുത സ്ഥലത്ത്ഏതെങ്കിലും അനധികൃതമായ കയ്യേറ്റം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇതിനെതിരെ എന്തെങ്കിലും നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കുമോ?

സംരക്ഷിത സ്മാരകമായ ബുദ്ധ പ്രതിമ

1334.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര ബുദ്ധ ജങ്ഷനുസമീപം പുരാവസ്തു വകുപ്പിന്റെ ചുമതലയിലുള്ള ബുദ്ധ പ്രതിമ സംരക്ഷിത സ്മാരകമാണെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ബുദ്ധ പ്രതിമ സംരക്ഷിത സ്മാരകമാക്കിയെങ്കിലും നിലവില്‍ യാതൊരു സംരക്ഷണവും ഇല്ലാതെ നശിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ബുദ്ധ പ്രതിമ സംരക്ഷിക്കുന്നതിനും പുരാവസ്തു വകുപ്പ് ഉദ്യോഗസ്ഥര്‍ ഇവിടം സന്ദര്‍ശിച്ച് പരിശോധിക്കുന്നതിനും നടപടികള്‍ സ്വീകരിക്കുമോ എന്ന് വിശദമാക്കാമോ;

(ഡി)	പുരാവസ്തു വകുപ്പിന്റെ ടൂറിസം പ്രൊജക്ടില്‍ ഈ സ്ഥലം ഉള്‍പ്പെടുത്തുന്നതിന് നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

Website maintained by Information System Section, Kerala Legislative Assembly, Thiruvananthapuram.