14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >5th Session>Starred Questions and Answers

Answer Provided

Answer Not Yet Provided

FOURTEENTH KLA - 5th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിനോദസഞ്ചാര കേന്ദ്രങ്ങള്‍ക്ക് നിശ്ചയിച്ചിട്ടുള്ള മാനദണ്ഡങ്ങള്‍

*31.

ശ്രീ.പി.കെ.അബ്ദു റബ്ബ്
,, പി.ബി. അബ്ദുല്‍ റസ്സാക്ക്
,, എം.ഉമ്മര്‍
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	യു. എന്‍. വേള്‍ഡ് ടൂറിസം ഓര്‍ഗനൈസേഷന്‍ വിനോദസഞ്ചാര കേന്ദ്രങ്ങള്‍ക്ക് വേണ്ട മാനദണ്ഡങ്ങള്‍ നിശ്ചയിച്ചിട്ടുള്ളതായി അറിവുണ്ടോ;

(ബി)	എങ്കില്‍ മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കുമോ;

(സി)	സംസ്ഥാനത്തെ ചെറുകിട വിനോദസഞ്ചാര കേന്ദ്രങ്ങള്‍ക്ക് ഈ മാനദണ്ഡങ്ങളുടെ അടിസ്ഥാനത്തില്‍ സാക്ഷ്യപത്രം നല്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

കായംകുളം താപനിലയത്തിന്റെ പ്രവര്‍ത്തനവുമായി ബന്ധപ്പെട്ട കരാര്‍ വ്യവസ്ഥകള്‍

*32.

ശ്രീമതി യു. പ്രതിഭ ഹരി
ശ്രീ.ഇ.പി.ജയരാജന്‍
,, വി. ജോയി
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എന്‍.ടി.പി.സി.യുടെ ഉടമസ്ഥതയിലുള്ള കായംകുളം താപനിലയത്തിന്റെ പ്രവര്‍ത്തനവുമായി ബന്ധപ്പെട്ട് ഉണ്ടാക്കിയിട്ടുളള കരാറിലെ പ്രധാന വ്യവസ്ഥകള്‍ എന്തെല്ലാമാണ്;

(ബി)

സംസ്ഥാനം കടുത്ത വൈദ്യുതി പ്രതിസന്ധി നേരിടുന്ന സാഹചര്യത്തില്‍ പോലും ഈ വൈദ്യുതോല്പാദന സ്ഥാപനം സംസ്ഥാനത്തിന് പ്രയോജനപ്രദമാകാതെ പോയതിന്റെ കാരണങ്ങള്‍ എന്താണ്; വൈദ്യുതി വാങ്ങാത്ത സാഹചര്യത്തിലും നൽകേണ്ട സ്ഥിരം ചെലവ് എത്രയാണ്; ഈ താപ വൈദ്യുതോല്പാദന നിലയം സൗരോര്‍ജ്ജോല്പാദനത്തിനു താല്പര്യം പ്രകടിപ്പിച്ചിട്ടുണ്ടോ; എങ്കില്‍ കമ്പനി മുന്നോട്ടു വച്ചിട്ടുള്ള വ്യവസ്ഥകളും നിര്‍ദ്ദേശങ്ങളും അറിയിക്കാമോ;

(സി)	കെ.എസ്.ഇ.ബി. ലിമിറ്റഡിന്റെ അധീനതയിലുള്ള ജലസംഭരണികളില്‍ സൗരോര്‍ജ്ജ പ്ലാന്റ് സ്ഥാപിച്ച് വൈദ്യുതോല്പാദനത്തിനുള്ള പ്രായോഗിക സാധ്യതകള്‍ പരിശോധിച്ചിട്ടുണ്ടോ; വ്യക്തമാക്കാമോ?

എസ്.ബി.ടി.യെ എസ്.ബി.ഐ. യില്‍ ലയിപ്പിച്ചതിനെത്തുടര്‍ന്ന് സാമ്പത്തിക മേഖലയിലെ മാറ്റങ്ങള്‍

*33.

ശ്രീമതി ഇ.എസ്.ബിജിമോള്‍
ശ്രീ.ഇ.കെ.വിജയന്‍
,, ആര്‍. രാമചന്ദ്രന്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സ്റ്റേറ്റ് ബാങ്ക് ഓഫ് ട്രാവന്‍കൂര്‍ എസ്.ബി.ഐ. യില്‍ ലയിപ്പിച്ചതിനെത്തുടര്‍ന്ന് സംസ്ഥാനത്ത് സാമ്പത്തിക മേഖലയില്‍ എന്തൊക്കെ മാറ്റങ്ങളാണ് വന്നതെന്ന് വിലയിരുത്തിയിട്ടുണ്ടോ;

(ബി)

കേരളത്തിന്റെ ഗ്രാമീണ മേഖലയെ താങ്ങി നിര്‍ത്തിയിരുന്ന എസ്.ബി.ടി. യുടെ വായ്പാ മുന്‍ഗണനയും, കോര്‍പ്പറേറ്റ് വായ്പകള്‍ക്ക് പ്രാമുഖ്യം നല്‍കുന്ന എസ്.ബി.ഐ.യുടെ വായ്പാ മുന്‍ഗണനയും പരിഗണിക്കുമ്പോള്‍ സംസ്ഥാനത്തിന്റെ വായ്പാ മേഖലയില്‍ പ്രത്യേകിച്ചും ചെറുകിട വായ്പകളുടെ മേഖലയില്‍ എന്തെല്ലാം മാറ്റങ്ങളാണ് പുതിയ സംവിധാനത്തില്‍ പ്രതീക്ഷിക്കുന്നത്;

(സി)	എസ്.ബി.ടി. ലയിക്കുന്നതോടുകൂടി സംസ്ഥാനത്ത് ബാങ്കിംഗ് മേഖലയില്‍ എത്രമാത്രം തൊഴില്‍ നഷ്ടമുണ്ടാകുമെന്ന് വിലയിരുത്തിയിട്ടുണ്ടോ എന്ന് വ്യക്തമാക്കുമോ?

നികുതി ഭരണം കാര്യക്ഷമമാക്കാൻ നടപടി

*34.

ശ്രീ.കെ. ദാസന്‍
,, കെ.വി.അബ്ദുള്‍ ഖാദര്‍
,, സി.കെ. ഹരീന്ദ്രന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

മുന്‍ സര്‍ക്കാരിന്റെ കാലത്ത് നികുതി പിരിച്ചെടുക്കുന്നതിലെ അഴിമതിയും കെടുകാര്യസ്ഥതയും കൊണ്ട് പദ്ധതി അടങ്കലിന്റെ മൂന്നിലൊന്നു മാത്രം ചെലവഴിക്കാന്‍ സാധ്യമാകുകയും അതുവഴി വികസന മുരടിപ്പിനിടയാക്കുകയും ചെയ്ത സാഹചര്യം തിരുത്തി, നികുതി ഭരണം കാര്യക്ഷമമാക്കാനായി ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാമാണ്;

(ബി)	സംസ്ഥാനം നേരിടുന്ന സാമ്പത്തിക മുരടിപ്പില്‍ നിന്ന് കരകയറുവാനായി എടുത്ത നടപടികള്‍ എന്തൊക്കെയാണ്;

(സി)	വികസന പദ്ധതികള്‍ക്കുള്ള മൂലധന ചെലവ് നിശ്ചിത രീതിയില്‍ സാധ്യമാകുന്നുണ്ടോ എന്ന് അറിയിക്കാമോ?

സഹകരണ സംഘങ്ങളെ തകര്‍ക്കാനുള്ള ശ്രമങ്ങള്‍ക്കെതിരെ നടപടി

*35.

ശ്രീ.മുരളി പെരുനെല്ലി
,, ജെയിംസ് മാത്യു
,, കെ.വി.വിജയദാസ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരളത്തിന്റെ ഗ്രാമീണ സമ്പദ് വ്യവസ്ഥയില്‍ നിര്‍ണ്ണായക പങ്ക് വഹിക്കുന്ന സഹകരണ സംഘങ്ങളെ തകര്‍ക്കാനുള്ള ശ്രമങ്ങളെ അതിജീവിക്കുവാനായി സ്വീകരിക്കാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് അറിയിക്കുമോ;

(ബി)	ഇതിനായി സാങ്കേതിക, പ്രവര്‍ത്തന മേഖലകളില്‍ ആവശ്യമായ നവീകരണങ്ങള്‍ എന്തെല്ലാമാണ്;

(സി)	കോര്‍ ബാങ്കിംഗ്, നെറ്റ് വര്‍ക്ക് ബാങ്കിംഗ് തുടങ്ങിയ സംവിധാനങ്ങളില്‍ ഐകരൂപ്യമുണ്ടാക്കുന്നതിന് മാര്‍ഗ്ഗനിര്‍ദ്ദേശം നല്‍കാനുദ്ദേശിക്കുന്നുണ്ടോ എന്ന് വ്യക്തമാക്കുമോ?

നികുതി പിരിവിന് വേണ്ടിവരുന്ന ചെലവ്

*36.

ശ്രീ. എന്‍ .എ.നെല്ലിക്കുന്ന്
,, മഞ്ഞളാംകുഴി അലി
,, പി.ഉബൈദുള്ള
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നികുതി പിരിവിന് വേണ്ടിവരുന്ന ചെലവ് അഖിലേന്ത്യാ ശരാശരിയുമായി താരതമ്യം ചെയ്ത് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(ബി)	രജിസ്ട്രേഷന്‍ ഫീസ്, സംസ്ഥാന എക്സൈസ് നികുതി എന്നിവയുടെ പിരിവിനുള്ള ചെലവുകള്‍ കൂടിവരികയാണെന്ന റിപ്പോര്‍ട്ടുകള്‍ ശ്രദ്ധയില്‍ വന്നിട്ടുണ്ടോ; എങ്കില്‍ ഇതിനുള്ള കാരണം എന്താണെന്ന് വ്യക്തമാക്കാമോ;

(സി)	ചരക്ക് സേവന നികുതി നിയമം പ്രാബല്യത്തിലാവുമ്പോള്‍ ഇക്കാര്യത്തില്‍ എന്തൊക്കെ മാറ്റം വരുമെന്നും അതുമൂലം നികുതി പിരിവ് ചെലവില്‍ വരാവുന്ന മാറ്റം സംസ്ഥാന വികസനത്തിന് ഉപയുക്തമാക്കാന്‍ വരുത്തേണ്ട പരിഷ്കാരങ്ങളെയും കുറിച്ച് പരിശോധിക്കുമോ?

സംസ്ഥാനം നേരിടുന്ന വൈദ്യുതി പ്രതിസന്ധി

*37.

ശ്രീമതി സി.കെ. ആശ
ശ്രീ.ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ച രൂക്ഷമായ സാഹചര്യത്തില്‍ സംസ്ഥാനം നേരിടുന്ന വൈദ്യുതി പ്രതിസന്ധിയുടെ ചിത്രം വ്യക്തമാക്കുമോ;

(ബി)	വേനല്‍ക്കാലത്ത് വൈദ്യുതി ലഭ്യതയിൽ പ്രകടമാകുന്ന കുറവ് പരിഹരിക്കുന്നതിനായി എന്തൊക്കെ നടപടികളാണ് ആലോചിക്കുന്നതെന്ന് വ്യക്തമാക്കുമോ;

(സി)	വൈദ്യുതി ഉപഭോഗം വേനല്‍ക്കാലത്ത് വര്‍ദ്ധിക്കുമെന്നത് കണക്കിലെടുത്ത്, വൈദ്യുതി നിരക്ക് വര്‍ദ്ധിപ്പിക്കുവാന്‍ ആലോചിക്കുന്നുണ്ടോ;

(ഡി)	സംസ്ഥാനത്ത് പവര്‍ക്കട്ടും, ലോഡ്ഷെഡിംഗും ഏര്‍പ്പെടുത്തേണ്ട സാഹചര്യം ഉണ്ടാകുമോ; എങ്കിൽ വിശദാംശം വെളിപ്പെടുത്തുമോ?

അണ്ടര്‍ -17 ഫുട്ബോള്‍ ലോകകപ്പിന്റെ സെമി ഫൈനല്‍ മത്സരം നഷ്ടപ്പെട്ട സാഹചര്യം

*38.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, എല്‍ദോ എബ്രഹാം
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	അണ്ടര്‍ -17 ഫുട്ബോള്‍ ലോകകപ്പിന്റെ സെമി ഫൈനല്‍ മത്സരം കേരളത്തിന് നഷ്ടപ്പെട്ടത് പരിശോധിച്ചിട്ടുണ്ടോ;

(ബി)	തയ്യാറെടുപ്പുകളിലെ മെല്ലെപ്പോക്ക് നയം മൂലമാണോ പ്രസ്തുത മത്സരം കേരളത്തിന് നഷ്ടമായത് എന്നത് വ്യക്തമാക്കുമോ;

(സി)	പ്രസ്തുത ഫുട്ബോള്‍ മേളയുടെ ഒരുക്കങ്ങളില്‍ ആരുടെയൊക്കെ ഭാഗത്ത് നിന്നാണ് വീഴ്ചയുണ്ടായതെന്നും പ്രസ്തുത വീഴ്ച വരുത്തിയവര്‍ക്കെതിരെ നടപടി സ്വീകരിക്കുന്നതിന് തയ്യാറാകുമോയെന്നും വിശദമാക്കുമോ?

തിരുവിതാംകൂര്‍ ദേവസ്വം ബോര്‍ഡിന്റെ അധികാരങ്ങളും കര്‍ത്തവ്യങ്ങളും

*39.

ശ്രീ.ആര്‍. രാജേഷ്
,, എസ്.രാജേന്ദ്രന്‍
,, കെ.ജെ. മാക്സി
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തിരുവിതാംകൂര്‍ ദേവസ്വം ബോര്‍ഡിന്റെ അധികാരങ്ങളും മുഖ്യ കര്‍ത്തവ്യങ്ങളും അറിയിക്കാമോ;

(ബി)	പൊന്നമ്പലമേട്ടില്‍ ക്ഷേത്രം നിര്‍മ്മിക്കുമെന്ന ബോര്‍ഡ് പ്രസിഡന്റിന്റെ പ്രസ്താവനയും അതിനായി കേന്ദ്ര വനം-പരിസ്ഥിതി മന്ത്രാലയത്തെ നേരിട്ടു സമീപിച്ചതും നിയമാനുസൃത അധികാര പ്രയോഗമാണോ;

(സി)	കൃത്യമായി മത പാഠശാലകളില്‍ പോകുന്നവര്‍ക്ക് മാത്രമേ ക്ഷേത്ര ഭരണസമിതി അംഗത്വം നല്‍കുകയുള്ളു എന്ന ദേവസ്വം ബോര്‍ഡ് പ്രസിഡന്റിന്റെ പ്രസ്താവന ശ്രദ്ധയില്‍ വന്നിട്ടുണ്ടോ ;

(ഡി)	ദേവസ്വം ബോര്‍ഡ് പ്രസിഡന്റിന്റെ നിലപാടുകള്‍ പലതും ധിക്കാരപൂര്‍വവും നിയമവിരുദ്ധവും ആണെന്നത് ശ്രദ്ധയിൽപ്പെട്ടിട്ടുണ്ടോ;എങ്കിൽ തിരുവിതാംകൂര്‍ ദേവസ്വം ബോര്‍ഡിനെ മറ്റു ദേവസ്വം ബോര്‍ഡുകളെപ്പോലെ വിപുലപ്പെടുത്തി ജനാധിപത്യവല്‍ക്കരിക്കാന്‍ നടപടി സ്വീകരിക്കുമോ?

സാമ്പത്തിക മാന്ദ്യം മറികടക്കാനുള്ള ശ്രമങ്ങള്‍

*40.

ശ്രീ.ജോണ്‍ ഫെര്‍ണാണ്ടസ്
,, ഇ.പി.ജയരാജന്‍
പ്രൊഫ.കെ.യു. അരുണന്‍
ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തിന്റെ വികസന ആവശ്യങ്ങളോടുള്ള കേന്ദ്ര അവഗണനയും, കേന്ദ്ര സര്‍ക്കാരിന്റെ നിലപാടു മൂലം സംസ്ഥാന എക്സൈസ് നികുതിയിലും തൽഫലമായി വില്പന നികുതിയിലും ഉണ്ടാകുന്ന അപ്രതീക്ഷിതമായ വന്‍ ഇടിവും പൊതുചെലവ് വര്‍ദ്ധിപ്പിച്ച് സാമ്പത്തിക മാന്ദ്യം മറികടക്കാനുള്ള സര്‍ക്കാരിന്റെ ശ്രമങ്ങളെ എങ്ങനെ ബാധിക്കുമെന്ന് വ്യക്തമാക്കുമോ;

(ബി)	മേല്‍ സൂചിപ്പിച്ച പ്രകാരമുണ്ടാകുന്ന നികുതി നഷ്ടം പരിഹരിക്കാന്‍ കേന്ദ്ര സര്‍ക്കാരിനെ സമീപിച്ചിട്ടുണ്ടോ;

(സി)	ക്ഷേമ പദ്ധതികളേയും വികസന പദ്ധതികളേയും നികുതി ശോഷണം ഏതുതരത്തില്‍ ബാധിക്കാനിടയുണ്ടെന്ന് വിശദമാക്കുമോ?

ചെറുകിട, ഇടത്തരം സൂക്ഷ്മവ്യവസായങ്ങളെ സംരക്ഷിക്കാനും പ്രോത്സാഹിപ്പിക്കാനും പദ്ധതികള്‍

*41.

ശ്രീ.സി.കൃഷ്ണന്‍
,, എസ്.ശർമ്മ
,, വി. കെ. സി. മമ്മത് കോയ
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കോര്‍പ്പറേറ്റ് വല്‍ക്കരണത്തെ പ്രോത്സാഹിപ്പിക്കുന്ന കേന്ദ്ര നയത്തിന്റെ കെടുതികളില്‍ നിന്ന് സംസ്ഥാനത്തെ ചെറുകിട, ഇടത്തരം സൂക്ഷ്മവ്യവസായങ്ങളെ സംരക്ഷിക്കാനും അവയെ പ്രോത്സാഹിപ്പിക്കാനുമായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

(ബി)	സംരംഭക സൗകര്യ (ഈസ് ഓഫ് ഡൂയിങ്ങ് ബിസിനസ്സ്) സൂചികയില്‍ ഏറെ പിന്നില്‍ നില്‍ക്കുന്ന നിലവിലെ അവസ്ഥ മാറ്റിയെടുക്കാനായി സ്വീകരിക്കാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ;

(സി)	തൊഴില്‍ദാന ക്ഷമത ഏറിയതും പരിസ്ഥിതി നാശവും ഭൂവിനിയോഗവും കുറഞ്ഞതുമായ പരമ്പരാഗത മേഖലയെ നവീകരിച്ച് മത്സര പ്രാപ്തി ഉയര്‍ത്താനായി പദ്ധതിയുണ്ടോ; വിശദാംശം വ്യക്തമാക്കാമോ?

അതിരപ്പിള്ളി ജലവൈദ്യുത പദ്ധതിക്ക് ബദൽ

*42.

ശ്രീ.സി.മമ്മൂട്ടി
,, എന്‍. ഷംസുദ്ദീന്‍
,, കെ.എം.ഷാജി
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	അതിരപ്പിള്ളി ജലവൈദ്യുത പദ്ധതിയുമായി മുന്നോട്ടു പോകാന്‍ സര്‍ക്കാര്‍ ഉദ്ദേശിക്കുന്നുണ്ടെങ്കില്‍ അതുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കുമോ;

(ബി)	ഈ പദ്ധതിക്ക് ബദലായി ചെലവ് കുറഞ്ഞതും പരിസ്ഥിതി സൗഹൃദവുമായ മറ്റേതെങ്കിലും പദ്ധതി കെ. എസ്. ഇ. ബി ഉള്‍പ്പെടെ ഏതെങ്കിലും ഏജന്‍സി സര്‍ക്കാരിന്റെ പരിഗണനയില്‍ കൊണ്ടുവന്നിട്ടുണ്ടോ;

(സി)	എങ്കില്‍ ആ ബദല്‍ പദ്ധതിയുടെ വിശദവിവരങ്ങള്‍ വിലയിരുത്തിയിട്ടുണ്ടോ; നിഗമനങ്ങള്‍ എന്തൊക്കെയെന്ന് വെളിപ്പെടുത്തുമോ?

കായിക നയം

*43.

ശ്രീ.വി.ടി.ബല്‍റാം
,, കെ.മുരളീധരന്‍
,, എം. വിന്‍സെന്റ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കായിക നയം പ്രഖ്യാപിക്കാനുദ്ദേശിക്കുന്നുണ്ടോ; വിശദാംശങ്ങള്‍ ലഭ്യമാക്കുമോ;

(ബി)	കായിക രംഗത്തെ വളര്‍ച്ചക്കും പുരോഗതിക്കും എന്തെല്ലാം കാര്യങ്ങളാണ് പ്രസ്തുത നയത്തില്‍ ഉള്‍പ്പെടുത്തുന്നതെന്നു വിശദമാക്കുമോ;

(സി)	കായിക നയം എന്നത്തേക്ക് പ്രഖ്യാപിക്കാനാണ് ലക്ഷ്യമിട്ടിട്ടുള്ളതെന്ന് വ്യക്തമാക്കുമോ?

വൈദ്യുതി പ്രതിസന്ധി പരിഹരിക്കുന്നതിന് നടപടി

*44.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വൈദ്യുതി പ്രതിസന്ധി പരിഹരിക്കുന്നതിനായി പാരമ്പര്യേതര ഉൗര്‍ജ്ജ സ്രോതസ്സുകള്‍ ഉപയോഗപ്പെടുത്തുന്നതിന് സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ബി)	നിലവിലുള്ള ഊര്‍ജ്ജ പദ്ധതികളുടെ നവീകരണം സമയബന്ധിതമായി നടപ്പിലാക്കുന്നതിന് സ്വീകരിച്ചുവരുന്ന നടപടികള്‍ വ്യക്തമാക്കുമോ?

സഹകരണ രംഗത്ത് ഘടനാപരമായ മാറ്റം

*45.

ശ്രീ.ഡി.കെ. മുരളി
,, ബി.സത്യന്‍
,, ആന്റണി ജോണ്‍
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)

സംസ്ഥാനത്തിന്റെ ഏകകണ്ഠമായ ആവശ്യത്തെ അവഗണിച്ചുകൊണ്ട് എസ്.ബി.റ്റി യെ ഇല്ലാതാക്കിയതിന്റെയും നോട്ടു നിരോധനത്തിന്റെ മറവില്‍ സഹകരണമേഖലയെ തകര്‍ക്കാന്‍ ശ്രമം നടത്തിയെന്ന ആക്ഷേപത്തിന്റെയും പശ്ചാത്തലത്തില്‍ സംസ്ഥാനത്തെ സഹകരണ രംഗത്ത് ഘടനാപരമായ മാറ്റത്തിന് സര്‍ക്കാര്‍ ഉദ്ദേശിക്കുന്നുണ്ടോ; എങ്കിൽ വിശദാംശം അറിയിക്കുമോ;

(ബി)	കേരളാ ബാങ്ക് രൂപീകരിച്ച് സംസ്ഥാനത്തിന്റെ സ്വന്തം ബാങ്കാക്കി മാറ്റാനുള്ള ശ്രമത്തിന്റെ പുരോഗതി അറിയിക്കുമോ;

(സി)	പ്രാഥമിക സംഘങ്ങളുടെ നവീകരണത്തിനായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമാണ്?

സ്വര്‍ണ്ണ വിനിമയത്തിലും പണം കൈമാറുന്നതിലും വരുത്തിയ അശാസ്ത്രീയമായ നിയന്ത്രണങ്ങള്‍

*46.

ശ്രീ.എ. എന്‍. ഷംസീര്‍
,, കെ.സുരേഷ് കുറുപ്പ്
,, ഐ.ബി. സതീഷ്
,, ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സ്വര്‍ണ്ണ വിനിമയത്തിലും പണം കൈമാറുന്നതിലും കേന്ദ്ര സര്‍ക്കാര്‍ വരുത്തിയിട്ടുള്ള അശാസ്ത്രീയമായ നിയന്ത്രണങ്ങള്‍ സംസ്ഥാനത്തെ സമ്പദ്ഘടനയെ ഏത് വിധത്തില്‍ ബാധിക്കുന്നുവെന്ന് വിശകലനം ചെയ്തിട്ടുണ്ടോ;

(ബി)	ബാങ്കിംഗ് ഇടപാടുകള്‍ നിര്‍ബന്ധമാക്കിയ കേന്ദ്ര സര്‍ക്കാര്‍ നയങ്ങളുടെ ഫലമായി ഇത്തരം ഇടപാടുകളിലേയ്ക്ക് തിരിഞ്ഞ സാധാരണ ജനങ്ങളെ ബാങ്കുകള്‍ സേവന നിരക്ക് ഈടാക്കി ചൂഷണം ചെയ്യുന്നത് അവസാനിപ്പിക്കാന്‍ വേണ്ട നടപടിയെടുക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമോ;

(സി)	നോട്ട് നിരോധനത്തിന്റെ വിപരീത ഫലം നേരിടാന്‍ വേണ്ട ധനസഹായം കേന്ദ്ര സര്‍ക്കാരിനോട് ആവശ്യപ്പെടുമോ?

പൊതുമേഖലാ ബാങ്കുകളിലെ ഉപഭോക്തൃ സൗഹൃദമല്ലാത്ത നടപടികള്‍

*47.

ശ്രീ.പാറക്കല്‍ അബ്ദുല്ല
,, മഞ്ഞളാംകുഴി അലി
,, ടി.എ.അഹമ്മദ് കബീര്‍
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിക്കുന്ന പ്രമുഖ പൊതുമേഖലാ ബാങ്കുകളില്‍ പലതും ഉപഭോക്തൃ സൗഹൃദമല്ലാത്ത നടപടികള്‍ സ്വീകരിച്ചുവരുന്നതായ റിപ്പോര്‍ട്ടുകള്‍ ശ്രദ്ധയില്‍ വന്നിട്ടുണ്ടോ;

(ബി)	നോട്ടുനിരോധന നടപടികള്‍ക്കുശേഷം അമിതഫീസ് ഈടാക്കുക, വിവിധതരം പിഴകള്‍ ഏര്‍പ്പെടുത്തുക, ഇടപാടുകളില്‍ നിയന്ത്രണമേര്‍പ്പെടുത്തുക തുടങ്ങിയ ബാങ്കുകളുടെ ജനവിരുദ്ധ നയങ്ങള്‍ക്കെതിരെ സര്‍ക്കാര്‍ തലത്തില്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

(സി)	പ്രസ്തുത വിഷയത്തില്‍ പൊതുജനങ്ങള്‍ നേരിടുന്ന ബുദ്ധിമുട്ടുകള്‍ പരിഹരിച്ചുകിട്ടുന്നതിന് സര്‍ക്കാര്‍ ഇടപെടല്‍ ഉണ്ടാകുമോ?

വൈദ്യുതി ഉല്പാദന വര്‍ദ്ധനവിനായി ആവിഷ്കരിച്ചിട്ടുള്ള പദ്ധതികള്‍

*48.

ശ്രീ.ബി.ഡി. ദേവസ്സി
,, വി. അബ്ദുറഹിമാന്‍
,, ഒ. ആര്‍. കേളു
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആവശ്യമുള്ളതിന്റെ 30 ശതമാനം വൈദ്യുതി മാത്രം ഉല്പാദിപ്പിക്കുന്ന സാഹചര്യത്തിൽ ഉല്പാദന വര്‍ദ്ധനവിനായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമാണ്;

(ബി)	പാരമ്പര്യേതര സ്രോതസ്സുകളില്‍ നിന്നുള്ള വൈദ്യുതി ഉല്പാദന പദ്ധതികളുടെ വിശദവിവരം ലഭ്യമാക്കുമോ;

(സി)	വീടുകളുടെയും സര്‍ക്കാര്‍ സ്ഥാപനങ്ങളുടെയും മേല്‍ക്കൂരകളില്‍ സോളാര്‍പാനല്‍ സ്ഥാപിച്ച് ബാറ്ററികള്‍ കൂടാതെ നേരിട്ട് വിതരണശൃംഖലയിലേക്ക് വൈദ്യുതി ഉല്പാദിപ്പിച്ചു വിതരണം ചെയ്യുന്ന പദ്ധതി അവലോകനം ചെയ്തിട്ടുണ്ടെങ്കില്‍ വിശദാംശം ലഭ്യമാക്കുമോ;

(ഡി)	മുടങ്ങിക്കിടക്കുന്ന ജലവൈദ്യുത പദ്ധതികള്‍ ഏതൊക്കെയെന്നും അവ സമയബന്ധിതമായി പൂര്‍ത്തീകരിക്കാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്നും വെളിപ്പെടുത്താമോ?

കെ.എസ്.എഫ്.ഇ.യുടെ പ്രവാസി ചിട്ടി

*49.

ശ്രീ.കെ.എം.മാണി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രവാസി ചിട്ടി നടത്തുവാന്‍ കെ.എസ്.എഫ്.ഇ.യ്ക്ക് റിസര്‍വ് ബാങ്ക് അനുമതി നല്‍കിയത് എന്നാണ്; അത് സംബന്ധിച്ച് റിസര്‍വ് ബാങ്ക് നല്‍കിയ ഉത്തരവിന്‍െറ പകര്‍പ്പ് ലഭ്യമാക്കാമോ;

(ബി)	1980 ലെ കേന്ദ്ര ചിട്ടി നിയമവും അതിന്‍കീഴില്‍ ഉണ്ടാക്കിയ ചട്ടങ്ങളുടെ വ്യവസ്ഥകളും അനുസരിച്ചാണോ കെ.എസ്.എഫ്.ഇ. പ്രവാസി ചിട്ടി നടത്തുന്നത്; ഇല്ലെങ്കില്‍ ഏതെല്ലാം വ്യവസ്ഥകള്‍ക്ക് റിസര്‍വ് ബാങ്ക് ഇളവ് അനുവദിച്ചിട്ടുണ്ട്;

(സി)	കെ.എസ്.എഫ്.ഇ. യ്ക്ക് പ്രവാസി ചിട്ടികള്‍ നടത്തുന്നതിന് സര്‍ക്കാര്‍ അനുമതി നല്‍കിയിട്ടുണ്ടോ; ഇല്ലെങ്കില്‍ കാരണമെന്ത്; പ്രവാസി ചിട്ടി നടത്തുന്നതിന് കെ.എസ്.എഫ്.ഇ. എന്തെല്ലാം പരസ്യങ്ങള്‍ നാളിതുവരെ പ്രസിദ്ധീകരിച്ചിട്ടുണ്ട്; വിശദമാക്കാമോ;

(ഡി)	കെ.എസ്.എഫ്.ഇ. ചിട്ടി നടത്തുന്നതിനുളള സെക്യൂരിറ്റി തുകയും ചിറ്റാളന്മാരായ പ്രവാസികളില്‍ നിന്ന് പിരിക്കുന്ന ചിട്ടി തുകകളും കിഫ്ബിയുടെ നിധിയില്‍ നിക്ഷേപിക്കുന്നതിലേക്കായി സര്‍ക്കാര്‍ നാളിതുവരെ എന്തെല്ലാം നടപടികള്‍ സ്വീകരിച്ചു;

(ഇ)	ഇതിലേക്ക് കേന്ദ്രസര്‍ക്കാരിന്റെയും റിസര്‍വ് ബാങ്കിന്റെയും അനുമതി ലഭിച്ചിട്ടുണ്ടോ; ഇല്ലെങ്കില്‍ കാരണമെന്ത്?

ടൂറിസം നയം

*50.

ശ്രീ.ഐ.സി.ബാലകൃഷ്ണന്‍
,, സണ്ണി ജോസഫ്
,, തിരുവഞ്ചൂര്‍ രാധാകൃഷ്ണന്‍
,, എല്‍ദോസ് കുന്നപ്പിള്ളി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ ടൂറിസം നയം ആവിഷ്ക്കരിക്കാനുദ്ദേശിക്കുന്നുണ്ടോ;

(ബി)	ടൂറിസം മേഖലയുടെ വളര്‍ച്ചയ്ക്കും വികസനത്തിനും എന്തെല്ലാം കാര്യങ്ങളാണ് പ്രസ്തുത നയത്തില്‍ ഉള്‍പ്പെടുത്താനുദ്ദേശിക്കുന്നതെന്ന് വ്യക്തമാക്കുമോ;

(സി)	പ്രസ്തുത നയം എന്നത്തേക്ക് പ്രഖ്യാപിക്കാനാകും എന്നാണ് പ്രതീക്ഷിക്കുന്നത്?

സംസ്ഥാനത്തെ നോട്ടുക്ഷാമം

*51.

ശ്രീ.പി.ടി.എ. റഹീം
,, രാജു എബ്രഹാം
,, കെ.കുഞ്ഞിരാമന്‍
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ മിക്ക ട്രഷറികളിലും പണം ഇല്ലാതെ പെന്‍ഷന്‍കാര്‍ ബുദ്ധിമുട്ടിലായതിന്റെ കാരണം അറിയിക്കാമോ; കേന്ദ്ര സര്‍ക്കാരിന്റെ നയ വൈകല്യങ്ങള്‍ കാരണം ബാങ്കുകളുടെ എ.ടി.എമ്മുകളില്‍ കറന്‍സി നോട്ടില്ലാതെ ജനങ്ങള്‍ ദുരിതത്തിലായതായ ആക്ഷേപം കേന്ദ്ര സര്‍ക്കാരിന്റെയും റിസര്‍വ് ബാങ്കിന്റെയും ശ്രദ്ധയില്‍പ്പെടുത്തിയിരുന്നോ;

(ബി)	ഉത്സവകാലത്തുണ്ടായ നോട്ടുക്ഷാമം പൊതുജനങ്ങളെ ദുരിതത്തിലാക്കിയതിനോടൊപ്പം സര്‍ക്കാരിന്റെ നികുതി വരവിനെ പ്രതികൂലമായി ബാധിക്കാനിടയുണ്ടോ;

(സി)	മദ്യ വിപണനശാല നിരോധനവും കറന്‍സി ക്ഷാമവും സംസ്ഥാന സമ്പദ് വ്യവസ്ഥയില്‍ ഉണ്ടാക്കിയ ആഘാതത്തിന് കേന്ദ്ര സര്‍ക്കാരില്‍ നിന്ന് നഷ്ടപരിഹാരം നേടിയെടുക്കാന്‍ നടത്തിയ ശ്രമങ്ങള്‍ അറിയിക്കാമോ;

(ഡി)

കറന്‍സി നല്‍കാതെ ജനങ്ങളെ നിര്‍ബന്ധിതമായി ഡിജിറ്റല്‍ ഇടപാടിന് പ്രേരിപ്പിക്കുകയും അതോടൊപ്പം ഇത്തരം ഇടപാടുകള്‍ക്ക് ധനകാര്യ സ്ഥാപനങ്ങള്‍ സര്‍വീസ് ചാര്‍ജ്ജ് വര്‍ദ്ധിപ്പിക്കുകയും ചെയ്ത് ജനങ്ങളെ കൊള്ളയടിക്കാന്‍ അനുവാദം നല്‍കുന്നതായി ആക്ഷേപമുള്ള കേന്ദ്ര സര്‍ക്കാര്‍ നയം അടിയന്തരമായി തിരുത്താന്‍ ആവശ്യപ്പെടുമോ?

പരമ്പരാഗത വ്യവസായമേഖലയുടെ സംരക്ഷണം

*52.

ശ്രീ.മോന്‍സ്‌ ജോസഫ്
,, റോഷി അഗസ്റ്റിന്‍
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പരമ്പരാഗത വ്യവസായമേഖലയില്‍ മുതല്‍ മുടക്കിയിട്ടുള്ളവരും തൊഴിലാളികളും നേരിടുന്ന പ്രതിസന്ധിയെക്കുറിച്ച് ഈ സര്‍ക്കാര്‍ പഠനം നടത്തിയിട്ടുണ്ടോ;

(ബി)	പ്രസ്തുത മേഖലയുടെ തകര്‍ച്ച ഇന്നത്തെ നിലയില്‍ തുടര്‍ന്നാല്‍ വന്‍ സാമ്പത്തിക ദുരന്തത്തിന് ഇടയാകുമെന്നകാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വ്യക്തമാക്കുമോ;

(സി)	സംസ്ഥാനത്ത് പരമ്പരാഗത മേഖലയിലെ വ്യവസായങ്ങളുടെയും തൊഴിലാളികളുടെയും സംരക്ഷണത്തിന് എന്തെങ്കിലും പാക്കേജ് ആവിഷ്ക്കരിക്കുന്നതിന് തീരുമാനിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ?

കേന്ദ്ര ടൂറിസം മന്ത്രാലയത്തിന്റെ അനുമതി ലഭിച്ച ടൂറിസം പദ്ധതികള്‍

*53.

ശ്രീ.കെ.കുഞ്ഞിരാമന്‍
,, കെ.ജെ. മാക്സി
,, വി. അബ്ദുറഹിമാന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ഏതെല്ലാം ടൂറിസം പ്രൊപ്പോസലുകളാണ് കേന്ദ്രസര്‍ക്കാരിന്റെ അനുമതിയ്ക്കായി സമര്‍പ്പിച്ചിരുന്നതെന്ന് വ്യക്തമാക്കാമോ;

(ബി)	ഇതില്‍ ഏതെല്ലാം പദ്ധതികള്‍ക്കാണ് കേന്ദ്ര ടൂറിസം മന്ത്രാലയത്തിന്റെ അനുമതി ലഭിച്ചതെന്നും അവയ്ക്ക് ഓരോന്നിനും എത്ര തുകയുടെ അനുമതിയാണ് ലഭിച്ചതെന്നും വ്യക്തമാക്കാമോ;

(സി)	കേന്ദ്ര ടൂറിസം മന്ത്രാലയത്തില്‍ നിന്നും ഉറപ്പ് ലഭിച്ച പദ്ധതികള്‍ ഏതൊക്കെയാണെന്ന് വ്യക്തമാക്കാമോ?

ഉദയ് പദ്ധതി

*54.

ശ്രീ.എ. പ്രദീപ്കുമാര്‍
,, യു. ആര്‍. പ്രദീപ്
,, കെ.ഡി. പ്രസേനന്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഊര്‍ജ്ജ വിതരണ കമ്പനികളുടെ സാമ്പത്തിക ഭദ്രത ഉറപ്പാക്കാനായുള്ള ഉദയ് പദ്ധതിക്ക് സംസ്ഥാന സര്‍ക്കാര്‍ അംഗീകാരം നല്‍കിയിട്ടുണ്ടോ ;

(ബി)	ഉദയ് പദ്ധതി പ്രകാരം വൈദ്യുതി വിതരണ കമ്പനികളുടെ നടത്തിപ്പിലും ധനകാര്യ ഭദ്രതയ്ക്കായും സംസ്ഥാന സര്‍ക്കാര്‍ നടത്തേണ്ട പ്രവര്‍ത്തനങ്ങള്‍ എന്തെല്ലാമെന്നും അതിനായി നിശ്ചയിച്ചിട്ടുള്ള സമയരേഖയും വ്യക്തമാക്കാമോ;

(സി)	പാദ വാര്‍ഷികാടിസ്ഥാനത്തില്‍ നിരക്ക് പരിഷ്കരണം വേണമെന്നും വൈദ്യുതി ഉല്പാദന വിതരണത്തിന്റെ ചെലവ് പൂര്‍ണ്ണമായും ലഭിക്കത്തക്ക രീതിയില്‍ വില ഈടാക്കണമെന്നുമുള്ള കേന്ദ്ര സര്‍ക്കാര്‍ വ്യവസ്ഥക്ക് മാറ്റം വരുത്തിയിട്ടുണ്ടോ?

വ്യവസായ നിക്ഷേപം പ്രോത്സാഹിപ്പിക്കുന്നതിന് നിയമനിര്‍മ്മാണം

*55.

ശ്രീ.കെ. രാജന്‍
,, ചിറ്റയം ഗോപകുമാര്‍
ശ്രീമതി ഇ.എസ്.ബിജിമോള്‍
,, ഗീതാ ഗോപി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കേരള ഇൻവെസ്റ്റ്മെന്റ് പ്രൊമോഷൻ ആൻഡ് ഫെസിലിറ്റേഷൻ ആക്ട് എന്ന പേരില്‍ വ്യവസായ നിക്ഷേപം പ്രോത്സാഹിപ്പിക്കുന്നതിന് നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ;

(ബി)	പ്രസ്തുത നിയമനിര്‍മ്മാണത്തിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)	വ്യവസായ സ്ഥാപനങ്ങള്‍ക്ക് എൻ.ഒ.സി.യും സ്റ്റോപ്പ് മെമ്മോയും നല്‍കുന്നതിനുളള തദ്ദേശസ്വയംഭരണ സ്ഥാപനങ്ങളുടെ അധികാരം ഇല്ലാതാക്കുന്നതിന് പ്രസ്തുത നിയമത്തില്‍ വ്യവസ്ഥയുണ്ടോ; വ്യക്തമാക്കുമോ?

വൈദ്യുതി ക്ഷാമം പരിഹരിക്കുന്നതിന് മുൻകരുതൽ

*56.

ശ്രീ.കെ.മുരളീധരന്‍
,, റോജി എം. ജോണ്‍
,, സണ്ണി ജോസഫ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം നേരിടുന്ന വൈദ്യുതി ക്ഷാമം പരിഹരിക്കുന്നതിന് എന്തെല്ലാം മുന്‍കരുതലാണ് കൈക്കൊണ്ടിട്ടുള്ളതെന്നു വ്യക്തമാക്കുമോ;

(ബി)	സംസ്ഥാനത്തിന് പുറത്തുനിന്നും വൈദ്യുതി കൊണ്ടുവരുവാനും ലൈനുകളുടെ ശേഷി വര്‍ദ്ധിപ്പിക്കുവാനും എന്തെല്ലാം നടപടികള്‍ സ്വീക‍രിച്ചിട്ടുണ്ടെന്ന് വിശദമാക്കുമോ;

(സി)	കേന്ദ്ര വിഹിതമായി ലഭിക്കേണ്ട വൈദ്യുതി എത്രയാണെന്നും അധികവൈദ്യുതി ലഭിക്കുന്നതിന് എന്തെല്ലാം നടപടികള്‍ സംസ്ഥാനം കൈക്കൊണ്ടിട്ടുണ്ടെന്നും വ്യക്തമാക്കുമോ?

കൂടംകുളം - കൊച്ചി - ഇടമണ്‍ പവര്‍ ഹൈവേ പദ്ധതി

*57.

ശ്രീ.സി.എഫ്.തോമസ്
ഡോ.എന്‍. ജയരാജ്
ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കൂടംകുളം - കൊച്ചി - ഇടമണ്‍ പവര്‍ ഹൈവേ പദ്ധതി മുഖേന കേരളത്തിന് ലഭിക്കുന്ന വൈദ്യുതി എത്രയെന്ന് വ്യക്തമാക്കാമോ;

(ബി)	ലഭിക്കുന്ന വൈദ്യുതിയുടെ അളവും ചെലവാകുന്ന തുകയും താരതമ്യം ചെയ്തിട്ടുണ്ടോ; ഏറ്റെടുക്കുന്ന ഭൂമിക്ക് നഷ്ടപരിഹാരം കണക്കാക്കിയിട്ടുണ്ടോ; എങ്കില്‍ തുക എത്രയെന്ന് അറിയിക്കുമോ;

(സി)	ലൈന്‍ കടന്നുപോകുന്ന പ്രദേശത്തെ വൃക്ഷനാശവും കൃഷിനാശവും കണക്കാക്കിയിട്ടുണ്ടോയെന്ന് വിശദമാക്കാമോ;

(ഡി)	ലാഭകരമായ ബദല്‍ മാര്‍ഗങ്ങള്‍ ഏതെങ്കിലും പരിഗണിക്കാന്‍ ഉദ്ദേശിക്കുന്നുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

(ഇ)	ഈ പദ്ധതിയുമായി ബന്ധപ്പെട്ട് ഈ സര്‍ക്കാര്‍ അധികാരത്തില്‍ വന്നശേഷം പദ്ധതിപ്രദേശത്തെ ജനങ്ങളുമായോ ആക്ഷന്‍കൗണ്‍സില്‍ പ്രതിനിധികളുമായോ ചര്‍ച്ചകള്‍ നടത്തിയിട്ടുണ്ടോ; എങ്കില്‍ മിനിട്സിന്റെ പകര്‍പ്പ് ലഭ്യമാക്കാമോ?

വ്യവസായ നയം

*58.

ശ്രീ.വി.കെ.ഇബ്രാഹിം കുഞ്ഞ്
,, എം.ഉമ്മര്‍
,, പി.കെ.ബഷീര്‍
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ വ്യവസായ നയം വ്യക്തമാക്കുമോ;

(ബി)	'ഈസ് ഓഫ് ഡൂയിംഗ് ബിസിനസ്' സൂചികയില്‍ സംസ്ഥാനത്തിന്റെ സ്ഥാനം എത്രയാണ്; അത് മെച്ചപ്പെടുത്തുന്നതിന് സ്വീകരിച്ച നടപടികള്‍ വ്യക്തമാക്കുമോ;

(സി)	1999-ലെ സിംഗിള്‍ വിന്‍ഡോ ക്ലിയറന്‍സ് നിയമത്തില്‍ മാറ്റം ആവശ്യമാണെന്നു കരുതുന്നുണ്ടോ; വിശദമാക്കുമോ?

എല്ലാ വീട്ടിലും വൈദ്യുതിയെന്ന പദ്ധതി

*59.

ശ്രീ.കെ.എസ്.ശബരീനാഥന്‍
,, എ.പി. അനില്‍ കുമാര്‍
,, റോജി എം. ജോണ്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എല്ലാ വീട്ടിലും വൈദ്യുതിയെന്ന പദ്ധതി ഫലപ്രദമാക്കാന്‍ കൈക്കൊണ്ടിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ;

(ബി)	ഈ പദ്ധതിയുടെ ഭാഗമായി ഗുണഭോക്താക്കളെ കണ്ടെത്തിയിട്ടുണ്ടോ; എങ്കിൽ വിശദാംശങ്ങള്‍ എന്തെല്ലാം;

(സി)	"എല്ലാ വീടുകളിലും വൈദ്യുതി എത്തുന്ന ആദ്യത്തെ സംസ്ഥാനമാകും കേരളം" എന്ന പ്രഖ്യാപനം എന്നു നടപ്പിലാക്കാന്‍ കഴിയുമെന്നാണ് കരുതുന്നത്;

(ഡി)	രൂക്ഷമായ വൈദ്യുതി ക്ഷാമം നേരിടുന്ന സാഹചര്യത്തില്‍ പ്രസ്തുത പദ്ധതി നടത്തിപ്പിനുള്ള വൈദ്യുതി എങ്ങനെ കണ്ടെത്താനാണ് ഉദ്ദേശിക്കുന്നത്?

സംസ്ഥാനത്തിന്റെ വായ്പാ പരിധി

*60.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വായ്പാ പരിധി ഉയര്‍ത്തുന്ന കാര്യത്തില്‍ എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിരിക്കുന്നത്; വിശദമാക്കുമോ;

(ബി)	ഇക്കാര്യത്തില്‍ കേന്ദ്ര സര്‍ക്കാരില്‍ നിന്നും അനുകൂലമായ മറുപടി ലഭിച്ചിട്ടുണ്ടോ; വിശദാംശം നല്‍കുമോ;

(സി)	ഇക്കാര്യത്തില്‍ കേന്ദ്രം അനുകൂല നിലപാട് സ്വീകരിച്ചില്ലെങ്കില്‍ അത് കിഫ്ബിയുടെ പ്രവര്‍ത്തനത്തെ ബാധിക്കുമെന്ന് കരുതുന്നുണ്ടോ: ഉണ്ടെങ്കില്‍ പ്രസ്തുത പ്രതിസന്ധി പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.