14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >4th Session>Unstarred questions Answers

Answer Provided

Answer Not Yet Provided

FOURTEENTH KLA - 4th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തുറമുഖ മണല്‍ ഖനനം

1702.

ശ്രീ.വി. കെ. സി. മമ്മത് കോയ
,, എം. സ്വരാജ്
,, ബി.സത്യന്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ മണല്‍ ഖനനത്തിനായി നിലവിലുളള അശാസ്ത്രീയവും അഴിമതിക്കു കളമൊരുക്കിയിരുന്നതുമായ വ്യവസ്ഥകള്‍ മാറ്റിക്കാെണ്ട് പുതിയ നയം പ്രഖ്യാപിച്ചിട്ടുണ്ടോ; എങ്കില്‍ ഇതു പ്രകാരം മണല്‍ ഖനനത്തിനും വിപണനത്തിനും ഏര്‍പ്പെടുത്തിയിട്ടുളള വ്യവസ്ഥകള്‍ എന്തെല്ലാമാണ് ;

(ബി)	നിലവില്‍ ഇൗ മേഖലയിലുളള സഹകരണ സംഘങ്ങളെ ഒഴിവാക്കാന്‍ ഉദ്ദേശിക്കുന്നുണ്ടോ; എങ്കില്‍ സഹകരണ സംഘങ്ങളുടെ കീഴിലുളള തൊഴിലാളികളുടെ തൊഴില്‍ സംരക്ഷിക്കാന്‍ എന്തു പരിഹാരമാണ് നിര്‍ദ്ദേശിക്കാനുളളത്;

(സി)	മണല്‍ ഖനനവും വിപണനവും പൊതുമേഖലയിലൂടെ സര്‍ക്കാര്‍ നേരിട്ടു നടത്താനാണോ ഉദ്ദേശിക്കുന്നത്;എങ്കില്‍ ഇതിന്‍െറ പ്രായോഗിക രീതികള്‍ എന്തെല്ലാമാണ് എന്ന് വിശദീകരിക്കാമോ?

വിഴിഞ്ഞം പദ്ധതി

1703.

ശ്രീ.എം. വിന്‍സെന്റ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

വിഴിഞ്ഞം പദ്ധതി പ്രദേശത്തു നിന്നും കഴിഞ്ഞ സര്‍ക്കാരുകളുടെ കാലത്ത് ഏറ്റെടുത്ത ഭൂമിയുടെ ഉടമസ്ഥരില്‍ നിന്നും ആദായ നികുതി ഈടാക്കുന്നതിനുളള നീക്കം കേന്ദ്ര സര്‍ക്കാര്‍ നടത്തുന്നത് തുറമുഖ വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

വിഴിഞ്ഞം തുറമുഖ പദ്ധതി

1704.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിയുടെ പണി ഏതു ഘട്ടം വരെ ആയി എന്ന് വിവരിക്കുമോ;

(ബി)	ഇതിന്റെ പണി എന്നാണ് തുടങ്ങിയതെന്നും എന്ന് പൂര്‍ത്തീകരിക്കുമെന്നാണ് പ്രഖ്യാപിച്ചിരിക്കുന്നതെന്നും വിശദമാക്കുമോ;

(സി)	പദ്ധതി നിശ്ചിത സമയത്തിനുള്ളില്‍ തീര്‍പ്പാക്കാന്‍ എന്തെല്ലാം മുന്‍കരുതലുകള്‍ സര്‍ക്കാര്‍ സ്വീകരിച്ചിട്ടുണ്ടെന്ന് വിശദമാക്കുമോ;

(ഡി)	വിഴിഞ്ഞം മേഖലയില്‍ കരിങ്കല്ലിന്റെ ലഭ്യതക്കുറവുമൂലം പണി തടസ്സപ്പെട്ടതായി ശ്രദ്ധയില്‍പ്പെട്ടിട്ടുണ്ടോ;വിശദമാക്കുമോ?

വിഴിഞ്ഞം ഫിഷിംഗ് ഹാര്‍ബര്‍

1705.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖവുമായി ബന്ധപ്പെട്ട് തൊഴില്‍ നഷ്ടപ്പെട്ട ചിപ്പി തൊഴിലാളികളുടെയും കമ്പവല തൊഴിലാളികളുടെയും മത്സ്യത്തൊഴിലാളികളുടെയും പുനരധിവാസ പാക്കേജ് നടപ്പിലാക്കുവാന്‍ എന്തൊക്കെ ചെയ്തുവെന്ന് അറിയിക്കുമോ;

(ബി)	കഴിഞ്ഞ സര്‍ക്കാരിന്റെ കാലത്ത് പുനരധിവാസത്തിന് എത്ര തുക അനുവദിച്ചുവെന്നും എത്ര തുക ചെലവഴിച്ചുവെന്നും ഇനി എത്ര പേര്‍ക്ക് തുക നല്‍കാനുണ്ടെന്നും വിശദമാക്കാമോ?

ബേപ്പൂര്‍ തുറമുഖ വികസനം ത്വരിതപ്പെടുത്താന്‍ നടപടി

1706.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ബേപ്പൂര്‍ തുറമുഖ വികസനത്തിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	തുറമുഖ വികസനത്തിനായി ബേപ്പൂര്‍ കോവിലകത്തിന്റെ അധീനതയിലുള്ള ഭൂമി ഏറ്റെടുക്കുന്നതിനുള്ള നടപടികള്‍ പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ ഇപ്പോഴത്തെ സ്ഥിതി എന്താണ്;

(സി)	പ്രസ്തതുത നടപടികള്‍ വേഗത്തിലാക്കാന്‍ നടപടി സ്വീകരിക്കാമോ?

കുഞ്ഞാലി മരയ്ക്കാര്‍ മ്യൂസിയം

1707.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി മണ്ഡലത്തില്‍ കോട്ടയ്ക്കല്‍ സ്ഥിതി ചെയ്യുന്ന ധീര ദേശാഭിമാനി കോട്ടയ്ക്കല്‍ കുഞ്ഞാലി മരയ്ക്കാരുടെ സ്മാരകമായി നിലനില്‍ക്കുന്ന കുഞ്ഞാലി മരയ്ക്കാര്‍ മ്യൂസിയം വികസിപ്പിക്കുന്നതിനായി സമര്‍പ്പിച്ചിട്ടുള്ള പ്രോജക്ട് പ്രൊപ്പോസല്‍ പരിഗണനയിലുണ്ടോ;

(ബി)	ആയതിന്മേല്‍ സ്വീകരിച്ചു വരുന്ന നടപടികള്‍ വിശദമാക്കാമോ?

കൊച്ചിന്‍ ഫോറസ്റ്റ് റെയില്‍ട്രാംവേ മ്യൂസിയം

1708.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചരിത്രപ്രാധാന്യമുള്ള കൊച്ചിന്‍ ഫോറസ്റ്റ് റെയില്‍ട്രാംവേ മ്യൂസിയം ചാലക്കുടിയില്‍ സ്ഥാപിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ;

(ബി)	റെയില്‍ട്രാംവേയുടെ അവശിഷ്ടങ്ങള്‍ സംരക്ഷിക്കുന്നതിനും റെയില്‍പ്പാത പുനര്‍ നിര്‍മ്മിക്കുന്നതിനും ആവശ്യമായ നടപടി സ്വീകരിക്കുമോ?

വെളിയത്ത് ഗുഹയുടെ ചരിത്ര പ്രാധാന്യം

1709.

ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയിലെ വെളിയത്ത് മാലയില്‍ വാര്‍ഡില്‍ പ്രാചീന ഗുഹ കണ്ടെത്തിയെന്ന റിപ്പോര്‍ട്ടുകളുടെ അടിസ്ഥാനത്തില്‍ പുരാവസ്തു വകുപ്പ് പരിശോധന നടത്തിയിട്ടുണ്ടോ; എങ്കില്‍ വിശദവിവരം വെളിപ്പെടുത്തുമോ;

(ബി)	പ്രസ്തുത പരിശോധനയില്‍ ഗുഹയുടെ ചരിത്ര പ്രാധാന്യം വെളിപ്പെട്ടുവെങ്കില്‍ അടിയന്തര പര്യവേഷണത്തിന് നിര്‍ദ്ദേശം നല്‍കുമോ?

പാപ്പനംകോട് ഗാന്ധി സ്മൃതി മണ്ഡപം പുന:സ്ഥാപിക്കല്‍

1710.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നഗരത്തിലെ പാപ്പനംകോട് നിന്നും ദേശീയ പാത നിര്‍മ്മാണത്തിനായി പൊളിച്ചുമാറ്റിയതും ഗാന്ധി സ്മൃതി മണ്ഡപമായി അറിയപ്പെട്ടിരുന്നതുമായ ചരിത്ര പ്രാധാന്യമുളള വഴിയമ്പലം എവിടെയാണ് പുന:സ്ഥാപിച്ചതെന്ന് വ്യക്തമാക്കുമോ;

(ബി)	ഈ വഴിയമ്പലം, അനുബന്ധ കല്‍ത്തൊട്ടി, ചുമടുതാങ്ങി എന്നിവ ഉള്‍പ്പെടുത്തി മ്യൂസിയം ഗാര്‍ഡനിലോ കനകക്കുന്ന് കൊട്ടാരവളപ്പിലോ ഹെറിറ്റേജ് മ്യൂസിയം വളപ്പിലോ പുന:സ്ഥാപിക്കാന്‍ നിര്‍ദ്ദേശം നല്‍കുമോ;

(സി)	ഉടനെ നീക്കം ചെയ്യാന്‍ പോകുന്ന ബാലരാമപുരത്തെ പുരാതന വഴിയമ്പലം ചരിത്ര സ്മാരകമായി സംരക്ഷിക്കുന്നതിനായി സൌകര്യപ്രദമായ സ്ഥലത്തേക്ക് മാറ്റി സ്ഥാപിക്കാന്‍ അടിയന്തര നടപടിക്കായി ബന്ധപ്പെട്ടവര്‍ക്ക് നിര്‍ദ്ദേശം നല്‍കുമോ?

ആറ്റിങ്ങല്‍, കിളിമാനൂര്‍ കൊട്ടാരങ്ങളുടെ പുനരുദ്ധാരണം

1711.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചരിത്ര പ്രസിദ്ധമായ ആറ്റിങ്ങല്‍, കിളിമാനൂര്‍ കൊട്ടാരങ്ങളുടെ പുനരുദ്ധാരണ പ്രവര്‍ത്തനങ്ങളുടെ പ്രൊപ്പോസല്‍ ലഭ്യമായിട്ടുണ്ടോ;

(ബി)	ഇവയെ പൈതൃക ഗ്രാമം പദ്ധതിയില്‍ ഉള്‍പ്പെടുത്താന്‍ നടപടി സ്വീകരിക്കുമോ;

(സി)	ഇവ സംരക്ഷിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ?

രാമഗിരിക്കോട്ടയുടെ ചരിത്രപ്രാധാന്യം

1712.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടാമ്പി മണ്ഡലത്തില്‍ പുരാവസ്തു വകുപ്പിന്‍െറ അധീനതയില്‍ എന്തെല്ലാം വസ്തുക്കളുണ്ടെന്ന് തരം തിരിച്ച് ലഭ്യമാക്കാമോ;

(ബി)	പട്ടാമ്പി മണ്ഡലത്തിലെ ഏറെ ചരിത്രപ്രാധാന്യമുളള രാമഗിരിക്കോട്ട പുരാവസ്തു വകുപ്പിന്‍െറ നിയന്ത്രണത്തിലാണോ; രാമഗിരിക്കോട്ടയുടെ ചരിത്രപ്രാധാന്യം മുന്‍നിര്‍ത്തി അത് സംരക്ഷിക്കാനുളള എന്തെല്ലാം നടപടികളാണ് സ്വീകരിച്ചിട്ടുളളത്;

(സി)	പറയിപെറ്റ പന്തിരുകുലത്തിന്റേയും നാറാണത്ത് ഭ്രാന്തന്‍െറ രായിരനെല്ലൂര്‍ മലയുടേയും പ്രാധാന്യം മനസ്സിലാക്കി അത് സംരക്ഷിക്കാനുളള എന്തെല്ലാം നടപടികളാണ് സ്വീകരിച്ചിട്ടുളളതെന്ന് അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.