14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >4th Session>Unstarred questions Answers

Answer Provided

Answer Not Yet Provided

FOURTEENTH KLA - 4th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മരണധനസഹായം അനുവദിക്കുന്നതിന് നടപടി

1449.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് കൃഷി വകുപ്പുമന്ത്രി സദയം മറുപടി നല്‍കുമോ:

ചാലക്കുടി ബ്ലോക്ക് പഞ്ചായത്തും, കൃഷി വകുപ്പും സംയുക്തമായി അതിരപ്പിള്ളി പഞ്ചായത്തിലെ തവളക്കുഴിപ്പാറ ആദിവാസി കോളനിയില്‍ നെല്‍കൃഷിയിറക്കുന്ന പ്രവര്‍ത്തനത്തിനിടയില്‍ ട്രാക്ടര്‍ മറിഞ്ഞ് മരണമടഞ്ഞ, അഗ്രോസര്‍വ്വീസ് സെന്റര്‍, കോടശ്ശേരി ഹൈപ്പവര്‍ കമ്മറ്റിയംഗം ശ്രീ.ജോസഫിന്റെ കുടുംബത്തിന് ധനസഹായം അനുവദിക്കുന്നതിനായുള്ള അപേക്ഷയില്‍ നടപടി സ്വീകരിച്ചിട്ടുണ്ടോ; ഇല്ലെങ്കില്‍ അടിയന്തര നടപടി സ്വീകരിക്കുമോ?

വിപണനം നടത്തുന്ന ജെെവപച്ചക്കറിയുടെ ഗുണമേന്മ

1450.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജെെവപച്ചക്കറി എന്ന പേരില്‍ മാര്‍ക്കറ്റില്‍ വില്‍ക്കുന്ന പച്ചക്കറികള്‍ എല്ലാം ശുദ്ധമായ ജെെവ പച്ചക്കറിയാണെന്ന് ഉറപ്പു വരുത്തുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാം;

(ബി)	ജെെവ പച്ചക്കറിക്കൃഷി വ്യാപിപ്പിക്കുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാം;

(സി)	സര്‍ക്കാര്‍ ഏജന്‍സികള്‍ വഴി ജെെവ പച്ചക്കറി വിപണനം നടത്തുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ?

കശുമാവ് കൃഷി

T 1451.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉയരം കുറഞ്ഞ കശുമാവ് കൃഷി നടപ്പിലാക്കുന്നത് സംബന്ധിച്ച് പഠനം നടത്തിയിട്ടുണ്ടോ; വ്യക്തമാക്കുമോ;

(ബി)	കേരളത്തില്‍ ഉയരം കുറഞ്ഞ കശുമാവ് കൃഷി ലാഭകരമായ പ്രദേശങ്ങള്‍ ഏതെല്ലാം;

(സി)	ഉയരം കുറഞ്ഞ കശുമാവ് കൃഷി ലാഭകരമാണെന്ന പഠന റിപ്പോർട്ട് ലഭിച്ചിട്ടുണ്ടോ; എങ്കിൽ റിപ്പോർട്ടിന്മേൽ സ്വീകരിച്ച നടപടികള്‍ എന്തെല്ലാമെന്നു വ്യക്തമാക്കുമോ?

ജലദൗര്‍ലഭ്യം കാരണമുണ്ടായ നെല്‍കൃഷിനാശം

1452.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ രണ്ടാംവിള നെല്‍കൃഷി ജലദൗര്‍ലഭ്യം കാരണം ഉണങ്ങിപോയതായും, മുഞ്ഞരോഗം ബാധിച്ച് നശിച്ചതായും ശ്രദ്ധയില്‍പെട്ടിട്ടുണ്ടോ;

(ബി)	വിളനഷ്ടം വന്ന കര്‍ഷകര്‍ക്കായി എന്തെല്ലാം പരിഹാരനടപടികളാണ് സ്വീകരിച്ചത് എന്ന് വ്യക്തമാക്കാമോ;

(സി)	എത്ര ഹെക്ടര്‍ നെല്‍കൃഷിയാണ് നശിച്ചത് എന്ന് വിവരം ശേഖരിച്ചിട്ടുണ്ടോ;

(ഡി)	ജില്ലയിലെ കൃഷിഭവന്‍ ജീവനക്കാര്‍ കര്‍ഷകരെ നേരില്‍കണ്ട് എന്തെല്ലാം സൗകര്യങ്ങളും നിര്‍ദ്ദേശങ്ങളുമാണ് നല്‍കിയത് എന്ന് വ്യക്തമാക്കാമോ;

(ഇ)	വകുപ്പില്‍ നിന്നും സമയോചിതമായ സഹായങ്ങള്‍ ലഭ്യമാക്കിയില്ലാ എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(എഫ്)

കൃഷിവകുപ്പിലെ ജീവനക്കാരും, കര്‍ഷകരും, ജനപ്രതിനിധികളും, പരിസ്ഥിതി പ്രവര്‍ത്തകരും ഉള്‍പ്പെടുന്ന സമിതികള്‍ രൂപീകരിക്കുന്നതിനുള്ള നടപടി സ്വീകരിക്കുമോ;വിശദാംശം ലഭ്യമാക്കാമോ?

പ്ലാന്റേഷന്‍ കോര്‍പ്പറേഷന്‍ ഭൂമിയിലെ കൃഷി

1453.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ പ്ലാന്റേഷന്‍ കോര്‍പ്പറേഷന്റെ അധീനതയിലുള്ള കശുമാവിന്‍ തോട്ടങ്ങളിലെ കശുവണ്ടി വര്‍ഷങ്ങളായി വില്പന നടത്തുന്നത് ഏത് വിധത്തിലാണെന്ന് അറിയിക്കാമോ;

(ബി)	പ്ലാന്റേഷന്‍ തോട്ടത്തിലെ കശുവണ്ടി, തൊഴിലാളികളെക്കൊണ്ടുതന്നെ ശേഖരിച്ച് സര്‍ക്കാരിന്റെ കീഴിലുള്ള കശുവണ്ടി ഫാക്ടറികള്‍ക്ക് നല്‍കുന്നതിന് നിലവില്‍ എന്തെങ്കിലും തടസ്സമുണ്ടോ; വിശദാംശങ്ങള്‍ അറിയിക്കാമോ;

(സി)	ഇടനിലക്കാരെ ഒഴിവാക്കി കശുവണ്ടി ഫാക്ടറികളില്‍ തന്നെ പ്ലാന്റേഷന്‍ കോര്‍പ്പറേഷനിലെ കശുവണ്ടി എത്തിക്കുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ അറിയിക്കാമോ;

(ഡി)	കാസര്‍ഗോഡ് ജില്ലയില്‍ പ്ലാന്റേഷന്‍ കോര്‍പ്പറേഷന്റെ ഉടമസ്ഥതയില്‍ എത്ര ഏക്കര്‍ സ്ഥലമുണ്ടെന്നും അറിയിക്കാമോ;

(ഇ)	പ്രസ്തുത സ്ഥലത്ത് മുഴുവന്‍ ഇപ്പോള്‍ കൃഷി ഇറക്കുന്നുണ്ടോ; കൃഷി ചെയ്യാന്‍ ഉപയുക്തമായ എത്ര ഏക്കര്‍ ഭൂമിയാണ് തരിശായി കിടക്കുന്നത് ; വിശദാംശങ്ങള്‍ അറിയിക്കാമോ?

ഒറ്റപ്പാലത്തെ അഗ്രോ സര്‍വ്വീസ് സെന്‍ററുകള്‍

1454.

(എ)	ഒറ്റപ്പാലം നിയോജക മണ്ഡലത്തില്‍പ്പെട്ട വിവിധ കൃഷിഭവനുകളിലെ പരിധിയില്‍പ്പെടുന്ന കര്‍ഷകര്‍ക്ക് 1/4/2016/ മുതല്‍ 31/1/2017 വരെ വിള ആരോഗ്യ പരിപാലനത്തിനായി എത്ര തുക നല്‍കുകയുണ്ടായി; വിശദാംശം ലഭ്യമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം ഒറ്റപ്പാലം നിയോജക മണ്ഡലത്തിലെ അതിര്‍ത്തിയില്‍ എത്ര അഗ്രോ സര്‍വ്വീസ് സെന്ററുകള്‍ സ്ഥാപിച്ചു; എത്ര തുക അതിനായി വിനിയോഗിച്ചു; വിശദാംശം ലഭ്യമാക്കാമോ?

'റൈസ് പാര്‍ക്ക് '

1455.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	റൈസ് പാര്‍ക്കിന്റെ നടപടികള്‍ പൂര്‍ത്തീകരിച്ചിട്ടുണ്ടോ; ആയത് എന്നുമുതല്‍ കമ്മീഷന്‍ ചെയ്യുവാനാകും; വിശദവിവരം നല്‍കുമോ;

(ബി)	റൈസ് പാര്‍ക്കിന്റെ പ്രവര്‍ത്തന പരിപാടിയ്ക്ക് രൂപം നല്‍കിയിട്ടുണ്ടോ; എങ്കില്‍ വിശദവിവരം നല്‍കുമോ;

(സി)	റൈസ് പാര്‍ക്ക് എവിടെയാണ് സ്ഥാപിക്കുവാന്‍ ഉദ്ദേശിക്കുന്നത്; വിശദവിവരം നല്കുമോ?

'ഹരിതം ഹരിപ്പാട്' കാര്‍ഷിക വികസന പദ്ധതി

1456.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	'ഹരിതം ഹരിപ്പാട്' കാര്‍ഷിക വികസന പദ്ധതിയുടെ നിര്‍മ്മാണ മേല്‍നോട്ടത്തിനായി നിയോജകമണ്ഡലാടിസ്ഥാനത്തില്‍ പ്രത്യേക ഗവേണിംഗ് ബോഡി രൂപീകരിക്കുന്നതിനുളള ശുപാര്‍ശ ലഭിച്ചിട്ടുണ്ടോ;

(ബി)	ഇക്കാര്യത്തില്‍ സ്വീകരിച്ച നടപടി വിശദമാക്കുമോ ?

പി.എം.കെ.എസ്. വൈ

1457.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	2016-17 വര്‍ഷത്തില്‍ പി.എം.കെ.എസ്. വൈ പ്രകാരം സംസ്ഥാനത്തിന് കേന്ദ്ര സര്‍ക്കാര്‍ അനുവദിച്ച തുക എത്രയെന്ന് വിശദമാക്കാമോ;

(ബി)	ജില്ലാ ഇറിഗേഷന്‍ പ്ലാന്‍ തയ്യാറാക്കുവാന്‍ കേന്ദ്ര സര്‍ക്കാര്‍ അനുവദിച്ച തുക പൂര്‍ണ്ണമായും ചെലവാക്കിയിട്ടുണ്ടോ;

(സി)	ജില്ലാ ഇറിഗേഷന്‍ പ്ലാനും സംസ്ഥാന ഇറിഗേഷന്‍ പ്ലാനും കൃത്യമായി കേന്ദ്ര സര്‍ക്കാരിന് എന്ന് സമര്‍പ്പിക്കുവാന്‍ സാധിക്കുമെന്ന് വിശദമാക്കാമോ?

പി.എം.കെ.എസ്.വൈ. പദ്ധതി

1458.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പി.എം.കെ.എസ്.വൈ. പദ്ധതി പ്രകാരം എത്ര ജില്ലകളുടെ ഇറിഗേഷന്‍ പ്ലാന്‍ പൂര്‍ണ്ണമായും തയ്യാറായിട്ടുണ്ട് എന്ന് വ്യക്തമാക്കാമോ;

(ബി)	2015-ല്‍ പ്രഖ്യാപിച്ച പി.എം.കെ.എസ്.വൈ. പദ്ധതി സംസ്ഥാനത്ത് നടപ്പിലാക്കാന്‍ വൈകുന്നതിന്റെ കാരണം വിശദമാക്കാമോ;

(സി)	ജില്ലാ ഇറിഗേഷന്‍ പ്ലാന്‍ തയ്യാറാക്കുവാന്‍ ജില്ലാ കളക്ടര്‍മാര്‍ സ്വീകരിച്ചിട്ടുള്ള നടപടികള്‍ ജില്ലാടിസ്ഥാനത്തില്‍ വിശദീകരിക്കാമോ?

പഴം ,പച്ചക്കറി എന്നിവയുടെ ഉത്പാദനത്തില്‍ സ്വയം പര്യാപ്തത

1459.

ശ്രീ.സി. കെ. ശശീന്ദ്രന്‍
,, എം. സ്വരാജ്
,, എം. നൗഷാദ്
,, കെ. ബാബു : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പഴം ,പച്ചക്കറി എന്നിവയുടെ ഉത്പാദനത്തില്‍ സ്വയം പര്യാപ്തത കെെവരിക്കുന്നതിനായി എന്തെല്ലാം പദ്ധതികളാണ് നടപ്പിലാക്കിയിട്ടുളളതെന്ന് വ്യക്തമാക്കാമോ;

(ബി)	കാര്‍ഷികോത്പന്നങ്ങളുടെ സംഭരണം, വിപണനം, ഗ്രേഡിംഗ് എന്നിവയ്ക്കായി എന്തെല്ലാം പശ്ചാത്തല സൗകര്യങ്ങളാണ് ഏര്‍പ്പെടുത്തിയിട്ടുളളതെന്ന് വ്യക്തമാക്കാമോ;

(സി)	പച്ചക്കറി കൃഷിയ്ക്ക് പലിശ രഹിത വായ്പ നല്‍കുന്നതിന് തീരുമാനിച്ചിട്ടുണ്ടോ; വിശദമാക്കാമോ;

(ഡി)	വിഷരഹിത പച്ചക്കറികളുടെ സംഭരണത്തിനും വിപണനത്തിനും ഹോര്‍ട്ടികള്‍ച്ചർ കോര്‍പ്പറേഷന്‍െറ പ്രവര്‍ത്തനം വിപുലമാക്കുവാന്‍ നടപടി സ്വീകരിക്കുമോ?

ജൈവ പച്ചക്കറി കൃഷി

1460.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവ പച്ചക്കറി കൃഷി പ്രോല്‍സാഹിപ്പിക്കുന്നതിനായി നടപ്പിലാക്കുന്ന പദ്ധതികള്‍ എന്തെല്ലാമാണെന്ന് വിശദീകരിക്കാമോ;

(ബി)	ഹൈടെക് പോളിഹൗസിന് നിലവില്‍ നല്‍കി വരുന്ന സാമ്പത്തിക സഹായങ്ങൾ വിശദമാക്കുമോ;

(സി)	ഹൈടെക് പോളി ഹൗസിന് നല്കി വരുന്ന സബ്സിഡി എത്ര ശതമാനമാണെന്ന് വ്യക്തമാക്കാമോ?

ജൈവ വൈപ്പിന്‍ പദ്ധതി

1461.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവ വൈപ്പിന്‍ പദ്ധതിയുടെ ഭാഗമായ വീരന്‍ പുഴയിലെ ചെളി നീക്കം ചെയ്യല്‍ പ്രവൃത്തികള്‍ തടസ്സപ്പെട്ടു കിടക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ പ്രവൃത്തി നടപ്പാക്കുന്നതിനായി സ്വീകരിച്ച തുടര്‍ നടപടികള്‍ വിശദമാക്കാമോ;

(ബി)	പ്രവൃത്തി എന്നത്തേക്ക് പുനരാരംഭിക്കാനാകുമെന്ന് വ്യക്തമാക്കാമോ?

തോട് ആഴം വെയ്ക്കല്‍ പ്രവൃത്തികള്‍

1462.

(എ)	ജൈവ വൈപ്പിന്‍ പദ്ധതിയുടെ ഭാഗമായ തോട് ആഴം വെയ്ക്കല്‍ പ്രവൃത്തികളുടെ പുരോഗതി വിശദമാക്കാമോ; പ്രസ്തുത പ്രവൃത്തികള്‍ നടപ്പാക്കുന്നതില്‍ ഏതെങ്കിലും തരത്തിലുള്ള തടസ്സങ്ങളുണ്ടെങ്കില്‍ വിശദമാക്കാമോ;

(ബി)	പ്രവൃത്തി എന്നത്തേക്ക് പൂർത്തീകരിക്കാനാകുമെന്ന് വ്യക്തമാക്കാമോ?

ആത്മ പദ്ധതി

1463.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷി വകുപ്പിലെ ആത്മ പദ്ധതി തുടങ്ങിയിട്ട് എത്രവര്‍ഷമായി എന്ന് അറിയിക്കുമോ;

(ബി)	ആത്മ പദ്ധതിയില്‍ സ്ഥിരം ജീവനക്കാരുടെയും താല്‍ക്കാലിക ജീവനക്കാരുടെയും എണ്ണം എത്രവീതമാണ്;

(സി)	ഇതിനായി കേന്ദ്രസര്‍ക്കാര്‍ നല്‍കുന്ന തുക ഏതെല്ലാം കാര്യങ്ങള്‍ക്കാണ് വിനിയോഗിക്കുന്നത്;

(ഡി)	ആത്മയുമായി ബന്ധപ്പെട്ട ജീവനക്കാര്‍ക്ക് ആറുമാസമായി ശമ്പളം ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കാരണം വിശദമാക്കുമോ;

(ഇ)	നിലവില്‍ ശമ്പള കുടിശ്ശിക ഉണ്ടെങ്കില്‍ അത് ഏത് തീയതിക്ക് മുന്‍പ് നല്‍കുമെന്ന് വ്യക്തമാക്കുമോ?

കൃഷി ഓഫീസര്‍ തസ്തികകള്‍

1464.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പട്ടാമ്പി മണ്ഡലത്തിലെ വിവിധ കൃഷി ഭവനുകളില്‍ കാലങ്ങളായി കൃഷി ഓഫീസര്‍ തസ്തികകള്‍ ഒഴിഞ്ഞു കിടക്കുന്നത് ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ സ്ഥിരം കൃഷി ഓഫീസര്‍മാരെ നിയമിക്കുന്നതിനുള്ള എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)

കാര്‍ഷിക രംഗത്തെ യന്ത്രവത്കരണത്തിന്റെ ഭാഗമായി വകുപ്പ് വാങ്ങിയ കാര്‍ഷിക യന്ത്രങ്ങള്‍ കേടു വന്നത് കൊണ്ടോ നിയമത്തിന്റെ നൂലാമാലകൾ കാരണമോ കര്‍ഷകന് ഉപയുക്തമാകുന്നില്ല എന്നതു ശ്രദ്ധയില്‍പെട്ടിട്ടുണ്ടോ; പ്രസ്തുത യന്ത്രങ്ങൾ കര്‍ഷകനു ആവശ്യാനുസരണം ലഭ്യമാക്കാനുള്ള എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ?

കൃഷി ഓഫീസര്‍, കൃഷി അസിസ്റ്റന്റ് നിയമനം

1465.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	തലശ്ശേരി നിയോജക മണ്ഡലത്തിലെ ചൊക്ലി, ന്യൂ മാഹി കൃഷി ഭവനുകളില്‍ നിലവില്‍ എത്ര കൃഷി ഓഫീസര്‍, കൃഷി അസിസ്റ്റന്റ് തസ്തികകളുണ്ട്; ഇവയില്‍ എത്ര തസ്തികകളില്‍ ഉദ്യോഗസ്ഥരില്ല;

(ബി)	സംസ്ഥാനത്ത് നിലവില്‍ എത്ര കൃഷി ഓഫീസര്‍, കൃഷി അസിസ്റ്റന്റ് തസ്തികകള്‍ ഒഴിഞ്ഞു കിടക്കുന്നുണ്ട്;

(സി)	അഗ്രിക്കള്‍ച്ചറല്‍ ഓഫീസര്‍, അഗ്രിക്കള്‍ച്ചറല്‍ അസിസ്റ്റന്റ് എന്നീ തസ്തികകളിലേക്കുള്ള നിയമനത്തിന് പി. എസ്. സി റാങ്ക് ലിസ്റ്റ് നിലവിലുണ്ടോയെന്ന് വ്യക്തമാക്കുമോ ?

കൃഷി വകുപ്പിലെ കമ്പ്യൂട്ടര്‍വത്ക്കരണം

1466.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷി വകുപ്പില്‍ നടപ്പാക്കിയ കമ്പ്യൂട്ടര്‍വല്‍ക്കരണം കൊണ്ട് സാധാരണക്കാരായ കര്‍ഷകര്‍ക്ക് എന്തൊക്കെ പ്രയോജനം ലഭിക്കുന്നുണ്ടെന്ന് വിശദമാക്കാമോ;

(ബി)	ഇതുമായി ബന്ധപ്പെട്ട് കര്‍ഷകര്‍ക്ക് പരിശീലനം നല്‍കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

മാമം വിര്‍ജിന്‍ കോക്കനട്ട് ഓയില്‍ ഉല്‍പ്പാദന കേന്ദ്രം

1467.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)

നാളികേര വികസന കോര്‍പ്പറേഷന് കീഴില്‍ പ്രവര്‍ത്തിക്കുന്ന മാമം നാളികേര കോംപ്ലക്സിലെ വിര്‍ജിന്‍ കോക്കനട്ട് ഓയില്‍ ഉല്‍പ്പാദന കേന്ദ്രം പ്രവര്‍ത്തന രഹിതമാണ് എന്ന കാര്യം ശ്രദ്ധയില്‍പ്പെട്ടിട്ടുണ്ടോ; കാരണം വിലയിരുത്തിയിട്ടുണ്ടോ;എന്തെല്ലാം പദ്ധതികളാണ് നടത്തിയത്; പ്രവര്‍ത്തന ചുമതല ഏത് ഏജന്‍സിക്കാണ്; ഇത് തുറന്നു പ്രവര്‍ത്തിപ്പിക്കാന്‍ നടപടി സ്വീകരിക്കുമോ;

(ബി)	മൂല്യാധിഷ്ഠിത നാളികേര ഉല്‍പ്പന്നങ്ങളുടെ ഉല്‍പ്പാദനത്തിനും വിപണനത്തിനുമായി ആറ്റിങ്ങല്‍ മാമം ദേശീയ പാതയോരത്ത് വിഭാവനം ചെയ്ത കോക്കനട്ട് മാള്‍ പദ്ധതിയുടെ അവസ്ഥ എന്താണ്; പദ്ധതി യാഥാര്‍ത്ഥ്യമാക്കാന്‍ നടപടി സ്വീകരിക്കുമോ?

കൃഷി വകുപ്പിന്റെ ധനസഹായ പദ്ധതികള്‍

1468.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷി വകുപ്പ് മുഖേന വിവിധ ഫാമുകള്‍ (കൃഷി, ഡയറി, പന്നി, ആട്, താറാവ്, കോഴി മുതലായ ഫാമുകള്‍) നടത്തുന്നതിന് നല്‍കുന്ന ധനസഹായ പദ്ധതികള്‍ എന്തെല്ലാമാണെന്നും സബ്സിഡികള്‍ എന്തെല്ലാമെന്നും വ്യ‍ക്തമാക്കുമോ;

(ബി)	ഇത്തരം പദ്ധതികളുടെ മാനദണ്ഡങ്ങള്‍/മാര്‍ഗ്ഗരേഖകള്‍ എന്തെല്ലാമെന്നും വിശദമാക്കുമോ?

കൃഷി വകുപ്പിന്റെ കീഴില്‍ കേന്ദ്രപദ്ധതികള്‍

1469.

(എ)	കൃഷി വകുപ്പിന്റെ കീഴില്‍ കഴിഞ്ഞ അഞ്ച് വര്‍ഷത്തിനുള്ളില്‍ കേന്ദ്രപദ്ധതികള്‍ ഉള്‍പ്പെടെ എന്തെല്ലാം പദ്ധതികളാണ് നടപ്പിലാക്കിയിട്ടുള്ളത് എന്ന് വിശദമാക്കാമോ;

(ബി)	ഇതില്‍ കേന്ദ്ര പദ്ധതികള്‍ക്കായി ലഭിച്ചതും ചെലവാക്കിയതുമായ തുക വാര്‍ഷികാടിസ്ഥാനത്തില്‍ ലഭ്യമാക്കാമോ;

(സി)	2017-18 ലെ കേന്ദ്ര ബഡ്ജറ്റില്‍ കൃഷിക്കും മറ്റ് അനുബന്ധ മേഖലകള്‍ക്കുമായി എത്ര തുകയാണ് നീക്കി വച്ചിരിക്കുന്നത് എന്ന് വ്യക്തമാക്കാമോ; ഇതില്‍ സംസ്ഥാനത്തിന് എത്ര തുക ഏതെല്ലാം ഇനത്തില്‍ ലഭ്യമാകുമെന്ന് വിശദമാക്കാമോ?

കൃഷി മന്ത്രിയുടെ സന്ദര്‍ശനം

1470.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് വേങ്ങേരി അഗ്രിക്കള്‍ച്ചറല്‍ മാര്‍ക്കറ്റില്‍ ബഹു. കൃഷി മന്ത്രിയുടെ സന്ദര്‍ശനത്തില്‍ ശ്രദ്ധയില്‍പ്പെട്ട അപാകതകള്‍ എന്തെല്ലാമാണെന്ന് വിശദമാക്കുമോ;

(ബി)	പ്രസ്തുത അപാകതകള്‍ പരിഹരിക്കുന്നതിനാവശ്യമായ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ?

കൃഷി ഓഫീസര്‍മാരുടെ ഒഴിവുകള്‍

1471.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കൃഷി ഓഫീസര്‍മാരുടെ എത്ര ഒഴിവുകൾ നിലവിലുണ്ട് ; ജില്ല തിരിച്ച് വ്യക്തമാക്കാമോ;

(ബി)	കൃഷി ഓഫീസര്‍മാരുടെ പി.എസ്.സി. റാങ്ക് ലിസ്റ്റ് നിലവിലുണ്ടോ;

കൃഷി പ്രോത്സാഹിപ്പിക്കുന്നതിനായുള്ള പ്രവര്‍ത്തനങ്ങള്‍

1472.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം കൃഷി പ്രോത്സാഹിപ്പിക്കുന്നതിനായി നടത്തിയ പ്രവര്‍ത്തനങ്ങള്‍ വിശദമാക്കാമോ;

(ബി)	തരിശുപാടങ്ങള്‍ കൃഷി ചെയ്യുന്നതിനായി പ്രത്യേക പദ്ധതി ആവിഷ്ക്കരിച്ച് നടപ്പിലാക്കിയിട്ടുണ്ടോ; ഇല്ലെങ്കില്‍ നടപ്പിലാക്കുമോ?

വ്യാജ ജൈവ വളങ്ങള്‍

1473.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവ കൃഷി രീതി വര്‍ധിച്ചു വരുന്ന സാഹചര്യത്തില്‍ സംസ്ഥാനത്ത് വിറ്റഴിക്കുന്ന മിക്ക കമ്പനികളുടെയും ജൈവ വളത്തിന് ഗുണനിലവാരം ഇല്ലായെന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഏതെല്ലാം കമ്പിനികളുടെ ജൈവ വളങ്ങൾക്കാണ് സര്‍ക്കാര്‍ നിഷ്കർഷിക്കുന്ന ഗുണനിലവാരമുള്ളതെന്ന് വ്യക്തമാക്കുമോ;

(ബി)	ജൈവവളമെന്ന പേരില്‍ വ്യാജ വളങ്ങളും ഗുണനിലവാരം കുറഞ്ഞ വളങ്ങളും വിറ്റഴിച്ചതിന്റെ പേരില്‍ ഏതെങ്കിലും കമ്പനികൾക്കെതിരെ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

(സി)	ജൈവ വളങ്ങളുടെ ഗുണനിലവാര പരിശോധന കര്‍ശനമാക്കുമോ;

(ഡി)	ജൈവ വളങ്ങള്‍ പരിശോധിച്ചു ഗുണനിലവരം നിശ്ചയിക്കുന്നതിന് ചുമതലപ്പെടുത്തിയിരിക്കുന്നത് ഏത് സര്‍ക്കാര്‍ ഏജന്‍സിയെയാണെന്ന് വ്യക്തമാക്കുമോ?

സമഗ്ര കാര്‍ഷിക നയം

1474.

ശ്രീ.വി.ഡി.സതീശന്‍
,, പി.ടി. തോമസ്
,, അടൂര്‍ പ്രകാശ്
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സമഗ്ര കാര്‍ഷിക നയം കൊണ്ടു വരുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)	പ്രസ്തുത നയത്തില്‍ കാര്‍ഷിക അഭിവൃദ്ധിക്ക് ഉതകുന്ന എന്തെല്ലാം കാര്യങ്ങളാണ് ഉള്‍പ്പെടുത്തുവാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ഈ നയം എന്നത്തേക്ക്പ്രഖ്യാപിക്കുവാനാകുമെന്നാണ് കരുതുന്നതെന്ന് അറിയിക്കുമോ?

ദേശീയ ബയോഗ്യാസ് വികസന പദ്ധതി

1475.

(എ)	ദേശീയ ബയോഗ്യാസ് വികസന പദ്ധതി പ്രകാരം തൃശൂര്‍ ജില്ലയില്‍ എത്ര ഫാമിലി ടൈപ്പ് ബയോഗ്യാസ് പ്ലാന്റുകള്‍ സ്ഥാപിച്ചിട്ടുണ്ടെന്ന് വ്യക്തമാക്കാമോ;

(ബി)	പ്രസ്തുത പ്ലാന്‍റുകള്‍ ഫലപ്രദമാണോ എന്ന് വിലയിരുത്തിയിട്ടുണ്ടോ;

(സി)	ബയോഗ്യാസ് പ്ലാന്‍റുകള്‍ വ്യാപകമാക്കുന്നതിന് വകുപ്പ് തലത്തില്‍ സ്വീകരിച്ച നടപടികള്‍ വിശദമാക്കാമോ?

തരിശ് നിലങ്ങളിലെ കൃഷി വ്യാപിപ്പിക്കാന്‍ നടപടി

1476.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം തരിശ്ശായി കിടന്ന എത്രത്തോളം സ്ഥലങ്ങളില്‍ നെല്‍ക്കൃഷി, പച്ചക്കറിക്കൃഷി എന്നിവ നടത്തിയെന്ന് വെവ്വേറെ വ്യക്തമാക്കാമോ;

(ബി)	അതുവഴി എന്തുമാത്രം ഉത്പാദനം നടത്തിയെന്നും എത്ര ഉത്പാദനം പ്രതീക്ഷിക്കുന്നു എന്നും അറിയിക്കാമോ;

(സി)	ഇൗ പ്രവര്‍ത്തനം കൂടുതല്‍ വ്യാപിപ്പിക്കാമോ; എങ്കില്‍ വിശദാംശം വ്യക്തമാക്കാമോ?

കോള്‍ നിലങ്ങളില്‍ നെല്‍കൃഷി

1477.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് ആകെ എത്ര ഹെക്ടര്‍ സ്ഥലത്ത് അധികമായി നെല്‍കൃഷി ഇറക്കുകയുണ്ടായി;

(ബി)	തൃശൂര്‍ ജില്ലയിലെ കോള്‍ നിലങ്ങളില്‍ നെല്‍കൃഷി വ്യാപിപ്പിക്കുന്നതിന് സ്വീകരിച്ച നടപടികള്‍ എന്തെല്ലാം;

(സി)	അടുത്ത സീസണില്‍ കൂടുതല്‍ പ്രദേശങ്ങളില്‍ കൃഷി ഇറക്കാന്‍ എന്തെങ്കിലും പദ്ധതി കൃഷി വകുപ്പ് ആവിഷ്ക്കരിച്ചിട്ടുണ്ടോയെന്ന് വ്യക്തമാക്കുമോ?

കര്‍ഷക ആത്മഹത്യ

1478.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കര്‍ഷക ആത്മഹത്യയെ പ്രതിരോധിക്കുന്നതിനും കര്‍ഷകനെ കടക്കെണിയില്‍ നിന്നും രക്ഷിക്കുന്നതിനും മുന്‍സര്‍ക്കാര്‍ സ്വീകരിച്ച നടപടികളില്‍ നിന്നും എന്തെല്ലാം വ്യതിയാനങ്ങളാണ് ഇപ്പോള്‍ സ്വീകരിച്ചിരിക്കുന്നത്; വിശദാംശം നല്‍കുമോ;

(ബി)	കഴിഞ്ഞ സര്‍ക്കാരിന്റെ കാര്‍ഷിക നയത്തിലെ സുപ്രധാന വ്യവസ്ഥകള്‍ ഒഴിവാക്കിയതു മൂലമുണ്ടായ പ്രത്യാഘാതങ്ങള്‍ വിശദമായ പഠനത്തിന് വിധേയമാക്കിയിട്ടുണ്ടോ; വിശദാംശം നല്‍കുമോ?

കര്‍ഷക പെന്‍ഷന്‍

1479.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കര്‍ഷക പെന്‍ഷന്‍ വിതരണം ചെയ്യുന്നതില്‍ കാലതാമസം വന്നിട്ടുണ്ടോ;

(ബി)	ഉണ്ടെങ്കില്‍ എത്ര മാസത്തെ പെന്‍ഷന്‍ കുടിശ്ശികയുണ്ട് എന്നറിയിക്കാമോ;

(സി)	കുടിശ്ശികയുണ്ടെങ്കില്‍ വിതരണം ചെയ്യാന്‍ നടപടി സ്വീകരിക്കുമോ?

കര്‍ഷക പെന്‍ഷന്‍ വിതരണം

1480.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കര്‍ഷകര്‍ക്ക് ഒരു വര്‍ഷമായി പെന്‍ഷന്‍ വിതരണം ചെയ്യാത്തിന്റെ കാരണം വ്യക്തമാക്കാമോ; 2016-17 സാമ്പത്തിക വര്‍ഷത്തെ ബജറ്റില്‍ എത്ര രൂപയാണ് കര്‍ഷക പെന്‍ഷന് വേണ്ടി നീക്കിവെച്ചിട്ടുള്ളത്; ഈ തുക ചെലവഴിച്ചിട്ടുണ്ടോ;

(ബി)	പെന്‍ഷന്‍ പദ്ധതിയില്‍ നിന്നും അര്‍ഹരായ കര്‍ഷകരെ ഒഴിവാക്കുന്നതായുള്ള പരാതി ശ്രദ്ധയില്‍പ്പെട്ടിട്ടുണ്ടോ; പ്രസ്തുത പരാതി പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ;

(സി)	2015-16 കാലഘട്ടത്തില്‍ എത്ര കര്‍ഷകര്‍ക്കാണ് പെന്‍ഷന്‍ ലഭിച്ചുകൊണ്ടിരുന്നത്; ഇതിനായി എത്ര രൂപയാണ് ചെലവാക്കിയത്; 2016-17-ല്‍ എത്ര കര്‍ഷകരാണ് ഈ പെന്‍ഷന്‍ പദ്ധതിയില്‍ ഉള്‍പ്പെട്ടിട്ടുള്ളതെന്ന് അറിയിക്കാമോ?

വയനാട് ജില്ലയിലെ നെല്‍കൃഷി

1481.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയിലെ നെല്‍കൃഷി ചെയ്യുന്ന വയലുകളുടെ വിസ്തൃതി മണ്ഡലം തിരിച്ച് വ്യക്തമാക്കാമോ;

(ബി)	കഴിഞ്ഞ ഒരു വര്‍ഷത്തിനുള്ളില്‍ നെല്‍കൃഷി വിസ്തൃതിയില്‍ വര്‍ദ്ധനവ് ഉണ്ടായിട്ടുണ്ടോ; ആയത് വ്യക്തമാക്കാമോ;

(സി)	നെല്‍കൃഷി പുന:സ്ഥാപനത്തിനായി കഴിഞ്ഞ ഒരു വര്‍ഷത്തിനുള്ളില്‍ എത്ര തുക വയനാട് ജില്ലയില്‍ ചെലവഴിച്ചു എന്ന് വ്യക്തമാക്കാമോ?

ഡേറ്റാ ബാങ്കില്‍ തിരുത്തലുകള്‍ വരുത്തുവാന്‍ നടപടി

1482.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	2008-ലെ തണ്ണീര്‍ത്തട നിയമത്തിന് മുന്‍പ് നികത്തിയതും വീട് ഉള്‍പ്പെടെ സ്ഥിതിചെയ്യുന്ന സ്ഥലങ്ങളും തെറ്റായി ഡേറ്റാബാങ്കിന്‍ നിലമായി ഉള്‍പ്പെടുത്തിയിട്ടുള്ള കാര്യം ശ്രദ്ധയില്‍പെട്ടിട്ടുണ്ടോ;

(ബി)	തെറ്റായി ഉള്‍പ്പെട്ടിട്ടുള്ള സ്ഥലങ്ങളെ സംബന്ധിച്ച് ഡേറ്റാ ബാങ്കില്‍ തിരുത്തലുകള്‍ വരുത്തുന്നതിന് നടപടികള്‍ സ്വീകരിക്കുമോ?

കയ്പാട് കൃഷി

1483.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് കൃഷി വകുപ്പുമന്ത്രി സദയം മറുപടി നല്‍കുമോ:

നബാര്‍ഡിന്റെ ആര്‍.ഐ.ഡി.എഫ് XXI സ്കീമില്‍ ഉള്‍പ്പെടുത്തി കണ്ണൂര്‍ ജില്ലയിലെ കല്യാശ്ശേരി മണ്ഡലത്തിലെ ഏഴോം, പട്ടുവം, ചെറുകുന്ന്, കണ്ണപുരം എന്നീ പഞ്ചായത്തുകളിലെ കയ്പാട് കൃഷി അഭിവൃദ്ധിപ്പെടുത്തുന്നതിനും സംരക്ഷിക്കുന്നതിനുമായി ഭരണാനുമതി ലഭിച്ച പ്രവൃത്തികളുടെ നിര്‍മ്മാണപുരോഗതി അറിയിക്കാമോ; വിശദാംശം നല്‍കുമോ?

കേരഫെഡ് മുഖേന പച്ചത്തേങ്ങ സംഭരണം

1484.

ശ്രീ.എ.എം. ആരിഫ്
,, വി. അബ്ദുറഹിമാന്‍
,, പുരുഷന്‍ കടലുണ്ടി
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കേരഫെഡ് മുഖേന പച്ചത്തേങ്ങ സംഭരിച്ച ഇനത്തില്‍ കര്‍ഷകര്‍ക്ക് കൊടുത്തു തീര്‍ക്കാനുള്ള തുക എത്രയെന്ന് വ്യക്തമാക്കാമോ;

(ബി)	പ്രസ്തുത കുടിശിക കൊടുത്തു തീര്‍ക്കുന്നതിനായി ഇപ്പോള്‍ എത്ര കോടി രൂപയാണ് അനുവദിച്ചത്;

(സി)	ഏത് തീയതി വരെയുള്ള കുടിശ്ശികയാണ് ഈ തുക ഉപയോഗിച്ച് കൊടുത്ത് തീര്‍ക്കാന്‍ സാധിക്കുന്നത്;

(ഡി)	ഇപ്രകാരമുള്ള മുഴുവന്‍ കുടിശ്ശികയും ഏത് തീയതിയ്ക്കകം കൊടുത്തു തീര്‍ക്കാന്‍ സാധിക്കുമെന്ന് വ്യക്തമാക്കാമോ?

നാളികേര വികസന കോര്‍പ്പറേഷന്‍

1485.

(എ)	സംസ്ഥാനത്ത് നാളികേര വികസന കോര്‍പ്പറേഷന്റെ എത്ര ഫാക്ടറികള്‍ പ്രവര്‍ത്തിക്കുന്നുണ്ട്; ഇവ ഏതെല്ലാമെന്നും എത്രയെണ്ണം അടഞ്ഞു കിടക്കുന്നുവെന്നും വ്യക്തമാക്കുമോ;

(ബി)	കോട്ടയ്ക്കല്‍ കേന്ദ്രമാക്കി ഒരു നാളികേര സംഭരണ സ്ഥാപനം തുടങ്ങുവാന്‍ നടപടി സ്വീകരിക്കുമോ; ഇതു സംബന്ധിച്ച് എന്തെങ്കിലും പ്രൊപ്പോസല്‍ കൃഷി വകുപ്പില്‍ ഉണ്ടോ; വിശദമാക്കുമോ;

(സി)	മലപ്പുറം ജില്ലയില്‍ നാളികേര വികസന കോര്‍പ്പറേഷന്റെ ഏതെങ്കിലും ഫാക്ടറികള്‍ നിലവിലുണ്ടോ; വിശദമാക്കുമോ;

(ഡി)	പൂട്ടിക്കിടക്കുന്ന സ്ഥാപനങ്ങള്‍ തുറന്ന് പ്രവര്‍ത്തിപ്പിക്കുവാന്‍ നടപടി സ്വീകരിക്കുമോ;

(ഇ)	ആകെ എത്ര കോടിയുടെ ആസ്തിയാണ് നാളികേര വികസന കോര്‍പ്പറേഷനുളളത്;വ്യക്തമാക്കുമോ?

നാളികേര സംഭരണം

1486.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കേരകര്‍ഷകരില്‍ നിന്ന് പച്ചത്തേങ്ങ സംഭരിക്കന്ന പദ്ധതി നിലവിലുണ്ടോ;

(ബി)	കേരഫെഡ് കൃഷിഭവന്‍ മുഖേന നാളികേര സംഭരണം നടത്തിയ വകയില്‍ കര്‍ഷകര്‍ക്ക് തുക നല്‍കുന്നതില്‍ കുടിശ്ശികവരുത്തിയിട്ടുണ്ടോ; വിശദീകരിക്കുമോ;

(സി)	നാളികേരസംഭരണം കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത് എന്ന് വ്യക്തമാക്കുമോ?

നീരയുടെ ഉത്പാദനം

1487.

ശ്രീ.എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നീരയുടെ ഉത്പാദനം വര്‍ദ്ധിപ്പിക്കുന്നതിനും വിപണി വ്യാപകമാക്കുന്നതിനും സ്വീകരിച്ച നടപടികള്‍ എന്തെല്ലാം; വിശദമാക്കാമോ;

(ബി)	ഈ മേഖലയിൽ തൊഴിലാളികള്‍ക്ക്പരിശീലനം നല്‍കുന്നതിനായി കൂടുതല്‍ കേന്ദ്രങ്ങള്‍ ആരംഭിക്കുമോ?

ആനക്കയം കാര്‍ഷിക ഗവേഷണ കേന്ദ്രം

1488.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം മണ്ഡലത്തിലെ ആനക്കയം കാര്‍ഷിക ഗവേഷണ കേന്ദ്രത്തില്‍ കഴിഞ്ഞ സര്‍ക്കാരിന്റെ കാലത്ത് ആരംഭിച്ച 'അഗ്രോ ടൂറിസം പദ്ധതി' ഇപ്പോള്‍ ഏതു ഘട്ടത്തിലാണ്; നിര്‍മ്മാണ പുരോഗതികള്‍ വിശദീകരിക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം പ്രസ്തുത കേന്ദ്രത്തിന്റെ പുരോഗതിക്കായി ഏതെങ്കിലും പുതിയ പദ്ധതികള്‍ ആസൂത്രണം ചെയ്തിട്ടുണ്ടോ; ഇതിനായി തുക വകയിരുത്തിയിട്ടുണ്ടോ; എങ്കില്‍ വിശദാംശം നല്‍കുമോ?

വിഷരഹിത പച്ചക്കറി

1489.

(എ)	മാരകരോഗങ്ങള്‍ക്ക് കാരണമാകുന്ന വിഷം കലര്‍ന്ന പഴങ്ങളും, പച്ചക്കറികളും അനിയന്ത്രിതമായി ഇതരസംസ്ഥാനങ്ങളില്‍ നിന്നും കേരളത്തിലേയ്ക്ക് കടത്തുന്ന കാര്യം ശ്രദ്ധയിലുണ്ടോ;

(ബി)	വിഷരഹിതവും,ജൈവവളം മാത്രം ഉപയോഗിച്ച് ഉല്‍പാദിപ്പിക്കുന്നതുമായ പഴങ്ങളും പച്ചക്കറികളും സംസ്ഥാനത്ത് ലഭ്യമാക്കുന്നതിനായി എന്തെല്ലാം നടപടികള്‍ സ്വീകരിച്ചുവെന്ന് വിശദമാക്കുമോ;

(സി)	പഴങ്ങളിലും, പച്ചക്കറികളിലും ഉള്ള വിഷാംശത്തിന്റെ തോത് നിര്‍ണ്ണയിക്കുന്നതിനും, വിഷാംശം കൂടുതലുള്ള പച്ചക്കറികളും, പഴങ്ങളും പിടിച്ചെടുത്ത് നശിപ്പിക്കുന്നതിനും അടിയന്തര നടപടികള്‍ സ്വീകരിക്കുമോ ?

ആറന്മുള വിമാനത്താവള പദ്ധതി പ്രദേശത്ത് കൃഷി

1490.

ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ആറന്മുള വിമാനത്താവള പദ്ധതി പ്രദേശത്ത് കൃഷി ഇറക്കുന്നത് ആരംഭിച്ചിട്ടുണ്ടോ;എങ്കില്‍ എത്ര സ്ഥലത്തെന്നു വെളിപ്പെടുത്താമോ ;

(ബി)	കൃഷി ഇറക്കുന്നതുമായി ബന്ധപ്പെട്ട് പ്രാരംഭ ഘട്ട പ്രവൃത്തികള്‍ ആരംഭിച്ചിട്ടുണ്ടെങ്കില്‍ അതിന്റെ ഇപ്പോഴത്തെ അവസ്ഥ എന്തെന്ന് വിശദീകരിക്കാമോ;

(സി)	പ്രസ്തുത സ്ഥലത്ത് നിന്ന് എത്ര അളവില്‍ നെല്ലാണ് പ്രതീക്ഷിക്കുന്നതെന്ന് വ്യക്തമാക്കുമോ?

കൃഷിവിള ഇന്‍ഷുറന്‍സ്

1491.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കടുത്ത വരള്‍ച്ച നേരിടുന്ന സാഹചര്യത്തില്‍ കൃഷിവിള ഇന്‍ഷുറന്‍സുമായി ബന്ധപ്പെട്ട് എന്തെല്ലാം പദ്ധതികളാണ് കൃഷിവകുപ്പ് നടപ്പിലാക്കി വരുന്നത്;

(ബി)	ഏതെല്ലാം കാര്‍ഷിക വിളകളാണ് ഇന്‍ഷുറന്‍സ് പരിധിയില്‍ വരുന്നത്;

(സി)	വിള ഇന്‍ഷുറന്‍സ് ലഭിക്കുന്നതിനു വേണ്ട മാനദണ്ഡങ്ങള്‍ വ്യക്തമാക്കാമോ?

റബ്ബര്‍ കര്‍ഷകര്‍ക്കുള്ള ആശ്വാസ പദ്ധതി

1492.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വിലവ്യതിയാനത്തില്‍ ആശങ്കപ്പെടുന്ന റബ്ബര്‍ കര്‍ഷകര്‍ക്കു ആശ്വാസം നല്‍കുന്നതിന് ഈ സര്‍ക്കാര്‍ അധികാരത്തില്‍ വന്നതിനുശേഷം ഗുണപരമായ എന്തു പദ്ധതിയാണ് നടപ്പാക്കിയിട്ടുള്ളത്; വ്യക്തമാക്കുമോ;

(ബി)	റബ്ബര്‍ കൃഷിയുടെ തുടക്കത്തില്‍ വരുമാനം ലഭിക്കാത്ത കാലയളവില്‍ കര്‍ഷകരെ സഹായിക്കാന്‍ ഇടവിള കൃഷി പ്രോത്സാഹിപ്പിക്കുന്നതിനും സാമ്പത്തികമായി പിന്തുണ നല്‍കുന്നതിനും ഉതകുന്നവിധത്തില്‍ സബ് സിഡി നല്‍കാന്‍ നടപടി സ്വീകരിക്കുമോ?

കാര്‍ഷിക വിള സംഭരണം

1493.

(എ)	സംസ്ഥാനത്ത് എത്ര ഹെക്ടര്‍ നെല്‍കൃഷി നശിച്ചിട്ടുണ്ട്; എവിടെയെല്ലാമാണ് കൃഷി നാശം വന്നതെന്ന് വ്യക്തമാക്കുമോ;

(ബി)	വിളയിച്ച നെല്ല് വിവിധ ഏജന്‍സികള്‍ സംഭരിക്കാതെ നശിച്ച കാര്യം ശ്രദ്ധയില്‍പ്പെട്ടിട്ടുണ്ടോ ;

(സി)	സംസ്ഥാനത്ത് പച്ചക്കറി കൃഷി ഇത്തരത്തില്‍ നശിച്ച കാര്യം ശ്രദ്ധയില്‍പ്പെട്ടിട്ടുണ്ടോ ;

(ഡി)	സംസ്ഥാനത്ത് സമാന രീതിയില്‍ പച്ചക്കറി വിളയിച്ച കര്‍ഷകര്‍ക്ക് സംഭരിക്കുവാന്‍ സംവിധാനമില്ലാതെ നശിച്ചതിന് നഷ്ടപരിഹാരം നല്‍കുവാനുളള നടപടി സ്വീകരിക്കുമോ;

(ഇ)	സംസ്ഥാനത്ത് നെല്ല്, പച്ചക്കറികള്‍ ഇവ വിളയിച്ച കര്‍ഷകരില്‍ നിന്നും ശേഖരിച്ച് വിതരണം ചെയ്യുവാന്‍ എന്തെങ്കിലും പദ്ധതികള്‍ ആവിഷ്ക്കരിക്കുമോ; വിശദമായ വിവരം ലഭ്യമാക്കുമോ;

(എഫ്)

സംസ്ഥാനത്ത് വിളയുന്ന പച്ചക്കറി നെല്ല്, തേങ്ങ മറ്റ് വിളകള്‍ ഇവയുടെ അളവ് സംബന്ധിച്ച വിശദമായ വിവരം ലഭ്യമാക്കുമോ?

ഗ്രോബാഗ് കൃഷി രീതി

1494.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഗ്രോബാഗ് കൃഷിരീതി പൂര്‍ണ്ണമായും നിര്‍ത്തലാക്കിയിട്ടുണ്ടോ എന്ന് അറിയിക്കാമോ;

(ബി)	മണ്‍ചട്ടി ഉപയോഗിച്ചുള്ള കൃഷിരീതിക്ക് ആവശ്യമായ ചെലവിനുള്ള തുക എങ്ങനെ കണ്ടെത്താനാണ് കൃഷിവകുപ്പ് ഉദ്ദേശിക്കുന്നതെന്നറിയിക്കാമോ?

വരള്‍ച്ച മൂലം കാര്‍ഷിക മേഖലയിൽ ഉണ്ടായിട്ടുളള ആഘാതം

1495.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ച മൂലം കാര്‍ഷിക മേഖലയിൽ ഉണ്ടായിട്ടുളള ആഘാതം കണക്കിലെടുത്ത് കേന്ദ്ര സര്‍ക്കാരില്‍ നിന്നും പ്രത്യേകം സഹായം അഭ്യര്‍ത്ഥിച്ചിട്ടുണ്ടോ;

(ബി)	വരള്‍ച്ചാ കെടുതി മൂലം ഉണ്ടായ വിളനാശം കണക്കിലെടുത്ത് കേന്ദ്ര സര്‍ക്കാര്‍ പ്രത്യേകം സഹായം നല്‍കിയിട്ടുണ്ടോ; വിശദാംശം വെളിപ്പെടുത്താമോ?

കാര്‍ഷിക വികസന പദ്ധതികള്‍

1496.

ശ്രീ.ഇ.പി.ജയരാജന്‍
,, കെ.വി.വിജയദാസ്
,, മുരളി പെരുനെല്ലി
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)

കേന്ദ്ര സര്‍ക്കാര്‍ നയത്തിന്റെ ഫലമായി രാജ്യത്താകെ കര്‍ഷക ആത്മഹത്യകള്‍ വര്‍ദ്ധിച്ചുവരുന്ന സാഹചര്യത്തില്‍, സംസ്ഥാനത്ത് മുന്‍ സര്‍ക്കാരിന്റെ കാലഘട്ടത്തില്‍ സംഭവിച്ചതുപോലെ കര്‍ഷക ആത്മഹത്യകള്‍ ആവര്‍ത്തിക്കാതിരിക്കാന്‍, കാര്‍ഷിക രംഗത്ത് വികസന പദ്ധതികള്‍ ആസൂത്രണം ചെയ്തിട്ടുണ്ടെങ്കില്‍ അവയുടെ വിശദാംശം അറിയിക്കാമോ;

(ബി)	നോട്ടുനിരോധനം ഉള്‍പ്പെടെയുളള കേന്ദ്രസര്‍ക്കാരിന്റെ നയങ്ങള്‍കൊണ്ട് കടക്കെണിയിലായ കര്‍ഷകരുടെ വായ്പാ പലിശ ഇളവു ചെയ്യുന്ന കാര്യം പരിഗണിക്കുമോ;

(സി)	കാര്‍ഷിക മേഖലയിലെ വരുമാനം ഉറപ്പാക്കല്‍, കാര്‍ഷിക വികസന നയത്തില്‍ ഉള്‍പ്പെടുത്തി പ്രാവര്‍ത്തികമാക്കാന്‍ നടപടിയെടുക്കുമോ?

നെല്ലിന് താങ്ങു വില

1497.

(എ)	കര്‍ഷകന്‍ സ്വയം ഉത്പാദിപ്പിച്ച് ഉപയോഗിക്കുന്ന നെല്ലിന് താങ്ങുവില ലഭിക്കുന്നത് നെല്ലുല്പാദനരംഗത്ത് വലിയ മാറ്റങ്ങള്‍ ഉണ്ടാക്കും എന്നത് ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	പട്ടാമ്പിയില്‍ തരിശു കിടക്കുന്ന നെല്‍കൃഷിക്ക് അനുയോജ്യമായിട്ടുള്ളതും മറ്റു പച്ചക്കറി കൃഷികള്‍ നടത്തുന്നതിന് അനുയോജ്യമായിട്ടുള്ളതുമായ കൃഷി ഭൂമികളുടെ തരംതിരിച്ചുള്ള വിശദവിവരങ്ങള്‍ ലഭ്യമാക്കുമോ?

കാര്‍ഷിക മേഖലയെ അഭിവൃദ്ധിപ്പെടുത്തല്‍

1498.

ശ്രീ.ഇ.പി.ജയരാജന്‍
,, പി. ഉണ്ണി
,, കെ.കുഞ്ഞിരാമന്‍
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക മേഖലയെ അഭിവൃദ്ധിപ്പെടുത്തുന്നതിനും നിലവിലുള്ള പ്രതിസന്ധികള്‍ പരിഹരിക്കുന്നതിനും പുതിയ വികസന നയം രൂപീകരിക്കുന്നതിന് തീരുമാനിച്ചിട്ടുണ്ടോ;

(ബി)	അഗ്രോ സര്‍വ്വീസ് സെന്ററുകള്‍ കാര്യക്ഷമമാക്കുന്നതിനും അവയുടെ പ്രവര്‍ത്തനം വ്യാപിപ്പിക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	കാര്‍ഷികോല്പന്നങ്ങള്‍ക്ക് ന്യായവില ഉറപ്പുവരുത്തുന്നതോടൊപ്പം അവ കേടാകാതെ സൂക്ഷിക്കുന്നതിനും അവയുടെ മൂല്യവര്‍ദ്ധിത ഉല്‍പ്പന്നങ്ങള്‍ നിര്‍മ്മിക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

വരള്‍ച്ച മൂലമുള്ള കൃഷി നഷ്ടം

1499.

(എ)	വരള്‍ച്ചമൂലം കഴിഞ്ഞ മൂന്നു വർഷങ്ങളിൽ സംസ്ഥാനത്ത് നെല്ല്, നാളികേരം, കുരുമുളക്, വാഴ, കമുക്, പച്ചക്കറി, സുഗന്ധവ്യഞ്ജനങ്ങൾ തുടങ്ങിയ കൃഷികള്‍ക്കു സംഭവിച്ചിട്ടുളള നാശത്തിന്‍െറ കണക്ക് ശേഖരിച്ചിട്ടുണ്ടോ; വിശദവിവരം ലഭ്യമാക്കുമോ;

(ബി)	പ്രസ്തുത കൃഷി നഷ്ടപ്പെട്ട കര്‍ഷകര്‍ക്ക്എന്തെല്ലാം ആശ്വാസ നടപടികളാണ് നല്കുവാനുദ്ദേശിക്കുന്നതു് ; വിശദവിവരം ലഭ്യമാക്കുമോ?

വരള്‍ച്ച കാരണമുളള നെല്‍കൃഷി നാശം

1500.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ച രൂക്ഷമാകുന്നതോടെ സംസ്ഥാനത്തിന്റെ രണ്ടാംവിള നെല്‍കൃഷി പൂര്‍ണ്ണമായും നാശത്തിലേക്ക് നീങ്ങുന്നതായ സാഹചര്യം പരിശോധിച്ചിട്ടുണ്ടോ;

(ബി)	വരള്‍ച്ച കാരണം അറുപത് ശതമാനം നെല്‍കൃഷി നാശം ഇത്തവണ ഇതിനകം സംഭവിച്ചതായി വിലയിരുത്തിയിട്ടുണ്ടോ;

(സി)	പ്രധാനപ്പെട്ട നെല്ലുല്പാദനകേന്ദ്രങ്ങളില്‍ നിന്ന് കഴിഞ്ഞ വര്‍ഷത്തെ അപേക്ഷിച്ച് നെല്ല് സംഭരണം വളരെ കുറവാണെന്ന കാര്യം പരിശോധിച്ചിട്ടുണ്ടോ;വിശദമാക്കാമോ;

(ഡി)	വരള്‍ച്ച കൂടുന്നതും നെല്ല് ഉല്പാദനം കുറയുന്നതും അരിവില കുതിച്ചുയരുന്നതിന് കാരണമാകുമോ; എങ്കില്‍ വിശദാംശങ്ങള്‍ നല്‍കുമോ?

വരള്‍ച്ച നേരിടാന്‍ നടപടികള്‍

1501.

(എ)	വരള്‍ച്ച നേരിടാന്‍ കൃഷി വകുപ്പ് സ്വീകരിച്ച നടപടികള്‍ എന്തെല്ലാമാണ്;

(ബി)	ജനപങ്കാളിത്തത്തോടെ ഒരു ദീര്‍ഘകാല പദ്ധതിയുടെ അടിസ്ഥാനത്തിലാണോ ഇത് നടപ്പിലാക്കുന്നത്;

(സി)	വിദ്യാര്‍ത്ഥികളുടെ പങ്കാളിത്തം ജലസംരക്ഷണ ജലസേചന പരിപാടികളില്‍ വര്‍ദ്ധിപ്പിക്കാന്‍ ഏതെങ്കിലും കര്‍മ്മ പദ്ധതി നിലവിലുണ്ടോ എന്ന് വ്യക്തമാക്കാമോ?

കാര്‍ഷിക കര്‍മ്മസേന

1502.

(എ)	സംസ്ഥാനത്ത് കൃഷി ഭവനുകള്‍ക്ക് കീഴില്‍ കാര്‍ഷിക കര്‍മ്മസേന രൂപീകരിച്ചിട്ടുണ്ടോ; എങ്കില്‍ ഏതെല്ലാം കൃഷി ഭവനുകള്‍ക്ക് കീഴിലാണ് കര്‍മ്മസേന രൂപീകരിച്ചിട്ടുള്ളത്;

(ബി)	കര്‍മ്മസേന രൂപീകരിക്കാത്ത കൃഷിഭവനുകളിലും ആയത് രൂപീകരിക്കുന്നതിന് നടപടി സ്വീകരിക്കുമോ;

(സി)	കര്‍മ്മസേനയുടെ പ്രവര്‍ത്തനങ്ങള്‍ എന്തെല്ലാമാണ്;

(ഡി)	കര്‍മ്മസേനയുടെ പ്രവര്‍ത്തനങ്ങള്‍ക്കാവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുക, സര്‍ക്കാര്‍ ആനുകൂല്യം കൈപ്പറ്റിയ കര്‍മ്മസേനകളുടെ പ്രവര്‍ത്തനം വിലയിരുത്തുക എന്നിവയ്ക്ക് ആരെയാണ് ചുമതലപ്പെടുത്തിയിട്ടുള്ളത്; വിശദമാക്കുമോ?

കാമാക്ഷി കൃഷിഭവനില്‍ കൃഷി ഓഫീസര്‍

1503.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി കാമാക്ഷി കൃഷി ഭവനില്‍ കൃഷി ഓഫീസറുടെ തസ്തികയില്‍ ഒഴിവ് ഉണ്ടായത് ഏത് കാലയളവ് മുതലാണെന്ന് വ്യക്തമാക്കുമോ;

(ബി)	പ്രസ്തുത കൃഷിഭവനില്‍ നിലവില്‍ കൃഷി ഓഫീസറുടെ ചാര്‍ജ് ആര്‍ക്കാണ് നല്‍കിയിട്ടുള്ളത്;

(സി)	കൃഷി ഓഫീസറുടെ സേവനം യഥാസമയം ലഭിക്കാത്തതുമൂലം കര്‍ഷക പെന്‍ഷന്‍, വരള്‍ച്ചാ ദുരിതാശ്വാസ പദ്ധതികള്‍, പശ്ചിമഘട്ട വികസന പദ്ധതികള്‍, കൃഷി ഓഫീസര്‍ നിര്‍വ്വഹണ ഉദ്യോഗസ്ഥനായി നടത്തപ്പെടുന്ന വാര്‍ഷിക പദ്ധതികള്‍ അടക്കമുള്ള പല പദ്ധതികളും അവതാളത്തിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ഡി)	കാമാക്ഷി കൃഷി ഓഫീസില്‍ അടിയന്തിരമായി കൃഷി ഓഫീസറെ നിയമിക്കുന്നതിന് നടപടി സ്വീകരിക്കുമോ?

ഒല്ലൂര്‍ നിയോജകമണ്ഡലത്തിലെ പച്ചതേങ്ങ സംഭരണം

1504.

(എ)	ഒല്ലൂര്‍ നിയോജകമണ്ഡലത്തില്‍ ഏതെല്ലാം കൃഷിഭവനുകളിലാണ് പച്ചതേങ്ങ സംഭരിക്കുന്നതെന്ന് വ്യക്തമാക്കാമോ;

(ബി)	പച്ചതേങ്ങ സംഭരിച്ച ഇനത്തില്‍ പ്രസ്തുത കൃഷിഭവനുകളില്‍ എത്ര രൂപ കുടിശ്ശികയായി കര്‍ഷകര്‍ക്ക് നല്‍കാനുണ്ടെന്ന് വ്യക്തമാക്കാമോ;

(സി)	ഈ ഇനത്തില്‍ കര്‍ഷകര്‍ക്ക് നല്‍കാനുള്ള കുടിശ്ശിക അടിയന്തരമായി വിതരണം ചെയ്യുന്നതിന് നടപടി സ്വീകരിക്കുമോ;

(ഡി)	പച്ചതേങ്ങ സംഭരിക്കുന്നതിന് നിലവിലുള്ള സംവിധാനം വിപുലീകരിക്കുന്നതിന് ഉദ്ദേശിക്കുന്നുണ്ടോ;എങ്കില്‍ ആയത് വിശദമാക്കാമോ?

ദേവികുളം നിയോജകമണ്ഡലത്തില്‍ പച്ചക്കറി മാര്‍ക്കറ്റ്

1505.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ദേവികുളം നിയോജകമണ്ഡലത്തില്‍ പച്ചക്കറി മാര്‍ക്കറ്റ് സ്ഥാപിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ എന്ത് നടപടിയാണ് സ്വീകരിച്ചിരിക്കുന്നത്;

(സി)	ഇല്ലെങ്കില്‍ ആവശ്യമായ നടപടി ഉടന്‍ സ്വീകരിക്കുമോ?

കൃഷിഭൂമി കാര്‍ഷികയോഗ്യമാക്കുന്നതിന് പദ്ധതി

1506.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷികയോഗ്യമല്ലാതെ താനൂര്‍-തിരൂരങ്ങാടി നിയോജകമണ്ഡലങ്ങളിലായി കിടക്കുന്ന 1300ഓളം ഏക്കര്‍ വരുന്ന കൃഷി ഭൂമി കൃഷിക്ക് അനുയോജ്യമാക്കണം എന്നുളള കാലങ്ങളായുളള ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഈ ഭൂമി കാര്‍ഷികയോഗ്യമാക്കുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോ;

(സി)	എന്തൊക്കെ പദ്ധതികളാണ് ഇവിടെ ചെയ്യാനുദ്ദേശിക്കുന്നത്; വിശദമായ വിവരം നല്‍കുമോ;

(ഡി)	മോത്യാകാപ്പ് പാടശേഖരസമിതി സമര്‍പ്പിച്ച നിവേദനത്തില്‍ എന്തെങ്കിലും നടപടി സ്വീകരിച്ചിട്ടുണ്ടോ എന്നറിയിക്കുമോ?

നെല്‍കൃഷി

1507.

ശ്രീ.ആര്‍. രാജേഷ്
,, ബി.ഡി. ദേവസ്സി
,, ഒ. ആര്‍. കേളു
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നെല്‍കൃഷി കുറഞ്ഞു വരുന്ന സാഹചര്യത്തില്‍ നെല്‍കൃഷി വ്യാപിപ്പിക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്;

(ബി)	നെല്‍കൃഷി നേരിടുന്ന പ്രധാന പ്രശ്നങ്ങള്‍ ഉയര്‍ന്ന ഉല്പാദന ചെലവും കുറഞ്ഞ വിലയുമായതിനാല്‍ ഇത് പരിഹരിക്കുന്നതിനായി എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ;

(സി)	ഈ വര്‍ഷം നെല്‍കൃഷി എത്ര ഹെക്ടറിലേക്ക് വ്യാപിപ്പിക്കാനാണ് ഉദ്ദേശിക്കുന്നത്;

(ഡി)	നെല്‍കൃഷി പ്രോത്സാഹിപ്പിക്കുന്നതിനായി കൃഷിഭവനുകളുടെ പ്രവര്‍ത്തനം കൂടുതല്‍ കാര്യക്ഷമമാക്കാന്‍ നടപടി സ്വീകരിക്കുമോ ?

പച്ചക്കറി കൃഷി വികസനപദ്ധതികള്‍

1508.

ശ്രീമതി ഇ.എസ്.ബിജിമോള്‍
,, ഗീതാ ഗോപി
ശ്രീ.ഇ.കെ.വിജയന്‍
,, കെ. രാജന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പച്ചക്കറി കൃഷി വികസനത്തിനായി എന്തെല്ലാം പദ്ധതികള്‍ നടപ്പിലാക്കിയിട്ടുണ്ടെന്നറിയിക്കുമോ; ആയതിന്റെ വിശദാംശങ്ങള്‍ ലഭ്യമാക്കുമോ;

(ബി)	പച്ചക്കറി കര്‍ഷകര്‍ക്ക് ഇന്‍സെന്റീവ് നല്‍കുന്ന പദ്ധതി ആവിഷ്കരിച്ചിട്ടുണ്ടോ; വ്യക്തമാക്കുമോ;

(സി)	വട്ടവട - കാന്തല്ലൂര്‍ മേഖലയിലെ പച്ചക്കറി കര്‍ഷകരെ സഹായിക്കുന്നതിനായി ഒരു പ്രത്യേക കാര്‍ഷിക മേഖല രൂപീകരിക്കുന്ന കാര്യം പരിഗണിക്കുന്നുണ്ടോ; വിശദമാക്കുമോ?

പച്ചക്കറി വിപണനം

1509.

ശ്രീ.വി.എസ്.ശിവകുമാര്‍
,, വി.പി.സജീന്ദ്രന്‍
,, വി.ടി.ബല്‍റാം
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഹോര്‍ട്ടികോര്‍പ്പ്/വി.എഫ്.പി.സി.കെ. മുഖേന വിപണനം നടത്തുന്ന പച്ചക്കറികളുടെ വില ക്രമാതീതമായി വര്‍ദ്ധിക്കുന്നുവെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	സര്‍ക്കാര്‍ ഏജന്‍സികള്‍ക്ക് വിലവര്‍ദ്ധന പിടിച്ചുനിര്‍ത്തുവാന്‍ സാധിക്കാതെ വരുന്നതിനുളള കാരണങ്ങള്‍ വിശദമാക്കാമോ;

(സി)	ഇതിന് കാരണക്കാരായ ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ?

കര്‍ഷകര്‍ നേരിടുന്ന പ്രശ്നങ്ങള്‍

1510.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കെ.ബി.ഗണേഷ് കുമാര്‍
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് നിരോധനത്തിന്റെ ഫലമായി കര്‍ഷകര്‍ക്കുണ്ടായിട്ടുള്ള നഷ്ടങ്ങളുടെ വിവരങ്ങള്‍ വിശദമാക്കാമോ;

(ബി)	കൃഷിക്കാര്‍ക്ക് വേണ്ടിയുള്ള വിവിധ തരത്തിലുള്ള നിര്‍ദ്ദേശങ്ങള്‍, ആനുകൂല്യങ്ങള്‍, സഹായങ്ങള്‍ എന്നിവയെക്കുറിച്ചുള്ള വിവരങ്ങള്‍ മൊബൈല്‍ ആപ്പിലൂടെ നല്‍കുവാന്‍ ഉദ്ദേശിക്കുന്നുണ്ടോ; എങ്കില്‍ പ്രസ്തുത വിവരങ്ങള്‍ വിശദമാക്കാമോ;

(സി)	കാര്‍ഷിക ഗവേഷണ കേന്ദ്രങ്ങളുടെ കഴിഞ്ഞ 5 വര്‍ഷത്തെ പ്രവര്‍ത്തനങ്ങള്‍ വിശദമാക്കാമോ;

(ഡി)	കര്‍ഷകര്‍ നേരിടുന്ന പ്രശ്നങ്ങളെക്കുറിച്ച് പഠിക്കുവാന്‍ ഒരു വിദഗ്ദ്ധ സമിതിയെ ചുമതലപ്പെടുത്തുവാന്‍ ഉദ്ദേശിക്കുന്നുണ്ടോയെന്ന് വിശദമാക്കാമോ?

നേര്യമംഗലം ജില്ലാകൃഷിത്തോട്ടത്തിന്‍െറ വികസനം

1511.

(എ)	കോതമംഗലത്തെ നേര്യമംഗലം ജില്ലാകൃഷിത്തോട്ടത്തിന്‍െറ വികസനത്തിന് എന്തെല്ലാം പദ്ധതികള്‍ നിലവില്‍ നടപ്പിലാക്കി വരുന്നുണ്ട്; വിശദമാക്കാമോ;

(ബി)	ഫാമിന്‍െറ വികസന പദ്ധതികള്‍ക്കായി ജില്ലാപഞ്ചായത്തിന്‍െറ എന്തെങ്കിലും പദ്ധതികള്‍ നിലവിലുണ്ടോ; ആയതിന്റെ പുരോഗതി വിശദമാക്കുമോ;

(സി)	ജില്ലാ കൃഷിതോട്ടവുമായി ബന്ധപ്പെട്ട് പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

മെഡിക്കല്‍ റീ-ഇംബേഴ്സ്മെന്റ് തുക

1512.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാലടി കൃഷി ഓഫീസില്‍ നിന്നും 2013-ല്‍ അസിസ്റ്റന്റ് അഗ്രികള്‍ച്ചറല്‍ ഓഫീസറായി വിരമിച്ച ശ്രീമതി എന്‍. പി. ലൂസി, ടിയാളുടെ ഭര്‍ത്താവ് ജേക്കബിന്റെ കിഡ്നി ഓപ്പറേഷന് ചിലവായ തുകയുടെ റീ-ഇംപേഴ്സ്മെന്റിനായി 2012-ല്‍ സമര്‍പ്പിച്ച അപേക്ഷയില്‍ നാളിതുവരെ തുക ലഭിക്കാത്തതിനു കാരണം വിശദമാക്കാമോ;

(ബി)	പ്രസ്തുത തുക എന്നത്തേക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കുമോ?

വിലസ്ഥിരതാ ഫണ്ട്

1513.

ശ്രീ.എല്‍ദോസ് കുന്നപ്പിള്ളി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലത്ത് പ്രഖ്യാപിച്ച് നടപ്പിലാക്കിയ വിലസ്ഥിരതാ ഫണ്ടില്‍ നിന്നും കര്‍ഷകര്‍ക്ക് ഇതുവരെ എത്ര തുക അനുവദിച്ചുവെന്ന് വ്യക്തമാക്കുമോ;

(ബി)	റബ്ബര്‍ വില 150 രൂപ എത്തിയ സാഹചര്യത്തില്‍ ആയത് 200 രൂപയാക്കി കര്‍ഷകര്‍ക്ക് ആശ്വാസം നല്‍കുന്നതിനായി വിലസ്ഥിരത ഫണ്ട്പുതുക്കി നിശ്ചയിക്കുമോ?

മുതലമടയിലെ മാങ്ങ കര്‍ഷകര്‍

1514.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	മുതലമടയിലെ മാങ്ങ കര്‍ഷകര്‍ ഉത്പാദിപ്പിക്കുന്ന മാമ്പഴം കേടു കൂടാതെ സംസ്ക്കരിക്കുന്നതിനും വിതരണം നടത്തുന്നതിനും കര്‍ഷകരുടെ ഉത്പാദനം വര്‍ദ്ധിപ്പിക്കുന്നതിനുമായി മുതലമട പഞ്ചായത്തില്‍ മാംഗോ ഹബ്ബ് തുടങ്ങുന്ന കാര്യം പരിഗണനയിലുണ്ടോ;

(ബി)	ഇതിനായി എന്തെങ്കിലും പഠനം നടത്തിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

ചെട്ടിപാടം പാടശേഖരം

1515.

(എ)	എറണാകുളം ജില്ലയിലെ ഇടക്കൊച്ചി വില്ലേജില്‍പ്പെട്ടതും വര്‍ഷങ്ങളായി കൃഷി ചെയ്തിരുന്നതും ഇപ്പോള്‍ തരിശായി വെള്ളം കയറ്റി ഇട്ടിരിക്കുന്നതുമായ ഏക്കറു കണക്കിനുള്ള ചെട്ടിപാടം പാടശേഖരം കൃഷിയ്ക്കനുയോജ്യമാക്കാന്‍ നടപടി സ്വീകരിക്കാത്തതിനുള്ള കാരണം വ്യക്തമാക്കാമോ;

(ബി)	പ്രസ്തുത പാടശേഖര ഭൂമിയുടെ യഥാര്‍ത്ഥ അവകാശികള്‍ ആരെല്ലാമാണെന്ന വിവരം ശേഖരിച്ചിട്ടുണ്ടോ;

(സി)	പ്രദേശത്തെ കര്‍ഷക സംഘടനകളുടെയും കൃഷിഭൂമി കൈവശക്കാരുടെയും യോഗം വിളിച്ചുചേര്‍ത്ത് കൃഷി ഇറക്കുന്നതിനാവശ്യമായ നടപടി സ്വീകരിക്കുമോ;

(ഡി)	എങ്കില്‍ സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമെന്ന് വിശദമാക്കുമോ?

നെല്ലിന്റെ ഉല്പാദനം

1516.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	2007-08ല്‍ സംസ്ഥാനത്ത് നെല്‍കൃഷിയുടെ ആകെ വിസ്തീര്‍ണ്ണം എത്ര ഹെക്ടറായിരുന്നു;

(ബി)	ആയത് 2015-16 ആയപ്പോള്‍ എത്രയായി ചുരുങ്ങി;

(സി)	കഴിഞ്ഞ യു.ഡി.എഫ് സര്‍ക്കാര്‍ ഒത്താശയോടെ നെല്‍വയലുകള്‍ വ്യാപകമായി നികത്തിയതിന്റെ ഫലമല്ലേ ഇത്തരത്തില്‍ നെല്‍കൃഷിയുടെ വിസ്തീര്‍ണ്ണം കുറയുവാന്‍ കാരണം; വ്യക്തമാക്കുമോ;

(ഡി)	2016-17ലെ ലഭ്യമായ കണക്കനുസരിച്ച് സംസ്ഥാനത്തെ നെല്‍കൃഷിയുടെ ആകെ വിസ്തീര്‍ണ്ണം എത്ര; 2015-16 നേക്കാള്‍ എത്ര കണ്ടുവര്‍ദ്ധിച്ചു ; നിലവില്‍ നെല്ലിന്റെ ഉല്പാദനം എത്ര ടണ്‍ എന്ന് വ്യക്തമാക്കുമോ ;

(ഇ)	ഈ സര്‍ക്കാര്‍ അധികാരമേറ്റതിനുശേഷം നാളിതുവരെ എത്ര ഏക്കര്‍ സ്ഥലത്ത് പുതുതായി കൃഷിയിറക്കുവാന്‍ കഴിഞ്ഞു; വിശദാംശം വ്യക്തമാക്കുമോ;

(എഫ്)

കഴിഞ്ഞ യു.ഡി.എഫ് സര്‍ക്കാര്‍ ഒത്താശയോടെ നികത്തിയ നെല്‍വയലുകള്‍ തിരിച്ച് പിടിച്ച് അവിടങ്ങളില്‍ നെല്‍കൃഷി പുനരാരംഭിക്കുവാന്‍ ഈ സര്‍ക്കാര്‍ എന്തൊക്കെ നടപടികള്‍ സ്വീകരിക്കും; വിശദാംശം വ്യക്തമാക്കുമോ?

കര്‍ഷകന്റെ വാര്‍ഷിക അറ്റാദായം

1517.

(എ)	5 ഏക്കര്‍ നെല്‍കൃഷിയുള്ള ഒരു കര്‍ഷകന്റെ വാര്‍ഷിക അറ്റാദായം എത്ര രൂപയായിട്ടാണ് കണക്കാക്കിയിട്ടുള്ളത്;

(ബി)	നെല്‍കൃഷിയ്ക്ക് മുന്‍വര്‍ഷത്തേതതില്‍ നിന്നും വ്യത്യസ്തമായി ഏതെല്ലാം ആനുകൂല്യങ്ങളാണ് ഈ വര്‍ഷം അനുവദിച്ചിട്ടുള്ളത് എന്ന് വിശദമാക്കാമോ?

കോഴിക്കോട് ജില്ലയിലെ കാര്‍ഷിക പദ്ധതികള്‍

1518.

(എ)	കൃഷി വകുപ്പ് 2016-17 വര്‍ഷം ഭരണാനുമതി നല്‍കി കോഴിക്കോട് ജില്ലയില്‍ നടപ്പിലാക്കുന്ന പ്രവൃത്തികള്‍ ഏതെല്ലാമാണ്;

(ബി)	പ്രസ്തുത ജില്ലയിലെ വിവിധ മണ്ഡലങ്ങളില്‍ നടപ്പിലാക്കുന്നതിനായി ആവിഷ്കരിച്ചിട്ടുള്ള കാര്‍ഷിക പദ്ധതികള്‍ ഏതെല്ലാം; വിശദമാക്കാമോ?

നിലമ്പൂര്‍ മണ്ഡലത്തിൽ കൃഷി വകുപ്പിലെ ഒഴിവുകൾ

1519.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ മണ്ഡലത്തിലെ മുണ്ടേരി ഫാമില്‍ കാഷ്വല്‍ ലേബര്‍ തസ്തികയിലുള്ള ഒഴിവുകളില്‍ ജീവനക്കാരെ നിയമിക്കുന്നതിനുളള നടപടി സ്വീകരിക്കുമോ; വിശദമാക്കാമോ;

(ബി)	മൂന്ന് വര്‍ഷത്തിലധികമായി ഒരേ ഓഫീസില്‍ ജോലി ചെയ്യുന്നവരുടെ സേവനം മറ്റ് കൃഷി ഓഫീസുകളിലേക്ക് നല്‍കുന്നതിനുളള നടപടി സ്വീകരിക്കുമോ;

(സി)	നിലമ്പൂര്‍ മണ്ഡലത്തിലെ കൃഷി ഓഫീസുകളില്‍ ഏതാെക്കെ തസ്തികകളിലാണ് ജീവനക്കാരില്ലാത്തത്; ജീവനക്കാരുടെ അഭാവം നികത്തുന്നതിനാവശ്യമായ നടപടി സ്വീകരിക്കുമോ?

മാവേലിക്കര മണ്ഡലത്തിലെ ജില്ലാ കൃഷി തോട്ടത്തിലെ ആര്‍.ഐ.ഡി.എഫ് പ്രവൃത്തി

1520.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തില്‍ സ്ഥിതി ചെയ്യുന്ന ജില്ലാ കൃഷി തോട്ടത്തില്‍ ആര്‍.ഐ.ഡി.എഫ്.21-ല്‍ ഉള്‍പ്പെടുത്തി അനുവദിച്ച പ്രവൃത്തിയുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പ്രവൃത്തിയുടെ നിര്‍മ്മാണ മേല്‍നോട്ടം ചുമതലപ്പെടുത്തിയ ഏജന്‍സിയുടെ/എഞ്ചിനീയറിംഗ് വിഭാഗത്തിന്റെ വിശദാംശം ലഭ്യമാക്കുമോ;

(സി)	പദ്ധതി റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

പച്ചത്തേങ്ങ സംഭരണം

1521.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പച്ചത്തേങ്ങ സംഭരണത്തിന്റെ വിലയായി കോഴിക്കോട് ജില്ലയില്‍ ഏതു കാലയളവു വരെയുള്ള കുടിശ്ശിക തുക നല്‍കിയെന്നും ഇനിയെത്ര നല്‍കാനുണ്ടെന്നും കൃഷിഭവന്‍ തിരിച്ച് വിശദാംശം ലഭ്യമാക്കാമോ;

(ബി)	കുടിശ്ശിക തുക അനുവദിക്കുന്നതിന് അടിയന്തര നടപടി സ്വീകരിക്കുമോ?

നെടുമങ്ങാട് വേള്‍ഡ് മാര്‍ക്കറ്റ്

1522.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷി വകുപ്പിന്‍െറ കീഴിലുളള നെടുമങ്ങാട് വേള്‍ഡ് മാര്‍ക്കറ്റ് സംബന്ധിച്ച അഴിമതിയെക്കുറിച്ചുളള അന്വേഷണം ഏതു ഘട്ടത്തിലാണ്;

(ബി)	അഴിമതി കണ്ടെത്താന്‍ കഴിഞ്ഞിട്ടുണ്ടോ; വിശദാംശങ്ങള്‍ നല്‍കാമോ?

വെളിച്ചെണ്ണ വിലവര്‍ദ്ധന

1523.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വെളിച്ചെണ്ണ വില അമിതമായി ഉയരുന്നത് ജനങ്ങളില്‍ ആശങ്ക ഉളവാക്കിയിരിക്കുന്നത് പരിശോധിച്ചിട്ടുണ്ടോ;എന്നാല്‍ ഈ ഉയര്‍ച്ച നാളികേരത്തിന്റെ വിലയില്‍ പ്രതിഫലിക്കുന്നില്ല എന്നത് ശ്രദ്ധയില്‍ വന്നിട്ടുണ്ടോ;

(ബി)	നാളികേര കര്‍ഷകനെ രക്ഷിക്കുന്നതിന് ഗവണ്‍മെന്റ് എന്ത് നടപടി സ്വീകരിച്ചു എന്ന് വ്യക്തമാക്കാമോ?

കൃഷിക്കുള്ള ജലദൗര്‍ലഭ്യം പരിഹരിക്കാന്‍ നടപടി

1524.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം വരള്‍ച്ച നേരിടുന്ന സാഹചര്യത്തില്‍ കൃഷിയെ സംരക്ഷിക്കാന്‍ എന്തൊക്കെ നടപടികള്‍ സ്വീകരിച്ചു എന്ന് വ്യക്തമാക്കുമോ;

(ബി)	കൃഷിക്കുള്ള ജലദൗര്‍ലഭ്യം പരിഹരിക്കാന്‍ നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(സി)	മണ്ണില്‍ ജലാംശം നിലനിര്‍ത്താന്‍ ബാക്ടീരിയ ഉപയോഗിക്കുന്നു എന്ന പത്രവാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം നല്‍കുമോ?

കൃഷിവകുപ്പ് നടപ്പിലാക്കിയ പദ്ധതികള്‍

1525.

(എ)	2016-2017 വര്‍ഷത്തില്‍ കൃഷി വകുപ്പ് നടപ്പിലാക്കിയ പദ്ധതികള്‍ ഏതെല്ലാമാണെന്ന് വ്യക്തമാക്കുമോ;

(ബി)	ഓരോ പദ്ധതിയുടെയും ഉദ്ദേശലക്ഷ്യങ്ങളും വിശദാംശങ്ങളും നല്‍കുമോ;

(സി)	ഓരോ പദ്ധതിക്കും എത്ര തുക വകയിരുത്തിയിട്ടുണ്ടെന്ന് വ്യക്തമാക്കുമോ?

ജൈവവൈപ്പിന്‍ പദ്ധതി

1526.

(എ)	ജൈവവൈപ്പിന്‍ പദ്ധതിയിലുള്‍പ്പെട്ട പ്രവൃത്തികള്‍ ഏതൊക്കെയെന്ന് വിശദമാക്കുമോ;

(ബി)	പ്രസ്തുത പ്രവൃത്തികള്‍ നടപ്പാക്കുന്നതിനായി എത്ര തുകയാണ് അനുവദിച്ചിട്ടുള്ളതെന്ന് വ്യക്തമാക്കുമോ;

(സി)	ഈ പ്രവൃത്തികളില്‍ ഇനിയും നിര്‍മ്മാണം പൂര്‍ത്തിയാക്കാത്തവ ഏതൊക്കെയെന്ന് വ്യക്തമാക്കുമോ;

(ഡി)	തടസ്സപ്പെട്ടുകിടക്കുന്ന ഓരോ പ്രവൃത്തികളും നടപ്പാക്കുന്നതിലെ കാലതാമസം എന്തുകൊണ്ടാണെന്ന് വിശദമാക്കുമോ;

(ഇ)	ഈ പ്രവൃത്തികള്‍ പുനരാരംഭിക്കുന്നതിനായി സ്വീകരിച്ച നടപടികള്‍ എന്തൊക്കെയെന്ന് വിശദമാക്കുമോ?

കാർഷികമേഖലയിൽ വരള്‍ച്ചയുടെ അനന്തരഫലങ്ങൾ

1527.

ശ്രീമതി ഇ.എസ്.ബിജിമോള്‍
ശ്രീ.ജി.എസ്.ജയലാല്‍
,, ഇ.കെ.വിജയന്‍
,, കെ. രാജന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം നേരിട്ടുകൊണ്ടിരിക്കുന്ന അതിരൂക്ഷമായ വരള്‍ച്ച സംസ്ഥാനത്തെ കാര്‍ഷിക മേഖലയെ ഏത് തരത്തിലാണ് ബാധിക്കുന്നതെന്ന് വിലയിരുത്തിയിട്ടുണ്ടോ;

(ബി)	വരള്‍ച്ച മൂലം ഇതുവരെ എത്രമാത്രം കൃഷി നശിച്ചിട്ടുണ്ടെന്നും കര്‍ഷകര്‍ക്ക് എത്ര രൂപയുടെ നഷ്ടം ഉണ്ടായെന്നും കണക്കാക്കിയിട്ടുണ്ടോ ;എങ്കിൽ വ്യക്തമാക്കുമോ;

(സി)	വരള്‍ച്ചയെ പ്രതിരോധിക്കുന്നതിന് കൃഷിവകുപ്പ് എന്തെല്ലാം നടപടികള്‍ സ്വീകരിച്ചുവെന്ന് അറിയിക്കുമോ?

നെല്ലിയാമ്പതി ഓറഞ്ച് വെജിറ്റബിള്‍ ഫാം

1528.

(എ)	നെല്ലിയാമ്പതി ഓറഞ്ച് & വെജിറ്റബിള്‍ ഫാമില്‍ നടപ്പിലാക്കുന്ന വികസന പദ്ധതികളുടെ വിശദാംശം നല്‍കുമോ;

(ബി)	പ്രസ്തുത പദ്ധതിയുമായി ബന്ധപ്പെട്ട് നാളിതുവരെ നടത്തിയ പ്രവര്‍ത്തനങ്ങളുടെ വിശദാംശം നല്‍കുമോ;

(സി)	പ്രസ്തുത വികസന പദ്ധതിയുടെ പൂര്‍ത്തീകരണത്തിന് കാലാവധി നിശ്ചയിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ഡി)	പ്രസ്തുത പദ്ധതിയുടെ പൂര്‍ത്തീകരണത്തോടെ ഓറഞ്ച് & വെജിറ്റബിള്‍ ഫാമില്‍ ഉണ്ടാകാവുന്ന പുരോഗതി സംബന്ധിച്ച വിശദാംശം നല്‍കുമോ?

ആറന്‍മുളയിലും മെത്രാന്‍ കായലിലും കൃഷി

1529.

(എ)	ആറന്‍മുളയിലും മെത്രാന്‍ കായലിലും പുതിയതായി കൃഷിയിറക്കുന്നതിനു വേണ്ടി കൃഷി വകുപ്പ് മുന്‍കൈയെടുത്ത് നടത്തിയ നടപടികള്‍ വിശദമാക്കാമോ;

(ബി)	ഇതിനായി എത്ര തുക ചെലവഴിച്ചുവെന്ന് വെളിപ്പെടുത്താമോ?

കര്‍ഷകര്‍ക്ക് സഹായങ്ങള്‍

1530.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് കൃഷി വകുപ്പുമന്ത്രി സദയം മറുപടി നല്‍കുമോ:

മഴ ലഭിക്കാത്തതിനെത്തുടര്‍ന്ന് കൃഷി നടത്താന്‍ ബുദ്ധിമുട്ടുന്ന കര്‍ഷകര്‍ക്ക് എന്തെല്ലാം സഹായങ്ങളാണ് പ്രഖ്യാപിച്ചിട്ടുള്ളതെന്ന് വ്യക്തമാക്കുമോ?

ഗ്രാമസഭകളില്‍ പങ്കെടുത്ത കൃഷിഭവന്‍ ജീവനക്കാര്‍

1531.

(എ)

കാര്‍ഷിക വിളകളുടെ ഉത്പാദനവും ഉത്പാദനക്ഷമതയും വര്‍ദ്ധിപ്പിക്കുന്നതിനായി പഞ്ചായത്ത് കൃഷിഭവനുകളിലെ ജീവനക്കാര്‍ ഗ്രാമസഭകളില്‍ പങ്കെടുക്കണം എന്ന് നിര്‍ദേശിക്കപ്പെട്ടിട്ടുണ്ടോ; അപ്രകാരം ഒറ്റപ്പാലം അസംബ്ലി മണ്ഡലത്തിലെ ഏതെല്ലാം ഗ്രാമസഭകളിലാണ് കൃഷിഭവനുകളിലെ ജീവനക്കാര്‍ പങ്കെടുത്ത് കാര്‍ഷിക പദ്ധതികളെപറ്റി വിശദീകരണം നല്‍കിയത് എന്നതിന്‍െറ വിശദാംശം കൃഷിഭവന്‍ അടിസ്ഥാനത്തില്‍ നല്‍കാമോ;

(ബി)	കൃഷിഭവനുകളുടെ നേതൃത്വത്തില്‍ ഒറ്റപ്പാലം അസംബ്ലി മണ്ഡലത്തിലെ കര്‍ഷകര്‍ക്ക് പഞ്ചായത്തടിസ്ഥാനത്തില്‍ ഇൗ സര്‍ക്കാര്‍ അധികാരത്തില്‍ വന്നതിനു ശേഷം എത്ര പരിശീലന്ന പരിപാടികള്‍ സംഘടിപ്പിച്ചു; സംഘടിപ്പിച്ചില്ലെങ്കില്‍ കാരണം വിശദമാക്കാമോ?

കര്‍ഷകര്‍ക്ക് നഷ്ടപരിഹാരം

1532.

(എ)	കഴിഞ്ഞ മൂന്നു വര്‍ഷക്കാലമായി കൃഷിനശിച്ച കര്‍ഷകര്‍ക്ക് നാളിതുവരെ ഒരു നഷ്ടപരിഹാരവും നല്‍കിയിട്ടില്ലെന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	പ്രസ്തുത കര്‍ഷകര്‍ക്ക് നഷ്ടപരിഹാരം നല്‍കുന്നതിന് നടപടി സ്വീകരിക്കുമോ?

നെല്‍കൃഷിയുടെ വ്യാപനത്തിനായി പദ്ധതി

1533.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നെല്‍കൃഷിയുടെ വ്യാപനത്തിനായി പഞ്ചായത്തടിസ്ഥാനത്തില്‍ എന്തൊക്കെ പദ്ധതികളാണ് നിലവിലുള്ളതെന്ന് വിശദമാക്കാമോ ;

(ബി)	കാട്ടാക്കട മണ്ഡലത്തില്‍ നെല്‍കൃഷി പ്രദേശങ്ങള്‍ എത്രയാണെന്ന് പഞ്ചായത്ത് തിരിച്ച് വ്യക്തമാക്കാമോ?

പച്ചക്കറിയുടെ ഉല്‍പ്പാദനത്തിലെ കുറവ്

1534.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കടുത്ത വരള്‍ച്ച നേരിടുന്നതുമൂലം കര്‍ഷകര്‍ക്ക് പച്ചക്കറികള്‍ കൃഷി ചെയ്യാന്‍ കഴിയാതെ വന്നതുകാരണം ഇൗ വര്‍ഷം ഉത്പാദനത്തില്‍ എത്ര ടണ്ണിന്റെ കുറവു വരുമെന്നാണ് കണക്കാക്കിയിട്ടുള്ളത്;

(ബി)	വേനല്‍ക്കാലത്ത് പച്ചക്കറിയുടെ ലഭ്യത ഉറപ്പു വരുത്തി വിലക്കയറ്റം തടയുന്നതിന് എന്തു നടപടികളാണ് ഹോര്‍ട്ടി കോര്‍പ്പ് മുഖേന സ്വീകരിക്കാന്‍ ഉദ്ദേശിക്കുന്നത്; വിശദാംശം വ്യക്തമാക്കുമോ?

പച്ചക്കറികളിലെ അമിതമായ കീടനാശിനി ഉപയോഗം തടയുന്നതിന് നടപടി

1535.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പച്ചക്കറികളിലെ വിഷാംശം തടയുന്നതിന് എന്തെല്ലാം നടപടികള്‍ സ്വീകരിച്ചുവെന്ന് അറിയിക്കുമോ;

(ബി)	പച്ചക്കറികളിലെയും ധാന്യവര്‍ഗ്ഗങ്ങളിലെയും അമിതമായ കീടനാശിനി ഉപയോഗം ഉത്പാദന സ്ഥലത്തു തന്നെ തടയുന്നതിന് ആവശ്യമായ നടപടി സ്വീകരിക്കുമോ; എങ്കില്‍ വിശദാംശം അറിയിക്കുമോ?

വരൾച്ചബാധിതരായ കര്‍ഷകരെ സഹായിക്കാന്‍ നടപടി

1536.

(എ)	കടുത്ത വരള്‍ച്ചയും ജലദൗര്‍ലഭ്യവുമുളള സംസ്ഥാനത്ത് കഴിഞ്ഞ ഒക്ടോബര്‍ (2016) മുതല്‍ നാളിതുവരെ എത്ര തുകയുടെ കൃഷി നഷ്ടമുണ്ടായി എന്നു സര്‍ക്കാര്‍ വിലയിരുത്തിയോ എങ്കില്‍ വിശദാംശം ലഭ്യമാക്കുമോ;

(ബി)	നിലവില്‍ എത്ര ഹെക്ടര്‍ ഭൂമിയിലുളള കൃഷിക്കാണ് വരള്‍ച്ച നേരിട്ടതെന്നും പ്രധാന വിളകളായ നെല്‍കൃഷി, തെങ്ങ്, അടയ്ക്ക, വാഴ, കുരുമുളക്, പച്ചക്കറി, കാപ്പി, റബ്ബര്‍ (വെട്ടുന്നതും അല്ലാത്തതും) നെല്ല് ഇവ ഓരോന്നിലും കര്‍ഷകരെ എത്തരത്തില്‍ ബാധിച്ചിട്ടുണ്ട് എന്നും വ്യക്തമാക്കുമോ;

(സി)	പ്രസ്തുത വരള്‍ച്ച നേരിടാന്‍ സംസ്ഥാനം കേന്ദ്ര സര്‍ക്കാരിനോട് എത്ര തുകയുടെ സഹായം ആവശ്യപ്പെട്ടു എന്നും കേന്ദ്ര സര്‍ക്കാര്‍ എത്ര തുക നല്കി എന്നും, ഇത് പര്യാപ്തമല്ല എങ്കില്‍ സര്‍ക്കാര്‍ എന്തു നടപടികള്‍ ഉദ്ദേശിക്കുന്നു എന്നും വ്യക്തമാക്കുമോ;

(ഡി)	ഇത്തരുണത്തില്‍ സംസ്ഥാനത്തെ കര്‍ഷകരെ സഹായിക്കാന്‍ എന്തു നടപടികള്‍ സ്വീകരിക്കും എന്നും വ്യക്തമാക്കുമോ?

വിളവൂര്‍ക്കല്‍ കൃഷിഭവന്‍

1537.

(എ)	കാട്ടാക്കട മണ്ഡലത്തിലെ വിളവൂര്‍ക്കല്‍ ഗ്രാമപഞ്ചായത്തില്‍ കൃഷിഭവന്‍ നിര്‍മ്മിക്കുന്നത് സംബന്ധിച്ച് എന്തെങ്കിലും നടപടി സ്വീകരിച്ചിട്ടുണ്ടോയെന്ന് വിശദമാക്കാമോ;

(ബി)	ഉണ്ടെങ്കില്‍ ആയത് വേഗത്തിലാക്കാനുള്ള നടപടി സ്വീകരിക്കുമോ?

മാവേലിക്കരയിലെ കേരഗ്രാമം പദ്ധതി

1538.

(എ)	മാവേലിക്കര നിയോജകമണ്ഡലത്തില്‍ നടപ്പാക്കിവരുന്ന കേരഗ്രാമം പദ്ധതിയുടെ വിശദവിവരം ലഭ്യമാക്കുമോ;

(ബി)	എത്ര പഞ്ചായത്തുകളില്‍ എത്ര ഹെക്ടര്‍ സ്ഥലത്താണ് പദ്ധതി നടപ്പിലാക്കുന്നതെന്ന് വിശദമാക്കുമോ?

അഗ്രിഫാമുകളുടെ പ്രവര്‍ത്തനം മെച്ചപ്പെടുത്താന്‍ നടപടി

1539.

(എ)	സംസ്ഥാനത്തെ അഗ്രിഫാമുകളുടെ പ്രവര്‍ത്തനം മെച്ചപ്പെടുത്തുന്നതിന് ഈ സര്‍ക്കാര്‍ അധികാരത്തില്‍ വന്നശേഷം എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	അഗ്രിഫാമുകളുടെ കീഴിലുള്ള സ്ഥലങ്ങളില്‍ കൃഷി ഇറക്കാതെ തരിശ്ശിടുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	അഗ്രിഫാമുകളുടെ കൈവശമുള്ള സ്ഥലങ്ങളില്‍ പൂര്‍ണ്ണമായും കൃഷി ഇറക്കാനും അത്യുല്പാദന ശേഷിയുള്ള വിത്തുകളുടെ ലഭ്യത ഉറപ്പാക്കുന്നതിനും ആവശ്യമായ നടപടി സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ?

കര്‍ഷകപെന്‍ഷന്‍ കുടിശിക

1540.

(എ)	കാമാക്ഷി ഗ്രാമപഞ്ചായത്തിലെ കൃഷിഭവന്‍ മുഖേനയുള്ള കര്‍ഷക പെന്‍ഷന്‍ മുടങ്ങിയ വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ എന്നുമുതലാണ് പെന്‍ഷന്‍ മുടങ്ങിയത്; കാരണം വ്യക്തമാക്കുമോ;

(ബി)	കര്‍ഷക പെന്‍ഷന്‍ കുടിശിക നടപ്പു സാമ്പത്തിക വര്‍ഷം തന്നെ കൊടുത്തു തീര്‍ക്കുന്നതിന് നടപടി സ്വീകരിക്കുമോ ?

തരിശുപാടങ്ങളിലെ കൃഷി

1541.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നെല്‍കൃഷി പ്രോത്സാഹിപ്പിക്കുന്നതിന്റെ ഭാഗമായി, വര്‍ഷങ്ങളായി തരിശായി കിടക്കുന്ന പാടങ്ങളില്‍ കൃഷിയൊരുക്കുന്ന കര്‍ഷകര്‍ക്കും കര്‍ഷക സമിതികള്‍ക്കും എന്തെങ്കിലും പ്രത്യേക ആനുകൂല്യങ്ങള്‍ നല്‍കുന്നതിന് നടപടി സ്വീകരിച്ചിട്ടുണ്ടോ;

(ബി)	ഇത്തരത്തില്‍ തരിശു ഭൂമികളില്‍ നെല്‍കൃഷി ഇറക്കുന്ന കര്‍ഷകസമിതികള്‍ക്കും ഗ്രൂപ്പുകള്‍ക്കും പ്രത്യേക സഹായങ്ങളും, പ്രോത്സാഹനങ്ങളും നല്‍കുന്നതിന് ആലോചിക്കുന്നുണ്ടോ; വിശദമാക്കുമോ?

വിഷാംശമില്ലാത്ത ജൈവപച്ചക്കറികള്‍

1542.

ശ്രീ.വി.എസ്.ശിവകുമാര്‍
,, എ.പി. അനില്‍ കുമാര്‍
,, അനില്‍ അക്കര
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വിഷാംശമില്ലാത്ത ജൈവപച്ചക്കറികളുടെ ഉല്‍പ്പാദനം കാര്യക്ഷമമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ബി)	വിഷരഹിത ‍ജൈവപച്ചക്കറികളുടെ ഉല്‍പ്പാദനം പ്രോത്സാഹിപ്പിക്കുന്നതിനായി കര്‍ഷകരില്‍ നിന്നും ഉയര്‍ന്ന വിലയ്ക്ക് പച്ചക്കറികള്‍ ശേഖരിച്ച് ഹോര്‍ട്ടികോര്‍പ്പ്, വി.എഫ്.പി.സി.കെ. എന്നിവ മുഖേന ജനങ്ങള്‍ക്ക് മിതമായ നിരക്കില്‍ വിപണനം നടത്തുന്നതിന് നടപടി സ്വീകരിക്കുമോ;

(സി)	വിഷാംശമുള്ള പച്ചക്കറികള്‍ പൊതുവിപണിയില്‍ നിന്നും ചെക്ക്പോസ്റ്റുകളില്‍ നിന്നും പിടിച്ചെടുത്ത് നശിപ്പിക്കുന്നതിനും നടപടി സ്വീകരിക്കുന്നതിനും ശ്രമിക്കുമോ?

കാര്‍ഷികമേഖലയില്‍ വരള്‍ച്ചമൂലം നഷ്ടം

1543.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് കൃഷി വകുപ്പുമന്ത്രി സദയം മറുപടി നല്‍കുമോ:

2016 - 2017 സാമ്പത്തിക വർഷത്തിൽ സംസ്ഥാനത്തെ കാര്‍ഷിക മേഖലയില്‍ വരള്‍ച്ച മൂലമുണ്ടായിട്ടുള്ള നഷ്ടം കണക്കാക്കിയിട്ടുണ്ടോ; വിശദാംശം വെളിപ്പെടുത്താമോ?

ഹോര്‍ട്ടികോര്‍പ്പ് ജീവനക്കാരുടെ പ്രോവിഡന്റ് ഫണ്ട്

1544.

(എ)	ഹോര്‍ട്ടികോര്‍പ്പ് ജീവനക്കാരുടെ പ്രോവിഡന്റ് ഫണ്ട് തുക തിരിമറി നടത്തിയതായി കണ്ടെത്തിയിട്ടുണ്ടോ;

(ബി)	പ്രസ്തുത തുക കൃത്യമായി അടയ്ക്കാത്തതിനാല്‍ പിഴ അടയ്ക്കേണ്ട സാഹചര്യമുണ്ടായിട്ടുണ്ടോ;

(സി)	ഹെഡ് ഓഫീസ് അക്കൗണ്ടന്റിന്റെ ചുമതല ആരാണ് വഹിക്കുന്നത്; അദ്ദേഹത്തെ വിജിലന്‍സ് അന്വേഷണത്തിന്റെ അടിസ്ഥാനത്തില്‍ തല്‍സ്ഥാനത്തു നിന്ന് മാറ്റി നിര്‍ത്തണമെന്ന് ശിപാര്‍ശ ചെയ്തിട്ടുണ്ടോയെന്ന് വ്യക്തമാക്കുമോ?

ഹോര്‍ട്ടികള്‍ച്ചര്‍ മിഷന് വിവിധ പദ്ധതികള്‍ക്കായി ലഭിച്ച തുക

1545.

(എ)	സംസ്ഥാന ഹോര്‍ട്ടികള്‍ച്ചര്‍ മിഷന് ഈ സാമ്പത്തിക വര്‍ഷത്തില്‍ (2016-2017) എത്ര തുക വിവിധ പദ്ധതികള്‍ക്കായി ലഭിച്ചു എന്ന് വ്യക്തമാക്കാമോ;

(ബി)	ഈ സാമ്പത്തിക വര്‍ഷം ഇതുവരെയായി ലഭ്യമായ തുകയില്‍ എത്ര തുക കര്‍ഷകര്‍ക്കുവേണ്ടിയും വിവിധ പദ്ധതികള്‍ക്ക് വേണ്ടിയും വിനിയോഗിച്ചുവെന്ന് വിശദമാക്കാമോ;

(സി)	കൂടുതല്‍ ഫണ്ടുകള്‍ ലഭ്യമാകുന്നതിന് ഏന്തെല്ലാം നടപടികളാണ് സ്വീകരിച്ചതെന്നും ആയതിന്റെ പുരോഗതി എത്രമാത്രമാണെന്നും വ്യക്തമാക്കാമോ?

നെയ്യാറ്റിന്‍കരയിലെ വെണ്‍കുളം നവീകരണം

1546.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര മണ്ഡലത്തിലെ കാരോട് പഞ്ചായത്തില്‍ ജലസേചനത്തിനായുള്ള വെണ്‍കുളം നവീകരണവുമായി ബന്ധപ്പെട്ട് വന്‍ അഴിമതി നടന്നതായ ആരോപണത്തെക്കുറിച്ച് നല്കിയ പരാതിയുടെ അടിസ്ഥാനത്തിലുള്ള അന്വേഷണം ഏത് ഘട്ടത്തിലാണെന്ന് വ്യക്തമാക്കുമോ;

(ബി)	കൃഷി വകുപ്പുമായി ബന്ധപ്പെട്ട് 2011 മുതല്‍ 2016 വരെ നടപ്പിലാക്കിയ വിവിധ പദ്ധതികളും അവയ്ക്കായി ആകെ ചെലവഴിച്ച തുകയും എത്ര; ഇക്കാര്യത്തില്‍ യഥാര്‍ത്ഥ കൃഷിക്കാര്‍ക്ക് ആനുകൂല്യം ലഭിച്ചില്ലായെന്നുളള ആക്ഷേപം പരിശോധിച്ചിട്ടുണ്ടോ;

(സി)	നെല്‍കൃഷി വ്യാപിപ്പിക്കുവാന്‍ പ്രഖ്യാപിച്ച നടപടികള്‍ മണ്ഡലത്തില്‍ എത്രകണ്ട് പുരോഗതിയുണ്ടാക്കിയിട്ടുണ്ട്; ഇക്കാര്യത്തില്‍ ഏതെങ്കിലും മേഖലയില്‍ അലംഭാവം ശ്രദ്ധയില്‍പ്പെട്ടിട്ടുണ്ടോ?

നെല്‍കൃഷിക്കാര്‍ക്ക് നഷ്ടപരിഹാരം

1547.

(എ)

മണ്‍സൂണ്‍ കാലത്തും തുലാവര്‍ഷക്കാലത്തും ലഭിക്കേണ്ട മഴയുടെ അളവില്‍ 50%ത്തോളം കുറവു വന്നതുമൂലമുണ്ടായ രൂക്ഷമായ വരള്‍ച്ചയുടെ അടിസ്ഥാനത്തില്‍ സംസ്ഥാനത്താകെ എത്ര ഏക്കര്‍ നെല്‍കൃഷി ഉണങ്ങിപ്പോയിട്ടുണ്ടെന്നാണ് കൃഷി വകുപ്പ് കണക്കാക്കിയിട്ടുള്ളത്; ഇതു മൂലം ഉല്‍പ്പാദനത്തില്‍ എത്ര ടണ്ണിന്റെ കുറവു വരുമെന്നാണ് കണക്കാക്കിയിട്ടുള്ളത്;

(ബി)	നെല്‍കൃഷി നശിച്ച കര്‍ഷകര്‍ക്ക് നഷ്ടപരിഹാരം നല്‍കുന്നതിനായി കേന്ദ്ര സര്‍ക്കാരില്‍ നിന്നും ധനസഹായം ലഭിച്ചിട്ടുണ്ടോ; ഉണ്ടെങ്കില്‍ അതിന്റെ വിശദാംശം വ്യക്തമാക്കുമോ?

ഹോര്‍ട്ടീകോര്‍പ്പില്‍ ജനറല്‍മാനേജരുടെ തസ്തിക

1548.

(എ)	ഹോര്‍ട്ടീകോര്‍പ്പില്‍ ജനറല്‍മാനേജരുടെ തസ്തികയ്ക്ക് സര്‍ക്കാര്‍ അംഗീകാരം ഉണ്ടോ;

(ബി)	ജനറല്‍ മാനേജര്‍ തസ്തികയില്ലാതെ പുതുതായി ജനറല്‍ മാനേജരെ എപ്രകാരമാണ് നിയമിച്ചത്;

(സി)	ഹോര്‍ട്ടീകോര്‍പ്പില്‍ ജില്ലാ ഓഫീസര്‍മാരെ തരംതാഴ്ത്തിയ ശേഷം അഗ്രിക്കള്‍ച്ചര്‍ ഓഫീസര്‍മാരെ നിയമിക്കുമ്പോള്‍ ഇവരുടെ അധികബാധ്യത എപ്രകാരമാണ് വഹിക്കുന്നത്?

ഹോര്‍ട്ടികോര്‍പ്പിന്റെ ഹരിതസ്റ്റാളുകള്‍

1549.

(എ)	സംസ്ഥാനത്ത് ഹോര്‍ട്ടിക്കോര്‍പ്പിന്റെ നേതൃത്വത്തില്‍ പ്രവര്‍ത്തിച്ചു വരുന്ന ഹരിത സ്റ്റാളുകളിലൂടെ പൊതു വിപണിയേക്കാള്‍ എത്ര ശതമാനം വിലക്കുറവിലാണ് പഴങ്ങളും പച്ചക്കറികളും മറ്റ് ഉല്‍പ്പന്നങ്ങളും വില്‍ക്കുന്നത്; വിലവിവരമുള്‍പ്പെടെയുള്ള വിശദാംശം നല്‍കുമോ;

(ബി)	ഈ സ്ഥാപനങ്ങളിലേക്ക് പ്രധാനമായും എവിടെ നിന്നാണ് പഴങ്ങളും പച്ചക്കറികളും മറ്റും വാങ്ങുന്നത്; സംസ്ഥാനത്തെ കര്‍ഷകരില്‍ നിന്നും വാങ്ങുന്നവ മാത്രമാണോ വില്‍ക്കപ്പെടുന്നതെന്ന് വ്യക്തമാക്കുമോ;

(സി)	ഇല്ലെങ്കില്‍ മറ്റ് എവിടെയെല്ലാം നിന്നാണ് വാങ്ങുന്നതെന്നും ഇതിന് ഇടനിലക്കാരുണ്ടോയെന്നുമുള്ള പൂര്‍ണ്ണ വിശദാംശം ലഭ്യമാക്കുമോ;

(ഡി)	പഴങ്ങളുടെയും പച്ചക്കറികളുടെയും വില ക്രമാതീതമായി വര്‍ദ്ധിച്ച് വരുന്ന സാഹചര്യത്തില്‍ വില വര്‍ദ്ധനവ് പിടിച്ചു നിര്‍ത്താന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ?

കാര്‍ഷിക യൂണിവേഴ്സിറ്റിക്ക് കീഴില്‍ ഒഴിവുകള്‍

1550.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ കാര്‍ഷിക യൂണിവേഴ്സിറ്റിയുടെ അധീനതയിലുള്ള പീലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തിലും, പടന്നക്കാട് കാര്‍ഷിക കോളേജിലും വിവിധ തസ്തികകളിലായി എത്ര ഒഴിവുകള്‍ നിലവിലുണ്ട്; തസ്തിക തിരിച്ച് വ്യക്തമാക്കാമോ;

(ബി)	ഇതില്‍ എത്ര ഒഴിവുകള്‍ കരാര്‍, ദിവസ വേതന പ്രകാരം നികത്തിയിട്ടുണ്ട്;

(സി)	വര്‍ഷങ്ങളായി ഒഴിഞ്ഞുകിടക്കുന്ന തസ്തികകളില്‍ സ്ഥിര നിയമനം നടത്തുന്നതിന് എന്തു തടസ്സമാണുള്ളതെന്നും പ്രസ്തുത ഒഴിവുകള്‍ എപ്പോള്‍ പി.എസ്.സി.ക്ക് റിപ്പോര്‍ട്ട് ചെയ്ത് സ്ഥിരനിയമനം നടത്തുമെന്നും വ്യക്തമാക്കാമോ?

ഫാമുകളില്‍ തൊഴിലാളികളുടെ ഒഴിവുകള്‍

1551.

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കേരള കാര്‍ഷിക സര്‍വ്വകലാശാലയുടെ വിവിധ ഫാമുകളില്‍ കാഷ്വല്‍ ലേബര്‍ തസ്തികയില്‍ റാങ്ക് ലിസ്റ്റ് നിലവിലുണ്ടോ; ഉണ്ടെങ്കില്‍ പ്രസ്തുത ലിസ്റ്റില്‍ നിന്നും എത്രപേരെ നിയമിച്ചിട്ടുണ്ടെന്ന് അറിയിക്കാമോ;

(ബി)	പ്രസ്തുത ഫാമുകളില്‍ തൊഴിലാളികളുടെ എത്ര ഒഴിവുകള്‍ ഉണ്ട്;

(സി)	ഒഴിവുകള്‍ നികത്തുന്നതിനാവശ്യമായ നടപടികള്‍ സ്വീകരിക്കുമോ?

അഗ്രികള്‍ച്ചറല്‍ പോളിടെക്നിക്കുകളുടെ പ്രവര്‍ത്തനം

1552.

(എ)	സംസ്ഥാനത്ത് 2016-2017 സാമ്പത്തിക വര്‍ഷം എത്ര അഗ്രികള്‍ച്ചറല്‍ പോളി ടെക്നിക്കുകൾ ആരംഭിക്കുവാനാണ് ഉദ്ദേശിക്കുന്നതെന്നും അവ എവിടെയെല്ലാമാണെന്നും വ്യക്തമാക്കാമോ;

(ബി)	അവ ആരംഭിക്കുന്നതിന് കാലതാമസം നേരിടുന്നതിനുള്ള കാരണമെന്തെന്നും ഇത് എന്നത്തേക്ക് പ്രവര്‍ത്തനം ആരംഭിക്കുമെന്നും വ്യക്തമാക്കാമോ;

(സി)	ഇതിന് ബഡ്ജറ്റ് പ്രൊവിഷന്‍ ഉണ്ടോയെന്നും ഏത് സാമ്പത്തിക വര്‍ഷത്തെ ബഡ്ജറ്റിലാണ് പോളിടെക്നിക്കുകള്‍ ആരംഭിക്കാന്‍ തുടക്കം കുറിച്ചതെന്നും ബഡ്ജറ്റ് പ്രപ്പോസലില്‍ മാറ്റം വരുത്തിയിട്ടുണ്ടോയെന്നും വ്യക്തമാക്കാമോ?

അഗ്രിക്കള്‍ച്ചര്‍ സയന്‍സ് കോഴ്സ്

1553.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വൊക്കേഷണല്‍ ഹയര്‍സെക്കന്ററി അഗ്രിക്കള്‍ച്ചര്‍ സയന്‍സ് കോഴ്സ് പാസ്സാകുന്നവര്‍ക്ക് സര്‍ക്കാര്‍ മേഖലയില്‍ നാമമാത്രമായ അവസരം മാത്രമാണ് ലഭിക്കുന്നത് എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	അഗ്രിക്കള്‍ച്ചറല്‍ അസിസ്റ്റന്റ് ഗ്രേഡ്-2 തസ്തികയുടെ അടിസ്ഥാന യോഗ്യതയായി ഡിപ്ലോമ (അഗ്രി) ക്ക് തുല്യമായി വി.എച്ച്.എസ്.ഇ. (അഗ്രി) ഉള്‍പ്പെടുത്തുന്നതിന് ആവശ്യമായ നടപടി സ്വീകരിക്കുമോ?

അഗ്രിക്കള്‍ച്ചര്‍ എഞ്ചിനീയറിംഗ് വിദ്യാര്‍ത്ഥികളുടെ ജോലി സാധ്യത

1554.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കേരള കാര്‍ഷിക സര്‍വ്വകലാശാലയുടെ കീഴിലുള്ള കേളപ്പജി കോളേജ് ഓഫ് അഗ്രിക്കള്‍ച്ചര്‍ എഞ്ചിനീയറിംഗ് ആന്റ് ടെക്നോളജിയില്‍ നിന്നും പഠിച്ച് പുറത്തിറങ്ങുന്ന എഞ്ചിനീയറിംഗ് വിദ്യാര്‍ത്ഥികള്‍ക്ക് സര്‍ക്കാര്‍ സര്‍വ്വീസില്‍ വേണ്ടത്ര ജോലി സാധ്യതയില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ജില്ലാ തലത്തില്‍ നിലവിലുള്ള അസിസ്റ്റന്റ് എക്സിക്യുട്ടീവ് എഞ്ചിനീയര്‍ ഓഫീസിനോട് ചേര്‍ന്ന് ഓരോ കാര്‍ഷിക എഞ്ചിനീയറിംഗ് ഇന്‍ഫര്‍മേഷന്‍ സെന്ററുകള്‍ സ്ഥാപിച്ച് ഇവരുടെ ജോലി സാധ്യത വര്‍ദ്ധിപ്പിക്കുന്ന കാര്യം പരിഗണിക്കുമോ?

വെറ്ററിനറി കോളേജുകള്‍

1555.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര വെറ്ററിനറി കോളേജുകള്‍ നിലവിലുണ്ട്;

(ബി)

പുതിയ വെറ്ററിനറി കോളേജുകള്‍ തുടങ്ങാന്‍ കഴിഞ്ഞ സര്‍ക്കാരിന്റെ ഉത്തരവനുസരിച്ച് പ്രാരംഭ പ്രവര്‍ത്തനങ്ങള്‍ നടത്തി വന്ന തിരുവനന്തപുരത്തെ ആര്യനാട്, ആലപ്പുഴയിലെ ഹരിപ്പാട്, കോട്ടയം എന്നീ സ്ഥലങ്ങളിൽ പ്രവര്‍ത്തനം ഉടന്‍ ആരംഭിക്കുമോ;ഇവയുടെ ഇപ്പോഴത്തെ സ്ഥിതി വ്യക്തമാക്കാമോ; പ്രസ്തുത സര്‍വ്വകലാശാലയുടെ കീഴില്‍ പുതിയ കോളേജുകള്‍ മറ്റ് സ്ഥലങ്ങളില്‍ തുടങ്ങാന്‍ സര്‍ക്കാര്‍ ആലോചിക്കുന്നുണ്ടോ;

(സി)	സംസ്ഥാനത്ത് മൃഗസംരക്ഷണവും പാലിന്റെ ദൗര്‍ലഭ്യവും ഉള്‍പ്പെടെയുളള വിഷയങ്ങള്‍ പരിഹരിക്കുന്നതിന് വെറ്റിനറി സര്‍വകലാശാലയുടെ പ്രവര്‍ത്തനക്ഷമത വര്‍ദ്ധിപ്പിച്ച് മൃഗസംരക്ഷണവും പാല്‍ദൗര്‍ലഭ്യവും മൃഗവേട്ടകളും മൃഗങ്ങളോടുളള ക്രൂരതയും അവസാനിപ്പിക്കാന്‍ അടിയന്തര നടപടി സ്വീകരിക്കുമോ;

(ഡി)

വെറ്റിനറി സര്‍വ്വകലാശാലയിലേക്ക് ഫിസിക്കല്‍ എഡ്യൂക്കേഷന്‍ അസിസ്റ്റന്റ് പ്രൊഫസര്‍ തസ്തികയിലേക്ക് തെരഞ്ഞെടുക്കപ്പെട്ട ഉദ്യോഗാര്‍ത്ഥികളുടെ റാങ്ക് ലിസ്റ്റ് പ്രസിദ്ധീകരിച്ച് ഒന്നരവര്‍ഷമായിട്ടും ലിസ്റ്റില്‍ നിന്നും അഞ്ചുപേര്‍ക്ക് മാത്രമേ നിയമനം നല്‍കിയിട്ടുളളൂ എന്ന കാര്യം ശ്രദ്ധയില്‍പ്പെട്ടിട്ടുണ്ടോ; മറ്റുളളവര്‍ക്ക് ഇനി ഒരിടത്തും അപേക്ഷിക്കുവാന്‍ സാങ്കേതിക കാരണങ്ങള്‍ മൂലം കഴിയാത്തവരാണെന്ന യാഥാര്‍ത്ഥ്യം മനസ്സിലാക്കി അവര്‍ക്ക് സംരക്ഷണം നല്‍കുവാന്‍ സര്‍ക്കാര്‍ തയ്യാറാകുമോ;

(ഇ)

നിലവില്‍ ഒരു കോളേജില്‍ ഒരു ഫിസിക്കല്‍ എഡ്യൂക്കേഷന്‍ അസിസ്റ്റന്റ് പ്രൊഫസര്‍ എന്നത് മാറ്റി ഒരു കോളേജില്‍ രണ്ട് പേരെയെങ്കിലും നിയമിക്കുവാന്‍ നടപടി സ്വീകരിക്കുമോ;അല്ലാത്ത പക്ഷം സാധ്യത പരിശോധിച്ച് അത്രയും ഉദ്യോഗാര്‍ത്ഥികളെ സര്‍വകലാശാലാ ആസ്ഥാനത്ത് നിയമനം നല്‍കി അവരുടെ ഉന്നത വിദ്യാഭ്യാസ യോഗ്യത പരിഗണിച്ച് താല്‍ക്കാലികമായി മറ്റ് ഡ്യൂട്ടികളില്‍ പ്രവേശിപ്പിച്ച് അവരെ സംരക്ഷിക്കുവാന്‍ നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.